2554
✧ رجوتُ مِنَ اللِّه بعد صلاة الفجر ثلاثاً فِي :أن لا يُريني فِي أهلِي مكروه ، وأن لا يَجعل سعادتي فِي الـ ... لتكملة القِرَاءة اضغط هُنَا 🔙..
Читать полностью…
سويتلكم ديوان نسائي متكامل وملحن بالكامل 🗒️😊 👇
/channel/+74N04SNGMV9iNzgy
♦️تم نشر قصائد منبريه هنا 👇
👉 /channel/Bany_Hashime
اشتاكيتلك .. وحنيت لايامك
Читать полностью…
اشتاگيتلك
الشاعر عباس الشمري
صوت خادمكم أبو منتظر الإمارة
بدمعت عيوني... واحساسي قريتك
بالحزن اول.... يالغالي لكيتك
شمس ماغابت ولا تحجبها غيمه
ياعلي السجاد شخصيتك عضيمه
يامولاي يامولاي
....................
اصفن واحتار شما اصفن.. يااترف حته امن الماي
هاي الناس شويه بعيني.. يامولاي وانته هواي
بالدنيه شفت الينكسر... لو راحو أهله وناسه
مكسور مثلك ماشفت ... لايح الغيم براسه
بجرحك الدايم... وبصبرك تكابر
احبالك ابأيدك... واسست المنابر
بالبشر ماكو مثل گلبك وضيمه
ياعلي السجاد شخصيتك عضيمه
يامولاي يامولاي
.......................
بطاريك اسهر واتمنه... مايخلص وياك الليل
بذكرك تسبيحت انفاسي... وعطرك أطيب من الهيل
شاغل أفكاري بكل وكت... واسمك بطرف الساني
هايم صرت بمحبتك... وحبك بشر سواني
شلتك بروحي.... وسميتك حياتي
ياضوه عيوني... وحلمي وامنياتي
هواي احبك يا ابو النفس الكريمه
ياعلي السجاد شخصيتك عضيمه
يامولاي يامولاي
........................
قافلتك جانت مسبيه... هيجي اعدائك يتوقعون
سابيهم انته بنضراتك... تمشي انته وهمه يركضون
تنطوي الكاع بخطوتك... يالرحمت الله اسرارك
بدرب السبي لمن رحت... الله بعظمته اختارك
تمشي وبگلبك... نوحك هذا طبعك
ابونك العالي... وبس زينب تسمعك
تخفي ونك ونته تمشي بوسط هيمه
ياعلي السجاد شخصيتك عضيمه
يامولاي يامولاي
.....................
بقصر ايزيد الخطبه الصارت... خافت من عدها أهل الشام
حسين امئسسهه بدم نحره... وانته السانك الها إعلام
رجفوا مثل سعف النخل... والروس كلهه مدنكه
الضالم سمع حق مارضه... كلمت الحق اتخنگه
هدمت عرشه ... من شدت كلامك
تيه السانه... مايصمد أمامك
هزهزت عرش الطغات أهل الجريمه
ياعلي السجاد شخصيتك عضيمه
يامولاي يامولاي
...................
يالبيدك جانت عصاتك... بس مادورت البرهان
تكدر بالمجلس تشمرهه... وتلقفهم مثل الثعبان
ماردت تنهيهه بعجل... خليت بيهم حسره
بالقصر ضلت كلمتك... ومنهه الزلم منكسره
كل حرف منك... تاريخ ورساله
الدنيه ذلتهم ... عاشوا بالضلاله
خلوا بجفك سلاسلهم هضيمه
ياعلي السجاد شخصيتك عضيمه
يامولاي يامولاي
......................
عمرك خلص نوح وعبره... ومافاركت ادموع العين
كل لحضه اتمر ضامي تشوفه... وكدامك مذبوح حسين
گلبك امن الدنيه تعب... وامن الألم مايسلم
ميت ومسموم الجبد... وكبرك عليك مهدم
بحزنك وهمك... خاتِم كل حياتك
ودع الدنيا... ورتاح بمماتك
مودع ابالله يبو الروح الرحيمه
ياعلي السجاد شخصيتك عضيمه
يامولاي يامولاي
محمد هادي العقابي
زينب اول مشايه
وبجفها تعرف االرايه
محمد النوري
يانوع انته من الخِدَّام
يانوع انته من الخدام
المجهول تكشفه الايام
خل بالك يم الموضوع
يلتلطم وتهل ادموع
خادم طبعك من يانوع
يانوع انته من الخدام
★★★★★
الباقر حدد وانطه اوصاف
حال الشيعي ثَلَث اصناف
البينه اِتزَّيَّن عنده اهداف
وثاني يريد المال اضعاف
وثالث منه وإلنه ايصير
جاوب ياخادم لتحيير
لامايحتاج التبرير
يانوع انته من الخدام
★★★★★
خادم گمت ادَّور القاب
وصِيِت وسُمعَه بأي اسباب
ويمدحونك كثره اصحاب
وماحاسب لحسين احساب
تتفاخر بيك ايمدحون
معروف الناس يگولون
لكن ضلوا ميعرفون
يانوع انته من الخدام
★★★★★
خادم عنده حسين اقوال
اتَّاجر عندك صار اموال
خادم قول بلا افعال
گاضي الدنيا بهذا الحال
بالظاهر خادم معروف
بالصورة التْعجِب موصوف
ياريت تفكر وتشوف
يانوع انته من الخدام
★★★★★
خادم مخلص لوضليت
متدور سٌّمعَه ولاصِيت
منهم واِلهُم لاهل البيت
تنال شماچان تمنيت
يلماشي بدرب الهيهات
صافي النيه وصافي الذات
معروف انته بلا أثبات
يانوع انته من الخدام
★★★★★
حسين تخدمه صار اسنين
مامحتاجك اعرف زين
انته الي محتاج حسين
بهاي الدنيا ويوم الدين
باچرجنه هناك ونار
حسين خلصله بهاي الدار
اعرف نفسك لاتحتار
يانوع انته من الخدام
الشاعر حسن لعيبي الحريشاوي
من ترف الراية
حانت المشاية
ــــــــــــــــــ
من ترف راية ضريحك بالسما للعالي
يعني ننصبها المواكب للخدم يالوالي
تجي ازحوف لكربلائك سيدي يالغالي
كل سنة تزود المواكب بالزمان الحالي
نعمه منك هاية
حانت المشاية
ــــــــــــــــــ
كعبة للزوار گبرك من تجي وتطوفك
الف عمره والف حجة ازيارتك بطفوفك
تصيح لبيك وتردد هالجموع احروفك
تمسح بعطفك عليهم وبحنان اجفوفك
تقرأ ليهم اية
حانت المشاية
ــــــــــــــــــ
الملائك بأربعينك تنزل وي انصارك
تعزب وي اهل الخدامة ترحب بخطارك
بالكرم بيبان صحنك تنفتح كل دراك
وبالشمس مولاي انته تضلل لزوارك
ضللت بالصاية
حانت المشاية
ــــــــــــــــــ
لهفة مشاية بطريقك بالعشگ خدامك
بيوتهم تخلى ويجونك لان تخلى اخيامك
هالمواساة لجنابك ولعظيم أيامك
هالمشي بلكت يخفف سيدي من أسهامك
درعك احنه وثاية
حانت المشاية
ــــــــــــــــــ
المواكب سفرة وحدة والخدم جف واحد
هذا يعمل ذاك يطبخ ماكو واحد كاعد
كلها قادة بالمواكب مو فقط بس قائد
حسين سلطان اليخدمة والعشگ بي شاهد
شاهد الحب غاية
حانت المشاية
ــــــــــــــــــ
يالطريقك جنة الله الخدم كلها بخيرك
هذا مايك هذا زادك كله من تدبيرك
هذا من جيسك حبيبي وماكو منة غيرك
تروي كل عطشان گاصد من عذب مي بيرك
وبثوابك ماية
حانت المشاية
ــــــــــــــــــ
حسين مشاية لحضرتك تمشي لجل اعيونك
ولجل زينب بالمسيرة من مشت بضعونك
حرم واطفال بطريقك والله ما ينسونك
ازغار واكبار وشباب بدربك يگصدونك
الك جم اولاية
حانت المشاية
ــــــــــــــــــ
هلا بالزوار انته تصيح بأجمل صورة
ستبشروا زوار گبري أذنوبكم مغفورة
يالبذلتوا بأربعيني أجهودكم مشكورة
الزارني باجر أجيلة بگبرة روحي تزورة
هالعهد بحجاية
حانت المشاية
ــــــــــــــــــ
الشاعر زين العابدين الشمري
هذا اللي خفت منه وطحت بيه
عضيـدي شلـون المــه لـو اخليه
الحوافر اخذت هواي
تطشـــر نـــــور دنياي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اجيـت بلهفــه واتعثــر حتـه دربـــي ضعيته
يا عباس انادي بصوت احچي وياي وين انته
مو ساعه رحل عني چن سنسين ما شفته
حبيبي مــا يفارگنـي ولا فـد يـوم فارگته
و مـا اگــدر اعيـش ابــدون عبــاس
اوصلت يمه وشفت بالخيل ينداس
ضامي وما شرب ماي
تطشـر نــــور دنيـــاي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عاده اليحتضر اهله واحبابه اليحظرونه
بس عبـاس لمن طاح بسيوف ويطبرونه
چا غير آنه اغمضنه السهم غمضهن عيونه
ولا سبلهـن ايـدينـه بلـوعـه يموت يردونه
يسبلهن شلـون وگطعوهن
رعبنهـم اكيـد و فرهدوهن
مات اليحمل الواي
تطشـر نـور دنيـاي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
امنصدن ليه ما صدِگ اخوي النام عالغبره
هذا شويه مو عباس فحل عباس وشكبره
اثاري الخيل من ادوس يظل بمچانهه حفره
ثجيلات الحوافر آه طبگت ضهره وي صدره
عزيز الـــــروح هيـــچ ايعــذبنــه
اوصلت يمه ولگيت اشباقي منه
اخوي ونظر عيناي
تطشـر نــور دنياي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كل همي اگعدت يمه اشبگه شلون اشبگنه
بكل جسمه نبل ورماح ماكو مچان اقبلنه
وسهم العين ما ينشال تجي عينه امنشيلنه
اشم ابعطره بس ظليت عطر حيدر اشمنه
سابـح بالدمـه بــدر العشيره
كاسرلي الضهر يا ابو الغيره
حسافه اتشفت اعداي
تطشـــر نـــور دنيـــاي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بوسط شمات صرت آنه فاگدلي اخوه يسوه
مثل عباس ابد ميصير راعي الغيره والنخوه
فرحانين محتفلين السبب چا ما الي اخوه
يسمعوني الحچي المو زين لو يسمعهم شسوه
يا حچـي الشماتـه والله مسموم
صرت مركب تراني الكل الهموم
شسولف هاي لو هاي
تطشـــر نــــور دنيـاي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تعبني اخوي هواي وأنه كل حيل مابيه
مـا اگـدر بعـد انهـض مـاتـن حتـه رجليه
معسكر دوم اشوفنه بوجوده خيامي محميه
بعد عباس كلشي يضيع زينب تمشي مسبيه
اذا تسألني وينه حامي خدري
شگللهـه و تصد مكسور ظهري
شجاوب وَحَّدّي جاي
تطشـر نــــور دنيـاي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي
#أبوذيات
مشينه وبانت الرجفات بالسوگ
وگادونه بزجر وسياط بالسوگ
صاحوا يلا علويات بالسوگ
شماته هواي حضروا واهليه
المصايب بيه فن الضيم يربن
ونه عيناي بويه عليك يربن
علي بعدك بناتك وين يربن
بخرابه اتنام تالي الهاشميه
#اللهم_عجل_لوليك_الفرج
#نعي #وأبوذيات
علي السجاد ضلت تربي عينه
وكل اهل المحنه مفاركينه
عله افراش المرض محد يعينه
وينه حسين يحضر لبنه وينه
حزنان ويحن كلبه اعله الحنان
شيسوه العمر بله بدون خوان
واحد من هله يتمنه دفان
مثل حسين راد يموت عطشان
علي السجاد ناده بصوت الآلام
ما اناسي الطفوف وحرك الخيام
راحن كل خوات حسين للشام
وبدرب اليسر يا عين التنام
دمع عيناي سال بساع وجره
وبعدهي اكلوبنه اعله حسين وجره
ضيمي ما سده اعله انسان وجره
عليل وبالحبل مجتوفه اديه
يشيعي الباقر اعله النوح. عيناه
انرسم طف كربله والجرح. عيناه
علي السجاد غمضت صحت عيناه
ويم اجنازته تنوح الزجيه
الشاعر
تحسين الخفاجي
#اللهم_عجل_لوليك_الفرج
نعي
هاي الخيل وصلت والفكر حار
وكاع الطف جبيره وعندك ازغار
شنهي الراي نبقى بنار الخيام ؟
وما تصلح ستر للخايفه النار
گمنه انروح وانرد بالصواوين
والمن مادرينه الديرها العين
طلعنه والدخان يسد بالعيون
والتركض مغمضه تروح لاوين
كاع الله جمر ويتامي حفاي
وماضل للفواطم اخو وحماي
عّطشنه الركاض ابذيج الشموس
وگمنه امن الشمس نعطش للفياي
لاضل راي عند اختك ولا حيل
وشفنه امن الذبحكم ويل ياويل
حيره المرت اختك مالها اجواب
تردني النار وارجع اجهب الخيل
شايل ضيم گلبي يهدم جبال
أهل الله بقوا عل غبره ياحال
مو آنه خيالي الما طلع دووم
وطلعت بكربله وأسمع حجي اشكال
صعدت التل ردت تنطونه اجواب
مطول نومكم جنه اعلى لتراب
يردوني اعوفك وصعد النوك
ويحدي بناگة اختك ترضه سلاب
مانندل يخويه بذيج الدروب
وياعين التنام بجيت الغروب
نگضي الليل خويه مناوب النوح
اوحدتنه گلبها امن البجي يذوب
طلعني النهار مهبطه الراس
والف سوط علمتني ولاحجي الناس
لمدللها اخوها بفرگته اتموت
وآنه الي متت بفراگ عباس
محمد الربيعي
#اللهم_عجل_لوليك_الفرج
#نعي
لمولاي زين العابدين عليه السلام
مشه السم بدليله وعينه غـارت
وضلمه الدنيا كلها والله صارت
فارت روحــــه من الالم فـارت
الدنيا اعليه ابو البــاقر اندارت
يتلفت يمين يســـار وبخنگـــه
والباقر شباگ اموادع يشبـگه
عزيز الدار انوه اليــوم عالفرگه
والفرگه طويله ما بعـــد ملگــه
هو شضال بجســـمه ويســمونه
ومن البچي ذبــلانه تره عـــيونه
شحاله الوالده گــــباله يـذبحونه
ومچتوف ليزيد بســــبي يودونه
هو شضــال بجســــمه ابو الـباقر
الشاف العاشــر واحاه من العاشر
بصدر حسين حافر يسبگ الحافر
وما بين اليتامه وعمــته حـــــاير
هو شضال بجسمه الصعد هــزله
ويبرون الضعينه الذبحــــو اهله
بعمره شباجي المنه خــذو خلــه
وزينب عمته صعدت على التـله
وشمكثر ونينه
يچل الليل وشمكثر ونينه
واتهمـــل عينه
يحن للابو واتهــمل عينــه
ماهي زينــه
وادم غــــرايب ماهي زينه
ما يگدر يگوم
محني علي وما يگدر يگوم
الحال مهضوم
متعوب العليل الحال مهضوم
مسلوب الاهدوم
ويون ليله على مسلوب الاهدوم
مو خوش رفگه
رفجة شمـر مو خــــــوش رفـگه
بسوطه يطگـه
كـــــــــلما راد وبســـوطه يطگــه
يطالب بـحگه
ويــــــــن الذي يــــطالب بحگــه
حيدر ابو كيان الفاطمي
#اللهم_عجل_لوليك_الفرج
#أبوذيات
مولاي زين العابدين روحي فداه
مو بهداي جاب الضعن .. بل سوگ
الحادي . او ضربه خل آثار ... بل سوگ
انا روحي اطلعت يا ناس .... بل سوگ
من نظرت لعمتي اعيون أميه ..
دمه اجروحي ابردن ثوبي ... مشيته
او درب السبي وي عمتي .... مشيته
آخ الحادي بعنادي ...... مشيته
السوگ السوگ يمشي عناد بيه ....
ابو فاطمة الطائي
#اللهم_عجل_لوليك_الفرج
ما هو تحصيلك الدراسي؟؟
Читать полностью…
♦️تم نشر قصائد منبريه هنا 👇
👉 /channel/sajad100w
تراث نعي
يحسين يبن أُمّي يمفگود
يظِلّ العشيره اعليك منشود
اوعن والدك للسلف معدود
اِلك بالطعن والسيف مشهود
عند المصادم تاخذ الزود
تجيك الوفود اوردّت اردود
يطلبون من عندك المريود
وميّه مطربه اوتدگ بالعود
طول النهار اوليلها ارگود
خذت ثارها اوجزتها الحدود
أطب ولجي الديوان معجود
اوشمّاتنه بالمجلس اگعود
ينشدوني بُغض اوعلي الچود
عتبنه عله امحمّد بالوجود
خواتك سبايه اعليگ مفگود
يحسين لو بيدي الأمر چان
بنيت اعله گبرك بيت الأحزان
وأنوح بمناحه أطوار وألحان
وأنعاك يالعينه امن الأعيان
فگدك تظن خويه عَلَي هان
اِلك تشتعل بالگلب نيران
يتالي هلي بيك الدهر خان
يا ذلتي اوفرحة العدوان
يبات الگلب يحسين محزون
عليك اوتهل ادموع العيون
آنه اِمنحّله ومغيّره اللون
أطب للمدينه او طبّتي اشلون
شگلّه الذي عنّك ينشدون
شگلهم تركت احسين مرهون
شگلّه الذي الدارك يگصدون
شگلهم هلي غيّاب ويجون
هيهات للمنزل يعودون
الشاعر المرحوم عبد الامير الفتلاوي
اللهم_عجل_لوليك_الفرج
#الشاعر_عباس_فاضل_الشمري
أداء الخادم محمد السماوي
القصيده
اشتاكيتلك اشتاكيتلك
محرم 🔻شوق العقيله💔
ـــــــــــــــــ ❁ ❁ ❁ ــــــــــــــــــ
اشتاگيتلـك ... وحـنـيت لأيامـك
اشتاگيتلـك ... ارد ابچي گدامك
مـو شيـبَـت حتـه الطفـل
الـفـرگــه لا مـا تـنـحـمـل
اشتاگيتلـك . اشتاگيتلـك
ـــــــــــــــــ ❁ ❁ ❁ ــــــــــــــــــ
روحي مشتاگه تشوفك يـاكفيلي
والله من دونك يغالي ظلمه ليلي
ياكل بروحي غيابك هدلي حيلي
وانه بالشـام وغريبـه مـاتـجـيلي
دمـعـه بــعيــوني تــهــل
الـفـرگــه لا مـا تـنـحـمـل
اشتاگيتلـك . اشتاگيتلـك
ـــــــــــــــــ ❁ ❁ ❁ ــــــــــــــــــ
يـاگمـر انتـه كفيـلي وهيبتي انــته
دافيـه عيـون الحنين التصـد لخته
عـلـه بگليبي تعـَرفـها شنهـو عـلـته
من تمر انته اعله بالي يموت سكته
گلبــي مــات بـــلا أمـــل
الـفـرگــه لا مـا تـنـحـمـل
اشتاگيتلـك . اشتاگيتلـك
ـــــــــــــــــ ❁ ❁ ❁ ــــــــــــــــــ
يابو فاضل گلبي يرجف من اذكرك
بـلا چفوف ومـاتجيني انـه اعذرك
مـاشفت راحـه بغيابك خـل اخبرك
سنين من عمري اخليها اعله عمرك
لـــو خـبـر مـنــك وصــل
الـفـرگــه لا مـا تـنـحـمـل
اشتاگيتلـك . اشتاگيتلـك
ـــــــــــــــــ ❁ ❁ ❁ ــــــــــــــــــ
انـتـه يـانـور بـعيـونـي تضـوي دربي
مـايـدگ واگـف يـنطـرك شوفـه گلبي
روحي مشتاگه واجيتك اشكي تعبي
مـايمـرنــي الظـيـم لمـن انـتـه گـربي
الـدهــر بــيـه شــعـمـــل
الـفـرگــه لا مـا تـنـحـمـل
اشتاگيتلـك . اشتاگيتلـك
ـــــــــــــــــ ❁ ❁ ❁ ــــــــــــــــــ
يمته اوصلك يخويه يمتـه اشوفك
انه من عفتك جبرني وكتي اعوفك
وانت نايم ع الشريعه بـــلا جفوفك
قدرتلك يا ابــو فاضل كـل ضروفك
ادري نــايـــم مـــاتــظـل
الـفـرگــه لا مـا تـنـحـمـل
اشتاگيتلـك . اشتاگيتلـك
ـــــــــــــــــ ❁ ❁ ❁ ــــــــــــــــــ
ردتـك تـعايـن تـشوفـه هـذا حـالي
يعينه الله الي رحل من عنده غالي
هسـه خـويـه اذكـرّت عـزي ودلالي
مـن چنت يمـي يخويه مـن دنـالي
حـرمـه هـسـه بـلا اهـــل
الـفـرگــه لا مـا تـنـحـمـل
اشتاگيتلـك . اشتاگيتلـك
ـــــــــــــــــ ❁ ❁ ❁ ــــــــــــــــــ
🖊️عباس فاضل الشمري
زينب من اجتهم ماتلگوها
زينب من اجتهم ماتلگوها
❁ ❁ ❁ ❁ ❁ ❁
ياظيم العليهه ماتلگوها
اجت تشكي لأخيها ماتلگوها
وبـس تفرك بـديها ماتلگوها
مـاسـمـعـوا بجيها ماتلگوها
أجت مشتاكه للبظيم خلوها
زينب من اجتهم ماتلگوها
❁ ❁ ❁ ❁ ❁ ❁
اجت شكبر حملهه ماتلگوها
جـاويـن الـكـفـلهه ماتلگوها
ولا واحــد سألهه ماتلگوها
ويااعـظـم خجلهه ماتلگوها
عگبكم على الناگه باه ركبوها
زيـنـب مـن اجتهم ماتلگوها
❁ ❁ ❁ ❁ ❁ ❁
اجـت تـسأل تـباوع ماتلگوها
وعلى الخد المدامع ماتلگوها
وبيها شكد مـواجع ماتلگوها
تـريد البيها گـاطـع ماتلگوها
تريد اخوانها الراحو وجرحوها
زيـنـب مـن اجتهم ماتلگوها
❁ ❁ ❁ ❁ ❁ ❁
مـكـسـورت خواطر ماتلگوها
اجـت للبل مـگـابــر ماتلگوها
وعـمـيـانه النـواضر ماتلگوها
اشـو مـحـد يـناطـر ماتلگوها
زيـنب هـل أجـتكم مادلـوها
زيـنـب مـن اجتهم. ماتلگوها
❁ ❁ ❁ ❁ ❁ ❁
تناشد وبـدمـعها ماتلگوها
ومــزورگ ضـلعها ماتلگوها
ويـامرخص دمعها ماتلگوها
وأنه دري بلوجعها ماتلگوها
وضلت حايره وعداك جرحوها
زيـنـب مـن اجتهم ماتلگوها
❁ ❁ ❁ ❁ ❁ ❁
الشاعر محمد البنداوي
زينب اول مشاية
زينب اول مشايه
وبجفها ترف الرايه
راحتلك يابو الغيره
وتردد أحلى احجايه
لبيك ياحسين. لبيك ياحسين
*------------*-------------*-------------*
احيود وجابو زينب للطف
ذوله اهل الشيمه
يدرون بزينب عزتهم
والحق تقيمه
حكمه ومنطق بالحق تنطق
اعظم ترنيمه
بقصر يزيد وتعلن زينب
لحظة تقزيمه
ردت ظلمه وطغيانه
صاحت زينب هاي انه
احنا الربك علانه
بينا الايه اموصايه
لبيك ياحسين. لبيك ياحسين
*------------*--------------*-------------*
راحت من كربلا للكوفه
وراحت لارض الشام
خطت نهج الانسانية
الحق ضد الظلام
دم حسين وصرخة زينب
صرخات الاسلام
رجعت صوب حسين تنادي
ماطخينه الهام
رادو خويه يذلونه
بغيهم بس ماكدرونه
اهل الحق ويدرونه
تتنزل بينا الايه
لبيك ياحسين. لبيك ياحسين
*--------------*-------------*--------------*
بنت الزهره وبالحق جمره
من جدها الهادي
حيدر ذخره اشتعلت ثوره
وعمت كل وادي
راد يذلها بحجيه يكلها
مسبيه العادي
ردت غله وهيه تكله
اليهدوك اجدادي
ذلت كل طاغي بقصره
واكف متباهي بنصره
خلت بالظالم حسره
زينب بت حيدر هايه
لبيك ياحسين. لبيك ياحسين
*-------------*-------------*-------------*
جيش بكبره ورهبه وقدره
مايكدر زينب
يوم الطاحو كل اخوتها
وضلت تتعذب
وكفت رغم الهجمه الصارت
والنار التلهب
مثل الجبل الشامخ زينب
نهضت ماتتعب
بعد الخيم المحتركه
والشوغات ويه الحركه
زينب بت حيدر تلكه
قادت جيش الوفايه
لبيك ياحسين. لبيك ياحسين
*-------------*-------------*--------------*
راحت للشام وشوغاته
ومحد يعرفها
اخت الخارج ضد السلطه
الناس توصفها
كالو مسبيه ومكسوره
وطاحت نعرفها
ضربتهم ضربات الغيره
وجف حيدر جفها
بقصور الطاغي وظلمه
ماخلت بيهم زلمه
جن زود حسين وعزمه
سوت بالشام قرايه
لبيك ياحسين. لبيك ياحسين
*-------------*--------------*---------------*
محمد دعبل النوري
الرادود الحسيني
ملأ هيثم اللامي
هذا اللي خفت منه وطحت بيه
عضيدي شلون المه لو اخليه
الحوافر اخذت هواي
تطشر نور دنياي🚩
نزله.......... (((وستوديو)))
بخطــوة الزايـر. هلا.
بصـرخه صاحت كربله
هلا. بالمشايه. هلا بالمشايه
___
نمشي خطوات. مسافات. نون المصيبتك
شنهو حر صيف. يمــولاي. نروح الكـبـتك
شفــنه انواع المشولك شايب يكـوده لولد
مكَـٍرم وجاي الضريحك زحف جاي ولاكعد
الله سير كلش الـــجلك ياحـسين ع الوعد
أحنه شيعه وأنتـه حبنــه مانعـــوفك الأبد
طلعـت آلااف الألوف
رايه شالو بالجـفوف
عايف البـــيت وهــله بصرخه صاحـت كربله
___
طلعت الناس. ملايــــين تلاكي أم الخـدر
رجعت بروس للطـفوف. يويلي من اليسر
رجعت بدمـعه عذرها الدمعه بيها تلاالي
وعايفه بديره غربها.رقيـــه بنــت الغالي
تكله لا تنـشد يخـويه ماتطــمن أحـوالي
نكصد بدمعه حزنه نواسـي أخت الوالي
رجعت الأرض الطفوف
تسعه يم كبره وتـطوف
رقيــه مـــو بالــــقافله. بصرخه صــاحت كربله
___
خادم يـصيح. يـــــزوار. علي وياكم علي
فدوه مشـاي يله وياي مبـيتك يم هلي
فـدوه يازاير تمـرنــه الجلك أفرش عينـي
والله اغـطيك برمــشها يل تـزور حسـيني
من اخدمك ها يزاير خـدمه تسوى سنيني
خاف أقــصر أنه بــيــها ماأكــمل دينـــي
الخدمه أحله من العمر
الخـادم يــنادي بـعــذر
الخادم بصـيتك عـــله. بصرخه صاحـت كربله
___
سفرت حسين حتى. الطير. شبع منها وقنع
كل سنه تزود للمعشوك يعشـكي الماكطع
سفرت وحده بهل مواكب تنمد بطول الدرب
زايد الخير وننافـس خلهـا تــسمع الغــــرب
العالم يحير بفعلنه عدنه سهـله وموصــعب
فـــدوه ياالزاير تـــمرنه أفــرح أنه من تطب
الزاير بكل خطوه حــــج
المهـــدي ندعيله بـــفرج
بالفـــــرج ندعـــي إله بصرخه صاحـت كربله
___
الشاعر الحسيني
مرتضى مكطوف الموالي
نار العطش تسعر بالچبود
وذبحو الجود وصاحب الجود
بعينه السهم وبراسه عامود
بحر الشمس عالرمل ممدود
وبصفه رايه بعازة چفوف
شيب العطش من يطلع هواي
والعازه عازة خوه مو ماي
چان الخيمنه الكافل أڤياي
وچان الظعنه هوه حداي
وچنه بصايته مانعرف الخوف
متنام تدري عيوني متنام
أله بيتنه لو وسط الخيام
چا بعد دهري شخله وشظام
آه ياكسرتي بطبة الشام
ولجروحي ماظل رايف يروف
عرجه وهزيله جابو النوگ
وياكل أبگلبي العينك الشوگ
أحچايه صرنه بنص الحلوگ
أگعد گبل لانمشي للسوگ
وبين الغرب حداينه أيطوف
سبحه أنگطع من عدها شاهود
ممرود گلبي وحيلي مهدود
يابعد دمعي اليچوي الخدود
المثلك أخو عباس مريود
هاك أخذ عيني وبيها رد شوف
يا راينه ويا عزوة الگوم
لاموش الك ياحيدنه النوم
چمدوب گلبي بهمه مالوم
من العطش ذبلانه الرسوم
الماعدهه أخو تنسبي معروف
✍️حسين حمدان الدلفي
#اللهم_عجل_لوليك_الفرج
#أبوذيات
مولاتي العقيلة روحي فداها
المهر من ردلي خالي باد ..چم حيل
اركضتله امن اعثر يصيحون. چم حيل
اشلگيته اشچم كسر بالضلع. چم حل
شلم من البقه وما بي بقيه
لاهي بذيچ حسباتي.. لهــي بهاي
الحرگ كلما گضت خيمه.. لهه بهاي
اطفّــي بذيج يلسعني.. لهب هــاي
خَفت ورماد مصبوغات اديه
ولانه الشمر لا من صاح.. حــد باه
ابمتن كل حرمه خلّه السوط ..حدباه
صار ذراعي من الشگف.. حــد باه
وسبيه اتلوذ ضلينه ابسبيه
عنك رايحه امشي بدرب..يسراي
الحبل يطبگ اليمنه فوﮔ.. يسراي
غربه وليل بينه الضعن.. يسراي
ضلام اوخوف شينيّم رقيه
ثائر الربيعي
#اللهم_عجل_لوليك_الفرج
#أبوذية
خلص عمري بدموع العين ..والون
وشفت من الرزايا أشكال...والوان
بس الحنن مني الظهر .....والون
بنات امي سبية ابصف سبية
قاسم المالكي
#اللهم_عجل_لوليك_الفرج
#أبوذيات مفجعة
البخت دار بهداوة.. دار عينه
وصدرة برمح باشط.. دارعينه
الشمر يذبح واخيي... دار عينه
علي وانكطع نفسه وحار بيه
بجينه وآنه لتضن.. دمعي ابينه
افه وماراح تلكه.. دمعه بينه
شبكنه حسين وتخر.. دم عبينه
لحد مانكعت أرض الغاضرية
وحك فراكك الطشر.. لمتنه
طاح حسين والوادم.. لمتنه
انسحك متنه وامد ايدي.. لمتنه
غفلة وجرته الخيل من ادية
تل ما شفنه بالطف.. بس تل ام عون
هلي والدم خذاكم. بس تلمعون
شني معقولة زينب. بس تلم عون
وتعوف حسين مرمي اعله الوطية
موش ادموع بالطف ماشكتله
دمه والروح شكوة ماشكتله
الشمر عطشان گلي ماشي اكتله
بحقد وذبح اخوج بذني اديه
اسماعيل السعيدي
#اللهم_عجل_لوليك_الفرج
#أبوذيات
روحي اعله اخوتي زايد ولمها
مشيت ولا حصل بيـدي ولمها
بگيـت ارعــه ابيتاماهـا ولمها
وشاجف لليضربوها بديه
هاشم من وگع بالطف علمها
ابحال الحرم ما واحد علمها
چم طفله الغدت تصرخ علمها
وامها اتجول بأرض الغاضريه
الشاعر المرحوم
السيد عبد الحسين الشرع
#اللهم_عجل_لوليك_الفرج