7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيدة للرسول(ص)لسان حال مولاتي فاطمة(ع)
❥━──➸➽❥❂❥━──➸➽❥❂
*وسفه ماترجع بعد … گلبي اعليك انمرد*
بويه بويه بويه بويه
❥━──➸➽❥❂❥━──➸➽❥❂
بگلبي جمرة تستعر واهملها عيني
رحت ياوسفة يغالي وماتجيني
ليك احنن يالابو وزايد حنيني
*بدارك اگعدت وصحت… ليش يالغالي رحت*
بويه بويه بويه بويه
❥━──➸➽❥❂❥━──➸➽❥❂
بدارك اگعد ليلي ونهاري اون
اذكر ايام المضت ذيچ واحن
بوية بغيابك اعيش انة بحزن
*فرگتك اكبر جرح … چني طير ومنذبح*
بويه بويه بويه بويه
❥━──➸➽❥❂❥━──➸➽❥❂
فرگتك صعبة علية وعذبتني
ليش يالغالي رحت عني وعفتني
بدنية وحشة ليش انة تيهتني
*ادري عگبك انولي…وضلعي يكسرونة الي*
بويه بويه بويه بويه
❥━──➸➽❥❂❥━──➸➽❥❂
ادري ميرحموني والله اخلاف عيناك
من رحت عني يريت اخذيتني وياك
شلي ابعمري اعيشة انة بلياك
*اگضي باحزان العمر … والگلب يلهب جمر*
بويه بويه بويه بويه
❥━──➸➽❥❂❥━──➸➽❥❂
بعد شيردك علية ياضوة العين
وين مثلك الگة يابو گلب الحنين
بيك فجعاني يوالي وصابني البين
*بيك دلالي انفجع…والله مابطل الدمع*
بويه بويه بويه بويه
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
امير المؤمنين ع قبل توديع الزهراء ع
اذا مو انتي ما ردن بعد للدار
شجاوب لون زينب ناشدت عنج
انه ما روحن وباقي بمكاني احذاج
لو نرجع سوة لو موت انه يمج
يم الحسن معقولة احجي متسمعين
هذا اني علي خليني اسمعنج
مدري شلون روحي اطتني اهيل تراب
انه تمنيت اموت ولا ادفننج
ارجع رايدة ...! وشلون الاكي حسين
شكله الما ينام اله بوسط حضنج
اصبر روحي رايد ياله ارد للدار
علي مو الاولي وانكسر من فكدج
انه الخلتني حاير يمج ومحتار
ما دفن كبل يا فاطمه بعمرج
احضن كبرج امن يمر برد بليل
وخااف امن الهوه يا فاطمه يلجمج
انه تمنيت خدي انسطر مو خدج
وتمنيت الكسر بضلوعي مو ضلعج
وخفت لا اموت يمج كمت بس مكسور
وعفت روحي وحيدة ولايذه بسدج .
#احمد_النوري
بين علي و الزهراء عليهما السلام
مكسور خاطر... من المكابر..آ يا جروحي أو روحي ......
منج رجعت ودمعي ينزل
عكبج يفاطم انه شحمل
مكسور خاطر...
________
مدري ليش الدنيا باكت أمنياتي
والله ما تسوه بعد عكبج حياتي
انه ما انساج انتي بذكرياتي
يبقه جرحج ها يزهره الحد مماتي
ما انسه بابج. ...... وبجي لمصابج... يا جرح المصاب والباب
والفركه يم الحسن تكتل
عكبج يفاطم انه شحمل
مكسور خاطر
________
انه للدار ارجعت وبكلبي نار
صارو اكبالي وبجو كل الزغار
ما عرفت اشراح اسولف يا قرار
والله من بعدج يفاطم عقلي حار
يا روحي انتي ... فرحي ودمعتي.. محتاره الضنون. والعيون
والدمعه من أطفالي تختل
عكبج يفاطم انه شحمل
مكسور خاطر
________
كلبي ما يحمل بعد فركه وغياب
عندي كلش يختلف هذا المصاب
من بعد ضلعج يفاطم كلبي شاب
ابجي من أذكر النار اعله باب
اتمنه يمي .... يا روحي ومي.. وشكيلج الصار.والدار
وتمنه جسمج يمي يعدل
عكبج يفاطم انه شحمل
مكسور خاطر
________
سالت ادموعي وصفيت بلا عيون
كاعد اعله الباب ومتاني اليجون
آ يالسياط شتركتي اعله المتون
جرحي عكبج فاطمه ما ضن يهون
يا ريته بيه .. سوط المنيه .. تبجي العيون .للمتون
ليليه كلبي يون ولا چل
عكبج يفاطم انه شحمل
مكسور خاطر
________
صرت عكبج فاطمه مثل الغصن
محني ضهري ونازل بروحي الحزن
عكب وجهج انه اخلص اليل اون
قصّتي عكبج فاطمه ضلع ومتن
يم الحسين .. هم تردين .. دنيه مره . يزهره
بس انتي أمي وروحي والخل
عكبج يفاطم انه شحمل
مكسور خاطر
________
#خادم_الغريب
#السيد_احمد_النوري
يافاطمه انه علي يافاطمه انه علي
ــــــــــــــــــــــــــــــــــــــــــــــــــــــــــــــــــــــ
حركو كلبي الحــــــــــركو بابج
بضلوعي اتشب نـــــار اصوابج
يابعد اليعمن مــــــــــن دونج
الموت أهــــــــــون من اغيابج
المتعود يــــــــــوميه يشوفج
مايكدر لــــــــــو لحضه يعوفج
حيدر ميت نبــــــــــضه بفكدج
ويحيه مـــــن يلمسنه اجفوفج
من بعدج ماتت ضحكتي
من بعدج كبرت حسرتي
من بعدج عاشت دمعتي
يافاطمه انه علي يافاطمه انه علي
ــــــــــــــــــــــــــــــــــــــــــــــــــــــــــــــــــــــ
انه المـــــــحد يكـــــــــدر حيلي
وهسه ابني حسين يتــــــجيلي
بــــــــاوع حـــالي حسين ودنك
ويصـــــــبر بيه ويبــــــــــجيلي
كبالته وكتــــــــله انــــــــه بعبره
كسرو ضـــــــلع امـــــك بالعصره
جنت مـــــــــن ادخل بيتي ادنك
وتخــــــفي عليه آثــــــار السطره
انهد حيلي مـــــن باوعتها
انهد حيلي تبـــجي شفتها
انهد حيلي السطره لمتها
يافاطمه انه علي يافاطمه انه علي
ــــــــــــــــــــــــــــــــــــــــــــــــــــــــــــــــــــــ
نعشج مــــــن شلته عله امتوني
ماسكــــــــــتن يالزهرة عيوني
مايـــــــدرون اشــــــــصاير بيه
مـــــــــن ابجي الناس يلوموني
من كبرج حــــــــــد عتبة بيتي
بين شــــــــــيبي بنص الحيتي
وثكـــــلت روحي وميت حيلي
ونكــــــــــعت بالمدمع جفيتي
يازهراء مـــــحد يعوضج
يازهراء موش انه نبضج
يازهراء مـــــوتني بعدج
يافاطمه انه علي يافاطمه انه علي
ــــــــــــــــــــــــــــــــــــــــــــــــــــــــــــــــــــــ
انه الماصح طـــــــــب الصوابه
انه الميــــــــضم حـــــــزنه انكابه
انه الســـــــطرو خـــــــد ام بيته
وياحيف انـــــــه الدفـــــــعو بابه
صارت غصه بصدري من احجي
وكاعد وحـــــــدي بيتي وابجي
ماتت زهــــــــــرت روحي اليله
ياهو اليسمعني مـــن رد اشجي
ياروحي عيشي المصيبه
ياروحي بعد الحـــــبيبه
ياروحي صــرتي غريبه
يافاطمه انه علي يافاطمه انه علي
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
((يافاطمه))
مو عن غايه تدمع لجلچ عيوني
احبنــچ ولـــــو بالنار خلونـــــي
يافاطمه ...
"""""""""""""""""""""""""""""""""""'''''''''''
عشگتج مو طمع بالجنه مولاتي
بس حبچ كـــــبر وترعرع بذاتي
العشگ جمره
وألــف حسره
أسمچ مستحل مـولاتي صفناتي
ألــــــچ حتى المـــدامع تنزل بهيده
وگلبــي يصيح بسمـــچ هذا ترديده
عمــري ابــــلا نضرتچ والله ماريده
عبد لم الحسن ياناس سموني
احبنــچ ولــــــو بـالنار خلـوني
يافاطمه ...
"""""""""""""""""""""""""""""""""""'''''''''''
ابچي عليج مثل الفاگد عيونه
مثل الطاح وخــــوانه يعوفونه
يمـــــــر ليلي
ويگص حيلي
قــــارورةّ حزن اسمچ يشمونه
واشم النسمه منچ من اشم تربه
وآنـــه ابيتنه بس عـايش الغـربه
المايفهم دمعتك بالعشگ صعبه
وصل بيه الحزن يايمه لمتوني
احبنــــچ ولــــــو بالنار خلوني
يافاطمه ...
"""""""""""""""""""""""""""""""""""'''''''''''
الحسره عليچ أهل البيت يدروها
مثـل حــــال اليتيم وامه طردوها
الصبر بيه
جزه النيه
اخرس ونچــوه والصيحه نكروها
انه أتلوه عليچ وروحي مذروفه
مثــــل المـاينام وتاهت طيـوفه
أنه واحـــد يحب وضَيع حروفه
سواد عيوني انزفه لو يلوموني
احبنچ ولـــو بـالنار خــــــلوني
يافاطمه ...
"""""""""""""""""""""""""""""""""""'''''''''''
يلوموني واگلهم مـــــاتعرفوها
جمرةّ فاطمه بس لو تلمسوها
مــــد ايدك
ترى تريدك
هيه ام الخيم يل مــا تدركوها
اشيطن بالوجع ومدوهنه افكاري
الماداري شگـــــله ويفهم اسراري
الماحاضر لطـــم شيفهما بالعاري
آنه ابن العزاء الشيب جفوني
احبنــچ ولـــو بــالنار خـلوني
يافاطمه ...
احبج ياوعـــاء الزينب الحره
ابّعد بس اردلچ اشبه الاسره
البعد قاتل
جمر شايل
شما تكثر دمعتي تنولد فكره
المايحضر مجالس دمعته زغيره
اذا مـــو فاطمه هذا العمر حيره
هــــــيه الخير كله وللعمر خيره
ويامحله جمرها كون يچوني
احبنچ ولــــو بالنــــار خلوني
يافاطمه ...
عبد زينب
محمد الابراهيمي
هدت زلم ... تكسر ظلعها الليله
هدت زلم... دفعو الباب بحيله
يافاطمه ...يافاطمه
....
منهو السمع بيكم قبل ... اعله الحرمه وادم هدت
هدو عليها فاطمه ... وباب النبوه اندفعت
ويدفع الباب بقوته ... والزهره خلفه نعصرت
لا ما رحمها فاطمه...منها الظلوع انكسرت
من العصر ...الباب بس شيردها
من العصر...طك الظلع من عدها
....
من العصر طاحت تره ... وصعبه المره لو طاحت
وطيحتها ما بين الزلم ... والناس تشتم كامت
ما صاحت الحك ياعلي ... يافظه فاطم صاحت
وبسمار نابت بالكلب ... بس جسد ناحل عاشت
يجوي الكلب ..بسمار نابت بيها
يجوي الكلب...هاي أمنه ويلي عليها
....
كلهن عليها تجمعن ... حزن والم هالليه
قنفذ بسوطه من اجه ... ورم متنها بحيله
وحدها جانت فاطمه...منهو البعد تشكيله
صار ازرك بكثر الظرب... والدمع دم تسيله
بس فاطمه...وحدها جانت وسفه
بس فاطمه... هدو عليها كلفه
يافاطمه
....
محسن وكع وي الدمه ... بالعتبه فايض دمه
العمره ما صاير ورد...الما كال بعده يمه
هدو عليها المو بشر .. الما عدهم اصلا رحمه
عالعين طكاها النذل ..وزيد جرحها لجمه
ماكو رحم...عالعين طكها الحاقد
ماكو رحم...مافازعلها واحد
....
منهو السمع منهو النظر ...تنولي منه مريه
بيت الله بالنار احترك .. وجفوفها مجويه
علويه هيه فاطمه...تمشي صفت محنيه
يلجمها من تمشي الظلع...مجروحه حته الريه
مو اي مره...علويه هيه فاطمه
مو اي مره...قنديل تظوي بالسمه
....
منتظر صالح الكعبي
ماتت امي،،،،،، فاطمة بعمر الورد
ماتت امي .،،،،، وبعد ليه ماترد
صدگ يايمه الدهر منچ حرمني.
زينب انه والحزن شو ما رحمني.
ـــــــــــــــــــــــــــــــــــــــــــ١
شنو ذنبي أنحرم منچ يبعد الروح.
اليعيش ابلايه أم گلبه يضل مجروح.
الزغير ويفگد أمه ويبچي وين يروح.
يضل دمعه اعله خده بكل وكت مسفوح.
اليفگد امه من يشيله لو وگع.
اليفگد أمه. حزنه بعيونه أنطبع.
الكسر ظلع أمي ذبح حلمي وظلمني.
ــــــــــــــــــــــــــــــــــــــــــــــــــــــ٢
اضل بالباب أعاتب مايجاوبني.
ياچتال أمي لاتعذبني
تصدلك عيني كلساعه تصوبني.
واحس الزهرة تصرخ فضه طاح أبني.
مات محسن. شنهو ذنبه ينعصر.
مات محسن. ينحرم من العمر.
من شفت محسن يصب دمه هظمني.
ـــــــــــــــــــــــــــــــــــــــــــــــــــــــــــــــ٣
بصدرچ يالزچيه طايح البسمار.
ابوصط النار واحترگت عليچ الدار
تنطين الوجه ألمن تجيچ النار
وعليچ ابلايه رحمه هجمت الأشرار.
انكسر ظلعچ. وباب دارچ محترگ.
أنكسر ظلعچ. الباب فوگچ ينطبگ.
يمه بعدچ من يقبلني ويشمني
ــــــــــــــــــــــــــــــــــــــــــــــــــــــ٤
اعله عينچ طگچ الظالم غدت حمره.
طحتي اعله الأرض من قوت الصطره.
وقنفذ ردلچ بصوطه ويرد غدره.
يضربچ ليش وانتي للخلگ زهره.
رغم جرحچ.. صحتي خل يرجع علي.
رغم جرحچ. خفتي ينصاب الولي.
گلتي ماهمني الألم حيدر يهمني.
ــــــــــــــــــــــــــــــــــــــــــــــــــ٥
بنص الليل تندفنين بالظلمة.
يشيعچ حيدر بوحده وكبر همه
وتسمعينه وراچ انصيح يايمه
من متي يفاطم ماتت الرحمه.
بلليلة ظلمه. رحتي عنه للگبر.
بليله ظلمه. گلب زينب ينكسر.
يالحنينه بعد حضنچ مايلمني.
ـــــــــــــــــــــــ
حيدرموسى الرميثي
#اللهم_عجل_لوليك_الفرج #
جديد //قصيده لستشهاد الرسول العظم صلى الله عليه وعلى اله السلام
يا دار ابوي المظلمه //
اليوم صاحت فاطمه//
ما عودتني غيابك ،،،،،
انعه وانوح بابك،،،،،،،،
واليوم صاحت فاطمه
اليوم صاحت فاطــمه
•••••••••••••••••
يا دار ابويه وين الابو الــــيرعاني
يـا الـي بـدلالـه مـا لكـيته الـثـانـي
تــمــوت روحــي مـن أمــرج انـــي
وشـلـون اصـبـر عل مـشـوا خلاني
اتمنى موتي // ما سمع صوتي
اليوم صاحت فاطمه
•───✧◐◐✧───•؛
والله جانت الداري حلوه من اشوفك بيها
بوجهك الدنيا وسروري كلها محليها
ريت خذني الموت بويه ولا شفت تاليها
لا اظل بجروح تنزل من هو الي يداويها
لا امي يمي // يالودعتني
اليوم صاحت فاطمه
•───✧◐◐✧───•؛
اه ابويه يا نبع احساس والاحساس مات
تـمـطـر عله الكـون خـيـرومـرحـمـات
انته بس وانته روحي بويه ابهاي الحياة
يلتمر يوميه وتنشد عليه النشد مات
مفجوعه بعدك // يوجعني صدعك
اليوم صاحت فاطمه
•───✧◐◐✧───•؛
يـاحبـيـب اللـه الك وجـعـه بـفُـادي
يالعفت فاطمه بهمهااوحده الحادي
يابه تدري بالمصايب من لفت شنه السادي
هجمت عليه العراب بعد عينك دمعي زادي
لمن عفتني // كومك ولاتني
اليوم صاحت فاطمه
•───✧◐◐✧───•؛
نقظو البيعه الصحابه وغدرو الدين
وحيدر مجتف تركتـه ويهمل العين
بنعش حايـر يبـويه ظل أبـو حسين
وانه مني نغصب حقي وكسر ظلعين
ريتك خذتني // ولاعفتني
اليوم صاحت فاطمه
•───✧◐◐✧───•؛
•───✧◐◐✧───•؛
*تـــمت والـــــفضـــ🤲ـــل لله تعالى*
*بقلم✍الشاعر الحسيني أبو زهراء السوداني
سجليها يا زهراء
غير مبري الذمه اليحذف اسم الشاعر وينسب الكلام له
لاستشهاد فاطمة الزهراء عليها السلام (وزن المثلث ثلاث ارباع الشيعتي)
كل ليالينا الليالي الفاطميه
تبدي من كسر الضلع للغاضريه
★★★★★
جرح يمطر غيظ ياضلع الزچيه
الماجفاها النوح حد يوم المنيه
بالرزية كون اصحاب الردية
جنت منهم فاطمه اعظم رزيه
الأبد ماعدهم شهامه ولاحميه
★★★★★
محور التكوين ياقطب الامامه
ياسلام الكون ماشافت سلامه
لاعتب يسوون لاتنفع ملامه
گوم ماعدهم حميه ولاشهامه
اجتمعت الاحقاد والباطل سويه
★★★★★
نار بضلوعي المدامع چملتها
علضلوع المارحم بيها وكتها
زمره دفعتها بصلافه ومارعتها
حيرة مدري منين هلوادم لفتها
خَلَّت أديار الشرف منها خليه
★★★★★
موكفيله ايامها تشفي جرحها
ولا أكيد يمر بعد بيها صبحها
مثل طيرة بريح متكسر جنحها
شلون وي چتال يتوالم صلحها
يساعد الله المرتضى حامي الحمية
★★★★★
المافهم سرها ولايعرف قصدها
بكل صلافه چلمه الزهره يردها
للمنية بگت دمعتها على خدها
بالهظم ام الحسن سكنت لحدها
ورجع حيدر ينحب أوونته خفيه
الشاعر حسن لعيبي الحريشاوي
نعي لمظلومية الزهراء عليها السلام (نصاري)
ذبيّت القلم وتركت الاوراق
وبدلّت الكلام ابدمعت العين
النهار من المصايب شوغده ليل
على حال اليفارگ ناس غالين
شوصف هلفجيعه وماجره وصار
لا كلمة التكَفَّي و الف و الفين
وچلماتي القليله احزانها اهواي
شكتب عن مصاب ام حسن وحسين
وين الگه الوصف والگه العبارات
منين ابدي كلامي وينتهي وين
ابطرفة عين ياحيف العمر ضاع
اشافت من عمرها غير الونين
يادين اليطلبون النبي بيه
واجوا هليوم منها ورادوا الدين
وياذنب الي سوّاه حيدر بيوم
وردوله العصابه الوحده بثنين
مهشوم الطفل طايح على الگاع
وضلع مكسور مدري انكسر ضلعين
خلوها حزينه الفاگده اعزاز
وحمل صاروا عليها وعانوا البين
بوجه شامت اجوا تالي يگولون
شكثر علراح يازهره تنوحين
بيت الفرح اصبح بيت الاحزان
والجاهل يناشد ظيمها منين
مارحموا كسرها وعصرة الباب
الماعدهم ظمير ولاإسم دين
ضحيت ارهابهم أم الحسن حيف
وعمرهاالماكمل لاوصل عشرين
الشاعر حسن لعيبي الحريشاوي
لشهادة الصديقة فاطمة الزهراء عليها السلام (ميمر)
لحدمن يصب دمع العين. يافاطمة المظلومه
روج الصبر ياخذها ويرد بيها
بشوغات يم دار النبي يوديها
دار الحبايب. وگفت تناديها
يادار يمته يگعدون. طولوا اهلي النومه
صاحت اظلوعي بلاذنب مكسوره
يادار طه. اليوم مامعذوره
صرتي خليه بلااهل مهجوره
وجروحي مايوم اطيب. من كل كتر ملچومه
گوه تشيل الجدم وصلت بابه
حرگت جفنها دموعها السچابه
متعجبه مامرها القدر بغيابه
المن تظل ابهلحال طول الوكت مهظومه
الماقاري احكام النبي ويفهمها
باحكام دين المصطفى ايعلمها
يسلب ورثها غايته ويحرمها
من هلظلم والشوغات. أركان الگلب مهدومه
حرگوا سكنها بياذنب مطلوبه
اطفال من هول الحصل مرعوبه
وامهم تون على المتن مضروبه
يابويه نادوا بحماك . وينك ياسبع الحومه
العن الاول ربي ثم الثاني
الخلوا الزهره من المصاب تعاني
لارحمه عدهم لاعمل انساني
باسفل درك من النار. وجوه الحقد مشئومه
الشاعر حسن لعيبي الحريشاوي
لاستشهاد الزهراء عليها السلام
يادهر ارحم فاطمه والظلع التكسر
موهاذي رحمه من السمه بالدنيا والمحشر
آه يادهر يفتر مايرحم الكوثر
★★★★★
يادهر غلطاتك لفن مااگدر احسبها
تعرفها مصدر للصبر كافي تعذبها
هاي الحبيبه الطاهره المعصومه من ربها
كافي الدعي وبن الدعي يشتمها ويسبها
ماعنده غير الشر مايرحم الكوثر
★★★★★
لمن رحل خير البشر محد نشدعنها
باطنهم الوادم ظهر صاروا سبب ونها
من عينها طاح الأمل من طاح محسنها
محد ندم بعد الجره ويطلب عذر منها
والما اجه اتعذر مايرحم الكوثر
★★★★★
ويل اللئيم المارحم وبلاورث ردها
مهظومه ظلت فاطمة الدمعه بوسط خدها
نزلت بخطبه صاعقه نالت مقاصدها
بالخطبة تتوزن ذهب كل جلمه من عدها
رفض ومنع قرر مايرحم الكوثر
★★★★★
الاول اهدافه توضحت من راد يمنعها
لامال خله ولاورث مهظومه رجعها
تفرغ اديها من الكرم قصده يلوعها
محبوسه بحبال الهظم زيد مواجعها
شهود الغدر حضر مايرحم الكوثر
★★★★★
الاول حديث بلاسند حط وسلب حگها
والثاني متعمد اجه علدار يحرگها
وظلوع بالحايط بده بالباب يطبگها
اذياب ليش اتحولوا من طه فارگها
چم واحد اتجبر مايرحم الكوثر
★★★★★
سيده الزهره للنسا معروفه سيرتها
تبني اصول المعرفه بالدنيا غايتها
غربان وگفت بالدرب تمنع رسالتها
انطت عصور من العلم بسنين عاشتها
قصد العده اتفسر مايرحم الكوثر
الشاعر حسن لعيبي الحريشاوي
باي ذنب قتلت
فاطمة ان سئلت
ماذنبها لله ماذنبها
الظالمون داهموا بابها
فاي ذنب فعلت فاطمة ان سئلت
★★★★★
شكثر منهم فاطمه شافت هظيمه
تقاسموا دين النبي واصبح غنيمه
احقاد من سابع ظهر عدهم قديمه
القصد طه وحيدر بهاي الجريمه
قد احدثوا وغيّروا وخادعوا وانكّروا
ويحهم ماذا فعلوا ويحهم اذهب الله في غد ريحهم
فاي جرم اجرمت فاطمة لوسئلت
★★★★★
خالي من حقه الوحيد وماله طاعه
هذا قانون القوي ومنهج اتباعه
تحججوا ايد الله وي ايد الجماعه
ولعبوا الدور الصحيح بكل براعه
لم يبدوا منهم اسفا بل زادهم تعسفا
ثان الى الاول يهديها وثالث ايد ثانيها
كيف الامور قسّمت
فاطمة ان سئلت
★★★★★
استضعفوا اهل الشرف واهل الحميه
والي يجمع بالحطب نفسه الرديه
كال احسم باي شكل هاي القضيه
عين المصالح وين من عين الزجيه
لم يكثرث لما جرى امر خطيرا دبرا
سجرّ نار الحقد مااظلمه
ولم يبالي انها فاطمه
في الدار لما احرقت باي ذنب قتلت
★★★★★
منشعب كلب الزجيه من البدايه
اشتمت الدخان عرفتها النوايا
كلوبهم بس المصالح بيها غايه
غير كسر الضلع ماقبلوا نهايه
لله ماذا صنعوا واي قلب قطّعوا
اغير دارتلك ام دارها
اقاصدين الطهرام غيرها
يازمرة ماصنعت فاطمة ان سئلت
★★★★★
نحرت البسمة المصايب من گلبها
يوم دفع الباب والظالم ضربها
بضعة المختار ذيچ الي يحبها
ويغضب المختار والباري لغضبها
لم يعلموا من اغضبوا واي سلم حاربوا
مااجرئ القوم على ربهم واي حرب اعلنوا حربهم
ياويحهم ان غضبت فاطمة ان سئلت
الشاعر حسن لعيبي الحريشاوي
عن لسان العقيلة زينب تخاطب
ابيها امير المؤمنين عليه السلام
بعد استشهاد أمها الزهراء عليها السلام
اه يابويه شلون بيه
امي راحت من اديه
وهذا گلبي المنفجع معاشر جفوني الدمع
اه يابويه اه يابويه
★★★★★
اه يبويه راحتي حسره عليه
ريت گبل امي لفت روحي المنيه
ماي عيني غفله. راحت من اديه
امي راحت سلوتي الزهرة الزچيه
ماتردلي طال الغياب
وبحسرتي هلگلب ذاب
مثل ميذوب الشمع معاشرجفوني الدمع
اه يابويه اه يابويه
★★★★★
اه يابويه وحشتي اليوم شكبرها
ياسمه اتراب الارض اصبح گبرها
اثمنطعش يابويه. ماكمل عمرها
راح اعيش ابلوعتي واصبر صبرها
من بعدها شلون ارتاح
خذت مني كل الافراح
بعد كسرات الظلع. معاشر جفوني الدمع
آه يابويه آه يا بويه
★★★★★
اه يابويه چنه مايلتم شملكم
ريت روحي ماتضل لحظه بعدكم
بجنه روحي. تعيش محله أيامي يمكم
ريت عمري فدوه يابويه العمركم
بعد شحمل حسره وفراگ
احزان عمري انطبگن اطباگ
دنيا مابيها نفع معاشر جفوني الدمع
اه يابويه اه يابويه
★★★★★
شفت امي بعيني من كسرواضلعها
صابره على الصار. سلوتها دمعها
الحجر من ونها تصدع من سمعها
وردتك هلبين. يابوبه گطعها
فارگتني ام الاطياب
گبل راسي هلگلب شاب
شفت گلبي المنصدع. معاشر جفوني الدمع
اه يابويه اه يابويه
★★★★★
من بعدها حالي يصعب چنت ادري
من بعدها ينملي شوغات عمري
وگفت الدنيا تشوف شلون يجري
دمعي الماطفه ناري وصار جمري
امي تالي ا نگطع ونها
بيت واصبح خالي منها
الوصل حبله منگطع معاشر جفوني الدمع
اه يابويه اه يابويه
الشاعرحسن لعيبي الحريشاوي
لاستشهاد الزهراء عليها السلام
اكبر جريمة قتل ماتنذكر معقول
الكون منها ارتعد من الحصل مذهول
والارض الها بچت محزونه عرض وطول
تاريخ اسود چذب ماكو جريمه ايگول
محد ضرب فاطمه باب التهم مشيول
ولاظلع عدها انكسر ماكو جسم معلول
ولابيت نار اشتعل لاكو طفل مكتول
واكثر خفايا الكتب بيها الخبر منقول
اباب الزجيه العده تجول العده وتصول
وبعض الكتب زورت لاشاهد ومدلول
عن موتها فاطمه محد طلع مسئول
وتالي الجريمه اصبحت مكتوبه ضد مجهول
الشاعر حسن لعيبي الحريشاوي
قالوا لسلمان عليه السلام، أخبرنا عن حال امير المؤمنين بعد شهادة الزهراء عليهم السلام.
فقال لهم .....
من ذاك اليوم كلما جّيلة
مو وسط البيت ساهر ليلة
مرافگ للبير ويشكيلة
علي علي علي .... علي علي علي
》》》》》》》》》》》》》》》》
شحچي وشرد اسولف والحچي هواي
من حسراته ما ضل بير بي ماي
أسمع (بالصدى) ياهو البقةّ وياي
طحت مثل النسر مكسوره جنحاي
واسمع(يمةّ)ويا أم بيتي
يا گمرة ليلي وعافيتي
من ذاك البير ويحچيلة
علي علي علي .... علي علي علي
》》》》》》》》》》》》》》》》
عن الحچي مريم صامت بحين
رزقها الباري عيسى للحوارين
بفگد فاطمة حيدر صايم سنين
ليلية...دمع،، وشواگ،، وونيّنن
سالفتة الباب ونيرانة
شينومه الكثرة أحزانة
عايش لكن منهد حيلة
علي علي علي .... علي علي علي
》》》》》》》》》》》》》》》》》
مثل نگاط حبّ دمعاتة عالگاع
سفينة بنص بحر مكسورة الشراع
علي تغير تره من ذاك الوداع
امنهد ما حرگ بيته بالسلف ذاع
شنهي الينفع لو فزعتلة
الوادم والراح ما يرجعلة
أيضّل ملچوم ودمعة يسيلة
علي علي علي .... علي علي علي
》》》》》》》》》》》》》》》》
مشيتة تغيرت والهوه يخنگه
تنزل دمعته بس بيها حرگه
شني المحتاج گتلة وگال (ملگه)
مثلها وين يا سلمان الگه
يفرك چفه يحاچي بروحة
بس لا من راحت،،مجروحة
يمشي وجدّمة،، گوة يشيلة
علي علي علي .... علي علي علي
》》》》》》》》》》》》》》》》
چنت ما عرف شنهي اليفگد أنسان
شفتها أبيت حيدر بيت الآحزان
گمت ما طيقهن وكره البيبان
لمن لاح فاطم منّه نيران
من طاح الباب ،،فوگ أم زينب
من عصروها،،، وگامت تنحب
والباب (جذّوع) ويلي ثگيلة
علي علي علي .... علي علي علي
》》》》》》》》》》》》》》》》
#العبد_احمد_النوري
حينما كسرو ضلع الزهراء ع بكى الحسين ع على ضلعها المكسور وخدها المسطور !
ولكن الزهراء استذكرت الطف وقالت لهُ ،،،،،،،،،،،،،،
دمعي .. دمعي ألما ينزل نزلته
نوحي... نوحي الما يطلع طلعته
من شفتك تبجي اعليه
او باجر انت بلا ريه
دمعي ألما ينزل نزلته
______
هين يمه جرحي... جرحك انت أصعب
ناري بداري تسعر... نارك بيه تلهب
باجر يا سلوتي... هدمك يمه يسلب
باجر حته كطره... ما ضن يبني تشرب
حاير .... حاير بس الله يعينك
باجر .... باجر تنصاب بعينك
ينحز نحرك ضهريه
او باجر انت بلا ريه
_______
يا اغله الحبايب ... يا روحي البديه
لا تحزن ييمه .... لا تبجي عليه
انه جروحي سهله ... واتحملها بيه
بس انت المصيبه .... شهكاتك منيه
روحك ... روحك تتمنه الغيمه
نوحك.... نوحك يوصل للخميه
يوصل يم العلويه
او باجر انت بلا ريه
_______
باجر يمه صعبه .... وهواي المصايب
غربه او بالصحاري.... تمشيلك حبايب
ما تسلم خيمكم..... وتموت الكرايب
وعيالك ييمه.... مسكنهم خرايب
خيمه.... خيمه اتمنوا منزلهم
هيمه..... هيمه الصارت مسكنهم
يتمنونك ليليه
او باجر انت بلا ريه
_______
يا شمعه حياتي .... لا تحزن عله أمك
حيدر يمي لكن ..... باجر ياهو يمك
گرب يمه نحرك ...... خليني اشمك
باجر لو توذر...... ياهو يلمه جسمك
يمك ....... يمك ياهو يضل باجر
جسمك .... جسمك لو داسه الحافر
اتمنه اجروحك بيه
او باجر انت بلا ريه
_______
حيدر يمي يمه .... يدفني بجفوفه
باجر ياهو جسمك ....من ينزف يروفه
ربعك يمه بيهم .... واحد لا تعوفه
كافل زينب اسمه ... أهواهن حروفه
مايه.... مايه الباجر يوصله
رايه.... رايه التوكع ودكله
ياهو يحامي المسبيه
او باجر انت بلا ريه
_______
#_سيد_احمد_النوري
((ثآر الزهره))
ثآر الزهره بچفــــك لايگ يا أول يا تالي
يـــاعنوان الله وقـــانونه يالحـبك يبرالي
بسمك كل دستور أمشرع يامولاي الغالي
لو ماانته الدنيا حچايه يالمهدي ويالوالي
بحبك شدينه
حزام ونادينه
ها يـامـهدينه
متحضرين بحــــبك عالموعد تلگانه
منطين حچايه
نصعــد رمــايه
يا اجمل غـايه
اجمل غايه بجيشك مرسانه ومنوانه
ابد ابد .. مـــانتــرك الدرب
ابد ابد .. عالسهله والصعب
ابد ابد .. جوه الارض نطب
يامهدي ...
"""""""""""""""""""""""""""""""""""'''''''''''
باچر عمك يسند ضهرك اگطع نسل الزمره
عمك كافل كل صولاتك اطلب ثآر الزهره
اصلبهم يالمهدي بچفك علگهم عالشجره
والعباس بصفك واگف نضره وياك بنضره
عباس الكافل
يرجع ويقــاتل
ويــرد العــايل
عمك قائد جيشك والحومه بچفينه
البيرز للحومه
عابس وبيومه
ويطر هـدومه
كل واحد من ربعك مجنونك مهدينه
عشگ عشگ .. يــــالمهدي بالذبح
عشگ عشگ .. يـامحــــله عالرمح
عشگ عشگ .. شمس الله ياصبح
يامهدي ...
"""""""""""""""""""""""""""""""""""'''''''''''
يالمهدي ومن هاي اللحضه ابصملك يالقائد
ما اترك ساتر خيمتكم كل مجلس متواجد
ولو سدو باب أحسينيتك بالباب وهم گاعد
مو زاهد بس حبك يكتل صرت بحبك زاهد
نسيــــني ايــــامي
وتفكيـر اوهــــامي
وصير انته احلامي
وزود دمعي الزينب والخيمه المحروگه
خـــليني بحــيره
ومن ديره الديره
ومجــدي الغيره
وگلبي الــــرايد غيره من چفك لعروگه
دمع دمع .. ارزقــني دمعتي
دمع دمع .. من عيني هيبتي
دمع دمع .. يالمهدي حسرتي
يامهدي ...
"""""""""""""""""""""""""""""""""""'''''''''''
من گبةّ ذيچ ذيچ المحتاره للضامن مشيني
ما املك بس أملك حبك يالشاهد بسنيني
وكل ماضيع بهاي الدنيا هوه انته أدليني
خليني اسكن يم الكافل يالمهدي وخليني
مني وحررني
لا لا تهجــرني
بقربك سكني
كون اسكن يم جدك ياخدمةّ زواره
يــاعطر اليــمه
ويـــاروح العمه
عيشني بخدمه
لايذ وبسد عمك بســـــواره وانواره
عجل عجل .. يـاربي الطلعته
عجل عجل .. يـاربي الشيعته
عجل عجل .. وارزقنه شوفته
يامهدي ...
عبد زينب
محمد الابراهيمي
شيطان من شبّ الحطب على باب أم الحسن
شيطان من شبّ الحطب على باب أم الحسن
__
هجمت أباليس السقيفة العادية
وين الزنيم ابن الرجس والباغية
أهل الحقد ذوله الجبت والطاغية
ليش التقيه ويه الكفر ملاعين طول الزمن
شيطان من شبّ الحطب على باب أم الحسن
__
نلعنهم بلا توريه وبلا خَجَل
الزمره الخبيثة الغادره واهل الجهَل
الباگوا خلافة حيدره وصاحوا هُبَل
انقلبوا عالاعقاب اووضح يعبدون ذاك الوثَن
شيطان من شبّ الحطب على باب أم الحسن
__
گال النبي والكل تسمعه وتعلَمه
يغضب الباري اعله اللي يغضب فاطمة
بس ما رعوا حقها العصابة المجرمة
جمعو حطب كسرو ضلع شياطين أهل الفتن
شيطان من شبّ الحطب على باب أم الحسن
__
هذا الأمر واقع يجب أن نعلنه
نقسم بالاديان وأرض مكة ومِنه
ما يضرب الزهراء بس ابن الزِنه
شلّت يمينه وباللضى ولاعاش راحه عسَن
شيطان من شبّ الحطب على باب أم الحسن
__
عليه العزيز المقتدر الله غضَب
ومن دفتر الرحمة الألهية انشطَب
وتبّت يداه الجمّعت ذاك الحطَب
عليه لعنة الله وبسَقَر أو الويل حاجز وطَن
شيطان من شبّ الحطب على باب أم الحسن
__
جاب الحطب يم الزچية وجمّعه
يمكن ظلمنه ابليس ساويناه مَعه
لكنّه مو طاهر حليبه ومرضعة
ذاك الرخيص اللي اشترى النيران والجنّه ثمَن
شيطان من شبّ الحطب على باب أم الحسن
__
علي صابر السراي
نسألكم الدعاء
الليالي الفاطمية
شهادة فاطمة الزهراء (ع)
قصيدة (( ياضالم ))
لسان حال الحوراء زينب (ع)
ـــــــــــــــــــــــــــــــــــــــــــــــــــــــــــــــ
صاحت ليش تدفعني
خلف الباب تعصرني
البسـمــار صـوبنــي
يا ضالم
🕸🕸🕸🕸🕸🕸🕸🕸🕸🕸🕸🕸
چنت يمهه خلـف الباب اساعدهـه
من دفعوهه وانطبگت على خدهه
ردت احميهه عـن البـاب اباعـدهه
لچن چانـت ثگيلـه هواي شيردهه
ثگـل البـاب حيرني
وحرگ الدار شيبني
فعلك هـاذ يتمـنـي
يا ضالم
🕸🕸🕸🕸🕸🕸🕸🕸🕸🕸🕸🕸
شفت قنفذ رفع سوطه ويشتمهه
شفت بسمار احمر صار من دمهه
على الغبره هوه المحسن يكلمهه
علي وينه لچن ماچان علي يمهه
عشت الموت والحيره
بنـص النار چـن طيره
خمس سنين وصغيره
يا ضالم
🕸🕸🕸🕸🕸🕸🕸🕸🕸🕸🕸🕸
مثـل گلبـي ضلــع أمـي الـِتكسر
عشت آهات يـوم الباب والمنظر
شفتهه تريـد بـس اتگوم ماتگدر
صدرهه انعاب عالانفاس تتحسر
راح الصوت والبسمه
مــا ضـل دار لا لَمــه
ضل الصوت والكلمه
يا ضالم
🕸🕸🕸🕸🕸🕸🕸🕸🕸🕸🕸🕸
بُقــت ايـام نهـار وليـل تتـألـم
تريد اتگـوم تريد اتنـام تتلچم
صـار الماي مثل اجبـال تتهدم
بين اضلوع ام حسين المخذم
گـام المـاي يتكسـر
چن فَـخـار يتطشـر
من ترميه لون احمر
يا ضالم
🕸🕸🕸🕸🕸🕸🕸🕸🕸🕸🕸🕸
حتى الموت سمعته بيوم حاچاهه
اخذهه وراح و انه اتمنيت وياهـه
بگبرهه كـون اضلـن فـوگ يمناهـه
انــام ارتــاح ولا لچمـات فـرگاهـه
هـذا الصـار بـالزهـره
ام الكــون و العتـــره
خدهه انعاب بلسطره
يا ضالم
🕸🕸🕸🕸🕸🕸🕸🕸🕸🕸🕸🕸
حيـدر العمـار الخزعلـي
🕸🕸🕸🕸🕸🕸🕸🕸🕸🕸🕸🕸
❇️ قصائد استشهاد #سيدة_نساء_العالمين مولاتنا #فاطمة #الزهراء عليها السلام
يا كافل ثار الزهره
ضلع امك تدري بكسره
------------
يل صُبحك غابت شمسه
شما دهرك جار ويقسه
تتذكّرهه و ما تنسه
وما تخمد ذيچ الجمره
-------------
انت التدري بقصّتهه
ابگلبك عاشت لوعتهه
تصحه بصدرك حسرتهه
وبجفنك تُغفه الجمره
-------------
نيران الباب الشبت
ما بين حشاك التهبت
وكل دمعه امن امّك صبت
تعلن بجروحك ثوره
-----------
بجروحك ينهض سيفك
يل ما تسكت عن حيفك
المحسن ما فارگ طيفك
وبضلعك ذيچ العصره
------------
حزنك عاش بأفكارك
تسعر ما تخمد نارك
انهض واشهِر بتارك
وغيظَك عل باطل فَجره
------------
عل باطل فجّر غيظك
واروي الآمال بفيضك
ما تحتاج لتحريضك
انت بثاراتك أدره
------------
عقيل الكاظمي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
ما تلكاني
ما تلكانيي تعبت ادور عليه ما تلكاني
هذا مو احسيني هذا الثاني ما تلكاني
..................
هل جيتك ما تكومل
ي شلون
من الشمس عبينه متغير لون
اعثر جدامي جدامك حتى تكوم
لجمتك وتكول ما بيه هده
ما تلكاني انته مو حسين لعرفه
ما تلكاني مو اخته تتدهه كلفه
ما تلكاني
ما تلكانيي تعبت ادور عليه ما تلكاني
هذا مو احسيني هذا الثاني ما تلكاني
................
ندهتك وكلت ما بيه هده
ومو من عاده ما يكوم لخته
مديت ايدي عل الضلعه ولجمته
لا كاني دم صدارك وما عبرته
ما تلكاني اكعد خويه اني ماشيه
ما تلكاني ما كو راضيه ومو راضيه
ما تلكاني
ما تلكانيي تعبت ادور عليه ما تلكاني
هذا مو احسيني هذا الثاني ما تلكاني
..............
خويه اني ارد اكلك عنك رايحه
أخاف مقصر وياي الذابحه
انه احجي وانته ساكت يمها
لازم تكوم لخاطر بناتك لمها
ما تلكاني حسين موش حسين لعرفه
ما تلكاني اكعد خويه اني منك رايحه
ما تلكاني
ما تلكانيي تعبت ادور عليه ما تلكاني
هذا مو احسيني هذا الثاني ما تلكاني
...........
ردت ادور خنصر الراح
ادري مذبوح حتى كلبك يرتاح
من الشريعه للتل حافر داس
من الخنصر الحافر ينشاف
ما تلكاني تعب هيج ليش خويه وياي
ما تلكاني عطشانه على أخو مو على الماي
ما تلكاني
ما تلكانيي تعبت ادور عليه ما تلكاني
هذا مو احسيني هذا الثاني ما تلكاني
...........
كلمات.. الشاعر علي لفته خضير الدريساوي
لاستشهاد الزهراء عليها السلام
افتح سجلات الهظم
واقره شكثر شافت ظلم
للزهره عدوان وخصم
المن تدير العين
★★★★★
سلبوا احلام الزچيه والاماني
انصاف منهم رادت وظلّت تتاني
لاشكل للدين عدهم لا معاني
ليش ام الرحمه خلوها تعاني
الكون حقها ينحفظ
ظالم عليها يعترض
واحكام سواها فرض
المن تدير العين
★★★★★
بياذنب دنيا واهلها عليها جارت
بياذنب لهل الذنب مطلوبه صارت
ماتود من خيرهم بس حگها رادت
بخاطر المكسور يم الگبر راحت
يم گبر ابوها اتعنته
تشكي العذاب الشافته
من بعد نوره وهيبته
المن تدير العين
★★★★★
الباري الهم انزل الطافه الخفيه
ليش شرهم صعد بافعال الرديه
شكثر طه يوصي ويعيد الوصيه
بضعه مني ومهجتي يگول الزچيه
اول وصيه اتنفذت
بالدار نيران اسعرت
وضلوع منها اتكسرت
المن تدير العين
★★★★★
سمه الدنيا بوحشه تجري بلاسماها
الضحكه منحوره سهم فرگه الرماها
نور طه عيونها المدمع عماها
دمع اليطفي الجرح هوه الچواها
درب الجرح وي العلل
الياحد جزه وبيها وصل
العشرة گضت وي الاهل
المن تدير العين
★★★★★
موحشه عليها المشارق والمغارب
من ضوه المختار عنها صار غايب
بير يوسف صارت الدنيا وغياهب
اهدعش للهجره تولتها النوايب
راح وذبل نور السطع
والگلب بالونه انصدع
حبل الاهل عنها انگطع
المن تدير العين
الشاعر حسن لعيبي الحريشاوي
ابوذيات لشهادة الزهراء عليها السلام
عذاب اكثر يرب الكون وجهه
على التارس شماته وحقد وجهه
دار اهل البخت بالنار وجهه
ورض برفسته اظلوع الزجيه
★★★★★
روحي شگد هظم يكتل وردها
على الروضه الغده ذابل وردها
سچة الليل اخذ روحي وردها
تون وتنوح علزهره الزجيه
الشاعر حسن لعيبي الحريشاوي
لاستشهاد فاطمة الزهراء عليها السلام
يوم الزهره. ويوم العاشر اصعب يومين
بين السطره. وبين الحافر اصعب يومين
اهناك المحسن مطروح. وعبدالله هنا مذبوح
اصعب يومين
★★★★★
هذا حال الطاهره الحره الزچيه
الدارها من كل كتر تلفي المنيه
نشطر نصين الگلب نوح ورزيه
التمن احزان الوكت كلهن سويه
بيوم الرهبه ويوم الغربه مهدوم الحيل
مابيه رحمه. ليل الظلمه . آه من الليل
اهناه نوح وآلام. وهناه محروگه اخيام
اصعب يومين
★★★★★
وزينب تشوف الهواشم علترايب
حسين بين الگوم وسهام النوايب
ضل وحيد وعنه صار الگمر غايب
نهب لسيوف العده كل الحبايب
انوار العتره. فوگ الغبره. صاروا ياحيف
ولاكافلها. . اليفزع الها. امگطع بالسيف
هناك الضلع المكسور. وهنا راس المنحور
اصعب يومين
★★★★★
الموخليفه شلون يتسمه خليفه
المنهجه مصنوع من يوم السقيفه
كشرت انيابها وجوه الاليفه
فرضوا الاحكام بالحجة الضعيفه
اطباع الصلفه. لاموصدفه ولاهذا الراي
الناتج ظاهر. طف وعاشر. وي منع الماي
يوم الباب المحروگ. ويوم الراحت علنوگ
اصعب يومين
★★★★★
للجريمه اهواي ابعاد واسامي
يا امامي الحجه تعلم ياامامي
الزهره مهظومه گضت وحسين ضامي
ومثل محسن علترب عبد الله دامي
من اهل البدعه واهل الخدعه شافوا اهوال
هاي الزمره. نفس الفكره ونفس الاحوال
يوم الهم واللوعات. ويوم الشر والويلات
اصعب يومين
الشاعر حسن لعيبي الحريشاوي
لاستشهاد فاطمة الزهراء عليها السلام
ياذنب سوته الزهره ام الحسن
هلعمر گضته بس عذاب ومحن
★★★★★
هاي ام الخير علوادم گلبها
مارحم بيها الاخذ حقها وسلبها
ليش حد الموت ونتها وتعبها
بابها مدفوع والظالم ضربها
للصنم غايته يرد ذاك الزمن
ياذنب سوته الزهره ام الحسن
★★★★★
(وان ) گال الظالم بيوم الرزيه
لايهاب الله وكتابه ولانبيه
ماتاثر من كسر ضلع الزچيه
صوابها ماطاب حد يوم المنيه
الطفل فگدته اضلوعها اتكسرن
ياذنب سوته الزهره ام الحسن
★★★★★
يوم سلم طاها للمعبود امره
توالت عليها المصايب حسره حسره
الاخذ حگها بياوجه واحد يعذره
والدفع باب وضلع طاهر يكسره
مادره بدفعته شعل نار الفتن
ياذنب سوته الزهره ام الحسن
★★★★★
وسفه صار البيت للاحزان تالي
بيت موحش علزچيه صار خالي
انصبت عليها المحن بعد الغوالي
عليها ايام النهار امسن ليالي
والصبر ملته ثمنطعشها گضن
ياذنب سوته الزهره ام الحسن
“★★★★★
درت من بعد الابو يگصر عمرها
الچانت ومفروض يتعله قدرها
وصت الكرار من يخفي گبرها
لايزور الگبر شامت لايمرها
بليل من وصته لونعشها اندفن
ياذنب سوته الزهره ام الحسن
الشاعر حسن لعيبي الحريشاوي
لاستشهاد الزهراء عليها السلام (وزن الهجري)
عظم الله. يحيدر. . أجرك بهذا المصاب
بعد فگد الزهره حالك مدمع و نوح وعذاب
★★★★★
أَتَغَيَّر الدنيا شكلها. بعينك ولون الزمان
جنتك بِاللَّحْد صارت. والله دنيا بلاامان
روحك تشع بضواها. التارسه البيت ابحنان
شلون ماتستعر نارك جنتك تحت التراب
★★★★★
تشكي للمعبود حزنك. فارگت اغله العباد
ابيضت عيونك عليها. وصبحك توشح سواد
گلبك الحارگته فرگه. شلون مايصبح رماد
الراحه من بعد الزچيه صفت بعيونك سراب
★★★★★
كاسر ضلوع الزچيه. للظلم گلبه حليف
مَهَّد لطبرة الهامه. الي سطر خدها الشريف
صنع دولة شر لعينه. رافع على الرحمه سيف
يعينك الباري دعينه . اشكثر تتحمل صعاب
★★★★★
غربه واحزان وفجيعه. دمع وهموم ومرار
انْصَبَّت أعليك المصايب. سوته ليل النهار
أمقيد ابحكم الوصيه ما إلك غير اختيار
ذبلِّوا زهرة شبابك. ماتت ابعز الشباب
★★★★★
فرهدوا راحات گلبك. سلبوا الراحه من اديك
طفوا من البيت شمعه. لضاويه چانت عليك
الدنيا وفراگ الزچيه. ياعلي شمسويه بيك
ساعه ماتحمل عگبها. شلون لوطال الغياب
★★★★★
للامام المهدي نسعه. ونرفع آيات العزاء
يمكن أبلطمة صدرنه. لفاجعة خير النساء
وبدمع جمرات تجري. انهوَّن عليه البلاء
انخفف من احزان گلبه گلبه من اللوعه ذاب
الشاعر حسن لعيبي الحريشاوي
ياتؤام الاحزان لاستشهاد الزهراء
عليها السلام ملمع ( بين قوسين فصحى )
(ياتؤام الاحزان والسقمُ مَعْصُوْمَة بالدمع تعتصمُ
الدمعُ والاهاتُ تعرفها والليل والزفرات والالمُ
فالكسر لايجبرْ في سورة الكوثرْ)
★★★★★
من راح ابوها وغيبوا عصره
احنوا ضلع بعد الكسر عصره
حزن الصبح بيه اتصل عصره
والليل مظلم ماطلع فجره
(باي ذنب اسقطوا الطفلا واي ذنب كان للضلعِ
هل احدثت في الدين من امر ام احدثت رايأ على الجمع
رام الاسى يظهر في سورة الكوثرْ)
★★★★★
ابيت النبوة اليگطع الزهره
مايدري دافع فاطمة الزهره
كوكب عطارد كوكب الزهره
كلها ابسماها ادور مفتخره
(من جاء للزهراء ينذرها وداهم الدار واهليها
ان يجنحوا للظلم والقهر اويحرقوا الدارومن فيها
بالرعب قد اثرْ في سورة الكوثرْ)
★★★★★
بنار الحقد دار الشرف وجهه
لامستحي ولامن عرگ وجهه
ماظلت الها للاسف وجهه
لله البتول اصبحت متوجهه
(عاصمة للحزن والجرح دامية والقلب مهتظم
للجبت والطاغوت بالعون كم احدثوا قهروكم ظلموا
فالحزن قد ابحر في سورة الكوثر )
★★★★★
وين الشهامه والقيم ونها
زيدها فوگ الون على ونها
ظالم گطع غصن الورد ونها
يوم السلب حگ الورث منها
(خزائن الاسرار فاطمة فاي سر مودع فيها
لويعرف الملعون انصفها ماشأن فاطمة لباريها
الخير لدى المحشرْ في سورة الكوثر)
★★★★★
لاموسم اثمار الشجر لاحن
چفوف المنايا للثمر لاحن
لامن رحم بيها الوكت لاحن
اوراق منها ثمنطعش طاحن
(ماذنب انوار محطمةٌ في الليل سرا كان مدفنها
ماتت على الاصحاب غاضبة ومن جنى جرما واحزنها
لايعرف الجوهر في سورة الكوثر)
الشاعر حسن لعيبي الحريشاوي
لاستشهاد الصديقة الزهراء عليها السلام
فاطمة يافاطمة يافاطمة
ضَيَّعُوهَا. ولَّوعوُها. ومارعوها
فاطمة يافاطمة يافاطمة
★★★★★
توالت عليها المحن مطرت عليها
الحزن من بعد الاهل شمخلي بيها
تشگف سياط العده ظلت بديها
تبيع بيها الدنيا ليش وتشتريها
غربتَّها حيرتَّها وعذبتَّها
فاطمة يافاطمة يافاطمة
★★★★★
علربيع شعجّل الشيب وعذابه
بالزجر صار الزمن لهجة خطابه
لچمة تندل لچمة من حرگة غيابه
يوم ابوها هجمت الگوم على بابه
ياجمرها. ياصبرها و ياكسرها
فاطمة يافاطمة يافاطمة
★★★★★
مانساها الحزن ماتّيه دربها
والشكه ونتّها والجّرح گلبها
والغصب منها المواريث وغصبها
شكثر الله ستر دنيا وماگلبها
حاربوها وعذبوها وارعبوها
فاطمة يافاطمة يافاطمة
★★★★★
ظالم ابوجه الزچيه صوته يعله
ماالچ ميراث گاللها وتگله
بياقوانين وشرع حكمك واصله
الماتقبله عليك ولغيرك تقبله
مارحمها ومافهمها من ظلمها
فاطمة يافاطمة يافاطمة
★★★★★
نظره علتاريخ ياهو العنده نظره
وكل عذاب الي جره اعليها يفسره
ليش ماتت فاطمه وبالكلب حسره
وليش بالسر تندفن فاطمه الزهره
يادمعها ياصدعها ياضلعها
فاطمة يافاطمة يافاطمة
الشاعر حسن لعيبي الحريشاوي