7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
محرم ٢٠٢٤
بتوفيق صاحب الزمان
مٌــحرَّم جــاينــه إتــحضر
لاتِــكــِســر بأبـــو الأكـبــر
إنـــطي ولاتـــِرده حـسين
شـــانك لــو رِدت يــكـبـر
صِـــير بــجفـــة الــميزان
هـٰــذا إلـمـاعِرف يِــخسـَر
حــزام اتحـــزم العــاشور
كِــلــه الـِكل صــٌعب أكدر
حــسيـن بحاجتك عـبَّاس
لاتـــوكَـــع و لا تـــِعــثَــــر
كــــون بصاية آلــ البــيـت
تٌـــرفـَع راســَك وتٌــؤجَــر
عيـــن المـابِـجَت لحسـين
عـساها بهــالعمه وتٌحشـر
وإيد الماتــِمدها أشـبيـك؟
تـِلــطٌم خَـــلــها تـــتــبتـَر
صــير أمــعدل بـدنــيــاك
راس حـــسـين لاتِـــنــحر
شـــيعي وافتــخر لـلـدوم
رِســالــة خــير تــتــفـسَـر
ظــلام الما رِحَم عــينــاك
بنــور اليِــمَـه يتــكـسَّـــر
لٌبــابة آلــ ياسين
من يدي ليد صاحب الزمان❤️❤️
وزن : طويل
كلمات لبابة آل ياسين
بصوت الملا ابوفاطمه الساری من ایران
جم ليله مــــــــــو اكثر
ونسمع صـــــده المنحر
وخلها اتحـــــــــزم للبجي العين
ايام بــــــــــاقي الشهر الحسين
ــــــــــــــــــــــــــــــــــــــــــــــــــــــــــــ
جم ليله والزهرة تجي تنــــــــــشر قميص الغالي
ويبدي جفنها مــــــــــن المسه للمسه دمعه يلالي
ايام مــــــــــعدوده بقت للحــــــــــزنه شاده بالي
ثوب الحزن عــــــــــل منذبح طول العمر يحلالي
دمعه انه بس الحسين منذور
عاشور كــــــل ايامي عاشور
مثل الضلع كلبي انه مكسور
منــــــــــذوره ايامي
للمنــــــــــذبح ضامي
وانه وحسرتي الجرحه ماشين
ايام بــــــــاقي الشهر الحسين
ــــــــــــــــــــــــــــــــــــــــــــــــــــــــــــ
عاشور باجر مــــــــن يهل ينعصر كلب الزهرة
جي بي الحسين السبط الخيل تسحك صدره
وضلوعه مــــن كثر السحك متكسره ومطشره
ويتعله فوكاه الشــــــمر ومن الكفه يحز نحره
اهنا فاطمه لطمت عله العين
مجروح من كل كتر الحسين
وعد راسه ونت ذاك الونين
وضــــــــلت تون يمه
يحــــــــــسين يايمه
ونــــــــــاتها اتكـــــــعد الميتين
ايام بــــــــــاقي الشهر الحسين
ــــــــــــــــــــــــــــــــــــــــــــــــــــــــــــ
من ايبين اهـــلال الحزن كلبي يضل يوجعني
وتحلم بســـوط وسبي وحافر احس يسحكني
جلمت سبيه من استمع جمره واحس تحركني
مـــــو متن زينب ينضرب تمنيت ينطك متني
من السبي كلبي انه محروك
كون امي مو زينب عله النوك
ام عون فشله تدخل بسوك
وامنها الــــــدمع ساجم
وتتشــــــــــمت الوادم
وبالغربه صار الجرح جرحين
ايام بــــــاقي الشهر الحسين
ــــــــــــــــــــــــــــــــــــــــــــــــــــــــــــ
الف وتسعميه جــــــــــرح طول السنه عايشهن
ودمعاتي البوكــــت العزه بجف فاطمه اجمعهن
ابكلبي مــــــــن زغري انا جروح السبي شايلهن
ومجلس حسين ودمعتي ياناس حيل اعشكهن
انــــــــه بعزاء حسين هايم
مثل الهــــــوه اشتم المئاتم
وهنيالي جي سموني خادم
ويامحله هل جلمه
خــــــادم ابو اليمه
وانه الخدمته مضحي السنين
ايام بــــــــاقي الشهر الحسين
ــــــــــــــــــــــــــــــــــــــــــــــــــــــــــــ
قادم محـــــــرم ياخــــــدم خل نستعدله ابهمه
حسين سلــــــــــطان البشر ميخدمه بس الزلمه
عطر المـــجالس نخــــــــتنك لو مانجي ونشمه
هوه الله خالقنه تــــــــره لحسين حته انخدمه
اعظم بشر بالدنيه شفته
حسين هنيالي بخدمته
فاضت عله الوادم رحمته
ياســــــــــيد الوادم
ومـــــــــدلل الخادم
بلا هل خدامه انروح لاوين
ايام بـــــاقي الشهر الحسين
ــــــــــــــــــــــــــــــــــــــــــــــــــــــــــــ
حسين عبد الزهرة الدراجي
#جديد
#قميص_الحسين عليه السلام ما بين الإمام المهدي والسيدة زينب عليهما السلام
.
.
المهدي بدمعاته
وجرحه وآهاته
اينادي بحسراته
يَعمَّه
هالليله امحرم
وقَمِيص البيه دم
إنتي البِيه أعلم
يَعمَّه
بيه دم خاصرته
واشگد عذِبته ؟
هالطعنه الجَتّه
يَعمَّه
بِيه دم الأكبر
بِيه دم الأصغر
وادموم الخنصر
يَعمَّه
وجاسم وادمومه
بكُمه مرسومه
ويلي يا يومه
يَعمَّه
ودم چف العباس
وعينه بو النوماس
ويّه ادموم الراس
يَعمَّه
وادموم الأنصار
گلبي بيها إحتار
وانشد عالآثار
يَعمَّه
قَمِيص المفجوع
بيه كل دم مطبوع
وي راسه المگطوع
يَعمَّه
گلبي بيه حاير
والثاري ناطر
يا يوم العاشر
يَعمَّه
بدمعت دَمِ اتصب
لن نادت زينب
وبحال اليصعب
يَمهدي
لا تسأل عنه
وآنه الأتمنه
ميته او لا شفته
يمهدي
عند أمي الزهره
وهالليله اتنشره
واتنادي بعبره
يَيُمه
وهالليله اتسلمه
بيدك وابدمه
وتصرخ يا يُمه
يمهدي
يمتى ابفقاره
تاخذ ابثاره
وي ثار انصاره
يمهدي
___
تمت ببركات السيدة زينب عليها السلام
#فاطمة_كريم
٢٠٢٣ م
موشح)) في حب مولانه الحسين عليه السلام لسان حال الخادم
__
احنا غير حسين ماحبينه.
هناك يوم الموزمه يوافينه..
♡♡♡♡♡♡♡♡♡♡♡♡♡♡♡♡
ما يخلي حمولنه مطروحه
يفدي للشيعه دماه وروحه.
والدليل الركبه المذبوحه .
لجل يوصل لينه نهجه ودينه.//
ام✍🏻 فاطمة الزهراء
♡♡♡♡♡♡♡♡♡♡♡♡♡♡♡
احنه من غيره ما نسوه ابد
هو لينه الحامي وهو السند
نبقه خدامه او هاذا لي وعد
احنه غير احسين ما والينه
ام ✍🏻زين العابدين لمحمداويه
♡♡♡♡♡♡♡♡♡♡♡♡♡♡♡
احنه غير حسين ماعدنه شفيع
المسك حبله ابدا ما يضيع
والله لجله النفس والغالي نبيع
عهد نكتب بالدمه اموقعينه
✍ام اسعد الشمري
♡♡♡♡♡♡♡♡♡♡♡♡♡♡♡
مااوالي غير ابن الطاهره
اضل اكتبله وعيني مساهره
بكل حرف وبيت دمعي لي جره
ابهل خدامي سيدي علينه
ام ✍🏻رحمه الگاظميه
♡♡♡♡♡♡♡♡♡♡♡♡♡♡♡
احنه بسم حسين شان النه وقدر
حبه مسك وطيب وعلينه يدر
ايضوي ظلمتنه ابوجهه چالبدر
وبدمع لحسينه كلنه كتبينه
✍🏻 ام زينب الأسدي
♡♡♡♡♡♡♡♡♡♡♡♡♡♡♡
يضل اسم احسين منبع للحيات
وبقه اكتبله انه الحد الممات
حسين مولانه سفينة النجات
الئ كل اعمارنه نذرينه
ام✍🏻 زين العابدين لمحمداويه
♡♡♡♡♡♡♡♡♡♡♡♡♡♡♡
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه
وحـگ النبدي كـل موضوع بسمه
جزات الــدمـعه بالــجــنات بسمه
ارضه ابصحرااعيش اوياي بسمه
لچــن کــون ابــ مسیره الحیدریه
هادي الامغيطي البوغبيش
*"هوسات للنزول إلى كربلاء"*
*من ديوان 📚 عبرات وأنين في رثاء الطاهرين الجزء ٢*
❥━──➸➽❥❂❥━──➸➽❥❂
وصلت كربله زينب تهل دموع سچابه
ساعه اصيح يايمه ساعه اصيح يايابه
لحگو حسين وعياله حط بكربله اطنابه
((يذبحونه//والينه هنانه))
❥━──➸➽❥❂❥━──➸➽❥❂
وصلها كربله هاليوم ابو سكينه
مهموم الگلب ويهل دمع عينه
ينظر لخوته ويصد عله بنينه
*((يذبحوها//باچر گدامه))*
❥━──➸➽❥❂❥━──➸➽❥❂
نزلت كربله الحوراء تهل دموع مذروفه
بيها ينذبح عطشان وليها اعيونها اتشوفه
وعالشاطي يظل عباس منه مگطعه چفوفه
((يسبوها//عدوانه اخلافه))
❥━──➸➽❥❂❥━──➸➽❥❂
صاحت زينب بدمعات مجريه
يمه يالزچيه لحگي عليه
حسين اليوم طب الغاضريه
((تريد تذبحه//التمت يمه الگوم عليه))
❥━──➸➽❥❂❥━──➸➽❥❂
تگله ام الحزن خويه الظعن رده
تفجعني كربله ولحيلي اتهده
نزلها الوالي ودمعته بخده
*((حسين يگلها لزينب//خويه هنانه يذبحوني))*
❥━──➸➽❥❂❥━──➸➽❥❂
*بقلم ✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحة الى روح اختي ولأمواتكم:🍃*
عزاء محتشمة غير متبرجة حتى تكون بلفعل مواسيةً للسيدةالزهراء والسيدة زينب عليهن
السلام ونحن في هذه الليلة الاولى من محرم الحرام نواسي السيدة فاطمة بلبكاء والحزن على ولدها الامام الحسين وماجرى عليه..
الكوريز
لاحول ولاقوة الابالله العلي العظيم ماحال مولاتنا زينب عندما حل شهر المحرم الحرام وهي تعلم أن في هذا الشهر تفارق أخوتها وأولاد اخوتها واولادها وجملةأنصار اخيها الحسين عليه السلام وهم على صعيد كربلاء ضحايا ومسلبين
واماماه واحسيناه
هذا ولله الحمد
رقية قاسم كريم
# في_خدمة_القراء_والراوديد
# من أحوال النساء يوم العاشر من محرم
▪︎...فلما رأين النساء جوادك مخزيا "، ونظرن سرجك عليه ملويا "، برزن من الخدور، على الخدود لاطمات الوجوه سافرات ، وبالعويل داعيات وبعد العز مذللات، وإلى مصرعك مبادرات
بأي حالة ...؟؟؟
ذابِلاتٌ .. ناحِباتٌ .. نادِباتٌ
هــذي ربّــات الخـدورِ
لاطــمــات لـلــصــدورِ
في الخَبا تَبكي البُدورِ
باليَدينِ .. ساتراتٍ .. ساتراتْ
🍃🍃🍃
صالحاتٌ.. مؤمناتٌ .. عالماتٌ
تركضُ خوف السعيـرْ
تـعـثـرُ فـوق الـهـجيرْ
دمـعــهـا نـهـرٌ غــزيـرْ
والبناتُ .. ذاهلاتٌ .. ذاهلاتْ
🍃🍃🍃
قارِئاتٌ .. ناعِياتٌ .. مَعولاتٌ
تـنظُـرُ القومَ الكـِرامْ
نـائِـمـونَ فـي سَـلامْ
و فـي دياجيرِ الظّلامْ!!!
واليتامى .. خائفاتٌ .. خائفاتْ
🍃🍃🍃
فاقداتٌ .. حائراتٌ .. لإذاتٌ
تندُبُ المَولى الحَنونْ
تـَذرُفُ مــاءَ الـعـيـونْ
تـَشْتَـكي سَهْمَ المَنونْ
والنساءُ.. حاسراتٌ .. حاسراتْ
🍃🍃🍃
داعِياتٌ .. طالِباتٌ .. راجِياتٌ
تـرتـَجي الليلَ يطولْ
والـصّباحُ في ذُهـولْ
تَمْشي والدّمع هَطولْ
والحبال .. حارقاتٌ .. حارقات
🍃🍃🍃
باكياتٌ .. شاكياتٌ .. راحلاتٌ
تـصْعدُ النّـوقَ أُسارى
دون ساتـرْ. لا سِتـارهْ
للحُسينِ تتلو الزّيارهْ
لليدينِ .. رافعاتٌ .. رافعاتْ
🖊خادمة أبي الفضل
#محرم_١٤٤٦
#لحن_البس_سوادي
#الليلة_الأولى
#يمكن إستخدام يالمهدي نظرة أو يا يمّه زهره
بين المقاطع
١_ الواحد محرم .. والمهدي حاضر
يلطم ال جده .. الداسه الحوافر
يشيل العمامه .. ينصبها ساتر
يدري العقيله .. مَلت نواظر
يالمهدي نظره
يالمهدي نظره
يالمهدي نظره
يالمهدي نظره
٢ _الليله مناحه .. يعدد مصايب
ويروي الظليمه .. وادلِيله ذايب
قلبه يألمه .. ابذكر الحزينه
محنية أُمّه .. تنعى الحبايب
يا يمّه زهره
يا يمّه زهره
يا يمّه زهره
يا يمّه زهره
٣_ ابوسط المجالس .. يندب في لوعه
للذابحينه .. وطحنوا ضلوعه
وللشيبه ونّه .. براس العواسل
و لأصبع يِمينته .. فاضت دموعه
٤_ ولقمر هاشم .. ينطي إيدينه
ينهض يحشمه .. ويفديله عينه ( ليش!!)
يرد المخيم .. يحرس حريمه
لكن وسافه .. مقطوعه دِينه
🖊خادمة ابي الفضل
للعليله بنت الحسين ع~~~لطميه
يالماشي بعجل بويه بخواتي
منهو وياي لو تكرب مماتي
عليله وتدري ظليت
وخالي منكم البيت
ريت اوياك اكضيها حياتي
▪️▪️▪️▪️
يالماشي وعفتني حيلي مهدود
هداني المرض وافراكم زود
بعد بيه الوكت ماضنه ايعود
بس ظلت صوركم
وريحة من عطركم
شوفتكم ردت كل امنياتي
✍️ام حسين الفريداويه
♾️♾️♾️♾️♾️♾️♾️♾️
ظلت بس صوركم تلجم الروح
ليل انهار اون مابطل. النوح
كون وي النحبهم روحنه اتروح
ولا نبقى. وحدنه
ودمعتنه اعله خدنه
ردت وياكم اختم ذكرياتي
✍🏻ام زهراء الزيداويه البصراويه
➿➿➿➿➿➿➿➿
امنيتي جنت تاخذني وياك
ونسه علتي وفرش امصلاك
يبعد روح بويه روحي تنعاك
وسفه رحت مني
وغيابك كتلني
دمعي عليك انه بالل عباتي
ام✍🏻 زين العابدين لمحمداويه
➿➿➿➿➿➿➿➿
ماكلتو اضل اشلون بيه
ودهري والوكت جاير عليه
خيعونه الرفك لبن الزجيه
عيوني خلافه يجرن
عليله وحدي اضلن
ام ✍🏻علي السماوي
➿➿➿➿➿➿➿➿
عفتوني مريضه وتهمل العين
كون وياك اروحن بويه يحسين
لفراكك يبويه الگلب نصين
عفتني وحدي بالدار
ماكو منكم اخبار
اريد اليحضر بساعة وفاتي
ام ✍🏻مصطفئ ناصريه
➿➿➿➿➿➿➿➿
غيابك مرمراني وعذب الحال
ليله انتحب والدمع همال
دمعي جلمطر عليك لو سال
ودربك صاير ابعيد
ردتك ليلة العيد
يبويه بيك انه نجاتي
ام ✍🏻حيدر العباديه عماره
➿➿➿➿➿➿➿➿➿
بطياف الي راحو صارت الروح.
تهدي كل الم وسكن الجروح.
دمعي عالمشو صاير مثل موح.
عميت انا بعدكم.
يحباب شيردكم.
هدحيلي المرض غير صفاتي.
ام✍🏻 فاطمة الزهراء
➿➿➿➿➿➿➿➿
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه
مولاتي_#العليله
عَـلـي طـيـفـك ٱبــعِـــز الــنــوم.. مرضاي
وشفت وضـعـك يـبـويـه غـيـر .. مرضاي
نـــحــت وٱتـــحــسّـــرت وٱزداد.. مرضاي
وعــرفــتــك مـــا تــــرد لـلــدار إلــــيــــه
*---------------*---------------*
رحــــت والــبَـــدن بــغــيــابـــك.. سليته
وگـلـبـي ابـحــســرتــي ونـوحـي.. سليته
حــتـــى الــــريــــح بـالــغــربــــه.. سليته
عـلـيـلـه ومـــا نـــشـــد واحــد عــلـــيـــه
*---------------*---------------*
✍خادم العليله (ع)
الشاعر رعد الجريخي
آنه وحميده ورقيه نسولف كعدنه سويه
اركض رحت فرحانه كلولي موش ويانه
*
الليله ما مرتاح گلبي ايگلي سفرتهم طويله
بساعج ولحسين اركضي لا يعوفج يالعليله
جنه ما حاسب احسابج اخذي زينب وعتنيله
وخلي عبدالله عله متنج من يشوفه ايحن دليله
گليله حن عله حالي بلكت يگلج تعالي
بدونك اموتن آنه كلولي موش ويانه
*
الليله حيرني زماني والله مدري شضام اليه
مدري اروحن مدري اظلن ومن اظل اشلون بيه
ومن اروحن خاف اتعبه وينكسر گلبه عليه
رحت بالمدري ودمعتي يم حميده ويم رقيه
شافني مكسوره خاطر وكللي كلنه نسافر
منعوفج احنه اهنانه كلولي موش ويانه
*
احنه التلاثه كعدنه انسولف عله السفر گمنه
نحلم احلام عله گدنه ازغار بس كلش تهمنه
ذيج گالت آنه ارتب من نسافر كل خيمنه
وهاي كالت انه باجر افرش العبدالله يمنه
عبد الله كلش نحبه اناغيله دوم ونلعبه
يمنه يصير امجانه كلولي موش ويانه
*
نتفق من هسه اكلجن انه ابوي اهناك اخدمه
خيمته اخليها تزهي وبيها اصيرن احله نجمه
ماي اجيبله الوضوئه وحته مهره اهناك اقدمه
ومن يريد الماي يشرب يلتفت يلكاني يمه
خليني اكلله يمك وبعيوني يابويه اخدمك
ماكول ابد تعبانه كلولي موش ويانه
*
والله لو وياهم امشي إله اصير الهم فراشه
وعالضعن بالماي افتر وما اخليهم عطاشه
والعزيز حسين بيدي من العصر افرش افراشه
وحته عبدالله اكمطه وما اقصر وياه حاشه
خدامه اصير بضعنهم بس لا يبعدونه عنهم
ما ريد اظل حزنانه كلولي موش ويانه
**
حضرت روحي ورحتله وشكبر جانت فرحتي
شافني ونزلت دمعته وكلي موش ويانه انتي
باوعتله وليش گتله كلي اخاف عليج بنتي
هالسفر مابيج حيله گتله اخذني شلي بظلتي
ماريد اظل بويه اريدك متعوده انام عله ايدك
والشوفتك عطشانه كلولي موش ويانه
****
تمت
ميثم العمري
انتي يا مريم زمانج ماكو ياطوعه بحنانج
انتي ياسيدة نساء الكوفه موقفج يفخر علي من يشوفه
*
انتي ياطوعه عظيمه احتارت الدنيه بعظمتج
بنت اجاويد واصيله زلم ما وكَفت وكَفتج
منج يطوعه والنعم بالوفه تعديتي الزلم
ومن يمر ذكرج إبتسم مره بألف أزلمه شفتج
حير العالم وفائج والله حيل ايحب دعائج
ياهي مثلج بالكرم معروفه موقفج يفخر علي من يشوفه
يا طوعه
***
انتي بفعالج جبيره الكوفه أبد متجيب مثلج
الوكَفتج ذيجَ يطوعه العالم اجلالن وكَفلج
مثلج مره ماضن اكو صرتيلي أم واخت واخو
أسأل وصل فضلج منو وآنه أبد ماجازي فضلج
الكوفه من تعصرها كلها تلكه بس طوعه فقط
يا أميره وبالشيم موصوفة موقفج يفخر علي من يشوفه
يا طوعه
*
الكوفه ياطوعه بهلها والله ما توصل أظفرج
مو مجرد مرأة انتي طوعه انتي وعلي شكبرج
دك بابج وضافج كمر بيتج فتحتيه وستقر
وياطوعه صرتيله نهر وضيفج انطيتيه عمرج
انتي ياطوعه اصيله وانتي حيل معتبره
والله بابج مايرد اضيوفه موقفج يفخر علي من يشوفه
يا طوعه
***
حيل مشكوره يطوعه انتي عندي شكد جبيره
والعشيره العدها مثلج بيج خيعون العشيره
العنده صحت هيجي مره حره وشريفه وطاهره
تصبح لهلها مفخره وعالنسه تصبح أميره
طوعه رفعت راس انتي وفخر صرتي الكل شريف
والكرم بيدج كتبتي احروفه موقفج يفخر علي من يشوفه
يا طوعه
***
آنه يا مسلم اشكرك انته متفضل عليه
آنه الك خدامه اصيرن يالخدمتك شرف ليه
كل عمري اصيرن خادمه بس ترضه عني فاطمه
ويرضه علي حامي الحمه من الله واخدمها الزجيه
خاف قصرت بخدمتي منك ارجو المعذره
بالحشر أم الحسن متعوفه موقفج يفخر علي من يشوفه
يا طوعه
**
حسين ياطوعه يشكرج وكلي سلملي عليها
كلها ما ننسه فضلها وبسجلنه مسجليها
نرفعه الخدمنه ونشكره وبالكَبر رايح احضره
وزينب توقع دفتره تحضر الصب دمعه ليها
وكل سنه هيه بمحرم تودي للخادم سلام
للمجالس تعتني ملهوفه موقفج يفخر علي من يشوفه
يا طوعه
****
تمت
ميثم العمري
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
بتوفيق الله وصاحب الزمان
محرم ٢٠٢٤
دكَّـت أجراس الـحــــرٌب
أزلام عـيَّشها أبــرعٌـــب
ذاك حـاميـها الشِــريعــــة
قائـِدَه حـسـين ويـِطـيعـه
نفـــتخر بي أحنه شــيعة
اليـــٌوم يِــكَلٌبــها كَـــلُـــب
دكَـت أجـــراس الحـــرٌب
رٌفـَع جَفَه وظَـَل يِـــغـازِل
عـــلي جَـنَّك لـو تِــــنازِل
حــسين كَله يابـو فاضِــل
صَعـــٌب يَمَّك مو صَـــعٌب
دكـــَـت أجــراس الحَــرٌب
شــال سِــيفـه سَـمَّه كـبَّــر
والـجيوش بــجَفة تـِصغـَر
حَط جِـربته وشال كـَوثــَر
تِـحجي بأفــعـالـَه الـغٌــرُب
دكـــَـت أجـــراس الحَـرٌب
راده يـِسـكَـي سِــر جٍبــيـر
جـان بـالــمـاي ألــمَــصــير
صَحوة هـزَّت كـِل ضَـمـير
يــٌوفـي يــِدري بـكـل دَرٌب
دكــَـت أجــراس الــحــَرٌب
جان تِــنـسـاة أٌمَّــه سِــيف
والسهم نـِص عـينه ضـيف
عَـزِّبـه وشــَوَّفــلَـه طــيـف
كَمـرَه تضوي بنِص شٌــهُـب
دكــَت أجـــراس الــحــَرٌب
صـاح إســـمه بـكِـل سَـماء
بـنوره تِـــســطــَع كـَربـلاء
هـٌـــوَّ مـــيــزان الــعـطــاء
يــِغـــلٌبْ ومـــا يـــِنــغـلٌب
دكــَت أجــراس الــحـَـرٌب
الله ضــمَّــك للــطٌــفــوف
وصاغ بألطافه الـــجفوف
طـــاح جــِدامــَه الالــوف
دوم دافـــِع كـــِل كٌــــرُب
دكــَت أجــراس الــحــَرٌب
جـــاد بالــــروح الــكٌـــمَر
خلَّــه أبــهاهــا الـــصٌـــوَر
يِــفــزع الطٌـــهــر النَـحــر
كِــلشـي يتسولف عٌكٌـــب
دكــَت أجــراس الــحـرٌب
لبٌـــابة آلــ يـــاسين
من يدي ليد صاحب الزمان❤️
بتوفيق الله وصاحب الزمان
محرم ٢٠٢٤
لسان حال الرَباب بعد استشهاد عبد الله الرضيع ع
وَلــولــيـلـَك يَــــعـبــد الله
وألـــولـي وِيــاك كِـل هَمَّي
يَــدم حــســين بِـــعروكَـك
يِــجـري ويِـــشــتِعل دَمـي
تَـــرٍف عـــودك يَـبـعد امك
كَـبـٌـل لاتــِنـذِبـِح سَـــمٍّــي!
يَـشجرة ووكـعت أغصانك
ذِبــْحــوا نــَـشـوِتــَك يَـمّي
راح الــوَجــنِــتــه اتـــلالي
وتـــكـلي دمــوعـكٌم لِــمّي
حِضن خالي يحس طاريك
يِخطها أحروفكم بأســمي
وَمـشي بهالدرب ماشـوف
وَحسها إتكطـِعَت جِــدمي
يَــعـبد الله اللِــبـَن بايِّـــت
يــرِضَـع هـاللبَــــن غَــمِّــي
بــِكـمــاطـَك أوَزِر الـــروح
وكِل لـِثـيـابـــكــٌم شِــمِّــي
أنـــام اللــيل بَــلكي اللـيل
يِشـوّف رسـومـكم حِلـمي
ووِّن آنه ابطريـج الـخوف
ودمعي من الحزن يِعـمي
وأبــكَه أتــذَكـَـرَك يَــربـاي
مـــاتَت ضِحكِــتك يـمِّي
لٌبــابة آلــ يــــاسين
وزن: طويل
من يدي ليد صاحب الزمان❤️
نعي هلال محرم 💔
https://youtu.be/l95i_Nqu3VE
أداء الرادود : عبدالله آل فاران
كلمات : فاطمة كريم
مضيف أم البنين عليها السلام _ الجش
.
يا شيعه هالدمعه الجريه
من فاطمه الزهره هديه
لمحنة غريب الغاضريه
هاذي مدامعكم على حسين
توفيق من أم الميامين
لَتْضَيِعوها يا محبين
من فاطمه هالنظره ليكم
وهالنعمه لَتْضيع امن اديكم
نعمة لطمكم وَي بَچیکم
هالدمعه يا هالناس نعمه
وابدون الدمع هالعين تعمه
فدوه الروح والله لبو اليمه
فوگ الچتل مذبوح عطشان
ولا صار إله يا ناس دَفَّان
فوگ الرمل والراس بِسْنان
فوگ الرمل والراس مرفوع
واعليه صار النوح ممنوع
واخته تنضرب لو هَلَّت ادموع
#محرم #نعي
طور : يا ليل طول ساعتك
.
.
وكأني بالزهراء عليها السلام وهي تنادي في هذه الليالي ..
كل عام .. أگصد بدموعي
كل عام .. وايدي اعله ضلوعي
يمكم أبچي اعله حسين
وأنده وين الباچين
.
.
كل عام .. أگصد للمأتم
كل عام .. ابضلعي لمهشم
وألطم خدي والراس
لحسيني والعباس
.
.
كل عام .. أتعنه وأگعد
عالباب .. يا شيعه وأنشد
وينه اللي يبچي اوياي
لبني المحروم الماي
__
#فاطمة_كريم
لسان حال العليله ع
ـــــــــــــــــــــــــــــــ
رايحين وماخذين كليبي الاحباب
بالدمه صبي ياعيني ودي العتاب
ليش عني هاجرو
مني همه اتعذرو
اه يلحباب اه يلحباب
━━━━▣◤◢▣━━━━
سافرو لبعيد عني وماجوني
واني خلوني بهضم تدمع عيو ني
ياجفاهم من مشو خيب ضنوني
ليش عني هاجرو
مني همه اتعذرو
اه يلحباب اه يلحباب
✍🏻الشاعره ولمله ام نادين المحمداويه
━━━━▣◤◢▣━━━━
صبن الدمعات لجل الفاركوني
وانه محتامه واريدن بس يجوني
راحو اوبالجيه همه واعدوني
ليش عني هاجرو
ومني همه اتعذرو
اه ياالاحباب اه يالاحباب
✍️ام احمد الساعدي
━━━━▣◤◢▣━━━━
رايحين وما اضن يرجع ضعنهم
ياحسافه مظلم ومحزن نزلهم
وحدي خلوني غريبه انا ابوطنهم
ليش عني هاجرو
مني همه اتعذرو
اه يلحباب اه يلحباب
✍️ام عدنان سياحي
━━━━▣◤◢▣━━━━
توسلت بيهم اخذوني ومايقبلون
انه كلتلهم بعدكم اصبر اشلون
بويه والله غيابكم يعميلي العيون
ليش عني هاجرو
مني همه اتعذرو
اه يالحباب اه يالحباب
✍ام زينب الساعدي
━━━━▣◤◢▣━━━━
اهلي عافوني عليله آه يحزني
علدرب انطر وتاني خاب ضني
اصفيت وحدي بالسهر ماطبك جفني
ليش عني هاجرو
مني همه اتعذرو
آه يلحباب آه يلحباب
✍️العلويه ام علي
━━━━▣◤◢▣━━━━
وحدي خلوني ومشو اهلي النشامه
رايحين امودعين او بالسلامه
راح اون بدياركم ون الحمامه
ليش عني هاجرو
مني همه اتعذرو
اه يالحباب، ،اه يالحباب
ب✍🏻الشاعره ام مهدي العيداني،،
━━━━▣◤◢▣━━━━
عیشه ابلایه أهل البیت ملحه
وعلیها مـن تلح ما فــاد ملحه
طعم الـزاد يرجع صوب ملحه
وملح هالدنيه حب آل الزچیه
هادي الامغيطي البوغبيش
#من_ديوان_مسير_الفواطم_ج٥
*فزاعيه مع هوسات للنزول(عباس نزلها)*
❥━──➸➽❥❂❥━──➸➽❥❂
بچفوفه الگمر عباس نزلها
تتنومس بزوده و هو كافلها
❥━──➸➽❥❂❥━──➸➽❥❂
بچفوفه الگمر عباس جاباها
بيمينه من عله الناگه تلگاها
وما خلاها تهمل دمع عيناها
*((المهيوبه وصلت للطف))*
❥━──➸➽❥❂❥━──➸➽❥❂
نزلت كربله تمشي بهيبتها
للطف والحرايب جايبه اخوتها
من شمت تربها جرت دمعتها
*((يذبحونه هنانه الوالي))*
❥━──➸➽❥❂❥━──➸➽❥❂
يذبحون الحسين وينگطع راسه
بهاي الارض يشتم اخر انفاسه
وتتگطع يويلي چفوف عباسه
*((ورقيه وسكنه ايتموها))*
❥━──➸➽❥❂❥━──➸➽❥❂
يذبحون الولي وعياله تتيتم
وحتى الخيم عالنسوان تتهدم
وأطفال وحرم يا ناس تتحطم
*((ما عدها الچان يحاميها))*
❥━──➸➽❥❂❥━──➸➽❥❂
واظلن حايره وبعازة الوالي
ويظل الدمع فوك الوجن هالي
اريدن خيمه بيها احمي عيالي
*((يحرگوها كلها العدوان))*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
معهد السيدة فاطمة الزهراء ( عليها السلام ) للخطابة الحسينية والدروس الحوزوية النسوي:
بسم الله الرحمن الرحيم
المحاضرة
(عنوان المحاضرة)
مشروعية البكاء على الامام الحسين عليه السلام
قال رسول الله (صلى الله عليه وآله وسلم)
إنّ لقتل الحسين (عليه السلام) حرارةً في قُلُوب المؤمنين لاتبردُ أبداً.(مستدرك الوسائل:ج١٠،ص٣١٨).
هناك من يسأل اويستشكل علينا ويقول ماهو المبرر في البكاء على الحسين عليه السلام؟
وهل هناك نص شرعي أو عقائدي على البكاء والحزن على الأمام الحسين عليه السلام؟
اولاً- نحن نعتقد ان الأمامة من أصول الدين والامام الحسين عليه السلام هو من الائمة المعصومين اذن هو أصل من أصول الدين فإذا بكيناه اوحزنّا عليه فأنما هو تعظيم لشعائر الله. وانهامن تقوى القلوب والبكاء والحزن ظاهرة ولائية ومودة وحب للأمام الحسين عليه السلام وأحياء لأمرهم صلوات الله عليهم.
ثانياً نقول لهم لم نسمع فتوى من المرجعية تحرم او لاتجوز البكاء والحزن على الأمام الحسين عليه السلام على العكس يقولون بأنه أمر مستحب ومستحسن ومرجح كذلك لم نجد في القران الكريم أوالسيرة النبوية أوأحاديث الائمة المعصومين عليهم السلام مايحرم البكاء أوالحزن على الإمام الحسين (عليه السلام) أو على غيره من الناس على العكس نجد الكثير من الإحاديث الشريفة والروايات عن النبي (صلى الله عليه وآله) والإئمةالمعصومين (عليهم السلام) يحثون بل يوصون بأقامة المأتم والبكاء على الامام الحسين (عليه السلام) .
ونذكر لهم ماجاء في القرآن الكريم مثلاً لبكاء طويل أمتد لسنوات طويلة وحزن عظيم لنبي الله يعقوب على نبينا صلى الله عليه وآله وعلى يعقوب السلام كيف أبيضت عيناه من كثرة البكاء وكيف سكن الحزن الشديد قلبه فهل كان بكاءهُ وحزنهُ فيه معصيةاو سخط او اعتراض على ماقدره الله تعالى عليه وعلى ولده.(معاذ الله) لوكان كذلك
لنزلت فيه آيات تزجره أوتعنفه أوتأمره أن يكف عن البكاء والحزن بل العكس نزلت فيه آيات تبين شدة حزنه.
وهنا سؤال يقوله الذين يشكلون علينا بأن البكاء هنا جزع لاصبر ولاأجرا فيه نقول كلا هذا البكاء والحزن لم يؤثر اويزلزل من أيمان يعقوب عليه السلام بل تمسك بالصبر وطلب العون من الله تعالى على ماأصابه حين قال (صبرٌ جميلٌ والله المستعان على ماتصفون) سورة يوسف ( آية١٨).
وهذا دليل من القران الكريم وهو لايحرم البكاء أو الحزن
ونبي الله يعقوب عليه السلام يعلم إن أبنه يوسف حي وإنما هو مغيب عنه ومع ذلك بكاه وحزن عليه وأيضا لاننسى حزن النبي يوسف على فراق أبيه وبكاءه عليه حتى أشتكى أصحاب
السجن من كثرة بكاءه وأيضا هناك الكثير من الأمثلة الواضحة في القران والروايات الشريفة.
أذن الحزن والبكاء هو دليل على رقة القلب ودمعة العين وهذا من صفات المؤمنين. وأننا على يقين أن الانبياء والائمة عليهم السلام لايعملون أي عمل اوفعل يسخط الله تعالى فهم أهل العصمة والأيمان والتقوى فلايسخطون الله بعمل أو فعل ونحن نتأسى بهم وهم قدوتنا
فتذكر الروايات أن النبي محمد صلى الله عليه وآله بكى على الحسين عليه السلام قبل أن يولد وبعد ولادته وكلما رآه بكى وأستعبر ويذكر مصيبته لكل من حوله من أهل بيته أو من أصحابه أومن يجالسه وكان يوصي بالبكاء عليه وبذكر مصيبته وبيان منزلته
وتعظيم مظلوميته.
وأيضا تذكر لنا الروايات المعتبرة أن النبي(صلى الله عليه وآله) بكى على عمه الحمزةبكاءاً شديداً وقال حمزة لابواكي له
وأوصى على من يبكي عليه
وفي الروايات المعتبرة نجد أن الإمام الباقر عليه السلام أنه أوقف بعض أمواله على نوادب تندبه عشر سنين في منى ولعل السبب في ذلك يعود الى أن منى (في الحج) أعظم مركز للتجمع الاسلامي ووجود النوادب فيه مما تبعث المسلمين الى السؤال عن السبب فيخبرون بماجرى على الإمام أبي جعفر(عليه السلام) من صنوف التنكيل من قبل الأمويين وأغتيالهم له).الشيخ باقر شريف القرشي كتاب حياة الامام الباقر (ج٢،ص ٣٨٨-٣٩٠). بحارالأنوار (٦٢/١١)وهذا دليل على جواز البكاء وإقامة المآتم فإن عمل الإمام حجة وقوله حجة وأن البكاء والحزن تعظيم للمصيبة ولصاحب المصيبة
نعم أن ببكاءنا على الحسين نُسعد أمه الزهراء عليها السلام كماجاء عن الإمام أبي عبدالله الصادق عليه السلام في حديثه مع أبابصير (يا أبابصير إنّ فاطمة (عليها السلام) لتبكيه وتشهق-إلى أن قال-ياأبابصير أماتحبّ أن تكون فيمن يُسعد فاطمة (عليهاالسلام)؟! فبكيت حين قالها، فماقدرت على المنطق، وما قدرت على كلامي من البكاء)(كامل الزيارات:١٦٩-١٧١ ) الباب(٢٦) حديث(٢٢٠).
نعم أيتها المواليات لنسعد قلب مولاتنا فاطمة عليها السلام في هذين الشهرين بأن نهيىءأنفسنا للذهاب والحضور في مجالس العزاء لكن بعد ان نقوم بأعداد الطعام للعائلة يعني نخلص شغل البيت من تنظيف وترتيب وقبل الذهاب الى المجالس علينا ان نطلب الأذن المتزوجه تستأذن من زوجها ولغير متزوجة تستأذن من أبوها أواخوها لتحضر الى مجالس العزاء بملابس
#محرم_١٤٤٦
#طور_الجفيري
#الليلة_الاولى
#حالة الإمام المهدي عج في الليالي الأولى لشهر محرم
قوموا يا شيعة للحزن
واسود هِدمنا وهم نوّن
هالليلة بيها فاجعة
ومهدينه ندري اشقد يحنّ
دمعاته بخدوده جمر
يعاين هلاله لهالشهر
يعاين جسوم موذره
ويبكي الذبيح من النّحر
يقعد على المنبر يقول
إبكوا على سبط الرسول
دامي عفير اعلى الثرى
وبصدره داسته الخيول
يضج المكان ابصيحته (متى ؟؟؟)
من يبدي يوصف شيبته
دم وتَرابه مخضبه
وين اليعينه ابندبته
خادمة ابي الفضل
#هل من معين فأطيل معه العويل والبكاء، هل من جزوع فأساعد جزعه إذا خلا، هل قذيت عين فساعدتها عيني على القذى، هل إليك يا بن أحمد سبيل فتلقى، هل يتصل يومنا منك بعده فنحظى .. متى نرد مناهلك الرويه فنروى ، متى ننتفع من عذب مأئك فقد طال الصدى ، متى ترانا ونراك وقد نشرت لواء النصر ترى
متى تنادي يا أهل العالم انا الصمصام المنتقم 💔
# لطم
قاعد وين يالمهدي ابوسط المأتم
كم ونّه على جدك وهم بعد لاطم
تنوح المنذبح عطشان
مسلوب الردى عُريان
واخيامه التشتعل نيران .. وهم بعد لاطم
تروح المشرعة تنظر القطعوا كفوفه
تعاتب عمك الغافي وعينك ذروفه
زينب رايده الكافل
دخِيلك يا ابو فاضل
بمتنها السوط ترى نازل .. وعينك ذروفه
#متى تجلس عند قبر جدك بكربلاء و تنادي يا لثارات جدي الحسين .. وتسلم سلام تائق والهٍ مشتاق ونحن معك:
#طور لفى عاشور
خلينه نزور اوياك ونحس طيبة انفاسك
يالمهدي ونصيح الآه نوكف كلنه حراسك
من تصيح آ يحسين دمعك يجري كالوديان
نسمع بالندب والنوح تنادي جدي ياعطشان
ولو تصرخ بإسم زينب منها امذبّحة الوليان
على ونة رقية اتذوب وسلب امخيم النسوان
🖊الشاعرة زينب الخفاجي
#طور الفراق
آيمهدي تفضل وإقره الزياره
آيمهدي ندري بِفأدك حراره
آيمهدي للأبد ما تُطفى ناره
آيمهدي تصرخ الشيعه محرم
آيمهدي بكل مكان و عِدنه مأتم
آيمهدي حقها عينك تهمل الدم
🖊خادمة ابي الفضل
#سيدي على من تهمل الدموع دماً .. اعلى ذبح الحسين ؟؟
ام اعلى رضه بالخيول الأعوجيه ؟؟
أم على راسه الذي ما وضع على حجر إلا سالت من تحته الدماء ؟؟
ام على كافل الخدر على شط العلقم ؟؟
بالله عليك على ماذا تبكي بدل الدموع دما :
دمعي الأصبه دموم للهاشميه
حزني عليها ايطول في الغاضريّه
مصيبة التشيب الراس حد المنيّه
هاذي النجيبه شلون تمشي سبيّه
حبل بإيدها القوم خلوا ورقيه
ما انسى يوم التل وديوان أميّه
وذاك اللعين يقول يالخارجيّه
#يروى نادى ذلك اللعين من هذه المتخفية عني ، جاوبته مولاتي زينب
خِفَت لوعة صدرها وخفت ونّتها
دارت للمدينة اتبوح حسرتها
لجدها المصطفى تشرح مصيبتها
مُصيبة المامثلها امصيبة بالإسلام
زينب بت علي وبمجلس الظلّام
نوايب هالدهر شدّن عليها احزام
🖊الشاعرة زينب الخفاجي
لطلب الحاجه
ندبه لام البنين
امشنه لام عباس...وندك بابها
امشنه لام الجود
مشهوده الج وشهود
اليوم الطلب مريود
لا ما ترد طلابها
ام حيدر العباديه عماره
•───✧◐◐✧──
امشنه خل اروح
وننعه ابكلب مجروح
انحلفها بالمذبوح
ام الكرم تكضيها
ام ✍🏻زين العابدين لمحمداويه
•───✧◐◐✧──
ام النشامه هاي.
التوفي للوفاي.
الجاب ابنها الماي .
ستر الحرم وحجابها.
ام فاطمة الزهراء
•───✧◐◐✧──
بالكرم ماتنقاس
ام البطل عباس
تعرفها كل لناس
معروفه والكل هابها
ام احمد الحسناوي
•───✧◐◐✧──
الليل ندبيها
بلبطل حلفيها
والحاجه تگظيها
لاماترد احبابها
ام ✍️حسين الحسني
•───✧◐◐✧──
ابجي وتجر العين
سمعيني ام لبنين
انخاج بسم حسين
والحاجه انتي اسبابها
✍🏻 ام زينب الأسدي
•───✧◐◐✧──
جيتج وريد امراد
بجاه اهلج الامجاد
كلهم كرم وسياد
فدوه رحت لترابها
✍️الشاعره كريمه البو حلوه
•───✧◐◐✧──
وللدوم ممنونين
منها الف نعمين
وبحرفتي تحظرين
يالمااجوها احبابها
✍🏻الملة نور الساعدي
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه
ابنج راح من عندج يرمله
الله يساعدج فكده شيحمله
معذورة وتنوحين
لوليدج تحنين
_
تربي وتتعب الأم وتساهر
لو يطلب نظرها تگله حاضر
اتحيطه بعطفها والمشاعر
تالي تودعه لحضن المگابر
يكبر رادت وضلت تناطر
وبلحضه الولد عنها يهاجر
الله يعين گلبج ياحزينه
حلمج راح هسه تفارگينه
القاسم فتشت العين
لوليدج تحنين
ابنج راح من عندج يرمله
____
كل ام بعطفها يوصفوها
وشما حاولو ما ينصفوها
الشجرة تموت لو مي ماسكوها
والام تنتهي لو يبعدوها
شلون تشوف نحره ويفجعوها
شمعه تنير دنيتها وطفوها
شلون تشوف من حزو وريده
وعنه تروح مسبيه وبعيده
ولو عنه تروحين
لوليدج تحنين
ابنج راح من عندج يرمله
__
نعم التربية ونعم المحنه
هيبة والده وأخلاقه منه
يم عمه السبط لمن تعنه
كله اسمحلي ابرز يا املنه
تعال لحضني يقاسم تدنه
ياريحه اخوي العطره جنه
مني تروح يبني يعز عليه
أنت الباقي من حبل الخويه
يارمله وتصبرين
لوليدج تحنين
ابنج راح من عندج يرمله
____
اتحنة الولد من دم خضابه
ياحزني اعله عمره وياشبابه
هذا ابن الحسن رمز المهابه
شلون يضل صريع اعله الترابه
راح وللمخيم عمه. جابه
وبوجه الحزن تارك مصابه
عليه ينوح بالمدمع يكلمه
ويرد النوب بالمنحر يشمه
الله يعين الاحسين
لوليدج تحنين
ابنج راح من عندج يرمله
___
رمله شلون من شافت ذخرها
مذبوح النحر زهرة عمرها
يا طاعة گلبها ويا صبرها
جان الها السند راح ونظرها
والي رادته لعازة كبرها
مثل عمر الورد راح وهجرها
ياجرحك يقاسم ياشبابك
شيبني الهظم يبني لمصابك
همي عايش سنين
لوليدج تحنين
ابنج راح من عندج يرمله
----------
ياسر الساعدي
نعي مفجع
وصية العليله (ع) للإعرابي
يـعـرابـي بـسـفـرتك وين مـنـواك
أگـصـد كـربلـه وسـرع بـمـمـشـاك
اخـذ الـخـبـــــر لـحـسـيـن ويــاك
وكـلــه الــعـلـيلـه ذلـهــه فــرگــاك
گـلـــه الـعـلـيـلـه وصـت اتـگـــول
طـال الـوعـد والـــدمــع مـهـمـول
اشـحـال الـيـبـات اللـيل مـعـلــول
وهـجـر الاهـل وغـيابـهـه ايـطـول
يـعــرابـــي ذمــه أتـبـيـن الـحــال
واخـبـر ابـــوي الـهـجــر چـــتــال
حـــزن الـعـلــي ايـذوّبِ الاجـبـال
حـتى بـمـنـامـي الاهـــل عـالـبـال
*---------------*---------------*
✍خـادم الـعلـيلـه ع
الشاعر رعد الجريخي
تروح وترد وتباوع اهواي اتريد اگلها امشي وياي
خاطري عليها انكسر وهي مو مالت سفر
**
الليله اشوف ابنيتي تفتر وحيل كسرت خاطري
مدري اگلها بويه نامي مدري اگلها اتحضري
باوعتلي وركض راحت عليها من صد ناظري
وانه گلت الزينب اختي روحي منها اتعذري
گليلها رايح نخليج واهواي ابوج ايسلم عليج
عنها فرگنه القدر وهي مو مالت سفر
****
مگابلتني وتصد ليه ولو گمت گامت وراي
تگلي بويه خل اروحن ومگدر اخذها معاي
انتي گلتلها عليله اتگلي بويه انته دواي
وانه گابلتك اريدك بلكت اتكلي تعاي
ما بيه حيل الهذا الفراك ومن زغري ليش احلامي تنباك
بيش يطلبني الدهر وهي مو مالت سفر
****
يعرف العنده ابنيه شگد حنينات البنات
ويا محنتهن بناتي وحيل هنه معتبرات
هنه وحده تحب وحده وابد ما متفارگات
هنه خوتهن عظيمه مو مثل باقي الخوات
اشلون اذا يتفارگن راح ياهي التموت وياهي ترتاح
راحن ايموتن قهر وهي مو مالت سفر
**
منها اجت ليه رقيه لجن جيه بلايه روح
تگلي بويه اختي خطيه وزيًّدت عليه الجروح
تگول ماكو امجان اليه وكعدت وكامت تنوح
بويه أنطيها مجاني وخلها وياكم تروح
اتكلي هوه ايحبج اهواي بلكت يكلج تمشي وياي
كليله تعبها السهر وهي مو مالت سفر
****
تكول يوميه من اروحن آنه ارتب خيمته
ومن تجي ساعة صلاته افرش مصلايته
وانه احضر اهدومه بيدي وبيدي اجيب اعمامته
ومن يخليني عله صدره حيل اشمن رگبته
اهناك ابوي بعيني اخليه وميه لو راد انه انطيه
گلبي يابويه انفطر وهي مو مالت سفر
*
من افارگها انه ادري اتصير كل ايامي ليل
لاجن ابنيتي عليله وعالسفر ما بيها حيل
عليها خايف من تسافر كربله تراويها ويل
وخايف تموت عله نحري لو تجي وتسحكها خيل
لو تحترك وي حرك الخيام ولو تنسبي مجتوفه للشام
كربله كلها خطر وهي مو مالت سفر
**
تمت
ميثم العمري
١٠٨٦- سلطان البرزخ 👇
عن الإمام جعفر الصادق سلام الله عليه قوله:
«إن الذي يلي حساب الناس قبل يوم القيامة الحسين بن علي (عليهما السلام) *
يبو الاكــــــبر الك عيني ترابي
وجمر من خيم عاشورك ترابي
دخيلك لـــــــون غطاني ترابي
تره ماعندي بس خدمه وعزيه
✍ فراس المحمداوي
* بحار الأنوار ج ٥٣ ص ٤٣ ح ١٣
يحسين أفراكك ذابحني وشيب رمش العين
أتنطر وأحسب لهلالك آه يبن أمـــي حسين
خلص صبري حرت بامري
آه يبن أمي حسين
.......................................................
بعيوني مرسومة صور مـــــــــا تنمحي ذكرتها
وأدموعي عالخد هامله وتسعر جمر مهجتهــــا
شحال التضل بلا ولي من عكب زود أخوتهـــا
محنية تمشي بت علي ونار الهجر جوتهــــــــا
مابيني ومابين أهلالك عشرة ودمع أعتاب
دمع الفركه وشوك الملكه وتودع الأحباب
شلي بعمري حرت بامري
آه يبن أمي حسين
.......................................................
مــــا ينحجب ليلك ولا تبزغ شمس مصباحي
أهلالك ذبح خيط الفجر وسيف الهجر ذباحــي
يالغافي بعيونــي جرح وأمكسرات أجناحـــي
من ليلة العاشر وأنه ما طبك جفني وصاحي
أشعل شمعة ألفكدك وأنعه والطم فوك الراس
وياخذني الشــوك أعله أجروفه وأتعنه العباس
الكفل خدري حرت بامري
آه يبن أمي حسين
...................................................
شما بين أهـــلالك يمر بيه ويغير لونــــــــي
واكعد أكلب بالصـــور الحد ما تطيح أعيوني
أرسم نهر يجري وكمر ماي وضوه عطشوني
وارسم جسد شايل طفل بيهم صدك فجعونـــي
وارسم وردة أتاني الزفه وأم أتاني أهلال
وأم أتهز المهد الخالــــــي وتتفكد لأطفال
لون تدري شلي بعمري
آه يبن أمي حسين
.......................................................
أحسب ليالي الطلعته أهـــلالك يبدر العتره
وأتحزم بفيض الدمع وأنصب عزاك وأقره
يا كسرة التفكد أخـــو بيا حال تمشي الكبره
هد حيلي يبن أمي تره أفراكك وحك الزهره
موتني أفراكك موتنــــــــي وبيه الليل أيعيل
شما أكعد وأحسب وأتنطر دم ادموعي أتسيل
أنكسر ضهر شلي بعمري
آه يبن أمي حسين
.....................................................
مر بيه حتى لــــــوحلم يالمنـــي ماخذ روحي
وشوف الهجر بيه شعمل وأحسبهن أنته أجروحي
حدب جفن عينـــــي لون من كثر ونـــي ونوحي
لاخر نفس أصرخ واون يحسين يـــــــا مذبوحي
ليلية الطيفك أتعنه وأكعد بلكــــــــــــــي تعود
لا طيفك لا طارش مرني مثل أهدومي السود
أنشده فكري حرت بامري
آه يبن أمي حسين
.........................................................
خادم خدمة الحسين
الشاعر
محمد الموالي