هوسات لذكرى ولادة منقذ البشريه (ع)
بنص شعبان هل هلال مهدينه
بهاليله نغني وننشر الزينه
بهذا اليوم فرحت كل موالينه
فرحانه الشيعه بميلاده
ميلاد الغوالي عيدي وهلالي
المهدي راس مالي وهو دلالي
هلا ومية هلا يا اغله كل غالي
متانيته وتريده الروح
معموره الأرض بالمهدي وبجاها
وساخت بالبشر والمهدي كظاها
بس كلب الموالي يعرف معناها
الكون أصبح محبس بيده
#عباس #الشويلي
27 / 3 / 2021
13 / شعبان المبارك
هوسات بمناسبة مولد الأئمة الأطهار
1
( للأمام الحسين )
بأمر من حظرت الرحمان جت بشره
ونزل جبريل هنه فاطمة الزهره
هل مولود منه سلسلت عتره
حسين الكون ومهديها
2
( للأمام السجاد )
أول من عثوك العصمة كلناهه
علي السجاد دم ولحم من طه
وإذا تذكرون ياهو النزل هناهه
جبريل بهايه مهنيها
3
(للأمام العباس )
وعلى ذوقة الحّسين شلون ما يهوه
اجه أحزام الظهر للعتره والخوه
يجي وحده ابو فاضل ما يجي بنخوه
للخوه اجفوفه مخليها
1 شعبان الخير
#عباسكم
قصيده للولادات الميمنونه للأئمه الأطهار
شعبان هل اعلينه بي مولد المهدينه
وبثالث أيامه الخير صفكن جناحين الطير
يا هله بيك ومرحبا يالفرحتنه أيامك
يالفرحة أرض وسما من فتحيت أشمامك
حامل جنت ذروت نبي يالتمميت أصيامك
يالمفطر بنشوت علي يالفرحيت اٍيمامك
والحسن كام تحزم غير الأخو مَجرة الدم
وكل عام الحسين بخير صفكن جناحين الطير
يا هله بثالث لايام عيون المحب لا متنام
مولد حفيد المختار إسمه الحُسين المقدام
بارينه هو امسميه ثبت حُسينه الإسلام
بهليله نحتار شلون تصعد وتنزل خدام
ما تنوصف فرحتنه من فَرحت زهرتنه
غنوه وفرح كله يصير صفكن جناحين الطير
بالرابع من يامك فاح الورد وية الياس
راعي الخدر وية الجود منه ونعم رفعت راس
ياهو هذا المقصود من حقهة تتسائل ناس
الما كمل التسع اشهور إسمه ابو فاضل عباس
من كماطة لوح لخته حالف لخيته ابخته
بيده الفلك كله يدير صفكن جناحين الطير
خامسهه أجمل ميلاد حيدر علي جنه انعاد
خَلق وخِلق من جده زين العباد السجاد
صابر وكاظم للغيظ كاضي العمر كله احداد
نور وشرع ينكط دين شع بعلوم الوقاد
بخلاقه يمشي ودينه نعم الخلف لحسينه
معجم بلاغه وتفسير صفكن جناحين الطير
وبنصك اتناثر خير آخر غصن للزهره
بخمسطعش نور النور محلاهه هاي البشره
ميت عطش ليه وليه ومحبته عل فطره
ما أدري هو المنتظر لو شيعته المنتظره
رأيت صلاح أهل الدين الثاني عشر من حسين
خاتم البيت التطهير صفكن جناحين الطير
تمت بحمد لله وحسن توفيقه
1شعبان الخير ٢٠٢١
#عباس #الشويلي
عفي صبره سنين ما شايف شمس
ليش عمره موسى يخلص بالحبس
عمره عمره
1--
الكاظم اسنينه الطويله خلصت بطاموره
ابراهب العتره الشريفة ظايكة المعموره
عاش أنواع المأسي وظلم ببشع صوره
وأكثر الذيجة المأسي لا حباب اتزوره
طالت اسنين الغياب
هم فراق وهم عذاب
عاش وحده وهاي لتحز بالنفس
ليش عمره موسى يخلص بالحبس
2--
يا ذنب مرتكبة حته يعيش ويموت بسجن
هذا أمام الرافضية باطنه وظاهر حسن
كسر بصبره ظلمهم خله حاكمكم يجن
عابد ابمعقل سجنهم منه ما طابك جفن
شابع اهموم وقهر
عاشها ببشع صور
عمره خلص والحزن بي من غرس
ليش عمره موسى يخلص بالحبس
3--
ليش خلص كل حياته مبتعد من الأهل
ومثل باب الكرم جده جبدة متكطع وصل
مو يزيد الكفر كايل ثارنه البدر اعتدل
جا ثأر هارون ليمن جنها ثارت الهبل
ليش يخلص بالسجن
بشر لحبابه ويحن
فوك ظيمه جبدة بالسم منهرس
ليش عمره موسى يخلص بالحبس
4--
ليش ابو إبراهيم قسرآ ينحرم من شيعته
وهل أمر واضح زعجكم بالالوف الرادته
جان تارسهم محبه وهل سبب من حبته
وجان قديس الزمانه بالعدل كل عرفته
ناشر الحب والعدل
كمر جان ومكتمل
عالموالي جان هذا أصعب درس
ليش عمره موسى يخلص بالحبس
5--
مضلمه الدنيه بدونه واكفه ما تستمر
بحركه كالوها الرعيه بدونه اشيسوه العمر
الشيعه مجنونه ابمحبته ويانسيمه من تمر
شمس ظاوي الكون كله مثل إشراقة فجر
نور داخل كل كلب
للعوام وكل محب
حزنه وسفه صار ثوب وينلبس
ليش عمره موسى يخلص بالحبس
6--
كاظم الغيض ابدليله وبالسجن عاش العذاب
غربه وفراگ ومآسي والعمر بالمحنه ذاب
هجم بيت الحكم واهله طامر العز بالتراب
خله إمام الرافضية عالرعية سنين غاب
موسى من أطهر نسب
والسبب هذا السبب
إبن زمزم وإبن مكه والقدس
ليش عمره موسى يخلص بالحبس
عمره عمره
تمت بحمد الله ورعايته
٢٢ رجب المرجب ١٤٤٣هجري
٢٤ / ٢/ ٢٠٢٢ميلادي
#عباس #الشويلي #الصيادي
بدينه أول درسنه بسم الحسين
وختمنه المابقى بسم السبايه
ستهلينه البحث روس العناوين
نقطة بكل صطر كلهم ضحايه
وصلنه آخر محطة استونه بادين
لكينه الخاتمة نفس البدايه
العجيبة البل أمر يدرون ميتين
وبهذا الأمر عدهم درايه
لكينه الموت بيهم فقط نوعين
سم لو سيف وجبود ودمايه
شفنه بكل كتر منهم مطاعين
وذبيح بكل وطن رفعوله رايه
راية أهل للله وشرع للدين
بحقد عالكاع طاحت جم عبايه
عباية من الله تستر بيه صوبين
وبيه من السمه منصوصه ايه
الحقيقه اكبالهم وادم ملاعين
رغم ما بيهم اتنص الولايه
نلاكي بكل وكت مكتول الحسين
نفس مضمونها ونفس الروايه
لجلهم مو دمع نبجيلهم عين
وصلآ ما نوفي ولا كفايه
شما طال الزمن لحسين باجين
ويظل ذكراه فكرة وبيه غايه
وابد منبطل وبالنوح ماشين
بحب حسين مبصورة وعمايه
بقلمي
عباس الشويلي
٢٥ / ٨/ ٢٠٢٠ ميلادي
١٤٢٢هجري محرم
مشه وكلهم أزغار ولا معبرهم
ولا همه الصفوف وحالهم كلهم
لف وجها وخزرهم طاح خيرهم
من بعيد الكمر بعيونه جتلهم
عباس وطب ملح الساده
سهامهم صلفه واجنك يا حُسين
وكالو الخشبة استحت من المسيح
وا حُسيناه
هي منين زينب غير اخت عباس
تصعد عل هزل لا مستحيلة
اي راحت سبية امرافكه الروس
سبيهه اصبح اذن هو وسيلة
هم شاهد تصير وتنقل اخبار
شنو الصار والجرة الشيخ القبيلة
اذن ماكو منازع لخت الحسين
بس الهه يلوك اسم العقيلة
عباس شخصه جان كله ابممشاي
عباس في وقت القحط ينكط ماي
وضعيتي ابدآ مو خوش
سنطة ويخوفني الحوش
يابو فاضل
النص الأول ~~
عندك علم بالحرة لمن تحتار
حرمه اوحيده مدوهنه يهمه زغار
يوجعني عباس الدمع ينزل حار
فركاك صاير بالكلب موكد نار
يختلف جرحك بالروح ~ يا جرح كلبي المفضوح
يابو فاضل
النص الثاني ~~~
حمد وشكر كون الشمس تجويني
لو جلجل الليل الكمر يعميني
عباس كلشي بغيبته مأذيني
ياهو اليوخر صورتك من عيني
عباس عاميها العين والروح ماخذها احسين
يابو فاصل
النص الثالث ~~~
لوعني ميهيد الكلب كله جروح
عالعلكمي صعبه امن اشوفك مطروح
غربة وحياره بكربله اوين انروح
مو بيدي خويه تريد وياك الروح
جنحان ماعده ام عون مو بس دمع ابجي عيون
يابو فاضل
النص الرابع ~~
شما نوحلك وياك ما وفي الدين
فوك الرمح وتصدلي بطراف العين
ياحيف عمدآ يلكط الزين الزين
غصبآ عليه ماخذك مني البين
نعمين منك وفاي ~~ يا أخو زينب يهواي
يابو فاصل
النص الخامس ~~
لبجيلك ولعميلك أثنين عيون
يحزام مشدود بظهر أخته ام عون
يمخورس حلوك الزلم من يحجون
يابو الفضل ما ظنه فركاك يهون
للعين جنت انت الشوف من راح طب الهن خوف
يابو فاضل
النص السادس ~~~
. ماكو بحنانك تملك شلون احساس
انه وحسين ابداخله بالآنفاس
جف الفضل ما تنكطع يا عباس
عل كصة لازم تنوضع من تنباس
شرع انت خويه وقران غيره وشهامه اوجدان
يابو فاضل
الخادم الشاعر
عباس الشويلي
إسمي من إنكتب ويه أليخدمون
منك يا حُسَين هواي ممنون
ممنونك أنه يا اغله غالي
من دنياي أحله شي بقالي
حلالك أنه وانت من حلالي
نضر عيني صفيت بنص العيون
شحجي عن غرامك بيه والشوگ
عليك الروح تركض ركض محروگ
يطعمك يختلف من كبل لن ضوگ
ربك خالطك من كل طعم لون
حياتي كون تخلص في خدمتك
عبد مملوك تقبلني بحضرتك
عذيبي من الجنان افيش شمتك
بيك اتوسلت بلكي ويقبلون
وجهت الوجه وبذني اديه
دعيت الباري يتحنن عليه
حبك يا حُسين يزرعه بيه
لأن يوم القيامة بيه يبدون
الملاك الحاضر بخدام الحسين
يبدون وجميع الناس بعدين
كلها هناك وسط الخوف باقين
وللفردوس خدامك يسيرون
يهنياله الشرب من ماي حبك
زلال وجنه كلمن سلك دربك
عشگ دلاله وبدمه يكتبك
وعليه يفتخر خادم يگولون
يوصفونه أمير وموش خادم
أمير اليخدم بفخر الاوادم
يقين الما يخدمك يبقى نادم
لان خدامك بجنه ينعمون
ومنك يا حُسَين هواي ممنون
تمت بحمد الله تعالى
الشاعر #عباس #الشويلي
٨/ ٧/ ٢٠٢٣ ميلادي
١٨/ذي الحجه ١٤٤٤
جبنه اللبن يابالحسن
موش أحنه ولدك بس كول
داريتنه بكلشي علي
حنين علينا ومسؤول
شنجيبلك ما نوصلك
ومعشار فضلك منطول
يا فضل يوصل موصلك
وياهو من عدنه يطول
يا علي يالكلك حلو
وجه وكفه عرض وطول
ويا باطنك ما ينوصف
حارت علي بيك اعقول
يطي الرغيف وما كشف
وجها وتصدر مجهول
نص ليله كاضي مو إله
كَضيها حمال ايجول
خصك محمد بالوصف
بالسانه عالباري يكول
بالكون غيرك لا فتى
ولا سيف غيرك مسلول
ولا من ولد مثلك ولد
أبيت الالاه ومقبول
مثلك بشر عادل جذب
قبلك محمد معقول
حته بمصابك بي عدل
حُسن وأجر بيه اتنول
يا احله شي حي ونكتل
وعظم شهر بي مكتول
جبنه اللبن يابالحسن
موش أحنه ولدك بس كول
#عباس#الشويلي
٢٠ رمضان ١٠ / ٤ ميلادي
١٤٤٤ هجري
هوسات لمولد كريم أهل البيت الحسن ألمجتبى عليه السلام
خجوله ابياتي ليش اگباله من أكتب
وفرق معلوم ما بين الگشر واللب
حائه نده بروحي وخالني مرطب
( خادمكم أنه وكل بيتي )
هلا بنور التجله وضوه دنيانه
وهلا بريح النبوه الحسن مولانه
وهلا يا نور عيني وحيه من جانه
( فرحان ابگلبي وبالساني )
خلط قطبين واعله المنزله جايب
حفيد أمن النبوة ومن ابو طالب
سلالات الشرف بس للحسن واهب
( بارينه اموزنه ابميزانه)
وحده من خصاله وفيض أسراره
ونور المجتبى من وين تصياره
من نور العرش بارينه مختاره
( من طه وعرشه مصيرينه )
وعلى ذوق ابو تراب شلون ما يهوه
أمن السانه الالاها قابل الدعوه
بتصيار الحسن عمره ابتده توه
( وخضب شيباته بهاليلله )
هيجي تعلمت من أمي والوالد
الحسن رابع ملاك الخمسه والحامد
مثل جده وبوه للدنيه هم زاهد
( كل همه بدينه وبيتامه )
من إسم الحسن ثق صار الحسان
وأنه أملك دليل وعندي برهان
بيوم اخمسطعش من شهر رمظان
( نور بارينه المعموره )
بقلم #عباس #الشويلي
١٣ رمضان ٢٠٢٣ ميلادي
جديدي ( شيبي اليهرول ) س ٢٣
قريت من الضهر مو مثل ما يقرون
وبديت من الصعود بواهس من نزل
اعاين عالبعيد من القرب شبعان
قياس العمري نضره جائز اتفشل
عاشت روحي مهره بفوظه ما ترتاح
وتدرون الگحيله لو تهج تصهل
أواخر تالي عمري ابحذر عشت وياه
وجاني الشعر بلوه وصفنته اتبهذل
بلوه ومشتهات الروح كلشي أتريد
وعلى مجارات روحي شيبي اليهرول
امفتح والخلگ حتى بلذيذ النوم
خلگ وردات مشتل ترفض اتعزل
هجم بيت الغزل غفله ويدك بسكوت
وعلى لحن الموازة يشتهي ايرتل
كبرنه والعمر مر وذكرنه الشيب
وعله ايامي البقاية ايريد يسترسل
ويجن ذني السوالف غصبآ عالروح
ولهيب الشوگ غفله بگلبك ايشعلل
ما حاسبها تدري غفله اجت وياك
صدفة بغير موعد حاولت تعدل
لحظا من الزمان تحومر وخجلان
نضرة بطرف عينك هيج وتشكل
وصرت إبلا شعور ابدفتر العشاگ
مهوس ابغرام وكلب مستعجل
شما تبعد تحاول تضبط الأنفاس
ما تنجح بذني غير اكو اليشتل
بالك منشغل بفكارك وسرحان
وصفناتك الفضحة كلبك ايزغلل
جاري المنفرض وتقبله واقع حال
ورخي وصفي نيتك ربك يسهل
وما زال العذر قبلو كبار القوم
أذآ مقبول عد الوادم التشكل
بقلمي #عباس #الشويلي
٢٣ / ١/ ٢٠٢٣ واحد رجب
١٥/١/٢٠٢٣ تمت
لحسينچ الدرّه يم الحسن نقره
احلى قصيدة الليله فرحة گلب نهديله
احلى قصيدة الليله
** ***
مبروك هالليله العلي
الفرح دگ بيبانه
فرحان بحسين انولد
والزهره بي فرحانه
طير السعد_ يهتف مدد _ وبلا حسد _ ريحانه
اجمل فرح _ گلبه انشرح _ الوالاه ربح _ مولانه
نور ويشع من طلته
واملاك ربه حبته
مجبل العز ابسيله
فرحة گلب نهديله
****
جبريل طگ جنحه ونزل
بشّر حبيبه الهادي
ينشر الفرحه وبالعجل
فوگ الجبل والوادي
عاشك واجا_ من بهرجه_ بسمه هجه_ يسمونه
يا بالسما _ من مقدمه _ أهل السما _ يحبونه
يا وجه مشراگ وسعد
مبخوت يا هذا الولد
وفرحانه بيه العيله
فرحة گلب نهديله
**
صاروا مجانين وخدم
كل ناسه بي مفتونه
سامع حبيب وقصته
مات وعدل لعيونه
گلبه يدگ_ ينبض عشگ_ عاشگ صدگ _ يدرونه
مات وعدل _ بيه وإكتمل _ حب وغزل _ يقرونه
ثالث بشعبان السبط
مولود وابحظنه نحط
نتفاخر بكل ليله
فرحة گلب نهديله
* ****
حسين وعلي وعمه الگمر
شعبان بيهم نوره
والأكبر بيوم اهدعش
اشرق على المعموره
اشرق علي _ واضح جلي _ بي تنجلي _اوهامنه
نص الشهر _ بالنتظر _ زاح الكدر _ والامنه
بالسمه حاضر لو برض
ندعيله بالعز والحفظ
نتنطّره وندعيله
فرحة گلب نهديله
****
سجاد لحسين انولد
ابن الحسين الغالي
اسمه علي وجده علي
والنور بيه ايلالي
طبق الاصل _ أصل وفصل _ دم متصل_ بجداده
شايل لقب _ سيد العرب _ عابد كتب _ لحفاده
نور الدنيه من اجه
لحسين كمل منهجه
بريحة عبيرة وهيله
فرحة كلب نهديله
تمت بحمد الله وتوفيقه
١ شعبان ١٤٤٤ هجري
٢٣/٢/٢٠٢٣ ميلادي
الشاعر عباس الشويلي
#موسى بن جعفر عليه السلام
وين اهل النخوه من خدامنه
خواني خلونه نشد احزامنه
خوان خلونه نعسكر عالجسر
كالو الكاظم غدآ منا يمر
وخلهم ايشوفون خدامة شكثر
باجر آلاف ونعش كدامنه
باليقين وثابته شفنه العجب
بخامس وعشرين ظل ينحب رجب
هم مثلنه أيامه نار وهم لهب
هالمصاب ايهيج ابألامنه
ايهيج إبآلامنه ذاك الحبس
والإمام أبداخلة تحز بالنفس
حقد عدوان امنعوا عنه الشمس
وسفه طمروا بي جميع أحلامنه
طامرين إنسان نسله من نبي
وبالستر متصل من ذيج العبي
والصبر ماخوذ من درب السبي
بلا جريرة حابسين ايمامنه
حابسينه إعداه ذنبه ابلا ذنب
ابطاعة الله جاي رايح بالدرب
وساجد الربه وكتابه اشكد يحب
موسى قرآن الصبر وإسلامنه
ثابتين اعله الولاء وما نزل
والحمد لله الخلگ لا ما يمل
نبقى نمشي بهالدرب خف الرجل
بسم إبن جفعر ترف أعلامنه
ترف بدينه اتلامس اعنان السماء
وتعتلي ويالراية أصوات الولاء
طف كظيم الغيض وي طف كربلاء
نور ساطع بي ضوت ايامنه
خادم أهل البيت عليهم السلام
الشاعر عباس الصيادي الشويلي
تمت بحمد الله ٢٠ رجب ١٤٤٤ هجري
١٢/٢/٢٠٢٣ ميلادي
قصيدة (حتمآ للظهور ) المهدي
يالمذبل اعيون الساهره اليل
عليك وما تبطل دومها تسيل
معالج والكلب ينبض بالاعزاز
تره المليان كلبه اصويحبه يشيل
وحيل شما بديها الروح تهواك
وعلكت الروح الك والكلب قنديل
وقف خليته إلك ما يدخله الغير
صرف كلبي الحظرته وبيه تسجيل
شو عشكي وغرامي يختلف حيل
وحصتي من العشك بس التواسيل
عكس الغير حبي مبهذل الروح
الحكلي يروحي بايد الحيل
قريت الجيته هواي الروايات
كتاب بروحي منزل صحف ونجيل
المسافه البيني وبينه العلامات
حتمآ للظهور وماكو تأجيل
وأنه امتانيك كلي وحسب أيام
وعدوك يا بو صالح جهرآ ايعيل
وينه منتظركم طول اهواي
يمته يزيح بيده الضلم ويشيل
كافي يكول بطلوها الخرافات
وكافي من البدع بطلو التأويل
وصبر انه كتله وعينك اتشوف
ياهو اليمحي ياهو بسيفه ويزيل
اتاني الجيته شما طرني مصباح
عبد ومتاني ربه ينزل السيل
ذكر مثل الصلاه مهدينه كل يوم
مثل سبحه ويسلم جيل للجيل
بقلم المنتضر #عباس #الشويلي
ليلة النصف من شعبان المبارك
٢٠٢١ شهر ٣ يوم ٢٨
لحسينچ الدرّه يم الحسن نقره
احلى قصيدة الليله فرحة گلب نهديله
احلى قصيدة الليله
*
مبروك هالليله العلي
الفرح دگ بيبانه
فرحان بحسين انولد
والزهره بي فرحانه
طير السعد_ يهتف مدد _ وبلا حسد _ ريحانه
اجمل فرح _ گلبه انشرح _ الوالاه ربح _ مولانه
نور ويشع من طلته
واملاك ربه حبته
مجبل العز ابسيله
فرحة گلب نهديله
****
جبريل طگ جنحه ونزل
بشّر حبيبه الهادي
ينشر الفرحه وبالعجل
فوگ الجبل والوادي
عاشك واجا_ من بهرجه_ بسمه هجه_ يسمونه
يا بالسما _ من مقدمه _ أهل السما _ يحبونه
يا وجه مشراگ وسعد
مبخوت يا هذا الولد
وفرحانه بيه العيله
فرحة گلب نهديله
**
صاروا مجانين وخدم
كل ناسه بي مفتونه
سامع حبيب وقصته
مات وعدل لعيونه
گلبه يدگ_ ينبض عشگ_ عاشگ صدگ _ يدرونه
مات وعدل _ بيه وإكتمل _ حب وغزل _ يقرونه
ثالث بشعبان السبط
مولود وابحظنه نحط
نتفاخر بكل ليله
فرحة گلب نهديله
* ****
حسين وعلي وعمه الكمر
شعبان بيهم نوره
والأكبر بيوم اهدعش
اشرق على المعموره
اشرق علي _ واضح جلي _ بي تنجلي _اوهامنه
نص الشهر _ بالنتظر _ زاح الكدر _ والامنه
بالسمه حاضر لو برض
ندعيله بالعز والحفظ
نتنطّره وندعيله
فرحة گلب نهديله
****
سجاد لحسين انولد
ابن الحسين الغالي
اسمه علي وجده علي
والنور بيه ايلالي
طبق الاصل _ أصل وفصل _ دم متصل_ بجداده
شايل لقب _ سيد العرب _ عابد كتب _ لحفاده
نور الدنيه من اجه
لحسين كمل منهجه
بريحة عبيرة وهيله
فرحة كلب نهديله
تمت بحمد الله وتوفيقه
١ شعبان ١٤٤٤ هجري
٢٣/٢/٢٠٢٣ ميلادي
الشاعر عباس الشويلي
#موسى بن جعفر عليه السلام
وين اهل النخوه من خدامنه
خواني خلونه نشد احزامنه
خوان خلونه نعسكر عالجسر
كالو الكاظم غدآ منا يمر
وخلهم ايشوفون خدامة شكثر
باجر آلاف ونعش كدامنه
باليقين وثابته شفنه العجب
بخامس وعشرين ظل ينحب رجب
هم مثلنه أيامه نار وهم لهب
هالمصاب ايهيج ابألامنه
ايهيج إبآلامنه ذاك الحبس
والإمام أبداخلة تحز بالنفس
حقد عدوان امنعوا عنه الشمس
وسفه طمروا بي جميع أحلامنه
طامرين إنسان نسله من نبي
وبالستر متصل من ذيج العبي
والصبر ماخوذ من درب السبي
بلا جريرة حابسين ايمامنه
حابسينه إعداه ذنبه ابلا ذنب
ابطاعة الله جاي رايح بالدرب
وساجد الربه وكتابه اشكد يحب
موسى قرآن الصبر وإسلامنه
ثابتين اعله الولاء وما نزل
والحمد لله الخلگ لا ما يمل
نبقى نمشي بهالدرب خف الرجل
بسم إبن جفعر ترف أعلامنه
ترف بدينه اتلامس اعنان السماء
وتعتلي ويالراية أصوات الولاء
طف كظيم الغيض وي طف كربلاء
نور ساطع بي ضوت ايامنه
خادم أهل البيت عليهم السلام
الشاعر عباس الصيادي الشويلي
تمت بحمد الله ٢٠ رجب ١٤٤٤ هجري
١٢/٢/٢٠٢٣ ميلادي
رساله الكل تجي مواسات لم عون
خل بعين البصيرة تشوف هايه
مغشايه الوجه وثيابها اتراب
حزينة وجايه تواسي السبايه
كون انموت كلنه وياك يحسين
مثل عابس يكون ومثل الأكبر
وكون امگطعين ولا يظل شي
سالم بينه والدفان يضطر
مثل راسك يكون برمح مشيول
فوگ بجف خنيث وبينه يفتر
ويتغير وجهنه من الشمس كون
مثل لون التغير من الاشگر
مثل عباس كون اجلودنه اطيح
غيور ابدون كلشي جان محتر
عمت عيني تغير أبيض اللون
ابو فاضل تغير لونه احمر
ونفرضها فريضه وياك منموت
عاد ويه سبايه بشام نحضر
وكون مسلسلينه بسيم وحبال
وخشب برگابنه وجرور ننجر
وحفاي وندوس كون عالشوك
ودمايه وجروح وكون تكثر
ويلوع صوطهم بجتوفنه هواي
بحيث من الضرب والكثره تخدر
ويكون واليجرح طعنات وياه
وجع كون وجرحنه يبقه أخضر
ونشبع مضلمة ونوب نرتاح
واليعيش بطفوف حسين يكبر
وخدام العلي السجاد وأم عون
ويهنياله البحبكم روحه تطهر
الشاعر عباس الشويلي
تمت العاشر من محرم الحرام
١٤٤٥ هجري
ما راد ابو السجاد لطمه ويدمام
رايد نصير أحرار ونعلي الإسلام
وا حُسيناه
على طور ما يحاجيها
أمك اتعاني ينزف دم گلبها
علم عد الله يمه انعيش لاوين
لحنه إعداد موته ولحنه عدلين
لجلك لأربعه فدوات يحسين
وديعة من أبوه عد أم البنين
تستحي هوايا أمك يبو الأكبر
حُسين حُسين 2
مليت الدرب شو ما يجي ليش
نسه لو بعده يدري شوفته انعيش
صرت مثل الحمامه امهلسه الريش
گلي شلون حلها توصلك بيش
حسين ماذيني موش أولاد بطني
حُسين حُسين 2
رايح حيلها وإليها الهموم
جدام مكسره وما تكدر تكوم
على الضلت وحدها بروحه تلوم
داري انغگ عليه اغراب والبوم
جول ضل بيتي ذابل كل خضاره
حُسين حُسين 2
ضلت حايره وتعاين الباب
هلبت لو خبر من صوب الحباب
طبع لمه الولد يخبرها لو غاب
وأنه وليدي رساله ولا خبر جاب
عاد وديلي كلمه وكلي راجع
حُسين حُسين 2
راجع يمه كلي وريح الروح
يبو السجاد شوفك يشفي الجروح
تعال وشيل بيدك حملي مطروح
أمشي عليك جدك وآدم ونوح
ردلي عافيتي شوفك عافيتنه
حُسين حُسين 2
حسين أم البنين تحبك هواي
مثل الهوى انت عده والماي
يكاطع بيه رد ارجع يسلواي
بس زينب ييمه مثل بالواي
كون وياها واشوف الشافته أختك
حُسين حُسين 2
شاعر القصيدة
عباس الشويلي
محرم الحرام ١٤٤٥ هجري
٢٠٢٣ / ٧/ ٢٠ ميلادي
كاتبلك قصيدة احروفها ادموع
وعلى كد الوجع سامحني مولاي
مطلعها ونفسها جفوف وضلوع
وتثير اوجاعكم ما شك أنه ابهاي
ورجواي بسماحي كون مسموع
وناعي اوجاع طفك هذا رجواي
يحسين اليحبكم راسه مرفوع
حزام وشاده أنه وعاكد الراي
إسم الله على عيالك رعب مشبوع
ولا واحد مناصر كالك جاي
عاد اسمحلي اسولف حني الضلوع
يالمحناك منه ومنها محناي
صياج البل خيم مو محتوا جوع
ولا خوفه العدو جل ناتجة الماي
امتانين الجرب مو رايح الخوش
يرد بيها الحياة الاسمه سجاي
ما يثني كلمته الضيغم يكول
شنهي الماي سهله كالهم جاي
وراح الكله غيره وبهدو تام
بس تسمع دوي قران الخيام
ومن بين الدوي ها ردلي عباس
ربي حرمه أنه وكلبي محتام
ما بين العطش والظلته افياي
ولو راح انكسرنه كسرت الجام
عباس الشويلي
تمنيت احمل افرگك أمر طوع
ومر فرگاك مو هين أمر طوع
ضرب بسياط وشتايم أمر طوع
أمرهم بالحرگ بالغاضريه
افضل قناة لنشر القصائد المنبرية
/channel/ahmed_alziwar15
نوح وبُكاء هز السمآء
ياأبالحسن صوت اليتامه
النص /١
جا هيج رايح بالعجل عدمن بعد تاركنه
وصيتمن ياهو علي بينه وبعد ياهو النه
ما ندري بالليله التجي مثل الأمس ما چنه
ننتضر والدنه المسى لازم يجي امواعدنه
من كُلِ باب يعلو عِتاب
يا أبالحسن صوت اليتامه
النص /٢
مو يدري هل ليله علي واخر صلاه هاية وبس
وهاليوم هامة حيدرة سيف الغدر بي يُغرس
وصوت الخدر يا ويلتي دك وكلب زينب حس
سمعته ينعه بحجرته وينزع ثيابة ويالبس
برد وسلام كون الإمام
يا أبالحسن صوت اليتامه
النص / ٣
منتضرة أهل بيتك ترد بعد الصلا بشويه
تعويدهم وجه الولي يشوفونه كل يوميه
وعاود أُبوها يا خلگ مو مثل ذيج الجيه
من عنده مصفر الوجه ومحومره الچفيه
يا ويلتي هذا علي
يا أبالحسن صوت اليتامه
النص / ٤
من شافت بوجه الولي نَضرَت حزن ما تُوصف
ركضت على حسين بعجل حسبالها صار الطف
مو تدري بيتامة تظل محتارة مچتوفة جف
من أمها من جدها وعلي وباجر أخوها امكشف
دم الولاء في كربلاء
يا أبالحسن صوت اليتامه
النص / ٥
لحزان وي زينب بدت ومن الزغر ماشاها
خاواها چن وخاوته وشب وكبر وياها
مرافگها صار وملتسق روح وجسد اواها
مالومه محبوبة علي جلد وعظم خلاها
كُل تَستجير بعدَ الأمير
يا أبالحسن صوت اليتامه
النص / ٦
من يومك الهذا الوكت ظيم وقهر شبعانه
تدفع ضريبة شيعتك يا بالحسن بدمانه
بس تلهج بأسمك علي كالو كفر عدوانه
وتعبنه من هذا الوضع ملينه يا مولانه
يعلو الأنين بالمسلمين
ياأبالحسن صوت اليتامه
تمت بحمد الله تعالى
١٨ من شهر رمضان المبارك
٩ / ٤ / ٢٠٢٣ ميلادي ١٤٤٤هجري
بقلم الشاعر #عباس #الشويلي
ومن الله التوفيق
حظن وثدايه ولبن خير وطفل مهد اله
هذا أنه ذاك الطفل گلبي صبح مهدي له
من ذاك يومي صرت مهدات أنه مهدي له
صح مو مقاسي العشگ ورويحتي ماي اله
لكن صرتله بحر والمهدي ظل ماي إله
ملهوف گلبي ويدگ يتنطّره و مايه له
ولا غيره راد الگلب يحناج بس مهدي إله
بقلم #عباس #الشويلي
متباركين ابو حاتم
٧ أيار ٢٠٢٣ ١٤ شعبان الخير
مولاي العجل
لا جدل يوجد ولا هم يحزنون
وسودة بالتاريخ انت وذاك أبوك
الجان بيته بالرقص والراقصات
لا خله ولا يخله من الخلفوك
لا تگلي اسلم ولتگلي تاب
صار واقع حال مكه بلا ملوك
بفتح مكه جان ابو فلان الرجيف
رغم ما عنده عفو بيده صكوك
إبن هند الفاسدة أم الطبول
واكلت الكباد أمك لو نسوك
عائله منحطة ما بيكم نزيه
حفاد أمية اليوم جاي اينزهوك
حامل بلهثه چلب متنسيه بيك
وفاسد من البيضة خايب طلعوك
فاسد منصب أمير الفاسدين
زمره نفس الشاكله من امروك
من سقيفة ساعدة ونفس البلاء
بحيل ذاك الأشعري من مكنوك
أمر منك صادر بسب الإمام
وأنت اول ساب منها وقلدوك
شنهي زينيتك يصركال النساء
شلگو من زينه بجنالك من حجوك
صايم امصلي تحج بيت الالاه
يا طواري الفاينة لمن طروك
تقره بالقرآن يلعن بيك أكيد
ومو مقاسك جبة خايب لبسوك
لا قريب اسلامك ولا من بعيد
مشگگ انت وبالصحابي لزگوك
بقلم الرافضي
#عباس #الشويلي #الصيادي
٢٧ / ٢/ ٢٠٢٣ ميلادي ١٤٤٤ هجري
عفي صبره سنين ما شايف شمس
ليش عمره موسى يخلص بالحبس
عمره عمره
1--
الكاظم اسنينه الطويله خلصت بطاموره
ابراهب العتره الشريفة ظايكة المعموره
عاش أنواع المأسي وظلم ببشع صوره
وأكثر الذيجة المأسي لا حباب اتزوره
طالت اسنين الغياب
هم فراق وهم عذاب
عاش وحده وهاي لتحز بالنفس
ليش عمره موسى يخلص بالحبس
2--
يا ذنب مرتكبة حته يعيش ويموت بسجن
هذا أمام الرافضية باطنه وظاهر حسن
كسر بصبره ظلمهم خله حاكمكم يجن
عابد ابمعقل سجنهم منه ما طابك جفن
شابع اهموم وقهر
عاشها ببشع صور
عمره خلص والحزن بي من غرس
ليش عمره موسى يخلص بالحبس
3--
ليش خلص كل حياته مبتعد من الأهل
ومثل باب الكرم جده جبدة متكطع وصل
مو يزيد الكفر كايل ثارنه البدر اعتدل
جا ثأر هارون ليمن جنها ثارت الهبل
ليش يخلص بالسجن
بشر لحبابه ويحن
فوك ظيمه جبدة بالسم منهرس
ليش عمره موسى يخلص بالحبس
4--
ليش ابو إبراهيم قسرآ ينحرم من شيعته
وهل أمر واضح زعجكم بالالوف الرادته
جان تارسهم محبه وهل سبب من حبته
وجان قديس الزمانه بالعدل كل عرفته
ناشر الحب والعدل
كمر جان ومكتمل
عالموالي جان هذا أصعب درس
ليش عمره موسى يخلص بالحبس
5--
مضلمه الدنيه بدونه واكفه ما تستمر
بحركه كالوها الرعيه بدونه اشيسوه العمر
الشيعه مجنونه ابمحبته ويانسيمه من تمر
شمس ظاوي الكون كله مثل إشراقة فجر
نور داخل كل كلب
للعوام وكل محب
حزنه وسفه صار ثوب وينلبس
ليش عمره موسى يخلص بالحبس
6--
كاظم الغيض ابدليله وبالسجن عاش العذاب
غربه وفراگ ومآسي والعمر بالمحنه ذاب
هجم بيت الحكم واهله طامر العز بالتراب
خله إمام الرافضية عالرعية سنين غاب
موسى من أطهر نسب
والسبب هذا السبب
إبن زمزم وإبن مكه والقدس
ليش عمره موسى يخلص بالحبس
عمره عمره
تمت بحمد الله ورعايته
٢٢ رجب المرجب ١٤٤٣هجري
٢٤ / ٢/ ٢٠٢٢ميلادي
#عباس #الشويلي #الصيادي
اه يزينب يا بخت ذيج الطفوف
نظرتج جانت تشاكف بالسيوف
بعد اخوتج للسباية صرتي شوف
ياهيه المثلج يا خيمة
آه يا زينب
