754
للتواصل @aqeel6178 قصائد مدح ورثاء اهل البيت الاطهار عليهم السلام
قصائد الاربعين
رئيسية
هذا انه جابر يحسين ناديتك بدمع العين
يا حبيبي يا حسين نور عيني يا حسين
---------------
جابر اتعنّالك ودمعه ايتفجّر
وبدليلة جمرة الالام تسعر
وگف يم گبرك حنه ضلوعه وتحسّر
وصاح صوت وبي صدى الحسرة ايتكرر
بضلوعي تسعر نارين ناديتك بدمع العين
يا حبيبي يا حسين نور عيني يا حسين
---------------
بروحي جمرة حزن ما يخمد وجدهه
يا حبيبي لهفة المحبوب ردهه
روحي ما ظن صوتك يجاوب نشدهه
وراسك اعلى الرمح والجثة ابلحدهه
بگلبي لمصابك جرحين ناديتك بدمع العين
يا حبيبي يا حسين نور عيني يا حسين
---------------
حسين يا ريحانة الهادي اوّصيّه
شلون دمك ينهدر بسيوف امية
صدگ رفعوا راسك برمح المنية
صدگ داست صدرك خيول الرزية
وطر مهجتك سهم البين ناديتك بدمع العين
يا حبيبي يا حسين نور عيني يا حسين
---------------
صدگ بالهم وحدك ومن غير صاحب
وين عنك صحبتك وين الاطايب
وين فرسان الوغه ليوث الحرايب
وين جاسم وين الاكبر والغوالب
وجفوف ابو فاضل وين ناديتك بدمع العين
يا حبيبي يا حسين نور عيني يا حسين
---------------
انت شمس الكون وانوارك سناهه
شلون تحت الترب يتحجّب ضواهه
وكل ينابيع الكرم چفك رواهه
وتنذبح عطشان والروح بلظاهه ؟
وبمصابك انصاب الدين ناديتك بدمع العين
يا حبيبي يا حسين نور عيني يا حسين
---------------
عقيل الكاظمي
قصائد استشهاد الامام الحسن المجتبى عليه السلام
كعدة
محفور بذاكرة العالم اسمك يا مظلوم
انت النوّر شمعة آدم اسمك يا مظلوم
منهاجك يل حسن خالد رغم الزمن
اسمك يا مظلوم
............
رابع اسماء الجلالة الزيِنَت عرش الله واللوح
النوِّرَت خطوات آدم واستقر بيها فلك نوح
للسمه أسرار صارت للأرض أوتاد وصروح
اسمك الثاني للحجج رابع لأبواب الفرج
واللي سِلَك دربك عِرج عن الدنيا لعالم الروح
سر هذا الكون وانواره اسمك يا مظلوم
يقود الافلاك الدواره اسمك يا مظلوم
بيك السر مؤتمن خالد رغم الزمن
اسمك يا مظلوم
------------- 1
نورك البي خلَص آدم واهتده بأقدس تراتيل
من صلب آدم لحوّه روح صار بجسد هابيل
لچن زل خصمه وتهاوه من ترك منهجك قابيل
باسمك ابراهيم افتخر اسماعيل عالشده صُبر
ويوسف على البير انتصر من لگاك بنبض راحيل
يالناصر داوود وموسى اسمك يا مظلوم
يالحافظ إلياس وعيسى اسمك يا مظلوم
وايوب اعلى المحن خالد رغم الزمن
اسمك يا مظلوم
-------------- 2
اسمك اللي كشف ذاك الانحراف بذات إبليس
خلّص من الحوت يونس رفع للجنات إدريس
وگبُل رمشة طرف عين الملَك أحضر عرش بلقيس
الما عرف نهجك ما عرف كلشي وعن الحق انحرف
وجدّك الهادي ما وصف شخصك الا بأجل تقديس
ما عافك دوم اعلى لسانه اسمك يا مظلوم
لكل مؤمن واضح تبيانه اسمك يا مظلوم
بصوت الهادي انعلن خالد رغم الزمن
اسمك يا مظلوم
------------ 3
جدك المختار چان يصيح ويركز البرهان
الحسن وحسين (إنْ قاما وإنْ قَعَدا إمامان)
الحسن مني وآنه منه وِجْعلك توأم القرآن
وتعادله بنفس الثقل واثنينكم من فد أصل
بغيرك ابد ما يعتدل للعدل والخير ميزان
بكل خطبه يعيده ويتكرر اسمك يا مظلوم
راد بهذا الحب يتصدر اسمك يا مظلوم
يل حطّمت الوثن خالد رغم الزمن
اسمك يا مظلوم
----------- 4
هاي ذره من كيانك هاي من جدك براهين
كلها ما قنعت الامة وضيّعَت كل الموازين
لون جدك چان حاضر اينصرك بكل الميادين
سلمٌ الى من سالمك حرب لكل من خاصمك
قدّسك ، نزّه عالمك يا عطر جنة الرياحين
للمختار انت الريحانه اسمك يا مظلوم
واليطفي جروحه واحزانه اسمك يا مظلوم
بضعة جنة عدن خالد رغم الزمن
اسمك يا مظلوم
----------- 5
ابو الزهره راد اجره يكون ود الامه وياك
خسرَت اول اختبار وباعتك يالحسن لعداك
بالحرب عافتك وحدك بالصلح كرهت وصاياك
ومن گبُل ما يطلع فجر ونار الخيانه تستعر
ابرجلك نزل خنجر غدر والاثر ما فارگ حشاك
مكتوبه حروفه اعلى الخنجر اسمك يا مظلوم
ثابت عالحگ ما يتغير اسمك يا مظلوم
حاشه يصيبك وهن خالد رغم الزمن
اسمك يا مظلوم
------------- 6
الخنجر المسموم جرحه يهون يم جرح الخيانات
سمّموا چبدك الطاهر من بعد ذيچ العذابات
بالطشت چبدك قذفته وللاجل بانت علامات
ما كفّه بالسم تنچتل جثّتك صابوهه بنبل
حرموك من سيد الرسل وللحقد رفرفت رايات
ام الغي تشوف وتنكر اسمك يا مظلوم
يم جدك ما رادت تذكر اسمك يا مظلوم
وانت بهاي الفتن خالد رغم الزمن
اسمك يا مظلوم
-------------- 7
عقيل الكاظمي
نعي للامام الحسن الزكي المجتبى صلوات الله عليه
سهام المصيبة اعلى النعش
صابت اخويه بجثته
توه بلهيب السم خلص
كلبه وتوذرت جبدته
..........
جاني الخبر عن حالته
وكل مفصل بجسمي ارتعش
يلفظ جبدته بالطشت
من جمرة السم والعطش
ما خلص السم لوعته
حتى انرمه بسهم النعش
حي ميّت اصحاب الغدر
بي خانت وما رحمته
...........
طك كلبي من شفت الطشت
ظل الدمع ينزف دمه
وشهكت جروحي اعلى الحسن
وبروحي شهكت فاطمة
جسمه الطريح اعلى النعش
ذابل من السم والظمه
وذاك الجمال الاحمدي
يا وسفه ذبلت زهرته
............
سبعين نبله وما برد
گلب الخبيثه الغادرة
عكب الجمل شنت حرب
خانت العتره الطاهره
منعت اخويه يندفن
يم كبر جدي ومنبره
للهادي كسرت خاطره
وخالفت امره وكلمته
..........
القدر للهم شرح صدري منشراح
وحزني الكون ميحمله منشراح
أنه زينب ولو يدري منشراح
لبس ثوبه الدهر اسود عليه
عقيل الكاظمي
نعي للقاسم ابن الحسن عليهما السلام
بصوت سماحة السيد مهدي الاعرجي
كلمات عقيل الكاظمي
نزلة عزاء لام البنين عليها السلام
عكيلي
يا حامل اسمي وعنواني
بذاك الموقف لا تنساني
----------------
ربيتك يا شمعة بيتي
وتستاهل جهدي وتربيتي
يا أغلى وأعظم تضحيتي
بتضحيتك حيدر وصاني
----------------
وصاني وعد عين اوصيته
ابصيتك احفظ اسمه اوصيته
گلبي ابّين ايدك خليته
يا نبضي ولهفة شرياني
---------------
بالطف يا عباس اذكرني
هناك گبالك تتصوّرني
من اتعِز دمّك تخسرني
ومن يرخص بالدم تلكاني
-------------
تتقرب للباري بدمك
ولاسم حسين ترخّص اسمك
تحفظ جسمه ويوگع جسمك
يا بدر الحق المتفاني
-------------
تفرّحني بگطعة چفينك
وتگر عيني بنبلة عينك
وتجازيني بگطع اوتينك
وترفع راسي وترفع شاني
-------------
خل گلبك يبذل كل جهده
بذاك الموقف وانت بشِدة
بارينه لصوتك ميرده
ادعيلي وفرج احزاني
..............
من يتغيّب بالطف بدرك
كون الزهرة هناك تحضرك
وتقبل تضحيتي بدم نحرك
ويوم المحشر تتلكاني
..............
عقيل الكاظمي
#غدير مبارك يا #شيعة_علي عليه السلام
#القصيدة وأسألكم الدعاء والفاتحة لوالديَّ
گوم للكرار جدد بيعته * الرفع راس الدين ارفع رايته
عاهِد علي تنصرة ** وابصمله بالعشرة
--------
الله راده للقيادة وللولاية اختاره
بايعه الهادي بغديره واحتفل بانواره
حيدر من الازل أمره مذخور
وارث المصطفى وبالله منصور
وكلنه انصاره
آية التبليغ حجه اعلى البشر * تفضح الخائن اذا للحگ نكر
من هاي اخذ عبره ** وابصمله بالعشرة
----------
آية بسمه ونور رسمه بالغدير تلاله
والنبي منبر نصبله وساعد الحق شاله
بيعه صارت فرض عالمسلمين
وتمت النعمه والرحمه والدين
بالنبي وآله
والذي ما وقّع وياه العهد * ضايع وما شاف درب الحق ابد
وانت اعلى هالفكرة ** أبصمله بالعشرة
----------
بصوت عالي يالموالي بسم حيدر نادي
الباري عيّنلك امامك عگب عين الهادي
آية الحق نزل بيهه جبريل
بهل فضل ناطقه بلاية تأويل
والفضل بادي
عن علي وبيعة علي بالك تحيد * مثل حبك خل يظل عهدك جديد
الحبيته عالفطرة ** ابصمله بالعشرة
---------
خلي عهدك مثل ودّك ولإمامك بايع
علي واحد ماله ثاني وثالث ولا رابع
والنسه وما عرف هذا الحساب
ما إله بساعة المحشر جواب
ولا إله شافع
وانت يل عاشگ على هذا الامر * وِجَب تهدي لخالقك سجدة شكر
وكلما علي تذكره ** تبصمله بالعشرة
----------
علي رحمه وعلي حكمه وللنبي هارونه
علي سيفه وعلي درعه وعلي رمحه وعونه
بايِعه ابدمّك وارفع الصوت
ما يفيد العبد ساعة الموت
كل عمل دونه
بهذا تأييدك لامير المؤمنين * اتبايع ويه الحره والريحانتين
اوّي بيعة الزهره ** أبصمله بالعشرة
--------
#عقيل_الكاظمي
#الكاظمية_المقدسة #النجف_الأشرف #كربلاء_المقدسة #ياعلي
#علي_ولي_الله #ولاية_علي_حصني #ولاية_علي_أصل_العقيدة
❇️ قصائد استشهاد الامام محمد الجواد عليه السلام
عظم الله اجورنا واجوركم باستشهاد باب المراد الامام محمد بن علي الجواد عليه السلام
القصيدة
امّة الهادي اختلف عنوانها
عِصَت ربها وطاوعت شيطانها
----------
انزل الها الباري آيات او وحي
ما نعذّب دون ما نرسل نبي
وبالنبي المختار وبنور الوصي
تمّم الحجة وثبت برهانها
-----------
تمَّمَ الحجة على كل العباد
وشافت بنور النبي دروب الرشاد
اتعلّمت عالصبر عالحگ عالجهاد
وبالمفاخر شيدت بنيانها
----------
لاچن انقلبت الأمة اعلى الاعقاب
وگالهه المعبود بآيات الكتاب
بس يغيب المصطفى ايصير انقلاب
وعل حقائق تختلف الوانها
----------
شافت البيعة لعلي بيوم الغدير
دِرَتْ من بعد النبي هو الأمير
گالت اللي بالحرب ما تم، يصير
بغدرة السم لو عجز ميدانها
----------
بدت بالسم غِدرَت الهادي الرسول
وفجعت الكرار بمصاب البتول
وغالت بليلة قدر فحل الفحول
وبنبيها ما شفت اضغانها
----------
سمّمَت چبد الحسن چانت تريد
تنتقم من النبي الهادي وتزيد
شفت غيظ گلوبها بدم وريد
بكربله بيوم انفجر بركانها
-----------
بالطفوف حسين حزّت رگبته
وصوت هالأمّة تعالت صرخته
لأهل هذا البيت لا تُبقوا فتى
والاجيال تواصت بإعلانها
---------
عگب وقعة كربله ودم الحسين
سمّت السجاد زين العابدين
ونال من الباقرين الصادقين
سم بني سفيانها ومروانها
------------
وابن جعفر غالته بسمّ الغَموس
والرضا مغدور مات بأرض طوس
لاچن الحسرة التذوب الها النفوس
وتسلب الأرواح من أبدانها
----------
مصاب صاب الدين ما مثله مصاب
يوم بدر الكون عن الكون غاب
بيه غدرت تاسع اليمه الشباب
والديانه انصابت ابوجدانها
----------
اربعه وعشرين عام من العمر
توِج بين جروحه نيران الصبر
يوم أنزل والده بذاك الگبر
عيونه ظل ينزف جمر إنسانها
-----------
من حِزِن فگد الرضا ليوم الممات
حمل بين ضلوعه جمر النايبات
لحد ما ودع غصص هاي الحياة
وطلع من آلامها واحزانها
-----------
طفّت ام الفضل أنوار الرشاد
بامر عمها أغضبت رب العباد
بعِنَب غادِر كطّعَت چبد الجواد
وللهداية هدّمت أركانها
-------------
مثل جده حسين طر گلبه العطش
وظل ثلثتيام مرمي بلا نعش
والقلم واللوح يم جسمه انفرش
والعقيدة انفجعت بقرآنها
-------------
فطر چبده السم فطر گلبه الظمه
وغدت لمصابة الارض تبچي دمة
وانطوت لمصيبته ضلوع السمه
امن اندفن تحت الأرض كيوانها
--------------
عقيل الكاظمي / 16/5/ 2026
يهدى ثوابها الى روح والدي ووالدتي
#باب_المراد #محمد_الجواد #جواد_الأئمة #تاسع_الأنوار
#الكاظمية_المقدسة #كربلاء_المقدسة #النجف_الأشرف
#ياعلي #ياحسين
❇️ قصائد استشهاد الامام محمد الجواد عليه السلام
شيَّعوا نعشَ الشهيدْ
بعد الفٍ او يَزيدْ
............
الف حسرة انگضت عل جرح واكثر
وميعاد المدامع ما تأخر
تجفّ اعمارنا والحزن يكبر
تغيب ارواحنا والألم يحضر
لم يَزَلْ غضاً جديدْ
بعد الفٍ او يَزيدْ
.............
تشيب الدنيا بس يبقه الحزن شاب
بعشرين وخمس بدره انطفه وغاب
طاب النوح النا وجرحه ما طاب
مثل موت الورد چبده التوه وذاب
مِلءَ دنياهُ صَديدْ
بعدَ الفٍ او يزيدْ
...................
خريف الموت من باغَت ربيعه
حزينة انتثرت حروف الشريعه
ويوم اللي مشه السم بنجيعه
عليه ناحت تسابيح الطبيعه
فَلَهُ حزناً تميدْ
بعدَ الفٍ او يَزيدْ
...............
أمطار السحاب اعليه مدامع
وصرخات السمه صوت الزوابع
اعلى سطح الدار چان الموت خاشع
يشوف ابن الرضا بروحه ينازع
وله الصبرُ نشيدْ
بعدَ ألفٍ او يَزيدْ
...............
حبيس الدار بس الموت عنده
وأنياب العنب تاكل بچبده
ومن سلّم لعزرائيل يدّه
گضه وما ماتت الآهات بعده
فالهُدى أضحى وئيدْ
بعدَ ألفٍ او يَزيدْ
..............
عليه الماي ضامي بكل شعوره
والتاريخ ناحَت كل دهوره
غيابه للزمن يذبح حضوره
او تموت سنينه وتيتِّم شهوره
طارفَ الحُزنِ تَليدْ
بعدَ ألفٍ او يَزيدْ
.............
#عقيل_الكاظمي
لا تنسوا والديَّ بالدعاء والفاتحة
#باب_المراد #محمد_الجواد #جواد_الأئمة #تاسع_الأنوار
#الكاظمية_المقدسة #كربلاء_المقدسة #النجف_الأشرف
#ياعلي #ياحسين
❇️ قصائد استشهاد الامام محمد الجواد عليه السلام
سجدت تواسيك دمعتي
ما تنشف اعليك دمعتي
تصرخ يمسموم دمعتي
-------------
أكتب وأترجّى الدمع * يتصبّر وما يجري
بلّل اوراقي وما خمد * ذاك اللهيب ابصدري
كل مفردة ظلت تون * تدري بمصابك تدري
والقافية ماتت قهر * وتشيّعت وي صبري
باشعاري بركان ما طفه
وظل جرحي سهران ما غفه
وما شافت النوم دمعتي
--------------
اعلى احزانك الما تنوصف * وجروحك الما تنعد
لو جمر گلبك والضمه * وسم چبدك الما يبرد
يتواصل الهام الجرح * وبلا جزر يبقه المد
ويطول ليلي اويه القهر * لو طلع للهم فرقد
تسودّ الايام بالحزن
وتموت الاحلام بالجفن
وتواسي النجوم دمعتي
----------------
ما بين گلبي والصبر * ديرة مصاب بعيده
وشلون يصبر والامل * بيد القدر مو بيده
والقدر طفه شمعتك * والعُمُر يتّم عيده
وطاح الامل يم جثّتك * والموت حزّ اوريده
ماتت الآمال بحسرتك
وصوّبت أجيال مصيبتك
ونعادت اليوم دمعتي
-------------
شمعة شبابك من طفت * طفوا نهار الفرحه
وابنك الهادي لفرگتك * عاشر مآتم جرحه
والوسن فارگ ليلته * والشمس هجرت صبحه
وبصدره مصحف للحزن * عل كون يصعب شرحه
خازن الاسرار ضامره
وكاتم الاعبار خاطره
وكشفت المكتوم دمعتي
-------------
گلبك فتك بيه الضمه * بالسم توذّر چبدك
يبن الرضا ومصيبتك * تشبه مصيبة جدّك
ضامي گضيت بغربتك * ولا حضر واحد عندك
وتلث ليالي اعلى الارض * ما نزّلوك بلحدك
وجمعت جرحين من الزمن
شابهت الحسين والحسن
وعليكم دموم دمعتي
--------------
ذوّبوا بالسم چبدتك * بالغربة ذبحوا عيدك
بس ما رموا نعشك سهم * ولا سيف حزّ اوريدك
ولا شفت فوگ المشرعة * مگطوع چف اعضيدك
ولا سلّبوهه لعيلتك * ولا شفت ذبح اوليدك
ولا خيل الاشرار داستك
ولا حرگت النار خيمتك
واست المظلوم ** دمعتي
----------------
عقيل الكاظمي / بغداد
❇️ قصائد استشهاد الامام الصادق عليه السلام
مسموم خلصت حياتك
مظلوم حتى بمماتك
ذاب الچبد بالسم والمرقد تهدم
----------------
سوح الفكر والمعرفة * رفعت عَلَمهه بإسمك
وللعلم لو نرسم صور * ما تحله إلا برسمك
والحكمة روح ولا جسد * بيه تحل إلا بجسمك
وحل الأمور المعضلة * أصبح رهين بحَسمك
للدين تبذل جهودك
لله ترخِص وجودك
اوللحگ صرت معلم والمرقد تهدم
---------------
أهل العلم واهل الفضل * انت لعِلِمهم مصدر
وكل عالم وكل مجتهد * من شاف شخصك كبّر
واحد هتف ما بالبشر * أشرف واجل من جعفر
اوّاحد بمدرستك درس * سنتين بيهن يفخر
عالكون فاضت علومك
معلوم حتى لخصومك
بكل الأمور اعلم والمرقد تهدّم
--------------
يا صادق اليمه انذهل * حتى الخصم باوصافك
يعلم بأنوارك فرع * من وهج نور اسلافك
عالناس تنشر رحمتك * تغمرهم بألطافك
خسران كل من خالفك * فاز التبع أهدافك
أهداف نهجك حكيمه
آيات فضلك عظيمه
وسر ذاتك الأعظم والمرقد تهدّم
----------------
آيات مجدك باهره * اوّاضح صبح برهانك
لاچن بنيران الحقد * شبّت مُهج عدوانك
عنوانهم غيظ وحسد * وانت الشرف عنوانك
ميدانهم سمّ وغَدِر * وانت الفكر ميدانك
الأحقاد عدهم ديانه
وميراث طبع الخيانه
تجري اويه مجره الدم والمرقد تهدّم
----------------
صارت أناملهم حُمُر * من دمه چبود العتره
مثل السيوف الوذّرت * جدّك وگطعت نحره
الليلة ابمصابك هشّموا * سادس ضلع للزهرة
ومن عگب چتلك چم ضلع * يتفاخرون بكسرة
بدماك حمرة الأنامل
و وجوه سودة اوتِماثل
ماضيهم الأظلم والمرقد تهدّم
-----------------
گوم اللي سمّوك انتهوا * لاچن نَسِلهم ممتد
هالخلف من ذاك السلف * ايجدّد الماضي الأسود
رادوا بسمهم ينطفي * نورك الزاكي الأمجد
شافوا عطاءك مستمر * هِدْموا عليك المرقد
مجروح گلب الرسالة
والنوح لجلك تعاله
ودين النبي تألم ** والمرقد اتهدّم
----------------
عقيل الكاظمي
الكاظمية المقدسة من ديوان خواطر الافكار ج1 ص 61
❇️ ابوذية لاستشهاد امير المؤمنين الامام علي عليه السلام
اذا مو لجلك المصحف عليمات
وبيه شكثر من وصفك عليمات
انفجع يوم النعه الناعي علي مات
الونين ايرتل اياته السبية
.................
#عقيل_الكاظمي #الكاظمية_المقدسة #النجف_الاشرف
#ياعلي #بغداد #ابوذيه #ابوذيات #شعر #شعر_حسيني #شعر_شعبي
❇️ ابوذية لاستشهاد امير المؤمنين الامام علي عليه السلام
ابكثر ما سيفه طبّر ودلهمّات
العده، ما لحظه بينه ودلهمات
علي والدنيه ماتت ودلهمات
يوم الودع الاكوان ضيه
............
#عقيل_الكاظمي #الكاظمية_المقدسة #النجف_الاشرف
#ياعلي #بغداد #ابوذيه #ابوذيات #شعر #شعر_حسيني #شعر_شعبي
❇️ قصائد استشهاد مولانا امير المؤمنين الامام علي بن ابي طالب عليه السلام
رئيسية
على بابك نهار الفاجعه يحوم ** يحيدر
فجر هل يوم ابد مو مثل كل يوم ** يحيدر
الملايك تنتظر ** واذا طر الفجر
فجر هل يوم ابد مو مثل كل يوم ** يحيدر
**************
يمودّع سواد الليل بآلامك
يل ماخذ ربيع آمال أيتامك
وراك دموعهه والموت جدّامك
اشيظل بهل زمن لو راحت ايامك
تودّع دنيتك وتعانق الموت ** يحيدر
تمشي وتمشي خلفك حسرة الصوت ** يحيدر
ابنحيبه المستمر ** واذا طر الفجر
فجر هل يوم ابد مو مثل كل يوم ** يحيدر
*************
نبره تريد لحدود الوفه تودعك
نبره تريد من آجالك ترجعك
واحد صوتهه وبلهفته ايتبعك
گبل لا خالقك للمنتهى ايرفعك
شبگت محزمك لهفة البسمار ** يحيدر
لن صاح الإوز يمهاجر الدار ** يحيدر
نأيّس ؟ ننتظر ؟ ** واذا طرّ الفجر
فجر هل يوم ابد مو مثل كل يوم ** يحيدر
***************
اطلعِت يا حيدر امن الدار للمسجد
وسيف الموت عنده بهامتك موعد
حس بيك الفجر رايح بعد مترد
ظل يتوسّلك يالغالي لا تبعد
كل شي بهل وجود اتحسّر اعليك ** يحيدر
حتى الودّعك أصبح يتانيك ** يحيدر
بچت ليلة قدر ** واذا طر الفجر
فجر هل يوم ابد مو مثل كل يوم ** يحيدر
**************
مخنوگة الحياة اعليك تتحسّر
كل شي بهل وجود يصيح يا حيدر
محرابك ينوح لحسر المنبر
يمن حتى الاثير بفگدك تأثّر
محرابك يناطر غدرة اعداك ** يحيدر
ينوح ومنبرك بالحسرة ينعاك ** يحيدر
الاماني تحتضر ** واذا طر الفجر
فجر هل يوم ابد مو مثل كل يوم ** يحيدر
**************
هوى سيف المرادي وانجسم راسك
اختنگ حتى الاثير ابشهگة انفاسك
انت اللي فزت والخسرتك ناسك
وظل ويه اليتامه خالد احساسك
قبّل هامتك من صابك السيف ** يحيدر
وبعيون اليتامه اتبخر الطيف ** يحيدر
العمر بعدك خطر ** واذا طر الفجر
فجر هل يوم ابد مو مثل كل يوم ** يحيدر
**************
ألم حزنك فلا خمدت براكينه
وبعدك يا علي زادت مآسينه
أهل الجور باعوا واشتروا بينه
انسِلَب حتى وطنّه ورخص غالينه
ارضنه وصرنه بيهه اليوم اغراب ** يحيدر
وأصبحنه أسارى بولية اجناب ** يحيدر
وحكم اهل الغدر ** واذا طر الفجر
فجر هل يوم ابد مو مثل كل يوم ** يحيدر
***************
#عقيل_الكاظمي #بغداد #الكاظمية_المقدسة
مدونتي
#قصائد #شعر #شعر_شعبي #شعر_حسيني #شعراء #ياعلي
❇️ قصائد استشهاد مولانا امير المؤمنين الامام علي بن ابي طالب عليه السلام
رئيسية
جاءَ مِن وحيِ السماءْ * صوتُ حُزنٍ وبُكاءْ * يا أميرَ الأوصياءْ
علي علي علي
---------------
إذا شِفت السمه من دم دمعهه يسيل
إعلم هذي دمعة حزن جبرائيل
وإذا ناحت الآية بمحكم التنزيل
گبلهه انفجعت التوراة والإنجيل
هتف صوت الوحي وكبَّر ** هالليلة انطبر حيدر
ودين الله انهدم سورة ** وعلى الساقي بچه الكوثر
قد علا صوتُ النَّحيبْ * ناعياً فقدَ الحبيبْ * هاتفاً عندَ العزاءْ
علي علي علي
-------------------
إذا شفت السمه تمطر بلايه غيوم
جره دمع الكواكب والنجوم اليوم
اوعِلَت آهات جبريل بحزن وهموم
والأملاك تنحب والدموع دموم
فطَر گلب السمه صوابه ** وناح الكون لمصابه
صدگ حامي الحمه الليلة ** انصرع باحضان محرابه
قد هوى سرُّ الحياةْ * بينَ أحضانِ الصلاةْ * فغدا يعلو النداءْ
علي علي علي
-----------------
تصوَّب حيدر بأحضان محبوبة
بمحرابه وگع والهامه مصيوبه
وكريمة وجهه من دم راسه مخضوبه
وكرامات الشهاده بدمه مكتوبه
وسِمَع صوته العدل والميت ** فِزِت واقسم برب البيت
ابيت الله انگضه نحبي ** وانه المولود بيه حليت
سيفُ أشقى الأشقياءْ * غالَ أتقى الأتقياءْ * ذاك شمسُ الكبرياءْ
علي علي علي
-----------------
الفجِر طرّ وعلي بالسيف راسه انطرّ
يريت الفجر لا طر من عگب حيدر
اذا نور الوصي بدنياه ما يظهر
عسى لا ليل عَسعَس لا صبح أسفر
علي بَسْمَه ابشفاه الكون ** علي وبيه كل گلب مفتون
شلون يفارگ الأمة ** وهو للمصطفى هارون
غالَهُ حِقدُ اليهودْ * فَرَمى ثوبَ الوجودْ * ليُلاقي الأنبياءْ
علي علي علي
-----------------
قِلَع باب اليهود بساعد القدرة
اوحِقِدهم قِلَع بوّابة حِصن عمره
علي حجة الباري وآيته الكبره
بليلة قدر صابت هامته الطبره
حيدر آية الجبار ** وصدره خازن الأسرار
مثل فتحة كتاب الله ** انفتح راس الوصي الكرار
سالَ من رأسِ الشهيدْ * دمعُ قرآن مجيدْ * وحروفٌ من دماءْ
علي علي علي
----------------
نِزَف جرحه وتِرَك باللوح آثاره
الحِمَل نعشه حمل أثقال أسراره
غُفَت عينه وصحه بدمنه جمر ناره
اندفن بدره وبگت بالدنيا أنواره
وِشْما بالسمه كوكب ** ينوح لفرگته وينحب
ودمعات النجوم تسيل ** وي دمعة جفن زينب
كيفَ بدرُ الحقِ غابْ * كيفَ غطاهُ الترابْ * وبِهِ الكونُ أضاءْ
علي علي علي
-----------------
#عقيل_الكاظمي / #دمشق
مدونتي
#قصائد #شعر #شعر_شعبي #شعر_حسيني #شعراء #ياعلي
❇️ ابوذية لاستشهاد امير المؤمنين الامام علي عليه السلام
الحق وياك والباطل مراداك
وتدري لخالقك حتما مراداك
المرادي يا علي حقق مراداك
الشهاده وخانك بسيف المنية
--------------
#عقيل_الكاظمي #الكاظمية_المقدسة #النجف_الاشرف
#ياعلي #بغداد #ابوذيه #ابوذيات #شعر #شعر_حسيني #شعر_شعبي
آه يا الاربعين
كعدة
كل آيه تبدي ابّسمله والحزن يبدي بكربله
ما تنوصف جمرة مآسيها اولها موت وحسره تاليها
يا ألمهه ياألمهه
-------------
كربله مهد المصيبة من خلقهه خالق الكون
لو حچت كل جرح يسكت كل فجيعه گبالهه تهون
وحتى ما يخمد لهبهه خلق الهه گلوب وعيون
هالدمع يشعل هالجمر ومحرم اعليها الصبر
ويرخص بساحتهه العمر والحزن منها اخذ لون
ما ينعرف شكل الجرح ضربة نصل طعنة رمح
بلون الدمه انصبغت بواديها اولهه موت وحسره تاليها
يا ألمهه ياألمهه
----------
كربله بالموت والدم ابتدت والعطش والنار
الموت بيهه چان ظامي والنجيع يفيض انهار
يشوف آلات الدمار وصار الهه يوزّع ادوار
للرمح دور وللحجر وسلط السيف اعلى النحر
ومن خله نبلات القدر ما تعرف كبار وزغار
بعين الكفيل وجربته وصدر ابو اليمه وچبدته
سهام الغدر صابت مراميها اولهه موت وحسره تاليها
يا ألمهه ياألمهه
-------------
العطش جيش انتهازي يستغل نيران الحروب
السيف بي تنحز مناحر والعطش بي تسعر گلوب
ما ترك من آل طه مهجه إلا بجمرته تذوب
ما رحم شاب ولا كهِل وكل لهفه يسگيهه بنبل
وبيه انذبح حتى الطفل بسهم غادر عمره منهوب
هاي ام لابنهه تودّعه والجفن ناشف منبعه
وذيچ اتعرف بغياب واليها اولهه موت وحسره تاليها
يا ألمهه ** يا ألمهه
--------------
السيف بيهه اخذ دوره وما ترك للعايله ارجال
مثل ما حزّ المناحر گطّع ابكربله الآمال
من بعد عين الاماجد بس عليل وحرم واطفال
لمن گضه انهار الدمه وامست العيله بلا حمه
بنات الوحي اغطاهه السمه بلا خيم نامت على ارمال
نامت على ارماد الخيم والخوف والهم والالم
امسى عگب عباس حاميها اولهه موت وحسره تاليها
يا ألمهه ياألمهه
---------------
الليل ما طالت احلامه الشمس للهم رفعت اعلام
وروس تلمع چالكواكب انرفعت اعلى ارماح ظلام
والهزل حنت اونت وشربت من دموع الايتام
للكوفه طب ضعن اليسر عالآه يمشي وعالجمر
وزينب خلص منها العمر بين جرح الكوفة والشام
طلعت من الكوفة تون للشام دخلت بالحزن
بخوله ورقية الدهر سابيها اولهه موت وحسره تاليها
ياألمهه يا ألمهه
------------
آه يا شام الخرابة ويا خرابة ذيچ الارواح
استقبلوا ضعن السبايا بالشماته وصوت الافراح
زينب بمجلس يزيد وراس ابو اليمه اعلى الرماح
شاهِدَت كل هاي المحن وتوقف بدمها الزمن
ولنهه ابحزنها اويه الضعن بكربله چن ديرةاشباح
عافت جسوم اعلى الثره ردت وشافت مگبره
ضمت اخوتها وكل امانيها اولهه موت وحسره تاليها
يا ألمهه يا ألمهه
-------------
كربله اولهه موت وظمه ونار وجمر آهات
وهذا تاليهه مصيبه على الخوّه ولهب حسرات
وزينب اعلى اگبور اهلهه صبّت من الگلب عبرات
من لحد تتعنه اللحد منهن تشم عطر الورد
تناديهم ومحّد يرد وهيه تدري حسين ما مات
لا ضوّه مصباح الهده ولا كافل يرد الصده
تحت الترب غابت رواسيها اولهه موت وحسره تاليها
يا ألمهه يا ألمهه
------------
عقيل الكاظمي
نعي للامام الحسن عليه السلام
يمظلوم
يتيمة الخوه من بعدك يمظلوم
وسف كدام عيني تموت مسموم
لظل انحب عليك بكلب مهظوم
يمظلوم
تعال وشوف اخوك حسين هاليوم
يهل دمعة عيونه وحيله مهدوم
انكسر ظهره عليك وفرحت الكوم
----------
الحسن مات
اجاني صوت نعيك بين الاصوات
عكب عينك اشوف الفرح هيهات
انترس كلبي جراح ودمه ولچمات
-------------
مع الشاعر الاستاذ وسام ابو زينب الكعبي الحلي حفظه الله
Читать полностью…
فتحة عزاء للعليلة عليها السلام
افگدِت كل نجمة بسماي ** عليلة وجرحي بحشاي
-----------
ليل بلا صبح عمري بعدهم
اوعليّه تراكمت هم من بعدهم
صفيت انتظر ومضه من وعدهم
الي يردون وانظرهم وعدهم
شموس تضوّي دنياي ** عليلة وجرحي بحشاي
------------
اعدهم شمعة شمعة ورده ورده
اودليلي امن المنية ورده ورده
الگلب حس من بعدهم وحده وحده
اوسنيني بآه خلصت وحده وحده
بقت بس حسرتي اوياي ** عليلة وجرحي بحشاي
------------
أعاند جرحي واصرخ مالمتني
وانه المنّ المناحة مال متني
اگل للدنيا چفّچ مالوتني
وانه شما مال وكتي مال وتني
ضوه اينسّيني بلواي ** عليلة وجرحي بحشاي
------------
رحل عبد الله ورقيه وسكناه
بعد يهده الجرح بيمن وسكناه
اويه الأكبر راح امل عمري ويمناه
ولا عباس يم گلبي ويمناه
وفگدت الصبر والراي ** عليلة وجرحي بحشاي
------------
امل ما ظل بعدهم وارجه الحسين
واظل للموت اتاني وارجه الحسين
اشكثر ناديته اريدك يمي ضلعين
اخَذ عيني ونظرها ومني ضلعين
او رحل عن دنيتي ادواي ** عليلة وجرحي بحشاي
------------
ابويه الچان كعبه وانه طفلا
رحل عني وتركني وانه طفلاه
البعد أيامه طالت وانه عدلاه
عليله وچني ميته وانه عدلاه
اشيگول الوالد ابهاي ** عليلة وجرحي بحشاي
------------
أطش الصبر عگب حسين ولماه
مثل فاگد نسيم العذب ولماه
ابخيالي أغفه بين ايديه وظماه
ابعطش گلبه تحس الروح وظماه
وأغص من اشرب الماي ** عليلة وجرحي بحشاي
------------
عقيلالكاظمي
قصيدة لمسلم بن عقيل عليه السلام
رئيسية
طايح يمسلم شفتك گبالي
هاي اللي ما چانت على بالي
هاي آنه طوعة لصوتي تسمعه
--------
دگيت بابي وطلبت من عندي شربه
بصوتك لفتني من سعير ظماك لَهبه
ذبّل محيّاك الظمه وحالتك صعبه
عينك على درب الوطن وانت بالغربه
والوطن اسمه حسين ابو اليمه
لجله اقبلت تتغرّب وتظمه
وعمرك تودعه لصوتي تسمعه
---------
مو ماي من عندي اطلبت من عندي نُصره
حتى تشرّف مهجتي ابنُصرة الزهره
وآنه العشت كل دنيتي أخدم العتره
كل شي ابحياتي بهالبحر ما يسوه گطره
تمنّيت اضحي ابدمّي لوجودك
ولا سيف ظالم يوصل احدودك
لنحرك يگطعه لصوتي تسمعه
-----------
تمنّيت يا مسلم أنه بدمّي انصرك
أخذوك من گلبي ورحت بحبال أسرك
تمنّيت نحري ينگطع من گبل نحرك
ما چنت اظن ابني اللي يغدرني ويغدرك
يا ريت ابني اتگطّع ابدالك
ولا تنسحب جثتك على ارمالك
لگلبي تفجعه لصوتي تسمعه
----------
تمنّيت عندي اربع اولاد ومضحّين
لعيونك انذرهم واصيرن ام البنين
تمنّيت اصير لولدك الغُرّ الميامين
أم ثانية وأرخص لجلهم شمعة العين
لو عطشو الهم انعصر غيمة
ولو گطعو البر مهجتي الخيمة
لشملك تجمعه لصوتي تسمعه
------------
حاطتك كثره نفوس بس نفسك وحيده
من عل قصر شمروك وعيونك شريده
بين السمه وبين الارض يبعث بريده
گلبك يصيح ودمعتك آ يا حميده
لمن صحت يمكن وصل صوتك
وطحت بگلبهه وصار تابوتك
وكل نبضه دمعه لصوتي تسمعه
-----------
شمروك وجروحك ضوه ونفسك ابيه
جسمك هوه وروحك على جناح المنيه
ومن وصلت اخبارك لارض الغاضريه
سارت دموع حسين فوگ الخد سبيه
هذا الذي بفگدك تراوالي
اتگطع دليل حسين وآمالي
شما جرحي ينعه لصوتي تسمعه
-----------
عقيل الكاظمي
❇️ قصائد استشهاد الامام محمد الباقر عليه السلام
ذكريات الموت ـــــــ للإمام الباقر عليه السلام
آ يا ذكريات الموت حضرت ساعة وداعك
الما خلت نجم بسماك ولا كطرة نده بكاعك
بس جروح وجمرة نوح ظلت تدوي باضلاعك
------------
على فراش الالم والآه جرحك والجفن ساهر
وحضرت عيلتك يمك للتوديع يالباقر
شقتههه وصارت گبالك صور من ليلة العاشر
اموادع ذكريات تعيش اوياك اتهيّج اوجاعك
-----------
سكونك على فراش الموت ومناحة عيلتك يمك
يذكرك ليلة اهتزت گاع الطف تحت جدمك
يوم اوداع ابو السجاد وعمتك زينب وعمّك
ساعات الحزن والخوف راعك بيهه ما راعك
-------------
وداعك لابنك ايذكرك وداع حسين والأكبر
ظامي يودع بظامي ومنحر يشبگ بمنحر
الاكبر فجع گلب حسين او مصابك طر گلب جعفر
ذاك الگلبه من گلبك واطباعه من اطباعك
-----------
شفت شكثر من دهرك سهام ونايبه وهموم
ما بين الگضه مذبوح وما بين الگضه مسموم
ابوك العاش عگب الطف كل عمره جرح ملچوم
وظلت من نحيبه وياك نبره تعيش باسماعك
-----------
على زيد انكسر ظهرك مثل كسرة ظهر جدك
على العباس لمّن طاح دامي وهل خبر عندك
المثلث فُطَر چبد حسين وانت السّم فطر چبدك
وجّر صدرك بناره اولهيبه وغيّر اوضاعك
-------------
كل هاي الصور بحشاك خذتهه وسلّمت أمرك
نزلَتْ باللحد وياك عگب ما خلّصت عمرك
طلَعِت من دنيتك مسموم دامي وملتهب صدرك
وبهذا السفر لله صبرك أصبح متاعك
-------------
عقيل الكاظمي
٦ / ذو القعدة / ١٤٤٤ هـ
٢٥ / ٥ / ٢٠٢٣
ديوان 100 ابوذية لـ 100 شاعر من شعراء اهل البيت عليهم السلام في حق الامام الباقر عليه السلام
يهدى ثوابه الى أرواح أموات شيعة أمير المؤمنين علي بن أبي طالب عليه السلام ولا سيما أموات المشاركين وصلى الله على محمد وآل محمد الطيبين الطاهرين
قصيدة لاستشهاد الامام محمد الجواد عليه السلام
سَم جعده بيد ام الفضل جدّد مصاب العتره
بچبد الحسن وابن الرضا نفس اللهب والجمره
---------------
نفس المصاب ولوعته * وجمرة لهيب احزانه
صوّب الدين بهيبته * وصدّع مَشيد اركانه
سمّ الفطر چبد الحسن * وللحق هدم بنيانه
بچبد الجواد تلاهبت ناره وتوجَّر صدره
---------------
مو صدفه تكرار الحدث * بنفس الفعل والصوره
راعي الخيانه بكل عصر * لاحفاده ينقل دوره
والجور معروف بقلم * واحد كتب دستوره
الظالم اذا وجهه اختلف ما يختلف بالفكره
---------------
الظالم لون وجهه اختلف * وتعدّدت اوصافه
ما يختلف عنده الفكر* متوحّد بأهدافـه
شما طاغي يظهر بالدهر * يتبع نهج اسلافه
يتورّث اطباع الحقد او يحمل معالم غدره
----------------
وام الفضل ورثت طبع * جعده وغدرهه وسمهه
خانت اهل بيت النبي * والحقد يسري بدمهه
غدرت بعلهه والقصد * ترضي مصالح عمهه
گطّعت چبد ابن الرضا وذبّلت زهرة عمره
----------------
لاهِب جرح چبد الحسن * وتوذر بسم جعده
وام الفضل لابن الرضا * گطّعت بالسم چبده
هموم الجواد ولوعته * من الحسن ممتدّه
ومصدر مصايبهم صبح ضلع البتول وكسره
---------------
حزن الجواد ولوعته * تشابه مصيبة عمّه
بنفس الطريقه اغتالته * چفوف الضلاله تسمّه
وثلث ليالي بلا دفن * بالدار عافوا جسمه
مثل الحسين بغربته ظل جسمه فوگ الغبره
---------------
#عقيل_الكاظمي
لا تنسوا والديَّ بالدعاء والفاتحة
#باب_المراد #محمد_الجواد #جواد_الأئمة #تاسع_الأنوار
#الكاظمية_المقدسة #كربلاء_المقدسة #النجف_الأشرف
#ياعلي #ياحسين
❇️ قصائد استشهاد الامام محمد الجواد عليه السلام
#الوزن #تجليبة
حزينة گلوب الك ملهوفة تتعنه
وتتعثّر مبين الحسرة والونه
---------------
على مرّ الدهر ومعاگب الأجيال
لحضرتك تگصد الناس بدمع همال
وباسمك يبو الهادي تعقد الآمال
وابد ما خيّبت من عدهم الظنه
--------------
ما خيّبت ظنهم سيدي حاشاك
بيقين گلوبهم أمّنوا تحت لواك
يا باب المراد وصوتهم ناداك
منك يل جواد الفضل والمنه
------------
فضلك عل زمان من الأزل بادي
ولليوم الحياة باسمك تنادي
الكون بنورك تنوّر يبو الهادي
ولصوتك بأسماع الدهر رنّه
-----------
رنّة صوتك بسمع الدهر دوّت
وجوداتك لعد كل الخلگ روّت
يبو الهادي المجد ليك انحنه وصوّت
عبد مجدك صفه يريد الرضا عنّه
---------
اشكثر راد الدهر يخفي لجنابك صوت
وگال عليك راح وطفّه نوره الموت
لچن يبن الرضا دارك بضمن بيوت
رفعها الله ولذكره يرفعنه
---------
ارفعت حتى بمماتك سيدي الآذان
وعلى بابك كتب رب الانس والجان
ممنوع الدخول بغير الاستئذان
ما تدخل الناس الا باذن منه
-----------
احفظت دينك واله بنفسك صرت معطاء
ورفع شانك الباري بقمّة العلياء
وصفت نجمة العزه بلهجة الايماء
تصعد سيدي لعلياك تتمنه
---------
ومن يومك لهل اليوم شكثر زوار
تگصد ليك ودموع الحزن مدرار
وصفت آلام حزنك لعد جمر النار
وسط گلوبهه صارن يوجّنّه
---------
الك زوار گصدت والحزن وجّر
مهجهه وغدت تبچيك بدمع احمر
وشاب الدمع منهه وابيض تفجّر
والأحزان لون اسود يصبغنّه
----------
ارتدت ثوب الاحزان وبالدموع تجود
وسواد العين صاغ الهه الثياب السود
على مصابك حزينه وما تريد تهود
على مصابك صعب بالعيش تتهنّه
---------
عقيل الكاظمي
❇️ ابوذية لقبور البقيع
اخيّط مرّه ثوب الهم مراقد
وجِفن عين الجرح لحظة مراقد
عيوني مو دمع تنثر مراقد
واحزاني بقيع تعيش بيه
...........
#عقيل_الكاظمي
❇️ قصائد استشهاد مولانا امير المؤمنين الامام علي بن ابي طالب عليه السلام
وزن ميمر مفتون
معركـة خيـبـر
-------------
التاريـخ ينقـل اخبار ** للعالم ويبديهه
وهذا خبر عن الباب ** وعن معجزة داحيهه
---------------
من حرب خيبر الك اروي الاخبار
لمّن وصل جيش الرسول المختار
للحصن راد ايحرره امن الـكفار
للامه رادلهه الخير ** ومن الكفر يهديهه
----------------
فرسان خصص من جموع الايمان
ونصّب الأول قائد اعلى الفرسان
راح لحرب خيبر لچن رد خسران
فرسانه صارت تهجيه ** وهوه الذي يهجيهه
-----------------
ونصّب الثاني انّوبه بعد الاول
ويدري الرسول بطلعته ويتأمّل
وفكرك لعد هذا الأمر لو حلل
تلگه القياده متلوگ ** الا لعـد راعيهه
-----------------
وراعيهه حماي الحمه وحامي الجار
ومن شاف سيد الرسل هـذا اللي صار
صاح انطي باچر رايتي للكرار
ما تحلّه الا بيمناه ** ولغيره ما انطيهه
----------------
الكرار صار الجيش ينشد عنّه
ما يعرفونه وكل فرد يتمنه
هـوّه الذي مكتوبه ليه الجنّه
وحامي الحمه بهذا الحال ** عينه الرمد ماذيهه
----------------
وصاح الرسول ايريد حمّاي الدين
جاه الوصي الكرار عود الحسنين
وبلمسه من چف النبوه اعلى العين
بلمسه من چف المختار ** لعين الوصي يشفيهه
-----------------
ورايته اتسلمهه الوصي بچفه وصاح
الله أكبر والنصـر ويّا لاح
وبفتح باب الحصن چفه المفتاح
معجزه لسان التاريخ ** النه بفخر يرويهه
---------------
اتلگاه مرحب للحصن لمن طب
صاح آنه مرحب بالقتال مجرّب
ليوث الحرايب منّي ما تتگرّب
ومني تهاب الابطال ** حيث آنه المربيهه
----------------
شتگول يا مرحب شتحچي شتگول
هذا علي سيف الاله المسلول
عن چلمتك يا مرحب انت المسؤول
وهاك اخذ رد الكرار ** لچلمتك يل حاچيهه
-----------------
عود الحسن من سمع چلمة مرحب
ناده هله بسوح الحرايب مرحب
للحرب عندي صدر واسع مرحب
وبچفي وبسيف الدين ** نار الكفر اطفيهه
-----------------
نار الكفر اطفيهه لاچن بالدم
واشعلهه الكم لچن ريتك تعلم
هل نار الكم تستعر بجهنّم
واليزرع الشر بإيد ** نيران يحصد بيهه
-----------------
آنه الذي سمّتني امّي حيدر
وغذتني أمي بلبن طاهر حيدر
دور الي بسوح الحرب لاچن حيدر
حياه سيد الاكوان ** بإيحاء من باريهه
-----------------
وسل سيفه حيدر لچن لمّن سلّه
بيه چتل مرحب واخذ ثاره بچتله
ونال النصر بيده وبيه اتجله
وحقق نصر هذا الدين ** بيمينه وبماضيهه
----------------
والمعجزه الاُخره الجرت ويه الباب
خلاهه عل خندق جسر للاصحاب
وبيده سندهه وحيّر اهل الالباب
شلون الجسر چف وباب ** يعبر الجيش اعليهه
-----------------
وتمّ النصر بل معركه للاسلام
بامر الله وبزود ابو الحمله الضرغام
وتخلّدت معجزه بطول الايّام
مفخره لكل الاجيال ** والدهر ما ناسيهه
----------------
#عقيل_الكاظمي / #بغداد / 1998
مدونتي
#قصائد #شعر #شعر_شعبي #شعر_حسيني #شعراء #ياعلي
❇️ قصائد استشهاد مولانا امير المؤمنين الامام علي بن ابي طالب عليه السلام
وزن #تجليبة
مصابك يا علي بالگلب ماذيني
صوبني بسهم گطّع شراييني
------------
نفد بمصيبتك يا بالحسن صبري
وغدت عبرة ألم تتكسّر بصدري
شفت صورة حزن مرّت على فكري
دم لمصيبتك أجرت دمع عيني
-----------
شفت الحسن شبلك روحه ملهوفه
يمشي بديرتك ودموعه مذروفه
اويشاهد عگب عينك موحشه الكوفه
اوينادي سهم فگدك بويه ماذيني
----------
ونظر مسكين حاير گاعد گباله
يونّ اوينتحب ودموعه همّاله
وگصد ليه الحسن ينشد على حاله
شعندك من خبر يا شيخ حاچيني
-----------
والمسكين جاوب والدمع دم هل
أنه مسكين ولكل عاطي أتأمّل
لچن عندي شخص وعليه اريد أسأل
چان يزورني وكل يوم يلفيني
----------
يجيني من بُعُد كل يوم يگصدني
يجي ويزورني ودوم ايتفقّدني
يواسيني وعلى حالي يناشدني
ويطعمني اويداويني ويسلّيني
-------------
شعجب غايب ثلثتيام ما جاني
وهوّ الچان لو واعدني وافاني
ليش بحالتي محتار خلاني
شنهو الحال ما بين الوفي وبيني
----------------
الحسن صبّر عبرته وحبس دمعاته
وظل ينشد عن اوصاف الوفي اوذاته
يا شيخ ارد اسالك عن علاماته
وعن اسمه وصفاته ما تدلّيني
-------------
گال اهوه الذي اعلى اهل المكارم تاج
وچفه البحر لمّن يكرم المحتاج
اوّجهه بالليالي چالبدر وهّاج
بنوره لو حضرني چان يغشيني
--------------
الحسن يدري ابوه الابو لكل مسكين
فجّر عبرته وفيّض دموع العين
وصاح التنشد اعليه ضمه حجر البين
او عليه للموت حزني ايكدّر سنيني
------------
يبو الحسنين هذا الصار من بعدك
هذا اعليك ينشد ذاك يفتقدك
وانه لهاليوم وبگلبي ألم فگدك
اودمع عيناي لمصابك يواسيني
-------------
#عقيل_الكاظمي / #الشارقة
مدونتي
#قصائد #شعر #شعر_شعبي #شعر_حسيني #شعراء #ياعلي
❇️ قصائد استشهاد مولانا امير المؤمنين الامام علي بن ابي طالب عليه السلام
نزلة عزاء
يا حيدر يا حيدر نجري الدمع يا حيدر
------------
يوم الضلع والبسمار* خلّف يحيدر آثار
لمصابك وكل الصار * هو الأصل والمصدر
-----------
شفت الضلع يوم انصاب * اوتعرف مرام الأصحاب
حفّزوا كل الأذناب * اعلى اهل الشرف تتجسّر
------------
خالفوا نهج الرحمن * سنّوا سُنَن للشيطان
تهدِم صروح الإيمان * وبيهه الشرك يتعمّر
------------
الباطل نهجهم معروف * شهروا على الحگ اسيوف
لفّوا لواء المعروف * وفلّوا لواء المُنكر
------------
ابسيف الحقد والإجرام * صوّبوا راس الاحكام
ثار الهم اويه الاسلام * من يوم وقعة خيبر
------------
يا من دحيت الهم باب * وفــرّقِتْ شمل الأحزاب
ليك اعتنوا للمحراب * وجمرة حقِـدهم تسعر
------------
هدّموا أركان الدين * صوّبوا مهجة ياسين
فِجعوا گلب كل مسكين * اودمع اليتامه اتفجّر
-----------
بيك انفجع جبرائيل * وناحت حروف التنزيل
لجلك يسرّ التأويـل * وضع الحياة اتغيّر
------------
يا جرح يتّم أجيال * بعدك گطعنه الآمال
والحِزن لجلـك لا زال * ما ينمحي للمحشر
------------
#عقيل_الكاظمي / #بغداد
مدونتي
#قصائد #شعر #شعر_شعبي #شعر_حسيني #شعراء #ياعلي
❇️ قصائد استشهاد مولانا امير المؤمنين الامام علي بن ابي طالب عليه السلام
موشح
اليـوم محرابك طفت أنـواره
والوحـي ابگبرك دفـن أسراره
-----------
غاب نورك مثل متغيب الشموس
وامسه وجه الكون بفراگك عبوس
يلي تفدي ترابك الطاهر نفـوس
افديت روحك للعـدل وافكاره
-----------
ابست ليالي الكون ربك كوّنـه
بيك وبطاها جعل سِر معدنه
انت نصف الكون من ترحل مِنَه
اثلث ليالي وتبتعد عن داره
-----------
ما يصح فجأه يوافيك الممات
تضطرب أركان هاي الكائنات
لـو رحت عنها تفارگهـا الحياة
ويفنى هذا العالم وآثـاره
-----------
وشاء ربك مـن تفـارگ دنيتك
ايمهّد لهاي العـوالم فرگـتك
وبثلثتيـام صـارت غـيبتك
اولبس ليك الدين ثوب اكداره
-----------
وَحْشه هل دنيا ابغيابك يل حبيب
شلون عگبك يا علي العيشه تطيب
شلون تطلع شمس وانوارك تغيب
اوغطى دمّك هل أفق واستاره
-----------
ياللي فگدك عل عوالم ما يهون
يا علي ولجلك بچت كل العـيون
يل كفلت ايتام بايتامك شـلون
لِفَت يمّك والدمع يتجاره
-----------
سمعوا الجرّاح يطلبلك لبن
اوعلى الباب اتسارعوا يا بالحسن
هذا شايل بيده دمعاته الجـرن
اوذاك يخلـط باللبن أعـباره
-----------
يا علي فگدت يتاماك الحنان
تحت ظلك چانت تحس بالامان
يا ربيع العمر بيك الموت حان
اوذبّلت چـف القـدر أزهاره
-----------
#عقيل_الكاظمي / #الشارقة
#قصائد #شعر #شعر_شعبي #شعر_حسيني #شعراء #ياعلي
❇️ قصائد استشهاد مولانا امير المؤمنين الامام علي بن ابي طالب عليه السلام
رئيسية
صرخه مـن جرح الگلب ** يا عـلـي فـراگك صـعـب
صوّبَتنه مصيبتك ** يا حامي الجار
--------------
صرخه ودمع يا بالحسن * وجمرة هـضم تتوجّر
ارواح بعدك يا علي * لمصيبتك تتحسّر
بكل الگلوب المؤمنه * حبك سكن يا حيدر
وكـل گلب لمصابك يظل * ينزف دمه للمحشر
فگدت اوياك الـصـبر ** وراحـت احلام العمر
شوف لوعة عيلتك ** يا حامي الجار
----------- 1
وچـم عين يا حامي الحِمه * لجلك تِهِل دمعتهه
هل محنه مو بس عيلتك * متلوّعه بشدّتهه
كل الارامل يا علي * لفگدك تظل حسرتهه
وكل المـساكين اصبحت * متحيّره بلوعتهه
چنت للناس الامل ** وغيّبك سهم الأجل
وظل حلمهه بصورتك ** يا حامي الجار
------------ 2
وايتامك الچانت تحت * ظلّك يظل الرّحمه
الكل منهم اصبح يا علي * يرعاه نوحه وهمّه
ما چان بوجودك فرِد * منهم يحسّ بيتمه
لاچن بفگدك سيّدي * اتيتّمت كل الامّه
اوعُگب عينك الزمن ** ذبهه باحضان المِحن
وهذي حالة شيعتك ** يا حامي الجار
-------------- 3
بهل حاله ظلّت امتك * وحال الملايك أصعب
تواسي النبي أعلى مصيبتك * ولجلك يحيدر تنحب
ونيران سم چبد النبي * هل يوم گامت تلهب
وبسيف ابن مُلجم صُبَح * ضلع الوديعه امـصوّب
مصـابك بگلب الشرع ** جدّد مصاب الضلع
وظل يعيش بحسرتك ** يا حامي الجار
-------------- 4
أهل الأرض واهل السّمه * عاشوا بهاي اللوعه
وحتّى الطبيعه اتأثرت * بمصيبتك مصدوعه
حتى المطر حتى الهوه * لجلك يهل دموعه
وروح الحياة اتغيّرت * يا بالحسن مفجوعه
والليالي اتكدّرت ** والايّام اتحسّرت
من غِبِت عن دنيتك ** يا حامي الجار
-------------- 5
يا بالحسن هذا الجره * الكون انفجع لمصابك
ودين الله ناح لفرگتك * وظل ممتحن بغيابك
وظلّت صـلاتك حايره * تنتظرك ابمحرابك
ومشتاگ يلثَم جبهتك * يا بو تراب اترابك
يا علي وصاب الدهر ** سهم احزان وكِدَر
وظل ينوح لفرگتك ** يا حامي الجار
-------------- 6
عقيل الكاظمي / الشارقة