7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
#جديد في مصاب المولى أمير المؤمنين عليه السلام
طور : جاوبني يا علي
.
.
يا مظهر العجب
صوتك خفه عجب !
تتركني شالسبب
جاوبني يا علي
يعني ابنعش تروح !
وتذبحني الجُروح
واعليك أظل أنوح
جاوبني يا علي
واگبالي تندفن
واشما عليك أون
مَتردلي وأبگه أحِن
جاوبني يا علي
ترضاها دمعتي
ترضاها حسرتي
وما تطفه جمرتي
جاوبني يا علي
ترحل وأظل وراك
أتمنه بس لقاك
ميته ردت معاك
جاوبني يا علي
يا خيمتي رحت
ميته ولا شفت
وسط الترب غبت
جاوبني يا علي
__
تمت ببركات الأمير روحي فداه
#فاطمة_كريم
٢٠٢٤ م
شور بحق والينه صلوات ربي عليه
حبك سفينه ابحر الحياة
حبك نجاتي بيوم الممات
اسمك يحيدر طول الدهر
كاسر خشم كل الطغاة
بخيت الوالاك. والضل بحماك
بهاي الافلاك. من مثلك
ياتاج الراس. مليان احساس
من حكها الناس تسجدلك
علي علي... ياوالي الكلوب
ــــــــــــــــــــــــــــــــــــــــــــ
صرح محمد يوم الغدير
مّن الله حيدر هوا الامير
واهل السقيفه ابلا حياء
كالو علي انخليه اخير
مهما ينكرون. خلهم يحجون
اول عالكون. من غيرك
احجيها ودوم. مو يوم ويوم
ويله المحروم. من خيرك
علي علي... ياوالي الكلوب
ـــــــــــــــــــــــــــــــــــــــــــــــــ
راسك يطبره الكلبه زنيم
اوياما جنت وياه رحيم
ولدك علي وكل الفلك
لمن غبت اصبح يتيم
زينب تنخاك. لاتمشي ارجاك
تاخذها اوياك. رايدتك
ياحامي الجار. الكوكب محتار
واكبار ازغار. فاگدتك
علي علي... ياوالي الكلوب
ــــــــــــــــــــــــــــــــــــــــ
نعشك تشيله هوايه أيدين
والكل صبح يبچي حزين
بس العجب يوم الطفوف
بحر الضهيره يبقه الحسين
حضرلك نوح. گبر امن اتروح
بس المذبوح. شحواله
برض الاحزان. يبقه حيران
ادوس العطشان. خياله
علي علي... ياوالي الكلوب
ـــــــــــــــــــــــــــــــــــــــــــــــ
بفضل عطاء رعاياهم
تمت والحمدلله
✍️ياسر الزيادي
يالماخذ دلالي
ارجعلي يغالي
والذيج الليالي
ياحيدر تعال
...
راحت الزهره وصرتك ثاني زهره
ماأصدك بالحنين اتموته طبره
البشر بالقران يقره وياخذ اجره
وانه بعيونك سوالف حلوه أقره
ياسيد زماني
زينب بويه آني
بعدك يا حناني
ماافرح محال
....
طالع اتصلي المساجد للعباده
غير الايصلي يرد لهله بسعاده
وانته ثاري امهيأ امرك للشهاده
تشبه الطير الامهاجر من بلاده
من كمل سحورك
جهزت كل امورك
وبالجنه فطورك
وي اهل الكمال
....
ياهو الايصدك تضل زينب يتيمه
ويندفن بتراب ابوجفوف الكريمه
تعرف القاتل لجن نفسك عظيمه
ماوشيت بقاتلك كبل الجريمه
وتوصي باسيرك
الكبرته اعله خيرك
شالوك بسريرك
ودفنوك برمال
...
يبوتراب وياتراب اللي يضمك
الناس كلهم ليل وانته الضاوي نجمك
الحزن خانكني بويه وارد اشمك
آنه بنتك اي نعم بس چني امك
أمن اعيونك افهمك
تسكت وآنه اكلمك
وبحظني انومك
يالنومك حلال
....
روحك من اوجاعهه الليله استراحت
وانه مملكتي الجبيره اعليه طاحت
العيداجاني والمكابر بيه صاحت
فرحة العيد اوي ابوج الغالي راحت
شو ماعايدتني
بويه وقبلتني
اسود لبستني
من هل الهلال
....
هوه جرحك هذا بوابة ضياعي
راح اسافر وأخذ اعيونك متاعي
راح اصيرن للذبايح آنه ناعي
من يصير الذبح يوم الطف جماعي
احسين ابصدره حافر
والكافل يسافر
وانه ابلايه ناصر
وبجفوفي الحبال
...
محمد الجماسي
اللهم عجل لوليك الفرج
هوسات شجاعة للامام علي ع
المخرس الزلم یاهو الیوصل احذاله
وعلي من ابعید الیشوفه ایتراوله
ابن ملجم لو ما غدر صدگ ما تدناله
{{لو ما یسجد// چا شگفاها}}
ــــــــــــــــــــــــــــ
القالع باب خبیر والشمس ردهه
الغیره والشجاعه یم علي حدهه
ابدیوان البخت رایة علي انشدهه
{{مگضیه // الشده العدنه}}
ـــــــــــــــــــــــــ
حیدر یا عجید الشور یمعدل ثنایاها
اتلوگ الغیره بس اعلیک یمک یعله طرواها
الحد امغیم و ینعاک شال الهز منایاها
{{الحد امغیم برکانه}}
ـــــــــــــــــــــــــــ
زلزلهه المنایه بیوم طب وبیده فقاره
لا وین المفر یا صوب بس ادموم تتجاره
الک صیت والک هیبه شیخ وصاحب الشاره
{{دگیت الحگ// فوگ الثایه}}
ـــــــــــــــــــــــــــ
دگ برکانهه وهوس وین الامه جایبته
خل یدنه عدي الیوم احني سیفي برگبته
وین الواگف ایزامط وحط ایده اعله خاصرته
{{بچیته //بحدود الملعب}}
ـــــــــــــــــــــــــــــــــ
تمت بعون الله تعالی
کلمات یاسمین الشموسي
نسالکم الدعاء
((حبيتك حيدر))
الله اكـــــــــبر .. حبـــيتك حيدر
الله اكـــــــــبر .. يالعشگك اخضر
ياساقي الكوثر .. والعـــافك يعــثر
ياهــــوى نفسي
صاحب الكرسي
يدرون بوصافه .. معــــروف بالطافه
عبده ومـالكني .. ومشيول بچــــتافه
حبني وحبـيته .. ومبخوت من ضافه
علي علي .. صاحب العفه
علي علي .. راعــي الكلفه
علي علي .. حاضـر بكلهن
علي علي .. بيمنـته الترفه
علي علي ...
"""""""""""""""""""""""""""""""""""''''''''''
عيسى ابن مريم .. يــــــــا آيةّ العَمّ
موسى وعــصاته .. ياحيــدر اعضم
ادم بـــــــــاولاده .. بس انت الاعلم
عشكي وكضيته
حيـــدر واليـــته
نــــــوح وترتيبه .. طــــــــه وتأديبه
هيبه بخطــواته .. وبعـــيونه الهيبه
مشيب بجروحه .. ويا محله الشيبه
علي علي .. بالعـرش صله
علي علي .. هوه عين الله
علي علي .. ينكــــسر كلبه
علي علي .. الاسم عبدالله
علي علي ...
"""""""""""""""""""""""""""""""""""''''''''''
صاحــــب انفاسي .. تاجــــي البراسي
خيري من افضاله .. وكل هلي وناسي
كلــــشي بتاريخي .. وبــــــيرغ نبراسي
هوه قـراني
ماغيره ثاني
صاين اركانه .. ذابح عـدوانه
ناشــر راياته .. وطيعه اخوانه
محد يدناله .. واضــح عنوانه
علي علي .. جامــع الرحمه
علي علي .. ورده ونـــشـمه
علي علي .. بقـدرته القدره
علي علي .. يسجل الخدمه
علي علي ...
"""""""""""""""""""""""""""""""""""''''''''''
جنيت جـــــنوني .. طيفي البعيوني
كلبي ودگـــــــاته .. حــيدر خـيعوني
من بعدك روحي .. نفسي ولتــكوني
عشگي وما بدله
المكسور يعـدله
برهان كـــــلماته .. قــــرآن نضـراته
ولهـــــان بيـــتامه .. آهـــات دمــعاته
ملهوف من يمشي .. ويسبگ خطواته
علي علي .. جــرحي الاول
علي علي .. روحه ما تنمل
علي علي .. يبتســـم وجهه
علي علي .. وكلبه المعلعل
علي علي ...
"""""""""""""""""""""""""""""""""""''''''''''
ياطــــــاوي آلامي .. حبري البقلامي
يمضــــمد روحي .. مـــرتب هندامي
من تغمض عيني .. تگـــــعد بحلامي
حيدر عيـوني
حبي وجنوني
مولاي سَنعني .. مـولاي لازمني
مولاي ربــاني .. وليده ويعرفني
ماي مشربني .. بچـــفه موكلني
علي علي .. بيـــتك شكبره
علي علي .. وتاكــل الفقره
علي علي .. يـــــــاملذ زاده
علي علي .. التطبخ الزهره
علي علي ...
عبد زينب
محمد الابراهيمي
لبس الإسلام أبـراد السـّواد
يوم أردى المرتضى سيف المـرادى
ليلةً ما أصبحـت إلاّ وقـــد
غَلب الغيّ عـــلى أمر الرشـاد
والصّلاح انخفضت أعـلامــه
وغدت تُـرفع أعـلام الفسـاد
ما رعى الغادر شهر الله فــي
حجة الله عـــلى كــل العـبـاد
محيت فيك على رغــم العــلى
آية في فضلها الذكــر ينـادي...
▫️السيد جعفر الحلّي
تهدمت والله اركان الهدى
🔸 #أمير_المؤمنين_عليه_السلام
🔶 #طور_المحمرة_للشيخ_زمان_الحسناوي
🔸 #الطور 👆👇 https://youtu.be/Cxotqjb0NJw?si=Ij8_WicEz_lfoUOp
بيت الإمــامـــة طفَّــــوا شمعتــه
يم حيدر السـاع حضرت عترتـه
اتجمّعَــــــــوا عنــــــد الولــــــــي
كلمــن ينــادي ياعلــي ... الله أكبر
ـــــــــــــــــ᪣᪣᪥᪣᪣ــــــــــــــــــ
طعــم المنيـة صــاروا يحسـون
شافــوا ابوهــــم غمضها لعيـون
كــــــــل المــدامـــــــــــع ثاكــــــلة
رادت تمـــوت العــايلة ... الله أكبر
ـــــــــــــــــ᪣᪣᪥᪣᪣ــــــــــــــــــ
صاح ابو السجاد يامجتبى بصوت
جـن الصميــدة قرَّب من المـوت
و المجتبــــى دمــعــــه يــهــــــل
مـوت الأبو لا مو سهل ... الله أكبر
ـــــــــــــــــ᪣᪣᪥᪣᪣ــــــــــــــــــ
زينب مِسِرعه وعثرت على الكـاع
ركضت لبوهــا مــن حــان الــوداع
كــــالت ابــــويــــــه و كــافلــــي
أومى يزينب قربي لي ... الله أكبر
ـــــــــــــــــ᪣᪣᪥᪣᪣ــــــــــــــــــ
حطت ايـــديهــا بيـــد الشفيــة
من بعد عينك جــا ياهــــــو ليـــه
لــــو غمّضت بــويـــــــه الجفــــن
أصبح أنــه ام الحــزن ... الله أكبر
ـــــــــــــــــ᪣᪣᪥᪣᪣ــــــــــــــــــ
📝 الشاعرة زينب الخفاجي
📝 #اللهم_صل_على_محمد_وآله
#جفيري_أو_حدي
#ليلة_القدر
#الإمام_المهدي_عج
يـــــا سيــــدي يــالمنتظــر
بْحـــق الحسيــن وبالنحــر
نطــلب دعــائــك يا ذخـــر
بهالليــلة ياراعـــي الأمــــر
┈┉┅━❀ـ❀ـ❀━┅┉┈
بساعــة سجــودك يــاولـي
نقســم عليك بحق علــي
ابــدعــوة منّــك ينجلـي
كل همنـا يـا ســر القــدر
┈┉┅━❀ـ❀ـ❀━┅┉┈
مــن تنــزل امــلاك السمــه
وروح النبي وحامي الحمه
وروح الزجيــة فـــاطــمــة
اذكرنـا بقنـوتك بالوتــــر
┈┉┅━❀ـ❀ـ❀━┅┉┈
أيتــامــك نعــيش بعســر
بينه اللــي قلبــــه منكســر
وبينــه سجيــن وبالأســــر
يمتــــه ظهــــورك يالفجــر
┈┉┅━❀ـ❀ـ❀━┅┉┈
بينــه المــريض الماشفــــه
والدهــــره لا مـــــاأنصفــه
و نـار لغيــابك مـا طفـى
وســط القلب يالمنتظـر
┈┉┅━❀ـ❀ـ❀━┅┉┈
✍ الشاعرة زينب الخفاجي
~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم
نعي عن لسان العقيلة زينب بحق امير المؤمنين علي عليه السلام
يبويه حيل دوهني زماني
سهم فر گاك بضلوعي رماني
جمر دمعي فطر گلبي و چواني
مدري منين ابن ملجم اجاني
طبر والدي وچمل احزاني
هذا الي خفت منه لفاني
فرا گك ياعلي بويه عماني
الشاعر حسن لعيبي الحريشاوي
الدنيه اعليك مرتجه وفلك صاير
ياحر يالمخوف الحاط والطاير
حسافه اتشيل وتخلي الحسن حاير
( بديار النيبه اليوم البين امچودر )
✍ام هجران العمارچيه
لطمية للأمام علي عليه السلام (( جاس اگلوبنه البين ))
اليوم اليوم ... جاس اگلوبنه البين
عاف الدار ظلمه وشال ابو حسين
شال وعاف داره اليوم ظلمه
مصيبه امصيبته وفرگاه هضمه
ابو الحملات لاح السيف عضمه
وراس المرتضى مطبور نصين
اليوم اليوم ... جاس اگلوبنه البين
راس المرتضى نصين مطبور
مافاده الدوه وايس الدكتور
اشلون ايبات جوه اتراب الگبور
نوم المگبره اعله الجرح موزين
اليوم اليوم ... جاس اگلوبنه البين
اتراب المگبره يلچم طبرته
الله يعينهه شتگول بته
ماتحمل غيابه ولاوحشته
عدهه اعمامته وعدهه القرائين
اليوم اليوم ... جاس اگلوبنه البين
بس اعمامته والكتب عدهه
راحت شوفته الحلوه شيردهه
داره امهدمه ودفنو عمدهه
حزنانه الجوامع والدواوين
اليوم اليوم ... جاس اگلوبنه البين
حزنانه الجوامع واغبر الكون
ابو الحملات فارگ شيعته شلون
ضلت ساهره ومانامت ام عون
دم ودموع تبچي وتهمل العين
اليوم اليوم ... جاس اگلوبنه البين
عله الطيبين تهمل عينهه ادموم
كل يوم وسطرها البين كل يوم
ضلع امهه انكسر والمتن مهشوم
زاد اصوابهه وصارن اصوابين
اليوم اليوم ... جاس اگلوبنه البين
زاد اصوابهه لچمات واصواب
ومضيعه الزچيه وداحي الباب
مارجعو عليهه يطول الغياب
عنهه اثنينهم كلش بعيدين
اليوم اليوم ... جاس اگلوبنه البين
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
قصيده مع هوسات
للامام علي تنقري بعدت اطوار ♡
اشلون اشلون انه الوالد انساه
موهين علينه. اليوم. فركاه
.........
.........
اشلون انسه الربه وبيش اجازيه
أنه كل العمر ياريت اله افدية
شكد غالي، الابو. وبروحي اشرية
تهد حيلي.. ياونتك بوية
بعد جلمة البويه. المن احجيها
تهد روحي حجرتك من اصدليها
سبحتك ولم صله وين اوديها
تنوح بنيتك. ظلت حزنانة
الابو خيمه ويفي. بظله العيالة
وليفارك عزيزه الموت،، اشوالة
عشنه بفي عباته لماكو امثاله
ضيعناه.. اليسوه الدنية
حلات الدنيه انته ولو رحت اذبل
تدري بلايه حسك يالابو. انذل
ياحزن الكلب للموت ماينفل
من حزاني.. تتوكد جمر
شلي بالعمر.. ونته العمر كله
رحيلك بالكلب تارك الف عله
حزني عليك طول الدهر مافله
ماريده.. العمر اخلافك
تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم
🏴هاي الثانية
▪️لا تسرِع بنعش الحيد
حيدر أرد أودعنه
▪️أبوي وغالي اعليه
وكون لگبره أزتنه
🏴
دَ رَيض واسمع ونيني
يشايل نعش حامي الجار
مصيبه وطاحت اعلينه
بيوم الطبروا الكرار
زينب وانفجع گلبي
ويهل دمعي دمه نثار
صدگ ياخلگ والينه
بعد مار اح اشوفنه
🏴
علي يابو اليتامه انته
الچنت تعطف عليهم دوم
تواسيهم وتفگدهم
وتطعمهم علي بكل يوم
أرامل تلطم وتنعى
عليك بحزن ياجيدوم
منك أيسَت يابوي
ومنك گِطعَت الظنه
🏴
يحيف الموت يابوحسين
يجيك وأنت بصيامك
وتغيب رسومك برمضان
ولحد يذكر ايتامك
وگبل العيد تفطر ليش
ياوسفه على ايامك
حنين الگلب يابويه
خلافك منهو ظل النه
🏴
يابو الحسنين اخذني وياك
بگبرك خل يدفنوني
ما أصبر على فراگك
وعگبك لعمي اعيوني
ما اريد الخلگ بالعيد
يجوني ولا يواسوني
أريد ايامي تگضي احزان
منيتي اساعه اتمنه
🏴
يلايم لا تزيد اللوم
ابوي وما إلي غيره
حگي لو متت وياه
والهضمه تره اچبيره
صدگ خُواني حزمه ازلام
بس فگد الابو حيره
هيچ يغيب عن عيني
وحسه ما أسمعنه
#سمير_الصالحي
#البصرة_الفيحاء
في الدار ِ زينبُ صوتُها أبكانا
لا ترفعوا للمرتضى الجثمانا
لا تُغمضوا منهُ العيونَ فإنها
كانت لعيني في الزمانِ أمانا
لا تُسبِلوا منهُ اليدينَ فإنهُ
قد كان يغمرُني بها تحنانا
حيناً أراهُ قامَ يَفتَحُ عينَهُ
ويغيبُ في إغمائهِ أحيانا !
واضيعتي ! أومى إليَّ مُودِّعاً
حانَ الرحيلُ وليتهُ ما حانا
"للهِ إنا راجعونَ " لقد مضى
جبريل ُ يَنعى البِرَّ والإحسانا
قوموا حُفاةً خلف نعشِ وليِّكم
وعلى الأكفِّ فشيِّعوا القرآنا
قد كنتَ أمي بعد أمي يا أبي
قلباً يفيضُ محبةً وحنانا
عُد يا عليُّ فمن لزينبَ بعدكم
واللهِ روحي ملّت الهجرانا
يا موتُ عجِّل ْ فالحياةُ مريرةُ
وانسُجْ لزينبَ بعدهُ الأكفانا
"اللؤلؤُ الحَسنيُّ " يَنحَبُ باكياً
واسى بِذرفِ دموعهِ "المرجانا"
قد مات حزناً فوق قبرِ المرتضى
الآن َ يلفظُ كَبْدَهُ ...ألآنا
ظَمِأ َ الحسينُ وكنتَ ماءَ حياتِهِ
قبل المماتِ بكربلا ظمآنا !!!
محمد طالب
طيور الوز خذن نوحي وناحن
ومثلك ماشفت بويه وناحن
احس كلبك يحن ليه وناحن
وداعك جن وداع امي اليه
………..
وداعك كل هضم بينه ولمنه
ومصابك حيل اذانه ولمنه
يبويه دموم نبجيلك ولمنه بجينه عيون عالشبعت اذيه
……….
بجينه عيون واحدنه يتمنه
يموت ولا يجي بويه يتمنه
بجرحك ياعلي شفنه يتمنه
تنوح وتبجي والونه شجيه
……….
تنوح وبالالم عالهامة مرة
الحياة بلا علي ياعلي مرة
بعد مرات مو بس هاي مرة
بالسم والذبح زينب سبيه
……….
بالسم والذبح خلصو ولدنه
عود احنه رسول الله ولدنه
علينه اتفرج القاصي ولدنه
ذبحنه من خذه زينب سبيه
…….
ذبحنه والحزن بعدك ولاشي
هضم بيه بقى بدونك ولاشي
نضر عيني الك اعمي ولاشي
يحيدر انه وي زينب سويه
…….
الشاعر
اياد الفرح المهدوي
واعلياه 💔💔
علي وهيهات ماينشف. مصابك
يريت السيف ياحيدر. مصابك
كسر زينب يبو زينب. مصابك
وشهر رمضان باب الغاضريه
علي الاصبحي
گعدية لامير المؤمنين علي ع.
#######################
يللي تداوونه..خافن تلجمونه
دم هامته نازل عله اعيونه..خافن تلجمونه
...
اتصور اعله الراس واحد ينطبر شيصير حاله
رجع من جامع الكوفه يمشي ويعثره خياله
الثوب صاير كله احمر من اثر سيف الاغتاله
يمشي وتطيح اعمامته
للسمه توصل شهكته
وزينب الحره اتلكته..وضجو امن البجي اعياله
واتنادي ياساتر..ابحيدر شنو اشصاير
بهداي حيدر من تنومونه..خافن تلجمونه
...
هذا ماكاله السكوني من اجه ايشخص الفجيعه
جاب عطابه وجواهه وطلع نص مخه يشيعه
شاف مخه وصاح الحكو انهدمت السده المنيعه
والحجي اليوجع بالكلب
سم اصفر اوي الدم يصب
لاجاره فادت لاعطب..آه من هاي الصنيعه
ضل يبجي جراحه.. وصارتلك انياحه
عالقبله كلهم من تديرونه..خافن تلجمونه
...
الحسن حط ايده اعله جبده وكال هسه انحفر كبري
والاحسين ابهالمصيبه ايصيح انه انكسر ضهري
يالحسن لومات ابونه ايموت كل الهوه ابعمري
وزينب تخاطب بالكمر
عباس فسرلي الخبر
مااحمل افراك و سفر..وانته كل الزين تدري
توهه مشت امي..وتوه احترك دمي
بالمايرد كلبي تفجعونه..خافن تلجمونه
...
الناس بالحجره الشريفه صارت اعله الوالي خبصه
ابوفاضل صاح اطلعو ويرجو من عدهم الرخصه
اتريد زينب وجه ابوهه اشويه خل نطيهه فرصه
ابنيه وابوهه اتودعه
وتهمسله وتسولف معه
الماعدهه ابو كالضايعه..ياعلي وقصتهه قصه
واتقبل ابراسه.. بنته واعز ناسه
واتصيح لو باجر تغسلونه..خافن تلجمونه
....
علي كاللهه يزينب ضمي دمعج يالحبيبه
بويه كدامج مصايب امضه من هاي المصيبه
بااجر الحافر يكسر جثة احسين السليبه
باجر اخيامج تحترك.. واجسوم اخوتج تنسحك
وامتونج ايصيرن زرك..ا يزينب ياغريبه
لحسين اذا جيتي.. يابعد حنيتي
مذبوح نحره ولا تلمسونه..خافن تلجمونه
...
سمعت الحوراء ابوهه من ختم بالطف كلامه
وخله الامصلايه ذكره ومأزره ودم الاعمامه
وانتقل لله حيدر وانهدم سور اليتامه
الله يعين ام الخدر
تحمل صبر بس ياصبر
كل يوم كسره تنكسر
ياعمر عمريش هذا اليجرح الخاطر ضلامه
...
محمد الجماسي
اللهم عجل لوليك الفرج
من القصائد التي أبكت الكثير من العيون والتي بإعتقادي هي من قصائد الدمعة والحزن المظلومة... والتي أبدع الشاعر حسين طالب السماوي في تصويرها وصياغتها وأعطاها الرادود الحسيني الملا عمار الكناني حقها باللوعة والحزن على مولانا أمير المؤمنين علي صلوات ربي وسلامه عليه وآله...
تحاكي الأبيات أو كما سردها الشاعر ك قصة إجتماع الأيتام في الكوفة العلوية المقدسة بعدما علموا أن إمامهم أمير المؤمنين عليه السلام على فراش المنية وفي آخر أيام حياته... وصار كل يتيم يسرد للآخر قصة من حياته التي عاشها مع أمير المؤمنين عليه السلام وكانت كل قصة أعجب من الثانية ولا عجب في ذلك...
نصيحة لمن أراد أن يسمع القصيدة فليسمعها بهدوء تام ويركز في سرد القصة...
فلطالما أبكت العيون ونسألكم الدعاء عند الدمعة...
رابط القصيدة:
حديث اليتامى
أداء الرادود: #عمار_الكناني
كلمات الشاعر: #حسين_طالب_السماوي
https://youtu.be/a67SYE_vIV8
ليالي شهر رمضان المبارك لسنة ١٤٣٧ هجرية - ٢٠١٦ ميلادية
مجالس إستشهاد مولى الموحدين أمير المؤمنين علي ابن أبي طالب صلوات الله عليه وآله
عزاء هيئة عاشوراء - العراق _ بغداد
مونتاج وتنفيذ: سيد عبدالعزيز الحسيني
مكساج: عبد الكاظم
اخراج: علي عبدالزهرة
النشر الشبكي: علاء بركات العاملي
*حديث اليتامى*
گعدوا الايتام هالليله بوفاته
واحد يسولف لواحد ذكرياته
كل حچيهم ..عن عليهم
…
واحد حضّن واحد مثل عين وجفن
ما حسبوا يوم وضواهم يندفن
يابا الحسن ما صاحوا بوكت الحزن
صاحوا وداعا سيدي يابا الحضن
چان ضنهم من تمر مخلوقه شفته
لان چانت تمّرته ترافگ ضحكته
عن تمرته ..عن ضحكته
واحد يسولف لواحد ذكرياته
…
واحد وگف اصبع وره اصبع يعد
يحسب عِشرته اويه الوصي چان القصد
گال التقيته بشارع وصادف برد
ما ادري غطاني بشمس مدري بزند
حتى اذكر انه رقمي چان عشره
لان تسع ايتام گدامي اعله صدره
چان دافي… حضنه كافي
واحد يسولف لو احد ذكرياته
…
ثالث طفل صاح بحزن مدري اشذكر
گالوله ها يا ذكرى تركت بيك اثر
گال انه جيت احضن علي انطاني الظهر
حسبته زعلان الوصي وگلبي انكسر
طلع حيدر بالحجر بطنه يشده
خايف اعليه انجرح بالحجر حده
بهالشهامه ..اليتامه
واحد يسولف لواحد ذكرياته
…
رابع طفل اعمى النظر صابه العجز
گال انه ذكرى الظالت ابالي تحز
نخله گبل اگصدها وابلا ما اهز
يوگع تمر بس التمر وياه خبز
تالي بعدين اعرفت مو نخله هيه
هذا ياناس الوگف حامي الحميه
اليحچي قصه… وياها غصه
واحد يسولف لواحد ذكرياته
…
حرمه اجت بس الدمع بيها يحد
گالت علي معقوله راح ومايرد
جنت انه طفله ويستحي اعليه يصد
جابالي ام بعمري بس عدها ولد
امي طفله وانه هم طفله مثلهه
حتى حيدر يمه يازينب يگلهه
الهواهم ..والحماهم
واحد يسولف لواحد ذكرياته
…
رادو يگومون ولچن واحد صفن
گال انتبهتوا لو ولا واحد فطن
الجرح الوصي هالليله من جبنه لبن
شو هو اجانه بدون ما ندفع ثمن
اظن حيدر گام والطبره اعله هامه
وگال اساعدهم لان ذوله ايتامه
الدامي راسه ..خله ناسه
واحد يسولف لواحد ذكرياته
*الشاعر المبدع حسين طالب السماوي*
لحن (حبيتك حيدر)
بصوت
ملا حسين السعد
بصره
اصبحت الدار موحشة .غاب عنها علي
ام البنين مفتقده صوته . لاتطيق فراقه
كاني بها جلست تنعاه
نعي مجاريد
😭😭
طولك وصوتك ضيّعيته
بالدار ادوّر مالگيته
يلبيك چان ينور بيته
البيت والبي فارگيته
ماتنچهب صارت ثنيته
من عگب وجهك ماهويته
يلبروحتك ظهري حنيته
الموت اخذني وياك ريته
عِزِّي ودلالي ودّعيته
🏴
يازين ياطييب العِشره
بعدك دلالي اطاك عمره
ياهيبتي المكسوره كسره
ماترهم الهه بعد جبره
غالي الثِمن ياضوه الگمره
صبّحت حالي حال فقره
لوني بغيابك لو تنظره
آمال گلبي غدت صحره
وشمس الضحاوي بعيني سمره
لچمات احس الروح تقره
جرح المفارِگ عيب يبره
😭😭
ام محمد الحجاج
قصيدة في شهادة امير المؤمنين (عليه السلام)
ويحَ ابن ملجمٍ ماذا جنيت بفعلك
وأي ذنبٍ بعد الذي أتيته أعظمُ
قتلت أمير المؤمنين وهو صائم
وبذكر آلقران في محرابه يتمتمُ
قتلت خير الناس عند الله مكانةً
بعد النبي محمدٍ ليس منه أكرمُ
كفاه فضلا ان كان للبتول كفؤها
والنار والجنة في الحشرلها مُقَسِمُ
بطل الأبطال من ذَا يكون أمامه
كرارٌ ان شد في الهيجا لا يهزمُ
قد قتل لليهود بطلا يسمى مرحباً
وباب خَيْبَر قلعه وهو صائمُ
ترتجف الشجعان ان رأته أمامها
وبكشف عوراتهم من سيفه تسلمُ
فذاك ابن العاص هو خيرُ شاهدٍ
قد صار مثلاً والكل به يتكلمُ
وأهل العلم تراهم لا ينكرون علمه
فأيهم لا يقول ان علياً هو اعلمُ
قد حاز فضلا لا ترى نظيراً له
حتى أمسى على أنبياء الله مقدمُ
وليس فوقه من مقام أراه لغيره
الا مقام النبي فذاك هو الاعظمُ
فأي مصيبة بفقده رزىء الورى
فكل الخلق تراهم من بعده تيتمُ
فهذا جِبْرِيل ينادي بصوته معزياً
أركان الهدى بقتل علي تتهدمُ
قد قُتِلَ اتقى الأتقياء بعد محمدٍ
والدين والعروة الوثقى اليوم تفصمُ
عَظُمَ مصاب فقدك ياعلي لكنني
ارى حبك لذتي والله بذاك يعلمُ
فحبك هو للنفس اعظم سلوةٍ
واني بغيرها لن تراني أتنعمُ
غنيٌ من احبك وان قل ماله
وفقير من عاداك فهو المعدمُ
وسعيدٌ من والاك حقا فهو مؤمنٌ
وشقيٌ من عاداك فله جهنمُ
السيد غياث الحسيني
نسألكم الدعاء ….
#نعي
#أمير_المؤمنين_عليه_السلام
مصيبة مصيبة
حس قلبي يـوالـي بالمصيبــة
من؛ جابوك الي بهامه خضيبـة
رجع باب امي ظل يسعر لهيبه
وكنّــي اسمع رسول الله بنحيبه
بهالحالة الصبر مـن ويــن اجيبه
واجتمعنــ علَيّ مليــــون نيبــــة
فكدتـك يالكنت بحماك هيبــه
وهســه صــرت بـــويــه غريبــة
💔 آه يازينب 💔
عظم الله أجوركم بأميرنا علي عليه السلام
ــــــــــــــــ ❖ ❖ ❖ ـــــــــــــــــ
📝 الشاعرة زينب الخفاجي
~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم
▪️ #مناجاة_ليلة_القدر
▪️ #طور_ياليل_طول_ساعاتك
ياليل طــول ساعـاتــك
ماريد تخلص لحظاتك
ياريت كم شهر تدوم
بظلّك أدعـي القيّـوم
ــــــــــــــــ ❈ ❈ ❈ ــــــــــــــــ
لحظـــــة ياليل القــــدر
خلي ساعــــاتك طويلة
خلني اعقد بيك امـري
ادعي الله و اشتكيله
خلينـي ياليـل القــدر
اطلب من الباري الصبر
لا لا تعجّـل بالفجـــر
عالظهر ذنبي شيشيـله
بالآه اشكـي لمحبوبي
ادعيه يمحيلي ذنوبي
يفرج كـرب المهمـــوم
بظلّك أدعـي القيّـوم
ــــــــــــــــ ❈ ❈ ❈ ــــــــــــــــ
شلون لوما طال عمـري
بعد عـام شلون بيـــه
يا رب إعتق لي رگبتي
هاي آخر فرصـة ليـــه
إعتقنــي يا رب أسـألك
ابحق أعــز خلقــك إلك
ياخـالق الكــون وفــلك
بالمصطفى خير البرية
ارجاك لتخيب ظنــوني
بالـذات كــل السألونــي
يشفــى كلمــــن مالــوم
بظلّك أدعـي القيّـوم
ــــــــــــــــ ❈ ❈ ❈ ــــــــــــــــ
و أهم دعـــوه عزيــــزة
عالگلب بيهـا الأمانــــي
يظهر الموعــود سـالم
سيدي وصاحب زماني
يا ربــي فــرّج كربتــه
طالت علينـــه غيبتـــه
خليني احضى بشوفته
ومن ضمن خدّامه آنـي
برؤيــاه تتكحّل عيني
بحماه اگضيها سنيني
دمعاتي اعليه ادمــوم
بظلّك أدعـي القيّـوم
ــــــــــــــــ ❈ ❈ ❈ ــــــــــــــــ
✍ بقلم الشاعرة زينب الخفاجي
~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم
ابوذية لاستشهاد أمير المؤمنين عليه السلام عن لسان العقيلة زينب سلام الله عليها
اتحزم بالكدر دهري وجاني
يبويه ونار الموادع وجاني
وي الگوم شمسوي. وجاني
لفوك بسيف بيه تحدي المنيه
ملا هاشم البزوني🎤🎤🎤
الشاعر حسن لعيبي الحريشاوي✍✍
موشح للأمام علي عليه السلام ( گوم صلي )
گوم صلي ... وعوف هاي النومه
اتصيح بويه وتلطم المهضومه
هاك بويه ميزرك واعمامتك
حلوه بالمحراب تعجب وگفتك
خل اتچيلك واشدن هامتك
دولبتني هامتك مهشومه
گوم صلي ... وعوف هاي النومه
هامتك بالسيف بويه امهشمه
من امس لليوم تتناگط دمه
اسمع اونين ومناحه بالسمه
ومنبرك مهضوم ياجيدومه
گوم صلي ... وعوف هاي النومه
منبرك مهضوم ياحامي الدخيل
لاتفك عينك ولاتگدر تميل
ينهدم حيلي امن اشوفنك عليل
روحي مثلك گاضيه ومالومه
گوم صلي ... وعوف هاي النومه
روحي مالومه وگضت وي روحك
جرحي ينزف من اشوف جروحك
سيف ابن ملجم ندامه ايلوحك
وانته محد گابلك بالحومه
گوم صلي ... وعوف هاي النومه
محد ايلاويك لو صارت حرب
ياشجاع وياغيور وياصعب
تالي ماتالي بصلاتك تنضرب
ضربت اليكره صدگ ميشومه
گوم صلي ... وعوف هاي النومه
طاحت الضربه اعله راسك بالجبين
من عمت عين اللعين ابن اللعين
كون اموت ومااودعك يالحنين
اوجهك ايضيعن عليه ارسومه
گوم صلي ... وعوف هاي النومه
اشلون اودعنك واضيعك بالتراب
علمتني اعليك موش اعله الغياب
يامصيبه ايشيل گلبي وياعذاب
امصيبتك وامصيبة المظلومه
گوم صلي ... وعوف هاي النومه
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
لطمية للأمام علي عليه السلام (( خلاني غريبه ))
غريبه البين خلاني غريبه
كل يوم ويوگعني بمصيبه
اخذ مني الزچيه ... وحماي الحميه
وضلت دمعة عيوني سچيبه
غريبه البين خلاني غريبه
كل يوم وغدرني البين غدار
شفت ضلع ام حسن صوبه البسمار
وعالهامه انطبر والدي الكرار
ضلت خاليه وتنعاهم الدار
عافوني يتيمه ... واسحل بالهضيمه
خلص وكت المحنه اشلون اجيبه
غريبه البين خلاني غريبه
خلص وكت المحنه وراح كلشي
كون يصح بديه اوياهم امشي
يگلي البين بالهضمات بلشي
ومن نوحي عليهم طاح رمشي
مافليت نوحي ... ذوله اعزاز روحي
چنت بجالهم ياناس هيبه
غريبه البين خلاني غريبه
چنت بجالهم هيبه واميره
للهم والحزن خلوني اسيره
حگي من اون واحتار حيره
صدگ ثاري الدهر ماعنده غيره
فرهد مني الاحباب ... ثاري البين سلاب
جمر افراگهم يسعر لهيبه
غريبه البين خلاني غريبه
نار افراگهم ماطفت تسعر
بعد شيريد مني البين يفتر
شحمل يامصيبه الله واكبر
عيني مساهره وحالي تغير
افز بليل مانام ... گلبي يصيح محتام
اگولن وينهم طالت الغيبه
غريبه البين خلاني غريبه
اگولن وينهم محد رجعلي
نامو عالرمل بالمگبره اهلي
چا ياهو اليعدله ومال حملي
لاتبچين شو محد يگلي
محد گال اسكتي ... من هلت دمعتي
وين الطاهره وليث الكتيبه
غريبه البين خلاني غريبه
من ديوان مسلوب العمامه جزء العاشر
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
🏴 آجركم الله تعالىٰ
بشهادة سيد الوصيين وإمام المتقين مولانا أمير المؤمنين علي ع ..
إخوتي أخواتي
◾️البحر الطويل رائع وهو ينفع بقرائته ِ نعياً أو ردةً .. والنعي أطوار كالقطيفي والبحراني والفائزي .. والردة على رأس الأطوار فيها كمثال (يحسين بضمايرنه للرميثي رحمه الله ) وأنت لك الخيار بإيجاد طور مناسب وجيد .. لذلك توجد قصيدتان من البحر الطويل سأنشرها الليلة بعونه تعالىٰ .. لاتنسوني بثاني ليالي القدر بدعواتكم وخلواتكم مع الله سبحانه تعالىٰ .. كما لن أنساكم …
#سمير_الصالحي
#البصرة_الفيحاء
#ليلة_شهادة_المولىٰ_الأميرع_1445هـ
🏴هليله العقيله تنوح
تنحب والدمع هالي
🏴تودع حيدر الكرار
وداع الوالد الغالي
◾️تنادي ياحسافه شلون
يابويه ارحلت عنه
مصاب امي الزچيه ذاك
لهذا اليوم اذكرنه
جرح فوگ الجرح كثره
وجرحك بيش اضمدنه
بعد موت النبي الهادي
عله امي حرگوا افادي
وبتك ياعلي تنادي
تروح بعجل عن عيني
يبويه وخابت امالي
◾️علي انته الچنت خيمه
تِفيي فوگ روس الناس
كل الخلگ سيدهم
ياحيدر يرفعة راس
ما اصدگ تموت بساع
ومنك تخمد الانفاس
تعوف ايتامك بهمهم
لا والي الذي يلمهم
چنت الصدرك تضمهم
يوسفه اعله الحنين احاه
ابونه انفاركه تالي
◾️عگب موتك يبويه اعداك
تتشمت يوالينه
خلافك منهو يذكرنه
ومحد ينشد اعلينه
يانعم الابو انته
كل عمرك تبارينه
هيچ تغيب عن عيني
علي ياشمعة سنيني
وحيده لا تخليني
تسافر والغياب بعيد
اخذني وياك يالوالي
◾️اعاين للحسن وحسين
وام چلثوم وياهم
ينوحونك علي ويلاه
وانه اسمع المبچاهم
انه واخوتي بحيره
يهون عليك فرگاهم
اظلن بالحزن والأااه
اصيحن ياعلي ويلاه
ما اگدر عله فركاه
تسيل دموم من عيني
وچتلك فُطر دلالي
◾️يبويه العيد هل مجبل
علينه واحنه مفجوعين
تعايدنه الخلگ مااظن
تدري اعليك حزنانين
وانته افطرت گبل الناس
وراسك منجسم نصين
فرحانه الخلگ بالعيد
تعايدنه اظن تريد
وعليه الحزن گام يزيد
مهضومه اظل بعدك
وصورة شخصك اگبالي
◾️يحيدر دارك التزهي
مظلمه وموحشه بعدك
بيهه ونين لعيالك
مهمومه عله فگدك
ادورن بيها ياكرار
ثاري خلت من عندك
يبوالحسنين مااشوفك
ولا اقبلهن اچفوفك
لو بيدي فلا اعوفك
لحد ما أنزل بلحدك
دفنتي هناك تحلالي
#سمير_الصالحي
#البصرة_الفيحاء
☘️الاستشهاد الامام علي ع ☘️
لسان حال الشيعه👉
نهاية المجلس //
صلى الله عليك ياعلي
صلى الله عليك ياعلي
صلى الله عليك ياعلي
صلى الله عليك ياعلي
جينه نواسي فاطمه
بمصاب حماي الحمه
حزنانه كلها ارض وسمه
والشيعه كلها لاطمه
صلى الله عليك ياعلي.....
🏴🏴🏴🏴🏴
جرجك كلف لا ماشفه
ياحيف اسف نورك طفه
منبرك خالي يون صفه
من بعدك الدنيا العفه
صلى الله عليك ياعلي.....
🏴🏴🏴🏴🏴
حتى الوحوش اتكدرت
ودموع دم منها جرت
للنجف كلها هودرت
والفاتحه لشخصك قرت
صلى الله عليك ياعلي.....
🏴🏴🏴🏴🏴
صوت الحزن بينه اعتلا
بمصابه تتباجه الملا
ايتامه كلها بالفلا
والفطر عيده ماحلا
صلى الله عليك ياعلي.....
🏴🏴🏴🏴🏴
هذا الحزن ماينجلي
ودموعنه اتظل اتهلي
ماعدنه ابد غيرك ولي
حبك يظل حب ازلي
صلى الله عليك ياعلي.....
🏴🏴🏴🏴🏴
٢١ / رمضان/ ١٤٤٥
بقلم شاعرة اهل البيت عليهم السلام
✍️☘️ام فراس الساعدي ☘️
غير مبري الذمه لكل من يغيير الاسم او ياخذ كلمات القصيده وينسبها اليه
انجتل قرأن ياحيدر بجتلك
وزينب يا علي الليلة بجتلك
المن دمعة عيونك بجتلك
اكيد البنتك الراحت سبيه
........
الشاعر
اياد الفرح المهدوي
سجود الكلب يا حيدر سجدلاك
الليل شلون بانوارك سجدلاك
اجيتك فاطمة وادري سجدلاك
جرح الهامة هذه البيك بيه
........
الشاعر
اياد الفرح المهدوي
نموت وياك يالغالي من النه
وبدونك ياعلي نلنه من النه
بعدك تترك ايتامك من النه
النفس من بعدك تحول اذيه
.........
الشاعر
اياد الفرح المهدوي