624
قناة مختصة باللطميات والاشعار الحسينية
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
Note: آه يا أربعين حسين. تتجدد مواجعنه
دمه أحيا النه الدين. صبتله مدامعنه
////////////////////////////
منبطل حزنه أعليه منبطل بواچينه
حبه يسري. ابدمنه ويعلينه
حسين بكل وكت ذكره ابمحاچينه
هو الخير كله أبدمه شارينه
وبأسمه نهتف بكل حين. تجدد مواجعنه
/////////////////////////
جبرائيل وفلاك السمه السبعه
تنوح أعليه وتغلي نارهه الوسعه
مفجوعه وتواسي فاطمه البضعه
على حسين السليب ألمنكسر ضلعه
عليه أنفجعت الكونين. تجدد مواجعنه
/////////////////////
اليوم أبأربعينه تلطم امفرعه
ذبتهه الغتر. تبچيله. وتنعه
تدگ اعللضلع وتواسي الضلعه
من كل البقاع وعدهه چن فزعه
حزنانه الخلگ صوبين. تجدد مواجعنه
///////////////////
حتى البلمهد امه. تناغيله
آه يحسين ومصابه تلوليله
وعلى الطف ورضيعه هيه تحچيله
دموعك هاي مثلي لجله تبجيله
لجله كون تعمه العين. تجدد مواجعنه
/////////////////////////
يا جرح الطفوف ألبينه ظل ينزف
قسم بأمه الزچيه وحيدره نحلف
تبقه اعيونه أتهل الدمع تذرف
يحسين بضمايرنه نضل نهتف
وبدربه نظل ماشين. تجدد مواجعنه
////////////////////////
شعائرنه حسينيه ومطالبنه
على طول الدرب ننصب مواكبنه
مجانينه وأبد ما ينوصف حبنه
هو الضحى بعياله لجل ربنه
وخوته وصحبته السبعين. تجدد مواجعنه
///////////////////////////
حزنه أعليه موبس ابملابسنه
جيل الجيل منبطل مجالسنه
منهجنه تضل هيه ومدارسنه
تثقفنه وتعلمنه. وتحاسبنه
فخر من عدهه متخرجين. تجدد مواجعنه
/////////////////////////////
ملايين التجي وتزوره متلهفه
ولبو فاضل تزوره أمسهل الكلفه
مشتعله ابگلبهه النار ما تطفه
راسه اعله الرمح تصرخ الف وسفه
تهتف بأسمه حزنانين. تجدد مواجعنه
خادمهم
✍️ الشاعر هادي جبار الساعدي
https://youtu.be/NioaOCNat3k?si=53aXfQQWv0E9t4uY
Читать полностью…
خيرنه من نعمتك. نعمة الله امحبتك.
يمذبوح. يمذبوح
///////////////////
عمر مو يوم. نظل دوم. ابخدمتك هايه
عهدللموت علا الصوت. . الك شرايه
نفدي الروح . يمذبوح. نظل وفايه
بيك يحسين. مجانين. رفعنه الرايه
هيهات تنزل رايتك. نعمة الله امحبتك.
////////////////
صرت عنوان . للأيمان رمز للأمه
انت ريان يسفان. يغايه ورحمه
ملك الاحساس بالانفاس هواك أنشمه
ايه نقراك. فهمناك. . يأكبر نعمه
نبقه دوم أبخدمتك. نعمة الله امحبتك.
//////////////////////
حطب للنار الاشرار. مهانه و ذله
خسرو الدين ملاعين. عمرهم كله
نعم يحتار. يظل عار. . وجوب أنگله
يجب يختار الابرار. اعز كل خله
يجي اويانه ابخيمتك نعمة الله امحبتك
//////////////////////
يبن ابو اتراب. الأحباب. حزن دافنه
دمع نبجيك. تواسيك. أشيبطل ونه
صبح وي ليل. تراتيل. يغايه وجنه
ألف ممنون. بالعيون صرت مسكنه
راية الحق رايتك. نعمة الله امحبتك
///////////////////////////
وحق عيناك. شريناك. يغيرة حيدر
دوم ننعاك. رثيناك. گلبنه اتفطر
ريت وياك. فديناك. ألك نتوذر
نعم نهواك. عشگناك. كبرنه ويكبر
وحق ضلع الولدتك. نعمة الله امحبتك
///////////////////////
الك يحسين دواوين. شعر نكتبلك
عمر وسنين ألك دين قسمنه ابشبلك
يجي عاشور. والاحرار. أبگلبهه أتقبلك
يبن ياسين. مساكين. أخذنه ابحبلك
ويه ناس ألنصرتك. نعمة الله امحبتك
الشاعر هادي الساعدي
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
محتاج قصائد لمحرم جديد 2026 ادخل هنا وتلكة التريدة
/channel/abbmmnn
♥️افراح عن الامام علي ع♥️
لا تلوموني عاشگ حيدره
هو الأول والبقيه. بالسره
لا تلوموني،،،. عاشگ حيدره
لا تلوموني ،،،،،.عاشگ حيدره
////////////////////
گولوا ياهو غيره شاطر مرحبه
هو أخو طاهه واقرب مرتبه
مات من الخوف كلمن حاربه
هو صاگرهم صگر.
أجيوش من عنده تفر
تشرد الفرسان منه وحايره
لا تلوموني. عاشگ حيدره
//////////////////
مصدر الحب والعشگ كله حنان
مثله لا ما ينوجد في كل زمان
من تنادي يا علي أتحس بالأمان
كله گلبك ينشرح
أسمه بلسم للجرح
واليجيه محتاج يجبر خاطره
//////////////////////
كل صفات النبي أبحيدر تنوجد
دورت عن غيره لا يمكن أجد
هو عنوان البطوله. والمجد
أشلون هو الرابع
بگلبي الأول طابع
كلشي بينه حب علينه نوره
/////////////////
يا هو مثله أبيت بارينه أنولد
لاوحق ياسين والقل هو أحد
مثله قطعآ لا يصير ولنولد
أشگد عظيم المنزله
أبمولده مية هله
هو عنوان الشموخ ومصدره
//////////////////
يكفي طاهه من رفع جفه وعلن
انت من بعدي الوصي يا ابا الحسن
وربك بهل الموقف الناس أمتحن
الوالى حيدرنه نجح
فاز بالجنه. وربح
واليضده يعني للنار أشتره
،،✍️ هادي جبار الساعدي
الامام العباس ع ينادي الامام الحسين ع💔
أمامي واحسينآ واحسيناه. أمامي واحسينآ واحسيناه
////////////////////
. أنه العباس خويه حسين ناديتك
ماتنزل تضل مرفوعه ساريتك
. تعذرني يخويه ابطيحتي اذيتك
. أمامي وسيدي خويه ارد أشمنك
. ////////////////////
. ما بيهم زلم لافارس البيهم
. أنه أتمنه يلاگوني ولاگيهم
يتعثرون بالخطوات أخليهم
لاكنهم غدر صابوني اخبرنك
. ///////////////////
تعال وخلنه نتوادع يضي عيني
ألك فدوه يرخصن هايه جفيني
حياتي كلها انت وأجمل أسنيني
تعال وضمني ابصدرك وشبگنك
. ///////////////////
لو ما هلغدر محد وصل يمي
جيش ابكبره يرجف لو سمع بأسمي
أنه السقاي أنه الوفاي أنه النشمي
وسفه أشلون وحدك خويه أعوفنك
/////////////////////////
أنت أنفاسي وعمري ألي كلشي
جنت وياك خطوه ابخطوه من نمشي
أنت اويايه حتى لو طبگ رمشي
بس الموت يبعدني فقط عنك
//////////////////
على زينب تسلملي وتگللهه
ما لاگوه غدر صابوه كافلهه
وصلت المشرعه والماي جبته ألهه
تعذرني اريدنهه . واريدنك
//////////////////////
كلهه اتهون بس وحدك تضل صعبه
وزينبنه وحيده ابديرة الغربه
وچبدهه من العطش چن نار ملتهبه
هذني. أللي يأذني ويأذنك
الشاعر هادي الساعدي
اهزوجه بحق مسلم بن عقيل ع
أجوه من كل كتر وحده خطب بيهم
نعم من هيبته تيهوا أساميهم
رغم الكثره هو اتسيد أعليهم
،،،، سل سيفه ورجفت عدوانه ،،،،،،
الشاعر هادي الساعدي
ابوذيه عن الامام الباقر ع
ابو صالح إذا أشر بشاره.
يبني مرقدك أحلى بٍشٓاره.
ؤاليجيب الخبر ننطيه بُشٓاره.
وبصحنك نجي و نقره العزيه
الشاعر هادي الساعدي
عاشگ ألك من المهد
للموت أبصم للأبد
يا سيدي هذا عهد
يا مولاي
//////////////////////////////
يا سفينه. . يا نجاتي. . . انت غاية كل محب
ما اعوفك حي اشوفك عايش ابنص الگلب
عاهديتك. وألمماتي. أنه للضدك حرب
أنسى روحي وحدي اسافر. ابحضرتك لمن أطب
. انت الهوى واتنفسك
. في كل مكان اتحسسك
. واللي يحبك أنسعد
يا مولاي
//////////////////////
خلهه تدري. ناسي كلهه. . انت كلشي ابدنيتي
لجلك أنه. روحي أضحي. بيك اضمن جنتي
ما يهمني. كل حجيهم. يا أماني. وغايتي
بيك هايم. حد جنوني. كلهه تعرف قصتي
. قصة عشك بيهه افتخر
جنه واحصل بيهه اجر
. يل حبك احلى من الشهد
. يا مولاي
//////////////////////////
انت زادي. من أسافر. حبك من الله فرض
لوما انت. الناس تاهت. كلمة الحق تنرفض
تبقى عايش. يللي لائك. خالده وأعظم رفض
يللي دمك. أحيا أمه. مثل ما تحيا الأرض
. دمك نزف دين وفكر
. خالد بقيت ومنتصر
والحاربك أصبح بدد
. . يا مولاي
////////////////////////////
اوياك اسولف. عندي مطلب أنقبل ويه الخدم
أبلا خدمتك. روحي احسهه .وكل وجودي جن عدم
هاي نعمه. الهه اشكر خدمتك أعظم نعم
من اخدمك. همي كله. ايزول ما يبقالي هم
. اجمل شعور بكل وكت
وأنه ابخدمتك لن متت
. مو أمنيه بل معتقد
. يا مولاي
///////////////////////
هذا عشگي. شي مقدس. عن فكر عن معرفه
لا هو نزوه. بل ثوابت. عن وعي مو عاطفه
شنهي عمري. أبلا محبتك. في مهب العاصفه
يا طبيبي. يا دوائي. للعل حبك شفه
. بيك آمنت وتيقنت
وبحبك أنه اجننت
وصرخ وناديلك مدد
. يا مولاي
/////////////////////////////////
أدبتني. وعلمتني ارفض الذل والظلم
مو سوالف. بالمواقف. .أتبين وجوه الزلم
أن اضحي. ما أساوم ويه اليبغضك مو سلم
انت حلمي. لجله عايش. تبقى اجمل كل حلم
ترويني يمبجي الضمه
أقسم عليك ابفاطمه
وبالساقي ألنصاب أبعمد
يا مولاي
الشاعر هادي الساعدي
ابوذيات حسينيه
هذا الكون كله ون على حسين
أله بروحي مئاتم ونعه الحسين
عالي المنزله ها وان علا حسين
لئن ربك اختاره أل هل قضيه
////////////////////
ألي الله أگللكم والي حسين
وحلفكم بأخو طاهه والحسين
ألى كافل ضعن زينب وألى حسين
أحملو نعشي إذا جتني المنيه
//////////////////
سمعنه اقسى حجي منهم حملنه
اوف الشام ثگل اجبال حملنه
وينه الجان خيمتنه وحملنه
ابو فاضل اخوي ابهل مسيه.
//////////////////////
هذا الكون كله ون على حسين
أله بروحي مئاتم ونعه الحسين
عالي المنزله ها وان علا حسين
لئن ربك اختاره أل هل قضيه
الشاعر هادي الساعدي
السلام عليكم
اخواني الشعراء عدي مجال إضافة ٥ قنوات فقط في الليستة الي احب يشترك اراسلني
للتواصل
@ahmed_alziwar0
علتراب. دامي عفتك علتراب
يبن امي حايره بعدك أمشي أميسره
علتراب دامي. عفتك علتراب
//////////////
أنت بالنسبه الي مو بس اخو
بعد موتت والدي انت الأبو
لا أبد ما قصرت كلك كفو
بالأمان أوياك أشعر والدفو
زود كلك مقدره. بعدك أمشي اميسره
علتراب دامي. عفتك علتراب
////////////
أنتقامآ منه جانت مو حرب
جان كل همهم يدخلون الرعب
حرموا الاطفال من عذب الشرب
يا گلب يتحمل الموقف صعب
صعب كل هذا الجره. بعدك أمشي اميسره
علتراب دامي. عفتك علتراب
/////////////////
اشراح أكل لأم البنين الأربعه
أجفوف اخوي وكافلي متگطعه
لجن تفتخرين راسج رافعه
بالغدر كادو مكيده ألمصرعه
والجفوف امبتره. بعدك أمشي اميسره.
علتراب دامي. عفتك علتراب
//////////////
من أثر فرگاك وجه أختك ذبل
لجن ما أهتز أظل مثل الجبل
علعهد وياك ابقى. للأزل
يا نبض گلبي واغلى من المقل
رغم كلشي صابره. بعدك أمشي اميسره
علتراب دامي. عفتك علتراب
///////////////////
الوداع آمنين اجيبله گلب
نار الموادع مثل نار وتشب
موش بأيدي لو دمع عيني تصب
والنذل ابن النذل بيه يسب
يسب امي وحيدره. بعدك أمشي اميسره
علتراب دامي. عفتك علتراب
//////////////
راسك المحزوز خويه من النحر
روحي يمك ظلت ويم الگمر
اوف جم اوف وألم آه وقهر
والخيم حرگوهه واشتد الخطر
من الجيوش الكافره. بعدك أمشي اميسره
علتراب دامي.عفتك علتراب
///////////////
لملمتهه العائله الرحله ابتدت
ذبلت اوجوه الاطفال وصوفرت
گوه أسكت هايه لن ذيجه بجت
مثل طير ومنذبح لن رفرفت
تدري بيه يا تره. بعدك أمشي اميسره
علتراب دامي عفتك علتراب
///////////////
ودعيتك يا شهم يا عزوتي
يانظر عيني انت وشمعتي
يا عزيز الروح خويه وسلوتي
تبقى مرفوعه وترفرف رايتي
يللي كلك مفخره. بعدك أمشي اميسره
علتراب دامي عفتك علتراب
الشاعر هادي الساعدي
https://youtu.be/IRyHPOhd4m0?si=kPORSYUrqv6Uthmq
Читать полностью…
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
https://youtu.be/_DduXpQfDXQ?si=HQ_I0cMv5gonryYo
Читать полностью…
عدنه ويه الزمن كل لحظه أعتاب
زينب تمشي أسيره وي الأجناب
///////////////////
مجحف هلزمن من عدهه شيريد
يوميه عليهه ابحزنه ايزيد
أخذ اخوتهه الحيود وصناديد
يوميه گلبهه إبسهمه ينصاب
/////////////////////
اوف أول جرح ضلع الزچيه
وطبرة حيدره حامي الحميه
ومن سم الحسن. للغاضريه
وياهه بده من عصرة الباب
//////////////////
فاطم من زغرهه أمدللتهه
علم آمهه علمهه ومعرفتهه
هيه اشگد عظيمه منزلتهه
من بيت النبوه واطهر أنساب
/////////////////
عل تل وگفت ونادت يعباس
يكافل ضعني هيبه ورفعة الراس
صاحت رد لخيتك ها ينبراس
بعدك ريتي يخنگهه الهوى الهاب
//////////////////
مشت وعيون اخوهه وياهه حراس
كافلهه الشهم يدرون الأرجاس
وجدهه المصطفى هاديهه للناس
ألمخلص البشر من دولة الغاب
///////////////////
غريبه إبلا اهلهه طبت الشام
ما غمض جفنهه أشلون تنظام
هايه الخارجيه اتصيح الأقزام
وهيه بت علي هازمهه الأحزاب
////////////////////
يهيبة حيدره وطبت عليهم
خطبت بيهم ورجفت أديهم
ذكرتهم بأصلهم وأصل أبيهم
ولد الطلقاء أرجاس ألاعراب
/////////////////////
أسمع يا زمن زينب اميره
أتوضح حق اخوهه موش اسيره
هيه بكل عزم للطف سفيره
منبطل دمعنه اعليهه سچاب
✍️ الشاعر هادي الساعدي
قناة مختصة باللطميات والاشعار الحسينية
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
زهيري عن الامام علي عليه السلام 🌺
كل احنه للمرتضى شيعه وصدگ جندله
دله الأنس عل عدل. وقوام. جن دله
بذيال الهزيمه رجع جم فارس. وجندله
يشهد الخندق أله. ومصرع بطلهم. عمر
لو لا علي وضربته الاسلام ما ضن عمر
الدين بيه أعتلى وخلص جهاد. العمر
واحنه اعلدربه نضل خدام نبقه وجندله
هادي الساعدي
عيد الغدير
بخآ يا علي مولى وامير أتصير
ألما والاك حتمآ بأمره هو يحير
نحجيهه ابصراحه ماله كل تقدير
،،، ويراجع أصله وانسابه. ،،
هادي الساعدي
قصائد الخدمه
الخدمه مومعناهه تلطم
لو تصيح الله اعد
الخدمه أن ما تظلم احد
ولبو صالح تستعد
*----------------*---------------------*
يللي تخدم كون تتواضع اكيد
الخدمه مو تكشخ ولابسلك جديد
هاك اخذ هاي النصيحه لو تريد
كون صادق وي ابو اليمه الشهيد
وشوف وضعك رتبه
منه تاخذ مرتبه
وبالخدامه اتصير قدوه
وكل رياء عنه ابتعد
*---------------------*--------------------*
ان تحافظ عل صلاه ابكل وكت
وتحمد الله عل امانه ألهه صنت
وما تغض العين لو منكر شفت
راح يرضى عنك حسين وفزت
وامشي ابنهج النبي
اتبره من كل ناصبي
لا تجامل لا تجامل
وافضح أرباب الحقد
*----------------------*--------------------*
ادري بيك انت حسيني وما تزل
مستقيم ابدربك وماشي عدل
واعي فكرك كل مراجعنه تجل
كفو منك ادري اتشيل الحمل
العدو لمن اجه
خرست صوته الحجه
للوطن گلت انه حاضر
أنه من جند الحشد
*--------------------*-----------------*
استمع شيگول من يقره الخطيب
وأخذ فكره وأصلح الشي المعيب
وعل رضيع ابجي وعلى الخد التريب. وألطم ابحرگه على حسين السليب
وللمجالس من تجي
اخذ مضمون الحجي
حسين عبره وهو عبره
مثله مصلح ماتجد
*---------------------*-----------------------*
صفي نيتك صير خادم للخدم
بالمجالس هيم خل يمشي الجدم
ألما يحب حسين هو والعدم
ما ينفعه باجر أيعض الندم
من تصير القارعه
كلشي لا ما ينفعه
العكس درب حسين يمشي
خاسر وخايب يرد
الشاعر،، هادي الساعدي
ابوذيات حسينية
١- ليلة الوداع
اصيح حسين هذا حسين يماي
سليب وخنصره مگطوع يمه
ويگلولي اشربي الماي يا ماي
وعطاشا كل هلي راحوا سويه
٢- يوم العاشر والمقتل
٠مساء العاشر بعاشور شمسه
أخوي أجروحه ما تنعد شمسه
لا هيهات ما تطفون شمسه.
شمس الله خذت من نور ضيه
٣- ليلة الوحشة
أنه زينب مشت روحي وراهم
وهمي أشما خلص يرجع ورا هم
صدگ ما شوف خواني. وراهم
حلم يا ناس شوفتهم عليه
٤- يوم الدفن
نعى الناعي وخبر موته يشيعه
ثلث تيام ما واحد. يشيعه
وضل مطروح عل غبره يشيعه
وراسه اعله الرمح يهل الحميه
٥- السبي للكوفة
جمر يلسع حجي العاذل يحزباي
يخيمه اتلم بقايا اختك يحزباي
ترضه الحبل بجفوفي يحزباي
وبعد العز يبو الغيره سبيه
٦- السبي للشام
أصعب مسأله ابصبرج تحلين
يزينب جم حبل منح. تحلين
هظيمه أبمجلس الظالم تحلين
وانت ام الخدر زينب آبيه
٧- السيدة رقية
طفله وبالقدر الهه. منازل
اسيره أشلون كل يوم ابمنازل
نعتب علوكت يا حيف من زل
يتيمه إبلا ابو ماتت رقيه
٨- السيدة زينب
تشم حسين من النحر شمتان
و الملعون ينظر جان شمتان
لن زينب تگله بعد. شمتان
راح الجان خالس آل أميه
٩- يوم الاربعين
أجيتك والدمع نهران لايم
عليه اشما حجه ويلوم لايم
مثل يومك ابد ما صار لايوم.
على صدرك تدوس الأعوجيه
أدوس اعلل ألم گوه وكابر
وناجي الباري ابليلي. وكبر
أهلي للبشر. رحمه. وأكابر
لجن راحوا ذبح بالغاضريه
١٠- الخدمة الحسينية
لزمت القلم بأيدي وخط الحسين
وظل جندي القضيتي وخطي الحسين
لئن لله أبدمائه. خط الحسين
اعظم تضحيه لشرف قضيه
الشاعر هادي الساعدي
قصيدة زنجيل
يآل البيت فرض حبكم وجب علناس
للأيمان والحق انتم المقياس
///////////////////
أنتم بالگلب عشتو وسط كل روح
بلسم للعلل أنتم شفه المجروح
يا عطر الرساله ألبلمحبه ايفوح
عشگناكم عشگ ما بوصفه الإحساس
//////////////////////////
فاز أللي تمسك بيكم وما خاب
ياخذ صگه بيده ايوقعه داحي الباب
شفيع اهناك حيدر هازم الاحزاب
ساقي الحوض بالجنه علي النبراس
/////////////////////////
ولد خير البشر سيدهه للكونين
بيكم هو. وصه يا حماة الدين
نموت ابحبكم ونبقه احنه متمسكين
وفايه نظل لأخر الأنفاس
///////////////////////
بيكم وصه طه أنتم اولاده
أعلنهه وبصراحه للملئ ناده
. للأسلام بعده. أنتم. القاده
كنز غالي أكيد وأغلى من كل ماس
////////////////////////////
. أنتم منهج القرآن يل عتره
ندعي بكل وكت منكم ولو نضره
مانترك نهجكم نبصم ابعشره
وحق حسين نقسم والشهم عباس
//////////////////////////
يضل عدنه الحسن مثل الهوى أنشمه
منزلته عظيمه وزاخر ابعلمه
أول بالكرم لمن نعد إسمه
لجن أتأمروا سموه غدر الارجاس
/////////////////////
عشگنه حسين قائد ملهم الأجيال
نرفض كل ظلم ما نرضه بالأذلال
قدوتنه يظل ومصنع الابطال
غرس بينه الشجاعه وثبت الهه ألساس
الشاعر هادي الساعدي
مات ابوچن
مات ابوچن يا سكينه ويا رقيه
مات ابوچن. والزمان اشسوه بيه
مني گربن يا بنات. اتحضرن للموزمات ؟
مات ابوچن
///////////////////////////
يا وكت تتفرج اعلينه الغرب
وعنه گطعوا گطرة الماي العذب
شتمونه وشكو حاقد ظل يسب
يا بناتي يا حبيبات الگلب
يمي تعالن يمي. يبنياتي
همجن يزيد همي. . يبنياتي
ادري بيجن صابرات. اتحضرن للموزمات
مات ابوچن
////////////////////////////
أرد اضمجن يا بناتي أتگربن
أگلوبجن حملن قهر. وتعذبن
شي سليلات النبي تتحاربن
مو عجيبه للتراچي أتسلٌبن
هذا الحقد مو هسه. واضح واضح
من السقيفه وأقسه. واضح واضح
و الأوامر/ صادرات. أتحضرن للموزمات
مات ابوچن
//////////////////////////////
أنتن أغلى من حياتي والمهج
كالنجوم الثاقبه كلچن وهج
مارعوا أعمارجن ذوله الهمج
لا أبد ما بيهم ألحس بالحرج
كلهم قساوه و حده. أعرف بيهم
نار الحقد. ما تهده أعرف بيهم
هايه من الواضحات. اتحضرن للموزمات
مات ابوچن
///////////////////////////
أي طفت نار الخيم بس نارچن
ما طفت لا ما تسر أحوالچن
يم أبوچن ساراحت أبالچن
علصدر فوگ المتن من شالچن
هاي الصور تذّكرن. يحبيباتي
لا علبعد متگدرن. يحبيباتي
والمدامع نازلات. اتحضرن للموزمات
مات ابوچن
//////////////////////////
يا طيور الجنه وازغار العمر
كل دعائي ربي ينطيچن صبر
صعبه ما تتحملن حر الظهر
ولوعة الحرمان وي زجر الشمر
صعبه وهظيمه ننسب. ما نتحمل
نار العطش اي تلهب. ما نتحمل
يا بناتي الزاكيات. اتحضرن للموزمات
مات ابوچن
//////////////////////////
أمنين أجيبن كافلي ريته عدل
ما يغيب أهلاله متعوده يهل
ياهو يگدر يحجي بيهم يارجل
همه وي فرسانهم ألهم يذل
سطرة علي سطراته. ألهم يرعب
ميثني ابضرباته. ألهم يرعب
بالغدر يا وسفه مات. أتحضرن للموزمات
مات ابوچن
الشاعر هادي الساعدي
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
فزاعيه
حسين حرگوهه الخيم يا والي
.أفزع النه يا شهم ياغالي
////////////////
بيدي أطفي النار وحدي وأنجوي
احضن الاطفال والهم أحتوي
أتريد گطرة ماي تشرب ترتوي
هذا حالي وما يسرك حالي
///////////////////////
سكنه تنشدني وتتأمل تجي
ترجع الهه ها يغالي ترتجي
راح تعمه اعيونهه من البجي
ريت أبويه ادگول هسه أگبالي
/////////////////
يمي اجت بنتك رقيه ورادتك
أشلون اقنعهه يخويه ابغيبتك
اتموت ادري بيهه اذا ما شافتك
أدگول غيرك أبد ما يحلالي
/////////////////////
غيرتك ما ترضه امشي اميسره
بالحرم يا ضنوتي متحيره
ماطفت نيران روحي اموجره
ما محسبه علجره يجرالي
/////////////////////////
وين اخوج حسين ما يحضر ألج
وينه گالوا حامي ضعنج كافلج
نفتخر احنه ذبحنه كل هلج
يا حجيهم يحرگ ابدلالي
//////////////////////
أنا أختك يا بطل إنهض إلي
وسكت الشمات خويه وعاذلي
لا أبد ما ترضى أختك تنولي
وانت ظلي بكل وكت تبرالي
////////////////////
راسك اعله الرمح وعيونك علي
وانا من ابعيد أوميلك بدي
كون ميته ولا أظل لحظه يخي
يا سند روحي وكل آمالي
الشاعر هادي الساعدي
يا حامي ضعني وينك. نتنطر أمتانينك
يلهب وأصبح كالجمر. گلب الفواطم يابدر
//////////////
أنه أختك يحامينه. اسولفلك على ألبيه
مرعوبه حرم وأطفال ماترضاهه مسبيه
ينادونك يبو الغيره. خويه ما ألك جيه
ما شفنه لحظات النوم
خويه الشهم يا جيدوم
أدريك متقدم عذر گلب الفواطم يا بدر
//////////////////
أطفيهه الخيم والنار وسط روحي أشيطفيهه
أختك يا بعد گلبي وحيده ابلايا راعيهه
رحت عني يحيد الحيد هاي أشلون تاليهه
ما حسبت عني اتروح
ياغالي وأغلى من الروح
جدآ صعب هذا الأمر. گلب الفواطم يابدر
////////////////
عليك العين ضل تربي. وينك يا گمر عدنان
يلمخورس زلم وحيود. ومنك ترجف الفرسان
أسكت هذا ذيج اتلوع. لو هذا يفز عطشان
من العطش ذبلانين
وينك يساقيهم وين
خويه وضعنه ما يسر. گلب الفواطم يابدر
/////////////////////
ما تسمع صدى صوتي. صحت عباس حامينه
ها جلجل علينه الليل. وينك يل تبارينه
يا شمام روح الروح. من دونك تأذينه
هذا الخبر يا عباس
رعبونه خويه الأرجاس
أهل الظلاله والكفر. گلب الفواطم يابدر
////////////////////
مشينه والحجي أنسمعه. لو تدري أشيسمونه
خوارج گالوا أعلينه. ضربونه ويكفرونه
وبعد أكثر أخبرنك. يبو الغيره يسبونه
وسفه هذوله الأقزام
شتمو علينه المقدام
صبح ومسه ليل وعصر. گلب الفواطم يابدر
///////////////////
وفيت وثلث تنعام. فديت العين والجفين
اخو ونعم الاخو أنت. كل همك اخوك حسين
شكرآ يا ابو فاضل. لا ما قصرت يا زين
كلك فخر رفعة راس
اسمك علم يا نبراس
أشتم احروفك كالعطر. گلب الفواطم يابدر
الشاعر هادي الساعدي