-
Mohsen Aljabri
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
افضلَ اعمالُ امـتيِ انتـظارُ الفرج
#######################
1
عن نبينا الهادي منسوبه الروايه
وبسند مُوثوق عدنـه وابـدرايه
افضل اعمال امتـي من گال هاي
ربـط گلـبك بالأمـام وبـالولايـه
وجب تمهيدك اله وبالولايه انبهج
افضل اعمال امتي انتظار الفـرج
###########################
2
وعن ولينه المرتضى حامي الحميه
يا كميل ايگله اسمـع هـالوصيه
اني مفتـح العلـم لـهل البـريه
ويختم اسرار الحجج مهدي الزچيه
بنـا ميزان العلـم وبهِ سـر الحجج
افضل اعمال امتي انتظارُ الـفرج
###########################
3
بغيبة الطوسي اللي ينـقل جمل كلفه
وعن لسان المجتبى الـمايـرد چفه
ابعنقنا بيـعة الطـاغي ونـعرفـه
اله مهدينا اليصـلي عيسى خـلفه
اليوده انصلـح واليعوفه انعوج
افضل اعمال امتي انتظارُ الـفرج
###########################
4
وبأمام الحب اسولف وبحـنانـي
الحنين حسين بـخيامه خذانـي
هو علمني العشك وشلـون اتـاني
وكلشي افني لازم الصاحب زماني
خادم الفعلاً صدك ويه الامام اندمج
افضل اعمال امتي انتظارُ الـفرج
###########################
5
وصاحب الدمعه الجريه بأي مكان
ينقل احداث وعـبر بيـه الامـان
اقصـد السـجاد وبـكتبه الضـمان
يگول اهل الغِيبه افضل كـل زمـان
الأنتظر غائبه ابـحيـاته غمـج
افضل اعمال امتي انتظارُ الـفرج
############################
6
وباقر الشيعه يناس الخبـر ذاعه
هواي أكـد عن ظـرورة اتـباعه
ولو ان المهدي ما موجود ساعه
چان ماجت هالارض موج ابضياعه
مثل موچ البـحر صارت ابلا حجج
افضل اعمال امتي انتظارُ الـفرج
###########################
7
وعن امام الصادق الحجه كلمته
يحچي عن المهدي ويهل ابـدمعتـه
من انسأل عن الامام وعـن طلعته
لو دركتُ المهدي لبروحي خدمته
بعده ما منولد واله ابروحه نهج
افضل اعمال امتي انتظار الفـرج
#############################
8
سابع انوار الهدى موسى ابن جعفر
عنده قول ايفسر ابمنـزلته واكـثر
الـدعه للمهدي بالطلـعه وتـنْور
چن مقاتل بيد طه ومنطـي منحر
ابدُعائك الـه اسمك وياه اندرج
افضل اعمال امتي انتظارُ الـفرج
#############################
9
والامام الضامن الاثلـج فؤادي
كلمته صارت صدك هي ضمادي
تجري للمهدي دمعته وشينادي
غيبة الحچه يناس انفت رقادي
دمع عين الرضا ويه الشراب اندمج
افضل اعمال امتي انتظارُ الـفرج
#############################
10
والجواد ابن الرضا المهيوب كـله
عيش المهدي ويه روحه وصار ضله
المهدي منا يگول والله شگد يجـله
ولو بقه بالدنيـا يوم ايطـول لجله
نوره لازم يشع وللبريه انـورج
افضل اعمالُ امتيِ انتظار الفـرج
############################
11
والصدوق ابكتبه ينقـل هـالرسائل
وعلي الهادي اليروي لا مـو قول قائل
ينجي الله ابغـيبة المهـدي اليـنـاضل
واللي مـاهـم بالـفرج معناته غـافل
اليواضب صدك مـا يعيش ابحرج
افضل اعمال امتي انتظارُ الـفرج
#############################
12
والامام العسكري ياشيعه خصكم
وبلطف نور المعز كلكـم شملـكم
وگـال ادعوله الفـرج لـمن ذكركم
لأن تعجيـل الفـرج بـي فرج الكم
بفرج ابني تـره بـي تذوب المهج
افضل اعمال امتي انتظارُ الـفرج
#############################
سيد محسن الجابري
#موشح شهادة الرسول الاعظم ص
يا نبي الرحمه يا سر السمه
الدين عاش بأسم والد فاطمه~~
الدين عاش بأسم خاتم الانبياء
شكثر انطه اجروح واتحمل عناء
اليوم مفجوعه بمصابك هالسماء
والأرض حزنانه كلها ومضلمه ~~
يالترف طبعك ولا مثله طبع
يا ثكلها جدامك الما تنسمع
يا سلاسة حجيك بنص الربع
زمرة الأحقاد ذيج الضالمه ~~
خلصت ناس شكثر من الضلام
ناس جانت لا حلال ولا حرام
بيا مكان تروحله تخضر كلام
ايقضت ذيج العقول النائمه ~~
يالي شخصك بالوصف ما ينوصف
يالي خيرك فايض وكلك عطف
ابيتك القران خط اول حرف
وكمله بعدك علي حامي الحمه~~
للفقير اتصير يالهادي وطن
واليتيم اتحسبه جن مثل الحسن
انطيت كلشي وثبت هالدين بعلن
وأسست بيت الكساء الفاطمه ~~
فاطمه بعدك تره تبجي وتكول
بعد عمرك كون عمري مايطول
ضاجت الدنيا بدمع هاي البتول
وبنت بيت احزانها بحزن السمه
سيد محسن الجابري
مشايه گصدوا كربله يم الحسن مـشايه
#########################
زلـم .. ما همهم خطـر
زلـم .. يفدون النـحر
زلـم .. كافلهـم گـمر .. يبـقه عباس
خيـم .. نصـبوا بالدرب
خيـم .. اتسـر الگلـب
خيـم .. اقوه من الحرب .. يبـقه عباس
الخدم للخدمة دگوا ثايـه
وللعزاء والدمعه رفت رايه
كـل عمرنـه ايصير بس قرايه
واقـل شي عدنه يوادم هايه
ما نتعب احنـه اللطامه (هوسه)
بالطـم نگضي هالعمـر بالتضحيه وبـقرايه
مشاية گصدوا كربله يم الحسن مـشايه
############################
خـدم .. وملوك العصر
خـدم .. يچون الجمر
خـدم .. لا ما تـنكسـر .. رجوا الگاع
نبـض .. خطوتهـم تدگ
نبـض .. ابـگلب العشـگ
نبـض .. صـاروا من صدگ .. رجوا الگاع
الخـدم شـدت احـزام الخـدمه
وتشـكر البـاري اعله هاي النعمه
الـيزور حسين جـنه ابـأسمـه
واللي يمشي الارض حبت جدمه
والضدنه خل يطم روحه
الگمر حاضرنـه تره وبچفـه شال الرايه
مشاية گصدوا كربله يم الحسن مـشايه
##########################
وطـن .. بي دوم الرفض
وطـن .. بي اقدس ارض
وطـن .. ابطول وعرض .. باقي الاسلام
شعب .. اول بالكرم
شعب .. اول عـالأمم
شعب .. اعله من الهرم .. باقي الاسلام
عود حاتم بالكرم خل يحسب
احنـه ازغرنه ينـاس معـزب
ابـو الموكب باليـزور مچلـب
ومـن كثـر خـوط الجداري محدب
ومحـدب ويـوزع بيـده
ويفور جدره بكل وكـت للـزهره منطي حچايه
مشاية گصدوا كربله يـم الحسن مـشايه
############################
روه .. كلشي بي ضمه
روه .. باملاك السمـه
روه .. حضرت فاطمه .. ام الحسين
شرف .. تبـقه كربله
شرف .. يـازايـر هله
شرف .. كلشي انوي اله .. ام الحسين
شرف خدمتنه ابكبـر معناها
الله لجـل حسينه سـواها
عيش بيها وابقه دوم ويـاها
انسه كلـشي وهـي لا تنساها
بـالخدمة بـاجر تتبـاها
ويفوز باچر بالحشر كلـمن يثـوب مـايه
مشاية گصدوا كربله يم الحسن مـشايه
##############################
درس .. للعالم صبح
درس .. والصوت الصدح
درس .. للـدنيـا فـتح .. حضن للحسين
عـبر .. ينـقل للزمـن
عـبر .. اتـذل الفـتن
عـبر .. صارلنه وطن .. حضن الحسين
سفره مدوها اهـل هـالمنبر
من مـياه البصره حـد المنحر
يـالبعيـد اتـمعن ابهـل منـظر
شـويه دانش فكرك واتفـكر
يتنـدم كـلمن مـا زاره
يخسر الدنيا واخـره المس الخدم بحچاية
مـشاية گصدوا كربله يم الحسن مـشايه
#############################
سوه .. نـهتف بـالعهـد
سوه .. وانـريد المـدد
سوه .. الغايب وشبعد .. يمته تظهر
نزف .. مولاي العمـر
نزف .. عجـل بالأمر
نزف .. اليـمته ننتظر .. يمته تظهر
ابو صـالح طـلعته التهـمنه
واحنـه ندري بـهالزياره يمنه
برايته چايمتـه نلـتم كلـنه
ويـترس الدنيا عـدل ويلمنه
والمهـدي يلـمنه بذرعانـه
وبراية وحده ننجمـع والغايه نفس الغايه
مشاية گصدوا كربله يم الحسن مـشايه
###############################
#سيد_محسن_الجابري
واويلاه ياسيدي واويلاه
####################
الرابع ضوه دك الگلب والدمعه تجري
حب الحسن من الزغـر بهروشي يسري
مقصر اله حيل اعتـذر بتقصيري ادري
مو دمعه كون اجري اله انـطيله عمري
واويلاه ياسيدي واويلاه
######################
هـذا الامـام المجـتبى الـمظلـوم بـأمـره
واجب نقيم احنه العزه ونجريلـه عبره
صاحب فضل يبقه الحسن للكون باسره
روح النبي وعيـن الولي ومهجة الـزهـره
واويلاه ياسيدي واويلاه
#######################
افضاله خير اعلى البشر وتاريخه يشهد
وليحبه وجه ابيض صبـح والضده اسـود
و لازم نـشيـد بـالـگلـب للـحسـن مـرقـد
حتـه من نلـطم عـالصدر چـن زرنـه احـمد
واويلاه ياسيدي واويلاه
########################
العندي ما يكفي ابـد عشـر اللي عـنده
ثبـت قـواعد للشـرع الأسـسها جـده
بالتـضحيه الاول صـبح والـهم تـصده
ما گدروا اعليه بالـوجه دزولـه جـعده
واويلاه ياسيدي واويلاه
#########################
لـو ردنه نحچي عـالكرم ولـو ردنه نكتب
منـوفي اشويه الـه شمـا گـمنـه نحـسب
ديوانه فـايض بـالـعطه من الـگشر للـب
ومـره نشـوفه قـائـد او مـره الـمـعـزب
واويلاه ياسيدي واويلاه
###########################
وبالخاتمه ايطول الحچي لـبن الـزچيه
فـتـتـوا چـبـده بــالـغـدر بـسم الـمنيـه
وحـسين ضـل يـمه يـون بـطشت الاذيه
يحسين چبدي اهون تره من الاعـوجيـه
واويلاه ياسيدي واويلاه
############################
#سيد_محسن_الجابري
للأمام الحسن عليه السلام
#لحن ثاني
شما نكتبك .. ما نوصفك
يالحسن بيك.. عاش طفك .. يامولاي يالحسن
##########################
للحسن .. بدموعي اسولف ما يلي
بالزمن .. ناصب ضريحه ابداخلي
بالمحن .. وكت الشدد واگف الي
مقصر الك انـه اعتذر مولاي سامحني
اسمك علي لمن يمر اهواي يجرحني
طيفك على رموش السهر يوميه ذابحني
اخفي عشگ گلب الجمر بس دمعي فاضحني
مـره اكتبك .. مـره اندبك
گلبي سولف .. صاح احبك
#############################
بالفضل .. لو نحچي انته اول علم
بالاصل .. صرت الوتد لهل الخيـم
بالفعـل .. ميت ويرموك ابسهم
شما نقره ببطون الكتب ما ينكشف دورك
گاموا يحرفون ابجهل عالا يضل طورك
رادو يطفوك العده بس عالي ضل نورك
رغم الظلم يالمجتبى مشيت دستورك
الما يعرفك .. ما يثمنك
كلشي بينه .. خيره منك
##############################
يالهرم .. علمك وسع كل الارض
بالكرم .. خيرك ولا لحظه يفض
موحرم .. نبني ضريحك بالنبض
صدر المحب من يختنك تتنفسه الريه
وضل اسمك ابگلبه يدك يـالحسن ليـليه
اليندبك وشايل جبل اتگلـه مگضيه
وتگضي الحوائج سيدي للمـاله ذريه
مـا ترده .. العده شده
خيرك هواي .. وهو وحده
##############################
بالعقل .. لو نقره عنك سيدي
نستدل .. بيك الشراره تبتدي
للـهزل .. چن ماي صاير للعبي
خطيت احرف من ذهب رغم الحكم ظالم
هيئة كلشي يالحسن لحسينك الـعالم
ولكل فرد صرت الهوه هم قائد وخادم
سمـوك وسفه سيدي بس عاشت الوادم
كِلـك ايثار .. بدرب الاحرار
بفضلك الناس .. تمشي زوار
############################
بالحرب .. ينقاس چفك چن رمح
بالدرب .. تطوي الارض ليل وصبح
بالگلب .. اخفيك يالـگلبك سمـح
لو بسمك الساني يهچ يرتاح دلالي
لو شفت حاتـم بالكرم اتمر على بالي
انته الضوه لهاي النفس مولاي والغالي
لو بيك انه اكـتب حـرف اي والله هنيالي
شگدر اكتب .. شگدر احسب
انته الـهواي .. واني مذنـب
سيد محسن الجابري
بويه الدللتني .. بويه المن عفتني
حاجيتك تجيني .. تالي مسمعتني
###########################
رقيه بنتك التحجي ... يبويه اللي تحبها هواي
هاي الدللتها اسنين ... كعدت بـالخرايب هاي
مشتاگه ارد اسولفلك... يبويه استمع شكواي
ارجع خن اشبگك حيل... ارجع ما نريد الماي
بس ارجع يغالي .. شوف شلون حالي
بنـتك عـذبوهـا .. ورم بويه متني
###########################
تخاف عليه من الريح.... چنت وهسه گمت انطگ
وما ابچي بچي بدمعات.... من الضـيم گمت اشهـگ
ضيم الثکله عشته بيوم....ونار همومي ما تخفـگ
من كثر الضرب بالسوط....ابشرك صار جسمي ازرگ
يا حلـو المحاچي .. جروها التراچي
دم تنزف اذاني .. ومـن رمحك شفتني
############################
يبويه من بعد عينك.... عيون الضعن لا متنام
حرگوا خيمة الاطفال.... ومشونه ابطريق الشام
نرگض بالصحاري شلون....نركض والطريق اسهام
كل خطـوه الخطينـاها..... نتـچوه ابجـمر الخـيام
نـرگض بالصحاري .. بوية وانته عاري
ادري يلچمك هواي .. دمعي وهاي ونتي
############################
ما احمـل تره فرگاك .... والـعدوان عذبـوني
من اهوال يوم الطف.... تـدري شـدوا عيوني(بها روايه)
وبخيمة علي السجاد..... يبويه وحدي خلوني
بس فزيت من النار...... شتعلـت بهلي وضعوني
بويه بهايه شتگول .. ما شفت انه الخيول
مـاردت انه الطفوف.. بس انته الـردتنـي
#######################
عبالي بسفر رايح .... ولابـد شـده وتعـدي
كل ضني ترد بساع.... ونـرد الـوطن جـدي
گضيت الليالي هموم... ودمعاتي ابطرف خدي
وراسك من يجيني الليل... ياخذ بيـه ويـودي
وفزيت ابمنامـي .. بس راسك امامي
جسمك عفته عالگاع .. والـكافـر يعتـني
#سيد_محسن_الجابري
https://youtu.be/CYiMlOhkMvA?si=Hk9oDXP0yaHiw3hI
Читать полностью…
بسم ام الگمر تگضي ( بس الفاتحه اقراها)
##########################
لـم الاربعة الابطال
شافت من حزنها اشكال
خـلي اعليهـا بس لثگال
دوم ويـاك تلگاهه
.... بسم ام الگمر تگضي
############################
بـنارك هيه لطـفي
دوم اتكفي وتوفي
ومن اكبر مرض تشفي
الله رحمه خلاها .... بسم ام الگمر تگضي
#############################
اطـلب حاجتك منـها
بحزنك شارك ابونها
بالك تـبتعد عنـها
بـالمجلس تلگاها..... بسم ام الگمر تگضي
##############################
باب الحـاجه تدريها
دومـك افتـخر بيهـا
ثـق الحـاجه تـگضيها
ايـه ابكـبر معناها ..... بسم ام الگمر تگضي
##############################
لو جبل صدك شايـل
وحيلك بايـد ومايـل
گـلها اعـليج ابو فاضل
لـذب اچفـوفه وانطاها...... بسم ام الگمر تگضي
###############################
ذب اسـرارك اعليها
بصدرك حرز خلـيها
وبـعد لا تـوصيهـا
دوم ايطيب ادواها ....... بسم ام الگمر تگضي
#سيد_محسن_الجابري
#لسان_حال_فاطمه_العليله ع
#امنيتي_هاي
كون امشي ويه الضعن امنيتي هاي
وابو فاضل هـوه لي گـلـي تـعـاي
ويه البنات انحب ... وابچي وِ زينب ... امنيتي هاي
########################
علّتي طابت وهَسه امـحزمـه
ومو عليله اعليـه گـولوا فاطمه
الحضـن ابويـه ياخلـگ متـعلمـه
ريت اروح اويـاهم الطف الضمه
حته ألعب ابني عبدالله الزغير
وما اخلي ينحب ابطول المسير
رايـده اتـعذب .. وابچي وِ زينب ... امنيتي هاي
##########################
مو صعب عندي التعب ما اهم اله
بَس صعـب كـلش اعوف العائله
انصير سبحه بسمله بصف بسمله
وكـون ما ارجع واموت ابـكربلـه
كون اموت وانه صايبني الذهول
ومثل ابويه ادوسني كون الخيول
ونفسه اتخضب .. وابچي وِ زينب .. امنيتي هاي
###########################
حضن ابو فاضل الي هـوه النعش
وهم نفس الاطفال اصيحله العطش
رجف كلشي ابـروحته وگلبي انخدش
وحصل الماي ولچـن صدره انـفرش
وراح ابو اليمه اله او هوه شـاب
وصل شايب للخيـام وبـي تـراب
طوله امحدب .. وابچي وِ زينب .. امنيتي هاي
##############################
ويه عمتي زينب ابقه انه احتمل
وهـم يشدون ايدي ابـذاك الحبـل
حالي حـال اطفـال زينب انسحل
واصعد اوياها لمـن تصعد هـزل
نصعد النوگ ابـچي ونوح ونظر
وانـي هم وياهن ارد اشبع قهـر
والدمع ينصب .. وابچي وِ زينب .. امنيتي هاي
############################
من بعد حرگ الخيم ودوس الجمر
نـگعد ابـذيج الخـرابـه الـتنذكـر
وابـاب ساعـات القـهر شگد ننتظـر
وبـعد ابـوفاضل يمـشينه الشـمر
وابقه سهرانه ورقيه مـاتـنام
حته لتفـز خايفه ابـذاك المـنام
بدالها اتسلب .. وابچي وِ زينب .. امنيتي هاي
############################
هالحچي ابـگلبي بقه وشـگد نحت
ويـاهم امنيـتي اروح ومـا رحت
كلشي اشوفن چنت اريد وما شفت
وردت امـوت ويه الضعن بس ما متت
وبالخـتام اتعـذبت من هـالسـفر
ومن اجـو يـاناس مـت امن القهر
متت بس انحب .. وابچي وِ زينب .. امنيتي هاي
#سيد_محسن_الجابري
فركتك تمحي الاماني .. يبني يبني
لمـوتتك جـبنه الصواني .. يبني يبني
حاسبه احساب العرس .. تالي عفتك بالشمس
يبني يبني
############################
يبني بعدك ابد ما ضل بمك الحيـل
الصبـح انـحب علـيك وابچي باليل
ريتك انتـه يالـولد لجـنازتي اتشيل
ابد ما حسبـت يـمه ادوسك الخيل
لعمرك احسب گطره گطره .. يبني يبني
هسـه المـك وذره وذره .. يبني يبني
يالچنت بيـه تحس .. تالي عفتك بالشمس
##############################
يمه تدري الگلـب ليش اعليك مكسور
من حضن امك رحت الحضن الگبور
ريحتك يوميه اشمها ويـن ما ادور
وابدي اگلـب ذكره ذكره بيوم عاشور
جرحك ايهيج المواجع .. يبني يبني
وابـد متجـف المـدامع .. يبني يبني
غارس ابروحي غرس .. تالي عفتك بالشمس
###############################
يمه كل لحظه واگـولاً بلكت اتـرد
وابقه اطلـع بالهدوم ويمهن اكعد
ويمه ذكريني ابعرس يوميه اردد
يبني هذا احساس كـل والده التفگد
حنتك صارت ابدمك .. يبني يبني
وأهم من العرس عمك .. يبني يبني
غالي واغله من النفس .. تالي عفتك بالشمس
##############################
اخ ياحـزن الولـد ما يقبـل ايـهيد
يمه ياسباح گلبـي جرحـك ايـزيد
يبني تدري الـوالده من اوليدها تريد
تحسب احساب الكبـرته بـلا مواعيد
هاك اخذ اعيوني ذني .. يبني يبني
عليـك ياجسام عمنـي .. يبني يبني
يالچنت انته الونـس .. تالي عفتك بالشمس
##############################
يمه صح جرحك ابگلبي ينبض احساس
لچن يا جاسم ابـفعـلك رافـعه الـراس
انته خليت الشباب اعليك تنـقاس
مثـل درس الخوه صارت بسم عـباس
صرت للفاهم قضيه .. يبني يبني
لمن طبقت الوصيه .. يبني يبني
صرت لبعـمرك درس .. تالي عفتك بالشمس
سيد محسن الجابري
حكاية
مـن ذاك العـالم راح انقل حـكايـه
لم المهدي العاشت مثـل ال سـبايـه
بعالم الجنه المأمون .. نرجس تحجي ويه ام عون
حـكايـه
_________
بدمعاتي اشرح فكرتي والدمعه لو طاحت رزق
بكل نيه شديت العزم وانويت اوصلها ابصـدق
بقصتها ياما دورت وقريت قصتها ابعـشق
نرجس يناس اتعذبت وفتـرت الغرب وشرق
ام المهدي هواي سوالف عليها
رادت يم ام عون تخلص بجيها
قصتي تبين بالمضمون .. نرجس تحچي ويه ام عون
حـكايـه
_________
اتخيل وياي اشجره وافتـح دليلـك و استمع
من ماتت نرجس فاطمه تلكتها زينب بالدمع
يازينب احجيلج ردت وادري انتي اعرف بالوضع
من اول لحظه من اسلمت چن منكسر بيه ضلع
من اول لحظـه وضدوني العشيره
رغـم يسموني هـم چانـوا الاميـره
غيرت اسمي ومايدرون .. نرجس تحچي ويه ام عون
حـكـايـه
__________
بعد البچي وذاك الحزن موضوعي لنـاس انطـرح
جتنـي الزجيـه بالحـلم حضـنتني وگلـيبي انـشرح
بهالحضنه حيل استغربـت ونار القلق بيه انطفح
لزمتني مريم بـالحلـم وگـامـت تنـوح امن الـفرح
صدتلي مريـم والدمعـه بجفنها
كلتلـي الـزهراء اتـريدج لـبنـها
يعني اتصيرين ام الكون.. نرجس تحچي ويه ام عون
حكايـه
________
ضيم العبي ودرب الغرب ونار الخيم ويه المتن
كلهن عشتهن بالحـرب وضل ناگـع هوايه الچفن
ضليت اعثر بـالجدم وكل خطوه امشيها و أون
مشوني نفسج بالسبي ودخلوني تاليها ابسـجن
بهذا الضيم العشته وشفت الأذيه
بلـكت ويـاج ايـسموني الـسبيه
بلكت امشي ويه اليمشون .. نرجس تحچي ويه ام عون
حـكايـة
___________
بذيـج المأسي البـالحرب حضرته وياي الچـفن
السوك النـخاسه اتوجهت ورادوا يبـيعوني بثمن
شِميت ريحة فاطمه بمرسال الهادي و الحسن
ارتاحيت من هذا الجره وحسيت روحي ويه الضعن
تحقق حلمي بلحظه وضليت اتاني
من ابن الزهره المرسال الأجـاني
وعيون تسولف بعيون .. نرجس تحچي ويه ام عون
حـكايـة
___________
جاوبت زينب بالدمع وعيـون الملاگه جـمر
كالت يـانرجس فاطمه ويـانه اسـمج ينذكـر
الله اصطفاج وفضلج چي شافج تل امن الصبر
حافضتي عالمهدي بـتعب والبـاري يعظم بالأجر
كفيتي ووفيت هوايـه و رحيمه
ماقصرتي يم المهدي العظيمه
انتي ام السر المكنون .. نرجس تحجي ويه ام عون
حـكايـه
سيد محسن الجابري
ليوسم ابصدره .. ابمجلس الزهره .. باجر تره تنصره
امنه الزچية
###########################
عن دراية انسولف ونحچي النـريده
و بـالروايـات الصـحيحة والأكـيده
الحضر مجلس عزه الزهره ابـعقيده
هذا مـو كيـفه اجـه الزهره تـريده
اليحضر اتحضره .. ابمجلس الزهره .. باجر تره تنصره
###########################
وعن امام العسكري البيه ارتـقينه
وابـفضل امـه الزچية اشگد قرينه
احنه حچه عليكم وحچه حچـينه
وحچة الله الـزهره يـا وادم علينه
جا فضلج اشكبره .. ابمجلس الزهره .. باجر تره تنصره
###########################
اليواضب بالعـزه وبحسـن نيـه
يلگـه بالمـجلس اثـر مـن الزچيه
توزع الدمـعات حتماً كل مسيه
ومثل فـرت الرحـه تفـتر بـالعـزيه
والمجلس اتنظره .. ابمجلس الزهره .. باجر تره تنصره
#############################
بـالقيـامه بـاچر اتـصير الشـفيعه
ودفـتر الخـادم يضـل بيـد الوديعه
وبخضم اهـوال الحساب الـمريعـه
مثـل حـب الـزهرة تـلگطهم الشيعه
اسمك تره تذكره .. ابمجلس الزهره .. باجر تره تنصره
##############################
اخلص ابنيتك يخادم من تجيهـا
ولو جـبل هـمك صـبح خله عليها
هـيه ام الكـون كـله وام ابـيـها
لو نـقدم كلـشي مـا نوفي بـچيها
ليسرها اتـسره .. ابمجلس الزهره .. باجر تره تنصره
##############################
وبالختام اهدي الدمع للبچت عينه
اقصد المـهدي ابـو روح الحـنينه
فجـر نـوره طـول ويـمته يجـينـه
ندعي الله ابفـاطمة ايعـجل علينه
محتاجته الفقره .. ابمجلس الزهره .. باجر تره تنصره
سيد محسن الجابري
#ميمر لشهادة الرسول الاعظم ص
اليوم السمه .. تذرف دمه .. تنعه اعله والد فاطمه
والعنكبوت البالغار يدمع حزن لزهره
~~~~
نادت الزهره مودع الله الغالي
عكبك صفه بس الحزن يبرالي
ريتك تشاهد بويه بعدك حالي
طگني ودفع بابي و صفع ومن عندي جن محسن وگع
ونيران يابويه هواي وشحجيلك اعله السطره
~~~~
خانوا وصيتك يالنبي وغدروها
ودار الوحي بعدك تره حركوها
وبتك يبويه العده حيل اذوها
الكون انعمه وسابع سمه بحكم السقيفه الظالمه
للعالم يريد الخير لبيت النبي يبث شره
~
أتكله بويه فدوه ارحم بنتك
ريت العمر يابوي يخلص بعدك
وياك اعيش وكون اموت ابلحدك
رغم المحن وجور الزمن كللها يا ام الحسن
انتي اول وحده تعيشين يمي وتطول النظره
~~
دمعت الزهره بهالخبر وبتشرت
بنفس الدقيقه ناحت وهم فرحت
فسريلي كلها عيونج المن دمعت
دمعي الترف وبابي الصلف ومصابك اهوايه كلف
براحه اشعر وياك وبدونك اهوه الحسره
~~~~
من ونة حسين الحجر ون وياه
والحسن بهروش الكلب ضل ينعاه
وزينب بعدها زغيره وتصيح اااه
سيل الدمع مثل الشمع وبحركه تلطم عالضلع
ما تطفه بضلوعي الاه وبكلبي وجت جمره
~~~~
الدنيا بعدك سيدي حزنانه
والعين من كد الدمع ذبلانه
والمهدي حاضر هم نحس ويانه
يبجي ويحن ينعه ويون ومخضر بكلبه الحزن
والمجلس يترسه ادموع ويواسي ذيج الحره
~~
سيد محسن الجابري
شما اذكر المظلـوم تـخنگني حسره
للـمجتبى يـا يـوم نـبنيلـه حـضره
الغاطينه نوره ... يمته نزوره
ونبنيلة حضره
#######################
كل ما يمر طاري الحسن دمعاتي تاكـل خدي
واحتار من اكتـب الـه ومنيـن رايـد ابـدي
انه وخـيالي وصفنتي ودمعاتي بس العـندي
كلت ابدي من ذاك الطشت البي چبده ضل يندي
ابيا علي ناديت وردت الاجابه
ونعرض ليه ابسـاع گبره وترابه
راسملي صوره ... يمته نزوره
##########################
راسملي صوره ياخلگ جرحت احساسي هوايه
گـبر الحـسن هـذا الـصرح لا گـبه بـي لا رايـه
ولـلي يـزوره عـن بـعد واگـف يـرتل ايـه
ياوسفه وانشـوف الگـبر مابي عـزه واقرايه
بسبعه صفر يانـاس اتهـيج الـروح
وبالذنب اشـعر دوم وانعه ويه الجروح
والمس حضوره ... يمته نزوره
############################
يا ناس تدرون الحسن صاحب افضال ورحمه
هـو المؤسس بالفـعل الـطف الحسيـن ودمـه
هو السراج اللي يـشع بـوجه الـظلـم والعـتمه
لو لا وجود المـجتـبى مـا اكـو لـطم لا خـدمه
يالتمشي صوب حسين ويه الحبايب
اقـره الزيـارة ويـاك للـچبـده ذايـب
واهديله سوره ... يمته نزوره
#########################
غدرته ذيچ الخايـنه ذيچ اللي اسمها جعده
ويـلوب ضل امن الالـم وممرود صـاير چبده
ذب چبده يـاناس ابـطشت وحسين گاعد عنده
لـعضيده ضل يبچي ويـون ويگلـه صعبه الشده
مو صعبه سهلـه تهـون هـاي المنـاظر
بس الصـعب يحسين دوس الحـوافر
يوجع شعـوره ... يمته نزوره
############################
ياربي عجل بالفرج بهل ساعـه وبكل ساعه
الحـجه بس هوه الامل عدنـه ونضل اتباعه
يا يوم يحضر يازمن الـنه ويـفـك اذراعــه
ونبني المنـاير والگبب ونـخلص الـه بالطاعه
بالغيمه كون انشوف ذيـج المـنارة
بگبر الحسن يـا يـوم نقـره الـزيارة
ادعي الظهوره ... يمته نزوره
#سيد_محسن_الجابري
#اهوازي
بويه الدللتني هـواي ارجع يا نظر عيـني
حاجيتك يبويه بطيف بـس ردتك تحاجيني
###########################
رقيه بنتك التحجي ... يبويه اللي تحبها هواي
هاي الدللتها اسنين ... كعدت بـالخرايب هاي
مشتاگه ارد اسولفلك... يبويه استمع شكواي
ارجع خن اشبگك حيل
ارجع راح منـي الحيل
ارجع صـار بويه الليل
يبويه ارجع وخلني وياك وحـدي لا تـخليني
حاجيتك يبويه بطيف بس ردتك تحاجيني
###########################
تخاف عليه من الريح.... چنت وهسه گمت انطگ
وما ابچي بچي بدمعات.... من الضـيم گمت اشهـگ
ضيم الثکله عشته بيوم....ونار همومي ما تخفـگ
من كثر الضرب الامتون
بادت والشماته عـيـون
اعله بنتك گاموا ايصيحون
وبس دمعاتي عـالخدين تـاخذني وتـوديني
حاجيتك يبويه بطيف بس ردتك تحاجيني
############################
يبويه من بعد عينك.... عيون الضعن لا متنام
حرگوا خيمة الاطفال.... ومشونه ابطريق الشام
نرگض بالصحاري شلون....نركض والطريق اسهام
من كل كتـر من كل صوب
عدوان ابضـعن مصحـوب
وجسمك عالارض مسلوب
ومن اطشرت انته انـه اطشرت اسنيني
حاجيتك يبويه بطيف بس ردتك تحاجيني
############################
ما احمـل تره فرگاك .... والـعدوان عذبـوني
من اهوال يوم الطف.... اهلي شـدوا عيوني(بها روايه)
وبخيمة علي السجاد..... يبويه وحدي خلوني
ما احمل صدگ الفراگ
لحظه لو عفتني اشتاگ
مـني الشـمر مدري شباگ
جر اذني يوالد حيـل بحجة راد يطفيني
حاجيتك يبويه بطيف بس ردتك تحاجيني
#######################
عبالي بسفر رايح .... ولابـد شـده وتعـدي
كل ضني ترد بساع.... ونـرد الـوطن جـدي
گضيت الليالي هموم... ودمعاتي ابطرف خدي
كل خطوه يصب دمي
واتخيل تـجي يـمي
يبويه وتلهج بأسمـي
تالي من شبگت الراس اجيتك ميته يحسيني
حاجيتك يبويه بطيف بس ردتك تحاجيني
#سيد_محسن_الجابري
لرابع ضوه دمعي يهل
من اذكره يفيض العقل
يبقه الحسن صاحب فضل
##########################
للحسن .. بدموعي اسولف ما يلي
بالزمن .. ناصب ضريحه ابداخلي
بالمحن .. وكت الشدد واگف الي
مقصر الك انـه اعتذر مولاي سامحني
اسمك علي لمن يمر اهواي يجرحني
طيفك على رموش السهر يوميه ذابحني
اخفي عشگ گلب الجمر بس دمعي فاضحني
طيفك صبح بيه يحز
اسمـك الي صاير حرز
اب انتـه الـي واني طفل
#############################
بالفضل .. لو نحچي انته اول علم
بالاصل .. صرت الوتد لهل الخيـم
بالفعـل .. ميت ويرموك ابسهم
شما نقره ببطون الكتب ما ينكشف دورك
گاموا يحرفون ابجهل عالا يضل طورك
رادو يطفوك العده بس عالي ضل نورك
رغم الظلم يالمجتبى مشيت دستورك
رغم الفتن ويه الحقد
مـنك يهب عطـر الورد
لهل الخيـم اول حمـل
##############################
يالهرم .. علمك وسع كل الارض
بالكرم .. خيرك ولا لحظه يفض
موحرم .. نبني ضريحك بالنبض
صدر المحب من يختنك تتنفسه الريه
وضل اسمك ابگلبه يدك يـالحسن ليـليه
اليندبك وشايل جبل اتگلـه مگضيه
وتگضي الحوائج سيدي للمـاله ذريه
للمختنگ تصبح هوه
للمنجرح اسمك دوه
اسمـك صدك كلشي يحل
##############################
بالعقل .. لو نقره عنك سيدي
نستدل .. بيك الشراره تبتدي
بالـفعل .. بيك الموالي يقـتدي
خطيت احرف من ذهب رغم الحكم ظالم
هيئة كلشي يالحسن لحسينك الـعالم
ولكل فرد صرت الهوه هم قائد وخادم
سمـوك وسفه سيدي بس عاشت الوادم
اسمك يرف ويه العلم
انتـه النهر لهل الخيـم
صاحب فضل قبل الهزل
############################
بالحرب .. ينقاس چفك چن رمح
بالدرب .. تطوي الارض ليل وصبح
بالگلب .. اخفيك يالـگلبك سمـح
لو بسمك الساني يهچ يرتاح دلالي
لو شفت حاتـم بالكرم اتمر على بالي
انته الضوه لهاي النفس مولاي والغالي
لو بيك انه اكـتب حـرف اي والله هنيالي
يابعد روحي والنظر
هنياله لبجودك كـبر
الحبك صدگ لا مايزل
###############################
بالختام .. اهديلك ابياتي بدمع
بالمنام .. احچيلك واشعل شمع
والسلام .. خليني مولاي انفجع
بگلبي كسر ماينجبر حد مايجي المهدي
وشما يرجـعني الذنب وياك اريد ابـدي
رايد اروح ويه الضعن واتعذب الوحدي
رايد اصير ابكل وكت للمنتظر جنـدي
ارزقنـي مولاي القـرب
بسوط السبي خل انضرب
وطـول الوكت دمع يهـل
#سيد_محسن_الجابري
حسين فلسفة الوجود ومصدره
حسين اول منتصـر ضـل عالثره
######################
حسين اول منتصر خاسر حرب
حسين شال الدنيا من شالوا غرب
حسين صح شابع نـزف من الضرب
صح نـزف بس دمـه صـار المسطره
########################
حسين لدنيا صبح هـوه الـوتد
حسين من دمـه نزف لله صعد
حسين للخدام صار احسن سند
وخادمه امبين تـره من جوهره
#########################
حسين گطعوا خنصره وخله القيم
حسين للـرافع عـالم ناصب عـلم
حسين طفـه اجهنـم ابحرگ الخيم
والدمع دمعه اله ايـشع مظهـره
##########################
حسين صار اهوه العقل لهل العقل
حسين مـن اطـشر التـم الـشمـل
لـو له (لا) حسيـن نـبقـه اعله الهزل
اتگود بينه الزمره ذيج الفاجره
###########################
حسين شع نـوره ابوكت مابي ضوه
حسين للمختنگ صايرلـه هـوه
حسين مجروح وصبح هـوه الدوه
والمريض ايطيب من دم خنصره
############################
حسين روانه ابعشگ لمن عطـش
وبسمه ميزنه الصدگ من الدغش
حسين لمنه بخيمته وهـوه انفرش
لملمانه وهوه جثتـه امطشره
#############################
حسين مفتاح العشگ لهل العشگ
حسين ميزان الصدگ للمو صدگ
حسين بـخيامه لـهـسه نـحتـرگ
خيامه بگلوب اليحب متـوجره
##############################
#سيد_محسن_الجابري
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
منطين كلمه احنه كل عام
نبقـه ابعزاء الـزهره خـدام
حزام الخدم شدينه .. يم الحسن وفـقينه .. نبقه خدام
########################
بشهر الاحزان .. عدنه برهان .. وشي نلمسه بهالشهر
مــو يـخدام؟ .. احـله الايـام .. عـدنه عاشور وصـفر
نشوف كل خادم حسيني من الوجه بي هيبه
وحـته لـو مذنـب نحـس الزهـره هـيه اجـيبه
بكثر مايسعه ابو المجلس اجـر تـارس جـيبه
ومـا نـفكر بـبو المواكـب كلمن وتـرتـيبه
وبـاي عزه لـو رحـنه ونـدوس
مـن البـضعه نلـگه اثـر مـلموس
عيـن الزچيـه اعلينه .. يم الحسن وفـقينه .. نبقه خدام
###############################
احلا لحظات .. واحلا ساعات .. من نحس بالدمعه
يقـره رادود .. انشـوف شادود .. نـلگه واحد ينعه
ينعه عالاكبـر نشوفه وعالـشباب القاسم
ويمه ذكريـني ابدمعـته يقـره ويه الـوادم
يساعد ابليله و بـرمله و بـحزنهـم فـاهـم
ويـترك الدنيـا واهلها هـذا طـبع الـخادم
ولو شاف بالبر تمشي الزغار
يـذكر اطفـال حسين والـنار
يـومك ولا نـاسينـه .. يم الحسن وفـقينه .. نبقه خدام
###############################
بـكل عـزيات .. بكـل مسـيات .. نـشوف نفس الهمـه
و اليخدمون .. والـيلـطمـون .. زلـمه يـتبـع زلـمه
واللي يخلص لله نيته يـاخـذ اشمـه يـريـده
واللي دك صدره ابچفـوفه الزهره تاخذ بيده
واللي يـبچي لـبو اليـمه دمعـه وحـده اتفيده
واللي يبـذل كلشي يرجع ضعف والله يـزيده
وشگد عظيمة خدمـتك هـاي
تنطـي القلـيل وتـاخذ اهـواي
ونشعر ولا وفـينه .. يم الحسن وفـقينه .. نبقه خدام
#############################
شكد روايات .. بهـالعزيـات .. نقره بيها وننـدب
مني اخذ هاي.. للماشرب ماء .. يا محـب لا تحسب
الصادق العتره روايه تحل اصعـب كـربه
الجلـس مجلس عزانـه مـا نمـوت گلـبه
والذكـر چـم قـول الـنه بـفعله نـوْر دربـه
واللي واضـب بالعزيه ويانـه هذا انحسبه
والـبچت عينـه بهذا المصاب
مـاتبچي عيـنه ابيـوم الحساب
هذا العزه يحينه .. يم الحسن وفـقينه .. نبقه خدام
##############################
بدمعة العين .. نعاهد حسين .. ننطي كلمة وموقف
بهاي الايـام .. بـهاي الالام .. كلـشي الـه ضل يـنزف
نشـكر النـعمه وجوباً كـل سـنه وانـثابر
كلشي انطانه ابو اليمه وهوه داسه الحافر
نخـدم ونـلطم ونسـعه وبـالخدامه انفـاخر
الله لا يحرمنـه منهـا ومـن عـذاب العاشـر
ويـن الخيم هم نحترك كـون
بلـكت نحس ابركضة ام عون
جمـر الخيم يچوينه .. يم الحسن وفـقينه .. نبقه خدام
#سيد_محسن_الجابري
https://youtu.be/FrtP5pAeuPc?si=G3gGiIn114oX3wDr
Читать полностью…
لـيل .. ايـام الـشهر
لـيل .. عاشور القهر
لـيل .. بي غاب الگمر .. يم النهر واشتد عذابي
############################
دمعاتي تجري ابحسرة الحال .. حسره
لـو ما تجـيني الـليله يهـلال .. كـسره
كلشي امن اخوتي باقي عالبال .. ذكره
كل مايهل فجر الحزن اتلوع ابكل ويل
اذكر مأسي كربلة وابقة ابـونيني الليل
بگماط عبدالله الطفل اتحزم ابـلا حيـل
و تتـراود ابالي الـصور من الخيم للخيل
نار .. دخان وخيم
نار .. وماواحد سلم
نار .. وارماد الجمر .. من الصغر وجت ابابي
###############################
هلال الشهر ساعاته ياناس .. تجرح
اذكر ركضنه وهـاي الارجاس .. تفرح
واطفالي فرت والگلـب حـيل .. فرفح
ونار الخيم من كل كتر تلسع ابگلبي الطاح
محتاره واركض عالضعن والحومه كلها رماح
واجناحي ضل ابلا جنح عشت ابلايه اجناح
ومن اسمع ايرف العلم اسمع ابراسي اصياح
صوت .. يشرح بالهضم
صوت .. چن صوت اللطم
صوت .. بي كل القهر .. وشكد صور .. يفهم جوابي
###############################
يلچمني گلبي بنار الطفوف .. وانعه
اشعل ابروحي الشهر عاشور .. شمعه
كل لحظه اگضي بشهر الهموم .. دمعه
وكت الدمع بي انفجع واتحزم انه بهاي
واتروه من مي دمعتي ما ارتوي باي ماي
وينكسر گلبي بهالشهر چن كسرة الرواي
وشويه ايامي صفت بس الهموم هواي
حـان .. كلشي بي ضمه
حـان .. مجلس فـاطمة
حـان .. واحتار الفكر .. وبلا صبر اذكر مصابي
###############################
راح ابـدي واحچي مَن الثگال .. وانحب
تدرون ياناس الهزل مـال .. بـزينب
طبت الشام ابلاية كفال .. تـصعب
صوط المتن ويه الهزل ما مرت بأي ناس
وطبت الشام ابكل وكت تخـنگ بهالأنفاس
ياهو اللي يعاين عالأهل وابكل رمح بي راس
وكل ما اصد أعلى النهـر يـذكرني بالـعبـاس
ماي .. مايـروي ابـد
ماي .. بي كلشي انفگد
ماي .. خرب كل فجر .. بي انكسر .. بوني وعتابي
#############################
يشرح ونيني خنگة الليل .. والتل
والدنيا بيـه گـامت اتميل .. وازعل
چن ورده عشت ابين الاشواك .. اذبل
سنين العمر بام الخدر اتبچي حته الگاع
بين الفجر والمو فجر تذرف دمعها ابساع
بعد الصبر بام الصبر خيم حزنـها وشـاع
ما تمشي خطوه من التعب چي فارگت الشراع
خيل .. داست عالشمس
خيل .. وصار اعظم درس
خيل .. بيـام العمر .. وبكل فجر .. والحد ترابي
سيد محسن الجابري
لبن الحسن .. احچي المصاب
حگ الشباب .. اعلى الشباب
######################
احچي مخنوگ النفس .. للي وجها چن شمس
ضاوي كل الطف ابن ذاك الصرح
اجمل وأحله البـشر .. لچـن مقسـوم القـدر
الورد صعبه ايعيش ابنص الرمح
منك ارد اسمع جواب .. واذكرك ويه الشباب
مستهل قاريه حمـزه بـلا شرح
يمه ذكريني من تمر زفة شباب
من العرس محروم حنتي دمع المصاب
شمعة شبابي من يطفوها حنتي دمعي
والچفن ذاري التراب
جرح الولد .. نـوح وعذاب
حگ الشباب .. اعلى الشباب
##########################
اخ يـاوجه السعـد .. يوجع فراگ الولد
احسب احساب السنينك بالثواني
يمه يـابعد اللألم .. ريتـه بگليبي السهم
ولا اشوفنك امخضـب يا امانـي
ساهرة وياك العمر .. تالي اشوفك بالگبر
وانه الايام العرس چبت الصواني
من ثدي النيبه راضع ابصافي الحليب
وبهالشهادة صار ألي قسمة ونصيب
حوفتي بدمي خـل يفـرشوها
يـا وسفـه .. ويضمك تـراب
حگ الشباب .. اعلى الشباب
###########################
كاشخ ابنص الحرب .. زغير وكلش صعـب
ديدنك معروف يالتشبه اسلافـك
فلقه وجهـك كـالقمر .. بگصتك ينـبع نـهر
بالشجاعة من علي حيدر اوصافك
ااه يا نـور السمه .. شمتك تسوه الضمه
يالعفت كلشي واجيت الوفه جابك
اهلي وصوني بالـوفه يوم الطفوف
من دم وريدي يصبح اخضاب السيوف
هذي وصيـتي يالتسمـعوها
نذرت العمر .. العمك ثوب
حگ الشباب .. اعلى الشباب
############################
لابس اثياب العرس .. بسيفه خط اعظم درس
لكل شباب العالم يقـدم رسـاله
الشاب واجب يلتزم .. يغوص ببحور العـلم
ولا يغره المال لا غره جمـاله
العارف ابفرع وأصل .. جدمه للذل مايزل
ولا تهـمة الدنيا لا هم ابخياله
صاح انه ابديني ملتزم فرع وأصول
افـدي وجداني والاجـر عنـد الرسول
وامي الـزهره خل يـهنوها
ورمله تـون .. ويه الرباب
حگ الشباب .. اعلى الشباب
#############################
شاف عمه الوحـده .. گام ينخه بساعده
شال سيفه وبيده خلاها الوصيه
صاح ياعمي الحرب .. ما اهم بيها من اطب
اله افني الگوم واسحگ ال امية
مـا ابـالي ابكـل محن .. هيچ وصاني الحسن
فدوه لـو تسحگني خيل الاعوجيه
يـوم المبـارك اصبح الديـني شهـيد
وافزع العمي من يضل بالطف وحيد
وامـي بمصابـي خل يواسوها
طاري العرس .. اصبح سراب
حگ الشباب .. اعلى الشباب
#سيد_محسن_الجابري