545
اللهُم صلِ عَلَى مُحمد وآلِ مُحمد
في ذكرى استشهاد سيدنا ومولانا الإمام الحسن العسكري سلام ...
مطْولَه آه انقطاعك بالدهور
آخر اليمّه اللي بانو بالظهور
ابشيْعتك حزنك طري
ياولينا العسكري
غسّلك ثم كفّنك ثم بالحضر
صلّى مولانا عليك المنتظر
يسكب ابخده الدمع مثل المطر
امودّع اغلى انسان عنده في العمر
امودع اللي عانه في حفظه ابمكان
ابقعرَ سرْدابه وظلامه مايبان
والدمع يجري جري
ياولينا العسكري
واحنا ويّا المنتظر نجلك دمع
نسكب ابفقدك إمامي بالجزع
عاشو بالحيله محبّينك طمع
في لقائك ياإمامي اللي انسمع
مثلهم هالوقتَ في شوفك نعم
نطمع ابشوفة ضريحك بالهمم
جرحنا ماينبري
ياولينا العسكري
ضايگوك ادري بني العباس كم
حتى توْصل للمحبّين العلم
في حياتك ياولينا بالقِدم
مثل آبائك معاهم من سلم
والعمر سنتين بالشرطه اجلَبوك
من مدينة جدّك ابصحْبة أبوك
منها عدوانك بري
يا ولينا العسكري
أدعيه لك علّمتنا واصله
وللحسين ازياره خاصه كامله
والصلاة اعله النبي الهادي وهله
والوصايه في حفظنا امن البلا
والتعايش بين اهاليها الملل
كم وكم لك ياأبوالمهدي وصل
والمحب ظل يحتري
ياولينا العسكري
والله عادونا اللي عادوك اشكثر
مارضو يوصل للاَسماع اي خبر
أحرمونا من عطاياه الطهر
حجّة الله والمحامي ابهالقفر
أللّي خلّف لينا ابوصالح ولي
أمرنا من بعد أبوالحجه يلي
دامي بعدك خاطري
ياولينا العسكري
فرگا الاصعب فرگه جدك بوعلي
من دمائه قلب زينب ممتلي
خدرها اخوها المخضب والولي
شافته يمها يذبحونه وعلي
شافته ينداس ويلي بالخيول
فوگه ترجع ويلي اتصول وتجول
اتكسر اضلوعه عري
ياولينا العسكري
✍️
علي الأحسائي
ربيع أوّل ١٤٤٨هـ
/channel/ehhhnb
لسان حال أمير المؤمنين في رحيل رسول الله صلوات الله عليهم...
أمرني المصطفى القرآن جمعه
وعلى بابي ضجيج الگوم جمعه
وانا وبنته البتول الليله جمعه
ننوحه وتشكي بغيابه الأذيّه
علي الأحسائي
/channel/ehhhnb
صل الله عليك يامولاي يارسول الله وعلى أهل بيتك الطيبين الطاهرين
في أستشهاد رسول الله صل الله عليه وآله ووصيته لأبنائه صلوات الله عليهم (تجليبه) ....
من الأولى إلى الوسطى إلى الأُخره
نبي كل الخلق مو البعض ابوالزهره
حظن يبكي بتوله
حبيب الله ورسوله
يبنتي فاطمه هاليوم انا ماشي
وعليج ابنيّتي من هالزمن خاشي
مثل ماتنْظرين ابطيحت افراشي
لج الأخبار من بعدي ابألم فاشي
أمانه عند ابن عمّج وديعه انتي
وصيتي انتي لبوالحسنين يبنيتي
ألج سمعي اليگوله
حبيب الله ورسوله
على دارج بعد عيني العدا تهجم
على أعظم جريمه بالدهر تقدم
ضلعج بضْعتي بالباب لج تهشم
وروحي يعصروها بالدفع كلهم
ولابد من علي بعلج نعم يصبر
إذا راد الديانه المرتضى تظفر
إذا راد ابميوله
حبيب الله ورسوله
وبعد عيني أبوالحسنين مايسلم
عدواني ابصلاة الفجر تتهجم
وفي محراب الصلاة المرتضى تظلم
ومن الطبره تخضّب لحْيته بالدم
يطبرونه في محرابه الوصي حيدر
وعليه اولاده تتراكض بلم تحضر
ترى والي الحموله
حبيب الله ورسوله
وعلى كفها العميله جعده بالمقدم
بعد ماتنْغري وبالجائزه توهم
الحسن ريحانتي سبطي وسافه اتسم
تسمّه في صيامه اِبوضعها للسم
حبيبي اللي يشوفوني العدا احمله
تسم سيّد شباب الجنه وتقتله
لجل مُلك وعموله
حبيب الله ورسوله
الحسين ابني بن اميّه عليهَ التسل
السيوف بكربلا سبطي وقتل يُقتل
وعلى حر التراب ايتم بليّه ظل
قطع سيد شباب الجنه مترمل
اليأذيني بكائه وكم يألمني
وعليه انحب إذا سبطي قرب منَي
قطع ممتد بطوله
حبيب الله ورسوله
وبنتي زينب الحره أسيرتهم
مع اطفالي إلى الكوفه ابمسيرتهم
يضربوهم يعذبوهم بغربتهم
من بلد البلد تسحبها شرطتهم
وصيتي ينكروها بيكم وفضلي
عليكم عتّرتي روحي اشكثر تغلي
ينكرون اليعوله
حبيب الله ورسوله
✍️
علي الأحسائي
صفر ١٤٤٨هـ
/channel/ehhhnb
فايزي في ذكرى زيارة يوم الاربعين خطاب لمولانا صاحب العصر والزمان صلوات الله عليه...
وياك اخذني الكربلا ازياره يامهدي
بالأربعين امشي أزور احسين ودّي
يلّي لك ابخطوه الأرض تطويها مولاي
ابخطوه معاك الكربلا خذني يارجواي
ودّي أگول البوعلي جدّك أنا جاي
ويّا حفيدك سيّدي وحاجاتي عندي
حيلي أحطّه اعله الطريق وكلّي تحضير
لمصيبته الضامي أبواليمه بتقدير
حيلي تشدّه عمّتك أم عون بالسير
ولك بالنيابه امشي وازور احسين وهدي
شوگ الزياره ماخذ الروح البقاعه
شيل الجسد ويّاك بس طلبه لگاعه
ساعه ابطريقه انصير ويم بابه ساعه
قبل العزيز احسين بالعباس نبدي
أترقّبه ثارك ياوالي ابكلّ لحظه
وأتمنّى امامي ابنصْرتك والثار أحظه
ابثار الحُسين ابن علي تاخذني ترضه
وأدعي بتعجيل الفرج لجلك بجدّي
هذا الدرب مليان مولايه مواجع
وانا لآلك بالمشي رايح وراجع
أعزاز دخلت بالحميّه وبالجوامع
من كربلا طلعت سبايا ابهزلَ تحدي
شنهو التعب ويلي على الحُرّه العقيله
بالأربعين اشلون هالعمّه عليله
رجعت لخوها بوعلي الوعدت تجيله
من يسرها القبره الولي راسه تودّي
ودّي معاها احزانكم أحيي يوالي
امواسيك ومواسيها في فقد الاهالي
ابموكب عزاء الطم لكم صدري أمالي
ونحب مع الناعي ودمعي فوگ خدّي
✍️
علي الأحسائي
صفر ١٤٤٨هـ
/channel/ehhhnb
لسان حال مولاتنا زينب في رأيت أخيها مولانا الحسن مسموم عليهم السلام...
عسا انسم يالحسن جبدي بدالك
أمس خويه عدل شنهو البدالك
العرق يتصبب ابكثره بدالك
أخويه يحتضر يهل الحميّه
علي الأحسائي
فايزي لسان حال مولاتنا رقيّه في ليلة أستشهادها عليها السلام...
عمّه يازينب وين ابويه احسين وينه
وين اليحاميني ويداريني ابحنينه
عمّه رحل وين
ظل والدي حسين
هالناس ابد ماترحم اطفال ويتامه
العسكر غلاظ اجسادنا اضعيفه أمامه
تعب السفر والجوع ومفقوده الشهامه
ألموت في هذا المكان اظن علامه
ألكل يناظرنا ابحقد ياعمه زينب
بعيونهم نار العداوه اشلون تلهب
محتاجته الحين
ظل والدي حسين
سوط العدو اعرض من ذراعي
اللي لي يمتد
المو كسر واحد بالضرب بكسور يرتد
بيها الأعادي تحمي انفسها من اتشد
وبجسادنا اتعيب وترضْرض
وقت تجلد
متمزّقه عمّه عباتي من ضربها
وماباقي بيّه جلدَ وباقي هم غضبها
ريت الولي ايبين
ظل والدي حسين
ريته يشوف اشصار بيه من بعدهم
عجزت أديّه من ضربهم لي تردهم
مارحمت الحرمه الكبيره في بلدهم
هذا صغير ابعمره عدواني ماعدهم
ترحمني حاشا عمّه زينب هالأعادي
ابعيني أراها تضربج في كلّ وادي
تدمي النساوين
ظل والدي حسين
مرضاها ياعمّه عليج اتضج وتضرب
أنتي الحميّه ابهالبلد مرضاها تگرب
أخت انتي بويه حسين وعطره
اللّي ألَي ايهب
كم عز عليّه والدي فقده من السب
غصب النياح ابهالألم ماهو بديّه
ألضرب ينحب كل طفل فاقد أبيّه
محتاجه في البين
ظل والدي حسين
وينه ياعمه بويه عنّي ليش غايب
ألشام اَهلْها بالحجر ويّا الترايب
ترمينا في دف الطبول الهالخرايب
گلبي من العدوان وحيلي كلّه ذايب
خويه علي السجاد مربوط ابحبلهم
ويّاج ياعمّه ابعنقْكم فوگ ذلهم
وين المحامين
ظل والدي حسين
العبّاس عمّي وينه مابيّن ياعمه
بكفوف يحظني ويحطني دوم يمّه
الأكبر أخويه وينه كم شاغلني همّه
وينه ابويه اللي يضمني وانا اشمّه
اينادي ابقدومه ويْنها بنتي رقيّه
وينه يشوف ابنيّته في هالمنيّه
ينظرني بالعين
ظل والدي حسين
✍️
علي الأحسائي
صفر ١٤٤٨هـ
/channel/ehhhnb
لسان حال مولانا زين الساجدين عليه السلام ...
لأنصب لك يابويه احسين ماتم
ألين ابدنيتي الأحزان ماتم
ووصي اعيالي لك من بعدي ماتم
بدون اعليك ماتنصب عزّيه
علي الأحسائي
لسان حال مولاتي السيدة زينب عليه السلام في ساعات الأسر ...
على راسك ونيني حرق نحرگ
يصب دمه ابهزلها خطوه نحرك
كتاب الله حبيبي يتلي نحرك
من بلد البلد عالسمهريّه
علي الأحسائي
اوداعة الله يلّي مرمي اعله الثرى
جثّته مسلوبه ويلي اموذّره
اوداعة الله ياحُسين
يادَمعْتي والونين
امكبّله بگياد واحبال الزنود
فوگ هزل الگوم محفوفه ابجنود
لبنه مرجانه أسيره بالگيود
وبينك وبيني يابوالأكبر حدود
شالو زينب ياأخو زينب بلا
بسّ ماشالو مصايب كربلا
بس ماشالو الحنين
اوداعة الله ياحُسين
اشلون مرمي يادموعي السايله
بين كثبان الجـثث للعايله
فوگ جسمك خيل عشره جايله
وفوگ روس ارماح راسك شايله
مرمي ماودعك على ظهر البعير
حتى لك ياويلي مگدر راسي ادير
ابحبل نحري رابطين
اوداعة الله ياحُسين
مو العبايه اتمزقت اجلودنا
اسياطها ابكل ونّه تدمي اجسادنا
اسياطها عنكم ياوالي اتردّنا
تقتل الثكله وتميت احفادنا
حالي يم ذبحك يهون ابناظري
ومايهون ابناظرك ياخاطري
امكبله وسفه الأدين
اوداعة الله ياحُسين
نفسي يمّك خويه اظل متوسده
يم قطعها اوصالك احني گاعده
ابكفّي الملم دمّك اهنا رايده
ساعه اشم جرحك وساعه اضمّده
ريحة امي الزهره بيك الغاليه
والحسن خويه وبويه الزاكيه
وجدي سيد المرسلين
اوداعة الله ياحُسين
يم ترابك من ظهر خويه الهزل
أرمي نفسي خاطري والدمع احل
قوّه منّك حيل صعبه أنحمل
وماأشمّ اترابك وفوگي أهل
كلك ابحرها الترايب منعفر
جبدك اوصالك عظامك يالطهر
وزينب اختك شايلين
اوداعة الله ياحُسين
ريت اَظللك عن السنت الشمس
مثلَ ماحاميني بالهودج أمس
تدفع العدوان أختك لاتمس
وانا اشوفك بالمناصر أتهمس
جسمك اسيوف الأعادي اتگطّعه
وعاجز انياحي يبن أمي اگطعه
بين اشوفك قاتلين
اوداعة ياحُسين
✍️
علي الأحسائي
محرم ١٤٤٨هـ
لسان حال الإمام الحسين عليه السلام في خطاب مولاتي زينب عليها السلام ...
النبيه ابخطبنا يختي نبيهم
يرد منهم علينا بس نبيهم
علي الاكبر شبه جدي نبيهم
بقتله مارأو بيهَ الهويه
علي الأحسائي
لسان حال سكينة بنت الحسين عليها السلام لعمها العباس عليه السلام....
(ماي منريد)
ابعطشنا الگوم عمّي ما يامن رد
ياعمي رد كل احنا مانريد
نريدك عمّي انت ماي منريد
سكينه اتصيح عم عباس ليّه
علي الأحسائي
في أستشهاد مولانا الحسين ابن علي صلوات الله عليه...
ياشمس ساهمتي في قتل الحُسين
سيّدج مايمكن الوافي يعين
لوله بواليمه ماصرتي ياشمس
ولابقيتي ابهالوجود امن الامس
سيدي بواليمه طيبه يُلتَمس
بالخلايگ نجلَ سيد المرسلين
له عليج ابن الوصى حقّ وفضل
ربنا لوله مخْلقج أنتي الأصل
هذا منّج ماتوقعنا ايحصل
مَاخمدتي في طعنها القاتلين
الكائنات ابأسرها أدما الابي
مو سماء ابكاها بس نجل النبي
ومو إمام الناس بس هالطالبي
هم إمامج ياشمس بالحق مبين
أنتي نشفتي عروق ابن البتول
مهجة الزهره الزجيه ابن الرسول
اليطلب الزهره تسكته بالوصول
نوحه نوحه المصطفى له والونين
المصطفى مايرضه واحد يلمسه
يحمله ابنه وياخذه اويا ابمجْلسه
هوّه منّه ومنّه هوّه ابملْبسه
مو فقط ريحانته روحه الحُسين
ألرمل تحته من اخيوطج لهب
مو خيوط اسيوف تضرب بالعصب
وفوگه تضرب هالعدا وانتي ضرب
أبسيدة كلها نساء العالمين
يعني مو كافي السهام الواصله
ضامي مولايه براضي كربلا
وفوگه اشعْتج والترايب قاتله
نشّفت دمه أبوالسجاد زين
✍️
علي الأحسائي
شهر محرم ١٤٤٨هـ
ليلة 10 محرم لسان حال مولانا الحسين عليه السلام في ظهر يوم عاشوراء..
من بعد طيحت رجاله الشايله
غيْرته اعليكم بنات العايله
حيل مابيه الحُسين
يابناتي الخائفين
لاعزم لاحيل عندي ينْحمل
راحو عنّي ارجالي كلهم بالأجل
راحوَ اصحابي واخويه بوالفضل
كاشفه كربي وظهري والحمل
الشايلتْني غيْرتي ابرد الكفر
عن خيمكم يابناتي في القفر
أدفع الطاغي اللعين
يابناتي الخائفين
ارجال ماعندي بقت في كربلا
ياعظم حالي وكربي والبلا
للمنيه روحي بالطف واصله
وخايف اعليكم من اشرار الملا
خايف عليكم من اذياب الفلا
جايله اعليها خيامي وصايله
حيل مابيّه يبين
يابناتي الخائفين
صايله اعليّها خيامي ودايره
كل جوانبها وطرقها امحاصره
ومالكم غيري محامي ابهالثرى
يابناتي ياصغاري اللي ترى
مانفع وياها ابوكم منبره
عازمه دمه الأعادي تهْدره
يهدرونه عازمين
يابناتي الخائفين
رشقها فوگي السهام وماوگف
ناس تتعب خلّفها ناس وتصف
رايده تخلص جراحاتي النزف
امواصله اعليّه حَرَبها ماتكف
ودمعي عليكم بناتي اكثر يصب
كلّما اكثر هالأعادي اتجي وتكب
حوليَ اكثر زاحفين
يابناتي الخائفين
عزمَ ماباقي بعد ويّا العدد
غيْرتي ابروحي بقت دون الجسد
ألسهم مانعنيَ الخيمه أرد
واقع ابصدري وضاعفني الجهد
زينب اختي أنت بعدي الجالسه
للنسا وطفالي يختي حارسه
كونو ليها لازمين
يابناتي الخائفين
طاحت الوالي يويلي اعمامته
العمد صوّب جبينه وهامته
أخته زينب بالمعاره شافته
تلطم وتصرخ أخويه ابساعته
خويه لاتطعن ياخايب أظْهره
جدي الهادي النبي اعليكم يره
يشكي رب العالمين
يابناتي الخائفين
✍️
علي الأحسائي
شهر محرم ١٤٤٨هـ
ليلة 9 محرم موشح في ليلة استشهاد علي الاكبر عليه السلام بلسان حال ابيه الحسين عليه السلام ...
يابنَي أُمّيَ وأبي
طالبيه وطالبي
ودّعوا شبه النبي
علي الاكبر.. علي الاكبر
يختي يازينب خواتي الگوم اجوكم
گومي ياسكنه ورقيه ودعو اخوكم
ياعلي السجاد يعيالي ابن ابوكم
ودّعو شبه النبي ابمشيه العدوكم
گومي ياليلى بعد
الوالده انتي للولد
شبهَ جديّ هالورد
علي الاكبر... علي الاكبر
مثله ماعندي ولد والله يازينب
يشبهَ الهادي النبي جدي له أگرب
حگي ببني الأكبرَ انا اَصيح ونحب
اعيونيَ ابمشيه ياليلى اشلون تلهب
كلها اناظر وارده
جدي تقتلّ العدا
ألنبيها قاصده
علي الأكبر... علي الاكبر
مخّجلت حتى ولا موقف دمعْها
بالذهب يازيد أعماها وخدعها
من تعادي وسفه ماتدري ابصنعها
لي سقر بالخطوه هالوادم جمعها
راحت ايام المهد
والربى وذاك الجهد
خصْمكم جدي الوعد
علي الاكبر... علي الاكبر
من تزوّد ياعلي السجاد اخيّك
بعده يانجلي علي اهنا احسين ابيّك
خلّي من بعدك ولي الباقر وصيّك
يروي للعالم مصايبنا سميّك
ابكربلا ذبحو هلي
ابجدي احسين الولي
أقتلو عمّي علي
علي الاكبر... علي الاكبر
الله ياطوله وجماله جدّي أحمد
صوت وصوره ببني هاديها تجسّد
ابكربلا الله اعله فَعلْها ايشوف ويشهد
ابمقتله ضاق الفضا الكل جاي محتد
نجلي ووليدي وسف
خيمتي العسكر يحف
اسهامها ابرميه تصف
علي الاكبر... علي الاكبر
يام لكبر ليلى دعواتج ولدنا
رايح الميدان شايل في شددنا
گبلنا وسفه ترجّل مو بعدنا
زاد في عزمه عذابه اكثر جسدنا
بويه الم فرگاه الم
بالگلب نبتت سهم
تنْزفه للموت دم
علي الاكبر... علي الاكبر
✍️
علي الأحسائي
محرم ١٤٤٨هـ
ليلة 7 محرم لسان حال ابوالفضل العباس عليه مع أخيه الإمام الحسين عليه السلام ...
خويه اطلْبك لا تردْني ياحُسين
أطلع الماي وأجيبه يالحنين
أطلع الماي وأجيب
موقف اعيالي عصيب
أسگي بيدي اعيالي أطلع بوعلي
بيدي أسگيهم عيالي يالولي
غيرنا اهنا مالهم واحد يلي
من لهم بالغربه يسگيهم هلي
نوْحهم متعالي خويه ابكربلا
العطش يشكون بوساط الفلا
بيّه ظنهم لاتخيب
موقف اعيالي عصيب
اليوم ثالث بالضما الهم مو أمس
وتحت اشعتها حرارة الشمس
النفس في هالبراري ينْحبس
وكل أملْهم جودي خويه ينْترس
خلني اروّي اجبودهم تلهب جمر
لاتموت امن العطش خويه الطهر
خلني أروّيها اجيب
موقف اعيالي عصيب
آنا عمها وانا ابوها بوالفضل
الشهم بالشده عباس البطل
بيّه ظنهم نوْحهَم يمّي عمل
وانا عد ظنهم ياخويه اعيالي اجل
دالع اللسانه رضيعي ابحالته
وبنتيَ اسكينه ورقيّه اوخيته
حالها خويه كأيب
موقف اعيالي عصيب
أطلع الماي وأجيبه امُنيّتي
نفسي اروّي يبن ابويه عيلتي
نفسي وروحي هالصغار وغيرتي
لك فدائي يبن ابويه ونصرتي
أوصت امي ام البنين اعليها كم
وفي نصرتك يالولي عندك علم
أعتلا صوت النحيب
موقف اعيالي عصيب
الموت لاح ابعيْنها متعانقه
الجيش واحد منها شفته ماسقه
الناس ماترحم ياغالي امفارقه
وانا وانت بالمعاره اللي بقه
گلبي بولادي وبناتي حارقه
وروحيَ اصحابي ياخويه لاحقه
راجي ربي القه خضيب
موقف اعيالي عصيب
النهر يمنا وسهل خويه املكه
مابدت بعيوني باقي المعركه
جيشهم هذا انت بس ليّه اتركه
ابگاعهم هذا علمهم لا افركه
رأية الشيطان بعيوني لهب
ابگاعهم هذي لا صب كل الغصب
تعرف اشلون اللهيب
موقف اعيالي عصيب
✍️
علي الأحسائي
محرم ١٤٤٨هـ
في ذكرى فرحة الزهراء عليها السلام
تاسع ربيع ..
فاطمه يافاطمه يافاطمه
الحمدُلله اعله الثبات ابكل صبح
نصحه فيه اعله الولايه ننمنح
بالصلاة اعله النبي وال النبي
نبتدي كل يوم ونختم بالأبي
ونلعن العدوان ونْخص غاضبي
فاطمه باللعنَ ونزيد ونلح
دوم في تاسع ربيع وموعده
شارك الزهره فرحها السيّده
وصوم في يومه وتبرّى امن العدا
وأقسم الحلوى على اصحابك فرح
علّگ الزينه ونوّر منزلك
والبس الثوب الحديث العاد لك
وهنّي كل مؤمن من اخوانك هلك
ابفرحة الزهره وابوها الهادي صح
أعلنو اليوم الحزن مات وهلك
والفرح في هالمسا الكرسي ملك
شما اسلكو العتره المُحب نفسه سلك
سلكَ طفل الناقه لمّه لا سرح
ابتسامتها الزجيّه فاطمه
ألبتوله امنا وحدْها مرْحمه
خير ونعمه اعلينا تطفي غائمه
مايلين ان كنّه بيها ننصلح
أبتسامتها رضا الله وبالرضا
نظفر ابفرحتنا في هالمقتضا
قدْوه مولاتي ونجمه في الفضا
نستدل بيها الطريق ونفتتح
ألذي يسعدها يسعدنا نعم
وسيّدتنا عالمه في حبنا كم
أحنا من طينتها مولاتي ومهم
نفرح ابفرحتها ونحزن بالجرح
نشفه كلنا امنا لأنها لا شفت
ابعافيتنا نبقه كلنا لابقت
نحمدالله ونشكره الزهره افرحت
دنيتي وعمري وزادي والملح
✍️
علي الأحسائي
ربيع اول ١٤٤٨هـ
/channel/ehhhnb
لسان حال أمير المؤمنين في فراق رسول الله صلوات الله عليهم ...
أموت ابفرگته بوالزهره وحيه
إذا ايسلّم وصلني ابداري وحيه
ابفراقه أنقطع خالقنا وحيه
وجبريل اختفه من داري ضيّه
علي الأحسائي
/channel/ehhhnb
لسان حال الإمام الجواد في أستشهاد ابيه الرضا صلوات الله عليهم...
بني العباس قتل ابأهلي بسّم
ماارتاحو العدا ولا ثغرَ بسّم
إللا لمّن اغتالوك بسّم
وطفو بويه الرضا شمع الثريه
علي الأحسائي
/channel/ehhhnb
موشح بلسان حال أبوالصلت الهروي في أستشهاد مولانا علي بن موسى الرضا صلوات الله عليه...
مالك الدنيا ومافيها الرضا
وعايفه للعالم ابهذا الفضا
مو ثراوات وبلد
أبن ساداتي المُدد
بوالعلم علمته معنات العلم
لين مولايه اعترف لك في الأمم
مو سليمان اللي له مُلك وخدم
أللي له انت سيدي مُلك وحشم
بالزهد لك غايه لكن سيّدي
وشاف بعيونه الطِباع المُعْتدي
بوالخدم والي العهد
أبن ساداتي المُدد
والنعم منّك إمامي بوالحسن
بوالجواد ابن الرسول المؤتمن
ألجواد ابنك من ارجاء المُدن
جبته من طيبه بلمْحه لدفن
عرش بلقيس إذا جابه النبي
هم كذلك بوالحسن جاب اليبي
جاب مولايه الولد
أبن ساداتي المُدد
رادو بالسلطه تهون ابكل نظر
وماانجحو بالحيله وفعال الغدر
تدري مولايه لأن تالي العمر
الآخره مو الدنيا دارك والمقر
بالخيول ايسير دربه موكبك
وماشي راجل للإله ابمطلبك
لله خاشعُّ وعبد
أبن ساداتي المُدد
من ديار المصطفى جدك لمر
مو عبث جابوك مولايه الطهر
راد له المؤمون في جلبك تقر
بالخلافه امام بس كلَّ البشر
بسّ ردّيت ابجوابك في الملا
وأفسدت تخطيطه يم مجمع هله
بعدَ ماأعطيته رد
أبن ساداتي المُدد
الإمامه مو إذا لك تُنتسب
ليش بيها بالأساس انته تطب
ولك إذا اتگول الإمامه لشّعب
حقَْ مالك تهدي غيرك مانُسب
علمك اعطيته مو علمه بالولي
شورى وبيها يُتفق من هو اليلي
علمك اعطيته ابسند
أبن ساداتي المُدد
أشهد انّك بن عليُّ وفاطمه
ألتجوع وماتجوع اللازمه
الماتبات وغيرها تحت السما
الجوع تشكي في مكان ابعالمه
الذي سمّك يبن حيدر علي
جاهلَ وبن جاهل ابحقّك بلي
أنت للعالم مدد
أبن ساداتي المُدد
✍️
علي الأحسائي
شهر صفر ١٤٤٨هـ
/channel/ehhhnb
في ذكرى استشهاد إمامنا المجتبى عليه السلام...
لاما الحسن والينا
بالدنيا ابد ماجينا
واجب وحقّ اعلينا
الوالي عزائه انحضْره
هذا اللي قبره من هدامه خالي
حفظك جرى بيده ترى يموالي
أحضر عزائه واللطم اعله الوالي
وواسي نبينا وفاطمه بالغالي
ريحانة المختاري
نور وضيا الجباري
عطر وشذى الأزهاري
ثمرة فؤاد الزهره
زينب بكت لطمت عليهَ الأطهر
فقد الأخو حار اشكثر مايُنكر
ظل شابك ابخيّه الحسن بوالأكبر
وعباس في سكب الدموع اتأثّر
الميّت عزيز الهادي
ويّا النبي ابكل وادي
امرادك نعم ومرادي
اليعجز لساني شكره
مايملكه كلّه عطاه الوادم
شنهو عطوه الوادم وهالعالم
خنجر في فخذه سيدي ظل يالم
وسم في لبن مولايه دنيا خاتم
سمّو الكريم الطيّب
حيل الأخو لحبيّب
البالشدّه دوم اگريّب
ثالث إمامي العتره
أشغالك اترك والتفت لدامي
والطم لطم لاتبخل اعله الحامي
حامي ولينا اسلامك وأسلامي
ورزقك كريم البيت امامي السامي
الحجه على هالدنيا
التشرق سمانا ابضيّه
اليجري ألينا ريّه
الحاجه تضرّك ضرّه
الثاني ماشال الهادي وخلّه الأوّل
من منبره لثنين طه حوّل
وبثنينهم يمشي النبي ويتجوّل
وعنهم صفات الناس كثره ايموّل
همّا الشفاعه ابقبرك
وهمّا مدادك صبرك
بقوال جدها اتخبرك
وهذا وذاك اتخبّره
امصيبة ولينا المجتبى نحييها
وفي كل سنه امّه فاطمه انواسيها
ابغيره مجالس سيدي انداريها
نجل البتوله فاطمه وغاليها
بربه اتعبت والدته
سهرت تداري صحته
روح الرسول وبنته
نجله نبينا وبكره
✍️
علي الأحسائي
صفر ١٤٤٨هـ
/channel/ehhhnb
لسان حال مولاتنا زينب في دخول سبايا الحسين بوابة الشام عليهم السلام..
ويْنها الكانت ورد قبلاتك
بالصغر يالكنه لك بسماتك
رجمت اهل الشام اثرها بالحجر
وشوّهتها جدّي من كثر الشمر
وبسْمتك ناسك من اسياط الكفر
اتبدّلت جدّي النبي ابدمعاتك
امدللاتك شتمَ تُسمع درّتك
وتشتم اعيالك وتشتم زهرتك
فاطمه امنا غيرة الله وغيرتك
تشتم وتشتم لك ابنياتك
واگفه ساعات مو ساعة حفل
رفعه وفخر وأعتزاز ابهالقتل
في سفك دم عترتك تملي المقل
فرحه ابوالأمه النبي ابآهاتك
وراسه فوگ ارماحها ريحانتك
اشلون هالناس ابدمائه حنّتك
امهشّم ومدمي جبينه ابن ابنتك
شايلينه البالحضن شيلاتك
بالترايب والحجر ترمي وتصك
مو جبينه بل جبينك لك تصك
والطرق كل مالها الزحمه تصك
عرس والمدمع على وجناتك
امزيّنه اسطوح المباني والممر
بالطّبول اتغني وتجهرها جهر
الخوارج طبت الشام ابفخر
وبالكفوف احنا انحجب حرماتك
وزين لعباد ابجوامعها الولي
يلتفت مايگدر ابحزها ألي
الأجانب جدي خدري اللي تلي
بعده كافل زينب ابغيباتك
والضرب مايوقف اعله الثاكله
يرتفع سوط اهنا كومه نازله
ساطره توها اليتيمه الغافله
ترجع وتسطر بعد مهداتك
✍️
علي الأحسائي
صفر ١٤٤٨هـ
/channel/ehhhnb
في أستشهاد مولانا زين العابدين صلوات الله عليه لسان حاله في الشام..
أنا نجل الذي گطعو له نحره
أنا ابن المنذبح ماذاگ گطره
العليل ابحملَ لگياد
المكبّل زين لعباد
أنا المظلوم ياناس ابأسركم
البگيْده والرجم يازيد امركم
البتعذيبه وشتمه ظل يجركم
أبن هاديكم الماگطّه ضركم
أبن خير العباد ابگاعه كلهم
أبن من أنقذ الوادم ودلهم
اليجال ابضربه لبلاد
المكبّل زين لعباد
أبن مكّه ومِنى يلي لي حاضر
وزمزم والصفا وكل المشاعر
أبن من أحيه دين الباري جاهر
وطاف ابكعبته وصله مهاجر
أبن من صلّه بملاكه ابسمائه
ملبي دعوة الرب في ندائه
الونينه برْضكم زاد
المكبّل زين لعباد
أبن من أسرا ربنا ليل وبارك
للاقصى بالبراق اياته دارك
وابن من جنّته حبه ونارك
أبن من شارك ابفتحه المعارك
أبن من للنبي حامل لوائه
وإلى المعبود بس وحده بكائه
نجل من خيرة اجداد
المكبّل زين لعباد
البتوله جدّتي الزهره الزجيه
وجدي المصطفى خير البريه
وصنوه المرتضى جدي ووصيه
ابوالحسنين حمّاي الحميه
الحسن ريحانة المختار عمي
وأخو سبطه الحسين العفتو مرمي
أخو الوالد يالاضداد
المكبّل زين لعباد
قتَلتو عترة الهادي نبيكم
عياله والنساء ولا عليكم
ظلم ترضوها أنتم في هليكم
وهله الهادي بنيرانه سبيكم
العرب تفخر بجدي اعله الأعاجم
وقريش اعله العرب تفخر ياعالم
واله ابشتمَ تنگاد
المكبّل زين لعباد
أبن خالي العيوب ابسيف يُذبح
وبناته بالفلا بالنوح تسرح
ونجله بالشتم والسوط يجرح
فضل جدي عليكم هذا يصلح
المودّه ويْنها التذوي ابكتابه
أنا انشد ياخلگ هل من إجابه
ابخرابه تُرمى لحفاد
المكبّل زين لعباد
✍️
علي الأحسائي
محرم ١٤٤٨هـ
لسان حال مولانا سيد البكائين عليه السلام...
طلبها احسين ابويه هل ونالماي
بيوم الكان له ضامي ونالماي
بعد طف كربلا اليغلي ونالماي
أون كل مايجـيبونه أليه
علي الأحسائي
ليلة 11 نعي نصاري لسان حال العقيله زينب عليها السلام تشكي إلى كفيلها عليه السلام....
ابغليل اصدورها ويّا غضبها
كادت روحي تطلع من ضربها
عليّه اسياطها التنزلها زحمه
زحمه ياكفيلي ابليه رحمه
تمنيت العزيزه خويه تُحمه
أنا ادري مو بديْك اختك تحبها
قواك امن الضما بالبيده خلصت
وعليك اسيوفها العدوان طبّت
ودموع اختك عليك اشلون صبّت
غيرك مالها تشكي ابگربها
بليّه رحمه حامي خدرَ زينب
العزيزه تنضرب تنهان تنسب
العزيزه بت علي خيمتها تنشب
وگاع اخيامها العسكر تطبها
خيمها ياخيمها أحرگوها
بناتك ياكفيلي سلّبوها
ابسياط وكعب لسيوف اضربوها
اضربوها خويه في ساعة سلبها
عليك اخ ووأسف بالگاع مدمي
كتر هذا النهر خويه اللي يضمي
فقد ظلّك ياخدري ودمي ولحمي
مو مايه ياشگه الروح وتعبها
تريد الماي يوصلنا ياغالي
أنا ادري بالفضل عزّي ودلالي
مو ماي النهر ماي انت عيالي
البقت حسرتها حسره في غربها
ابعليل ابظلمة البران واطفال
بقت عباس اختكم بسوء وحوال
وسط ظلام بالبيده بلا ارجال
كل ساعه تسمعها امها سبها
✍️
علي الأحسائي
محرم ١٤٤٨هـ
نعي لسان حال الإمام زين العابدين عليه السلام..
ابسهم مو سن إله طالع ثلاثه
ثلث كبد الولي وكبدي ابثلاثه
وابويه ماي ماشارب ثلاثه
لأيّام ابصحاري الغاضريه
علي الأحسائي
لسان حال الناعي في العباس إلى أخيه الحسين عليهم السلام..
العلم طاح ومن العباس كفّين
طاحو وبس لهم هذولا كافين
اتركو جنب النهر بالرايه كفين
وجوده منسكب مايه سويّه
علي الأحسائي
لسان مولانا الحسين عليه السلام في أخيه بوالفضل العباس عليه السلام...
يمينك بوالفضل قطعو وليسار
وهمّك شالجرى المايك واللي صار
الدرب للخيمه شالأفضل والأيسر
أريد اسگي ضمايه الغاضريه
علي الأحسائي
من التل حقّقو الأنظار لحسان
الحشا يجدي معاها خير لحسان
عساكر مو نخيل ووقف لحصان
الدليل اعلو وصول الغاضريه
علي الأحسائي
لسان حال ابن الحنفيه رضوان الله عليه...
يحسين ابعيالك ماشي لاوين
عليك انهاري وليلي والله لاوين
المرض عن نصْرتك وجدامي لاوين
ذراعي يبن ابويه احسين ليّه
علي الأحسائي
لسان حال السيده زينب عليه السلام في رؤية الهلال....
هلالك ياشهر عاشور يهلال
المآسي والحزن والنوح يهلال
أنادي اعليك كم مرات يهلال
بني هاشم ياابن أمي الزجيّه
علي الأحسائي