1212
شاعر في خدمة اهل البيت عليهم السلام
عيد الغدير الأغر
1446ه-2025م
عيد الغدير الأغر بحيدر ولينه ازدهر
بيه والي حيدر صُبَح من بعد خير البشر
؛★★★★★★★★★★★★★★★★
نزل جبرائيل للهادي برساله
آيه قرآنية للدين وكماله
يا محمد بلّغ وأدّي الرساله
امر من الباري سبحانه وتعالى
هالامر من العلي حيدر يصير الولي
والما يعجبه الأمر خيموت من القهر
؛★★★★★★★★★★★★★★★★
بلّغ الناس بعلي والي عليهم
واليضده يعني ضد الله ونبيهم
بايعوه وصاحو بنبرة حچيهم
بخٍ بخ يا حيدر ومدّو اديهم
صاحو من اتّوّجت انتَ مولانه صرت
بس انت شامخ ترى والباقي كله اندثر
؛★★★★★★★★★★★★★★★★
اليوم اكملتُ لكم نزلت الآية
كمّلَت دين النبي هاي الولايه
صار ابو الحسنين والي اعلى البرايه
هوه الأول وانتهت باقي القضايه
وي النفس والهوه اسمك يحيدر دوه
بنص الگلب يا علي اسمك بگلبي انحفر
؛★★★★★★★★★★★★★★★★
يا علي بايعتك بروحي وضميري
انتَ اميري يا علي انتَ اميري
يا إلهي اسأل الباري القديرِ
أن يُديم اعلينه افراح الغديرِ
بعيدك علي نحتفل فرحان حتى الطفل
إن شاء الله هالفرح يستمر طول الدهر
؛★★★★★★★★★★★★★★★★
يا علي يا سر فرحنه والسعاده
باسمك الساني لهج من الولاده
اليوم اجدد بيعتي والساني ناده
ماكو غيرك يستحق هاي القيادة
من علي ومن فاطمه لولاد حامي الحمه
بس لآل طه النبي والباقي بس بالصور
؛★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
استشهاد الامام الجواد عليه السلام
1446ه-2025م
فراگك چتال يالغالي فراگك چتال
روحي بيا حال من بعدك روحي بيا حال
هاي المسيه يوم المنيه
فراگك چتال
★★★★★★★★★★★★★★★★★★★★★
ابنك الهادي يبويه بيا گلب عايش عفتني
عفت دمعاتي جريه وللمصايب سلمتني
شاب بعدك والمنيه بويه عنك بعدتني
ليش يا دهري اصيحن عن حبيبي فرگتني
رايح للبين يا بويه رايح للبين
دمعات العين ذبحتني دمعات العين
هم واذيه يوم المنيه
فراگك چتال ★★★★★★★★★★★★★★★★★★★★★
آه يا ثگل الليالي البيها وجهك ما المحه
الغالي من يفگدله غالي وسط گلبه يعيش جرحه
وين رايح وانا وضعي بعد ما حاجه اشرحه
حزن هالكون الغيابك والنهار اظلم بصبحه
ضيم وآهات من بعدك ضيم وآهات
هاي الدمعات ما تنشف هاي الدمعات
نفسك أبيه يوم المنيه
فراگك چتال
★★★★★★★★★★★★★★★★★★★★★
بعده بالعشرين عمرك وسمّك الما عنده رحمه
چانت تهز الطواغي لو حچه السانك بكلمه
عمرك الطاهر گظيته تدافع أعلى الدين واسمه
يالوجودك چان نعمه وصرت للاسلام نعمه
شلت اسم الدين بافكارك شلت اسم الدين
لا ما ناسين افضالك لا ما ناسين
تبقى هويه يوم المنيه
فراگك چتال
★★★★★★★★★★★★★★★★★★★★★
باقي ثلث ايام ويلي بالشمس جسم رميه
حالتك تشبه الجدك الطاح بارض الغاضريه
لچن مذبوح ابو اليمه وراسه گطعوه آل أميه
ذبحو اولاده واخوته وخذو زينبهم سبيه
هذا الما صار بالعالم هذا الما صار
إزغار كبار ذبحوها إزغار كبار
العن اميه يوم المنيه
فراگك چتال
★★★★★★★★★★★★★★★★★★★★★
شلون اتحمل يغالي وانا بچفوفي ادفنك
يالتركت بروحي حسره شوف ما شبعان منك
چانت امنيتي بحياتي بويه ما ابتعد عنك
بويه بفراگك عيوني مو دمع بل دم بچنك
روح الله وياك يالغالي روح الله وياك
يذبح فرگاك يالغالي يذبح فرگاك
صعبه عليه يوم المنيه
فراگك چتال
★★★★★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
رمضان 1446ه-2025م
قصائد استشهاد الامام علي عليه السلام
افتح عيونك يا ابو تراب
دمع اليتامه تارس الباب
؛★★★★★★★★★★★★★★
انت واليهم يحيدر هاليتامه
غبت عنهم والفراگ أول علامه
الليل عالفاگد ابو يصعب ظلامه
اجو يدعولك يبوهم بالسلامه
يكتل الروح فراگ الاحباب
دمع اليتامه تارس الباب
؛★★★★★★★★★★★★★★
صار يومين انت من غايب عليهم
چنت كل ليليه يا حيدر تجيهم
ابابك اجتمعو ويتعالى بچيهم
اشتاقو يشوفون وجهك يا وليهم
فگدوك وانت براسك صواب
دمع اليتامه تارس الباب
؛★★★★★★★★★★★★★★
من درو مسموم راسك باثر ضربه
اجو جابولك لبن بلكي تشربه
غيبتك عنهم يبوهم والله صعبه
بدونك الدنيا تراها دنيا غربه
هواي يذبح طاري الغياب
دمع اليتامه تارس الباب
؛★★★★★★★★★★★★★★
جتك ايتامك علي افتح عيونك
جايهم عيد الفطر وحشه بدونك
چانو اول بشر انت يعايدونك
تالي ما تالي اعلى غفله يفارگونك
خنگه بدونك يا هوى الهاب
دمع اليتامه تارس الباب
؛★★★★★★★★★★★★★★
رادو يلاگونك ملاگه الحبايب
ورادو يشوفوك بلكي اليوم طايب
ما درو باچر يجي وبيه المصايب
يرحل المرتضى ردّاد الكتايب
كل گلب لجلك يا علي ذاب
دمع اليتامه تارس الباب
؛★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
شعبان 1446ه-2025م
مولد الامام المهدي المنتظر عجل الله تعالى فرجه الشريف
هالليله هالليله افراح وسهر
هالليله هالليله صار المنتظر
؛★★★★★★★★★★★★★
شعبان جابلنه الفرح شهره
مولد الحجه الكلها تنتظره
فاح وترس كل الارض عطره
نبعث تهاني النرجس الحره
هالليله هالليله بيها احلى خبر
هالليله هالليله صار المنتظر
؛★★★★★★★★★★★★★
ليلة فرح وأعياد ليلتنه
جَمعة سعادة وخير جَمعتنة
ب15 شعبان فرحتنه
ميلاد ابو صالح سعادتنه
هالليله هالليله اشعر بالفخَر
هالليله هالليله صار المنتظر
؛★★★★★★★★★★★★★
ليله عظيمه وفرحه شيعيه
هالليله تشبه للغديريه
فرحان گلبي ميه بالميه
عطر ابو صالح ساكن الريه
هالليله هالليله تنعّد بشهر
هالليله هالليله صار المنتظر
؛★★★★★★★★★★★★★
بالأرض هالليله الگمر يطلع
نور ابو صالح عالبشر يسطع
تبتدي الفرحه ويختفي المدمع
ترتاح روحي بأسمه من اسمع
هالليله هالليله كل هم اندثر
هالليله هالليله صار المنتظر
؛★★★★★★★★★★★★★
بياس وورد هالفرحه نتلگه
تعم السعاده وتنتهي الخنگه
الهايم بحب المنتظر حگه
هوه الطفل بگماطه ويعشگه
هالليله هالليله يتلالى الگمر
هالليله هالليله صار المنتظر
؛★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
شعبان 1446ه-2025م
مولد الأقمار الشعبانية
اعلني الأفراح يروحي وهلهلي
بمولد العباس والحسين وعلي
؛★★★★★★★★★★★★★★
يا هلا بشعبان دلالي هتف
مولد الأقمار بيه وضعي اختلف
ابعث بهاليوم تهاني للنجف
بمولد الاقمار نبارك للولي
؛★★★★★★★★★★★★★★
بثلاثه شعبان فَرحة فاطمه
فرحة العطشان لو مات الضمه
مولود الحسين ومعيّده السمه
افراح شعبان يروحي استقبلي
؛★★★★★★★★★★★★★★
يوم اربعه صار عباس الگمر
گلب ام البنين بالفرحه ابتشر
وصاحت يعباس يا ضي النظر
ردتك للحسين ما ردتك إلي
؛★★★★★★★★★★★★★★
من صار عباس زينب حيّته (تحيه)
مية هلا بيك يخويه نادته
راحت لبوها بخوها هنّته
چنها تناديه هذا كافلي
؛★★★★★★★★★★★★★★
الخامس بشعبان بالفرحه ازدهر
يتلقى الحسين بيه اجمل خبر
بمولد السجاد تزّين هالشهر
وبهاي الافراح كل هم ينجلي
؛★★★★★★★★★★★★★★
جعفر عطيه البزوني
رابط القناة /channel/Jaffarattea
للتواصل @jaffarsds
قصائد استشهاد الامام الكاظم عليه السلام
رجب 1446ه-2025م
ميمر كربلائي
مثل الگمر وأم عباس باب الحوائج اسمه
؛★★★★★★★★★★★★★★★★★★
كاظم الغيظ الما يغيظ السائل
باب الحوائج للحوائج كافل
يمه المشاكل تنگظي بالعاجل
بچفك يحط المطلوب وبالوجه يرسم بَسمه
؛★★★★★★★★★★★★★★★★★★
مثل الگمر وأم البنين الحره
موسى ابن جعفر من امرهم أمره
يگظيها كلمن حاجته متعسره
مصدر الخير الهالناس وبفضله كلنه بنعمه
؛★★★★★★★★★★★★★★★★★★
ما تبقى حاير لون تصفى النيه
وشما تكون الحاله والنفسيه
بس تدگ بابه وحاجتك مگظيه
ما واحد يكون بضيج وموسى ابن جعفر يمه
؛★★★★★★★★★★★★★★★★★★
طب وعلاج بمرقده الكل عله
الكل الطوائف بابه صاير قبله
والنعم من الكاظم ومن نسله
طيّب ومن نسل اطياب جده وأبوه وأمه
؛★★★★★★★★★★★★★★★★★★
لازم تگصده وانت بالحق عالم
وتعرف تفاصيل الإمام الكاظم
وشگد مِحن عاناها مِنّ الظالم
عاش بمعاناة سنين والهوه گوه يشمه
؛★★★★★★★★★★★★★★★★★★
ضد الظلم چان اللسان الناطق
دربه السراط وهالدرب بيه واثق
كلنه نسير بنهج إبن الصادق
للموت ويّ المظلوم حاشه نخالف علمه
؛★★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
قصائد استشهاد السيده زينب عليها السلام
رجب 1446ه-2025م
نادي في هذي المصيبه آ يزينب يا غريبه
؛★★★★★★★★★★★★★★★★★
الليله ليلة حزن ودموع ومآتم
الليله نرفع تعزيه الحضرة القائم
ماتت الليله عقيلة آل هاشم
والحزن خيّم على بيوت الفواطم
بدمعتك انعى النجيبه آ يزينب يا غريبه
؛★★★★★★★★★★★★★★★★★
ماتت ودمعاتها باقي اثرها
على حسين الدمع وجنتها حفرها
جروح زينب الله يعلمها شكبرها
ذبح ابو اليمه وگمر هاشم كسرها
منين واحدهم تجيبه آ يزينب يا غريبه
؛★★★★★★★★★★★★★★★★★
من بعد ذيچ المآسي من سبوها
وبعد ما ردت لارض جدها وبوها
تالي ردو من جديد وهددوها
نقتل السجاد إذا ما طلعوها
دنيا غدّاره وعجيبه آ يزينب يا غريبه
؛★★★★★★★★★★★★★★★★★
مرت الحره بمآسي كلها اذيه
وكل رزيه التمر اصعب من رزيه
فگدت امها وعلي حمّاي الحميه
والحسن والخاتمه ارض الغاضريه
والگلب يسعر لهيبه آ يزينب يا غريبه
؛★★★★★★★★★★★★★★★★★
من بعد ضيم المعاناة الطويله
ردت اعلى الشام مجبوره العقيله
من يزيد وزمرته اصحاب الرذيله
الى أن ماتت بغربتها قتيله
ماتت بغربه السليبه آ يزينب يا غريبه
؛★★★★★★★★★★★★★★★★★
بس علي السجاد شيعها الحزينه
حطها وسط اللحد ويأن بونينه
ترست تراب الگبر دمعات عينه
وداعة الله صاح يا عمتي الحنينه
ما گطع ونه ونحيبه آ يزينب يا غريبه
؛★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
مولد الامام علي عليه السلام
رجب 1446ه- 2025م
يبو حسين هلّت علينه اعيادك
يبو حسين مية هله بميلادك
؛★★★★★★★★★★★★★
تبرك رجب ب١٣ من شهره
بحيدر علي الكرار من شع بدره
انشق الجدار وطبت امه الحره
والكره الارضيه امتلت من عطره
يبو حسين بالگعبه ربك رادك
يبو حسين مية هله بميلادك
؛★★★★★★★★★★★★★
بهاي الولادة الطاهره القدسيه
عرفت العالم معنى الانسانيه
يمك يحيدر موطن الحريه
ذكرك يحيدر راحه للنفسيه
يبو حسين رغماً على حسّادك
يبو حسين مية هلا بميلادك
؛★★★★★★★★★★★★★
يا احله كلمه لو لفظها الساني
بالكون كله ماكو منك ثاني
تمشي بوريدي يا علي وشرياني
يا نعمة اللّه التستحق شكراني
يبو حسين شكراً الك وأولادك
يبو حسين مية هلا بميلادك
؛★★★★★★★★★★★★★
صارت علامه فارقه بسنيني
من صار نهجك هوه كل تكويني
خليت بيدك يا علي چفيني
مغمض اسير وحبك يدليني
يبو حسين ويّاي دوم اسنادك
يبو حسين مية هلا بميلادك
؛★★★★★★★★★★★★★
اصل الحياة انت يبونه الغالي
من صرت من شيعتك يا هنيالي
ما اذكر بلحظه غبت عن بالي
كل يوم احسك يا علي تبرالي
يبو حسين دوم انتظر ميعادك
يبو حسين مية هلا بميلادك
؛★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
الليالي الفاطميه 1446ه-2024م
على حيدر علي اعظم مصيبه
من انعصرت الزهره الحبيبه
؛★★★★★★★★★★★★★★
شريكة عمره حيدر فارگاها
عافت بيتها وسكنت ثراها
صاح بصوت لمّن ودّعاها
مغدوره تلگاها يطٰه
تلگه بنَيتك بدمها خضيبه
من نعصرت الزهره الحبيبه
؛★★★★★★★★★★★★★★
مشت وچفوف حيدر شيعتها
چفوفه بدمع عينه غسّلتها
خذت روحه المنيه اللي خذتها
تذبح گلب حيدر فاجعتها
گلبه يفارگ الزهره نصيبه
من انعصرت الزهره الحبيبه
؛★★★★★★★★★★★★★★
على هذا علي الله اليعينه
يشوف الزهره ميته گبال عينه
هاي ام الحسن هاي الحنينه
خلت حيدر يعاشر ونينه
تموت بيا ذنب هاي العجيبه
من انعصرت الزهره الحبيبه
؛★★★★★★★★★★★★★★
عافت تنحب بحسره ولدها
الحسن وحسين يبچون الفگدها
وزينب سكنت الدمعه اعلى خدها
يتيمه ظلت الحره بعدها
ساد الحزن من بعد النجيبه
من انعصرت الزهره الحبيبه
؛★★★★★★★★★★★★★★
الحسن ظل ينحب اعلى امه الشهيده
فوگ الراس يلطم حيل بيده
عن عينه صفت امه بعيده
التروح امه بعد ياهو اليفيده
يظل عايش بدنياته الكئيبه
من انعصرت الزهره الحبيبه
؛★★★★★★★★★★★★★
صاح حسين آ يا ماي عيني
يروحي ويا حياتي وكل سنيني
ييمه ليش بالهم تتركيني
كون وياچ يمه تاخذيني
ترى بعدچ صفت روحي سليبه
من انعصرت الزهره الحبيبه
؛★★★★★★★★★★★★★
زينب تنعى يا يمه الزچيه
اموت وياچ لو صحّت بديه
اجتچ ليش ما جتني المنيه
خلتني اون صبح ومسيه
عيني تعاشر الدمعه السچيبه
من انعصرت الزهره الحبيبه
؛★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
قصيده للامام الحسن العسكري عليه السلام
عظم الله اجرك يغايب راح ابوك الغالي
يعينك اللّه يبو صالح وانتَ فاگد والي
؛★★★★★★★★★★★★★★★★★
يبو صالح عظّم الله الأجر
ودعت غالي ودفنته بالگبر
مات ابوك وبقى گلبك منكسر
تبچي عالمسوم من أهل الغدر
گلبي مجروح المصابك يالسكنت ابّالي
يعينك الله يبو صالح وانتَ فاگد والي
؛★★★★★★★★★★★★★★★★★
شگد تعذب من طواقيت الزمن
ناس عاشو بالضلاله والفتن
حاصروه من كل كتر بيت الحسن
لأن ما يردون علمه بالوطن
حاربو اهل النبوه والعليِّ العالي
يعينك الله يبو صالح وانت فاگد والي
؛★★★★★★★★★★★★★★★★★
عاش وي ناس الجرى بدمها الحقد
بين شوك شلون يرتاح الورد
مات وعيونه على الشيعه تصد
لعنة الله اعله الخليفه المعتمد
الف لعنه اعلى النواصب يدعي يا رب حالي
يعينك الله يبو صالح وانت فاگد والي
؛★★★★★★★★★★★★★★★★★
ثمانيه وعشرين عمره ودّعك
وانت خمس سنين ويصب مدمعك
وغبت عن العين والهم لوّعك
وظلت الشيعه تتاني مطلعك
انتظر يالمهدي اشوفك نصرتك تحلالي
يعينك الله يبو صالح وانت فاگد والي
؛★★★★★★★★★★★★★★★★★
يا عظم جرحك يمولاي الحزين
وانته ما ظگت الهَنه بمر السنين
تنتظر يفرج الٰه العالمين
حتى تبني للبشر سورٍ أمين
تظهر وتجعل الشيعه بالشدد متبالي
يعينك الله يبو صالح وانت فاگد والي
؛★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
https://youtu.be/R8cjJyfcyKE?si=18BVJdeMh6SWSEtL
Читать полностью…
صفر 1446ه-2024م
قصيدة للإمام الحسن عليه السلام
راحل سورنه العالي چبير العايله الغالي
منه البيت ظل خالي فارگنه الحسن
؛★★★★★★★★★★★★★★★★★
أنا الحره العقيله الروحي تتلوه
على امصيبة اخوي البالسم اتروه
راح الينطي حگها كلمة الخوه
هيه البلوه من تفگد بشر يسوه
فگدنه رحمته وحلمه فگدنه نخوته وعلمه
فگدنه الطيبه والبسمه فارگنه الحسن
؛★★★★★★★★★★★★★★★★★
قبل ليموت مريت ارد اشوفنه
لگيته بيا وضع يصعب اوصفنه
چبده مگطع وما بقت بيه ضنه
يا زينب يگلي گوه اسمعنه
وداعاً يختي يالحره رايح لمچ الزهره
ظهري انكسر يا كسره فارگنه الحسن
؛★★★★★★★★★★★★★★★★★
شحلات الگعده من چنه سوه نگعد
كل ساعه نروح اعله الحسن ونرد
إذا ما رحنه يمه يبادر ويفگد
واحد واحد اعلينه يمر ينشد
ما تاركنه ابو محمد دوم الربعه يتفگد
اليگصد بابه ما ينرد فارگنه الحسن
؛★★★★★★★★★★★★★★★★★
شحچي عنه ادري ما يكفّيني
بمقام الوالد البيه تنترس عيني
كل ما شافني يگوم ويلاگيني
هلا باختي الاميره من يحاچيني
هلا بالخدر وبأهله الما واحد لمح ظله
هلا بطول النبي وفعله فارگنه الحسن
؛★★★★★★★★★★★★★★★★★
بيا حاله بقيت وشحچي عن حالي
بعد ما وسدينه بالگبر والي
راح الحسن والحسرات خلّالي
فارگني وترك دمعاتي تبرالي
تحارب حتى في موته رموه بسهام تابوته
ما نسمع بعد صوته فارگنه الحسن
؛★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه-2024م
قصائد المشايه والأربعين
هله كل الهله يگاصد كربله
المواكب تنتظر تتاني الغافله
؛★★★★★★★★★★★★★★★★★
هله بمشاية حسين ينور ويضوي للعين
نجهز موكب سنين خدم للعتره
تطمّن ها يمشاي ترى خدامك هواي
تصير بدربك فياي أعلى حب الزهره
المواكب مستعده وتارسه الكون
هله ومية هله بيكم يصيحون
كل واحد بگلبه حب الحسين
تعلّم حبه من حب عابس وجون
على طول الدرب المواكب تنصب
يأشر كربلاء اتجاه البوصله
؛★★★★★★★★★★★★★★★★★
هله بصاحب الاحساس هله بزاير العباس
نحطك تاج عالراس نظل خدامك
نعوفك تمشي هيهات بس مر بينه لحظات
وتشرفنه إذا تبات وتريح اجدامك
هله يالگاصد المعشوگ الاحرار
ترى كل منطقة صارت الك دار
من اقصى المدن حد كربله نصيح
هله ومية هله بريحة الزوار
ابو الموكب يجي يزاير يرتجي
تشرفنه إذا الموكب تدخله
؛★★★★★★★★★★★★★★★★★
نهار وليل حياك علي علي علي وياك
توفيق الله جاباك مشي لحسينك
صح تتعب الرجلين لچن تتجازه بعدين
من مولاك الحسين يكحّل عينك
طريق حسين جنه للبريه
يريح الروح درب ابن الزچيه
المهم گلبك يشيل بداخله احساس
حب حسين والعباس اخيه
درب بيه بس صدگ للحسين العشگ
ملايين البشر تزور مدلله
؛★★★★★★★★★★★★★★★★★
يزاير إخلص وروح طريق حسين مفتوح
بس رايد المذبوح تطهّر روحك
التزم ويوفقك اللٰه حسين وياك تلگاه
تشوف الخير ويّاه وتطيب جروحك
إذا چانت النيه تزور مولاك
گله انا نظيف وگلبي يهواك
لتخلي الحسين يگول لا لا
خلي حسين للباب يتلگاك
الحُسين بهيبته يحيي بشيعته
يم راعي الوفه الاسامي مسجله
؛★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصائد المشايه والأربعين
السيده زينب تخاطب الإمام الحسين عليه السلام
يحسين اجيتك بربعينيتك
مشتاقه الك لا تظن ناسيتك
انصب عزائي في كربلاءِ
؛★★★★★★★★★★★★★
بعد السبي ورحلة معاناتي
جيتك يخويه وياي لچماتي
مو نفس شكلي مغيره الواني
تلگه اعله خدي اثار دمعاتي
حُسين حُسين ها انا اتيتُ
حُسين حُسين لا تَظن نسَيتُ
رمزُ الوفاءِ في كربلاءِ
؛★★★★★★★★★★★★★
لا يا اخي لم انسى ما صارا
مِنَ الدموعِ عَمتْ انظارا
ابنُ نبيٍ دمهُ يُسفك
وسالتْ الدماءُ انهارا
حسين حسين وإلى يزيدِ
حسين حسين قادنا العبيدِ
كِلُ البلاءِ في كربلاءِ
؛★★★★★★★★★★★★★
يا خويه بايتامك حرت اني
الزم بواحد ينضرب ثاني
ولا واحد اليسمعني واشكيله
وگبال عيني روس خواني
حُسين حُسين في اليدِ حبالِ
حُسين حُسين روّعوا عيالي
صار انتهائي في كربلاءِ
؛★★★★★★★★★★★★★
حانَ اللقاءُ بيننا حانا
مرةٌ اُخرى بعدِ احزانا
يا ايها المذبوح عطشاناً
اشهدُ انتَ كُنتَ قُربانا
حُسين حُسين ايها الحبيبُ
حُسين حُسين ها هو النصيبُ
عادَ لقائي في كربلاءِ
؛★★★★★★★★★★★★★
يوم اربعينك وصلت گبرك
من بُعد شميته اثر عطرك
اشبگت الگبر ودموعي سچابه
تجاوب اخيتك خويه انتظرك
حُسين حُسين يا اخي وذخري
حُسين حُسين قد طالَ صبري
بابُ العطاءِ في كربلاءِ
؛★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصيدة للإمام السجاد عليه السلام
أيام عصيبه شفتها بحياتي
ابّداية نشوئي لحد يوم مماتي
مأساتي اصعب مأساة عاشت ويّاي الآهات
؛★★★★★★★★★★★★★★★★★★★
للي يريد عنواني زين العابدين اني
مصايب دهري راواني عجيبه
بعمر سنتين اولها والمحراب سجلها
علي الكرار مثلها المصيبه
أول حزن من دنيتي فارگت حيدر
بسيف النذاله والغِدر راسه تطبّر
صحت اه صحت اه يجدي يغالي
بعدني زغير وتهدني الليالي
من زغري وياي الدمعات عاشت ويّاي الآهات
؛★★★★★★★★★★★★★★★★★★★
المصيبة الثانيه المرت بيها امصيبتي كبرت
عمي چبدته انسمت اويلي
الحسن مسموم گدامي وچبده بالطشت دامي
هاي الزادت الامي بدليلي
هاي المصيبه الثانيه الصارت گبالي
تكثر همومه بدنيته الودعله غالي
ويلاه انادي والدموع جريه
يعمي المصايب مكتوبه إليه
مقسومه الروحي اللوعات عاشت ويّاي الآهات
؛★★★★★★★★★★★★★★★★★★★
استمرت جملة أحزاني وحيد الدهر خلاني
فگدت حسين وخواني وگمرنه
اشوف المنظر اليدمي أبوي حسين وي عمي
انهد حيلي ونحل عظمي انكسرنه
شيصير بيه وانظر حسيني رميه
سلبو ثيابه وفوگه داست اعوجيه
اني عليل وأشوف المصايب
ما بيّه اگومن وارد الكتايب
شيّبني الوالد من مات عاشت ويّاي الآهات
؛★★★★★★★★★★★★★★★★★★★
بعد الفاجعه المره بعد الحسره والكسره
اجتني الفاجعه الكبره سبينه
زينب آه يا عمتي بسبيچ بدت فاجعتي
لمّن عالهزل رحتي رهينه
الفاجعه والكارثه الابچي عليها
لمّن شفت عمتي الشمر حدّاي بيها
هواشم نسبنه ونطب للدواوين
حسافه يشوفونه طول اخت الحسين
مخنوگه بصدري الونات عاشت ويّاي الآهات
؛★★★★★★★★★★★★★★★★★★★
بعد ما عشت مأساتي انتهت رحلة محطاتي
بيها انتهت دنياتي النهايه
ملك الموت يم راسي اجاني ياخذ انفاسي
وينهي دهري القاسي وبلايه
رحله طويله بالألم خلصها سني
استعجل يملك الموت إلي وبعّدها عني
إِنهي حياتي يملك الرزيه
ضاگت تراها حياتي عليه
من گلبي زيح الجمرات عاشت ويّاي الآهات
؛★★★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
رمضان 1446ه-2025م
قصائد استشهاد الامام علي عليه السلام
حان آذان الفجر وأخذ من حيدر عمر
وبالسمه ناده النداء علي راسه منطبر
؛★★★★★★★★★★★★★★★★
ليلة الشده بشهر رمضان اجتنه
وعذبتنه هواي والله عذبتنه
منطبر راس الولي ودمه اعلى متنه
هالمصيبه الهدمتنه وموتتنه
طاح حماي الحمه وهتف صوت من السمه
انهدمت اركان السماء علي راسه منطبر
؛★★★★★★★★★★★★★★★★
وسفه حيدر ما گدر يمشي أعلى طوله
من صلاته البيته جابوه يتچوله
طاح المرواي العده معنى البطوله
طاح البسيفه نصر الله ورسوله
طاح المخلي الزلم بطاري اسمه تنهزم
نصرخ بهذا العزاء علي راسه منطبر
؛★★★★★★★★★★★★★★★★
ضربة الملعون ما مرت سلامه
طاح بيها الوالد الكل اليتامه
من طبر حيدر طبر راس الامامه
وضاگت الأنفاس باولاده النشامه
بلوه واصعب معضله صابت احبابه وهله
شافو تسيل الدماء علي راسه منطبر
؛★★★★★★★★★★★★★★★★
ودّع أولاده علي بآخر مسيه
هاي آخر ليله وياكم سويه
يا گمر هاشم اوصيك بوصيه
بيمنتك سلمت ايد الهاشميه
يالگمر رايد عهد ما تعوف اختك ابد
إلى أن ربك يشاء علي راسه منطبر
؛★★★★★★★★★★★★★★★★
ظل ثلث تيام ممدود يتلوه
والنفس يمشي ويرد للريه گوه
غمض عيونه استعد للموت هوه
وفارگ اولاده علي راعي المروه
فاضت الروح ومشت صوب الله توكلَت
آه يا عظم البلاء علي راسه منطبر
؛★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
هالليله هالليله صار المنتظر
اداء : الرادود الدكتور كرار الكوفي
كلمات : جعفر عطيه البزوني
المكان : حسينية السيده خديجه/استراليا - سيدني
ولادة الامام الحجه المنتظر (عجل الله تعالى فرجه الشريف)
اعلني الأفراح يروحي وهلهلي
بمولد العباس والحسين وعلي
اداء : الرادود حسين الصوري
كلمات : جعفر عطيه البزوني
ذكرى ولادة الاقمار الشعبانيه/ سلطنة عمان
https://youtu.be/BLRRbrZbu64?si=AiHLUgQZ4iRt1EOy
Читать полностью…
قصائد اىستشهاد الامام الكاظم عليه السلام
رجب 1446ه-2025م
قصيده على لحن قصيدة باسم الكربلائي ( وداعاً يالجواد )
اصب دمعي وأون على المات بسجن
؛★★★★★★★★★★★★★★★★
موسى ابن جعفر گظت بالسَم حياته
فارگ احبابه وبقت بس ذكرياته
وسفه صارت بالسجن لحظة وفاته
عاف حسره بگلب أولاده وبناته
ترس بيته الحزن على المات بسجن
؛★★★★★★★★★★★★★★★★
من السجن طلعت الجنازه اسيره
والطبيب يصيح ما عنده عشيره
تاخذ بثاره من الما عنده غيره
من السجن للموت يا وسفه مصيره
بقيوده يندفن على المات بسجن
؛★★★★★★★★★★★★★★★★
عد بني العباس سوه رعب اسمه
چانت تهز العرش من عنده كلمه
بكل طرقهم حاولو يخفون علمه
وما لگو الهم طريقه فقط سَمّه
غدر غمّض جفن على المات بسجن
؛★★★★★★★★★★★★★★★★
بقى الآخر لحظة من عمره بقيوده
وضد حكم هارون ظل ثابت صموده
غيّر احوال السجن لحظة وجوده
بالسجن باقي اثر هامة سجوده
بقى مچانه يحن على المات بسجن
؛★★★★★★★★★★★★★★★★
وين هارون الغزه الأمه بفجوره
وين قصره أو وين گبره أو وين سوره
خل يجي ويشوف موسى واليزوره
يسطع من الگبه صوب السمه نوره
ضوه الليل اليجن على المات بسجن
؛★★★★★★★★★★★★★★★★
صح تعذب بالسجون وغدر قَتله
لچن للعالم مزاره اليوم قِبله
والملايين التجي البابه وتقبله
كل قضية الصعبه يمه تصير سهله
بشباچه الأمن على المات بسجن
؛★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
قصائد استشهاد السيده زينب عليها السلام
رجب 1446ه-2025م
قصيده على لحن قصيدة باسم الكربلائي (گبرك جمعنه)
بعد العناءِ(ي) في كربلاءِ(ي)
حان الوعد يحسين
هاي المنيه اقتربت اليه
بالجنه متلاگين
من اهد ما ودعيتك ما لحظه نسيتك
؛★★★★★★★★★★★★★★★★★
انا من يوم عاشور الگلب دامي
ما حسيت بعد حسين بايامي
عيوني ما غفت والگلب ظل ظامي
مخنوگه من اهد ما حرگو خيامي
الراحه ما شفتها حتى باحلامي
كل ليله اشوف الموت گدامي
وينك يخونه من عذبوبه
صحت بهذاك الصوت
لحّگ علينه خويه انسبينه
وبين النذاله نفوت
ريتك يمي ريتك ما لحظه نسيتك
؛★★★★★★★★★★★★★★★★★
چنت انتظر هاي اللحظه ليليه
واموتن الف موته بالغروبيه
بعد اخواني احس الروح مو بيه
ومن عدها اعتبرت الدنيا مگظيه
هلا بالموت اگول وهلا بطاريه
يا موتي العجل يم اخوتي النيه
استعجل يموتي أمشي لخوتي
مشتاگه روحي تروح
هاي النهايه وابدي بدايه
ما بيها هم وجروح
اصيحن خويه جيتك ما لحظه نسيتك
؛★★★★★★★★★★★★★★★★★
بعد الصار بالطف والجره اعلينه
البقى ببيوتنه همنه ونواعينه
بعد الراحو بكربله شظل بينه
الموت الموت هاي افضل امانينه
اريد امشي واعوف جروح ماضينه
اريدن روحي ويّ ارواح اهالينه
دنيانه غربه وعيشتنه صعبه
واحنه بلا خوّان
شله بحياته وأفضل مماته
اليفگد اعز انسان
يا ربي نخيتك ما لحظه نسيتك
؛★★★★★★★★★★★★★★★★★
ردت يوم المنيه تحضر اللمه
طبع اليحتضر رايد هله يمه
ردت حسين اخوي وعطره اشتمه
ردت عباس يمي بهيبته ورسمه
بآخر عمري ظلت بالگلب لچمه
من عباس ردت اسمع ولو كلمه
يگلّي يخيتي انتي بيمنتي
وانا السند والعون
ردت انا اسمعه يم راسي ينعه
وينادي آ يَم عون
مثل ماني نعيتك ما لحظه نسيتك
؛★★★★★★★★★★★★★★★★★
بعد رحله طويله من الألم والآه
دگ بابي الأجل وانا انتظر ملفاه
انتظر يحضرني جدي وتحضر امي وياه
وبوي الهدم حيلي مِنّ اهد فرگاه
وخواني الحسن وحسين كون هناه
ويجي العباس وبچفه يرف الواه
انا انتظرهم يلفوني كلهم
روحي تريد احباب
خلصت سنيني غمضي يعيني
خل امشي للغياب
يا موت اشتريتك ما لحظه نسيتك
؛★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
يالزهره مصابچ ماذينه
اداء : الرادود علي محمد البغدادي
كلمات : جعفر عطيه البزوني
المكان : هيئة حديث الكساء/ اهالي طويريج
ذكرى استشهاد السيدة فاطمة الزهراء عليها السلام
ربيع الأول 1446ه-2024م
ولادة النبي محمد صلى اللّه عليه وآله وسلّم
صاح الوجود العالمي بأَسره
هلا هلا يا والد الزهره
؛★★★★★★★★★★★★★
هلا بأعظم بشر عالگاع شع نوره
هلا بالخله روح المحب مسروره
ابو الزهره الاجه الرحمة المعموره
بميلاده الكره الارضيه مبهوره
من ظهر حيد ومن بطن حرّه
هلا هلا يا والد الزهره
؛★★★★★★★★★★★★★
هالليله الفرح بگلوبنه تسيّد
أجمل فرحه باعظم ولدٍ يولد
الله يحب شخص بالسانه تتردد
كلمه وينذكر بيها اسم احمد
بخّر الكون بريحته وعطره
هلا هلا يا والد الزهره
؛★★★★★★★★★★★★★
قبل لا ينخلق كلشي انخلق طه
لجل عين النبي الله الدنيا سوّاها
نعمه وللبشر بارينه جاباها
على كل الأمم بالنبي نتباها
من الزغر بينه حُبه عالفطره
هلا هلا يا والد الزهره
؛★★★★★★★★★★★★★
قبل لا ينبعث چان النبي قدوه
صدق واخلاص امانه ومعرفه وتقوه
رغم ما چان عايش دنيته بقسوة
بس چان ابو طالب للنبي التچوه
والد علي مَن يوگف بصدره
هلا هلا يا والد الزهره
؛★★★★★★★★★★★★★
رب العرش هذا الفضل سوّاله
صرنه ناس بينه خير بفّضاله
نبينه ونفتخر هالشطر نقراله
اللّهم صلِ عالنبي وآله
ما عدنه غير النبي والعتره
هلا هلا يا والد الزهره
؛★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
صفر 1446ه-2024م
قصيده بمناسبة استشهاد النبي محمد صلى الله عليه وآله وسلّم
لحظة رحيلك لحظة عذابي
بويه بمصابك يبدي مصابي ★★★★★★★★★★★★★★★★★؛
انا الزچيه فاطمه يالخذت روح بنيتك
ودعت كلشي بدنيتي من لحظة الودعتك
چا هاي تاليته الزمن يا ورد يمنع شمتك
من اليوم حد آخر نبض وسط الگلب فاتحتك
هالراسي شايب وانه بشبابي
بويه بمصابك يبدي مصابي ★★★★★★★★★★★★★★★★★؛
منا وقاد بلا ضوه تگظي وراك الفتره
يا شمس غبت من السمه واظلم الكون بظهره
البيت ظل عگبك يون حجره تگابل حجره
الوياك عاش شكم سنه شله وراك بعمره
بعدك يغالي يكثر خضابي
بويه بمصابك يبدي مصابي ★★★★★★★★★★★★★★★★★؛
يالجمعتنه بخيمتك تحت الكساء الاطهر
سمّوك رادو نفترگ حسبالهم نتطشر
لكن وجودك بالارض يكمل وراك بحيدر
محد يغيّر منهجك يالمنهجك خط احمر
صوتك ندائي ونهجك كتابي
بويه بمصابك يبدي مصابي ★★★★★★★★★★★★★★★★★؛
وياك اخذني للگبر ما اريد اظل واتلوع
يالبالگلب عفت الگلب هم ومصايب يجمع
نسد باب ضحكت فاطمه وانفتح باب المدمع
بيناتنه مدة دمع والروح بعدك تطلع
انته الگلتلي يحرگوها بابي
بويه بمصابك يبدي مصابي ★★★★★★★★★★★★★★★★★؛
تنهي برحيلك رحلتي وتبدي الحياة المره
الوياك چانت بالأمس مو نفس ذيچ الزهره
بعدك ذبحني الخارجي والمر جرعته بعصره
بويه وراك تجاسرو والورد ذبحو عطره
كلمة وداعاً آخر خطابي
بويه بمصابك يبدي مصابي ★★★★★★★★★★★★★★★★★؛
جعفر عطيه البزوني
رابط القناة @Jaffarattea
للتواصل @jaffarsds
صفر 1446ه-2024م
قصيدة للإمام الحسن عليه السلام
وا ويلاه يا بو محمد
فگدك آه يا بو محمد
؛★★★★★★★★★★★★★
بسابع صفر گلب الشيعه متألم
الإمام الحسن عمره منتهي بالسِم
طفه النور وبقى بيته وراه مظلِم
الدهر ضد أهل بيت النبي متحزّم
وا ويلاه يا بو محمد
فگدك آه يا بو محمد
؛★★★★★★★★★★★★★★
راح الچان ينطي ولابس الثامه
راح الچان كل الخير بايامه
صاح حسين خويه وذب العمامه
ظل يلطم بديه ويدگ على الهامه
وا ويلاه يا بو محمد
فگدك آه يا بو محمد
؛★★★★★★★★★★★★★
زينب عالحسن ظلت تجر ونه
اخوها الماكو واحد بالبشر منه
السم گطّع چبدته وگطعت الضنه
غدر غدروه يَوَسفه سيّد الجنه
وا ويلاه يا بو محمد
فگدك آه يا بو محمد
؛★★★★★★★★★★★★★★
ابو محمد البابه للخلگ مگصد
والله الداگ بابه بحاجه ما ينرد
سود دلاله تلهب جمر ما تبرد
لأن بالكرم هوه الفارس الأوحد
وا ويلاه يا بو محمد
فگدك آه يا بو محمد
؛★★★★★★★★★★★★★
الله يعين گلبك سيدي القائم
ليليه الحزن ويّاك متلازم
تخلص من ليالي حيدر وفاطم
يجن شهرين چفك عالوجه لاطم
وا ويلاه يا بو محمد
فگدك آه يا بو محمد
؛★★★★★★★★★★★★★★
الحمد للّه بنعمته انعم اعليه
وخلاني اقره عالمظلوم لطميه
يمك يالحسن صفّيتها النيه
بس كون بخدمتي تقبل شويه
وا ويلاه يابو محمد
فگدك آه يابو محمد
؛★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
صفر 1446ه-2024م
قصيدة للسيده رقيه عليها السلام
من بعد الحلم وسط الخرابه
رقيه فزت تنادي يبابه
يعمه والدي وين ما شايفته هالعين
رقيه فزت تنادي يبابه
؛★★★★★★★★★★★★★★★★★★
اريدن شوفت عيونه اشوفه وأسأله شلونه
تراني صرت من دونه غريبه
مشيت بيسر مچتوفه حبال بإيدي ملفوفه
شمسنه صفت مكسوفه مصيبه
يعمه وين خلاني دشوفي شحالي يا عمه
متعوده على ذراعه اغفه ومنحره اشتمه
انا ادري الابو ينكسر گلبه
من يشوف بنته بعيشه صعبه
شحال الاهله ميتين ما شايفته هالعين
رقيه فزّت تنادي يبابه
؛★★★★★★★★★★★★★★★★★★
الچان وياي محلاته راح وضگت لوعاته
خذو للسبي بنياته الفواطم
شحالي وانا ملچومه شحال الذبّحو گومه
بقو فوگ الثره نومه الهواشم
اركض والعدو يركض وطگني وسلب ترچيه
يبويه صحت الحگلي ترضى تنولي بنيه
اركضت مرعوبة من هول المصيبه
أشوف الجثث عالغبره تريبه
واسمع لطم وونين ما شايفته هالعين
رقيه فزّت تنادي يبابه
؛★★★★★★★★★★★★★★★★★★
الچان يحطني باحضانه هسه وين صرت انه
يسيره برفجة اعدانه يويلي
واصيح هواي مشتاگه يبويه شوكت نتلاگه
الوالد يكتل فراگه دليلي
الچانت عيني بعينه ما اشوفنه بعيوني
وكلما صحت يا بويه اجو بالسوط ضربوني
مشينه دروب يا بويه وصحاري
ما مرتاحه ليلي ولا نهاري
شيريحه الفاگد حسين ما شايفته هالعين
رقيه فزّت تنادي يبابه
؛★★★★★★★★★★★★★★★★★★
چنت بالنوم حلمانه وشفت حسين ويانه
چنه گاعد هنانه على تراب
شبگته وصحت يا روحي يبويه شاهد جروحي
عاين دمعتي ونوحي والمصاب
ليش هنانه عايفني وي ناس البلا رحمه
ناس الحللو قتلك ما بيهم ولا زلمه
لا ذمه ولا عدهم ضماير
ناس الخذت مسبيه الحراير
كفّار وملاعيين ما شايفته هالعين
رقيه فزّت تنادي يبابه
؛★★★★★★★★★★★★★★★★★★
گعدت گباله اشكيله گتله ما نمت ليله
اليفگدك ينهدم حيله يگلبي
بويه سياط طگتني شوف آثار البمتني
دعيت وصحت موتني يربي
اختك بويه سلبوها الچانت عايشه بنعمه
من بعدك وابو فاضل تتحسر على النسمه
الچانت وي ابو فاضل اميره
عگب عباس ودّوها اسيره
اجتنه كربله منين ما شايفته هالعين
رقيه فزّت تنادي يبابه
؛★★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
زَلزَلها الشام بكلماته
اداء : الرادود علي الصياد
كلمات : جعفر عطيه البزوني
المكان : مركز الامام الرضا عليه السلام/ النرويج-اوسلو
ذكرى استشهاد الامام السجاد عليه السلام
محرم 1446ه_2024م
قصيدة للإمام السجاد عليه السلام
زَلزَلها الشام بكلماته زَلزَلها الشام بكلماته
؛★★★★★★★★★★★★★★★★★
زين العُبّاد أعني بهايه
بالمجلس من گال حچايه
راد يذلّ ايزيد الغايه
ويبث للعالم لچماته زَلزَلها الشام بكلماته
؛★★★★★★★★★★★★★★★★★★
صاح وعدوانه يسمعونه
جدي المرسل وتعرفونه
ذاك الخالفتو قانونه
وحاربتو دينه وآياته زَلزَلها الشام بكلماته
؛★★★★★★★★★★★★★★★★★★
انا إبن الما يرحم سيفه
وچان يدير العركه بكيفه
حيدر ما حاجه التعريفه
يذكّركم اسمه بصولاته زَلزَلها الشام بكلماته
؛★★★★★★★★★★★★★★★★★★
انا إبن حسين الذلّاكم
عمي العباس البچّاكم
بلا روس الكافل خلّاكم
يگطع بس روس بضرباته زَلزَلها الشام بكلماته
؛★★★★★★★★★★★★★★★★★★
يا طاغي الما تعرف دينك
راح نظل سلّايه بعينك
باچر يحكم بيني وبينك
منهو التبقى ترف راياته زَلزلَها الشام بكلماته
؛★★★★★★★★★★★★★★★★★★
احنه أهل البيت أهل الحكمه
بينه الرأفه وبينه الرحمه
الحبّانه يشوف افضل نعمه
والضَدنه يموت بحسراته زلزلها الشام بكلماته
؛★★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
راح الولد راح
اداء : الرادود يوسف الحمزاوي
كلمات : جعفر عطيه البزوني
المكان : حسينية الزهراء/ محافظة بابل- الطليعه
ليلة 8 محرم 1446ه_2024م