7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
اربعينية امير المؤمنين ع
بـاربعـينـك يا علـي بـدمـعـتي
جيتك اشكي محنتي وغربتي
بـويـه بـعـدك بالهـظـم حالـتي
بـويـــه .. بـويـــه
……………………………
اجيتك بربعينك بويه شچايه .. يتيمه وحالي .. الدمع يبرالي
بروحي اهموم لو احچيلك اهوايه .. غميجه اجروحي .. ويجرحك نوحي
هجرك بويه زاد عليه بلوايه .. تغير لوني .. وحزن بعيوني
يتيمه هواي صعبه عليه الحچايه .. فگدتكم حسره .. علي والزهره
ما رحمني بويه هذا الهجر
والليالي وحشه عگبك تمر
بگلبي تسعر فرگتك چن جمر
بويه .. بويه
……………………………
اجيتك والهظم والنوح سابگني .. شكبر حسراتي .. وجرت دمعاتي
يمن للغربه والألام عايفني .. عفتني بغربه .. يحيدر صعبه
لون وياك آه يالوالي ماخذني .. ولا عيفني .. يبويه بحزني
الدهر عگبك مصايب كثره طالبني .. وانه ابلا والي .. صرت يالغالي
يحزم اعليه يبويه الفتن
واني گلبي بنايباته انسحن
المن امشي وشكي جرحي لمن
بويه .. بويه
……………………………
النوايب والمصايب راح تلفيني .. يصبهن دهري .. ويهدلي ظهري
مصارع كل اخوتي اتضل تراويني .. بدمع ابچيهم .. بهظم انعيهم
الحسن مسموم چبده تبصره عيني .. وانوح الحاله .. بدمعـتي ابراله
يبويه وهل مصيبه اشگد تأذيني .. وانوح واهمي .. لمصاب ابن امي
راح اشوفن بالطشت چبدته
ويلي بويه لمحنته وغربته
عليه تنزل بالهظم دمعـته
بويه .. بويه
……………………………
وبعد بالطف چبيره هناك المصيبه .. المصيبه اجبيره .. واطيح ابحيره
جروحي الماتصحلهن ابد طيبه .. اشوف اخواني .. عمرهم فاني
اشوف عله الثره مخضوبه چم شيبه .. الدمه يغـطيها .. وتراب عليها
وياگلب السهام امثلثه اتصيبه .. وتصيب اليرضع .. ونحر يتگطع
لهل مصايب ياعلي والحزن
عمري اخلصه بس انوحن واون
من اشوفن چم ظلع ينطحن
بويه .. بويه
……………………………
اشوف حسين يابويه على الغبره .. يصد خيامي .. يبويه و ضامي
وشمر يركب اشوفنه على صدره .. النذل من داسه .. يجر ابراسه
ويلزم شيبته الملعون ويجره .. ويطگ بالنشمي .. ويشتم بامي
ومن مگفاه اشوفه ياعلي ينحره .. بدماه التجري .. كسرلي ظهري
بعيني اشوفن ياعلي ما جره
حسين اخويه منگطع منحره
ويجري دمه بويه فوگ عالثره
بويه .. بويه
……………………………
من ذبحو اخوتي الچان تحميني .. العده سلبوني .. شكثر ضربوني
العساكر داورتني تريد تسبيني .. وبقيت الوحدي .. ودمعتي بخدي
هذا الي يعـتني وذاگ يچويني .. وصحت چا وينه .. الكفلني بعينه
عله الكافل لطمت بحرگـتي عيني .. وصحتله خدري .. نسلب هم تدري
بلا كفيلي بويه صعبه السبي
يحدي بيه شلون يرضه اجنبي
وانه زينب ياعلي بت نبي
بويه .. بويه
الشاعر عقيل الحسناوي..
فائزي في مصيبة سيدي ومولاي وولي نعمتي عبدالله الرضيع عندما جائت به الرباب للحوراء زينب عليها السلام
أم الطفل جت بالطفل تجري دمعها
يم العقيله بالحزن تشكي وضعها
اتنادي يزينب هالمصيبه شيبتني
اوحال الطفل يمدللـه بالحال فتني
شفته ارتعش ميت عطش والعبره جتني
وشوفي يزينب رقبته طفلي دلعها
شفته ايبست مثل الحجر والسانه اعظم
مدري شسوي بالولد وانهاري اظلم
هاچ الطفل يمخدره لا ينشف الدم
وتدري يزينب مهجتي نوحه وجعها
صدري نشف مابيه لبن بالحاله تدري
ومن انظر الطفلي اون آه يمه صدري
اخذي الطفل يم والده اوقولي له عذري
اوحلفي السبط بالطَّاهِرَه اوكسرة ضلعها
اخدي الطفل يم والده قولي له ياحسين
طفلك بيموت امن العطش ويعانق البين
ماكو لبن ماكو عذب وين التجي وين
ومن سمعت الحوره الحچي وسفه فجعها
اخذت طفلها اونادت المظلوم بالحال
ياحسين من زود العطش بتموت لطفال
إخذ الطفل يابو علي واقصد للنذال
يمكن يحن قلب العدا اويخلف طبعها
إخذه يخويه المعركة وانشد العدوان
تروي الولد ماي العذب لا يقضي عطشان
يا وسفه چبده امن العطش ملتهبه نيران
اوهلت ادموعه بالوجن بس ما سمعها
نادي يزينب للطفل متفتت احشاي
للطفل ياضنوة علي لا تطلبي الماي
اوفوق النهر طاح الذي يسقي يتاماي
واجنازته فوق النهر محد رفعها
يمخدرة حيدر علي يا خيرة الناس
ظهري يزينب منكسر من طاح عباس
خلي الطفل يهلك عطش لا باس لا باس
لا يذبحه چف حرمله اويهتك شرعها
رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي
السيد موسى الأحسائي
رثاء آل عدنان للسيد موسى السلمان
نشاشيب::
غزاني الضيم وبراسي نشاشيب
بتلابيب الگلب ابني نشاشيب
اسهام وفوس حاربني ونشاشيب
دهري من خذه وما رده اليه
✍️ام ضيغم المحنا
نعي گرناوي
《وزن نصاري》
++++++++++!+++
اهز مهدك والوليك واناغيك
واگلك هاك در ثديك يغالي
اهز بالمهد ما انام باليل
واهدومك اسطرهن اگبالي
واگدر علی طولك ثوب واگماط
واگول اشگد حلو اولیدي ودلالي
واحضرلك منامك وافرش اعطور
وحچبیک وانه راسي عالي
عندي اوليدي چنه لیلة العيد
ومثل شمس الضحه جيده يلالي
رضیع اوليدي ياهو الگال مذبوح
اشوفه ایصیحلي يمه تعالي
اثاري عالرمح راسك يمفطوم
واثاريني اهز بالمهد خالي
♡♡♡♡♡♡♡♡♡♡
✍...تمت بقلم الشاعره العلويه ام ضيغم المحنا لا نجیز حذف الاسم یتقابل مع العباس ابو فاضل✋
⬛️◼️القصيدة 3◼️⬛️
آهٍ لها بَقِيت تطوفُ ببالي
صورُ البلاءِ فغيّرت أحوالي
وقِوايَ هُدّت فالخطوبُ جسيمةٌ
هذي دموعي أخرَست لِمقالي
لم أعرفِ الأيامَ بعدَ رزيتي
والكلُ منها أُبدِلَت بليالِ
وتعيدُني الذكرى لأفجعِ وقعةٍ
مُذ حلّ شهرُ الحزنِ بالإعوالِ
أهلالَ عاشوراءَ عُدتَ بلَوعتي
ومصآئبي ما بارَحت لِخيالي
أنا زينبُ الكبرى وريثةُ فاطمٍ
في كربلاء َ تبدّدت آمآلي
ليَ إخوةٌ ذُبحوا وأُحرقَ منزلي
معهُ خيامي بعدَ نهب ِرحالي
فحسينُ في طفِ المآسيَ عافرٌ
وموزعُ الأشلاءِ والأوصالِ
وكفيليَ العباسُ غدراً قطّعوا
يمناهُ حتى أتبِعَت بشمالِ
ماذا أقولُ عن الذي شاهدتُهُ
فجسومُ أهلي كُفِنَت برمالِ
ورؤوسُهُم حُزت بأسوَإ ِمنظرٍ
طافوا بها البلدانَ فوقَ عوالِ
ياجُرحَ سبيّيِ مابرِئتَ ولم تزلْ
من ذكرهِ حتى اللئيمُ بكىٰ لي
وأنا التي قَسماً بخدريَ أقسموا
والكلُ يحكي هيبتي وجلالي
لم يستطعْ أحدٌ لشخصيَ نظرةً
كي يرسِمّنَ الواصفونَ خيالي
وإذا يراني الشامتونَ أسيرةً
مكتوفةً بالحبلِ والأغلالِ
جبلٌ من الأحزانِ أرّقَ مضجَعي
من كربلا للشامِ كانَ مآلي
#سمير_الصالحي
#النجف_الأشرف
⚫️الك عين وتهل يهلال
ريتك كون لا تظهر
⚫️تذكرني بمصاب حسين
وعيني الشافته مطبر
يهلال الحزن هليت
ليش تزيد من همي
من يوم العملها البين
مفجوعه على ابن امي
بيوم العاشر بعاشور
حسين مگطع ومرمي
نايم عل الترب ويلاه
ما ينوصف هالمنظر
عجيبه شلون انه ظليت
من بعده سنه وايام
أعيش بهضمه وبلوعه
من اشوفك تهل هذا العام
حگي لو خلص عمري
نياحه ولطم ما أنلام
وآنه الشاهدت ياناس
ضلوع السبط تتكسر
يهلال من اصدن ليك
چني واگفه اعله التل
واصيحن وين يابن امي
دربك وآنه ماأندل
ويمي بس حرم واطفال
هيج مروّتك تقبل
غريبه ابين عدوانك
معقوله يبو الأكبر
بعد شتذكر اوشحچي
واخوتي مذبحه گبالي
شباب مطرحه اعله الگاع
وانه حرمه بلا والي
وابو فاضل نخيته اردود
صحت وينك يكفالي
موش انت الجبت زينب
وگلب زينب بگه محيّر
يهلال واريد اعتب
على الخوان عافوني
يسيره مچتفه ظليت
ولا چنهم يعرفوني
ياوسفه الدهر خوان
أميره وتالي يسبوني
واعتب والعتب شيفيد
مصاب وأدري امگدّر
#سمير_الصالحي
#النجف_الأشرف
[٢]▪️نشر جديد
رُباعيَّة الليلة الأولى من المحرم
١/أَمَلائكٌ أمْ فاطمُ الزَّهراءُ ؟
نشرتْ قميصاً خضَّبتْهُ دمَاءُ
فبدا عَلى وجهِ الهلالِ عزاءُ
ليصيحَ بالأرزاءِ عادَ "مُحرَّمُ"
٢/إنَّا رأينا بالبصيرةِ لا البصرْ
ثوْبَ الحسينِ عليهِ دمعُ المُنتظَرْ
ما زالَ يبكي جدَّهُ طولَ الدَّهَرْ
فبروحِهِ أرواحُنا تتألَّمُ
٣/بقميصِ يوسفَ عادَ يعقوبٌ بصيرْ
واحَرَّ قلْباهُ علىْ الهاديْ النذيرْ !
عمِيَتْ محاجِرُهُ عَلى السِّبطِ العفيرْ
وقميصُهُ بِظُبا العِدى متخرِّمُ ..
٤/ثوبٌ ، وتحتارُ الجراحُ بأَمْرِهِ !
فَمُثَلَّثٌ قاسٍ بَدا مِنْ ظَهْرِهِ
وحوافِرٌ طُبِعَتْ بهَيْكَلِ صَدْرِهِ
وتكدَّستْ في جانِبيهِ الأسْهُمُ..
٥/ثوبُ الحُسينِ لهُ السَّما تتعَجَّبُ
لكنَّما صبرُ العقيلةِ أعْجَبُ !
نظرتْ برأسِ الرُّمحِ رأساً يُنْصَبُ
والشِّمْرُ في تلويحِهِ يتبسَّمُ
٦/بعدَ القميصِ فلمْ يعُدْ حصنٌ حصينْ
حَرقَتْ خِباءَ العزِّ نارُ الظالمينْ
ومضوا بزينبَ نحوَ شامِ الشَّامتينْ
وَلِعِصْمَةِ الرَّحمانِ قُيِّدَ مِعْصَمُ !
٧/حتماً نرى هذا القميصَ لدى الجزاءْ*
للهِ ترفَعُهُ يدا خيرِ النِّسَاءْ
وتقولُ : واحُزْني لمسلوبِ الرِّداءْ
فيضجُّ في ساحِ القيامةِ مأتَمُ..
* مجالس المفيد: الصدوق، عن أبيه، عن علي، عن أبيه، عن ابن أبي عمير، عن أبان بن عثمان، عن أبي عبد الله (عليه السلام) قال: إذا كان يوم القيامة جمع الله الأولين والآخرين في صعيد واحد فينادي مناد: غضوا أبصاركم ونكسوا رؤوسكم حتى تجوز فاطمة بنت محمد (صلى الله عليه وآله) الصراط.
قال: فتغض الخلائق أبصارهم فتأتي فاطمة (عليها السلام) على نجيب من نجب الجنة يشيعها سبعون ألف ملك، فتقف موقفا شريفا من مواقف القيامة، ثم تنزل عن نجيبها فتأخذ قميص الحسين بن علي (عليه السلام) بيدها مضمخا بدمه وتقول يا رب هذا قميص ولدي وقد علمت ما صنع به، فيأتيها النداء من قبل الله عز وجل: يا فاطمة لك عندي الرضا فتقول: يا رب انتصر لي من قاتله فيأمر الله تعالى عنقا من النار فتخرج من جهنم فتلتقط قتلة الحسين بن علي (عليه السلام) كما يلتقط الطير الحب، ثم يعود العنق بهم إلى النار فيعذبون فيها بأنواع العذاب ثم تركب فاطمة (عليها السلام) نجيبها حتى تدخل الجنة ومعها الملائكة المشيعون لها وذريتها بين يديها وأولياؤهم من الناس عن يمينها وشمالها.
بحار الأنوار - العلامة المجلسي - ج ٤٣ - الصفحة ٢٢٤
الشاعر علي عسيلي العاملي
#محرم_١٤٤٦
#رباعية_الليلة_الأولى
#اللهم_عجل_لوليك_الفرج
⬛️🔳القصيدة-3-🔳⬛️
وحَلّتْ بأرضِ الطفِّ ِوَلهىٰ وتندبُ
وفي يوم ِعاشورآءَ والدمع َ تَسكُـب ُ
تنادي حُسيناً كيف َتبقىٰ علىٰ الثرىٰ
قتيلاً بلا غُسل ٍ وأنت َ مُخَضـّب ُ
أنَا أمُك َالزهرآء ُ جِئت ُ بلَهفة ٍ
وقلبي بجَمر ِالحُزن ِوالشَوقِ ِيَلهَب ُ
فَبُعداً لقوم ٍ لم يُبالُوا بما جَنَوا
ولم يَعرِفُوا حَقي وبالحقدِ أُشرِبُوا
ولم يَحفَظُوا المُختار َفيك َوإنَّهُمْ
بقَعر ِ لَظىٰ لاريبَّ والله َأغضَبُوا
فما ذنب ُ أطفال ٍ تُقَتَّل ُ والنِسا
حواسِرُ من نار ِِ الأعادي َ تَهرُب ُ
وهٰذي شباب ٌحيثُ حُزّت رؤوسُها
كواكبُ يَقضي كوكب ٌ ثمَّ كوكب ُ
فآه ٍ علىٰ هذا المُصابِ وإننَي
مَدىٰ الدَهر ِأبكي للذَبيح ِ وأنحَب ُ
#سمير_الصالحي
#النجف_الأشرف
🏴 نعي مجردات
يحسين جيت بيوم عاشور
للغاضريه ودمعتي تفور
وتدري يبمه بضلعي مكسور
متحيره والگلب مفطور
وشفتك على التربان منحور
🏴 نعي مجردات
گلي ييمه شلون اشمك
والحضني ماأگدر اضمك
موذر ويصعب علَي لمك
ابحر الشمس سابح بدمك
ذبحوك يمه وموش يمَك
يحسين حاچيني آنه أمك
#سمير_الصالحي
#النجف_الأشرف
🏴 السيدة الزهرآء ع في كربلآء
🏴إجيت لكربله واتعثر بممشاي
🏴وما اشوف الدرب معميه من ابچاي
الدرب اظلم وادور عن ابو السجاد
مذبوح وعليه الگلب لا ما هاد
مفجوعه لمصيبة ثالث الأولاد
يموت ولا شرب ويلاه گطرة ماي
لگيته موذر وجسمه سليب ثياب
مگطوع النحر والچفن دم وتراب
حضنته بحرگة ام وعاتبيته اعتاب
لونك تگدر اتگوم وترد وياي
ملهوفه أجيتك يالولد يبني
مصابك يالعزيز حسين عذبني
أمك فاطمه والدهر دولبني
ربيتك يبمه وهيچي حگ ارباي
كلكم رحتو من ايدي ذبح وسموم
وعگبكم أنحب وأهمل دمع بدموم
يبمه وراس اخيك بالعمد مجسوم
وگطيعه چفوفه شفته الكافل الوفاي
ما بطل نواعي من يهل عاشور
وابچي عله الذبيح الخنصره مبتور
وين اهل المجالس واللطم لصدور
يواسوني أريدن بالشعاير هاي
#سمير_الصالحي
#النجف_الأشرف
خلي الحسين غافي جرحه
منه شتريد لا تذبحه
لا تزيد آلامي عوف اخوي الضامي
***
عالتراب حسين مرمي ونابت بصدره السهم
ردت اشيلنه وسمعته يون حيل من الألم
لا تلجميني يكلي صدري بالخيل انهشم
وكومي خويه بساع ارجعي لا يحركون الخيم
شفته عطشان ويطلب الماي
بظهره مطعون امبين اهواي
شفته مرمي ودامي عوف اخوي الضامي
*
كام ما يكدر اخيي يجر ياناس النفس
مكطع ومرمي عله وجه وجسمه طعنات انترس
منين ما اكلبه اشوفن بكل كتر حافر فرس
ياشمر خايب درحمه من العطش كلبه يبس
جانت الخيل تلعب عليه
وجرح الحسين بيش اداويه
لا تسلب احلامي عوف اخوي الضامي
***
ليش متربع عله صدره ورايد اتحز النحر
تدري من كثر الحوافر ظهر الحسين انكسر
ياشمر خله ابمجانه عليه ظل يربي النظر
وكمت اصيحن وين عنك راح عباس الكمر
امنيتي عباس هسه موجود
وينظر حسين صاحب الجود
يذبحك جدامي عوف اخوي الضامي
****
عالرمال حسين شفته والعده شمسويه بيه
عاينت للجفوفه لاجن ضايع أصبع من اديه
وعاينيت اخيول عشره كامن ايسحكن عليه
صحت عوفه ايودع اخته روحي حنت تدري ليه
عوفه لحظات يحجي وياي
لمن ايموت ضيعتي بهاي
من يطفي اخيامي عوف اخوي الضامي
****
عوف اخوي ولا تألمه تنحه عنه ياشمر
عنده ماظل ضلع سالم سحكته الخيل اشكثر
حسين تدري من تذبحه تذبح وياك الخدر
بالخيم ظلت رقيه تريد ابوها وتنتظر
راحت اتموت من البواجي
وتنسلب راح هالتراجي
تضيع بعده ايتامي عوف اخوي الضامي
**
صحت لاجن ما سمعني ولزم بيده شيبته
وشفته حط سيفه عله نحره وبده ايحز بركبته
شال راسه وانه انظر هوس بصف جثته
العده التمت وعاين سلبوها اعمامته
عالترب كام يجري دمه
وبالنحر ريت كون اشمه
ظلمه بعده أيامي عوف اخوي الضامي
**
تمت
ميثم العمري
خالي المهد واگعد واهزه
يمه الولد ثاري شمعزه
مسموعه بالليل الدللول
بسك يچفي وليدي مكتول خالي المهد
***
ضيجه الهوى يا روحي ضيجه
بوليدي فك الموت ريجه
ظليت غرگانه بحريجه
خاوي الگلب خيمه عتيجه
كلساع افزن لا شفت يا يمه حالي
واسم الله اصيحن علمهد بس هو خالي
عبد الله صوتك گعداني
خلاني ما هيد ابمچاني
حاجيته گتله وياك شتگول ؟
بسك يچفي وليدي مكتول خالي المهد
****
ترس أذني صوتك ماله چاره
صوت العطش ما تطفى ناره
يا ربحي شو صاير خساره
راجع نحر دمه ايتجاره
چا غير بالموت اقتنع واقبل مماتك
يم المهد نگعد سوى آنه وخواتك
جابو الماي وما شربناه
اسم النهر بعدك كرهناه
يمه اليذبحك ريته مشلول
بسك يچفي وليدي مكتول خالي المهد
*
يمك عبد لا مو بعيده
حلمانه بس چن أيدي بيده
ينزل جمر دمع الوحيده
أگعدلي بس گلي التريده
يلنايم الما لحگت تمشي اعله طولك
حسبالي تكبر والربع لهلك يجولك
هاي الطفوله شموتاهه ؟
سهم العطش بالطف لفاهه
الله اليعابي الچان مسؤول
بسك يچفي وليدي مكتول خالي المهد
***
نوم البواچي شلون ويلاه
بالحلم دمعي ايسولف وياه
أگعد واگله اسم الله يمااه
حسبالي فز وليدي احااه
فگد الولد ما ينحمل عبد الله يمه
يلعطرك امحلي المهد كلساع اشمه
امك يبعد امك وحيده
والروح ما تطلع عنيده
تابوتي ريت وياك مشيول
بسك يچفي وليدي مكتول خالي المهد
**
يا يمه تسوى الروح تسوى
يوليدي يا بو عيون حلوه
ردتك ليوم الشيب تچوه
بس هنه بلوى ابظهر بلوى
عبد الله ما ظل بالخيم بس النساوين
ما ظل ابوك ابموتتك هم مات الحسين
صار السبي وأمك سبوهه
براسك ييمه عذبوهه
فوگ السبي يا ضيم الطبول
بسك يچفي وليدي مكتول خالي المهد
كلمات الخادم / رعد الفريجي
قصيده من وزن الميمر
الما يبچي من اجل حسين
شنهي النفــع بعيــونه
*
محله الدمـع لحسين محله الوّنــه
سنّة محمد واحنــه نحيـي السنّـه
اليرفض نهـج طاها ابــد مـو منه
شمْ منحره ودمعه جره گبل الطفوف وعاشره
أصــل الدمــع للمظلوم
بالكتـب خل يقــرونه
**
لكل شي زكاة البــاري خصـه بشرعه
واجــب على الحب الـرسـول يتبعــه
شنهــي زكــاة العيــن غيــر الدمعـــه
يجري الدمع مثل الشمع ولسبطه لازم ينفجع
الهل الدمع لجل حسين
جنــة عــدن ينطــونه
*
اليجري الدمــع لمصــابه صافي النيه
يعنــي شخــص يتفــايــض انسانيـه
لجــل السبـــط لجــل المشـت مسبيه
خله يسح لجل الذبح جرح السبي أعظم جرح
هــذا الدمــع لهل البيت
هـمه الـــذي يجـازونه
*
كــل دمعــه مـــا الها اثــر الا اثنــين
من خشية الله تجري لو لجل حسين
عين الجمــد بيها الدمــع لا مـو عيـن
مثل الحجر ما بيها اثر لمصيبته وگطع النحر
حتى الحجر ينبــع ماي
وعين اليضــد ملعونه
*
كــل دمعـه مــا تتــرك اثــر مرفــوضه
يعني خســاره وهـل الدرب منخوضه
بس دمعتــك لجــل السبـط محفوظه
يوم الحشر دمعك ذخر يم الزچيه تفتخر
هذا الدمع لجل حسين
أهل العَبّه يضمونه
*
عين الجمد بيها الدمــع لمصــابه
مــا هلــت لطــف الحزن سچابــه
صاحبها بالمحشر عسير احسابه
الما هزته ولا بچته طف كربلاء ومحنته
ناصب عداء لأل الله
مــن دمعته يعرفونه
*
كل دمعــه شمعه بالگبـر تضويله
الهل الدمــع وأنــوار يصبح ليلـه
الوافـــه الــزچيه حتمــاً تــوافيله
الهل دمعته لمصيبته ياخذ كتابه بيمنته
لكن شرط بالدمعات
يفهم شنو اليردونه
*
عين التضيّع دربــه شيظل بيها
يمشي أبدرب بس العمى تاليها
يا ربــي عينـي أبدربه لا تعميها
دربه عدل جدا سهل لكن شرط بس لا تزل
عن درب ابو اليمه حسين
بس التزم مضمونه
*
الشاعر
موسى البديري
ليلة الوحشة//
ياليلة الوحشة الرهيبة
كل ساعة واوكعلي ابمصيبة
حمره العبي٠٠ابهيمة وسبي٠٠زينب يبو الاكبر غريبة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
مصرعك يحسين آيه وناظري ابطفك قرآهه
منحر ودم ضلع وإصبع كربله إشطاح إبثراهه
وروحي عاشت ويه روحك ليش ما طلعت وراهه
للسبي ايريدون بيه وروحك الموت اشتراهه
إشراح الكه بدروب الرزيه
خيل وزلم من آل إميه
إولا غالبي٠٠بهيمه وسبي٠٠زينب يبو الاكبر غريبه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
لا إخو اولا خيمه ظلت نايبه العندي جبيره
جيش وإندار إعله زينب وآنه وجهي إعليك اديره
خويه بت حيدر خذوها امجتفه اويه اعداك اسيره
آنه هيج ايصير بيه وآنه إخت شيخ العشيره
ياخويه ماتدري إبمصابي
من كل كتر يطلع عذابي
إبكلبي وحبي٠٠بهيمه وسبي٠٠زينب يبو الأكبر غريبه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
اجروحي من تحسبهه تتعب وإنته اول جرح اشوفك
انلجم من امشي عنك يادواي إشلون اعوفك
لاجن اليوم إشيضمدك ياجرح فكدي إشيروفك
وإنته كعبة حزني جنك لازم إبكل ليله اطوفك
ماتكطع وتنشف دمعتي
ولا تكظي بغيابك غربتي
يبن النبي٠٠بهيمه وسبي٠٠زينب يبو الأكبر غريبه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
ياغريبه المثلي ظلت لا اهلهه اولا وطنهه
ياهي مثل اختك سبوها وفرها دولاب ابزمنهه
شوف زينب هالمسيه وكون ما عاشت عسنهه
المثلي وي عباس تمشي ومو شمر يحدي ابظعنهه
بالناكة يحدي الما اريده
وسفه الكمر مكطوعة ايده
اويه الاجنبي٠٠ابهيمه وسبي٠٠زينب يبو الاكبر غريبه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
بياوكت للكوفه اطبهه إمجتفه إحبال بأديه
آنه بنت الزهره آنه الناس تتفرج عليه
إبمجلس إبن زياد ادخل زينب آنه الهاشميه
وباجر إعله الشام اروحن وسفه هذا ايصير بيه
لو بيدي احفر هسه كبري
وإبترابك أدفن باقي عمري
ظل مطلبي٠٠ابهيمه وسبي٠٠زينب يبو الأكبر غريبه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي
قصيده بحق مولاتي العليله
/وزن القصيدة مثلث /هجري;
بويه بويه ليش حملت الأهل عني ومشيت
بويه بويه وبيــه أضنك يالولي ما حسبيت
غيــابكم والله عــذاب
روحي ماتحمل مصاب
بويه بويه بويه بويه
/////////////
بويه تانوني صحت ريضو بالضعون
وعالدرب ضلت وراكـم تربي العيون
المرض هدني يغـــــالي وغــير الون
شلون عفتوني عليله وعني ترحون
ادموعي سالت كلبي ذاب
روحي ما تحمل مصـــاب
بويه بويه بويه بويه
//////////////
ادري هالســـفره طويله وكلهه اخطار
وبيكـــم يغدرون والله ذوله الاشــرار
تنذبح برض الطفوف اخواني الاقمار
ويوم عاشـــر ما تضل للعيله أســـتار
ينــــذبح حلم الشــباب
روحي ما تحمل مصاب
بويه بويه بويه بويه
////////////
عمه شـو كلكــم رحلتو مــن نزلنه
بقت بس الذكريــات الكــــم يهلنه
كل مكان بعيني شوفن اصـور النه
من چنت اغفه بحضن اهل المحنه
بويه رجعولي الجـواب
روحي ماتحمل مصاب
بويه بويه بويه بويه
///////////
ونت النوگ اعله حالي وهلت ادمــوم
شفت بوجوه الفواطــم حرگه وهموم
ولني اسمع صوت اجاني بگلب مالوم
گلــي ارجعــي يالعليله وبســـچ أللوم
والله ميفيد العتـــــاب
روحي ماتحمل مصاب
بويه بويه بويه بويه
////////////
گلي يرجعلج علـي ويگرلج العـــــين
الخاطري كفـي الدمع يخت الميامين
دموعچ يذبحن ذبح مثل السجاجين
هذا حكــم الله يبــويه وانتي تدرين
بكربله انشوف الصعاب
روحي ماتحمل مصـاب
بويه بويه بويه بويه
////////////
روحـــي راحت بالضعن ترعه المداليل
تعثر النوگ انه اخــــاف وبيهن اتمييل
حته مـــــن يوگع طفل أنـــده يالكفيل
وفرش افرش للهواشم من يجي الليل
وللرضــــيع وللربـــاب
روحي ماتحمل مصاب
بويه بويه بويه بويه
//////////
تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه،
الفاتحه الى روح والدي،ووالدتي،💔💔
الى أهل العزاء
خذوا هذا النداء
من أهل الجحيم الصوت مسموع
الى اهل المجالس وأهل الدموع
تطفى بدمعه هالنار
لو ماشين زوار الى أهل العزاء
*****
من أهل الندم صرخه عظيمه
عذاب النار لحظاته أليمه
غضب رب العباد وسوء الاعمال
وجريمه الما تصح منهه جريمه
غرتنه الحياة وچنه عدلين
ما چنه انتصور يوم ميتين
الخساره الكبرى چان يصير كل عام
ولا مره حضرنه المجلس حسين
الخدم هسه بأمان
في اعلى الجنان
كل دمعه بأجرهه اتطفي نيران
الما يبچي اعله زينب هذا خسران
الصاح بحرگه وبآه
يدخل جنة الله الى أهل العزاء
**
اغيثونه ( بدمع ) لا (دمعه وحده )
لا بس (حسره ) شده النار شده
أهدونه نفس من مجلس حسين
اذا يوصل تشمه النار تهده
وين اهل المجالس قربه لله
علينه تصدقوا بنص چلمة آلاه
اذا آه وقصدهه خيام الحسين
تطفي أچم جهنم هذا شفناه
وضح يوم الحساب
ثواب وهم عقاب
دمعتك في يمينك والف علخير
هنيئآ يا حسيني وتشفع تصير
الباچي بيوم عاشور
يشوف حسين ويزور الى أهل العزاء
**
يزوار الحسين أهل الحميه
يمن عدكم ختم من الزچيه
اذكرونه (بزياره) (بركعه) (تسبيح)
حدر قبة شهيد الغاضرية
ترانه من العذاب ارواحنه تصيح
سراط المستقيم وخوف والريح
الما لازم ضريح حسين ميفوت
لو عابد دهر ما يعبر يطيح
ندم آه ونحيب
الما زار الحبيب
شفيع الناس دنيا وآخره أوموت
راسه اعله الرمح بس واضح الصوت
اهلا يا موالين
انه الحاميكم حسين الى أهل العزاء
*
شفنه احنه العجب كل العجائب
تعوفك كل هلك لا يبقه صاحب
بيوم المحشر ومجموعة تنشاف
تعرفوهم منو ؟ أهل المواكب
نفس همت گبل لو مدو الزاد
يعرفون الحسيني هناكه تعداد
بثواب الكافل يوزعون بالماي
حتى بجنة الله الخدمه تنعاد
تحية أحترام
يخدام الامام
واحنه من العطش ما نگدر نشوف
البعيد من الخدامه تعوفه الچفوف
حاله يكون يا حال
ذنوبه بثگل الجبال الى اهل العزاء
****
مشو للجنه بأعداد الغفيره
لا هيه تظاهر لا مسيره
رغم لبسو سواد اوجوهم نور
رفعو لافته اتعيش الأميره
خدم زينب هذوله الدگو أصدور
هيئات اللطم ودموع عاشور
ترف أعلامهم للجنه ماشين
سعيهم للحسين المات منحور
يدخلون بنشيد
مولانه نريد
نشوفك وانته يحسين النريده
يجي العباس ردنه انقبل أيده
دنيا ومن خدمناك
ونريد نكون وياك الى أهل العزاء
✍️✍️ رعد الفريجي
#رثاء_الراحلين_وحزن_الفاقدين
دمعي بشَوقٍ لا يزالُ يسيل ُ
والحزنُ من بعدِ الفراقِ طويل ُ
وأنا الذي سلبَ التسَهّدُ نومَتي
والجسمُ بعدَ الراحلينَ عليل ُ
لا خيرَ في الدنيا خلافَ أحبتي
إذ إنَّ رُزء َ غِيابِهِم لجليل ُ
🏴أبوذية
خبر لفراگهم گلبي ويا هم
وبگيت اسحن صبر ولهم ويا هَم
أروحن ريت يا عالم وياهم
واموتن بلكت يسمعون بيه
#سمير_الصالحي
#النجف_الأشرف
#ليلة_1_ذي_القعدة_1445هـ
#ليلة_الجمعة_9_5_2024هـ
فزاعيه لاربعين الامام علي عليه السلام
✍🏻✍🏻✍🏻
اليله اربعينك. ياعلي داحي الباب
ابشده طايح. جايلك طلااب
✍🏻✍🏻✍🏻
صار أربعين وجيت ليكم عناي
اه ياعلي لا ترد تعرف منواي
عندي قضيه وكلفيتك بهاي
يسمونه. حلال الصعبه
✍🏻✍🏻✍🏻
حلال المشاكل جيت اندبنه
عندي مشكله ودواي اريدنه
بالزهره الزجيه اليله احلفنه
وحلفيته. بالضلوع الزهره
✍🏻✍🏻✍🏻
نعازي الزهره هليله والحسين
وزينب خل تعزيهه النساوين
وينك يالمحب اجريهه العين
المولانه. هليهه الدمعه✍️✍️✍️
تلوك الدمعه لحيدر الكرار
الله يساعدج زينب عله الصار
فاگد ابو حسين ويستعر نار
زينب بمصابه. نعازيهه
✍🏻✍🏻✍🏻
نعازيهه بحزن وبنوح وبونه
تكول ام الخدر مابعد اندهنه
راحت عزوتي وارح خيمتنه
من يومه. الهيبه نشالت
✍🏻✍🏻✍🏻
تمت بعون الله تعالى الى خادمه اهل البيت عليهم السلام الشاعره والمله ام حيدر الحلفي لنا ولكم الاجر
ياموت جرد صارمك وألگط بلرجال
حيلك عليهم يشوسي يمطول البال
ولو تسلم العين .. سلم على حسين
@@@
يالفازع ابهيبة علي ليث الحريبه
كردس كتيبه المجبله فوگ الكتيبه
يامسلم انته الاوحد ابهذي المصيبه
خل ينتشر بين الصكك جمرك لهيبه
…
ع اللي ازحفتلك مجبله برماح لطوال
حيلك عليهم يشوسي يمطول البال
ولو تسلم العين .. سلم على حسين
@@@
من السطح طوعه انا ابهاليوم شاشوف
اهناك العساكر زاحفه بفرسان وسيوف
وانته التصول ابصارمك مابين لزحوف
ومن غيمت مطرت دمه بركاب واچفوف
…
والطاح بالحومه صعب من ربعه ينشال
حيلك عليهم يشوسي يمطول البال
ولو تسلم العين .. سلم على حسين
@@@
معروفه افعالك ترى لمن تجيهم
من زود ماطاحوا چتل عضوا اديهم
يا واحد ابألف انحسب دمدم عليهم
خل ينحب ابموتة هله تالي وليهم
…
بن زياد گلبه مابره اشما يضرب ابفال
حيلك عليهم يشوسي يمطول البال
ولو تسلم العين .. سلم على حسين
@@@
ياذيب بس يطرد هوت بالخوف كل شات
چن عمك ابنص الوغا نكسها رايات
ازأر وخلي الما شرد يدرك بلموات
واصرخ يابن خي الوصي للذله هيات
…
مهيوب گدها بس تكر تكشف للهوال
حيلك عليهم يشوسي يمطول البال
ولو تسلم العين .. سلم على حسين
@@@
ناداها مسلم في وسط ذيچ القيامه
گلها يطوعه هالمسه ماكو سلامه
صاروا علي من كل جهه ليل ابظلامه
وبالكثره عالفارس ابد مافي ملامه
…
شما امحي اترتال ابحشد تطلعلي ارتال
حيلك عليهم يشوسي يمطول البال
ولو تسلم العين .. سلم على حسين
@@@
ياطوعه يابنت الاصل عندي وصيه
ايام وتسمعي سبي للكوفه جيه
روس ابرماح العاليه وبنت الزچيه
للكوفه موكب جيته امن الغاضريه
…
نسوان هاشم تنحدي وي روس لرجال
حيلك عليهم يشوسي يمطول البال
ولو تسلم العين .. سلم على حسين
@@@
بس توصل اهزول السبي دوري حميده
وسأليها عن راس الولي الحزوا وريده
گليله لو شفتي الرمح بيت القصيده
مسلم تراهو يعتذر يابن الصميده
…
مسلم وحيد امن السطح للگاع من مال
حيلك عليهم يشوسي يمطول البال
ولو تسلم العين .. سلم على حسين
@@@
علي أحمد الحمود
١١-٥-٢٠٢٤
مصرع مسلم ع
عينُ البتول الناظرة ... إن القمر
منه النجومُ زاهرة ... نورٌ أغر
كلشي حي من جوده يشرب يله صار
ريشته مصدر نسيم الكل خضار
الماي طاهر جي سحك جرفه الكفيل
او لولا وجه ما بزغ نور النهار
يا كافل مدد .. نادت المعمورة
او بي گلبي انعقد ... او روحي اله منذوره
سيّد عالأرض ... كافل الإنسية
فردٌ ماله حد... ادخيل وجه او نوره
.
.
تسبيح زهرا ذكره... أبا الفضل
ونور عرشٍ نوره ... أبا الفضل
بعالم الذر من بزغ عم السكوت
او جان عيسى باسمه يحييه اليموت
هو ذيج الصيحة اللي اتهدم الوجود
او جان صرخة موت عالعسكر يفوت
مولانا الأشم ..جان عز الخيمة
تدعيله الخيم .. يا الهي ديمه
هو بكربلا ... .ظهر اخوه او حيله
شايل للعلم ... ابقلبه وبتسليمه
.
.
إكسيرُ توحيدٍ جَلَيْ ... ابن العلا
قد صِيْغَ من نبضِ علي ... لكربلا
جفه الايكود الضوه الباب الحسين
او هو طوگ الخيمة والحصن الأمين
بيرغ العز طوله وامتاع الخيام
الجربه جانت للعطاشه خير دين
سبحان الكمر ... عزمه عزم الوالد
جان اسمه النهر ... بالخيم والقائد
ناذر مهجته ... فدوه للعلوية
ما مثله بشر ... او كربلاء الشاهد
.
.
برجٌ سماويٌّ نزل ... وكاملُ
فطوله يُعمي المُقل ... ذا الكافلُ
الشجر يتنفّس حروف اسمه او يصير
او هو جان ابحب ابو اسكينه اسير
يرف رفت راية لو صاحه الحسين
ركض يحضر مو على كيفه يسير
بالحب مكتفي .. والعشك كل دينه
مبرورٌ صفي ... ناصرٌ لحسينه
نعم الأخ لخو ... جان سگاي الطف
ضي ما تنطفي ... للعوالم عينه
.
.
له الوجودُ ينحني ... معظّما
عباسُ لا لم ينثني ... رغمَ الدما
الگمر تارس عين ابو اسكينه ضواه
محور التكوين جف ايده او لواه
يسجد الريشاته كل نهر الفرات
شنهي وصفه الزينب ابصاية حماه
بعيونه نصب ... خيمه لاخته الحرة
وعـلـ اسمه كتب ... خادم ال الزهرة
شالت يمنته... راية الله او دينه
إذ سوّه العجب ... وانطه لخته عمره
.
.
فاضل عباس الخزاعي
مربعه مع الهوسات
ــــــــــــــــــــــــــ
وين ابــو فاضل علـي دلوني
خل يجي يلـحگ يلم ضعوني
♡♡♡♡♡♡♡♡♡♡♡
ماكام البطل ضــل ع النهر غافي
من شاف السياط ادك عل جتافي
ولا كال العـقيلة انـذلت اخــلافي
{ ذلونه // يالحــــيد اخلافك }
♡♡♡♡♡♡♡♡♡♡
خـوية اكعد وكلهم لاتضـربوهه
هـــــاي اربـات حـيدر لا تذلوهه
وبت حيدر علي ياناس يسبوهه
{ انهض لينه // ياحامي الجار }
♡♡♡♡♡♡♡♡♡♡♡
مهضومة وصحت وينك يبو الغيرة
عكب عيــناك أمســت زينب بحيرة
وباجــــــر هالعـده تأخذني يا ديرة
{ انهض لينه // والعايل ردة }
♡♡♡♡♡♡♡♡♡♡♡
مهضومة وذليـلة خلافك نحيله
يشتمني العـدو ومااحمل العيلة
حملي اليوم خوية ياهو اليشيله
{ ماتكعد لختك // شتموهه }.
♡♡♡♡♡♡♡♡♡♡♡
تمت بحمد الله
بقام شـاعرة اهـل البـيـت ع
العلويه ام ﺿــيـغم المحنا
⬛️◾️القصيدة-5-◾️⬛️
وهاهيَ تدعُونا البتولةُ فاطمُ
لإحيآءِ عاشورآ لِـتَزهُو المآتِم ُ
ترانا جميعاً بينَ ناعٍ لِرُزئِها
وراث ٍو محزونٍ علىٰ الرأسِ يلطِم ُ
تُسيلُ علىٰ الوجناتِ دمعاً كَـعَندَم ٍ
وإني أواسيها وللشِعر ِ أَنظِم ُ
تُنادي بِشَجوٍ ٍ :ياحُسين ُ فَجَعتني
وقلبي لِـذكرِ الفاطميات ِ هائِـم ُ
أنوحُكَ في كلِّ المجالسِ والعزا
إذا حلّ في كلّ السنينَ المحرم ُ
وهذي هيَ الأملاكُ تَنشُرُ بالسَما
قميصَك َفيه ِ حيثُ يَصبِغُهُ الدمُ
وإني فلم تبرَح ْ جفوني قريحةً
لِهوَل ِ رزايا كربلا أتألم ُ
#سمير_الصالحي
#النجف_الأشرف
🏴 نعي مجردات
يحسين يـبني جيت يمك
وشفتك خضيب بفيض دمك
ولصدري ردت بلهفه اضمك
بس الفجعني اوصال جسمك !
بحيره بقيت شلون المك !
ومن نحرك المگطوع اشمك !
#سمير_الصالحي
#النجف_الأشرف
🏴 أبوذيتان عن لسان الزهرآء ع
🔳
فلا بالدهر يحصل مثل ياماه
گصدت الكربله واگعدت ياماه
آنه امك صحت يحسين ياماه
دحاچيني أنه الزهره الزچيه
🔳
ألـّمك يبني مااگدر وردّاك
لارض طيبه ودمه ينزف ورداك
ييمه ثياب ماعندك وردّاك
سليب وجثتك ظلت رميه
#سمير_الصالحي
#النجف_الأشرف
[٣]▪️قصيدة عمودية
الليلة الأولى
شكراً إلهيَ فالمحرَّمُ عادا
لنواسيَ الزهراءَ والأسيادا
ونجدِّدَ العهدَ القديمَ بأدمعٍ
حرَّى تُصَبُّ على الحُسينِ عِهادا*
ربِّ ارحمِ الماضينَ واكتبنا معَ الـ
باقينَ ننصبُ عندهُ الأعوادا
إنَّا ورثنا الدمعَ عن أجدادِنا
ولأجلهِ سنورِّثُ الأولادا
ما أعظمَ العبراتِ تجري باسمِهِ
تبقى إلى يومِ القيامةِ زادا !
عن باقرٍ : ما مؤمنٌ يبكي لهُ
إلاَّ تبوَّأَ في الجنانِ وِسادا *
عن صادقٍ : لوْ دمعةُ الباكي هوتْ
في النارِ تطفِئُ حرَّها الوقادا *
ما العيشُ إلاَّ أنْ أقيمَ عزاءَهُ
كمُغَيَّبٍ عرفَ الحياةَ حدادا
"قافُ" التصبُّرِ للحسينِ هدمتُهُ
وأسلتُ منْ حُمرِ المدامِعِ "صادا"*
أبكيه ما بينَ الألوفِ منادياً
أسفي عليهِ ولمْ يجبهُ منادى
فمضى يودِّعُ زينباً ثمَّ انثنى
أسداً تحاصرُه العُداةُ جرادا
صلَّى بهم فرضَ المنونِ (جماعةً)
ولربِّهِ رفعَ الصلاةَ (فُرادى)
أبكيهِ يخضبُ وجهَهُ بدمائهِ
والسَّهمُ فطَّرَ في حشاهُ فؤادا
أبكيهِ يطعنهُ اللئيمُ بخصرهِ
فهوى لينعاهُ الجوادُ جوادا
أبكيهِ والميادُ* يرفعُ رأسَهُ
مما لهُ عرشُ الجلالةِ مادا
_________
العهاد : المطر
الوساد : المُتَّكأ
قاف : إسم جبل
صاد : إسم نهر
الميّاد: الرمح
*عن الامام الباقر عليه السلام : كان علي بن الحسين(عليه السلام) يقول : "أيّما مؤمن دمعت عيناه لقتل الحسين(عليه السلام)، حتـّى تسيل على خدّه, بوّأه الله بها في الجنّة غرفاً يسكنها أحقاباً ".
(كامل الزيارات ص ٢٠١ الباب ٣٢)
*عن الإمام الصادق عليه السلام :" وما بكى أحد رحمة لنا ولما لقينا إلا رحمه الله قبل أن تخرج الدمعة من عينه ، فإذا سالت دموعه على خده فلو أن قطرة من دموعه سقطت في جهنم لأطفأت حرها حتى لا يوجد لها حر ".
(كامل الزيارات ص ٢٠٤ الباب ٣٢)
الشاعر علي عسيلي العاملي
#محرم_١٤٤٦
#الليلة_الأولى
#اللهم_عجل_لوليك_الفرج
عشيرتنه بني هاشم
فريضتنه ابو القاسم
علي واولاده خيمتنه
تاج الراس سادتنه
اذا تسأل قضيتنه هو القائم
***
عطر ويفوح ،، محمد روح
حبيب الله ،، الحچي المملوح
تاج الراس ،، ابو العباس
ابو الحسنين ،، أمير الناس
ماكو اعراف تحكم والمجالس هاي
الحسين الشيخ عدنه وما نحير براي
يمنتك جيبهه وخليهه وي يمناي
وعدنه اكبر فصل يخلص بطاسة ماي
بثواب رقيه و سكينه
الكفيل ويمنته وعينه
المشاكل ما نخليهه
الطلابه لو حضر بيهه
الحسين وأسمه يگضيهه ابو سكينه
**
اليقين منين ؟ مضيف حسين ،، بالقرايات ،، نعرف الدين
نربي اجيال ،، بثقافة آل
كرم واخلاق ،، حِكَم تنگال
منريد التعصب نتبع التشريع
كتاب الله عدنه اودونه كلنه انضيع
محمد وآله منهج ننذبح منبيع
الف لا للعراضه ونعم للتشييع
عليمن معترض گلي ؟
غير تصوم وتصلي !!
الرصاصه بديه محسوبه
كبيره وهاي مكتوبه
تريد تكثر ذنوبه صدگ گلي ؟
***
السنينه شلون ؟ ،، سند مضمون ؟
اصلهه منين ؟ ،، هلي تسمعون ؟
الامر محكوم ،، الى المعصوم
برضا المعبود ،، العداله اتدوم
مو بس بالكلام ونتبع العتره
ال البيت دين وكامل الفكره
نفس الراده حيدر رادته الزهره
ويه العَبره لازم ناخذ العٍبره
يلمنه الخير والرحمه
ونصير اخوان فد كلمه
اليطيح ايگوم ويانه
نعينه بهاي دنيانه
غير حسين ربانه على الرحمه
****
الفقير انسان ،،، ظلم ينهان
ابو الاموال ،،، رزق دفان
نفرق ليش ؟ ،، سويه نعيش
بلا تمييز ،، جناح وريش
لبو النيه النظيفه وعشرة الحلوه
للزين الوفي الما ينكر الخوه
دنيا وتنملك بحچاية إمروه
بدون اهل المحنه الدنيا ما تسوى
رحلة وتنتهي الرحله
بدون الخوه ما تحلى
اذا نتكاتف ونلتم
ترى الباري يزيل الهم
سفينه من الغرگ تسلم سوى الرحله
*****
العشگ محلاه ،، حبيب الله
الحسين الروح ،، نظل وياه
نصر موعود ،، ترانه جنود
معسكر جيش ،، لولينه انزود
من المصطفى وللمهدي قائمنه
احنه بيا علي وباسمه تحزمنه
قائدنه بو صالح والضلع همنه
يا أم الحسن كلنه تقدمنه
مجالسنه دمع ندبه
غريب وتانتك غربه
تجينه وتنتهي الفرگه
وتطفي بروحنه الحرگه
الجفن يلمهدي شيطبگه قرا الندبه
كلمات الخادم/ رعد الفريجي
باسمه جلَّتْ أسماؤه...
أثناءَ مطالعتي المعتادة ولاسيَّما قبل شهر الجزع، هُديتُ إلى ما أوردَهُ السيّد جواد شُبّر في كتابه القيّم «أدب الطفّ»، الذي أنصح كلَّ شاعرٍ حسيني باقتنائه وقراءته، فوجدتُ ما نصُّه:
نقل الشيخ علي الحمامي نائحةُ أهل البيت المشهور بزهده وولائه لهم(عليهم السلام) قال: «حدّثني العالم الرباني الشيخ جعفر الشوشتري، قال حدثني السيّد محمّد أبو الفلفل القطيفي قال: رأيت في المنامِ ليلةً من الليالي كأنّ امرأةً عليها آثار الهيبة والوقار قد جلستْ على غديرِ ماءٍ وهي تئنُّ وتبكي وبيدِها قميصٌ مضمَّخٌ بالدم تغسلهُ وهي ترددُ هذا البيتَ ببكاءٍ وزفير:
وكَيفَ يطوفُ القلبُ مِنِّيَ بهْجَةً
ومُهجَةُ قلبي بالطفوفِ غريبُ
قال السيّد محمّد فدنوتُ منها وسلّمتُ عليها وسألتُها فقالتْ: «أما تعرفُنيْ؟ أنا جدُّتك فاطمةُ الزهراءُ وهذا قميصُ ولدي الحسينِ لا أُفارِقُهُ أبداً» فانتبه السيّد ونظم قصيدةً وضمَّنَها هذا البيت. فكان أول القصيدة (أراك متى هبَّت صبا و جنوبُ). وكان أبوه السيّد مال اللّه من أهل العلم والفضل. انتهى.
*أدب الطف، الجزء السابع، ص49.
-------------------------------------
أقول، أنا المستجدي على باب الحسين (عليه السّلام):
إذا كان هذا حالُ مولاتنا الزهراء (عليها السّلام) من توجُّعٍ وتفجُّع في كلِّ حين، فما حالها في شهر المصاب الأعظم!
وما حالُ صاحب الأمر والطالب بالثأر وهو يراها ناشرةً قميصَ ولدها المخرَّق بالسيوف والممزَّق بحوافر الخيول...
وفَّقني الله وإيَّاكم للتذلُّل على أعتاب الإمام المكروب المهموم (عجّل اللّه فرجه) لعلهُ يفتح مسامعَ قلوبنا، وبصائرَ أرواحنا، لتمرَّ بنا شرارةٌ من شراراتِ كربلاء فنموتَ في لوعةِ المصاب وغصَّةِ الاكتئاب.
إليكم تخميس البيت الفاطمي، مع الشروع بنشر القصائد الرثائيّة لشهر محرم 1446 هـ سائلاً خدَّام سيد الشهداء، أيّدهم اللّه تعالى، أن يذكروني في صالح دعائهم.
قميصُ حسينٍ فطَّرَ الأمَّ لوعَةً
بهِ عدَّدتْ سيفاً، ورُمْحاً، ونبْلةً
دعتْ: واحسيناً، ذابتِ الروحُ حسرةً
(وكيفَ يطوفُ القلبُ منِّيَ بهْجةً
ومُهْجَةُ قلبي بالطفوفِ غريبُ!)
الأصل: للمرحوم السيّد محمد أبو الفلفل القطيفي المتوفى سنة (1261 هـ / 1845 م)
الشاعر علي عسيلي العاملي
#محرم_١٤٤٦
#أسألكم_الدعاء
#اللهم_عجل_لوليك_الفرج
يعشاگ المجالس گومو وياي
ابشركم بشاره فاطمه هاي
ارفعو چفوفكم والعين اخفضوهه
دگو اصدوركم للزهره دگوهه
يعشاگ المجالس گومو وياي
،،،،،،،،،،،،،،،،،،،،،
افرشو ارگابكم للضلع والمنحر
وشلو عيونكم تستاهل الخدر
خلو گلوبكم وسط الصدر تعثر
بمجلسكم الزهره اللازمه الدفتر
تسجل بالدموع التنزل بحرگه
وتجمع شكو انفاس بألم مختنگه
هاي ام الحسن يا شيعه واسوهه
دگو اصدوركم للزهره دگوهه
،،،،،،،،،
كل مجلس الزهره تبارك بناسه
ملائكة السماء تصير حراسه
منكم خلي واحد يشرح احساسه
اذا معصوم يمه ويمسح براسه
اذا اهل النبوه تبارك بعمره
وكل دگة صدر تشفي ألم صدره
طبيبه لكل مرض والكل يعرفوهه
دگو صدوركم للزهره دگوهه
،،،،،،،،،
يلتعشگ حسين الصعبه تتعده
لان ربك كريم وكل فرج عنده
اكتب علچفن ( جملة دمع وحده )
انه ادخيل الحسين الحاضر الشده
باچر بالگبر معروف أثر صدرك
لاطم علحسين وجنتك إجرك
من هسه العلامه حيل بينوهه
دگو صدوركم للزهره دگوهه
،،،،،،،،،،،،،
يخدام العقيله وكافل الحره
مجلسكم تحول داخل الحضره
غمضو عيونكم لو مرت الزهره
الهوى اليمكم تغير واختلف عطره
يلتحضر هنيئا من صرت خادم
يوفقك للمجالس حضرة القائم
ارفعو الرايه فوك الدنيا ارفعوهه
دگو صدوركم للزهره دگوهه
،،،،،،،،،،،،،،
صاحب حاجه اعرفك يله حضرهه
لو گلبك خشع احچيهه واذكرهه
تره العباس صدگ ما يأخرهه
بس حلفه برقيه الشده تعبرهه
باب الحاجه هوه وصاحب الرايه
ذاك لخدر زينب منطي الحچايه
عباس ونعم والكلمه عيدوهه
دگو صدوركم للزهره دگوهه
،،،،،،،،،،،،،،
زكاة العين دمعه بحرگة العاشر
خيالك ويه گلبك لازم يسافر
تره الطف مو جثث ويدوسهه الحافر
الحسين اعظم رساله اليوم ولباچر
اخلاق وقيم مشروع ما ينحد
تكافل مجتمع بيبان ما تنسد
الحسين اسلام والغايه فهمتوهه
دگو صدوركم للزهره دگوهه
كلمات الخادم
رعد الفريجي
حسين يابويه يا بويه يا بويه
**
بويه حرگو كل خيمنه وشارده الصوب النحر
محد يحامينه بويه وعمي مرمي اعله النهر
بنيتك ومرعوبه اجيتك خدي يا وسفه انسطر
گوم لا تتركني اريدك واستمع هذا الخبر
جيتك بدمع اليتيمه
طاحت الخيمه يخيمه
حسين يابويه يا بويه يا بويه
****
جيتك ونار بعباتي وگلبي مچوي من الشتم
ياهو يفزع حيره والله وهالبقينه بلا زلم
بهيمه نركض مدري ألمن مدري ليوين العزم
المهم ما ظل مهم بويه منذبح وانته المهم
خلو بوجهي علامه
يا سلامه انته السلامه
حسين يابويه يا بويه يا بويه
*
وين اهلنه الناس اجونه وبس يتامى بكربله
بويه ريتك لا شفتني حال طفله امعلعله
هيمه تشمرني اعله هيمه وانه جنت امدلله
وين اروح الله واكبر رمح شايل حرمله
والشمر وحباله بيده
وانه بالحومه وحيده
حسين يابويه يا بويه يا بويه
***
وين اجيك وانت ميت والحوافر داستك
وانه اشيل چفوفي وادعي ربي سحگو نعمتك
سهام ورماح وحجرهم والسيوف اتلگتك
والله صلفه تحز وريدك ؟ ما تعرفك ذبحتك ؟
والنهر باقي ابمكانه ؟
عطّشاك وعطّشانه
حسين يابويه يا بويه يا بويه
***
كلنه جينه وصرنه يمك وانته راسك علرمح
شلون تحچي وي اليتامى ماله صوت المنذبح
خلنه يمك علترابه حسين يا وجه الصبح
ارد اغطيك بعباتي وبلكي اضمد چم جرح
بلكي تگعدلي ثواني
والله انه بنيتك آني
حسين يابويه يا بويه يا بويه
***
بويه راح نروح منك وانته جثه امدده
يلي فوگك خيل داست صدرك الله يساعده
انته تبقه اعله الوطيه وانه اروح أمگيده
وذاك عمي بلا چفوفه وعلشريعه الوحده
علهزل رحنه ومشينه
الله وياك انتهينه
حسين يابويه يا بويه يا بويه
✍️✍️ رعد الفريجي
.
كـلـمــات الـشـاعــر عـلــــي ابـوسـمـــا الـديـوانــــي
چـلـمــة حـبـيـبــي أشگـــد عـشـگـنـاهــه
چــي مـن صــدرنـــه مـحـلــه طــرواهـــه
الـحـنــانـه صـاحــت ويـنــه
مـرجـعــنـــه مــانــاسـيـنـــه
الـجـمـعـــة بـعــــدك مـــاتــركــنـــاهـــه
يــاصــدرنـــه يــافــخــرنـــه
ـــــــــــــــــــــــــــــــــــــــ
يـامـن عـشـﮔــنـــه أمـحــبــتـــك واتـمـلـكــتــنــه
يـاخـيـمــه الأتـلـمـنـه ﭽـنــت لـيـش وعـفـتــنـــه
شـو غـفــلــه يـمـحـمــد رحــــت مــاودعــتــنــه
جـمـعـتـنــه وحــشــه ابـغـيـبـتــك يـالـيـتـمـتـنــه
من گــالــوا الـمرجــع غـــدر صــابــــه
ويــانــه يـبـچـــي وصـــاح مـحـرابـــــه
طــايــح غــــدر والـيـنــه
مـرجـعــنــه مـانـاسـيـنــه
لـيــلــة وداعـــك حـســره عـشـنـاهــه
الـجـمـعـــة بـعــــدك مـــاتــركــنــاهـــه
يــاصــدرنـــه يــافــخــرنـــه
ـــــــــــــــــــــــــــــــــــــ
يـمـحـمـد الـجـمـعــة تــــون واتـريـــدك أتـعــــود
وأيــامــك الـحـلــوه الـمـضـن هــم تـرجــع أردود
بـعــوچـيـتــك ولـيـنــه تـطــب يـالـيــث الأحـيـــود
عـطـــرك نـشـمـه يـالـنـمــت بـحـضـــان الـــورود
رد يـالـمـشــيـــت وعـفـــــت أنـصــــارك
أرحــــم يـتــــامـــه الــونــــت أبــــــدارك
يــالـفـگـــدك امـبـچــيـنـه
مـرجـعــنــه مـانـاسـيـنــه
أرواحــنــــا أبــســــدك لـگــيـنــاهــــه
الـجـمـعـــة بـعــــدك مـــاتــركــنــاهـــه
يــاصــدرنـــه يــافــخــرنـــه
ـــــــــــــــــــــــــــــــــــــــــ
الحـنـانـه عـگـبـك مـوحـشـه ومـحـرابـك أيـنـوح
مو هـيـنــه يمـحـمـد غـفــل عـن عـيـنـه اتــروح
أتـبـاعــك الـشـافــوا هـظـــم سـلـوتـهــم الـنــوح
ذيــچ الرصـاصـات الـمـضـن لـچـمـن بالأجـروح
يـالـصـــدر دمـــك خـضـــب الـشـيــبــه
ومـحـمـــد الــودعـــنــــه شـيـجــيـبـــه
ذرة صـبــــر مــابـيــنــــه
مـرجـعــنــه مـانـاسـيـنــه
يــاخـيـمــه چـنــه انـلــوذ بـحـمــاهـــه
الـجـمـعـــة بـعــــدك مـــاتــركــنــاهـــه
يــاصــدرنـــه يــافــخــرنـــه
ــــــــــــــــــــــــــــــــــــــــــــ
يـالـﭽـنـــه ويــــاك وﭽـنـــت تـﮔــطـــر مـحــنــــه
والــــــد حــنــــون وكــل وكـــــت تـتــفـكــرنــــه
وأحـضـانــك الـكـلـهــا دفـــوا ﭽــانــت تــلـمـنـــه
ﭽـنــه ابــأمـــان ومـن رحـــت مـحــد رحــمــنــه
طــاغــي الـعـصــر والـلـي يــوالــونـــه
الــيــتــبـــع الــسـيـــــد يــذبـحـــونـــــه
والطاغـي حــد سـﭽـيـنـه
مـرجـعــنــه مـانـاسـيـنــه
أتـبــاعـــك ابـكـــل ديـــــره خــلاهـــــه
الـجـمـعـــة بـعــــدك مـــاتــركــنــاهـــه
يــاصــدرنـــه يــافــخــرنـــه
ـــــــــــــــــــــــــــــــــــــــــــــ
لـلـيـــوم يـمـحــمـــد تـــــره كــل الــمــوالــيــــن
مــابـيــن تـهـجـيـــر وقـمـــع بـيــن الـزنــازيـــن
خـطـت ضـمـايـرهـم عـهـد واعـلـى الحـيــاطـيـن
ذولـه أحـنـه أتـبـاع الـصـدر وفـايـــه كـل حـيــن
نـــــوم الـعــوافـــــي نــــــام يـمـحـمـــد
ولــــد الــصـــدر غـيـرتـنـــه مــاتـبـــرد
وأعـلـه الـعـهــد ظـلـيـنـه
مـرجـعــنــه مـانـاسـيـنــه
والـصـعـبــه يـمـحــمــد عـبـــرنــاهـــه
الـجـمـعـــة بـعــــدك مـــاتــركــنــاهـــه
يــاصــدرنـــه يــافــخــرنـــه
ـــــــــــــــــــــــــــــــــــــــ
بيـن الزنـازن سيـدي نــاس اليتبعـوك
تبغضهم اشـرار البشـر چيفـن يحبـوك
كل ليله بسمك يالصدر صاروا ينادوك
يـالصـدر لو ونــوا إلـك حتمـاً يبچـوك
شتـاگـوا إلك يامرجـع الفقـره
مثل الصحاري التنتظر مطره
والفارگ الله ايعينه
مرجعنـه مانـاسينـه
شيبـة الحـلـوه مـاحـوينـاهـه
والجمعـة بعـدك مـاتـركنـاهـه
ياصدرنه يافخرنه
ــــــــــــــــــــــــــــــــــــــ
صح ياصدرنه صابتك ذيچ الرصاصات
لا زال شخصك يالصـدر ليهسه مامـات
ساكـن اگلـوب الحبتـك ياطيـب الـذات
هيهـات نتـرك جمعتـك يالصدر هيهـات
خـيمـه محنـه اتلمـنـه حنيتك
واشگد بخيت الباس عوچيتك
والشـوفتـك حنـيـنـه
مـرجعنـه مـانـاسينـه
عجـل فرجهـم دوم گـلنـاهـه
والجمعـة بعـدك مـاتـركنـاهـه
كلمات الشاعر
علي ابوسما الديواني
.
بويه بويه
ليش حملت الاهل عني ومشيت
كلمات الشاعرة
ام زين العابدين اللامي
بصوت. (: مسلم المطيري)
قصيدة لفاطمة العليله ع السلام
خادمكم عبدالهادي العريفاوي
بويه عكبك وين اروح والظعن عني يروح مااظن تشفه الجروح للعليله
عني لو رحتوا منو اليسأل عليه
عن سفركم بويه سولفلي القضيه
يكلها يابويه نوينه الغاضريه
هذا أمر الله يفاطم مو بديه
تكله ياذيني البعد والظعن يمته ويرد
ماكو صبر ويستعد للعليله
---------------------------
من يمر بيه بعد وشكيله حالي
بويه معناها رحت افكد دلالي
من يباريني بعد جاوب سؤالي
شعندي بالدنيه بعد غيرك يغالي
لو مشوا عني الأهل مايظل عندي أمل
ريته يلفاها الأجل للعليله
---------------------------
دنيه وحشه بغيبتك بويه عليه
ديره وحشه لو لفت ليها المسيه
بويه اطلب خل تظل يمي رقيه
طفله هاي وبالسفر صعبه خطيه
من تطب سوح الحرب خوفي باجر تنضرب صعبه لجمات الكلب للعليه
----------------------------------
شعندي غيرك بويه ياسلوة حياتي
وبغيابك ادري تكثر نايباتي
بويه ريدن تبقه وحده من خواتي
وكلي كومي وياي حت البس عباتي
ادري بي كلبك سمح ترضه كلبي ينجرح
من يعايدها الصبح للعليله
-------------------------------
بعالم الرؤيا شفت اعظم فجيعه
جن اشوف بكربله جساد الصريعه
وبالطفوف كبالي محتاره الوديعه
وشفت ابو فاظل وكع صوب الشريعه
كلها نومه اعله الثرى والاجساد مطشره
شهل حلم ياهل ترى للعليله
--------------------------------
كبالي دخان الخيم بالطف عماني
كمت اصيحن يارقيه اختج اني
ليش ابوي الغالي نايم مااجاني
هاذ رؤياي الشفتها بالثواني
شفت نيران الخيم وشفت عالشاطي علم
جن حقيقه مو وهم للعليله
واتساب ٠٧٨١٠٥٥٢٥٥٧
------------------'-------------------------------#
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
كربله٠٠هاي المدينة بيتي
كربله٠٠هذا الأسم هويتي
للبيهه مدفون إنتمائي
واتسمه خادم كربلائي
هذا الإسم هويتي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
من تسمع بهذا الإسم كربله كلبك ينعصر
تذكر حسين وهله ولفاجعتهم تنكسر
وبراسك اتدور اسئلة ماتنحسب مدري شكثر
محتاجله إتحس كل وكت من دونه مايسوه العمر
كربله٠٠حبهه لكيته إبدمي
كربله٠٠من عدها عرفو اسمي
لحسين ابو اليمه إنتمائي
واتسمه خادم كربلائي
هذا الإسم هويتي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
صارت مزار لكل نبي وتحرسهه أملاك السمه
وكل زاير ايحصل اجر واسمه انرفع يم فاطمة
وعنوان للعز والشرف وانخطت اروع ملحمة
بترابهه حسين انذبح وانتصر عالسيف الدمه
كربله٠٠ياكلبي ليهه اتعنه
كربله٠٠المفروض اسمهه الجنه
وياهه ما اكطع لقائي
واتسمه خادم كربلائي
هذا الإسم هويتي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
تذكار ظلت للمجد منجم بطولات الزلم
مقياس للحك والعدل للعاقل ولليفتهم
كل معلم ابطف كربله تاركله دور اشكد مهم
ومنين ما ادور الوجه يطلع إكبالي هالأسم
كربله٠٠ماينمحي إسمهه
كربله٠٠بدمه السبط رسمهه
يحسين هذا ايظل ندائي
واتسمه خادم كربلائي
هذا الإسم هويتي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
باب الكرامات انفتح من مرقد حسين الضوه
كربله محتظنة الكبر وايفوح عطره اويه الهوه
بارينه منطيه منزله واسهله بترابه الدوه
واسرار مخفية اشكثر جاعلهه ربنه ابنينوى
كربله٠٠لله اصبحت طريقه
كربله٠٠مثل الشمس حقيقه
ابهاي الحقيقه الكه اكتفائي
واتسمه خادم كربلائي
هذا الإسم هويتي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
بيهه اندفن ليث الحرب عباس ابو الغيره الوفي
وآنه افتخر خادم اله وللموت ثابت موقفي
جمرة مصابه ابمهجتي مشتعله ابد ما تنطفي
متمسك ابحب الكمر وبكربله آنه اكتفي
كربله٠٠باجر اجيهه زاير
كربله٠٠من اعظم الشعاير
ابجاه الكمر ارفع دعائي
واتسمه خادم كربلائي
هذا الإسم هويتي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي
ياحسينُ ياحسين
=======================
نزفَ النحــــرُ دماء ياحسينُ ياحسين
نصبَ العرشُ عزاء ياحسينُ ياحسين
وعلا صوتُ السماء ياحسينُ ياحسين
و بكتــــــكَ الأنبياء ياحسينُ ياحسين
يا شهيــــــد كربلاء ياحسينُ ياحسين
أنت يانهجَ الوفـــاء ياحسينُ ياحسين
=======================
عالمٌ فيهِ نــتــيـــه ياحسينُ ياحسين
أنت للهادي شبيــه ياحسينُ ياحسين
أنت يا ســـــرُ أبيه ياحسينُ ياحسين
وجلال الله فيــــه ياحسينُ ياحسين
أجترى كيف السفيه ياحسينُ ياحسين
غضبَ اللهُ عليـــه ياحسينُ ياحسين
=======================
رأسُكَ مُــذ قطعوه ياحسينُ ياحسين
فوقَ رمـــحٍ رفعوه ياحسينُ ياحسين
لأبنِ هندٍ أخــــذوه ياحسينُ ياحسين
و لمن ضاع أبـــوه ياحسينُ ياحسين
نوركَ لـــن يطِفِئوه ياحسينُ ياحسين
نــــورُ حقٌ وجدوه ياحسينُ ياحسين
=======================
قبركَ مهدِ الســـلام ياحسينُ ياحسين
وبه يغفو الحمـــام ياحسينُ ياحسين
أينها تلك السهـــام ياحسينُ ياحسين
أين أسياف الضلام ياحسينُ ياحسين
قطعَ النحرُ الحسام ياحسينُ ياحسين
وخفى صوتُ اللئام ياحسينُ ياحسين
=======================
هوَ دمٌ قـــــد أُسيل ياحسينُ ياحسين
أم جراحات الخليل ياحسينُ ياحسين
زمـــزمٌ أم سلسبيل ياحسينُ ياحسين
لم نــــــرى له مثيل ياحسينُ ياحسين
صارَ للحــــــقِ دليل ياحسينُ ياحسين
ذبحَ السيفُ الصقيل ياحسينُ ياحسين
=======================
يا أبي الظيمِ الحليم ياحسينُ ياحسين
خطبُكَ خطبٌ عظيم ياحسينُ ياحسين
قد بكـــــى له الكليم ياحسينُ ياحسين
والســراط المستقيم ياحسينُ ياحسين
أيها الجـــــرح الأليم ياحسينُ ياحسين
لم تــــــزل فينا تقيم ياحسينُ ياحسين
=======================
حسن بشير السوداني