احزان الطفوف
ديواني الشعري يحتوي على جميع قصائدي الحسينيه المنبريه يوزع مجاناً اي شخص يريد نسخه يراسلني على هذا الرقم
07706988320
خل يكبر بقلبي العشگ
خليني احبك من صدك
مولاي يا حسين مولاي يا حسين
* * * * * *
خير البر بالتعجيل من هسه ارد احبنك
روحي وفطرتي مولاي كلهن ذني يردنك
اغمض عيني اشوف الماي ساجد للرضيع ابنك
وركض بالندم خجلان عبالي الحك بضعنك
ورجع ندامه محترك
خليني احبك من صدك
مولاي يا حسين مولاي يا حسين
* * * * * *
عادت كل محب يغار اذا غيره يحب خله
چا ليش انته يا مولاي كلما تنعشك تحله
غيرك ما احب يحسين حبك قلبي محتله
بحب غيرك ارد اردود بس بحبك اتعله
بلياك يحسين اختنك
خليني احبك من صدك
مولاي يا حسين مولاي يا حسين
* * * * * *
مادورت جاه وياك حبي وياك عل فطره
احب وحبي الك يحسين حب من روح منكسره
باسمك من صحت مولاي شفت بسمك الف حسره
لو قصر بشر وياك بطيبت كلبك تعذره
ربحان البابك يدك
خليني احبك من صدك
مولاي يا حسين مولاي يا حسين
* * * * * *
يحسين العشگ انواع كلمن يعشك لحاله
وبعض العشگ للعاشگ هوه يصير كتاله
بس حبك يبو الاكبر اليحبك خير سواله
والتنضرله بعيونك يا مولاي هنياله
حبك مخيط جم فتك
خليني احبك من صدك
* * * * * *
محمد عبدالحسين الساعدي
يا حبيبي يا حسين يا حبيبي يا حسين • *. *. *. *. *
انته اول شي عرفته من فتحت عيوني
وانته خارطتي وطريقي البيها ممشا ضعوني
انته مو بس بخيالي وتارس انته ضنوني
حسين اول كلمه اكولن لمن سيألوني
يا حبيبي يا حسين يا حبيبي يا حسين • *. *. *. *. *
من بديت وياك شفتك مملكة حب وغرام
ومن لكيت الخدمه رحمه صحت عل دنيه السلام
ماكو لذه لكلشي اسمعه والك يا محله الكلام
مضيع ولاكيله جنه ابابك شعنده الحمام
يا حبيبي يا حسين يا حبيبي يا حسين • *. *. *. *. *
حسين اول ما عرفتك شفتك تشيل الحمل
شكو حاجه ابابك اتفض ولصعب يمك سهل
ليش احتار ابطبيبي واني عندي ابا الفضل
لو دخل مابيه يمشي يطلع يهوس الكهل
يا حبيبي يا حسين يا حبيبي يا حسين • *. *. *. *. *
ما اريدن احجي كلشي بس اكولن قصرت
من صحت هل من مناصر ريت كون اني فزعت
قبل لا يوكع عضيدك كون اني الي طحت
يا حبيبي امنيتي اني خيط بخيامك صرت
يا حبيبي يا حسين يا حبيبي يا حسين • *. *. *. *. *
يا وسيله لكل فقير ويا امل للمرتجي
انته شيخي وانته اهلي وانته قانون الحجي
كون اتوضه بدمعتي سيدي من ليك اجي
يا دليل الحائرين وآلك شيكفي البجي
يا حبيبي يا حسين يا حبيبي يا حسين • *. *. *. *. *
اعترفلك يا حبيبي منك هواي بعدت
وهسه حسيت بقصوري ومن شفت بابك صحت
ليلي سهرانه ويغيرك ولا مره تذكرت
انته غاسل كل ذنوبي ورحمتك كلشي شملت
يا حبيبي يا حسين يا حبيبي يا حسين • *. *. *. *. *
محمد عبدالحسين الساعدي ✍️
ليوم لأرض الكاظمية نعتني مشايه
للمقيد بالسلاسل رافعين الرايه
* * * * * *
اليوم اجينه ابابك احنه نرتجي مولانه
هذا اجاك وجايب امه وذاك جاب اخوانه
تهلك الرايد يضدنه وتخذل العادانه
وتحفظ الشعب العراقي وتحفظ الربانه
نريد هاي الطلبه منك تنكضي بحجايه
للمقيد بالسلاسل رافعين الرايه
* * * * * *
اهلي وصوني وصيه كالو الجد وجد
واني جديت ولكيتك نور لدروبي ومجد
كون اموت بدربك اني طلبه كون تصير جد
جا ربحت الدنيه كلها وجا خذيت اني المجد
كون تتحقق وصيتي بدرب بيه قرايه
للمقيد بالسلاسل رافعين الرايه
* * * * * *
اليوم بارض الكاظميه ترتفع راياتنه
نعتني الموسى ابن جعفر نسرع بخطواتنه
نلطم ونطبر الهامه ونقره بقراياتنه
بدفتر الخدمه طلبنه تسجلن دمعاتنه
وبطريق التوبه نبقه عل عهد وفايه
للمقيد بالسلاسل رافعين الرايه
* * * * * *
امشي لأرض الكاظميه ولا تعطل خطوتك
تضمن الجنه يزاير لون تنزل دمعتك
صيح يا باب الحوائج وبخشوع وعبرتك
نريد تكضي الحاجه منك يا امامي بحضرتك
رايد ارجع لهلي جايب حاجتي ويايه
للمقيد بالسلاسل رافعين الرايه
* * * * * *
محمد عبدالحسين الساعدي ✏
باجر ماتبقه الزلم
باجر ويطيح العلم
باجر تخنك كربلا
باجر يا كبر الهضم
.
* * * * * *
٠
لا ابن لا اخو باجر يبقه اليه
الله لا ينطيج يرض الغاضري
من بعد خدري ينادولي السبيه
وانه اخت عباس صكار المنيه
.
اهلي باجر عل ارض
اهلي بالحافر ترض
اهلي وبسيوف العدا
باجر يا كبر الهضم
٠
* * * * * *
٠
باجر يضل الضعن محتاج والي
ومن بعدكم يخوتي شصاير بحالي
امشي مسبيه بعد خدري ودلالي
واني ابد ما شايفه الوادم خيالي
٠
طولي الماشافه بشر
طولي يمشي باليسر
طولي كلها شافته
باجر يا كبر الهضم
٠
* * * * * *
٠
الخيم باجر تشب النار بيها
والطفال احبال تشدد بديها
سكنه ياهو الي تضل عينه عليها
وانه اصبرها واكللها تجيها
٠
بنتك رادت شوفتك
بنتك تنطر جيتك
بنتك ترضا تنضرب
باجر يا كبر الهضم
٠
* * * * * *
٠
راسك على الرمح ويباوع عليه
وتغضب عيونك اذا صاحو سبيه
من بعدكم ريت تاخذني المنيه
ولا اشوفن روسكم عل سمهريه
٠
راسك من فوك الرمح
راسك هذا اكبر جرح
راسك فيا علا الحرم
باجر يا كبر الهضم
٠
* * * * * *
٠
بس سوالفكم بقت بالروح تذكار
وهسه اشوف اجسامكم متوذره اوذار
بروسكم ياخويه تنطك ليش بحجار
وليش خويه خيامنه تشب بيهن النار
٠
وين اروح وانه مدلله
وين اروح اضيعن بالفله
وين اروح ماعندي ولي
باجر يا كبر الهضم
٠
* * * * * *
محمد عبدالحسين الساعدي✏
اني عباس وفنهم يكربون
خيمتج زينب ابد ما يوصلون
انا عباس انا عباس
٠
* * * * * *
٠
عباس لجل الخوه انطه
ذرعانه
وفاي ما عز روحه هوه
وخوانه
٠
وينهم فنهم يجون لخيمتك يحسين
يوصلون شلون واني عندي ادين ثنين
٠
فدوه الجفوف الج ويه العيون
خيمتج زينب ابد مايوصلون
انا عباس انا عباس
٠
* * * * * *
٠
من صال محد كدر يوكف
كدامه
ويصيح يم الزهره رافعها
الهامه
٠
امي وصتني وصيه بيوم ولدتني
كالت ارفع راسي يم الزهره ها يبني
٠
فدوه الك يحسين هل اربع بنون
خيمتج زينب ابد ما يوصلون
انا عباس انا عباس
٠
* * * * * *
٠
بتار سيفه يطعن بروس
عدوانه
ليزيد صاح انطيني اقوه
شجعانه
٠
اقوه شجعانك انطين ما اريد خفاف
جيش سبعين الف فارس كله مني يخاف
٠
هاي كل شجعانه مني يرجفون
خيمتج زينب ابد ما يوصلون
انا عباس انا عباس
٠
* * * * * *
٠
هليوم ناوي اكلب الكون
على الكافر
والجيش مو بالسيف يقتل
بالحافر
٠
اليوم اكلب جيش اميه هوه والحومه
وانتصاري الفاطمه خل توصل اعلومه
.
يزيد جيشك وين عني يشردون
خيمتج زينب ابد ما يوصلون
انا عباس انا عباس
٠
* * * * * *
محمد عبدالحسين الساعدي ✏
خدمتك يحسين يا محلاها
كل بشر بالكون يتمناها
* * * * * *
لخدمت حسين البشر تلزم سره
حته تضمن جنه يوم الأخره
خدمتك يحسين عدنه مفخره
ديون الكم لازم نوفيها
* * * * * *
يا حسين ايامي كلها الخدمتك
ودري بالمحشر تلفني برايتك
بالحشر تسكين انته بجربتك
خدمتك للحشر ما عفناها
* * * * * *
يا حلات ايامي كون انذرها الك
حته اعيش اسنيني كلها بمقتلك
تطمآن الروح راحه بمرقدك
حبي الك كد الارض وسماها
* * * * * *
فرصه هاي الخدمه اسعي يا بشر
لا تعوف حسين حد كطع النحر
لو سهام الدنيه تتماطر مطر
لا تعوف الخدمه وبقه وياها
* * * * * *
من تزور احسين ابقه اتوسله
يا بشر عد الله تاخذ منزله
وينطي الحاجه كفيل العائله
الزهره امه بطلبتي اترجاها
* * * * * *
محمد عبدالحسين الساعدي ✏
عينك يا حسين علينه خليها
نخيناك ونريد الحاجه تكضيها
* * * * * *
رفعنه جفوفنه بعبره وندبنه حسين
نخينه بكلب ضامي ملوع من سنين
وندري ما تقصر وانته نور العين
تعرف حاجتي منغير محجيها
* * * * * *
تعرف حاجت المتعني ليك بهم
وتكضيها الأجاك بحسرته مهتم
بس يرفع اديه يروح عنه الغم
وتنطي الطلبه انته بيد راعيها
* * * * * *
تنطي الطلبه وانته تعرف حاجتنه
ومتقصر اذا تسمعها رادتنه
عنا تزول هل امراض طلبتنه
دخيلك يا حسين نريد تمحيها
* * * * * *
دخيلك وليجيك بحاجه ما يرجع
تنطي الحاجه بيده كبل ما يطلع
وبيوم الممات الكل محب تشفع
لشيعه ماي زمزم انته ترويها
* * * * * *
تروينه وتشوف ارواحنه الذابت
وگلوب الخلايگ بالعشك هامت
جم عين لمصابك بالدمع نامت
ندري يا حسين الطلبه تنطيها
* * * * * *
تنطيها وابد متقصر ويانه
بيوم الندخل المرقدك مولانه
نوصلك وخلها تسمع اعدانه
وبابك الطلبه بدمعه نحجيها
* * * * * *
محمد عبدالحسين الساعدي
انا ام الحسن وحسين اخيه
وختهم زينب الراحت سبيه
صغار وعفتهم • • • وبالشده حضرتهم
* * * * *
بنتي الي نسبت وخوتها ذبحوها
وشافت ضيم لمن بلسبي اخذوها
يا وسفه الحبال بجفها شدوها
وبسوط العده كامو يضربوها
ليش الدهر ضل وياي مايل
اخذ بنتي لعزيزه علا الهزايل
بصبري صبرتهم • • • وبالشده حضرتهم
* * * * * *
انا ام الحسن ولعين سجابه
حكي لو صحت يحسين ومصابه
ابني لعل ترب مذبوحه اصحابه
ولحيه الشريفه بدمه خضابه
راسه الي نرفع عل سمهريه
وتباوع علرمح اخته السبيه
للدين انذرتهم • • • وبالشده احضرتهم
* * * * * *
من ينعه ابنا حذلم انا شفته
ينعه ويذكر حسيني سمعته
خبرته الرسول اني وفجعته
حسينك طايح وعيونه علا اخته
كلي يادهر شخليت عندي
خليت الشمر بالضعن يحدي
كلها حاربتهم ••• بالشده حضرتهم
* * * * * *
ولدي بيوم طاحو ما عفتهم
ومن طاحو بضيج انا احضرتهم
من صارو انا لربي انذرتهم
وهسه ولادي هل وفو وعدهم
طاحو ولدي بس لدين ماطح
للدين بكلبهم تلكو ارماح
نادولي سمعتهم • • • وبالشده احضرتهم
* * * * * *
ابو فاظل لخوته كطع جفين
وجيوش الأعادي تحيطه صوبين
وبسهم الغدر صابوله العين
كل هذا ويصيح فدوه لحسين
طاح وصاح فدوه عيوني يرحن
لبن حيدر علي خليها يعمن
من سوه مثلهم • • •وبالشده حضرتهم
* * * * * *
بالمجلس حضرت ويل يعزون
وسجلته الذي بجاها العيون
لبني يا خلك هل ناس يبجون
تره دوم اعلا بالي انتو تبقون
اوعدكم اعبركم بديه
وللجنه اطببكم سويه
يمي عبرتهم • • • وبالشده احضرتهم
* * * * * *
محمد عبدالحسين الساعدي
عضم الله لنا ولكم الاجر باستشهاد امير المؤمنين علي بن أبي طالب عليه السلام
@@@@@@@@@@
بهيده من تشيلها • • • الجنازه يجناز
الطبره هدت حيلها • • • الجنازه يجناز
هذا ابوي الغالي • • • بعده مرمر حالي
ولدمع يحلالي • • • بفكده يجناز
* * * * * *
هذا ابوي شلون يمشي وانا اضلن
والله من يوم لفكته دموعي خلصن
تعذبت من فكده حته رموشي شيبن
تدري ابد ما فاركاني النوح ولون
والله تخلص روحه • • • الي فاكدله اعزاز
يتعب منجروحه • • •الي فاكدله اعزاز
من فكدت الغالي • • • الدمع يبرالي
دموع عيني تلالي• • • بفكده يجناز
* * * * * *
الشجاعه ولكرم معروف بيهم
وليتامه بيومه ما مدو اديهم
ابد ما تنسمع جانت بواجيهم
هسه محد الهم ويسأل عليهم
اليتامه اليله • • • بلايا عشه تنام
وبلدمع تشكيله • • • وبلايا عشه تنام
اليتامه اليله • • • بلدمع تشكيله
ياهو نايم ليله • • • بفكده يجناز
* * * * * *
يا علي يا بويه احضر مو هضيمه
مو جريمه تنسبي زينب جريمه
حسينك المذبوح ونكادن حريمه
وابو فاظل كطعو اليسرا ويمينه
بكربلاء يسبونها • • • حريمك يحماي
ولعدا يسبوها • • • حريمك يحماي
صاحن احضر يا علي • • • بويه ونذبحو هلي
بعده كلشي ينوحلي • • • بفكده يجناز
* * * * * *
بويه بعدك صار بالدنيه العجايب
من رحت يا بويه شفنه احنه المصايب
وكمنه يوميه نودع بالحبايب
وال بيتك بويه ضلت علترايب
وراسه بويه حسينك • • • علا السمهريه
لو تشوفه بعينك • • • علا السمهريه
علتراب حسينك • • • ماتشوفه عينك
صحنه حيدر وينك • • • بفكده يجناز
* * * * * *
صدك بويه ليوم اشيع جنازتك
وصدك يا سيف الغدر طر هامتك
وصدك من الدمه حمره عمامتك
وانته محد جان يوصل صارمك
صدك طبرو هامتك • • • اويلاه يبويه
ولدمه علا عمامتك • • • اويلاه يبويه
ليوم من فيض الدمه • • • تصيح ويلاه فاطمه
عيوني ريتج بلعمه • • • بفكده يجناز
* * * * * *
زينبك صاحت يحماي الحميه
تهدمت اركان بيتك هلمسيه
بعد عينك ياهو اليعاين عليه
بيوم يوكع كافلي بالغاضريه
مكيده كادوني • • • القصرهم يبويه
وبسمك ايسبوني • • • بقصرهم يبويه
ولعده يضربوني • • • بكيدهم كيدوني
بس تهل اعيوني • • • بفكده يجناز
* * * * * *
محمد عبدالحسين الساعدي
يزينب لا تهمي بجيش وفواج
ولا حزنج عليه يزول وفواج
وحك خدرج اطشر الكوم وفواج
ووذرهم يبت حامي الحميه
كفو منك يبو فاظل وانا اختك
اميه شلون تسبيني ونا اختك
وحك عينك اذلنهم وانا اختك
واخذهم سبي لبن الدعيع
محمد عبدالحسين الساعدي
ضلمه صارت هلسمه • • • ماتت امي فاطمه
يادمع انزل دمه • • • دفعو الباب
روحي مشتاكه وتون • • • عندي ضل بس الحزن
روحي حنت لليحن • • • لو شخص غاب
* * * * * *
امي ماتت ولسمه حزنت عليها
رحمت الله كلها جانت بين اديها
لو بجت امي لسمه تبجي لبجيها
وهسه ما اسمع كمت لذت حجيها
غابت وغاب الضوه • • • وما بعد نكعد سوه
شلون اشمك يا هوه • • • وغابو احباب
كلبي ضل ليهم يحن • • • راحو وخلوني اون
صورهم بوسط الجفن • • • دمعي سجاب
* * * * * *
قصت امي ابد ماصارت يعالم
والله من كسرو ضلعها الكون اضلم
كون وسط الكلب انصب ليها ماتم
والطم لحد المنيه وابجي مندم
ليوم دلالي نفجع • • • وارد انوحن علضلع
علا الباب المنشلع • • • كلبي لهاب
دمعي ينزل كلدمه • • • علا مصابح فاطمه
بلحدي وابقه اذكر ضمه • • • وانعا المصاب
* * * * * *
امي غفله الموت من عندي خذاها
علوفه ربتني يامحله رباها
زغيره بس الضيم ماخذ كل صباها
راحت وخلتني مفجوع بوراها
شوفت امي الدوه • • • وللدرب هيه الضوه
امي ولجنه سوه • • • وللفرج باب
يافرح عني ابتعد • • • حزني هاذا للحد
شلون عني تبتعد • • • تحت التراب
* * * * * *
حركو الباب وصحت يمه الحنينه
بغيبتج يمه الوكت شمسوي بينه
انتي رحمه الموت اخذها من ادينه
حيدرج من غبتي وين ايدير عينه
يمه فكدج مو سهل • • • بعدج عيوني تهل
بغيبتج طاح الحمل • • • ولكلب شاب
انتي رحمه بهل ارض • • • وانتي تكملت فرض
فكدج بحيلي يرض • • • لهاذ المصاب
* * * * * *
يمه اني الحسن ضل ممرود جبدي
رحتي مني وراح يتلكاج جدي
كبل لحدج يمه انا تمنيته لحدي
ضاكت الدنيه انا ترجاج اكعدي
يمه ابدآ مو سهل • • • فكدج وما ينحمل
ضلت عيوني تهل • • • بيوم الغياب
نضرتج يم الوفه • • • بيها كل العاطفه
شوفتج بيها شفه • • • لكل الحباب
* * * * * *
محمد عبدالحسين الساعدي
زينب صاحت يا واليها
* * * * * * * * *
زينب صاحت يا كافلها
وكل الرضعان تباري الها
انهض يمسير محملها
اكعد يا عباس احميها
* * * * * * * * *
متعنيه وتهمل بل دمعه
يم كبر الكافل متربعه
وضعون الخدر متجمعه
اكعد طمنها وحاجيها
* * * * * * * * *
زينب صاحت يابو الغيره
من بعدك حيرتها جبيره
اكعد يالي ضوي الديره
محتاره وتنده حاميها
* * * * * * * * *
اكعد يل معروف بزودك
يل كافل وحملها زنودك
شيل الرايه وفي عهودك
وختك يلكافل وافيها
* * * * * * * * *
يا عباس اكعد حاجيها
اختك شوف شصاير بيها
عوف الموت واكعد ليها
من بعدك ياهو يباريها
* * * * * * * * *
اكعد يا كفال ضعوني
ترضاها مروتك يسبوني
وبسياط يضربون متوني
وللكوفه الضالم يحديها
* * * * * * * * *
وحسينك ياخويه تغرب
نايم عل تربان مسلب
كوم اكعد يا كافل زينب
من بعدك ياهو يباريها
* * * * * * * * *
محمد عبدالحسين الساعدي
ابو فاظل الكمر كسر ضهر النهر
* * * * * * * * * * *
من اجت سكنه عليه تريد ماي تنخته
دخن وطب للشريعه وترس بيده جربته
طشر جيوش ال اميه العل شريعه تلكته
وزلزل الحومه عليها وشال بيده جربته
وركع حته الكمر كسر ضهر النهر
* * * * * * * * * * * *
ماشرب ماي ابو فاظل من تذكرها اخوته
شلون يشرب ماي هوه ولعليله تنخته
هوه عطشان وهلك هلجيش من شد رايته
وشرد العسكر تراه بيوم شدها لامته
تره طب الكمر كسر ضهر النهر
* * * * * * * * * * * *
من وصل ليها ابو فاظل تيهت فرسانها
صاحت الوادم دخيلك يوم شد عنانها
تيهت درب الهزيمه وطاحت بميدانها
كلها صاحتله دخيلك يوم شد عنانها
وصل ليها الكمر كسر ضهر النهر
* * * * * * * * * * * *
دخن الحومه ابو فاظل من وصل للارض الطفوف
كام يرفس رفس بيهم لمن انطاها الجفوف
كطع اشراف ال اميه وكام يطعن بالالوف
يسحك برجليه كام وهمه ذبوها السيوف
وصل يم النهر كسر ضهر النهر
* * * * * * * * * * * *
زلزل الحومه عليهم ولمفر وين المفر
هذه طار الراس منه وذاك من خوفه نشطر
هذا يشرد علا اليمنه وذاك يركض ونبتر
جن ابو الحسنين صاب تكول جن فارس مضر
وعلي يوم الزئر كسر ضهر النهر
* * * * * * * * * * * * * * *
محمد عبدالحسين الساعدي
يعلويات كومن نقره لطميه
زلمجن طاحت وما شربت اميه
كومن خل نون ونوح ونلطم نبقه عل مذبوح
يعلويات يعلويات
* * * * *
يا زينب تعاي وخل نون يمهم
بونات الكلب خلينه نكعدهم
اخ شكد عضمها يا مصيبتهم
فازو والله جي دين النبي عدهم
يمسبيات كومن ننعه لمصيبه
ضلو عل ترب اخونج الهيبه
لمصيبه لصارت عليهم يلطم حته ناعيهم
يعلويات يعلويات
* * * * * *
يعلويات وسمع لنهر جلمه
لو بيدي اسيرن بصوب ابو ليمه
لاجن الجنود عليه ملتمه
والله لو بديه اسري من يهمه
يلحنينات حته الماي يبجيله
ولشاطي يصله يريد ويعينه
الماي يريد يرويهم لاجن ربنه ساجيهم
يعلويات يعلويات
* * * * * *
يعلويات خل نتذكر الهيبه
لمشه صوب النهر ماي الجن يجببه
خلي نون علا الراح وحمل سيفه
عمت عيني عليه مخضبه الشيبه
يعطشانات من تشربن اتذكرن
لوصل للماي بس الكضه خاطرجن
عينه الكافل عليجن ويسمعها بواجيجن
يعلويات يعلويات
* * * * * *
يعلويات جسام وعلي طاحو
وكل الانبياء والاوصيا ناحو
شباب وبلعمر ماساعه ارتاحو
ننصر دين جدنه بلجتل صاحو
يحزنانات ولشبان كتلوهم
وروس علا الرمح للطاغيه اخذوهم
ماصارت مصيبتهم ومنقاست شجاعتهم
يعلويات يعلويات
* * * * * *
يعلويات يلتنعن فكد خوه
زلمنه بيوم وكعو وكعت النخوه
وماضن بالزلم موجوده المروه
يا وسفه الزمن بالطاهره شسوه
يمحتارات امرجن لله سلمنه
وزمنجن يلغرب ما نرجه شي منه
وادم عافت النخوه ونستها جلمت مروه
يعلويات يعلويات
* * * * * *
محمد عبدالحسين الساعدي
نشيد المواكب يضل ثورت عصرنه
نشيد المواكب نهتفه بكل عمرنه
لبيك يا حسين
مندمجه بالوجدان
لبيك يا حسين
مزروعه بالشريان
* * * * * *
من قبلنه ترددت ••• ومن بعدنه تخلدت
يا حسين تمددت ••• ثوره والام
صرخه ما تسكت ابد ••• خالده تضل للأبد
للوكع صارت سند ••• ورفعت اعلام
عايشه بنص الكلب ••• بدونها نعيش بغرب
واليفاركها صعب ••• يعيش بأوهام
صعب نلكه مثلك فقط انته حبنه
صعب نلكه مثلك يالبنص كلبنه
لبيك يا حسين
بس هيه الي عنوان
لبيك يا حسين
مزروعه بالشريان
* * * * * *
بيها افخر بالحشر ••• شمعه تضويلي الكبر
ابقه بالخدمه افتخر ••• يم علي هناك
صوت ما ينصه ابد ••• يا حسين والآبد
وانته منطينه وعد ••• نحشر وياك
ارواحنه فدوه الك ••• لعمر منذور الهلك
الك يندار الفلك ••• يطلب ارضاك
يمولانه لولاك صدك هلكنه
يمولانه لولاك شلنه بعمرنه
لبيك يا حسين
لولاها چا ماكان
لبيك يا حسين
مزروعه بالشريان
* * * * * *
امي كالتلي بصباي ••• لا تعوف الخدمه هاي
بخدمتك توفي رباي ••• وارضه عنك
ولون تترك هلــ درب ••• تعيش عمرك بالغرب
تدخل بكلبي صعب ••• وابره منك
حب الحسين الحيات ••• هوه مفتاح النجات
ابابه تحقيق امنيات ••• بهذا ونك
اذا همك يزيد فقط اعتنيله
اذا همك يزيد يخلص الثكيله
لبيك يا حسين
حب وألم واحزان
لبيك يا حسين
مزروعه بالشريان
* * * * * *
صرخه بسم الحق تدوم ••• بيها تنزاح الهموم
يا حسينا يا رحوم •••ارضه عني
خلي اتنفس هواك •••غايتي اكسب رضاك
سجله بدفتر عزاك ••• هذا وني
ارضه تملكني غلام ••• يا اميرآ للسلام
الك كل هذا الكلام ••• وهذا حزني
انابدون الحسين شسوي بحياتي
انابدون الحسين ضلامه بمماتي
لبيك يا حسين
ثقيله بالميزان
لبيك يا حسين
مزروعه بالشريان
* * * * * *
محمد عبدالحسين الساعدي
ندبتك والضعن خايف بعد مادارت الازمان
اصيحن وبكلب ضامي شكبرها عازت الخوان
يخويه شتاكت عيوني بكثر خوفي علا الرضعان
هضيمه اهل بيت الله لا كافل ولا صيوان
٠
شوكي ودمع عيني الهلي
واني بضعن فاكد ولي
راح وبعد ماضن يرد
كفالي حامي محملي
٠
عباس
مشتاكه ليام الصغر
نوماس
من صغرك لحد الكبر
بلا راس
عفتك يخويه بلا قبر
٠
* * * * * *
٠
احنن وحچي وي روحي بعد ماترجع الأيام
وبعد ما نكعد اني وياك يخويه حته بالاحلام
اشوفك وركض واوكع طلعت شوفتك اوهام
اكولن ترجع وعفته خويه الجسم كله اسهام
بأحلامي اشوفنك ترد
وادريك خويه مبتعد
شصبر علا الفركه بعد
من شفته ذبلان الورد
وياك
كون اندفن نفس الكبر
والكاك
حته بمماتي هم ذخر
بجفاك
اشتمه دخان العطر
* * * * * *
علامات الحزن بعدك ترسن كل شبر بيه
ولو تدري شجرا بحاله حسينك من رجع ليه
برز بعدك ابو اليمه وكع ونكلبت الدنيه
وبعد مارايده اجرحنك واكلك رحت مسبيه
ياخوتي مسبيه صرت
ومن ديره ألا ديره رحت
والشمر يشتم يا هلي
بسمائكم لمن صحت
ينراد
الأخو لأيام الكبر
مافاد
نوحي عليكم ولكسر
ينعاد
كون الوكت من الصغر
* * * * * *
اكول الوكت هم ينعاد ورجع وكعد وياكم
وشوفن طولكم يضوي يخوتي شمحلا ملكاكم
صارت دنيتي سوده اوحشه وضلمه بجفاكم
هضيمه يا اسياد الكون غربه الوكت سواكم
ياوسفه صرتو بلا وطن
ويامكم صارن محن
وعدكم غريبه تيسرت
وصارت كفيله لهلـ ضعن
تبقون
وحدكم بحر الشمس
وأم عون
يم الضعن صارت حرس
تذكرون
حاميني جنتو امس
* * * * * *
محمد عبدالحسين الساعدي
ياهلا بزلم الصعاب الداكين الثايه
ارتاح يا ابن ابوتراب. الحرب خلصت هايه
اليوم نقلب كربله. يا ابن سيد الفله
الداكين الثايه
*. *. *. *. *
صاحو اصحاب الحسين سهله عدنه نينوه
وصيح يا ام البنين ربعي رفعولي الوه
بيوم فزعو للطفوف الموت اعله من الهوه
كحلو لحسين عين بيوم شافاهم سوه
وصاحو مكضيه. ((علي)). لعيون رقيه ((علي))
(( ولعيون ام احسين ليوم الحومه نهزها))
وفزعو اصحاب الحسين. وسوو الما صاير
للحرب متحزمين. لموت بيهم حاير
وبالحرب صاحو هله. يا ابن سيد الفله
الداكين الثايه • *. *. *. *. *. *
النوب راحو للخيام ودعو بت حيدرا
وكفو بمسك الختام للحرب لزمو سرا
لو فزع منهم غيور ابد ما ينضر ورا
وكالو لبنت البتول قضت يا زينب ترا
فزعو للحومه ((علي)). التكضي الملزومه ((علي))
((التكضي الملزومه اليوم الحق تجيبه ))
لو شهاده ولو ثبات. وحده منهن رايدين
بيوم فزعو عل طغات. لينوه الما يلين
بعزم واحدنه نمله. يا ابن سيد الفله
الداكين الثايه • *. *. *. *. *
وصلو الأرض الطفوف واحد الواحد يقول
خلي نقضي هل الألوف ثأرآ لبنت الرسول
لو تقطعنه وصال ما اضن نوفي البتول
ولتخلف بالوعود عسآ لا عمره يطول
نريد نوافيها. ((علي)). بالدم نجزيها. ((علي))
(( بالدم نجزيها اليوم الزهرا وحيدر ))
نصره الج يام الحسين. عفنه كل املاكنا
يم محمد رايحين. ما نريد ارواحنا
ارواحنا فدوه اله. يا ابن سيد الفله
الداكين الثايه • *. *. *. *. *
فزعو ابطال الصفا وذلو جيوش الكفر
ذوله اصحاب العطأ الجيش يمهم ينكسر
ثلمو جيوش ال اميه ورجعو غزوة بدر
اقوه واحد بالجيوش جون كسراله ضهر
رد العياله. ((علي)). اليخوف خياله. ((علي))
((اليخوف اخياله بجفه الجيش نهزمو ))
نوصل الجنة خلود. ردنه باستشهادنه
عادي نبقه بلا لحود. وبالشمس اجسادنه
بموتنه نلكه العله. يا ابن سيد الفله
الداكين الثايه • *. *. *. *. *
محمد عبدالحسين الساعدي
خلصنه المواكب رحنه مشايه
للكافل بدينه ترفرف الرايه
٠
* * * * * *
٠
اجينه وندعي من الله الطريق يطول
والانفاس بينه تهتف المقتول
يا ابن النبوه وبكلبنه نكول
مانترك نهجكم نبقه وفايه
٠
* * * * * *
٠
خلص يالى الأسف عاشورك بالحضات
ولا جنه شهر جنه بضع ساعات
نتمنه عمرنه يخلص قرايات
وما نوفي الوكع والما شرب مايه
٠
* * * * * *
٠
دوم كبالنه تعرض حجاياتك
ورمز للتضحيه لليوم كلماتك
نشيد الكل مواكب بقت هيهاتك
حته بموتنه عرضت هلحجايه
٠
* * * * * *
٠
شحلات العمر من نكضيه يم بابك
ونتمنه نموت ونشبك ترابك
لا تنسه الخدم يحسين واحبابك
لعافو كل ملكهم واجو وفاي
.
* * * * * *
٠
عافو كل ملكهم وجو خدامك
نذرو روحهم مولاي كدامك
نذرآ للتراب الداسته جدامك
طلعو كل مدنه ولايه بولايه
.
* * * * * *
.
محمد عبدالحسين الساعدي ✏
كلبي يوجعني وشفت لون السمه تغير
وهل جرح ما أدري بحلم لو يقضه يتفسر
احساسي طحت ••• مصدومه صرت
يا خويه عباس
٠
* * * * * *
٠
كلبي انلجم صاير شي علا العباس
ما مرتاح كلب الاخت هم يعلم
اشوف السمه ضلمه بلا كمر هليوم
وشوف الدنيه كلهاا بعيني تتلعثم
اضن خانه النهر ونكطعن الجفين
ولعدوان كثره بصوبه تتهجم
واضن طاح الكمر علمشرعه بلا راس
مكطوع النحر ولجسم متثلم
٠
حسيت وحساسي ابد ميخيب ضنوني
من رحت كلشي اسود صفه ساعتها بعيوني
من بعدك ضعت ••• مصدومه صرت
يا خوي عباس
٠
* * * * * *
٠
صفه وجه السمه بلايه كمر هليوم
ومكطوع النشد وبلا خبر عنه
شفت حسين وحده واكف ومكسور
ويكلي منخيج اكطعي الضنه
ويكلي يزينب حضري الطفال
ابو فاضل بعد ماكو خبر منه
تحضرن للسبي يابت علي الكرار
اخوجن مايرد ماتنفع الونه
٠
بساعته خويه تذكرت ايامنه الفاتن
الذكره وأيام الصغر وي موتتك ماتن
متت ماصدكت ٠٠٠٠ مصدومه صرت
يا خويه عباس
٠
* * * * * *
سبعين الف فارس حاطو العباس
وحده ولا اخو وياه لابن عم
وبعينه المثلث طفه شوف العين
وسهام الغدر بكليبه جنهن سم
سمعت كل العده صاحت بعالي الصوت
يحسين وبعد چا بيش تتحزم
اخوك علا النهر ومكطه الجفين
وبلا راس باقي تحضر علا الهم
٠
يا عوزنه لطولك تره بطيحتك ساعتها
طاحت زلم ضلت حرم ومبينه خلتها
وبضعوني حرت ••• مصدومه صرت
يا خويه عباس
٠
* * * * * *
٠
اصبر بالحرم لا تبجي يم شمات
يم شمات لا تنزل مدامعجن
شدن حيلجن صيرن علي وعباس
كدام الشمر مرفوعه رايتجن
صح ماضل اخو لا ابن ضل والطاح
چان يهزله دنيه وما يزعلجن
اسف يالى الأسف ماضل بعد عباس
امرجن الله يالبينت عازتجن
٠
الضعن يمشي بالا اخو ومبينه عازتنه
ويانه اجو حزمت زلم ردينه وحدنه
وراك شكد صحت ••• مصدومه صرت
يا خويه عباس
٠
* * * * * *
محمد عبدالحسين الساعدي ✏
يا شهر الحزن ••• جم لوعه الك
بعيون الالم ••• زينب تنضرك
بقت زينب غريبه ••• يا شهر المصيبه
يا شهر الحزن يا شهر الحزن
* * * * * *
هل شهر الحزن من ريته لا مرني
من لوعت سبي للشام مرمرني
بكيود والم وحبال كيدني
تره درب اليسر يا ناس عذبني
يا شهر الفجيعه ••• بيا عين اطلعت
جم طفله وغريبه ••• ويه الخيمه حركت
ولراح النه هيبه ••• يا شهر المصيبه
يا شهر الحزن يا شهر الحزن
* * * * * *
يا شهر الالم والدمعه هماله
بقيت الوحدي وهجمت الخياله
شمات وغرب والنضره كتاله
وفاكاها الشمر يضحك مع ارجاله
يا نضرت غرب ••• وي لوعت سبي
اطفال وحرم ••• وانه الوحدي
ولصاير عجيبه ••• يا شهر المصيبه
يا شهر الحزن يا شهر الحزن
* * * * * *
يا شهر وبعد يوم الدخلت الشام
يصيحولي الخوارج زمرت الضلام
يا وسفه الوكت خله الوره كدام
وخله اهل الحميه بالرخص تنسام
عتبي علا الوكت ••• الخلانه وره
ابن بنت الرسول••• كطعو منحره
وموذر حبيبه ••• يا شهر المصيبه
يا شهر الحزن يا شهر الحزن
* * * * * *
المغرب من يمرني يخفف احمالي
يجيب اليل حته يستر اخيالي
ويمر خيط الفجر ويجيب كتالي
يا فجر الله هونك مات كفالي
بيش استحلفك ••• اتاخر بعد
اوعد من صدك ••• واثبت بالوعد
الضل جثته سليبه ••• يا شهر المصيبه
يا شهر الحزن يا شهر الحزن
* * * * * *
يا شهر الالم يا مكبر الحيره
بيك تعذبت من ديره الى ديره
امس جان بضعنه يدلي ابو الغيره
ويا وسفه الغرب هسه الذي تديره
بانت خلتي ••• بفراك الأخو
بأرضج كربلا ••• ضل وين الكفو
منو ضل للغريبه •••يا شهر المصيبه
يا شهر الحزن يا شهر الحزن
* * * * * *
محمد عبدالحسين الساعدي ✏
قصيده يوم ٧ من محرم
لسان حال الآمام الحسين عليه السلام
$$$$$$$$$$$$$$$$$$$$$
انلجم كلبي وطلعت اركض عليك
من وصلتك شفتك بلايه اديك
صدك يا عباس طايح يا عمود الخيمه
انكسر ضهري بفركتك يل نمت بالهيمه
روحي تشتاك الحجيك • • • خويه دليني عليك
* * * * * *
صدح صوتك من بعيد • • • خويه طحت بلايه ايد
ونمرد كلبي وجوت خدي دمعتي
ما كلتها ولا حجيت • • • • من سمعتك دنكيت
كلمت الخويه بحياتك ما كلتلي
خويه شلون محتار لمن فاركتني
طايح واني الهموم تاخذني وتردني
خويه كبال شمات هل طلعت دمعتي
بوداعك يعباس حيره حيرتني
من وصلتك خويه كمت اوكف وطيح
ما مصدك دمك كبالي يسيح
خويه زينب تنتضرنه نرجع الها ثنينه
من ارد شرد اكللها لون تنشد وينه
امشي خطوه وارد ليك • • • خويه دليني عليك
* * * * * *
صعبه وصعب عندي هاي • • • سكنه منتضره وراي
شراح اكلها من ارد للخيمه وحدي
بويه چو وحدك اجيت • • • عمي وينه وما حجيت
شلون اكلها عل نهر عباس مدمي
يوم وصلت الخيام اجن ركضن عليه
ارجع صاحت ام عون وسكينه ورقيه
نار العطش تنزاح لو نكعد سويه
شلي بجربت لماي لو رديت اليه
من وصلت اخيامي وعفتك صريع
كلها تنشد عنك وحته الرضيع
كلها صاحت عمي وين ورحت صوب الخيمه
طاحت الخيمه عليه وطاح راعي الشيمه
وانته مكطوعات اديك • • • خويه دليني عليك
* * * * * *
خويه تدري من هويت • • • محني وتوجه بقيت
فركتك يا خويه صدك حيل صعبه
يا دمع يشرحلي حال • • • العدو عكبك بيه عال
وحدي خويه اوين ما اندار غربه
تره لفاكدله عباس يفكد حته حيله
يبقه لوحده محتار شطوله يصير ليله
ولفاكدله خوان رجليه ما تشيله
يا عباس الحسين باقي بطرك ويله
صحت عباس ولشامت بده يسمع
وانا ادري شماصيح عليك ما ينفع
طحت يا عباس وحدك ونا ضال اشتم هوه
كون يا خويه اموتن يمك ونلتف سوه
روح وانه شويه اجيك • • • خويه دليني عليك
* * * * * *
يا بو فاضل من تروح • • • عكبك ابقه بلايه روح
مو سهل يكتل تره فراك الأخوه
ذكرياتك يل بعيد • • • الكعده يمك جنها عيد
وهسه متمدد كبالي والله بلوه
اذكر انا وياك من نكعد سويه
چنه يجبل العيد من تمر عليه
راحت هاي اليام شيردك اليه
ماخليتي عزاز يارض الغاضريه
صحت وينك ياهو اليدلين بيك
هاي جذبه لو صدك ابجي عليك
ولو كلمه احجي فدوه خويه مو كلبي نلوه
مختنك حيل بفركتك خويه يل شوفك ضوه
ارد اشمنهن اديك • • • خويه دليني عليك
* * * * * *
محمد عبدالحسين الساعدي ✏
محاوره بين الامام العباس والسيده زينب عليهم السلام في ليلت العاشر من محرم
* * * * *
السيده زينب عليها السلام
زماني شراد من عندي وكربه
اخذ كل اخوتي مني وكربه
ضمايه وعل ارض ضلو وكربه
ووكت كرب وبلاء يمطر عليه
الامام العباس عليه السلام
يزينب طحنه بس وياج نمشي
وعلا جثته الذي ادناج نمشي
انا العلا الذل ما طبك نمشي رمشي
اشلون ارضاها يسبيج الدعيه
السيده زينب عليها السلام
الحزن چو حزم جيوشه وبعده
بمصايب ضل يناطرني وبعده
زينب انا بت حيدر وبعده
يحاميني لحد هاي المسيه
الامام العباس عليه السلام
يزينب لو طلبتي الماي يجره
اجيبه واذل جيش الكفر يجره
شنهي التطلبينه اامري ويجره
واجيبنه يبت حامي الحميه
* * * * * *
محمد عبدالحسين الساعدي ✏
ماشين ماشين باجر خويه ماشين
وعداكم يضربونه وبجدنه يشتمونه
باجر خويه ماشين
* * * * * * * * *
باجر من الصبح نطلع للخرابه احنا سبايه
ولحرم يا خويه لاذت ريده شربت اميه
ولسياط العلا متوني تكطعت خويه عليه
ادخل الكوفه يبويه وناسها تشمتو بيه
لن صوت يعله منلضمه • • • ياعمه يابت فاطمه
ليش الخيام مهدمه • • • وليش الحبال ابأديه
للشام للشام خويه اخذونه للشام
وطفالك يريدونك وعيالك يتانونك
باجر خويه ماشين
* * * * * * * * *
من دخلت الشام خويه لا هلا بهاي المسيه
الحرم كلمن اجاها وانا محد ضل اليه
عل ثره ظلت اخوتي ياهو اليسأل عليه
كلها ضلت علا الغبره ولد بت سيد البريه
كل العشاير هل اجت • • • وبحرم عدعم طالبت
بس انا اخوتي توذرت • • • وياهو الي يمر بيه
واطفال اطفال تنشدني هل اطفال
عنك ضل يسألوني وين حسين كالولي
باجر خويه ماشين
* * * * * * * *
مخدرت حيدر يخويه ظلت بلايه وليها
وسكنه ياخويه العزيزه احبال شمسويه بديها
الناس تسألني عليكم وين اهلها وما تجيها
ما درو عل غبره ضلو كل ولد حيدر عليها
ولناس ضلت حايره • • • بحسين وشصار وجره
مكطوع كالو منحره • • • ومسلوب كلاولي وليها
للدين للدين راحو فدوه للدين
والمنحر يكطعونه برماحهم يشيلونه
باجر خويه ماشين
* * * * * * * * *
يا حسافه اطلع سبيه من بعد ذيج الحميه
خويه بس كلي شكلها لون تسألني رقيه
تريد ابوها تريد اخوها تريد سبع الغاضريه
خويه كدامي ضربوها وانا مجتوفات اديه
لطفله بقساوه تعاملت • • • منلسوط هيه تألمت
وطلب من عندي اطلبت • • • عمه ماروحن سبيه
علسوط علسوط رقيه صغيره عل سوط
ولحادي ينادينا ولو نكف يأذينا
باجر خويه ماشين
* * * * * * * *
خويه لو تسأل رباب عل رضيع انا شكلها
وين عبد الله تكلي وما درت مذبوح ابنها
شرد اكلها شلون حيره تحيرت خويه بامرها
چنها تدري چنها حست ما يخيبها املها
ام وتحس بيه منذبح • • • ودري بكلبها منجرح
وراس الحسين علا الرمح • • • وهيه هم زايد حملها
يذبحوه يذبحوه شمسوي ويذبحوه
رضيعك ما خلص منهم كلي شنهي مطلبهم
باجر خويه ماشين
* * * * * * * * *
محمد عبدالحسين الساعدي
ذكرا استشهاد سيدي ومولاي امير المؤمنين علي بن أبي طالب عليه السلام
يا علي او طبرتك كسرت ضهرنه
يا علي من طبرتك ويلاه صحنه
* * * * * *
أليتامه ياعلي اليله يفكدوك
يا علي تاخرت هليله ينادوك
انتضرو الجيتك يا حيدر يتانوك
ما اجيت اتاخرت ضلو يندبوك
يا ولي وايتامك تنادي اغثنه
يا علي من طبرتك ويلاه صحنه
* * * * * *
ابن ملجم انتضر تحضر صلاتك
خانك الك عمره ملفوف بعباتك
تدري انته يا علي اليله وفاتك
سلمت امرك علي لكل نايباتك
يا علي بطبرتك مجروحه مهجنه
يا علي من طبرتك ويلاه صحنه
* * * * * *
فاطمه الزهراء تتانيك بكبرها
انته سلوتها يحيدر وانته املها
نادتك حين الوكع منها ابنها
ونادتك يوم التوسدها كبرها
يا علي اونار فركاك حركتنه
يا علي من طبرتك ويلاه صحنه
* * * * * *
خاف اسولفلك وهيجها المواجع
يا علي خلافك سكت صوت الجوامع
والنواصب يا علي سووك رابع
وصاحت الاول علي كل المراجع
يا علي اوياك ما نخلف وعدنه
يا علي من طبرتك ويلاه صحنه
* * * * * *
شرد اسولفك بعد يا حيدر الصار
بخيمت الحره الابيه شبو النار
نار امها فاطمه عادوها الشرار
وضلت الخيمه توج من كل الكتار
يا علي ومصاب الحسين الهضمنه
يا علي من طبرتك ويلاه صحنه
* * * * * *
انته دنيه يا علي وانته ضواها
وانته مصباح الهدا ونور الالاها
انته تشفي جروحنه وانته دواها
وليحبك يا علي عد الله جاها
يا ولي وكلنه نادينه اشفعلنه
يا علي من طبرتك ويلاه صحنه
* * * * * *
محمد عبدالحسين الساعدي
في وصلك الخوف ولذل مابقه يا علي
وجه الكفر ينمحي لمن تطب يا علي
اليغرك بنص بحر بس صاح بسمك علي
يوصل لراك الجرف ولمعسره تنحل
وبسمك جميع العكد لو تنذكر تنحل
لوجاك طلاب ميرد منكسر تنحل
ولو اسمك نجاب ماتبقه الشدد ياعلي
بزود المرتضى حيدر علينه
ويمحي الراد يتعدا علينه
فضلك كل زمن زاهر علينه
ونعيش بزود حماي الحميه
محمد عبدالحسين الساعدي
ياحادي الضعن ريض نريد دموعنه تفيض
مصيبتنه فلا صارت بيها الوادم حتارت
* * * * * * * * *
يلحادي ريض يم هلي خليني ادمي عيوني
عافوني يا وسفه اخوتي وانذا ضل يحدوني
ردولي فدوه يخوتي ولا بلجفه تحاجوني
كربلا اه يا كربله دميتي دم جفوني
يلمسير الضعن بالله اوكف يمهم بحسره
روس اعلا الرمح صارت بيها الوادم حتارت
* * * * * * * * *
خليني اروحن للكفل لجاباني بيده مدلله
اردابجي يم راسه واون وخل تبجي كل العايله
خويه اكعد وشوف الجره وليش اتركتني محيره
غاب الكمر من غيبتك وصارت الدنيه مبهذله
صارت هندس الدنيه ماضلك بعد جيه
عينه منل سهم راحت بيها الوادم حتارت
* * * * * * * * *
يلحادي اوكف خلي اون ومن ونتي اكعدهم
عباس وحسين وعلي بلبر بقو وحدهم
شنهي لجره يا كربلاء شعندج بعد من عدهم
ما حدثت وصارت ابد بلعالم مصيبتهم
بخيول العده نداسو وملائك عل جثث ناحو
عيون الانبياء ناحت بيها الوادم حتارت
* * * * * * * * *
يلرحتو كلكم للكبر ولوحدي عفتوني
طحتو يخوتي من وكت كومولي وعينوني
لا واحد ولا اربعه عشرتكم اتركوني
الكمر ضل عل مشرعه بس هوه وصط عيوني
ضلو عل ارض كلهم منهو الي يدفنهم
ملائك عل جثث ناحت بيها الوادم حتارت
* * * * * * * * *
عباس فدوه لشيمتك وبغيرتك تحرسنه
مذبوح صع بس غيرتك لهل ساعه ضلت يمنه
محد وصل لمروتك مادام رسك عدنه
مرفوع راسك علرمح بس يلتفت ويصدنه
يكافل وفت اعهودك محد كاطع زنودك
اختك للسبي راحت وبيها الوادم حتارت
* * * * * * * * *
محمد عبدالحسين الساعدي
نون ونوح *** علا المذبوح
* * * * * * * * * *
مدامعنه تهل لحسين ومصابه
وعلا جروحه بكلبنه نار لهابه
نطبر روسنه علما يسد بابه
وكل عام اليمر نبقه عليه نوح
* * * * * * * * * *
بحسرتنه ودمعنه انوح لمصابه
ونتمنه بلطمنه نصير احبابه
نوافيها الزجيه بدمعه سجابه
بعبرتنه ودمعنه لاربعينه انروح
* * * * * * * * * *
نوصل مرقده ونوح يم بابه
وهوه بكل وكت يفكدها غيابه
وماننسه السيوف الخضبت اصحابه
بخدمتك يا بشر تصعد سفينت نوح
* * * * * * * * * *
نون وكون دمعتنه دمه تنزل
بصرخت يا حسين الارض تتزلزل
لخدمتك يا حسين الناس تتوسل
كلها تمنت وياك النحر مذبوح
* * * * * * * * * *
محمد عبدالحسين الساعدي
اكوم واوكع علا الغبره
يشتموني وشتايم مره
عباس اكعد اترجاك وحمل يسراك ويمناك
يبن الطاهره ولحره يبن الطاهره ولحره
* * * * * * * *
طحتو يخوتي وعفتوني
بعدكم وين ادير عيوني
وكوم اهل العده يضربوني
اكعدو خويه شوفو متوني
يهلي اتوسل تحاجوني
بعدكم وين ادير عيوني
اكعد يبن امي اترجاك خليها تزامط يمناك
ببن الطاهره ولحره يبن الطاهره
* * * * * * * *
عباس انضر الهل حاله
مصايبنه يخي جتاله
وصلت خيمتي الخياله
وحسينك ضمايه عياله
يسبوني يخي يسبوني
وعليكم انا ادير اعيوني
بلسوط انضربت لعيال وخيامي تشب بيها النار
يبن الطاهره ولحره يبن الطاهره ولحره
* * * * * * * *
يا حيدر علي حاجيني
يبويه المن اديرن عيني
كلام الطاغيه ياذيني
وسهم عباس انا الماذيني
طيحتنه يبويه كلفه
زلمنه علا الترب ياوسفه
يل كافل اكعد لعداك طشرها بخزرت عيناك
يبن الطاهره ولحره يبن الطاهره ولحره
* * * * * * * *
سكنه عيونها هماله
ابويه تصيح وين ارجاله
يسبينه الشمر ومثاله
ويضربونه زمر لحثاله
يحسين اكعد وحاجينه
عليمن هل عده تعادينه
جيبلنه العباس وياك خلي يرد محملنه هناك
يبن الطاهره ولحره يبن الطاهره ولحره
* * * * * * * *
راسي علا الرمح مو راسك
يكطعوني ويكطع انفاسك
يخويه وغيرتك وحساسك
ما واحد وصل نبراسك
عباس اكعد وحاجينه
عدمن يلاخو مخينه
يل كافل رد ليهم ارجاك خل تخضعلك خويه اعداك
يبن الطاهره ولحره يبن الطاهره ولحره
* * * * * * * *
محمد عبدالحسين الساعدي
