5201
((صلى الله عليك يا اباعبدالله مولاي يا غريب يا مظلوم يا شهيد كربلاء )) *رابط كروب هذه القناة 👇🏻 https://t.me/groupalmamalhussein *رابط نعاوي الطف 👇🏻 https://t.me/naawialtaf313
#ثكيل منبريه
وين وين ذاك العرس وين
العين العين شبعت بجي العين
يبني يبني
*
يوليدي التعب هدني وليام الكبر ردتك
وتسع اشهور يوليدي بين ضلوعي شايلتك
جنت كل يوم الوليلك ولحضه تدري ما عفتك
وصيح اسم الله يوليدي وركض لو تون شفتك
راح راح ذاك التعب راح
طاح طاح بيت السعد طاح
يبني يبني
****
اشوفك يالولد عريس تدري جان كل ضني
يسباح الكلب ناديت شبسرعه رحت عني
يجاسم خابت امالي وعكبك دهري دوهني
يبست حنتك يبني وثياب العرس ذني
شاب شاب بعدك صحت شاب
ذاب ذاب حته الشمع ذاب
يبني يبني
**
يبعد امك يالوحيد تعال وعاين الحالي
جنت انسه التعب يبني من تكعد تجي اكبالي
يمه من تودعني تكطع راح دلالي
ارجع يا حلم دنياي ليش تخيب امالي
نار نار افراك الولد نار
جار جار عليه الزمن جار
يبني يبني
***
كل عمري كضيته وياك وماريد العمر بعدك
ياروحي اصيح اشلون ينام اعله الرمل خدك
اجيتك والكلب ملهوف وخليت الكلب عندك
ومن كثر العطش شفتك يوليدي انفطر جبدك
ليش ليش ترحل صحت ليش
بيش بيش اصبر بعد بيش
يبني يبني
**
انته شمعتي بدنياي وانته سلوتي تدري
ربيت وتعبت اسنين وفراكك كسر ضهري
ما اكدر انام الليل ونارك بالكلب تسري
غير انته الهوه والماي ومن بعدك شلي بعمري
نام نام يمه الولد نام
ظام ظام شنهو الوكت ظام
يبني يبني
**
يجاسم من تودعني غيابك يصعب عليه
جنت اتنفسك كل يوم وحسبنك هوه الريه
ما اكدر ييمه انساك يالعايش عمر بيه
حنيتك يبعد امك ابد ما منها حنيه
مال مال يبني الحمل ماي
شال شال اليسوه العتب شال
يبني يبني
*
تمت
تحسين الخفاجي
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#ثكيل منبريه
بالشام ماعدهم علي واحنه يتيمات
هوه اليعيش ابلا أبو هنيـاله لو مــات
لو موتن بحلم ولا عيشن الـيتم
واحنه اليتيمات
جابولي راسك بالـطشـت گــلتلـهم انه ماجعت
بس شفته يابويه ومتت مشتاگه گتلك
معقوله بالطشت السمه والشيـب احـمر بالـدمـه
شمسوي بشفاك الضمه متفطره شفتك
ماعنـدك ايد وتـنــشبـگ وخدودك من الطگ زرگ
شوف ايدي بويه من الحرگ مهضومه بنتك
مهضومه من شغله تره نيران وبنصهن مره
يابويه هــاي امحـيـــره العلويه اختك
وصلت لخوهه وأشرت لخيام الاخيام
الحگ يـبو فاضـل تـره مچـويه الايـتام
كلساعه تلچم ولا عيشن اليتم
واحنه يتيمات
يابويه صاحو بالقصر عاشت يمينك ياشمر
كلساع طولي ينكسر من الاسمـعـه
يدفعونه اگبال الخلـگ مهضومه وگليبي احترگ
چم طفل بالخيل انسحگ وزغير ضلعه
من واحـد الواحـد بـچي ومكسر انطلعه الحچي
كلنه عله زينب ننتچي وزينبنه تنعه
شحچيلك من الشافته ياهو التحمل حسرته
السجاد لمن عمته گامت تفزعه
صاحتله عمه العدو ماعنده نوماس
ومنين اجيبه التكـفـل ضعني عباس
لو يسمع انشتم ولا عيشن اليتم
واحنه يتيمات
ازغيره مو مالت يسر كلساع بهدومي انهطر
الاحبال تعصرني عصر وانه نحيله
ترچيتي گطعوهه غصب وليهسه اذاناتي تصب
دمعي وي دمي عله الترب كلساع اسيله
ياحيرة المــاله اهـل ويموت بعيونه الأمل
عمري گبل جسمي ذبل چني العليله
أمروره ماظل شي حلو بالصيف وانشد عالدفو
اتمنه لو ريحة ابو واصرخ دخيله
يابويه سهله الجرح بس كونك وياي
ماريـــد ماي الــنهر يالوجـهك الـماي
من دونك انثلم ولا عيشن اليتم
واحنه يتيمات
تتغطه الاخدود بدمع طفله لازمـته الضلـع
الـنـفـس لو يـنگـطـع بس لا شماته
ااخ ياراعي الـعـلـم عـمـتي گالـتـهه بئـلم
كون بعيوني السهم وتظل حياته
وگـفـه ماكـعـدت ابـد گالت انطيته وعد
دمعه ماتوصلي خد واحمي بناته
چنهه مصيوبه ابرمح اتلوب من ليل الصبح
چنها جدي المنجرح ساعة صـلاتـه
ماتـــبـچي زيـنـب ابـد گـــدام الاطـــفال
متيسره بس من مشت چن هيبة اجبال
چن ذلت الزلم ولا عيشن اليتم
بالخـرابه ابـلا ضـوه كـلنـه نــتحـسر سوه
انـدور ادواره الـهـوه مايكفي الاصدور
شفت محبس من بعد محبسك چان اعتقد
گلبي اعليه ينمرد چن صبعه مبتور
صرخت وبااعله حس كلهه صاحت كافي اس
ازغيره صدري يرفس يوجعني مكسور
بويه اريدنـك صحـت للعدو اشگد صرخت
گلهم اخذوه ابطشت والدهه منحور
شفت راسك گتلك اشمحلاهه لو موت
فوگ راسك خلي روحي تگطع الصوت
خل روحي تنعدم ولا عيشن اليتم
واحنه يتيمات
لـ حيدر العماري
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#عگيلي
زينب هاي الليله بحسره
محتاره ومختنگـه بعبره
** **
محتــــاره الليلـــه بعبــرتهــه
أشلون أتودع اليوم أخوتهــه
تنظــــر لحسين بحسـرتهـــه
وتنــــادي يايمــه الزهـــــره
*
لــحسين أتعنــــت حيـــرانـــه
يـــا خويــه أتگله ورجـــوانه
باچــــــر ياهــو يظل أويانـــه
وأنظـــــر متــوسد عالغبـــره
*
شمس العاشــــر لمـن تطلــــع
أنظــــرلك دامــــي وبالمصرع
أشلون أنظرلك خويــه مگطـع
وعالغبـــره جثتـــك متــــوذره
*
تگــل الكافــــل أه يعيـــــوني
تقبل عــدوانــك يــــولـــوني
وللشام أنــوبــه يــــــودوني
وبـــــلا كافل ضعـن الحــره
*
مهيوبـــه يا خويـــه أبـزودك
وبعزمـــك خطيــت أعهــودك
باچــــر لو گطعوهــه أزنودك
نــــار أخيامي تظل مستعــره
*
باچــــر لـــــو حرگوهه أخيمي
وعالغبره أنظر ضامي أبن أمي
أحتــــــار أبطفــــــالي وهـــمي
لـــــــو أجمــــــع خّدر منذعره
*
تگــصــد للأكبــــــر وتشمـــه
وتگــــــل القـاســم يــاعمــــه
جسمك باچـــــر يا هــو يلمـه
لــــو يبقى مــــــوذر عالغبره
*
الشاعر
موسى البديري
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#تجليبه
حسين يريد ماي وجربتك يمه
يل ماشوف غيرك للحرب زلمة
ــــــــــــــــــــــــــــــــــــــ
حسين يريد ماي ويابسه شفافه
وانت العلگمي ماداير چتافة
الماي النه علينه شلون يتعافه
عدل والماي عنك ينلزم زحمه
ــــــــــــــــــــــــــــــــــــــ
ضاگت وانه دوم عليك متعودة
ياعباس اصيح بساعة الشدة
يارداد كلمن محد يرده
ياهزام خصمه المحد يهزمه
ــــــــــــــــــــــــــــــــــــــ
ياعز ال هاشم ساعة الكونه
حيد وماتعذر من يندهونه
ضاكت والحسين يدير بعيونه
سوي لروحتك صوب النهر همه
ــــــــــــــــــــــــــــــــــــــ
هاي الضامك عودك ذخر ليها
هاي الخلصت عمرك متانيها
وينك يبو حچاية الما تثنيها
خواتك زامطن واطيتهن چلمة
ــــــــــــــــــــــــــــــــــــــ
ها يحزام ابوي وعازته وذخره
ياجود الحسن يافرحة الزهره
راويهم بيسفك نارها الكبره
وبيد حسين جيب العلگمي وسلمه
ــــــــــــــــــــــــــــــــــــــ
لياخذ حگك بسابع سمه تلوحه
اليتجاسر عليك يجيبها لروحه
مثل حجايتك طگتك مملوحه
لو تطبر جبل بالصارم تثلمه
ــــــــــــــــــــــــــــــــــــــ
يا آيه وابن آيه واخو الآيه
كفو يل مادرت بالك للهوايه
المن يبعد اختك ضاله الرايه
مطروحه والاكبر مانشف دمه
ــــــــــــــــــــــــــــــــــــــ
هاي الخيل شنت ع الخيم غارة
وانت تدور اعلى المعركة دواره
غيرك ياخو زينب مالهم چارة
تعدلهم بسيفك والحچي تلمه
ــــــــــــــــــــــــــــــــــــــ
سبعين الف گالو جيشهم كله
گلت عباس ذولي يشوفهم قله
بس متاني زينب حيهم تگله
يگلب كونهم لو رادت تحشمه
ــــــــــــــــــــــــــــــــــــــ
يله يا ذخرنا اتوكل اعلى الله
وجيب الماي خل ينام عبدالله
ساجينا وجربتك دوم ما تخله
ياعباسنا اليغفه الطفل بسمه
رائد الناشي
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
صلى الله عليك يا أبا عبدالله الحسين ؏
سلام عليكم 🤝
احبائي خدام مولاي الحسين ع
•{لتسهيل عليكم عملية البحث للقصائد في ايام محرم الحرام📃
•{رتبنالكم مجاميع كل مجموعة تحتوي على قصائد خاصة بالأطوار الحسينية 📜
التي تقرأ بالزنجيل في العشره الاولى من ايام محرم
*شاركوا بكل القنوات والكروبات ولكم الآجر والثواب حتى تعم الفائده لكل خدام مولاي الحسين ع
*ماعليكم الا الانضمام لهذه المجاميع
ونسألكم الدعاء 🤲🏻
اضغط على رابط 👇🏻
كروب القناة زنجيل مكتوبة
/channel/groupalmamalhussein
#ثكيل منبريه
تراثية.... القاسم ابن الحسن
قلب امك المفجوع بالغاضرية
اصبح لهيب اخيام يوليدي بية
ابقى يبني مكسورة الخاطر بعد عينك
►►►► ◄◄◄◄
يمة الفگ جتال والغربة يبني
بالخيمة ومتاناك يايمة هدني
رافگت وني عليك ماسكت وني
دمعي منهد فرگاك صابغلي ردني
ابقى يبني مكسورة الخاطر بعد عينك
►►►► ◄◄◄◄
متبدي فوك الكاع ياماي العيون
واني الحزن تابوت وتشيلة المتون
اشوكت طاري يعود وي اليعودون
خضرت يمتى ووين يايمة وشلون
ابقى يبني مكسورة الخاطر بعد عينك
►►►► ◄◄◄◄
يازرعة الله شلون من أيدي تنحاش
زاگيتك بدمعات وادري الغصن عاش
ماهمني فوك رمال مو كعدة بفراش
بالرمشة شوف العين للجية غباش
ابقى يبني مكسورة الخاطر بعد عينك
►►►► ◄◄◄◄
مو مثلي يالعريس چلاب الاخيام
كل لحضة من تفوت من العمر عام
لو جيتك لو موت دلالي محتام
حالي نهر عطشان يوليدي جسام
ابقى يبني مكسورة الخاطر بعد عينك
►►►► ◄◄◄◄
قلبي انصلب وانهار مايقبل يهيد
شيصبرة عمري شلون يالدربك بعيد
طبعت بخدي اعليك ولجيتك الأيد
ام وابنها يموت شتسوي بالعيد
ابقى يبني مكسورة الخاطر بعد عينك
►►►► ◄◄◄◄
مخنوگة حيل اعليك والوسعة تنشاف
ثقب إبرة هذا الكون يايمة بخلاف
حج الهضم والاه بية الحزن طاف
ضيمي جبل وانشال وانحط على جتاف
ابقى يبني مكسورة الخاطر بعد عينك
►►►► ◄◄◄◄
الشاعر زين العابدين الشمري
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#نزله
طايح يـا عضيدي وما بقـه راي
وخيول العده وصلت تره احذاي
أگعد شوف حال أختك يالحسين
تره آنـه بعـازتـك مو عازت الماي
گـوم بسـاع هـدت كلـها عدوان
وياهو اليفزعلنه واحنه نسوان
ـــــــــــــــــــــــــــــــــــــــــــــــــــــــــ
فزعت كلها خويه الناس والخيل
عگب اعيونكم بينه تره اتعيل
هدت كلها خويه الناس عالدار
بس نسوان ضلينه واجه الليل
گوم اتفرهدت ياخويه الخيام
وراح نـروح مـسبـيـات للشام
ـــــــــــــــــــــــــــــــــــــــــــــــــــــــــ
چنـت مدلله يحـسـين بـوجـودك
من عدنه رحت ياخويه شيعودك
لـو ندري يخويه مـا طلبنه الماي
سـالـم لـو ترد ما اريدن اوعودك
بس سالم ترد كونك يالعضيد
بس تعود ليه وكلشي ما اريد
ـــــــــــــــــــــــــــــــــــــــــــــــــــــــــ
فت گلبي العطش بس انته اهم منه
خـلافـك ياهـو خويه بخيمته يلـمنه
كــــون تـعــود ســالم لـيـنـه يـربـاي
فـدوه المـاي بس يـحسين رد الــنـه
يابو سكينه وينك فدوه رد لينه
ما نگـدر بـدونك وانـتـه تدرينه
ـــــــــــــــــــــــــــــــــــــــــــــــــــــــــ
سيد منتظر الهاشمي
ـــــــــــــــــــــــــــــــــــــــــــــــــــــــــ
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#شور كعديه
حسين خويه…حسين خويه
ــــــــــــــــــــــــــــــــــ
زينب انه وذني كلهن خويه هل يمي البنات
بحيره ضليت أنه خويه شلون امشي اوين أبات
زينب انه وصعبه امشي چنه احنه مدللات
بچي هناك مصايب يهلي يهلي
گعدنه بخرايب يهلي يهلي
كون ميته ولا أشوف حسين طايح
الدنيه ضلمه بدونهم اسمع نوايح
حسين راح وخيرنه من بعده رايح
حسين خويه…حسين خويه
ــــــــــــــــــــــــــــــــــ
زينب انه حسين خويه وصعدوني عل هزل
ساعه أنوح وساعه اطيحن خويه وبأيدي الحبل
كون گاعد خويه كلي انه يازينب عدل
اجينه بهزيله يهلي يهلي
نحيله بنحيله يهلي يهلي
انه أنعى حسين اخوي وهوه طگني
گتله اخوي حسين مايرضى يهدني
وعاند وبيده الحبل ياخويه جرني
حسين خويه…حسين خويه
ــــــــــــــــــــــــــــــــــ
ركضونه بصحره خويه فياي ماكو ونستراح
محد اويانه من اهلنه بس رؤوس اعلرماح
صاحو اعليه يزينب راح اخوج حسين راح
يصيحون عليه يهلي يهلي
غريبه وسبيه يهلي يهلي
بعد ماكو اخوان الج شبعي شتايم
عله الغـبره مطشره كــل العمايم
بـس عليل الضـل الـج من آل هاشم
حسين خويه…حسين خويه
ــــــــــــــــــــــــــــــــــ
راح وكت الخوه هسه نمشي وبراي الغريب
نمشي مو راحه مشينه بس نياح وبس
تغيب
عله فگدك ما يخلص خويه من عدنه النحيب
عليكم يخوتي يهلي يهلي
اصيح آنه صوتي يهلي يهلي
حتى صوتي من الثغيب انبح عليكم
اطويل دربي وبعد ما اضنن نجيكم
ياهـظيمه بـعد مـا نسـمع حچيكم
حسين خويه…حسين خويه
ــــــــــــــــــــــــــــــــــ
سيد منتظر الهاشمي
ــــــــــــــــــــــــــــــــــ
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#نزله
مسـلم وهانـي تعازمـو عالكوفه
ــــــــــــــــــــــــــــــــــــــــ
للكـوفه طـب وگـاصـد بمرساله
من سيفه شردت خـيل والخياله
والجيش گال اليـوم ابهذل حاله
وينه اليگابل سيفي خلي نشوفه
ــــــــــــــــــــــــــــــــــــــــ
من طبها مسلم ضل يصول بكيفه
مرعـوبـه منـه ومـا تگـابل سيـفه
صاح آنه مسلم مو صعب تعريفه
ربـع الحسين وبـالعـزم معـروفه
ــــــــــــــــــــــــــــــــــــــــ
طب ليها هاني وسيفه شايل غيره
خله الـزلم كـل حيره تسبگ حيره
الـيـوم گـال اليـوم اصـفي الديره
مسلم عضيدي وبالشدد ماعوفه
ــــــــــــــــــــــــــــــــــــــــ
صاح آنه بن عروه المرادي وهاني
گبلـك اطـيـحن بـالـشـدد تلگاني
انتـه عضـيدي واغله مـن اخواني
عمك علي وما نـنسه كـل معروفه
ــــــــــــــــــــــــــــــــــــــــ
وتگابلو هاني اويه مسلم صوبين
گالو نعـيد اليـوم بيـكـم صـفـين
يهل الغدر يالمـارضيـتو بحسيـن
اسيـوفـنـه اعلـيكـم تـره ملهوفه
ــــــــــــــــــــــــــــــــــــــــ
سيد منتظر الهاشمي
ــــــــــــــــــــــــــــــــــــــــ
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#ثكيل منبريه
كافلي لا تعتذر هذا من الله الامر
انت بالطف تنقتل وانه اروحن باليسر
ــــــــــــــــــــــــــــــــــــــــــــــــــــ
كافلي من الزغر وانت متفارگني ابد
من بعد حيدر علي انت صايرلي سند
خويه بيك انه افتخر راح ابقى للأبد
ما يجي مثلك بشر اشما يمر بينه الامد
واجب اعلينه الصبر هذا من الله الامر
ـــــــــــــــــــــــــــــــــــــــــــــــــــــ
من رحلنه الكربله وياي تمشي انت گمت
ما تفارگني ابد لحضه عني مبعدت
اعليه خايف يالگمر تمشي خطوه وتلتفت
انت متردلي طلب تنطي روحك لو ردت
انت صايرلي ستر هذا من الله الامر
ـــــــــــــــــــــــــــــــــــــــــــــــــــ
من وصلنه نينوى والعدو اعلينه نوه
يعني الموادع وصل بعد مانبقى سوه
گمت ماجر النفس گام يخنگني الهوى
لو عفتني انجرح وما الي غيرك دوه
والموادع ينتصر هذا من الله الامر
ـــــــــــــــــــــــــــــــــــــــــــــــــــــ
من رحت صوب النهر من وصلت المشرعه
الماي گالو ماشرب شاله بيده او رجعه
طاح گالو عالأرض والچفوف امگطعه
والاسهام ابكل كتر هاي اكبر فاجعه
انت بالطف تنغدر هذا من الله الامر
ــــــــــــــــــــــــــــــــــــــــــــــــــــــ
ياگمر والدنيا ليل جيتك ومابيه حيل
جيت اودعنك يخوي والدمع عالخد يسيل
وجيت اقدم اعتذار اعتذرلك يالكفيل
انت وفيت الوعود يبو فاضل يالأصيل
لا تقدم اي عذر هذا من الله الامر
ــــــــــــــــــــــــــــــــــــــــــــــــــــ
خادم اهل البيت
حسن عامر الزيادي
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#موشح
زينب اهوايه چبير امصابها
اتأذّت اشگد ابفگد أحبابها
ايساعد الله اللي گلبها ضل جريح
والدمعها اعله الوجه أحمر يطيح
چم عزيز الشافته بالطف ذبيح
او عالترب جثته بقت بخضابها
يا گلُب يگدر عله همها الثگيل
الجبل ما يحتمل من عنده قليل
حگها ولله الفارگت مثل الچفيل
من يضل او ما يزول اصوابها
احسين اخوها الگضت ويّاه السنين
شافِته فوگ الرمل دامي او طعين
اگبال عيناها انگطع راس الحُسين
آ وا ويلاه چان اجوابها
اشلون ترتاح الأهلها اعله التراب
تنخه بيهم لچن ما تسمع جواب
مثل ما حرگوا عله امها الزهره باب
حرگت النيران كل اطنابها
يا حزنها الما عله واحد سده
امن الهضم دلّالها امورّم غده
عافها چافلها ما بين العده
رغم ما هوّه الحماها او جابها
من عگب كل المعزّه والدلال
صعدت ابلايه حمه فوگ الجِمال
اعليها تتفرّج غدت كل الرجال
الطاهره الما طلع ضل لحجابها
ابو الحسن الوائلي
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#موشح للأنصار
اعليهم ادموعي يضل جاريها
انصار ابو اليمه يويلي اعليها
_________
ألهم الون والمدامع والنحيب
الضحو الدم النحر دون الغريب
عابس او جون او ابو الرايه حبيب
كون دمعاتي دمه ابچيها
_______
مثل اصحاب الكهف واكثر نقآء
فتيةُُ آوو الى طف كربلاء
ربّنا هبنا لبن فاطم وفاء
هاي دعوتها الذي تدعيها
_______
والفرق آوو لچن موش الكهف
للمعاره وادخلوها ابكل شغف
نادو اويه احسين موتتنه شرف
او دونه ذله هل حياه نگضيها
_______
دون الحسين ابذلو كل النفيس
دون ابو السجاد كل غالي رخيص
بيش اوصفهم يعالم بيش اقيس
او همه اعله المرتبه حاويها
_______
زلم كلفين او فلا همهم عدد
اگبالهم سبعين الف طلبو مدد
او همه بس سبعين واحد عالعهد
اجيوش اميه ترجف امخليها
_______
كل فرد منهم وگف بالحومه طود
تربية حيدر زلم مليانه زود
گضو حگ الغانمه او وفو عهود
شمس صارو للدرب تضويها
_______
اشموس صارو ما لها ابدن افول
اتزول كل الدنيه اسمهم مايزول
حازو اعله مرتبه ابحب البتول
اويهنياله الفاطمه يرضيها
_______
ابو فاطمة الطائي
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#ثكيل منبريه
اون وانحب يخويه حسين
وبچيلك دمع من دم
ولو تعمه عليك العين
وحگ نحرك فلا اهتم
اظل انعاك ٠٠ صعب فرگاك
•••••••••
١
يخويه ياذبيح الطف
هجر حزنك ذبح روحي
ونوح اعليك كل لحضه
يمن فدوه الك نوحي
رحت عني بجرح ينزف
تركت اخلافك اجروحي
صرت بعدك يتالي اهلي
يتيمه وانته مذبوحي
عله حروفك اسم منحور
يحز ابكل نفس يطلع
لو مر عل المحب عاشور
تظل عينه بالم تدمع
تنوح اوياك ٠٠ صعب فرگاك
•••••••|••
٢
اشوفن حالك اتحسر
والحسره باثر حسره
يااخت المثل حالي
وخيهه ارسومه متعفره
بگلب ضامي بجسم دامي
حاير گابع ابصبره
يصد عينه على اخيامه
يشوف خيامه مستعره
يخويه ونشده بالي
على حالك يبو الاكبر
احس اجروح دلالي
تنوح بگطعة المنحر
جرح ناداك ٠٠ صعب فرگاك
•••••••••
٣
يمذبوح النحر اگعد
خليني اودعنك
حاچيني يبعد اختك
بلچن لحضه اسمعنك
گبل لاروحن اتغرب
وبعد هيهات اشوفنك
خليني اضمك جسمك
ومن نحرك اشمنك
صعبه عله اختك اتشوفك
وباقي ابوحدك اوحالك
وياگلب الذي يعوفك
وانته مگطعه اوصالك
وانه بلياك ٠٠ صعب فرگاك
•••••••••
٤
اروحن وابتعد عنك
وياخذني اليسر يحسين
وابعد والدرب متعوب
كل عثرة جدم بونين
من ديره لعد ديره
خذاني وكتي مدري الوين
وراسك عل الرمح ياحيف
يصد ليهه بدموع العين
وتشتمني غدت هل الناس
وانه بنت النبي الهادي
عگبك ومن عگب عباس
تاليهه الشمر حادي
صرت انخاك ٠٠ صعب فرگاك
•••••••••
٥
يسالب مهجت اختك ليش
وكتي مارحم حالي
عگب خدري العليه الچان
صفت اختك بلا والي
سبيه تالي لارض الشام
ماچانت على بالي
يخويه الشام آ يشام
سهم گطعلي دلالي
عند الشام صاير عيد
والوادم يشتموني
وگابل خويه تالي يزيد
نيتهم يذلوني
ونادي هناك ٠٠ صعب فرگاك
•••••••••
أحمد جابر السماوي
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#ثكيل منبريه
قصیدة:یا نار الخیم
ـــــــــــــــــــــــــــــــــــــــــــــ
رحمـیني یا نار الخـیم
عافتني کل اهل الشیم
کلشي یصیح امن الألم...یازینب
ـــــــــــــــــــــــــــــــــــــــــــــــ
یا نار احلفچ بالگمر..وابنومته ابراگ النهر
لو طاحت استار الخیم..تتفرج اعلینه البشر
خلّي الخیم تصبح ضره..لیصدني بالحومه نظر
دخّانچ اشعنده فزع..تدریني ما عندي گمر
ظلمه و درب ما بیه ضوه
ضوْیـلي دربي ابنیـنوه
اسمـع یـنادیني العـلم...یازینب
ـــــــــــــــــــــــــــــــــــــــــــــــ
ایدی اعله ظهری المنحني..من أطلعت أرجف رجف
ابهالنایمین اعله الثری..عندي أهل شبعو زحف
أعثر بخوي المنذبح ..بس ما عرفته امن النزف
ما ادري وینه کافلي..وین العرف والمو عرف
خوفی أحرّکـلي جسد
من أهلي ما یطلع بعد
حشّمني جوده والسهم..یازینب
ـــــــــــــــــــــــــــــــــــــــــــــــ
هاي الخیم بیها عطر...من کافلي الدگ خیمتي
ریحت کفیلي بالخیم...خلیني أشمها ابلهفتي
ماریده یعرف کافلي...حرگت عباتي جمرتي
مچویّه أیدي والحبل...باچر یچتّف یمنتي
اشلون أنسـبي وآنه مره
و أرجالي کلها اعله الثره
کـلشـي البنیـتيه أنهدم ..یازینب
ـــــــــــــــــــــــــــــــــــــــــــــــ
ماریده دخّـان الخیم..یوصل کفیل العایله
عباس اخویه لو عدل..درب الخیم من یوصله
عوفي الخیم لا تحترگ...بیها نچن ابکربله
باچر عله اضهور الهزل..یولي الیتامه حرمله
باچر نسیر اعله الهـزل
چم طفله اضیّع چم طفل
تندبني کل اهل الحرم...یازینب
ـــــــــــــــــــــــــــــــــــــــــــــــ
یا نار اریـدن جمرتچ..تحرگ عیون الأجنبي
خلّي الخیم تصبح ستر .. باچر ورانه اشگد سبي
باچر سیاط اعله المتن..و ارمادچ ایلوح العبي
امشي ابضعن مابیه علم..مایل من الطگ معصبي
کلـها اتـعرفنـي بت علي
ابضحویه راحت کل هلي
صاح الگلب من انلچم...یازینب
ـــــــــــــــــــــــــــــــــــــــــــــــ
هونـچ ینـار اعله البقـن..مـتیسّـرات أبلا أمـر
باچر تسحـگچ بالمشـي..کل الیـتامه من تمر
ترکض رقیه امن الخیم..جدّامي تسحگ عالجمر
باجر وراي اشگـد رکض...یاریته لا طال العمر
ارکض واطیحن عالترب
ما ینمـشي درب الغـرب
بجروحي مکتوب القسم..یازینب
ـــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#ثكيل منبريه
الليله اخر ليلة وياج من اخيج ترسي عيناج
راسي يمج للصبح خويه زينب
باجر يرفعه الرمح خويه زينب
..................
الليله عينج خويه زينب خل تودع عيوني
ولمي نسواني وبناتـــي إبخيمتج ودعونـي
باجر إيگطع رمحهــــم خويه هاي امتوني
والشمر يذبحني ضامي ومــاي ماينطونـي
خويه أرحم ذبحت الشاة من الكفه ويشبعني طبرات
والجرح فوك الجرح خويه زينب
باجر يرفعه الرمـــح خويه زينب
..................
نزلتلج خويـــه راســــي وردتج اتقبلينــــه
بلكي ماحس ابحجرهم من يلوح اجبينــه
شلون باجر جسم اخيج زينب اتعرفينــــه
الدنيه ليل وماهو راسي وخايف اتضيعينه
راح اوضحلج بلدموع خنصري تلكينه مكطوع
إبلايه راس ومنذبح خويه زينب
باجر يرفعه الرمـــح خويه زينب
...................
يختي بس هالليله صدري ضلوعه مامتكسره
حيل احضنيني أرد اشمن بيج عطر الزهـــره
باجــر اتغيــره الحوافــــر هالجسم يالحـــره
وصـدره تلكينـه يزينـــب منطبگ وي ظهــره
عشره تسحگ فوگ لسهام وآنه اصيحن من الآلام
وعالرمل راح انطرح خويه زينب
باجر يرفعه الرمــــح خويه زينب
....................
ابخيمتج خويه العزيزه جيت اخلص يومي
أدري يرجع مهري باجــر للخيــم بدمومــــي
يصهــل إيكلـــچ تعالــــي سلبــــوها اهدومي
لاتخلينــــه ابصهيــــله و خويه زينب كومي
من كبل لاراسي ينشال خويه كومي ولمي لعيال
لاسترجن ينفضح خويه زينب
باجر يرفعه الرمح خويه زينب
.....................
الخيمه لو شبـت يزينـــب بالــچ اتطفيــــها
ومنها اطلعي انتي ورقيه ولاتظــــلن بيهــا
هـاي لزغيــــره العزيــــزه وخايف انا إعليها
عالجمر يسحگ جدمـــها ومحــــد يداويـها
خويه زينب كل لزغار حيل إبعديهم عن النار
حذري يم وجه السمح خويه زينب
باجر يرفعــــه الرمـــح خويه زينب
....................
يمي لاتبجيـــن هســـه وضمي دمع عيونـــج
باجـــر الماعنـده غيـره يضربج اعله امتونـج
اللحظــــه مـــاشافــــو خيالج باجر يشوفنج
وكوه عالناكه الهزيـــله للسبــــي يطلعــــونج
وجدمج اليمشي أويلحسين باجر إيطب الدواوين
والتكـــفل مايصــــح خويه زينب
باجر يرفعه الرمــــح خويه زينب
......................
الشاعر الحسيني
علي رحيم الزيرجاوي
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#ميمر
درس الخدم.......نهج وعلم
وأرسم الك........لوحه وقيم
حسين اليسجل الخدام يبصم اله عباسه
*
كون اليخدمك سيدي من يقره
ايعيش التواضع ما يدور شهره
اخلاق عنده من يجي عالفطره
بالك تزل.......عنه وتمل
عن جنته.....گطع الوصل
اترك مذمتك يفلان
بالغيبه كاطع راسه
*
تكثر اجروحك سيدي بالغيبه
حاير فلان اليوم منهو انجيبه
عوف التفاخر والحچي والريبه
عوف الفتن......درب العلن
خلي الأدب......طول الزمن
مالك علاقه بالناس
الخادم جرحت احساسه
*
معروف خادم للحسين ايريده
من خدمته وفه العهد بوريده
هذا الحچي يوميه صار انعيده
عوف الوهم.....عايش عدم
تالي الأمر.......يصبح ندم
ليش التكبر مغرور
تتحسر عله أنفاسه
*
عوف الرياء ابخدمتك وتحله
بالك تطيح بهالزلل والذله
بس الحُسين ايوفقك وتتعله
خلي الدرس...مثل الشمس
عن معرفه........زكي النفس
واصل خدمتك بخلاص
تاج المحبه بساسه
***
مالك علاقه منهو يصعد منبر
خلي يقينك بالعزه من يحضر
صفيهه نيتك لا تعاند اكثر
صفي الگلب.....شايل ذنب
عيش العمر....بأجمل درب
بخلاقك اتعيش انسان
يحله بحلات الياسه
***
خلي تواضع جانبك بالمقياس
عوف الجوارح لاتلوم الاحساس
بالك تزعل ام الحسن والعباس
خلي الوفه....اجمل صفه
غذي النفس......بالمعرفه
ليش الفتن والتسقيط
فرق الذهب والماسه
***
ايام مرت والزمن نفسه يدور
تطلع شواذ القاعده من الدستور
مغرور ابالك توصل الخط النور
اشلون اقتنع....تنفي الظلع منه ابتده.......مجره الدمع تدري
بجرحنه مكشوف تتعمد
عله امساسه
***
تمت بعون الله تعالى الشاعر_يوسف_الفتلاوي
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#شوط كربلائي
طـاح حسين بالحومه من صاب الچـبد سهمه
وزينب واگفه عله التل الشمر شافت گرب يمه
وگع من مهره ابو السجاد من طر السهم چبده
شگ چبده السهم نصين ومن مگفاه اتعده
وگع والگاع تتلگاه وعالتربان حط خده
وگع وتلگت الغبره
سهام الشاچخه بصدره
ابو اليمه انكسر ظهره
عالي مهره لمن طاح ومحد چان اله ايلزمه
وزينب من بعيد اتشوف اخيها شصاير ابحاله
طايح والشماته اتحوم وتدور اعليه الچتاله
عالـتل واگفه بحيره شلون حسين تدناله
زينب صايره بحيره
عله اخوها المدمع اتديره
وصعدت بيها الغيره
وركضت يم اخوها حسين ويمه وصلت بهمه
لگت گاعد شمر ويريد راس احسينها يذبحه
صاحت ياشمر وخر عوفه ايموت من جرحه
بوجه زينب شمر لن صاح ويدفعها بچعب رمحه
وشمر لنه غده يجرها
بصوت العالي يزجرها
وعن احسين وخرها
يشتمها ويطگ بيها ماعنده الشمر رحمه
تربع فوگ صدر حسين وبوجهه غده يطبره
ورد ابرجله الملعون ايرفسه وسحگ ظهره
وحط سيفه اعله نحره وگام. على كيفه يحز نحره
على نحره يحط سيفه
وايذبحه على كيفه
گطع راسه وله ايعيفه
يطبر بيه ضل بالسيف والشمات ملتمه
عگب ماحز وريد احسين وانگطعت كل انفاسه
فصل راس الولي الملعون وخله اعله الرمح راسه
ويضحك وابشماته يصيح يزينب وين عباسه
وينه زينب اعضيده
من حزيت انه اوريده
ماسطرتني اشو ايده
كفيلچ هم على الشاطي گطعنه وصل جسمه
وذيچ الخيل اجت عميه رضت جسمه عالتربان
عگب ماسلبو اهدومه عالغبره وبقـه عريان
ياويلي المصاب حسين مظلوم انذبح عطشان
اه يحسين ومصابه
شسوت بيه السلابه
عريان الدمه اخضابه
ثلث تيام ضل عاري ينزف ماوگف دمه
الشاعر عقيل الحسناوي..
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#عگيلي
لابو فاضل سلام الله عليه
كافل زينب سل بتاره
او مالك گام ايجهز ناره
____
بسم الله طب الها الكافل
ناداهم وينه الي ايقاتل
واختلطن حابل بل نابل
امن العباس اندور چاره
____
راچب لكحيله او يتبختر
اختلطت والمشراد اتعسّر
صار الطف دوّامه او تفتر
ماتعرف ليله امن انهاره
____
اطول واشجع زلم البيهم
اربعتالاف املگطيهم
عل شاطي اهناك امخليهم
نيتهم يحمون اسواره
____
طب الهم كفال الحره
طاحو نصهم باول خزره
او نص الثاني ايدور عَبره
لاچن سواهم معباره
____
فوگ اشواربهم خطواته
يتبختر . طوله اشمحلاته
حته الماي امست روجاته
ترجف . واتقبل بيساره
____
فدوه الاسمك عم الساده
الي اتخزره اتيتّم اولاده
لو هيچي لو مامش قاده
وصلت للفردوس اخباره
____
بل طف بس انت المتسيٌد
سيد الريح اوعل مي سيد
كل هاذه اوهاذه انت اوحيد
سبحان اسمك شنهي اسراره
____
ابو فاطمة الطائي
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#نزله
لحسين ،، لحسين ،، البشـدد وفايه
لحسين ،، لحسين ،، عاكدين الرايه
١-
حاوطوهم دكت اطبول الحرب
الكاع نار ورسهم صارت حطب
فزعو وللشرده مـــا خـلـو درب
سهم حب حسين نابت بالكلب
الانصار ،، الانصار ،، بالحرب رمايه
لحسين ،، لحسين ،، عاكدين الرايه
٢-
غيرة العباس ابـــد ما تنجهب
وشغله الحلفان يـمـه مــو لعب
وهمه بالعباس حلفو مـو جذب
الحـومـه والعباس نكلبها كلب
للمـوت ،، للمـوت ،، بس الك شرايه
لحسين ،، لحسين ،، عاكدين الرايه
٣-
مــــن تطيح الخيمه نرجمهم رجم
كبالك احنه وعركت اوجوه الزلم
شيخ الأنصار ولــــزم بـيـده العلم
كــوم صلــي واحنه نتلكه السهم
يـدرون ،، يـدرون ،، زلم كلفه بهايه
لحسين ،، لحسين ،، عاكدين الرايه
٤-
بالانصار اهتزت اركـــان الزمن
حسين جنه ونار يم اهل الفتن
هيه ساعه وتنتهي كـل المحن
نموت هسه ونعدل بجنة عدن
ميتين ،، ميتين ،، بس تعيش الغايه
لحسين ،، حسين ،، عاكدين الـرايه
٥-
عالحروف الـيــوم خلينه النقط
بمتحان الدنيا چـم واحد صقط
هذا موت وبيها ماكو حل وسط
وتصفه يــم حسين لمن تنخبط
بالكاع ،، بالكاع ،، باسمك اندك ثايه
لحسين ،، لحسين ،، عاكدين الرايه
٦-
يا حبيب اكلوبنه واجه الصبح
الك ننطـي ارواحنه ولا تنذبح
كل تجاره تخـسـر وانته الربح
انته ايـه بكربله ومـــا تنشرح
مــولاي ،، مـولاي ،، كلنه الك عنايه
لحسين ،، لحسين ،، عاكدين الـرايه
حسين عبد الجليل المالكي
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#شور كعديه
«انْكِسَرُ عِمَادِ البَيْتِ وانطفأ ضِيَائِهِ، وَزَيْنَبُ تَمْشِي بِدَمْعِهَا وَتَتَعَثَّرُ بِظِلِّهَا وَتقول واحَسرَتاه
عَليَكَ يا والدي،،،،
انه عزيزة گلبك انه
وهذا الهجر قاسي علية__
مو مالت إوداع وعيونك
بويه اريدك بين ادية__
ماكو مثل حنيتك انتة
بموتك گلت زينب وصية__
بويه بويه بويه
وصيت عباس وسمعتة
بوية بوية بوية
الاخو ميفارگ اختة
بويه بويه بويه
ونزلت دموعة وحضنتة
وصيتة بية هواي
زينب نظر عيناي
من الشمس عباس
صير بدربها افياي
ااااه يابوية علي….
_
من طبرتك حتى كلامك
گوه النفس صاير تشهگة__
مهدود حيلك يا حسافة
حتى الجفن گوه تطبگة__
تكتم ونينك ما تطلعة
تخاف بگلبنة إتبقي حرگة__
بويه بويه بويه
ياجرح راسك هضمنة
بويه بويه بويه
فرگتك تكسر گلبنة
بويه بويه بويه
نبقة نبچي كلْ عمرنة
يبچي الحسن مكسور
ولحسين اخونة يدور
وعباسي يبچي هواي
گلبه بحزن مقهور
اااه يابوية علي…
_
صح حيلك انهد بطبرتك
لاكن تفكر كلة بينة__
عباس وصيتة علية
وحسين صبت دمعه عينة__
والحسن حاچيتة بمصيره
بالسم تخلص كل سنينة__
بويه بويه بويه
بروحتك ينطش شملنة
بويه بويه بويه
ردنة بچفوفك تلمنة
بويه بويه بويه
موتتك هية التهدنة
من هسة گلبي احتار
چني بخيّم والنار
حيدر يسد العين
معناها كلشي اندار
ااه يابويه علي،،،
___
مات وبعد غمض عيونة
وانة طحت يمة بدمعتي__
حاچيتة بسْ مارد علية
وهنانة زادت كل حسرتي__
كون انة ميتة ولا اشوفة
گدامي ميت يا هضمتي__
بويه بويه بويه
مسبل چفوفك نضرتك
بويه بويه بويه
ولله ذبِحتني فرگتك
بويه بويه بويه
ميتْ وبانت كسرتك
جابو الك تابوت
لمن اجاك الموت
فوگك بچيت هواي
وبح بية حتى الصوت
اااه يابوية علي…
___
محسن الباوي
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#شوط كربلائي
رساله إمن الجواد إلكُم
مُـحرَم يالخَدَم قادِم
ضَل باقي شَـهَـر واحِـد
بِيـن الخِدمَه والخادم
▪️▪️▪️▪️▪️▪️
الجواد آنه اليِحاچٍيكُم
يَهل الفزعه والهِـمَه
كل واحد حِيّا إمصابي
بالدفتر كِتبَت إسمه
مِن يِخلَص شَهر حِزني
يِبدِي شَهر أبو اليِمَه
فَرُض تِتحَضر الخِدام
والرادود واللطام
والشاعر دموعه أقلام
خطيب الفاجعه إوياهم
لأجل فاطم وإبن فاطم
▪️▪️▪️▪️▪️▪️
عادَت كربلاء إحسِين
وَياها الجروح إتعُـود
أسود يِلبس الـدلال
مو بَس الملابس سُود
إفتحوا للشعائر باب
إبشرط باب الذَنِب مسدود
لا واحِد يـأَذِي الجار
مَرات الكلام إحجار
كِفوا الغِيبَه والأنظـار
إنصروا كل بشر مظلوم
إو مايبقه ولا ظالِم
▪️▪️▪️▪️▪️▪️
يِطلَع ثائِـر إبدِنياه
اليِدخِل عالم أَنصاره
العافوا لأجله كل غالي
إو تِبعَوا دَربه و أنواره
هذاك المَزَگ إثيـابَـه
إو ذاك إبحملِتَه غـاره
يِقاتل بالسَهَم گَلبه
يِقاوم بالزَمَن حُبَـه
مِثِلهُم ما إجت صُحبَه
ماتوا خاطر إيعِيشُون
موقف للدَهَر صارِم
▪️▪️▪️▪️▪️▪️
شهر والعالم إبأسره
يُوگَف للحسين إجلال
شهر وإنشاهد الوسعه
مَخنوگَه إبرحيل إرجال
شهر وإنشاهد الحُــرَه
بيها تِعصِف الأَهـوال
مصايب شافَت الحره
تِبَچِي الصخر و إتفِطرَه
بيها إعداها مِتحَيرَه
هاي إخت البَطَل عباس
والظَنّ تِنكِسِر واهِم
▪️▪️▪️▪️▪️▪️
تِرحَل بالضعن للشام
و إدروب السبي إبعِيدَه
تِدخل مجلس الطاغي
إو يِعلِنْ فَرحته إو عِيدَه
إبصَفَر تِرجَع لأهاليها
بس ملـگاكُـم إتـريدَه
ذاك إبكل وعد وَفاي
إو ذاك إعله الجِدَم مشاي
إو ذاك اللي يِوَزِع ماي
هنيئاً لليِفَرِحـها
إبهذا المَشهد الحازِم
للشاعر: سجاد علاء المحمداوي
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#نزله
شاهر سيفه رداد الحگ
شاهر سيفه رداد الحگ
ــــــــــــــــــــــــ
ايجيب الثار مهدينه
ويـا ويلـه اليعادينه
والصادق تـگـر عينه
شـگـاگ الحـلـوگ يجـيـب حگهم
يـصـرخ يـاعـلـي وكـلهم يـدگـهم
ماتـسلـم النـاس الـعـادت اهـلـه
سحگ بالسيف من يطلع سحگهم
بچفه وحيله دگاهم دگ
شاهر سيفه رداد الحگ
ــــــــــــــــــــــــــــــــــــــــ
المهدي يطلب بثاره
وياويله الحرگ داره
يحـرگهـم تـره بناره
راح يجـيب ثـار اهله النشامه
ثـار ام عـون والزهره وعمامه
الحرگ دار ابو الكاظم والزچيه
منهـم يـاخذ الـثـار بحـسامه
جنه جداده بالطگ يطبگ
شاهر سيفه رداد الحگ
ــــــــــــــــــــــــــــــــــــــــ
حگ الصادق ايجيبه
يعذب الگوم تعذيبه
يشوفهـم اعـاجيـبه
گبـل يــاخـد الثـار ومـاكـو عطوه
المـهـدي يصـول والله يگله تگوه
منـهـم ينـتـقـم مـا يضـل ضالم
حرب والمهدي قائد حرب تسوه
واكبر راس اگباله يدنگ
شاهر سيفه رداد الحگ
ــــــــــــــــــــــــــــــــــــــــ
ترف راية بني هاشم
ما يبـقـه بـعد ضالم
لو بس يضهر القائم
من يضـهـر السـاده يرف علمهه
وتفـرح شيـعـته ايحقـق حلمهه
وتزور ارض البقيع وصحن زينب
اباب ام عـون ترجع هم خدمهه
فوگ القاده جدمه ليسحگ
شـاهـر سـيفه رداد الـحـگ
ــــــــــــــــــــــــــــــــــــــــ
سيد منتظر الهاشمي
ــــــــــــــــــــــــــــــــــــــــ
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#نزله #فزاعيه
على الجواد واويلاه
على الجواد واويلاه
ــــــــــــــــــــــــــــــــــ
عطشان مثل حسين عطشان
مسمـوم مـات بـغـدر عدوان
مـوت الجـواد يـوارد حـسين
هـم بـاقـي بالـحر ماله دفان
ومثل حسين محد غسله وشاله
ومثل حسين محد غسله وشاله
ــــــــــــــــــــــــــــــــــ
هـم ضـل ثلاث ايـام مطروح
بهـداي ضـلـت تطـلـع الروح
مـوته تـره مـايـفـرق اهـواي
ميـت بسـم وحـسين مذبوح
فرق بس اعله صدره ماكو خياله
ومثل حسين محد غسله وشاله
ــــــــــــــــــــــــــــــــــ
متعيني هم ما شارب الماي
بالشمس باقي وما اله فياي
طايح بسمهم چبده ممرود
يشبه لـموت حسـين بهواي
ضـل مطروح محد منهم الجاله
ومثل حسين محد غسله وشاله
ــــــــــــــــــــــــــــــــــ
والهادي ضل اخلافه محزون
افراگ الجواد ايصيح ميهون
مثلك هظيمه يموت مسموم
واعلـيك خـلي اطـيح العيون
يالمـوتك شبـه لحسين وعـيـاله
ومثل حسين محد غسله وشاله
ــــــــــــــــــــــــــــــــــ
سيد منتظر الهاشمي
ــــــــــــــــــــــــــــــــــ
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#نزله
محرم.....يبتدي شهر الجرح
محرم......گلب زينب ينذبح
*
عذبت گلبي ابهلالك والدمع يصفالي
جبت أنواع المصايب وانت ما تبرالي
شهر بس نوح ومصيبه غيرت احوالي
هلال تجرحني ابطلعتك خيبت امالي
محرم....ينفجع وجه الصبح
محرم......گلب زينب ينذبح
*
شيبت گلبي ابعذابك ياجروح اسنيني
بالمصايب اگضي عمري ودموع بعيني
حسره زينب والهضيمه نايبات اونيني
ما اريد اهلال جيتك بالحزن تدريني
محرم...جرحي ماظن ينمسح
محرم.........گلب زينب ينذبح
*
نايبات اسنيني ظلت بيها هم اجروحي
كربله حزني وعذابي والمصيبه بروحي
امنين ابديها واسولف لو افسر نوحي
انه والمظلوم ننحب عالرمح مذبوحي
محرم......زيد اجروحي ملح
محرم .....گلب زينب ينذبح
*
هلت ادموع المصايب من يهل اهلالك
آه يحسين ومصابه بالحزن يصفالك
شيبت والهم خذاني سهمك وچتالك
تبتدي برسم النوايب لو تموت اشوالك
محرم....دهري ظالم مايصح
محرم.......گلب زينب ينذبح
*
حسبه تاخذني وتردني وبتدت بالحيره
والحزن ماصح نظيره قصتي وتفسيره
حيرتي بالوحشه صارت لو اروح الديره
وحدي وعباس طايح ياعظيم الغيره
محرم....صعبه راسك عالرمح
محرم.........گلب زينب ينذبح
*
تمت بعون الله تعالى
الشاعر يوسف الفتلاوي
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#شور كعديه
يابو فاضل
يابوفاضـل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تروح وتخليني وحـــــــدي هاي ابــــد ماحاسبلها
شلون بيـــــه وبعــــد ساعــه اعليه راح ادور كلها
غير كون وياي وادم وحـــــــــــدي شلون اگدرلها
زلم وتريدلها واحـــــد عـــــــــــده حيل ويوگفلها
،،
ياهضيمه تعوف اخيـــك يابو فاضل
ياهضيمه تخلي ضهر حسيــن مايـل
ياهضيمه اليوم اخوي اليوم رايـــح
ياهضيمه شايـــــل العباس شايــــل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الحيره مو لمن اجيتك مـــــن گمت عنك الحيره
للخيم حسبالي ماشي ثاري ماشي الغيـــــر ديره
هوه هذا التگضي اخوته بعـــــد مايعرف مصيره
موش بس واحد وگولن خله عــدي اخوان غيره
،،
من عفتني گمت بيـدي الموت ادوره
من عفتني كلها صاحت كســر ضهره
من عفتني شيبــن گلبي وعيــــــوني
من عفتي بعد ماضــــل شي اخسره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بعد غير الخيل محـــــــدر يگدر يعــــــدل گفاي
بعــــد بس عالموت ادور لا الراحـــــــه ولا الماي
هـــــــوه بس انته وعفتني بعـــد شمضيع وراي
يموت ابو فاضـل وضلن والله وسفه شلون هاي
،،
عميه عيني يالمطفي السهم عينــــك
عميه عيني گطعت گلبي بونينـــــــك
عميه عيني متــــــت ياعباس بيــدي
عميه عيني وعميه عيـــن الذابحينك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
روحتك مو هينه عـــــدي فرحت گلب الشماته
واحد يبشر بواحــــــد يالله ضلن بس خواتـــه
هذا اليگول ارد اذبحه وهـــــــذا الطوني عباته
سلبوني وانه يمك ذني اخـــــــــــوك الهاضماته
،،
ياكسرتي ابـــــن ابوي اليـوم طايح
ياكسرتي ابوفاضل عني رايــــــــح
ياكسرتي للخيــم رديـــــــت خالي
ياكسرتي عفت اخوي بدمـه سابح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#ثكيل منبريه
حنيت بويه اعليك حنيت
ليش بحميده هواي گطعيت
زعلان اعليگ.. گلب ابنيتك
يبدي كلشي من الرساله بويه روحي وياها راحت
من رحت عني وعفتني هناه احس اجدامي بادت
مدري گلبـي المات بيهـا مـدري روحي بيها مـاتت
فكدك يبويه يحـز بالعضام
امعيشني فكدك دور الايتام
مذبوح گلبي اعليك مذبوح
والشوگ گله بدمعي مفضؤح
زعلان اعليگ.. گلب ابنيتك
بـويه ويــنك تدري بـيه حيـل مـحتاجه الـحنانك
انتـه رايـح ليش عنــي والبـعد يــاخـذ مـكـانـك
يـاأمـان الجـرح گلـبــي ليـش مـاحـس أبـامــانـك
ماطاب جرحي بـويه ماطاب
سلاب هـجرك والله سلاب
مخنوگه والله وحالي تعبان
نيشان بـيه الــوجـع نيشان
زعلان اعليگ.. گلب ابنيتك
بـويه مرني بحـلم ليله اريد اسولفـلك ونشـدك
بويه تدري زغـيره انـه وانته والله جبـير فكـدك
انته روحي المـوش اليه وانه ادري روحي عندك
يابـويه مسلم تــجري العـيون
مسجون كلشي ابروحي مسجون
يابويه گلبي اعليك مشتاگ
حــراگ دمـع العيـن حرأگ
زعلان اعليگ.. گلب ابنيتك
انته تدري الشوگ يكتل والمـسافه اشكـد بعيده
بويه حـالـي انه خطيه وحظـنك الدافي اريـده
دنيه مـارحمت غـربتك اشلون ترحمها الحميده
چلچل عليه الحزن واليل
والدمع چن تيزاب ويسيل
مسموع ون الوجع مسموع
مثل الجمر يلسع بالضلوع
زعلان اعليك.. گلب ابنيتك
فرهدانه الوكت بويه وطش سوالفنه اعله غفلـه
گلي يابعد الـطوايف المـثل رسمك ويـن احصلـه
حزنك اولام اعله طولي بملكه منك ارد افصـلـه
ينشاف حزني بعيني ينشاف
المثـلي تدلل موش تنعاف
ويـاك راحت روحـي ويـاك
ويوميه احن انه عله ملكاك
زعلان اعليگ.... گلب ابنيتك
فصلت حزنك عليه وصرت اعدهن شيبه شيبه
نار گلبه أچـوي چبـده الـيتركه الـوحـده حبـيبه
وانه عيني اتريد وجهك بالله گلي امنين اجيبـه
حسرات اجر بالنفس حسرات
وشوغات ترست روحي شوغات
ملهوف حكه الكلبه ملهوف
الفاركله والـد بيمن ايشوف
زعلان اعليگ... گلب ابنيتك
لخادم الحسين ع•
علي الحموداوي
ــــــــــــــــــــــ
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
حال لسان كل خادم
موعظه
#موشح
.
.
من اموت اشلون كلي بحالي
انـه متروسه معاصي اسلالي
.
.
محمله ذنوب الحمل كلش ثجيل
تغرك بساع السفينه بس تميل
هناك ما ينفع المال ولا خليل
راح يبره الغالي من كل الغالي
.
.
هيه حيره وما الي غير الحسين
النار ما تطفيها بس دمعة العين
خن تحاسب بيش خلصنا السنين
اسنين مـــا بيهن نفع لتالي
.
.
دنيا ما تسوه وعلي صم التراب
هنه جم يوم ويجي وكت الحساب
بكيفك انته اختار جنه لو عذاب
اطلب الرحمه ورضات العالي
.
.
اليوم بيه الحيل هم عندي ولد
راح كلشي يروح مني ومـا يرد
باجر اشلون بغربتي و اللحد
يروح كل تعبي التعبته ومالي
.
.
عندي بس حل الوحيد بدنيتي
غاد ينفعني امن اموت بغربتي
مــــن ارخص بالعزيه دمعتي
حيل خايف كلشي يتراوالي
.
.
حسن صالح العيساوي
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#شور كعديه
مايله الدنيا اويه زينب مايله
مايله الدنيا اويه زينب مايله
ــــــــــ
مايله اوياها وكلبها منكسر
جروح فوك اجروح خلصان العمر
تالي ما تالي يجتفها الشمر
بالخرايب تنسبي اويه العايله
مايله الدنيا اويه زينب مايله
ــــــــ
بت علي الكرار قالع خيبره
بصايه العباس هيبه امخدره
شلون حال البطفوف امأسره
فوك هزله والمدامع سايله
مايله الدنيا اويه زينب مايله
ــــــــ
صار ظلمه الكون من غاب الكمر
عين يم حسين عين اعلى النهر
بطيحة العباس مكسور الظهر
عيون من كثر البواجي ذابلة
مايله الدنيا اويه زينب مايله
ــــــــــــــــــ
ذاك جسم حسين ينزف عالارض
شايطه وللتل اجت زينب ركض
تصيح خويه تصيح بلكت ينتهض
فوك صدره اتشوف خيل الجايله
مايله الدنيا اويه زينب مايله
ــــــــــــــــــ
جانت بجال الكفيل امدلـله
شافت الما مار بيها بكربله
كبال زينب صار يضحك حرمله
جاب راس حسين بيده وشايله
مايله الدنيا اويه زينب مايله
ــــــــــــــــــ
نار زينب ما يطفيها الدمع
ولا يطيب امصابها ابلطم الضلع
جان لامن صوت الها الينسمع
زينب امجلس زلم ما داخله
مايله الدنيا اويه زينب مايله
ـــــــــــــــ
ابو باقر الساعدي
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#عگيلي
ليـــله أتـــــودع أبنــــوح الأكبـــــر
*
لو رايـح يبني وضــي عيني
للمـوت أوحــــدي مخلينـــي
فــدوه لطولك ريــت اسنيني
يا يمــه ولا أشــوف أمــوذر
*
آخـــــر ليله ويـــــــاك اليلـه
وباچر گــلب امـــك يـا ويله
بـس المدمـــــع تبقـه تسيله
مـــن أنظـرلك يوليدي مطبر
*
آخـــــــر ليله انظــر بـــدرك
أنظـر طـــولك وأشتـم نحرك
باچـــر خيل أدوس أبصدرك
وأتظـل عالتـــربــان أمعفــر
*
آخـــر ليله وبـاچــــر فـــرگه
باچــــر گلبي النار أتحـــرگه
وحسين الخيالـــــه تسحگــه
وعالغبره يظل دامـي المنحر
آخـــر ليله أبهــاي أيامـــي
تتفرهد مـــن عندي أحلامي
باجــــر نــــار تشب بخيامي
وبالنار يـــــوج ستــر الخدّر
*
آخـــر ليله وأنظــــر باچـــر
مــــن يطلع مصباح العاشر
گلبي بلوعاتـــه يظل حايــر
جمراتـــه لفگدك تتـــوجــر
*
باچـــر يوليدي أيســـرونــي
وللشـــام أعـــداك أيوّدونـي
وأنظر راسك وي أضعـونـي
گلي أشلون أنظـرله وأصبـر
***
الشاعر
موسى البديري
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#شوط كربلائي
تعالوا انــــــودع المظلوم
هل الليله الوداعيه
ونودع زينب بهل الليل باجر تمشي مسبيه
**********
ياشيعة علــي الكرار الطموا وهلوا مدمعكم
اتركوا النوم هالليله وحيوها ابمجالسكم
ونوحوا ليـــلكم كله وعوفوا كل مشاغلكم
المهدي وفاطمه بنوحون ويحضرون مــأتمكم
عدهم دفــتر الجنه يسجلون الجلب ونه ودموعه غدت حنه
فاز البيه سجلته ام الماشرب ميه
**********
ليلة عاشر ابعاشور زينب عايشها بهمها
تعنت خيمة المظلوم تلكاها وكعد يمها
سولفلي يماي العين هاي الوادم اشلمها
سولفلي يبعد اهلي وختك كلشي علمها
خبرني ينور العين شنهي مخبي ليه البين لاتخفي علي يحسين
باجر يبن داحي الباب اشيجري اعليك وعليه
**********
كللها يبـــــــت حيدر بس هالليله يعيوني
ولوصبح صبح باجر على الغبره يذبحوني
مكـــطع وذر عالتربان كوم العده يكطعوني
وبعدها يااخت عباس تشوفيهم يدوسوني
وضلوعي يكسروها وعيالي يسلبوها على الهزل بصعدوها
وانتي بلا ولي ترحين لرض الشام مسبيه
**********
لمن سمعت المظلوم الحره اكصدت كافلها
من شاف الكمر زينب هلا بزينب يكللها
تكله ياكمر عدنان ودموع العين تهملها
باجر كلي اخوك حسين اخــتك مايضللها
كلها تروح ولياها يوكع صاحب الواها وبس اطفال وياها
وجيت الخيمتك عباس يل اللي اتكفلت بيه
**********
اختاض وكلها يازينب ايخسه كلمن وصل يمج
ابوجود الكمر ياحره بالطف كلشي لايهمج
شنهي الكوم وتهمج اطشـــرها وحك امج
لخليها جثث عالكاع ومحد يــــدنه لخيمج
تدريني انا الكافل وسيفي ابيمنتي حامل عالحك ابد ماجامل
اكلبها كلاب اليوم وخلي الكوم مفنيه
**********
الله يساعد الحره يشيعه بهاي حالتها
الليل تخلصه باهات وبس تفتر على اخوتها
مامرت على مخلوق ولاحتمر مصيبتها
تكضي الليله بالحسرات واسوها يشيعتها
تبقه الليله حيرانه كل الليل سهرانه دموع العين جريانه
وياناس الصبح لوطر اظن تلفيها المنيه
**********
خادم اهل البيت / ابومحمد العاشور
" اللهم بعطش الحسين والهِ عجل لوليك الفرج"
𒆜 قناة قصائد زنجيل مكتوبة 𒆜
/channel/alhusseinabaabdlah
𒆜 كروب قصائد زنجيل مكتوبة 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313