7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
الساتر الله شلون باجر بينه
الموت من ياخذ علي والينه
ــــــــــــــ
الساتر الله شلون هاي الليله
ينطبر بالسيف حامي ادخيله
الينطي حيل شلون يفكَد حيله
يريد تچوه وسفه اليتچّينه
ــــــــــــــ
الليله بالمحراب راسه ينطبر
راسه ينزف مدري لو راس القدر
الدنيه تظلم بيه هذا اول فجر
اليفكَد اغلى الناس الله يعينه
ــــــــــــــــ
والله لو ما علي الربّه منقطع
ابن ملجم سيفه ما طفّه الشمع
صوت من سابع سمه ضل مرتفع
انهدمت اركان الرسول ودينه
ــــــــــــــــــ
التسجد املاك السمه يم حضرته
وزغب جبرائيل تارس غرفته
شلون تالي الدم صبغها اعمامته
وسالت ابمحرابه كل اسنينه
ــــــــــــــــ
آه واويلاه اذا دار الزمن
اليسكَي كوثر تالي يردوله لبن
انت جرح المابره يابالحسن
لآخر الدنيه الجرح ياذينه
ـــــــــــــــــــــ
شلون حال اولاده وبهذا المسى
محنة مصابه ابد ماتنّسه
الطبر راسه الوالي بجهنم عسى
اخ خلّه حسين تدمع عينه
ــــــــــــــــــ
الشاعر محمد حسن ضيغم
/channel/kasaedalatharDaygham
آه يا بويه ابهجرك اذرف دمع الروح
آه من مهجة گلبي و دلّالي المجروح
ناده گلبي اليلهب
آه من دمعة زينب
وا ويلاه واويلاه
꧁꧁꧁ﷲ꧂꧂꧂
آه من نار غيابك
و الْأيتام ابّابك
كلها اويانه اتنوح الآه
فدوه العطر اترابك
مجروحه من امصابك
گلبي يقطر دم واللّٰه
آه
ما تغفى من اوجاعي يا بويه جفوني
وحشه البيت ابفگدك يا ضي اعيوني
تتلاهب بأنفاسي جمرات ظنوني
آه يا بويه اتوسل ارحم دمعاتي
من جمرة دمعاتي تصرخ شمعاتي
ايون شمعي و يتعذب
آه من دمعة زينب
وا ويلاه واويلاه
꧁꧁꧁ﷲ꧂꧂꧂
دمعاتي ابلون الدم
چن مذبوح اتألّم
حالي حال الذاگ الموت
جبريل اينادي ابهم
ركن الدين اتهدّم
يعني اتيتّمنه بهالصوت
آه
چنت اشما اشتاگ الأُمي اتعنّاك
يا وسفه يا مسكن روحي ضيّعناك
ما بين اگلوب الهم و الغم شيعناك
آه من ساعة فگدك و اتراب الطمّك
ادري بويه هسه حضن الله ايضمّك
آه يالفگدك يصعب
آه من دمعة زينب
وا ويلاه واويلاه
꧁꧁꧁ﷲ꧂꧂꧂
آه من ذيچ الطبره
ابروحي زرعت جمره
خلّت عطشانه هالناس
من جابوك ابحسره
شفتك بأوّل نظره
عرش الله و مطبور الراس
آه
فوگ اچتاف الحسنين ادمومك تجري
ذيچ اللحظه گلبي ظل يصرخ قهري
لن معناة دمومك مسبيّه ابخدري
آه ما اگدر اهضم ساعات الوحشه
باچر وَيْ عدوانك مسبيّه اتمشّه
يصرخ دمعي اليسچب
آه من دمعة زينب
وا ويلاه واويلاه
꧁꧁꧁ﷲ꧂꧂꧂
آه من جمرة نارك
بويه وحشه دارك
يبچيلك دم محرابك
غابت وسفه انوارك
ظل گلبي محتارك
،
يجرح بجفوني مصابك
آه
عطرك لسّه ايفوح ابدارك يا بويه
و ابگلبي تتلاطم رويه ابصف رويه
مرّه اصرخ يا بويه و مرّه يا خويه
آه هذا حسين الينشف دمعاتي ابأيده
كل ما انعي يبچي و ايون ابهيده
و ايون كل ما ينحب
آه من دمعة زينب
وا ويلاه واويلاه
꧁꧁꧁ﷲ꧂꧂꧂
من ونّات حسين
دم تجري من العين
ويّه ادموعي عيني اتذوب
من طعنات البين
نصفج بالايدين
خذ من عدنه اغلى محبوب
آه
بس دمعه من حسين اتذوّب شمع الروح
گلي اشلون الگاه باچر عالخد مطروح
لا چف لا خنصر ويلي المنحر مذبوح
آه من تسحگ صدر عضيدي خيول الجور
تتصارخ دمعاتي ابخدي الّي مسطور
نار كل دمعه التنصب
آه من دمعة زينب
وا ويلاه واويلاه
꧁꧁꧁ﷲ꧂꧂꧂
خادم لخدمة الأمام الحسين عليه السلام
ناصر البوعبيد
طبروا حيدر فوگ الهامه
« الله اکبر»
تتلاطم هاللیله ایتامه
« الله اکبر»
بین المحراب شمس الله انصاب
من العالم غاب 2
*
ينوح الليله جبرائيل و ابحرقه
عگب حیدر یتامه شیعته تبقه
هضيمه الليله طبروا عروة الوثقه
هدم ركن الهدايه كافر الاشقه
تتناشق زینب هاللیله.
«یا للمصیبه 2»
تنحب وَيْ نشقتهه العيله
« يا للمصيبه 2 »
شمعظم لمصاب شمس الله انصاب
من العالم غاب 2
*
العقیله اللیله فطرت بالدمع و الهم.
و بوفاضل کترهه اعیونه تذرف دم
تگلّه خويه ركن المصطفى اتهدّم
ولينه مات خويه ابسيف ابن ملجَم
مات الوالد و اتيتّمنه
«والله هضيمه 2»
راح الچان ایسکّن همنه
« والله هضیمه2»
ودّع لحباب شمس الله انصاب
من العالم غاب 2
*
یخویه راح ابونه و ظلّت الطافه
و لا تنسه الیتامه صعدت اچتافه
حضن والدنه کعبه و الگلب طافه
حسافه الموت غمّض نظرته احسافه
تنحب کل ایتام الکوفه.
« حيدر یبونه 2 »
وحنه اویاهم ننعي حروفه
« حيدر يبونه 2»
يا داحي الباب. شمس الله انصاب
من العالم غاب 2
*
انا بهالليله احس نبض الطفوف ايدگ
الشمر من هالمسه چن بالخیم یحرگ
و اصد قصر الیزید و ظني لو يصدگ
عله سنون الحسین ابخیزرانه ایطگ
شفت الليله الطف بدموعي
« من مات ابونه 2 »
سوط الجور ايطگ بضلوعي
« من مات ابونه 2 »
دلّالي ذاب. شمس الله انصاب
من العالم غاب 2
*
يكافل ظعني ارفع راسك اگبالي
لئن راح العده يرفعونه عالعالي
چفوفک تنگطع من اجلي يالغالي
و اشوفك عالرمح دم تبچي الحالي
فدوه الدم دمعک یا عباس
« آ يا كفيلي 2»
بغيابك يسبوني الارجاس
« آ يا كفيلي 2 »
و اصرخ يا ياب. شمس الله انصاب
من العالم غاب 2
*
خادم خدمة الحسين عليه السلام
ناصرآلبوعبید
---
( ابوذيه) لسان حال مولاتي السيدة زينب ع.. لوالدها الامام علي
مابيه اودعك صحت * متناي
صدى جرحي يون اعليك* متناي
باجر تنظرب بالسوط * متناي
( وصيحن ياعلي لحك عليه )
.........................................
الخادم... ابو فدك الشامي ✍
والله..للموت أضل عاشگ علي
والله.. اليسوه حياتي وكل هلي
هوه علي..هوه علي
...
غصبن على اللايم
آنه بعلي هايم
وابابه اضل خادم .. حيدر
من زغري حبيته
بعيوني خليته
وانطاني حنيته .. حيدر
احلى شي كلمة علي.. مثل المراقد تنشم
ومن اگولن ياعلي..ورد الحدايق يلتم
بالگلب ينبض علي.. بشرياني يجري اوي الدم
مولاي.. من البدأ للخاتمه
مولاي.. والعارف إبطرق السمه
هوه علي..هوه علي
....
حيدر دخيل اسمه
ابگد الفلك حجمه
اشلون الگبر ضمه..الهيبه
صح غمضن اعيونه
بس ماطفه لونه
شايلنه بمتونه..الهيبه
أول مُصلي حيدره..يتصدق براسه
عنبر يهب من ضحكته..وگرنفل أنفاسه
ايمد ايده من گبره علي..وايصافح بناسه
مامات.. بالدنيه ضل عايش شمس
مامات.. الاغله واعز من النفس
هوه علي..هوه علي
....
دين الله بس عنده
قرص الشمس رَده
يم عتبته السجده..واجب
بولايته اتمسك
بالخاتمه ايحرسك
ياحيدر انقدسك..واجب
ياشيعه قد قالَ علي.. واللهِ لو اعطوني
كل الاقاليم السبع..لو بيهن ايخيروني
عن قشه من فم النمل..مااسلب اتعرفوني
بالناس.. اتقى بشر واعدل ملك
بالناس.. العلم اللَدُني يمتلك
هوه علي..هوه علي
...
واحد ميتكرر
ماله شبه حيدر
منهو القلع خيبر..غيره
الموته كلمهم
والجن يقاتلهم
اولاده تارسهم..غيره
عنده الحسين اوي الحسن.. الكرم والحنيه
وعنده ابوفاضل والنعم..من غيرته وطاريه
طاحن اچفوفه وخظرن.. مشايه واحسينيه
انظر... وجه الگمر واتخايله
انظر.. عباس چنه البسمله
هوه علي..هوه علي
...
أبيتي العلي صوره
آنه وهلي انزوره
ونتبرك ابنوره..الكرار
بالصوره ادگ بابه
وايحل الاطلابه
مايترك احبابه..الكرار
اليطلبله شمعه من علي.. ينطي گمر وازياده
العدلين والموته سوه.. انخلقو خدم للساده
يعرف علي كل الخلق.. باسمائه وبتعداده
يعرف..اسمي واسم امي وابي
يعرف.. الشيعي من الناصبي
هوه علي..هوه علي
...
محلاهه لوباچر
يمي علي حاظر
ايگلهم الي زاير.. ادري
وإذنوبي يمسحهه
كلهن يطيحهه
وروحي يفرحهه.. ادري
واثق يناس ومطمأن..عندي علي بحشري
من گبل دفاني وعلي. ينزل علي بگبري
يشفعلي باچر حيدره..ويتكفل بامري
باچر..لونعشي يوصل النجف
باچر.. بيده يوقعلي الملف
هوه علي..هوه علي
...
محمد الجماسي
اللهم عجل لوليك الفرج
لسان حال الامام الحسين عليه السلام عند وفاة ابيه الامام علي عليه السلام
جرف اعيوني ايشيب
يـابــويـة امـنـتـغــيـب
ماتـرهـم تــرة ابـدونك
ليــش اتغمض اعيونك
من طبرتك ضاع الهوة ياراينه الماينحل
ياغبشة الله ابكل حچي البـياعلـي يتوكل
غيرك بعد ياهوة الذي للفقرة من يتشچل
الـعـوز اخـذ شكل اليتم والعين ماتتحمل
يابـويـة يـصــيـحـون
زغــار وتدري شـلــون
عـدل گامو يرسمونك
ليش اتغـمض اعـيونك
٭٭٭٭٭٭٭٭٭٭٭٭٭٭٭٭٭٭٭
ربيـتنـه ابـذاك الـتـعب ياحـيلـنـه ولمـتنه
يلـعـايف افراكك وجع كاسر گلب عتبتـنه
تـخـنـگ الـدار ابكـل وكت وتلولح ابونتنه
والبيت ماينطب بعد انته الچنت عشرتنه
مــــــا اگــــــدر انســاك
يالـمـــنـطـيــنـــي اربـاك
حصرة اعليه الاشلونك
ليـش اتـغمـض اعـيونك
٭٭٭٭٭٭٭٭٭٭٭٭٭٭٭٭٭٭٭
ياخـيـمـة والـخيـمه ستر انته التفيي اعلينه
لـمـن طحت طحـنه تـره وياحـيل يرهم لينه
حچيك غموس ابكل وكت وعلية ترة تربينه
لوبـيـدنه لـگـبرك ركـظ شلنه وصدگ حطينه
بويـة اعلـيك انصـيح
يم رجـلــيك انـطيـح
اولادك يـنـاغــونــــك
ليش اتغمض اعيونك
٭٭٭٭٭٭٭٭٭٭٭٭٭٭٭٭٭٭٭
ريح عله اجتاف الهجر ومخلي هدمك عله
والـوجـع بس راعي الوجع هوة الذي يندلة
هـاي الـحـياة ابـلى طعـم وبلا علي ماتحلة
الـمـضـيع اعـزازة غـفـل يافرح ياخذ شكلة
ريــح عـنــه ابـــعـيــد
مـاخـــذ حـتـه الـعـيـد
ابثوب اسود يعيدونك
ليــش اتغمض اعيونك
٭٭٭٭٭٭٭٭٭٭٭٭٭٭٭٭٭٭٭
ردنـاك للـطـف ياعـلي وتـدري المواقف كـثرة
بـيـن الخـيم بـيـن العطش بين اليشد ابنحره
تـدري الـضـلـوع الـتـنكسر تاخذ اولاد الزهرة
غربة وذبح رمح وسهم والخيل ذيچ العشرة
واحســـينك عـطـشان
نايـــم عــالـــــتــربـان
واعـيـالة يحشـمونـك
ليش اتغمض اعيونك
حسين علي الگرغولي
وين رايح وانه اصيحلك تعال
مشيتك مشية ابو عاف الدلال
يالماخذ وياك العـشرة
مسافر لو رايح للزهرة
هاي انه زينب ياعلي ابنص هامتك حطني
خـليـني اصـيرلك درع يابـويـه واجرحـني
يالـمـاخـذ ويـاك الـهـوى هالـمــرة تـاخـذني
مـبـيـنـه سـفـرتـك ياعـلـي بـيـهـا تـيـتمـني
طاح طير الوز مثل دمع الخريف
رايح ايأذن علي بـصوت النزيـف
ابأذانه تفز حته الگمرة
مسافر لورايـح للزهرة
٭٭٭٭٭٭٭٭٭٭٭٭٭٭٭٭٭٭٭
فـزالـصـبح فجاة وطلع صوت الغدر واظح
هالـمـرة مو طيـحة ضلع حيدر علي طايـح
شفت الحسن شايل علي وبدمه جن سابح
وحسـيـن يـازيـنـب نـده يـتـعـثـر ابـصـايح
هامـتـه نـصـيـن صارت بيها ثار
هواي مفتوحه مثل وجه الفقار
الشايف جرحك الله يصبرة
مـسـافـر لــو رايـح للـزهـرة
٭٭٭٭٭٭٭٭٭٭٭٭٭٭٭٭٭٭٭
مـن ثلـث تـيـام الــجــرح دمـه بـقـه نـازل
اليكـتلني يبچي ابكل وكـت يمه ابوفاضل
صـيحة يتيم ابمگبرة صـوت ابوطن شايل
الماله علي ابنص هالغرب يشبه نعش مايل
ياهظيمه الماله ابو ايعيش ابضياع
يـعـينة الله الـضـيع احبابه ابـوداع
الموت اهون من هالنظرة
مـسافـر لو رايــح للزهـرة
٭٭٭٭٭٭٭٭٭٭٭٭٭٭٭٭٭٭٭
يابـويـه بـيـرك ينـتـظر مـحد يسـولـفلة
يم بابـنـه گاعـد بقه بـس مختلف شكلة
يـروي روايـه امنالزمـن چـنه ثگل حملة
ياناس حيدر للسمه واصل صدگ فضلة
البـيـر يشـكيلك قـهـر ظيـمـة اكيد
لان يدري السر تذوبه ابنص حديد
البير وياك ايسولف فطرة
مـسافـر لو رايـح للـزهـرة
٭٭٭٭٭٭٭٭٭٭٭٭٭٭٭٭٭٭٭
يالـمـاتباوع لـيـورة هالـمـرة بـس صـدلي
متغيرة زينبكم ترة وهـاك انـظر ابشـكـلي
نرسمت ملامح كربلة وطف وخيم فصلي
مـن هـسه اخـيـط بالـخيـم والنار توصلي
الـنـار بـينـه نـركـض ومـانسـتراح
الاخت ماتعرف اخوها امنالجراح
شسوو بينه ابذيج الصحرة
مـسـافـر لــو رايـح للـزهـرة
حسين علي الگرغولي
عايف زينب ليش،،،وهناك الطف امتانيها
نارالخيمة تريد،،،جف فزعة ابماي ايطفيها
مثل وجــه النهر طبعك تروي البيه عطش بايت
يالـتـرد السـلام ابـغـير ماتـنـدار عالـفـايـت
رحيلك شتلة مالت ياس. شو بيها الهجر نابت
الي يفارك عزيز ابصوم يعيدلة ابوجـه شامت
مثيلك مايصح،،،يالمعيش الصبح
زعل وجهك حرز مقري وتريدة يموت
علي وكلك دلال،،،يوجه الله الحلال
السفر مكروه اذا صايم مثل تابوت
سودة اهدوم العيد،،،بتراب اگبور اتحنيها
نار الخيمة اتريد،،،جف فزعة ابماي ايطفيها
٭٭٭٭٭٭٭٭٭٭٭٭٭٭٭٭٭٭٭
مثل وجه الشمس ينشاف. الطمع بالناس اذا نازل
ترة ثلمة ابعشيرة تصير. اذا شيخ العرب شايل
بعد انته علي وتدري. . لزينب ياضهر كافل
لذالك خـلـفـت عباس. لزينب صار ابو فاضل
ابرسم وجه الگمر،،،،نهر شايل نهر
شبيهك ياعلي الكافل اذا يزعل
ولاكن بالسهم،،،طفت عين الخيم
وبدونه الحرة تتعثر ولاتندل
غيره ابهاي شلون،،،الكافل ياهو ايضويها
نار الخيمة اتريد،،،جف فزعة ابماي ايطفيها
٭٭٭٭٭٭٭٭٭٭٭٭٭٭٭٭٭٭٭
يمن هامت كيانك باب. ماردت شكو دگـة
لمن اجـه ذاك السـيـف. فشلة كالت الطبگة
اخ الوجـع مـن يـصـير عين ابن ادم ابفرگة
ياخذ شكو انسان يصير. نسمة ورايد تشهگة
الطمع بيك ابتدة،،،وعله زينب سدة
وبدت رحلتها علناگة وبلى محمل
العطش مثل الحبل،،،ابقحط ماينهزل
السبي اعمة وخذة الحرة ولا يندل
والمايسوة يصير،،،حادي وللشام يوديها
نار الخيمة اتريد،،جف فزعة ابماي ايطفيها
٭٭٭٭٭٭٭٭٭٭٭٭٭٭٭٭٭٭٭
علي يدري ابشكو محبس ابن ادم لمن يفرة
وشـكـو طاسـة يتيم تبات بيضة ابوجه كل فقرة
سـراب الـمـلـح مـن ينـباگ لاتحچيلة عالعشرة
عـلي زيـنـب وحـيدة ابليل نريدك انته والزهرة
اذا كلشي انفرش،،،طلع ليل اهدعش
اليدور بالظلام اهلة ابهوة يعثر
رقية ابلا وطن، ،وتراجيها انخذن
بدون الكافل اهناكة الدمع ينچر
لا ماسامع يوم،،علويه وغــربـــــة اتبچيها
نار الخيمة تريد،،،چف فزعة ابماي ايطفيها
٭٭٭٭٭٭٭٭٭٭٭٭٭٭٭٭٭٭٭
علي باچر نهار الـطـــــف مايرحم شـكو لــــمـــة
سـلاماً عالضعن لوصـــار صياح اطفال ياعــمــة
زيــنـب تـــــــطـلـــع ادور عـطر الحسين تشتمة
تلگة حسين اخوها انباگ من راسة لحد چـدمـة
وذا غاب الشبگ،،،يجي فصل السحگ
الحوافر كلها تتحنة ابصدر الحسين
ابكثر دمع الزغار،،،الخيم متروسة نار
واهل زينب عله الغبرة ابذبح ميتين
والدم ويه ارماد،،،بحبال الطف شَد چَفيها
نار الخيمة تريد،،،چف فزعة ابماي ايطفيها
حسين الگرغولي
قصيدة بحق الامام علي عليه السلام عن الامام الحسين عليه السلام (جديد رمضان ٢٠٢٤)
فگد الابو مصيبة زاد الگلب نحيبة
دم الدموع ابفرگتك يغالي
حسين انة يمك لوتشاهد حالي
=======================
بوية حاچيني يانضر عيني اصفر تبدل بوية اشوفون لونك
بعدك شعندي. يابعد چبدي. ظلمة الحياة اعلية احس
بدونك
ما الك جية. عينك اعلية. شلون اصبر وعيني تصد لعيونك
يالدافي حضنك. ياذيني ونك. كل ساعة انشدك يا عزيزي شلونك
حاچيني اخير حچاية دلالي تايه راية
بعدك انوح واسهر الليالي
حسين انة يمك لو تشاهد حالي
==========================
ساعة احضننك. ساعة اشمنك. اتمنى وي موتك تغمض عيني
دمعتي لعودي.. حفرت خدودي.. لكل ذكرى منك ما ابطل ونيني
اولادك احنة. يا بوية صحنة. صار البچي ما بين اخوتي وبيني
خيمتنا طاحت. وايامة راحت. بعدة اليتم جاني ومظلمة سنيني
فگدة بدليلي حسرة تجرحني منة الذكرة
حزن ودمع من فرگتك بقالي
حسين انة يمك لو تشاهد حالي
===================
كبرت جروحي ..ما تهدة روحي..الماعندة والد حگة يلزم ظهرة
كل مغربية.. تگبل علية.. غرگانة عيني من مسيل العبرة
انضر مكانك..واذكر حنانك.. وسط الگلب يالغالي تسعر جمرة
عيني اعله بابك.. واشتم ثيابك..گلب الفگد غالي بعد شيصبرة
تكتلني ريح اهدومة ما انسى ابوي ويومة
صب الدمع بعد الابو حلالي
حسين انة يمك لو تشاهد حالي
=======================
بيدية شلتك.. بوية ودفتنك.. الله اليعينة الشال ابوه بأيدة
متروسة حيرة..اللحظة الاخيرة..ما امشي عنة ابقى گلبي يريدة
بگلبي صبتني.. يالفارگتني.. حيل ارد اونن ما اون بهيدة
طيفك يجيني.. يكثر حنيني.. صبح ومسة گلبي الحزن ترديدة
ضلمة الحياة بدونك فارگني نور عيونك
حتى الحجر بعد الابو بچالي
حسين انة يمك لو تشاهد حالي
====================
اسالكم الدعاء رائد الاسدي
نعي( نصاري) لاستشهاد أمير
المؤمنين علي عليه السلام
طحت يابواليتامة بحومة أثنين
بسيف النايبه. ومطالب البين
★★★★★
صوت من العوالي زلزل الكون
نزل جبريل ينعه بگلب محزون
يالون الصبر مايدري يالون
شح الصبر مايدري الصبر وين
★★★★★
اجت مهظومه زينب وگفت تنوح
نادت مووكتها ياعلي اتروح
يواگف بالشدايد صدگ مطروح
انهض لليتامه. وللمساكين
★★★★★
اجت يم الحسن والدمع همال
صدك چتال جرحه ايعذب الحال
يگلها اي. يزينب جرح چتال
غميج صواب ابونه يلتنشدين
★★★★★
يگلها الحسن يختي ابخنگ الأنفاس
انصبي العزه ونوحي يخت عباس
طبرت موت خويه طبرت الرأس
نفذ بالراس سم السيف تدرين
★★★★★
دنت زينب لبوها بدمع سچاب
صدگ بويه طحت يارافع الباب
اصوابي مايطيب بهذا المصاب
ولاتنشف دموعي وتغمض العين
★★★★★
على مهلچ يگلها علتي اتهون
يبويه اليوم سهله باچر شلون
بلطف جسم اخوچ حسين مطحون
مصيبه مامثلها امصيبة احسين
الشاعر حسن لعيبي الحريشاوي
نزال في جرح الامام علي عليه السلام
يصيح جبريل وتسيل دموعة
انصاب راس الدين وأصل فروعة
-----------------------------------------------
من امر جبريل رب العالميــــــن
ينادي ويوصل الخبر للمـسلمن
صاعقة ونزلت على كَلب الامين
صابوا القران صاح بلوعــــــــة
----------------------------------------------
صابوا القران في يوم الكَـــــــدر
وينزف من الهام ايات وســـــور
ونحنة الاسلام ظهرة منكـــــسر
وكسروا لدين النبي اظلوعــــــة
--------------------------------------------
من نزل جبريل صوتة يردده
تهدمت والله اركان الهـــــــده
كَلب زينب ريت الله يساعـده
مانست امها تون مفجوعـــة
-------------------------------------------
ضجت الاملاك بالون والنحيــــــب
وداعنه بهاليوم محبوب وحبيــــب
الحسن محزون وحسين الغريب
وتون زينب ونة ما مسموعـــــــــة
_
زيـــــــنب تنادي ييمة فاطمه
وحـدي عفتيني زغيرة مالمه
رايـــح الكرار يصعد للسمه
روحة يم الباري هالمرفوعة
----------------------------------------------
تـــــنادي الايتام ياهوا النة بعد
ياهو ظل النة عكَب حيدر سند
نـــزل جبريل وعلى بابك كَعد
ابــــــــابك الايتام هالمزروعة
------------------------------------------
صاح جبريل انكَطع حبل الامل
من انصبت بالراس ياخير العمل
ويــــاك دين الباري وافاه الاجل
وصارت احبال الوصل مكطوعة
-------------------------------------------
أسالكم الدعاء رائد الاسدي
سهرانه لمصاب الولي ومانامت اليتامه
صلت ركعتين الشفه وتدعيله بالسلامه
يصعـــب غيابـــه ... تبچي المصابـــــه
..........................................................................................
هالليله من دون الليالــــــــي تختلف بيهه المصايب والحزن ماينوصف
ماأبتعدهه امن الگمر لو يــــنخسف وحي السماوات ابحزن صاح وهتف
تهدمت والله اركان الــــــــهدى المسيه
هادم حصن خيبر تنوح الطبرته البريه
والداحي بابه .......... تبچي المصابه
.........................................................................................
شهر الصيام الفرحانه ابجيتــــــــه فجعتنه لكن داحي خيبر طيحتــــه
عرش الله حزنان وكئيب الطبرته والعايله اتنوح وتون لمصيبتـــــــه
زينب مصيبتهه ابتدت من ودعاهه ابوهه
ضلت يتيمه ابلا أهل مثل امهه عذبوهــه
تصرخ ييابه .............. تبچي المصابه
......................................................................................
أيام زينب من زغر سنهه ابتدن نوح ومصايب والگلب محنه امتحن
عالحره لچمات الدهر يتسابگــن ويه العقيلـــــــه اشعنده بلله هالزمن
هالدنيا وي زينب صفت تتحالف الحربهه
من يامصيبــــــــه أبتدي شابع قهر ﮔلبهه
آه ياعذابه ................ تبچي المصابه
......................................................................................
بلله يجراح الولي اشعندك خبــــــــــــر خبرهــه زينب هالگلب منهه انفطر
مثل امهه من ثگل الحزن محني الضهر بس لاتگلهه الوالي ناوي اعله السفر
تدري اعله أمهه فاطمه بعده الگلب يكابر
خافن تخبرهـــــه ابعلي ماباقي هم يسافر
اشينفع عتابه ............ تبچي المصابه
......................................................................................
هالليله ليله موحشه عالعايلــــــــــــــــه زينب تون والدمعه منهه سايلــــه
ساعه الحسن ساعه الحسين تروح اله جرح المصيبه ذكراهه بكربلـــــه
من چفنو حامي الحمه ذكرت چفن وليهه
جثة أخوهه بكربله اتدور الكفر عليهــــه
والدم خظابه ............. تبچي المصابه
سيد علي الموسوي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
قصيده استشهاد الامام علي عليه السلام
ياولينه .. راح بدرك مايرد
ياولينه .. اذبلت ياغصن الورد
انت نور من الظلام .. الطير يم بابك ينام
ياولينه .. ياولينه
.............................................
جرحك ايضل بينه عايش ياامامي
يبقه حد الموت هذا اخر كلامي
بكل فخر اصرخ علي حبك هيامي
بالحشر مولاي يشفعلي ووئامي
ياولينه .. انت يانعم الولي
ياولينه .. نصرح بحبك علي
بذكرك يطيب الكلام .. الطير يم بابك ينام
ياولينه .. ياولينه
.............. ... ...................... 1
كلمن يندبك يبوالحسنين حيدر
وضعه يتبدل امامي ويصبح ايسر
مايخيب الصاح بأسمك وكته اعسر
انت حلال الشدايد ياعلي احضر
ياولينه .. سيدي يابوالحسن
ياولينه .. انت تحضر بالمحن
تهون يمك يالامام .. الطير يم بابك ينام
ياولينه .. ياولينه
.................................................. 2
يتامك بحسره والم تبچي على بابك
اتريد من عندك خبر تنطر جوابك
شلون شافت طبرتك والدم خضابك
اعليهه يصعب ياعلي لوعة مصابك
ياولينه .. فرگتك تصعب تره
ياولينه .. مدمع ايتامك جره
انطبر راسك يالهمام .. الطير يم بابك ينام
ياولينه .. ياولينه
..................................................... 3
انت سور الدين ياحامي الحميه
بالغدر صابوهه هامك ال اميه
وحشه صارت ياعلي هاي المسيه
ريت گبلك تلفي اعلينه المنيه
ياولينه .. الدنيه بعدك مظلمه
ياولينه .. حزنت املاك السمه
وسفه ماكمل صيام .. الطير يم بابك ينام
ياولينه .. ياولينه
........................................................ 4
ننچوي ياسيدي بنار المصيبه
والگلب من فرگتك يسعر لهيبه
بعدك احبابك علي تصبح غريبه
والمفارك يبقه بس الهم نصيبه
ياولينه .. كل محب گلبه انچوه
ياولينه .. ضايگ علينه الهوه
اعليك مولاي السلام .. الطير يم بابك ينام
ياولينه .. ياولينه
....................................................... 5
خادمكم مالك السعيدي
قصيدة ثقيلة للامام علي ع
{صدك راح الولي؟ } 💔😭
صدك راح الولي وصرنه يتامه!
علي عافانه عالدنيا السلامه
مات العينه النه
بعد مامش محنه
كسروهه الخواطر هالظلامه
❥ـــــ✪★ـــ☆☆ـــ✪★ــــــ❥
صدگ مات الولي وظلينه ايتام
راح الخير كله و نور الايام
علي جنه بوجوده نرسم احلام
لكن مات املنه
بعد مامش محنه
علي عافانه عالدنيا السلامه
❥ـــــ✪★ـــ☆☆ـــ✪★ــــــ❥
ابونه المرتضى طبرولهِ الراس
بعزيز اگليبه انهد حيله عباس
يتامه ونوح صار وضجت الناس
صدگ هسه انكسرنه
بعد مامش محنه
علي عافانه عالدنيا السلامه
❥ـــــ✪★ـــ☆☆ـــ✪★ــــــ❥
بصبح الله الضجيج ونسمع النوح
كلهه امفرفحه والگلب مذبوح
كسروهه الخواطر ماتت الروح
بفجر الله انهضمنه
بعد مامش محنه
علي عافانه عالدنيا السلامه
❥ـــــ✪★ـــ☆☆ـــ✪★ــــــ❥
يتامة صرنه بعده اشلون بينه
ولي الله رحل لامره اشبدينه
قهر برواحنه وماكو سَكينه
جانت مطمئنه
بعد مامش محنه
علي عافانه عالدنيا السلامه
❥ـــــ✪★ـــ☆☆ـــ✪★ــــــ❥
جبيره الطبره ليها ماكو اضماد
لفاه الموت هذا الماله رداد
علي يومه وعلي للحيل هداد
رايح كل اهلنه
بعد مامش محنه
علي عافانه عالدنيا السلامه
❥ـــــ✪★ـــ☆☆ـــ✪★ــــــ❥
#الشاعره هاجر كريم الزينبية
اسألكم الدعاء لي بالنجاح والتوفيق
قصيدة فزاعيه ( لاستشهاد الامام علي ع )
.....................
العيد اجانه ياعلي
لا تمشي و تخلينه
العيد ايام ويجي
بعدك عليمن ننتجي
لتروح و نضل بالبجي
غيرك منو ايهم بينه
منهو يهم لينه بعد
ياحيدر و انته الضمد
مو تدري ياذينه الفگد
و اغيابك يبجينه
اغيابك انخلصه هضم
و العيد يا بويه لطم
شملك منو بعدك يلم
محد ترا ايلم بينه
منهو اللي يجمعنه سوه
يابعد روحي و الهوه
لو تمشي گلبي ينجوه
و الجفن تهمل عينه
تهمل ادموع الفاگده
بالعيد منهو اتعايده
ثوبي بعد ما جدده
غاب الحنين اعلينه
منهو يگص ثوب الفرح
لو تمشي گلبي ينجرح
بالمگبره عيدي الصبح
وياك يا والينه
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
بویه نام اللیله نوم العافیه
وآنه خلیني اعلی نعشک واعیه
«بویه نام اللیله نوم العافیه2»
*
بویه نام اللیله یا محبوبي نام
من بعد شخصک عله الدنیه السلام
نام یا بویه ابرغد و انسی الملام
محله بخدودک یبویه الأبتسام
نام خلهه ادموعي لجلک زاچیه
«بویه نام اللیله نوم العافیه2»
*
روح یا بویه وداعاً یالحنین
روح یم اُمّي الزچیه و الجنین
هیه تشکی من الضلع و انت الجبین
و یمسح بدمعاتکم طاها الأمین
و آنه مَن یمسح دموعي الجاریه ؟
«بویه نام اللیله نوم العافیه2»
*
بویه یا حلو المحاچي والخطاب
بویه شو انخاک و ما اسمع جواب
والله گلبي اتمزّق ابهذا المصاب
شلون اهضمهه یغطّیک التراب
و تبقی دارک وحشه دونک فاهیه
«بویه نام اللیله نوم العافیه2»
*
یعني اصدّگ راح یدفنوک ابلحد ؟
تغیب عن عیني یبویه و ما ترد ؟
بویه کسروا خاطري ایتام العجد
للصبح یقرولّک سورة حمد
عالگین شموعهم کل زاویه
«بویه نام اللیله نوم العافیه2»
*
شوف حالي بویه یا خیر المله
بین اخوتي ابچي بس امدلّله
آه یا ظیمي من اطبّن کربله
بعیني اشوفن ینذبح عقد الوله
والخیام تذوگ نار الحامیه
«بویه نام اللیله نوم العافیه2»
*
آه یا ظیمي من اصیحن یا ابي
والشمر مسرور لمّن انسبي
شلون راح اصبر بعیني اصطبي
یبوگ ترچیة رقیه الناصبي
وعالجمر یاویلي ترکض حافیه
«بویه نام اللیله نوم العافیه2»
*
راح ابقی محیّره المن امیل
و عالنهر یا ویلي مذبوح الکفیل
والیتامه تصیح یا عمه دخیل
بس ،و َحقک بویه انذل؟ مستحیل
راح اقلع والله عرش الطاغیه
«بویه نام اللیله نوم العافیه2»
*
خادم خدمة الحسین علیه السلام
ناصرآلبوعبید
في ذكرى شهادة أمير المؤمنين (ع)
يا علي يا علي يا علي
&&&&&
عالعوالم فضلك اترف رايته
و الك جبرائيل شايل لافته
لا فتى إلا عليٌ لا فتى
او ماكو إيمان ابمثل إيمانك
&&&&&
يا علي بس انته نفْس المصطفى
جفنك اعله الخوف ما مرَّه غُفه
تبگه يا حيدر أمير اعله الوفه
و الشجاعه اتظل علي عنوانك
&&&&&
يا علي أبيض امن المَيْ سيرتك
او باچر اتظلِّل علينه اعمامتك
الصراط المستقيم اولايتك
و المحبه و الإبه قُرآنك
&&&&&
الأجل ضمَّك يا ملاذ الحائرين
و الوجود انطُفى يا نور اليقين
يَتَّمِتنه يا أمير المؤمنين
و انحُرَمْنه من دُفُو أحضانك
&&&&&
كلشي بغيابك علي باهت غِده
او صوت من جبريل هز هذا المدى
اتهدِّمت والله أركان الهدى
ياللي طاحت بالغدر أركانك
&&&&&
اعليك تلطم بالحزن سبع الشداد
او رُفع هذا الكون رايات الحداد
و احنه نلبس كل سنه ثوب السواد
ورده إنته او يتَّمِت بستانك
&&&&&
اليوم هاي اگلوبنه تبچي ابحزن
اليوم لمصابك يبو زينب نون
اليوم مو بالگاع بينه تندفن
و ابلطُمنه تنگلُب أزمانك
&&&&&
اوداعةَ الله يا شمس هاي السماء
اوداعةَ الله يا إمام الأتقياء
اوداعةَ الله يا مُعين الضُّعفاء
اوداعةَ الله يا العظيم ابشانك
&&&&&
إبراهيم الدريس
مقدمة .وداع ( مولاي أمير المؤمنين علي عليه السلام )
جديد .. 1445. 2024 .
::::::::::::::::::::::::::::
يابالحسن بِمصابك
تبجي بدمع إحبابك
----------------------
فَكدك صعب يابالحسن يالغالي
ساعة وداعك بالحزن تقرالي
هالليله سافر كل نَجّم آمالي
روحي تِوّن اعليك آيا الوالي
ماننسه هذا اصوابك
تبجي بدمع إحبابك
----------------------
مثل اليتيّم الليله كلشي بلياك
ناعي المُصيبه ياقصيدة ينعاك
حانَ الوَداع اليوم الله وَيّاك
بهاي المنيّه ياعلي فاركناك
نار الألم بغيابك
تبجي بدمع إحبابك
----------------------
انهدمت اركان السمه هذا اليوم
محراب جرحك ياعلي صار ادموم
شهر الصيام اخلاف عينك محروم
بهاي الفجعيه نصرخ آيا مظلوم
من تندفن بترابك
تبجي بدمع إحبابك
-----------------------
عظم الك هذا الأجر يابو حسين
من جَرح هامَّك سيدي مَجروحيّن
منوفي إحنه شما بِجَت هاي العين
بجمرة مُصابك ياعلي مَفجوعيّن
وَنقَبّل إحنه اعتابك
تبجي بدمع إحبابك
------------------------
كل خادم الليله بدمعته عَزاك
كل موكب الليله بجروحه ناداك
نخدم لَحّد الموت واحنه بِحمّاك
إنت الصراط المُستقيم الشفناك
نبقه نِلُوذ ابابك
تبجي بدمع إحبابك
----------------------
الخادم _ ابو فدك الشامي ✍
اليوم نطلب من أمير المؤمنين
كون يرزقنه البواچي اعله الحسين
ــــــــــــــــــــــــــــــــــــــ
ياعلي نريدك تعلمنه العشگ
ياعلي وكون بغرامه نحترگ
الما يحب حسين ماعنده صدگ
المايحب حسين گلبه موحنين
ــــــــــــــــــــــــــــــــــــــ
ياعلي ومحتاره والله العايله
للنجف تتعنه لوطف كربله
يالمتت بين الاهل والعايله
وهو مات الوحده ماعنده معين
ــــــــــــــــــــــــــــــــــــــ
أنت أولادك يضمدون الجرح
وهو جسمه اعلى الثرى وراسه برمح
وليل زينب ياعلي بلايا صبح
مثل ماظل الگمر ماعنده ادين
ــــــــــــــــــــــــــــــــــــــ
ياعلي انت الهوى النتنفسه
نريد حب حسين بينه اتغرسه
حسين تفرح لو حضرنه الـمجلسه
واللّطم هوّه صلاة العاشقين
ــــــــــــــــــــــــــــــــــــــ
لا تمشيني ابدرب ما بي عزاء
واحنه مخلوقين بس لكربلاء
الناس يا بالحسن تتنفس هواء
واحنه نتنفس ابين الحرمين
ــــــــــــــــــــــــــــــــــــــ
أنت شالوك بجنازه و باحترام
وكلها صاحت آه لمصاب الأمام
حسين ما عنده عشيره و لا عمام
وبالحصيره شاله زين العابدين
ــــــــــــــــــــــــــــــــــــــ
ياعلي وجسمه بقى ابحر الشمس
والحوافر ترفس بصدره رفس
انت صابك بالصلا سيف الرجس
وهو داسنّه حوافر أربعين
ــــــــــــــــــــــــــــــــــــــ
ما أگول اويه الشمر اخته انسبت
زينب اعله الشام والله تسلطت
على بنتك جابت الحگ وأجت
وبصبرها ذلت يزيد اللعين
ــــــــــــــــــــــــــــــــــــــ
ياعلي اوّياك ميهمنه التعب
وانته اسمك وسط الاعيون انكتب
ياعلي يابو مناير من ذهب
انته ابونه واحنه بيك امچلبين ـــــــــــــــــــــــــــــــــــــ
ياعلي واذّتنه طگات الزمن
واحنه ندعو بالفرج لبن الحسن
ابيا مدينه ابيا نوه المهدي سكن
وين ابو صالحنه يا مولاي وين
محمد الجماسي
#اللهم_عجل_لوليك_الفرج
بعيوني ،،، يلملم علي بـيامـه
بعيوني ،،،شفته يظم احلامه
بعيوني ،،، ودعني ويه ايتامه
زينب انه وگلبي نفطر، ،،وتخيلت هامه وجرح
هيج الابو شاهدته
للعتبه يوصل يلتفت،،،ويظم حجي ماينشهگ
ماتنفهم سالفته
مرات البروحه هجر ،،، وجفنه يظم فرگه وطن
يعرگ الملگه بكصته
اليعاشر بروحه علي،،، يرسم بنت صارتله ام
زينب انه اليتمته
حنيتله ،،،تمنيت اسـلمـه العافيه
حنيتله،،،واقره النواعي الصافيه
حنيتله،،،شفته العرش واسلامـه
٭٭٭٭٭٭٭٭٭٭٭٭٭٭٭٭٭٭٭٭
صار الفجر وكته ومشه،،،وبس صوته جان الينسمع
شايل منارة بعينه
يم الله بس حيدر عرف،،،آذانه بيه نشغه وبچي
خلصهه هيج اسنينه
بفرض الصبح كبر حزن،،،بس الله مشتاگ لعلي
وجان الحنان ونينه
لمن سجد گبل الشمس،،،والحاقد بسيفه اجه
يطبر الهامه الزينة
من راسه،،،موجرح شفته بعيني
من راسه،،،ينزف نزيف حسيني
من راسه،،،شاهد يظل بصيامه
٭٭٭٭٭٭٭٭٭٭٭٭٭٭٭٭٭٭٭٭
ردالي ابو حيل الجوي،،،هوه علي لامو علي
يعينونه هيچ اولاده
ندري بعلي ماينتچي،،، الوادم تندبه بكل وكت
هل حاله مو بالعاده
لتمينه بس طش الجرح،،،ومهشمه الهامه بنزف
ينگط بقه بظماده
گالالي يازينب منو،،،تردينه گافل ونتحب
حاجيته عم الساده
وصاني،،،بشنهو اليصير عليه
وصاني،،،يسمونچ الـمـسبـيـة
وصاني،،،نحر الاخو وخيامه
٭٭٭٭٭٭٭٭٭٭٭٭٭٭٭٭٭٭٭٭
صايم بقه رغم الالم،،،ولتمت ايتام الخلگ،،وطوس اللبن جابوله
منالباب لعتاب الصحن، ،،صاحو سلامه ياعلي
ويابويه هم گالوله
بعدك الدنيه بلا خبز، ،،ولاجف اليمسح عاليتم
جفوف البشر مشلوله
من طيحتك مات الشمع،،،وصينية القاسم تظل
صايح بلا هلهولة
شدحيلك،،،شتاگينه مو لسولفك
شدحيلك،،،ماكـو تـره بـوصافك
شدحيلك،،،والهاك انته احـزامـه
٭٭٭٭٭٭٭٭٭٭٭٭٭٭٭٭٭٭٭٭
من هدمة حسيت ابعد،،،من قسمة بين الولد
ونطاني من الصايه
يشرحلي عن منحر يظل،،، بحر الشمس فوك الرمل
لافي شجر لارايه
هالصايه يازينب تظل،،،سويهه خيمه اعله النحر
بوكت التشح عنايه
زينب يبويه تحملي،،،حر الچمر والهيمه دم
وانتي اعله المسنايه
سد عينه،،،لاكـن ولاســد بـابـه
سد عينه،،،يتمنه واحنه احبابه
سد عينه،،،ظلت بروحي آلامـه
حسين علي الگرغولي
وكأني بمولاتي زينب قبل ساعات الرحيل مع ابيها ع
حجي الطبيب بدون ضنه
حط بدليلي وروحه ووونه
منها عرفت يل تمشي عنه
وبعدك بعد موت المحنه
ولـــــمن يبوية سولفالي
منه عرفت رايـح يغااااالي
ريتك تضل وشوف حااالي
يراد حيل الهل ليااااااااالي
وتمنه راســــي وياك مطبور
يالعفت روحي وگلبي مكسور
حالي وبجيتي اشــيب الگبور
ولو گلبي عاتب گلــبي معذور
حالي العلي كلــــش يشيبك
لو رحت منــي اشلون أجيبك
ليش بجـــــرح عايف حبيبك
وجهي نخطف من ون طبيبك
گال الدوه مافاد ويااااااااااه
وگلبي نكسر مو مرة وااالله
مثلك صعب ياابويه انسااه
بعدك أبد مافارگ الااااااااه
زينـــــب تراني اشلون بية
ترجــــــع أحلفك بالزجية
ياريت مرتــــــــني المنية
ماتنحمل هــــاي المسية
محمد البنداوي
مجموعة ابوذيات بذكرى شهادة الامام علي عليه السلام
علـــى النـــوح الـــدهر طشنه ولمنــه
وبعــــد مـــا تهــــده ونتنــــه وألمنـه
أجانــــه العيـــــد لا أبــــونـــه ولا أمنـه
صرنـــه أيتـــام حمّــــــاي الحميــــــه
يبويـــه أهــــلال عيـــد الفطـر هل هل
ودمـــع عينـــي عليك أدمــوم هل هل
يبويــــه الشامــت بهـــل يــوم هـلهــل
لچـــم گلبــــي ونهــــاري اظلم عليه
دمـــع عيني دمــه من العين منسال
ودليلي مـــن المصــايب دوم منسال
على هامــك السيـــف اشلون منسال
وطـــبر راسك يحماي الحميـــــه
ريض يـــا نعــش بــرجـــاك مــرهان
مو تدري الگــلب بالنــــوح مـرهان
جزّن حلــوه الليــالي وبقـن مــرهن
وبعد هيهـــات وكتـــي يحن عليه
عگــب عينــاك أدگ الصــبر والهــم
وبعد هيهات أجافــي النـــوح والهــم
علــى المطــبور راسه بسف والهــام
أنـــوح ولا تهيـــد الــــروح بيه
*
الدهــــر وياي ســوه الراد مــا راد
ومصابك يـــا علي لحشاي مــــارد
يبويـــه الگلب راد ويـــاك مـــاراد
عليـــه تبعد يحمــــــاي الحمــيه
الـــدهـــر عالـنوح هــددني وعـيــده
وحــــزن أم الحســــن رده وعيــده
الگلب بحــــزانه متگبـــع وعيــده
صــــــار همــــوم وآلام ورزيــــه
بزغر سنـــي وچفــوفي الــدهر لاون
ولا دمعــه التسلـــي الـــــروح لاون
يبويــــه رايـــح ليـــا صــــوب لاوين
أجانــــه العيد ونعيّـــد ســـويــــه
الشاعر
موسى البديري
نعي بحق امير المؤمنين عليه السلام
وين المشه ايخبر النبي من بعد الغياب
صح الخبر حيف وأسف علهام الصواب
الشيبه الكريمه تخضبت والدم غده خضاب
اركان الهدايه تهدمت ياجمر المصاب
ون اليتامى مابطل والدمع سجاب
شحال العقيله من درت منها الگلب ذاب
كسرين كاسرها الوكت ماحسبت احساب
الطبره وي كسر الظلع من دفعوا الباب
والحسن مهظوم الگلب والچبد لَهَّاب
وحسين دمعاته جمر يلهج بالعتاب
زينب تنادي ياعلي ياشم الاطياب
تكتل يبوية فرگتك ياشمل الاحباب
ياحيف يابدر السمه غطاك التراب
الشاعر حسن لعيبي الحريشاوي
#ابوذيات لشهادة سيدي
ومولاي أمير المؤمنين صلوات ربي عليه
غِسلته ابماي عيني الجرح ... ماطاب
غفه . والعيش بعده ابد ... ماطاب
لون بيدي اعله گبره اگعدت .. ماطب
داري . الموحشه او ظلمه عليه .......
اشكثر گلبي يبويه اعليك ... شال آه
امصابك للبدن يا علي ....... شلّآه
بنت واتصد لبوها ابنعش ... شالوه
بس الله اليعرف اشصار بيه .......
يون او گطّعت لحشاي ... ونتاه
صحت ياربي وين الصبر .. وين تاه
بويه انت نظر عيناي ...... وانت
نبض گلبي او مشيت اشلون بيه ...
تون اعروگي من اسمع .... علي ايون
او حتى الصخر بفراگه ...... عَلَي وَن
اليتامه اعليك تنشدني ..... علي وين
شجاوب وآنه تسعر نار بيه .....
يهلها اعليها لحگو ... ما تبوها ؟
اضن موّتها زينب ... موت ابوها
ابوها الچان خيمه ..... مات ابوها
ومن هسه اصبحت ويلا سبيه ...
مثل اجبال يا صدري ... علي هم
أبوي ابگبره واگليبي .... علي هام
بعد هم ترجع ايامك .... علي هم ؟؟
تگعد يمي وانسولف سويه
اسولفلك عله الحسرات ... لو لآه
انحيت او ظهري صارت بيه .. لوله
علي تسمع ونيني اعليك ...... لو لا
دخيلك گوم بويه او حن عليه
ابو فاطمة الطائي
#اللهم_عجل_لوليك_الفرج
#نعي
لشهادة مولى الموحدين روحي فداه
سمعت الويد كَلبي رجف وحدة
وصلت الباب واتنوع ابسدة
اتراجف كَمت كَلبي شيهودة
شفتك يا علي راسك مظمدة
يحسين وحسن بهداي حطوه
على فراش المنية خوية نيموه
وظمدوا جرح راسة ولاتلچموه
وداع فراكَ كَبل الموت ودعوه
چنت تكعد بيوية كَبالي وتكَوم
بعد ماشوف طولك بعد هاليوم
من فراكَ امي كَلبي ملجوم
كلبي شيحتمل احزان وهموم
چنت امن الصبح بوية تلمـنة
تعايدنة وتفرحنة وتحبنة
هل العيد يابوية وكَعدنة
ذكرنة كَعدتك وشلون چنة
الوادم تكَعد اتعيد اهلها
وانة ادموع الحزن يابوية اهلها
الون ياعلي بتك كتلها
يتيمة واليتيمة ياهو الها
اجانة العيد واهل العيد ماهم
شحلات الكَعدة من چنة وياهم
هنا چنة انتسامر ذكرناهم
وحشة البيت واظلم بلاياهم
أسالكم الدعاء رائد الاسدي
#اللهم_عجل_لوليك_الفرج
الامام علي احمد العكيلي
يابويه مو وكت البعد
كل خوفي ترحل ما ترد
لجل السبي وحرگ العبي
خليني من هسه استعد
ــــــــــــــــــــــــــــــــــــــ
والنعم من كل اخوتي بيهم ادري اكفايه
واعرف امربّيهم انت وعالعهد وفايه
وادري بالعباس باجر بيده تحله الرايه
بس اريدك انت يمي وتدري شنهي الغايه
لا مو قصور بكافلي
لكن لأن انت علي
لو چان يصعب مطلبي
خليني من هسه استعد
ــــــــــــــــــــــــــــــــــــــ
ادري وصّيته عليه والنعم من الگمر
هذا اخوي وگد كلمته يفدي لخوانه النحر
لكن احتاجك تجيني لو وصل منه خبر
گطعو جفوفه كفيلي ومنذبح يم النهر
ساعتها تعرف حالتي
اركض والم إبعيلتي
لو هاجماني الناصبي
خليني من هسه استعد
ــــــــــــــــــــــــــــــــــــــ
عدها ثارات النواصب من حنين ومن بدر
لو صحت ياعلي ادري بحقد يضربني الشمر
ويذبح احسينك اشوفه اگبالي وبسيف الغدر
واثنعش طبره يطبره لو تربّع عالصدر
من الطعن من الذبح
الف وتسعمية جرح
لساعة ذبح سبط النبي
خليني من هسه استعد
ــــــــــــــــــــــــــــــــــــــ
بويه واعدني تردلي بكربله تحميني
وانت لو موجود يمي محّد يأذيني
وتگطع ايد الشمر بيدك گبل لا يسبيني
وگبل لا يضربني سوطه بسدك تخليني
واعدني يابويه وعد
لو جدمي عالتله صعد
بيدك تعدّل معصبي
خليني من هسه استعد
ــــــــــــــــــــــــــــــــــــــ
انت گايلها إسْألوني گبل لتفگدوني
والسؤال ابالي يخطر سولفنّه عيوني
لو صحت بويه دخيلك قرّرو يسبوني
تقبل اعلوج ال اميه ياعلي يضربوني
اقسم عليك بفاطمه
جاوبني ياحامي الحمه
ترضاهه زينب تنسبي
خليني من هسه استعد
ــــــــــــــــــــــــــــــــــــــ
العيد اجاني وعيني علباب
والأودهم جوه التراب
عاتبت وشفاد العتاب
يبويه. يبويه
باجر عيد والوادم تعيد اتريد
اعيد اشولون كلولي وابوي ابعيد
اعزاز نامو بلمكابر. وروحي حنت للئودهم
اردكلهم عن عذابي سنيني ضاعت من بعدهم
كافي خلص كلبي لجمات
والدمع ميرجع المات
الدنيه بعدتنه حرامات
يبويه. يبويه
هنيال الأبوها عايش وياها
الماعدها ابو مهضومه تلكاها
بويه وينك اردشوفك يلحنانك فاركيته
البيت وحشه وضلمه عكبك وانه وجهك مانسيته
ياوسف حلوين الطباع
راحو وطمتهم الكاع
يحرك الخدين الوداع
يبويه. يبويه
امن يروح الأبو تتيتم اعياله
علي بويه بغيابك حالتي حاله
اني زينب يلعفتني الموت ارحم من حياتي
عايشه المن كلي بويه ومني راحت امنياتي
الشوفتك تدريني حنيت
الفركتك ماينطب البيت
الحزني المجانك تعنيت
يبويه. يبويه
كبل نفطر سوه برمضان كليله
الماعنده ابو محد يتجيله
بهاذا رمضان افتقتك ونتضرتك يمته ترجع
السفره امدها والمدامع فوك خدي جمره تطلع
بويه جان اشمحله رمضان
بشهر يلتمون الأاخوان
هل سنه مضيعين الحنان
يبويه. يبويه
الشاعر تحسين الخفاجي
قصيدة ثقيلة للامام علي ع
{ هاظمني يالليل }...💔😭
جايبلي الصور هاظمني يالليل
تتراوالي طبرة هامته اتسيل
بگلبي انولدت اجروح
عليّ من شدة النوح
تتراوالي طبرة هامته اتسيل
❥ـــــ✪★ـــ☆☆ـــ✪★ــــــ❥
صوره اببالي متفارگ خيالي
كسرت گلبي و شدهتلي بالي
على امصلايته دم راسه سالي
خطره الطبره بالراس
هدت حيل عباس
تتراوالي طبرة هامته اتسيل
❥ـــــ✪★ـــ☆☆ـــ✪★ــــــ❥
كلفة الطبرة يوجعني يجرحه
صار اسود عليه ذاك صبحه
انامن عالونين وجرحي يصحه
يفززني ونيني
الهظم بين بعيني
تتراوالي طبرة هامته اتسيل
❥ـــــ✪★ـــ☆☆ـــ✪★ــــــ❥
ما تكدر اتهيد الروح ليله
علي هظمه ترك بنته العقيله
وحشه ادياره وعيوني هميله
علي عاف اليتامة
و عالدنيا السلامة
تتراوالي طبرة هامته اتسيل
❥ـــــ✪★ـــ☆☆ـــ✪★ــــــ❥
ليش الدنيا ما خلتلي الحنين
الموت ايشابگ المريود والزين
يشبگه وياخذه ونظل محزنين
يستنگي بمذاگه
الاريده مني باگه
تتراوالي طبرة هامته اتسيل
❥ـــــ✪★ـــ☆☆ـــ✪★ــــــ❥
علي بعده وغلاته سوده الايام
غرب وين راح وعاف الايتام
وحگ روح الزجيه گلبي محتام
الامل مات بحياتي
صرت انطر مماتي
تتراوالي طبرة هامته اتسيل
❥ـــــ✪★ـــ☆☆ـــ✪★ــــــ❥
#الشاعره هاجر كريم الزينبية
اسألكم الدعاء لي بالنجاح والتوفيق
بويه اوصيج بوصيه موبعيده الغاضريه
ضمي دمعاتج الباجر
حسينج اتدوسه الحوافر
موبعيده الغاضريه
……………………… .
مدلله عشتي بزماني يا اميرتنه الحبيبه
لجن يازينب يبويه هاي مو اخر مصيبه
بكربله عيونج تباوع جثث لخوانج سليبه
ماتضل عندج حبايب اه يزينب ياغريبه
زينب ياغريبه الله شمصيبه
وجهج يازينب وين مذبوح اخوج احسين
والجثه سليبه الله شمصيبه
مصيبتي ويالطف زغيره بكربله مصايب جثيره
حرمه وبولية عساكر
حسينج اتدوسه الحوافر
موبعيده الغاضريه
………… ……………………
ردت ابدمعه عله ابوهه ليلي بعدك ماانامه
تگله من تروح عني ياعلي تروح السلامه
تعلمت عل عز يبويه مدلله ابيت الامامه
من تروح وتمشي عنه نصير من بعدك يتامه
يتامه ياعلي باجر يتامه اذا ترحل عله الدنيه السلامه
يوالينه تخلينه جرح بينه
جرح راسك ريته بيه عني جاوين المنيه
من عسه تعمه النواظر
حسينج اتدوسه الحوافر
موبعيده الغاظريه
…………...…………...…………
غاليه دوعج يگلهه يل عزيزه رحمي حالي
لومشيت اخوان عندج بويه جم والي ويوالي
لجن يوم الغاضريه مايضل يابويه غالي
من يرد ميمون اخيج صيحي وينه بدمع هالي
زينب تصيح تصيح و الدمع هالي
للخيم رد المهر سابح ابدم حسين
والدمع هالي
للخيم من يلفي مهره يعني اخوج انداس صدره
يعينج الله بيوم عاشر
حسينج اتدوسه الحوافر
موبعيده الغاضريه
………… .…………..................
تگله ياحيدر يبويه من تروح عيوني تعمي
خيمتي اواهس حياتي تجري يابويه ويدمي
تارس عيوني بحنانك وبحنانك جنك امي
العيد هل مجبل عليمن جايني وماانته يمي
عليمن جايني العيد وبويه مسافر بعيد
منو يعوض مكانه يغطيني بحنانه
وبويه مسافر بعيد
العيد لوهل عل يتيمه دموع ومصاب وهظيمه
وياك اخذني من تسافر
حسينج اتدوسه الحوافر
موبعيده الغاضريه
… ………………………….
بلاحرس ليلج يجلجل وخوتج فوگ الوطيه
ولخيم محروگه بويه ومايضل عندج تجيه
وكافلج فوگ الشريعه مگطعه جفوفه ورميه
وراس الحسين ويجسمه يمسي بين علوج اميه
امسى راس الحسين ويالجسم امسى
والراس يشكي الحاله للسحگته الخياله
امسى راس الحسين ويالجسم امسى
من عگب عز الحبايب سبي ولوعات وخرايب
نظرة الشامت بواتر
حسينج اتدوسه الحوافر
موبعيده الغاضريه
……………………………………… .
خادمكم ..قاسم المالكي