7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيده طلب حاجه للأمام الرضا ع
ضامن شيعتك لو مـــرها بأجر نار
اظمن حاجــة الكاصد الك خطــار
***
ضامن شيعتك معروفـــه يا مــــولاي
واجيتك سيدي اشكي هضم دنيــــاي
اجيتك ضامي واطلب انه شربة ماي
ومايك يا أمامي مثله ابد مـــــا صار
***
عذب مايك يروي الكاصدك عطشان
واجيتك بالدمع واگـــف على البيبان
مــــا خاب الگصدلك ما يظل حيران
تجبر خاطــــــره اليگصدلك ومحتار
***
محتار الكصدلك يشكـــي مـن كسره
ويدري بحضرتك بس انــت التجبره
كسري بالگلب هاي يالرضا شكبره
طبيب العله يــــا شبل النبي المختار
***
طبيبه انت وگصدلك يشكي من علته
ويهل ادمـوع عينه ابحضرتك شفته
تعرفه لــــو حچه وتعــرفه بالسكته
لان تــــدري يبو محمد لهيب النــار
***
لهيب النــار يسعر مــــن الم دنيـاه
واتعنـه ابدمعتـه بلــــوعته وبـالآه
يحچيلك عذابـــه بس دمع عينـاه
وطبعك مـــا ترد يا سيدي الــزوار
***
الراجي نظرة مولاه الرضا
موسى البديري
أَنْعى الحبيبَ وأدمُعي مدرارُ
ليسَتْ تُوَصِّفُ رُزءَهُ الأَشعارُ.
رُفعَ الأمانُ من الدُّنا وخليلُهُ
لِلْيُتْمِ عادَ تَلُدُّهُ الأقدارُ
والبَضعةُ الزّهراءُ تَنْدُبُ روحَها
رَحلَتْ وجاسَتْ دارَها الأشرارُ.
قُمْ يا بلالُ إلى الأذانِ تَمَهُّلاً
رحلَ المَشوقُ ومدمَعٌ يَنهارُ.
فمتى ذَكرتَ محمّداً أَبْكَيْتَها
فقْداً وتدري للطُّغاةِ مَسارُ.
ثِقْلَيْهِ صاروا في مساكنِ غربةٍ
والظُّلمُ يدنو سيفُهُ الغدّارُ.
آيُ الكتابِ لناظِرَيْهِ تَشَوَّقَتْ
سِجنُ الغيابِ يَحوطُها وغُبارُ.
لا لم يُراعوا بَعدَهُ منْ حُرْمَةٍ
في عترَةٍ قدْ قُتِّلَتْ أنْوارُ.
حتّى القبورُ على الهُداةِ تَهدَّمَتْ
يَزْوينا عنْها في البَقيعِ جدارُ.
كمْ مرّةٍ طُعِنَ النّبيُّ بآلِهِ
لمْ تنجُ حتى في الفلاةِ صغارُ.
وَسهامُ أحقادٍ بنَعشِ المُجتَبى
تُرْمى ورأسٌ للحُسينِ يُدارُ.
حسنٌ سقَوهُ السُّمَّ بعدَ صِيامِهِ
مِنْ سبطِ طه أَيْنَها الأنصارُ؟!
وكَمِثْلِهِ في طوسَ منهُم مَنْ قضى
يُدعى الرِّضا، هامَتْ بِهِ الزُّوّارُ
والقائِمُ المَهديُّ ظلَّ مُغَيَّباً
لا تَعْجَبوا لِمَ لا تَرى الأنظارُ!
سارة اليتامى
#مأتم_العزاء_الشعري
#آل_ياسين
#جمعية_إبداع
~أعظم الله أجوركم ~
#شور
#بعدَ_شهادة_ابيها_وقفت_على_قبرهِ_قائلة
گلبي أعله فگدك محترگ والناس حرگت بابي
تموت بعتبْتي لو شفت بالضلع صار اصوابي
بمتني ادفع اجذوع الوكت واجفوفي فوگ احجابي
ما غزرت ملحت أمس اليوم اجو لعتابي
نكروا الخير يركضون اجوني بالحطب
شرد اگلك على الصار وشنو بيا انضرب
مو حرب هاي واجتني ركض كل العرب
ـــــــــــــــــــــــــ
شفته الضحك بجنازتك يم بابي سرفن جفه
گالوله فاطم رد وأن وبالضلع حيل اتشفه
بابي طفت بس الگلب ناره ابد ما تطفه
من غمضت عيونك شفت بويا العيون الصلفه
اول انسان تكتله أنا جلمت وأن
وبلا موعد تجيله مواعيد الحزن
بويا بچفاك ولوني وقرح دمعي الجفن
ـــــــــــــــــــــــــــ
افراگك كسر خاطر واجه الظالم كسرلي اضلاعي
يالودعت زينب ترا گرب وياها اوداعي
ناعِيتك اني من متت وريتك الليه الناعي
ساعي الدمع ليل الهجر ما وصل منك ساعي
هذا يا نوم يمرني وطفه بجفي الجمر
يوصل الليل والعيون يفز بيها الكسر
گلبي وي حايط الباب صفه نفس الفطر
ــــــــــــــــــــــــــــــ
عاده يبويا بالعرب لو نار شافت تفزع
حتى النسه تحشم الزلم والديره لا ما تهجع
ليش بوكت ذاك الحرگ ما رضى واحد يطلع
الميت سمع صوت الضلع معقوله محد يسمع
حتى من راحت النار ولا واحد اجه
وجنت اسمع يگولون ابنها ما نجه
وكتب دخاني بسماي الرجه يهل الدرجه
.
ـــــــــــــــــــــــــ
بجف واحد ادعي يالابو وادموعي تاكل خدي
ما اشتكي گبال الأهل بالحجره اونن وحدي
گد ما يعت گلبي الالم والدمع فطر خدي
يصير النهار اظلم عليّ والموت يحضر عندي
روحي تتوازه عالموت ويمر بالي خبر
انت گتلي تموتين واجي بقرب سفر
شوكت امضيله لگبري وعلي يسد النظر
عبدالله الشويلي الشويلي
#جديد
في ختام شهري محرم وصفر
و #شكر المولى أبا عبدالله #الحسين عليه السلام
#فائزي
يا بو علي ممنون إلك حد المنيه
تارس اديني بخيرك وعطفك عليه
اسأل من الله دمعتي تبگه جريه
دايم على امصابك ينور العين يحسين
ممنون إلك وبدمعتي شهرك أودعه
وأسأل من الله دوم لجلك أبگه أنعه
وبين المجالس والحرم خليني أسعه
كل أمنية عمري أظل يم الضريحين
يا بو علي لك هالعمر يحسين منذور
مو فقط شهرين بحزن كل عمري عاشور
هالليله أودعك واسألك ابنحرك المنحور
كل يوم خلني ابخدمتك وابدمعة العين
__
#فاطمة_كريم
٢٠٢٤ م
▪️آنا الفاگده▪️
لاستشهاد الرسول الاعظم صلى الله عليه وآله
وزن التجليبه
مسموم النبي والروح خلصانه
واعيون الزجيه اعليه عميانه
——-
شايل هالمسيه النبي وادعنه
وافراگه ورحيله حيل فاجعنه
هيض كل الم والله ومواجعنه
وهالليله الهواشم كلها حزنانه
——-
سور الهاشميه وكل ضوه اعيوني
شايل هلمسيه ومنّه حرموني
وإشلون الونين أبطله يردوني
وآنا الفاگده كل نوري وإضوانه
——
يالشايل عزيزي اوياه اخذ روحي
امن الونه احرموني ومن بعد نوحي
ايعذبني مكانه ويلجم اجروحي
وامصابه فتح لمْصابي بيبانه
——-
ريض ياعلي وادفني وي لحده
وحطه بالقبر خدي على خده
عشرتنه گضت جن ماي واتبده
روحي من مشى وتدريها لهفانه
———
مابيّه صبر لاتاخذه عني
تدري امعوده ابحضينه ايلمني
هيبة فاطمه وابگبره ادفني
لاهيبه التظل لاعهد ويانه
———
✍️ #بنت_الشمري
٢٠٢٤
موشح للنبي صلى الله عليه وآله و سلم
شلون حالك يا إمامي المنتظر
مصاب جدك من رحل خير البشر
للنبي المختار حالك يا وضع
لفكده و مصابه تهلّ شكد ادمع
وصوت لونين بدليلك مرتفع
بهالرزيه و الگلب بيه القهر
غايب و تذكر مصابه و الألم
ومن عدوه شكد اذيه شكد ظلم
عانه لجل الدين طه و بس نقم
تذكره من غايته دينه انتصر
يا إمامي و هالمصيبه بس حزن
يوم غاب المصطفى لجله نون
الكون لجله و بس حداد المنعلن
عالخلايق هالأمر حين انظهر
غاب عن هاي الخلق سيد الرسل
ومن اجاها الموت و بيوم الاجل
تذكر اشحال الزجيه بهالفعل
من تودع المصطفى باخر عمر
تذكر المختار جدك يا إمام
من تضده كل اميه اهل اللئام
وكل قريش الخاينه حتى بكلام
ما تنفذ كل كلامه و بس غدر
المهدي و شلون اصبرت وبدفنته
ظل وحيد المصطفه من امته
بس علي و أنصاره هي الحضرته
وناس تتطلب للخلافه بهالأمر
بدفنته المختار تذكر و الجره
يمه باقي يدفنه بس حيدره
و صحبته اوي الناس كلها غادره
بينت كل النفوس و كل فكر
يا ابو صالح حزين اعله البتول
من ابوها مرتحل اخر رسول
ومن عدوها اعله النبي ضد الأصول
منه شر وشكد خيانه و الخطر
هالمصيبه الي مثلها ما نجد
من توفه المصطفى حين انفكد
بس حزن عند المحب وبهالبُعد
ودمعته فوك الوجن بس تنهمر
سيدي يالمنتظر تصبر عجيب
عالرسول المصطفى الهادي الحبيب
هم حزن عندك امامي شكد نحيب
بغيبتك لجل النبي كل الذكر
١٠:٠٨م
مهيمن يوسف الموسوي
٢٩ صفر الأغر ١٤٤٦هـ
٢٠٢٤/٩/٣م يوم الثلاثاء ١٠:٠٨م
#في_الخدمة_المقدسة
#شهادة_الامام_المجتبى
(على لحن حسين يا وارث ضلع الزهرا)
حسين، يا نورَ عيونِ الحسنِ
اَلحسنُ أتى يسعى نحو حسينِ
زائرَه أمسى بينَ الحرمينِ
سلّم وأسالَ دموعًا بالعينِ
أتاهْ، جسدًا من دونَ الرأسِ
فقالْ، أفديكَ حسينُ بنفسي
أتاهْ، يبكي فالجسمُ ذبيحُ
فقالْ، بكَ قلبي اليومَ جريحُ
حسين، يا نورَ عيونِ الحسنِ
ناداهُ أتيتكَ من أرضِ بقيعي
من قبرٍ فيهِ أطفأتَ شموعي
ما زارَهُ يا روحي يومًا شيعي!
هناك، حجرٌ دلَّ على قبري
هنا، ينشرحُ بصحنِكَ صدري
هناك، رملٌ وغبارُ الصّحرا
هنا، جاورتَ حسينُ البدرا
حسين، يا نورَ عيونِ الحسنِ
بالعينِ أرى زوارًا لكَ تسعى
لمصابكَ مذبوحي تُجري الدّمعة
تأتيكَ مواكبَ وقوافلَ جَمعا
هناك، ما زارَ ضريحي أحدُ
هنا، لكَ بملايينَ قصدوا
هناك، وحدهُ واساني الطائرْ
هنا، لا أحصي كم من زائر!
حسين، يا نورَ عيونِ الحسنِ
#زينب_فياض
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
ياعلي ابن موسى الرضاء//ياابوالمجالس
ياعلي ابن موسئ الرضاء//مالك منافس
خط الشعائر قائم //حتئ ظهور القائم
ياعلي ابن موسئ الرضاء
🏴🏴🏴🏴🏴🏴🏴🏴🏴🏴🏴
انه اعتقادي بمجلسك يختلف عن كل الناس
خاف انه شادود اللطم شادودك انته العباس
الله يساعد سيدي گلبك المتروس احساس
بس ينذكر طاري الخيم تبجي وتدگ اعله الراس
مولاي گلبك هايم //حتئ ظهور القائم
ياعلي ابن موسئ الرضاء
🏴🏴🏴🏴🏴🏴🏴🏴🏴🏴🏴
مولاي علمني العشگ واشلون اصيرن هايم
خليني اموتن بالعزه واغنيني عن الوادم
دليني مولاي الدرب رايد اصيرن خادم
شتله انزرع كون بعزه واسمع محرم قادم
واسمعها تبجي الوادم//حتئ ظهور القائم
ياعلي ابن موسئ الرضاء
🏴🏴🏴🏴🏴🏴🏴🏴🏴🏴🏴
مولاي من تسمع نعي ليش يتغير حالك
وينغمي اعليك امن البجي من الخدم تنعالك
اتمنه ساعتها اعرفت شنهو اليدور ابالك
من تسمع الناعي نعه وعينك تصد لعيالك
تذكر عقيلة هاشم//حتئ ظهور القائم
ياعلي ابن موسئ الرضاء
🏴🏴🏴🏴🏴🏴🏴🏴🏴🏴🏴
شنهو التشوفه لوردت بالعزه تغمض اعيونك
يمكن شفت نار الخيم منها وتغير لونك
الناس من تنظر الك ماگدرو يعرفونك
ميت عدل من الجزع ماعرفو يميزونك
وبحالك الله العالم//حتئ ظهور القائم
ياعلي ابن موسئ الرضاء
🏴🏴🏴🏴🏴🏴🏴🏴🏴🏴🏴
انته اليزورك سيدي مگظيه اله اتلث حاجات
يعني مثل جدك علي تحضر تحل الشدات
بس شغله من عندك ردت مارايد اتلث شغلات
للمهدي تعجيل الفرج يمته ونشوف الرايات
مايشفه گلب الخادم//حتئ ظهور القائم
ياعلي ابن موسئ الرضاء
🏴🏴🏴🏴🏴🏴🏴🏴🏴🏴🏴
✍️احمد علي البغدادي
🔻استشهاد الرسول الأعظم
محمد صل الله عليه وآل وسلم
الزهراء عليها السلام
ظلم 💔
ـــــــــــــــــ ❁ ❁ ❁ ــــــــــــــــــ
ظلم .. بعدك يبويه بكل حقد داري يحركون
ظلم .. ما تطفه ناري بغيبتك وتصب العيون
واطفيها ناري بدمعتي
واشكيلك انه بحسرتي
بعـدك شفت يا خيمتي
ظلم ..
ـــــــــــــــــ ❁ ❁ ❁ ــــــــــــــــــ
يابويه فگدك من رحت شمسوي بيه
مـن غمضت عيـنك تـره دارو عليه
بابي احترگ والنار اجت حرگة اديه
ما رف ابـد الهـم گلب وگالـو خطيه
حچي.. يابويه شحجيلك بعد بعيوني دمعي
حچي.. حرمه ويتيمه بلا ابو وما اكدر ادعي
ريتـك تشـاهـد حالـتي
واشكيلك انه بحسرتي
بعـدك شـفت يا خـمتي
ظلم ..
ـــــــــــــــــ ❁ ❁ ❁ ــــــــــــــــــ
لمـن وگع مـني الطفل وبخـدي سطره
ماعايـش ايامه وخـلص بالعتـبه عمره
كلما يجي ابالي اختنگ تخنگني عبره
ذبلنـي يـابويه الـوكت عايـفـني زهـره
متت.. ذبـلانه ابقـه بروحتك ظل عودي محني
متت..يابويه اجوني بكل حقد كسرولي غصني
بفگدك متـت ياشجرتي
واشكيلك انه بحسرتي
بعدك شفت يا خيمتي
ظلم ..
ـــــــــــــــــ ❁ ❁ ❁ ــــــــــــــــــ
يالكاسر جناح الگلب كسـره شيضمده
ذابحني يـا بويه البعد چـي ماكو رده
مجبـوره ظـميـت الدمـع عـالخـد تبده
مثل الحمامه بچف طفل ما منه شرده
خنگ.. بجفـوفه يكسرلي ضـلع لمن خنگني
خنگ.. خلاني اطيحن عالارض لمن سطرني
انه طحت مـن سطرتي
واشكيلك انه بحسرتي
بعدك شفـت يا خيمتي
ظلم ..
ـــــــــــــــــ ❁ ❁ ❁ ــــــــــــــــــ
هم شايف بنية نبـي وكسـرو ضلعها
وتنـادي يافـضه بقهـر مـحد سمـعها
معقوله ما كسرة كلب جف الصفعها
مقهوره ويظل عالوجن ينزل دمعها
تهل .. دمعاتي مـن بعـدك نهر مايهده يجري
تهل .. يابويه بس نوح ودمع خلصته عمري
ودموعي حفرت وجنتي
واشكيـلك انـه بحسرتي
بعـدك شفـت يا خيمتي
ظلم ..
ـــــــــــــــــ ❁ ❁ ❁ ــــــــــــــــــ
ابشع جريـمه تسجلت يوكع جنيني
كلـما امـر بالباب احس يكثر ونيني
ما اريد اشوفن عتبته اعميها عيني
يابويه ردتك بالحلم اغـفه وتجيني
حلم .. يالشوفتك صارت حلم اغفه واشوفك
حلم .. يا ريته ما يخلص ابد ما اريد اعوفـك
ما اريد افز مـن نومتي
واشكيلك انه بحسرتي
بعدك شفـت يا خيمتي
ظلم..
ـــــــــــــــــ ❁ ❁ ❁ ــــــــــــــــــ
خلينـي اشمك ياهـوه واترسها ريتي
يا نسمه مـن صوب الكبر لمن اجيتي
حملتي ريحة والـدي وبيـها اعتنيتي
يا نسمه بنفاسي اختنگ لمن مشيتي
هوه .. ما اريد اشم نسمة هوه ما بيها عطرك
هوه .. لمـن يجي ردته يمـر بويه اعلـه كـبرك
عطرك اريـده بشهگتي
واشكيلك انه بحسرتي
بعدك شـفت يا خيمتي
ظلم..
ـــــــــــــــــ ❁ ❁ ❁ ــــــــــــــــــ
🖊️كلمات
عباس فاضل الشمري
🔻أستشهاد الرسول الاعظم
محمد صلى الله عليه وآل وسلم
حقد الاصحاب 💔
ـــــــــــــــــ ❁ ❁ ❁ ــــــــــــــــــ
مــات النبي وشبگو علي وهجمو عليه
الدين انفجع كسرو ضلع بنته الزچيه
بويه الاصحاب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
من رحل سيــــد البريه البتول تنـــادي
هجمو اصحابه عليــه وارعبـــو اولادي
همه يدروني الزچيه ويعرفون امجادي
ريت اخذتني المنيه بعد ابوي الهــادي
صرخه اعتاب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
بعد گبرك يانبينه ما نشف تربانــــــه
الوصي حيدر علينه چتفو ذرعانــــه
بعدك بوليه نولينه ريتك انته ويانــه
وشاهد بعينك سبينه والظلم عنوانه
بحقد الاجناب ... كسرو الباب
يامحمد ..... يامحمد
ـــــــــــــــــ ❁ ❁ ❁ ــــــــــــــــــ
انته اكملت الرساله وبلغت امر القدير
اصبح الدين بكماله ونصبت حيدر امير
وربك انطاك الكفاله بكل يتيم وبالفقير
خالفو رب الجلاله ولا يحاسبهم ضمير
والعدل غاب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
فگدت الامـه نبيها فوگه ينذب التراب
هـو سيدها وتقيها قائـد بأسمه يهــــاب
مورجل هذاشبيها يهتك الحرمه حجاب
ولسطر خد ام ابيها ربك انطاه العقاب
وضلعي الانصاب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
بالحشر باچر نشوفه مدنگ الراس وذليل
غـدا والشاهد چـفوفه تذكر الفعل الرذيل
عندي حگ ومااعوفه يحكم الباري الجليل
الجرج باچر يروفه ويظهر الحق والدليل
وتظهر اسباب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
والجزاء يكون قاسي النار محتاجه حطب
اتحملت انـه المأسي شاهـدة سب وضرب
بالحشر باچـر يناسي يگـرب الاسمه محب
والعشگ عـنده قياسي ماتـرك هذا الدرب
يبچي لمصاب ... كسرو الباب
يامحمد ..... يامحمد
ـــــــــــــــــ ❁ ❁ ❁ ــــــــــــــــــ
🖊️كلمات
عباس فاضل الشمري
لا مواكب لا خدم ...لا عزيه بالحرم
ولا سمعنه الناعي ينعه..يا رسول الله يا رسول الله
ــــــــــــــــــــــــــــــــــــــــــــــــــــــــــــــــــــــــــ
ماكو مشايه اعله دربك..وانته حتى الباري حبك..گبرك اصبح بيته
الكون مالابس سواده..عليك ما اعلن حداده..ما عرف تاليته
وسفه لا ماكو مجالس..ماكو جون وماكو عابس..اهناك ضايع صيته
ماكو رادود القرالك..لا خطيب الينعى حالك..ريته يمنه ريته
ننصب بسامع سمه....والخدم متخدمه
واحمد الوائلي ينعى..يا رسول الله
ــــــــــــــــــــــــــــــــــــــــــــــــــــــــــــــــــــــــــ
كون يمنه الكعبه صارت..لا فلا يوم استجارت..من الصنم و افعاله
يمهه ما تكفي المآتم..بالعرش جبريل خادم..والعلي اوحاله
ما تلمنه الگاع كلهه..كربله اتخفف حملهه..و الخدم هنياله
والاذان ايگول حيدر..كل عمل من دونه منكر..و الولايه بجاله
والارض ترجع فدك....بيهه خدام الملك
و نستمع حمزه ينادي...يا رسول الله
ــــــــــــــــــــــــــــــــــــــــــــــــــــــــــــــــــــــــــ
نعلي رايات و مناير..واليوز نگله حاضرانحقق احنه احلامنه
نفرش الروح النبينه..و اليجي يسحك علينه..تراب تحت اجدامه
انسبل ادمانه لحضرته..و الگصد يا كبر بخته..رافعين الهامه
بالصلاه نذكره و اله..و نكسر خشوم الضلاله..هذا دين اسلامه
انلبس الكعبه ذهب....انشوف الدنيه العجب
و كاظم المنظور يكتب....يا رسول الله
ــــــــــــــــــــــــــــــــــــــــــــــــــــــــــــــــــــــــــ
نستمع صوت المنابر..تبچي دم ليهه المحاجر..كل محب يصغيله
هذا قرآن القداسه..بالارض ثابت اساسه..كل نغم ترتيله
يذكر المسموم و اهله..وناضر المهدي يكحله..و الدمع يوميله
و ستمع نبرة مناحه..ونه و اهات و نياحه..و بالفرج ندعيله
ونحمد الله اعله النعم....و العطايه و الكرم
وصوت باسم بيهه يصدح....يا رسول الله
الحمد لله والشكر
في ذكرى استشهاد الرسول (ص)
واويلي على الهادي
&&&&&
فاطم صارت اتنادي
دمعي اعله الأبو زادي
وَنِّ المرتضى بادي
جدكم راح يولادي
دفنَوا بالثرى افَّادي
يصرخ كل گلب صادي
راح اليوم أعز حادي
ضج اليوم كل وادي
&&&&&
إبراهيم الدريس
في ذكرى استشهاد النبي الأكرم (ص)
يالمختار يالمختار .. حاشه جرحك ننساه
&&&&&
عالوعد جينه إلك .. حاشه ننسه مقتلك
إنته جرحك بينه عايش .. او عالصدر نلطم إلك
تنحب الليله السمه .. و الأرض هم لاطمه
كِل شِي يبجي اعليك والله .. او واسه بنتك فاطمه
كل سنه انقيم العزاء .. او يرتفع صوت البكاء
إحنه ما ننساك حاشه .. يا ختام الأنبياء
ليل انهار ليل انهار .. هذا فكدك ننعاه
&&&&&
إنته يا أكرم نبي .. سابي هالوادم سبي
لو بدينه من نزورك .. جان نحبي لك حبي
الليله مفجوع الوحي .. و العدو خل يستِحي
هالبجي و اللطم لجلك .. إستحاله ينمحي
رحمةَ الله انته او هوه .. لحظه وحده ما غِوه
لوله شخصك كِل شِي ماكو .. او جان مَعْرَفْنه الضوه
او هالأقمار او هالأقمار .. ضيها جا ما شفناه
&&&&&
إحنه من دونك عَدَم .. نصحه و انَّام ابوَهَم
امن الحياه مَنْرِيد كل شِي .. بس تِعِدْنه امن الخَدَم
ايسلِّم اعليك العرِش .. إسمك ابساكه نَقِش
فدوه لا تنساني فدوه .. من يخلوني ابنَعِش
يمك اتدَنْكِـ الرِّسِل .. ياللي ما مثلك مِثِل
لوله إنته يا نبينه .. إلفَضِل شنهو الفَضِل ؟!
جالأنهار جالأنهار .. إلفضايل واللــــــــــه
&&&&&
عَلِّمانه اعله الهظُم .. امصابك الدكـ بالعظُم
ابلا لطمنه اعليك كلي .. شنهي قيمةْ هاللطُم
كلنه فدوه الـ بسمتك .. الشمس عدنه كبِّتك
خَضِّرَت لكلوب هيه .. ياللي خضره اعمامتك
إنته حاشه ما مِتِت .. جَوَّه كل نبضه عِشِت
كعبةِ العشاكـ ذاتك .. او بيك بس آنه طِفِت
بالأعبار بالأعبار .. كبرك احنه طِفْناه
&&&&&
عيسى بحروفك قَرَه .. يا فَخَر للمفخره
و أحيى لموات ابيمينه .. او لبرَص او لكمهْ بَرَه
عَلَّمِتْنه اعله العُلا .. و المجد و المرجله
إسمك اعله الساني يبكه .. سيدي ما أجمله
إنته لمحلِّي العُمُر .. بيك طه نفتخُر
اعليك دوم انصلي احنه .. من ذِكِر إسمك يمُر
نور او نار نور او نار .. حُبك انته اِعْرَفْناه
&&&&&
امنجِّي موسى امن البَحَر .. و ابن مَتَّه امن الخَطَر
تحضر ابكل شده انته .. ابحيره متعوف البَشَر
الكون كله بسِّ الك .. ابخدمتك كل المَلَك
لجلك او خاطر مَحَبْتك .. يسري بس هذا الفَلَك
هوه ربك طهَّرك .. بـ أحلى صوره صوَّرك
آنه من يعطش دِليلي .. فقط يروه ابكوثرك
بيك احتار بيك احتار .. إلوجود او معناه
&&&&&
خادم الرسول (ص) : إبراهيم الدريس
في ذكرى استشهاد النبي الأكرم (ص)
يالمختار .. كل جفن .. دمعه ايسيل
يالمختار .. نندبك .. وي جبريل
&&&&&
رحيلك .. كل قلم يا سيدي يعجز يِوَصْفه
رحيلك .. بَحَر من أحزان بس من دون مَرْفه
رحيلك .. هوه لو لحظه يصد شالسوَّه خلفه
رحيلك .. جان نصفه ينذهل و اينوح نصفه
يالمختار .. فركتك .. حسره او ويل
يالمختار .. نندبك .. وي جبريل
&&&&&
إجينه .. يا حبيب الباري إنته او يا نبيه
إجينه .. المجلسك و الدمعه عالوجنه جريه
إجينه .. (و امحمداه) هتفنه ابكل عزيه
إجينه .. بالدموع انواسي يا طه الزجيه
يالمختار .. يبجي لك .. ميكائيل
يالمختار .. نندبك .. وي جبريل
&&&&&
مُحمَّد .. من غبت تصرخ صفت بالعين عبره
مُحمَّد .. يا نبينه ابكل كلب مشبوبه جمره
مُحمَّد .. فركتك نبجيها صرنه حسره حسره
مُحمَّد .. إلحياةِ ابغير وجهك والله مُرَّه
يالمختار .. فَطَّرِت .. كلب الليل
يالمختار .. نندبك .. وي جبريل
&&&&&
يخيمه .. بعدك الزهره تصير اهيه يتيمه
يخيمه .. اخلاف عينك إلها لا ما تبكه خيمه
يخيمه .. ورده هيه او هذا بُعدك عدها هيمه
يخيمه .. إلفرح تنساه او تترقَّب جريمه
يالمختار .. فاطمه .. عنها اتشيل
يالمختار .. نندبك .. وي جبريل
&&&&&
مكانك .. بنتك الزهره تصيحن بويه خالي
مكانك .. حاشه ميسدَّه أحد بعدك يغالي
مكانك .. آنه كلما أنظره ادموعي تلالي
مكانك .. او ذكرياتك لوِّعت كل لحظه بالي
يالمختار .. ظل يونِّ .. التهليل
يالمختار .. نندبك .. وي جبريل
&&&&&
عَلِينه .. الليله لجروحك صبح دمعه يسيله
عَلِينه .. او كام ايواسي ابحسرته البضعه الجليله
عَلِينه .. اشلون ما أدري كِدَر يدفن خليله
عَلِينه .. بعد أبو الزهره صفه مهدوم حيله
يالمختار .. بالحزن .. صار ايميل
يالمختار .. نندبك .. وي جبريل
&&&&&
خادم الرسول (ص) : إبراهيم الدريس
قصيدة في شهادة الإمام الرضا عليه السلام ،،،
ـــــــــــــــــــــــــــــــــــــــــــــــــــــــــــــــ
عُمرَك كِلّه اجروح يالجَدّك مَذبوح
وِحنَه بهذا اليوم نِندِب يا مَسموم
وبِالآهات انّوح
ـــــــــــــــــــــــــــــــــــــــــــــــــــــــــــــــ
يالعِفِت دارَك والوَطَن
يَالبيك إفتَرّت دِنياك
يابِن موسَى وِتعذّبِت
ولِلغُربَة أبعَد ظعنَاك
يَم جَدّك روحَك باقية
وبَس الجَسَد رَاح اوياك
تِتنَفّس بحَسرَة وألَم
ودَمعِ الوِسافة ابعيناك
طَالِع بالآهات وبضلوعَك وَنّات
يالگلبَك مَالوم نِندِب يا مَسموم
وبالآهَات انّوح
ـــــــــــــــــــــــــــــــــــــــــــــــــــــــــــــــ
نَهجَك نَهَج طه النبي
وبِلسانَه إنتَه الناطِق
قِبلَة علوم ومَعرِفَة
إلهَة البَشَر تِتسابَق
عَزمَك عَزِم حَيدر علي
والحگ ويّاك إترافَق
حتّى بسكوتَك مَنقَبة
وَيّه العَدِل تِتوافَق
ماشي بَدربِ حسين يا العُمرَك للدّين
يا ثامِن مظلوم نِندِب يا مَسموم
وبالآهَات انّوح
ـــــــــــــــــــــــــــــــــــــــــــــــــــــــــــــــ
چِنتِ بزَمان اللّارشيد
تِنظُر مواجِع والدَك
وچَان الصّبُر إلكُم رَفيق
وبَسّ الإله ايسانِدَك
چَم لوعَة شِفِت يالرّضا
وچَم سِم جِرَعتَه الوَحّدَك
يالغُربِتَك ما تِنحِمِل
وغَدُر ومَكُر مِن حاقِدَك
صَبرَك والإصرار أرعَب هالأشرار
مِن حَقّك مَحروم نِندِب يا مَسموم
وبالآهَات انّوح
ـــــــــــــــــــــــــــــــــــــــــــــــــــــــــــــــ
إنتَه الوَفي وإنتَه الرّضِي
يا سيدي يالسلطان
إنتَه الزّكي وإنتَه العَلَم
وإنتَه النّبع لِلعِرفان
قُرّة عَين اللّي يِنظُرَك
بعِلمَك تِشهَد إنسِ وجَان
وإنتَه السّراج ابطَلّتَك
لِلحَق چِلِمتَك بُرهان
وفَنّدتِ الإلحاد يا رَاعي الأمجاد
صوت الحق مَعلوم نِندِب يا مَسموم
وبالآهَات انّوح
ـــــــــــــــــــــــــــــــــــــــــــــــــــــــــــــــ
يالقارَعِت أهلِ الجَهَل
والبِدَع والشبهات
سِيفَك علوم المصطفى
ما تِنطِق بس بالآيات
ودَارك مَحطّات الوَحِي
وتِتسَهّل بِيهَة الصعبات
وإنتَه الضامن يَبنِ الكاظِم
تِنتَظرَك حِيرَة ومَأساة
وكِل هذا المضمون ما يِرضِي المأمون
ظَل بَحقادَه ايحوم نِندِب يا مَسموم
وبالآهَات انّوح
ـــــــــــــــــــــــــــــــــــــــــــــــــــــــــــــــ
صَدرِ البُغُض ما يِحتِمِل
وچَفّ التجاسُر لاحَك
والدّين بانَت ثَلمِتَه
لَمّن خِفَت مِصباحَك
ونَار السموم الحاقِدة
تِثلِج صَدُر ذَبّاحَك
نَاحَت مَلائِكةِ السّمَة
وما ظَل حَجَر ما ناحَك
وعَرشَ الله اليِنعاك يا گلب اليِنساك
يالچَبدك مَثلوم نِندِب يا مَسموم
وبالآهَات انّوح
ـــــــــــــــــــــــــــــــــــــــــــــــــــــــــــــــ
نِذكُر مُصابَك سَيدي
ورَغمِ البُعُد والغُربَة
نوصَل ضَريحَك يَالرّضا
ونِذرِف دَمِع بالعِتبَة
ونِعقِد مَآتِم لِلحِزِن
وشِعرِ المُصيبَة ٱنكِتبَه
وجَمرَة حِزِنهَة شِيعِتَك
بوَسطِ الگلُب مِلتَهبَة
بالحَسرَة وبالآه تِصرَخ وَا وَيلاه
أمرَ الله ومَحتوم نِندِب يا مَسموم
وبالآهَات انّوح
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي .
▪️إلمن ادموعج▪️
في الهجوم على دار الزهراء عليها السلام
المن ادموعج تصب يالزهره
لوالدج لو هضمتج عالسطره
——-
المن المن يم حسن هذا الونين
ليش ليل انهار ون مَتْبطلين
اگلوبنه يافاطمه لا اتلوعين
المن اعيونج تهل العبره
——-
باب دارج باب دار الهادي
ايوصي بي طه اشكثر واينادي
بعد عينه اشصار لج وشسادي
نار بأعتابج لمن مستعره
———
ليش دارج غصب رادوابدخلون
لذتي خلف الباب المن يدفعون
بيج يالزهره ليش وايعصرون
والجنين ايروح من هالعصره
——-
توه طه توه غمض هالجفن
توها هاي الروح لغيابه تون
ابغيبته اتفتّحت ابواب الحزن
واكملت بضلوعج المتكسره
———
جيش المن حاصر اديار البتول
وحيدره ملتهي ايْجَهٌز الرسول
وحده حزن الهادي اعليها يطول
فوگ حزنه املوّعه بالحسره
——-
✍️ #بنت_الشمري
٢٠٢٤
#شكر الإمام الحسين عليه السلام على توفيقات الخدمة وإقامة المجالس وحضورها ..
#بحر_طويل
.
اكْتبِتْنه بمجلسك يَحسين .. ننوحك سيدي هالعام
نون لمصرعك مولاي .. ونذكر كربله والشام
ونذكر زينب وهمها .. الشافت أصعب الآلام
كله ابفضلك وخيرك .. يا بو اليمه يوميه
على الدمعه وعلى الونه .. إلك يالوالي ممنونين
اكْتبِتْنه بدفترك هالعام .. نِوِن إعليك مفجوعين
وبعد نطلب يبو اليمه .. توفقنه في هالشهرين
ونجيك لكربله زوار .. نحيي الأربعينيه
ممنونين إلك مولاي .. يَمغطينه بالنعمه
شكراً لآخر الأنفاس .. على الخدمه وعلى اللطمه
على گعدتنه بالمجلس .. وعلى ذكرك يبو اليمه
نبچي وندري تحضرنه .. وتجينه الزهره محنيه
_
#فاطمة_كريم
#جديد
في ختام شهري محرم وصفر
و #شكر المولى أبا عبدالله الحسين عليه السلام
طور : خطار اجاني ؛ أو مرت سنه ونص
.
.
بين المواكب وي حُسينتيك
خليني أعيش ابعطف حنيتك
بدمعاتي أوّدع موسم الخدمه
منك لَتحرمني يبو اليمه
__
ابروحي .. اجروحي .. هالليله أوّدع سيدي شهرك
وأدعي .. بدمعي .. كل عام أبچي وألطم لنحرك
وأنعه .. وأسعه .. بشوگ الليالي ولهفتي لگبرك
وأبچي .. واحچي .. اشما بيه يمك وابچي لصبرك
وأدعيك في كل عام ترزقني
خدمه وزياره إلها توفقني
وما انسلب توفيق هالنعمه
منك لَتحرمني يبو اليمه
____
الخدمه .. نعمه .. ما تنحصي هالنعمه يَحسيني
خادم .. ودايم .. للخدم خادم بس تِخليني
وأگصد .. وأگعد .. بالمجلس وخلها تهل عيني
وأمك .. ابهمك .. بدمعي اواسيها مع اونيني
اباب المآتم تگعد أدريها
وفقني يحسيني اواسيها
وأرجع أنوح لگلبك وسهمه
منك لَتحرمني يبو اليمه
____
ادري .. امگصر .. واعله گُصوري أعتذر يَحسين
يا ريت .. من دم .. كُون اعله جرحك تجري هاي العين
خدام .. كل عام .. نرجع نگول ابحگك امگصرین
مذبوح .. مجروح .. وكل دمعه ما تُوفيك آيحسين
ترضى علينه الزهره نتمنه
وابكل سنه لمأتمك نتعنه
وما ننحرم هالدمعه واللطمه
منك لَتحرمني يبو اليمه
____
ممنون .. يحسين .. شكراً جبتني لمرقدك زاير
وأدري .. شكري .. ما يُوفي وأدري هالشكر قاصر
بگُبْتك .. بصحنك .. ليّه اجْبَرِت يا سيدي الخاطر
لفضلك .. لعطفك .. راح أبگه كل هذا العمر شاكر
بعينك نظرت لغُربتي ووضعي
وگرّيت عيني وامْسَحِتْ دمعي
وأحچیلك آخر سَالِفه وكلمه
(( منك لَتحرمني يبو اليمه ))
_
تمت ببركات مولاي الحسين عليه السلام
#فاطمة_كريم
۲۰۲٤ م
#جديد
في ختام شهري محرم وصفر
و #شكر المولى أبا عبدالله #الحسين عليه السلام
طور : يا بويه يا بويه + عدة أطوار أخرى في النعي واللطم
.
.
يــا والي النعمـه
شكراً على الخدمه
شكراً على أفضالك
عالدمعه واللطمه
للخادم إنته أهله
بيك الوگت يحله
وابصفر وي عاشور
خير العمر كله
نختم شهر حزنك
ابآهاتك وونــــك
وندعي إله الكون
ما ننحــرم منــك
ابدمعة وداع ونوح
انودع مُحرمنه
ولخدمتك مولاي
اترجعنه نتمنه
شكراً يبو اليمه
شكراً على النعمه
شكراً على النظره
وتوفيقي بالخدمه
يا دائم ابخيرك
مالي ترى غيرك
خليني دوم اوياك
عايش ابتدبيرك
____
#فاطمة_كريم
٢٠٢٤ م
جريمة الهجوم على دار الزهراء عليها السلام ..
كأني بمولاتي زينب عليها السلام ...
ترفه والبسمار متعدي بصدرها
طاحت وشفت الجمر يلهب حدرها
اسمعت ضلع امي انكسر
عاينت خدها انسطر
صحت يمه
صحت يمه
.. .. ..
.. .. ..
دفعو الباب اعله صدر امي وتهشم
ونت ولونينهه گلبي تالم
من صدرها باقي بالحايط اثر دم
ماتشم امي الهوى دخان تشتم
شگد ثگيله الباب واندفعت عليهه
جابت النار وجمرهه كلهه ليهه
وين مااباوع خطر
عاينت خدها انسطر
صحت يمه
صحت يمه
.. .. ..
.. .. ..
عمر هوه اللي كسر ضلع امي بيده
غيره ماعنده ولاقطره بوريده
صار زلمه ونفّذ وسوّه اليريده
بالوصيه مچتف يعرف الصميده
هجمو بنار وحطب هوه وزمرته
سبب موت امي وخطيتهه برگينه
المجرم القاتل عمر
عاينت خدها انسطر
صحت يمه
صحت يمه
.. .. ..
.. .. ..
اعله علي وولاده گلهم حرگو الدار
فاطمة گلوله بيهه واضرم النار
( وان ) گلهم مايهمني شصار ماصار
للحشر ماينغسل ياظالم العار
ايدك تمدهه اعله حرمه بكل صلافه
بت رسول الله الضحيه ياحسافه
محد لچفك بتر
عاينت خدها انسطر
صحت يمه
صحت يمه
.. .. ..
.. .. ..
ثلثمية زلمه هجمو فرد هجمه
ابلا مروه وحرگو البيت اعله حرمه
لا شريف البيهم وگال آنه زلمه
ال مره عد العرب دوم الهه حشمه
تنحشم دوم المره عد الاجاويد
تالي للزهره البتول امتدت الايد
ماتت وباقي الأثر
عاينت خدها انسطر
صحت يمه
صحت يمه
.. .. ..
.. .. ..
مابقت قطرت حيا وغيره بگصصهم
اللعن والعار صارن من حصصهم
فلان وفلان بجهنم الله خصهم
سوه اويه ابليس وزمرته رص يرصهم
لعنة الله بكل صباح وكل مسيه
عله كل ظالم غصب حق الزچيه
مستمر طول الدهر
عاينت خدها انسطر
صحت يمه
صحت يمه
.. .. ..
.. .. ..
أم محمد الحجاج
هوسات لبنات الحسن المجتبى
#جديد👌🏻🔥
بنات المجتبى ميردن الحاجه
وين الجايه وتكول محتاجه
نحلفهن بذاك الكطعو اوداجه
ينطن للنخه / حاجات ملموسه
وكلمن معتنيهن ايده متروسه
واللطمت عليهن دوم محروسه
{ ومحروسه / كلمن ذكرتهن }
•───✧◐◐✧───•
ندك باب الكرامه ونعكد الشيله
علويات خل ننخاهن الليله
كريمات القدر مارضن عالعيله
اجيناهن نون / والحال تعبان
بينه امراض اجينه وحال حزنان
من چفهن نريد اليوم عنوان
{ واطيب العله / نمشيله }
•───✧◐◐✧───•
خلنلطم عليهن / خلنلطم عليهن
يبنات الحسن / خلنلطم عليهن
•───✧◐◐✧───•
واليوم ناخيهن / و اليوم ناخيهن
كلمن عنده عله / اليوم ناخيهن
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة
ابوذيه للزهراء وهي تنعى اباها رسول الله ص
**
يشايل نعش ابوي ابهيد ون بيه
فجعني اوخلّه وسط الگلب ون بيه
ادور صرت وسط البيت ون بيه
تركني اوراح ماظن يرد ليه
....... ..........................
اللیالی الچنت انته اوياي يرحن
مشن ياحيف ماظن بعد يرحن
فراگك خلّه وسط الگلب يرحين
جرح امي اوجرح فگدك عليه
.............................
الزهراء ع تخاطب حامل نعش اباها رسول الله ص
*
يشايل نعش ابوا ابراهيم خلّه
تركني اوخلّه وسط الگلب خلّه
العزيز اشلون يرضه ابفگد خلّه
وانه بنته العزيزه اشلون بيه
...... .....................
چان الفاطمه المختار سرها
على افراشه الزچيه ابخبر سرها
فجعها اباوله والنوب سرها
اول من يجي اويلتحق بيه
س محمد زاهر الخطيب
جديد ربيع الأول١٤٤٦هـ
شكايات
الهجوم على دار السيدة الزهراء عليها السلام
بدار الوحي حطّ البلا حاطتنا هجمات
يارب إلك منا إعتلا صوت استغاثات
صب عذابــك عالهجم
وقاد أبونا واجرى دم
ضلع أمنا
ـــــــــــ
الحسن آنه إلك چف هضمي ارتفع
أشـكو فعل الجمع هالجانه اوفزع
بـالحـطــب والنار ما لحظه امتنع
وقوه باب أمنا على الضلع اندفع
اتراب النبي بعده رطب قصدونا لارجاس
وبنته اعصروها وتنتحب ومعصبه الراس
اعليهم إغضب وانتقم
وقـاد أبونا واجرى دم
ضلع أمنا
ـــــــــــ
حسـيـن آنه الحالة أمّه فجعته
شــفـت مـسـمــار بصدرها نبّته
تإن يــسـمـعـهـا ويزيد بضربته
هـالعـدو بخدها طبعها سطرته
صرت أدعي اعليه بقهر شلّت يمينه
خد أمّي مو مالت سطر رحمه علينه
لختشى مـنـهــا وحشم
وقـاد أبونا واجرى دم
ضلع أمنا
ـــــــــــ
محسن آنه بكل جريمه اعليها حس
اللي كــــل حنيه مـــن عدها ألتمس
أمـســت انحيله وتـجـر قوّه النفس
ولـــن بـطنهـا برجله الطاغي رفس
بجنّه چنت لاكن وسف حرقو ايديها
فوق العتب عمري انقصف ومسقطيها
بيّه كـــل شـــي ماسلم
وقـاد أبونا واجرى دم
ضلع أمنا
ـــــــــــ
زينب آنه العاشت بروعه وكمد
صـدّت اعليّه العدا تقول بحقد
والدچ إيـــده رفـــض إلنه يمد
نـقــوده قدامچ ولا يمنعنه حد
وجهي درت صوب السما دموعي أهلها
هاي العصابه المجرمه إهلكها كلها
مـنـهـا لاقــيــنـا الهظم
وقـاد أبونا واجرى دم
ضلع أمنا
ـــــــــــ
اويـاهـا رحنه العلي حمّاي الحمه
يـمـنــا ظـــل قنفذ متنها ايوسّمه
لـــــــك إلـــهـــي بهالرزيّه المؤلمه
صحنه وين الطالب ابدم فاطمه
ماتت شباب املوّعه وامكسره اضلاع
كل الحقوق امضيّعه حتى القبر ضاع
امن الذي الدار اقتحم
وقـاد أبونا واجرى دم
ضلع أمنا
ـــــــــــ
تمت بحمد الله ومنّه
٢٨ صفر ١٤٤٦هـ
نظم خادم السيدة الزهراء عليها السلام
ياسين جواد العبد الرضا
🔻أستشهاد الرسول الاعظم
محمد صل الله عليه واله وسلم💔
راح ابويه 💔
ـــــــــــــــــ ❁ ❁ ❁ ــــــــــــــــــ
راح ابويـه ودمعـتي ظـلت جـريه
وشحال اليفارگ ابو وكت المسيه
مـن دم دمع بچاني
بُـعده شكثر اذاني
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
بالدنيه اليفارگ تـره يكـثر ونينه
يوميـه يگعد بالدرب ماتهده عينه
ويذّكر ايامه الگضت ذيچ الحنينه
محلاها چلماته الابو لـمن حچينه
گلي بـويه بروحـتي تكـثر جروحچ
والدنيه تخنگ بالهوه لتشمه روحچ
مختنگه من احزاني
بُـعده شكثـر اذانـي
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
خـل اغسـله بدمـعتي وبگـلبي گبـره
وارد اسولفـله شكـثر بعـيونـي ذكره
مايحله ابد چان العب الا اعله ظهره
شيردها الايام المضت متردها عبره
لو نبچي كل هذا العمر منرجع الراح
والعنده غالي ومندفن لتـظنه يرتاح
شلون ادفن الرباني
بُـعده شكـثـر اذاني
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
دورته بعيوني الضوه مـن شفته ظلمه
شيعتـه بشفافي الحچي والميته چلمه
مـاي وتطـشر بـالشـمس گـلـي شيـلـمه
يـابويـه بعـدك والـهوه مـا اريـد اشـمـه
ماكو نسمه بريتي تصعد بالانفاس
بعـدك تره ببــنيتك تتشمت الناس
جمر الهجر چواني
بُـعده شكثر اذاني
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
يـابويـه ظلمـوني تـره والـشاهـد الـباب
وبَيـّن طمعـهم ولحـقد الچـانـو اصحاب
بس الدمع ظل سلوتي من بعد الاحباب
ويـاك اريد انـه انـدفن ويطمنـي التراب
جيت اسولف غربتي واشكي الرزيه
واحچيله بفراگه الدمع شمسوي بيه
مات الحچي بالساني
بُـعـده شـكثـر اذانـي
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
متعوده بويه الجيتك وتمرني كل يوم
لمـن تـروح وتبتعـد ظـل گـلبي مهموم
ماعندي بس عطرك تره واشتم الهدوم
مايهـده گلبي بفرگـتك خليتـه محروم
ينشـدني يوميه الگلب ويگـلي ويـنه
ومشتاگه هاي رويحتي وشگد بچينه
بظيم وقهر خلاني
بُـعده شكـثر اذاني
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
بويه الامر كلش صعب وشلون اشرحه
ظل الگلب ينزف حزن شيظمده جرحه
ماظلي كلشي بروحتـك مـاعندي فرحه
بس فرحة الموت وبعد ما مرني صبحه
الفرحه بس بموتتي بعدك عشتها
والدنيه من دونك ابد لا ما ردتها
موتي شوكت يلفاني
بُـعـده شكـثر اذانـي
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
🖊️كلمات
عباس فاضل الشمري
نادو وداعـــــاً………
فجئه و رحل عنه الضوه
نادو وداعـــــاً………
والهوئ ما لاگي هوئ
نور النـبي مـنـها غاب
الدنيه ماعدها احباب
نادو وداعــــاً
نادو وداعـــــاً
**
سافر نبي الرحمه وصفت
مــخفيــه اســـراره
يـمه العــلي اختاره
ينعئ الوحي ابداره
انجـوم الارض يمه غفت
دمــع الهـجر جارح
نور الــشمـس رايح
وشيــنـفــع الصايح
دمــوع الــعين دمـهن سال وجره
نحس بالنار تچوي احشانه وجره
ننــاشــد وين شنــو الــصار وجره
صــدگ ميــعود ابو الزهره الزچيه
نوحو الــمصــابه………
ودعنه نور المصطفى
نوحو الــمصــابه………
من بعده عالدنيه العفئ
الــجـنه غـطاها اتراب
الدنيه ما عدها احباب
نادو وداعــــا
نادو وداعــــا
***
من يلفي طاري المگبره
الــروح چن هيمه
لامـــاي لا غــيمه
محترگة چن خيمه
الاملاك ضــلت حايره
وكت الدفن يمه
اتـبوسه واتشمه
تتــعطر اباسـمه
يـناعي اعليك دمع ابنيته ردنه
الثوب امــن البواچي هزل ردنه
تمــنيــنه يــرد هــالــيـــوم ردنه
عــگـب فــرگاه مـــانحمل اذيه
بـهــاي الـــرزيه……..
ماتم نصبنه ابكل گلب
بهاي الـــرزيه………
حقه العرش لو ينتحب
المن نجي اندگ ياباب
الـدنيه ماعدها احباب
نادو وداعـــــا
نادو وداعــــــا
***
الشارك ابدفنه او دعهَ
بجروحه ضل حاير
مــايـرتــجي باجــر
ضــل يكسر الخاطر
هالــيله جينه انشيـعه
ويــــانـــه علـويه
بــــدموع مسبيه
نـــقــراله لـطميه
التعنه الماتمه گاصدله والجاه
رسول الله هوه الهيبه والجاه
نــيــران ابــگــلبـــنه نار وجاه
تــضــل تسـعر لحد يوم المنيه
نقره ابعزائه……….
من يوم ودعنه النبي
نقره ابعزائه………
من مقتله الحد السبي
والمقتله ماكو اجواب
الدنيه ماعدها احباب
*
ريحة المهدي ابمجلسه
جن صوته ياجدي
دمعي تـرس خدي
انه ابنـــك المهدي
هيئه وخدم متاسسه
للخدمه شرايه
لي رفعت رايه
للـــقبله مشايه
دكافي يادهر تهنه بعد وين
رسول الله عنه ابعد بعد وين
نون ونوح بالمهجه بعد و…ن
على امصابه صباح وكل مسيه
انقيم المجالس…………
رحيم الوائلي .
.رسالةُ من كربلاء…… الى خاتم الانبياء
محمداُ خيرُ الورى
ُنهدي اليه منحرا
محمدا
محمدا
&&&&&&&&&
امنية عاشك محمد
والكتاب وعترتك
نبني يم الكعبه گبه
اتصير كلها حضرتك
يا ابو ابراهيم نضره
هناك نرفع رايتك
نكتب اعليه سلامــــاً
للي يبغظ شيعتك
الكعبه تتلگه الوصل
اتهــلي بينه وبالاهل
انصيح يامهدي العجل
محمدا
محمدا
**
الصفا والمروى خطوه
اتصير بين الحرمين
مثل زينب من مشتها
بين عباس وحسين
رگضة اطوريج يمك
شرط نرفعها الادين
نطبر الراس او نگلك
وين گبر الزهره وين
هــيــه لو انته الرحل
طحنه بيد اهل الجهل
انصيح يامهدي العجل
محمدا
محمدا
*
بالصحن نگعد سويه
والـــمشاعر هايّمه
حلم هذا لو حقيقه
نحضن انجوم السمه
نستمع صوت المواكب
والـمــدامع من دمه
اشهدو انك حسيناً
وعلـــي و فــــاطمه
اهناكه نقره مستهل
حيّ على خيرِ العمل
انصيح يامهدي العجل
محمدا
محمدا
*
نــقره لـطميه تندبك
والــيندبك مايضيع
يارسول الــّله اسمك
وحده للعالم شفيع
بجاهك و جاه المجالس
ندعي من الله السميع
نلتقي ابيوم الزياره
ب…….. اائمة البقيع
ينرسم بينه الامل
انهدم الات اوهبل
انصيح يامهدي العجل
محمدا
محمدا
****
امن المنابر راح نسمع
صوت يدعو للسلام
والماذن تنطي فتوه
گومو خل نّطفي الخيام
طلعو من راسه رمحهم
طلعو من جسمه السهام
طــلع الــفجــُر علينا
ياهــلــه ابجيت الامام
نعشگه منذُ الازل
ابو صالح نوره هل
انصيح يامهدي العجل
محمدا
محمدا
&&&&&&&&&
الحمد لله والشكر
رحيم الوائلي
2021
في ذكرى استشهاد النبي الأكرم (ص)
الإمام علي يخاطب السيدة الزهراء
راح اَبو المرحمه .. فاطمه فاطمه
هِلِّي دَمْعِج دِمَه .. فاطمه فاطمه
&&&&&
راح يـ ام الحسن .. ذاكه راعي الوِفه
او بعد ضَي كِصِّته .. عالوُجود العَفَه
كُل شِي نادى ابحزن : .. (ويلي عالمصطفى)
والعَرِش عالنبي .. دمعه شفته هِمَى
هِلِّي دَمْعِج دِمَه .. فاطمه فاطمه
&&&&&
هِلِّي يا فاطمه .. عالعزيز الدَّمِع
و اِنْصُبي فاتحه .. لاكن ابلا شَمِع
بعده هذا الزمن .. لِج يكسِّر ضِلِع
او جَفَّه فوكـ الوَجِهْ .. بالحقد لاطِمه
هِلِّي دَمْعِج دِمَه .. فاطمه فاطمه
&&&&&
ابعيني شفْت الوحي .. وَيْ وِنينِج يوِن
و الملايك صُفت .. (يا محمد) تِحِن
كلبِج أوَّل كلب .. إسمه (بيت الحزن)
لاكن امْن الضُوه .. خالي واِبْلا حِمَه
هِلِّي دَمْعِج دِمَه .. فاطمه فاطمه
&&&&&
من بعد والِدِج .. تنحب البسمله
او مصحف النايبه .. بالدموع انتِله
بيِّنت من رحل .. والِدِج كربله
او لاح بفْقِ الحزن .. خيل او سيف او ظِمه
هِلِّي دَمْعِج دِمَه .. فاطمه فاطمه
&&&&&
كلبي هذا اِدْفَنِت .. ما دِفَنْت النبي
او غَرَّكِت بالدمِع .. جالعقيله العِبي
اغيابه شَدْ لي النَّفَس .. هذا أوَّل سَبي
او بعده (أم الحزن) .. تنسِبي جالأَمَه
هِلِّي دَمْعِج دِمَه .. فاطمه فاطمه
&&&&&
ماكو بعد الأبو .. إلا كومَةْ شِدَد
عصره لطمه او حَرِكـ .. باب او طيحَةْ وَلَد
الماكو عنده أبو .. ما يرُحْمه أَحَد
او داره دايم تظل .. مُوحِشه او مُظلِمه
هِلِّي دَمْعِج دِمَه .. فاطمه فاطمه
&&&&&
خادم الأمير (ع) : إبراهيم الدريس
في ذكرى استشهاد النبي (ص)
على لسان الإمام المهدي (عج)
ماتَ الهُدى .. غابَ النَدى
والدنيه بعدك بس صوايح
يالساكن ابكِل الجَوارح
& & & & &
يا جدي كُل شِي ونِّ الك .. او هاي الكلوب انْكِسْرَت
او من كد عَظيمه امصيبتك .. حته الصخور اتْفَسْرَت
يوم اللي غمَّضْت الجِفِن .. جبْد السماءِ انفِطْرَت
و ابعين متروسه دمع .. شفْت النجوم انْكِدْرَت
يَبكي الهواءْ .. تنعى السماءْ
و ابكُل شِي صرْت أسمَع نوايح
يالساكن ابكِل الجَوارح
& & & & &
أبجي الغيابك سيدي .. والله مثِل رقيه
ذيج اللي ما شافت أبو .. شافت سياط اميه
إلليله بنتك فاطمه .. ابحبْل الحزن سبيه
تبجي الزجيه الغيبتك .. وآنه ابجي عالزجيه
دمعُ البتولْ .. يجري سُيولْ
دمْع الزجيه الـ حزني شارح
يالساكن ابكِل الجَوارح
& & & & &
يا شمِس وَ أرقى امن الشمِس .. موَّتْني حيل اغروبك
بعدك يجُرِّ ابونِّته .. او يلطُم صدر .. محبوبك
صرْت انته يا جد يوسفي .. وآنه صرِت يعكوبك
او حته النظر يا جد يِرِد .. إِبْعَثْ لي يا جد ثوبك
صِرْتُ كمَنْ .. بِلا وطنْ
هيجي صُفَه حال ابو صالح
يالساكن ابكِل الجَوارح
& & & & &
ابمجلس عزاءَك سيدي .. دمْع القهر ظل يجري
وابجَرِح فكدك يالأبو .. ظل سارح اشكد فكري
بِغْيابك الما ينحمل .. أحمل جنازَةْ صبري
او تختصر أحزان الكلب .. يا جدي لطمةْ صدري
مدى الحياةْ .. ألصبرُ ماتْ
و ابغيبتك ظل فكري سارح
يالساكن ابكِل الجَوارح
& & & & &
بعدك أذانَ الله انجِرح .. وانجِرح مني لِحْساس
او ضاكت الوَسْعه ابغيبتك .. او وَيَّاها ضاكت لنْفاس
مرَّه أدِكِّـ اعله الصدر .. مرَّه أدِكِّـ اعله الراس
او نبلةْ غيابك لو تِصِد .. بِعْيوني مثْل العباس
طالَ الفِراقْ .. متى التَلاقْ ؟!
بُعْد الحبايب سَهَم جارح
يالساكن ابكِل الجَوارح
& & & & &
جرحك فِتح باب الألم .. او خلّف جروح اهوايه
واحد وره الباب انرِسَم .. والثاني عَمْسَنّايه
و الأعظم ابطف كربله .. شيبه ابدِمَه امحنّايه
لاجن وحَكـ سبيِ الحرم .. كل ثار اَرِدَّه ابآيه
يومَ الظُهورْ .. ثأرُ النُحورْ
يا رايِح او موش انته رايِح
يالساكن ابكِل الجَوارح
& & & & &
خادم المهدي (عج) : إبراهيم الدريس
في ذكرى استشهاد النبي الأكرم (ص)
من شال النعِش حيدر
ضلع الفاتحه اتكسَّر
السكينه اتودِّع اليوم السكينه
علي ابفكد النبي ألله يعينه
ألله يعينه
&&&&&
هذا أبو الحسنين لمَّن شال بجفوفه النعِش
ضجَّت ابحسره المدينه او مال عالهادي العرِش
الفاتحه آهات صارت من بعد طه تِطِش
و ابدمِع عالهادي أحمر امبلَّل أنظُر كِل رِمِش
عالهادي بِجَه المصحف
او حسراته مَتِتْوَصَّف
بآياته تِصِد آيَةْ وِنينه
علي ابفكد النبي ألله يعينه
ألله يعينه
&&&&&
والله حكه الكون يبجي او يذبَل ابحزنه الوَرِد
هذا شمْس الله او أمانه الراح او لا يمكن يِرِد
اشلون عرش الرحمه هوه اتراب ايضُمَنَّه او لِحِد
و اللي وجهه امرايَةَ الله اغيابه ما واحد يِسِد
لِغْياب النبي الكعبه
اتونِّ او حسَّتِ ابغُربه
زمزم صاح هاليوم ابـ حَنينه
علي ابفكد النبي ألله يعينه
ألله يعينه
&&&&&
مدمع الزهره الجَليله عالأبو من ينسِجِب
آية أحزان الكواكب بالمدامع تنكِتِب
من بعَد عين أبو القاسم دار بنته يلتِهِب
او ينسطر خدها او مَتِنْها ابسوط ويلي ينضِرِب
بعْد المصطفى الزهره
يهديها الزمن عصره
حمامَةْ غاره هالليله حَزينه
علي ابفكد النبي ألله يعينه
ألله يعينه
&&&&&
من بعد طه نبينه صار أبو الحمله غريب
تجذب الوَنَّه الكنائس تجري دمعات الصليب
ابغيبةِ المختار حيدر اتيتَّم او خاوَه النحيب
ايكضِّي كل عمره ابصَفِنْته اليدفِن ابجفَّه حَبيب
ابروحــــهْ تاكل الوَنَّه
من غاب النبي عنَّه
وَطَن لِجْروح صارت هيه عينه
علي ابفكد النبي ألله يعينه
ألله يعينه
&&&&&
حيدر الكرار لمَّن طه فوكـ المُغتَسَل
إبتِدَه ابتغسيله لاجن ابسرعه وكَّف مَحْتِمَل
علي يسأل علي فِعلاً هل أبو الزهره رِحَل ؟!
هوه خير العَمَل هذا ايجَفِّن ابـ خير العَمَل
ساعات الغِسِل حيره
والله يا هَلِ الغيره
روحه اللي يغَسِّلْها علِينه
علي ابفكد النبي ألله يعينه
ألله يعينه
&&&&&
اغياب أبو الزهره الزجيه لوَّع ابجرحه القَلَم
او سطَّر ابكلب الليالي احروف تتنازَف ألم
اغياب طه يعني حيره او ضيعةَ أيتام او حَرَم
و ابظُهُر عاشور يعني ابصَدْر أبو اليمه سَهَم
اغيابــهْ يعني مسبيه
اتصير الكِلْها حِنِّيَّه
او تِعُود ابلا أَهَل لَرْضِ المدينه
علي ابفكد النبي ألله يعينه
ألله يعينه
&&&&&
خادم النبي (ص) : إبراهيم الدريس