Telegram-канал tajmawaledalathar - 🌹تجمّع الزهراء ع للموالد🌹: Unsorted

🌹تجمّع الزهراء ع للموالد🌹

25 August 2026 11:39

نور العين يا طه نور العين
فرحانين بالمولد فرحانين
حبك زمــزم راوي
يا بدر الله الضاوي
ــ⊱☆☆☆☆❀☆☆☆☆⊰ــ

يا در يا جوهر ـ نورك من ازهر
منطي اجمل مظهر ـ صله الباري اعليك

ابدارك نزلها ـ اسرار الحب كلها
ربك دللها ـ ناس التفرح بيك

يا اعظم والـي ابهل دنيه واعظم سلطان
اسمك كشخه وضـايف نگه ابنص الآذان
يخشع كلمن يذكر اسمك ويصير انسان

حبك لام كل خادم حبك لام
رفعة هام للـوادم رفعة هام
لقصة فضلك راوي
يا بدر الله الضاوي
ــ⊱☆☆☆☆❀☆☆☆☆⊰ــ

حكمه انته ونافع ـ لحبابك شافع
شان الهم رافع ـ زادو رفعه وجاه

من يوم اصيارك ـ وحي الله ابدارك
بارينه اختارك ـ اشرف خلق الله

جبـــرائيل ابكلهن يمك يا بحر الجود
قاب قوســــــين او ادنى منك موجود
نورك نور الافق العلوي يالماله احدود

گمرة ليل ضحـــكاتك گمرة ليل
نجم اسهيل وجناتك نجم سهيل
كلشي بشخصك حاوي
يا بدر اللـه الضـــــاوي
ــ⊱☆☆☆☆❀☆☆☆☆⊰ــ

بميلادك من دق ـ ناقوسك بالحق
شي واضح يصعق ـ كل دين الاوثان

ذي النور الشارق ـ يالوجهك بارق
بليل الغاسق ـ تترس كلشي الوان

احــــداث ابميـــــــــلادك صــارت ياطه اهـواي
كسرى اتصدع قصره وجفت ساوه امن الماي
وفارس خمـــدت نـاره بلحظه الجيـــتك مولاي

كلشي ايروح وانته اتضل كلشي ايروح
انتــــه الروح والافضــــل انتـــه الروح
جيتك كلشي اتساوي
يا بـدر اللـه الضـــاوي
ــ⊱☆☆☆☆❀☆☆☆☆⊰ــ

من زغرك اعلم ـ لمن تتكلم
منك تتعلم ـ كل المخلوقات

العالم فرحانه ـ بيك الله اغنانه
تـؤم قــرأنه ـ وحروفك آيات

سبحان الصاغك وبحسنك متعجبه الناس
تسحك فوگ الگاع ابجــدمك وتخضر ياس
لا لؤلؤ مكنـــون ايشـــــــبهك لا در لا ماس

شمس الكون يم مهدك شمس الكون
تاخـــــــذ لون من خدك تاخــــــذ لون
گماطك مرضه يداوي
يا بـدر اللــه الضـــاوي
ــ⊱☆☆☆☆❀☆☆☆☆⊰ــ

عادل دســتورك ـ حامينه بسورك
واضح منضورك ـ عن كل الاشياء

باشط من تعرض ـ ضد دين المبغض
للبـــــاطل ترفض ـ ولدينك بَنّّاء

ابمدحك وبوصفك تتواتر كتب الاســـلام
امن الاملاك افواج اتحرسك لوردت اتنام
ياقطب الدين لكل شيعي ورفعة كل هام

بيـك الديـن باهيـته بيـك الديـن
وسط العين خليته وسط العين
ودين اعدائك هاوي
يا بدر اللـه الضـاوي
ــ⊱☆☆☆☆❀☆☆☆☆⊰ــ

يالذكرك يسعد ـ وياك انجدد
للصادق مولد ـ وي ميلادك صار

باب لكل نعمه ـ ياأهل العصمه
مولدكم رحمه ـ من الباري الجبار

مولود اليله المن كتبه يصـــدر اخلاق
يالصادق للصـــادق نفرح مـن الاعماق
انجعلن ميلاده وميلادك للناس ارزاق

باأحلى اثنين نتباها باأحلى اثنين
محتــــــفلين يا طـه محتــــــفلين
يالحـــبكم متساوي
يا بدر اللـه الضـاوي
ــ⊱☆☆☆☆❀☆☆☆☆⊰ــ

✍الخادم
كامل السعيدي