🌴تجمّع الزهراء ع العاشورائي🌴

30 августа 2024 16:23

#نعي

لمصاب رسول الله محمد صلى الله عليه وآله

غالي الأبو ويكتل رحيله
ولو غاب مايحصل مثيله
يجرح گلب بنته وخليله
راح اللذي همي يزيله
ضليت من بعده عليله

راح المصطفه سيد البريه
راح الكل وكت ينشد عليه
انه ام الحسن بنته الزچيه
يريت بداله تاخذني المنيه
ولاشوف من بعده الاذيه

ودعني ابوي وراح منّي
تراب الگبر اخفاه عنّي
ابچي عله گبره وطال ونّي
ظني انگطع ياناس ظنّي
بعده المصايب هالأجنّي

ابويه المصطفه توسّد.     ترابه
راح الچانت عيوني.       ترابه
يون گلبي وصحت حگه.  ترابه
جرح ما يشفه ينزف للمنيه

#سيد_زيد_الفحام

#اللهم_عجل_لوليك_الفرج

🌴تجمّع الزهراء ع العاشورائي🌴

30 августа 2024 14:49

دعم قنوات دينيه فارس الحجاز


☘☘☘☘☘☘☘☘☘☘☘

ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ

الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN


🏴🏴🏴🏴🏴🏴🏴🏴🏴🏴🏴

⚠️#شروط_الدعم

1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله

🔺للاشتراك بدعم عبر معرف مثبت↙️
@ansar_313_m

@satobmnbot

🚩🚩🚩🚩🚩🚩🚩🚩🚩🚩

/channel/satob_mn_ajl_al_mahde

🌴تجمّع الزهراء ع العاشورائي🌴

30 августа 2024 13:29

قصيده لاستشهاد النبي صلى الله عليه واله وسلم

بحركه صاحت يارسول الله
مودع بالله يبويه مودع بالله
مودع الله يالحنين
عفت كلبي للونين
مودع بالله يبويه مودع بالله
〰〰〰〰〰
هاي ليله صعبه هوايه عله الزهره
بالدمع تودع ابوهه بالصدر عبره
تكله صد ليه يبويه حتى لو نظره
خلي اشبع من حنانك والكلب يبره
صدك رايح ماتجي
كلبي بالهم مبتلي
مودع بالله يبويه مودع بالله
〰〰〰〰〰〰
مودع بالله يبويه تروح يالغالي
وانه تتركني وحيده الضيم ياحالي
تدري بويه بعدك انه شنهي يجرالي
ينغصب حقي يبويه يذوب دلالي
ينكسر مني الضلع
كلبي بويه ينشلع
مودع بالله يبويه مودع بالله
〰〰〰〰〰
روحي يابويه عليله تريد وياك
والله مالومه وتنوح خلاف عيناك
عيني رافكها السهر من يوم فركاك
ريت ميته ولا اصد نعشك ومثواك
روحي راحت يالحبيب
خلص كلبي من النحيب
مودع بالله يبويه مودع بالله
〰〰〰〰〰
صدك تتركني وحيده وعني تغيب
فراكك بكلبي يبويه سهامه تصيب
ترضى يابويه انهظم وابقه للنحيب
روحي مجروحه وجرحها ما يطيب
بعدك انه انولي
وني بويه يعتلي
مودع بالله يبويه مودع بالله
〰〰〰〰〰〰
بويه يابويه تراني محمل جروح
شلون تترك بضعتك وعني تروح
تدري رافكني خيالك وين ماروح
صار لي بيت الحزن للدمع والنوح
شلون عني تبتعد
وانت لجروحي ضمد
مودع بالله يبويه مودع بالله
〰〰〰〰〰〰〰〰〰〰〰

تمت بعون الله تعالى
✍خادمة الزهراء ام حسين الأسدي

🌴تجمّع الزهراء ع العاشورائي🌴

30 августа 2024 13:28

استشهاد الرسول ص


ادري ابدليلك مجروح  هل الترب فوگي وروح
يا بالحسن لا تحتار  ساعه ويشب باب الدار
هل الترب فوگي وروح
****
روحي عدله واستمع وناتك
الفاطمه ظمهن علي آهاتك
يا علي گوم اعله حيلك  وانفظ اتراب الدفن
لا يون گلبك عليه  لم حسن كونك تون
الگال تهجر يا محمد  فاطمه ايگلها (وإن)

يم الگبر يابو حسين  ما تنفع ادموع العين
گومي بده ايلم النار  ساعه ويشب باب الدار
هل الترب فوگي وروح
****
يمي لا تحني الظهر يا بالحسن
فگدي يا حيدر بدايات المحن
يا جبل واكبر اعرفك  يا علي حان الصبر
منكسر ظهرك اشوفه فاجئتني ابهل امر
إلحگ الزهره يحيدر  ماهي لحظه وتنسطر

ليش اعله وجهك مگلوب  عزمك يحيدر مطلوب
بالشده انته الكرار  ساعه ويشب باب الدار
هل الترب فوگي وروح
****
ابدارك إبقه ولا تخالط إمتي
دورك انته تلتزم بوصيتي
اشما يصير ابدارك اصبر  السيف بالك يعتلي
مثل ما وصيتك انه الزهره عدها اوصيه الي
من يكسرونه ضلعها ما تندبك ياعلي

بسمك اذا صاحت صوت  بچفوفك الإمه اتموت
انطيتك يحيدر اسرار  ساعه ويشب باب الدار
هل الترب فوگي وروح
****
الونة ام حسين ادري تنفجع
الزهره تحتاجك لمن ينطر ضلع
من تصيح الزهره ضلعي  يا علي صب دمعتك
ابنيتي يم الباب توگع احظر الها ابلهفتك
والجنين اتشوفه طايح يالولي يم عتبتك

ابطيحتها اريدك موجود  بدمعاتك اجرح الخدود
تلگه اثر للمسمار  ساعه ويشب باب الدار
هل الترب فوگي وروح
****
ويه حزنك تحزن الليله السمه
بالظلام ادفن يحيدر فاطمه
يا علي اخفي گبرها خلها تبقه ابلا گبر
انه والكسرو ضلعها نختصم يوم الحشر
السللبوك امن الخلافه يعتنولي ابيا عذر

هالدنيا حسبوها اتدوم   الظالم يلاگي المظلوم
نتلاگه يم الجبار  ساعه ويشب باب الدار
هل الترب فوگي وروح
****

الشاعر اياد الديراوي

🌴تجمّع الزهراء ع العاشورائي🌴

30 августа 2024 11:25

نزله بحق الرسول (ع)






لجل ابوهـا اتنادي             
اليوم راح الهادي
وتنحب الزهره



مايسرك حالها الليله وحزينه
على الهادي تنحب وبره المدينه
والمثلها بهل مصاب الله اليعينه
والگلب مـن القهـر ذاب ابونينه
عالمشه وخلاها             مابطل مبچاها
وتنحب الزهره




چان ونها ينسمع لمن اجوها
الگوم رادو أبد ماتنعه ابوها
هاي اخلاق السقيفه الاسسوها
اتفقو وبره المدينه طلعوها
طلعت ومجبوره           تنعه بس مكسوره
وتنحب الزهره




الهادي يستاهل اذا تبچيله دمعه
الزهره تاخذ دمعتك تنطيك شمعه
مثل ماتبچي اعله ابوها اعليك تنعه
الف هنياله التحبه ينول رفعه
اتصب دمع متبالي             لجل ابوها الغالي
وتنحب الزهره




الهادي ودعنه وترك عدنه علامه
بخطبته الوصه بعلي ونهج الامامه
الهادي راد الناس تنعم بالكرامه
بعض من اصحابه ماسمعو كلامه
الزهره تعرف بيهم          رفضت اتحاچيهم
وتنحب الزهره




نية اصحابه البعـض لا مو شريفه
الهادي لمن مات نصبوهـا السقيفه
خل نصيح بصوت كلنه ابلاي خيفـه
يبقـه حيدرنه علي اول خليفه
على الهادي بدمعه            بت ابوها وتنعـه
وتنحب الزهره






لاتنسون والدي ووالدتي وأبني عباس من الرحمه والغفران
خادمكم رياض الرسل الجابري

🌴تجمّع الزهراء ع العاشورائي🌴

30 августа 2024 05:03

لاستشهاد النَّبِيِّ مُحَمَّدٍ صَلَّى اللَّهُ عَلَيْهِ وَآلِهِ وَسَلّمَ (وزن الطويل)

وَدَّع طَه دنياهُم . الخلَّاها نَعيْم تصير
ماشاف الرَبع مِنْهُم . لارحمه وَلَا كل خَير
★★★★★
وكت مُوتَه أجوا رَبعَه بَيْن إلَيّ يضد ويحبْ
راد يخط كِتَاب اِلْهُم حال مِنْ الْوَكْت يرهبْ
أَوَّل چلمه گالوها . يَهْجُر . حَتَّى لايكتب
صَارُوا مِثْل شارب ماي ذَبّ الْحَجَر وَسَط الْبير
★★★★★
چلمه الصعبَه گالوها . چلمه اتگطع الْأَنفاس
چلمه مِنْهَا ضَلّ مهظوم . مثل السيف فوگ الرأْس
يرِيد يخط كِتَاب الْهُم . بيه يَنْفَع جَمِيعِ النَّاس
حَتَّى لاتضيع الگوم . ولامخلوق بيها ايحيير
★★★★★
جاباهم الدرب النُّور . ناس أَدوَّر الظلمَة
مقصدهم يَضِيع الرَّاي  يَوْم تَنَازعَوا يَمَّه
وَذَاك الْهَدَّم الْإِسْلَام . مَا اريدن أُجِيب اسمَه
هُو الأَسَس الْبَاطِل . وَحَارَب آيَة التَّطْهِير
★★★★★
الْخصُومَه ماتصح عندي . ناداهم أَبُو الزهرَه
لمَّن كَشْف قَصد الگوم . وَدره بنيَّاتهُم گشرَه
حَرْب ضِدّ الْعَدْلَ وَالدِّينَ وَضِدّ الْخَيْر وَالْعِتْرَة
الْخِلَافَة الحيدر أَوْ وَلَدِهِ . أصلاً ماتصح لِلْغَيْر
★★★★★
انصدمت ناس بِالْمَوْضُوع . عَلَيْهِم صَعُبَت الصَّدْمَة
أعيون . الْحَقّ يجرحَّها . وَمَن شَمْس الصُّبْح تعمَه
مِثْل ميريد مايردون . . هَمُّهُم مو مِثْل هَمُّه
حقد مَالِه نهايَه وحَدّ  منين نجيبله تَفْسِير

الشاعر حسن لعيبي الحريشاوي

🌴تجمّع الزهراء ع العاشورائي🌴

29 августа 2024 23:15

نزله... للرسول محمد صلى الله عليه وآله

بويه بغيابك.    ما عودتني
ابچي لمصابك   يالدللتني
...................

بويه البنية سندها   الوالـد اليرعاها
بالدلال تعيش بويه   من يعيش وياها
تموت لو فارگها ساعه   من حزن بلواها
شلون لو چان الأبو.  يالغالي شخصك طه

اتمنّه موتي.     من فارگتني
ابچي لمصابك   يالدللتني
...................

چنت اشوف الدنيه حلوه.  منّ شوفك يمي
بوجهك اليسطع جماله.   ينجلي كل همي
كون اموت وياك بويه   هذا اصبح حلمي
ولا اظل بجروح گلبي   وبشماتة خصمي

آلامي زادت.     من ودعتني
ابچي لمصابك   يالدللتني
...................

ماكو مثلك بالخليقه   شايل انسانيّه
تمطر عله الناس رحمه  والدي وحنيّه
انت بس انت يبويه.  تدري بيه شبيّه
يالچنت تنشد عليه    وماتمل يوميّه

مفجوعه بعدك.    ريتك شفتني
ابچي لمصابك.      يالدللتني
...................

ياحبيب الله مُحمّد     جرحك يأذّيني
فاطمه الزهراء اني.   انحب مخلّيني
بويه تدري بالمصايب  لو غبت تلفيني
تهجم عليه الصحابه   بعدك تعاديني

مهضومه وبچي.    المن عفتني
ابچي لمصابك       يالدللتني
...................

نكرو الكرار بويه   يالرسول اصحابك
بس علي ويّاك باقي.  منشغل بمصابك
غسّلك بيده يبويه   وچفّنك بثيابك
بالگبر واراك بويه   ظل يشم اترابك

يالهادي ويّاك.      ريتك خذتني
ابچي لمصابك        يالدللتني

سيد زيد الفحام
_______

🌴تجمّع الزهراء ع العاشورائي🌴

29 августа 2024 23:12

╌╌ـ────═﷽═────ـ╌╌
#الرسول_الأعظم_صلى_الله_عليه_وآله.
#لطمية.
#صفر_1446هـ .

شال الحبيب اليـوم والزهرة مـن ليهـا
منهـا  الگلب  ملچـوم والحزن غاطيها

╌╌╌ـ────═❁═────ـ╌╌╌

عالهادي  تبچي دموم ومگابله هدومه
وتگــلّه يالمسمــوم  تهـنــالك  النـومـه
وروحه عليها اتحوم ابنيته مهضومــه
گـعدت  على  التربــان  المندفن  بيهـا

شال الحبيب اليـوم والزهرة مـن ليهـا
منهـا  الگلب  ملچـوم والحزن غاطيها

╌╌╌ـ────═❁═────ـ╌╌╌

تمشي وتگــع کلســاع محـد يواسيهــا
طــاح الأبــو عالگـاع و زادت مآسيهــا
بس الأميــر اليوم يبچــي ويحاچيهــا
أهــل الملامــة انــوب ملّــوا بواچیهــا

شال الحبيب اليـوم والزهرة مـن ليهـا
منهـا  الگلب  ملچـوم والحزن غاطيها

╌╌╌ـ────═❁═────ـ╌╌╌

ملّوا بچیها الناس وگالوا يبت عدنــان
اذّانا صوت النوح خففي من الاشجان
راحت  تِوِن بمچان سمّوه بيت احزان
فاطم عليلة  اتعيش مــن دون واليهـا

شال الحبيب اليـوم والزهرة مـن ليهـا
منهـا  الگلب  ملچـوم والحزن غاطيها

╌╌╌ـ────═❁═────ـ╌╌╌

كلما بلال ايصيح بســم النبي  الهـادي
تشهگ تنادي بصــوت يامهجة  افـادي
افراگ  النبي كالمـوت ماهو ابد عـادي
روح  احسن  الاكوان  صعدت  لَباريها

شال الحبيب اليـوم والزهرة مـن ليهـا
منهـا  الگلب  ملچـوم والحزن غاطيها

╌╌╌ـ────═❁═────ـ╌╌╌

✍ #الشاعرة_زينب_الخفاجي
🤲 #اللهم_صل_على_محمد_وآله

🌴تجمّع الزهراء ع العاشورائي🌴

29 августа 2024 23:10

مابين اجروحك

#الشاعر_الميرزا_محمد_الساعدي

🌴تجمّع الزهراء ع العاشورائي🌴

29 августа 2024 23:09

لاستشهاد النَّبِيِّ مُحَمَّدٍ صَلَّى اللَّهُ عَلَيْهِ وَآلِهِ وَسَلّمَ . (وزن الحدي)

ياصعبه أَشَد مِنْ الدَهَر . مَرَّت على سَيِّد الْبَشَر
ياصعبه أَشَد مِنْ الدَّهْرِ
★★★★★
الْحُجرات سُورَة فَصْلَّت . أَصواتهُم يَوم اِعْتَلَت
رُوحَ النَّبِيِّ ياما ابْتَلَت . ومن هلخلگ شافت قَهَر
ياصعبه أَشَد مِنْ الدَّهْرِ
★★★★★
مَجْنُون گالوا علنبي . وَساحر يصدگه الطالبي
چم حاقِد وچم ناصبي . عَنْ النَّبِيِّ گالوا هجَر
ياصعبه أَشَد مِنْ الدَّهْرِ
★★★★★
يَوْم الْغَدِير اتأسفوا . موعن ظمير اتعاطفوا
گالوا نَعَم بس خالفَوا . چم وَاحِد ابواحد غِدَر
ياصعبه أَشَد مِنْ الدَّهْرِ
★★★★★
أَتحَمَّل أشگد الْمُصْطَفَى غَدَر وخيانات وجِفَه
ظَاهِرُهُم إحْسَان اووفه . وباطنهم أيدور الْخَطَر
ياصعبه أَشَد مِنْ الدَّهْرِ
★★★★★
الربَّه النَّبِيّ لَمَن مضه . بالسم ترَه نَحبَه گضه
مهظوم گلب المُرتَضَى . ودلَّالها الزَهرَة انفطَر
ياصعبه أَشَد مِنْ الدَّهْرِ
★★★★★
علمصطفى خَلِّهَا تون . وبهلنوايب تمتحن
اتقيم الْمَآتِم . والحزن . سادات عَدنان وَمُضَر
ياصعبه أَشَد مِنْ الدَّهْرِ

الشاعر حسن لعيبي الحريشاوي

🌴تجمّع الزهراء ع العاشورائي🌴

29 августа 2024 23:08

لاستشهاد النبي محمد صلى الله عليه واله وسلم (وزن الهجري)

يبو الزهره يلرحت  
گلوب طاحت من طحت
ويه املاك السمه    عليك تنحب فاطمه
★★★★★
شغيَّب انوارك علينه        
موالك هذا الغياب
ياجمال الدنيا  نورك  
كل طعم من عدها ذاب
يارسول الله وحبيبه    
گلوبنه   اهموم وعتاب
يلي اديت الرساله      
وفسرّت معنى الكتاب

چانت الدنيا هوان     صارت بنورك امان
بعد نورك مظلمه     عليك تنحب فاطمه
★★★★★
يلي صحيّت البريه 
من جهلها والمنام
كل هوان ارفعت عنهم 
وادفعت سيل الظلام
شلت روح البغض
منهم  علمتهم علسلام
علمتهم علكرامه   
وعلحلال وعلحرام

وسفه انوارك تغيب   ودارك احزان ونحيب
ويه حمّاي الحمة      عليك تنحب فاطمه
★★★★★
ياحزنها الزهره بعدك   
مايمر بيها السرور
والكتب تنعاك  صارت 
والصحف وي الزبور
كتب من اجلك رسمها  
وابسمه حبك تدور
بلايه نورك يبو  الزهره 
مايشع بالدنيا  نور

فاطمه ظلت وراك     شلون تتحمل جفاك
من الجره متالمه     عليك تنحب فاطمه
★★★★★
يارحيلك كل مصيبه  
اگبالها حتما  تهون
تزلزل الكون برحيلك 
ونتفض حته السكون
اهتزت اجبال الخليقه    
ومابقه للدنيا لون
رحل شخصك يامحبه 
وگلب علوادم حنون

راح فيض العاطفه    من رحت يلمصطفى
دموعها تنزل دمه      عليك تنحب فاطمه
★★★★★
يلي ودّعت التحبهم    
جرح بيهم مايطيب
بعدك الزهره حزينه 
المرتضى عايش غريب
الحسن تچوي دمعته
حسين ظل گلبه ابنحيب
المصايب بعد عينك   
جاورتهم  ماتغيب

رحت عنهم ياكفيل   تكتل ايام الرحيل
احوالها متازمه     عليك تنحب فاطمه

الشاعر حسن لعيبي الحريشاوي

🌴تجمّع الزهراء ع العاشورائي🌴

29 августа 2024 23:04

[[💔قصيدة لإستشهادألنبي الأكرم محمد ص💔]]

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

فاطمه  صار     الحزن    عنوانها

تبتدي    هاي    المسيه   أحزانها

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

ينادي    هالليله   جميع المؤمنين
يا  حبيب   الباري   رب  العالمين
المدينه  اليوم   ضجت   بالونين
وناحت  أملاك  السمه  بأشجانها

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

الليله  حزنانه وتون ارض وسماء
وهي   تسمع      للنبي   أخر نداء
فاطمه    بنتي    ستعدي    للبلاء
والوصية   يم     علي      تبيانها

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

تجاوبه    ياطه    يا   خير  المله
بكلشي  اصبر     والأمر    اتمثله
لكن    غيابك      شلون   اتحمله
روحي   ماتصبر   عگب   خلانها

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆


شلون    لو   زمره   إجتلي ظالمه
وتدري    حيدر   بالوصيه   تلزمه
أباب  داري   وانه   بنتك  فاطمه
الچنت    تستأذن   تدگ    بيبانها

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

شلون   لو  كل  المدينه   تآمرت
ولظلمنه   انه    و  علي   إتآزرت
بويه  مكسوره ضلع بنتك صفت
من المرض مخطوفه كل  الوانها

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

يگلها  يا  أصل   الخلق وام النبي
هذا دين  الخلصت كل  عمري بي
انتي حصتج عصره ولبنتچ سبي
لا      تهدين     الرساله    أركانها

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

جهاد  البصيراوي
يسألكم  الدعاء

🌴تجمّع الزهراء ع العاشورائي🌴

29 августа 2024 23:03

مولاتي فاطمة الزهراء

عكب عيونك.   تعمه عيوني
كسروا ضلغي   ما رحموني
شسوّو بيه ما تدري
بعدك ما ردت عمري
ما رحموني
..............

مُحمّد يارسول الله وابو العتره
أنه الاية العظيمه وبنتك الزهره
اخبرك عالجرالي واسچب العبره
ضلع مكسور بويه وعالوجه سطره

ناس التحقد  عالوا بيه
دفعوا بابي.  بويه عليه
آه وصوّبو صدري
بعدك ما ردت عمري
ما رحموني
..............

يريتك بويه حاضر من اجو ليه
فلان وربعه كلهم هجموا عليه
خلف الباب انحب من دروا بيه
عصروني وطحت مصيوبه مچويه

شفت المحسن.    طاح مدمّه
روحي وگلبي.    طاحن يمّه
محنيّه انكسر ظهري
بعدك ما ردت عمري
ما رحموني
..............

خذوا حيدر علي مچتوف من يمي
وراهم بويه اركض وعثر بجدمي
صحت يهل السقيفه خلّو ابن عمي
لا ادعي عليكم وصرخ بدمي

اخذو حيدر   نكرو حكمه   
لوما اطلع      سفكو دمه
جارت دنيتي ودهري
بعدك ما ردت عمري
ما رحموني
..............

مُحمّد بويه ريت اتغطّه بترابك
بنتك فاطمه ظلموها بغيابك
اثر كسر الضلع ظل ينزف ابابك
بعدك ما دريت اشسوّوا اصحابك

ادعي الباري.  ياخذ روحي
بويه شينفع.   دمعي ونوحي
ابچي ومانفع صبري
بعدك ما ردت عمري
ما رحموني
..............

بقيت ابچي بغيابك ما غفت عيني
دعيت الله اموت ويختم سنيني
كسر ظلعي جرحني وظل يأذّيني
ونار فراگك بكل لحظه تچويني

بويه الهادي.   تسمع صوتي
ما مرتاحه.   الراحه بموتي
افضل اختفي بگبري
بعدك ما ردت عمري
ما رحموني

سيد زيد الفحام
__

🌴تجمّع الزهراء ع العاشورائي🌴

29 августа 2024 23:02

فإن مات او قتل تنسي كل وصية
وينسي  ما أمر  وشوصه  بالزجية

باب الزهره يگلهم بابي
وهل باب ل الله اقرب باب
ويُئذيني كلمن اذاها
فاطم وچفوفي الها حجاب

حچي النبي اخضر بعد وباب ام ابوها احترگ
ومثل الجفن عالضلع بجذوعه من انطبگ
ويرفسه برجله الزنيم حايط وجذع انشبگ

قالوا وإن ..للزهراء
محد يحن..للزهراء
وسطروا جفن..للزهراء
يازهراء

نسوا ما قال طاها      رضا الباري رضاها
__

انهتك ستر النبي وبعده مُسجى بالدار
حرمته  مارعوا وبالبضعة فاجعة الصار

مالحگت تدفن واليها
واصحابه هدوا بالنار
توها تريد تحامي المُحسن
وتلاگت وي البسمار

لمو احقاد وحطب ودخان  غطه  السمه
وبيا  ذنب  يحترگ  دار  الوحي  بفاطمة
وبدم جنين ام حسن الحايط تخضب دمه

حيره ابتدت..للزهراء
ونار اوصلت..للزهراء
وگلب احرگت..للزهراء
يازهراء

يأنُّ لها لظاها       رضا الباري رضاها
__

بأهل بيت النبي محد حفظ گرابه
ولا چنه نصح ولا سمعت الصحابه

أمنهم  بكتاب  الباري
وشگد وصه بأهل البيت
ومحد يـتئمن بس حيدر
اوصلت حدها لدوس البيت

صُمٌّ  وبُكمٌ  عُمْيِ  الگالوا  هجر  مُحمد
ونفس الذي حجاها بناره اعل بضعته هد
وبس چف علي اليحامي وبوصيتة تگيد

وحيدر صبر..للزهراء
وشاف العصر..للزهراء
وطوله انكسر..للزهراء
يازهراء

فحيدرٌ حماها     رضا الباري رضاها
__

قسى  هواي  الزمن  والزهره  عذبوها
امنعوها امن الدمع وما رضوا تبچي ابوها

ماقبلوا تبچي اعله مصابه
وسلبوا حگها شر الناس
مازالت من بعد الهادي
اعله فراگه متعصبه الراس

وبيها جره اعظم جرم ضلع وابن فارگت
وصارت نحيلة جسد ومثل الخيال اصبحت
واعله الهضمها اندعت والربها فاطم شكت

والله غضب..للزهراء
لو غيضه صب..للزهراء
كونه انگلب ..للزهراء

قضت تشكوا اذاها     رضا الباري رضاها
__

حسين سعد البهادلي

📜شهادة النبي الاعظم والهجوم
على دار الزهراء صلوات ربي عليهم

🌴تجمّع الزهراء ع العاشورائي🌴

29 августа 2024 23:01

شهادة الرسول
.
.
.

الفـارگ اعــزاز .. تشوفه مكسور
ونسته اتصــير .. بــين الــگــبور
علي يابو الزهره ذاك
منحـنـي ظهـره وراك
يارسول الله

----------

ياشمس روحي صحت .. غوربت بس من وكت
عميه عيـني مــن وراك .. يبو الــزهره من رحت

هجرك ادري مو ســهل .. وعلــي مابــيه يحتمل
بگلبي تدريبه اشيـصير .. عنـك انـه امـن انسئل

عايش ابعالم صفنتي وسالفة هجرك حلم
روحــي تتبــده ولكـن فاطمـــه بيــه تــلم

الوادم اتصيح .. واسمع الصوت
امن البچي اليوم .. حيدر ايموت
الباقي بس دمعه بجفاك
مـنحــــني ظهـــره وراك
يارسول الله

----------

الچانو ايســموه جــبل .. علي من عگبك ذبل
امصابك اشگد ماثگيل .. متـني ياخويه هدل

يـارســـول الله الهجـر .. عاليحب كلش خطر
دمعة الــفارگ حـبيـب .. تنـــزل بخـــده جمر

ياديلي الدنيه ظلمه وچنـت بس انته الضوه
علي عگبــك يبــو الزهـــره گـوه يشتم الهوه

من الاحــياء .. مــايـــعـــدوه
على الاموت .. الكل يحسبوه
مبين الضيع سماك
منحني ظهره وراك
يارسول الله

---------

چــنه روحين ابجسد .. وســــفه مانلــتم بعد
گلبي من فگدك يخوي .. وداعـة الزهره انمرد

حالي من عگبك صعب .. عايـش ابديرة غرب
المثلي دافنته الحـــياة .. حالي حال البالتـرب

الدنيا ماسميها دنيا ابــلا وجــودك يالوفه
گلب حيدر عگب عينك يالاخو وج وطفه

حيلي مـهدوم .. ياضــوه العين
يمشي ويطح .. گام ابو حسين
الوادم اتصيح شجاك
منحـني ظــهري وراك
يارسول الله

--------

يامــلاذي وهيـــبــتي .. ياكبــرتي وكشختي
عگب عينك يالرسول .. وسف شافو دمعتي

الاسـمه صــگار الزلـم .. حيله عـگبك منهدم
علــي اليهــز الجــبال .. علي باقي بس اسم

حزنك ابلايه نهايه ابگلبي حزنك سرمدي
ياصديقي ويـبن عمـي ويا اخـوي اوالدي

روحتك هـاي .. مــو زغـيره
مـني راحــت .. چن عشيره
حقه حيدر لو نعاك
منحني ظهره وراك
----------

اشما انوح اشـما اون .. يكــبر ابــروحي الحزن
وداعة العشره هذيچ .. امن البچي طاح الجفن

ابچي ليل اويه الصبح .. وانجـرح فوگ الجرح
الماله اخو ابهاي الحياة .. يبـقه مكسور الجنح

عمري سالوفه وبــدونك والله لامـــاتنسمع
يالچنت كلشي اليه ابگيت عگبك بس دمع

عمر الدمــوع .. بسرعه ينزال
ومدمعي اعليك .. للابد ضال
يعمه الــبلايه ضواك
ومنحني ظهره وراك
يارسول الله
-----------
حيدر تركي الكربلائي

🌴تجمّع الزهراء ع العاشورائي🌴

30 августа 2024 15:10

https://vm.tiktok.com/ZS2B7fsvm/ تتم مشاركة هذا المنشور عبر TikTok Lite. نزّل TikTok Lite للاستمتاع بمزيد من المنشورات: https://www.tiktok.com/tiktoklite



لاتفوتكم متابعه هذا الفلم القصير
وأرجو الاشتراك بحسابي التكتك

🌴تجمّع الزهراء ع العاشورائي🌴

30 августа 2024 13:30

قصيدة لاستشهاد النبي عليه الصلاة والسلام



وبنوح ولطم ودعت واليها
مالومه الزجيه كومي عينيها
🖤🖤🖤
مالومه الزجيه تبجي بعبره
محنيه عله ابوها والكلب جمره
مكسوره كلب والكسر شيجبره
بعدك يالابو من ينشد عليها
🖤🖤🖤🖤
تكله دخيل بويه ارحم بحالي
نحلانه عليك نمرد دلالي
مصابك بالكلب مايبره للتالي
روحي معلعله والهجر ياذيها
🖤🖤🖤
يبو ابراهيم مااحمل هظم تدري
سهرانه ونوحن نفذ كل صبري
دخيلك فكلي عينك يابعد عمري
روحي بالحزن لا لا تخليها
🖤🖤🖤
بويه بالحزن راح اكضي ايامي
ضاعت كل حياتي وزادت الآمي
كلبي لشوفتك متلهف وضامي
حجاياتك يبويه الروح تشفيها
🖤🖤🖤
صدك بويه تغيب وعني ماتسال
بأحزاني اتيه الدرب مااندل
اخذني وياك بويه كبل لاترحل
روحي كون وي روحك تخليها
🖤🖤🖤🖤
تمت بعون الله تعالى
✍ خادمة الزهراء إم حسين الاسدي

🌴تجمّع الزهراء ع العاشورائي🌴

30 августа 2024 13:29

استشهاد الرسول (ص)

بويه كل دمعچ عليه لا تهلين
اول اهل البيت للجنه تروحين
ضلعچ بعدي ينصاب  ضمي الحيل للباب
يبويه  يبويه
****
ادري بويه اموادع الوالد اذيه
وادري تتمنين موتتنه سويه
كلها ايام وتجيني يالزچيه
شلون جيه وشايله انواع الرزيه

هسه لفراگي بچت عينچ يزهره
لكن بيوم التجيني اعليها سطره
يفتت گلبي لصواب  ضمي الحيل للباب
يبويه  يبويه
****
مو وكتها الونه يالزهره الحبيبه
مو مصيبه افراگي بس بابچ مصيبه
الگال اهجر حظر احچايه عصيبه
مات ابوها فاطمه وهسه غريبه

اي غريبه والصبر يبنيتي لازم
بابچ يحرگه وان موجوده فاطم
ادري وحاسب احساب  ضمي الحيل للباب
****
الدنيه مُرّه واجهيها بدمعه مُرّه
چم مصيبه اتلوعچ والباري ادره
بابچ وبسمار والمحسن يزهره
وما يحظرچ حيدر وخانگته عبره

لا تندبينه تره عنده وصيه
بالصبر مچتوف حماي الحميه
تخونه كل الاصحاب  ضمي الحيل للباب
يبويه يبويه
****
فوگ گبري فاطمه لا يعلى ونچ
ضمي حيلچ يالعزيزه وهذا حزنچ
هواي منچ دمع يطلب بويه ضلعچ
وتنترس هاي العبايه بفيض دمچ

صرخه من باب السمه راح استمعها
يا محمد فاطمه كسرو ضلعها
وانا بلحدي مرتاب  ضمي الحيل للباب
يبويه يبويه
****
صبري ماهو بعيد يافطم لقانه
الله حظرلچ تره اوسع جنانه
انصب الضلعچ عزاء بنفسي انه
المجلسچ حتى العرش يبچي البچانه

السطرتچ والمحسن المذبوح ننعه
وكل نهر بالجنه بويه انترسه دمعه
يخلص هذا المصاب  ضمي الحيل للباب
يبويه يبويه
****

الشاعر اياد الديراوي

🌴تجمّع الزهراء ع العاشورائي🌴

30 августа 2024 11:25

قصيده استشهاد النبي محمد عليه الصلاة والسلام

فارگناك بلوعه وحسره
يا هادينه يابو الزهره
لا ما ننساك ... لا ما ننساك
......................... ..............
مصابك فاجعه حلت تره بينه
وحزنتلك انس وي جان هادينه
يومك يارسول الباري ماذينه
نظل ننعاه حد الموت تدرينه
ننصبلك مجلس بالذكره
ياهادينه يابو الزهره
لا ما ننساك .. لا ماننساك
......................................... 1
يطاه الكون لأجلك منفجع هاليوم
ويبچي كل محب ويصيح يامظلوم
عبرات لمصابك والگلب مالوم
وبس النوح من بعدك يظل يحوم
احزان ولوعات وعبره
يا هادينه يابوالزهره
لا ما ننساك .. لا ما ننساك
......................................... 2
لمن غاب بدرك عشنه بالويلات
هاجت كل مواجع بينه والآهات
وجت بالگلب يالهادي ألك جمرات
وليوم الحشر ماتنطفي هيهات
بأحبابك متوجره الجمره
ياهادينه يابو الزهره
لا ما ننساك .. لا ما ننساك
.......................................  3
الزهره خلافك بأشجان مهمومه
يبوالقاسم بعد عيناك مهضومه
يواسيهه علي ومتغيره ارسومه
ينادي ويلي عالهادي النبي ويومه
والمعبود يعظم اجره
ياهادينه يابو الزهره
لا ما ننساك .. لا ما ننساك
.......................... ........ .    ...  4
ياخير البريه الدنيه وحشه اعليك
يبوابراهيم احنه بيومك انعزيك
بفگدك بالألم واحزان من نرثيك
يبو الزهراء ما ملينه من طاريك
مشتاگين نطب الحضره
يا هادينه يابوالزهره
لا ما ننساك .. لا ما ننساك
......................................... 5
خادمكم مالك السعيدي

🌴تجمّع الزهراء ع العاشورائي🌴

30 августа 2024 11:24

الرسول والزهراء
ولحظات الوداع





بين احزان الزهره
وتوديع آخر نظره
صاحت بس بحسره
يابويه   يابويه
١

لحظات الموادع موت بين الحيره والدمعه
الرسول بآخر اللحظات
الزهره رادت اتودعه
نادت بويه احجي وياي
وصوته رادت اتسمعه
حضنت جنة الفردوس وذابت روحه وتنعه

جاوبني وحاچيني
انطر  لتخليني
ارحم دمعت عيني
يابويه   يابويه
٢

گام اتسولف بدمعات تشكي وهو يسمعها
يبويه شلون حالي يصير بنتك من تودعها
خاف ايدنسون البيت وشاف اتهل مدامعها
والاصعب يبويه اعليك
ياهو اليجي ويدفعها

الماچان يشوفوها
عالباب ايدفعوها
وعالخد يسطروها
يابويه    يابويه
٣

الزهره صارت بياحال ابوها وحارت بأمره
حست آخر اللحظات هاي وتنحب بحسره
لزمت ايده تعصر  بي
وگام اتشمه من صدره
شويه اعيونك افتحها
يبويه يمك الزهره

ارحم حالي بنظره
حست راح اتخسره
خاف اتموت الزهره
يابويه    يابويه
٤

نزل جبريل مأتم صار وأملاك السمه تنعه
وفاطم حايره بيا روح الليله تگدر  اتودعه
شبچيلك يبويه اعليك شتكفيك يادمعه
تعرف موتها بعده وتعرف رايح اتبعه

شافت غمض عينه
نادت ياوالينه
المن وتخلينه
يابويه     يابويه
٥

صعد روح وجسد لله ودع دنيته وناسه
وربك نزل الاملاك كلها تصير حراسه
الباري للرسول شراد وين بيا حضن راسه
يم فاطم ويم حيدر راده يلفض أنفاسه

حيدر هل ادموعه
والزهره المفجوعه
نادت بس بلوعه

يابويه     يابويه





لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

🌴تجمّع الزهراء ع العاشورائي🌴

30 августа 2024 05:02

نعي عن لسان الزهراء عليها السلام تخاطب ابيها النبي  محمد صلى الله عليه واله وسلم

ودّعت فاطمة الهادي   والگلب نيران يسعر
ودّعت راحتها بعده     والوكت  دار وتغيّر
ودّعت مهجة گلبها    والحنين الكله معشر
ودّعت ريحة الجنه   والشمايل  طيب عنبر
ودّعت خير البريه   الطاهر   النور المطهر
بويه صاحت يلي بعدك  مخالفات البين تفتر
تهظم الدار الخليه   من اصد اشلون منظر
مااشوفك من اطبّها. من الحزن گلبي تفطر
يغيب حزن الدنيا عني   من چنت للدار تحظر
لاصبح مر على داري  ولاسواد الليل گوطر
خايفه من چنت يمي  عمري خافن يوم يگصر
هسه خوفي يطول عمري  مااريد اسنينه تكثر
من ونيني الناس ملّوا   شكوا من ونتي الحيدر
مالي حيل لشيل جدمي  جدمي يم گبّرك تعثر
فرگتك  ذبّلت عودي  من رحت طاح وتكسر
فرگتك فرهدت عمري وگلبي من بعدك تكدّر
فرگتك.  يابويه تكتل   يامصيبه المنها اكبر

الشاعر حسن لعيبي الحريشاوي

🌴تجمّع الزهراء ع العاشورائي🌴

29 августа 2024 23:14

▪️تنعى هالروح ▪️


في استشهاد الرسول الاكرم صلى الله عليه واله

طور :مابيّه حيل افراگ
رابط الطور:

https://youtu.be/67kwcEn4tQQ?si=2uiUwfJ7WoR-Mwyw

ظلمه ابعيوني بعدك  الكون
شايل يبويه نور العيون
مااصبر ابلياك
خذني  يغالي اوياك
———-
واشلون اشوفك يابو فاطم  تنعى هالروح
بويه تگلي  اتحضري  لفراگي والنوح
شايل تراني امفارگج   وابسمّي مذبوح

يابويه لوعت القلب  واتهدم الحيل
شمسك عليه تنطفي ويضمني هالليل
بعدك يهادي  دنيتي  تمطراسى  وويل
  عميه يبويه اعليك عيناي
گول امشي بالله فاطمه اوياي
ضايع عليّه ادواك
خدني يغالي اوياك
——-
حان المفارگ  ياعلي  ايخليني اشلون
يدري  يلوّعني البعد يعميلي لعيون
روحي ولا تصبر ابد بيه گلبي مرهون

يعني اشوفن والدي  وايشيله تابوت
ماشوف وجهه ولا بعد اسمعله كل صوت
يگلي يزهره اتصبري  لافيني هالموت

شب القلب يهادي نيران
كلشي اشوفه بيك ذبلان
ماتنحمل بلواك
خذني يغالي اوياك
———
يابويه ظلمه دنيتي ومابعدك اشراگ
بنحري سيوف وجن تحز  اشعر هالفراگ
وتسحگني اخيول الحزن  والروح تنباگ
بعدك ترى ما غمضت  ماخمدت انفاس
هاي الصحابه  العاهدت  صارت بلا احساس
عافوك فوگ المغتسل وانگلبت الناس
توه المصاب وبيه فجعنه
مانطْرَوْ ايهوّد وجعنه
بان الحقد واجفاك
خذني يغالي اوياك
———
عافوك فوگ المغتسل  يوم اويه يومين
واتْوازعوا  كلشي الك  واتبدل الدين
حرموني حتى امن البجي  منعوني لونين
مو قلت روحك فاطمه  وسمّعت الاصحاب
اشبيهم يبويه من رحت  حرگولي الاعتاب
بابي  ادفعوه ابلاخجل   وعصروني بالباب

اعليّه فتح بابي وعصرني
و ابضلعي يابويه كسرني
ضمني بحناياك
خذني يغالي اوياك
———
هذا يبويه اول هضم وعد انتَ الهموم
المن جنيني ينعدم   ومن عمره محروم
بسمّك  يبهادي نبتدي   وتروينه لسموم
محسن ترى اول ولد وعد انت الاولاد
جمر  الزايا ماطفى والهضم وگاد
ولحسين نا ر ووجرت  تاكل بالفاد

يمْصايِبه ماخلّت ارواح
للمحشر وماتشفى إلجراح
   ثمّر  جفا اعداك
خذني يغالي اوياك
———-
✍️ #بنت_الشمري

🌴تجمّع الزهراء ع العاشورائي🌴

29 августа 2024 23:12

لطافه .. ترافه .. مثل گطرة نده ابورده زهيه
جلاله .. ودلاله .. بنين العتره للهادي او وصيه
هلبرار .. ولصغار .. وسافه الطائي يذبحها ابرزيه 
قهرهم .. نحرهم .. وخذا الراسين للطاغي هديه
 …
على نهر الفرات ورود تنزف
ودماها للحشر بالنوح تهتف
مصايبها لدموع العين تخطف 
ولو جف الدمع لدموم متجف
………
اسيرين .. يتيمين .. اخذهم ما رحمهم للشريعه
يگولون .. يعلمون .. د فكنا وياجرك بالله شفيعه
ولا اهتم .. تبسم .. يريد الجائزه ابنحر الگطيعه
دمه هواي .. على الماي .. وصبغ شاطي النهر دم الفجيعه
…
على شاطي النهر مذبوح طيرين 
بلمشابگ گضوا لخوان لثنين  
اشكبر سيف الظلم يذبح بلوتين
مثل ذبح الشمر لوتين لحسين 
……..
آه يا شاطي النهر 
بيك چم ميت گمر 
لمسلم اولاد .. طاحوا اجساد 
@@@
من مشوا من كربله اسره بلگيود 
لي سجن ابن الدعي وايامها سود 
عليهم اگلوب الطهر بالضيم ممرود 
ويلي يا منحر ترف للموت ممدود 
…
محمد رميه .. وراسه هديه .. وصحرا المسيب .. ضمت ضحيه
ابراهيم لكبر .. جثه بلا منحر .. بدمه تخضب .. فوگ الوطيه 
…….. 
ماشبع طف كربله من المصايب 
وكملت كوفة غدر درب النوايب 
شبعت اتراب الارض من الحبايب 
ومن مصايبها صفى المولود شايب 
…
امن الزهره ضلعين .. وطبرة ابوحسين 
وچبدت حسنهم .. وامصاب لحسين 
عالعتره مذبح .. للمهجه يجرح .. ونبگه نونهم 
وما تنشف العين 
……..
مسلم يمظلوم .. يالنحره مخذوم .. ضامي ورميه .. وكل عظمه مهشوم 
اجرك نعظمه .. بلحمك ودمه .. بولاد لثنين .. منحرها مجسوم
…
الكفناها الطين مغسوله ابدماها
اصغار تاهت والاجل اصبح حماها 
والمصيبه اتزلزل الارض وسماها 
آه يا آل الوصي و يا آل طه  
@@@
علي أحمد الحمود 
٢٩-٨-٢٠٢٤
شهادة اولاد مسلم ع 
بحراني 

🌴تجمّع الزهراء ع العاشورائي🌴

29 августа 2024 23:10

مولاتي زينب عليها السلام بعد طف كربلاء تأتي إلى قبر رسول الله (ص) في يوم شهادته فتشكي له ولسان حالها يقول


مابين اجروحك واجروحي طف اشكبره
غـدروك بـسـم وذبـحـوني بـبـن الـزهــره

چـم آه بــ. آه    ........     يـا جـد ويـلاه
====================
جيت اسألك..      واشتكيلك..
بالدموع الحاره أبـدي بسؤالي

صعبه صعبه..         شوف حالي..
شنهو ذنبي حتى افگدها الغوالي

يا جد مسني حيل العوز صرت بحاجة الحامي
من يوم الرحت لليوم گلبي اعـله الأهـل ضامي

من ساعـة موتـك وعـيوني تجـري العبره
من كسر اظلوع المحنية بصدري الجمره

ظليت انعاه      .....         يـا جـد ويـلاه
====================
مرمرونــي..            عـذبــونـي..
بكلمة (اليهجر) بدت أول مراره

من السقيفه..            هـالجـرالـي..
بـعـدك الـدار احـرگـوهـا يا خساره

شفت امي تون وتنوح بويه الگوم آذوني
كسرة خاطر الزهراء بيها اهواي كسروني

حزنانه وكل هذا العالم صـار اعـلـيّـه
شتموني وهزّل هم جابوا هم مسبيه

ناديت أحّـاه     .......    يـا جـد ويـلاه
====================
اتصح صحابه..              صح عصابه..
مـا رعـوا حـرمـة حـبـيـب الله ونـبـيـه

لكـن ابطف..                   هاا يجدي..
اتــوذروا عـن لا يـگـودونــي سـبـيــه

فرق كلش چبير اوياك بين اصحابك وصحبه
انته اصحابك الغدروك بـس هـوّه حِـزم جنبه

صحبان حسين اهل الغيره واهل الشيمه
والحرگوا باب الله انفُـسهم حـرگوا خيمه

گلبي الأذّاه        ........      يـا جـد ويـلاه
====================
وسفه بالسم..            رحمة الله..
ايموت ما يلگه اليدفنه يا عجيبه

دنيا غمه..             بيها صارت..
تحكم المويمها والناس الغريبه

تـاخذ ويـن الـمـعـتـبر دنـيا الـمـالـهـا صـاحـب
والعاداهه يعني الموت من عدها صبح شارب

الماكو اعظم منه بهالوسعه راح بسرعه
يا ناس وهجر احمد يوجع ياهو يجرعه

ياريت اوياه      ...........     يـا جـد ويـلاه
====================
آه يروحي..                لو تشوفه..
حسين سحگنه الخيول الأعوجيه

راح مني..               راعي بيتي..
راسه فوگ الرمح بس عينه عليه

هيچ اليفگد اهله ايگوم يتحسر على الفرحه
دنيا امخاويه الغدار موش الملـتـهي بجرحه

مابـيـن اجـروحك ياطه جرح العاشر
وحسينك ظل بلا ناصر داسه الحافر

أشلون أنساه.     ..........     يـا جـد ويـلاه
====================
29/8/2024 يوم الخميس
24/ صفر الخير 1446 هـ
#الشاعر_الميرزا_محمد_الساعدي

🌴تجمّع الزهراء ع العاشورائي🌴

29 августа 2024 23:08

بصوت.  مسلم المطيري

يبو الزهره من رحت

كلمات الشاعر
حسن لعيبي الحريشاوي

🌴تجمّع الزهراء ع العاشورائي🌴

29 августа 2024 23:04

    [[💔قصیدة رئيسية للنبي💔]]

            ( لحن يقاروره)

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

بأمان الله........ يبو الزهره

غده گلبي ......مثل جمره

جمر   دلالي   يلهب
أنادي  والدمع صب

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

أول مصايبنه اجت
وكل المصايب منها جن

جد الحسين بهالمسه
ماشي وتركني بلا وطن

ماتهدئ جروح الگلب
جرح بجرح يغفه لأن

اتذكر هنا من مشى
وهنا ضحك وهنا حظن

سألت عنك......صدى جروحي
اجه إجوابي .......عليه نوحي


منو  ‌ مثلي  تعذب
انادي والدمع صب

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

يابوي تدري بغيبتك
من البچي ماضل دمع

ماراح اگلك   ‌بالجرى
ولا خبرك كسرو ضلع

وغطيته خدي عن علي
لا گلبه لجلي ‌ ‌ينصدع

لجل الرساله والوحي
إتحملت ذاك   الوضع

صبر گلبي.......وصل حده
وأنه شوفن.....علي وحده

الصبر منه  تعجب
أنادي والدمع صب

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

بعيوني وتراب الگبر
صارت قصص ماينسن

يوميه بدموع وسهر
مني انامن      أيسن

ماذا على الشم تربتك
وجفونه   مايتلامسن

لوما   أظن       زينب تفز
ويفگدني الحسين وحسن

لضل عمري.....على گبرك
بدي أحفر.........گبر كترك

على مصابك توجب
انادي والدمع‌   صب

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

شحچيلك وادري العتب
عالميت‌‌‌‌  يزيد الألم

بس غيرك المن اشتكي
بتك  ضلعها    ماسلم

عصرو معاني هل أتى
نزلو  دمع   نون وقلم

الگالوله داخل ‌  ‌فاطمه
جاوب (وإن) يعني علم

عصرني وما......رحم حالي
طفت عيني......ومشى الغالي

علي لو محسن اصعب
أنادي    والدمع ‌  صب

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

لمن سطرني  ما‌‌  صحت
ومن سطرته حيلي خوه

دم عيني وصواب الجفن
أخذن من عيوني الضوه

يافضه سنديني صحت
محسن على العتبه هوه

ناديته يوليدي اصطبر
تانيني خل نمشي سوه

على محسن .......بطل حيلي
عليه       عيني......دمع سيلي

إلامامه حقها اوجب
أنادي والدمع   صب

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

لبيتك بعد ما   احتمل
أنظرله من عندك خلي

حال الغريبه   بغيبتك
يامن چنت كلشي الي

وادري الوصيه  چتفت 
أيدين ابو الحمله علي

لاچن يبويه تحملت
لجل الولايه والولي

يضل عايش......جرح عندي
ألى أن    ي......ظهرز المهدي

وأگله ثاري مطلب
أنادي والدمع صب

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

خادم خدام فاطمه ..ع
  جهاد البصيراوي

🌴تجمّع الزهراء ع العاشورائي🌴

29 августа 2024 23:03

الشاعر الموفق سيد زيد الفحام



بصوت حسين عدنان الكوبعي

🌴تجمّع الزهراء ع العاشورائي🌴

29 августа 2024 23:02

هل يدمعي وياگلب لا تستچن
اليوم دار المصطفى بيها الحزن
......................

هل يدمعي الليله واسي ام الحسن
بدت وياهه المصايب والمحن
الزهره مضلومه تضل طول الزمن
تصيح يابويه وعله الوالد تحن
....................

تصيح يابويه عليي جار الزمان
بغمضة عيونك انسد باب الحنان
انته للخايف چنت كهف وامان
وكلمن اليكصد لدارك يطمئن
....................

الليله وحي الله عله فراكه ينوح
حين شاف الموت بعيونه يلوح
وكلبه من فركاه تارسته الجروح
وچم كلب بالحسره للهادي يون
...................

الدنيا ويه الزهره ماتنصف محال
وبكلبهه هموم التهد الجبال
من بعد والدهه وايام الدلال
ضيم كل الدنيا يصبح عالمتن
.....................

الليله هاي التعزيه لداحي الباب
عظم الله اجره في هذا المصاب
لشيبته صار الدمع الهه خضاب
والمصايب گلبه صارلهن حضن
.....................

هلله هلله الليله تكضي بالنحيب
ويه فاطم امسه هل عالم كئيب
جم گلب يلجم الغالي من يغيب
ورده ذبلت من مشه عنهه الغصن
......................

ذبلت وتذبل لحد ماتنكسر
وبين باب وحايط بجف تنعصر
صبرت ومن عدهه مل حتى الصبر
ومن المهه ماطبك الهه الجفن
...................

اه وايلاه صاحت بالدموع
وحسرة فراك النبي جوه الضلوع
تروح باجر للكبر تعلك شموع
واه ياليل المصايب من يجن


محمد هادي العقابي

🌴تجمّع الزهراء ع العاشورائي🌴

29 августа 2024 23:01

اللهم  صل على محمد وال محمد*🍃🕊🍃
قصيده إلى شرف الرسول محمد( ص)

❥━──➸➽❥❂❥━──➸➽❥❂
كون هسه المشي يم كبر النبي
والمواكب تنصب من الغري

يبو الزهره بهالمصاب
بسمك ايصير الثواب
صفا ومروه ايصير تل الزينبي

❥━──➸➽❥❂❥━──➸➽❥❂
ابرحيل الهادي مفجوعه الشمس
الكون كله بالحزن ظل منخرس
حايره الارواح محروكه النفس
كون هالمشايه تمشيلك عكس

بلوعه الهم والعذاب
بسمك يصير الثواب
صفا ومروه ايصير تل الزينبي

❥━──➸➽❥❂❥━──➸➽❥❂
هذا جد حسين مالكها العقول
ننصب اليوم المواكب للرسول
نواسي هالليله بدمع بنته البتول
المصاب السادي باالزهره يطول

الحزن غطى الهضاب
بسمك يصير الثواب
صفا ومروهأ يصير تل الزينبي

❥━──➸➽❥❂❥━──➸➽❥❂
نخلي ااجدام التكصدك حافيات
كلشي يرخص لجل سيد الكائنات
بخيمة مصابك يبو الزهره نبات
ونكصد لطيبه ونون يوم الممات

نسمع هناك الجواب
بسمك يصير الثواب
صفا ومروه أبصير تل الزينبي

❥━──➸➽❥❂❥━──➸➽❥❂
المصاب الهادي موجوعه السماء
بس عزاء حسين ما مثله عزاء
تعلكَت بالغيم كَطرات الدماء
يارزيه التوصلج ياكربلاء

جم گلب بحزانه ذاب   
بسمك يصير الثواب
صفا ومروه أيصير تل الزينبي

❥━──➸➽❥❂❥━──➸➽❥❂
،*✍بقلم شاعره اهل البيت
*مريم العبوديه*
أسيرة الاحزان💔
نسالكم الدعاء بتعجيل الفرج للأمام الحجه المنتظر (( ع)

🌴تجمّع الزهراء ع العاشورائي🌴

29 августа 2024 23:00

لطمية مربعة إلى النبي عليها افضل الصلاة والسلام
===================
هليوم مهضومه ام حسن ودير العيون
شايل نبي الإسلام لجله الكون مرجون
===
حنت ونت للاابو من غمض العين
وتصيح بويه فركتك هزت الكونين
هليوم حزنانه المدينة والمسلمين
والدين لجلك ينبي هليوم محزون
===
ونت ونتها بهضم أه يزجيه
وتصيح يابويه عفتني اشلون بيه
عكبك بعد ياهوه اليدك بابي عليه
مسموم ابيها ويا وسف ومغير اللون
===
طبو حسن وحسين للمنزل ينشدون
يبجون بلحسره والم يمه يصيحون
شماله جدنه يلحنينة اصفر اللون
وام الحسن تبجي بالم ودير العيون
===
كالتله بويه لو رحت منهو إليه
عكبك يبويه تهجم الوادم عليه
ينغصب حكي ي الابو وشلون بيه
وناتي بابويه بوجع والكلب محزون
===
فراك الابو جتال مابيه اشيله
وناتي من بعدك تاذيني ثجيله
حملي يبوبه لو رحت مابيه حيله
بدار توجع حسرتي وتهل العيون
===
محزونه يابويه ودليلي عليك ذايب
مسموم وعيونك غفت بين النوايب
وام الحسن هليوم شبعانه مصايب
وتكله عني لو رحت دلالي محزون
===
تمت بحمد الله تعالى بقلمي شاعرة وخادمة اهل البيت عليهم السلام ملة زينب الطويرجاوي ٢٨ ٨ ٢٤ ٠ ٢