حي الله الأصحاب حي الله الأصحاب
@@@@@@@@@@@@@@
زينب تكل لحسين خذ منهم احجايه
ويكلها يا زينب اصحابي وفايه
ناده لأبن ضاهر والشط طفح مايه
يم خيمة الحره هوسوا بالرايه
حي الله الأصحاب حي الله الأصحاب
@@@@@@@@@@@@@@
كلمن لبس درعه. احسين وي ربعه
صاحوله يالغالي ما بيها اي رجعه
عابس خذاله صوب شگ هدمه بالفزعه
ويصيح حب احسين جنني والبضعه
حي الله الأصحاب حي الله الأصحاب
@@@@@@@@@@@@@@@
نافع وابن ضاهر. كلبوها بالعاشر
كلمن اجه يمهم راسه رجع طاير
بن عوسجه وابرير كاسر بصف كاسر
ما ثنوا الضربات ضل الشمر حاير
حي الله الأصحاب حي الله الأصحاب
@@@@@@@@@@@@@@@
شوذب وابن حارث والأزدي وياهم
والكاهلي والحر يا فگره يدناهم
والتركي والطائي احسين حياهم
الأنصاري والعبدي يا جيش يدناهم
حي الله الأصحاب حي الله الأصحاب
@@@@@@@@@@@@@
واليسره ع اليمنه كلبوها انصارك
ما رف جفن الهم يحسين احرارك
دام النبض بينه ياهو اليصل دارك
نتسابق اعله الموت وبالموت نتبارك
حي الله الأصحاب حي الله الأصحاب
انه كلبي غديري. وانه حيدر اميري
علي مولاه علي
@@@@@@@@@@@@
عاشق. حيدر اميري. من عنده خيري. بذمه وضميري علي
عاشق. ما عندي غيره. ماكو نظيره. قلبي اميره
علي
افرح يالواليت الحيدر وابغض كلمن عاده
غصبا ع اليرضا وما يرضا حيدرنه اوبايعناه
سالك دربه وما يتزحزح كل واحد صار وياه
حيدر هو ابونه هو أمنه واخونه
علي مولاه علي
@@@@@@@@@@@@
نازل. الوحي لرسوله. حجيي ويكوله. شخص الينوله
علي
نازل وحي القداسه لحيدر رئاسه. من الله أساسه
علي
بلغ يا طه ما انُزِل اعليك بهذا اليوم
لازم انت اتكمل دينك بتنصيب احد ع الكوم
حيدر واليها من بعدك و أعلنها يا جيدوم
وبوجه السقيفه. اعلن من خليفه
علي مولاه علي
@@@@@@@@@@@@@
بلغ. طه بكلامه. واعلن مرامه. بعده الأمامه
علي
بلغ. طه لعضيده رافعله ايده. صارت أكيده.
علي
بخاً بخاً من صاحوله وتوحدت هاي الناس
كلمن صافح جفه لحيدر عاش بكلبه النوماس
محد رافض حيدر والي هذا اهوا أجمل احساس
هاي أجمل حكايه. لحيدرنه الولايه
علي مولاه علي
@@@@@@@@@@@@@@@
ماكو. لحيدر منازع. كالوله رابع. الأول يا سامع
علي
ماكو. واحد مثيله. حيل الله حيله. حامي دخيله
علي
خاسر كلمن يبغض حيدر و الرابح من ولاه
لا يترجه الجنه وخله يترجه النار احذاه
الله يكول يحبني كلمن حيدر اهوا الحباه
واليبغض علينه ايده مو بدينه
علي مولاه علي
وينك يا خويه وينك
فدوه افتحلي عينك
يجري دمعي اعله خدي
ابقه بالغربه وحدي
يخويه يخويه
@@@@@@@@@@@@@@
بهذا الوضع. يجري الدمع
وانه اعله هالحاله بعد عينك
انطر خبر من النهر
ترجع وابد ما تترك احسينك
بس طولت. لمن رحت
كل ساعه كلبي يناشدك وينك
حس بخطر. خويه الكمر
يا خويه كلي سالمه ايدينك
حالي كله تغير
بعدك كلبي تحير
جرحي ابهالساعه يدي
ابقه بالغربه وحدي
يخويه يخويه
@@@@@@@@@@@@@@@@@
كتله شكو ها يالاخو
لونك تغير خويه وي حالي
هل مدمعه. للمشرعه
ويه ابو الأكبر دمعي ضل هالي
مات النبض. لمن ركض
ومن ركضته انه انشده بالي
وبهل الفعل يمكن چتل
والغالي يفزع من يكع غالي
حيره بروحي مصيبه
وأشعر هسه غريبه
فته كفالي جبدي
ابقه بالغربه وحدي
يخويه يخويه
@@@@@@@@@@@@@@
ساعه ورجع. يمشي اوكع
ناشدته يبن امي شنو يجرحك
شفت الاخو. وشفت العدو
واحد حزين الثاني شو يضحك
محني الضهر. وين الكمر
مبين تره افراك الاخو يفضحك
بس ما حجه. شفته بجه
ومن دمعك اعرفته شنو شرحك
طيح خيمت كفيلي
وطيح مني دليلي
رايح من عندي سندي
ابقه بالغربه وحدي
يخويه يخويه
@@@@@@@@@@@@@@
احجي اشبعد كلبي نمرد
راح الجنت مدفونه بعيونه
ما رد الي. ابنك علي
الدكلك صدر بحماي مصيونه
بعينه سهم. طاح العلم
وما اعرف انه اشلونه ما لونه
كلشي انتهى. وسبي ابتده
ساعه واخوك احسين يذبحونه
ساعه ويلفي شمرهم
وينه ينادي كمرهم
واسكت وايدي اعله خدي
ابقه بالغربه وحدي
يخويه يخويه
@@@@@@@@@@@@@@
امشي بسبي. وي الأجنبي
وانت على الشاطي يخي نايم
خويه الكفل صعبه اضل
وحدي يخويه بأمرت الضالم
غاب الكمر. واشبع قهر
وعن الفرح كلبي بقه صايم
ما تنحمل يا ابو الفضل
اسهام مو نضرات هالوادم
امشي بعدك سبيه
وانت فوك الوطيه
خصمك بضعوني يحدي
ابقه بالغربه وحدي
يخويه يخويه
مذنب يحسين واجيتك. فاتحلي ايديك لكيتك
يا ابا عبدالله يا ابا عبدالله
@@@@@@@@@@@@@
هيه الدنيا شنهي الدنيا لو ما انت بيها
يا عاشق يحبك يا حسين ويشتريها
والمذنب اجالك مملي من ذنب الي بيها
يسترجي العفو من بابك الي يعتنيها
اقبلني ارجوك نخيتك. فاتحلي ايديك لكيتك
يا ابا عبد الله. يا ابا عبد الله
***'**'****
وبهذا الشهر كل مذنب يحوم اعله بابك
ينادي بالتسامح سيدي ارزقني ثوابك
وفقني اموت من اللطم ليلة مصابك
وروحي تنسلب يا سيدي لسلبة ثيابك
وبكلشي اليوم فديتك. فاتحلي ايديك لكيتك
يا ابا عبدالله يا ابا عبد الله
******
جم مذنب فتحلك موكب وحاضر عزائك
دمه سايل ومتنوس لخاطر دمائك
بذنبه معترف يا سيدي ويطلب رجائك
مثل ابن الرياحي اقبلني ويطب كربلائك
وادموع اتهيل ارتجيتك فاتحلي ايديك لكيتك
يا ابا عبد الله. يا ابا عبد الله
******
الما عاشك حروفك لا يسمي روحه عاشگ
الما ذايب في حبك خله من هسه يفارگ
كل حب جذبه بس حبك يمولاي الي صادگ
جم خادم لجل خيماتك ابدلاله حارگ
ويتحمل كون اذيتك. فاتحلي ايديك لكيتك
يا ابا عبد الله. يا ابا عبد الله
@@@@@@@@@@@@@@@@
كل خادم يخدمك سيدي بلسم جروحك
يعله شانه روحه يفدي الك فدوه لروحك
شنهو موقفه الما يذرف ادموعه وينوحك
كل ضنه يصل يمك يمولاي ويلوحك
تبقه للموت قضيتك فاتحلي ايدك لكيتك
يا ابا عبد الله يا ابا عبد الله
@@@@@@@@@@@@@@@@
فرصه لكل بشر مذنب تره شهر المحرم
اخدم سيدك كل ذنب العليك يتهدم
عابس مزگ اثيابه وجنونه الي تكلم
مزگ ثوب الذنوب وبعد ما لحظه تندم
نادي مولاي اعتنيتك. فاتحلي ايدك لكيتك
يا ابا عبد الله
بسم الله الرحمن الرحيم
اللهم صل على محمد وال محمد
قصائد محرم الحرام لهذه السنه 1448
نسألكم الدعاء جزاكم الله خير الجزاء
يا علي حامي الحميه احنه شيعه رافضيه
ما نخاف ولا نبالي. تخسه كل الناصبيه
@@@@@@@@@@@@@@@@
علي ياهو الغيره بسمه من نصيح
علي بكومتنه وعلي لمن نطيح
نبوس حيدر لمن نبوس الضريح
من يطب الحضرته يشفه الجريح
حيدره هوا هوانه حيدره هوا ضوانه
غالي ماكو غيره غالي هو أبو النفس الابيه
@@@@@@@@@@@
علي باب العلم مو باب الخشب
تراب كلها الوادم وحيدر ذهب
الما يحبك يا علي هذا نكتب
بنار ربك باجر يصّبح حطب
الما يحبك اه يويله. شلون اينام بهذا ليله
شلون يكضيها الليالي. الما يحب زوج الزجيه
@@@@ @@@@@@@@@
علي الداي الكل حقود اليبغضه
والدوه حيدر الكل الرافضه
علي الأول غصباً اعله الما رضا
الله ع الدنيا خليفه فارضه
حيدره هو البدايه. ويا علي حتى النهايه
نهتف احنه بصوت عالي وما نخاف من المنيه
@@@@@@@@@@@@@
الكاسر اخشوم الزلم وكت الحرب
حيدر اليغلب وابد ما ينغلب
وسفه هاي الليله راسه ينضرب
تشوفه زينب دمه عالهامه يصب
الله اليعين العقيله. تشوف الهموم الثجيله
والدمع عالوجنه هالي. تصيح بعدك ياهو اليه
@@@@@@@@@@@@
وكت ما بيه علي ما بيه كل امان
ويا وسف هالمسه يطبر في الاذان
صارت الحره يتيمه يا زمان
ينولد ويموت في نفس المكان
الما رضو حيدر خليفه. صفو وي اهل السقيفه
ما درت هالناس تالي تنزل عليهم اذيه
يحسين حبك ملك كل ذراتي
ومقصر اشما اكتب من ابياتي
روحي روحي فدوه الك يا ابو علي روحي
@@@@@@@@@
عطر جنه من اشمك. اروحن فدوه لأسمك
يضي انت بعيوني
نهني الليله امك. يغالي اشمحله رسمك
يهل ساكن ضنوني
يمحله الليله يمك. فرحتي وانه اخدمك
يلي بحبك جنوني
تنزل فرح هاليله كل دمعاتي
وبمولدك تستمر كل فرحاتي
روحي روحي فدوه الك يا ابو علي روحي
@@@@@@@@@@@@@@@@@
الك عمري نذرته احبك فقط انت
يبلسم كل جروحي
ولا غيرك عشكته يبو سكنه وعرفته
يمالك انت روحي
يمن كلبي ملكته. يمن بسمك شهكته
يلي مسكني نوحي
بميلادك مخفف علي وناتي
وانت السبب يا سيدي بضحكاتي
روحي روحي فدوه الك يا ابو علي روحي
@@@@@@@@@@@
بزغ نورك علينه يلي مضوي المدينه
ينورك نور ربك
فرح طه نبينه وفرح وياه علينه
صبح مفروض حبك
صرت انت السفينه. وتره بحبك نجينه
يمن درب الله دربك
يا سيدي يالعايش انت بذاتي
واجمل عشك رافكته كل لحضاتي
روحي روحي فدوه الك يا ابو علي روحي
@@@@@@@@@@@
على الفطره عشكتك يشي غالي وملكتك
ولا اعوفك ثواني
يأبياتي وحفضتك على كلبي كتبتك
يغالي انت الاماني
يلي بنومي لفضتك. ولا لحظه تركتك
زماني انت ومكاني
كل ذره بيه تنادي الك يا غاتي
يبقه اعله حبك كلبي كل دعواتي
روحي روحي فدوه الك يا ابو علي روحي
@@@@@@@@@@@@
خبر هاليله معلوم. اجانه وي الغيوم
خبر من الاطايب
فرح كل شيعي هاليوم. فرح ويزيل الهموم
الفرح هاليله واجب
على كل كلب مرسوم حروفك مثل النجوم
وتره بيهن نراقب
انت هواي اليدخل برياتي
وانت النبض يا سيدي وشهكاتي
روحي روحي فدوه الك يا ابو علي روحي
نهنئكم بحلول شهر شعبان المبارك وبولادة الأقمار المحمديه
Читать полностью…
دك ناقوس الخطر يبعث صور.
كلها جريمه
دك جايبله خبر. بيه انكسر
ضلع اليتيمه
والخطه ابتدوها. بموتت ام ابوها
@@@@@@@@@@@@@@@@
ناقوس الخطر هاي المسيه
خيم بالحزن والهم واذيه
جايبله صور كلها مآسي
بيه يكسر ضلع من الزجيه
بيه يقتل جنين ابلا جريره
من بطن امي يوكع عالحصيره
راد يشم هوا ويشابگ امه
شابگ موته بالحظه الاخيره
حس. بأمه فاطمه. تنزف دمه من اعصروها
حس. مكسور الضلع. تجري الدمع من اضربوها
بالقوه اجوها. بموتت ام ابوها
@@@@@@@@@@@@@
اول صوره من هجموا عليها
وحدها بقت تشكف بديها
والأول يكله هايه فاطم
والثاني وان كله ام ابيها
بين الحايط وباب النبوه
اتكسر ضلع للزهره كوه
نابت بالصدر بسمار ألمها
ومن كثر الحرك جفها تجوه
دم يجري من الصدر. صار الكسر. صارت اذيه
دم. الزهره تنولي. هاي ياعلي. حامي الحميه
دارك احركوها. بموتت ام ابوها
@@@@@@@@@@@@@@
الصوره الثانيه كلش أليمه
من طاحت من العصره اليتيمه
ياهو الصاحته وياهو اجاها
وياهو الساعداها بهل الهضيمه
صحت فضه لحكي سنديني
لا حيدر يجي ويسمع ونيني
ولو يزعل علي ياهو اليلزمه
بساعه بساعه للحجره خذيني
ون والمدمع جره. يا حيدره. وينك تجيها
ون الزهره تنضرب. من الغرب. الحك عليها
حيدر ألموها. بموتت ام ابوها
@@@@@@@@@@@@@@@
الصوره الثالثه دم تجري عالخد
من شافت علي وسفه يتگيد
ضلت تلتفت وتنادي ابوها
الحك ما رعونه يا محمد
صاحت خلو حيدر لا اكشفه
راسي للسمه ودمعي اذرفه
رد عليها قنفذ بيده سوطه
كدامك علي يضربها وسفه
غض. حيدر بالبصر لجن صبر. عن هل المصيبه
غض لو نادت اله. عقد الوله. يسوي العجيبه
والله ما رعوها بموتت ام ابوها
@@@@@@@@@@@@@@@@@
آخر صوره ألمها ابلا نهايه
من العتره مشت اول ضحايه
صاحت زينب وحجي بدمعها
من هسه صفينه احنه سبابه
فكد الام يكسر بالخواطر
ومن فركتها ما ضلت مشاعر
ماتت فاطمه الكلش حنينه
والله اليدري شيضمنه باجر
هل دمع العايله. ابهالمعضله ضلو يتامه
هل. حزنج فاطمه. ينزف دمه. كله ندامه
العتره موتوها. بموتت ام ابوها
للموت للموت نحبك يا علي
@@@@@@@@@@@@@
ما يهمنه لون نتگطع وصل
ما تخاف گلوبنه وشما حصل
همنه واحد يا علي وهو الأمل
بكل اذان نردده خير العمل
والصوت والصوت. بسمك يعتلي
@@@@@@@@@@@@
احنه نعرف بالضريبه لهل عشگ
لجن بينه لحبك اعنوده صدگ
ياعلي بسمك گلبنه من يدگ
ولا تضن عن حبك احنه نفترگ
مبخوت مبخوت. لرادك ولي
@@@@@@@@@@@@@@
وياليضدك علي ما نقبل صلح
وماكو كل بيناتنه زاد وملح
منهم اتحملنه جم آه وجرح
وشيعتك لليوم بسمك تنذبح
مكبوت. مكبوت حقدًُ أزلي
@@@@@@@@@@@@@
نفتخر عالناس دنيا وآخره
بسبب حبك يا علي يا حيدره
عالسراط الضدنه ياهو يعبره
واحنه خلفك يا علي نوكف سره
ونفوت ونفوت. للجنه بهلي
@@@@@@@@@@@@@@
حبك اعالفطره بينه من نورث
وما نتركه الحب ابد مهما حدث
كلشي خيسون لا ما نكترث
ما نخاف الموت لو نصبح جثث
نفداك نفداك. كل انه وهلي
ها يبويه بروحتك دلالي ذايب
انت ترحل وانه تلفيني المصايب
@@@@@@@@@@@@@@
بويه والله موادعك أكبر مصيبه
المن يعيش الذي يفارك حبيبه
علي راح ويا دمع يكدر يجيبه
وقلبي هاي الليله خيطول نحيبه
يا وسف بويه نمت تحت الترايب
انت ترحل وانه تلفيني المصايب
@@@@@@@@@@@@@@@@@
خبر موتك ما قبل يقتنعه بالي
علي يموت بالسهوله هايه تالي
موحشه بفكدك بقيت بويه الليالي
العيد ما ريده بعد عينك يغالي
شلي بالعيد انه من بعد الحبايب
انت ترحل وانه تلفيني المصايب
@@@@@@@@@@@@@@@@
بويه رمضان السنه تغير علينه
الحسن شفته يفطر بدمعات عينه
اعمامتك لازمه ويطك بجبينه
منجرح قلبه وبقه عالي ونينه
بويه منهار الحسن والوجه شاحب
انت ترحل وانه تلفيني المصايب
@@@@@@@@@@@@@@@
بركن من الدار اشوفه حسين ينعه
يصيح بويه وايده خلاها اعله ضلعه
كام وي ادموعه ينزل دمه دمعه
كربت كربله يكلك وانه اسمعه
ومن سمعته تراودن كل النوايب
انت ترحل وانه تلفيني المصايب
@@@@@@@@@@@@@
واكف بطوله لجن من حزنه مايل
ذاب حيله بويه كله ابو فاضل
كافي لا تبجي يعباس المراجل
واسمعت كلك علي لضعوني كافل
وانت كد هاي المهمه بالحرايب
انت ترحل وانه تلفيني المصايب
ضربوني واجيتك يا ضوه العين
شتموني وصحت وينك يالحسين
متني من الضرب باد. خويه يبو السجاد
@@@@@@@@@@@@@@@@@
من مهرك اجه وصاح الضليمه
اشتعلن علينه خيمه خيمه
يتيمه اتچلب بچف اليتيمه
حاله من الرعب كلش أليمه
زينب والعدو ما خله قيمه
صعبه هايه يا خويه وهضيمه
محتاره شطفي اشتعلت النار
وبالهيمه شفت يا خويه الزغار
اطفي بيها ما فاد خويه يبو السجاد
********
مصدومه بقت بنتك رقيه
الخيمه تحترك ما تدري هيه
مچلبه النار بيها يا رزيه
زغيره وابد ما تحمل اذيه
لزمتها وعاينت دم ابديه
مبيوگه تراچيها خطيه
من ذاناتها دم سايل هواي
الزمها وتكلي عمه بهداي
ما رحموها الاحقاد خويه يبو السجاد
**********
من أربع جهات تحيطني ارجاس
ما بيها رحم يحسين هالناس
بالسوط انضرب ومدنگه الراس
ما يجرح متن بل يجرح احساس
مختنگه صفت يا خويه الأنفاس
عگبك يا عيوني وعگب عباس
تاليها أضل بالطف غريبه
زينب تنضرب والله عجيبه
بيدي احبال ونگاد. خويه يبو السجاد
*******
اتعثر كمت لمن اجيتك
دورت اشكثر الا لگيتك
مطشر على الغبره باوعيتك
بهاي الحاله خويه اشكد نعيتك
المن بيك بس ما جمعيتك
شلمن وانه كلك ضيّعيتك
كل جزء بكتر والراس مگطوع
برجلين الخيول مچلبه اضلوع
موقف بيه ينعاد خويه يبو السجاد
*********
اون يمك وجاني الشمر عناي
ضربني بسوطه خويه اورم اكفاي
يكلي عكب اخوَتج انه حداي
ديلا كومي زينب لسبي وياي
اهو شامت وقصده دمع عيناي
يشوفه يطيح حتى يشمت هواي
يمك يبو اليمه والشمر عال
يكلي لا حسينج لاكو كفال
هنانه الاخو يراد. خويه يبو السجاد
*******
عالهزله اصعدت وعيوني تجري
واحس من الهظم مكسور ضهري
عكبك فقط الله بحالي يدري
َوسف بيد الشمر صار انه أمري
على اعيالك بقت عيني يذخري
والله اليحفضه يحسين خدري
هذا اخر َوداع واحنه ماشين
الله وياك يا خويه يالحسين
امشي وي بني ازياد خويه يبو السجاد
بسم الله الرحمن الرحيم
اللهم صل على محمد وال محمد
قصائد محرم الحرام لهذه السنه 1446
ونسألكم الدعاء
اربع بنين وياك وديت. والمهم سالم ترد للبيت
يا ضي عيناي يا كل الراي
****
اطمن قلبك وقلبي وبنيني الاربعه تدري الك فدوه
يمن كلشي الك يسوه وفه ونخوه اريدنهم إلى الخوه
تروح وقلبي يلجمني يبعد الاربعه وبعدك شنو اليسوه
احس كل خطوه تمشيها احس موتك بده يكرب الك خطوه
بضعنك مشيت من المدينه وبعدك بقت روحي حزينه
لو باقي وياي يا كل الراي
*********
ييمه حسين انه ادري فقط بس اربعه بضعنك الك وديت
لجن مابيدي شي يبني ولو بيدي الك روحي يغالي انطيت
يروحلك فده لطولك عزيز الزهره ابن حيدر والك ضحيت
وانه كل غايتي ابولدي يضحون وتضل انت وترد للبيت
احلئ خبر لمن تعودون. ما يحلى شي غيرك بالعيون
يا هاي وهاي. يا كل الراي
**********
وصيتي الهم بشخصك وصية والده وتدري حنينه اعليك
واحس بضلوعي تتكسر تحس بضلوعك الترفه وتعرف البيك
ويريت الخيل تسحكني وتكسر كل عظم بيه ولا تاذيك
والمثلث يفت جبدي ويصير احلئ خبر موتي على ايديك
يا بعد قلبي وكل البتوت يايمه كبلك ريتنه انموت
يا طعم الماي. يا كل الراي
*******
يولدي الاربعه بيكم اصعد الهامه واتباها أمام الناس
يجعفر يمه عبدالله تره انتم تخلوني ارفعه الراس
يعثمان انه اريدنك تضحي لخاطر احسينك لخير أنفاس
ويضحي بعينه واجفوفه انه ابني اريدنه الكمر عباس
يا كافل الحره العقيله يالتكضي الحجايه الثكيله
يبني الوفاي. يا كل الراي
********
انه المن جبت اربع إذا ما طاحوا اكبالك يماي العين
إذا ما قبلك اسمعها الأخبار التجي منهم خبر مو زين
قسم من عدهم اتبره ولا يتسمه بعد اسمي يأم ابنين
يبعد امك شنو عدنه عشيره هو بس انت يغالي حسين
ياهوه العايش وسط ريه يمه انه بيك وانت بيه
يا لب احشاي. يا كل الراي
*******
ييمه ما ردت شكراً ولا تشكرهم أولادي على المكدور
ينعمة الله جا شخصك وقليله بحقك انقدم ييمه انحور
يغالي كل فضل منك تره البيه انه والاربع الف مشكور
مع اسمك انه وولدي تردد بينه هالوادم بشهر عاشور
نعمه جبيره ومو قليله. من ننذكر وي العقليه
يا نعم ارباي. يا كل الراي
يمه حضريلي بكربله شفت العذاب
وحدي واتألم واتحمل اشجم مصاب
نزفت اجروحي من ودعوني
وانتظر جيتج والقلب بحزانه ذاب
********
من المصايب شيبت حتى الرموش
وابنج الغالي سحكت بصدره الوحوش
مو دمع نزفت بل دم عيوني
وانتظر جيتج والقلب بحزانه ذاب
*******
يمه يازينب يمج ودمعي يسيح
وبعيني شفته ابني عالغبره ذبيح
يمه وي ابني ريت اذبحوني
وانتظر جيتج والقلب بحزانه ذاب
********
يم حسن شفتي شسويت ويانه هالناس
ذبحت احسينج وذبحت الغالي عباس
براعي الكفاله اشكد اجرحوني
وانتظر جيتج والقلب بحزانه ذاب
******
بنتي العقيله اتحملي هذا اليصير
والمهم يمه والدج يبقه الأمير
يمه ليألمج لو شتموني
وانتظر جيتج والقلب بحزانه ذاب
*********
تالي يا يمه امشي عالنوگ الهزيل
وأصبح كفيله من بعد عين الكفيل
بسم ابو فاضل اشكد ذكروني
وانتظر جيتج والقلب بحزانه ذاب
********
يم المصايب هايه مكتوبه عليج
تمشي أسيره والحبل يجرح بديج
وبضرب متنج جن اضربرني
وانتظر جيتج والقلب بحزانه ذاب
الوداع الوداع يمه يا جسام
@@@@@@@@@@@@@@
الليله اودعك يا وليدي. تروح واعرف ما ترد
الله يدري يمه بعدك. فركتك تفطر جبد
جنت اقره اعليك قل هو يمه اخافن تنحسد
العمر ما يسوه وغلاتك. من يضل ابلا ولد
الوداع الوداع بقلبي كثره ألام
@@@@@@@@@@@@@@@@
الوالده اتخاف اعله ابنها. تموت لو مسه خطر
وانه يمه بأيدي اقدمك. لعمك وكلبي انفطر
اشلون اعيش العمر بعدك. و ترجع مكطع وذر
شمعتي يروح من اديه. الله لا ينطي الدهر
الوداع الوداع انذبحت الأحلام
@@@@@@@@@@@@@@@@
بعرسك احلم جنت يبني وبيدي البسك بدلتك
ما دريت اشضملي دهري. بدمك أصبح حنتك
يمه يا جسام تالي. للحرب شو زفتك
وانسه كل ذيج الليالي. وانسه يبني ضحكتك
الوداع الوداع راحت احلى ايام
@@@@@@@@@@@@@@
يمه بعدك تدري حالي مو مثل كل امهات
حالي أصبح يا وليدي. مثل حال الفاكدات
الوالده من بعد ابنها. لا تضن تبغه الحياة
تبقه تتمنه المنيه. ويمته يلفيها الممات
الوداع الوداع ضعت بالأوهام
@@@@@@@@@@@@@@@
ارسومك الحلوات يبني. اتغطن بدم وتراب
رحت يا جسام مني. وراحت ايام الشباب
ما دريت بهيج تالي. وما محسبه لهل المصاب
اعتب عليمن ييمه. دهري ما يسوه العتاب
الوداع الوداع جرحي ما ينضام
@@@@@@@@@@@@
الفجعني بيك يبني للسبي خلاني اروح
انت نام وانه خلني. اشبع آهات وجروح
مخضب بدمك اعوفك. وانه عالناكه انوح
روحي يمه بقت يمك بس جسد ما عندي روح
الوداع الوداع رايحه للشام
يا الله
اللهم صل على محمد وال محمد
مبارك عليكم عيد الغدير الاغر وهو عيد الله الأكبر
قصيده بحق مولاي أمير المؤمنين عليه السلام
نسألكم الدعاء
خلصت وياكم يهلي العشره
ضلت بجفاكم بس الذكره
ضليت انعاكم والله بحسره
أصبح واتمسه بدمعه الحمره
يا هلي
@@@@@@@@@@@@
يهلي خلصت عشرة الماكو مثلها
عشره تشبه عشرة الام لطفلها
يومي يخلص بالمناحه ودمعه أهلها
روحي فرت من جسدها تريد أهلها
اتنطر ياهو الي يدك بابي
ويخلصني من هذا امصابي
ما ينفع يهلي كل اعتابي
ما تسوه الدنيا بدون احبابي
يا هلي
@@@@@@@@@@@@@@
وحدي الوج بداري وحشه بلايه غالي
تاكل بروحي المصايب والليالي
العنده عله همه يشفه وما يبالي
وانه عله وفركه عندي وهذا حالي
محسوبه عدله لاجن ميته
مدفونه روحي تحت السكته
ما اعرف رد احبابي يمته
كلبي بفركاهم باقي بونته
يا هلي
@@@@@@@@@@@@@
لا خبر منكم وصلني ولا رساله
الداري بحوالي فقط الله تعالى
ياهو منكم يرجع وامشي ابداله
حتى وي عمتي سبيه والثكاله
واسمعهم انه منيشتموني
ويه العقيله هم يسبوني
ويه رقيه من يسلبوني
ويه سكينه من يضربوني
يا هلي
@@@@@@@@@@@@@@
الغربه تذبح يا غوالي اشلون بيه
ابقه صعبه وتمشي وياكم رقيه
وحدي عفتوني اون ابهل الرزيه
حسره ضلت ما شفتها الغاضريه
هاي اخر ليله وياكم يهلي
عمري بفركاكم انه شلي
كلبي بنيرانه اعليكم يغلي
والمدمع جمره بحمره يهلي
يا هلي
@@@@@@@@@@@@@
بكلبي حيره يا كبرها والله داري
يهلي كاتلني اللقاكم انتظاري
دمعي لحظه ما يهود دومه جاري
حركت اليابس والاخضر يهلي ناري
ياهو اليجيني وناري يخمد
وجروح بكلبي كلها يضمد
يا بويه اتمنه بحضنك اكعد
لكن ما ضنك هم ليه ترد
يا هلي
@@@@@@@@@@@@@@@@
ما اضن بيكم تجوني كلشي خلص
عمري يهلي بالثواني يبدي ينقص
حيلي رك ومرضي صار اعليه هصهص
والخبر عن المصيبه الليله حصحص
كلبي لجمني هاي الليله
بس لا صاير شي بالعيله
بس لا أبويه خلص حيله
ياهو بعد عمي يتجيله
يا هلي
هلا يامن هلالك مر علينه
ومصاب البيك كلش مر علينه
يشوف حسين ابنه مر علينه
ذبيح مسلبينه اعله الوطيه
مصيبة فركتك طاحت على احبابك
وابد ما ينحمل يا حيدر اغيابك
جرح ينزف. دمع يذرف
على الغالي
@@@@@@@@@@@
يا حيف. والسيف نايم بالغمد يبجي لرحيلك
ميهون وشلون . منو بعدك الي ضل يشتكيلك
يا حيد. وأحديد. جماد السيف بس كطع دليلك
بالنوح. واجروح بقو احبابك بعازة مثيلك
يا بويه بقينه والدمع جاري
ما تخمد ابد من روحتك ناري
الفكد يصعب على زينب
تره تالي
@@@@@@@@@@@@@@@
وبصوت. يا موت خذيت البيه محنه وريحة أمنه
خليت. بالبيت. بس النوح والحسره وألمنه
والحين. ميتين . بعد عينه علي ياهو اليلمنه
هالناس. ارجاس واحد وره الثاني يسيل دمنه
البقه براسج يصيحون الخلك ليه
وخلاف الابو اتضيع البنيه
الدهر ضالم علي ناقم
صفه حالي
@@@@@@@@@@@@@@@@
والليل. يا ويل بوحشه وحسرته من يمر علينه
بالآه. والآه. نكضيها سحن عالخد ادينه
مرات. لحظات ها حيدر يرد ها ما يجينه
هيهات. والمات. ما يرجع بعد وشما بجينه
يا موت الخذيته اعز من روحي
وانه بعد عينه نزفت اجروحي
ولا اكدر بلا حيدر
هو الوالي
@@@@@@@@@@@@@@
ما اريد. يا عيد. تجيني هالسنه انه يتيمه
بوتراب. بتراب. نايم يا وسف والله هضيمه
مصيوب. مكتوب علي يرحل بعد امي العظيمه
واشلون يعيون بعده تعمن ودنيانه هيمه
حيره ابفكد ابوي اشلون من حيره
بلا طوله ولا تنراد هالديره
الي ملجأ اليه الجأ
هو آمالي
@@@@@@@@@@@@@@@
من اليوم. اهموم. تنزل ع الكلب وتزيد الألآم
عدوان. يخوان. ترمينه بحجي واحجار وسهام
والعين. يحسين تشوف بكربله محتركه الخيام
مكطوع. مرفوع. راسك وانه امشي مكيده للشام
يناديني الشمر وين الكفل خدرج
عكب عباس الا اكسر الج ضهرج
انه زينب. بقيت انحب
الدمع هالي
يا شهر الخير وأفراح بيامك كل هم ينزاح
صار ابأيامك جم نور. وتضوي الدنيا بهالأنوار
*********
شهر وفرح بيه واجب بيه الأيمه تراقب يا شعبان
بيه ينولد جم كوكب كل الحزن بيه يذهب ياشعبان
تخيم علينه الفرحه وبينه يغزر ملحه يا شعبان
منعدمه كل آلآلمك. الله يدوم ايامك يا شعبان
بيامك تنزال اهموم. بفراح آل البيت اليوم
كل شيعي بشهرك مسرور. يفرح بفراح الأطهار
********
بيوم الثالث نتهنه بمولد امام الجنه. يا مصباح
احسين شع بنوره. كلها غدة مسروره يا مصباح
فتح خضار الورده. باسه النبي ابخده. يا مصباح
هذا سفينة ربنه . بيه النجاة وحبنه. يا مصباح
حب حسين اليمحي اذنوب افرح هلهل يالمحبوب
ذكر حسين يضل معمور. وضل عامر بفراحه الدار
**********
رابع ايامك بشره بمولد كفيل الحره يا عباس
حيدر علي بشخصيته الحره ابتدت تربيته. يا عباس
من الزغر كافلها. يلزمها ويدللها. يا عباس
هيه تبوسه ابأيده. وهوا يقدم اوريده. يا عباس
بدرس الخوه ينطي انواع كل نوع يطيحله اذراع
وتصيحه الحره مشكور يا عباس ويا مغوار
**********
ليل الخامس نترصده. . بمولد حليف السجده. يا سجاد
ابن الحسين الأول. واسمه علي يعني اول يا سجاد
وجه بدر ويلالي. نور كل الليالي. يا سجاد
يشبه ابوه برسمه وكامت تناغيه امه. يا سجاد
يا نور وطالع من نور يا كوكب بسمانه يدور
وبكل قلب اسمك محفور يا رابع بيت الكرار
**********
يوم اهدعش ننتظره يحمل ملامح ذكره بالأفراح
بمولد علي الأكبر من الولاده معطر. بالأفراح
بحضن الابو يناغيله. وخليها تهلهل ليله. بالأفراح
ريحة مسك من عنده. محله اليبوسه بخده. بالافراح
يا هنيالك ابن حسين. خل تدمع بفراح العين
يالاكبر لطف مذخور يالتشبه طه المختار
**********
بنص الشهر نتوجه. لمولد امام الحجه يا مهدي
اليملي الأرض بس عدلاً. ممليه جانت جوراً. يا مهدي
نرفع ادينه الليله. ونتوسل وندعليه. يا مهدي
عجل طلعتك لينه. من الظلم ملينه. يا مهدي
يمته انشوفك يا مولاي. وتروي العطشت بالماي
يمته انشوف الكل مذعور وبسيفك تاخذ جم ثار
يا الله
اللهم صل على محمد وال محمد
قصيده لشهادة فاطمة الزهراء عليها السلام
نسألكم الدعاء
لا لا تضل محتار. . شنهو الصار. . حاجيني
بدمومه حامي الجار. والاعبار. تاذيني الغالي شنو مأذيه ياخويه كلي اشبيه
بدمومه حامي الجار والاعبار. تاذيني
@@@@@@@@@@@@@@@@@
مسند نضرته. بس ما عرفته معقوله داحي الباب
ايد اعله راسه وايد اعله ناسه قلبي يريد جواب
شافتني عينه يمسح جبينه. يمشي بلايه صواب
لمن وصلني. بلهفه شبگني. بس شبگه مال مصاب
بويه شجره وياك وبيمناك دم نازل
واعله الرأس يسارك شنهو هناك. يالكافل
قلبي ينوح اعليه ياخويه كلي اشبيه
بدمومه حامي الجار. والاعبار تاذيني
@@@@@@@@@@@@@@@@@@@
ذب العمامه. طبره اعله هامه كلبي انصدم وياي
ياهوا يكدر. يوصل لحيدر. ويلمسه لمس اشواي
كلش غريبه. اصلن عجيبه. جرحك يبويه هواي
لونك تغير. كلبي تفطر. آيا عظم بلواي
ماهيه بالحسبان والقرآن. هالحاله
ياهوا جان انسان. يوصل جان لذياله
هسه الدمه يرويه ياخويه كلي اشبيه
بدمومه حامي. والاعبار. تاذيني
@@@@ @@@@@@@@@@@@@
تغير علامه. الكون ونظامه بضربة ابو الايتام
ندفع ضريبه. هاي المصيبه. حبنه الى الاسلام
يا جدي اشهد وانت محمد وشعملت الضلام
نفكد حبايب. وبس المصايب. ونتحمل الألآم
ماكو رحم بالناس. بلا احساس. اذونه
يا جدي الانجاس بطربة راس. جازونه
هذا الجزه تاليه. يا خويه كلي اشبيه
بدمومه حامي والاعبار. تاذيني
@@@@@@@@@@@@@@@
اسمع صوايح. هواي ونوايح يا خويه يم الباب
هاي اليتامه. تدعي بسلامه. تكول الجرح ما طاب
حيدر ابونه. مفتح عيونه. زينب نريد جواب
بالدنيا املنه. ياهوا النه بعدك نعيش مصاب
وايتامك يتانون يتأملون ذرعانك
انت اليهم عون. ويفرحون. بحضانك
والله اليتم مر بيه. ياخويه كلي اشبيه
بدمومه حامي الجار. والاعبار. تاذيني
@@@@@@@@@@@@@@@@@@
ماضنه حيدر عالوكفه يكدر. هاي آخر الأيام
عالفركه والهم. والدمعه والدم. يرميني دهري اسهام
خلَّ اتحضر. لفكدك يحيدر. خل تستعد لّيتام
ميت ابونه. وبلا اعيونه نبقه بحزن وألآم
قلبي غزته اجروح. صعبه اتروح للتالي
رايح حبيب الروح قلبي ينوح. للغالي
ضهري الدهر يحنيه. ياخويه كلي اشبيه
بدمومه حامي الجار والاعبار تاذيني
قصائد في شهادة أمير المؤمنين عليه السلام
نسألكم الدعاء
السماح السماح يا ابا عبد الله
السماح السماح يا ابا عبدالله
&&&&&&&&&&&&&&&&&&&&&
عايش بلذات هالدنيا الكصيره
بشر ما مهتم ولا يعرف مصيره
مذنب وعمره خلص ياهو اليجيره
وابد ما يعرف عدوه من اميره
بغير ابو الأحرار ياهو ضل مولاه
**
كل سنه يلفي محرم عاليخدمون
وهو لا لطام اسمه ولا هو مجنون
ما عرف يعشگ امامه وياليعشگون
الما بچت لحسين شله بيها العيون
كون يردد دوم مصابه ما ينساه
****
ويه ابو الأحرار كلنه مقصرين
بس عشرة ايام نلطم ع الحسين
كوه بالكوه ننزل دمعة العين
بالأسم كلمن يكول مسودنيين
تارس الدلال بس رياء والله
***'*'
الماله وي حسين عشره ولا خدامه
خله يقراها على روحه السلامه
هذا جاهل ما عرف بحسين امامه
وين يروح من الزجيه بالقيامه
هذا ام حسين ابد ما تدناه
****
شنو يحب الما يحب حسين يا ناس
هذا لا عنده ضمير ولا اكو احساس
هذا ما شارب ابد من ماي عباس
البيه وفه وغيره ومحنه ويرفع الراس
بعمره ما صايح واه حسيناه واه
****'*
المذنب ويه حسين خله يراجع امره
وخل يحط بعقله عن عاشور فكره
مو فقط عبرِه يريد حسين عبرٓه
يدلي بالتايه طريق حسين گمره
اليبقه وي حسين حسين يبقه وياه
راح حيدر وانتهت أيامه. ضلت تون على الباب ايتامه
********
راح حيدر وابتدت قصة حزن
وضلت ايتامه على فراكه تون
من الإسلام انهدم ثاني ركن
وشنهو نفع الشجره لو مات الغصن
والاسلام ينوح لجل إسلامه ضلت تون على الباب ايتامه
&&&&&&&&&&&&&&&&&&&&&
حيره بعيون اليتامى جبيره
وبرحيله ياهو الها الحيره
هو احن اب هو صاحب غيره
يسوه بكلوب اليتامى ديره
واليتيم يرد علي من أحلامه. ضلت تون على الباب ايتامه
&&&&&&&&&&&&&&&&&&&&&
هسه حسوا باليتم واللوعه
خلة الوالد تره موجوعه
ياهو يمسح لليتيم ادموعه
لو برد ياهو اليدفي اضلوعه
ياهو ليحسب بعد بطعامه. ضلت تون على الباب ايتامه
&&&&&&&&&&&&&&&&&&&&&&
والعقيله گابلتهم بالبچي
تنحب وماضل بعد ينفع حچي
بعد النه هايجي لو ما يجي
تنوح وعله حسين ضلت تنتچي
حسين زادت من بجيها آلأمه ضلت تون على الباب ايتامه
&&&&&&&&&&&&&&&&&&&&&&&
ما نريده العيد بعد الوالد
بالفرح شيسوي بلا الفاكد
بالكلوب الحزن ضل متصاعد
ياوسف منه حرمنه الحاقد
ما كمل حيدر علي اصيامه ضلت تون على الباب ايتامه
اللهم صل على محمد وال محمد
عظم الله لكم الأجر والثواب ذكره وفاة ام البنين عليها السلام
قصيده ع لحن يمه ذكريني
حوار بين مولاتي فاطمه الزهراء والسيده زينب عليهما السلام
