7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيده بمناسبة طبرة وجرح الإمام علي ابن أبي طالب عليه السلام
😭🏴😭🏴😭🏴😭🏴😭🏴
هاي زينب بت علي عينيها
اليوم صابو حيدره واليها
علي ياعلي علي ياعلي علي ياعلي
😭🏴😭🏴😭🏴😭🏴😭🏴
اليوم صابو حيدره وتبجيله
ونزلت املاك السمه تنعيله
وعلي احبابه ابحزن تدعيله
اعمامته من عالارض شيليها
علي ياعلي علي ياعلي علي ياعلي
✍🏻الشاعره عاشقة كربلاء الطف ام محمد آل درويش
😭🏴😭🏴😭🏴😭🏴😭🏴
اعمامة الكرار متخضبه ابدمه
واليتامه تنوح تبجي لاطمه
صرخت املاك السمه متألمه
اهتزت اركان السمه وعاليها
علي ياعلي علي ياعلي علي ياعلي
✍🏻الشاعره عاشقة كربلاء الطف ام محمد آل درويش
😭🏴😭🏴😭🏴😭🏴😭🏴
أعليك الف وسفات يارعي الهمم
يبو حسين اليوم ننعيك أبألم
اليوم طاح الحيد واليهه الحرم
والدموع أعليه دم تجريها
علي ياعلي علي ياعلي علي ياعلي
✍️ أم طاهر نجف
😭🏴😭🏴😭🏴😭🏴😭🏴
اهتزت اركان السمه وحزنانه
اليوم طاح المرتضى مولانه
تصيح زينب ياعلي ياحمانه
كلف جرح الوالي ومبجيها
علي ياعلي علي ياعلي علي ياعلي
✍️ام حسين الحلفي
😭🏴😭🏴😭🏴😭🏴😭🏴
امكدره الدنيه عل حامي الحمه
وزينب وكلثوم ويلي مألمه
وظلت الاايتام تبحي ولاطمه
اتصيح ياحيدر علي رد ليها
علي ياعلي علي ياعلي علي ياعلي
✍️ام كرار مناذره
😭🏴😭🏴😭🏴😭🏴😭🏴
هاي زينب بت علي ظلت تنوح
ابن ملجم فزز ابسيفه الجروح
العيد مجبل وين بت حيدر تروح
وبس دمعها الفگده ايواسيها
علي ياعلي علي ياعلي علي ياعلي
✍🏻 ام زهراء الزيداويه البصراويه
😭🏴😭🏴😭🏴😭🏴😭🏴
ارتجت أملاك السمه ياهالعجب
وصلت الصيحه لما بين الحجب
انقتل حيدرنا علي شنهوالسبب
بالسمه جبريل صرخته امعليها
علي ياعلي علي ياعلي علي ياعلي
✍️فاطمه المطر أم زاهر
😭🏴😭🏴😭🏴😭🏴😭🏴
😭🏴😭🏴😭🏴😭🏴😭🏴
تــمت بعــون اللــہ
💢القصـیـده مشـــ🤝ـتــرڪـه بقلم شاعرات كربلاء الحسين المبدعــات 🌹 بإشراف
الشاعره ام محمد آل درويش مع الــشــاعــ🤝ـرات💢 /١٤٤٥/هـ
❌❌لايجوز شرعاً وغير مبرء الذمه كل من يحذف أسم الــشاعرات او ينسب الكلمات ويتلاعب بالقصيده🙏🙏
علي علي .. يابعد عيني
علي علي .. لا تخليني
...................
رايح اتصلي ورجعت ابطبرتك
تنزف ادموم وقهر من هامتك
يابو زينب والله تذبح فرگتك
اليوم روحي نشالت ويجنازتك
علي علي .. ضاعت سنيني
علي علي .. لا تخليني
...................
بالحرب مامنجرح يابو الصبر
تالي بالمسجد يحيدر تنطبر
هايه اول مره اشوفك منقهر
ومثل ضلع الزهره گلبك منعصر
علي علي .. بويه حاجيني
علي علي .. لا تخليني
...................
غمضيت عيونك وضلمه صبحت
انه زينب يالخذت عمري ورحت
شمعت البيت التضوينه انطفت
ياعلي وعشرته بالطبره انگضت
علي علي .. اسمع اونيني
علي علي .. لا تخليني
...................
باب خيبر بيدك ابكبره انشلع
وصار معبر للحرب والكل ركع
تالي حيلك ياعلي بسجده وگع
وشيبك تغطه بدمه وفيض الدمع
علي علي .. الگبري دليني
علي علي .. لا تخليني
...................
مساك صاحو والگلب ينزف ألم
بويه من هسه وأحس نار الخيم
تحرگ بروحي واحس حيلي نهدم
وگلبي يابوالحسن بالفرگه انصدم
علي علي .. الفرگه تجويني
علي علي .. لا تخليني
ابوفايز الرافضي
بويه علي . امسك قبل جيت الصبح
يابو هلي . بمحرابك اينطرك جرح
يل مبتلي . وبالسجده راسك ينفتح
من هسه اكلك ياعلي اسم الله يبعد الماغفن
ساعه وتردلي ابطبرتك تتوجه بجتاف الحسن
خليني اودعك بالدمع وياريت العيون انعمن
مابيه اشوفك منجرح وتنزف مشاعر ياوطن
نار الهم وراك تحركَني
الدنيه بلا هواك تخنكَني
زينب انه وين مخليني
مشتاكَه بضواك تشبكَني
علي يبويه علي يبويه
،،،،،،،،،،،،،،،،،،
ويلي اليتم . مايرحم التفكَد سند
كافي انلجم . وماكافي اتيتم بعد
حيلي نهدم . يالفركَتك فركَت بلد
سلملي عالزهره اذا من المسجد الكَبرك رحت
وكللها زينب تنتضر وتكَلج اخلافج صرت
انه اول ابنيه تره ابعز الشباب وشيبت
لا أم بقيت ولا ابو والله والف موته متت
امشي وياك اريد وعيونك
ما اصبر واهيد من دونك
باجر تدري ضيم يابويه
الوادم عدها عيد وينسونك
علي يبويه علي يبويه
،،،،،،،،،،،،،،،،،،،،،
كسرت ضهر . ها يابو زينب فركَتك
ابنص الشهر . تفطر يبويه ابطبرتك
موت وقهر . ندفن عمرنه بطيحتك
رمضان ابو الخير الشهر صاير ابوالهم والدمع
يفاركَنه حيدر والصعب فراك التحب ماينجرع
حيدر اذى طب الحرب لايهده لايلبس درع
يطبرونه ساجد للأسف وطوله كَصر مثل الشمع
مت عين السنين بهمومك
ترجع يالحنين وبدمومك
الموت ولا جفاك يالغالي
يومي بهل ونين ولا يومك
علي يبويه علي يبويه
،،،،،،،،،،،،،،،،،،
مودع صحت . بالله يشريان الكَلب
منيدي رحت . ترجع يالفراكك صعب
بويه طحت . بالسجده لامو بالحرب
افتحلي عينك ياعلي يموت الضوه لوغمضت
وي راسك الينزف الم بدموعي اشكَد سولفت
مخافن اعليك بحرب وما أهتم ولا التفت
بس من سجودك ياعلي بويه عليك شكَد خفت
اعرف تنطبر يالغالي
وعكَبك ينفطر دلالي
شيطيبه الجرح يابويه
ضل بس الكسر يبرالي
علي يبويه علي يبويه
،،،،،،،،،،،،،،،،،،،،،،،،،
صارت صدكَ . عايفنه ياحيدر تره
باجر حركَ . وماتبقه بالخيمه مره
باجر سحكَ . وحسين جسمه عالثره
ماترحم الوادم حرم ماعدها بس غير العبي
يذبحون اهلهن والعطش مصيطر عله عيال النبي
زينب انه براس الضعن امشي ويرافكَني اجنبي
الوالدها حيدر للأسف ينطكَ متنها وتنسبي
بدروب الضياع يمشوني
ولامتلمني كَاع بضعوني
وحسين الغريب عالغبره
مدمع جرحه شاع بعيوني
ابوفايز الرافضي
قصيده الى أمير المومنين ع
بسمه تعالى
المستهل 👇
النظر في وجهك عباده
وهايه صارت عندي عاده
شلون اعوفك يا علي/ بويه أريدك ياعلي
***
الكون اشوفنه بضحكتك شلون اشوفك منطبر
بويه اكعد صلي فرظك من قبل شمس الظهر
بعد ما بي حيل افارك بيه لجمات شكثر
فاگده وظليت اعاني وانا مليت الصبر
جرحك الما بيه اروفه
انلجم كل ما اشوفه
بالحزن راح ابتلي
شلون اعوفك يا علي/ بويه أريدك ياعلي
**
بويه كتبيت الوصيه واضن ناوي اعله السفر
ولو رحت يابو الحمية بيه شيسوي الدهر
راحت امي وراح ابويه وبجي محنية الظهر
خاطري وكلبي على فكدك كسرت الجامه انكسر
حايره عيوني على شوفك
يا النظر ما بيه اعوفك
بويه اموتن لو تجي
شلون اعوفك يا علي بويه أريدك ياعلي
***
تحزمت روحي بحزنها ولدمع شك الجفن
وباجر عيوني تشوفك يا علي من تندفن
جدامي تمشي ويا اليشيعك والحزن يتبع حزن
ومن كثر هجر الليالي زينبك ظلت تون
ادري رايح ما تجيني
ياحياتي ويا حنين
ما يصح مثلك ولي
شلون اعوفك يا علي بويه أريدك ياعلي
****
بويه لجمتني اليالي وجرحي حالي معلعله
بفركت الزهراء الزجيه وفركتك كلبي بتله
ياعلي يابو الشدايد فكدك اكبر مشكله
وانا ما ظل حيل بيه شراح اظم لكربله
راح اظل بس العبايه
وكربله باجر ورايه
وياهو يبره المحملي
شلون اعوفك يا علي بويه أريدك ياعلي
****
شكثر ما احجي واسولف همومي كثره وما كظن
ومن كثر دمعي البجيته راحن عيوني وعمن
بويه يا حيدر يغالي جنت احس حظنك وطن
صبر ما ظل بيه واصبر والوطن شفته اندفن
قاسيه هواي الليالي
هيج ما جان على بالي
اتيتم انا وكافلي
شلون اعوفك يا علي بويه أريدك ياعلي
*
ابو هاجر المجراوي
تنتهي -- بعدك اسنين العمر
تنتهي -- وباجر اسحك عالجمر
ياعلي حل العذاب - من مصاب اهوه ابمصاب -- ياعلي ياعلي
****
1 ) انته شمعه بيتي وخيوط الضوه
ابكطعت انفاسك يفاركني الهوه
من تفارك ذو الفقارك واللوه
الدنيه وحزاني تهاجمني سوه
▪▪ احترك ------- ويخنك أنفاسي القهر
احترك ------ اويصبغ اجفوني السهر
وانتظر منك جواب - من مصاب اهوه ابمصاب - - ياعلي ياعلي
- - - - - - - - - - - - - - - - - - - - - - - - - - - - - - - - - - - - - - - - -
2 ) من تسافر عني صعبه المسأله
وصعبه مااسمع بعد جلمه هله
تدري بويه ابجالك أنه امدلله
شلون بيه لو عفتني الكربله
▪▪ بالغرب ------ وحدي أظل ابلا خيم
بالغرب ------ ارد ياسوط وسهم
تخلص اسنيني عتاب - اومن مصاب اهوه ابمصاب - - ياعلي ياعلي
- - - - - - - - - - - - - - - - - - - - - - - - - - - - - - -- - - - - - - - - - -
3 ) كبرت اجروحي مثل جرف النهر
وأنه بأول عمري ماشيت القهر
بيش يطلبني او يحاربني الدهر
ايريد يخطف مني يالغالي النظر
▪▪ لو غبت ------- اسهر الحد الصبح
لو غبت ----- ابكلبي ما يغفه جرح
مثل طعنات الحراب -- اومن مصاب اهوه ابمصاب - - ياعلي ياعلي
- - - - - - - - - - - - - - - - - - - - - - - - - - - - - - - - - - - - - - - - -
4 ) والله من تمشي يهد حيلي الدمع
وبويه أعيش ابفكدك ابأصعب وضع
بالغرب بويه احترك مثل الشمع
من اشوف الخيل تكسر جم ضلع
▪▪ والأخو ------- خده متوسد الثره
والأخو ------- ابعيد وأنه امخدره
يأكل ابخده التراب -- اومن مصاب اهوه ابمصاب -- - ياعلي ياعلي
- - - - - - - - - - - - - - - - - - - - - - - - - - - - - - - - - - - - - - - - - -
5 ) يالجنت يمي او تكلي ادللي
صعبه بالغربه اذا افارك هلي
كلها غربه اوما احس واحد الي
وين اروح أو انطي وجهي ياعلي
▪▪ انضرب -------- ادري بعدك انضرب
انضرب -------- اوبويه تشتمني الغرب
اوعالثره اوجوه الشباب -- اومن مصاب اهوه ابمصاب - - ياعلي ياعلي
- - - - - - - - - - - - - - - - - - - - - - - - - - - - - - - - - - - - - - - - -
6 ) اكبالي ماي العلكمي أومنه انحرم
ونضرب كل ساعه بويه او انلجم
هيج باجر بيه يحصل ونهظم
لا أخو ايظل او احشمه أمن انشتم
▪▪ هالعمر ------- اشيسوه بعدك هالعمر
هالعمر ------- اشلون بفراكك يمر
راسي يالكرار شاب -- اومن مصاب اهوه ابمصاب - - ياعلي ياعلي
- - - - - - - - - - - - - - - - - - - - - - - - - - - - - - - - - - - - - - - - - - -
لخادم أهل البيت - أبو أحمد المجراوي
ياقالع الباب
من تــشتــد علي الها
من تنحل علي يحلها
اشما تتعسر الحاجات
هــو اللــي يسهـلـهــا
ـــــــــــــــــــــــــــــــ
الغوث الغوث يابوحسين .. يابوالغيرة ياكرار
يمفسر علـوم الـــدين .. ياباب النبي المختار
يافارس بـدر وحـنين .. موت ويرهب الكفار
وحـدة مـاتصـير اثنين .. كلمة حيـدر الكرار
والرب يشهد افعاله
وماينــعـدن افضاله
بيده يلين الصعبات
وهو اليعرف اولـهـا
ـــــــــــــــــــــــــــــ
ياسيف وبخت ياجود .. ياراية نصر وايمان
وعد الباري ياموعود .. يابسم الله يارحمان
روح الهادي يامحمود .. وبصدره نزل قرءان
ياحد ماتحـده احدود .. لمـن ينزل الميـدان
فارس والحرب يومه
وينفض بالوغه اهمومه
حبك وصفه للكلمات
وانت اللــــي تجملها
ــــــــــــــــــــــــــــــــ
ياحصن الله يامعروف .. وبچفك قلعت الباب
لامتخاف وانت الخوف .. ريح وعاليضدك هاب
بخاتم عزبت الضيوف .. وانت تصلي بالمحراب
غيرك عيني لامتشوف .. حبك للجنان اكتاب
واليتبع علي وحزبه
فاز ومطمئن گلبه
ويل جودك ينقي الذات
والــروح يــتــكفــلــهــا
ـــــــــــــــــــــــــــــــــــ
لـــو ماانت يامولاي .. عن هالدين چا ظليت
لامبدأ الي ولا راي .. لافي حبك تربيت
عندك معجزات اهواي .. يلي بكعبته انولديت
وشمس الله الشهود بهاي .. من ردتلك وصليت
يعلم الله بـــ اسرارك
الهاي المرتبه اختارك
رحمة وبيدك الرحمات
وبأذن الــلــه تنــزلـهـا
ـــــــــــــــــــــــــــــــــ
شلون تموت وانت الموت .. زينب ياعلي تنادديك
من خلوك بالتابوت .. ونت ون يتامى اعليك
يابو الفقرة افجع صوت .. صوت الفقره لو مر بيك
انحب والدمع بسكوت .. بويه لو يمر طاريك
تنشد ياعلي ايتامك
ياهـــو يرجع ايامك
راحت ياعلي ابلياك
هسه الخوف كاتلها
الشاعر فاروق الغنامي
لسان حال مولاتي أُم البنين صلوات الله عليها تقول 💔:
أول مره أگعد وحدي بالدار مامِتعوده يمشي الشال خيبر
بكثر ماراسه بي حنيّة أيتام حتى السيف نام براس حيدر
راح بكل طوله
ورد يتچوله ، علي
<>
مشى المارد طلبتي بيوم وطلعته بكل صدر تفجع
وهيَ المُشكله من أيرؤح ما أگدر أگله أرجع !
راح يصلي بس أشلون أعلي يتصلى تالي أسمع ؟
راح ويرد مدري شوكت
خلاني متعوبه
واليفگد أعيونه تره
تضل سولته بثوبه
چلب بالعبايه شفت بسمار وأحس بطوله صارت حيل غربه
من گد ما حنين وگلبه ملچوم بنص ضهره أشوفن نبض گلبه
شيء راد يگوله
ورد يتچوله ، علي
<>
بقيت أتنطره أيردلي ويسّكِت گلبي ويطَمنه !
عطشت بگد قلق زينب ومو هوّه اليعطشنه !!
نفطر ليش ديره أدموع ، مو تونه تسحرنه ؟
تسحرنه چم دمعه وملح
وبرحمة أچفوفه
ونرجف مثل سعفه بهوى
من جرحه چم خوفه
لملمت الدموع وكلشي بالروح وأنطر لحضه لحضه يردلي لحضه
يحسبني يتيمه قبل ميروح بس هالمره جفنه بچفي أغمضه
والحب تنوله
ورد يتچوله ، علي
<>
سمعت [ الله أكبر ] صاح وترست روحي هالچلمه
اليمسح روسها الأيتام أيتامه تمسح بدمه
تعمه أعيونك من أتشوف منك راحت النعمه
الملچوم اذا شافه علي
يرسم أله أحساسه
بس ياهو الي يضمد جرح
جرحه الغفى براسه
ياخذ گلبي غفله ويرجع أردود وماترتاح روحي بليله غفله
راح يصلي بس لمن وصل غاد براسه تالي شفنه السيف صلى
والليل شطوله ؟
ورد يتچوله ، علي
<>
[ بده الطف ] من وصل يمنه وهنا كلنه ملتمين
وبده يحچي وي كل مذبوح راح يمر عليه البين
ليش بچلمة ال [ مذبوح ] شفته باوع أعله حسين
باوع على حسين وبچه
وأسألته عالنضره
گلي الأحبه برگبته
يرد منگطع نحره
هاي الماردتها تصير بس هاي تالي أبدون بالغرب وتصير
راسه بلا جسم عالگاع مطروح وتتعناله زينب بالفله تحير
أرماح أتعنوله
ورد يتچوله ، علي
<>
يوصي من ؟ بعد ويروح ؟ أهنا كلنه بهظم ننحب !
گال عيوني يم وحده باچر بالغرب تتعب
تمشي وتتعب من الشام وتموت بغرب زينب
الشام مايرحم أبد
يازينب بلونچ
باچر وحيده وبالغرب
زينب يدفنونچ
لهنا وأنتهت كل المعاناة وغمض عينه وأنطانه الوصيه
خل يرتاح حيدر حيل موجوع گضّه العُمر يبچي أعله الزچيه
بدموع أنگوله
ورد يتچوله ، علي
<>
عبد الرحمن حميد الفضلي
خلصت ذيج ايام الفركه
وبدموع الفرحه اتلكيتك
لازم باب الجنه المحسن
اتفضل يا ابو حسين ابيتك
انسى ادموعي.....بخير اضلوعي
....................................
اتفضل وانسى ايام الونه....بأسمي واسمك هاي الجنه..وادري اتحب الكعده وياي
هاي الليله اوداع لهمي ...مشتاكتلك تفطر يمي....وتشرب من اجفوفي الماي
كلما اشوفك انساهن علي ادموعي
مايدرون بعيونك دوه اضلوعي
انته اضمادي وانه اضمادك
وبس احساسي يعرف احساسك
ضلعي ايطيب بشوفت طولك
وشوفت طولي اطيب راسك
فدوه امتوني.....انته اعيوني
اتفضل يا ابو حسين ابيتك
..................................................
خلي احجيلك عن البيه
افراگك جان اهواي اعليه... وكتلتني العيشه ابلياك
جم ليل المر وما نمته.... وحشه الجنه الما بيها انته... اتعطلت اهواي اهناك
من كدما يحبك الله ويثق بيك
قسيم النار والجنه علي امخليك
اتفضل يا مولاي ابدارك
كلشي اوياي الليله اتغير
هذا اول رمضان ويانه
نلتم واعله اعيونك نفطر
محلى ارسومك... وعطر اهدومك
اتفضل يبو احسين ابيتك
...................................................
كبَرّت المحسن بغيابك......
لا تهتم عالصار ابابك....ماگتله اشسوه البسمار
يا محلاة ابني اتگول انته......عن كل شوغه هنا عوضته.....وشوگه لجيتك صاير نار
هله بجيتك علي أمن الگاع لهنانه
هله بگدما المحسن روحه عطشانه
بكلشي اعليك اوليدك طالع
بس اشگد يتمنه ايشوفك
أنسى الباب وذيج العصره
من گدامي ايبوس اجفوفك
شوف اوليدك... واخذه بأيدك
اتفضل يا ابو حسين ابيتك
.................................................
ناقص لمتنه بهالحظه.....ياحيدر بس ولدي وفضه.....وترجع ضحكتنه البلدار
الما شبعوا من هاي الجلمه....من يابويه ومن يا يمه......عفت البيت وهمه ازغار
آخر مره يمكن بيها ملتمين
جان استوه اذكر يمشي ابني احسين
يعيوني ويابعد عيوني
شگد مشتاگه لحجيه الدافي
يوجعني أكثر من اضلوعي
بشر بله اشلونه اخلافي
عاش بروحي......اغلى اجروحي
اتفضل يا ابو حسين ابيتك
..................................................
وجمعتنه ايضل يرادلها
اثنين انحبهم محتاجلها....طيبين يرفعون الراس
ما أذكر عافونه بشده.....ماينعبرون بهالگعده......عباس وأم العباس
كالولي وحيده ابلا اخت عشتي
حگهم ما دروا بأم البنين اختي
هاي التذكرني ابكل ليله
ودارت بيتي ودارت ولدي
بلجنه وكل گلبي اعليها
غير ام عباس آنه شعندي
ياطيبتها..... وحنيتها
اتفضل يا ابو حسين ابيتك
..................................................
ولو أبجيّك اهواي اعذرني....
بس اتضل زينب توجعني.... باجر هيمه وماكو افياي
باجر ضيم الطف اهوايه
ولا كافل يمها ولا رايه... واخت الماي اتدور ماي
اشمكلفها وعباية الله تترب
وبعد ذاك الدلال الحره تتغرب
باجر ياهو ايگلها ارتاحي
وياهو يضل ما يشمت بيها
باجر عالشام اني وانته
نلطم يا ابو حسين اعليها
اتهل دمعتها...ابدون اخوتها
اتفضل يا ابو حسين ابيتك
احمد ماجد الكلابي
استشهاد أمير المؤمنين
علي بن أبي طالب (عليه السلام)
ما عدنه ابو من الليله
وشنسـوي مشتـاگـيله
بـعـازة حـنـانـه والـگـبـر ويـن
شجابه اعله حنية أبو حسين
وشنسـوي مشتـاگـيله
هل آتى تبكي وهل...عدنه چا تسلم مُقل
وبالگبـر حيدر نزل... وبعد ما ينشـاف ابونه
لا بعد نگـعد سوه...ولا يـوزعـلـنـه هـوه
النجم لعيونه هوى... وغمضت الليله عِيونه
وليـل والما بي عـلي ياهـو اليـنامه
ننحب امگابل نخلصه اويه اليتامه
وياهـو الليلـوم النـايح
ومن عنده حيدر رايح
وكـل ابـو بالدنيـا انعـرف زين
شجابه اعله حنية أبو حسين
وشنسـوي مشتـاگـيله
ـــــــــــــــــــــــــــــــــــ١ــــــــــــــــــــــــــــــــــ
الشيب يبدي اويه الإبن...ويه ابوه مـا يندفن
ويـكـبـر واكـثــر يـحــن... والحـزن يخنـگ طريقه
لا صـبــاح ولا مـسـه... اشـمـا يكـابـر ما نـسـه
وعمره يگضيه يا عسى... بحلم عايش مو حقيقه
شلون ينسى وكلشي يتخيل يشبهه
اوين ما ينظر ضـوه بي يلگه وجهه
الهيـبه وفـرح دنيانه
هالليله خالي امچانه
ولو مَلَـك غـيره وتنظـر العين
شجابه اعله حنية أبو حسين
وشنسـوي مشتـاگـيله
ـــــــــــــــــــــــــــــــــــ٢ــــــــــــــــــــــــــــــــــ
راحت امنه امن الزغر...وحيدر الچان الصبر
والصـبـر لـن منـطـبـر... وراسه ينزف بين ايدينه
الباب والطبـره خَـذَن...الأطيب وأوفى وأحَن
اشعنـده ويانه الزمن...مـا رضــى انبـطـل بچـينه
اليخسر الزهره وعلي اشيبقه بحياته
مـثـل دمـعـه ابـحـر ضـاعـت امنياته
وي كـل حلـم ننطرهم
وين الله بس ننظرهم
والحـلـم للواقـع يجـي منيـن
شجابه اعله حنية أبو حسين
وشنسـوي مشتـاگـيله
ـــــــــــــــــــــــــــــــــــ٣ــــــــــــــــــــــــــــــــــ
نشفت عـيـون البـشـر...ونگعت عيون الحجر
امن البواچي ومن قهر...فگـد ابو حسين وغيابه
وكلشي بي روح اختنگ...كـثر ما شاغ وشهگ
وبنحيـبه ودمـعـه دگ... بـابه بلـكي ويفـك بابه
وبـس نـفـك الباب تسـأل كلـها عنه
واحنا بعده اعلينه باقي تراب دفنه
مدفون گلنه وطاحو
الحنيه راحت صاحو
وصار اللطم بچـفوف الاثنين
شجابه اعله حنية أبو حسين
وشنسـوي مشتـاگـيله
ـــــــــــــــــــــــــــــــــــ٤ــــــــــــــــــــــــــــــــــ
الليل يخلص والصبح...ايزَّود لزينب جرح
شـلون تـهـدأ ما يصح...والـد ايـهَّـوِد دمـعـهـا
امگابِلَّه اثيابه وتِعِد...چم نَفَس عاشت بُعِد
ومن تشم ثوبه يرد...ثـوب حيدر هـم يشمها
الله أكـبـر حـتـى واثـيـابـه حنـيـنـه
حگها من تگضي العمر زينب حزينه
واثيابه لو حضنتها
تمسح تظل دمعتها
وتذكـر علي ولمـسـة الچـفين
شجابه اعله حنية أبو حسين
وشنسـوي مشتـاگـيله
ـــــــــــــــــــــــــــــــــــ٥ــــــــــــــــــــــــــــــــــ
منفجع يـم منفجع...وكلشي ساكت والدمع
ابيت حيدر ينسمع... وبويه بويه انريدك انته
وبده العاشر يقترب... والثـيـاب التنـسـلـب
والاخيام التلتهب...كلـها صارت تبچي سكته
اتخـاف زينب تسمـع وتنجـرح اكـثـر
وهوَّ وحده اچبير تعرف جرح حيدر
والدنيا سكته وتنحب
عــن لا تِــلَــوّع زيـنـب
وخلـيـه حنـان الدنيـا ضعفين
شجابه اعله حنية أبو حسين
وشنسـوي مشتـاگـيله
ـــــــــــــــــــــــــــــــــــ٦ــــــــــــــــــــــــــــــــــ
أحمد البصراوي العبادي
استشهاد امير المؤمنين علي عليه السّلام
الليله بعيونك يغالي. مو مثل باقي الليالي
ليش ما مرتاح اشوفك ياعلي جاوب سؤالي
٠٠٠٠٠٠٠٠٠٠٠٠٠٠٠٠٠٠
ليلة التاسع عشر ليلة مصيبه
هيج كلبي يشعر وساجر لهيبه
ليش وضعك مظطرب هاي العجيبه
بويه جاوبني عليك امي الحبيبه
للسمه تباوع يحيدر وكلشي بوصافك تغيّر
وياك سهرانه بدموعي. النوم مثلك ما حلالي
٠٠٠٠٠٠٠٠٠٠٠٠٠٠٠٠٠٠٠٠٠٠٠
للسمه تباوع يبويه برسم الانجوم
هي هاي الليله گتلي وطبرتي اليوم
گتلك شصاير يبويه وگتلي محتوم
الليله يازينب مصابي وانزف دموم
گربت وهاي العلامه. ماظن تمر ابسلامه
عن جرح راسي يزينب. غير ساعه ما بقالي
٠٠٠٠٠٠٠٠٠٠٠٠٠٠٠٠٠٠٠٠
منين اجت هاي المصيبه شلون بينه
بويه عوف المسجد وباوع علينه
من يضربك ريتها انشلّت يمينه
انت ابوالايتام مثلك ما لگينه
بنتي يازينب اصبري. وكّلت للباري امري
ماشي للمسجد اصلي. ما يصح واحد بدالي
٠٠٠٠٠٠٠٠٠٠٠٠٠٠٠٠٠٠
ساعه لن اسمع منادي الله اكبر
نهدمت اركان الهدايه بفاعل الشر
ابن ملجم صاب راسه وطاح حيدر
تغير الكون ونظامه ودم تـنـثّـر
طاح ابونه وسال دمه وصارت الأكوان ضلمه
وين اروح وراح ابويه حالة المفجوعه حالي
٠٠٠٠٠٠٠٠٠٠٠٠٠٠٠٠٠٠٠٠٠
ساعه لن جابو ابونه الحسن وحسين
مخضّب بدم راسه ينزف على الخدين
شايلينه المرتضى خواني بالايدين
ما كدر من جرحه يمشي ابوالسبطين
شافني وظل يمشي گوه. مو علي لو هذا هوه
يكابر لخاطر شعوري. سابح ابدمه اجالي
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الليله دارك ٠٠ بويه ياحامي الحمه
وحشه صارت ٠٠ وبرحيلك مِظلمه
وبغيبتك مـــر الصبر
والكسر ماظن ينجبر
ـــــــــــــــــــــــــــــــــ
دارك الليله مِظلمه ياولينه
وسفه ياحيدر رحت من بين ادينه
يتمتنه وغيبتك صعبه علينه
وذكرتنه بموتت الزهره الحنينه
اوداعة الله ٠٠ الليله راحو كل هلي
اوداعة الله ٠٠ صدک صارت ياعلي
لله يابويه العــــــــذر
والكسر ماظن ينجبر
ـــــــــــــــــــــــــــــــــ
اباب دارك گاعِده ايتامك يحيدر
تكسر الخاطر تجي اويه الفجر لوطر
كلهم ايگولون ابونه شو تأخر
شرد اگلهم والحزن بيه تكور
رادو ايدك ٠٠ تمسح اعليهم ترد
رادو ايدك ٠٠ ليش عنهم تبتعد
ومن الشمس صارو سمر
والكسر ماظن ينجبر
ـــــــــــــــــــــــــــــــــ
يمن رديت الشمس ارجع أليه
بعد عينك وحشه صارت هالثنيه
بويه حيدر حلت ابگلبي الرزيه
دنيا ماريد وتمنيت المنيه
اوياك اخذني ٠٠ فرگتك ماتنحمل
اوياك اخذني ٠٠ وين من بعدك اظل
گلبي ابغيابك كالجمر
والكسر ماظن ينجبر
ـــــــــــــــــــــــــــــــــ
چنت سلوتنه بعد عين الحنينه
اشكثر امي وصتك يابويه بينه
ياجرحهه الما يطيب ودوم بينه
للمنيه ريت وياكم مشينه
هاجرتنه ٠٠ بعد عين ام الحسن
هاجرتنه ٠٠ ومارحمنه هالزمن
بعد اليسر صرنه بعسر
والكسر ماظن ينجبر
ـــــــــــــــــــــــــــــــــ
اذكر امي وصتك تعهد گبرها
تقرأ القرأن وبصوتك تسرها
بويه ليليه تريد أمي تمرها
فارگتنا وكسرتي تدري اشكبرها
من عفتني ٠٠ بين اعليه اليتم
من عفتني ٠٠ النار بيا تلتهلم
والحال بعدك مايسر
والكسر ماظن ينجبر
ـــــــــــــــــــــــــــــــــ
حيدر بشار الدراجي
نعي للأمام علي عليه السلام
صبح الناعي اليوم ينعه
وايصيح يازينب واسمعه
مطبور ابوچ وخطر وضعه
مطبور راسه وينگط ادموم
وضعه خطر مايگدر ايگوم
ودعي علي يازينب اليوم
گومي يزينب ودعي ابو حسين
مايضل باچر ياخذه البين
راسه انطبر بالسيف نصين
مايگدر ايفتش عيونه
من طبرته ومخطوف لونه
للنجف باچر ياخذونه
للنجف عنچ باچر ايروح
حضري الدمع والحزن والنوح
بهداي شدي الراس مجروح
يم الحزن بهداي شديه
جرح البراسه ولاتلچميه
بالدار باچر ماتشوفيه
باچر علي ماتشوفينه
اشلون گولي اتفارگينه
خلصت بعد عشرته الزينه
خلصت بعد عشرته الحلوه
ابوچ ويجر النفس گوه
وبراسه ابن ملجم شسوه
براسه ابن ملجم شخله
عفيه عليچ اشلون عدله
والحسن حاچيني يگله
شتهيس يگله يمهيوب
شو ماگمت صليت الغروب
ضربت حقد عالراس مضروب
ضربت حقد واصواب چتال
تجسر عليك الظالم وعال
اليوم حالك يشده البال
شده بالنه حالك ولونك
صحت العيال ايوادعونك
شو شابحه الزينب عيونك
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
نوحية للأمام علي عليه السلام ( وين اتريد )
وين اتريد ياحامي الحميه
اتصيح ام البنين بهالمسيه
لاتمشي بعجاله وريض النه
المن ضالين اوياك اخذنه
ياعزنه وضمدنه وتالي اهلنه
وسور بيوتنه المادام فيه
اتصيح ام البنين بهالمسيه
سور بيوتنه المادام ضله
يومك مانريده ولانقبله
بنص اگلوبنه چويات خله
ونار امصيبتك ضلت سريه
اتصيح ام البنين بهالمسيه
نار امصيبتك ماطفت تسعر
وراسك بالسجود اشلون ينطر
من سابع سمه جبريل كبر
حيدركم وگع ياجعفريه
اتصيح ام البنين بهالمسيه
من سابع السمه الناعي ينادي
حيدر بالفرض صابه المرادي
الله ايعين ابن عمك الهادي
والله ايساعد الزهره الزچيه
اتصيح ام البنين بهالمسيه
الله ايعين ابن عمك وبته
صاحو ليش ياظالم طبرته
اليوم الدين بچفوفك هدمته
وطشر هامته اصواب المنيه
اتصيح ام البنين بهالمسيه
سيفك صوب الكرار والدين
اجه من الدار حافي ويركض حسين
بويه ايصيح يابويه طحت وين
اجروحك والألم ذبهن عليه
اتصيح ام البنين بهالمسيه
جروحك والألم بيه عساهن
يازينب واختهه الضيم اجاهن
ياريتك عدل بويه وتراهن
اخلافك ينسبن بالغاضريه
اتصيح ام البنين بهالمسيه
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
في حق الامام علي. ع
العيد اجه واكف على الباب
بالمكبره. كلوله. ابو. اتراب
راحت بعد جلمت هله
بلحزن. خل. نستقبله
بالمكبره كلوله ابو. اتراب
-----------------
سدينه بيبان الفرح. غايب تره راعي العيد
بالمكبره وحدر الترب. عن الهل صار ابعيد
موحشه الدار بغيبته. والعتب كلي شيفيد
سافر ومايرجع بعد. ياعيد مني شتريد
ياهو اليسولفله الجره وصار
والعيد سير لينه. خطار
مدفون. وياه. الفرح
والضوه من راح انذبح
بالمكبره كلوله ابو. اتراب
-----------------
كلشي خذه وياه ومشه وراحت وياه الضحكه
وسفه غدر بيه الزمن وضلت ابروحي الحركه
عافانه بلهم. والحزن ويذبحني سيف. الفركه
ياعيد ارجع لاتجي وثوب. المبارك. شكه
والوالي نايم حدر التراب
زيدت كلبي هموم ومصاب
توني عرفت معنه اليتم
من يمر. طاريه. الجم
بالمكبره كلوله ابو اتراب
-----------------
الوالي مايرجع بعد. راح ومشه وخلانه
والي يفاركله ابو. يكضي العمر بحزانه
محرابه ضل يبجي ويون. ويسئل عليه قرانه
فرض الصبح من فاركه . ملهوف ضل لاذانه
ليليه. اسمع. يقره. قران
يفززني جان بصوت الذان
سهرانه كل ليل اليمر
بمحرابه كضاه العمر
بالمكبره كلوله ابو اتراب
------------------
كل يوم لو مر بسنه. تلجم الحسره بجرحي
عافاني الغالي ومشه وبعيني مضلم صبحي
شكد قاسي وياي الزمن. خذ مني عيدي وفرحي
اشلون اضل عدله بعد. موتي قهر. ياروحي
هذا الزمن غدار. ويدور
يابويه وحشه عليك الكبور
ادري انه رايح ماتجي
مليت من كثر البجي
بالمكبره كلوله ابو اتراب
------------------
ماتم حزن خل ينصب. لو هل العيد اهلاله
بس البواجي والطم. اكبل علينه بفاله
البيت وحشه ومكبره. ورايح ابوهه شحاله
يافركته كسرت ضهر. سيف. الغدر. جتاله
اتمنه ياخذ روحي الموت
من البواجي مابقه صوت
وي روحته حيلي نهدم
شيفد يلوالي. الندم
بالمكبره كلوله ابو اتراب
--------------------
الخادم
رحيم الصالحي
قصیده في حق استشهاد الأمام علي علیه السلام
والدها ترید اتشوفه زینب
بعد ماتصبر و جمرتها تلهب
صاحت یاابوالنوماس ابویه اشلونه یالعباس
****
اجت زینب لعد عباس.. تحاچي ابحسره المچنه
تگله اشلونه حامي الجار.. یردلي سالم اتمنه
یگلها جرحه مایشفه.. أیسي و اگطعي الضنه
سمعت بالخبر طاحت..... علیها زادت الونه
صاحت یاعلي و شبچت العشره
عساها ابراسي یاحیدر الطبره
مجروحه الگلب و احساس ابویه اشلونه یالعباس
***
بچه العباس ابوالغیره.. یحاچیها ابگلب ملچوم
اخیر اوداع هاللیله...و اشباح المنیه اتحوم
باچر من یجي فجره.. عسه لا یجي فجر الشوم
بیها ایموت ابوالحمله.. علي حامي الحمه المظلوم
سمعت بالخبر گطعت أملها
عله حیدر دمه المدمع تهلها
صاحت فرحت الأرجاس ابویه اشلونه یالعباس
****
اجروحي لا تهیجها.. صاحت بالبچي و انیاح
یحاچي زینب الحره...یگلها امأیس الجراح
سمعت بالخبر ناحت.. تصفج بقت راح ابراح
اموت اویه الوصي اتنادی.. علیه لو یطلع المصباح
لطمت راسها و کثرت بالوید
افدي والدي ابروحي یصندید
المهم ایطیب منه الراس ابویه اشلونه یالعباس
**
ایام الهنه راحت... بعد یا مدمع ایردها
ابونه ابهل شهر مطبور.. الدهر و البین رایدها
اریدن انظر الــ حیدر... علي راعي شدایدها
المثلي اتشوف والدها...بس الله الیساعدها
تمنیت الأجل یاخذها روحي
ولا ابقه اعیش ابنص جروحي
الي صار الدمع مقیاس ابویه اشلونه یالعباس
**
تعنت للوصي و شافت.. لونه من النزف اصفر
اشلونك یاعزیز الروح.. ییوالحمله یلیث البر
فك عینك و شاهدني.. عله افراگك فلا اگدر
انه زینب انه ابنیتك.. چلمه احچیلي یاحیدر
یبویه ان شاءالله اتگوم ابسلامه
عله بابك اجت کل الیتامه
اجت تنشد علیك الناس ابویه اشلونه یالعباس
****
زینب لطمت اعله الراس.. تکثر بالبچي و الوید
یبوالحسنین ما صدگ.. یتامه انصیر عگب العید
سمعها و یجذب الونه... حسرتها ابگلبها اتزید
تگله انطیني هاي ایدك..علیك الشر یبویه ابعید
علي مات و بقت تلطم عله العین
اجاها الحسن یبچي و ینعه الحسین
گطعت من علي الیاس ابویه اشلونه یالعباس
***
لخادم الحسين علي فلاح الواسطي
20رمضان
1445
الساتر الله شلون باجر بينه
الموت من ياخذ علي والينه
ــــــــــــــ
الساتر الله شلون هاي الليله
ينطبر بالسيف حامي ادخيله
الينطي حيل شلون يفكَد حيله
يريد تچوه وسفه اليتچّينه
ــــــــــــــ
الليله بالمحراب راسه ينطبر
راسه ينزف مدري لو راس القدر
الدنيه تظلم بيه هذا اول فجر
اليفكَد اغلى الناس الله يعينه
ــــــــــــــــ
والله لو ما علي الربّه منقطع
ابن ملجم سيفه ما طفّه الشمع
صوت من سابع سمه ضل مرتفع
انهدمت اركان الرسول ودينه
ــــــــــــــــــ
التسجد املاك السمه يم حضرته
وزغب جبرائيل تارس غرفته
شلون تالي الدم صبغها اعمامته
وسالت ابمحرابه كل اسنينه
ــــــــــــــــ
آه واويلاه اذا دار الزمن
اليسكَي كوثر تالي يردوله لبن
انت جرح المابره يابالحسن
لآخر الدنيه الجرح ياذينه
ـــــــــــــــــــــ
شلون حال اولاده وبهذا المسى
محنة مصابه ابد ماتنّسه
الطبر راسه الوالي بجهنم عسى
اخ خلّه حسين تدمع عينه
ــــــــــــــــــ
الشاعر محمد حسن ضيغم
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
علي علي .. يابعد عيني
علي علي .. لا تخليني
...................
رايح اتصلي ورجعت ابطبرتك
تنزف ادموم وقهر من هامتك
يابو زينب والله تذبح فرگتك
اليوم روحي نشالت ويجنازتك
علي علي .. ضاعت سنيني
علي علي .. لا تخليني
...................
بالحرب مامنجرح يابو الصبر
تالي بالمسجد يحيدر تنطبر
هايه اول مره اشوفك منقهر
ومثل ضلع الزهره گلبك منعصر
علي علي .. بويه حاجيني
علي علي .. لا تخليني
...................
غمضيت عيونك وضلمه صبحت
انه زينب يالخذت عمري ورحت
شمعت البيت التضوينه انطفت
ياعلي وعشرته بالطبره انگضت
علي علي .. اسمع اونيني
علي علي .. لا تخليني
...................
باب خيبر بيدك ابكبره انشلع
وصار معبر للحرب والكل ركع
تالي حيلك ياعلي بسجده وگع
وشيبك تغطه بدمه وفيض الدمع
علي علي .. الگبري دليني
علي علي .. لا تخليني
...................
مساك صاحو والگلب ينزف ألم
بويه من هسه وأحس نار الخيم
تحرگ بروحي واحس حيلي نهدم
وگلبي يابوالحسن بالفرگه انصدم
علي علي .. الفرگه تجويني
علي علي .. لا تخليني
ابوفايز الرافضي
حيره الج وشلون اوصف حالي
السيف موراسه فطر دلالي
٠٠٠٠ ٠٠ ٠٠٠٠
السيف متعادل يخويه بهامته
طاح ابونه ومامكمل سجدته
حمره صارت موش خضره عمامته
خويه زينب راح ابونه الغالي
السيف موراسه فطر دلالي
٠٠٠٠ ٠٠ ٠٠٠٠
طاح بالمحراب جن طاحت سمه
كلنه صحنه بصوت وينج فاطمه
نصبغ شيب الولي افيض لدمه
ودمعته بعينه عليه تلالي
السيف مو راسه فطر دلالي
٠٠٠٠ ٠٠ ٠٠٠٠
جرح ابونه ماظن منه يطيب
آيس العراف خويه والطبيب
خل نودعه ونقراه ايات المغيب
ونور وجهه المايفارك بالي
السيف موراسه فطر دلالي
٠٠٠٠ ٠٠ ٠٠٠٠
اليتم حنضل خويه ابد ماينجرع
ومايفيد النوح لا كثر الدمع
ليش يوميه بمصايب ننفجع
والحزن يبرالج ويبرالي
السيف موراسه فطر دلالي
٠٠٠٠ ٠٠ ٠٠٠٠
النوگ منه تعلمت هالگد تحن
وحشه صار البيت ابد ماينسكن
الليل يگضي ولنه ماطبگ جفن
البيت من الوالي أصبح خالي
السيف موراسه فطر دلالي
٠٠٠٠ ٠٠ ٠٠٠٠
خويه زينب شدي حزام الصبر
راحت امنه وراح ابونه للگبر
والايام الجايه كلها عسر
يسر ماكو مرافگه جتالي
السيف موراسه فطر دلالي
٠٠٠٠ ٠٠ ٠٠٠٠
خل اسولف سالفه عليه شيصير
من اظل وحيد وبقه بلا نصير
خيولهم فوگي يزينب من تدير
يضيع من عينج يخويه خيالي
السيف موراسه فطر دلالي
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
# ابجالك يبويه أمدلله -- اوياحيره حيرة كربله
أكعد يغالي اشويه -- واشرب امن ايدي أميه
يشتمني باجر حرمله
--------------------------------
1) يالسافرت -- جم صوره الك بعيوني
يالسافرت -- دمعاتي تهوه أجفوني
احبيبتك أنه او كونك اتحاجيني
اومشتاكه بويه ابطولك اتماشيني
# بالزهره احلفك ياعلي -- اكعد اوكلي ادللي
جنحك انام ابفيه -- واشرب امن ايدي أميه
يشتمني باجر حرمله
-------------------------------
2) من نومتك -- اكعد او حاجي ابنبتك
من نومتك -- المنتظره هسه الجيتك
منتظره تحجيلي او تريح بالي
بجه الصخر يابويه بعدك حالي
# سمعني جلمة ياهله -- والفركه اكبر معضله
ضاك الهوه البل ريه -- واشرب امن ايدي أميه
يشتمني باجر حرمله
-------------------------------
3) يابا الحسن ---- وركه أبخريف اوجيتك
يابا الحسن ------- أرجع يبويه البيتك
شيداوي الجروح اومكانك خالي
يل صورتك طول الوكت تبرالي
# بجروحي تعرف ماغفن - ودموعي بعدك مارسن
حاجيني ماكو جيه -- واشرب امن ايدي أميه
يشتمني باجر حرمله
------------------------------
4) باجر حرك ------ او بس اليتامه اتعاني
باجر حرك -- اوتسحك الخيل اخواني
وين انطي وجهي الياكتر يالغالي
امن اخيامي تهوه اومن تفر أطفالي
# ركضني وكتي ابغيبتك -- اومشتاكه بويه النظرتك
اوزين انته تعرف بيه -- وأشرب امن ايدي أميه
يشتمني باجر حرمله
------------------------------
5) دنيه اوعلي ------ ينتهي الفاكد بيها
دنيه اوعلي ---- شتضم الي ابتاليها
سوتني شمعه او أحترك بغيابك
اومثل اليتامه التبجي هسه أبابك
# سوتني شهكه ابمكبره -- وجروحي زحمه ابلا سره
اوللموت هاي النيه -- واشرب أمن أيدي أميه
يشتمني باجر حرمله
-----------------------------
لخادم أهل البيت ع أبو أحمد المجراوي
يروحي يبويه
جروحي يبويه
.............................
عيني
واهس حياة سنيني
مابينك ومابيني
عشرة عزيزه دلال
والي
منين ابدي عنك غالي
راح ابدي مني وحالي
بويه اليتم جتال
تدري لبوها يروح
تبگه تجرع مر غيابه
كل شي تحسه جروح
وكل شي ذكره يرد مصابه
تخلص عمرها تنوح
حالي عگبك انه يأبه
بويه مروتك هالعيد اجاني
الابو واحد يبويه وماكو ثاني
يروحي يبويه
جروحي يبويه
....................................
بيه
موتك تگله شويه
سولفله عل علويه
خيمه انه ليهه جنت
هيده
الفرگه حيل مچيده
زينب ابوها تريده
من هسه موتي شفت
بس انتي ليه بگيت
وهسه رايد عني تمشي
لا ام ولا بو انه صفيت
وحگه شيب بويه رمشي
دعوة غريبه دعيت
وياك أريدن بويه نعشي
يبو في الثخين التارس الدار
فك عينك وشوف بزينب شصار
يروحي يبويه
جروحي يبويه
............................................
گلبي
يل بيك اشوفن دربي
بغيرك دعوتي لربي
عجل مماتي دعيت
صومك
ماكمليته ويومك
لزينب تفز من نومك
بويه بغلاتي نخيت
چلمة يبنتي اريد
منك انه حيل احبهه
لا تمشي عني بعيد
وزينبك بالهم تذبهه
دمعي تگلي شيفيد
دموعي لمن بويه اهلهه
دنيه من المحنه منين ماشوف
عوفي جنازة الغالي يالجفوف
يروحي يبويه
جروحي يبويه
.......................................
ريته
بيه الگبر خليته
من كسرتي تمنيته
حته انه بيه اطوف
عازه
لحد بعد يتوازه
دفنوها بي الجنازه
مگدر حنيني اعوف
بويه لتركته جبير
والله بيه وبيش اسده
حگ لمثلي تحير
لهيج ابوها ومن تفگده
جرحك يريته يصير
براسي دونك گلبي وده
بزينب طبرتك من كون اجتها
ومنيتهه گبل موتك خذتها
يروحي يبويه
جروحي يبويه
................................
خادمكم قاسم المالكي
ياعلي كل امنياتي اندفن يمك اريد
انه احبنك يحيدر دووم اكررها واعيد
علي مولاي. علي مولاي
ياعلي اقسم عليك بزينب وحب فاطمه
رايد بحبك يحيدر كون حسن الخاتمه
البرزخ وذاك العذاب
وكبري وحشه وماله باب
وظلمته وثكل التراب
يمك يصيرن سراب
ياعلي كل أمري بيدك من زمان مسلمه
الماله اول ماله تالي هنا بدا بيت القصيد
انته تكدر تفر دنيا وطلبتي ادنا واقل
خادمك رايد اصيرن يالتحل الماله حل
ياعلي انته مناي
بدونك أصبح مالي رأي
ياضواي ويا هواي
انته يا ارضي وسماي
انته خير العمل وانه عاشك الخير العمل
رايدك تحسبني مره عبد كون من العبيد
اقسم بطه وجماله وفاطمه خير النسه
ألهوى المابي محبتك ماريد اتنفسه
وين ما حبك اروح
وحك رب النجا نوح
دووم اضل اعليك انوح
يالي مخلي بروحي روح
هذا اضل من البهيمة الكلبه يمك مارسه
والي عايش ع حبك هذا أقوى من الحديد
ياضمير الدين حيدر وماكو دين بلا ضمير
محد مسويها قبلك بصلاه تنطي الفقير
انته ياروح المجد
بفضلك يحير اليعد
يالي جندلت ابن ود
انته عالم مو فرد
انته ع كوثر الساقي وانته الول والأخير
والعلي ترضى يحيدر بعد من الله شيريد
يا سبيل الخير حيدر يمك يقل السبيل
انته بس الله ورسوله يعرفك وهاي بدليل
بالحديث النبي كال
وصفك بجمال جمال
محد يعرفك محال
بس انه ورب الجلال
انته جار الله وحبيبه وغير دربك ما يفيد
نسألكم الدعاء
جليل البديري
من حيدر طلب يبقون ... بس ولد ام حسن يمه
والعباس راد يكوم ... وعلى صدره علي ضمه
ناداه ياخو زينب وين
وانت اعيون أم حسين
......
من قرَّبت ساعاته .... واتكاثرت دمعاته
رخصه طلب من ناسه ...المجتمعه وسط الحجره
خل يبقى بس ابنيني ... ولد ام حسن وحسيني
رايد اوصي اوصيتي .... لحبابي ولد الزهره
كام عباس وعلي كله انت غير
عيون ام حسين يا بدري الجبير
وين رايح يابو فاضل يا غيور
اكعد اكبالي ارد اودعنك يخير
اغله امن النفس عباس .. عندي انت يبو الغيره
وعند ام الحسن وحسين ...منزلتك تره اجبيره
يابو الراية والجفين
وانت اعيون ام حسين
........
حيدر بده ايمهدلهم .... عن موتته يكللهم
وعيونه صوب الكافل ....امن اول لخير احجاية
سولف سوالف تقهر ... عالخيمه واعله المنحر
كلهم بعد ما امشي .... زينب تعاني اهواية
يابو فاضل انت من هسه الكفيل
لختك الحره يبن حامي الدخيل
خله أيده ابأيد زينب وبدموع
كله ما وصيك حمل اختك ثكيل
باجر تبقى لا خيمه .... لا حامي اليحاميهه
من هسه اكلك هاي .... زينب عينك اعليهه
ايدك بيدهه امن الحين
وانت اعيون ام حسين
.....
كلهم يولدي الساده ..... حان السفر ميعاده
لمكم الزهره وجدكم .... راحل انه ابهل ساعه
ما ريد اشاهد دمعه .... ولا ريد واحد ينعه
كل واحد ايحل موته ... ويحين امر اوداعه
يهل بيتي سمعو هاي اوصيتي هاي
باليتامه اوصيكم الضلو وراي
اتفكدوهم ساعة الليل الطويل
جنت بيدي انه أشربهم الماي
ما يحتاج اوصيكم ... صيرو الهم حضن دافي
بعدي الدنية توليهم ... أبد بيتامي متوافي
صار اطلبهه انه اجم دين
وانت عيون ام حسين
.......
صورة وداع بعينه .... ينظر حسن وحسينه
ليله اشد كل ليله .... مرت على أهل الملكه
عاينهم وجر حسره .... وبكلبه ناره موجره
مو من طبرته الوالي .... موجوع من الفركه
مثل طير بجنحه ضماهه اليتام
ودمه سايل علي من طبرت الهام
منظر يبجي الصخر ذاك النهار
خلصت العشره اويه حيدر يا حرام
ما تمم علي اصيامه ... فطر من طبرة الهامه
واعله امصيبته بلوعه ... تبجي وتنحب ايتامه
مثلك ياعلي يصح وين
وانت عيون ام حسين
........
ظهره سند عالكافل .... ودموعه عالخد هامل
لا شي امام العاشر .... كلهم مصاب الهامه
امصيبتي هينه المصايب كربلاء
اهناك يبني حسين تبقى ابلا رداء
وانت ياكافل يكطعوهن اديك
على شاطي العلكمي التروي دماء
وانتي أبنيتي راح عليج .... تنهد الزلم والخيل
وعندج ما تضل خوان ....عندج ما يضل كل حيل
اوي راس الكمر تحجين
وانت اعيون ام حسين
.......
✍ كلمات الشاعر :: موسى الخادم
نعي استشهاد الامام علي عليه السلام
ينعه كل الكون لأجلك ياعلي بفيض الدمع
حالتك صعبه يحيدر ترضه بيتك ينفجع
زينب بياحاله بعدك يظل ونهه ينسمع
بحسره عگبك ياولينه الآه منهه ترتفع
والله ياحيدر ولينه الليله حزنت شيعتك
انهدمت اركان الديانه من عظمه مصيبتك
لعنة الله على المرادي بسيفه خضب هامتك
خله من بعدك يتامه تنوح كلهه لفرگتك
..................................................
خادمكم مالك السعيدي
وداع زينب عليها السلام لأبيها امير المؤمنين عليه السلام
اتألّم وتيتّم. وجهك لو غاب
ياحيدر. ما اكدر. اصبر ونصاب
فكدك اذاني. جرحك خلاني اصبر ونصاب
٠٠٠٠٠٠٠٠
اجمل ابو وأعظم بشر. وظلمه الحياة بدونك
يابالحسن چنك نبي بوصافك ومضمونك
قلّه اليوافونك تره. والاكثر يبغضونك
صابوك چي ساجد جنت. ما كدروا يلاگونك
بمصابك. يم بابك. تبچي الأيتام
تشكيلك. تبچيلك. دمعه وآلام
ما عدهم ثاني. جرحك خلاني. اصبر ونصاب
٠٠٠٠٠٠٠٠٠٠٠٠٠
دخيلك يبويه يا علي. لا تمشي وتعذّبنه
جا ليش جرحك ماشفه. من هالجرح شيّبنه
يفجعنه بيك بلا ذنب. بيش الزمن يطلبنه
تنشال يابويه بنعش. وجروحك تراقبنه
شالوني. ودفنوني. ياريت وياك
مهضومه. ومالومه. زينب بجفاك
هاجت احزاني. جرحك خلاني. اصبر ونصاب
٠٠٠٠٠٠٠٠٠٠٠٠٠٠٠٠
آنه العقيله ام الخدر. زينب يبويه الغالي
عايفني للهم والحزن. وحال التيتّم حالي
ما ريد عيد بلا علي وثوب الحزن يحلالي
يابويه بعدك چم جرح. طول العمر يبرالي
مفجوعه. بچم لوعه. تجرح بالروح
للفاگد. ضي والد. شيفيد النوح
راح اليرعاني. جرحك خلاني. اصبر ونصاب
٠٠٠٠٠٠٠٠٠٠٠٠٠٠٠٠
للمكبره رايح علي. رايح بعد ما يرجع
هالمرّه يدخل للگبر. حيدر علي ومايطلع
ياروحي موتي بغيبته. لطم الوجه ما ينفع
تحت الترب دفنَو علي. يسمعني لوما يسمع
اتحسّر. وتذكّر. كعداته وياي
من بعده. شلون اهده. وجروحي هواي
فرحت عدواني. جرحك خلاني. اصبر ونصاب
سيد زيد الفحام
لطمية للأمام علي عليه السلام (( باچر يشيلونه ))
حيدر للنجف ... باچر ايشيلونه
صار اوداع واولاده يودعونه
باچر للنجف من الصبح ينشال
ماطاب الصواب ولابرد چتال
زينب والفواطم حالهن ياحال
ياعباس ابوكم گالن اشلونه
حيدر للنجف ... باچر يشيلونه
للعباس اجن كلهن ينشدنه
وام عون بگلبهه امكسره الونه
صاحت والدي مابيه اودعنه
وگلبي امن المصيبه يفور چانونه
حيدر للنجف ... باچر يشيلونه
گلبي امن المصايب ماطفت ناره
انشد عن ابوي وتفجع اخباره
باچر مايضل ايشيل من داره
لگبور البعيده يروح بضعونه
حيدر للنجف ... باچر يشيلونه
لگبور البعيده يروح بحموله
ريض ياشفيع الناس گلوله
بلگت لن يطيب اضماد بدلوله
چبير اصواب راسه ولاتلچمونه
حيدر للنجف ... باچر يشيلونه
چبير اصوابه راسه وتنگط ادمومه
گالوا ماتسر الخاطر اعلومه
باچر للنجف يرحل الجيدومه
وجبريل بمناحه يهلن عيونه
حيدر للنجف ... باچر يشيلونه
ضل جبريل يصرخ بالسمه ويبچي
چا وين اليتيم يروح ويوچي
گطع صوته الصميده ومات مايحچي
طلعوا بالنعش ولده يغسلونه
حيدر للنجف ... باچر يشيلونه
طلعوا بالنعش للغسل والتچفين
يلطمون وينوحون الحسن وحسين
اخذ منهم علي وفرهده ابساع البين
وراح الچان بالكلفه يحشمونه
حيدر للنجف ... باچر يشيلونه
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
فزاعية للأمام علي عليه السلام (( يفتر عليك شماله ))
والبين صبح ياعلي
يفتر عليك شماله
خليني اسمع صوتك
گبل المنيه وموتك
شو حضروا تابوتك
وادموعهم هماله
تهمل الليله ادموعهم
ولدك نحيله اضلوعهم
الفرگه موش بطوعهم
يالفرگتك چتاله
يافرگتك ماتنحمل
ردناك خيمه للشمل
اسمع عتبنه ولاتمل
ترجع بعد يو لاله
ترجع بعد لحبابك
لو يبطي هاذه اغيابك
كلنه نصيح ابابك
اشلون الصميده احواله
ماكو خبر يملي الگلب
گالو علي وضعه صعب
ماينگطع دمه يصب
ويوادعونه اعياله
التمو ايودعونه
باچر علي يضيعونه
العيد اجه ويردونه
حمل الماكو امثاله
ماكو المثل مولانه
خالي وحزين امچانه
صبح وحش ديوانه
بنوره گبل يتلاله
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
((اليوم حيدر))
اليوم حيدر خله أديها بـ أيده
وكــربــله گلاله موش أبعيده
"""""""""""""""""""""""""""""""""""''''''''''
يــالمغذيتك وفــه البــدويــه
بويه غطي النــاگه بالـخاچيه
يوم تـطــــلع زينــب الــعلويه
وعالكيفك يبني كون أبهيده
"""""""""""""""""""""""""""""""""""''''''''''
على أرچـابك أنحني وبمتونك
مـــن تصعدها وتسير أضعونك
لحضه ماريدن تغمض أعيونك
الهوى اليتعده ينشمي أتصـيده
"""""""""""""""""""""""""""""""""""''''''''''
كربله أبصفك يراعي الغيره
والضعن بيدك يضل تدبيره
زينب العــد الله بويه چبيره
لا تــفـــارجها بمسير البـيده
"""""""""""""""""""""""""""""""""""''''''''''
يبني هاك السيف هاك الرايه
بيدي سويتك ينشــمي أسوايه
ولو مـاتـحتاج حــتــى أحچايه
يالگــمر لـكـن كــلامي أتريده
"""""""""""""""""""""""""""""""""""''''''''''
ديــر بالك وأســـتمع كلماتي
زينب الحـاجه وأعز حاجاتي
هاك اسمع بـس يجيك الآتي
والمخيم أشـــرف بتـحــديده
"""""""""""""""""""""""""""""""""""''''''''''
والـــمخيم دگــــه يـابو الشيمه
بغيرتك بخـــرها يــبني الخيمه
بيمــنتك يــوليدي كـض الهيمه
ونومي بفراش الرســول أتعيده
"""""""""""""""""""""""""""""""""""''''''''''
يــبن طــاعون الــزلم وسمومه
بيمنتك عباس وأطوي الحومه
بــويه خــلــيــها الـزلم مندومه
الجيش يبني هيچ اريد اتبـيده
"""""""""""""""""""""""""""""""""""''''''''''
هــا ينشمي ورايتــك بيمـينك
يبني هذا حسين هوه حسينك
يبني هذا حسين بالطف دينك
وانته دينك والحسين أعجيده
عبد زينب
محمد الابراهيمي
قصيدة ( ٱهٍ حيدر ) ملمع لذكرى شهادة الامام علي عليه السلام
يا صـــرخةَ وحيُ الجبــار
يا أبتــي يا حامــي الجار
رأسُـــكَ يُطبر آهٍ حيـــــدر
يا أبتي يا حامي الجار
*
صـــرخه مــن گلب مفجوع
صرخ گلبي ودموعي تسيل
مثــل صرخت وحـي الباري
يبويــه مــن صــرخ جبريـل
ودمعــي بــويــه لمصــابــك
مثــل دمـك علـي من يسيل
يشسمي الغابت بهــل اليوم
صفـت أيامـي بعـــدك ليـــل
يا ملجئ قلبي الحيران
عـــدكَ أمـــاً للإحــــزان
قلبـي يُنــحـر آهٍ حيـــــدر
*
وعــد يا ابو اليتامه اليوم
أشوفــك سابـــح أبدمــك
واصفــر وجـهــــك الليلــه
يبويـــه ومختلـف رسمـك
وهمـي يـــا أبــو الأيتــــام
علــي وارثتـــه مــن همـك
مثــل هـاي اليتامــه تــريد
روحـــي يـــا علـــي يمـــك
يـــا أبتــي دمــعُ الأيتــــام
يــروي لكَ جـــورُ الأيــــام
وجَعَــاً أكبـــر آهٍ حيـــــدر
*
يبويـــه البــــاري بآياتـــه
شكثر يا ابا الحـسن حذّر
وگـــال أبمحكـم التنزيــل
اليـتيـم إيـــــاك لا تقهــــر
بــس أشقــى البــشر كلها
براســك چــم گلـب دمــر
يبويـه وصــرخة الأيتــام
مثــل جبريـــل مــن كبّـر
تبكــي بدمــوعِ الأحزان
تنعـى آيــــاتُ القـــــران
صوتٌ كّبـــر آهٍ حيـــــدر
*
يــرويلــي قصــص وإلام
يبويـــه هامــك المفتــوح
ودمــك بــويه يــوم سـال
يظل أبكل وكت مسفــوح
اشوفــن منــه يـــا كــــرار
چـم منحـر يظــل مـذبوح
عنــي مــن تـــروح اليــوم
سبايا بويـه احنـــه أنروح
رأُسكَ والضلعُ المكســور
بـــابٌ للنحـــرِ المنحــور
نـــارٌ تسعـــر آهٍ حيـــــدر
*
يبــو الأيتـــام يـــا كــرار
الهــــم انتــــه تچــايــه
يبويـه حيــرت الأيتـــام
بــاچــر تبقــى ويــايـــه
مــن كافل ضعنه أيطيح
ابكتــره تـــوگــع الــرايـه
ومــا ينشف دمع عيناني
لــو شــح النهـــر مـــايــه
أمٌـــن بعـــدكَ لــلأيتام
في دربِ الكوفةِ والشام
دربٌ مقفـــر آهٍ حيـــــدر
**
الشاعر
موسى البديري
عدليــــــــن ميتيـــــن يمّــــك ياعلــــي
ــــــــــــــــــــــــــــــــــــــــــــــــــ ـــــــ
بسمك ننادي ياحِمَه الجــــار == عدليـن ميتيـن يمّك ياعلـي
بِمْحَبّتك ما نوصل النــــــــار == عدليـن ميتيـن يمّك ياعلـي
خِدّامك إحنَه ياأبو الثــــــــار == عدليـن ميتيـن يمّك ياعلـي
نهواك نهواك ياأعظم ولــــي == عدليـن ميتيـن يمّك ياعلـي
ــــــ
بيك الأمل يابو الحســــن دوم == عدليـن ميتيـن يمّك ياعلـي
ياسيف للحق دايــــم إيحـــوم == عدليـن ميتيـن يمّك ياعلـي
آلام بينـــــه إمْحمّلــــه إهمـــوم == عدليـن ميتيـن يمّك ياعلـي
ويّــاك ويّــاك هَمْنَه ينجلــــي == عدليـن ميتيـن يمّك ياعلـي
ـــ
تاج العدل مولانه والنــــــور == عدليـن ميتيـن يمّك ياعلـي
نِشْكيلك الأشـــــرار والجــــور == عدليـن ميتيـن يمّك ياعلـي
فَجْرونه يم إحسين وإنـــزور == عدليـن ميتيـن يمّك ياعلـي
مولاي مولاي بيكم نعتلـــــي == عدليـن ميتيـن يمّك ياعلـي
ــــــ
يابو الحسن بينه الألــــم لاح == عدليـن ميتيـن يمّك ياعلـي
كل شيعي من ضيم الوكت ناح == عدليــــــن ميتيـن يمّك ياعلـي
وإبكُل كتر دمنه جره إو ساح == عدليــــن ميتيـن يمّك ياعلـي
للموت للموت منّك منهلــــي == عدليـن ميتيـن يمّك ياعلـي
ـــــــ
إنتَ رجانه ياأبو الــــــــزود == عدليـن ميتيـن يمّك ياعلـي
لَمْتَه زمانك ياعلي إيعــــــود == عدليـن ميتيـن يمّك ياعلـي
لَمْتَه نشوف الغايب إيجــــود == عدليـن ميتيـن يمّك ياعلـي
نهواه نهواه آني إو كل هلي == عدليــن ميتيـن يمّك ياعلـي
ـــــــ
ياريت يمّك ياعلي الـــــروح == عدليـن ميتيـن يمّك ياعلـي
للدوم تبگه إو تشفي الجـــروح == عدليـن ميتيـن يمّك ياعلـي
وإتشم عبيرك سيدي إيفـوح == عدليـن ميتيـن يمّك ياعلـي
كُل يوم كُل يوم بلوه نبتلي == عدليـــن ميتيـن يمّك ياعلـي
ـــــــــ
حُبّك مِلَك من عدنه أرواح == عدليـن ميتيـن يمّك ياعلـي
والفارگك هيهــــات يرتـــاح == عدليـن ميتيـن يمّك ياعلـي
عُطرك يبو الحسنيين فوّاح == عدليـــن ميتيـن يمّك ياعلـي
آمال آمال منّك نِنْملـــــــي == عدليـن ميتيـن يمّك ياعلـي
ــــــــــــــــــــــــــــــــــــــــــــــــــ
شاعر اهل البيت / جابر النجفي