7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
واحسين واحسين واحسين
@@@@@@@@@@@@@@@@
نبضات كلبي امرافس الخيل
اكرهنه النهار اندور الليل
والحيل راح ابكربله الحيل
ابكربله صارت شحة احساس
ماتت ضمايرهه تره الناس
صارت اسباع اخلاف عباس
آه-- بدو حلمنه
وحركو خيمنه
وذبحو زلمنه--أبطف كربله
آه--نار بخيامي
وغاب المحامي
وبن امي ضامي--وليه انوله
واحسين واحسين واحسين
@@@@@@@@@@@@@@@@
هي الخيول تريد حيلين
تسحك اخواني وهم ميتين
افترن وداسن صدر الحسين
ردن علينه والخيم نار
اترسنه الصحاري والرمل حار
جا هذا حك الجار عالجار
وين--جا وين أخوتي
اتهزهم نخوتي
وبعالي صوتي--الهم صحت
وين--طشن بناتي
وسلبو خواتي
ريت بحياتي--لا طولت
واحسين واحسين واحسين
@@@@@@@@@@@@@@@@
شالفايده اشما صحنه ونصيح
وفوك الثره اخواني مذابيح
نعثر ابحبل الخيمة ونطيح
يهل المحنه اتصيح نسوان
كل وحده عدهه احزام خوان
للخيل صار حسين ميدان
طاح--سور الفواطم
شيخ الهواشم
عالغبره نايم--يا للألم
طاح--والخيل اجتنه
ولية ولتنه
أشكد روعتنه--وسحكت حرم
واحسين واحسين واحسين
@@@@@@@@@@@@@@@@
بالطف ركضنه والحمل مال
يحسين خويه اجروحنه اثكال
اهموم العلينه اتهد الجبال
ابضرب السياط اشكد يلحون
حد ما تروت دم المتون
كلهه تصيح الطاحت ام عون
طاح--حيلي ونكلته
طولي وسترته
بسوط الشكفته--جفي انكسر
طاح دمعي اعله طولي
من باوعولي
اشكد أشرولي--اخت الكمر
واحسين واحسين واحسين
@@@@@@@@@@@@@@@@
يحسين صحنه ابعازتك كوم
مسلوب خويه اضلوع وهدوم
اعله الخيمة صار العسكر يحوم
العسكر سلبنه ونومه الحيود
انمردت مهج يحسين وجبود
جابو احبال الخشنه وكيود
هان--صوط الضربني
بس الهضمني
لمن شتمني--وسبني الشمر
هان--طعن الخناجر
سحك الحوافر
بس وسفه باجر--طبت القصر
واحسين واحسين واحسين
@@@@@@@@@@@@@@@@
حسين باهض الحلفي
*لما مروا بحرائر رسول الله على اجساد الشهداء ع زينب ودعت ابو فاضل وداع مفجع بعد اجت لبو فاضل تشتكليه* ~ لحن اسمع عتابي~
يالودّعتني~ رحت وعفتني
اختك بـ حيره ~ السوط على متني
اجيت الشريعه ~ ياخو الوديعه
يفجعني منظر~ چفوف الگطيعه
صعبه عليّه ~ امشي سبيه
گالوا على اختك ~ بس خارجية
يا خويه حيره~ آنه الأميره
ما عندي محمل~ امشي أسيره
ويضرب بناتي~ ويلطم خواتي
واتعثر امشي ~ ويجذب عباتي
ما ظلّت رجال~ تكفل هالعيال
بس انه وحدي ~ وما عندي كفّال
داروا علينه~ ومسلّبينه
بين الأجانب~ ومشتّمينه
ما جيت اعاتب~ ولا بخدر اطالب
ترضاها امشي ~ بين الأجانب
ترضاها عباس لا والله ما ترضاها يبو فاضل~
نادها عباس ~
يختي اعذريني~ السهم في عيني
گطعو يساري وگطعو يميني
خادمة آل محمد✍
من بعد ذاك الدلال وفيَ الاخيام
افــرش بسد الهزل خويه وانــام
كلها عمه اتصيح ودموعي تسيل
راسك مـــن الـرمح ودالي سلام
عيني مـــا فارگت رمحك
وعـيــن لسكينـه ورقـيــه
يشتعل من دمعي جرحك
لا تبــاوع خـويـــــه لـيــه
هم شفتني من طحت ... امــروتـك لا تـلتفـت
يلچمك حسين الرمح
عـدلــه زينب لا تضن ... ميته بـس گلبي يـون
خويه ميته من الذبح
اه يحسين يـاخـويـه
((ہہ᯽★★★᯽★★★᯽ہہ))
متت مـــن شفت العشيره عـ الرماح
عــوفـنـي بهمي يخويه انت استراح
لا يضل بالك عليه ام عــــون مـاتت
ميته انـه وياك مـــــن حامينه طـاح
لا تـفكــر خـــويــه بيـه
احسبنـي ميته بكربـلـه
امــــر الله مـو بـيـديــه
مـــــــا اضـــل امـــدلله
عليه لو محد نشد ... خويـه مـا اعتب ابد
ابروحي اعاتب ياهلي
راسك بشمس الضهر ... مــــا افيله اعتذر
أيسي گالـــو بت علي
اه يحسين يـاخـويـه
((ہہ᯽★★★᯽★★★᯽ہہ))
منين مـــــــــا التفت گـدامــي وراي
عليه كلها تصيح عمه اشويه مـــــاي
بهيده أسَكت واحد او واحد يصيح
هـــــــاي عمه الناس شتسوي بگفاي
الماي حيره منين اجيبه
راح ســگـــاي العطـــش
انــــــه يـاعمه غـــريـبـه
ومتت من يوم اهدعش
عمه وين انه ابوي ... عمه جيبيلي اخــوي
شصار گلب ام الخدر
مو سهل يقنع طفل ... وايده مچتوفه بحبل
وامـــــه دمعتها تخر
اه يحسين يـاخـويـه
((ہہ᯽★★★᯽★★★᯽ہہ))
خـويــه ممشه النـوگ تعبني صحت
بـــدمع عيني وخايفه اعليك التفت
حـار رمحك لـو بــــرد مـــن الـدمــع
خـويـه جدام الـزلـم حـافـي اطلعت
حافي اطلع و انه اميره
اگبــــال شمات ورجـس
انــه بـت ذيــچ العشيره
الـشــيخهم رد الشـمـس
وينكم يـ اهل الشيم ... طحت من طاح العلم
انشاف طولي وهيبته
انـــه زينب يــاهلــي ... الشــاد شيلتها عــلــي
وحـزمـــانــي بصايته
اه يحسين يـاخـويـه
((ہہ᯽★★★᯽★★★᯽ہہ))
للخادم
مـقتـدى سـالـم
#عگيلي
عباس اعيالك سلبوها
عوف النهر يابه الفضل ردلينه
رد بالعجل شوف الذي حل بينه
شوف الشمر سوطه ايتلوه اعلينه
لحك عالنسوه ايضربوها
•••••••••••••••••••••••••••
من الرعب جم طفل هج ابها البر
فكدوا أملهم بيك ضنوة حيدر
لحك عليهم مو وكت تتعذر
موحته الرضع ذبحوها
——————————————
لحك عله سكينه ورباب وجلثم
من الضرب وحدتنه بس تتألم
وانته الذخر ضمك ابونه الهالهم
تقبل للخدر يسبوها
•••••••••••••••••••••
وكت الذي حسين انذبح روعونه
وبلا رحم جند الدعي جتفونه
وبلا خيام ولا ستر خلونه
خويه الحرمات انتهكوها
————————————
يابه الفضل وين الوعد ما ترجع
عوف الشريعة واترك ارض المصرع
تدري بأخوك حسين جسمه اتكطع
واضلوعه أعدائك رضوها
•••••••••••••••••••••••
ما ترجع اتشاهد مهد عبد الله
ماضنك اتلحك عليه توصله
وناره مثل نار الخيم متصله
شيطفي اخيامك حركوها
————————————-
تصرخ رقيه تنادي ياعمي وين
عفت الحرم بيده العده وتعرف زين
من كربلا للكوفه تمشي وبعدين
يم طاغي الشام ايودوها
خادم الزهراء (ع) ابو زهراء صالح الحلي
٢٥ رمضان ١٤٣٠هـ
•••~•••(•«﷽»•)•••~•••
"اللهم عجل لوليك المنتقم الفرج"
#شور كعديه
يبعد اجـروح البـ زينب اجـيتك والـوجـع عفته
وغلات الشيله خويه حسين گلبي اعليك وگفته
مـا شـيـبنـي ذاك الـتل الـمـشيـبني بـس انـته
من تالي الـوكت ويـاي حسين وما يعرف اخته
امــوت احــســن ولا شـفـتـك
اگـبـالــك مـا تـعــرف اخــتـك
يـعـطـشـان اعـله ظـيـم الماي
كـــون ابـــروحــي شـربــتــك
گوم لختك تعبتني == گوم لختك تعبتني
گوم لختك تعبتني == گوم لختك تعبتني
=============================
شبيدي ويمك امن اتلوج كون ابـ گلبي اليوجعك
وحگ الراحن اوي الخـيل مامش ماي چا شبعك
تـأشـرلـي واعـرف البـيـك لا نـحرك ولا صـبعـك
واموتن حرگه من اتگول ااخ ام عـون مـن ضلعك
يـبــوو فـي الـسـتــر فــوگــاي
وســفـه ومــا عــلــيك افـيـاي
احــتـرگ گـلبـي يـشـيخ اخـتك
ضــامـي ومـا سـگـوك ابـمــاي
گوم لختك تعبتني == گوم لختك تعبتني
گوم لختك تعبتني == گوم لختك تعبتني
=============================
يـبو طول الـيسد الـغيم طـولك هـاذه كـاسـرني
اشـتگـلي يا وجع يـحسين وانـته الـهوه يـوجعني
وحك الركضن ابـ حيلك يـحـيلي وانـوخــذ مـنـي
اهـزك بلـكـت الله اتـگوم وابگـومـك تـگـومـنـي
خـذه حـيلي الـتعـب يـحـسـين
وحــالــي اخــلافــك اولا زيــن
جـاسـانـي العـطـش والـخـوف
مــن گـالـو هــلـچ مـيــتـٰـيــن
گوم لختك تعبتني == گوم لختك تعبتني
گوم لختك تعبتني == گوم لختك تعبتني
=============================
حسين ابيا علي انهضلي عليك وگـلبي يوگف راح
مـا گلك خـيم طـاحـت بـس حـيلـي اگـلك طاح
ملت ياخويه كـ الجربه كثر ماگمت اكض اصفاح
اخـت المـيت الـوادم تـگـلي اشـلون بـعد ارتاح
وحــلـيــب الــزهـره تـعـبـانـه
وعـلـيـك اهـوايـه عـطــشــانـه
مـره اچـبـيـره وچـبـيـر الـطـف
شــصـيــرن چــا بــــعــد انــه
گوم لختك تعبتني == گوم لختك تعبتني
گوم لختك تعبتني == گوم لختك تعبتني
=============================
اول مـره اشـوف حـسيــن وادم مــا يـحـبـونـك
يـنعمتنه وفـياظ الـخير مـوش ابـخـير يـردونـك
ابد مـو خـوش هـالـوادم وحـنين الله يـعرفـونك
خلـوني اركـض اعـله الـتل حتـه اهـناا يموتونـك
يـمــتـعـوب ابـ گـطــيـع الـحـر
شــهـفـي وابـــسـمــوم الــبــر
اعـوفــك يا چـــبـيــري اشـلـون
ولا دونـــــــــك اروح اگـــــــدر
گوم لختك تعبتني == گوم لختك تعبتني
گوم لختك تعبتني == گوم لختك تعبتني
=============================
سجاد ابراهيم الكعبي
ـــــــــــــــــــــــ••❃••ـــــــــــــــــــــــ
•••~•••(•«﷽»•)•••~•••
"اللهم عجل لوليك المنتقم الفرج"
و بدأت الليلـه قصـة من الصبـر عنوانهـا
"زينـب"
#محرم_2024
#ليلة_١١_محرم_١٤٤٦هـ
#ليلة_الوحشة
ياهـو اهـون بـيـنـهـم يأم الخدر
بين حادي النوگ و الحادي عشر
عگب خدرج ذاك يا بنـــت العله
ياهـو اهــون جان و الاعظم بله
ظلمة الــحــــادي عشر في كربله
لو الحادي اليمشي بدروب اليسر
ياهو اهون گولي يا بنت الكرام
حادي ليله أعليج يكسر بالظلام
لو الحادي اليحرگ بناره الخيام
فرق بين اليبني و اليهدم ستر
حادي جان وياج جايبته القيم
أوياج لم اطفالج و لمها الحرم
لو الجان اعليج و بضدج شهم
ياهو اهــون عقب عباس القمر
حادي جان وياج للمصرع يروح
بسكته بين عداج عنج ما يبوح
و حادي لو شافج سببلج جروح
يسب ابوج وفاطمة وخير البشر
حادي جلجل جان بمصابج يحس
خاف جسم حسين تأذيه الشمس
لـــــو الفوگ الصدر بالحافر رفس
الغطه اهــون لو الداس اعالصدر
الحادي الخلاج ليـلــــه وي الأهل
وي اخوج حسين وعضيده الكفل
لو الحادي الياخذج فـــــوگ الهزل
و يــــــمــر بيج عناد من يم النهر
حادي ليلـه يطول اهون من صبح
بي تشوفي حسين راس اعالرمح
و للـيـســـر تمشين مـن بـعد الذبح
مـــن بــــعـــد عباس حاديكم زجر
صعب ليل الحادي بس باجر صعب
من يضل أحسين نايم عـــله الترب
شحال زينب باجـــر بديرة غــــرب
بـيـن حادي و حادي خلاها الدهـر
كلمات: عباس شريف الخفاجي
تنويه
القصيده للشاعر حسين الفارس
ركضن عمه هل حرگوها لخيام
صوب الهميه فرن عن الزلام
وحذرن عمه لا تسحكجن الخيل
وشيلنها الي تعثر من اليتام
اذا عثرت يتيمه عليها فزعتجن
بسع وخرنها عن الخيل اخيتجن
ما عدها رحم الخيول ي يتيمات
شما بيجن يعمه عليها لا تدنن
ياخويه حيرتني النساوين
محتاره وين انطي الوجه وين
*****
محتاره بركضتي انطي الوجه وين
وحشمنه شعجب ما فزع لحسين
وحشمت ابو فاضل ليش ما گام
خلوني وحيده وي النساوين
ركضنه بحر ضهر ولعطش ماخذنه
وين والله وعلي يحضر يساعدنه
يوخرها الزلم عنه ويطفي النار
بعباته يلمنه ويسكت مواجعنه
ياعلي حضرنه وهدي البنات
وبنص خرابه باجر نبات
**
المن بليتامه وحيلي مهدوم
وحدي بنص زلم عباس چا كوم
اروح لهاي تصرخ ذيجه يا خوي
احس جن عمري خلص كله مو يوم
المن بليتامه وبالي ضل يمك
گلي شلون خويه وبعد ما شمك
ما شبكك بعد يحسين وين صير
شلون اشبك وهو موذر يخي جسمك
ماشبكك انه شلون يحسين
ما تدري ناري تنطفي وين
*****
عفت كل ضيمي وركض صوب عباس
واسمع بس ضحكها شبيها هلناس
يصيحون التركضيله انتي مذبوح
فوك الذبح نص عينه السهم جاس
كلت عباس راح اركض للحسين
واشكيله عله ضيمي وي النساوين
واكله متونه زرگه من السياط
وما ندري يخويه نشرد منين
حاجيتكم جا ما تردون
ومن نومكم ماضن تكعدون
**
حسين الفارس
نادت حسين.. يا ضوه العين
يا بعد زينب تدليني بمچانك
_ فاگده الراي.. هجمت اعداي
شيلكه سولفلي إلذي يضيع حنانك
_ ارد انشدك خويه جرح الضاهدك وين؟
_ ما تدليني بمچانك يا ضوه العين
____
وينك صحت.. يالما غبت.. دوم انت ساكن بالي
جنت انت يحسين النبض.. اليتسله بيه دلالي
يا هيبتي.. ويارفعتي.. وينك يراسي العالي
ياخويه فرت نسوتك.. وريتك تشاهد حالي
ياخو عباس... هجمة الناس
والمره المذهوله ما تلگه التدابير
حايره شلون... من العيون
وين اوديهن يبو سكينه الحرايّر
اعذرني غصبا عني ضربوهه النساوين
ما تدليني بمجانك يا ضوه العين
———————
ما ينفگد.. بدر المجد.. أدل عليه انواره
لاجنه معذور إلذي.. تعمي الدواهي انضاره
عطرك اشم.. يطهر جسم.. بلكي اقتفي آثاره
لن عطرك مغطي الفلا.. وين اتجه محتاره
ما عشت هاي.. يا هوه وماي
أحيا انه بدنيه الي بيها غايب حسين
چِنه الأنفاس.. بهذا الإحساس
بيها نتشارك لحد ما فارگ البين
و ماظن يطيب النفس بعد الي ماشين
ما تدليني بمجانك ياضوه
_____
يم النهر.. إبالي خطر.. گاصد يخويه عضيدك
بس ادري مكسور الظهر.. وتوصله ماهو بإيدك
شتخيلك.. ذاك المَلَك.. ولو ضيف يگصد عيدك
لو صرت مرتع للنبل.. وعالكاع يجري وريدك
هاي الأفكار... وبالخيم نار
ضيعت لاني لخيامي لاني اجي ليك
بهذي الهموم.. عن السموم
و الشمس جيت بعباتي ارد أفيك
خيمه ماكو خويه حركوها الصواوبن
ما تدليني بمچانك يا ضوه العين
_
لمنظر جسد .. عيني تصد .. وفوكه نبل وي رماح
ويم جسمه مجموع الحجر.. مغدور باين من طاح
بس عاينت.. اتألمت .. وليه كلبي عافاني وراح
وناداني من يم الجسد.. مبغاج يا زينب صاح
علة الكون.. شفته مطعون
وعالوجه مچفي وتغطه بذاري التراب
ولون إلدموم.. امغير الرسوم
وجسمه ميدان السيوف وطعن الحراب
كلي عد ربك شلك يمضحي لدين
ما تدليني بمجانك يا ضوه العين
——————
ما تنحصي.. ببن الوصي.. جروحه ويعدهن حاسب
لن الجرح فوك الجرح.. وهم فوكه سهمٍ خايب
ما صوبك.. ولا خضبك.. و يا ريته راسي صايب
ولا اشوف هذي حالتك.. وعرمح راسك ناصب
لا اداويك.. ولا اخليك
وانت لحروحك فلا ينفع دوه الكون
بجيتي ليك.. ردت ارويك
وما بقه جاري فقط دمعات العيون
اليحوي جسمك كلبي لو هذي الميادين؟
ما تدليني بمجانك ياضوه العين
شاعر اهل البيت
ابو زينب الظالمي
عيسى مامصلوب
عيسى ما مصلوب جسمه شُبّهه لجسمه المسيـح
وانــت داســنــك حوافـر من طحت بالطف ذبيح
اكبر امصابك يغالي
راسك اترفعه العوالي
*----------------------*--------------------*
بالكنيسه صليب عيسى رافعينــه
والمسيح بارقى صوره مقدسينـه
شُــبّـه الهم بالصاحري صالبــينــه
وانت جسمك عالوطيه موذرينـه
عالغيور الحاله صعبه والامر ما اضن يهون
تسحك الخياله جسمك وانت بحضان المنون
چن اشوفنه بخيالي
راسك ترفعه العوالي
*----------------------*---------------------*
نفترض عيسى التعذب مو شبيهه
ونـفــترض جثته بصليب معلگيهه
جــثـتـك بــيــن الاعادي مسلبيهه
والـتـراب الكـفـناهه وضل عليهه
مـريـم تـبطـل دمعهه لو درت هذا المصاب
يسهل الصار بولدهه مــا حـمل مثلك عذاب
بــالفـله ايـام وليالي
راسك ترفعه العوالي
*----------------------*---------------------*
الصليب لعيسى معـلـم ولمصابه
للجـراله يوضحنه بــكــل عذابـه
مــا توذر بالهنادي ودم خضابه
ولا تدوسه الاعوجيه وما تهابه
قصه ما صارت مثلهه بـجـت عـيـون السمـاء
تـسـلـب ثـيابك عجيبه خامس اصحاب الكساء
ترخص ادموع الموالي
راســك تـرفـعه العوالي
*----------------------*---------------------*
صـاحـب الروح المقدس للكنيسه
قصّته تهون المصابك من نقيسه
مـحــد يـلـوحه وبواتر ما تجيسه
ما تـوزّع للحوافر جسمه عيسى
بـالـتراب دموم تنزف كثرت عليك الجروح
والاشد شمر الضبابي خـنجـره اگبالك يلوح
وصفي مو بدعه ومغالي
راسـك تـرفـعـه العـوالـي
*----------------------*---------------------*
الـحـالـتـك تـجـري المدامع والحزنهـه
حـالـه مـخـتـلـفـه بـوضعهه وبـدفـنهه
اضلوعك خيول الاعادي أيرضرضنهه
وجـثـتـك بـدوس الـحـوافـر وزعـنهـه
لجلك تسيل المحاجر وخالد يضل النحيب
والله ما نگطع عزانه والله يحسين الحبيب
نرفع الاصوات عالي
راسك ترفعه العوالي
*----------------------*---------------------*
يـنحـب الـكـون الدمائك والغياره
يـالـبـقـيـت اتـلـث ليالي بالمعاره
خصك الـبـاري بقدرته واختياره
حجه لليقصد ضريحك مو زياره
الله راداك بـقـدرتـه تـرتقـي لاكـرم مقـام
تنحني لگبرك ملائك وتوكف تأدي السلام
تبقى عنوان المعالي
راسك ترفعه العوالي
*----------------------*---------------------*
✍ خادم الحسين ع
الشاعر رعد الچريخي
*نعي*
*لما رجع الميمون من المعركه تاركا خلفه ابي عبد الله الحسين عليه السلام مرملا بدمائه، استقبلته مولاتي زينب ع*
*رد الـمـهـر خـالـي عليه*
*من دون ابن خير البريه*
*نـاديـت يـمـه يالزجيه*
*احسينچ وگع فوگ الوطيه.*
*صدلي المهر وبصوته يصهل*
*ودموع عينه من دم اتـهـلّ*
*گتله اشجرى وشبيك معول*
*چـنّـه يگلي السبي مجبل.*
*مهرك يخوي عليه فرفر*
*چنّه یصیح الله وکبر*
*اخوچ انکتل ولکون غبر*
*غريبه صفيتي ابوليتة الشر*
*يگلي صفيتي بولية اعداج*
*وتهل تظل دموع عيناج*
*بنسوان والأطفال وصاج*
*ماظل ولي ونغار وياج*
*ياميمون گلي وين طايح*
*ارد اروحله واشبع نوايح*
*وبخيمته گبر الصايح*
*وادري ناظره ليجاي شابح*
*(الشاعرة أم يحيي العبودي الايجوز حذف الاسم شرعاء نسألكم الدعاء )*
*الشاعره الحسينيه ام يحيى العبودي*✍
🍃🍃
.*اللهم صل على محمد وال محمد*
قصیده للنزله كربله ومحاصرة آل اميه لخيام الحسين عليه السلام
🎪🎪🎪🎪🎪🎪🎪
تبجي وياي السمه ابنوح وأنين
من نزل سبط النبي الغالي حسين
انه زينب بت علي
خوفي ابقه بلا ولي
خوفي يتلوه اعلى متني الصوبين
🎪🎪🎪🎪🎪🎪🎪
تكول زينب خويه نزلو اضعوني
من شفت جيش العدى روعوني
خفت خويه بكربله اتضيعوني
خويه ردنه للوطن
كوم ياحامي الظعن
أخاف يسبوني العده هل ضالمين
✍🏻الشاعره عاشقة كربلاء الطف ام محمد آل درويش
🎪🎪🎪🎪🎪🎪🎪
رجف گلبي ياسباع المرجله
حيل مهمومه امن أراضي كربله
شايفه العدوان والهم والبله
لون رحتوا يخوتي
أنه اضل بحسرتي
ليه ماترضاها احيرن يالحنين
✍️ام علي الموسوي
🎪🎪🎪🎪🎪🎪🎪
خايفه اعليكم وروحي اتحيرت
شفت هاي اجيوش اميه اتلملمت
وال هاشم كلهه يمي تحضرت
خايفه تروح الزلم
واظل تالي بالهضم
وحشه هاي الگاع يبن الطيبين
ام علي كنعان ام زينب الحلفي
🎪🎪🎪🎪🎪🎪🎪
من شفت الكاع حسيت انولي
گمت انادي وينك بويه ياعلي
خويه ردني خاف اضل ابلا ولي
اه منها كربله
حزنت جميع المله
اه منج كربله بيهه بس كرب وبلاء
✍️منى جواد = البحرين
🎪🎪🎪🎪🎪🎪🎪
اصيح زينب اه من ارض الطفوف
غارت الدنيه بعيني اوماشوف
باجر اعلى حسين تلتم الصفوف
كدنيه مابيه امان
اه يادورات الزمان
انه بت حيدر امان الخايفين
✍️ام رافد السامر
🎪🎪🎪🎪🎪🎪🎪
تصيح من شفت العده كلبي انفطر
خويه رجعنه البلدقبل لانصير بخطر
أخافن اعليكم يكطعون النحر
أشمن ريحة غدر
أخافن دمكم ينهدر
خوفي اعليكم يااخوتي إنتو الإثنين
✍️فاطمه المطر أم زاهر
🎪🎪🎪🎪🎪🎪🎪
خوفي بالحومه دمومك تسيل
اشلون ضعن الحرم يمشي بلا كفيل
من على الناكه يخويه خاف اميل
وانته بالحومه ذبيح
مرمي اعل الغبره طريح
جنك اتكلي ردي ولا تجين
✍️ام حسين الابراهيميه ناصرية
🎪🎪🎪🎪🎪🎪🎪
تــمت بعــون اللــہ
💢القصـیـده مشـــ🤝ـتــرڪـه بقلم شاعرات كربلاء الحسين المبدعــات 🌹 بإشراف
الشاعره ام محمد آل درويش مع الــشــاعــ🤝ـرات💢 /١٤٤٥/هـ
❌❌لايجوز شرعاً وغير مبرء الذمه كل من يحذف أسم الــشاعرات او ينسب الكلمات ويتلاعب بالقصيده🙏🙏
اجيت ابدمعتي يحسين
عن....جسمك ادور وين
ويلي المنگطع نحره
خيل اداست ابصدره
***
گلي بيش اضمدك وحسب اجروحك
ما خله الحجر بعيونك وروحك
يمه شلون اعرفك والدمه اسفوحك
مچفي اعله الوجه ما ينسمع نوحك
يبني اشلون أعرفنك
حيره ابيش اوسدنك
بنحرك لو ارش گطره
خيل اداست ابصدره
***
يمك لو طحت من ظلعي محنيه
يذبحني الحزن من دهري يوميه
يمه اشصاير ابحالك يبو ارقيه
من جرح الجرح ما تشرب اميه
ليش امكسره اسنونك
چم طعنه يطعنونك
خياله ابحقد عشره
خيل اداست ابصدره
***
اجيتك والكلب يبني اشكثر حسره
ادور اعله الاصابع تسعه مو عشره
شفت حتى السهم يوصل حدر ظهره
اكعد يمه اجيتك فاطمه الزهره
يمه اشلون اشبگنك
ما سالم كتر منك
بروحي ظلت الجمره
خيل اداست ابصدره
***
يا حيره من المك والجسد اثار
يمه انه وعلي بگليبي شبت نار
جابولك حصيره وظل علي محتار
اشلون ابلايه راسك نزل الحفار
يايمه الدفن حيره
ضاعت كل تعابيره
يمه يا علي اتحضره
خيل اداست ابصدره
***
حسراتي من اسولف تجرح الاحساس
تاليهه......... الوكت نزلتك بلا راس
يمه وي علي السجاد احشم الناس
جيت وياك انوح وانظر العباس
بالحسره اسمع اونينه
موعد منطي لسكينه
طايح جربته ابكتره
خيل اداست ابصدره
***
گعدت انه عله گبرك والعطش بلوه
جبتله اميه بلكي اوليدي يتروه
من حر الرمل كل ونه يتچوه
ياويلي الحجر من جبهته اشسوه
احني ابظلعي المكسور
ذبحوني ابظهر عاشور
غيمه بلا مطر صحره
خيل اداست ابصدره
***
تمت بعون الله تعالى
خادمكم،،،،،،،، يوسف الفتلاوي
مولاتي زينب عليها السلام
تخاطب مولاي #ابو_فاضل
بين الخيم ما بينك . گلبي نگطع جا وينك
ماكل سهمهم عينك . يخوووي
كاتلني حافر خيلهم . ذبو بخيتك حيلهم
مضاحك كضوه نص ليلهم . يخوووي
الخوف ابتده
والحاله صعبه
ماي النهر
يحرم اشربه
بين الضحك
تاهت اخيتك
مثل العرف
جتاله گلبه
خوفي عليك من السحك . وبگلبي عله
گبلك تره گلبي انسحك . بس انه عدله
وعيونك الجانن زهي . فراكگ فله يطيب
ارجع شباب من الكُبر . من ترجع احله
____
بالي عله اخوي وطوله . الحافر لعب بيه جوله
اخر كلام تكوله . امووت
اسم الله المنيه ابعيده . بس كض اخوك من ايده
خل يطمأن يا حيده . اموووت
خويه النظر
ارد اشتكيله
تروي الگلب
شوفة خليله
عينك طفت
والدنيه خلصت
تدري الگلب
نورك دليله
جيبنه ماي من النهر . بس انت اشربه
اختك يراودهه العطش . اندليته دربه
اشفافك اذا تذبل نده وبس تذبل تموت
لا يدنه من يمك عطش . لا تدنه گربه
_
تدريني خويه اجبيره . عمري ع عمرك ديره . شنهي اليكومك غيره . وتكوووم
جفي اخذه بلكي ايعينك . وعيوني خلهن عينك . خل تستراح ايمينك . وتكوووم
چي نستحي
واليمنه هيمه
نركض سوه
ماعدنه خيمه
دك الطبل
تعبنه ضيمه
طحنه مثل
دمعة يتيمه
صاحو غريبه ودنگت جي ما الي احزام
يعثرهه هبهاب الهوى الراحولهه ازلام
وتضل دمعهه مايجف جن عين ناعور
لا تكدر تغمض جفن لا تكدر تنام
_
يسوايتك ماصايره . كوم ع واحد دايره
والخيمه دله وفايره . احييير
يلرايتك ماطايحه . صاحت علينه الصايحه
جا وين اسوي الفاتحه . احييير
حادي الهزل
يتباهه بينه
اگبال الغرب
ومجتف ادينه
من الضرب
ملت عبينه
انتَ برمح
واحنه نسبينه
شد الحبل تعب ادي نازل للاعظام
واليتعب بدرب السبي مو لازم ينام
بس راسك النايم لأن راسك ع الارماح
طبينه صاح الاجنبي طبيتو الشام
__
#تمت
#عباس_القلعاوي
#نسآلكم_الدعـاء
خويه يا عباس انادي وماتسمعوني
ترضه اروح و يالشمر وسياطه بمتوني
اني مكسورة ظهر وانته نايم عالنهر
ماتسمعوني
ــــــــــــــــــــــــــــــــــــــــــــــــــــــــــــ
ارد أسولفلك يبو الغيره الجـرالي بالشمر وبسوطه خـويه انشده بالي
وينـه عباسج يكلـــي ولغــــوالي وينه يــا بت فاطمـــة عـــــز الليالي
انتي ها لساعه سبيتي شوفـي بعيونج
وين أخوتج وين أخوتج خل يسمعونج
وعيني شبحتلك نظر وانته نايم عالنهر
ماتسمعوني
—-------------------------------------------
والله يا حالـــة سكيــــــنه الالمتني اسمـــع تنادي يعمــــي واعدتني
تدري ياعباس بالجرح الهضمني شعجب مـــو طبعك وتتخله عني
ضلت اتنادي ودمعها يحرك احشاها
هيه مجروحه بضماها وجودك ادواها
وصبري ياخوية انكسر وانته نايم عالنهر
ماتسمعوني
—------------------------------------------------------
خويه شحجي عن مصيبتها رقيه لحضه لحضه تندبك وتصد اليه
تكَلي يا عمه شعظم هاي الرزيــه لا ابو اليمي ولا عــــم رد عيلــه
جني راح ابقى يتيمه امفاركه احبابي
يعني من هسه استعد الوعة مصابي
حايره وتاه الفكر وانته نايم عالنهر
ماتسمعوني
—---------------------------------------------
خويه بس عين الشماته اتصد اليه واني مجتوفه بحبل وامشي سبيه
تدري من كثر الضرب اشكف بديه شلون ساعة يبن ابوي اتمر عليه
وانــي ما بين الاعادي مـــن يحاميني
حتى ارض الله الوسيعة ضاكت بعيني
اني مسلوبه الخدر وانته نايم عالنهر
ماتسمعوني
—-------------------------------
يا المها الغاضريــــه ويــــا المها خويه بس هم ومصايب شفنه منها
ظلت اطفال او تون ما تخفي ونها منهو بعدك يا ولينه ايحامي عنهــا
من بعد سلب الحراير حركـــو خيمنه
وصعبه نضرات الشماته الما تفاركنه
صحنه لاوين المفر ونت ه نايم عالنهر
ماتسمعوني
—-------------------------------------------------
نسألكم الدعاء
خاد ال محمد / ابو باقر المالكي
موشح لمصرع الأمام الحسين عليه السلام (وين راس حسين)
وين راس حسين وين ضلوعه
الله واكبر صاحت المفجوعه
راس ابو السجاد ماهو وخنصره
جوه الخيول الضلوع امطشره
وين ابو الحسنين وامي الطاهره
خل يشوفون العده مجموعه
وين راس حسين وين اضلوعه
خل يشوفون الشماته امجمعه
خل يشوفون الفواطم ضايعه
خل يشوفون الجنازه امگطعه
والجروح امكشفه وموجوعه
وين راس حسين وين اضلوعه
ضلت اجروح الغريب امكشفه
النار شبت والفواطم خايفه
عيني مشبوحه عله ازنود الوفه
عالشريعه امطرحه ومگطوعه
وين راس حسين وين اضلوعه
عالشريعه اچفوف اخوي امطرحه
عيني ماينشف دمعهه وشابحه
وين اروحن وين اسوي الفاتحه
والمناحه واللطم ممنوعه
وين راس حسين وين اضلوعه
منعو اعليه المناحه واللطم
گلبي يحمل يامصيبه ياهضم
ضل علي السجاد بس جلد وعظم
من يباوعلي تهمل ادموعه
وين راس حسين وين اضلوعه
بس يباوعلي تخنگه عبرته
امچتف اوجعان صعبه حالته
من يتچيله وضحايه خوته
اگباله جابو روسهم مرفوعه
وين راس حسين وين اضلوعه
جابو العدوان روس اعله الرماح
مايعن گلبي ولاساعه استراح
ضل علي السجاد مكسور الجناح
والسلاسل عالضهر مطبوعه
وين راس حسين وين اضلوعه
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
قصيده الى مولانا علي الأكبر سلام الله عليه
شبگة أوداع ویشم أولیده
یاهوی المتعدي مر بهیده
وداع..حبیب..زمان..عجیب
شبگة أوداع ویشم أولیده
.............
مثل غرگان چان یشم علي الأکبر
نفس ریحة محمد شمهه بالمنحر
نزاع وموت موش أوداع
نتصور
أبو الیمه شهگ من ودعه
وکبر
عاین بوجهه ورفعها یمینه
نشفت الدمعات شاف بعینه
دعاء..غریب..زمان..عجیب
شبگة أوداع ویشم أولیده
.................
علي الأکبر شمس بس ناویه عله غروب
ضوه خدوده شمع بأرض الطفوف یذوب
یحس بفراگ أبوه الفارگ المحبوب
بمدینة حزنه تایه والجروح أدروب
اجروح گلب حسین شیداویهه
جمرة وداع الضنه شیطفیهه
جمال..یغیب..زمان..عجیب
شبگة أوداع ویشم أولیده
...............
مشه بخطوات من یم خیمه
چن یسمع
دعاء أم الولد یبني بعلي
أمودع
یربي بداعت أم حسین بس یرجع
أشمن ریحته من أوداعه ما أشبع
گعدت بخیمه وتشم هدومه
أمه لیلی تعاین المضلومه
دموع..لهیب..زمان..عجیب
شبگة أوداع ویشم أولیده
...............
وگف میل الزمن من گام
یتقدم
ضمیر الکون کله یصد
عالمخیم
سکت حتى الحچي بس عینه تتکلم
بنظر عینه حلم رد وشمل
یلتم
بالحضن ضمته أمه تبوسه
دمعه نزلت بالرمش محبوسه
رحیل..رهیب..زمان..عجیب
شبگة أوداع ویشم أولیده
..............
مشه ومن ألألم گلب أمه ضل ینزف
یحاچي بروحه هونك یا حبل لتلف
عله أچفوف أمی هونك لو شمر یچتف
عله فراگي شفت گلب أمي وهوه یرف
رایح الجدي ییمه أشکیله
مودعه بالله رحلتي طویله
صریع..سلیب..زمان..عجیب
شبگة أوداع ویشم أولیده
علاء المیاحي
ما صارت كَبل لا شافت العين
ميت ينسحكَ بالخيل يحسين
يخوية ... طشروهه اعظامك
يخوية ... اكبال عين ايتامك
....1....
ما شفت قبلك منذبح
كل جرح بي فاتح جرح
واكف على صدره رمح .... وصل .. لحد .. كلبه
حافرهم البيك انكسر
صدرك طبك فوك الظهر
والدم يسيل امن النحر ... على .. الأخت .. صعبه
كلشي البيك ما ظل مثل ما جان
اهواي اتغيرت ارسومك يعطشان
يخوية .... الحجر فاتح هامك
يخوية .... اكبال عين ايتامك
..2....
كدامي رفسو جثتك
من بعد كطعت ركبتك
شمرو علية اعمامتك ... وانه ... اركضت .. ليهه
راسك على الرمح ارتفع
وجم مره كدامي وكع
حالك كلب اختك شلع ... محد .. رحم .. بيهه
جم شامت نظرت ابهايه عيناي
شابع ضحك ويه الرايح اويه الجاي
يخوية ... وانت تخفي الامك
يخوية ... اكبال عين ايتامك
...3...
يالتارس الدنية عشكَ
منمرد حيل امن السحكَ
خاف اسحب اسهامك واشك ... جبد ... نزف ... دمه
بيش الم جسمك حايره
والخيل كلشي امطشره
اظلوعك اهواي امكسره ... صعب ... صعب ... لمه
قميصك جابته الخيل اعله الاخيام
وخفت لا تطلع وتنظرله الايتام
يخوية ... سلبو هندامك
يخوية ... اكبال عين ايتامك
4.........
يا خيمه التفيِ علي
رحت وعفتني افرك بدي
ذبحوك ضامي وانت مي ... متت .. عطش .. ويلي
مدفون كلك بالترب
من كل كتر دمك يصب
منظر صعب كلش صعب ... صور ... تهد ... حيلي
برماح وسيوف اهوايه مطعون
وعشر اخيول سحكَت ليك الامتون
يخوية .... فرهدوهه ايامك
يخوية .... اكبال عين ايتامك
....5....
بالشمس نايم يا ضوه
وخدك امن الكاع انجوه
بعدك علي ضاك الهوه ... يمن ... الك ... قهري
شابع طعن شابع رفس
ضحيت للدين النفس
قدمت للعالم درس ... يضل ... وحق ... صبري
هيهات المذله كلمة متموت
ابوجه كل ظالم وقاتل وطاغوت
يخوية ... يالحييت اسلامك
يخوية .... اكبال عين ايتامك
كلمات ✍️ موسى الخادم
ليلة الوحشة
حركوها الخيام. صحراء وضلام
گامت عالتراب. اطفالك تنام
٠٠٠٠٠٠٠٠٠٠٠٠٠٠٠٠٠٠٠
علي يا حاضر الشدات تحضر من يندبونك
بويه بكربله شصاير. تعال وشوف بعيونك
حسين مگطع ومذبوح. بسيوف اليبغضونك
تجي الليله لحراستهم حرم وطفال يردونك
ياحامي الدخيل. مذبوح الكفيل
ماظل هاشمي بس هذا العليل
٠٠٠٠٠٠٠٠٠٠٠٠٠٠٠٠٠٠٠٠٠
يبويه طفالي ترجف خوف. من نار وهجوم الخيل
بعدنه بهالرعب والنار. يا حيدر وجانه الليل
من يحرس يتامه حسين. وآنه بلا فكر لا حيل
احضر يا علي احضر. اصيحن والدموع تسيل
يا حيـدر تعـال. احرس هالعيال
مرعوبة وتنوح من عكب الدلال
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تعال وشوف ذاك حسين. بويه موسّد التربان
عاري بلا دفن مذبوح. دامي وسلبته العدوان
بحوافر خيلهم سحگوه. تشـفّـوا بي بني سفيان
حرت امشي لخوي حسين لو ابقه احرس النسوان
بالطف الشهيد. يمك مو بعيد
مسلوب الرداء. محزوز الوريد
٠٠٠٠٠٠٠٠٠٠٠٠٠٠٠٠
يبويه ولو گلت عباس. كفيلج وينه ما يفزع
ظل عله النهر مذبوح. بسيوف العده اتكطّع
چفوفه مگطعه وبالعين. سهم الجربه ما يطلع
تعال احرسنه يابوحسين. صدك معقوله ما تسمع
ليلة وحشه هاي. لا عز لا حماي
لا كافل اشوف. لا گمره بسماي
٠٠٠٠٠٠٠٠٠٠٠٠٠٠٠٠٠
من صوب الغري لن صوت. آنه الليله احرسكم
يزينـب والـــدج يمـج. علي وماواحد يمسكم
بالعز والشرف والنور. من يكدر ينافسكم
يزينب صبروا لا تشكون. الله بنفسه قدّسكم
نصبر عالبلاء. مضمون الجزاء
لاشك ما يضيع. يم رب السماء
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
#ثكيل منبريه
اشلون المّك يامـــن امـطـشـر ابـكل الـغاضـريه
اشلون المّك حسين يالسحگت عليك الاعوجيه
•••••••••••••••••••••••••••••
آنا زينــب ياخـــو زينـــب يالعـفـتـني
ليك اجيت وطابع السوط اعله متني
وفـــــوگ آلامـــــي انت اكــثر ألمتني
اشلـــــون الـمّـك يالمطشر حــيــرتني
صار جسمك وصله وصله يالاخو فوگ الوطيه
اشلون المّك حسين يالسحگت عليك الاعوجيه
ـــــــــــــــــــــــــــــــــــــــــــــــــــــــــــــــ
عـفـت الـعـيال واجـــيـتـك يابـو الاكـبر
مره اگوم امشي اعله طـولي ومره اعثر
وتــــدري گاع الطـف يخويه كلها عسكر
والعـيــــون اعليه كلها يـبـــن حـــــيـدر
يـمـن دمــك سال فوگ الرمل واختلطن سويه
اشلون المّك حسين يالسحگت عليك الاعوجيه
ـــــــــــــــــــــــــــــــــــــــــــــــــــــــــــــــ
من گبل لا اشــــوفك اني هيـچـي صاير
ريتـها مـعـمـيه يبـــن أُمــــي الـنــــواضر
يبو الـيمه بيك شمـســــويه الحــــــوافر
اكسرت ضهري ابهذا حـــالك مو الخاطر
حـــرت يمك مدري ابچي اعليك مدري ابچي عليه
اشلون المّك حـــسين يالسحگت عليك الاعوجيه
ـــــــــــــــــــــــــــــــــــــــــــــــــــــــــــــــ
يا عـــزيز الزهـــــــره يالحـيـرني وضعك
اشلون جــسمك يكتمل لـــو رت اجمعك
يبقـى عايــــــز راسـك وعــــايز اصـبعك
يمــي كلك مستحــــيل اگــــــدر ارجعك
وحتى عضمك طحن مطحون ابحوافر خيل أُميه
اشلــــون المّك حسين يالسحگت عليك الاعوجيه
ـــــــــــــــــــــــــــــــــــــــــــــــــــــــــــــــ
يا چـــبـيـر الــــسـاده يالطاهـــــر حليبك
ليش بالــــــــدم والتــراب امغطى شيبك
يالرحــــــت من بين اديه امنــين اجيبك
ولا طـبـيـب ايفيــــدك ويحـضــر طبيبك
ارده اشمك بس ششمك وانت كل وصله ابنويه
اشلون المّك حسين يالسحگت عليك الاعوجيه
ـــــــــــــــــــــــــــــــــــــــــــــــــــــــــــــــ
اعــــــذرني يالغالي اذا عـــــنك خــذوني
وبالحـــــبــــل غــــصـباً عــــليه چتفوني
خويه مجبــــــوره امشي عنك يا اعيوني
وبربعـــــيـنك انــــي اردلك لــــــو سبوني
ويبقى اسمك على الساني ينــــــذكر واني سبيه
اشلون الـمّك حسين يالسحگت عليك الاعوجيه
ــــــــــــــــــــــ
لخادم الحسين ع الشاعر /
سيد محمد السعبري .
ـــــــــــــــــــــــــــــــــــــــــــــــــــــــــــــــ
•••~•••(•«﷽»•)•••~•••
"اللهم عجل لوليك المنتقم الفرج"
(لحن خليجي )
ليل اهدعش مو ليل ** قاسي ويهد الحيل
وانتم جثث علگـاع ** تسحگ عليهه الخيل
::::::::::::::::::::::::::::::::::::::::::::::::
من طاح ابو السجاد فوگ الارض دامي
مـا شرب قطرت الماي مـن العـطش ضامي
فـزعـت عليه الگـوم وحـترگت أخيامي
بعيوني اشوف الخيل تسحگ علئ يتامي
طفه الزمان اشموع **عندي الطفال اتلوع
ماتقبل الكفار ** حته الدمع ممنوع
::::::::::::::::::::::::::::::::::::::::::::
صوب النهر صديت وندب يكفالي
ريتك اتگوم اردود وتعاين الحالي
ياخويه شوف السوط يلعب عله اعيالي
وسفه الزمان ايدور ويرخص الغالي
بس الطفال اوياي ** تصرخ يعمه الماي
وآنه اركض ابلاشوف ** تاه الفكر والراي
::::::::::::::::::::::::::::::::::::::::::::::
بس الحرم والـناس تتفـرج اعلينه
نسمعهم أيگولون صاب السهم عينه
ياخويه من ننخاك شوما تحاچينه
گامت تفطر الگاع من تصرخ اسكينه
صاحت يبوالسجاد ** وانتم علينه ابعاد
من القهر والخوف ** لامن شرب لازاد
:::::::::::::::::::::::::::::::::::::::::::::
من چل عليه الليل ودموعي يجرن دم
حراسي ناس اجناب بعد الحزن والهم
گالـت رباب انـروح يـم الجـثـث نلتـم
آخر وداع اوياه بوليدي أريد اشتم
تركض عليه وتصيح ** تسبگ مهب الريح
تتعـثر ابهـل الليل ** كلمـا تگـوم اتطيح
:::::::::::::::::::::::::::::::::::::::::::
ماضلت النه اخيام فوگ الترب نمنه
وتحشم الايتام ويـنـه الگـمـر عـمنه
لامـابقـت حراس بـس الشمـر يمـنه
طـشينه بالـوديان مـن حرگو اخيمنه
بس العليل اينوح ** من الحزن مجروح
وينادي بويه احسين** ما انعتقد مذبوح
:::::::::::::::::::::::::::::::::::::::::
فاخر علي الشبيبي
تنويه ****
القصيده للشاعر
حسين الفارس
انه الما لمحو خيالي
خدري نشاف من تالي
من بعد الشبك يحسين
داسو صدرك گبالي
عليه ضاكت الوسعه من شفت على صدرك خيل
المن بالحرم يحسين لو اركضلك بياحيل
صيواني احترك والجيش يصرخ طلعت اخت حسين
مابيهم شهم ياحيد افكر لو لفاني الليل
من يلفي لليلي بلا خيم
حرمه صفيت بلا علم
محتاره المك لو ارد
ارجع اباريها الحرم
***
نركض ودرب هيمه
وما ضلت ولا خيمه
نسحك ع الجمر ونطيح
ويتميه تصبر يتيمه
تكلها ما بقت شيمه تحضري للسبي وضيم
نحتار بركضنه شلون بر ماندري وين نهيم
عبي ورجلين محروكات ومحتارين نركض وين
ندور في نخل لو ماي لو حته سراب وغيم
يتامه بكل كتر هجن
ومحتاره انه بلمهن
يصيحن عمه يا زينب
بعباتي كمت اجمعهن
**
ادور بلجثث عنك
بلكي الله ولمحنك
ولكيتك بس شني من لكيت
ما صاحيلي شي منك
ادورك خويه من ياصوب وانت ولا كتر سالم
مو ليك الرمل يحسين ليش عالرمل نايم
عينك على الخيم يحسين اشوفن عينك التربي
كلبي شيب من الضيم بذبحك عقلي ضل هايم
مشدوها اركض بالفله
انا الاميره مدلله
بس هسه مو زينب صرت
باجر اروح بهازله
****
مشينه بدرب جان طويل
والحداي بينه يعيل
يضرب بسياط النوك
يتعمد يخلها تميل
مشينه والدرب عثرات واحس بونتي جمره
بنادم لو بلا خوان جا كلي شلي بعمره
من تحدي النياك اجناب والحاديها مومنها
كلها تكول هاي منين الشامت بلدرب عثره
شيب دليلي احزاني
ضيم وقهر راوني
مسبيه وبجفي حبل
من بعد عين اخواني
***
حسين الفارس
قصيدة رئيسية لليلة الوحشه
مدري اجمع ايتام لو طفي الخيام
مدري اشاگف عالنسه ومخدراتي
مدري اجمع اچفوف بيهه استر الخوف
اركض واعاين عاللهب شب بعباتي
لجسمك تعنيت واجمع وصاله
عاوني يحسين صعبه الكفاله
******
هاي اول ليلة بعدك نفذ من عندي الصبر
خويه من صبرك اريد ومنه محتاجه شكثر
لملم اجروحك يغالي يابعد كل العمر
ونادي لايوب بسمائه وگله يم زينب تمر
لاصبــر ايوب لاحزن يعگوب
يكفي يخويه مخدره وكفلت يتامه
ياويلي ياويل من هجمت الخيل
هامت اطفالك بالفله اتريد السلامه
چم حافر الداس صدر السلاله
عاوني يحــسين صعبه الكفاله
******
تدري بيهه انت بناتك حيل حيل امدللة
خويه شحچيلك شسولف عالعدو لمن وله
وحده يسلبهه تراچي يطگهه حيل بسلسله
او وحده تبچي اعله الرضيع اعليهه يضحك حرمله
چانت الي وين هالشدة يحسين
عليك انه امشي فاطمه تفزعلي وتگوم
حاچيلي عباس ادريبه حساس
بلكت تجيبه فزعتــه ويبطل النوم
مو چان وياي امشــي بخياله
عاوني يحسين صعبه الكفاله
***
چان ابو فاضل كفيلي خدمه چنت انه انخدم
يغار لو يطلع خيالي غيره عنده والنعم
مادره الغالي بخيته اعليهه تتفرج زلم
ومن نذل مايسوه هدمه خلافه كل سا تنشتم
بيه الشمت صاح راح الكفل راح
والچان نوماسچ وگع ظل عالشريعه
بعينه سهم نام ومهشم الهام
چانتلچ اچفوفه حمه وهسه گطيعه
ماظل الچ دوم كافـــــل بداله
عاوني يحسين صعبة الكفاله
***
تدري يحسين برقية حيلي كله هدمته
خذت طاس الماي تركض ظاميه وما ماشربته
راحت ال شيال راسك وبدمعهه اترجته
تگله نزل راس ابوي وخل ابلل شفته
گبل الذبح چان ياعمي عطشان
ولو شرب من طاسي الولي تبرد لهاته
وترد اله الروح وينساهه ال جـــروح
ويرجع يضمني بصدره وتردله حياته
وينساهه الجروح ينسه الجراله
عاوني يحسيــــن صعبه الكفاله
****
رجفت اعظامي يغالي من شفت جابو هزل
وجمعو الاطفال كلهه ربطوهه بالحبل
احبال خشنه بچف ترافه اشلون گلي تنعقل
بياديانه الصار كله بيا شريعه تنقبل
اصعد ردت عون بالمحمل اشلون
وسجاد هلت دمعته ويصد اليه
زدتي العلل داي ماصدگ بهاي
المثلچ يبت خير النسه ترجع سبيه
ياعمتي ايگول تبچي الرساله
عاوني يحسين صعبه الكفاله
****
الشاعر سيد فليح الموسوي ✏📖
نعي
السيده زينب اتخاطب العباس ع
اجيتـك جيّة أمسيّره يمك ارد ابـث شكوآي
باچـر تطوَل الفرگـه واعوفك يا نظر عيناي
باچر كون ترخصني اروحـن والـزلـم وياي
*---------------------*---------------------*
اخاف دتگول ما گلتي اجيتك وي ظلام الليل
اسولف عالسفر وياك واردد كـلمـت الـيـاويل
شفت الـهـزل بعيوني وعدّو للمسيـر الـخـيـل
*---------------------*---------------------*
ادري بــغـيــرتــك انـتـه وتحرّص عالخدر وتخاف
ما ترضه انضرب بالسوط واوكف وانشتم وانشاف
ومـا تـرضـه الـزلـم ويـاي وبچتفي الحبل يـلـتـاف
*---------------------*---------------------*
خويه معذور ادري وفيت وكفيـت
خويه معذور حتى لو يمك شكيــت
خويه معذور بهايه اكللك اجــيـــت
خويه معذور يـــالي بجفوفك وفيت
خويه معذور اليمنه واليسرة نطيت
خويه معذور يالكمر ما قصريـــــت
خويه معذور اعتذر يمك بجــيــــت
خويه معذور اندفن دونك يـــريـــت
خويه معذور بس جسد تنزف بقيت
*-------------------------*--------------------*
✍ خادم الحسين ع
الشاعر رعد الجريخي
محرم ١٤٤٦ هـ
قصيدة رئيسية لليلة الحادي عشر من محرم
اهنا يلي تفزع للخلگ بالشِدات
إلحك بناتك بالفله ومضيعات
شجم طفل طفله ماتت بسحگ الخيل
بلا خيمه زينب ياعلي وچل الليل
إلحك بناتك بالفله ومضيعات
———
يلي بالشده نِعرفك حاضر تِعين المحتار
يلي تعرفك أمته عون ويمين المختار
ماظن يفوتك يالِذي بدرب السمه تحيط أخبار
بيا حاله تدري بعيلتك وبيا وضع يالكرار
عيالك أخبرك يالفحل ولوها
وأخت الگمر عالشاطي طاح أخوها
أو والي الحرم عالگومه مايگوه إعليل
بلا خيمه زينب ياعلي وچل الليل
إلحك بناتك بالفله و مضيعات
———-
يا ابو اليتامي يا علي إتفرح اليتامى إمرادك
ثمانين وأكثر بالهظم بطف كربلاء أحفادك
شتصير زينب ضيعت تگعد تنوح أولادك
لو تجمع إضياع الحرم وينك تعيد أمجادك
لو مشت يم جسم الذبيح العطشان
منهو اليلمها وبالبراري النسوان
اتورثت هم الياذي والحمله إثجيل
بلا خيمه زينب ياعلي وچل الليل
إلحك بناتك بالفله و مضيعات
———
عن زينب انقلك خبر من عُظمه معذور المات
بيا وكت حيدر يالولي حرمه الكم بچوله إتبات
فزعاتك وكشف الكُرَب لقاصي ودني متعنيات
الابدى زينب ياعلي دون المَلا لهالفزعات
كُبر الهظم لو يُنطه أسبقيه
للحشر أَولَه تبقى الغاضريه
محنتها مو مالت بُعُد لا تأجيل
بلا خيمه زينب ياعلي وچل الليل
إلحك بناتك بالفله و مضيعات
_
ساعات ويطر الفجر ياذيك صبحه لو طر
گبل الشمس ياحيدره إِلهزله بالطف تظهر
متعوده عالعِز بزرتك موش لمثل هالمنظر
باچر نحس من أَوِلَه ومكتض يحيدر بالشر
الحطيت چف الكافل بإديها
بالحبل باجر تمشي إمگيدها
وما بيها خله حسين أبداً من حيل
بلا خيمه زينب ياعلي وچل الليل
إلحك بناتك بالفله و مضيعات
————-
والعظمى كلش ياعلي باجر نزيله بكوفان
ديره الذي چانت لها إومِتسَيده بيها النسوان
يوم الشماته إيحل غداً وأكثر خصومك عربان
بس بالصور هيئة بشر وداخل ضميره ثعبان
باچر يحيدر يظهر إلي مكنون
وعمدا لزينب عن إِحسين إيسألون
وما أدري باجي دمع بالعين إيسيل
بلا خيمه زينب ياعلي وچل الليل
إلحك بناتك بالفله و مضيعات
————-
اكرم مجانات البلد إتطلبه الغُرُب عالمعهود
وباچر مضيفك ياعلي بفاكرة زينب موجود
والضيف لو عيّه يِصَل لدار العميد المنشود
يِصبَح على السيد فرض يتلگى ضيفه المهدود
ولو صار والضيف الأمر مو بيده
اعله الشيخ واجب يكفل الشديده
وكل صعبه عن ضيفه بعزم كون ايشيل
بلا خيمه زينب ياعلي وچل الليل
إلحك بناتك بالفله و مضيعات
____
بالكوفة لا ثالث لهم واحد فقط من إثنين
إضيوفك اذا ما ليك إجوا لعداك باچر ماشين
ومو هينه ياحيدر علي بنتك تطب إدواوين
ريت السمه فوگ الأرض أنطبگت گبل هذا الحِين
إشضل يسوه بالعيشه لون هذا صار
چا منهي تِسعد لَون زينب تحتار
ومنهي الي تسوه الغانمه والتبجيل
بلا خيمه زينب ياعلي وچل الليل
إلحك بناتك بالفله و مضيعات
—————-
ادري جساره مني أنه هذا التقدم كله
لزينب أحشمك ؟ يالوصي بس هذي تكفي عِلّه
لاچن وحگ المصطفى لعليه ربك صله
كل هذا من نار الذي إبوسط الگلب مشتعله
نكعد نسولف ياعلي بهظمها
نار بگلبنا وهم نواسي أُمها
ومو بس دموع الراس هم دمه يسيل
بلا خيمه زينب ياعلي وچل الليل
إلحك بناتك بالفله و مضيعات
- أبو زينب علي الظالمي
فرق بلبارحه عــــن كعدت اليوم
جنه بسالفه وناســــــــين الهموم
جنه بسالفه ولمــــــــــــتنه خوان
اليوم بلا زلم كــــل احنه نسوان
شفنه اليوم نار وشــــــفنه دخان
ومطوقينه بكل صــــوب عدوان
حسرات ودمــــع وگليب ملجوم
جنه البارحه نســــــــــامر احباب
وين اليوم صــبخه وكعده بتراب
الجانو ســــــلوئ انه اليوم غياب
شضمنه الوكت وشــوده وشجاب
وگلوب اليــــــــتامه عليهم تحوم
فرق حتئ بســــــــوالفنه گبل وين
وهسه هموم نحجي ودمعه بلعين
ندور وين رايح خنــــــصر حسين
ومن عباس ماخــــــذ وسهم عين
ويم الماي ميــــــــت منه محروم
جبنه الماي يمنــــــه وهسه شفنا
بس البارحه العــــــــــبدالله ردنا
ظامي من العطــش مات وتركنا
ويا مهده حــــــــــــترك بنار عفنا
منعونه نطــــلعه وفزعت الكوم
عدنه البارحه وخــــــيام ودلال
وهسه شلون هذا الحال ياحال
حتئ بنومــــنه ترافگنه الحبال
ومطقــــينه بكل صوب الانذال
وياجفن اليغمض يعرف النوم
#ابو_سلام_الجابري
لاستشهاد الامام الحسين عليه السلام (نصاري ) تصلح نعي اومنبرية
انجلت ياوادم الغبرة بلطفوف
اعيون المرتضى امگطع بالسيوف
وگمر مصيوبه عينه بيمن يشوف
وسبايا والعليل بحبل مچتوف
★★★★★
الغبره ,انجلت صار المنظر ايلوح
لن سبط النبي علغبره مطروح
خيول اعتلت جسمه تلفي وتروح
زينب لاتظن بحسين مجروح
★★★★★
زينب لاتظن مجروح ويگوم
جسمه على الثرى بالخيل مهشوم
لاجرح اليطيب أنچان ملچوم
برض الخيل أبد ماظلت ارسوم
★★★★★
ماعدهم رحم مابيهم إسلام
گوم اتحزموا علباطل احزام
على صدر ابو اليمه تمطر اسهام
ومن بعد السلب حرگوها الخيام
★★★★★
عجب بسيوف مرفوعه يهدُّون
الگبل غير الهزيمه مايعرفون
لوما القدر خلاهم يطيحون
بحسين وعضيده مايمرون
الشاعر حسن لعيبي الحريشاوي
حاچيني ياوجه الصبح .. شيسوي راسك عالرمح
مالايگ اعليك الذبح
ياخويه ياخويه
*
ينور الله ويوجـه العافــيه اليزهر
چنت البارحه مورد وهسه اصفر
اگعـد مو وكت نومك يــبو الاكبر
مروتك حاچي زينب كونك تگدر
أتبــده گــدامك حچي .. بلكت يصحيك البچي
وعينك عليه تنفحت
ياخويه ياخويه
***
ها يا من ضوه الله بجــبهتك شايل
اول تالــي وجــهـك يالاخـــو ذابل
الدم من منحرك فوگ الرمح سايل
يالـكامل اشــو مابــيك شـــي كامل
بخدك اثر حافر فرس .. والدم على الحيتك يبس
مابيك شي مامنجرح
ياخويه ياخويه
***
شفتك من عــسن ميـــته ولاشفتك
من گـــد العطـش متفـــطره شفتك
يالمتــرب يالمــدمه يبـــعد اخــتك
تره اني البارحه موهيچ من عفتك
شو مو على بعضك احس .. مغيرتك هواي الشمس
ماصدگت عني تشح
ياخويه ياخويه
***
استذكرت السوالف ونچفت عيني
احتـرگت اگــبالك ومحد يطفــيني
اذا متعوب لو بـس كلمة حاچـيني
انه زينــب انچــانك انــته ناسيني
خلي السوالف بالنظر .. لاينلجم جرح الحجر
وتدري بحچي زينب ملح
ياخويه ياخويه
***
يوجه العافيــه الچنــك ضـوه المصباح
اليصــبح بيك مــوش ايصــبح ابــذباح
جابوني لعــد رمحــك ضرب وصياح
طحت وي ماشفت راسك ياخويه طاح
شميته نحرك وشهگت .. حاچيني ياخويه صحت
من اختك اتهدم صرح
ياخويه ياخويه
***
دورت الشمس ولگيــتك اگــبالي
مدري شلون ناشو راسك العالي
السيف الحـز رگبــتك ذبح دلالي
يغــالي ومابقــالي بدنيــتي غالي
براسك رمحهم من نبت .. اختك يابو اليمه انتهت
محنيه مكسورة جنح
ياخويه ياخويه
*
حيدر تركي الكربلائي
لليلة الحادي عشر 💔 #اساسية
بيش المّــك ... عندي بس هاي العبايه الساترتني
وين اضمك ... خاف لو غطيك بيها تشوف متني
شلون ألمك وأنت كل وصله بكتر
وبيش اشيلك وانـه هد حليلي الشمر
كون اراويك السياط الكاتلتني
ــــــــــــــــــــــــــــــــــــــ
جيت ونده وين اخوي الدلل اختـه ارد اسولفله علـى الضيم الجرعتــــه
وين وجهه اوين مكَفـاه ماعرفتــه لاعبــات الخيــل ميـدان اعلـى جثتــه
كل شي مابي ينعرف بلكَـوه شفته بس عرفته حسين من عطره وشبكَته
عمت عيني مكَطع وصاير وذر
شمــالهــم ماخلــو لجسمك اثــر
ريتـهــــا ويــاك الحــوافــر وذرتنـــي
ــــــــــــــــــــــــــــــــــــــ
شلون ألمك وأنت كل وصله بنويه
ومخاذات ضلوعك خيول ال اميـه
منيـن مـــا اشيلنــك اطيــح منـديــه
بلّــه كَلــي شلــون اراويـك لرقيــه
نيمتهــا وجيتــك ومـاتـــدري بيـــه وهســــه يمكـن طلعت ادور عليــه
الدمع شكَ خدودها الجانت ورد
وسكتتهــا بجلمـة الهلبت يــــرد
يــــابعــــد كَلبــي ابنـاتك حيرتنــــي
ــــــــــــــــــــــــــــــــــــــ
شيبت راسي شكثر تنشدنــي عنك
ويـــن مااوديهــا تشتــم ريحـه منـك
شرد اكَلها الخيل بالطف طشرنك
ومـدري يـاصوب بحوافرهن خـذك
حتـى يــم خيمتهـا يمكـن وصلنّك
جنه نسمع صوتهن من رضرضنك
تنشــد شمــا ينكسـر منـك ضلــع
عمه ليش منسمع الصوت انوجع
وشيبــت راس الكَـلب مــن نــاشدتـنــي
ــــــــــــــــــــــــــــــــــــــ
خويـه بنتك كَلبت الدنيــا ابحـزنهـا
فات وكت المغرب وفكَدت حظنها
مدري ياهو الجر تراجيهـا منذنهـا
ومـدري ياهو الطاكَهه وورم جفها
حتى فوكَ جفوفها احتركَت ردنهـا
وساحكَه برجليها فوكَ النار اضنها
خويه كسرة كَلبي ملجومه وتون
ذابلـه وحاجبهـا طـايـح ع الجفـن
حسيــن بتـك هدمت حيلي وعمتنــي
ــــــــــــــــــــــــــــــــــــــ
والمهـم يحسيـن بنتــك سكتتـهــــا ونايمه اعلى رماد المخيم عفتهــا
وجيت الم اوصالك وماوجــدتهــا وصله منـك يم علي الاكبرشفتهــا
ووحـده يمكن يم ابوفاضل جستها دنكَت بس مالــي حيـل ومـاشلتهـا
شفت يمها جفوف عباس وطحت
عفيـه ظلت روح بيـــه ومــامتت
ظالــه المن مــامتت مــن ودعتـنـــي
ــــــــــــــــــــــــــــــــــــــ
خنصرك مـكَطوع لــو مشتبهه آنــه الكَص اصبعك ريته لايهنه بزمانه
ويـــن حطه وليش مــارده لمجـانـه شفتـــه لابس محبسك مــن سلبـانـه
وفـوكَ مـاسلبنه طكَنـه وشتمانــه
وين مـارحنـه النذل يفتـر ورانـه
مـاكفــاه جدامنـه الشعبت حـركَ
بلايه وجعت كَلب يتوجه ويطكَ
سلبتـك نفس الجفــــوف السلبـتنـي
ــــــــــــــــــــــــــــــــــــــ
بيش ألمك عندي بس هاي العبـايـه
وآنه محتــازتها بــاجــر للسبـايـه
كَلت اغطيك بعلم ساجي الضمايــه
اتعـذر العبـاس هـم مـاعنده رايــه
والله هدت حيلي يحسين الرزايــــه
خويه نار وخيل ومصايح ردايــه
خويه اجيتك كَوه اجرن بالجدم
حتــى مــابيــاش اردن للخيــم
عفيـه خـوش اجدام عنـدي وشـايلتنــي
رائد الناشي
واويلاه يبن امي. واويلاه يبن امي
وحدي وابن امي رميه صعبه مابين الغرب
الهظمه من شافوني وحدي. امشي واعثر بالدرب
################
يوم حرگوه المخيم. العسكر بلايه رحم
حاله ماتوصف عجيبه وحته جبريل انهظم
أظلمت الدنيه عليه. وجسمي باللوعه الظم
حيره كلهه تصيح زينب. موقف ايدوهن صعب
##############
طولي شافته العساكر. ونار بحشاي اشتعل
مرامه العيون الجرحني. وأبد ماخله أمل
ومن وصلت حسين اخيي. راسه عن جسمه انفصل
من كثر عظم المصايب چا وكع يمه الگلب
###############
مو كسر واحد انظره. دلوعه كلهه مكسره
عله كبر الغاضريه نعمة الله مطشره
چفوفه مگطوعه ابواليمه. ويلي حته خنصره
يانفس طه محمد. دمه يجري عله الترب
##############
اه يارمح ابن كاهن. المنه دلالي انفطر
من مرد ثلثين چبده وطلع ويلي من الظهر
وصدره متساوي ويه ضهره. بيه چم حافر عثر
اخذ كل حيلي ابو الأكبر. ودمعي من حگه يصب
##############
الناس داست نعمة الله. احساس مابيهه انعدم
الدنيا مطرت دم لجلنه وحيل الاسلام انهدم
عاينت روح الزچيه. كلشي منه ماسلم
والحرم ويه اليتامه. ياوسف شبعو ضرب
###############
الخادم عبدالمعين الشمري