308
Оҳанг ва сўз уйғунлиги дунёларингизни нурафшон қилсин! Ёш шоира Нозима Ҳабибуллаеванинг ижодий каналига хуш келибсиз!
Шаббодалар елар жўшқин суворий,
Суҳбатлар пиёда кезар барқарор.
Aста қулоғига шивирлаб ёрнинг
чопонин елкамга ташлайди баҳор.
Очилар гулларнинг шаклида сирлар,
Маржондай тўкилар ёмғир дилрабо.
Осмоннинг бошида бошланган шеърлар
Соябон остида этарди давом...
... Шеър тинар.
Оқшомга инади бироқ,
Чироқлар заррама-зарра дарбадар,
Ҳар гал учрашувга мендан аввалроқ
Ўзини кўзгуга солади шаҳар.
Лолалар ифори суза бошлагай
юзимда - ҳаяжон тўлқинларида...
Aйланай, елкамга чопон ташлаган
Баҳорнинг меҳрибон салқинларидан!...
@Nozima_Habibullayeva
Фёдор Достоевский, «Ер остидан мактублар»:
– Агар қизим бўлса, уни ўғилларимдан кўпроқ севсам керак.
– Нега?
– Билмасам, ўзим шунчаки, Лиза. Битта одамни танирдим. Турқидан от ҳуркадиган қўрс одам эди. Бироқ қизининг олдида мутлақо бошқа одамга айланар, уни эркалаб-эркалаб сира тўймасди. Қизи балда рақс тушганида беш соат бир ерда қимирламай, ҳатто кўзини пирпиратмай, ихлос билан томоша қиларди. Шунчалик яхши кўрарди қизини. Қизи чарчаб ухлаб қолар, бедор ота эса унга термулиб ўтирарди. Ўзи кир-чир кийинар, бировга бир томчи томизмас, қизидан эса сўнги чақасини ҳам аямас, қимматбаҳо совғалар олар, совғаси қизига ёқса бахтдан еттинчи осмонга учарди. Оталар қизларини доим оналардан кўра кўпроқ яхши кўришади. Баъзи қизлар ота уйда қироличадай яшашади. Менимча, қизим бўлса уни эрга бермасдим.
– Қанақасига?
– Қизғанаман-да ахир, ўлай агар. Бегона эркакни қандай ўпади, қандай қилиб уни ўз отасидан кўпроқ севади? Буни ўйлашнинг ўзиёқ даҳшат. Биламан, валдираяпман, билохир ҳамма кўникади. Лекин менга шундай туюладики, уни эрга бергунча ўзимни хароб қиламан, номзодларни бирма-бир чиқитга чиқараман. Охирида ўзи севган одамга бераман. Аммо қиз севган йигит доим отанинг наздида талабгорларнинг энг номақбули бўлиб кўринади. Ҳа, ҳар доим шунақа бўлади. Кўп оилада шунинг устида келишмовчилик чиқади.
– Қизларини ҳурмат-иззатда узатиш нари турсин, сотишга ҳам рози оилалар қанча.
– Севги нималигини билмайдиган бадбахт оилаларда шунақа бўлади. Севги йўқ жойда ақл ҳам бўлмайди.
_____
@Nozima_Habibullayeva
Eng sara va mening sevimli jazz musiqalarim ❤️ (ko‘pi qulog‘ingizga tanish ham)
Mazza qilinglar tinglab...
@Nozima_Habibullayeva
Yozuvchi+postanovkachi rejissyor+postanovkachi operator + rassom = Jek London
(Asarlaridan o‘zingiz sevgan iqtiboslarni yozib qoldiring 👇)
P/S: Kartina uchun chiroyli izoh yozganga va muallifini topganga kitob sovg‘a qilaman 😎🔔
@Nozima_Habibullayeva
5 ёшидан мусиқа ёзган даҳонинг сирли ўлими – Моцартнинг авлоди нега давом этмаган?
Моцартнинг жонсиз танаси тунда Авлиё Марк қабристонига олиб келинган, ҳеч қанақа дафн маросими ўтказилмаган ва оила аъзолари хабарсиз қолдирилган.
Oʻz: https://oyina.uz/uz/article/3437
Ўз: https://oyina.uz/kiril/article/3434
Расмий саҳифаларимиз👇
Telegram | Facebook | X | Instagram
#Амирқул_Пўлкан_танловига
ТАРЖИМАИ ҲОЛ
Амирқул Пўлкан шеъри
Шаҳриёр Шавкат ўқиди
Роликни тасвирга олишда яқиндан ёрдам берган
Ўзбекистон Ёзувчилар уюшмаси тарихи музейи,
Ўзбекистон прокуратураси тарихи музейи,
Тошкент тарихи музейи,
шунингдек, Навоий вилояти Хатирчи тумани Қатағон қишлоғида жойлашган “Пўлкан шоир авлодлари” музейи ходимларига миннатдорлик билдирамиз!
Ўтган шоирларимизнинг руҳи шод бўлсин!
👉 /channel/amirqulpulkan 👈
#Амирқул_Пўлкан_танловига
“Юр, кетайлик…” & “Севги”
Амирқул Пўлкан шеьрлари
Шаҳриёр Шавкат & Нозима Ҳабибуллаева ўқиди.
/channel/amirqulpulkan
Миллат алпларига байрам муборак бўлсин!
@Nozima_Habibullayeva
Ertangi taqdimotimiz Milliy Gvardiya Ma’naviyat va ma’rifat markazi binosida boʻlib oʻtadi.
Kirish rasmdagi binoning orqa tomonidan.
Lokatsiya
Shunday savollar bo‘lsinki, javob topolmasdan zavqlanay:
👉 t.me/letsqbot?start=ikz1n
XIX asr simfonik musiqasida tub burilish yasagan, yangi davrni boshlab bergan 3-simfoniya 👆
Betxoven uni dastlab Napoleon Bonapart sharafiga bag‘ishlab, uning ismi bilan nomlagan.
Chunki Betxoven o‘sha payti Napaleonning qahramonlik faoliyatiga kumir edi.
(1803-1804 yillarda yozilgan)
Keyinchalik, Napoleon siyosatidan hafsalasi pir bo'lganligi sababli (inqilobning demokratik va respublika ideallariga xiyonat sifatida qabul qilingan imperator unvonini qabul qilish) Betxoven bitta notani ham o'zgartirmasdan simfonik partitura muqovasidan "Napaleon" ismini o‘chirib tashlaydi. Keyinchalik bu asar "Qahramonlik" nomini oladi.
Simfoniyaning premyerasi 1805-yil 7-aprelda Venada boʻlib oʻtgan.
@Nozima_Habibullayeva
ПИАНИСТ
(Баллада)
Оппоқ рояль ва муҳташам зал.
Ҳаяжоннинг безаклари жам.
Титроқ ўйнар саҳнани ўпган
Кўйлагимнинг этакларида.
Минг кўзнайза нишонида – мен,
Нафасларим борар қисилиб.
Ва чалишни бошлайман Бетховеннинг
14-сонатасини.
Илк аккорд ва клавиш доми
Нозик бармоқларим чўза бошлайди.
Юрак ритми:
сол-до-ми, сол-до-ми...
Ўн бармоқ – ўн ғаввос оқ-қора
Денгиз аро суза бошлайди...
Рўпарамда клавир – нота,
Ноталарки қора томчилар.
Куй йиғлайди клавишларга
Бармоқларим бўлиб томчилаб.
Бирдан ўзни йўқотиб қўйдим,
Қўлларим чалаверар менсиз ҳам.
Руҳим дайдиб қўним топар сўнг
Ўтмиш. Вена.
Ва тор хонада.
Мана
Топилмаган партитуралар,
Чанг юкидан ётар инграниб.
Ўргимчак тўрлари қучоқлаб ётар
Создан тушган пианинони.
Унутилган пианинони.
Инларида тебраниб куйга
Ўргимчаклар тинглар исиниб.
Бармоқларимла ўпаман Бетховеннинг
14-сонатасини.
Куй авжига келар. Ё Худо
Кўзёш келар бутун танимни босиб.
Куй авжида нимжон бармоқларимга
Куч қаердан келяпти оқиб.
О Бетховен! Даҳойим менинг,
Кар қулоққа дардни опичлаб
Яралган шу оҳанг домига
Кўзёшларим билан томчила-аб
чўкиб кетгум.
Янграйман энди,
Энди мени шу денгиз чалар.
Беҳос. ..
Қарсак қармоқларила
Тортиб олади қарсакчилар.
Оппоқ рояль ва муҳташам зал...
@Nozima_Habibullayeva
https://telegra.ph/FARG%CA%BBONA-Ijod-peshqadamlari-12-04-2
FARGʻONA: Ijod peshqadamlari
🏛Oʻzbekiston Yozuvchilar uyushmasi Fargʻona viloyati boʻlimi
Telegram | Facebook | Instagram
ҲАМНАФАС ШЕЪРИЯТ
Адабиётда ижодкор жуфтликлар кўп бўлмаса-да, учраб туради. Ҳамид Олимжон ва Зулфия, Саид Аҳмад ва Саида Зуннунова, Абдулла Қаҳҳор ва Кибриё Қаҳҳорова... Бугунги замонимизнинг ҳам ана шундай бахтли жуфтликлари қаторида Шаҳриёр Шавкат ва Нозима Ҳабибуллаевалар ижоди алоҳида ажралиб туради. “Излам”да иккала ижодкорнинг китоби гўё бир бутун ҳолда номи ҳам, шакли ҳам монанд чоп этилган. Чунки икки ижодкор ҳаётда ҳам ижодда ҳам “Ҳам” “Нафас”. Бир-бирин тўлдиради, бойитади. Ажабмаски, ўзбек адабиётини ҳам биргаликда абадий тўлдирса... Уларнинг шеърларини навбат билан ўқисангиз, худди лапар айтишаётгандек бўлади. Бир-бирларига айтган изҳорларини, айтимларини китобга жам айлагандек...
Шаҳриёр: Сиз ёмғирни яхши кўрасиз,
Мен Бетховен эмасман, афсус,
Кўзингизда ноталар сузар,
Сўз оқади, томиримда Сўз! (“Сиз ёмғирни яхши кўрасиз...” шеъридан)
Нозима: Сукунатга тортилган тароқ,
Тун ёйилар сочларимдек тим.
Деразамнинг остида ногоҳ
Сиренада куйлаётган ким? (“Сукунатга тортилган тароқ...” шеъридан)
Шаҳриёр: Исмингни исмимнинг ёнига ёздим,
Юзларин беркитиб кулди таносиб.
Оқлиги янаям ошди қоғознинг,
Тунга ой,
Сувга сой,
Ким-кимга муносиб (“ШаҳриНоз” шеъридан)
Нозима: Қўлларимга қизил олов тутқазди у,
Миллион йиллар совқотмасам керак энди.
Ишончимни ютиб, дилин ютқазди у,
Кўксимдаги кўксидаги юрак энди. (“Қўлларимга қизил олов тутқазди у...” шеъридан)
Аммо китоблар тўла изҳорлардан иборат деб ўйлаганлар ҳам адашади. Уларда Шаҳриёрнинг оғриқли саволлари, замону жамият билан муросасиз мисралари, юрагингизга тўғридан-тўғри етиб борадиган яланғоч сатрлари, Нозиманинг бугуннинг аёли ўлароқ инжа туйғулари, саккизликларга яширинган фалсафий кечинмалари, гоҳ исёнкор, гоҳ музтар ҳолатдаги сирли сезимлари мужассам.
Шаҳриёрнинг мумтоз адабиётдан суғорилган, халқ оғзаки ижодидан таъсирланган гўзал лирикаси билан бирга, ижтимоий мавзудаги шеърлари ҳам кўп. Уларда бугунги давр муаммоларидан тортиб, замонамиз қаҳрамонларигача акс этади. Шоир жамиятимизни тафаккур синтезидан ўтказар экан, ўзига дадил саволлар бера олади?
Қўрқоқлар кўпайган замонда,
Олчоқлар кўпайган замонда,
Аҳмоқлар кўпайган замонда,
Маддоҳлар кўпайган замонда,
Нега сен шоирсан?
Шаҳриёр – ёвқур шоир. Бу унинг характеридан ижодига ҳам шундоққина кўчиб ўтган. Қоғозга ўраб-чирмаб ўтирмай, гапнинг дангалини айтиб қўя қолади. Аммо бу бадиийликка бироз путур етказади, ўқувчига дағалдек туюлади. “Қаримсиқ вафо”, “Йўқсиллар устига чоптирар нуқул”, “Инқиллаб кавшанар инқилоб”, “Қарғишдек қуриган душман қони” каби ўхшатишлар ҳам шеър ёзиш жараёнида туғилган шиддат ва ниҳоятда юқори ҳаяжон ҳосиласи. Уларни бироз таҳрир қилиш фойдадан холи бўлмайди, назаримизда.
Нозима Ҳабибуллаева ўзбек аёли ўлароқ бугунги хотин-қизларимизнинг руҳан эркин, илму зиёли ва аждодларга муносиб бўлишини истайди. Ҳар бир шеърига ана шундай аёл назокатини, садоқат ва муҳаббатини, ўтли юрак кечинмаларини жойлашга ҳаракат қилади. Айниқса, “Нурхон монологи” шеърида бу туйғулар бўртиб кўринади. 16 ёшида санъатни танлагани учун ўз акаси томонидан ваҳшийларча ўлдирилган илк ўзбек раққосаси тилидан айтилган бу шеър бугунги кун учун ҳам долзарб. Аёллар эркини чеклашга уринадиган, уларнинг таълим олиши, кийиниши, юриш-туришига турли тақиқлар қўйишга ҳаракат қиладиганларга қаратилган исёндир бу.
Менми?
Истаганим озодлик, илм,
Муножотим рақсдир, мукофотим – рақс.
Сиздами тарози?
Не гуноҳ қилдим?
“Ўзингиздан Худо ясамангиз, бас!
Бу икки ҳамнафас ижодкордан ҳали жуда кўплаб асарлар кутиб қоламиз. Зеро, адабиёт мана шундай қўшқанот истеъдодлар билан янада сермазмун, файзли бўлади.
Бекзод Иброҳим
Bu esa "1900-" filmidagi o‘sha mashhur musiqa "The crave"
Kompozitor: Ennio Moricone ✨
@Nozima_Habibullayeva
Dunyoni mahv qilgan qullar raqsi – “Jazz” tarixi
Paxta plantatsiyalarida ishlash uchun Afrikadan Amerikaga olib kelingan ruhoniy qullar diniy matnlarni qarsak chalish va oyoqlarida ritm hosil qilish bilan kuylashadi hamda qavmdoshlarini ham shu yoʻsinda ergashtiradilar. Afrika etno-musiqasi murakkab poliritmlari va “barabanlar xori” bilan xarakterlanardi. Ammo qullar oʻzlari bilan Yangi Dunyoga hech qanday musiqa asboblarini olib keta olmagan edilar. Shu sababdan ular hayajonga yoʻgʻrilgan intonatsiya va tabiiy ritmlarni hosil qilishda qarsak va oyoqdan foydalandilar.
Batafsil: https://oyina.uz/uz/article/3515
Rasmiy sahifalarimiz👇
Telegram | Instagram | X | YouTube
My memory✨🤍
Soyabonsiz, yolg‘iz kezadigan havo 🌨
Shunchaki quloqchinlarni taqing-u, xotiralarni tinglang...
@Nozima_Habibullayeva
✅
Amirqul Po‘lkan ijodi bo‘yicha videoroliklar tanlovi g‘oliblari e’lon qilingani, ular orasida “Jadid” gazetasi xodimlari Shahriyor Shavkat va Dilmurod Do‘st ham borligi haqida xabar bergan edik.
Jamoadoshlarni yana bir bor tabriklaymiz va ularning tanlov uchun tayyorlagan videoroliklarini e’tiboringizga havola qilamiz.
Tilda, fikrda, ishda birlik!
✅
MAESTROGA MAKTUB
Nozima HABIBULLAYEVA
Qadrli maestro! Ma’lumingiz bo‘lsinkim, bu maktubni sizga qariyb uch asr beridan yozmoqdaman. Bilaman, endilikda vaqtingiz ko‘p. Tug‘ilgan kuningiz bilan eng avvalo, o‘zimni tabriklayman, keyin Yupiterni. Bo‘lmasa, o‘ziga atalgan bunday muhtasham simfoniyadan bebahra o‘tardi. Shuning totidanmi sarmast bo‘lib, haligacha boshi aylangani aylangan, yettinchi osmonda uchib yuradi.
#Амирқул_Пўлкан_танловига
MUZEYDAGI SURATLAR
✍🏻 Amirqul Po’lkan she’ri.
🎙️ Nozima Habibullayeva o’qidi.
/channel/amirqulpulkan
@shahriyor_shavkat
Tug‘ilgan kunimiz bilan butun dunyoni tabriklayman! Orzularimizning koinotdan-da keng qanotlarida o‘tsin uzoq umrimiz. HamNafasligimizga ko‘z tegmasin! Buyuk Ishq uchun rahmat, shoirim 💞♾️
__
Video: "ShahriNoz uchun ertak"
G‘oya va tasvirlar muallifi: Erkin Bozorov akaga rahmat!
@Nozima_Habibullayeva
Bugun So‘z ishqi yo‘lida kesishgan manzillarimiz xaritasini namoyon etdik. Go‘zal kun bo‘ldi. Har bir shoir, nosir o‘z kitobiga munosib chiqish qildi. She'r o‘qirkanman, ko‘zlarida chashma yugurgan, qalbi tiriklar bilan liq to‘la zal aslida chin sahna ekanligidan ruhim o‘sdi.
Shu olamni menga ravo ko‘rgan Tangriga shukr. Kashshoflarim ota-onamga, suyanganim bebaho oilamga, "Izlam" jonkuyarlariga tashakkur 🫶🏻
Kelgan hammalaringizga rahmat! 🩵
Chin adabiyot yo‘lida hamisha "HamNafas" bo‘laylik!
@Nozima_Habibullayeva
💥 Yaqinroq keling! Uzoq kutilgan yil hodisasi - "Izlam-2" taqdimotiga oz fursat qoldi!
Kelmasangiz nimalardan bebahra qolishingizni bilasizmi? 🤫
— ijodkorlarning o‘zlari tomonidan o‘qiladigan she’r va monologlarni tinglash;
— mualliflardan maxsus dasxatlar olish;
— "Izlam" kitoblarini xarid qilish;
Demak, 11-yanvar (shanba) 11:00 da ko‘rishamiz! Boshqa rejalaringizni ortga surib turing😊
Manzil: Alisher Navoiy ko‘chasi, Qashg‘ar mavzesi 9A
👉 Joylashuv | Mo‘ljal: Hyatt Regency mehmonxonasi
📘 @akademnashr
Ko‘pning duosi ijobat, har qancha duoga muhtojman.
Dadajonim insult bo‘lib qoldilar, reanimatsiyada.
Shifo so‘rab duo qilib qo‘yinglar, iltimos... 🙏🏻😭
Tuzalib ketsinlar ilohim 🤲🏻
#Betxoven_day
Bugun sevimli kompozitorim, musiqadagi "pir"im Lyudvig van Betxoven tug‘ilgan kun! 😊
Klassikaning eng yorqin namoyandasi xotirasiga bir daqiqa sukut saqlab, ijodidagi o‘zimiz sevgan asarlardan ulashamiz... 👇🏻
@Nozima_Habibullayeva
Izlam turkumidagi ijodkorlarning telegramdagi ijodiy kanallari:
1-mavsum
Azizbek Norov @kitob_xiyoboni
Tillaniso @TillanisoEN
Xurshid Abdurashid @xurshidabdurashid
Jontemir @jontemir_t
Feruza Xayrullayeva @FeruzaXayrullayeva
Madina Norchayeva @Madina_Norchayeva
Muhammad Siddiq @Muhammad_Siddiq
Mirzohid @bobil_kutubxonasi
2-mavsum
Furqat Alimardon @f_alimardonqoralamalari
Bayram Ali @BeshinchiTomon
Sevara Alijonova @sevara_alijonova
Mansur Jumayev @Mansur_Jumayev
Najmiddin Ermatov @Najmiddin_Ermatov
MehrNoz Abbosova @mehrnoz_abbos
MohiRa @Altruistning_qizi
Nozima Habibullayeva @Nozima_Habibullayeva
Suhrob Ziyo @suhrob_ziyo1
Jaloliddin Sayyid @jaloliddinsayid
Gulhayo Anorova @GulhayoAVRON
Shahriyor Shavkat @shahriyor_shavkat
Jumanazar Yo‘ldosh @Jumanazar_Yuldash
Rahmat Bobojon @Rahmat_Bobojon
📚 @akademnashr
#IZLAM to‘plamini chegirmali narxda xarid qiling.
#maqola
🕯"Izlam" izlamlimi?! — Nurali Qahramon
Bu savolga javob ko‘p kitobxonlarni qiziqtirgani tabiiy, shuning uchun ham tahliliy maqola yozishga qaror qildim. Yozgan revyularimda kitobxonlarga asarlarni subyektiv fikrlarga asoslanib tavsiya etgan yoki etmagan bo‘lishim mumkin. Lekin tahlil to‘laqonli obyektiv asoslarga tayangan holda "Izlam"ning izlam ekan yoki yo‘qligi, uning ustun va kamchiliklari haqida mufassal bayon etilgan.
👉 Maqolani o‘qish uchun bosing
👉 Maqolaning davomi
Kecha bekorchilikda AI bilan she'r tahlil qildik. Men 15 dan ortiq shoirning o'zim yaxshi deb biladigan she'rlarini tashladim. Ular orasida katta klassik avlod vakillari (jumladan, Abdulla Oripovning "Birinchi muhabbatim" she'ri) va hozirgi davr o'rta yoshu yosh shoirlari ham bor edi. AI faqat ikkita she'rni har tomonlama yetuk deb topdi. Nozimaning yuqoridagi she'ri va Guljamol Asqarovaning "Ichkarida" she'ri. 50 dan 50 berdi. Reytingda ham bu she'rga birinchi o'rin berdi. Ba'zi shoirlar she'riga past ball berdi (masalan, "Birinchi muhabbatim" ga 41 ball) ammo reytingda 15 talik ichida yuqori o'rinlarga qo'ydi. Uyam shaxsiy dididan keb chiqdi shekilli😁. Lekin Asqarova va Habibullayevaga ham eng baland ball, ham eng yuqori o'rinlarni berdi. (Ha, bular orasida boshqa shoirlarimizning zo'r ijtimoiy, falsafiy she'rlari ham bor edi)
Nima demoqchiman, AI ham biladi qanaqa she'r yaxshiligini😊
"NAFAS" ni olib o'qinglar.