439
أَوقفتُ قلمِي في حُبِ الحُسينِ فغيرِ حُبهِ لمْ أَجدْ يَهويني غداً ان بُعثتُ الىٰ يومِ الحِسابِ رِثائي إِليهِ سوفَ يُنجيني ✍️
اعله ابني جنّها مشتبكة الهنادي
و الكلب جنّه سمع يمه ينادي
يمه يا ليلى يصيح
اكبرج طايح ذبيح
————————————
بيك اشمن ريحة موادع اخير
تاه فكري واعرفه هذا المصير
احساس كلي يرجع اوصاله بحصير
وحيره تاخذني وترد ونوب احير
يبني اني ودمعتي بحسره اكابر
ربي احفظلي علي من المخاطر
دمعتي من دم تطيح
اكبرج طايح ذبيح
—————————————-
يا الهي ويستغث خاف الكلب
والسيوف تحيطه و ارماح الغرب
مكطع اوصاله وبقه دمه يصب
البيض هاي مشرعه ابصدره نصب
كعبة صار بحومته وجسمه تطوفه
الكّطعو اوصاله منو يكدر يروفه
عالارض دمه يسيح
اكبرج طايح ذبيح
——————————————
جسمه رايح تنهشه حصة الرماح
وهذا ثوبك يلولد بحضن الجراح
يمه تاركني رحت بس للنياح
مابرح حزني يظل ليل وصباح
هالجمال الاحمدي تلمه حصيره
وهذه عظامك تنجوي بحر الظهيره
نايم معفر جريح
اكبرج طايح ذبيح
—————————————
صدك ما اشوفه بعد يمه الجمال
والربه تعب السهر ذاك الدلال
اعله هونك يلولد جن حملي مال
دهرك يكلي بعد يرجع محال
جن اشوفه المصطفى بالطف رميه
و مكسره اضلوعه بحوافر اعوجيه
ويلي بالبيده طريح
اكبرج طايح ذبيح
—————————————
ابن غانم ماسلم من ضربتك
الحومه طلكت ولطفوفه جابتك
وجفوف ابو فاضل نعم من ربتك
يعني خريج الشريعة سيرتك
تربية عمه وكفو بدر الهواشم
وراسه بيده حامله لبكر بن غانم
هاشمي وسيفه صريح
اكبرج طايح ذبيح —————————————-
هي مو تعلوم معروفه الطباع
علي من حيود الوغى تعده السباع
من جثههم مشبعه بسيفه الجياع
تسجد اركاب العده برهبه تطاع
من برز ياهيبته مفرّگ الكتايب
عنده نزهه من دخل سوح الحرايب
بالحرب دمهم تبيح
اكبرج طايح ذبيح
علي موفق القزاز
المن تخليني ..يلماخذ سنيني
ترجعلي وانتظرك
وين وين حاجيني يوليدي
وين وين يافرحتي وعيدي
ترجعلي وانتظرك
———————————-
گلت جّسام يكبر وبيدي ازفنه
ابني وحكي افخر بتعبي اكبرنه
لشبابك راح احضر الياس والحنه
يوم ويوم يكبر حلمي الاريدنه
تحجيلك احلامي...تفرّحها ايامي
يلمكتمل بدرك
وين وين ياشمعة ادروبي
وين وين بدمعاتي مكتوبي
ترجعلي وانتظرك
——————————-
ثوب العرس يمه لايك لطولك
واشوفن للحرب لامه يفصلولك
متعني لطفوفك كاموا يكلولك
ولنصرة احسينك يبني يحجولك
ينصر ابو اليمه ...يضحي اله بدمه
تفدي اله عمرك
راح راح يبني تفاركني
راح راح دهرك يباعدني
ترجعلي وانتظرك
————————————
لكلشي محسبه وممحسبه لوداعك
سفينة حبنه تغرك لو كسروا شراعك
باجر من تردلي شمكثر اوجاعك
وبجسمك جروحك صايره امتاعك
عايفني يوليدي...وانه اصفك ابيدي
ماينتظر دهرك
وين وين دمعاتي بخدودي
وين وين لتخّيبه معهودي
ترجعلي وانتظرك
————————————
طفوا شمعتي يوليدي من امشيت
ياخطوة رحيلك ارجعلي ماحنيت
لوّن مره تجيني بالطف مامريت !
تدري بعيني دمعه من رحت ماخليت
متحيره خلاني...ماتخلص احزاني
ادور العطرك
وين وين يلدوهنت فكري
وين وين مايحتمل صبري
ترجعلي وانتظرك
————————————
ساعة من يرد متخضب بدمه
عله احواله منكسر ياناس عمه
ويجيبه لخيمته وانتحب يمه
دحاجيني يجاسم وكول يايمه
فدواتك دحاجيني...فايضلك حنيني
وبياكلب انظرك
وين وين هالرايح جماله
وين وين وترابه حلاله
ترجعلي وانتظرك
————————————
لهل ساعة تمنّوا ربعك يزفوك
مو رايح الحتفك وبالدمه يشوفك
يبني وانت نايم عالرمل إيخلوك
مكطع ذاك طولك عطشان ويذبحوك
يامعظم مصابه ...من دفنو شبابه
واتوسد بكترك
وين وين ماترحم ادموعي
وين وين احزاني موضوعي
ترجعلي وانتظرك
علي موفق القزاز
( وزن المذيل-المقطع)
ابني من دم منحره مغسلينه
ذنبه شَربة ماي ممشربينه
——————————
جانت احلامه زغيره هالطفل
جن بدر بليلة تمامه مكتمل
راد شربة ماي مو مالت جتل
ابني ياناس العده معطشينه
——————————
يبجي كاروكه من إمناغه سكت
شهل مصيبة عالكلب من انزلت
بضيم احزاني وجروحي فرفحت
والده وكلبي بألم مرّوعينه
——————————-
عله خدوده يغفه وينام النده
ترف ابني وحار رمل ايوسده
والضمه بذيجه شفافه يمرده
اه من ذبحوا جمال اسنينه
——————————-
برد حضني وكل حناني انذبح
يوم كالوا ركبته دمها انسفح
لا هنا عمري ولا حزني برح
من يرد لخيمته مخضبينه
—————————-
بين اديه تغفه يوليدي جنت
لجن باحضان المنايه غربت
فكدك ادهاني تراني اتلوعت
يساعده الله والده ويعينه
——————————-
ويلي ياسهم الغدر حار الاجاك
عجب ستة اشهور ماخلص رباك
ريت اشوفنه كبر طولك هذاك
ادعي ربي هالصبر ينطينه
——————————-
والبراءة تنام يحضنها التراب
ذاك طولك يختفي يصبح سراب
وجهك النوراني بدموم الخضاب
وبيَّ جن سهم الاسى مصوبينه
——————————
علي موفق القزاز
إلكربله جان الحسن مضمونه
إدير ظلت للحسين عيونه
—————————-
عند غاية ومعرفه بهذا الصلح
مو طمع كرسي ولا مُلك وربح
عنده دايم يبقه دين الله السمح
وينعبد رب السمه مكنونه
——————————
النّور ميصافح ابد ايد الظلام
والرساله يريد الدينه التمام
إشرارة الثورة بدت بهذا الامام
نورَ ماكدروا ابد يطفونه
——————————
يستمر نهج النبي يعم العدل
ينعبد رب السمه هذا الاصل
لا هبل رب اتخذ من ينجعل
ويُمحه دين المصطفى ينهونه
——————————
غايه عدهم واحده كرسي الحكم
من ال سفيان الغدر واهل الظلم
يريد ابليس ايتصدر بكل جرم
ابليس يقيم الشرع يردونه !
——————————-
مبدأه جان الحسن طف كربله
يستقم دين السمه بأهل العُلا
إتوّذره احسينه عسلان الفله
خامس اصحاب الكسه يذبحونه
——————————
البيض بالطف تّنهشه مامعترض
دين جده غايته من ينحفظ
وكل عباده اديم كل ذكر وفرض
يريد دين الباري ميتركونه
——————————-
عاف دنيه الفانيه وجان القرار
ثبت ابدم الشرف هل انتصار
وراح باجر عيلته بغربه تُسار
خلاف عينه الحادي يحدي إضعونه
عل موفق القزاز
انتَ لاهوت الوفاءْ
انجبتك كربلاء
السلام عليك ياابا الفضلِ
————————————-
يا كمر مثلك تشبه بكل وصف روح الكمالْ
سُبحان رب القدره صنعه اكملك روعه الخصالْ
اختارك إلباري بعظمته باعثك هذا الوصالْ
انت لوحه راسمك رب القدير
بالشهامه البيها نازل جن امير
واليشوفك والله بوصافك يحير
في حِجِر خيرُ النساءِ ربتك أُمُ العطاءْ
————————————-
عُنفوان الأخوَ كنتَ انتَ يا بدر الوجود للحسينِ كان عهدك للهِ اوفيت العهودْ
للوفى كُنت اميرًا حينَ ضحيتَ الزنودْ
انت ماي ولسه جودك مايجف
انت راية مفخرة ولسه ترف
لجن سهم الصوبك حار وصلف
من رسالة كبريائك بِها تحكي كربلاءْ
——————————————
للعُلى حقا مضيتَ حاملاً دين السلامْ
وبِكَ البِئسَ تسامى خيرَ صنديد وهمامْ
تباهى عزًا كُل امامٍ واصطفاكَ على الانامْ
وانت يا عباس ربك قدسك
صاغ من اعظم جنانه سندسك
بالكرامه البيها نايل مؤنسك
تممت فرض الإطاعهْ وأبشرك رب السماءْ
——————————————
عَجَزتْ ألسن توصفك اي وحقُ الذارياتْ
يوم قلتَ النفسُ هوني لم تَذقْ عذبَ الفراتْ
كرست معنى الوفاءِ خالدٌ ذكرُ الأُباةْ
يوم صارت عالشريعه الفاجعه
وتنظر الجربه وجفوف مكطعه
وهنا روحه يم خيامه مرّوعه
وانت جنبُ النهرِ تنزفْ خَجلٌ والله حياءْ
——————————————
للحسينِ قالَ شِعرك معك أمضِ ماتُرِيدْ
للبصيرة كُنْتَ نافذ نَعَمْ للسبطِ الشهيدْ
انتَ ذِكْرَكْ يحيا فينا أَينَ عَنْ ذِكرك يَزيدْ!
والنعم منهه الربتك ام البنين
زلمه كلفه مابخل بدمه الحسين
هايه بس افعال ندري المتقيين
معهُ الموتُ حياةٌ لَمْ تُبالي بالفناءْ
——————————————-
مِنْ سماءِ العزمِ آتٍ ترتجي منهُ القبولْ
آل بيتُ الله انتم عنكم ماذا اقولْ
اقبلوا العبدُ آتاكم سيدي يبنَ الرسولْ
هاي ساعات الاخير للكمر
بدمه كاتب هالوصيه عالنهر
سيدي عذرًا اذا حالَ الدهر
مِنْ دمومِ التضحياتِ انتهى عهد اللقاءْ
علي موفق القزاز
مضحية بولد...مثل الورد
بنت الاصل...حاشه ترد
باب السمة ام عباس ..بكل الشدد انخاها
—————————————
باب الله هاي العظيمة الحره
الضحت ولدها عالفخر مفتخره
اقسم عليها بالحسين ونحره
بصدر السمه ...متوسمة
تريد الاسم ... هلـ خادمة
هاي الوفية هلـناس... رب العرش جلاها
————————————-
ام الوفة ابكل شده لابد تحضر
دهرك لوّن حد سنونه و تعسر
بالفاتحة كل العسر يتيسر
تحل الشدد....منها المدد
ام الوفه... هي السند
معروف اليدك هلـ باب. باب الفرج يلكاها
———————————-
هنيال هاي المرأة دين و إيمان
تحجي بفضلها اسيه وبت عمران
بيّضو وجهه هلـ بنين الشجعان
بنهر الشرف...الدم نزف
جف الكمر ...اغله هدف
رب الوفه يحجي الكون...فوك النجم علاها
—————————————
انخة الكريمة الفاضلة متردك
اكبر همومك احجي يمها العندك
توكفلك بكل مشلكة لو وحدك
باب الكرم ...يجاوب نعم
يمها ابد... يحصل ندم
متعض اصابع والله... كلبك يسر إوياها
—————————————-
بدويه وطاهرة نسب بين الناس
احتارت قواميس الوصف بالمقياس
عزها وفخرها والنعم من عباس
بحور الجنة ...بيها اتحفنه
هاي الحرة...جوهر ربنه
ياتاريخ الينصف راح...سورة وفه يتلاها
—————————————-
تاريج المجد طول الزمن ينصفها
بهذا النسب بنت الشرف يوصفها
عن السبط ريح الدهر تعصفها
لعقد الوله ...حبها اعتله
يامُنيتها ..... و ابكربله
جم امنيه وبالاحلام....شوك البعد أذاها
علي موفق القزاز
ارتجت الحومه برز خيالها
صار الاكبر يقطف بآجالها
——————————
ارتجت الحومه بثكل هذا العجيد
سيفه يحصد رؤوسهم بيهم يصيد
كلشي بالطف انخرس صاحوا يحيد
والارض جن أخرجت بأثقالها
——————————
اخرجت جن الارض نار الغليل
انترست اركاب وجثث بالدم تسيل
علي الاكبر شبّع الفرسان ويل
وياشمرته نازله بزلزالها
——————————
يا شمرته ما تظل تسلم رِكاب
مثل جده راوه بخصومه العِجاب
يانزلته يضهضب اشتد الحِراب
يطوي بيهم هالطفوف اميالها
——————————-
ماشه ملك الموت اصبحله رفيج
صاحبه هوه البقه بهذا الطريج
بسيفه ماتلحك بعد تبلع الريج
ضيّعت باب الهوه من جالها
——————————
كل جمال الهاشمي بوجه انحوه
وامه تقره بخيمته القل هو هوه
تخاف جانت من يمر بيه الهوه
شلون لو عرفت ذبح آمالها
—————————-
شلون من تنظر اله اتكطع وصال
هالمصيبه الواقعه لا مو محال
إطلّعه من صدره مشتبكه النبال
بجّت عيون السمه احوالها
——————————
اه كلب الفاكده ينزف حنين
تكله ضيعت التعب سهر السنين
وين اشوفنك بعد يوليدي وين
و اليماشيها غدًا جتالها
علي موفق القزاز
انخسف بالكوفه الكمر ونجومه
مُسلم بدمه كتب مرسومه
———————————-
الكوفه ضجت من وصل ليها الخبر
شلون ليلة مُغبره انحس بالخطر
لابن عمه مسلمه تارك اثر
يبن عمي موتتي محتومه
———————————
لهل مهمه يلوك بس هذا الامير
مثل مسلم يازمن يحصل سفير
بيده شايل حتفه معروف المصير
هل سفارة بينت برسومه
———————————-
حين للكوفه اعتنه كلشي اختلف
بيده مرسوم السبط شايل هدف
والله ما يترك ابد هذا الشرف
ماتهمه مُغريات خصومه
———————————-
وسفه أشباه الزلم نقضت عهد
للخيانه لبست اثياب السعد
الميه جانت ما لكه بظهره عدد
والضمائر ملوثه وماثومه
———————————
زمرة باعت دينها إبكم فلس
ولطمع دنياهه مترّوض النفس
وصمة علتاريخ ماينسه الامس
و شمس مسلم مشرقه بعلومه
———————————
رغم ماطوعه مره تسوه زلم
هلا يامسلم تكله لاتهم
ابن عم حسين والله ونعم
الروح تفرش بالفخر لقدومه
———————————
من قصر اهل الغدر دمه يسيح
بيد زمره ظالمه لدمه تبيح
شلون مسلم مادره بحال الذبيح
روحه لحسينه تظل مالومه
———————————
لبو اليمه يبعث بهذا السلام
حين ارمى من سطح قصر اللئام
سيدي عُذرًا اذا غاب الكلام
لنصرتك دمي فصح مختومه
علي موفق القزاز
جلمه وحده رايده يحجيها
كون ابوها لكربله يوديها
——————————
بويه نزلت دمعتي ومنك اريد
وي خواتي محملي ردته يحيد
بويه بغيابك قسم عِلتي تزيد
يا هجركم جن سهم ياذيها
——————————
يا هجركم يومي ماشاف الصبح
الليل من يجبل عليّ جايب جرح
جرح احبابك يِشبهلك ذبح
حيل يهضمها فكد راعيها
——————————-
جن هضمكم طير مكسور الجناح
طشروا عشه على وجه الصباح
والتحبكم يومها تخلّصه بنياح
والله مشتاكه لحضن واليها
——————————-
ليل المفارك اشد لمن يجن
اتفصل اهمومي عليّ ثوب الحزن
لفاطمه اهل المحنه ماتحن !
امنيه اهل الوفه تمر بيها
——————————-
صحت يحباب الكلب يمته تجون
طفله الكم ناحله تعيش بضنون
ولخواتي تلفت بحيره العيون
عن اهلها يادهر اجافيها !
———————————
مثل شوك النبته و التنطر الماي
هيج اشواك الكلب واكثر اهواي
غصن اسنيني انكسر ضايع دواي
ياهواكم للمرض يشفيها
علي موفق القزاز
تحضيرات محرم 1445
لعمل هندسة صوتية عن طريق بصمة الواتساب
او التلجرام وانت كاعد بالبيت
تواصل معنى
@ahmed_alziwar0
قصيده في شهادة الامام محمد الجواد عليه السلام
مثل العطشان
مرمي وضمآن
ماسحكت خيل بصدره
تاسع انوار العتره
مرمي و ضمآن
————————————
قصة المسموم هايه و منها ابدي
عالمصاب دموعي عالخد بي تحدي
بالصحاري ويلي عاري گال جدي
ولا ابن يمي اجاني بهمي وحدي
ضامي ومتعوب
مسلوب الثوب
ويساعد كلب الزهره
تاسع انوار العتره
مرمي وضمآن
———————————-
رغم ماحر السطح بجمرة عذابه
الجبد بالسم انفطر بأول بشبابه
حسين عاري بلا غسل سلبو ثيابه
وعماته إبلايه خيم تالي بخرابه
بنات المذبوح
بالغربه تنوح
والحسره ترسم حسره
تاسع انوار العتره
مرمي وضمآن
——————————-
بيد جور المعتصم تخلص حياتك
كربله اعظم جرح بهم نايباتك
حرك ونحور وسبي بكل ذكرياتك
طف عاشر كربله جسدها ذاتك
شتنسه هيهات
بغربة واهات
ماتطفه بيك الجمره
تاسع انوار العتره
مرمي و ضمآن
———————————-
هم غريب ابلا اهل يمك تحضرك
ذبّلو وردة سنينك و انختم عمرك
الله من سابع سمه مرفوع قدرك
بالعلم ابداً يجف عالامه نهرك
شاب ومسموم
رايح مظلوم
للهادي اخر نظره
تاسع انوار العتره
مرمي وضمآن
———————————
باب للحاجه صرت تكرم ضيوفك
مارجع خالي ابد كلمن يطوفك
مثل عمك سيدي تنطي بجفوفك
جنة الله حضرتك طاب اليشوفك
باب الحاجات
تحل الصعبات
كل طالب كلبه تسره
تاسع انوار العتره
مرمي وضمآن
علي موفق القزاز
جينه ننشد داره اليطفيها
يمته نسماتك تمر مهديها
———————————
جينه ننشد عن جرح سادس طهر
ياغربته ينتهي راح العمر
صادق العتره جمرته تستعر
لعيلته هالشابحه تدريها
———————————
شابحه عيونه بقت هذا الامام
شلون النار الشبّت بذيج الخيام
كرروا هذا الحرك بخير الانام
بنار منصور الظلم شب بيها
———————————
اتجسرت ايد الرجس لجبده تنول
لروحه تقطف راحت لابن الرسول
شلون زمزه جازته عنها شنكول
زمرة ابليس الظلم ماليها
———————————
من دوانيقي الامر هذا الحكم
من لطف صادقنه ويلي ننحرم
سيد المذهب رحل بجف الظلم
والكتب حزنت لاجل راعيها
———————————
انت ابن البسمله و ام الكتاب
ليش امه الجهلتك هذا العِجاب
بيك رادت تنمحي اهل الصواب
الأُمه دينار ومُلك عاميها
———————————
الامه عاميها الحكم والمصلحه
الدنيه عدهم هالوسيله الرابحه
الصادق الشمس المضيئه الواضحه
الدنيه رادت بأي ثمن تشريها
———————————
هذا قاموس السمه بكل العلوم
كل علم يم بابه يستجدي يحوم
بجبده هيه الجازته فتَ السموم
كتاب اسود اثمه ماضيها
———————————
ربي نندعي الغايب بآمن يجيب
عدنه محبوب ابتعد طال المغيب
يمحي غيم احزان ماضينه العصيب
عنده ثاراته ابد ناسيها
———————————
كبور عنده مهدمه بإرض البقيع
منها كبر الصادق بمنظر فضيع
بس حمام الداير الينحب فجيع
بحسرة الزاير اليكصد ليها
———————————
فاجعه بكلب المحب هدم الكبور
بس نشاهدها ترب حايطها سور
متى لجدادك يبوصالح تثور
والبقيعك جنة من تبنيها
علي موفق القزاز
متى اميال البُعد تطويها
و إلبقيعك تنطر تمر بيها
——————————
يمته نسمع هالخبر منك وصل
من الظلامه لغرقد الطاهر حصل
يا حبل بارينا للامه اتصل
انت مبعوث السمه وراعيها
——————————-
كبور اهلك مهدمه ويه التراب
ذوله سادات الخلك اهل الجواب
وسفه لاحضره صفت إو لا قباب
حتى لا زاير اليكصد ليها
———————————
حتى لا زاير يجي لخير الوجود
من امر اهل العجل وعاد وثمود
بإذن الله تنرفع بجيتك تعود
انت ياراعي الفخر مهديها
———————————
انت ياراعي الفخر يبن الحسن
هالظلم باقي على طول الزمن
بيا ذنب كبور الاطايب اتهدمن
كل عصر يظهر وثن تدريها
———————————
كل سقيفي ينرجم إي كل صنم
ندري من عندك ابد واحد سلم
انت عزمك حيدري وراعي العلم
من دماهم هالارض ترويها
——————————-
وياك تزحف شيعتك باجر تشوف
كل ضريح الينبني تطوفه الالوف
وعيسى ابن مريم يرحب بالضيوف
همه رحمه من السمه منزليها
علي موفق القزاز
ناعيًا ما لخطبِ ! صوت المُناديْ
أبو تُرابٍ مُخضبٌ بسيفِ المُراديْ
آهٌ جرحُ المرتضى فتَّ الفؤاديْ
سالَ خضيباً هامُ القرانِ
———————————-
آذانُ الرحيلِّ في ليلِ المصابِ
والكونُ يسألُ بجرحِّ الغيابِ
يتاماك مَنْ لهم ابا تُرابِ !
تبني بعدك دارُ الاحزانِ
———————————-
اشدد حيازيمكَ ينتظرُكَ الموتْ
و نسج الهمَّ لفقدِكَ العنكبوتْ
الوحشةُ بانت في كل البيوتْ
غابَ عليهم سيدُّ الاحسانِ
——————————-
سيدُ الليلِّ يُحملُ ليلةَ القدرِ
ينعاكَ الكونُ الى مطلعِ الفجرِ
هل اتى اليوم عليكَ سورةُ الدهرِ
وجهُ اللهِ نزفَ دَمُ الايمانِ
———————————-
وجهُ الباري نزفَ لجرحِ الوليْ
ونارُ النبوةِّ لفقدِكَ تصطليْ
اطبروا البسملةَ المولا عليْ
عليُّ الدليلُ وسيدُ البرهانِ
———————————
هبطَ عليكَ بدمعهِ جبرائيلْ
يبلغك سلامَ الربِّ الجليلْ
مُحرابُ جراحِك ضجَّ بالتهليلْ
الله اكبر من الانسِّ والجانِ
———————————
بملامحِ الطبيبِ بانَ الجوابْ
هلموا تزودا من ابي تُرابْ
ساعة ويغطي وجههُ التُرابْ
ويرحل اباكم الى رحمةِ الديانِ
علي موفق القزاز
يعين الله زينب بهذا المصاب
راح وجه الوالد يضمه التراب
———————————-
اه كلب الفاكده شيحمل صبر
شراح تحمل باجر خيوط الفجر
لليتم كلب العقيله ينتظر
والمصيبة لايحه وذاك العذاب
————————————
هاي ثاني فاجعه وثاني جرح
بعده دم الطاهره ظل منسفح
ينفجع كلب البراءه بهل صبح
جرح طبره والجرح عصرة الباب
———————————
بالله ياليل الالم منها شتريد
تبجي زينب والابو عنها بعيد
شنهو عذرك لو لفه باجر العيد
هذا ياعيد اليجي بدون الاحباب
————————————
مجانه خالي تفكده غاب الحنين
يا ابو مثلك امير المؤمنين
ضيّعت اغله وطن تحجي السنين
بحسره تدعي للسمه جيت الغياب
———————————
تدعي يارب السمه ترد الامير
إفطرته جايب لبن حته الفقير
منهو باجر يوّزعه التمر وشعير
طاح ابو الايتام بدموم الخضاب
———————————-
هاي ايتامك اجت تذرف دمه
كلوب هاي العشكتك متألمه
يا ابو يفكد بعد حامي الحمه
ريت بينه ياعلي هذا الإصواب
———————————
ريت بينه ياعلي اندار الالم
ولانعاين شيبتك مصبوغه دم
شلون ليله مرعبه موتك عزم
شعظم هل ليله تمر يابو تُراب
علي موفق القزاز
ياعباس يعضيدي ياذخري
ياعباس ليش اكسرت ظهري
—————————————-
للمشرعه رايح صحت وحدي تخليني
يعضيدي غيرك ماالي ترجعلي حاجيني
سكنه تكلي من الضمه ذبلت رياحيني
بجودك يعمي مرّوتك وترد ترويني
ياعباس منتظره ياعمري
ياعباس ليش اكسرت ظهري
—————————————-
ياخويه جنك ماترد واتحير بهمي
جنّه وداع الموت الي وبي انطفه نجمي
وينك يكفال الخدر بيك الضعن محمي
تسمعها اطفال وحرم وينه الكمر عمي
ياعباس شنهو بعد عذري
ياعباس ليش اكسرت ظهري
—————————————
اعليك زينب يالاخو بالخوه احلفنك
بهل دنيه مثلك ماحصل واحد اخو منك
ذبيت جفك عالنهر وإسهام صابنك
وعيونك التنزف وفه خجلانه اشوفنك
ياعباس وبحالي لو تدري
ياعباس ليش اكسرت ظهري
—————————————
يانفسي هوني للعذب خله الكلب يضمه
وفاي انت والنعم امك هلـ إمعلمه
بدوية هاي الربتك عالشيمه اتكلمه
وتكله يبني هاي ابد يعطش ابو اليمه
ياعباس بالطف يظل فكري
ياعباس ليش اكسرت ظهري
—————————————-
ماقصرت ياالفضل وفيت بعهودك
اروع مثال بموقفك كطّعوها لزنودك
وانتَ بعظيم المنزله مشكور مجهودك
رواي تبقه بكربله وشاهد يظل جودك
ياعباس باقي عذب تجري
ياعباس ليش اكسرت ظهري
—————————————-
شكد عظيمه وكفتك ياصاحب الرايه
كدها اعرفك ياشهم من تنطي الحجاية
متخلّف ادري ام الوفة بس ناس وفايه
ومعروفك بحلگ الزمن يترجم لأيه
ياعباس و اليشهدك دهري
ياعباس ليش اكسرت ظهري
علي موفق القزاز
عليله ودهري طاوعني وأتنطر بعد جيه
اكولن ترجع احبابي ادعي ربي يوميه
""""""—————-"""""———
حمّل ضعن احبابي ونزلت دمعتي بخدي
من هذا السفر خايف ماخله اخو عندي
ارد امشي يبويه وياك روحي اوي الضعن تحدي
واشوف احزاني مشرعه تطحن روحي ليليه
—————————————-
الغايبله ابو ياناس بشغف يتنطر اخباره
اجيبه الحسبه وتوديه تربي عالباب انظاره
جم موقف تذّكر راح خيمه الوالد للداره
رايح ياعمود البيت تشيل اوياك الحنيه
—————————————-
ملاني حجي الهجران بنار الفركه محتركه
تدري بس دواي انته وتطيّب علتي الملكه
عليله ودهري عاكسني عيشني طعم الفركه
صحت ياعازة الاحباب تعرف لوعتي البيه
—————————————-
كلما يتحرك الباب جايب هوه احبابي
إلعليلتكم همْ ترّدون وانسه محنة اصوابي
واشيلن بيدي عبدالله وتكّحل عيني غيابي
شكثر مشتاكه يسكينه غيابج طوّل اعليه
——————————————
ورقيه بلهفه تحضني وعالخد دمعتي اتلالي
ما غبتي عن بالي يوم غالي يحضن بغالي
يطاريكم هوه عذيبي يضمد جرح دلالي
واسولف غربتي وهمي نزلت دمعة ارقيه
——————————————
وعباس الكمر كلي هلا ببنيت احسيني
ياهيبة بني هاشم ياعمي يضي عيني
كل غربة سنيني تروح من عمي يحاجيني
والصدره يجي يضمني واحضنه بجفوف اديه
علي موفق القزاز
راسه نزله يارمح
عمري صار بلا صبح
يارمح وارحم حالي
نزلي راس الغالي....يارمح
————————————
بالله اسألك يارمح وانته تعرف حالتي
الليل ساهر ماغفه وي غربتي ودمعتي
الجان تارس هالعمر هجره تارس صفنتي
راح إمن ايدي الابو بعيني ظلمة دنيتي
ليش وجه كل دم
شوفته صارت عدم
مني خذت آمالي
نزلي راس الغالي....يارمح
———————————-
يتعب اشوفن منحره يرتاح خله بحضني
ياذيه ادري لو علم من السوط ينزف متني
من شيبه امسحها الدمه رغم الحبال تعتني
من دمعي اقطرله ردت واروي شفايف ذني
شفاف ابوي مفطره
كسر ظهري منظره
نزف دم دلالي
نزلي راس الغالي...يارمح
———————————-
يابويه انظر جبهتك باقي اثر ذاك الحجر
لمن احضنك بي شفت اثنعش طبره عالنحر
المن عفتني بيا جرح زماني شبعني قهر
بنيتك انه و ياراحتك متعب عيوني السهر
افياي اسويله ردت
ياويلي يتلوه شفت
راس الحنين اكبالي
نزلي راس الغالي...يارمح
———————————
هل فاجعة بيهن تمر كلمن اجت تشكيلة
هاي الفواطم حايره بعازة ابو هالعيلة
هضموها تدري بنيتك فاض الدمع مسيله
اني رقية الغالية ضيم اليسر ارويله
مني خذوا ترجيتي
وناكة هزيلة ناكتي
حادي الضعن جتالي
نزلي راس الغالي....يارمح
——————————-
عمتي العقيلة حايره تعاتب اشوف بعمي
اعتاب الاخو وبلا زعل وتگله ريتك يمي
مدللنه كل يومك جنت وجان الاميره اسمي
دار الوكت رحنه بسبي وعكبك تغيّر رسمي
اكعد تكله ياكمر
بالغربه ودانه القدر
انت المحامي الوالي
نزلي راس الغالي....يارمح
——————————
عطشان يارمح الابو تلهب جمر لهاته
يقشعر جلده ياوسف من ينظر إبنياته
مايحتمل انا انولي يغمض شفت نظراته
من اشكف اسياط الزجر عالي صده وناته
خليته عاري عالثره
فاجعني والله هالجره
ذبح الابو يبرالي
نزلي راس الغالي....يارمح
تمت
علي موفق القزاز
نْاحَتْ سُوْرَةُ النَحْرِ.... .جَفْىٰ ضّامِيًا صَدْرِيْ
طِفْلِيْ أيْتَمَ عُمْرِيْ
_________________________________-
يْا طِفْلُي أتْعَبَنِيْ قَلْبَك اليِسْعَرْ
وا لَهْفِي عَليّكَ بِسَهمٍ تُنْحَرْ
كَبدِي فَلْذَةُ مُنْيَتِيْ تَكْبَرْ
وَعُمْرِيْ وِرْدَهُ يَذْبَلُ أسْفَرْ
دَمعِْ راْحَ يَرْثِيْنِيْ....قْابَ المُوْتُ يِدْنِيْنِيْ
يَحْكِيْ لَوْعَتُ كَسْرِيْ
طِفْلِيْ أيْتَمَ عُمْرِيْ
_____________________________
أ دِماً تُسقْىٰ يَكونُ الفِطْامْ!
مْاتمَ آهٌ مِنَ عُمْرِكَ عْامْ
مَكانْ الماءِ تَسْقِيْكَ السِهامْ
أُطْفِأتْ كَشَمسٍ بِلَيلِ الِلآمْ
أطْفَوا شَمْسَ أيْامِ...دَماً تَبْكِيْ أحْلاْمِ
لَمْ يَذِقْ الهَنْا صَبْرِيْ
طِفْلِيْ أيْتَمَ عُمْرِيْ
___________________________
نَزَفُ مَهْدَهُ الخْالِيْ دَماْ
عُطْرٌ بْاقِيْ فِيْهِ بَثْا ألَماْ
أدْهىٰ الفِراْقُ الخِيْامُ هَماْ
إخْوَتهْ بَيْنَهمْ فَقْدُهْ خَيَّماْ
خِدُودٌ هَلتْ الدَمْعاْ...أهْفُوْ بِمَهْدِهِ أنْعاْ
ما يُخَبِ جَوى دَهْرِيْ
طِفْلِيْ أيْتَمَ عُمْرِيْ
____________________________
شُبهَ كَوْكبٌ دُرِيٌ يَكونْ
جَمْالٌ أسْحَرَ شَغْف العِيونْ
مَلاْيِكْ عِنْدَهُ جِمْرُ الشِجونْ
ذَبِيْحاً ضْامِياً شَرْبِ المَنونْ
لَمْ يُسْقىٰ الفُؤادُ شَرْباْ...يَشْكوْ راْحَ لِلرَباْ
أوْكَلتُ للرَحْمنِٰ أمْرِيْ
طِفْلِيْ أيْتَمَ عُمْرِيْ
___________________________
دَمُكَ الطْاهرِ بِالرَمْلِ إمْتَزجْ
كَـ لؤلؤٍ يَسِرُ أحْداْقَ المُهَجْ
تَوْسَدَ جِسْمُكَ بِحرِ الوَهجْ
رِحْتَ تَنْزِفُ بِمْوطءِ الرَهجْ
عَليْكَ أبْكَتْ العَّلياْ .... دَمٌ هَلتْ الثَكلى
ضْاعَتْ شِهُوراْ في سَهْرِ
طِفْلِيْ أيْتَمَ عُمْرِيْ
_____________________________
لِنَحْرٍ بَكتْ أعْبارْ النَدى
ضّجى نَحْبَهُ أصْداءُ المدى
أنْبِياءٌ وَرسلٌ وأخيارُ الهُدى
أهجعا بالحزنِ لابنِ الدُجى
كَخَريفٍ ذاْبِلٌ وَردِيْ... ضّاعَ العُمرُ مِنْ عِنْدِيْ
أمسى يابِسٌ ثَمْرِيْ
طِفْلِيْ أيْتَمَ عُمْرِيْ
علي موفق القزاز
يايوسف جروحي طوّل غيابك
انا امك حبيبي ناطره ابابك
يمه وديلي الثوب
ويلي كالوا مسلوب
عميّه عيوني يحسين
——————————————
والده وكلبي عصرني عني يحجيلك حناني
اني يعكوب انتظارك بلهفه اتنطر تراني
الهوه يخنكني يمه ما اشم عطرك شجاني
مايهون اعليه بعدك ميته والله عساني
ربيتك بعمري يااسعد ايامي
ترجع واشوفك واطيّب الآلامي
شيصّبر كلب يعكوب
ويلي كالو مسلوب
عميّه عيوني يحسين
———————————————
يوسفه ليعكوبه ردّله بعد ماطوّل مغيبه
وبقميصه عطره طيّب صبح لعيونه طبيبه
كلبي يلجمني لوجوده يلتقي راد بحبيبه
دعوتي ربي اسألك سالم الغايب تجيبه
يافرحة سنيني اتنطرك ترجع
اعز من بنيني كلهم الاربع
بغيابك اتعذب جم دوّب
ويلي كالوا مسلوب
عميه عيوني يحسين
———————————————
بس علامه ردت منك يكشف الهموم العليه
سفرتك ياعمري طالت هم الك يوليدي جيه
امك وتعرف شعوري ياحبيب امه الزجية
مالي قوه بعد يمه يمتى احضنك بين اديه
بحسراتي ورجائي ارحم دموعي
يا كسرة فراكك كسرة ضلوعي
وكليب الفاكد متعوب
ويلي كالوا مسلوب
عميه عيوني يحسين
———————————————
عايشه بنار اصطباري ممتلي كلبي نوايح
جنها روحي مني طلعت من كلتلي يمه رايح
شلون يالغالي عفتني عله خدودي دمعي سايح
واني موتي مني يدني وللمنيه دهري لايح
امنية إلموتي من يدك بابي
عمري مااعيشه من غير احبابي
وجمرات الغياب تلوب
ويلي كالوا مسلوب
عميه عيوني يحسين
——————————————-
طارشك لمن وصلني زيّد جروحي وعذابي
من نشدته يمه عنك اقراه بعيونه جوابي
يعظم الله بكل بنينج هذا ماهمني مصابي
عنه محبوبي سؤالي شابحه عيني اعله بابي
ابن حذلم يكلي ذبحو حسينج
ومايفك حزنج تخلصي سنينج
بنايباته العمر مصيوب
ويلي كالوا مسلوب
عميه عيوني يحسين
——————————————-
ماجبتلي يبن حذلم رايده اشتم عطوره
من طفوفه اوياك جايب الغارك بدمه نحوره
اعمامته وذيجه ثيابه يخفف الآلامي الصبوره
رد يكلي لجن ماكو سلبوا إثيابه الطهوره
وخنصره المبتور لو تشوفينه
والجسد دامي اموذرينه
وجه السمه مخضوب
ويلي كالوا مسلوب
عميه عيوني يحسين
علي موفق القزاز
لمُسلم وديعه...اطول سفرته
لا تنطرينه..... ...بغربة روحته
لجيّته لا تنطريين
احبابج بعيدين
يا طفلة مُسلم
—————————————
مُسلم برحله طويله لاتنطري بعد جيه
هل وعد يوم السفاره مواعده ابن الزجية
عاصف بروحج حنينه ونار حسراتج سريه
والدلال الباقي ذكره يقهرج كل مغربيه
توّدعي حنانج... حُبه ولهفته
شتعنه حياتج...تصعب رجعته
تذبل هل رياحيين
احبابج بعيدين
ياطفلة مسلم
————————————
هايمه دمعة حميده مانشف لحظه مُسيله
شلون مايرجع ابوها فركَت الوالد ثكيله
والشهر سيفه زمانج كل امل مسلم تجيله
والصعب ليل انتظاره الليل لو جن بعويله
راحت تدعيله... إتنطره ابنيته
سالم وتشوفه...الضمهه بمهجته
بآهاتج تندبين
احبابج بعيدين
ياطفلة مسلم
————————————-
رايح لدرب المنايه بيده مرسوم الامامه
وانتي بديار المصيبة ماغفه جفنج منامه
حسين اطفاله تصبرج يعاود الها بالسلامه
لو مسح راسج حميده لليتم بانت علامه
بالغربة يتيمه... ..تسولف دمعته
بدهرج ترويله...ابالج صورته
لو بابا تناديين
احبابج بعيدين
ياطفلة مسلم
————————————-
لو وصل طارش يخبرج مسلم بدمه بريده
حامل دموع ونوايح جيت الوالد بعيده
من السطح مسلم يخبرج والبكَه براسج حميده
بالحبال اتجره كامت بموتته الكوفه سعيده
ارذال الامه ... مسلم خانته
دورها بظهره... نقضت بيعته
لو حاله تشوفين
احبابج بعيدين
يا طفلة مسلم
————————————
حسين عمج يلحبيبة حاسبج بنته رقيه
عُودج بدم الشهاده روحه قدمها الابيه
الفكد ادري حميده صعب يابنتي عليه
ثقتي هذا ابنه عمي ارتفع مجده للثريا
سفير إلدينه... دمه ثورته
المبدأ احسينه.... ينصره غايته
مُسلم سفير الدين
احبابج بعيدين
يا طفلة مسلم
—————————————-
علي موفق القزاز
يرد راح بصارمه صفينه
للحسن باجر يگرها عينه
—————————-
يرد صفين وجمل هذا الشبل
مايظل وبصارمه بالطف حمل
وارث علوم الحسن خير النسل
يلوك والله صارمه بجفينه
——————————-
يلوك والله صارمه بيد الهمام
دمدم اعله اعداءه بوكت الخصام
معجب الفرسان لو شد اللثام
فارس برغم صغرها سنينه
——————————-
لو برز بالحومه مايبقه نزيل
تشوف كاع المعركه بيهم تميل
تصيح هذا المرتضى حامي الدخيل
بيه هيبة حيدره مشبهينه
———————————
شُبه هوه لهم جنّه الامير
جن ضربته النازله الحر الهجير
يعيد صولاته غده بيده المصير
كلها صاحت من الثره يمحينه
——————————-
كل جمع ماهمه ميهمه عدد
اخذ هيجي ضيّغم بوكفت اسد
اخذ من عمه السبط عون ومدد
شلون يرجع والي عمَ إحسينه
——————————
يشتهي سيفه العدد ما ينحصه
جنه موسى اتحولت بيده العصه
بيها يلكط كام مايحصه الحصه
اسمه حصاد الركب ملقبينه
——————————
حسين كلبه يلوب وبوسط الخيم
تسولف دموعه وتعاينله الحرم
طاح جسام وشبابه ماسلم
اتوشح ابدم الشهاده اجبينه
علي موفق القزاز
خيرة إنساء الارض هاي المره
ربت افحول الوغى لخير الورى
———————————
خيرة النسوة ونعم هذا النسب
طبع بدويه انعرف عند العرب
من عقيل اختارها شرف وحسب
نِعم مَختار لعلي لهل الطاهره
———————————-
يكله اريدنها مره تخلّف سِباع
تشبع إمن سيوفهم كُل الجِياع
أمر ابو اليمه كلف لابد يطاع
والجثث عالكاع تنمد بالسره
——————————-
نشوف عبدالله يشد مُهره ويعِج
لو هجم بطفوفه وبصوته يضِج
رؤوس و برؤوس العده بيهم يرِج
جن قيامه تقوم بيهم صايره
——————————-
عون والله لو هجم ريح التهب
اعصار شيلزمه لمن سوحه يطب
كلها تشرد ترتعب مثل السرب
وخله عدوانه بخزرته حايره
——————————-
من سيف جعفر ابد ماواحد نِجه
انهارهم اتصّوروا ليل الدُجه
منه تطلب كامت العون و رِجه
اتمنه أُمه هالوفيه حاضره
———————————
شنحجي عن عباس سيدها الشبول
ليث فرسان الوغى فحل الفحول
وبقواميس الوفه يصول ويجول
كفو من عباس ضنوة حيدره
———————————
والله ماخنوا ابد ذاكَ اللبن
بيهم افواه البساله سولفن
الينطي عمره مايبالي بأي ثمن
وأُمهم بدم الشهاده فاخره
——————————
اخذ هيجي والده من تفتخر
من ابن حذلم يگلها تبتشر
بكل بنينج عظمه ربنه الاجر
ريت وياهم اضحي ناصره
علي موفق القزاز
السلام عليكم جميعا خدام الامام الحسين ع
قصائد شهر محرم 1445 ستنزل تباعا
نسأل الله تعالى التوفيق والقبول لنا ولكم
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
1/الشاعر احسان الحميداوي
@ahssan313
2/الشاعر حسين لؤي العتابي
@Hussein110033
3/الشاعر جعفر عطية البزوني
@Jaffarattea
4/الشاعر هادي السلامي الكاظمي
@hadialsa
5/الشاعر السيد علي الكربلائي
@alialmoosawe
6/الشاعر هادي الساعدي
@had_jaa
7/الشاعر علی جباري
@damethezen
8/الشاعر محمد الجوراني
@algorane
9/الشاعر الحسيني علي مظلوم
@Aljnahe
10/الشاعر سيد سعد الفحام
@saidsaad11
11/الشاعر محسن الجنابي
@mhsui
12/الشاعر امير السعيدي
@dhjgdsswfgh
13/الشاعر محمد الجوراني
@algorane
15/الشاعر نسيم الحميداوي
@NasimAlhamdawi
16/الشاعر رياض الرسل الجابري(قصائد خاصة للسيدة نرجس
@narjskaton
17/الشاعر مهند الدريساوي
@Alfoatm9
18/الشاعر ذو الفقار الزيدي
@dhwlfqr
19/الشاعر ضرغام الجابري
@hususn1
20/الشاعر جبار عبد الزهرة
@ALshoely12
21/الشاعرة نور الهدى الشويلي
@lIAUAlI
22/الشاعر ام رائد زوين للمواليد
@noor93s
23/الشاعر سيد محسن الجابري
@saedmohsenjabere
24/الشاعرة ايمان الزهيري
@Emaanelzharii
25/الشاعرة العلويه ام حسين الحسيني
@OmHussinAlHassani
26/الشاعرة ام حوراء البركاوي
@qwerrtt76
27/الشاعر محمد المشعلاوي
@Mohammed_almassl
28/الشاعر علي موفق القزاز
@alimwafaq94
29/الشاعرة الملا جنات الحسناوي
@dchhtg
30/الشاعر علي خيري العبادي
@AliAliAlabady
31/الشاعرة ام قاسم الشمري
@hhgtfc
32/الشاعر ابو اسحاق الفحام
@aboashik
33/الشاعر عقيل الكاظمي
@alshaeraqeelalkadhmi
34?/الشاعر والرادود سيد محمد الموسوي
@sadmhamd
35/الشاعرة ام وسام
@Ali45445
36/الشاعر علي النائلي
@Ali_Anaily000
37/الشاعر جبار عبد الزهره الشويلي
@ALshoely12
38/الشاعرة ام زينب الواسطي
@Fatimids89
39/الشاعرة ام حسين المحمداوي
@aaaadrfqe
40/مريم العبودي
@dtyruFteRqejkvuccdsqiopkm
41/الشاعر علي الاحسائي
@ehhhnb
42/الشاعر ابواياد البيجاوي
@mhsn1955
43/الشاعره ام نور الميسانيه
@Aleulawiuhamnuwr
44/الشاعرة ام محمد باقر الفحام
@yamahdy4444
45/الشاعرة ام مصطفى الاسدي
@jgapun
46/الشاعرة الحاجة ام محمد الكناني
@ALHUSSEN_M
47/شاعرات العترة
@ttrre
48/الشاعرة ام روكان الشمــــــريه
@eimahde
الشاعرة ام سيف الزبيدي
@RR775
الشاعر ذو الفقار الزبيدي
@dhwlfqr
الشاعر عمار الساعدي
@Amaar37
الشاعر علي عباس العيساوي
@aliashghinah2
الشاعر عباس فاضل الشمري
@abbas_daher
الشاعر جعفر البديري
@jifrrham
الشاعر علي صيوان التميمي
@alisaioan
الشاعر ابو عقيل الناصري
@aa_ad9
الشاعر أنور السباهي
@Anwernaser
الشاعر اسعد قاسم االكريعاوي
@asaad8417
الشاعر سجاد جاسم الفرطوسي
@sajadjasimAlfartosy
الشاعر عباس فاضل القسام
@olpkp
الشاعر محمد الساعدي
@qwqqed
الشاعر علي الزاملي
@Ailast
الشاعر علي ياسين اللامي
@Aliyaseen8
الشاعرة ام زهراء الكعبي
@omzahraaalkibe
الشاعر كرار الغزي
@karrarr999
الشاعر خالد مسلم الحلفي
@kaledalhalfi
الشاعر محمد مسلم الاسدي
@mohmed_moslem
الشاعر حسين الخزعلي
@ch2Hs
الشاعر عمر العارضي
@hpp_50
الشاعر فالح العامري للمواليد
@falehalameri111
الشاعر والرادود سيد علي الحسيني
@Aliodaae
الشاعر رائد الاسدي
@raedalasady
عباس العبودي الواسطي
@Alabbodi
ديوان المنظورات الكربلائي
@KazemManzourAlkarbalaei
الشاعر علي مهودر الحمراني
@Alhmrane
الشاعر علي قصي الركابي
@Qusayalr
صرخة العقيلة
@zhrhzahraa
الشاعر مصطفى النائلي
@wwaspqtt
الشاعر سيد محسن الجابري
@saedmohsenjabere
الشاعر والرادود عبدالباسط الخزاعي
@abdolbasot_alkhazaei
الشاعر سيد محمد السعبري
@ashggjd
الشاعرة ام علي المالكي
@cdeut
الشاعر حسين الباوي
@Abuas994
الشاعر عمار الفاطمي
@kadeemalzhraa
الشاعر احمد الحيدري
@a_alhaideri
الشاعر عباس الشويلي
@jhfdryhdsf
الشاعرة ام زهراء الكعبي
@omzahraaalkibe
الشاعر حسن غانم العبادي
@hassanalabadi33
الشاعرة ام سيف الزبيدي
@RR775
الشاعرة طالبة الزهراء ( ع)
@sultan_zman
الشاعر السيد محمد الموسوي
@qwertyuiopasdfghjklasdfbnm
الشاعرة ام الحسن الزيدي
@umalhasn
لوعة رقية
@loahroqaiah
الشاعرة هالي نور
@gftergr
الشاعر عباس محمد الحميداوي
@qs3qw
الرادود ابو سجاد الجعفري
@abosajadaljafre
قصائد زنجيل
@alhusseinabaabdlah
الشاعر ذو الققار الخفاجي
@zfk313
انبياء الله وملائكته
نزلوا سَبِّحوا يمك
كل كوكب الك صلى
وسلم سيدي بإسمك
واديانه السماويه
تنعاك العبوديه
—————————-
جلى خالق القدره
سرك حافظَّ الرحمن
وبساق العرش مكتوب
اسمك يا اخو القران
توراة و سور وانجيل
بكل دين وصرت تبيان
رسالة مجدك الوصلت
كتبت للسمه عنوان
دمك طهر التاريخ
تحيَّ الدين وكتابه
اختارك خالق الاكوان
بمبدأ حكمه و اسبابه
بالدعوه الأحمديه
تنعاك العبوديه
—————————————
روح النبوه بمسعاك
رسالة جم نبي مُرسل
فراعين الزمن صدت
نصك سيدي منزل
احبارك بني مروان
دينك عندك الاول
مارايد حكم سفيان
لجدك دعوته تكمل
بمضامين الكتب يحسين
مصّدر نهجك الاصلاح
مضحي بكل اهل بيتك
طاهر دمك الإطاح
مأييد من الربوبيه
تنعاك العبوديه
—————————————-
بالزبور الك مضمون
اتعلم منك المزمار
مئة واكثر من الايات
يرتلن واحد القهار
يسبح عالرمح راسك
يشكر يحمد من اذكار
تليِّن هالرمح هاماك
لو طالب يكُن لن صار
شُبه زبورك بداوود
المنطق إتعلم طير
من حر الشمس يصبح
بجناحه غمامه يصير
من رماحٍ سمهريه
تنعاك العبوديه
—————————————-
ابراهيم النبي بوصفك
خليل لدينه وكتابه
قواعد ثبتت للدين
بنيت اركانه واحجابه
ابليس اتحشد ويرميك
صدرك حمّل اصوابه
من شبّوا خيامك نار
بيت الله انحرك بابه
خليل لكربلاء مبعوث
تنشر دعوة المعبود
من الذله تحرر ناس
للعِزَه جان المجهود
ضد اهل الوثنيه
تنعاك العبوديه
———————————-
بيو حنا إصدر جرحك
انت بكربلاء تصلب
جسمك عالرمضا مقطّع
ياترى هذا الاعجب!
على تل الحزن اية
تلك المكنونه زينب
هامت اية التقديس
وخدور السّمه تلهب
لم يصلب عيسى العذرا
لم تفجع فيهِ مريم
نحرك عالقنا مرفوع
صلى لخالقه وسلم
بتراتيلِّ المسيحيه
تنعاك العبوديه
—————————————
لابحر اليوسع حزنك
منهو الفّسره قدرك
بيك اجتمعت الاديان
بِصّرتْ من دمه نحرك
ثورتك باقيه بكل عام
للإنسانيه عصرك
مهدم كل وثن موجود
ربك ينعبد أَمرك
امام ومصدر الرحمه
واضح كالشمس وأَوضح
الله منعبد لولاك
دمك للباري الْصَرح
تعريف الإلهيه
تنعاك العبوديه
علي موفق القزاز
جَعْفَرٌ عِلْمُ التُقىْ
الكَبدُ بالسَّمِ سِقا
تُرابٌ صارَ قَبْرَهُ
هَلْ يُجازَ قَدْرُهُ !
جَعْفَرُ الصادقْ
"""""""""""""""""""""""""""""""
جعفرٌ علم الوجودي هوه مدرسة الإمامه
الماتبع دينه وعلومه ماعرف درب السلامة
سادس اطهار البرية ترك للإمه علامة
تبت المنصور ايده من فعل هاي الظلامة
هو مدرسةُ السَماْ
الدِينُ بَعدِهْ أُثْلِماْ
سُرُ الالهِ سِرُهُ
هل يُجازَ قدرهُ !
جعفرُ الصادقْ
————————————-
كل اديان البرايا مِنَ تنهمل كل علمهه
والصعبه حلها عنده سهله ابو الكاظم يحلهه
جعفر الصادق علومه ذره ماواحد وصلهه
ظلت الامه بجهاله خسرته والله بجهلهه
أيُّ فعلٍ منها بدى!
أظْلِمَتْ أبنَ الهُدى
جف فَيْضُ نَهْرهُ
هل يُجازَ قدرَهُ !
جعفرُ الصادقْ
——————————————
مصدر الهام النبوة وبفضل واحد احد
نحجي عن سيرة حياته كل علم عنده سند
نوّر افكار الخليقة وناشره دين الصمد
الفلاسف يمَ ضاعت حايط إبكل مايُرد
اسألوا ما عِنْدَكمْ
كل المَسائِلْ ادِلْكُمْ
كنزٌ حامل صدرَهُ
هل يجازَ قدرهُ !
جعفرُ الصادقْ
—————————————
مارعوا قربه ووصاله لجده الهادي الامين
جازته الامه بحقدها المنصور بسمَ اللعين
العابد المخلص الفاني بيد الالهِ العالمين
يدنه ابو الكاظم رحيله صاعد لربٍ حنين
لَهُ يومان بَقى
الى المَلَكوتِ يُرْتَقى
هذا خِتامُ عُمْرُه
هلْ يجازَ قَدْرُهُ!
جعفرُ الصادقْ
—————————————-
اخر ايامه بحياته بروحه عاشت كربله
يذكر خيول الاعادي ترض ضلوع البسملة
شلون فرّن بالبراري بلا محامي العايلة
جرح جده بنايباته دموم قيده سايله
همهُ الصادق نسى
كربلا جَرْحُ الاسى
للحزنِ افصحَ دهرُهُ
هل يجازَ قدرهُ !
جعفرُ الصادقْ
—————————————-
البقيع الباقي نزفه جعفرٌ كبره ترابه
لا اكو زاير يمَ يوصل يشكي للمهدي اغترابه
نفس حكم الدوانيقي مجرمه هاي العصابه
بيد ابو صالح نردّها من الذهب نبني قِبابه
تَلوحُ منائِرهُ غداْ
يِخْرِسُ أفواهْ العِدى
اللهُ مُؤيّدْ نَصْرَهُ
هل يُجازَ قَدْرُهُ !
جعفرُ الصادقْ
—————————————-
علي موفق القزاز
ནྱཾ༩ྀ༄ *تقبــــــل الله طـاعتـكـم* ༄ནྱཾ༩ྀ
*ختم الله شهركم بغفرانه*
*و العتق من نيرانه*
*وجعلنا وإياكم من المقبولين*
*عيدكم مبارك*
ནྱཾ༩ྀ༄ *عســـاكــم من عــواده* ༄ནྱཾ༩ྀ
*وكل عام وأنتم بخير...*
اهتزت العليا انهدم اركانهه
من شطر راس السمه وايمانهه
———————————
اهتزت لهل ضربه افاق السماء
والليل عسعس نازفه عيونَ دماء
والنهار اظلم صفه يدور ضياء
والرواسي اهتزت واوديانهه
———————————
بهل خبر شمس الضحى بي كُورت
اتغشت بلون الجرح ما اشرقت
يا لها من صرخة للصورِّ انفخت
و ضجت بذاك الخبر اكوانهه
———————————-
ضجت الافلاك وكل حيّ وجماد
وناحت لوضع الولي سبع الشداد
شلون ليلة مرت بحال العباد
اتغيرت كل الوجود ألوانهه
———————————
نشوف عالقران إبليس انتفض
للذي بجفوفه دين الله انحفظ
لاعباده تصير كل ذكر انقرض
لولا سيفه نعبد بأوثانهه
——————————
وبجهلها تنام هالامه وتفيق
ضايعه جان إبمتاهات الطريق
وكل وثن حاكم وليعبده فريق
بحيدره طاح انتهه شيطانهه
——————————
لوّن إبحبه اجتمع كل الخلق
ما خلق لجهنمَ رب الفلق
هوه ميزان السمه كفت الحق
صحيفة المؤمن علي عنوانهه
——————————-
اهدنا لحبه علي هوه الصراط
بالمثاني واضحة الايه تحاط
وجوب تتفسر اله مو احتياط
بالولاية اتمسكوا وتبيانهه
——————————
اول الحكام مالابس حرير
عنده تسوه الدنيه من يضحك فقير
المُهم مرضات باريه القدير
بدونه تبدي هاليتامه احزانهه
علي موفق القزاز
قصيده من وزن الفجري
مات ابوي شخذت مني يا زمن
مات ابوي ويتم حسين وحسن
شيّرجعها الذكريات
الرايح بلحده يبات
مات ابوي
———————————-
مات ابوي وانتهت عشرة عمرنه
ليش ظالم يازمن تفرق شملنه
مثل ماي اتبده ما واحد يلمنه
خيمه ياناس الابو بعطفه يضمنه
مايعود الجان لعيوني ضوه
مايعود واختلف بعده الهوه
بلا طعم هاي الحياة
الرايح بلحده يبات
مات ابوي
———————————-
ليش احباب الكلب طوّل سفرهم
واحنه بايام الصبه يظلنه ذكرهم
تسوه كل الدنيه من نشتم عطرهم
اغلى مانملك تظل عدنه صورهم
مايجون اه ياجرح الغياب
مايجون كل حلم اصبح سراب
تموت كل الامنيات
الرايح بلحده يبات
مات ابوي
————————————
ويانه كلشي يندعي حيدر يجينه
كسرتك بويه صعب توّكف بجينه
الأوز تسمعه بألم يصدح ونينه
واليتامه هالوكت تلفي علينه
كلشي صاح راح والدها علي
كلشي صاح نار بعده تصطلي
اي وحق الذاريات
الرايح بلحده يبات
مات ابوي
————————————
ماكو احن منّه كلب ياخلك كلبه
خيره تارس كلمن العاش حُبه
ضيعانه من رحل بدنيه غربه
سالفة غيبة علي شدتها صعبه
واليموت الوحشته محد يسد
واليموت ميل عمره مايرد
هذا جرح النهايات
الرايح بلحده يبات
مات ابوي
———————————-
چِنّه نفطر يا علي نكعد سويه
محد يسد وحشتك هاي المسيه
عفت بنتك تنحب بوّنه شجيه
محتم اعلينه اليتم يابو الحميه
شهل المصاب تموت سكته الحبّته
شهل مصاب ذكره تبقه صورته
شتكفي راح العبارات
الرايح بلحده يبات
مات ابوي
———————————-
بويه ياعيد اليجي والبيت خالي
هموم فصلنه لبس بعدك يغالي
نصبح نمسي بدمع بهاي الليالي
والله ردنه شوفتك بعازه يوالي
راح ابوي هذا ياعيد اليجي
راح ابوي نشف عيوني البجي
وابتديها العذابات
الرايح بلحده يبات
مات ابوي
علي موفق القزاز