583
شرف النه خدمتك يبن داحي الباب ويهنياله اليفوز ويكتبلكم بيت ❤ هالي نور
قصيدة للزهراء بقفلة الهوسة
على ام حسين شلنه اليوم رايات
نهوس بالعزة لام الكراماااااااات
يهايه معدلة وبت السلاطين
تستاهل لطمنه ودمعه العين
نواسي حيدره ونواسي حسين
(زينب هالليلة نواسيها)
عازي بت علي والونه عليها
على امها الزجية اليوم عينيها
وياها لطمة ام حسين شديها
(اللطمة وياها شمحلاها)
مكسورة ظلع ماتت المظلووومه
من شم الهوى ياويلي محرووومه
نوحي اعله الزجية بروح مالووومه
(زينب بالزهرة نعازيها)
خلافج يالزجية انكطعت الضنه
وي زينب نون ونعلي الونه
على الشالو نعشها وأيست منه
(بليل المظلم شالوها )
شلون انشال نعشج يمه بليل
ترى فراكج صعب ويهدم الحيل
اصدن للنزل ودموعي تسيل
(دارج يايمة تبجيني)
خادمه الزهراء
الشاعرة هالي نور
/channel/+6Gn16N-VhH04NmQy
قصيدة للزهراء عليها السلام
كولي شعاجبج من نوم الكبور
ييمة اعليج كلبي الليله مكسور
شيردج عليه يالرحتي من اديه
دارج مظلمه ومابيها كل نور
ييمة اعليج كلبي الليله مكسور
،،،،،،،،،،،،،،،،،،،،
ييمه اخلاف عينج شنهي دنياي
اظل مدوهنه ومتيهه الراي
رديلي ييمة وكعدي وياي
كسرتيني يزهرة بروحتج هاي
اون صبح ومسيه يمن رحتي من ادية
يالجنتي سند يالجنتي الي سور
ييمة اعليج كلبي الليله مكسور
،،،،،،،،،،،،،،،،،،،،،،،،،
من زغري عشت ضيم ومأسي
المصايب شيبت ياييمة راسي
زماني ما نصف وياي قاسي
اخذ مني الاحبه واغلى ناسي
عكبج ياهو اليه يالرحتي من ادية
غدار الوكت من يعكس يدور
ييمه اعليج كلبي الليله مكسور
،،،،،،،،،،،،،،،،،،،،،
عكبج عاشرت دمعات العيون
وادري الفاركوني مايردون
شيصبر الكلب ويهود الظنون
الفارك مهجته يظل عايش شلون
دمعاتي جريه. يالرحتي من ادية
مجبور الكلب عالونة مجبور
ييمة اعليج كلبي الليله مكسور
،،،،،،،،،،،،،،،،،،،،،،،،
لو اكظي العمر ونه اعله ونه
ماجازي التعب يم المحنه
أئيس ياكلب واكطع الضنه
ماترجع بعد كعدات اهلنه
نرد نكعد سويه يالرحتي من ادية
وترد تزهر ييمه بصوتج الدور
ييمة اعليج كلبي الليله مكسور
،،،،،،،،،،،،،،،،،،،،،،،،،،
المفاركله أم الله اليعينه
يون الليل ميهود ونينه
تضيع ايامه كلها اكبال عينه
بالهم والحزن تخلص اسنينه
ناره تظل سريه يالرحتي من اديه
كل يوم اليمر بعيوني عاشور
ييمة اعليج كلبي الليله مكسور
خادمة الزهراء
الشاعره هالي نور
/channel/+6Gn16N-VhH04NmQy
بصوت. مسلم المطيري
المهدي سود ثيابه
كلمات الشاعرة
هالي نور
لحن القصيدة بصوت خادم الحسين ملا فلاح ربي يحفظه
Читать полностью…
قصيدة للامام العكسري عليه السلام
المهدي سود اثيابه
عالعسكري ومصابه
حزنان شد انكابه
ويصيح بوووويه. ويصيح بوووويه
حزنان كاضيه القهر مهدي الرسالة
علنت حداد ارض وسمه تبجي اعله حالة
راح الابو وفركاه صعب محد بقالة
مهدينا بيده وسده ولكبره شاله
الله يعينة الليله
مصاب الابو هد حيله
يا عين دم ابجيله
ويصيح بوووويه ويصيح بوووويه
يالوعة فراك الابو وشصعبة الفراك
يا دمعه التهد الصخر .. يانار الاشواك
والروح التفارك اهل كل ليلة تنباك
مر البعد ما ينجرع كل لحضه ينضاك
للعسكري ونينة
مصابه وجر بينة
ولأبنة شابح عينة
ويصيح بوووويه ويصيح بوووويه
سامره حزنانة وتون وشثكلة المصاب
مسموم مولانه وكضه وتوسد اتراب
للعسكري ون الكلب والدمع سجاب
والمهدي ينعه وينتحب يم دار الاحباب
فراكك صعب يالغالي
دمع الحزن يبرالي
بوية البعد جتالي
ويصيح بوووويه. ويصيح بوووويه
خلصو أئمتنة جتل .. مسموم .. عطشان
الله يساعد فاطمة شكد شافت احزان
ويه الهواشم للأسف هذا الدهر خاااان
راح وبعد طش الشمل ذاك الكبل جان
نتوسد باحضانه
شال ووحش ديوانه
زادت المهدي احزانه
ويصيح بوووويه. ويصيح بوووويه
ضلمة الحياة بلا أبو وحشه وخلية
شلي بحياتي من بعد فركاك الية
يالجنت للعازة ذخر عون وتجية
خلافك صفيت لوحدي واصفك بدية
ابنك تغير لونة
لو عنك ينشدونه
لسامره دار عيونه
ويصيح بوووويه ويصيح بوووويه
خادمة الزهراء
الشاعرة هالي نور
/channel/+6Gn16N-VhH04NmQy
لحن القصيدة بصوت خادم الحسين ملا احمد الزويني
Читать полностью…
بصوت مسلم المطيري
نعازي اليوم اجينه ام الحسين
كلمات الشاعرة
هالي نور
نعي للأب
لسان حال الزهراء عليها السلام
الله يعينها الشايل وليها
منهو البعد ينشد عليها
والشال ابوها شلون بيها
خيمة الابو وكله محنه
من شال شال الفرح عنه
لفراكه اون ونه اعله ونه
ارجع يبوية وهود الروح
عكبك اظل للحزن والنوح
كلبي بغيابك حيل مجروح
وينك يمن ملكاك اريده
ويالشوفتك صارت بعيده
ونيت والونة شديده
بوية بغيابك كلبي ماهاد
ريت الزمن وياك ينعاد
ونكعد سوة ياجد الاولاد
خادمة الزهراء
الشاعرة هالي نور
/channel/+6Gn16N-VhH04NmQy
قصيدة للرسول محمد صلى الله عليه وسلم
مواساة لمولاتي الزهراء عليها السلام
نعازي اليوم اجينه ام الحسين
حسافة يشيل ابوها الاسس الدين
نعازيها اعله ابوها ونلطم وياها
شال البي حمية وضاع رجواها
تون وتنتحب بالضيم خلاها
على فراك الولي تجهر بالونين
خل نلطم وياها شال هيبتها
هالليلة الزجية تسيل دمعتها
بدت احزانها شمعظم مصيبتها
من يوم الرحل ما غمضت العين
بدت احزانها من ساعة افراكة
يانار الابو تلهب وحراكة
مصيوب الكلب شيبرد اشواكة
ضلمة الدار عكبة والدواوين
ضلمة الدار من عكبة وتبجيها
شال الجان خيمة وتحتمي بيها
من غمضت عينه هجمو اعليها
حركو دارها كوووم الملاعين
حركو دارها وسقطو محسنها
ولطمو عينها وكسرو ضلع منها
فاركها ابوووها من زغر سنها
شكد شافت هظم ام كلب الحنين
خادمة الزهراء
الشاعرة هالي نور
/channel/+6Gn16N-VhH04NmQy
ردت من الشام زينب نايحة
تون والدمعات عالخد طايحة
وياها روس اخوانها والحزن عنوانها
تون والدمعات عالخد طايحة🚩
ردت من الشام زينب نايحة
تون والدمعات عالخد طايحة
وياها روس اخوانها والحزن عنوانها
تون والدمعات عالخد طايحة
ردت بيا حال من بعد اليسر
تكوم وتطيح العقيله اعله الكبر
تصيح ريت وياكم اكظيته العمر
ولا مشيت ميسرة وية الشمر
مغيرات الوانها والحزن عنوانها
تون والدمعات عالخد طايحة
ردت وياها العليل وينتحب
يصيح بوية شلك بنوم الترب
مادريت بزينب شسوة الدرب
حايرة بأيتامك بديرة غرب
مجلجلة بأحزانها والحزن عنوانها
تون والدمعات عالخد طايحة
طاحت اعله اكبورهم تنعه وتون
ناحلة من الضيم كاضيها الحزن
وينة عباس ارد اشوفنة المتن
بلكت يكوم وعلى زينب يحن
يرد بيها اوطانها والحزن عنوانها
تون والدمعات عالخد طايحة
ردت بيا حال بت حيدر علي
من على الناكة وصاحت كافلي
وينة عباس الينزل محملي
شلون عافاني غريبة بلا ولي
نومة كل وليانها والحزن عنوانها
تون والدمعات عالخد طايحة
فركة الخوان لا ما تنحمل
ينهدم حيلة اليفاركلة اهل
ويه زينب ليش طشيتو الشمل
حرمة حملتوها وثكيل الحمل
الله رافع شانها والحزن عنوانها
تون والدمعات عالخد طايحة
خادمة الزهراء
الشاعرة هالي نور
/channel/+6Gn16N-VhH04NmQy
نعي للعليله 😭🚩
بويه الوكت طشر شملنه
ماترجع الكعده ويه اهلنه
اكظي العمر ونه اعله ونه
فراك ومرض والحيل مهدود
وحشه النزل والباب مسدود
شال الابو واتنطره يعووود
فراك الولي والله عماني
من وكت شال ويتماني
بهلي الدهر بلوة بلاني
اذكر احبابي واهمل العين
يمته ترد يابويه يحسين
وكلبي يهود من الونين
كلبي يهود من حسرته
بشيلتك والله كسرته
شال الابو ومخلي بته
خادمة الزهراء
الشاعره هالي نور
/channel/+6Gn16N-VhH04NmQy
قصيدة للعليله
عفتو دوركم سافرتو لي وين
اودعكم يهلنة بدمعه العين 🚩
عفتوني نحيلة بوية انه العليلة
لايمي اهل كلهم مرحلين
اودعكم يهلنة بدمعه العين
كولي شعاجبج من نوم الكبور
ييمة اعليج كلبي الليله مكسور
شيردج عليه يالرحتي من اديه
دارج مظلمه ومابيها كل نور
ييمة اعليج كلبي الليله مكسور🚩
المهدي سود اثيابه
عالعسكري ومصابه
حزنان شد انكابه
ويصيح بوووويه ويصيح بوووويه🚩
قصيدتي بصوت خادم الحسين ملا احمد الزويني ربي يحفظه
Читать полностью…
قصيدتي بصوت خادمة الحسين الملا ام مرتضى ربي يحفظها
Читать полностью…
بصوت. مسلم المطيري
نعازيها الزچبه اليوم
بمصابك يهادينه
كلمات الشاعرة
هالي نور
الزهرة تنوح وتريد اليواسيها
شال اليوم ابوها وحيل مابيها🚩
ابن عمك يحيدر شايل اليوم
تون ام الحسن والحيل مهدوم
ابو ابراهيم شال واظلم الكون
يسوة الكول يسوة لطم المتون
هذا البالمعارك لاعب فنوووون
( الخندق يشهد بأفعاله)
هذا الثبت الإسلام والدين
تشهدله بدر جد الميامين
اختاره الباري خاتم للنبيين
(ثبت دين الله واركانه)
حبيب الله رحل فخر الرساله
هبط جبريل نعشه بجنحه شاله
علي حيدر الليله شلون حاله
(حزنان يون اعله مصابه)
الله يساعد الزهرة ويصبرها
على فراك الابو مكسور خاطرها
اليوم اهل المدينة تون منابرها
( اليكظي الكلفة مضيعينه)
عرش الله حزن لمصاب هادينه
وفراكة كلف كلش مأذينه
وي ام الحسن هالليله ونينه
( الزهرة الليلة نعازيها)
خادمة الزهراء
الشاعرة هالي نور
/channel/+6Gn16N-VhH04NmQy
لطمية للرسول محمد صلى الله عليه وسلم........
الزهرة تنوح وتريد اليواسيها
شال اليوم ابوها وحيل مابيها
شال اليوم ابوها وعلت الونة
تصيح بصوت ابوي اليوم اريدنه
وين الدللاني وراعي المحنة
بعد شالت البوية وين تلكيها
حزنانة الزجية وتهمل الدمعة
تكول الشال مني بعد شيرجعة
الله يعينها هالليلة البضعة
مكسورة كلب علت بواجيها
مكسورة كلب ماتحمل اغيابة
الله يعين كلب الفارك احبابة
حكها لو بجت وتصيح يا يابة
تهدم حيلها من شال واليها
تهدم حيلها من شال خيمتها
ابوها الدللاها وجان هيبتها
حكها لو تون وتسيل دمعتها
تشوف الضيم والونة تعليها
شال الأسس الإسلام واركانة
ابو ابراهيم ياعزنه ويملفانة
على مصابة السمه والكاع حزنانة
صارت مظلمة وتراب غاطيها
( حزنان الكون اعله مصابة)
خادمة الزهراء
الشاعرة هالي نور
/channel/+6Gn16N-VhH04NmQy
فزاعية للرسول محمد صلى الله عليه وسلم
نعازيها الزجية اليوم
بمصابك يهادينة
نعازيها ونجر ونه
بمصابك يالمجنة
خلها تكطع الضنة
شال اليوم والينة
شال اليوم عن داره
وعنها انكطعت اخباره
دمعها اعليه يتجاره
وياها احنه ونينة
وياها نجر حسره
عالعافاها منكسره
شال اليوم ابو الزهره
خل نعلن تعازينة
حزين المنبر يريده
وابو الحسنين اعضيده
يون و ونته شديده
حزين اليوم والينة
الكرار انهدم حيله
عضيده شايل الليله
نعشه بيده يشيله
يون ودمعته بعينة
خادمة الزهراء
الشاعره هالي نور
/channel/+6Gn16N-VhH04NmQy
الحمد لله والشكر لله الذي جعلنا من زوار الحسين عليه السلام في الأربعين
Читать полностью…
لحن القصيدة بصوت خادم الحسين ملا فلاح ربي يحفظه
Читать полностью…
رقية بالخرابة تصيح عمه
مشتاكة لبوي وارد اشمه
وينه الدللاني. اصيح ومااجاني
اريد اشكي الهظم والضيم يمه
مشتاكة لبوي وارد اشمه
&&&&&&&&&&&&&_
مشتاكة اشم عطر المحنه
واشكيله الهظم واسدر الونه
يردلي الغالي لو اكطع الضنه
نسه بته ابوي حسين جنه
ضالم يازماني. اصيح ومااجاني
دنية خلاف عينه بعيني ضلمه
مشتاكة لبوي وارد اشمه
&&&&&&&&&&&&_
ابوي الجان ميفارك خيالي
فاركني وصفيت بلايه والي
بعد شيعودها ذيج الليالي
ياوسفه انفكد عزي ودلالي
شو جنه نساني. اصيح ومااجاني
صوبني الوكت وشكلفه سهمه
مشتاكة لبوي وارد اشمه &&&&&&&&&&&&&&&_
عمه شلون خلاني غريبة
صعبه اعله المحب يفكد حبيبة
اعتب والعتب بلكت يجيبة
وكلبي يهيد ويبطل نحيبة
ملهوفه واتاني. اصيح ومااجاني
فراكة اعله الكلب ياعمه لجمة
مشتاكة لبوي وارد اشمه
&&&&&&&&&&&&&&_
تهل دموعي وكت المغربية
اريدن والدي ينشد علية
عزيزة كلبة عمه انه رقية
ماظنه نساني وكطع بية
عزيزة كلبة اني. اصيح ومااجاني
عونه العده ابو يشرك بهمه
مشتاكة لبوي وارد اشمه
&&&&&&&&&&&&&&_
عازات الأبو ياعمه عازة
مكسور الكلب فاكد اعزازة
شماله اعلى الولي دهري توازة
حالي بغيبته حال الجنازة
فراكة عذباني. اصيح ومااجاني
عذبني الوكت طشر اللمه
مشتاكة لبوي وارد اشمه
خادمة الزهراء
الشاعرة هالي نور
/channel/+6Gn16N-VhH04NmQy