7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ابوذيات استشهاد الامام علي ع 💔
اناطر لو أأيس بعد. منطر
يبويه والكلب نصين. منطر
وفجر الواحد وعشرين. من طر
خذاك ولا عطف لحظه عليه
لون مو سيفك الاسلام. ماتم
نصبنه بنص كلبنه اعليك. ماتم
شهر رمضان ليش وياك. ماتم
رحت وعيونه اخلافك جريه
الشاعر. علي الاصبحي
نزال. أستشهاد الامام علي ع
ياعلي ياعلي يا امير المؤمنين
رحت للمسجد يحماي الحمه
لاتروح الكاع صاحت والسمه
الليله نشتم ياعلي ريحة دمه
والمنايه امفتحه بيبانها
ابن ملجم منتظر جيتك تره
الغدر ياحيدر تملك ضامره
ناوي وي السجده راسك يطبره
والهدايه تنهدم اركانها
بقت زينب حايره تقره الفلق
حته دكات الكلب مو بالنسق
حست ابراسك يواليها انفلق
ياحزنها مجرحات اجفانها
كلب زينب يابو زينب منلجم
ليل جنه وجلجل اعليها اليتم
طبرتك تتمنه مو واقع حلم
ياشمسها النورت اكوانها
واليتامه اتناشد ابدمع الصبر
صدك زينب راس ابونه منطبر
ان شاالله يكوم ويرد بينه يمر
واليتامه تندعي بحزانها
باوع الجرحك طبيبك وانسحن
بجه اوكلهم ياحسين وياحسن
كومو من هسه دحضروله الجفن
والمكابر خل تفك ديوانها
خادم علي ع
الشاعر / علي الاصبحي
اوياك ودعت الصبر. واكرهت كل العمر
صارت الدنيه كبر. ها يبويه
__
جفنك من اطبكته بويه ضاع صبري
عيني بعيون السمه ودموعي تجري
يابعد عمري بوداعك شنهوو عمري
ابحالتي المتسر نواظر الله يدري
بكلبي مذبوح الامل. وجمر الوداع اشتعل
دمعي مايطفي الجمر. ها يبويه
اوي الهوه كل ليله الك ابعث سلامي
ومثل راسك ياعلي. امجرح كلامي
ابشوفتك جنت افطر واختم صيامي
افطر ابدمعي بقيت. وكلبي ضامي
جنه نتفطر سوه. ضوه ومكابل ضوه
منين اجت ريح الهجر. ها يبويه
بعد فيك ماكو في يسترلي حالي
روحي ماتت من اثر ضيم الليالي
عيني مشتاكه الضوه عينك يغالي
ويعتني الكبرك مع المغرب خيالي
واطرق بجفي اللحد. رد اصيح او ماترد
وخاف اجرحك اعتذر. ها يبويه
من يجي وكت الفجر اذكر رزيتك
واذكر الدم الترس. شيبة لحيتك
ابكثر بجييك عالنبي. بويه بجيتك
بيك يزهر جان هسه. وحشه بيتك
بغيبتك صار الوضع. حزن وجروح ودمع
الموتي احسب ونتظر. ها يبويه
شلوني من تكلي ماكو لون عندي
كلشي يابويه ابرحيلك صار ضدي
يمي اخوتي ها يبويه ويمي ولدي
لكن افراكك جعلني. احس وحدي
والنعم من الاخو. لجن شيعوض الابو
الحظنك الدافي افقتر. ها يبويه
خادم علي بن ابي طالب ع
الشاعر الحسيني/ علي الاصبحي
جنه نتفطر سوه. ضوه ومكابل ضوه
منين اجه الموت وخذاك
واني ما عندي سوواك
بويه. بويه
الموت اجه غفله وخذاك ويتماني
ويه ابويه كتله اخذني وما خذاني
يتم واشواك اوحزن. ينزف حناني
جفت كلبي الفرحه من وجهك جفاني
يافرح بيه يمر. وانته ممدود ابكبر
فزز اجروحي جفاك
وانه ما عندي سواك
بويه. بويه
الخنسه لو تنظر عليه. ابحيره تبكه
صرت من هجرك يبويه. جني وركه
الراح عن عيونه ابوه. شيسوي حكه
الابو خيمه اوفركته. ما منها فركه
الوالد افراكه كلف. والله لا ما ينوصف
رحت من موتك دعاك
واني ما عندي سوواك
بويه. بويه
يرجع اليمشي ابسفر. شووكه يرده
ولجن شيرجعه الينام ابوسط لحده
الما يشوف بصبحه ابوه. ميت نعده
جرح ال مفاركله ابو. محد يضمده
من عسن كبلك متت. اولا الم هجرك عشت
تدري اموت بلا هواك
واني ما عندي سوواك
بويه. بويه
إن جان ناوي ترتحل . ما تبقه يمي
فدوتك وصل سلامي. بويه لمي
احجيلها من اتركتني. اشكبره همي
والاسيره يصير باجر. كلها اسمي
اوياها رايح تجتمع. وانه اعيش اعله الدمع
كلبي مو جفني البجاك
انه ما عندي سوواك
بويه. بويه
رايح واطلب رجوعك. يوم الطفوف
من عله احسين اتجمع كل السيوف
من ابو فاظل اشوفه ابغير الجفوف
من شمر يحرك خيمنه ريتك تشوف
باجر امشي للسبي. حادي ضعني الاجنبي
هناك اريد انظر ضواك
وانه ما عندي سوواك
بويه. بويه
خادم زينب ع
الشاعر / علي الاصبحي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
يابو فـاضل هاي زينب أمّـانه
.....................
ها عباس يـا أولــيدي بعيونك تُضم زينب
من أطيح الك چفّين أخيك يرجع أمِحدّب
من يرجع أخوك حسين لكن حيل متعذب
تسئل وينّه كفّالي أحســينّك يضّل ينحِب
مـــــــن أطيح الك چفّين
يرجِع محني ضهره حسين
صاحـــت ها ينــور العين
كِفالي وين ..خويه حُسين
يابو فـاضل هاي زينب أمّـانه
.....................
ماريد الــعِدّه تشاهِد أخيك منكِسر ظهْره
لأن بعدك يـــبوفاضل يحزّون العِدّه نحْره
لحيته شيب ماكلهه من دِمّه صِفّت حمْره
هاوِن خيلهُم وحسين هيل وفاح كل عطره
وبصــدره تـِدوس الخيل
مايبـقه بِـــــعد كِل حـيل
من كل جسـمه دِم أيسيل
فوك الجِراح .. أسيوف او رماح
يابو فـاضل هاي زينب أمّـانه
.....................
ماشافت خيّال بيوم ماتشوف العِدّه ضلهه
من تهوه عِله التربان العِدّه عبّاس تضربهه
والي زاد بيهه أمصاب نـادو ماكـو كـافـلهه
فوك العين ياعباس هاي أعداك تسـطرهه
تــذبحه المـسهه بحـچايه
أفـياي الزينـــــب الـــرايه
مـثلك هــــيّه وفّــــــــــايه
زيـنِب تحــير .. كافِل تصّـير
يابو فـاضل هاي زينب أمّـانه
.....................
لـتوصّيني بويه أبهاي زينب هيّه فُص عيني
أذا ماجيبن آنـه الماي الهـه أنطـي چفّـيني
مـن أنضر دِمـوع أيتام بـويه حـيّل يـاذينـي
وحقّك ياعــلي الكـرار ما أترك آنه أحسيني
لتــوصيني بـويه بهــــاي
لـوّن أحسـيني راد الماي
أذا مـــاجبته أذب چفّاي
بذيـج الطفوف .. أنطي الچِفوف
يابو فـاضل هاي زينب أمّـانه
.....................
شلون أترك اخوي شلون وآنه حامل الرايه
آنه أبن الشِطر مرحب زلمّه أيمسّه بحچايه
لوّن أشرلي صوب الماي أجيب النهر ويايه
مّن أهوّه عِله لتربان يصيرون العِدّه أهوايه
عـِبّد صبِّحت بچـــفوفه
حــِته بمــوتي مــاعوفه
مــــن الشـام للــــكوفه
فوك الرِمـاح .. راسي أسترّاح
يابو فـاضل هاي زينب أمّـانه
.....................
علي محمد السـاعدي
السنه ياعيد المن جاي النه شلنه بجيتك وغياب اهلنه
وين بويه علي وين بويه علي
***
المن جايني حاجيني ياعيد
اهمومي من تشوف اهلالك اتزيد
علي هاي السنه عن زينب بعيد
راعي البيت شايل مني شتريد
تعبت من الفراگ وگلبي مشلوع
شحصلت بفرگته غير الدموع
ياعيد السنه اتهدم صرحنه شلنه بجيتك وغياب اهلنه
وين بويه علي وين بويه علي
***
علي خيمتنه وشگد جان متعوب
وجان البيته يرجع وكت الغروب
صارت مغربيه وهيمه الدروب
جم دوب اصبر عله افراگه جم دوب
يرد لابد البيته الابو لو غاب
وانه الظليت عگبه لازمه الباب
صحت ياعيد بله ابتعد عنه شلنه بجيتك وغياب اهلنه
وين بويه علي وين بويه علي
***
اجه العيد واهلنه السنه غياب
وبعد ماضن يجون ويندك الباب
ياعيد النحبهم حدر التراب
نعايدهم نريد وموته الاحباب
يگاع المگبره شگد ضامه اعزاز
والييفارگ عزيز بجرحه يمتاز
تجينه ومن تجي تلجم جرحنه شلنه بجيتك وغياب اهلنه
وين بويه علي وين بويه علي
***
علي بويه عفتني وضيعتني
وبيدك للمصايب سلمتني
رحت عني يبويه وشيبتني
وما تدري بغيابك عذبتني
يالمفارگني نجمه وعافها الليل
ما تدري شكثر مشتاگه الك حيل
يعيد اعله المشو اگطع الضنه شلنه بجيتك وغياب اهلنه
وين بويه علي وين بويه علي
***
علي استقبل العيد ابدونك شلون
وشگل للناس باجر من يعيدون
وشگلهم بويه عنك من ينشدون
اگلهم بالمگابر علي مدفون
علي مات وظهرنه عليه مكسور
ونعيد هالسنه مابين الگبور
من بين اهلالك موت شفنه شلنه بجيتك وغياب اهلنه
وين بويه علي وين بويه علي
***
يراعي البيت بعدك اظلم البيت
مو جرح بدليلي اجروح خليت
يوجه العافيه الشوفتك حنيت
دخيلك ياعلي من الفرگه مليت
جبيره امصيبتي وكتلتني الضنون
ومن كثر البجي ماظلت عيون
صحت ياعيد عگب اهل المحنه شلنه بجيتك وغياب اهلنه
وين بويه علي وين بويه علي
***
تمت
ميثم العمري
يا ابو المحنه لا تمشي عنه
يا بعد اهلنه مو وكت الفراگ
الدنيه ظلمه بدونك ومو حلوه عگب عيونك
***
الابو خيمه وعلينه شكبر فيه
حلوه من يرجع البيته المغربيه
جبير بحنانه شيعوض مكانه اخافن نسانه شيحمله الغياب
الابو ماكو منه تركنه بحزنه من ابونه انحرمنه اندفن بالتراب
الدنيه بغيابك تعبتني
وكثرن اجروحي من عفتني
تمر الليالي وانته عله بالي
شگد عندي غالي ما صدك تروح
ايتامك ايريدونك ومو حلوه عگب عيونك
****
هذا ابوي الماكو بالدنيه بغلاته
الحنين الابد ما زعل بناته
رحل وبرحيله متت ليله ليله ردت اشتكيله عله ضيم السنين
صحت حن عليه بعد ياهو اليه يبويه شبديه كتلني الحنين
اهوايه مشتاگه يمته اشوفك
ارد اشبگنك وما اعوفك
فگدك هضمني وهجرك لجمني
لمن تضمني اترد الي الروح
عن زينب ايبعدونك ومو حلوه عگب عيونك
*
العيد اجانه وهالسنه خالي من الاحباب
وشلي جا بالعيد واهل العيد غياب
اهلنه الجفونه بعد ما يجونه اضنهم نسونه ودربهم بعيد
نظل بذكرهم ونحن الصورهم ونروح الگبرهم اذا مرنه عيد
العيد هالجانه وجينه ليكم
عيد المبارك بس عليكم
اگعدنه بكتركم ونشتم عطركم
انحاجي بگبركم بس ما تردون
الكل تصيح شلونك ومو حلوه عگب عيونك
***
جنت ورده وانته الي ياحيدر الماي
الورده ذبلت من عفتها وتعبت اهواي
انكسر عودي بعدك وهدم حيلي فگدك يبويه شيردك تعبت بجفاك
الي خيمه انته وحنانك فگدته تره الموت شفته يحيدر وراك
بويه عشرتنه احله عشره
وما بقه منها غير ذكره
يالفارگتني عدمن عفتني
مو ضيعتني ومليت العتاب
ماريد اخيب اضنونك ومو حلوه عگب عيونك
***
بليلة افراگك علي صرنه يتامه
ومن بعد عينك عله الدنيه السلامه
يبويه اجمعتنه بحزن ودعتنه علي ضيعتنه يروحي وهواي
يماكو بحنينك كتلني ونينك درت ليه عينك وكلتلي تعاي
گتلي يبنيتي حضري روحج
بكربله باجر كل جروحج
اكبر مصيبه الجثه السليبه
وزينب غريبه ومذبوح الحسين
شفتك تغير لونك ومو حلوه عگب عيونك
****
ودعتني وحيل بويه حيرتني
ليش تحجي وياي وايديك عله متني
ونظرتك اليه احس مو خليه اروحن سبيه وبديه الحبال
تگلي بسبينه الشمر يحدي بينه اصيح انولينه يبويه تعال
الكل يصيحولج يالسبيه
وتسحك حسينج اعوجيه
ينحز وريده وماهو اصبع ايده
هوه وعضيده روس عله الارماح
يم زينب ايخلونك ومو حلوه عگب عيونك
*
تمت
ميثم العمري
حاجيني حاجيني . حيدر ياعشگ الروح
حاجيني حاجيني . وطيب گلبي المجروح
ياروحي ياروحي . حيلي يروح من تروح
،،،،،،،،،،،،،،،،،،،،،،،،،،،،،،،
فاطمه انه ام البنين الهدها الصواب
مو هذيجه فاطمه العصروها بالباب
طيحتك جرحت دليلي والگلب شاب
ابو اتراب الليله وجها صاير اتراب
يالتحبني وانه احبك
هاي اول مره يمي تگطع الصوت
ياحبيبي الفرگه تذبح
تفك عينك لو سويه ياعلي نموت
باوعلي باوعلي . يالفگدك شيبت راس
باوعلي باوعلي . يالغالي انه ام عباس
ياروحي ياروحي . ياعطر البعده يفوح
،،،،،،،،،،،،،،،،،،،،،،،،،،،،،،،،،
ارجع وخليها ترجع ذيج الايام
يالخذت عشرت عمرنه طبرت الهام
يالشلت خيبر يغالي ابطرف البهام
ياعجيبه الليله گوه تشيل الجدام
فكلي عينك خل اشوفك
من تغمض انه اغمض ياعلي وياك
روحي انته وانته عيني
ياهو اليقنعني لحضه بموتك انساك
ماذيتك ماذيتك . جروحك يابعد الشوف
ماذيتك ماذيتك . ياكعبه وروحي اطوف
ياروحي ياروحي . ذابح حلمي المذبوح
،،،،،،،،،،،،،،،،،،،،،،،،،،،،،،،،،،،،
نمت مرتين ابوساده وگاطع الصوت
مره بفراش الرسول وهسه للموت
ونومتك هل مره صاير بيها تابوت
وهجرت الضحكه الجبيره من البيوت
هاي هجره ابلايه رجعه
ياعلي ولاساعه راح انسه وجعها
فده اخذني وياك فدوه
لاتعوف ام البنين ايهل دمعها
تاخذني تاخذني . حيدر لو تبقه وياي
تاخذني تاخذني . عطشانه وشوفك ماي
ياروحي ياروحي . صعبه نضرلك مطروح
،،،،،،،،،،،،،،،،،،،،،،،،،،،،،،،،،،،،،
بكربله تفكيرك ادري وهاي الدموع
الياجرح واليامصيبه تبجي وتلوع
باجر الخياله باجر تسحگ اضلوع
اطيح خيمه وعالهزايل تطلع شموع
لاتفكر بيها باجر
الخيم لو مرها العطش وتزايد الخوف
عدها كافل هاذ اخوهم
ايجيبه ماي العلگمي لو يگطع جفوف
ناذرته ناذرته . خادم التراب حسين
ناذرته ناذرته . الزينب يگطع جفين
ياروحي ياروحي . گلبه الزينب مفتوح
،،،،،،،،،،،،،،،،،،،،،،،،،،،،،،،،،،،
لاتوصيني اعله ولدك روحي يمهم
ياعلي بگد ما احبك والله احبهم
انه مو علويه بس احسبني امهم
افتخر خدامه اصيرن انه عدهم
لاتوصي يابو گلبي
والله ولدك ذوله اعز من كل بنيني
عمري فدوه يبقه الهم
بروحي اشيلنهم اذا ماتكفي عيني
تستاهل تستاهل . عيوني وعمري الطاريك
تستاهل تستاهل . حيدر بالروح افديك
ياروحي ياروحي . بس لا تدمع وتنوح
العبد ابوفايز الرافضي
........
الفاتحه على روح والدي
الهي اعليك اقسم بخت الحسين
تطفّيني أمنوجّن بخت الحسين
يهنياله اليحصّل بخت الحسين
ويهنياله العليه تستر رقيه
.
الشاعر محمد حسن ضيغم
/channel/alnaay2022
لاستشهاد أمير المؤمنين علي بن ابي طالب عليه السلام
دومك ياعلي كل الفخر انته
دين الله ومحمد سيفك أمثَبتَّه
★★★★★
نهض دين الرسول بسيفه وبعزمه
وماخاف السيوف أطالب ابدمه
مذلول الخصم من صورته واسمه
ومن خله العدو محتار كل وكته
دين الله ومحمد سيفك أمثَبتَّه
★★★★★
يااول فدائي چنت يابوحسين
بلرمحين رامي وضارب ابسيفين
يَلرَدَّت الك هاي الشمس مرتين
نذر عمرك الدين الهادي قدمته
دين الله ومحمد سيفك أمثَبتَّه
★★★★★
يااول فدائي اكرم ابروحه
حتى المصطفى لا نايبه اتلوحه
حناجر بلنزال تنادي مبحوحه
سَكَّتهَا عليْ المايعرف السَكتَّه
دين الله ومحمد سيفك أمثَبتَّه
★★★★★
خاواك النبي من دون كل الناس
ماساواك بأحد بيك من ينقاس
كفو يابوالحسن وحسين والعباس
چم طاغي بضواري الحرب جندلته
دين الله ومحمد سيفك أمثَبتَّه
★★★★★
ماخفت الأفاعي البلظهر تلدغ
صابر علعذاب من النبي امبلغ
هاي اعداك من الحقد ماتفرغ
صبر ايوب وأكثر بلگلب شلتَّه
دين الله ومحمد سيفك أمثَبتَّه
★★★★★
چم محنه لفتلك من بعد محنه
جيوش من المنايا عليك تتعنه
خسر من حارباك وفزت بالجنه
زمانك بالصبر مولاي شَيَّبتَهِِ
دين الله ومحمد سيفك أمثَبته
الشاعر حسن لعيبي الحريشاوي
شهادة امير المؤمنين
بس حاچيني وخفف همي يابو حسين
راسك لوگلــبـي المتــدمي يابو حسين
نيران السكـــتــه اتچــويني
الخاطر ظلع امي اتحاچيني
راسك لوگلبــي المتـــدمي يابو حسين
-------
يالچنك هـــوه الــريه .. علامـــك ماتــمر بيه
يالــتتـــبده حنــيـــه
تعـال
شو يابالحسن سكته .. مو طبع السكوت انته
چا يمته الحچي وكته
سؤال
احسبني وحده من الايتام
الراسي امســح قبل متنام
انته اكثـــر شخــص تدري
اشضــامتلي بــويــه الايام
من تغفه اعيونك يعيوني يابو حسين
الوادم بالطف ايســلبوني يابو حسين
ايذبحون الچــان ايحامينـي
الخاطر ظلع امي اتحـاچيني
راسك لو گلبــي المتدمي يابو حسيـن
----------
انچان امن الحچي تتعب .. گلي حــتلو زينب
تـطفي ابداخلــي التلهب
عليك
حرگت نـــارك اضلوعي .. وما أذاك مـوضوعي
امن الون وصلت ادموعي
لديك
يوجــع المـلـچـــوم هالليـل
وتــدري بيــه مابقــه حــيل
بعــد منــتظــرتني الطفـوف
اهناك خدري اتفرهده الخيل
ماجاسـت گلبــك وناتي يابو حسين
اگعد گوم امسح دمعاتي يابو حسين
من متـــجاوبنـــي اتــأذيني
الخاطر ظلع امي اتحاچيني
راسك لو گلبي المتدمي يابو حسين
----------
يالداخل حصن خيبر .. ويمسوي الزلم معبر
امسبل ايديك ياحيدر
عجيب
گلبي اتســله من نارك .. لامــتطــمن اخبارك
مامعـــقوله عـــن دارك
تغيب
انته روحـي ولمــن اتــروح
تنــحسب زينــب بــلا روح
بگد جرح راسك يبو حسين
گمـت احـس دلالي مجروح
ماتنسه ادريك وماناسي يابو حسين
ياليــوميه اتقــبل راسي يابو حسين
شو هــاي الـمــره مخلــيني
الخاطر ظلع امي اتحاچيني
راسك لو گلبي المتدمي يابو حسين
---------
يبو سالوفة العذبه .. گلبي تقبل اتعذبه
يامن روحتك صعبه
وعذاب
زينب انته غالــيها .. هيچ ايصير تاليها
اتروه مــن بواچيها
التراب
حالي بعدك والله مـــو حال
اهموم هجرك كلـــش اثگال
البيـت وحشه ياخذ الحــيل
عمري عگبك كــونـه ماطال
بس فك اعيونك وانصفني يابو حسين
متــأكــده لا ما تـــعـــرفني يابو حسين
مصابك مو انــي مســويني
الخاطر ظلع امي اتحاچيني
راسك لو گلبي المتــدمي يابو حسين
-------
يالتارس ضوه ايامي .. گبالي وگلبي الك ضامي
شحالي وانطر احلامي
بعيد
مامتعـــوده ماشــوفك .. كمـــل بــويه مـعروفك
تمش اخدودي بچفوفك
اريد
مايضل لي باچــر احبــاب
وتدري ما اتحمــل اغيــاب
اشلون بيه اهناك اذا شوف
ابكربله اخــوانـي عالتـراب
اقســـملك جفـــني ماينـشـــف يابو حسين
اشلون اسكت ومتانيني الطف يابو حسين
الــموت ابكـــبره مينســيني
الخاطر ظلع امي اتحاچيني
راسك لو گلبي المتدمي يابو حسين
-------
حيدر تركي الكربلائي
لشهادة امير المؤمنين ع
.
.
.
كافـي مـوكـسرتي الظلوع
بـويه زينب بـسـچ ادمـوع
دمعتچ چنها نـهـر .. خلـت ابخـدچ أثــر
بـويـه زينــب
_
اشـبيـچ يابـويـه يـزينـب ليـش عيـنـچ حـمره
ليش كل هذي البواچي ابراسي بس هالطبره
شلـون لـو شفتـي اخـوچ حسين فوگ الغبره
وبذنـچ اتسـمعين مـن الـخيل تطـحن صـدره
گلبچ ابهالساعه شـيگول
لـَمن اتشـوفين الخــيول
اتساوي صدره اويه الظهر .. خلـت ابخـدچ أثـر
بويه زينب
_
ليـش كل هـذي البواچي وانـه يمـچ گـاعد
آلمـتـني ادمـوع عيـنچ بـويـه الله الـشـاهد
ارد انصحچ بويه زينب ابچي بس الـواحد
الشمر لوشفتيه يبويه فـوگ صـدره صاعد
حتــى لـو تعــمين العــيون
للحـسين اعـيـونـچ اتهــون
ادري دمعات النظر .. خلـت ابـخــدچ أثـر
بويه زينب
_
جرحي بس واحـد يزينب بـويه لا مو ميه
وحرگت اخدودچ دموعچ بالبواچي اعليه
اشلون اخوچ اتشـوفه عينچ جثته مرميه
من يصـيح الشـمر بسمـچ يالله يالمـسبـيه
وانتـي مـوبـيـدچ تظـلين
اويه الشمر لازم تـروحين
اتمَوت اجروح الدهر .. خـلـت ابـخـدچ أثـر
بويه زينب
_
انــه للــعبــاس گتــلــه بـويــه لـَـتخلـــيها
اختك امن اتريد ماي امن العيون ارويها
بـويـه زينب والـشريعـه بالـچ اتگـصديها
رايحـه العباس اگـعـده فــدوه لتـگـوليها
يستحي مگطوع الچـفوف
عالشريعه طـولچ ايــشوف
وظهره الحسين انكسر .. خلــت ابخـدچ أثـر
بويه زينب
_
جرحي بس من صوب واحد ينزف اتشوفينه
ولجـل جـرحي دمــع عـينچ من دمــه اتهلـينه
حســـين باچــر عالتــراب امطــبر اتعــوفـينه
اچفــوفــچ امـربطه بويـه وبـيمـن اتــداوينه
عـلى جسـمه من تمـرين
مــا الومــچ لوتمــوتــين
الظعن من ابجسمه مر .. خــلـت ابخـدچ أثـر
بويه زينب
_
اخوانچ ومن تغفه عيني جسمي ميتركونه
ابـچـي عالـيـبقه ثــلاث ايــام ميــدفــنـونه
عــادت الميـت يبــويــه بـچــفــن ايلـــفونه
وبـس الحسين ابحــصيـره لـَمـن ايچفنونه
يختلف عالمـوته الحسين
لاغـسل وبـلايه تچـــفين
ابدفنته جاچ الخبر .. خــلت ابخــدچ أثـر
بويه زينب
__
تمت والحمد لله في ١٤ / ٦ / ٢٠١٧
حيدر تركي الكربلائي
يا سيد الزمن .. يا حيدر
يا كاشف المحن ..يا حيدر
يا صاحب الحقائق .. مولا
يا اغلى كل وطن .. يا حيدر
علي ..وريث الانبياء
علي .. امام الاتقياء
علي الاسد علي الفحل
علي .. ختام الاوصياء
سراج المعموره .. علي الاكرم علي
وجوده بكل سوره .. امر محكم علي
عظيم او من نوره .. علينه انعم علي
:
:
يا صادق الوعد .. ياحيدر
يا حاضر الشدد .. يا حيدر
يا دائم الفضائل .. مولا
يا خير ما وِلَد .. يا حيدر
علي .. امير المؤمنين
علي .. شفيع التائبين
علي الضوه علي الدوه
علي .. دليل التائهين
دخيل اسمه الاشرف.. ولا ينحد علي
وجوده بكل مصحف .. ذكر أتلد علي
علي العالي الاشرف .. رزق ممتد علي
:
:
يمحيّر الفكر .. ياحيدر
يا خالد الذكر ..يا حيدر
يا محيي الشريعة.. مولا
يل اسمك العَطِر .. يا حيدر
علي ..ربيعٌ لليتامه
علي ..اله يشهد لثامه
علي الامل علي الوطن
علي.. دوه الفقره كلامه
امام الما مثله ..نزل واحد .. علي
عظيمٌ والأعلى.. نبع خالد .. علي
علي امن الجنة احلى .. هو الوالد.. علي :
فاضل عباس الخزاعي
لأستشهاد الأمام علي ع على طور حيدر علي بهداي ملا أبو بشير النجفي
شمس الله يالرديت .. رد المنيه ..
لو للزهره أشتاكيت .. هاي المسيه ..
يا علي للمحتار ..
أنت الوطن والدار ..
رد المنيه ..
.........................
بعازت حضنك بهاليوم زينب والحسن وحسين
غيمه الدمع يالكرار ظل يمطر على الخدين
الموادع صعب وياك دخيلك لا تغمض العين
تبجي أبابك الأيتام ليلة واحد وعشرين
انهض ياداحي الباب .. وأنظر أيتامك ..
ينزف جرحك ماطاب .. بآخر أيامك ..
والدمع ظل مدرار ..
أنت الوطن والدار ..
رد المنيه ..
................................
ريض يالنويت تروح اليتامه تصيح والفقره
بأغيابك نكضّي الليل بنوح وآآه وبحسره
علينه من يدك الباب ورزقنه جايبه بكتره
لاترحل يداحي الباب عليك الطاهره الزهره
عليك الزهره لتروح .. نحتاجك أحنه ..
الليله الحلم مذبوح .. وأحنه انذبحنه ..
أسّوت بينه الأقدار ..
أنت الوطن والدار ..
رد المنيه ..
........................................
مثل عازت عطش للماي ياحيدر ألك عازه
فضلك كلها تشهد بيه المثلك بيش يتجازه
من شافك جبير الموت كام وياك يتوازه
تنحط بالكلب والعين اشلون تشيلك جنازه
ليلة قدر ونريد .. شوفت اعيونك ..
ولا يمر بينه العيد .. ياعلي بدونك ..
وينك ياحامي الجار ..
أنت الوطن والدار ..
رد المنيه ..
.......................................
علي أنت الهوه منتروح دنيانه تظل خنكه
لو مات الجذر مطبور حتمن تذبل الوركه
علامات الفراك هواي وأحنه بعازة الملكه
وجهك ذابل أصفر ليش شفايف يابسه وزركه
آخر وداع وياك .. يابو المحّنه ..
ياحيدر ماننساك .. جرحك جرحنه ..
يالجنت للمختار ..
أنت الوطن والدار ..
رد المنيه ..
......................................
من طبع الجروح تطيب بس جرحك فلا يشفه
ظل ينزف لحد الموت يا حيف و ألف وسفه
حيدر من يروح وياه تمشي الرحمه والرأفه
صح الموت أمر محتوم لاكن فركتك كلفه
مانحتمل فركاك .. ريض يغالي ..
ياعلي نترجاك .. ماعدنه والي ..
بس أنت يالكرار ..
أنت الوطن والدار ..
رد المنيه ..
........................................
مصابك خله بينه جروح لا تنّعد ولا تحصه
كلب المحب هايم بيك وأنت ياعلي بنصه
خيرك عاليتامه يدور كل واحد أخذ حصه
شما تنطي تحس خجلان تمطر مستحه الكصه
ياعلي الليله الموت .. يذبح حلمنه ..
لو شالو التابوت .. ياهو اليلمنه ..
نصير خلافك طشار ..
أنت الوطن والدار ..
رد المنيه ..
.......................................
حسين بهالوضع محتار يجر بالكوه بأنفاسه
يعاين راسك المطبور وجرحه بكلبه وأحساسه
يريدك بالطفوف وياه لمّن ينكطع راسه
وبصدره تدوس الخيل وبلايه أجفوف عباسه
يريدك تغمض العين .. بيدك يحيدر ..
صبرك أتجيبه أمنين .. وأبنك أموذر ..
بالخيم تلهب نار ..
أنت الوطن والدار ..
رد المنيه ..
.............................................
حيدر مطر العبادي
ابوي وخيمتي. ضواي بدنيتي
رحل وبعيني اصبح ميت النور
احس رمضان صاير جنه عاشور
ابويه الكله رقه وكله احساس
روحه عايفها يفكر دوم بالناس
سخي مارد اليطلبه حته انفاس
ليش يتجازه حنانه بطبره عالراس
جبيره امصيبته. جريحه هامته
يون موسى المصابه بجانب الطور
احس رمضان صاير جنه عاشور
انه حسينك يبوبه سولف وياي
سكوتك هذا خنجر كطع اعظاي
يبويه أأمرني كلي جيبلي الماي
اجيب الماي وركض ركض حفاي
حياتي بشوفتك. اموت بموتتك
تركها الموت كلها او يمك ايدور
احس رمضان صاير جنه عاشور
بعد هذا الحجي حيدر كعدله
رغم جرحه شبك ابنه ويقبله
يبويه احسين لا تبجي يكله
افكر بيك انه. الطبره سهله
يمهجة فاطمه. المصايب قادمه
كأن يحسين اشوفك ونته مغدور
احس رمضان صاير جنه عاشور
جن اشوفك منذبح والخيل يمك
تعوف كل الكاع تسحك فوك جسمك
راسك ايشيله الشمر ويشتم امك
وزينب او باقي الحرم يوليها خصمك
عظامك تنكسر. واصبعك ينبتر
وابو فاضل عضيدك جفه مبتور
احس رمضان صاير جنه عاشور
انه بجفكم يبويه نعشي ينشال
وعله موتي دمعكم من دمه سال
لجن بالطف يبويه يصعب الحال
بلايه اثياب تبقه فوك الرمال
بحرارات الضهر. خدودك تنصهر
وعليك ابجنة الله تلطم الحور
احس رمضان صاير جنه عاشور
خادم علي ع.
الشاعر الحسيني / علي الاصبحي
نزال. أستشهاد امير المؤمنين ع
كلبي مغرم بالصميده
عن قناعه وعن عقيده
الله لجل عيون حيدر ياخلك سواني
شلون يردوني اعوفه واعتني للثاني
غير حبه وداعت الله ما اكو بوجداني
اشهد أن عليا هذا ورد الساني
روحي بمحبته عنيده
عن قناعه وعن عقيده
مو مهم عندي التسلسل مايشكل دافع
حب علي بشرياني يمشي وبمحبته قانع
بس كلام الحك اكوله لون روحي اتنازع
علي بأمر الله ومحمد اول ومو رابع
القصه معروفه وفريده
عن قناعه وعن عقيده
غير ابو الزهره محمد والله لا مالك نضير
يا امير المؤمنين اوما يجي مثلك امير
دولتك جانت امان اوعايش بخير الفقير
تجوع انت وجت تطعم حته التأسرو اسير
هوايه افضالك عديده
عن قناعه وعن عقيده
عايش بخيرك يحيدر ما اعوفك مستحيل
بالعقل لو ردت اعوفك وين الكالك مثيل?
جدمي ابترنه وحكك كون عن دربك يميل
هوايه يامولاي انت وكلشي بالدنيا قليل
الدنيه عن علمك بعيده
عن قناعه وعن عقيده
لأخر انفاسي وحياتي ابقه انادي ياعلي
ما اعوفنك يحيدر خله يحلم عاذلي
حته لو اتخير انه ابهالخيار الما يلي
بين اهلي وبينك انت راح اعوفنهم هلي ❤️
الما يريدك ما اريده
عن قناعه وعن عقيده
خادم امير المؤمنين ع
الشاعر/ علي الاصبحي
مقدمه. أستشهاد الامام علي
ابو الروح الحنينه. رحل من بين ادينه
غفه مابين التراب. يكلبي كثر العتاب
مات ابويه مات ابويه
راح ابو الضحكه التسكن كل الالام
راح ابويه الجان هوه شمس الايام
يا جفن يرفض دمعته ويقبل اينام
جربة العباس كلبي وفركته اسهام
اعز ناسي يناسي . مشه وشيبلي راسي
شصد بعيوني عالباب. يكلبي كثر العتاب
مات ابويه مات ابويه
والله مشتاك اكعد وياه بس ثواني
ارد اخبره ابغيبته اشسووه زماني
شوفة اعيونه صفت كل الاماني
الموت ليش وي الاحبهم ما خذاني
صرت ادعي بقنوتي. يعجل ربي مووتي
الكبر ماخذلي الاحباب. يكلبي كثر العتاب
مات ابويه مات ابويه
الراح ابوه ياكلمه تشفيله جروحه
ويه كل مغرب تروح الكبره روحه
راح ابويه وسري ال يابير ابووحه
وجبل احلامي وسف ميته سفوحه
ردت يرجعلي مره. وذب روحي اعله صدره
واهل دموعي تيزاب. يكلبي كثر العتاب
مات ابويه. مات ابويه
اليمه ابوه خل يشكر الله الف مره
ابلا ابو هالدنيا تصبح. والله مره
المنكسر بوداع ابوه. ياهو اليجبره
كل صبح تلكاه يموت ابأثر حسره
يرمضان الكرامه. شفت بيك الندامه
برمح دلالي انصاب. يكلبي كثر العتاب
مات ابويه. مات ابويه
انروحلك انه وخوتي. بويه فدوه
يالجنت خيمه علينه وجنت سلوه
كبل وياك الليالي. . بويه حلوه
حيلي راح وماكو الي. يابويه تجوه
عجب مترد علينه. بلا خيمه بقينه
جرح فكدك ولا طاب. يكلبي كثر العتاب
مات ابويه. مات ابويه
خادم امير المؤمنين ع
الشاعر / علي الاصبحي
استشهاد الامام علي ع 😭
قصيده ع وزن قصيدة عمار الكناني( يخيمات)
يبو حسين. اليتامه الليله مهظومه يبو حسين
الملائك كلها تبجي والقرائين
عله افراكك تنوح الدنيا والدين
_
الليله علي راسه انطبر والنايبه اشكبرها
الليله السمه ابلايه ضوه ومفاركه كمرها
زينب لمن جاها الخبر كرهت تره عمرها
نكسرت مثل كسر الغصن ماينجبر كسرها
بالاهات. صاحت ياعلي وينك بالاهات
عليه انطبكت اشعرها السماوات
كالو مات ابوج وصحت ما مات
__
الكوثر تون والفاتحه وسورة نبأ حزينه
ناحن سوه هذا المسه. الكوفه والمدينه
بجنته ونصب لجلك عزه المصطفى نبينه
ورغم الكسر تلطم صفت الطاهره الحنينه
عالضلوع. تدك الزهره ياحيدر عالضلوع
ونين ام الحسن هليله مسموع
عله خدها غزيره اتطيح الدموع
__
اركان الهده انطبرت تره وي هامتك يحيدر
حته الحجر ينحب صفه ولون الوطن تغير
يالتبتشر وكت الحرب وجهك وسافه اصفر
كل لحظه ويشوف الجرح دكتورك ايتحير
بلا صوت. الطبيب يسولف بعينه بلا صوت
لبوكم كال حظرو الليله تابوت
اشبعو شوف منه ساعه ويموت
_
يمرجف اكلوب الزلم ترجف عجب ادينك
لو رت تكوم اعله الارض لازم تحط يمينك
فوك الجرح جرح الهجر. وموادعك بنينك
يعين الله الحسين وحسن ياحيدر ويعينك
يحملون. اخاف افراك وجهك ما يحملون
يموت ابلايه كمره ياعلي الكون
واخاف ابفركتك ولدك يموتون
__
يا بالحسن من ترتحل ترحل تره السلامه
ياشجره وفراكك كسر كل واهس الحمامه
ايتام النجف بعدك صفو اي من صدك يتامه
فكدك صعب واصعب وشد من موعد القيامه
يفركاك. يحيدر يكسر احبابك. يفركاك
يتيم اللي قبل يتنفس اهواك
ايتمنه ايموت هوه الليله وياك
__
خادم امير المؤمنين ع
الشاعر الحسيني/ علي الاصبحي
قصيدة ( باچر عاشور ) وصية الامام علي إلى السيده زينب عليها السلام
وصاني حيدر يا زينب باچـــر عاشــور
باچر عينچ بالطف تنظر مذبـح النحور
تسهل هل الطبره يا بــويه الحره
باچر عينچ بالطف تنظـر مذبح النحور
**
نظـــر دمعــي ابــوي وگلــي يــا زينـب
گلبـــچ ادري بي مثــل الجمـــر يلهـــب
انفجعتي بيوم شفتي شيبي المخصب
بـاچــر بالطفــوف يمــرلــچ الأصـعب
باچر خيل أتشوف اعيونچ عگب الخوان
ومحتاره بأيتام وعيله ورَكضــت نسوان
وأّخيــمْ مستعره يــــا بويه الحره
*
دمعتـچ گـال ظميهـا لظهــر عاشــور
يــوم التنظر أعيونــچ گطيعـه أنحور
تهون الطبره باچر چم جسد مطبـور
واظلــم ليلــچ ومــا بي يزينـب نــور
باچر ظلمه وليلچ يــرهب عگب العباس
باچر مفجوعه ومسلوبه مــا بين الناس
وبآه وحســره يــا بويه الحره
*
طبيبي ضمد اصــوابي وگطــع نــزفه
تشاهـد باچــر اعيونــچ صـــور كلفـه
بصدر حسين خيل ادوس يـا وسفـه
واخــوچ الكافــل يطيـح بغـدر چفـه
چــم صـوره يشاهـد دلالـچ يــا زينب آه
فوگ الغبـره حسين مگطع تغسل بدماه
ومرضرض صدره يا بويه الحره
*
عد راسي مــن أمــوت اليـوم أولادي
وللتشييــع باچــــر صحبتــي أتنــادي
وصريع حسين وحـده وجـده الهادي
وسبــي للشام بيكم يحــدي الحــادي
والحادي ما يرحم زينب مچتوفه أحبال
ومحتاره ابيتـام وخــدر بـــويه وأطفال
وبگلبــچ جمــره يــــا بويه الحره
**
لبـنْ راد الطبيــب وفــزعت الأيتــام
ظنهم بويـه جـرحي وطبــرتي تلتام
ترد الفزعه لكن بويـــه بـأرض الشام
شتم وأحجــار يبويه بغربتـچ والآم
والأصعب ديوان الباغي متروس أجناب
مصابچ يا زينب ما مثله بالكون أمصاب
ورثيتي الزهـره يــــا بويه الحره
**
الشاعر
موسى البديري
زينب ع في اول زياره الى قبر والدها امير المؤمنين ع..
جيت يم گبرك اخبرك جيت يم گبرك
يـاعلي بهجـرك غريبـه ياعلي بهجرك
فـهمه وضعي مـن دمـعـتي
ويحچي دمعي عن غربـتـي
،،،،،،،،،،،،،،،،،،،،،،،،،،،،،،،،،،،،،،،
يالخذت كل عمري .. بدمعي اجيت اليجري
زايره گبرك واگـلك .. نكسر بعــدك ظـهري
جيت اسولف حالي .. بغـيـبتك يالغالي
بغربه وبوحشه بغيابك .. والهضم چتالي
ماحملت اغـيابك .. وانـتظر يـم بابـك
بلكي باحلامي اشوفك .. منَ غفه يم اعتابك
اني وايتامي انتظرتك اني وايتامي
بلكي باحلامي تمرني بلكي باحلامي
هــدنـي شوگي اولـهـفـتـي
ويحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
جيت ازورن گبرك .. ضمني بويه بكـترك
خايفه من شر زماني .. وچان اماني بصدرك
خايفه من باچـر .. بويه يـوم العـاشر
لعيني تتراولي جـثه .. يدوس بيها الحافر
صور هوسه بعيني .. چن اشوف احسيني
طايح ايأشرلي بيده .. وخيل بينه وبيني
عالثره طايح اشوفه عالثره طايح
بالدمه سابح يبويه بالدمه سابح
ماي اسمعه يگول اخيتي
ويحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
ياعلي بهـل حالـه .. فرهـدوها اعـيالـه
اطفال اشوفنها ضمايه .. اتدوسها الخياله
بنار اشوف اخيامي .. تحترگ جدامي
وهاي مچويه تگلي .. وذاگ يصرخ ضامي
وين افـر بطفـالي .. وطشـروها اعيالي
واحترگ بيتي عليه .. الـمن اخوتي خالي
نــار بخـيامي يبويه نــار بخـيامي
وتسحگ اجدامي بجمرها تسحگ اجدامي
وگلبي تلهب بيه جمرتي
يحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
والنسه الحيرانه .. تركض وعـطشانه
وكربله ذيچ اشكبرها .. بالزلـم ملـيانه
هذا يسلب طفله .. ذاك يضرب رمله
وهذا ليلى ايسب طفلها .. وحايره شتگله
نصيح ياوالينـه .. ياعلي الحـگ لـينه
بالسياط اللي ولـتنـه .. شگـگوها اعبينه
الحگ اعلينه يبويه الحگ اعلينه
حبال بيدينه اربطوها حبال بدينه
منـيدي حبلي لايد اخيتي
ويحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
وعگب ميچـتفـوني .. عالهزل يسبوني
وعلى اجساد اخواني بويه .. عمداً ايمروني
شگد خبيث الحادي .. يمشي يـم اولادي
وبحرگ گلبچ يزينب .. يگـلي نلت امرادي
وبالي ابـد مو يمه .. حسين ادور جسمه
شفته بس اشلون شوفه .. مسبحينه ابدمه
وشافته اعيوني اخيي شافته عيوني
يمـه دفنـوني يوادم يمـه دفنـوني
دفـنـو گـلـبـي يــم اخـوتي
ويحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
وبخـيالي الشفـتـه .. بويـه مـاصدگـتـه
لهسبب جيتك يبويه .. احچيلي عنه انته
شـام ياهـو امشيله ؟ .. ويايزيــد احچـيـله؟
عنك وعن امي فاطم .. وعليّ يگـوه بحيله
يايزيـد ايسـبني؟ .. ويجـزي كـلمن طگـني
وراس اخوي يضربه اشوفه .. غير اموت ابحزني
راسه ايضربه اشوفه راسه ايضربه
واسمك ايسبه اسمعه اسمك ايسبه
وانـي حـرمـه وبـحـسرتي
ويحچي دمعي عن غـربـتي
الشاعر عقيل الحسناوي..
قصيدة تطبير بحق الامام علي عليه السلام
الفارسُ الضرغام منهُ أُصِيب الهام
يا أُمة الاسلام راسة انطبر حيدر
حيدر حيدر / حيدر حيدر
======================
ابسيف الخيانة انصاب ياوسفة داحي الباب
فوكَ المتن ينجاب لبيتة ابدمة امعفر
حيدر حيدر
=====================
شالوا على المتنين متن الحسن وحسين
وحيدر يدير العين زينب لا تتكدر
حيدر حيدر
======================
زينب تصيح بصوت يابوية جاك الموت
تبچي وتدكَ بسكوت دمعتها تطشر
حيدر حيدر
======================
بفراشة نام الحيد سابل رجل والايد
يا وسفة ياصنديد وجهك صبح اصفر
حيدر حيدر
======================
بعصابة شد الراس ويتلاگف الانفاس
واگف يون عباس يم والدة اتحسر
حيدر حيدر
=======================
ام البنين اتنوح منها الدمع مسفوح
يمك تجي وتروح يمتة الجرح يجبر
حيدر حيدر
=======================
راسة انشطر بالسيف حيف والف يا حيف
باچر شگل للظيف من عندة شتعذر
حيدر حيدر
=====================
ايتامك اتحن ليك وعالموعد اتانيك
ما تنسة ابد تدريك عنهم لاتتأخر
حيدر حيدر
======================
أسالكم الدعاء رائد الاسدي
دنيه بلا ابو ما تسوه وظلام
ومن ترحل علي عالدنيه السلام
زينب شفتها من تون زينب شفتها
عدمن عفتها ياعلي عدمن عفتها
*
طالت بفگدك صفنتي وشوفتك بويه راحتي خيمتي وطاحت خيمتي شوف
ماينحمل فگدةالابو من يرحل ايعوضه منو افگد حنانه والدفو شوف
يابويه احس ظهري انحنه وياهو اليعايدني السنه ظليت بويه مدوهنه شوف
يوميه انجرح وتعبني الزمان
بفراگك علي فارگت الحنان
من فارگتها اتعذبت من فارگتها
عدمن عفتها ياعلي عدمن عفتها
***
مافارگتني صورتك وليليه اروح الحجرتك جم مره مت ابفرگتك وين
ابجي عله عشرتنه الصدك وماجنت اضنن نفترك عايفني كل ساع احترك وين
ارجعلي مو حالي صعب بفرگاك حسيت بغرب غيابك علي شلعت گلب وين
وحشه دنيتي وصارت كلها ليل
تعبني الهجر وماظل بيه حيل
روحي خذتها من رحت روحي خذتها
عدمن عفتها ياعلي عدمن عفتها
*
تودعني وبعينك حزن وكلما صحت بويه تحن تباوع عله امتوني وتون
ليش
وجفوفي تلزمها شكثر وتصيح ابعد ياشمر زينب تظل ام الخدر
ليش
وصوطك ابعده والحبل ابنيتي مو مالت هزل ومحد تره شاف الها ضل ليش
مو مالت سبي زينب بت دلال
بالك ياشمر تجتفها بحبال
لو جتفتها تنجرح لو جتفتها
عدمن عفتها ياعلي عدمن عفتها
****
كربله هيه اكبر جرح حرك وسبي تله وذبح سلب وهزل سهم ورمح ضيم
خيمتج زينب تحترك ومتونج ايصيرن زرك وحسين صدره ينسحك ضيم
وهناك يم المشرعه عباس اخيج مصرعه وجفينه يمه مگطعه ضيم
مرمي عله النهر ويمه الرايه هاي
وصابو جربته ومنها اتبده ماي
عينه اعرفتها من السهم عينه اعرفتها
عدمن عفتها ياعلي عدمن عفتها
*
بحلامي اشوفن كربله خيل وزلم كرب وبله حاجيني ياهو حرمله ذاك
ذاك الطفل جنه عرف مو للسهم نحره ترف عبدالله طير ويختلف ذاك
ياهيه ذيج التبجي هم توجعها اذنها وكلها دم تركض رقيه من الألم ذاك
مجروحه الاذن وتگوم وتطيح
وتسحك عالجمر بويه الحك تصيح
شگد عذبتها كربله شگد عذبتها
عدمن عفتها ياعلي عدمن عفتها
**
ذاك الحسين اعله الثره بسيفه الشمر حز منحره اثنعش طبره يطبره راح
من الشمس جسمه يحترگ ومن الحوافر والسحگ صدره عله ظهره ينطبگ
راح
عطشان اخيج ينذبح والف وتسعمية جرح وينرفع راسه عله الرمح راح
سلمي بكل وكت عالخد التريب
وشعندج دمع ابجيه عالغريب
شگد حيرتها مصيبته شگد حيرتها
عدمن عفتها ياعلي عدمن عفتها
****
تمت
ميثم العمري
الدنيه ابلا علي ياناس شتفيد..
والمن جاينه وشتريد ياعيد..
الدنيه ابلا علي ياناس شتفيد
..................
1_من يوم انطبر والينه علهام..
وبقينه ابلا ابو كل احنه ايتام..
البحضانه غفينه اشكثر ونام..
تاليهه اعله شوفه كلنه نحتام..
تشوفه ايتامه مشتاكه.. ماتكدر عله افراكه..
دعينه الله يرد المرتضى انريد..
المن جاينه وشتريد ياعيد
.................
الماعنده ابو عمره ميسوه..
وبلدنيه يعيش العمر كوه..
ماتبقه ابحياته ايام حلوه..
مخنوك ويجر النفس كوه..
بلمكبره يكضيهه.. وعينه اتهل بواجيهه..
وحيله امن الحزن ياودام يبيد..
المن جاينه وشتريد ياعيد
...............
3_ها ياموت اخذنه ونبقه جا ليش..
واحنه ابلا علي مانكدر انعيش..
جا المن انضل وهذا عمريش..
وهم تسمه دميه ويادنيتيش..
العله شوفه تعودنه.. وسفه اشلون فاركنه..
صار الحزن يوم اجفاه تعويد..
والمن جاينه وشتريد ياعيد
...............
4_مو ايتام جنه او مو مساكين..
جي حاسبنه مثل الحسن وحسين..
عله الكرار جنه هواي غالين..
مو حكهه اعله فكده تدمع العين..
راح اشلون والينه.. ابو اتراب ويجافينه..
دمع العين يوم اجفاه ميهيد..
والمن جاينه وشتريد ياعيد
..............
5_يلكلك وفه وروحك حنينه..
ابو الحسنين يلغالي علينه..
يوم اجفاك دم حيدر بجينه..
وضلمه الكون ضل عكبك علينه..
يوم الطحت ياحيدر.. نحس بينه الحزن خضر..
وكل ساعه حزنه ابفكدك يزيد..
والمن جاينه وشتريد ياعيد
كلمات خادم اهل البيت
مصطفى الغريباوي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
هوسات تأبينيه لاستشهاد امير المؤمنين علي عليه السلام
شنهي المابچالك يا ابوالايتام
بچه الكون المصابك ناحت الأحكام
بچه المحراب لفراگك بچه الاسلام
(مهظوم الدين وأحكامه )
★★★★★★
على فراگك يون وينوح ياحيدر
محراب الصلاة والدين والمنبر
بنوايا السود خصمك معتني ويفتر
(ضم سيف الشر تحت اكتاره)
★★★★★
شنهي المابچالك ياعلي الكرار
الجن والانس يبچي يحامي الجار
والمي والأرض والطير والأشجار
(حيدر بچه الكون مصابه )
الشاعر حسن لعيبي الحريشاوي
مسمومه طبرة جبيني
اوداعة الله بنيني
رايح بعد هالمسيه .. يولادي سمعوا الوصيه
مسمومه طبرة جبيني
@@@
هلا يا ثمرة فؤادي وماي لعيون
هذا ليل اوداع بيكم يالتونون
يا اهل بيت النبوه ونور هالكون
بعدي عدواني اعله راحه مايخلون
شيسده من بعدي عليكم باليعادون
حتى باللي مگمطينه ما يرحمون
…
اشكبره بعده جرحكم
امن اللي يحلوا ذبحكم
ورزيه تسحب رزيه .. وداعي هذي المسيه
مسمومه طبرة جبيني
@@@
يالحسن مني دليلي ذاب مالوم
واللي يجري اعليك هذا امر محتوم
اجعيده من اعظم خيانه جايره اتروم
صايم وتمسي بفطورك يبني مسموم
تملي طشتك من چبدتك گطع وادموم
ونعشك المظلوم تالي يمتلي اسهوم
…
تعاني اشكثر بالخيانه
حتى بضريحك دفانه
من اللي جارت عليه .. وداعي هذي المسيه
مسمومه طبرة جبيني
@@@
بالله ضمني فوگ صدري يابولكبر
وانته يومك مامثيله ابهيمة البر
يلي وحدك وآل اميه اعليك تفتر
مصيبتك جمعت مصايب يالتوذر
عطش واطفال ونساوي ونار تسعر
ومن كتر اجساد صرعه بلا منحر
…
صدرك وراسك جبينه
وچبدك ونحرك وتينه
يلي تذبحك اميه .. وداعي هذي المسيه
مسمومه طبرة جبيني
@@@
يبني يا عباس گرب وانته لكفيل
الحوره بعيونك امانه لازم اتشيل
بالك ألهودج سراها لحظه لايميل
كون للطف ابحماتك وانته لدخيل
ردتك اتواسي عضيدك بهمه لثجيل
لحد ما توگع چفوفك والدمه اتسيل
…
يلي كفلت الوديعه
عذرك ترى بالشريعه
ابرايه وچفوفك رميه .. وداعي هذي المسيه
مسمومه طبرة جبيني
@@@
بالله يازينب تعالي يالاميره
يلي بعد حسين تنوخذي اسيره
مو سهل بعد الكفيل بهالمسيره
الشمر يفتر شماته ديره ديره
يلي شفتي ضلوع امچ هالكسيره
تشوفي خوتچ في مصارعها وذيره
…
اعله ام الخدر ماهي سهله
اتجرها الاعادي اعله هزله
وياها سكنه ورقيه .. وداعي هذي المسيه
مسمومه طبرة جبيني
@@@
علي أحمد الحمود
٢٠-٣-٢٠٢٤
شهادة الأمير ع
الوصية
فتحة عزاء.......
رُكنَ الهدى مجزوء الرجز
........................................
جبــريــلُ نـــادى باكياً عــند العُــــلى تـهـــدمت واللهِ أركــــــــــانُ الهــدى
.
.
نجمٌ علــى ألأرضِ شهيـداً قـد هوى يبكيـــهُ شـهرُ الصـومِ مابيـــن الملا
تبكـــيهُ دمٌ كُـــلُ أملاكِ الســـــماء ويبكي عــرشاً قد علا فـوق العُلى
.
.
نـُعزي آل المصـــطـــفى فــقــــيدهم قد خَضّبَ أرضَ الثــرىَ عميــــدهـم
بســيفِ غدرٍ قـــــد هــوا عنــــيدهم وفــــاض محرابُ الصـــلاةِ بالـدماء
.
.
كم جُربَ سـيفَ الفـقـار ِ في المـنون فــمــنْ يبــــارز حيــــدراً ومنْ يكون
ومَنْ يُبارز جُنـــــدلَ بيـــن العيـــون فيمـا أهتـــدى أبنُ مُلجِــمٍ حتـى دنى
.
.
فالسرُ فـــي جـُـرحِ الوصـــي صلاتهِ يذوبُ فـــــي أســـــرارها أنقـــطاعهِ عند السجودِ تُـســــحَبُ سِــــهَــــامَهِ
عــند السجــــودِ يَـعــــرجُ إِمـــــامـنا
.
.
غـــدرُ المـــرادي هـــد اركـان الانام
وبتاع سخط اللهِ فـي قلبِ القُـطام ونال سيفُ غَــــدرهِ رأس ألإمــــام وهــــدّم بِفعـــلهِ رُكــــــنَ الــهُـــدى
.
.
يا من وقـــــى روح النبــــي وآثــره علــى الـفـــراشِ تفتـــخــر مآثــــره مولاي يا كفــئ البتــــولِ الطـــاهره كُـنــت أخاً لِطــــه حيــن لا أخــــا
.
.
في يومِ بـدرٍ كُـنــــــت وتــراً ضيـغما
فلم يـهـمـــك سَغــبــهُ ولا. الظـمى
أجريت فيـــهِ سيـــدي نَهرَ الـــدِماء؟
أم واجبَ الـــوجــــودِ فيهِ قــد رمى
.
.
ويـومَ أُحــــدٍ عنـــدما ولـــو الـدُبـــر فكُــنت فيـــهِ صـــابِراً في من صــبر فما تجــــنت شيـعـــتك هــذا الخـبر بـــل كـــــان قــــرآناً كــريماً منزلا
.
.
لآدمٍ كُـنـــتَ لــهُ طـــــوقَ النجـــاة بِفُـــلكِ نـــوحٍ كُـنتَ أوتـــــادَ الثـبات أطفأت للخــــــليلِ نيــــرانَ البُــــغاة وجَـــدكَ الذبـــيحُ فيـكَ قــــــد نجى
.
.
معاني الكلمات
واجب الوجود ... الله عز وجل
السغب ..... الجوع
الظمأ..... العطش
.
.
نسالكـــــــم الدعـــــــــــــــاء
.
حسن الموالي الفاطمي
لسان حال يتيم
وداعـــاً يــاعــلـي وداعـــاً يــاعــلـي
____
يتـيم انه وحياتي اورود مــغروسه
اولـو مابيــها انتـه اهموم متـروسه
يـفـرح بــاب بـيــتي لــمن اتــدوسه
واحـس ابقيمتي من راسي اتبوسه
أبو انته إلي وداعاً ياعلي
___
الك يومين الي شـو ما اجـيـت انته
والـِتـكفــلتـه لا مــاينــعـقل عــفــتـه
وتره اعليك ابصلاتي الباري ناشدته
ابــكـل تسبيـحه اسمـك انــي دورته
دليلي مبتلي** وداعاً ياعلي
___
فـقير انـه واحبك چـيه تحــب فقري
تـابــوتك لمــن شــفتـه كــسر ظـهري
اتلــت تــيام هـيه الــفاتحـه وتــدري
وراح انصبها الك بعيوني كـل عـمري
انه بحاجة ولي** وداعاً ياعلي
__
اشـگد مابيه هـم لــن الـيتم قاسي
اصير اسعد بشر من تمسح ابراسي
أســمحلي اگــلــك يـــا اعـــز نـاسي
العيشه اوياك حلوه والهـا مانــاسي
علي وانته هلي** وداعاً ياعلي
___
اغلـط باليتم مــن احسب احـسابي
چي ماعندي شي تركوني اصحابي
وچفـك چــان حيدر مـن يـدگ بابي
احس بالدنيه كــلها صارت احـبابي
نحيبي يعتلي** وداعاً ياعلي
___
اليـتــم ويـــاك ماحـس ابمــأسـيه
عـليك اتعـودت تطـرگنــي يـوميه
چـنت اتـگــودني وتنطــيني حنيه
عـطر چـفك يحيدر لـــسه بيــديه
ولهسه ابمنزلي** وداعاً ياعلي
___
الـناس اتـشـَيـَعك وانــه اعـتـله نوحي
واحس يابا الحسن چن شيعت روحي
جـرح بـــيه وحيد وهـــَدم اصــروحي
بيــه اشلون هــسـه وزادت اجــروحي
ودليلي منملي وداعاً ياعلي
___
دفــانك نظــرلي وانــه حــاچيته
يـبـويــه ياعلــي يـامــا تـرجــيته
يــريت اويــاك يــدفنــي تمــنيته
بدونك عمري لا مايـسوه حسيته
الحزن ماينجلي وداعاً ياعلي
___
حيدر تركي الكربلائي
شوط كربلائي
قائدنه علي الكرار واحنه بأمرت القائد
ورايتنه نسلمها نضل من واحد الواحد
**
توضينه بشرف عباس وصعدت بينه غيرتنه
تعلمنه نموت احرار وما نترك عقيدتنه
باجر عالصراط انفوت ونتباها بولايتنه
الهم ما نذل هيهات
وحيدر حاضر الشدات
وبسمه ارتفعت الصرخات
حيدر قالع البيبان والخندق يضل شاهد
***
علي ما سجد للاصنام وجانت نضرته بعيده
علي هوه الشفع والدين وعلي الرد الشمس بيده
علي بوكت الحرب تدرون ما يخلف مواعيده
علي هوه الذهب والدر
علي بفردت تمر يفطر
علي منه الرجال اتفر
يحفظ هيبة الاسلام من اهل الشرك رايد
***
علي غيرت محمد بي وتهابه الانس والجان
علي هوه الحضر ذنون لمن بلعته الحيتان
علي هوه سفينة نوح البيها اتحير الطوفان
علي الفرح كلب يعكوب
علي هوه الشفه ايوب
اسمه اعله العرش مكتوب
علي عش النبي البل غار وجان اويه النبي كاعد
***
احنه وي علي الكرار وقعنه بدمه المنحر
عنه رافضه ايكولون واحنه بهل اسم نفخر
همه ايزيد مرجعهم ومرجعنه يضل حيدر
حيدر يبقه والينه
وعنه ما تخلينه
بالمحشر ينجينه
ثبت كل اصول الدين بسيفه الزاهد العابد
*
ما نترك ولايتنه وجينه انجدد البيعه
بينه خلهم ايلومون شيعه ونفتخر شيعه
اعله فطرتنه نحبه احنه وهذا الحب فله انبيعه
هوه الهدف والغايه
وبيده اترفرف الرايه
انطينه الحيدر احجايه
عله نهجه نضل انسير وابد ميهمنه كل حاقد
***
علي صوت العداله الثار ضد اهل العبوديه
واحنه بمنهجه ماشين بالروح الجهاديه
ما نترك ابد حيدر وتضل صرختنه شيعيه
قسمنه بسورة الرحمان
اليبغضك يا علي خسران
بيك ايرتل القران
ميزان العداله انته ودوم بصبرك اتجاهد
****
تمت
تحسين الخفاجي