987
صلة رحم خدمتي وياكم لوعفتكم بله وين الكاكم صرتوا اهلي وكلشي اليه اعز من روحي عليه للتواصل مع خادم الزهراء عليها السلام الشاعر علي النائلي يرجئ التواصل علئ الرقم 07828746369 تلگرام - واتساب
برسومك علامة موادع لليتامه
بعينك جم مصيبه لوداع الغريبه
حليت العمامه
حليت العمامه
==========
بملامح وجهك الذبلان صاير جالذهب اصفر
والكون انخطف لونه وصبغ لونه دمه احمر
الظلام اعل الشمس خيم وكلشي لفكدك اتغير
عسه لاطر فجر هليوم وعسه ذاك الصبح لاطر
ايتامك تناطر ترجع بلكي باجر
ياگلبي ونحيبه. لوداع الغريبه
حليت العمامه
==========
قرينه بعينك اليجرح وتبين عينك الحسره
علي ترجع صعب النه عرفنه حالة الطبره
الجبل بيدك علي تهزه ولاتهتز قدر شعره
هسه ترجف وذبلان وناوي تلاكي الزهره
مصيوب بدليلك يامصعب رحيلك
الراح النه شيجيبه لوداع الغريبه
حليت العمامه
==========
كلشي يوحييّ لموتك فقط بس اللحد يبسم
تيتم شهرك بفكدك الصيام عليك يتالم
الصلاه فكدت اعز واحد الجان لكل فرض يلزم
ومدار الكون يتعثر وحزن فوگ العرش خَيَّمْ
شيسكت صلاتك. تنعاك بمماتك
والرايح حبيبيه لوداع الغريبه
حليت العمامه
==========
تمهل ياعلي لتروح يامن عازتك عازه
صعب حيدر لمن ينشال ياعالم تره اجنازه
مسرع للكبر رايد ليش بهايه تتوازه
بالشده علي وماغير هو لولده عكازه
واليفگد أبيه ناره تظل سريه
جمري ويالهيبه لوداع الغريبه
حليت العمامه
==========
الإنس والجن علي تنحب عليك وتهمل الدمعه
وطبيبك ياعلي حاير شوصف حالته اووضعه
اعهد ياعلي عهدك صوته زلزله انسمعه
الشمس رجعها جف حيدر حيدر هسه شيرجعه
والراح اعل موته عذبنه بسكوته
جم اه التصيبه. لوداع الغريبه
حليت العمامه
==========
الشاعر علي النائلي
علي ثاني وهم شهر رمضانها
الشيعه زادت بالفجر احزانها
==========
كل عصر حيدر واكو ضده صنم
كل عصر وادم تره تبيع الذمم
الدين هاليوم بعلي حيل انثلم
كسرة الشيعه تره بجنحانها
==========
الشيعي لازم كل وكت ظل مبتلي
والسبب واضح ضريبة حب علي
كلمن يصيح انفدي اني وهلي
قوة الإيمان ظل عنوانها
==========
مستمر هذا النهج هذا العطاء
الفوز لمن ننطي للدين الدماء
الأرض شهدت تضحيات وي السماء
والمعارك تشهد وميدانها
==========
حاشه شيعه حيدره اطخ وتذل
كلمة الكلا تره كول وفعل
اليوم شيطان العصر ظل منذهل
علي رد وهالقلع بيبانها
=========
ماتنام العين عالذله وتهيد
الشيعي امنيته تره يصبح شهيد
درس ماخذ تره من حز الوريد
العين ماطبكت تنام اجفانها
=========
بالثبات وبالعقيده وبالنفس
التضحيات اليوم عدنا أعظم درس
بالسمه دمنه يخظر كالشمس
الناصبه لازم نكص السانها
==========
العراق إيران وحده وي اليمن
نعبر ابحور المخاطر والفتن
ابو صالح قائد بهاي المحن
مجربه الشيعه اعل مر أزمانها
==========
الشاعر علي النائلي
ميلاد ميلاد مولاي الحسن
ميلاد ميلاد. مولاي الحسن
🌸🌹🌸🌹🌸🌹🌸
يشع من وجهه الضوه. الحسن آية قل هو
هو والكمره سوه. يشع بالليل
انشرحت الليله المهج. والمحب والله ابتهج
ابيت حيدر هالوهج ريحه الهيل
يم عطره هاليله. ملتم الورد
اكراماً. اجلالاً يم مهده الحمد
هاليوم. هاليوم كل شيعي انفتن
ميلاد ميلاد. مولاي الحسن
🌸🌹🌸🌹🌸🌹🌸
بنصف رمضان انولد حيدر بجيته انسعد
لحيدره اول ولد والفرح ساد
غاب ضواها الشمس اذهب الله الرجس
الخير يمه يلتمس يطلب مراد
من ايده تتقسم خيرات شكثر
والطير الطاير. يم بابه يمر
وياه وياه. مولوده السنن
🌸🌹🌸🌹🌸🌹🌸
مطرز كماطه كرم كله خيرات ونِعَمْ
عنه عاجز كل قلم. حِسن الاوصاف
بوجنته شمس وكمر بجبهته غيم ومطر
عيونه ترسم جم أثر صار ينشاف
برسومه وعيونه اوصاف الكمر
هالليله بميلاده يامحله السهر
اوصاف. اوصاف يحجيها الزمن
🌸🌹🌸🌹🌸🌹🌸
فرحت امه فاطمه ازينت حته السمه
لإبن حماي الحمه. بَيّنْ الخير
حته في جنه عدن. فرحه وبإسم الحسن
والطيور الرفرفن. غرد الطير
بالجنه وبالسبعه أعياد وفرح
والحبه. من گلبه بميلاده انشرح
أعياد. أعياد. في جنه عدن
🌸🌹🌸🌹🌸🌹🌸
شبر اسمه المجتبى حِسنه للشافه سبه
جن محمد شَّبهه محله الارسوم
لو الف يوسف اجوو عشر حِسنه موصلوا
أخذوا ايده وقبلوا. كمر ونجوم
جم يوسف. لويرجع. يم شبر يجن
من اوصافه. مايرحل خطوه وهم يحن
شمعات. شمعات للمولد اجن
🌸🌹🌸🌹🌸🌹🌸
الشاعر علي النائلي
يغايب يغايب بميلادك فرحنه
تلاله. بجماله يضوي حفلنه
🌸🌹🌸🌹🌸🌹🌸
من هاي الولاده. وشمحله السعاده
ياتاج القياده. مرجعنا وذخرنه
🌸🌹🌸🌹🌸🌹🌸
ياليله قدومك ماتطفي نجومك
مذكوره علومك ظهورك يسرنه
🌸🌹🌸🌹🌸🌹🌸
نبعثها التهاني. وشمحله الاماني
شمع بالصواني. يالغايب شعلنه
🌸🌹🌸🌹🌸🌹🌸
أفراح ومسره. كل شيعي تسره
يالمهدي بشره للمحفل حظرنه
🌸🌹🌸🌹🌸🌹🌸
شعشع ضواها. هاليله بسماها
يامحله هواها للفرحه يجرنه
🌸🌹🌸🌹🌸🌹🌸
حاظر انت حاظر يالمهدي ونناطر
ياجبر الخواطر. يمطيب كسرنه
🌸🌹🌸🌹🌸🌹🌸
بشعبان البشاره. فرحانه الغياره
عالكون العباره والعالم نظرنه
🌸🌹🌸🌹🌸🌹🌸
كل عام يتجدد. ونعاهد محمد
يالمهدي تسَّيَد هالنور وغمرنه
🌸🌹🌸🌹🌸🌹🌸
الشاعر علي النائلي
غريبه وغربتج غربه. فتح باب الحزن دربه
حياتج نار الامخيم. مماتج بالغرب صعبه
مصيبه ويامصيبه يزينب ياغريبه
===========
حياتج يزينب رزيه عظيمه
بديتي بمصايب جبيره وأليمه
عيونج تصد وتشوف الهضيمه
فتح باب الاحزان مصاب الكريمه
بديتي من الظلع حسره انتهيتي بمنحر وطبره
بواجي الثاكله بنوحج من المهدِ الئ الحفره
اليشيع منين اجيبه يزينب ياغريبه
==========
بدت نار الاخيام تهدد أمانج
مثل باب الاحزان رسمها زمانج
الخرابه يزينب ابد مو مكانج
الدهر قاسي وياج يّجَّرح حنانج
مثل نار الخيم نارج بعدتي هوايه عن دارج
الدهر ماانصفج لحظه بعيده صارت اخبارج
قصص واشكد عجيبه. يزينب ياغريبه
===========
اثر رحلة الشام يبين عذابج
شعده يزينب شوصف مصابج
يباب المصايب منو يلفي بابج
بدموعج يزينب توضه ترابج
دموع الشوغه والفرگه يزينب والنفس حرگه
كأنج فاتحه جفوفج لقاء الحيره والملكه
حبيب وياحبيبه. يزينب ياغريبه
==========
يزينب شسولف شوصف الرزيه
عجب توها اجتج يحره المنيه
بالإطفوف اجتج بهذيج المسيه
ولكن بقيتي علئ حساب رقيه
اجتج غادي بالحومه اجتج هسه مصدومه
بقيتي بس جسد زينب تحوم الروح ملجومه
عله الجثه السليبه. يزينب ياغريبه
===========
الاجل حان أخيراً يزينب إجالج
لمصابج ينوح وينوح اعل حالج
من اهلج يزينب ولحد صفالج
كعد يمج الموت واهوَ بجالج
الاجل ينعه ويون يمج يزينب وشعظم همج
حزينه ودمعة عيونج الاخو مايحظر بدفنج
الگلب هذا نصيبه. يزينب ياغريبه
==========
الشاعر علي النائلي
زينب خلص عمرها. ماكو مثل صبرها
بأرض الغرب شمعه انطفت منهو الحفر كبرها
==========
رحلة قهر من الزغر حد ماغفت وسط الكبر
زينب جبل من الألم ومن المصايب
شابت بعدهي طفله بله الألم شيحمله
متنطره الموت وبقت زينب تراقب
من الظلع اول الم حد ماوصل يم الخيم
كضت عمرها ياخلك بس بالمتاعب
منهو الحظر دفنها منهو اليلف جفنها
عين الوديعه من غفت منهو الحفر كبرها
==========
بعد السبي وذاك الدرب من أصعب وبعده صعب
عاشت عمرها الطاهره بديره غريبه
خلص عمرها بس بجي يذبحها كل ساعه الحجي
دار الزمان ابت علي والله عجيبه
اول عمرها بلا ابو. اخر عمرها بلا اخو
عاشت غريبه الطاهره وماتت غريبه
بحال العقيله شصاير ميته اضن بالعاشر
بيمن بدت بيش انتهت منهو الحفر كبرها
==========
من كربله ونار التشب والسوط المشيب الگلب
كعبه ويطوف عليها كل ساعه ألمها
بعد العطش بعد الذبح. والراس ذاك العلرمح
يبدي السبي لمن بدت حركت خيمها
عافت اخوها اعل الثره والثاني گطعوا منحره
راحت سبيه من بعد طيحت زلمها
بعد الكفل ضعنها صار بغرب دفنها
راحت اسيره وانسبت منهو الحفر گبرها
==========
أطيل النظر باخر نفس بضيم الگلب حيل انترس
من إخوتها بلكت واحد يشيع نعشها
خاطرها ياناس انكسر والحره مكسورة ظهر
زينب منو هاياخلك غمض رمشها
بلكت ابوفاضل يجي تابوتها يترسه بجي
جنازتها من دمعه ابوفاضل يرشها
يبجي لأخيته وينحب ينوح الكفيل لزينب
ونت ابوفاضل عِلتّ منهو الحفر كبرها
==========
طف المصايب باللحد الدفان محتار شيعد
يسمع كبرها ظل يون لمن دفنها
زينب رمز ظل للحزن بالأه اسمها مقترن
تراب الگبر لاماحمل زينب حزنها
مثل الجبل واثكل بعد هذا المصاب وماكواشد
تراب الكبر يبجي علئ لجمة متنها
حته الترب بجاها. وين الدهر سباها
ام عون ويلي اتحيرت منهو الحفر كبرها
==========
الشاعر علي النائلي
خل بني هاشم تشد احزامها
وين عن هاي الجنازه إزلامها
==========
وين شيخ الطايفه وسيد المله
خل يصيح بصوت ويهز كربله
عين ابو السجاد من دم هامله
عادت آلام المصيبه بشامها
==========
خل يصيح حسين بحيود الزلم
من كبرها تفزع بهمه وعزم
يله للشام الهواشم تحتزم
وتفزع لزينب تضمد آلامها
==========
جنازه رادت وادم بصفها تنوح
إمبَيّنه بتابوت زينب هالجروح
اليوم بالشام المصايب جن تلوح
ورفت اليوم الرزيه اعلامها
=========
بَيّنْ بأرجاء هالكون المصاب
والهوه يبجي ويون حته التراب
عمر زينب خلص بلوعه وعذاب
نار گلب الحره نار اخيامها
==========
وين ابو فاضل يجي يشوف الالم
الغربه اقسئ هواي من ذاك السهم
گلب زينب من الامصاب انجسم
ذبحوا كبال العقيله احلامها
==========
رادت العباس يحفر هالكبر
ويجبر بخاطرها ويطيب الكسر
ساعدَ الله العقيله ام الصبر
سوده ياويلي إومظِلمه ايامها
==========
الشاعر علي النائلي
بأه يحسين وإمصابه نشيعها
لكبرها الطاهره الليله نودعها
=========
ابو فاضل يكل لخوانه كومونه
ايا فتية بني هاشم تعنونه
كتاب امصاب هذا وهذا مضمونه
ام عباس رادتكم تشوفونه
هذا كتاب ممزوج بمدامعها
=========
إمن أرض كرب وبله نتعنه بالحسره
نروح ونكصد امنه الطاهره الحره
وكبر امنه بإدينه رادت انحفره
شيبها النعه حسين إنگطع نحره
ونقره مقتل حسين بمسامعها
=========
عد راس الوفيه نكعد الليله
ودمعنه يخوتي عالصابره نسيله
نعشها إنشيعه احنه ولازم نشيله
الابن لوشال نعش امه نهدم حيله
بنعش امه قواه صعبه يجَمّعها
=========
لون شلتوا النعش يعني ابتده خوفي
اعذروني يخوتي ماهن اجفوفي
السهم طفالي عيني ومنعمي شوفي
جنت كل ليله امر عالحره بطيوفي
فرحت كالت ابني زنوده گطعها
=========
عطر من كربله كامت تشم بينه
وفتحت عينها وكامت تلاكِينه
يبوفاضل تكلي حسين جاوينه
سؤال امي تره يخواني ياذينه
گلبها اعل البُعد صعبه يطاوعها
==========
تراب من الكبر جبت وعطر منه
كالت ايي اشمن ريحه الجنه
عطر حسين هذا واني اعرفنه
انطيني الترب خليني اشمنه
دم بيه التراب وادري يفجعها
==========
الشاعر علي النائلي
نختم ايام المصاب بالگلب جمره وعذاب
تنزل دموع السحاب. لهل مصيبه
==========
تلث روايات الألم كلهن رزيه
بحسرة نختمهن نون صبح ومسيه
خلصن ايام العزاء الفاطميه
والله منعوف الخدامه للمنيه
الله وصه بهل عزاء هو للروح الغذاء
تنحب ويانه السماء لهل المصيبه
==========
نحي ايام العزاء كلنه انتحزم
مثل مانحي ليالينه بمحرم
لكسر فاطم ننكسر والله إنتألم
والحزن عالدنيا للزهراء خيم
حزنت الدنيا وتنوح بالشمس بانت جروح
بيرغ الهم ظل يلوح لهل المصيبه
==========
خلصن ايام العزه الجانت تلمنه
بس بقه بينه على الزهره ألمنه
هَضمْ بنت المصطفى هو الهضمنه
من المجالس ابد مايوم انفطمنه
باقيه بينه وتدوم هالمجالس كالنجوم
والحزن بينه يحوم. لهل المصيبه
==========
بالكبر شمعه إتِحَوّلْ هالمأتم
اتحظرك الزهره تره باجر يخادم
والعلامه البالصدر اتبين انت لاطم
ونور عينك ضوه ينزل دمع ساجم
هناك يتحول ضياء لطم صدرك والبكاء
شده ماكو بس رخاء. لهل المصيبه
==========
الزهره تشكر كل خدمها بالنهايه
وباجر بيوم الحشر تنطي هدايه
الخادم اتلبسه وسامه من البدايه
وباجر ابيوم الحشر ينشاف رايه
رايه الخادم تكول الجان يلطم عالبتول
بدمعته يواسي الرسول. لهل المصيبه
=========
قبل لانختم مجالسنه دعينا
بالبكاء او بالدعه نرفع ادينا
لبوصالح بالفرج ايفرج علينا
ويظهر براية علي لمن يجينا
بالدعاء كلنه نصيح انحلفه بحسين الذبيح
الظالم ابجيته يطيح. لهل المصيبه
==========
الشاعر علي النائلي
يم حسين وينج يمه حاجيني
لهضم دنياي وإمصابي تخليني
==========
تعالي بيا وضع شوفينه هاليله
كعدنا وانتي ماكو يمه بالعيله
الحسن يبجي ومصابج هالاخذ حيله
وبعد بس دمعتي عكبج تواسيني
==========
مصايب كربله وصورة گلب ضامي
انرسم منظر ييمه وتعبت اجدامي
ذاك حسين اخويه امسلب ودامي
كسر ظلعج كسر ظلعه يراويني
==========
وحيده خلاف عينج فركتج صعبه
اعيش الدنيا كلها ايامي بالغربه
عجيب الدنيا دارت الوكت عجبه
تره دنياي لبن ازياد تسبيني
==========
باب الدار يمه الهيج آلامي
ونفس النار هاي التحرك اخيامي
بين النار احير بركضة ايتامي
ورثتج بالمصايب حين عفتيني
==========
الجتف حيدر رجع بالطف تره عليه
جتف ايدي وخذاني بناكه مسبيه
انحنيتي واني مثلج يمه محنيه
وانتي ابكربله هناكه تشوفيني
==========
بلا وليان اظل ومحد اكبالي
وبداية ويل نارج شيبت حالي
منها وما بقالي بدنيتي غالي
اشوف الشمر يذبح يمه بحسيني
==========
الشاعر علي النائلي
https://youtu.be/Qgqcr23Ax7g?si=gyiDnoM4i25h5AcB
باب الگبر
الحبيب ملا مصطفى السماوي
الشاعر علي النائلي
الليالي الفاطميه
كشف الدلاله توضحه العداله
كالو جريمه غامضه. كلنه استحاله
=========
كالو جريمه غامضه واسبابها المجهوله
مجهوله هالقصه تره والزهره مامقتوله
ايد الكصيره بالحرب الجانت قبل مشلوله
صارت طويله ياوسف وبيت الزجيه اتنوله
ايد السقيفه. لاموشريفه
حاظرها اسود والمضه.
تنضف محاله
كشف الدلاله
==========
متحالف ابليس وصنم رد ونقضها اعهوده
يحرك الجنه غايته والباب كل مقصوده
كل ضنته يخفي الجرم لكن فشل مجهوده
باب العداله منفتح قصتها مامسدوده
حاكمها عادل ماكو تنازل
يشهد عليهم هالفضه
أخبث سُلاله
كشف الدلاله
==========
بصمه الجاني وجف اله باقي الأثر ونشوفه
يعني الجريمه واضحه للعالم ومكشوفه
بأمر السقيفه وجم صنم سل اللعين اسيوفه
مطبوعه ايده شتنمحي سوده ونعرف اجفوفه
الجاني نكشفه. بإسمه نعرفه
خلي الرضه والمارضه
ابليس بخياله
كشف الدلاله
==========
حكم العداله الواضحه تبين العدا واسبابه
للدين كرهاً من اجوا تتسمه كرها اصحابه
الجانوا ثعالب من قبل عالزهره هسه ذيابه
الجانوا قبل وي النبي بالنار حركوا ابابه
الجانوا صحابه. انگلبوا عصابه
ظلع الزجيه اترضرضه.
عدهم بساله
كشف الدلاله
==========
ضد الوصي وضد بيعته هذا الصنم واحقاده
اتجرأ اللئيم وزمرته صوته عله اعل اسياده
لوما الوصيه جف علي منهم ينول امراده
والراعي حكمه بلا اصل طشر الامه اعناده
وبلا هويه حكم الرعيه
وابليس رأيه فارضه
إموقع الرساله
كشف الدلاله
==========
حكم العداله من صدر هذا الحكم يتعمم
تعميم صادر للعلي وتنفذه هسه اجهنم
هذا الأمر من الله الج يعني مطاع وملزم
هالزمره احركيهم حرك وابليس خل يتندم
إجهنم ترحب بيهم تعذب
تحركهم بنار اللضه
بأمر الجلاله
كشف الدلاله
==========
الشاعر علي النائلي
هد حيله فكد الزهره بجفوفه يحفر كبره
مدفون روح وظل جسد لمصابه تبجي الفقره
==========
راحت ام بيته وبقه بجروحه حاير
الدنيا مارحمت علي كسرتله خاطر
احساسه مجروح ونزف دمع المشاعر
گباله هالدنيا صفت كلها مقابر
حيدر يلم ابحيله. أظلم نهاره وليله
عنه الضوه الليله ابتعد لمصابه تبجي الفقره
==========
من طلع شايل سمه والحسره تابوت
مظلم الليل ويعَثّرْ نبرة الصوت
هو كال اللي يفارك حتماً ايموت
فكدج ايگلها يزهره يهجم بيوت
انتي الهوه وعافيتي بعدج تهدم بيتي
بالدنيا ماصحلي سند. لمصابه تبجي الفقره
==========
قالع الباب الذي محد يصرعه
كوه شايل هالنعش ويسنده دمعه
يعثر ويوكف علي وإيده اعل ظلعه
سكته يبجي بمشيته ومحد يسمه
شايل نعشها وينحب وبساع حيدر شَيّبْ
يم النعش لمن كعد. لمصابه تبجي الفقره
==========
بدمعه غسلها وبجه شاف الرزيه
شاف أثر بسمار بظلوع الزجيه
ياعلي كالتله كتلتني الاذيه
يم حسن كلها اعذريني شبديه
يبجي علي ويتعذر هد حيله هذا المنظر
والدمعه ماتنفع بعد لمصابه تبجي الفقره
=========
اه صاح المرتضئ لمن دفنها
بعينه شاف السطره شمسويها بجفنها
الزهره ميته ومابطل ظل عالي ونها
مره يبجي عليها مره لفكد ابنها
يبجي اعل بنها وليها كسر الظلع ماذيها
بس سكتته جانت أشد. لمصابه تبجي الفقره
==========
الشاعر علي النائلي
بطلي يفاطم نوحج. جرحي أسهل من اجروحج
جرحي السم وانتي الباب يبنيتي ظلعج ينصاب
=========
جرحي سهل يم الحسن ومصابج اصعب
والباب شاهد عالحجي واليحجي شيب
اني اهل دمعي الج تدريني وانحب
كلمه وإن أصعب جرح بالروح تلهب
كلمة وإن يالزهره. تسبگ يبويه العصره
هذا الجرح لاماطاب يبنيتي ظلعج ينصاب
==========
نار الحقد من تشتعل وتلوحج النار
ساعتها ظلعج ينكسر ويكسره بسمار
زمرة كفر يم الحسن تهجم عله الدار
وكبالي اشوف الفاجعه يبنيتي والصار
بويه الدمع بعيوني حيل الصحابه اذوني
هذا الحقد والأسباب. يبنيتي ظلعج ينصاب
==========
عالكاع لوطحتي تره يسقط جنينج
تميل الأرض يافاطمه من كد ونينج
دمج يطيح اعل الأرض مسطوره عينج
ياوردتي يبست تره بعدي سنينج
بعينج اشوف السطره. يبنيتي عينج حمره
بالباب ريحه عطاب يبنيتي ظلعج ينصاب
==========
عذري علي وهذا العذر ها يالزجيه
مجتف يظل يافاطمه بحبل الوصيه
لو جرد السيف وهجم بهاي الرزيه
دين الله مايبقئ ابد والله ونبيه
ادري المصاب هوايه والدين بويه الغايه
عدهم طبع غدر اذياب يبنيتي ظلعج ينصاب
==========
مالج كبر يافاطمه ابين المقابر
وايشيعج بليل الوصي وبوحده حاير
حالة علي اتبجي الصخر مكسورخاطر
واكف علئ جرحه الوصي بويه ويكابر
والمهدي ياخذ ثارج ابنج يعرف اخبارج
طاري الظلع من ينجاب يبنيتي ظلعج ينصاب
==========
الشاعر علي النائلي
https://youtu.be/RfHljlk4wGc?si=YKmzbKZobH5TgT_V
رجع ضعن العايله
أداء ملا حسين النائلي وملا كرار النائلي
الشاعر علي النائلي
دخوليه موكب أنصار القائم لصحن مولاي ابا الفضل العباس عليه السلام
شلون عيني تنام هاي الليله
وانت جرحك ياعلي شد حيله
==========
بان جرحك وي علامات الفجر
وصَبّحْ المصباح الاكشر بالكسر
هذا جرحك بويه لو يوم الحشر
الموت لو أبعد علي اتأوميله
==========
گلبي لاجمني وفتح باب الحزن
وصحره امالي لرجوعك صرت احن
ماي صبري اتبخر بنار الجفن
والدمع جمره وجرح يرويله
==========
زينبك يكتلها يابويه الوداع
وبالفجر غابت شمس وجهك ضياع
غير دمعي مابقه بفكدك متاع
كسرتك حيدر يبويه اثكيله
==========
صوت هز الليله أركان العرش
وذاك جرحك بالسمه ظل منِّقش
عيني ماطبكت رمش فوك الرمش
ابلا معين الليله حامي ادخيله
==========
والطبيعه اختل توازنها وهوت
فزت ورب الكعبه يابويه اسمعت
والنجوم البل سماء انكدرت
الكون بيدك ياعلي اتجيله
==========
والنسيم يخاف يم جرحك يهب
ليش ذابل وانت ياحيدر صلب
بالصلاه مطبور كلي بيا ذنب
وانت حته اليبغضك تدعيله
==========
الشاعر علي النائلي
بسم الله الرحمن الرحيم
ولاتحسبنَّ الذين قُتلوا في سبيل الله أمواتاً بل أحياءٌ عند ربهم يُرزقون
صدق الله العلي العظيم
انت المعزئ يامولاي ياصاحب الزمان
شعت أنوار السمه بمهدينه مهدينه
نبارك بهذا الفرح لهادينه. هادينه
لبو العتره. لبو العتره
🌸🌹🌸🌹🌸🌹🌸
نثر عالدنيا الوهج اخر انوار الحجج
اليوم كل شيعي ابتهج هاي الافراح
بنصف شعبان انولد لفاطمه اخر ولد
بمولده الكون انسعد هاي الافراح
نبارك بهذا الخبر للزهره. للزهره
مولده طر الكمر. والكمره. والكمره
لبو العتره لبو العتره
🌸🌹🌸🌹🌸🌹🌸
لداره متعني الهوه وباسه بعيونه الضوه
للجرح صار الدوه بلسم جروح
نفس طه وهيبته نفس اسمه وكنيته
هذا اخر عترته بلسم جروح
بهذا ميلاده فرح. جن طه. جن طه
رايته الباري تره. علاها. علاها
لبو العتره. لبو العتره
🌸🌹🌸🌹🌸🌹🌸
الماي والريح اعتنه عقد محفل هالسنه
محفل بداره انبنه والكمر صاح
من ضواه رايد اشع بمولده أشعل شمع
اليوم نهجر اي دمع والكمر صاح
لوجهي رايد من ضوه. انواره. انواره
اليوم متعني وكصدت. لداره. الداره
لبو العتره. لبو العتره
🌸🌹🌸🌹🌸🌹🌸
الشمس جن غابت خجل شهل خبر شنهو الحصل
النجم عنه من سأل شنهو الاخبار
كلشي بالكون اجتمع بهالخبر لمن سمع
بداره جم نجم الوكع شنهو الاخبار
اليوم كل طير اعتنه. بجنحانه جنحانه
الأرض والسبعه صفت. فرحانه. فرحانه
لبو العتره
🌸🌹🌸🌹🌸🌹🌸
اليوم جبريل النزل. ورد لدياره حمل
اليوم مولود الأمل صاحب الثار
الزهره فرحت وي علي فرح كل بيت النبي
فرح داره يمتلي. صاحب الثار
فرحت العتره واجه ميلاده. ميلاده
هذا ذخر لفاطمه. وللساده. للساده
لبو العتره
🌸🌹🌸🌹🌸🌹🌸
الشاعر علي النائلي
لموسئ ابن جعفر بجت دم السمه
وللسجن مهضومه اجته فاطمه
==========
تعنت الزهره الزجيه للسجن
ولمصاب الكاظم تنوح وتون
نار دمعتها وجوت حته الجفن
وبالسجن نصبت الزهره مأتمه
==========
تكله يوليدي اجيت بهالمصاب
ياغريب وشفت انواع العذاب
للفرج تدعي ودعائك مستجاب
والاجل برسوم وجهك يرسمه
==========
يمه والطاموره تشبه للخيم
خنگه بيها انفاسك تجرها بألم
يمه موسئ السطره هاي وبيها دم
ذكرتني بالظلع والهشمه
==========
صور لمصابك خذت من كربله
هم غريب وابعدت عالعايله
يمه سجانك نسل من حرمله
بكل مصاب انحب وأون متألمه
=========
قيودك اتذكرتني بالحسره وانوح
بالگلب ماتشفه يوليدي الجروح
لعمتك زينب ولاظلتلي روح
بيا رزيه عمتك هالعالمه
==========
جنازتك تطلع تشيعها الالوف
وشيعتك عالنعش يوليدي تطوف
يمه ظل حسين عاري بالطفوف
بلا دفن عالترب جثه مخذمه
==========
الشاعر علي النائلي
من عندج شراد الشام. ضيم وسبي وحرك اخيام
يازينب وتالي العمر متي غريبة
محد حظر دفنج تره هاي المصيبه
من عندج إشراد الشام
==========
هذا الاسم شام الالم بزينب يهَيّجْ اللوعه
مثل الذي بخيل انسحك وتسمع كسرها ظلوعه
احمر جفنها ومانشف مالحظه كف ادموعه
موجوعه زينب ياخلگ ميته وتظل موجوعه
مره بسبي مره بأه. مره بغرب واويلاه
مره بعيده بلا اهل وسفه الحبيبه
محد حظر دفنج تره هاي المصيبه
من عندج إشراد الشام
==========
ماتخلص جروحچ ابد مثل المطر والغيمه
مثل الذي ماله احد ويضيع وسط الهيمه
جنح الصبر يمج هوه مثل الحرگ بالخيمه
يابيت ظل بلا عمد كلش سهل تهديمه
لابيت الج لاظل دار. بگلبچ توج هاي النار
متي بلا شك عالهزل مابيها ريبه
محد حظر دفنج تره هاي المصيبه
من عندج إشراد الشام
==========
بالشام الج وكفة عمر عمرج كضاها سنينه
مره اجيتي للسبي ومرة الگلب بونينه
وي راس اخوج وصحبته راح الذي تردينه
ردتي يجيلج للدفن ومنين اخو اتجيبينه
بله اشيرد المذبوح. ظل الگلب بس اينوح
بالشام الج باقي الالم قصة عجيبة
محد حظر دفنج تره هاي المصيبه
من عندج إشراد الشام
==========
متي أظن قبل الاجل فوك الهزل جم مره
مره على التل بالقهر لوعة والم والحسره
شهكة حزن موت وبُعُد وبغربة موت الگشره
ثاري اليفارگ ينذبح ميت يخلص عمره
شفتي ذبح ويل بويل. من عندج شماخذ حيل
شفتي اخيج عالثرة جثه سليبه
محد حظر دفنج تره هاي المصيبه
من عندج إشراد الشام
=========
دربج مسيرة من التعب جان السفر مايرحم
شما يتعب السوط ويكف سوط اللي بعده اتحزم
لكن وكفتي جن جبل صعبة الجبل يتهدم
واختمتي عمرج بالغرب گلبج بقه يتألم
عمرج يزينب خلصان. نعشج يريد الخوان.
زينب اخوها منذبح صعبة تجيبه
محد حظر دفنج تره هاي المصيبه
==========
منهو الينزلج باللحد منهو اليغمض عيونج
منهو اليسويلج عزه يم عون هسه شلونج
تراب الكبر مأتم صفه من شاف لون امتونج
هَوّنْي يزينب بالبجي هايالعقيله بهونج
زينب ولااظن ترتاح. هم الگلب ماينزاح
حكه يشيب كل گلب فارگ حبيبه
محد حظر دفنج تره هاي المصيبه
من عندج إشراد الشام
==========
الشاعر علي النائلي
المصايب زينبك بالطف. لونها
ويون الحجر لوونت. لونها
عله التل لون ميته. لونها
ولابأرض الغرب ظلت سبيه
/channel/RaadRadialsmaWi14
قناة خادم الحسين
الشاعر رعد راضي السماوي
مولاتي ام البنين عليها السلام
موتي اجاني واني هسه بحيره
وحزني ماواحد فهم تفسيره
لكربله ردت المصير والدفن بيها يصير
واني هسه بحيره
============
غصن العمر بيه ذبل. تتنطر عيوني الدرب
بين الاجو والمااجو بدموعي سليت الگلب
عميه العيون ابلا ولد والعمر بس هم ينحسب
يالماخذ وياك الضوه. بلكت عله امك ضي تذب
حته اندل كربله وبجروحي
بلكي يمكم يمه تطلع روحي
هناك يمه مااحير. والدفن بيها يصير
واني هسه بحيره
==========
گرّبْ عليّ موتي واجه شاف الحزن بعيوني
گلي انتي ام الاربعه كتله الولد عافوني
محتار يسأل يانشد من شافني ابلا لوني
ميته بزمن ذاك الزمن. من عالسبط خبروني
من اجه الناعي متت ياموتي
وصحتك انت وماسمعت لصوتي
ردتك لصوتي تدير. والدفن بيها يصير
واني هسه بحيره
==========
حزن الدهر يمي صفن بس وحدي إوي امصابي
قافلة حزني بالگلب حط الحزن يم بابي
حته السمه لبست دمع اخذت سواد اثيابي
وبروحي الف هم والم وبعيده عني احبابي
ابلا اهل ظليت انه ولاوالي
وأبعد عليه العزيز الغالي
لامشيع لا نصير. والدفن بيها يصير
واني هسه بحيره
==========
ردت الكبر من ينحفر إهناك اريدن گبري
ومن كربله وذاك العطر وهناكه يخلص عمري
اتمنيت ابو اليمه يجي. وطال انتظاره وصبري
يتعله شاني بحظرته. وهناك احس بقدري
ريت ابو اليمه دفني بإيده
ويبجي يم راسي ويواسي إعضيده
والگلب يبقئ كسير والدفن بيها يصير
واني هسه بحيره
==========
اخر نفس من الهضم والهم يشيع روحي
وسط الكبر ابجي واون. تلجمني حيل جروحي
جرح العطش جرح الذبح وصوابي من مذبوحي
عمري انتهئ وراح وكضه بس ماكضه بد نوحي
بالكبر وابجي واون لحسيني
واني ميته وما ابطل اونيني
دمعي بعيوني اسير. والدفن بيها يصير
واني هسه بحيره
==========
الشاعر علي النائلي
قرآن عدكم يختلف حاجوني؟
يادين هذا إيگلگم اتاذوني؟
قران عدنا من السمه وصه بنزوله بفاطمه
حاجوني
==========
أسأل الجاب الحطب متعني للباب
رايده يردلي جوابه واسمع اجواب
حرك بابي نازل بيا نص بالكتاب؟
وصه بيه الله تره لا مو بالاصحاب
يادين هذا ويانبي اتبعونه
الله وصه ابابي لتحركونه
رب السماء ايكلمه. وصه بنزوله بفاطمه
حاجوني
=========
واضح النص الصريح وهذا نصه
وبذوي القربه نزل بالعتره وصه
الف ياحيف وأسف بالروح غصه
الوادم ويانه تدور اقل فرصه
برهان عن هذا الحقد برهاني
نيشان والسطره تظل نيشاني
القرآن هذا بمُحكمه وصه بنزوله بفاطمه
حاجوني
=========
جان يستأذن محمد من يجيني
ويطلب اذني فاطمه هل تأذنيني
تالي شيطان العصر يذبح جنيني
كسر ظلعي بهجمته وصوبلي عيني
(وإن) گلي فاطمه وحانت منيتي
واني للباري العلي ارفع قضيتي
هو قاضي المحكمه وصه بنزوله بفاطمه
حاجوني
=========
بابي املاك السمه توكف تقَبله
وجان بابي للخلگ تدرونه قِبله
يرضه ربي لكل شخص اني اقبله
يالحركت الباب كلي الله شتكله
اجهنم إترحب تره بيكم جماعه
يابضاعه وبئساً لهاي البضاعه
يالسطرت العالمه. وصه بنزوله بفاطمه
حاجوني
==========
بيا ذنب محسن وكع فوك الوطيه
والبراءه انذبحت بهاي الرزيه
طفل مال أحضان مومالت منيه
تدري جان بوالده تلزمه الوصيه
لويسل سيفه علي يگطع وريدك
كلي ها يالناصبي شنهو اليفيدك
اوصيه حيدر تلزمه وصه بنزوله بفاطمه
حاجوني
=========
ثاري مايبرد ابد لا مايِعَدّي
وتنمسح باجر دموعي الفوك خدي
يالثارات الظلع من صوته يبدي
انتظر يظهر يجي اوليدي المهدي
يظهر وثار الظلع ابني يجيبه
ويصلب الطاغي وانا اسمع نحيبه
ابني من ايكلمه. وصه بنزوله بفاطمه
حاجوني
==========
الشاعر علي النائلي
https://youtu.be/tTQQ8brlpxM?si=q9aFICdSdLh9ZyUs
Читать полностью…
موشح
انتظر بس العلامه الحاسمه
عالارض والله أكلبها السمه
==========
انه جبريل انتظر منها النداء
لو دعت ام الحسن هذا الدعاء
عالارض والله أگلبها السماء
أنتقم من هالعصابه المجرمه
=========
وي النبي جنت بحروبه بالمحن
وهسه جاهز انتقم لإم الحسن
اتحالفت ام الجمل وأهل الفتن
مابقه بس الوصي وي فاطمه
==========
اتحظرت جنحاني تطوي هالفلك
لودعت ماعالارض كلشي هلك
وياي متحظر تره كل المَلَكْ
الكون شفناه انترس من الدمه
==========
الدنيا سوده والشمس غابت خجل
والظلام اعل الارض غار ونزل
وسفه يادنيا انجتف خير العمل
وهو يتسمه علي حامي الحمه
==========
والكواكب حزنت وكلشي اندثر
ودمعها بت النبي عالكون انثر
اجناحي لوظلع الزجيه اللي انكسر
ويلي واظلوع الزجيه مهشمه
==========
والله لوما رحمة الرب العظيم
وطفت ناري بقول بسم الله الرحيم
جان بيدي اذبحت شيطان الرجيم
وجفي لجهنم بلحظه اتسلمه
==========
الشاعر علي النائلي
بسمار الآلام يتحول اسهام
بالمحسن شصار لعبدالله يندار
==========
طفلين واللوعه بدت البسمار جان بأوله
بالمحسن شسوه وعمل بعبدالله سوه بكربله
نفس الألم والفاجعه من السقيفه لحرمله
والدين جان اول قصد دين الله جان المسأله
اولها بالباب. ولگطع الاركاب
من شبت النار لعبد الله يندار
=========
من محسن الزهره ابتده اول جرح اول الم
البسمار هم عمره كبر وابكربله اتحول سهم
نحر الطفل مثل الضوه مثلث سهم بيه اصطدم
جانوا هله بنص كربله مخلينه شمعه اعل الخيم
طفوا ضواهم ذبحوا هواهم
والنبله بسمار لعبدالله يندار
=========
لمن وكع محسن تره منا بده اصل الجرح
شاف امه مصيوبه وتون جان الألم ماينشرح
واظلم نهار الله وصفه مذبوح ماطر الصبح
محسن لون ينشاف اظن يشيلون راسه اعل الرمح
وكباله ذباح. ايرفعه اعل الارماح
كل غدر الاشرار. لعبدالله يندار
==========
نار الضمه ونار الحقد بعبدالله وبمحسن تره
هذا وكع فوك الجمر وذاكه العطش فت منحره
عجبه الجنين الينذبح يعاين عله امه حايره
والمر علئ عبدالله ابد مامر عله انسان وجره
بالنبله مذبوح. من طلعت الروح
وبذبحه تذكار. لعبدالله يندار
==========
طفلين وأصعبهم منو سته الشهور وسبعه
محسن سمع كسر الظلع من عينه هل الدمعه
عبدالله عاين والده والخيل كسرت ظلعه
كسر الظلع كسر الصدر ياهو اقوه جان ايسمعه
من باب الاجذوع لحافر والاظلوع
سر من الأسرار لعبدالله يندار
==========
الشاعر علي النائلي
https://youtu.be/AS98lIECXKo?si=OciR-DoiUcmW8JOo
يختلف وضع الحرب
حيدر الحلواجي
الشاعر علي النائلي
الشاعر سيد ناصر العلوي
عزاء مملكة البحرين
https://youtu.be/0RGoQ9MR7s0?si=AnkjxApB3GSld2jq
Читать полностью…
https://youtu.be/bvn_QZUS384?si=DB_30_EP8apDRqiY
Читать полностью…