7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيدة وعظية (وزن تجليبه)
مشت عنك الناس الچانت اتهمك
ماضل باللحد بس العمل يمك
★★★★★
اسهام الحذر يوميه عليك اتفوت
ولابد مايصيبك منها سهم الموت
تغسيل وچفن تالي ونحيب وصوت
يامهيوب ينحط جسمك ابتابوت
من التابوت لتراب اللحد جسمك
★★★★★
بدارك نايحه اهل وربع تنعاك
من دار الاهل تحت الترب مثواك
رَدِّتّْ كلها عنك يلصفيت اهناك
ضل بس العمل وسط اللحد وياك
انخط تاريخ موتك علگبر واسمك
★★★★★
نصبوا مآتمك أحباب ملتمين
وبعد يوم اليمر ينشال لومين
وذكرى اتصير بعد الشهر لوشهرين
وللنسيان أمره الماتشوفه العين
بس ذكره على الحايط يضل رسمك
★★★★★
يلمثل الحمامه روحك على الدار
تريد تشوف بيهم ماجرى وماصار
مشغولين عنك يلتريد أخبار
كلمن خاص وكته وبلوكت محتار
وهمهم بعد صاير مو مثل همك
★★★★★
اعمالك لوقليلة وبالندم ضليت
ماتخسر اذا بهل الكرم ناديت
المحامي بالقيامه اهناك اهل البيت
ويتبره الذي من لحمك ودمك
الشاعر حسن لعيبي الحريشاوي
نعي لسان حال الامام الكاظم عليه السلام
ينعى ابيه الامام جعفر الصادق عليه السلام
ينوح الكاظم ابوَنَّه خفيه
ويتذكر الايام الزهيه
يبويه يگول هدتني الرزيه
ونوايا البين بعدك گصت بيه
ضاگت دنيتي الوسعه عليه
اجت تنشد عليك الجعفريه
لگوها الدار من شخصك خليه
شگلهم يلرحت مابعد جيه
ولفت ياسلوتي أعليك المنيه
لحد الموت نيراني سريه
وحزن چتال كل صبح ومسيه
الشاعر حسن لعيبي الحريشاوي
ذكرى استشهاد الامام جعفر الصادق عليه السلام
من يوصل المكانك شاغل اهل زمانك
ياسيد الكلام والعلم والسلام
شاغل اهل زمانك
★★★★★
يلوجودك نور الهم. نور چم ظلمه زحت
والجهل سديت بابه. جهل مايبقه ردت
بَيَّنْت حكم الشريعة ويبقه ثابت أكدَّت
بالعلم ردت لأهلها . شكثر وآدم علَّمت
يمحير العقول. چن جدك الرسول
واضح اثر بيانك
شاغل اهل زمانك
★★★★★★
نال كلمن گصد غيرك بس خسارات وفشل
المامشه بدربك تَعَثَّر خسر دربه وماوصل
صَعدَّواضدك حقدهم فيض نورك من نزل
عادت الحاقد واصله بهلطبع ثابت يظل
ابواضح الدليل كلها الك تميل
عرش العلم سلطانك
شاغل اهل زمانك
★★★★★
اشرقت علمك انواره الارض منه تنملي
كلها قدسيه المعارف اجت من طه وعلي
تفردت بالعلم وحدك دومه نجمك معتلي
حصلت غيض الاعادي بهلمواقف مبتلي
ياصاحب الجميل صار العدو ذليل
لمن رجح ميزانك
شاغل اهل زمانك
★★★★★
صادق العتره الكريمه يافرع طيب الاصل
بحبل الله اعتصمنه من عرفنه انته الحبل
اتصدريت الناس كلها بالعلوم وبالفضل
تعلموا منك الرجعوا بالحفظ لو بالنقل
چم عالم وحكيم. من چفك الكريم
نال الشرف باحسانك
شاغل اهل زمانك
★★★★★★
تصدرت بالعلم كله. بكل صلابه وكل عزم
احتاركل دارس بعلمه بغير علمك مايتم
العاندوا بالفشل ردوا منيلهم مثلك علم
علثريه الثري اشجابه شجابهم يم النجم
يامجمع البيان من ينطق اللسان
بكل شي غلب برهانك
شاغل اهل زمانك
الشاعر حسن لعيبي الحريشاوي
للصادق أليوم ... دمعتنه نجريهه
للصادق اليوم ... لطمتنه نهديهه
من الشرق من الغرب جينه احنه ننعاه
وانواسي ابنه الكاظم الضل محد اوياه
يومه شبيهه ابيوم عمه الحسن والله
من سممو جبده وبقى ابنه ينوح فركاه
للصادق أليوم .... العين نبجيهه
........
سيد الفقه سيد العلم سيد الكرامات
هاليوم بمصابه بجت ارض وسماوات
ودين الله صار اعليه ينوح وحتى الايات
وبالمكبره نصبت عزاهه اعليهه الأموات
للصادق أليوم .... يا شمعه نطفيهه
......
ناصب عزائه ابكل وكت جان اعله الحسين
والليل اليمره يخلصه بدمعت العين
الفاكد اعزازه اجروحه ما تشفيهه الاسنين
يوميه مو موته يموت ايموت مرتين
للصادق أليوم .... صيحه نعليهه
......
وين اليواسي عيلته بدمعات الاعيون
وين االيشيع اجنازته ويه اليشيعون
الميتله مثل الصادق ابعازت اليبجون
مو هينه يا ناس المصيبه اتهد الامتون
للصادق أليوم .... الاصدور ندميهه
......
نتنطر المهدي يجينه ابراية الثار
ويرد حقوق السلبوهه الناس الاشرار
ولصادق ايشيد صحن يوسع الخطار
وأربع مناير من ذهب ينظرهه من زار
للصادق أليوم .... الحضره نبنيهه
......
كلمات
✍ موسى الخادم
جعفريه ... هالاسم يغنينه
جعفريه ... هالشرف يكفينه
......
نحمدالله ونشكره الحد المنيه
جي جعلنه رافضيه جعفريه
جعفر الصادق فخر كل البريه
اتفاخرينه بأسمه صارلنه هوية
جعفرية ... نفخر اتسمينه
......
بجعفر الصادق ولينه اتفاخرينه
ما يهمنه اليشكل ويحجي علينه
انعم الله اعلينه بالصادق ولينه
لو نخلص العمر نشكر ما وفينه
جعفريه .... الناس ما تعنينه
......
مدرسة جعفر الصادق مدرستنه
علمتنه كل عباده علمتنه
ثابتين ابوجه ناس الحاربتنه
والولايه الحيدرية شرفتنه
جعفرية .... الراس ما طخينه
......
نعمه من يحصل مثلهه النعمه هايه
نعمة اهل البيت جنه بالنهايه
امدللين اهواي احنه بالولايه
والي ما عنده ولايه ابلا هدايه
جعفرية .... حب علي اينجينه
.......
مذهب الصادق عظيم وما نبيعه
لو يملكونه الفرات اويه الشريعه
تبقى صيحتنه لحد الموت شيعه
واليعادينه نذله وما نطيعه
جعفرية ...محد ايلاوينه
.......
كلمات
✍ موسى الخادم
قصيدة نزال سريعة
ذكرى استشهاد الإمام جعفر الصادق( ع)
جعفريه جعفريه
صرخة الشيعه ابمصابك جعفريه
.................................
باللطم لمصابك انوسم الصدر
تعزيه ودمعات كل مجلس عطر
بالقصيده ريت يخلص هالعمر
اخر الانفاس وي اخر شطر
جوهريه جعفريه
صرخة الشيعه ابمصابك جعفريه
.................................
تضحياتك لجل دينك لاتُعَد
وخلصت ايام عمرك بالشدد
لل اللحد ماشفت راحه من المهد
تالي جبدك سيدي ابسم انمرد
والقضيه جعفريه
صرخة الشيعه ابمصابك جعفريه
.................................
سيف علمك يكَطع اركَاب الجهل
وانت ذاك العالم ابعلمه ارتجل
ظل يجعفر هذا مو وكت الاجل
شيعتك تحتاجك احرف للجُمل
فلسفيه جعفريه
صرخة الشيعه ابمصابك جعفريه
.................................
حوزتك مولاي تبقه اليا وضع
والهدمهه الجور بعدك ينجمع
وجم كَلب مولاي بعدك ينفجع
لو جبل بفراك نورك ينصدع
للمنيه جعفريه
صرخة الشيعه ابمصابك جعفريه
.................................
سيدي لأثار وجدانك عشك
تترك العاشك وجودك يحترك
ابد مو سهله علينه ونفترك
بلكت وتطلع حلم لا مو صدك
يا هويه جعفريه
صرخة الشيعه ابمصابك جعفريه
الشاعر
ياسر العارضي
الشريعه والعلم ينعه وگبر هادينه والمنبر
على امصيبه تهز الكون أليمه من فقد جعفر
آيا مسموم .. آيا مظلوم
@@@
على صادق بني الزهره يلوج الدين بعلومه
وينوح الهادي في گبره لبن بالباب مهشومه
انفگد شمس الضحه واللي گضه واحشاءه مسمومه
غمض عينه ومضه چنه ابوه وچبده مسمومه
…
حزن مرسوم .. على المسموم .. مولانه
الالم رمحه .. نزف جرحه .. وآذانه
…
مصيبه جددت احزان من الاطهار و العتره
وفگد جعفر حنه بالنوح ضلع مكسور للزهره
جرح ملچوم .. آيا مظلوم
@@@
تعيش الدنيه بحزانه وتون ابذاكرة فگده
وصفت روح الالم تنعه امام اتفتت چبده
مصيبه حاضره وتبقه جرح مايبره بالمده
ابد ماهو سهل ياناس لامام اتوسد ابلحده
…
خليفه چان .. من الديان .. وحي ناطق
الفقه ينعاه .. ويصيح أبآه .. على الصادق
…
ابنعش ينشال سليل الال ابد والله مو سهله
ولا يم جده چن عمه گبر بالغرقد اتخله
گضه محروم .. آيا مظلوم
@@@
بوادم گطعت گلبه ومعاناته بلا تقدير
مثل جده اذا يشكي ابهمومه يمتلي چم بير
بني اميّه وبني العباس دسايسها خطرها اكبير
مذاهب سوت ابضده وخططها ابكل دناء ادير
…
صبر گلبه .. ألم غربه .. جمر بالنار
رغم لنصار .. ولا له صار .. غيور ايغار
…
اليگولوا كلنه انصارك ولك شيعه اسقطت بالدور
فلا يفدوا اذا گلهم فدا ليه ادخلوا التنور
من اللي ايلوم .. آيا مظلوم
@@@
امام اورتبته امن الله ودليل ابعصمته افعاله
بوعبدالله ومنو مثله ابزمانه طابت اخصاله
الى ان غمض اعيونه غريب بهالبشر حاله
طبگ جفنه ورحل لاچن رحل مفتوته دلاله
…
بعزاه الكون .. سواد اللون .. توديعه
عليه العين .. تصب نهرين .. بالشيعه
…
ابد ميهون لعد محبوب اذا يفگدله محبوبه
وعلى ذكره وفاته الآه وسط كل روح مكتوبه
بعزاءه انگوم .. آيا مظلوم
@@@
ترى موكافي للصادق فقط ننصبله كل مأتم
ولا كافي على امصابه ابلطم والنوح نتألم
ترى گبره يهالشيعه وضريحه امهدم او اظلم
من اميه عام هالحاله بلا فازع اله اتحزم
…
بلايا اقباب .. حجر واتراب .. هالغرقد
متى هالحال .. على الآمال .. يتشيد
…
حجج من هدم القبه ضعيفه امن الظلم اظلم
اذا لطه تشع گبه چليش الغرقد امهدم
لمته مهدوم .. آيا مظلوم
@@@
علي أحمد الحمود
٣٠-٤-٢٠٢٤
شهادة الصادق ع
#ابوذيات
لسيدي ومولاي الأمام جعفر الصادق
(عليه السلام) :
بديه النار اطفيها •• وألمها
حرگ داري سلب روحي •• والمها
حرت بـ الـ لا اخو وياها •• ولا امها
ومتت من اذكرت ركضه رقية
بناتي بدارهن فرن •• ووراهن
ولا شاااااامت نظر الهن •• وراهن
لجن عمااااتي من ركضن •• وووراهن
جمر وحجار يتگاطف سويه
خالد عبدالساده البدیری
#اللهم_عجل_لوليك_الفرج
قصیده في حق استشهاد الأمام جعفر الصادق علیه السلام
ادموع عینك فاطمیه اجروح گلبك زینبیه
یالصادق اسنینك عزاء
و انفاس عمرك کربلاء
*****
اجروح گلبك سیدي اینزفن حنین
شایل ابروحك ألم طول السنین
و اعله اهلك تنعه بدموع و أنین
راحن اعیونك مثل ام البنین
تبچي یالصادق علیهم و الزمن شمسوي بیهم
من ونتك تنعه السماء
و انفاس عمرك کربلاء
*****
المنزلك النار طبت یالأمام
اتذکرت طف کربله و حرگ الخیام
و الدخان ابیتك امسوي ظلام
اتذکرت لیل اهدعش یبن الکرام
دمعتك رسمت مناحر والعده و ذیچ العساکر
و اعله الأرض سالت دماء
و انفاس عمرك کربلاء
***
سیدي یالصادق و عندك بنات
چانن ابیتك تره و امخدرات
اشحال عماتك بقن متحیرات
ابیوم عاشور الظهر متسلبات
فرن ابذیج البراري عثرن ابحَر الظهاري
و ایحشمن ابراعي اللواء
و انفاس عمرك کربلاء
**
شي اکیداً من شفت خوف العیال
تطرح ابروحك گمت ذاکه السؤال
کلها صاحت بویه یالصادق تعال
لچن ما ضربوهم ابسوط الرجال
ابد ماراحن عله النوگ و الأشد ماطبن السوگ
ما شافن انواع البلاء
و انفاس عمرك کربلاء
***
صح علیك احرگو یالصادق الباب
دمعتك ظلت جریه اعله المصاب
لچن ما طایح چنت فوگ التراب
او لا بقیت امحیر ابدم الخضاب
حسین جدك دارو اعلیه ینزف و تتراجف ایدیه
ظل عاري وحده بالعراء
و انفاس عمرك کربلاء
*****
صح متت مسموم و گلبك منجسم
ونته یالصادق و چبدك منخذم
المهدي باچر راح یظهر ینتقم
رایته تصعد لحد ظهر النجم
مرقدك یبني ابجهوده انشالله نصبح جنوده
یتعاله من عدنه البکاء
و انفاس عمرك کربلاء
*****
لخادم الحسين علي فلاح الواسطي
20شوال
1445
أبوذيات الأمام الصادق،،ع،،
---------
غــزاك الشيب مــاخــلــــه شعرباك
أســـــود والوجــع نفســـه شعرباك
يصـادق لــوردت أعــــرب شعرباك
نحــر والرمـح بچه أزغر سبيه
-----------
لحـــــــد الأن چـــف والحـزن داراك
أعله أچفه ومثل ويعت شاب داراك
أنشــــــدك مــــــن ولتهه النار داراك
بالك هـــــــم مـــشه للغاضريه
----------
أبنيتك هــــــم بچيتلهه بدمعاك
أعله همهه والحزن بين بدمعاك
شنهـــــو الرايده ورادك بدمعاك
تزور حـسين جدك كل مسيه
----------
البقيع الهســه نسمع صـوت ضل بيه
نحـــيب وللحـزن موجــــود ضلْ بيه
وسف دين اليحرسه أهواي ضل بيه
أبهـــــدم أگبوركـم يبن الزچيه
----------
بين الحـــــر فرق والچان ماحار
وطفح ذنب اليضدكم حارماحار
مايعـــــــــرف گبركم مثل ماحار
عرف قيمة الـــــدره الهاشميه
---------
✍️أبوحسين السرگودي...🕊️🕊️🕊️
الشاعر الحسيني ظاهر حبيب الهليجي (للامام الصادق ع)
ويه النسيم الهاب نرسل عزيه
للصادق المظلوم نسل الزجيه
*.
ليله الأمام انصاب بلسم يشيعه
بأمر البغي المنصور هاي الصنيعه
داعر بني العباس راعي الشنيعه
متوارثين احقاد من ال أميه
*.
ياصادق الايمان جبدك تخذم
جن وانس تنعاك والدمعه من دم
طير السمه واشجار لجله أتألم
وتنوح آله الأملاك واهل البريه
*.
ياسادس الاطهار يامنبع الدين
يلماصرت وعاض يم السلاطين
ظل منهجك هيهات للذله كل حين
ياجعفر ومثواك جنه زهيه
*
يارايه ضد الجور من ال هاشم
جفك ابد حاشاه صافحله حاكم
ولابايع الطغيان واهلل المظالم
لن أصلك امن حسين والغاضريه
*
يا جهبذ الاعلام واهل الموده
لحقبة بني العباس فكرك تصده
حاربت ذاك الفاح ظلمه اوتعده
والثمن لجل للدين روحك هديه
*
▪️قلبي مهضوم ▪️
لاستشهاد الامام جعفر الصادق عليه السلام
قلبي مهضوم يايمه قلبي مهضوم
ليش مسموم ياجعفر ليش مسموم
امصيبتك يمه اهضمتني
عذبتني ومرمرتني
ليش مسموم يا جعفر ليش مسموم
————
يمه ياجعفر عليمن يذبحونك
يمه شمسوي ابدليلك يجرحونك
ليش ياقلب الزجيه ايلوعونك
وانت ريحة طه وابنه يَعرفونك
مايهابون نبينه مايهابون (٢)
لوعوه ولوعوني
يمه بيكم عذبوني
ليش مسموم ياجعفر ليش مسموم
———
يمه اشوف اجنازتك واتروح روحي
اصفر اللون وتهيجها جروحي
امفطره اشفاتك واون ويزيد نوحي
كلهم اضمايا ودموعي هيّ بوحي
ليش عطشان ياجعفر ليش عطشان(٢)
يمه لوعوتوا دليلي
والمصايب خذت حيلي
ليش مسموم ياجعفر ليش مسموم
————
يمه بعده امصاب ابوك اللوّعاني
عذّب الروح وحزن روحي سگاني
ابلايا راس اشلون اشوفه هل گضاني
وانت اتنازع دليلك شب چواني
مايرحمون بنيني مايرحمون (٢)
يمه عنك ناشدوني
روحي والدمعه بعيوني
ليش مسموم ياجعفر ليش مسموم
————
آه ياجرح البنين الدوّه نيران
والله نساني الضلع جددلي الاحزان
كل ولد ميت اشوف الوانه الوان
وللحسين القلب يمه والله لهفان
اعله لحسين ونيني اعله لحسين (٢)
امصيبته هيّ العمتني
نار بفادي وجوتني
ليش مسموم ياجعفر ليش مسموم
————
بنت الشمري
يلي حاسب روحك اعالصادق
صير قيس و للشعائر عاشق
…………………………………………………………
للمجالس صح حضورك مستحب
بس على العشّاق عالاحوط وجب
عندك ايمام التوذر وانسلب
وانت ما تحضر تخاف من التعب
راسه ظل عالرمح لجلك عالق
صير قيس و للشعائر عاشق
…………………………………………………………
اسمع اشكال والك ماظل عذر
قالَ هلْ تحيونَ للآلِ الذكر
ولله احب ذوله اليلطمون اشكثر
ذوله شالوا عن درب زينب جمر
صوت وبحب الهواشم ناطق
صير قيس و للشعائر عاشق
…………………………………………………………
شفتو من داعش لراضيكم سحگ
الخدم هي العشگت ازمور التفگ
للسواتر واحد الواحد سبگ
من زناجيل اللطم شدوا علگ
جيش لرگاب النواصب ساحق
صير قيس و للشعائر عاشق
…………………………………………………………
للفواتح دوم ما گاطع جدم
للبعيده تروح متروس ابعزم
بس فواتح فاطمه الهن ما تهم
مو فلوس ابدمعه تكتبلك اسم
بين ذيج وهاي شوف الفارق
صير قيس و للشعائر عاشق
…………………………………………………………
بالمواكب مصنع الغيره انوجد
هيبه سوّت للخدم هيبة اسد
ابكلبه چانون اعله زينب ما خمد
راسه مثل الكمر حار وما برد
ملك يل خطواته بيهن واثق
صير قيس و للشعائر عاشق
…………………………………………………………
العازه الك ياخوي مو لم الحسن
شلون بيك بيوم معشر والمحن
لا اديك التشهد ابرده الطمن
عيون للحركوا خيمهن ما بچن
ليش لقراية بنيني اتفارق
صير قيس و للشعائر عاشق
…………………………………………………………
اذا ماخذ هل قرار وما تجي
چفنه شرك لا تأذينه ابحچي
بكل وقاحه وعل مساند منتچي
للرياء اتگول كل هذا البچي
انت گاع واحنه نجم الطارق
صير قيس و للشعائر عاشق
…………………………………………………………
✍️ ( سيد خضر الزاملي )
⬛️🔳القصيدة-4-🔳⬛️
لاتـَلُم ْ فالمصابُ أبكىٰ عُيوني
بانَ منهُ السوادُ فوقَ جُفوني
صادقُ الطاهرينَ يَقضي شهيداً
بعدَ سُمِِّ العِدا وحقدٍ دفين ِ
جعفرٌ لم يزلْ كنجم ٍ تلالا
نورهُ ظاهر ٌ علىٰ الخافِقين ِ
إذ لهُ في العلومِ شأنٌ عظيمٌ
لتِفيضَ الأفكار ُ في كلِِّ حين ِِ
يُستَقىٰ العلمُ منهُ غضّاً طرياً
فهوَ بينَ الأمواجِ مثلَّ سَفين ِ
بينَ أيدِ الشقيِِّ يُوليهِ شتماً
لِـيُذيقَ الإمام َ ريبَ المنون ِ
غالَـهُ في الخفآءِ شُلّت يداه ُ
كيفَّ سّمَّ الخؤونُ خيرَ أمين ِ
وعليهِ الأهلونَ باتوُا حَيارىٰ
بينَ باك ٍ نعىٰ وبينَ حزين ِ
وسميُ الكليمِ موسىٰ رَثاهُ
بدموعٍ ولوعةٍ وحنين ِ
#سمير_الصالحي
#النجف_الأشرف
🌑 نعي __ موشح
اليوم مات العلم والعالم فجيع
خلي تفزع كل بني هاشم سريع
جعفر الصادق گضه بسمٍ نجيع
ودارت عليه كل هله و احبابه
واحد يسبل ايديه ويجَبله
اواحد يغمض عيونه اويِعدِله
بيده الكاظم الگام يغسله
ظل يلوج وعبرته سچابه
بس ابو السجاد ياويلي عليه
ماگرب يمه ولي وادنه ليه
يغمض عيونه ويمددله ايديه
يامصيبه الزادت اعله امصابه
#سمير_الصالحي
#النجف_الأشرف
#سمير_الصالحي
#النجف_الأشرف
لاستشهاد الامام الصادق عليه السلام
موووت ،، كلهن سنينك
موووت ،، ربك ايعينك
تتذكر الطف والسبي
والنار وخيام وعبي ويلي
*
عمره دمعاته
ويه صفناته
الصادق ونوحه
يحچي مآساته
تمر كل الليالي وعينه هماله
وتظل صورة المنحر شاله احواله
جسد مطروح بالطف جوه خياله
چف يم النهر وعيون تبراله
موووت ،، ذبحو حسينك
موووت ،، ربك ايعينك
تتذكر الطف والسبي
والنار وخيام وعبي ويلي
**
يا بچي احساسك
يحرگ انفاسك
خيمة ايتامك
شيبت راسك
كل طبگت چفن يتصور المنظر
ويشوف الحيره طبت خيمة الخدر
نار بكل كتر خوف وسبي وي الحر
بين التنشتم بين بحبل تنجر
موووت ،، يلأخو وينك
موووت ،، ربك ايعينك
تتذكر الطف والسبي
والنار وخيام وعبي ويلي
*
علنهر صوره
رايه منحوره
جربه عطشانه
وطفله مكسوره
كفيل اعله الشريعه هناك ما يرجع
تحت ذيچ الحوافر وسفه يتوزع
وي روح الگمر روح الحرم تطلع
مو ماي الدمى من الجرف ظل ينبع
موووت ،، آه يچفينك
موووت ،، ربك ايعينك
تتذكر الطف والسبي
والنار وخيام وعبي ويلي
*
خيمه بردانه
طفله تعبانه
تحچي مهضومه
محد ويانه
يا حال اليتيم ومات كل الحگ
الما عنده أبو ليش برمح ينطگ
مو من البچي من الخوف صار ازرگ
الصفحه البيضه ليش بحقد تتشگگ
موووت ،، واحنه ناسينك
موووت ،، ربك ايعينك
تتذكر الطف والسبي
والنار وخيام وعبي ويلي
*
صادق الدمعه
هم الك رجعه ؟
بدولة القائم
صوتك نسمعه
تطالب بالضلوع بخيل مسحوگه
رمح شال الوجود وحرمه مخنوگه
سبايا بلا كفيل وخيمه محروگه
طفله اتشم ابوهه وانتهت فوگه
موووت ،، كربله بعينك
موووت ،، ربك ايعينك
تتذكر الطف والسبي
والنار وخيام وعبي ويلي
كلمات الخادم / رعد الفريجي
لاستشهاد الامام جعفر الصادق عليه السلام (موشح)
لفه ليل الفاجعه وغاب البدر
گضه نحبه الصادق بسم الغدر
★★★★★
اليوم ياشيعة علي بهذا المصاب
عَظَّم الرحمن أجركم والثواب
راح امام الفقه واسرار الكتاب
ومهجة الاسلام والحق والفكر
★★★★★
راح سلطان المحبة والشرع
بچبدة الاسلام ضلن چم صدع
بالنحيب الفاجعه اتمر والدمع
والبچي والنوح والدگ علصدر
★★★★★
راح زهو الدين والحگ والوفه
راح عنوان العلم. والمعرفه
عليتيم احسان گلبه وعاطفه
فارج هموم. اليتامه بالعسر
★★★★★
فقه واستدلال واحكام وحلم
ومعرفه وحكمة ومضامين وحزم
من صلب بيت التواضع والعلم
ارعب المنصور واعيان القصر
★★★★★
الدين هذا اليوم بغيابه انفجع
وكل موالي ومحب دلاله انصدع
زمره حاكتها الدسايس. والخدع
تريد للحق راية لازم تنكسر
★★★★★
راقبوا افعاله عن جور وحقد
ومره حرگوا داره عن غاية وقصد
حتى عن نهجه يحييد. ويبتعد
ويندثر دين النبي وماينذكر
الشاعر حسن لعيبي الحريشاوي
ابوذيات لاستشهاد الإمام جعفر الصادق عليه السلام
على عروش الهدايه الك منصب
بغيابك دمعنه سيل منصب
كل شيعي بگلب مجروح منصب
بفگدك يبو الكاظم هلمسيه
وجهك ياهلال العلم منهل
هدايه ومعرفه للناس منهل
الكاظم بالتراب اعليك منهل
هَلَّت دمعته وَنَارَه سريَّه
الشاعر حسن لعيبي الحريشاوي
قصيده في حق استشهاد الأمام جعفر الصادق عليه السلام
یالکاظم الله ایعظم اجرك
والدك مات و کسر ظهرك
عالصادق اتهل دمعتك والیوم طفو شمعتك
***
یالکاظم الیوم ادفنت شمس الأمامه
سادس انوار السامیه و تاج الزعامه
و اتحوم عالصادق صرت مثل الحمامه
و الدهر صوب مهجتك شفت ابسهامه
ابهاي الفجعیه دمعتك دم
و ابحالتك بس الله یعلم
و اشگدها صارت کسرتك والیوم طفو شمعتك
**
والدك چبده اتگطع ابــ سم المنافق
لن چانو ایشوفونه کلها جبل شاهق
أسس بحوث الفاکره جعفر الصادق
عالحق مثل حامي الحمه مصحف الناطق
ابجامعة آلاف الیدرسون
خرج معالم و الیبحثون
تالیها کبرت لهفتك والیوم طفو شمعتك
***
یالکاظم ابهاي المصیبه انصیح مأجور
مکسور ظهرك تنتحب و امفارگ النور
بیدك توسد والدك مابین الگبور
ظهرك عله الصادق بقه یالغالي مکسور
واعلیه لطمن کل الأنجوم
بس یاهظیمه چبده مسموم
تنسمع ظلت ونتك والیوم طفو شمعتك
****
الیحوي بحر من العلم تفسیر الکتاب
علم الفلك و الما یدوره و کل الأعجاب
هاذه العظیم الطاهر و من نسل الأطیاب
جعفر الصادق تالي شفته جوه التراب
محد یسِد خلة حبیبك
و اعله الأبو یکثر نحیبك
صارت تبین کسرتك والیوم طفو شمعتك
**
یالکاظم اعله والدك وشلت العیون
من الدفن راجع صرت متهدله الأمتون
صورته ابالك باقیه و افراگه میهمون
تصرخ لگضي ابغیبتك کل عمري محزون
یابویه ظل خالي مکانك
عطشان انه تدري الحنانك
مشتاگ صرت النظرتك والیوم طفو شمعتك
****
لخادم الحسين علي فلاح الواسطي
21شوال
1445
في الأمام الصادق ع ✍️
سلطــان المدارس والمــذاهب
الصادق منهدم كَبرة يغايب
وينك يا ولينه لا تبعد علينه
***
اسئلك عن غيابك مدري عنه
على صبرك يمهدي الماكو منه
يمـــولاي المصـــايب شيبنه
يمتــــه بالبقيع تلـــم شملنه
ماتكسردليلك هالمدامع ثارحسين يبقه ليمته ضايع
ألك مشبوحه عينه لا تبعد علينــــه
***
عجيبة الصادق يجهلون كَدرة
يمهدي بيا ذنب من غير حضرة
هنيــــــاله اليشم تراب كَـــبرة
ويم كَبرة يكَضي سنسن عمره
نزورة وتفرح كَلوب الفواطم ونلطم عالكَبر وي ملا باسم
ها يمته تجينه لا تبعد علينه
****
عتب يالعجب الأكوان صبرك
يبو الثارآت ما واحد يعذرك
تكَضي بالصبر چم دوب عمرك
طال على العقيلة هواي صبرك
تدري بكل كَلب نيران تغلي كتبو عالصحن زينب ارحلي
تنخاك الحزينه لا تبعد علينه
****
الرجس عدهم يقدسونه مزارة
وعلى الصداق يمنعون الزيارة
اليمته الشيعة يالغايب حيارة
رضيع حسين مو كافي انتظارة
تلهب نار يالمهدي بظلوعي وحكَك قررو ما يبقى شيعي
ما هزك بچينه لا تبعد علينه
**
وين بيا وطن يالمهدي عايش
لسامرة وصل ذبح الدواعش
عدهم كون نسكت ما نناقش
وبدولة ظلمهم نبقى هامش
بس بينه ارتفع صوت المراجع وعلي لأخرنفس عنكم ندافع
تحچي كلها بينه لا تبعد علينــــه
**
عجيبة يعذب غيابك عجيبة
الحبيب يموت لو ضيع حبيبة
تبقى ليا وكت زينب غريبة
بعد عباس للشام شيجيبة
أمانة بشاربك زينب أمانة نراك بيا فجر وانته ترانه
شكثر متنطرينه لا تبع علينـــه
****
عليهم امــك الزهراء تشهد ..
حتى الطفل عدهم گلبه اسود
يمكن ينهـدم حتـى محمد
زين الله لحـد الآن يُعبـد..
واحدهم بربه تشوفه جاحد
اذن عادي يهدمون المراقد..
جا دينسش ديـنه لا تبعـد علينه
**
الليالي بيا حزن بجفاك .....يمرن
شما طول غيابك حيل.....يمرن
تدري بيا وكت مولاي .....يمرن
يوم التآخذ بثار الزجية
حيدر حسين الكَرعاوي
#جديد
حزن المولى أمير المؤمنين في شهادة الإمام الصادق عليهما السلام
طور : خطار إجاني
.
.
آنه علي ورايدكم الليله
تبچون لإبني المنهدم حيله
مقهور عمره ومنذبح مسموم
فوگ القهر گبره صُبح مهدوم .. الصادق
__
بعبره .. بحسره .. هالليله ابچوا لبني يا شيعه
الصادق .. الناطق .. المجهول قدره وصار تضييعه
مسموم .. مظلوم .. وهاي المسيه صار توديعه
وابنه .. بحزنه .. گلبه تگطع حین تشييعه
بگبره ینزله ومنکسر گلبه
اینادي يبويه دنيتي غربه
عمري أعيشه بغيبتك مهموم
فوگ القهر گبره صُبح مهدوم .. الصادق
____
بإسمه .. النعمه .. وكلشي بفضل خيره صُبح مغمور
لكن .. دافن .. چم جرح جمراته ابدليله اتفور
حاير .. صابر .. والدنيا كل ليله عليه اتجور
وبالسَم .. يختم .. تاليِ اسنينه يا وسف مقهور
يمضي شهيد الليله وابلحده
يشكي الظلامه ويشرح لجده
ايگله وحگك يالنبي مهضوم
فوگ القهر گبره صُبح مهدوم .. الصادق
____
روحه .. اجروحه .. يشبهني بيها وابعُظم صبره
ابظُلمه .. وهضمه .. وحگه التِضَيّع وانجهل قدره
داره .. ناره .. مثلي تراها ناره والجمره
شبت .. لهبت .. من وَجّروها والله عالزهره
مثل القهر مثل الدمع والهم
مِنِّ الحزن دلاله ما يِسلَم
چم مره بابه بالجمر مضروم !
فوگ القهر گبره صُبح مهدوم .. الصادق
____
بدمعه .. الينعه .. وينه المسيه وينصب الماتم ؟
ويبچي .. وايجي .. لابس سواده وعالصدر لاطم
يلطم .. يخدم .. وايعزي ابهالفاجعه الكاظم
بروحه .. اجروحه .. وابعين گلبه لو نِظَر دايم
يلگاني حاضر لابس اسوادي
وابلا عِمامه ومدمعي بادي
ومن يَمِّي يسمع ونة المظلوم
فوگ القهر گبره صُبح مهدوم .. الصادق
__
بحبه .. وگلبه .. ابعين البصيره بلحظةِ العبره
يسمع .. تفجع .. وَسْط المجالس ونة الزهره
تحضر .. وتفتر .. عالباچيِ وعاللي لطم صدره
واتحن .. وإتون .. من تذكرون المنگطع نحره
واتنادي يبني آه يحسيني
يا يمه ما تنشف إلك عيني
يا يمه ليش امن العذب محروم
فوگ القهر گبره صُبح مهدوم .. الصادق
__
تمت ببركات مولاي صاحب المدد أمير المؤمنين عليه السلام
#فاطمة_كريم
٢٠٢٤ م
ضجه المدينه بالخبر هذي المسيه
صادق بني طه النبي جاته المنيه
@@@
خلونه انودعه بالدمع مولانه جعفر
وفوگ النعش ننثر ورد للبدر الازهر
ماهي طبيعي موتته وبالسم اتفطر
يالله نگوم انشيعه ابهاي الرزيه
@@@
ابهاي الرزيه كل نجم ماشع ابنوره
وگلب الهدايه لفرگته باتت مكسوره
وروح الموالي للحزن صارت مأسوره
للصادق موته منطفي نجم الثريه
@@@
كل جعفري الليله ارتفع عالي نحيبه
ويواسي امه فاطمه ابهاي المصيبه
شرع الله وفقها والعلم بعده غريبه
راح اللذي لنهج الهدى رايه وهويه
@@@
شيبة محمد شيبته والوجه الازهر
وسفه على جذع النعش دلال الكوثر
ركن الهدايه لفرگته چن جده حيدر
طاح انهدم چن طيحته لطه وصيه
@@@
لما البقيع استقبله بدموع العتره
وطلعت تون ابفرگته محنيه الزهره
وظلت تون او تنتحب وتنوح ابگبره
وتنادي فگدك يالضنه يصعب عليه
@@@
ياجعفر الصادق الك هالليله جينه
نلطم ونبچي مصيبتك يالغالي اعلينه
ياراعي گبر المنهدم واضريحك وينه
گبرك بلا قبه وصحن فوگ الوطيه
@@@
علي أحمد الحمود
١-٥-٢٠٢٤
شهادة الصادق ع
ما
*امامنا الصادق ع كان يزور جده الحسين ع ويحثّ على زيارته واقامة مآتم العزاء عليه هنا يصور الشاعر قدوم مولانا الصادق لزيارة قبر الحسين ع يگله*
زاير للشهيد حسين والعبرات سيّاله
يوصل مرقده الطاهر يعفر خده برماله
يشمن تربة المظلوم ويبچي لگطعة اوصاله
ويذكر منحره الدامي ظامي منذبح جده
〰️〰️〰️〰️〰️
من يوصل الى الحضرة يسمع نايحة ببابه
كنها ام الضلع مكسور تون وتنوح لمصابه
تبچي عالنحر مگطوع والدمعات سچابه
تنادي يبني يا عطشان يالمذبوح من رِرده
〰️〰️〰️〰️〰️
يگعد يمها عالتربان وتشيل ترابه بيديها
تبچي المنذبح عطشان والونّات تبديها
تعاين صدرهِ المكسور وتنسى كل ألم بيها
تسلم عالنحر دامي المأتم تنصبه عنده
وا يلي على المذبوح عالمذبوح واويلاه²
خادمة آل محمد✍
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
#قصيدة_الرساله
•••
الصادق أيلون صورها...وتچوي دمه
كربلاء عايش عمــرها...وهــيه هـمـه
مـاتطفه الأسباب...ياجــرح الأحباب
•••
بيته نار وكل حــــرگ يوگف يتاني
أباب بيته ودمـــــعته أتاذن چـواني
الصادق أسنينه خيــــم والهم أماني
وصارت امنيته أحترگ بيته ويعاني
وركضت الطف من ذكرها...كلها حكمــــه
ونچفت روحــــــه ويلمها...ويبچي أسمه
وخجلان الأتراب...ياجرح الأحباب
•••
عاش بالطف مرتين وحــــــــيله منهد
والعبايه التحترگ سواهـــــــــــا مرقد
وركضت أبنياته هـــــيه أبروحه تشهد
جرح حاضن جــرح گلي شلون يضمد
ويارقيه أيكض أسمها...بروحه ثلمه
أيخــاف لاتوگع لزمها...الدنيه ضلمه
بوكعتها أله أصواب...ياجرح الأحباب
•••
ماأحتار أبروحه مــن يخلص حــرگها
والوجــــــع بي رايه ويرفرف صـدگها
يرسم الطـــــــــــف ويرد تلگاه شبگها
بدمعة أعيونه الـــعزيزه آشگد عشگها
ومجلسه للطف خدمها...ودمـعه نعـمه
والمواكب شد عزمهــا...وشفنه خدمه
وضل جرحه ماطاب...ياجرح الأحباب
•••
وصل ألنه شلـــون نعشگ حتى نفهم
ياحقيقه كربلـــــه البيهه الحچي أنلم
وين مـــــــــانندل عزاء أنشوفه معلم
واليدگ صدره أعله جده يشوفه سلم
واللطم ياخـــــــذ ختمها...الهيه حلمــــه
والجنه شدت كل حزمها...حسين رحمه
والدمعه بحساب.. ياجرح الأحباب
•••
مـجلس الصادق يوحـــد كلشي بينه
والشعائر سالـــــــــــفت وادم حزينه
حسين ميعوف اليحبه وتبچي عينه
والرسالـــه البيهه دمعه آشگد حنينه
والرساله أتشيل همها...وسرها كلمه
ومابرد مكتوب دمـها...خــــل نفهمه
بدر العلم غاب...ياجرح الأحباب
•••
خادم أهل البيت،،ع،،
أبوحسين السرگودي...
يعباس. يعباس. يعباس. وداعاً ياالگمر
**
يبو فاضل بدت رحلة سبينه
بچينه والنهر يبچي البچينه
رجعنه بلا شراع ولا سفينه
يبو الخوه العظيمه الما مثلها
زينب رادتك ما ترجعلها
السوالف حلوه عنك مانملها
كسرت الفاگدله غالي مايطيبها الدمع
وانه طبع الماي طبعي ابچي بس ماانسمع
اشما اديرن وجهي كترك گلبي احسن ينشلع
چن اهلال. چن اهلال. چن اهلال..
صبح خويه الضهر
**
بعدنه بعازتك ياعز خواتك
امس عباس ويانه اشحلاتك
حنين وحيل توجع ذكرياتك
وحشه الدنيا بعدك تدري هيه
خذاك الموت مني وانت إليه
مدري منين اجتني الغاضريه
وحشتك محد يسدها انت يانبض الگلب
خويه بس كلمة الوينك خلصت بيها الدرب
مو صعب لو روحي راحت لكن افراگك صعب
اسيرات ،اسيرات،اسيرات،،يودينه القدر
**
حسافه تضل يبو الغيره ورانه
تمنينه يهل شايل لوانه
العزيز يعيش ونموت بمكانه
الك برواحنه حسره شكبرها
رقيه بفرگتك ميته اعتبرها
مثل قطرت مطر نازل عمرها
والله يا عباس بعدك ابد مانهنه ونعن
الما تموتها المصيبه تموت من كثر الحزن
والهزيل علينه تصفن يابو فاضل من نحن
غريبات ،غريبات،غريبات،،تعبنه من السهر
**
اثر من رايتك باقي اعله هامي
كفيلي وهيبتي وبيرغ عمامي
يعباس اسمك محلي الأسامي
فريده خوتك ضلت فريده
يكاتب عاالنهر اجمل قصيده
يكافل شوفتك صارت بعيده
لخوتك تعجز الدنيا ماتعاود مرتين
هاذي النسميها خوه خوتك وي الحسين
الوفه بچفك كتبته وانت ما عندك ادين !!!
يوفاي ،يوفاي،يوفاي،يمن صيتك عبر
**
غرايب عيلتك صارو غرايب
وخواتك گعدوهن باالخرايب
لو عبدالله باقي يصير شايب
على ضيم اليمر بينه جزعنه
الهوى النشتمه صار بلايه معنه
الخرابه بلاسگف بيها نجمعنه
باالاهات ،باالاهات،باالاهات،،گضيناه هاالسفر
سعد العبودي
لاستشهاد الامام جعفر الصادق عليه السلام
تبعت الناس الضلال اشبيها
عافت الدين ونهج واليها
★★★★★
مبتلي بدنيا غريبه وناسها
ملل غداره عجيبه اجناسها
الجاهليه تلتهب بانفاسها
حال مؤسف حدمن ايوديها
★★★★★
شاف زمره ماتصون الابرياء
وأبد متقدر تعاليم السماء
علرعيه صبت انواع البلاء
وصابر الصادق على تاليها
★★★★★
ظلم واستبداد يملي كل كتر
وكل فقير يعيش گلبه منكسر
دولة الاسلام. بچفوف الغدر
صار ضدها الينحسب راعيها
★★★★★
للتراحم ناده مابين البشر
وترك وسط گلوبهم اطيب أثر
من الضلاله للعلم بيهم عبر
يريد للخير الخلگ يهديها
★★★★★
عانى من اهل الظلم جور ومحن
وشاف تهويل وعذابات وفتن
عاش ايامه بزمن اصعب زمن
الوادم الجاهل صفه ايدليها
★★★★★
رغم كل شر بنى الصادق دولته
وبرهن الهم ماتصح بس حكمته
وفقهه واحكامه ومعالم سيرته
والشريعه من الخلل حاميها
★★★★★
عاصر اديان وتعاليم وملل
انحرفت بلاعلم عن خير العمل
بلا اراده رادوا ابنادم يظل
وبظلام الدرب من يمشيها
★★★★★
من زمان الغيض حادي اگلوبهم
الوفه والاخلاص مو من ثوبهم
السم نهج ال الغدر واسلوبهم
مهجه بلسم. راحت الباريها
الشاعرحسن لعيبي الحريشاوي
قصيدة للزوار الذين يذهبون لزيارة السيدة زينب عليها السلام لقضاء الحوائج
يم المصايب وصلت احبابچ
تطلب حوائجها وتــدكَ بابچ
===============
ريحت اخوتچ جبنا ويانة
من ارض العراق وكلها حزنانة
لگبرچ تحن الروح ولهانة
وبلهفة جينا نقبل اعتابچ
=================
نقسم عليچ بفاطمة الزهرة
منچ علينا تلطفي بنضرة
چنها الجنان نشاهد الحضرة
خطار اجينا نعزي بمصابچ
=================
انمشي الكفيل ورايتة وجودة
چفوف التحبچ ليچ ممدودة
بجاهچ افتحي ابواب مسدودة
ومسرور يرجع دوم طلابچ
================
الشيعي عطر حسين بثيابة
بلهــفة يجيـــچ ونار لهابة
انمشي الحسين اعليچ ومصابة
تطين كلمن يگصد ترابچ
=================
بعيدة المسافة وليچ حنينة
لمينة كل اشواگنا وجينة
منچ حوائج تطلب ايدينة
سجلي الحوائج كلها بكتابچ
=================
ناخذ سلام نوصلة لخوانچ
ونسولفلهم قصة احزانچ
من المصايب ذبلت الوانچ
ومحملين انروح بعتابچ
================
اسالكم الدعاء رائد الاسدي
حضرت الزهره الزچیه
بالمصیبه الصـــــادقيه
ـــــــــــــــــــــــــــــــــــ
من تجي محنيه يوجــعها ضلعها
والوِلدها الزهره ماينشف دمــعها
تحضر الهاي المجالس من طبعها
الله يلـعــن كــلمن آذاها وفجعها
الليله دمعتهه جــــريه
بالمصیبه الصـــــادقيه
ـــــــــــــــــــــــــــــــــــ
فــاطمه جابت عمرها بالمناحه
مـاتت ومن المحن مامستراحه
ياگلبها الماشفه وتنزف جراحه
عذبوها والعُمـــر ماشاف راحه
تبچي والــــونه شجيه
بالمصیبه الصـــــادقيه
ـــــــــــــــــــــــــــــــــــ
اجت هاي الليله يـم خامس ولدها
والمدامع تحفر بأطــــــراف خـدها
بالچبد مسمــــوم ومصابه ضهدها
بغدرته المنصور چن صوب چبدها
تحملت جـــــور واذيه
بالمصیبه الصـــــادقيه
ـــــــــــــــــــــــــــــــــــ
الليله جفن الزهره مانشفت دموعه
شـافت ابعين المصاب شلون لوعه
باب ابنها الصادق احترگت جذوعه
لچن خلف الباب ماكـــسرو ضلوعه
اتكــــــــررت اول رزيه
بالمصیبه الصـــــادقيه
ـــــــــــــــــــــــــــــــــــ
من تروح الگبره تشبع ضيم چنها
تشوفه مهــــدوم ويرد ليها حزنها
امن الحزن اسود تره صاير جِفنها
ميته وتنوح الفگــــــد جعفر ابنها
انعــادت اعليهه المنيه
بالمصیبه الصـــــادقيه
ـــــــــــــــــــــــــــــــــــ
وسفه وافـــاه الاجل مولاي مسموم
جعفر الصــــادق رحل لاچنه مظلوم
لاچن اتخف خل اگولن هاي الاهموم
مو مثل جده گضه مسلوب الاهدوم
صور يوم الغـــــاضريه
بالمصیبه الصـــــادقيه
ـــــــــــــــــــــــــــــــــــ
مات ابو الكاظم وشــالوه الگرايب
مــو مثل جده البقه فوگ الترايب
حرمه مـاعنده مشت بين الاجانب
وطفله ماعنده تبات ابنص خرايب
وابد مـــــــاشفنه رقيه
بالمصیبه الصـــــادقيه
ـــــــــــــــــــــــــــــــــــ
حيدر بشار الدراجي
قريبآ أخدم الزهره
محرم گمت اشم عطره
اعلگ رايتي وهم احضر اقرايه
واتاني الاربعين وامشي مشايه
قريبآ
****
أشمن كربله ،، گمر وي قافله
رماح وسلسله وخيمات ورمال
حرگ توه ابتده ،، بخيام الصامده
بده المجلس بده وذبحوه الخيال
عطش بس ما يحب الماي
عطش صدري اللطم يمناي
كلام عيوني والله هواي
محرم من بعيد وجاي
محرم ،، دمعتي وعمري واحساسي اولائي
محرم ،، آنه العبد الحسيني الكربلائي
قريبآ اكسر اضلوعي
ويظل عاشور موضوعي
انه بكل المجالس رافع الرايه
واتاني الاربعين وامشي مشايه
قريبآ
*
يرايات وخيم ،، ونظر راح بسهم
وطفل مات انحرم والمهد تابوت
يزينب والنهر ،، وضعن ما بي گمر
يلچمات الشهر يا ضيم البيوت
وصل يم النبض عاشور
عيون الشيعه گام تفور
يتامى اعله الخيام اتدور
الحسين بكربله المنحور
اللهي ،، دعيتك تبقى حد الموت ناري
اللهي ،، على الخلوهه تركض بالبراري
قريبآ ابچي لسكينه
وادگ صدري اعله والينه
على النحر الشريف العلى مسنايه
واتاني الاربعين وامشي مشايه
قريبآ
****
سواد بكل درب ،،، دمع لحسين اصب
على الراس الترب وبچفي زنجيل
ثواب بيمنتي ،، واوزع دمعتي
خدمتك دنيتي يا روحي والحيل
مجالس كل مكان تصير
هنا الجنه اقترب لتحير
الحسين الخير كل الخير
لطم ، ذكرى، وجزع ، تطبير
احبك ،، حسين بكل نفس وبكل دقيقه
احبك ،، وهم عمري واشوفنك حقيقه
قريبا بيدي زنجيلي
واخلص باللطم ليلي
حسين ارتاح وابچي لهاي الحچايه
واتاني الاربعين وامشي مشايه
قريبآ
*
احضر موكبي ،، يخيمة زينبي
وأذل الناصبي واهتف حسينااااه
الشوارع تنملي ،، بخدم زينب علي
واگلهه ادللي وأصرخ علياااااه
نصب من العيون الزاد
هله بزوار ابو السجاد
شرف هالخدمه يلوٌفاد
تفضل والاجر ينعاد
شفاعه ،، طريق حسين للجنه مساره
شفاعه ،، ابد منضيع ما نبقى حيارى
قريبآ امشي للجنه
بتراب الزاير اتحنه
اروح الكربله وهيه الي الغايه
واتاني الاربعين وامشي مشايه
قريبآ
****
ضريح وملحمه ،، نهر ذل الضمى
لحضرتك قادمه الارواح مولاي
زياره الجامعه ،،، ودموع النافعه
بقلوب الخاشعه الحنتلك هواي
تجيك امحدبه ألولايات
تطوف بآااخ وبدمعات
حسين انته العشگ والذات
يأهدى واعظم الرايات
تعبنه ،، يروح وينتهي بشبگة ترابك
تعبنه ،، يبعد العافيه وبينه مصابك
قريبآ من يشاء النه
العظيم وندخل الجنه
حتي بجنة الله نروح عنايه
واتاني الاربعين وامشي مشايه
قريبآ
كلمات الخادم / رعد الفريجي
انتي ياهي ،، خيمه ؟ دمعه ؟ ليل ؟ نار ؟
انتي ياهي ،، عمه انتي ؟ شنهي صار ؟
راجعتلي حسين وينه
احچي يم روح الحنينه انتي ياهي
،،،،،،،،،،،،،،،،،،،،،،،،،
انتي ليل ؟ ،،،، راجع بوكت الصبح
انتي آه ،،،، بشر متغطي بجرح
صعبه هاي ،،،، عدله وبگلبچ رمح
عمه آخ ،،،، ميته گاعچ والفلح
لچمه ،، بيه ،،، من شفت محنيه عمتي
ميته ،، چنهه ،، وانه اصيح العافيه انتي
روحي ،، شنهي ،، وطن ليش شلون متي
ماكو ،، صوتچ ،، بالكلام شبيچ حرتي ؟
عدله ميته ؟،، أني ،، أسأل ،، اهلي وين
عدله ميته ؟ ،، عمه،، احچي،، والحسين
بعده ما بين علينه
احچي يم روح الحنينه انتي ياهي
،،،،،،،،،،،،،،،،،،،،،،،،،،،،،،،،،،،،،
زينب آه ،، عمه شو خالي الضعن
وين ابوي ،، والدموع اتسابگن
راح اموت ،، شو خواتي ما اجن
شنهي وين ،، شو دموعج طولن
گولي ،، عمه،، وين ابوي وكل زلمنه
موتي ،، روحي ،، لا صدگ طايح علمنه
وينچ ،، وسفه ،، بعد ما يلتم شملنه
دمعه ،، تجري ،، كلشي راح وما سلمنه
راح اموتن ،، وحدي ،، لحدي ،، بلا تراب
راح اموتن ،، عني،، راحو ،، گلبي ذاب
عمه شو ظلمه المدينه
احجي يم روح الحنينه انتي ياهي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عمه ليش ،، دمعچ يسولف خبر
شنهي صار ،، شو رجعتي بلا گمر ؟
احچي خاف ،، زعلچ ذاك النهر
انتي غيم ،، بچفچ يعيش المطر
كافل ،، وينه ،، شو رجعتي بلا حمايه
جوده ،، مايه ،، وعينه وچفوفه البدايه
دمعه ،، تخنگ ،، نزلت ابخد السبايه
كتبت ،، كلمه ،، چانت هناك النهايه
وسفه وسفه ،، جرحه ،، باقي ،، وعمري راح
وسفه وسفه ،، عايش ،، گلبي ،، وهوه طاح
ابو فاضل ما يجينه ؟
احچي يم روح الحنينه انتي ياهي
،،،،،،،،،،،،،،،،،،،،،،،،،،،،،،،،،،،،،،،،،
شو تراب ،، فوگ راسچ والعباه
والچفوف ،، أثر بيهن احچي ها ؟
وين اخوي ،، الطفل عبد الله شجاه ؟
مهده وين ،، مات ؟ ياهو الموتاه ؟
وجهه ،، گمره ،،چان بس يغفى اعله أيدي
خويه ،، وينك ،، زيدي يا دمعاتي زيدي
حيره ،، والله ،، يا سهم يذبح وريدي
تركه ،، لحظه ،، ليش ميت يا وحيدي
أمه أمه ،، ماتت ،، عاشت ،،، من تشوف
أمه امه ،، نحرة ،، دمه ،، تبچي خوف
وهيه هم سمعت ونينه ؟
احچي يم روح الحنينه انتي ياهي
،،،،،،،،،،،،،،،،،،،،،،،،،،،،،،،،،،،،،
يا طفوف ،، گلبي منچ مختنگ
وين اروح ،، ماتت الناس الصدگ
عل الفرات ،، سحگو الما ينسحگ
والخيام ،، لهسه گالو تحترگ
وانتي ،، عمتي ،،لو گبر يمشي اعله طوله
راحو ،، منچ ،، يا حچي الما بيه أگوله
عينچ ،، شافت ،،امگطعه چفوف الرجوله
الله ،، ايعينچ ،، ميت العام وفصوله
من رجعتي ،، وحدچ ، صعبه ،، بلا كفيل
من رجعتي ،، گبالچ ،، حاير ،، بس عليل
امگيد ويكتل ونينه
احچي يم روح الحنينه انتي ياهي
كلمات خادم الحسين
رعد الفريجي