الشاعرة أم محمد الحِجِّاج

01 July 2026 19:04

ذكرت الرويات ان سبايا اهل البيت لما دخلوا الكوفة يوم الثاني عشر من المحرم اخذوهم عنوة الی السوق وقت ازدحام الناس اوقوهم وسطه والناس تتفرج . نساء اهل الكوفة من علی السطوح يرمين الحجارة والقصب المشتعل عليهم
فلم يبقی احد منهم الا اصابه حجر او شي من النار

وكاني بمولاتي زينب عليها السلام
توجهت بالشكوی لابيها امير المؤمنين علي عليه السلام

بلسان حال الشاعر ....


وكت الضحی وبزحمة السوگ
ساعتن ساعه وتعثر النوگ
والضحچه اشوفنها بلحلوگ
ويهلهلن نسوانهم فوگ
ولاراس بينه ماهو مطگوگ
چم طفل خده بحجر مشگوگ
وللحرم چم ايزار محروگ
بالعبره صدري حييل مخنوگ
العتب هسه ياهلي يلوگ


الوادم اجت تتفرج صفوف
وصوت الطبول وصوت الادفوف
وآنه بدي الحبل ملفوف
وببنات اخوي امبين الخوف
الباقر وابوه بالگيد مچتوف
عليلنه يلتفت ويشوف
خواته بعد مابيهن اوگوف



السجاد اشوفه يهل دمعه
ونينه عمت عيني اسمعه
مطبوگ من الگيد ضلعه
ياعلي بويه نريد فزعه
حگنه انوخذ ياهو اليطلعه

علي بويه


✍ ام محمد الحجاج


/channel/ommohamadalaebaadey

الشاعرة أم محمد الحِجِّاج

29 June 2026 16:24

للدفنة



يادفان اخوي شلون واريته

ياهو العاوناك وبيش لميته

.....
.....

جثته مطشره وعظامه مكسوره

عرفته شلون يالرگبته منحوره

ورضته الخيول بيوم عاشوره 

ترس الگاع يوم الرحت خليته

.....
.....


ترس الگاع ضلت جثة الوالي

مغسل بلدموم وذاري لرمالي

فارگته ثلث تيام واليالي

مامدفون والتربان غاطيته

.....
.....


مروني عليه من رحت للكوفه

وانه اعله الهزل بالحبل مچتوفه

ماخلونه ننزل يمه ونشوفه

وانه اعله الهزيله بصوت ناديته

.....
.....


شفته عالتراب امسلب وعاري

دم نحره يبس ومچفّن بذاري

يبن امي صحتله وتايهه افكاري

ون حسين اسمعه يوم حاچيته

.....
.....


اتعبني يعمه دفن ابو اليمه

اشيلن هاي طاحت هاي من جسمه

تارس كربله ياعمه شيلمه 

جثته موزعه من دون اهل بيته

......
.....


حاچيني يعمه شلون وسدته

وجسمه موذرينه وراس ماعده

كل ميت ايصير اعله الثره خده

ياعمه ابوك شلون حطيته 

.....
.....


شلته بالحصيره لللحد گوه

ثلث تيام ضل بالشمس يچوّه

جربت السهم من صدره وشسوه

طلع ثلثين گلبه يوم جريته

.....
.....


وعبدالله اخوي موسد بكتره

هم امثلث السهم الگطع نحره

عبدالله زغير وحاده الشفره

والله انهدم حيلي يوم دفنيته

.....
.....



ام محمد الحجاج


أسألكم الدعاء


/channel/ommohamadalaebaadey

الشاعرة أم محمد الحِجِّاج

27 June 2026 16:38

لسان حال مولاتي العقيلة عليها السلام
لما مروا بها علی مصارع اخوتها


لو ينسام اخوي بعمري شريته
ولو بيدي غطه فوگه شريته
ريت الحادي يبن امي شه ريته ؟
ايتعطل لمن ادفننك بديه

💔

ام محمد الحجاج

الشاعرة أم محمد الحِجِّاج

27 June 2026 12:50

١ . ولعن الله المُمَهّدين لهم بالتمكين من قتالكم، برئت إلى الله وإليكم منهم ومن أشياعهم وأتباعهم وأوليائهم.

الشاعرة أم محمد الحِجِّاج

27 June 2026 12:46

هوسات

يوم هدعش خذوا بنات علي سبايه للكوفة

ويلاه يامولاتي يازينب



اليوم زينب حمّلوها اعلهزل
رايحه للكوفه مچتوفه بحبل
عتاب عدها والدمع عالخد يهل

ياحيدر
گوم اتلگاها


شالت الرايه ودرعها من الصبر
ظعونهه اليوم اعله ولياها تمر
من چفيل العايله تريد العذر

ترجع والبيرغ
وياها


وصلت للنهر وقفت قليلاً قرب جسد اخيها وكافلها وكاني بها



ماقصرت خويه والعهد صنته
مثلك ماكو اخو ضحّی العمر لخته
بس ردتك تردني ياچفيلي انته

ياطعم الخوّه
ومعناها


اريد انزل اودعك  نزلتي حيره
موش بكيفي ياعباس اختك ماشيه يسيره
اليبره للظعن ياخوي گصته ذابّه الغيره

ما يرضی
ينوخلي الناگه



الناگه عاليه ومضلّعه وهزله
عله اختك يبو الغيره تصعب النزله
اخاف انزل واعثر بينهم فشله

والصعده اردود
اكبر حيره


ام محمد الحجاج

http://t.me/ommohamadalaebaadey

الشاعرة أم محمد الحِجِّاج

23 June 2026 15:31

يوم الحادي عشر  لما  امروا السبايا الصعود كي يرحلوا عن كربلاء الی الكوفة  . عز هذا الموقف علی مولاتنا العقيلة زينب
عليها السلام . عادت بها الذكريات القريبة
حين جاءت الی كربلاء مع اخوتها والعباس كافلها . وهي اميرة الطالبيين وفخر المخدارت
وكيف رجوعها .
كاني بها بلسان حال الشاعر   💔



مرني اعلگمر
ياسايج اظعوني

😭😭


صوب المشرعه يلحادي مر بينه
احشمه يگوم ويزتنه لهالينه
غير الجابنه يردنه ويبارينه
شلون امشي واخوتي مايودعوني

مرني اعلگمر
ياسايج ظعوني

😭😭


امشي اويلغرب عباس يرضاها ؟
ترد اميسره لبزوده جاباها
اختك رايحه ومهضوم مگفاها
اعثر بلمشي والدمعه بعيوني

مرني اعلگمر
ياسايج ظعوني

😭😭

اترخص گبل لاروح مسبيه
اگله ماشيه من غصبن عليه
يم خال الولد خل انزل شويه
ياجمّال  يم عباس نزلوني

مرني اعلگمر
ياسايج ظعوني

😭😭

كون يشوف حالي من امس لسه
وجرح امتوني خل ايشوفه ويجسه
ضيم اشبعت اگله من سكت حسه
اخوچ الكافلچ وينه يسالوني

مرني اعلگمر
ياسايج ظعزني

😭😭

يسالوني ويضحكون اعله دمعاتي
اخاف امن الضرب لاتنشگ اعباتي
زرفو گلبي ياعباس شماتي
اهلچ وين يازينب ينشدوني

مرني اعلگمر
ياسايج ظعوني

😭😭

جاي امشي سبيه وماتودعني
ماعرفه يحط بيا بلد ظعني
يوجعني الهضم عباس يوجعني
رضيتو شلون وادم غربه يحدوني

مرني اعلگمر
ياسايج ظعوني



يازينب
آه


😭😭


✍  ام محمد الحجاج


/channel/ommohamadalaebaadey

الشاعرة أم محمد الحِجِّاج

20 June 2026 20:58

يوم هدعش

موشح



زينب تنادي كفيل ظعونها
والشمر بالسوط هد امتونها


💔


خويه ياعباس لو تسمع نداي
انته اريدك ماردت ياخويه ماي
الشمر ياباالفضل بحباله جاي
واختك الدنيه اظلمت بعيونها

💔

ضاگت بعيني الوسيعه واظلمت
انتهض من تسمع اختك حشمت
ترافجك بلممشه دوم اتعلمت
گوم لختك گبل لايسبونها
💔

شلون رچبي اعلهزل وآنه مره
لا اخو يتچيلي ويسوي ضره
آنه اجيت ابّخت سبع الگنطره
الكفلو حمولي خلي يردونها

💔

الهزل نوخت يريدون الرحيل
لليسر ودموع هضم اختك تسيل
حشمت ناديت وينك يلكفيل
التنكفل ماسامعه يعوفونها

💔

هاذ حد خوتنه يلماقصرت
امرووه تنضح خويه من يوم الصرت
ويه اخيتك مااجيت اتباصرت
شلون تصعد ؟ ياهم يصعدونها؟
💔

خويه عاذرتك واعرفك مستحي
بس ردت عينك تشوف املامحي
وتسمع لفرگاك طور انوايحي
يل امبچي  الزلم ياطاعونها

💔


محرم
١٤٤٨

✍  ام محمد الحجاج


/channel/ommohamadalaebaadey

الشاعرة أم محمد الحِجِّاج

16 June 2026 15:01

عالعم قنوات دينيه فارس الحجاز


☘☘☘☘☘☘☘☘☘☘☘

ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ

🖤قناة للقصائد الحسينيه🖤
🌹 @tyyuuiiopp
السديم الروحي
❤️ @hhali2008
يا صاحب الزمان أدركني ❤️
❤️ @dfghhj8899
{ رفـع •اللّـہ‌‌ رايه العبــاس ؏ } ³¹³ 🫀
❤️ @Zzzzzzaaaaaiiiiiinnnaaaabbbbb
القصاید المکتوبه للرادودين حسن الصالحي و محمد الجنامي
❤️ @alradodeinpoems
الممهدون لدولة الامام المهدي( عج)
❤️ @almaweudo
قــنـاة صاحبـــة العـــزاء🪶
❤️ @QSA_ED
⚡️قناة أهل البيت (ع) للمواليد
❤️ @ahlulbayta
إرشاد القلوب
❤️ @shjgbbgdsju
ريــآحيـــن فآطـمـ‌‏هہ🌿🕊
❤️ @nasayimaymanih
ذكر الامام علي بن أبي طالب (ع)عبادة
❤️ @qwpaslzmx
ادعية ايام الاسبوع
❤️ @dsjjdgsb
قناة فقه ومعارف ال البيت ع
❤️ @Feqh_Maaref_alulbayt
عشاق ملاباسم الكربلائي
❤️ @rrrhz34
اجمل صور
❤️ @Afubxev
🕊 هـــ🔖ــــمســة_امـــل 🕊
❤️ @hamsat_amal
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
الشاعره ام علی المالكي
❤️ @typkj
الشاعرة العلوية الموسوية
🌹@alweyaamosaweyarrrr2626
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
قصص وعبر ... 💙
🌹 @methakamad555
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
قصص علماء العرفانين
❤️ @alarfan

قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt

قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة  الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
خادمة ام البنين ام محمد تقي
❤️ @KADMTAMALBNEN


🏴🏴🏴🏴🏴🏴🏴🏴🏴🏴🏴

⚠️#شروط_الدعم

1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر  و 10 مساء قنوات مقبوله من 500  متابع فما فوق
5⃣زياده مضمونه أن شاء الله

🔺للاشتراك بدعم عبر معرف مثبت↙️
@ansar_313_m

@satobmnbot

🚩🚩🚩🚩🚩🚩🚩🚩🚩🚩

/channel/satob_mn_ajl_al_mahde

الشاعرة أم محمد الحِجِّاج

13 June 2026 20:57

ليلة الوحشة

ابو ذيه

خرجت مولاتي زينب عليها السلام الی مصرع اخيها الحسين عليه السلام تتعثر بمشيتها من شدة التعب والحزن والعطش والجوع وما جری عليها بعد اخوتها . كاني بها لسان حال الشاعر يصور شي من مآسيها
عمت عيني يامولاتي 😭😭

تگله خويه ياابن امي

وگلبه

اتوچّد اهو يولا وگِلبه
ابن امي واجس صدره وگلبه
بليل الما يصح ناصر وگلبه
الينغر والشهم والبي حميه

✍ ام محمد الحجاج

الشاعرة أم محمد الحِجِّاج

13 June 2026 15:56

ليلة الوحشة 😭😭

👇👇

الشاعرة أم محمد الحِجِّاج

12 June 2026 19:41

العاشر

مصيبة الامام الحسين عليه السلام

من رجع مهر الامام الحسين عليه السلام للخيام يصهل الظليمة الظليمة من امةٍ قتلت ابن بنت نبيها خرجن بنات الزهراءوعليهن السلام من خدورهن الی مصرع الحسين عليه السلام تتقدمهن العقيلة زينب عليها
كاني بها 😭😭


💔💔

ياهو يشيل اخوي وياي
عن الشمس للخيمه
ياهو يشيل اخوي وياي
عن الشمس للخيمه

💔💔

ياسكنه يچلثومه   ..  ياهو يشيل اخوي وياي عن الشمس للخيمه

امشنّه اروح للحومه
اخونه موش اله النومه
بالتربان والهيمه

ياهو يشيل اخوي وياي
عن الشمس للخيمه

💔💔

وين الگالي عوانه  .. ياهو يشيل اخوي وياي .. عن الشمس للخيمه

نشيل الولي لصيوانه
تريد اتسَلبه عدوانه
ماعد العرب شيمه

ياهو يشيل اخوي وياي
عن الشمس للخيمه

💔💔

بلچن بي بعد ظنه ..  ياهو يشيل اخوي وياي .. عن الشمس للخيمه

ويفز لو سمع ونّه
نرد الخيل لو جنّه
اشوف الگوم اجو غيمه

ياهو يشيل اخوي وياي
عن الشمس للخيمه

💔💔

عباة امي جبتها وياي  .. ياهو يشيل اخوي وياي .. عن الشمس للخيمه

اسويها لخوي فياي
ينزف والجروح هواي
هضيمه ياهلي اهضيمه

ياهو يشيل اخوي وياي
عن الشمس للخيمه

💔💔

مگلوب اعله وجه الگاع  ..  ياهو يشيل اخوي وياي .. عن الشمس للخيمه

اكون اگدر اشيله ابساع
جسمه امن الحوافر ضاع
واعلينه اگبلت جيمه

ياهو يشيل اخوي وياي
عن الشمس للخيمه

💔💔

حوافر ملّخن جسمه ..  ياهو يشيل اخوي وياي .. عن الشمس للخيمه

لخيمنه وصل لحمه
بناته يمسحن بدمه
بيين اليتم ضيمه

ياهو يشيل اخوي وياي
عن الشمس للخيمه

💔💔



✍ ام محمد الحجاج

http://t.me/ommohamadalaebaadey

الشاعرة أم محمد الحِجِّاج

11 June 2026 11:56

يوم العاشر 💔


👇👇

الشاعرة أم محمد الحِجِّاج

08 June 2026 20:22

ليلة العاشر
ليلة الوداع

💔😭

الليله ام عون
تتوادع اويااخوتهه

الليله ام عون
تتوادع اويااخوتهه

💔😢


شلون اوداع هلليله  ... الليله ام عون
  تتوادع اويااخوتهه

اجت والمدمع اتسيله ...
تجر الحسره وانحيله ...
تتعثر بمشيتهه

الليله ام عون
تتوادع اويااخوتهه

💔😭

ابو اليمه تلگاها ... الليله ام عون
تتوادع اويااخوتهه
نشف دمع عيناها ...
هل ادموعه وياها ...
حين الشاف دمعتهه

الليله ام عون
تتوادع اويااخوتهه

💔😭

اخوها ابصفه گعدها ... الليله ام عون
تتوادع اويااخوتهه
ونشف دمع البخدها ...
كون الله اليساعدها ...
باچر تبدي غربتهه

الليله ام عون
تتوادع اويااخوتهه

💔😭

الليله ليلة العاشر ...  الليله ام عون
تتوادع اويا اخوتهه
يختي وذبحتي باچر ...
مايبگالچن ناصر ...
واختنگت بعبرتهه

الليله ام عون
تتوادع اويا اخوتهه

💔😭
َََ

انتي اتكفلي عيالي ... الليله ام عون
تتوادع اويا اخوتهه
وبنياتي واطفالي ...
ياخويه اشدهت بالي ...
تگله وعلت ونتهه

الليله ام عون
تتوادع اويا اخوتهه

💔😭

يگلها من يذبحوني ... الليله ام عون تتوادع اويا اخوتهه
عله وجهي يگلبوني ...
اثنعش طبره يطبروني ...
وجثتي الخيل داستهه

الليله ام عون
تتوادع اويا اخوتهه

💔😭


آه يازينب


تمت بحمد الله تعالی

١٥ / ٤ / ٢٠٢٦


✍ ام محمد الحجاج


http://t.me/ommohamadalaebaadey

الشاعرة أم محمد الحِجِّاج

06 June 2026 20:52

ليلة مولاي عبدالله الرضيع عليه السلام 

ابو ذيه  💔

ولمها


عبد يمه

تهييج كل حنين امك  ولمها
ادوور عله هديماتك ولمها
العدو انياگ اليسر يبني ولمها
اروح اميسره ومنته اعله اديه


😭😭

يمه عبد يمه

يبني السهم ذابحني يريته
ودمي ابدال دم نحرك يريته
شلون النفس يوليدي يريته
حين الصوبك سهم المنيه


😭😭


نعي 


يمه الولد يمه

خالي المهد يلولد يمه
حرگو الخيمه وين اضمه
لحضني تعال الهيمه ظلمه
خدك يعبدالله ارد اشمه


شلك يعگلي بنومت البر
وجهك الضاوي صاير اسمر
من العطش  والشمس والحر
الحراس يم الرمح تفتر


اوصل الرمحك مايقبلون
يجفل امن الظلمه الزغيرون
بالبر تبات الوحدك شلون
گبالي برمح راسك يهزون

الولد يبني

عندي لك ثوب معطرته
وفراش يبني مبخرته
والدللول امحضرته
ليل المناغه مناطرته

يلولد ياسباح گلبي



تعال نام بحضني دافي
نومت هنه ونومت عوافي
ليش اعله راس الرمح غافي
ابدال المهد مهدك چتافي

يلولد حسي ماتسمعه
يمه

يبني التعب مخلوف بالله


✍ ام محمد الحجاج


http://t.me/ommohamadalaebaadey

الشاعرة أم محمد الحِجِّاج

04 June 2026 16:13

ليلة سيدي ومولاي عبدالله الرضيع عليه السلام  💔


نصاري
تنقري لطمية ونعي


دللول الولد يبني يغالي
اهزن بالمهد والمهد خالي

وگماطك اشمه
َالمعطر بدمه
اهزن بالمهد والمهد خالي


💔😭


للشم رگبتك مو مالت اسهام
فرشت المهد ارجع للمهد نام
ست اشهر بعد ماكملت عام
ترد مذبوح ماصارت بلسلام


فراشك ما المه
المعطر بدمه

غافي اعله الرمح والرمح عالي
اهزن بالمهد والمهد خالي

💔😭

غافي اعله الرمح وعيوني ترباك
طلبتك مارضو ينطونك اعداك
اريد اشبع الليله امناغه وياك
وامشطلك يروحي وامسح ادماك

بحضني الراس انيمه
المعطر ابدمه

يابدري الچنت ضاوي الليالي
اهزن بالمهد والمهد خالي

💔😭

السهم الحز رگبتك يلولد حار
الشقره الذبحتك لرگاب الكبار
بسهام الحرب شعليها لزغارج
نور الگمر من خدودك يغار

يمنوور الظلمه
المعطر ابدمه

خدودك چنها ياقوت وتلالي
اهزن بالمهد والمهد خالي

💔😭

يروونك رحت وارجعت مذبوح
يلقران چنك حيل مملوح
آنه وياك روح امعلّگه بروح
مثل جرح البنحرك گلبي مجروح

مر ابجرحي نسمه
المعطر ابدمه

الموت وياك يمدلل حلالي
اهزن بالمهد والمهد خالي

💔😭


ست اشهر واشوفك زلمة البيت
يچنك شيخ عد اهلك الك صيت
يصغولك عمامك لون ناغيت
رحت ياماي عيني وآنه ظليت

وانته بعيني زلمه
المعطر بدمه

حسبتك تكبر ويكبر دلالي
اهزن بالمهد والمهد خالي

💔😭

عظم الله اجورنا واجوركم

تمت بحمد الله تعالی
١٢ / ٤ / ٢٠٢٦




✍ ام محمد الحجاج


http://t.me/ommohamadalaebaadey

الشاعرة أم محمد الحِجِّاج

29 June 2026 16:26

فزاعية لدفن الاجساد الطاهرة


يادفان اخوي حسين

لاتلچم صواباته

.....
.....

موذر جسم ابو اليمه

عمه اگعد ولمّه

شلون تشيله ياعمه

عمه غماگ طبراته

.....
.....

لاتلچم جرح گلبه

عمه شيلته صعبه

شلون بحفرته اتطبه

خيل اعداه مكسراته

.....
.....

عمه نريد عوانه

يشيلون الولي ويانه

مين نجيب دفانه

ماتلچم اجراحاته


.....
.....

گبره وسّعه شويه

جروحه الف وتسعميه

رش گبره بالميه

مات ويابسه لهاته

.....
.....

بهداي السهم جره

عمه حاده الشفره

مثلث خافن يعوره

مسمومات شفراته

.....
.....

شلون ندفنه بدمومه

ياعمه يمهظومه

ثلث تيام بالحومه

وماي الغسل هم فاته


.....
.....


تحضر كون واليهه

واتلم جثته  بيديهه

واتودع اهاليهه

اوياها تجيبله بناته


.....
.....


أم محمد الحجاج



/channel/ommohamadalaebaadey

الشاعرة أم محمد الحِجِّاج

27 June 2026 20:47

في يوم الحادي عشر من المحرم
بعد صلاة الظهر امر اللعين عمر ابن سعد ان ياخذوا سبايا كربلاء الی الكوفة لقصر اللعين عبيد الله ابن زياد ليری رايه بهم  . ساروا بهم  دون توقف تتقدمهم الرؤوس . وصلو الی الكوفه بعد منتصف الليل او فجر يوم الثاني عشر من المحرم . فوجدوا ابواب الاسوار مغلقة . او لم يسمحوا لهم بالدخول ليلاً حتی ينادي المنادي عند الصباح  وتجتمع الناس من كل مكان .
وتاتي تتفرج علی السبايا . وباتوا تلك الليلة بالعراء وهم جياع عطاشی
انهكهم التعب والحزن  والخوف


كاني بمولاتي العقيلة زينب عليها السلام  وجهت وجهها صوب النجف كانها تنتظر ابوها امير المؤمنين عليه السلام  يفزع 😭

قالت بلسان حال الشاعر


يبويه شعطلك ماجيت لينه
الحگ ياعلي بويه نولينه
ماعدنه زلم تحرس علينه
يبويه اعلرمح راسه ولينه



بين الوادم الماعدها غيره

زينبكم يبو الحمله اسيره

ياهضمتي هضمه چبيره

ياصوب وجهي الليله اديره



علي بويه


محتاره بيتام ونساوين

حوطنه بويه الجيش صوبين

الحگ بناتك ها يبو حسين

لدربك تراني ادير بالعين


تعبانه من ممشه المهازيل

بالبر يبويه چلچل الليل

نعسانه تتلاعه المداليل

ينامون ماخلتهم الخيل


بويه علي يابويه

اتلافت ومحد تبعني

ذباح اخوتي حده بظعني

يجر الحبل حيل او  وجعني

هاذه يجر ذاكه دفعني

علي بويه

علي ضيم بس لحگو عليه

لاحول ولاقوة الا بالله العلي العظيم



✍  ام محمد الحجاج


/channel/ommohamadalaebaadey

الشاعرة أم محمد الحِجِّاج

27 June 2026 16:23

لوما ريحة امي لهسه ادور عليك


خويه ياابن امي


دمعنه ويّه دم النحر دِفنه
مشينه وماحصل لحسين دَفنه
ياعمري اويه ابو السجاد دِ فنه
واموت هناه واظل بالغاضريه



خويه يابو علي ياُخويه

ولفياي

جروح اختك الف راحن ولفياي
ذبيح وبلشمس عاري ولفياي
امشي مرافجه الغربه ولفياي
بعيده والهزايل موش اليه


ااآه يامولاتي يازينب


✍ ام محمد الحجاج

الشاعرة أم محمد الحِجِّاج

27 June 2026 12:48

نعي لسان حال مولاتي زينب عليها السلام
من وصلت للكوفة  والناس طلعت تتفرج علی السبايا مولاتي تذكرت بالامس كانت اميرة الكوفة واليوم تاتيها علی ظهور عجف النياق  . تلتفت يميناً ويساراً لم تجد  احداً ذو رحمٍ  يرأف بحالها ويرق قلبه عليها  ..   كاني بها  قالت والالم يحرق قلبها والحسرة  بانت بعينيها   ..


آه   آه   آه  يامولاتي


حسبالي هلي يتبعون ظعني
لسه ولا زلمه ال تبعني
ابوي اظنّه ماسمعني
درب السبي ذلّه شبعني

🏴

ياحيدر بطرگ العبايه
طبيت آنه والسبايه
وجه الخدر يتبدّه مايه
لاهودج او  لا فوگه رايه


🏴

بويه
گوم واتلگه بناتك
غطّيهن بهيبة عباتك
ياحيدر وداعة غلاتك
الهظم مسنه ورايداتك

🏴

ممشه البراري ماهو انّه
من الفشل ميتات چَنّه
حته الهزل ونن لونّه
يابويه اجاك اعتاب منّه

🏴

امن المستحه يبست لهاتي
اخاف الهوه يحرّك عباتي
نندب الغوث آنه وخواتي
ماگلت حي الله بناتي

🏴


ماندري بعد الكوفه لا وين ؟
چم ليله چم يوم  ومرحلين ؟
مانعلم ليا ديره ماشين
ياعلي جاي ادخل دواوين

🏴


لا حول ولا قوة الا بالله العلي العظيم

ام محمد الحجاج



/channel/ommohamadalaebaadey

الشاعرة أم محمد الحِجِّاج

27 June 2026 09:37

يقول الراوي

وفي صبيحة يوم الحادي عشر من المحرم
جيء بالنياق والحبال ونادي المنادي بحمل بنات رسول الله  (ص ) سبايا من كربلاء الی الكوفة  . حملوهن علی نياق ضالعة بغير وطاءٍ ولاغطاء تصهر وجوههن حرارة الشمس يحدوهن الاعداء . فمروا بهن علی مصارع الاحبة ومولاتنا العقيلة زينب تُطيل النظر الی جسد اخيها الحسين . وزفرات الاحزان تحرق احشاءها الخاوية . كادت روحها ان تفارق جسدها النحيل الضعيف ..

وكاني بها لما رات اخاها الحسين علی حر الرمال  عاري الجسد .مقطع الاعضاء  .
نادت بضعيف الصوت من علی ظهر الناقة

وا اخاه واحسيناه
ليت الموت اعدم لي الحياة

تگله
خويه ياخويه

ياابن امي  ياابن امي


يحسين ماخلوني انزل
خويه واسوي للجسد ظِل
واغسل دماك بدمعي ليهل


ياخويه مچتوفات اديه
انه وبنياتك سويه
بنفس الحبل سكنه ورقيه


من انزل ايطيحن بناتك
وياحيره لو نزلن خواتك
اعذرنه يامن طيبه ذاتك


من فوگ ناگته تگله
ماودّعك ياخوي فشله
يحسين خويه وداعة الله


من فوگ هزلتهه تودعه
والصخر ونته تصدعه
الهظم بعدك راح اجرعه


نادی المنادي لحادي قافلة السبايا  جد المسير فإن الطريق الی الكوفة طويل
والنياق عجاف لا تسير بسرعة ونريد ان نصل هذه الليلة .. تحركت القافة
وكاني بمولاتي زينب قالت  💔


يلنايم ابحر الترايب
انه ماشيه بدرب النوايب
وراي گعدات الخرايب


لو بيدي اظل يمك ولاروح
وعليك اجيم اللطم والنوح
وابچيك لمن تطلع الروح


ياخوي حادينه خذانه
محد يهد منكم ورانه
وبرگبتي عيالك امانه


عنك اروح وماادفنك
وذاري الترايب صار چفنك
وذباحكم حداي ظعنك



سارت القافلة وطرف حبل السبايا بيد الشمر والطرف الثاني مربوط من سبية الی سبية وينتهي بيد مولاتنا زينب عليها السلام .. كاني بها



يهلي الشمر جر الحبل حيل
وبينه الهزايل گامت اتميل
ومن فوگها اطيح المداليل


حار الوكت واحنه ضمايه
والشمر يمنه يبدّي مايه
او لا خيير بهل ناس هايه



تتحمل الحر الچبيره
اعله العطش شيصبر الزغيره
تچوي الگلب شمس الظهيره


هيمه وهواها يچوي الوجوه
وبدروب وعره الظعن مشّوه
بسوط اليتيم اليبچي ضربوه


🏴🏴


آه يازينب


لاحول ولاقوة الا بالله العلي العظيم


ام محمد الحجاج  


/channel/ommohamadalaebaadey

الشاعرة أم محمد الحِجِّاج

23 June 2026 12:03

هوسات لميدان العباس عليه السلام



صگر وتلولح اعله الگوم
لمهم . طشهم بجنحه

والماصاده سيف الحيد
خَفگت رايته تذبحه

فلگ جيش العده نصّين
عصة موسه چن رمحه

خلاها اتطگ
هامه بهامه



دخل ميدانها العباس
والسبعين الف خنست

خزرهم بادت الرجلين
وحلوگ الزلم يبست

صچيچ ضروس صار الهم
والقاده وره نسّت

تل سووه
امن الروس ابسيفه




التل الزينبي عباس
من روس الزلم سواه

حته ام الخدر تصعد
تشوفه بيرغه بيمناه

جاي امن النهر والماي
جابه للاطفال وياه

نص الشط
َشال اعله امتون



✍ ام محمد الحجاج

الشاعرة أم محمد الحِجِّاج

20 June 2026 12:15

ليلة الحادي عشر
ليلة الوحشة الرهيبة علی بنات الزهراء عليها وعليهن السلام

مولاتي زينب توجهت تالي الليل لمصرع اخوها الامام الحسين عليه السلام .
وبطريقها من الخيام لحد مصرعه تمشي وتنحني تلم وتضم بكتر عبايتها . اثاري الخيل تاخذ بحوافرها من جسده الشريف من نسحگ الجثة الطاهرة وصلن قطع من ضلوعه ولحمه ودمه بكل مكان بالمعركة

مولاتي زينب عليها السلام تمشي وتجمع عمت عيني


يذكر بعض الخطباء الافاضل ان الروايات قالت
بحضور مولاتنا فاطمة الزهراء عليها السلام عند جسد ولدها سيد الشهداء عليه السلام

جاءت مولاتنا فاطمة عليها السلام
الی جسد ولدها المذبوح جلست عنده قالت عليها السلام ا هذا انت ولدي الحسين

يمه وين راسك
وين طولك
وين ضلوعك
وين متونك
يمه شصاير بيك
ليش امطبر بكبرك
ليش موذر بطولك
وين هدومك يمه
وين عمامتك يمه
وين اصبعك يمه

ليش مچفي علی وجهك
يروح امك

جبتلك ماي وياي
اجيتك گوه امشي
حسين يمه

وبدت تنعي يم ابنها
عمت عيني
كاني بها قالت بلسان الحال

👇👇

تنقري نعي ولطمية بعدة اطوار

💔


نوم العافيه يحسين يلغافي عله الغبره
ليش اعل الوجه مگلوب ياروح امك الزهره


مهنّه بنومتك يبني ليش امطبر ابكبرك
الدم والتراب الحار  يبني يابس ابنحرك
والخيل المشت فوگاك طبگت ظهرك وصدرك
طولك طشرنه ابليل وبهظلمه شيدورك
مو بس راسك الماخوذ ضايع جسمك ابكبره

آه اعليك يلمظلوم
آه اعليك يلعطشان


😭😭

ليش النعمه ترس الگاع وضلوعك ولا منهن
تجر بيهن حوافر خيل ونطحنن طحن كلهن
تسعميه والف طبرات  مايرهم ابد شلهن
يبني المااندلهن وين  عظامك وين احصلهن
من كثر السحگ طولك  يمه صاير اشگصره

آه اعليك يلمظلوم
آه اعليك يلعطشان

😭😭

راسك ذاااك اشوفه هناااك  متغيره معانيّه
اشفافك يبسن امن الصوم يردن حسوة امّيّه
شيبك بالدمه مخضوب  وگصتك يبني مدميّه
مابيهم رحم هناس  يجيبونك الي شويه

يامسلوب العمامه  جبت چفيتك الخضره

آه اعليك يلمظلوم
آه اعليك يلعطشان

😭😭

اتلاگت زينب اويه امها مظلومه اويه مهضومه
يم الساحگته الخيل  والمتبدله ارسومه
اويلي اتراب فوگ الروس يحثن مدري بدمومه
راسه امسلبينه الگوم  ليش وسلبو هدومه
زينب يمه ومسلبين حته ضلوع البصدره

آه عليك يلمظلوم
آه اعليك يلعطشان

😭😭

َالزهره ناشدت بتهه شجابچ يمه تالي الليل
اتگلها اجمع بخوي احسين يمه الطشرنه الخيل
يمه امن العصر لسه انطش ابنچ طشاش الهيل
وصلت للخيام الخيل  وبحافرها دمه يسيل
ومن ابعيد يم حسين لضلوعه اسمعت كسره

آه اعليك يلمظلوم
آه اعليك يلعطشان

😭😭

گعدن ينعن  ابلا صوت زينب وامها وشينعن
بسهام البصدر حسين يتعاونن ويشلعن
نحره الغاط بالتربان محتارت شيطلعن
لطمن يم المطبر وامن اللطم ماشبعن
يمسحن بالدمه وسمعن طلعت ونّه من نحره

آه اعليك يلمظلوم
آه اعليك يلعطشان

😭😭


محرم  ١٤٤٨


✍  ام محمد الحجاج

/channel/ommohamadalaebaadey

الشاعرة أم محمد الحِجِّاج

15 June 2026 21:58

هلال العطش ياريته ولاهل
يهل دمعي وگلت وسفه ولاهل
عله التبگه بلا خيمه ولاهل
اوشل الشوف ودموعي سويه

✍ ام محمد الحجاج

الشاعرة أم محمد الحِجِّاج

13 June 2026 16:41

ليلة الوحشة
مولاتي العقيلة زينب عليها السلام
بعد ذاك العز والدلال  والخدر الفاطمي الزينبي  . اذا بها  اسيرة  . بالبراري لا ناصر لها ولامعين . بلا مأوی  بعدما كانت مكفولة  باتت تتكفل الارامل والايتام . صُبّت عليها النوائب والمصائب العِظام صبّا ، لوكانت علی جبلٍ لتصدع من هول ماجری
لكنها زينب عليها السلام جبل الصبر وكعبة الاحزان . هي ابنة علي عليه السلام .ورِثت صبره وكبرياءه . هي ابنة الزهراء وكفی بالباب يُنبيكَ . يعجز الكلام عن وصف ماجری عليها لكن الشاعر يجود بقدر مايتصور 
ونلتمس العذر من مولانا صاحب الزمان عجل الله فرجه الشريف  .

كاني بها ليلة الحادي عشر من المحرم
الاعداء تقرع الطبول فرحاً بقتل اخيها الحسين عليه السلام  ويجولون براسه الشريف علی رمحٍ طويل بقربها  ويبدون الشماته بها . كي يُحرقوا قلبها المجروح .


😭😭


يامايله الدنيه ويه زينب
يامايله الدنيه ويه زينب


💔😭

الچانت اميره عد ابوها
وكافل خدرها الحيد اخوها
آه العده وليه ولوها
اخت الگمر عباس تنسب

يامايله الدنيه ويه زينب
يامايله الدنيه ويه زينب

💔😭

بحبال خشنه گيدوها
بلا خيمه بالبر گدوها
وين العله العز عودوها
صيوانها الليله تسلب

يامايله الدنيه ويه زينب
يامايله الدنيه ويه زينب

💔😭


لاخيمه عدها تلم العيال
لاحيل بيها ادور الاطفال
جوها العده وجابو الاحبال
للخبم طب الجيش ينهب

يامايله الدنيه ويه زينب
يامايله الدنيه ويه زينب

💔😭

سلّبو كل عز البلخيام
حته الشمع وهدوم جسام
الخيل سحگت فوگ الايتام
شييب يگلب ام عون شييب

يامايله الدنيه ويه زينب
يامايله الدنيه ويه زينب
💔😭

تروح او ترد خيل بأثر خيل
ام عون وين تروح بلليل
ومضيعه نسوان ومداليل
بين الاعادي شلون ينطب

يامايله الدنيه ويه زينب
يامايله الدنيه ويه زينب


💔😭

دارت وجيهه للكفلها
تبچي البنات تريد اهلها
خويه اليتامه مااندلها
گلب اختك امن الضيم عطب

يامايه الدنيه ويه زينب
يامايله الدنيه ويه زينب


💔😭

مجروح ياعباس گلبي
ومدوهنه وماشوف دربي
عيوني بدمعها عليك تربي
ونار الهضم بحشاي تلهب

يامايله الدنيه ويه زينب
يامايله الدنيه ويه زينب


💔😭


تمت بحمد الله تعالی

٤ /ۢ٥ / ٢٠٢٦



✍ ام محمد الحجاج


http://t.me/ommohamadalaebaadey

الشاعرة أم محمد الحِجِّاج

13 June 2026 15:56

يو العاشر
وحرق الخيام


💔💔



ياصوب نروح
حرگوها الصواوين

امچلبه النار
بهدوم النساوين

💔💔

بهدوم اليتامه امچلبه النار
تصرخ كلها عمه زغار وكبار
اطفال وعطاشه والوكت حار
الم العايله
لو روح لحسين

ياصوب نروح
حرگوها الثواوين

💔💔

ال من  النار  فر اتلگته الخيل
احيرن بلحرم لو بلمداليل
لو نار الدوت بفراش الاعليل
وجمر الخيمه
يلفح بالنساوين

ياصوب نروح
حرگوها الصواوين

💔💔

فرّن يا حسافه امهات الخدور
للهيمه الظهر وترابها يفور
شسوه بحال زينب يوم عاشور
تعبانه وغريبه
وطاگهه البين

ياصوب نروح
حرگوها الصواوين

💔💔

ياعباس اختكم جاها الغروب
مخنوگه بعبرتي وحيلي متعوب
جاي الليل خويه نبات ياصوب
ظلينه اويه گوم
المالهم دين

ياصوب نروح
حرگوها الصواوين


💔💔

العز البلخيم نهبوه العدوان
فوگ رمادهن گعدن النسوان
يريتك هسه عدك كون ذرعان
ياعباس
رد الصاع صاعين

ياصوب نروح
حرگوها الصواوين

💔💔

العز البلخيم نهبوه العدوان
فوگ رمادهن گعدن النسوان
يريتك هسه عدك كون ذرعان
ياخويه وترد
الصاع صاعين

ياصوب نروح
حرگوها الصواوين

💔💔

ويني او وين المراكض يعباس
گبل ماشايفه ضل اختك الناس
الليله شلون ليله بغير حراس
والعسكر علينه
اندار صوبين

ياصو نروح
حرگوها الصواوين


💔💔

تمت بحمد الله تعالی

٣ / ٦ / ٢٠٢٦


✍ ام محمد الحجاج


http://t.me/ommohamadalaebaadey

الشاعرة أم محمد الحِجِّاج

11 June 2026 12:05

يوم العاشر

ذبح ابن الزهره 😭😭


لا تذحونه
اجت زينب تنادي
لاتذبحونه

😭😭


ابعدو شويه عنه .. لاتذبحونه
گطع لو بعده ونه ..
بنياته اجنه ..
خلي يودعنه
لا تحرمونه

اجت زينب تنادي
لاتذبحونه

😭😭

يلساحگ بصدره .. لا تذبحونه
عنه السيف وخره ..
َخايب لا اطبره ..
لاتگطع بنحره
وتسحگ متونه

اجت زينب تنادي
لا تذبحونه

😭😭

تصيح الله واكبر .. لاتذبحونه
َ هاذه حسين بالبر ..
علي يابويه احضر  ..
يذبح بي  بخنجر
ََباشطه سنونه

اجت زينب تنادي
لاتذبحونه

😭😭

ماعدكم حميه  .. لا تذبحونه
هاذ ابن الزچيه ..
عاد اطوه اميه ..
تعاينله رقيه
لا ترفسونه

اجت زينب تنادي
لاتذحونه

😭😭

اخته تحوم يمه .. لاتذبحونه
صارت فوگه لمه ..
بنيته تصيح عمه ..
وصل لهدومي دمه
بيش يطلبونه

اجت زينب تنادي
لاتذبحونه

😭😭

يعمه انشال راسه .. لاتذبحونه
وانگطعت انفاسه ..
بصدره الشمر داسه ..
نحره اتراب جاسه
وطاب بعيونه

اجت زينب تنادي
لاتذبحونه

😭😭

وا حسيناه
وا إماماه
وا عطشاناه
وا ذبيحاه

✍   ام محمد الحجاج

http://t.me/ommohamadalaebaadey

الشاعرة أم محمد الحِجِّاج

09 June 2026 22:00

ليلة العاشر

ابو ذيه  ونعي

لسان حال مولاتي زينب عليها السلام

💔


جليله

صبح الذبح ياخويه  جليله
وانصارك يبو اليمه جليله
البحماكم اجت للطف جليله
الليله الجايه تمسي سبيه

💔


هلي رب العرش خصهم  وجلهم
او وحيه اتنزل اعليهم  وجلهم
الليله اوداعي وياهم  وجلهم
باچر . وحدي اظل بالغاضريه


💔

خويه يابو علي ياخويه

عليكم باد حيلي . ذاب لحماي
العده اهوايه وجليل العون  لحماي
چم طفل اليون بالخيم  لحماي
يخوفي امن الفرات يخون بيه

💔


نعي
فايزي



بين الامام الحسين  واخته العقيلة
عليهم السلام  😭


گعدي اسولفلچ وصيتي يلحزينه
الله اليعينچ علمصايب يلحنينه


الليله اخر ليله وياكم بلخيام
ليلة وداع الليله محد بيكم اينام
ام عون بس الليله باچر ام الايتام
شبيدي ينور عيوني گلها وبچت عينه


تسمعينها طبول الحرب علنوها يخيتي
تحضري لچتل كل اخوتچ وولادي وصحبتي
وآنه الظهر باچر يبت امي ذبحتي
وشمر  الخنا يگطع اوداجي تشوفينه

وجهي عله وجه الثره تشوفيني مگلوب
وصيوان خدرچ  يلحنينه بنار منشوب
اسمع تناديني يخويه نروح ياصوب
للبر اطلعن والشمر لا تلاگينه

هلتن هالله بالبنات  ادوسها الخيل
شدي عبيهن ابعباتچ من يجي الليل
يم عون لو رحتن تدورن علمداليل
مري اعله اخييچ واخذي من يمه اسكينه



وبعد يامولاي

للنهر  لا ترحين تالي الليل يم عون
خافنهم  لراس الگمر راحو يگطعون
اگصدتي صوب العلگمي يختي امن ايسمعون
اتعرفينهم ويّه ابونه الهم ضغينه
😭😭


نعي مجاريد

باچر تشوفين الهوايل
باچر المغرب ماكو كافل
اليم خيمتچ موش ابوفاضل


باچر المغرب ماكو رايه
مابينه حي كلنه ضحايه
يصيحولچن  ذن  السبايه


بالليل زينب لو طلعتي
اتدورين ياخويه اعله جثتي
َََوياچ جيبيلي ابنيتي


يم عون كون ايصبرچ الله



✍  ام محمد الحجاج


http://t.me/ommohamadalaebaadey

الشاعرة أم محمد الحِجِّاج

07 June 2026 11:11

ليلة العاشر
ليلة الوداع
ليلة الدموع
ليلة الانين

💔😭

👇👇👇

الشاعرة أم محمد الحِجِّاج

05 June 2026 21:14

لمولاي الرضيع عليه السلام
💔😭


دللول الولد يبني دللول

تعال اغفه بوسط حضني يمدللول

💔😭

دللول ارد الوليلك يغالي
واتذكّر تعب ذيچ الليالي
هز مهدك تعبني بس حِلالي
احسب يوم يوم اتامل اطّول

دللول الولد يبني دللول

💔😭



دللول الولد يبني اجه الليل
يانسمات بارح ياعطر هيل
بلابل بالفجر صوت المداليل
بمناغاتهم تعب امهم يزول

دللول الولد يبني دللول

💔💔

محنيه اعله مهدك ليلي مانام
ََيعبدالله وبنيت آمال واحلام
هنه اشچم شهر ويصير الك عام
وانذر چم نذر كلما يمر حول

دللول الولد يبني دللول

💔😭

اخاف عليك حته امن الهوی الهاب
اعوذلك امن الطالع امن الطاب
يلب احشاي وآمالي والالباب
ومحصولي بحياتي واغله محصول

دللول الولد يبني دللول

💔😭

تسع تشهر احس بالموت كل يوم
يجيني الليل عيني مفارگه النوم
صرت واطلبت من ربي الي ادوم
نسيت التعب تعبانه ولااگول

دللول الولد يبني دللول

💔😭


فرد ساعه سهر ليلي غفل راح
من حضني خذنك يبني لرماح
راسك يمه من فوگ الرمح طاح
اسم الله عليك يبني تبات بالچول

دللول الولد يبني دللول


💔😭



تمت بحمد الله

١٩ / ذو الحجة

٥ /٦ / ٢٠٢٦


✍  ام محمد الحجاج


http://t.me/ommohamadalaebaadey

الشاعرة أم محمد الحِجِّاج

04 June 2026 16:13

ليلة سيدي ومولاي عبدالله الرضيع عليه السلام

👇👇👇