7993
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
نعي لوفاة ام البنين سلام الله عليها
سمعنه الولد للنعش يحضر
يشيع امه ويصيح الله اكبر
وصيت لحسين وتعذر
ولاربعه النيام بلبر
--------------------------------------
اربعه شلون تهيد وتعن
عله افراگهم مايضحك السن
ضلت تون للموت وتحن
-----------------------------------------
يوم الكدر يوم التوفت
اضنهه المحنه اليوم جفت
ماقصرت وفت وكفت
وگفت شرف لحسين وگفت
------------------------------------
وگفت وصاحت حيل وفيت
زتيتهم والنوب رديت
ليليه اون من وحشة البيت
لمن خلص گلبي وتراديت
گلوا لبو فاضل توفيت
/////////////////////////////////////
بقلم شاعرة اهل البيت المله ام ريام دخيل الركابي✍
ابوذيات نعي في حق ام البنين عليها السلام
ليالي حسين بعد الأم ويمه
سوده والحزن جاره ويمه
تكَله ام البنين ابني ويُمه
يكَللهه وبواجيهم سويه
...........
صدك عن الحسن وحسين يمهُم
رحتي وهام صار الآه يمهم
لنهه ام البنين اتكَول يمهم
تجيهم بعد ماتلفي المنيه
.............
امعرف من نسب طاهر ولدهه
هاي ام البنين اللي ولدهه
سوو بالطف الأعظم ولدهه
لحد مافاظ دمهم عالوطيه
........
ماتت وبكَلب ولهان موجِر
يعتهه الحزن عت لحسين موجَر
عليهه الوكت ياهالناس مو جار
يظل الكَبر ليش ابلا بِنيه
الشاعر ياسر العارضي
اه يم الوفه اه يم الوفه
*
ألف حسره عليج ودمعتي بخدي
اليوم بمجلسج يحضرنه المهدي
اجه يعزي الكمر ويصبر بزينب
ودمعات الحزن فوك الكبر تنحب
ألج يرخص عمرنه ** دمعه وبدمعه
يا ام الاطايب ** بل كلب وجعه
اسمج ضل تخلد وانتي باب الله
وكل عام اليجينه احنه ما ننساه
*
ياهو الشيعج يحنينه ذاك اليوم
لا يمج كمر لا يمج انجوم
اضن حسين يمج بجنازه ينوح
وعباس اليسنده والكلب مجروح
ضحيتي بكمر ماننسه معروفج
المثلج ماتصح ياكعبه ونطوفج
ذبل حتى الورد لا مايفيد الماي
ياورد طفوف ويه الضعن حداي
***
ياشمس الغروب الغابت بلا وداع
يا ام غياره شلون جوه الكاع
ألج كبه بكلبنه يم الكمر العباس
انتي البنبض والروح والاحساس
هنياله النخاج بشدته تحضرين
بس الفاتحه يقراهه وتعرفين
وتكضي حاجته ومنه يزيل الهم
يل اسمج مبارك وحنه بي نلتم
**
انه ابنج وحضرج بدفن وياج
اجيتج بس دمع يا طيبه عد عيناج
انه حسين يمه وراسي ضل مرفوع
عله ارماح الحقد من الجسد مكطوع
ونعم هل التربيه اولاد ربيتي
جفوف وروس بيهم انتي ضحيتي
صرتي بمنزله ما تنوصف صعبه
تعلمنه اعله حبج دوم نتربه
*
اضن جنج ييمه ما عرفتيني
لاني بليه راس ومدمي شفتيني
انه حسين حتى ضلوعي مكسوره
وجت وياي زينب تمشي مقهوره
انه حسين يمه وجيتج انه بهم
يم عباس يمج ناصب المئتم
سلام منل كفيل الضل بلايه جفوف
روحه اجت يمج والوجه مخطوف
خادم ام البنين / حيدر ناجي الدراجي
نقدم لكم العمل الإنشادي
"أنت الحاضر"
إهداء لسيد المقاومة رض
من إنتاج قناة الإشراق الفضائية
كلمات : لقمان البدران
ألحان وأداء : علي عساف
الهندسة الصوتية والتوزيع : محمد خليفة
عزف كلارينيت : aykut sutglo
مخطوطة : محمد كامل
مونتاج : مؤسسة محمديون
شكر خاص لكل من ساهم في هذا العمل .
Youtube :
https://youtu.be/H25w_mLBTT4?si=erxIjvrm-j2izNhp
يابالفضل يمه انتظر
نزلني بيدك للگبر
تمنيت تحضرني هناك
وحسين اشوفنه وياك
يابالفضل :: يابالفضل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
آخر نفس يابو الفضل هاي المنيه
ياهو اليغمض عيوني ويسبل بأديه
وحشه الممات ومحد اليبچي عليه
ولدي النشامى استشهدو بالغاضريه
ياهو اليشيل جنازتي
ياهو اليهون غربتي
تمنيت عباس الگاك
وحسين اشوفنه وياك
يابالفضل :: يابالفضل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ردتك تغسلني بدمع من ضيم الطفوف
بس وسفه بعيونك سهم ما تگدر تشوف
محتاجه روحي لشوفتك مو عمري مخطوف
ردتك تشيل جنازتي وما عندك چفوف
ظليت اباوع بالسمى
احضرني يابن فاطمه
فدوه اليسار ويمناك
وحسين اشوفنه وياك
يابالفضل :: ،يابالفضل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
محتاجه تقرا الفاتحه وتهيل التراب
بيدك تنزلني الگبر مو چف الاغراب
تنزل دموعك علرمل يا اغلى الاحباب
وتصيح يمه اتيتمت وتشم الثياب
تحظني ساعه بهالحد
وتگلي يمچ ما ارد
يلصعبة اعيش بلياك
وحسين اشوفنه وياك
يابالفضل :: يابالفضل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
أگعد على تراب الگبر لو راحت الناس
خليني احس بونتك يلكلك احساس
منكر يجيني ولو سأل والله ارفع الراس
انا ام الحسين وبعد امك يعباس
فضلته حتى اعلى الهوى
يحسين يا اصل الضوى
عباس امك بحماك
وحسين اشوفنه وياك
يابالفضل :: يابالفضل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ابني الگمر لا ما رجع وادريها متصير
لا هو غايب يوسفي ولا طايح ابير
ابني السيوف اتلگته وما يرجع بخير
هذا المهم ويا فاطمه ما عنده تقصير
كفى اوفى ابني الشهم
عباس يا شيخ الزلم
ارفع الراس بطرواك
وحسين اشوفنه وياك
يابالفضل :: يابالفضل
كلمات خادم ام البنين
رعد الفريجي
يم البنين يم البنين يم البنين
*
حدي البدوي على الزينين لحداي
وعلى ضلوعي مسير النوگ لح داي
اظل أم البنين ليوم لحداي
أصيح حسين من تلفي المنيه
**
أموت ويبقى همي حسين لبناي
واربي بجيل ثوره وجيل لبناي
يمن وافيت تعبي وثمر لبناي
كفو بعباس حمره الغاضريه
***
لفى الگلبي الوجع للموت بيسار
عمر خلص دمع ما يوم بيه سار
صحت يلجاهدت بيمين بيسار
وصل موت امك يجبلون بيه
**
اريد ويه الحسين الموت ماراد
كسر ظهري المشى وللدار ما راد
اريد ابقى اعله درب الشام ما ارد
لحد ما تلفي زينبكم عليه
***
سهام الضيم بالدلال لاحان
ويريت فراگ وجه حسين لا حان
الذبح نحرك ابد لا خاف لا حان
محمد بالطفوف اعله الوطيه
***
ازور حسين من بعيد ودعاي
وانه الگالولي سار الضعن ودعي
أود جو الطفوف تراب ود عاي
على مصاب النحر بالغاضريه
كلمات الخادم / رعد الفريجي
نعي لوفاة السيدة أم البنين عليها السلام
*
گرب اجلهه وتلتفت وين
عباس لا يمهه ولا حسين
ما صح ولد يم راسهه ينوح
يا حمل محد شاله مطروح
دمع الغريب يطيح بارد
لا ابن لا صح حظن والد
حيره اليموت ومامش اعزاز
ياهو اليجي ويصير جناز
دارت وجهه لصوب الطفوف
منا لحد ما شيب الشوف
الله يعازة ذيچ الچفوف
من المدينه الكربله احلام
ام البنين شلون تنلام
رادت بحظن اولادهه تنام
بعيد اليشيل اللوحه ويصيح
بعيد الورى أمه يگوم ويطيح
جوه التراب الردت طوله
عباس ها يبن الحموله
بيه الكلام الصعبه أكوله
تمنيت تحضرني بمنيتي
علباب اباوع هلبت يهل
المن زغر سنه چان يكفل
بعد الولد خلصت اتعلعل
والهوى بدونه يأذي ريتي
يولادي من الموت ردو
وفوگ المتون النعش زتو
ها يلحنان هناك شلتو
يحسين يمه الموت اجاني
نتلاگه يم الزهره ارواح
دم النحر بالضلع ينلاح
والهامه ذيچ وذيچ الچفوف
يبچن على الاذنه الرماح
يلتم حزن زينب والاطفال
وعبد الله بعده برمح ينشال
ونسوي مجلس بأسم الحسين
يم العرش بس دمعه تنگال
كلمات خادم أم البنين / رعد الفريجي
أم الشمس وأم الگمر
باب الحوائج للبشر
جابت زلم مثل الذهب
صارو فده لشيخ العرب أم الگمر
----------------------------------------
گلت هاي الجمله ما ناسيهه
الجابت العباس شنجازيهه
لو نضحي ارواح منوافيهه
ومن اسولف بعد ما كفيهه
فاطمه التاريخ يا فرع وأصول
علي مختارچ لان بنت الفحول
يا أسم باقي وابد لا ما يزول
راح أكول ام البنين وراح أگول
بچفوفهه ،، ربت زلم صطاره
بچفوفهه ،، معروفه أم الشاره
چابت نهر ذل النهر
باب الحوائج للبشر
--------------------------------
يا سلام الله للحظن الامين
ربى جيش من الزلم لجل الحسين
عفيه والله الوگفتچ يم البنين
چبتي عباس الوفي الكف الامين
چبتي ظهر حسين عباس الكفيل
چبتي كافل زينب الفذ الجليل
صاحبة مشروع ما عدنا قليل
عدها فارس لا يخاف ولا يميل
عباسهه ،، ذل الحرب بچفوفه
عباسهه ،، خله بزلمهم خوفه
يا كافل واسمه الخطر
باب الحوائج للبشر
-------------------------------------------
صانعة ابطال لليوم الشديد
يوم همه احرار والعالم عبيد
بكربلاء الدم صبح اكبر نشيد
بالطفوف حسين ما يبقى وحيد
أشجع الفرسان نسل الاولياء
الخوه ما تلگاهه بس بكربلاء
ما يهمهم موت عنوان الفداء
والمهم حسين والعالم فناء
لعيونه ،، وگفو درع للوالي
لعيونه ،، لجل الحسين الغالي
وكت الزعل كسرو ظهر
باب الحوائج للبشر
----------------------------------------
لبوة الابطال أم المعجزات
جبتي عباس التسيد علفرات
جبتي لو هَبو شبيه الذاريات
يا چفوف الخافضات الرافعات
من زغرهم سور كلهم للإمام
للحرب فرسان بالحومه الكلام
لو تلاگو صار بالطف القيام
صدگ تتسمى صدگ ارض الحرام
وفايه ،، للزهره من گالوهه
وفايه ،، يا أمنا من نادوهه
يا فاطمه هذا النحر
باب الحوائج للبشر
---------------------------------------
باب للحاجات لليوم العسير
باب ربنه يريد محتاج الفقير
نقره لجلچ فاتحه وكلشي يصير
يلمقامچ عالي عند الله چبير
ماكو صعبه وانتي للمحروم باب
بس نگول اسمچ ولا تبقى الصعاب
يا قضيه ويا شجاعه ويا حجاب
وسفه يلكلچ ذهب گبرچ تراب
نبنيهه ،، يا حضرتچ مولاتي
نبنيهه ،، باذن الله هذا الاتي
والامر من المنتظر
باب الحوائج للبشر
كلمات الخادم / رعد الفريجي
ثوابها الى روح والدتي
ياموت عيني ماغفت بس الدمع يبرالي
عشت بحلم ماصار الي من عيني راح الغالي
بجفوفه الثنين.. يدفني الحسين
*
عشت بحلم بس ياحلم خلصت يموتي سنيني
ساعة مماتي لو دنت يدفني كون حسيني
ودعته مكسورة گلب ولا منه شبعت عيني
باخباره من ردلي بشر مابطلتها ونيني
ما فاركت دمعي ابد واحسب كمت بايامي
كالوا حوافر داسته وحسين ميت ضامي
انطر كلبي نصين .. يدفني الحسين
*
من كربله جروحي ابتدت وبدموعي اضمد جروحي
بعيوني من شفت الضعن من عدها طلعت روحي
ضليت اون اعلى المشوا ودياري تبجي لنوحي
لا سالم ولا رد نعش بالغربه ضل مذبوحي
مذبوح وبحر الشمس كلولي ضل حسينج
وتذبحوا يم الوفه بالغربه كل بنينج
منيت ام البنين .. يدفني الحسين
*
كتلهم احجولي شجره عن الغريب احجولي
اولادي خو ما قصروا شنهو الخبر كلولي
بحسين اوصي وعيلته حال الخدر وصفولي
وين الكه ناس لكربله بيه بضعن يمشولي
لحسين ارد لكربله.. يهل الرحم ودوني
طول عليه بغيبته .. ماضل دمع بعيوني
والدمعه بالعين .. يدفني الحسين
*
كلولي من ناخ الضعن والتمت الخياله
اطفاله كاتلها العطش وحسينج بيا حاله
عباس كطعوا يمنته يم الوفه وشماله
وحسين مرمي اعلى الترب بصدره رفس جتاله
الف وتسعمية جرح والخيل كسرت ظهره
ومتربع بصدره الشمر ويحز يويلي بنحره
روحي شتظنين .. يدفني الحسين
*
وزينب غريبه بكربله ومذبحين اخوتها
ويا ويلي من حرك الخيم للتل نوت ركضتها
محنيه صارت بت علي بحر الظهر وكفتها
وخيول عشره بلا كلب حسينج ترض شافتها
وتتجتف ام عون بحبل .. وبين الزلم جروها
وراس الحسين اعلى الرمح .. طول الدرب راوها
يا جرح اليعين .. يدفني الحسين
*
ياموت كاتلني الضمه لوجه الفجر عطشانه
كل حيلي من ذاك السفر مثل الغصن ذبلانه
بداري وافز من صفنتي من تندفع بيبانه
هلبت يردلي من الهجر لو اكضي عمري متانه
الليله اموت بلا اهل .. واليوم وكت العازه
اولادي موته بكربله .. وانه ردت جنازه
وين الاهل وين .. يدفني الحسين
*
تمت
احمد الخفاجي
تلم كل الخدم بنت الاجاويد
چبيره وتنطي كلشي من تمد ايد
باب الله الوسيع وخادمه حسين
كريمه ومنها نطلب شنهي النريد
بگد الدنيا تمد سفرتها
وتتجمع خدام حسين
توهب خدمه بگد النيه
الصرخه وحرگه ودمعة عين
الما يگعد مره بسفرتها
ايتيه دربه المدري لوين
ام البنين مرجع خدمه لكل الوادم
ام البنين تنَصب خدام لطف هاشم
ام البنين الشاعر والرادود وخادم
_
يا قطب الرحى للخدمه والجود
يا لصانعها حيدر تنجب حيود
بوابة الطف ودمعة حسين
الما موجود نادر بيها موجود
نسمع بالتسليم المطلق
بس لا ما نعرف معناه
من تگله امودع بالله
لحسين وتخنگها الاه
موتو يولادي اتگللهم
وبس لو رد ردو وياه
ام البنين رب الخدمه ورب الطاعه
ام البنين ماتت بعد احسين بساعه
ام البنين خلطت دمعتها اويه امتاعه
__
نديم الها الشكر اعله الخدامه
تكوين الوفه واهيه امامه
من عدها ونطب لكربله حسين
من الذر كفيله للقيامه
يا قدسيه والله اختارچ
وخله اسمچ وي اهل البيت
ومن ما خله حسين ابداره
انتي انطيتي كل البيت
سويتي الماصاير بالطف
وتگولين انه اشسويت
ام البنين بكلهن بالطف يذكرونچ
ام البنين بعين العباس يشوفونچ
ام البنين تمنيتي بناگه يركبونچ
_
ننطيها الگلوب وننطي العيون
وهيه بكيفها اتربيهن شلون
نطلبها الدمع والخدمه لحسين
سوينه ولو ذره بعشگ جون
چم چف ممدود يدكَ بابچ
يا ملجى وخيمه لهل ناس
ربينا وأدبي بمعرفتچ
يمرضعه الغيرة العباس
يا اثمر شجره بهل خدمه
يا هوه بعطفچ ينقاس
ام البنين اليگصدلچ ما يرجع خايب
ام البنين بحب المولى يرجع ذايب
ام البنين ومن تقصيره يصبح تايب
__
يا بدويه بس معصومه عالناس
گمر ونجوم عندچ ترفع الراس
غير بكبره گلچ يمه الحسين
اذاً وي ال هاشم هم الچ ساس
ابن الزهره ايگلچ يمه
حاشى واكثر ما تردين
زينب وحسين يودونچ
يالجيتچ ردتي اتخدمين
يل صلى الضعن اعله عيونچ
لمن گمتي انتي اتصلين
ام البنين ورد السانچ يلهج بسمه
ام البنين حسين الما ردالچ هدمه
ام البنين يم عباس ويم الخدمه
_
حسين سعد البهادلي
#شهادة_مولاتنا_ام_البنبن_ع
هاي الرساله ولازم اتسمعوها
لوزلم حضرة زينب اتطبوها
___
لوحاولو مس الضريح بشعره
الجولاني والسفياني نكسر ظهره
كل الفصائل للامر منتظره
الشام ناخذها شرط متيسره
مرتين زينب والله ماتسبوها
لوزلم حضرة زينب اتطبوها
___
صولتنه برض الشام ماينسوها
ابذاك الوكت من گالو ايرحلوها
عرفو اخوتها وزينب ايعرفوها
غصباً عليهم زينب ايهابوها
وذيچ الايام السوده ماتنسوها
لوزلم حضرة زينب اتطبوها
__
لبسك تغير هسه يالجولاني
بثوب السياسه الگبل چان افغاني
بس ارد اگلك چلمه لاتنساني
انه ابن ذاكه قاسم اسليماني
حزب الله رايات الشرف دگوها
لوزلم حضرة زينب اتطبوها
__
اهل العلى وحيدر علي ربانه
واليحجي ويانه نگص السانه
جدنه علي والدين واضح شانه
وجدكم العوره ثبتت نيشانه
صفحتكم السوده فلا اتبيضوها
لوزلم حضرة زينب اتطبوها
__
اني افتخر چي مرجعي السستاني
ايران عمقي يالردت عنواني
اليزعل اليرضه راح اضل هذا اني
حزامي هذوله وماكو منهم ثاني
وهاي القصيده ابالكم خلوها
لوزلم حضرة زينب اتطبوها
___
عدنه قلق مانخفي هذا نذكره
انخاف اعله زينب لونذل يتجره
ابنفس الوقت فرحه تجي اويه الحسره
انحس الامام المهدي گرب امره
راياته صارت واضحه شوفوها
لوزلم حضرة زينب اتطبوها
___
✍️احمد علي البغدادي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
مفقود الاثر
❤️ @H3_ZC
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
ام البنين ع...
اليوم ننصبلچ مئاتم بالطفوف
يم الاقمار التشضت بالسيوف
كلنه نوگف بالعزاء «» يا أميرة كربلاء
يم البنين يم البنين
«»«»«»«»«»
يافاطمه.. يالماكو بالعـــالم مره توصل وفائچ
تبجي السماء السابعه ابليلة مصابچ
يافاطمه.. العالم بأســرى انفجع لحضة وداعچ
كل الكواكب نزلت اتنــــوح ابعزائچ
وفاطمه الزهراء حظرت بين اديج
اجت تقره الفاتحه وتلطم عليــــچ
وبقت تقرالچ دعاء «» يا أميرة كربلاء
«»«»«»«»«»
نار الحزن.. ماتنطفي اوسط الگلب يلهب جمرهه
ورده ام الاقمار وخلص بالهم عمرهه
نار الحزن.. من عدهه روحي اتعذبت ونفت صبرهه
بالدنيه معدوم الفـــــرح محــد يسرهه
اجروحي لجلك يبچن ومتلچمات
انتي سجده وانتي ركعات الصلاة
الچ نجهش بالبكاء «» يا أميرة كربلاء
«»«»«»«»«»
يم الوفه.. كل الخدم لمصيبتچ تبتچي وحزينه
ننعاچ حـــد ما ترتفع رايــــــة ولينه
يم الوفه.. ماننسه جرحچ والألـم موجـود بينه
يالفــاكده اولاد اربعه ونـور الظعينه
گلبچ اتحمل مصايب مؤلمه
جارعه المر بالصبر يافاطمه
خلصن اسنينچ عناء «» يا أميرة كربلاء
«»«»«»
غيره وعزم.. عنــدچ ياام الاربعه العاشو كوافل
بالغاظريه اتسمو اصحاب المراجل
غيره وعزم.. رضعتي ولدچ وطلعو كلهم بواسل
محد وگف بوجوهه اليوث وتقاتل
رفعو الهــــامه الچ يم الحسين
حين طاحو بالمعاره امخذمين
يشهد الهم هالوفاء «» يا أميرة كربلاء
«»«»«»«»
طف كربله.. بيه اشكثر مئسات ألج وشكد مصايب
بيه حسره ودموع وبچي اولوعه اونوايب
طف كربله.. سجلچ اعظـــم تضحيه يم الاطايب
بيه شفتـي چتل اولادچ وكل الگرايب
وگفتچ ثوره وبطوله وانتصار
يشهد التاريخ عنـــــچ بفتخار
ماتصح مثلچ نساء «» يا أميرة كربلاء
«»«»«»«»
الخادم
كامل السعيدي
☘ قصيده لام البنين ع☘
فزاعيه//
ام البنين الطاهره
تستاهل انعازيهه
نعازيهه يوم الغربو
ومن المدينه ارحلو
جاليش عنهه منشدو
وضلت تون تاليهه...
ام البنين الطاهره
تستاهل انعازيهه
نعازيهه وندك الصدر
للبطل عباس الكمر
وي جعفر وعون الفخر
والنعم من طاريهه....
ام البنين الطاهره
تستاهل انعازيهه
اليوم كلهه ندبتج
ونريد منج فزعتج
يل مامثلهه مصيبتج
ودموعنه نجريهه.....
ام البنين الطاهره
تستاهل انعازيهه
يحسين يبن الطاهره
زينب تون ميسره
وعباس بيهه مادره
كافلهه مخليهه ....
ام البنين الطاهره
تستاهل انعازيهه
انخاج وتهل دمعتي
اشكي الج كل حالتي
زادت عليه علتي
بيدج تره اتداويهه.....
ام البنين الطاهره
تستاهل انعازيهه
مولاتي بس سمعيني
انذرلج انه اسنيني
بلخدمه اتقبليني
ونريدج اتسجليها....
ام البنين الطاهره
تستاهل انعازيهه
✍ بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يحذف الاسم والرابط او ياخذ كلمات القصيده وينسبها اليه
ام البنين مخاطبة الحسين ع
امامي ياحسين امامي ياحسين
...............
روحي ملهوفه واتريد تشم اترابك
يا امامي وتطوف الدموع ابابك
ليتني ياولينه انه من اصحابك
امشي وياك ولاريد احمله اغيابك
وي اربع البنين امامي ياحسين
...............
امك اني بعد ما تغيب الزهره
بعدك اكَليبي يمه يضل ابحسره
اعمه بعدك ينورك بقيت انتظره
خذني وياك تضل خاف وحيده الحره
والزينب الحنين امامي ياحسين
...............
مالي بعدك فرح لا ولا كل بسمه
ومن بعد نور جبينك حياتي ضلمه
لو رحت من يكَلي ابرحيلك يُمه
هيه جلمه واحسهه حياتي الجلمه
والجلمتك أنين امامي ياحسين
...............
هاي الديار بعد ما اشوفك بيهه
مستحيله احسهه رجعتك ليهه
جن سجل بعدك الروح يمن تطويهه
باول اثار لهجرك تره تفنيهه
ياسيدي الامين امامي ياحسين
...............
خذني وياك احس راح عِده ايذبحونك
ومن بعد ذبحك الكَوم تجي ايسلبونك
كون اغطيك واحط ضِل يحامي امتونك
وانه احاميك اذا خيل تجي ايرضونك
وامسحلك الجبين امامي ياحسين
الشاعر ياسر العارضي
الله يساعدچ يالفاگده حسين
حگج لو دموعچ تجري بالعين
وانطيتي اربع زلم منچ صدگ والنعم
يا ام البنين__ ياام البنين
___
ماشفنه الحسين ومن نذكره انوح
بس يمرنه ذكره نصير كلنه اجروح
وانتي الچان بيتچ عطره منه يفوح
اشصار ابحالچ امن اسمعتي بي مذبوح
هم گلولچ اسوالف على الخيل
من داست بصدره وسحگته حيل
وبهايه عندچ علم_منچ صدگ والنعم
ياام البنين____ياام البنين
____
بشر لمن حچالچ ماحچه الحاله
ماگلچ عزيزچ فوگه خياله
ولا گلچ يحره بحالة اطفاله
وبحرگ الخيم من طشت اعياله
لوبس سامعه وشصار ماصار
لمن بالخيم واشتعلت النار
وماتت رقيه بحلم ____منچ صدگ والنعم
ياام البنين ____ياام البنين
____
مايرجع بعد شيرجعه ابو اليمه
ومكتوب اعله دارچ بالحزن ضلمه
مثل يعگوب عينچ بالبجي تعمه
حسين الچان نعمه وراحت النعمه
راح حسين لا مايرجع الراح
والرايح عزيزه اشلون يرتاح
جرحچ بده ينرسم———منچ صدگ والنعم
ياام البنين ____ياام البنين
_
عن ولدچ اسئلچ وين صارو وين
كون تشوف عينچ طيحة الچفين
وعباس بوگعته وكسر ظهر حسين
اولدچ من مشو واشلون لوتدرين
بحب حسين ذابو مثل الشموع
صدگ يستاهلون انصب الدموع
من عندچ اخذو عزم _منچ صدگ والنعم
ياام البنين ____ياام البنين
__
سواچ الله باب وللكرم خلاچ
لان لحسين بالطف چان كل ارباچ
تمنينه اعلى گبرچ كون بي شباچ
ونجي لصحنچ نزوره ونضل نبچي وياچ
چا هسه اعله بابچ تبچي هالناس
چا غير انتي ام الگمر عباس
ابنچ هذاك الشهم _منچ صدگ والنعم
ياام البنين ___ياام البنين
___
✍️احمد علي البغدادي
محرم الحرام 1445 هـ
مقدمة لأُم البنين ع…..
سلام الله على صبرچ
على صبرچ سلام الله
خلصـتي العمـر شــوغات وجـروح
وي صوت ابن حذلم طلعت الروح
لحـد ســـاعة مماتچ ماهــده النوح
الله يعيــنچ اشــــگد شفـــتي اذيه
بيــه عـــازه الابـن والنـاس يدرون
يشيل اجنازت امه اويه اليشيعون
غايب ليش عنـــچ حـادي الضعون
هضيمه اچفوفه طاحن عالوطــيه
منو المثــلچ تضــحي باربع اقمـار
واحــــدهم كلف وسيــــوفهم نـار
يـم عباس بيــــچ الفكــــر يحــتار
فديتـــــي اهروش گلبـــچ للزچيه
فخــر عنـــدج يفاطم عيب ينقاس
النسه اتحسدج الان خلفتي عباس
ابوفائــچ وبولائــچ تشــــهد الناس
ومثل صبـــرچ صبـــح لهل البــريه
شگـد حلوه الولد يمـچ يحظرون
والعبـــاس بيــده يغمـض العيون
وفوگ امتونهم نعشـــچ يشيلون
ويدفنــــوچ وينصــــبولچ عــزيه
الخادم
✍كامل السعيدي
اليوم نقره الفاتحه بدمعه وحنين
هاي ام عباس هاي ام الحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هاي ام عباس ضحت بربعه
قدمت لولاد بس ماقانعه
تريد تفدي بروحه علمشرعه
تصيح فدوه الروح لبن الطاهرين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اليوم نقره الفاتحه لم البنين
هاي بعباس ضحت للحسين
مانوفيهه تضل تطلبني دين
تحضر الزوار يوم الاربعين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هاي ام اربعه الراحو فده
كالت لهم لا تهابون العده
لا تعوفون الحسين الوحده
ميته هيه وروحنه كلهه ونين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
احنه خدامج اجينه بل عزاء
اليوم نقره الفاتحه بسمج شفاء
انتي ام عباس يا ام الوفاء
نصيح تشهد كربلاء وثائرين
٠٠٠٠٠٠٠٠٠٠٠٠٠٠٠٠٠٠٠٠٠٠٠
والله تكضي حاجته الينخاهه
هاي باب الحاجه نترجاهه
تنكضي حاجاتنه بطرواهه
نلطم بحسره ونصيح ام البنين
٠٠٠٠٠٠٠٠٠٠٠٠٠٠٠٠٠٠٠٠
خدمتك متضيع يم الطاهره
هاي ام عباس سبع الكنطره
هاي يوم الحشر تشفعلك تره
نبقى حد الموت مطلوبين دين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اليوم نقره الفاتحه تسهيل امر
هاي ام عباس منه نعتذر
نفدي حتى الروح ألهه والنظر
ما نجازيه ونضل مقصرين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اليوم اقره الفاتحه ودمعي يسيل
هيه ام عباس شتسوي قليل
بكربلاء ياناس سوت مستحيل
وخلت الشمات بيهه حايرين
كلمات خادم أم البنين
حيدر ناجي الدراجي
غمضتي عينچ وحدچ يمه
گليلي ياهو الوسدچ يمه
من عمت عيني بلا نفس يمه
،،،،،،،،،،،،،،،،،،،،،،،،،،،،،،،،،،،،،،،،،،،
يا يمه ما يمچ ولد ساعة مماتچ
يم راسچ ينوح بحزن فدوه لحياتچ
بساعتهه اظن ردن سوى كل ذكرياتچ
غطيتي وجهچ بالدمع مدري بعباتچ
صوب الطفوف اعيونچ اتدور
تمنيتي موتچ يوم عاشور
من ما اجيتچ والله معذور
نحر وچفوف هناك مبتور
لمن منيتچ وصلتچ يمه
وصلتلي للطف ونتچ يمه
من عمت عيني بلا نفس يمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لا علجنازه ولحگت لا هلت التراب
لا غمضت عينچ بدي لا بالگبر باب
للطف وصل هذا الخبر حتى الگلب ذاب
بعيني السهم بس دمعت من ضيم الاحباب
يصعب على الفاگد منامه
يا يمه واضح من كلامه
ميت واحس مثل اليتامه
يا يمه چنتيلي السلامه
يلدافيه شلونه اللحد يمه
يلتاركه ابروحي البرد يمه
من عمت عيني بلا نفس يمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يم البنين من الطفوف اليوم زاير
اخذي الچفوف مگطعه لگبرچ مناير
وياي جايب كربله وكل الشعاير
ادري بضريحچ بس رمل هلگلبي حاير
غير امي انتي وانه اجيتج
شو ظلمه ليش اوحشه بيتچ
يم الوفه شو ما لگيتچ
بس الدمع تارس ثنيتچ
هلجبت وياي النهر يمه
يلتعبيتچ بالسهر يمه
من عمت عيني بلا نفس يمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،
يا يمه وتراب الگبر شيزيحه اليه
مثل الحسين اتحيرت بالغاضريه
مكسور ظهري بموتتچ يلعشتي بيه
ألطم ردت عل كبرت باثنين أديه
لكن چفوفي اعله الشريعه
راحن فده لابن الوديعه
فوگ الگبر عشت الفجيعه
وحدي وردت ساعتهه شيعه
يبچون وياي بدمع يمه
صوت المجالس ينسمع يمه
من عمت عيني بلا نفس يمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تحچيلي چنتي وبالدمع يخلص كلامچ
يمه اعله بالچ فاطمه حتى بمنامچ
يلچنتي مكسورة گلب من دمع امامچ
هو انتي بس ام الحسن تعرف مقامچ
وحيدر علي الچنتيله ديره
حسين وحسن حتى الاميره
ذيچ الغلط تتسمى اسيره
ذيچ الحرت بجفاهه حيره
ليهسه ماذيهه السهم يمه
مو بيه لا بيهه الالم يمه
من عمت عيني بلا نفس يمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وحشه التموت ولا ولد تنحب وراهه
مثل التزامط تلتفت فارغ گفاهه
هاي أمي مكسورة گلب ياهو النعاهه
يا شيعه منكم بس ردت دمعه بعزاهه
ذكروهه هاي امي الحنينه
باب الحوائج هيه لينه
يا وحشه بعدچ هالمدينه
يل بس على چفوفچ غفينه
مات الوفه وكل الصدگ يمه
يا شجره بگليبي العرگ يمه
من عمت عيني بلا نفس يمه
كلمات خادم أم البنين
رعد الفريجي
يلجناز الله عليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عطلوهه الجنازه ولا تشيلون
تانو اولادهه وهلبت يردون
هاي ام البخت يا وسفه وشلون
ما حضرو ولدهه ولا يشيعون
ما ثغبو وراهه
لا عباس اجاهه
خلي ام البنين شواي خليهه
يلجناز الله اعليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يا جناز تاني وهلبت يعود
گمرهه من الطفوف وشايل الجود
يشيل جنازة امه بذيچ الزنود
نعرفه بكل وكت عباس موجود
يكض صفاحه وينوح
گلبي اليوم مذبوح
امي ابمگبره وتربان غاطيهه
يلجناز الله اعليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هاي ام البنين الوفت الدين
هاي اطت عمرهه لعمر الحسين
ها يا موت رايح بيهه لا وين
خل نشبع لطم ودموع وونين
ويانه العقيله
هاي شلون ليله
والزهره بدمعهه اليوم تبچيهه
يلجناز الله اعليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ودوهه اعله گبره وخل تشم بيه
تعدل من نجيب حسين طاريه
صاحت هذا امامي وما اجازيه
كون بكلبي ادفنه بروحي اغطيه
هذا ابن العظيمه
انه بدونه اليتيمه
فديته اربع بنين وروحي الافديهه
يلجناز الله اعليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هاي ام الكلافه الربت ارجال
بزغرهم والتشوفه تگول خيال
بس عباس وحده اليعدل المال
شال الكون بيده بساعة الگال
هل من ناصر حسين
ذب چفوفه الاثنين
زينب هذا اخوهه العتبه يگضيهه
يلجناز الله اعليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ودوهه لابنهه الدمعه تنراد
يفتح باب گبره لبت الاجواد
اهلا بيچ يمه النوح ما فاد
يلغمضتي عينچ والهظم زاد
اي وحشه الجنازه
لهذا اليوم عازه
ولدهه اعله المتن لو غربو بيهه
يلجناز الله اعليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كلمات خادم ام البنين
رعد الفريجي
كبرتي وربيتي ،، بولادچ ضحيتي
هذا الربچ راده ،، جبتي القاده القاده
بولادچ ضحيتي
****
يمعدله المچفيه
غير انتي النشميه
أم الأهلآ حيهم
بدويه وعلويه
الله المختارچ والخالق
يدري شبيچ من اسرار
خله الثوره بحظنچ عاشت
بس خله وياچ الغار
درع حسين وطوله ،، للتصعب منگوله
شنهي التتمنينه ،، ابنچ سهم ابعينه
عزبتي أوفيتي ،،، بولادچ ضحيتي
*
شوصف ولدچ حيره
قرءآن وتفسيره
من فارس للفارس
غيره تخاوي الغيره
دگو ثايه بعالم ثاني
وچان هناك الميعاد
ارواح وركضو لحسينچ
بالذر صار التعداد
كلهم صارو واحد ،،، صاحو هذا القائد
مو خوان اليوسف ،،، لا شبان وتنزف
بالطف شسويتي ،،، بولادچ ضحيتي
*
يمچ بس مشتاگه
متحملين فراگه
هو حسينچ روحچ
ها يمبچيه الناگه
لو حنيتي لشوفة طوله
حسين ايجيلچ عناي
وتحشمين بكافل زينب
عباس الماي الماي
عمره ايام وساقي ،، مات الماي وباقي
يا شط صار بطوله ؟، لا يزعل گلوله
لا تخلص عافيتي ،،، بولادچ ضحيتي
*
بالطف چنتي وياهم
ما مات الرباهم
سيف ورايه وجربه
اهلا يا حياهم
طبو للحومه بهيبتهم
طاحت ناس اعله الناس
مو واحد واطيح چفوفه
نازل جيش العباس
يطبر ماي وهامه ،، تتراجف گدامه
وادم حيل بعيده ، كلهم گضهم بيده
عفيه ابني وناديتي ،،، بولادچ ضحيتي
***
خندق صاح لخيبر
للطف خل نتحضر
عدنه طلابه أچبيره
هاي اولادك حيدر
هاي امهم طشتهم فدوه
گبال أخيام الحره
امهم فاطم لكن فاطم
تخدم ولد الزهره
تسبيحتهه أعيونه ،، مولاي ايسمونه
هيه وياهم صارت ،، عاشت لمن ماتت
مشكوره اوكفيتي،،، بولادچ ضحيتي
كلمات خادم أم البنين / رعد الفريجي
انجبت قمر
ليس كالبشر
اسمه العباس ابن المرتضى
****
فاطمه بنت حزام الوالده
وعلي والدُ بل قائده
نور من نور الولايه
رايه بيده وگلبه رايه
يبدي بس من النهايه
چنه من الحمدُ آيه
چنه بسم الله ما ترهم بلاه
الف سبحان العظيم الصوراه
بشر عينه حسين وچفوفه الصلاه
الگاع من يسحگهه تتمشى وراه
بشر يرهب وجهه لا حتى بگفاه
وعزمه علي
واضحآ جلي
اسمه العباس ابن المرتضى
****
يا سلام الله للوجه المنير
صادق الفعل شعارآ للضمير
فاطمه شخلفتي رحمه ؟
شنهي واحد دنيا باسمه
نختنگ نركض نشمه
دمه سر الباري دمه
بعالم الارواح ما قبل الوجود
چان بالذر يجمع انهار وجنود
يستعد للمعركه ويحمي الحدود
خيمة الحوراء چان الها العمود
وچان يملي الماي بالجنه ويعود
لخيمة الشرف
كناموس النجف
اسمه العباس ابن المرتضى
**
كافلآ عباس قتال الطغاة
قائدآ في الحرب خاشع في الصلاة
سر عظيم وما نعرفه
يا كلام الي يوصفه
ابو فاضل شنهي چفه ؟
كلفه حتى عيونه كلفه
ابو فاضل حادثه وقصه وحيده
اكبر من الماي لا رؤيا بعيده
بجنة الله والنبي قدمله بيده
الماي بس عباس ما يسبگ عضيده
هاي ما سواهه بس ابن الصميده
تجلى للعطش
كأنه النعش
اسمه العباس ابن المرتضى
***
يا سراج الليل يبن الاوصياء
يا مليك القلب فارس كربلاء
ابنچ أمحير الملاحم
الف شكرآ والله فاطم
ابنچ الفذ المقاوم
قائم العباس قائم
جيش كامل شايل بقبضة يمينه
هيه غير الزهره توگفله وتعينه
وصلوا هاي اخبار تسمعهه المدينه
عفيه يم عباس نرفعلچ أدينه
حتى لمن مات ما عاف الضعينه
لزينبُ حمى
نقيضُ للضمى
اسمه العباس ابن المرتضى
****
قاهر الايام ذو البأس الشديد
قد تجلى أٌمةَ ليس الوحيد
علنهر واگف مقاتل
يا حلاتك يابو فاضل
بلا فرس بالحومه راجل
چفك امسوي الزلازل
واضح العباس يا ظهر الامامه
براسه صعدت غيرته وذب العمامه
الگابلاه ضم راسه معذوره النعامه
غير كافل زينب ويذبح كلامه
خلصت العباس من جرد حسامه
أميرآ واحدا
عليهم سيدآ
اسمه العباس أبن المرتضى
كلمات الخادم / رعد الفريجي
ثوابها الى روح والدتي
نعي لسان حال ام البنين (ع)
كل البجي لولد الزجية
وافديتهم بهل الحمية
و ما كصروا دون السبية
بس كون ترضى امهم عليه
____
يامن على مصابي تونون
كل البجي والنوح لام عون
وياي اريدنكم تنوحون
نواسي الغريبه بدمع العيون
_
كل يوم اصيح وتهمل العين
الله يعينج يخت الحسين
شفتي هلج كلهم مطاعين
لمصيبتج ما يكفي الونين
____
هل دنت ساعات المنية
وين اليصل للغاضرية
خل ولدي تحضر كلها اليه
وتشيل نعشي بهالمسية
___
الام بالمنازع يهالناس
لولادها يوديها الاحساس
وام البنين بآخر انفاس
صاحت اريد وليدي عباس
__
يعباس نعش امك تشيله
وفوكي الترب بيدك تهيله
ودمعك على كبري تسيله
مال الزمان شلون ميله
___
خادم اهل البيت ع
الشاعر عبد العظيم احمد الابراهيمي
يالله يولاد النبي وياهل الرساله
شيلوا نعش الوافيه وام الكفاله
@@@
بني سيد المرسلين .. الطيبين الطاهرين
يا عمايم اشرق الكون ابفخرها
امن المدينه لكربله .. خبر عاجل نرسله
الموت ام عباس هالليله حضرها
…
گوموا ياصفوة علا رب الجلاله
شيلوا نعش الوافيه وام الكفاله
@@@
المابطل منها النحيب .. تبچي عالشيب الخضيب
بيتها خالي من ليوث الحريبه
كل بنيها امذبحه .. الروس منهم طايحه
بعاشر لعاشور وطفوف المصيبه
…
الخاضوا الحرب ابشجاعه وكل بساله
شيلوا نعش الوافيه وام الكفاله
@@@
ماتت ابدمعة ألم .. عالچفوف وعالسهم
وعلى راس الشالته ارماح آل اميه
اشگد شعايرهم حيت .. لين ماهيه گظت
ابكل صباح ابحرگه تنعي وكل مسيه
…
ما نشف خدها ابدمعها من تلاله
شيلوا نعش الوافيه وام الكفاله
@@@
بالمدينه ام البنين .. حيل تلطم عالحسين
وا شهيد او وا غريب امگطعينه
ولعد گبر ام الحسن .. هناك تتفجر شجن
اتصيح وا مذبوح فضخوله جبينه
…
وا شهيد وجسمه مطشر وصاله
شيلوا نعش الوافيه وام الكفاله
@@@
وين عباس الكفيل .. لأُمّه مايحضر يشيل
وين كافل زينب المعروف جوده
مو عذر چفه انگطع .. حتى ما الها رفع
خل يشيل النعش بچتوفه و زنوده
…
مو عذر من گطعوا ايمينه وشماله
شيلوا نعش الوافيه وام الكفاله
@@@
لا تناموا ابكربله .. بهالمصيبه الحاصله
شيعوا مكسورة گلب ياهل الموده
الها ناحل هالجسد .. من عظم فگد الولد
وين ابنها مايجي ابلحده يمده
…
رادت حسين اليلقن مو بداله
شيلوا نعش الوافيه وام الكفاله
@@@
علي أحمد الحمود
٩-١٢-٢٠٢٤
وفاة ام البنين ع
الله يساعدچ يالفاگده حسين
حگج لو دموعچ تجري بالعين
وانطيتي اربع زلم منچ صدگ والنعم
يا ام البنين__ ياام البنين
_______
ماشفنه الحسين ومن نذكره انوح
بس يمرنه ذكره نصير كلنه اجروح
وانتي الچان بيتچ عطره منه يفوح
اشصار ابحالچ امن اسمعتي بي مذبوح
هم گلولچ اسوالف على الخيل
من داست بصدره وسحگته حيل
وبهايه عندچ علم_منچ صدگ والنعم
ياام البنين____ياام البنين
________
بشر لمن حچالچ ماحچه الحاله
ماگلچ عزيزچ فوگه خياله
ولا گلچ يحره بحالة اطفاله
وبحرگ الخيم من طشت اعياله
لوبس سامعه وشصار ماصار
لمن بالخيم واشتعلت النار
وماتت رقيه بحلم ____منچ صدگ والنعم
ياام البنين ____ياام البنين
________
مايرجع بعد شيرجعه ابو اليمه
ومكتوب اعله دارچ بالحزن ضلمه
مثل يعگوب عينچ بالبجي تعمه
حسين الچان نعمه وراحت النعمه
راح حسين لا مايرجع الراح
والرايح عزيزه اشلون يرتاح
جرحچ بده ينرسم———منچ صدگ والنعم
ياام البنين ____ياام البنين
_____
عن ولدچ اسئلچ وين صارو وين
كون تشوف عينچ طيحة الچفين
وعباس بوگعته وكسر ظهر حسين
اولدچ من مشو واشلون لوتدرين
بحب حسين ذابو مثل الشموع
صدگ يستاهلون انصب الدموع
من عندچ اخذو عزم _منچ صدگ والنعم
ياام البنين ____ياام البنين
______
سواچ الله باب وللكرم خلاچ
لان لحسين بالطف چان كل ارباچ
تمنينه اعلى گبرچ كون بي شباچ
ونجي لصحنچ نزوره ونضل نبچي وياچ
چا هسه اعله بابچ تبچي هالناس
چا غير انتي ام الگمر عباس
ابنچ هذاك الشهم _منچ صدگ والنعم
ياام البنين ___ياام البنين
_______
✍️احمد علي البغدادي
محرم الحرام 1445 هـ
⬛️🔳القصيدة-1-🔳⬛️
كيفَ السَلّوُ لقلبيَ المفجوعِ
وقد انحنَت بعدَ المصابِ ضُلوعي
كيفَ التصبرُ بعد فقديَ أنجماً
والبدرُ غابَ بساعد ٍ مَقطوعِ
أمٌ أنا أنعىٰ شباباً أربعاً
من بعدهِم لم أهنئَنْ بهُجوعِ
ويهيجُ حزني بل وتكبرُ حسرتي
وتذوبُ روحي إثرَ سيلِ دمُوعي
لما يمرُ بِمسمعي إسمُ الذي
طافُوا البلادَ برأسهِ المرفوعِ
قالوا قضىٰ صبراً ومضَّ بهِ الظما
سحقتهُ خيلٌ بعدَ فيضِ نجيعِ
ذكراهُ والأبناءِ تفجعُ مهجتي
آهٍ لرزءٍ في الطفوفِ فظيعِ
إني كمُورقةٍ تلاشى ظلُها
جَفت عُروقي وانتهى يَنبوعي
فحسينُ أصلي والفروعُ أحبتي
قطعَ العِدا أصلي وكلَّ فروعي
كانُوا الشموعَ لظُلمَتي أسفاً وها
قد أطفأَ الدهرُ الخؤونُ شُموعي
حتى المنيةِ مانسيتُ بٍلَوعةٍ
ناعي المصابِ وساعةَ التوديعِ
#سمير_الصالحي
#النجف_الأشرف
🏴 أمنيات الأم المفجوعة وحالها ..
لبست اسود عليكم طول عمري
وگصه وياي مو بانصاف دهري
آنه امكم گلت لمن تشبّون
لكبرتي حزام من ينحني ظهري
تشيلوني وبيكم ارفع الراس
ومن ضيم الوكت والضيج ذخري
ييمه شگد عليكم نحت بالليل
وعيوني دمه ودموع تجري
وعله حسين ابو اليمه هواي ونيت
عله فرگاه نار بگلبي تسري
حضرتني المنيه وانتو غيّاب
وتمنيت ابو فاضل بيه يدري
يجي يشيل النعش ويه اليشيلون
ويودعني ويوسدني بگبري
🏴 أبوذية
إلي چانوا اصبيّ العين ويداي
نحت والأرض كلهه اسمعت ويداي
لبنيني الاربعه وحسين ويداي
يحضروني بعجل وكت المنيه
#سمير_الصالحي
#النجف_الأشرف
مقدمة لأُم البنين ع…..
سلام الله على صبرچ
على صبرچ سلام الله
خلصـتي العمـر شــوغات وجـروح
وي صوت ابن حذلم طلعت الروح
لحـد ســـاعة مماتچ ماهــده النوح
الله يعيــنچ اشــــگد شفـــتي اذيه
بيــه عـــازه الابـن والنـاس يدرون
يشيل اجنازت امه اويه اليشيعون
غايب ليش عنـــچ حـادي الضعون
هضيمه اچفوفه طاحن عالوطــيه
منو المثــلچ تضــحي باربع اقمـار
واحــــدهم كلف وسيــــوفهم نـار
يـم عباس بيــــچ الفكــــر يحــتار
فديتـــــي اهروش گلبـــچ للزچيه
فخــر عنـــدج يفاطم عيب ينقاس
النسه اتحسدج الان خلفتي عباس
ابوفائــچ وبولائــچ تشــــهد الناس
ومثل صبـــرچ صبـــح لهل البــريه
شگـد حلوه الولد يمـچ يحظرون
والعبـــاس بيــده يغمـض العيون
وفوگ امتونهم نعشـــچ يشيلون
ويدفنــــوچ وينصــــبولچ عــزيه
الخادم
✍كامل السعيدي
🔥لطميه بقفلة الهوسه لسفرة ام البنين من ديوان زينب والطفوف 👈الجزء الحادي عشر خاص لوفاة ام البنين وسفرتها🔥
تنول امراد....يالتكعد بسفرتهه
هاي ام الكرم....محله عطيتهه
@@@@@@@@@@
ولله مجربه سفرة البدويه
يل كلهه وفه ومتروسه حنيه
تكلج حاجتج هاليوم مكضيه
من جف الهيبه...تنول امرادك
@@@@@@@@@@
جف ام الكرم كلنه مجربينه
ندك الباب وام عباس تطينه
حاشه ام العطايا ماتخلينه
مجربينه...جف ام عباس
@@@@@@@@@
جيبي بيرغ العباس هاليله
عالسفره اكعدي وذبي الشيله
كل حمل الثكيل الحره اتشيله
تنولينه....ومرادج منهه
@@@@@@@@@
اعكدي راية العباس اعكديهه
اهموم البل كلب عالسفره احجيهه
وبجفوف الكفيل اليوم حلفيهه
حلفيهه....بجفوف الكافل
@@@@@@@@@@
يل عدج هظم لاتبقي حيرانه
شماجانت اهمومج حيل كثرانه
باب ام البنين الكرم عنوانه
الكصداها...وتشيل اهموم
@@@@@@@@@@
تعني لسفرة ام عباس كصاده
والكاصد الحره ياخذ امراده
تكرم والكرم عدهه صدك عاده
وينول امراده....الكاصد ليهه
باب المهيوبه...اكصد وتعنه
مارد خطاره...اهلن بالجف اليكرم
تمت ✍️الشاعره والمله ام حسين العامري
غير مبري الذمه من يحذف اويغير اويتلاعب بالكلمات اويحذف اسم الشاعره وينسب الكلام له
قصيدة اساسية
وفاة ام البنين (عليها السلام)
تأخر موتي ليش اخلاف الحسين
ماتحله الحياة ابدونه بالعين
لجله ضحيت اربعه
ما أريدن مصرعه
ماتحله الحياة ابدونه بالعين
..............................
عشت بعد الطف ايام اصبحت مره
دليلي ابحزنه عاش ودمعتي حمره
يروح حسين من عمري على عمره
وآنه اوياه عشت أجمل واعز عشره
مثل امه وأشوفه ابني من الاكَيه
يطير من الفرح كَلبي من احاجيه
حسين وطاهر مرضعه
ما أريدن مصرعه
ماتحله الحياة ابدونه بالعين
..............................
عشت باحساس أم وأعرف احواله
من يضحك اشوف الضحكه تحلاله
واذا يبجي وتصير ادموعه هماله
اكيد ابذكرياته الزهره تدناله
يتذكر مصاب الضلع والباب
وضل جرحه على المحسن فلا طاب
دمعي ايصب وي مدمعه
ما أريدن مصرعه
ماتحله الحياة ابدونه بالعين
..............................
كُبر والطف خذاه وضلوعه مهشومه
وانه اتمنيت يومي ايصح كَبل يومه
ولا أبقه المصابه وروحي مهضومه
اعله صوت حسين هاي اسماعي مفطومه
من حسين خالي اترد الظعون
وبسياط الاعادي زركَه المتون
والقلم والقارعه
ما أريدن مصرعه
ماتحله الحياة ابدونه بالعين
..............................
ثلث اسنين مَرن أنعه لمصابه
وعيني الشوفته ابدمعتهه سجابه
ادعي الخالق ابموتي وادك بابه
حته احظه بلقاء حسين واصحابه
لفاني الموت متأخر على الروح
موتي اويه الحسين من اول اجروح
وي السيف الكَطعه
ما أريدن مصرعه
ماتحله الحياة ابدونه بالعين
..............................
قبل زينب ردت موتي اعله بو الأكبر
وعلى كَبري تجي بت حيدره تحظر
آنه ام البنين وأحظر المعبر
شفيعه وي علي الكرار بالمحشر
والينخاني لا مارده خايب
انخوني ابظهور المهدي غايب
الثار الكَلبي صدعه
ما أريدن مصرعه
ماتحله الحياة ابدونه بالعين
الشاعر
ياسر العارضي
قصيدة نزله في حق ام البنين عليها السلام
خيمة ايتام تمثلت أم البنين
خيمة أيتام تمثلت أم البنين
.........
بعد ما بضعة نبينه استشهدت
والمآسي اعله اليتامه خيمت
ماكو للحسنين غير ام البخت
هيه هاي ام البنين اللي اجت
أم تصير الطاهره
هاي أعظم مفخره
والدهر ضام لليتامه الطيببن
خيمة أيتام تمثلت أم البنين
.......................
فاطمه اتغير اسمهه لهالامر
خاف منهم بأسم أمه ينقهر
تعرف اتعلم الصبور اعله الصبر
وتخدم الايتام كل هذا العمر
وطائعه الحيدر علي
والهه كل هم ينجلي
وكل الايام ثابته ولا ماتلين
خيمة أيتام تمثلت أم البنين
.....................
من مشاعرهه الحنونه الواضحه
جن وضوح ال قل هوَ وي الضحى
لو قره الانسان الهه الفاتحه
تنكضي حاجاته والرب سامحهه
حته لو ذنبه جبير
ينمحي من يستجير
الهه الاسلام حفظتهه بهذا الحنين
خيمة أيتام تمثلت أم البنين
........................
منزلتهه عد علي بأرفع مقام
ابحيدره التاريخ عَدهه من العظام
لو بحار ابحقهه ما يكفي الكلام
حد علمنه القاصر اعليهه السلام
وهيه اكبر من حرف
بالسطر ينزل وصف
وكل الاحلام نبقه الهه ذاكرين
خيمة أيتام تمثلت أم البنين
......................
فاركت عمر المصايب والهضم
ماتت وعبره ابصدرهه من الظلم
للمثلهه ازغير في حقهه النظم
والقلم لكبر فضائلهه ابعقم
لكل تعزيه وكل نعي
منهه نحتاج الوعي
وتنعه الاقلام ام بدور الثائرين
خيمة أيتام تمثلت أم البنين
الشاعر
ياسر العارضي