7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
حبيب العالمين ،، حسين يا حسين
****
لايگ عليكم خدمته دگ الصدر والنعمه
حسين التوزع عالارض بس گولو الله يسلمه
صاحب فضل فوگ الفضل قدم عياله ودمه
ياهو النوينه ازيارته وي النيه هم نشتمه
قريب ودافي مثل أمنه حسين
واحنه البيه آمنا حسين
حسين ولا حسين الا الحسين
حبيب العالمين ،،، حسين يا حسين
****
عطشان وعياله انسبت وعزاز شالت أيده
مطروح وحده بكربله وخوانه كلهه بعيده
الله يتل الزينبي الفوگاك اخوهه اتريده
بس هو الحسين انذبح ما تلحگ اعله وريده
عبايه الوصلت النحرك حسين
بعدهه بشوگ تنتظرك حسين
الدمه وسهام البصدرك حسين
حبيب العالمين ،، حسين يا حسين
**
نرتاح من كل التعب والضمى يروح بلحظه
ونرجع لاهلنه وننجمع والجفن راح نغمضه
تدرون الحسين انسحگ ؟ تدرون حافر رضه
ثلثين گلبه اعله الرمل اي نرضه لو ما نرضه
عطش حد ما يبس كله حسين
الرماح الصلفه تندله حسين
بعد يا خير يا سهله حسين
حبيب العالمين ،،، حسين يا حسين
**
بوليده ضحى البلمهد والدم ترسله چفوفه
وانكسر ظهره اعله النهر والسهم ماخذ شوفه
اخبار هاي من الحرب واخبار ما معروفه
بالطف قصص ما تنذكر ما تنحمل موصوفه
تموت الناس لو تعلم حسين
يبو الجثمان المثلم حسين
وصل للخيمه زود الدم حسين
*****
يخواني ابچو ابلا دمع خلو النفس يبچيله
بالريه مجلس ينصب بس هيه شتكفيله ؟
ينراد نتنفس علي وبزغر ذنب نحچيله
ونصير واحد من صدگ واليوگع نتچيله
يريد حسين نتوحد حسين
وتصير العاصمه المرقد حسين
الحسين القائد الاوحد حسين
كلمات / رعد الفريجي
زينب سبوهه وين وين العباس
**
گلوله وصلت نارهم لخيامي
گلوله مذبوح الاخو گدامي
الله اكبر يلذبيح الضامي
عباس وين الذرعان
گدامي بس العدوان
يمك تريد النسوان
ما ترضى اعرفك شيل ذرعانك گوم
**
عباس وحدي بنص حرب ترضاهه
اخت الكفيل اليوم ياهو وياهه
من النار للسوط الدهر وداهه
بالحومه طاح الخيال
والحال مو هوه الحال
عباس گدامي ارجال
گالو سبيه الجابهه الكافل هاي
****
نسوان محتاره وبعيد حماهن
غير البچي والنوح ياهو اوياهن
ركضن عليك وچم رمح اذاهن
وحبالهم شنهي تريد
رادت تشد أيد بأيد
گوم اعله حيلك يلحيد
خويه انولينه وصحنه ها يلعباس
*
وسفه واخيتك تركض وشافوهه
توصل الك عباس ما خلوهه
عينوهه اختكم يلكفل عينوهه
تعبانه واتريد چفوف
بالحرب شتريد اتشوف
شتشيل منك شتعوف
يم الشريعه يموت حامي الخيمات
*
صعدني بيدك لا تطول النومه
هاي الهزل جابوهه هاي الحومه
انه البقيت من الاهل محرومه
عباس يلطولك ماي
وياي ياهو الوياي
ونيتلك خويه هواي
تاليهه اسيره تصير بت حامي الجار
*
مو كافلي الحداي شامت گدام
يم النهر يبني امي عطشان تنام
ودعتك الله ورايحه لضيم الشام
من نار متجهه النار
من الطف لحد سابع ثار
يا دار ما بعدج دار
ظلت خليه ديار خوان ام عون
كلمات الخادم / رعد الفريجي
يحسين تارسني عشك وانه ادري عايش بيه
كل يوم تلكاني صدك مفطوم انه بلطميه
*******
سولفلي بحكام النبض
والشوفتك كلبي نهض
............امعيشني بحلامي اسنين
اهل الجنون بوجنتك
بصفنتهه مذبح شافتك
................وحتارت وياك امنين
عيسى خجل يم شامتك
شاف الحياة بنظرتك
...........محبوبي عاشك يحسين
انت العشك والقل هوه
منك شفت يبدي الضوه
...........معروفه بدموعي العين
مجنون خلاني العشك والدمعه تدري اشبيه
كل يوم تلكاني صدك مفطوم انه بلطميه
*********
حاچيني بدروب العشك
كلبي انخلق لجلك يدك....
...........بيك انعرف شوكي اجنون
ضايع چنت بين الجهل
اعتقني من درب الزلل
..............حبيتك انت المضمون
بعشكك اصيرن مستهل
صاحو اعد ملا بعجل.......
...............بحبك اهيمن يدرون
چان الزمن مابي طعم
بهواك كلشي منسجم
...............يتغير اهوايه الكون
وياي تمشي ويه النفس مرات احس باالريه
كل يوم تلكاني صدك مفطوم انه بلطميه
*********
كلشي بحياتي ابخدمتك
متعلگه روحي بحضرتك.
..............بالكلب حبك موجود
سيرلي ساعه ويه الهوه
مشتاك اشمك يا دوه
.............والعالم اليوم اشهود
كلشي بجمالك مختلف
بس انت يحسين العرف
..............دلاني شوك المعبود
بالركعه تسبيح العشك
وياك ابد ما نفترك
...........شوكي بحضرتك معگود
هيمني شوك محبتك وانه اعرف القدسيه
كل يوم تلكاني صدك مفطوم انه بلطميه
*********
انت الضحى وانت شمس
نور الله ابد ما ينحبس
...............مجنون ابحبك عابس
موسى عله شوفك مستقر
ينجه بحياته من البحر
................ثبت حياته بهاجس
كوثر شجونك منهمر
يحسين شاغل كل فكر
...........بالخدمه ماخذ واهس
والعالم بعشكك غفه
ربك وفالك واكتفه
............وبقربك احنه نافس
بحلامي طيفك منكتب مصدر هوه الحريه
كل يوم تلكاني صدك مفطوم انه بلطميه
*********
اقضي العشك فايت فرض
من زغري ويدك النبض
...............كل دكه عايش بيه
بس انت روحي من المهد
ناغوني بطفوف اعتقد
...............صار البشر حريه
انت حياتي ومسندي
دلاني بيكم والدي
.............حبكم شرف قدسيه
بعرش الله صارت هيبتك
تحفهه الملايك حضرتك
................هايم صرت ليليه
حبيتك ابكل ماردت شوك المحب گمريه
كل يوم تلكاني صدك مفطوم انه بلطميه
*********
تمت بعون الله
خادمكم .......يوسف الفتلاوي
لاربيعينية الامام علي عليه السلام
الوزن مجزوء الشيعتي
_※✿✿※_
يا علي نورك طفه او صار اربعينك
جنها موچم يوم احنه امضيعينك
جنها كثره من السنين
لا و لا چـنهـا اربعين
امضيعينك ،،،،، امضيعينك
ـــــــــــــــــــــ▣•❀ـــــــــ▣•❀
اربـعـيـن اصـبـاح يالـكـلك محنه
نايـم ابارض الـنجف ياتالي اهلنه
ريت كلنه فدوه الك يابويه صحنه
غـيبتك طفت العين
لا و لا چـنهـا اربعين
امضيعينك ،،،،، امضيعينك
ام سـ✍️ـجـاد العسكري
ـــــــــــــــــــــ▣•❀ـــــــــ▣•❀
بويه من یومك لهسه امضیعه روحي
کل شي بالدنیه اشوفه الك یوحي
والثواني مـن تمـر تجـرح جروحي
روحي خلصها الونين
لا و لا چنها اربعین
امضيعينك ،،،،، امضيعينك
✍️ العلويه ام ضیغم المحنا
ـــــــــــــــــــــ▣•❀ـــــــــ▣•❀
عميه بفراكك عيـوني يا بعـــــدها
جروح بيه يبو حسين شلون اشدها
تعوفها بنيتك يغالي بس وحــدها
وينك اصرخ يالحنين
لا ولا جنها اربعين
امضيعينك ،،،، امضيعينك
ام علــــــــــ✍🏻ــــــــــي البابـــــــــلي
ـــــــــــــــــــــ▣•❀ـــــــــ▣•❀
بويه ياليومك صعب جارحلي گلبي
عليه دمعاتي دمه يا عيني صبي
اربعين اصباح انه امضيعه دربي
شلت عني بويه وين
لاولا جنها اربعين
امضيعينك ،،،، امضيعينك
✍️ زهره الكناني
ـــــــــــــــــــــ▣•❀ـــــــــ▣•❀
بويه من يومك لهسه روحي بالنوح
صعبه بجفاك الليالي وگلبي مجروح
كثر ما ونيت لاجلك خلصت الروح
بيك دلالي رهين
لاو لا جنها اربعين
امضيعينك ،،،،، امضيعينك
✍️ ام زهراءالفاطميه
ـــــــــــــــــــــ▣•❀ـــــــــ▣•❀
اربعین اصباح روحی الک متهید
بس الک تشتاگ بویه وشوفک ترید
وانته نایم بالتراب وصایر ابعید
الحسن بفراگك حزين
لاو لا چنها اربعین
امضیعینک ،،،،، امضیعینک
✍🏻المیرزا ام لیلی الخاقانی
ـــــــــــــــــــــ▣•❀ـــــــــ▣•❀
رابط دموع العقيله
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ / 29 / شوال / 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قصيده لاربعين الامام على ع
وزن الدارمي مستفعلن فعلان مستفعلاتن
اليوم اربعين اصباح ماهوه وياي
نار الابو ياناس تستعر بحشاي
۞۞۞🔵🙏🔵۞۞۞ز
اليوم اربعين اصباح دلالي ملجوم
سهرانه طول الليل مااشوفن النوم
فاركني الف ياحيف ياكنز العلوم
ضليت اون عليك يانجمة اسماي
ام علي البابلي
۞۞۞🔵🙏🔵۞۞۞
اليوم اربعين اصباح والدمع ينثر
عميه عساه العين. بعدك يحيدر
بويه الگلب هاليوم. اعليك يتفطر
انحب واصيح الاه والونه بجلاي
زهره.
۞۞۞🔵🙏🔵۞۞۞
اليوم اربعينه صار غير الواني
منتظره اتاني الحيد بس لانساني
خلاني بلحسرات قاسي زماني
انشد واتاني يعود ومتيهه الراي
ام زهراء الفاطميه
۞۞۞🔵🙏🔵۞۞۞
الیوم اربعین الیوم ومصابک امصاب
من فرگتک لللیوم دلالي انعاب
فرگه الابو کتال وبگلبی اصواب
هم الايام اتعود وتضوي دنياي
ام حسن سلیمانی
۞۞۞🔵🙏🔵۞۞۞
دمعي تره بفراكك غير احوالي
من غيبتك لليوم مشدوه بالي
رايح يغالي وياك عزي ودلالي
ريت امي هسه هنا وحاضره وياي
العلوية أم يوسف
۞۞۞🔵🙏🔵۞۞۞
بويه اربعينك صار وايست روحي
والحزن وسط الروح زيدلي نوحي
كل ونه بيه اتهيج تلجم اجروحي
بس الدمع والنوح من رحت سلواي
ام زهراء الزيداويه البصراويه
۞۞۞🔵🙏🔵۞۞۞ز
ایست روحي اليوم ماالک رجعه
وبعيني مثل النار تنزل الدمعه
وصوت الحزن بالروح محد يسمعه
بالنوح اصبر الروح والونه وبجاي
✍️العلويه أم فاضل
۞۞۞🔵🙏🔵۞۞۞
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
دموع الحوراء
كن من تكن فانت من تراب
هل شهر الونين .. شمخلي بالعين
عمه ماينسمع ونج .. عمه محنيه اشوفنج
*
من ادخل الحضره..كلبي شيصبره.. اشتعل جمره
ويمج اهمل دمعتي
دمعتج حمره .. تخنكج العبره .. جلمتج حسره
ودمعي بلل شيبتي
تراوين بحضن جفج خيمه بنار محتركه
ودمعتج تنزل اطفي بس بعبره مختنكه
جف يحمل ادموع .. جف جمر مطبوع
عمه عالطف اسئلنج .. عمه محنيه اشوفنج
*
عمه يالمهدي .. بيا جرح ابدي ..بالغرب وحدي
وايدي طبعت عالضهر
اليمرد بجبدي ..بالضعن يحدي ..دمعتي بخدي
شيبت يالمتضر
شسولفلك مرار الطف بالف عام العمر عده
من شفت الغريب حسين تنزل دمعته بخده
والشييب الراس .. فاركني عباس
عمه بكسر الضلع جنج .. عمه محنيه اشوفنج
*
عكب ابو فاضل .. كل متن هادل .. صاعد ونازل
السوط حيل اعالمتن
كل ثغر ذابل .. بطيحت الكافل .. تجاسر العاذل
يسبني ويخليني اون
هذاك ايأشر اعليه وذاك الضحكه عالي صوت
ذبحني يصيح للديون خل زينب اسير تفوت
تصيح الدواوين .. هاي اخت الحسين
عمه السنهم اذنج .. عمه محنيه اشوفنج
*
ال عالرمح راسه ..زينب انفاسه ..اسئالني عالداسه
الحافر بصدره تدوس
جم رمح جاسه .. ذابح احساسه .. والسبو ناسه
منذبح شمس الشموس
الخيل ترضرض بصدره وابد مارحمته الحافر
تصهل من تدوس اعليه منضر مثله ماصاير
من سحكته الخيل الحافر دمه يشيل
عمه رضنه رضنج .. عمه محنيه اشوفنج
***
والي جره واصعب..وجه السمه مخضب..من الشمر يكرب
يكطع بنحره ويكول
قطره مايشرب.. وعالرمح يصلب .. الكل بلد ينطب
براسه ونصول ونجول
رفع راسه وكصد عباس يتشمت يريد بهاي
هذا نحر اخوك حسين وعركت كصت الوفاي
واهتز الطفوف .. من كطع الجفوف
عمه ماريد الجمنج .. عمه محنيه اشوفنج
****
تمت
احمد الخفاجي
بطور الشيخ قمبر/انخاج نخوة فاطمة
أنخاك يا إبن الحسن طالت هالسنين
عجّل أنه روحي فداءك ياضوه العين
┈┉┅━●❀ـ●●❀●●ـ❀●━┅┉┈
من المحاجـر عينــي ماينشف دمعهــا
كلما تجي ابّالي التي كسـروا ضلعهــا
ام الحسن مـامش دوا الفـاد ونفعهـا
مالومــة كضّت هالعمـر بالآه وونيــن
┈┉┅━●❀ـ●●❀●●ـ❀●━┅┉┈
بضعـة رسول الله قتيلة بإيد ظلّام
خانوا محمد بس مضه قلبوا عالِسلام
راووا حبيبــــه المرتضــى آلاف الآلام
خلّوه يعانـي هالظلم شاف الامَرّين
┈┉┅━●❀ـ●●❀●●ـ❀●━┅┉┈
فارك رسول الله ودفن نــور الرسـالة
ابدال المواساة والسند روْعـوا عيــاله
ذوله عـدو لله وعــدو المصطفى وآله
هجموا عله بِت النبي سقطولها جْنين
┈┉┅━●❀ـ●●❀●●ـ❀●━┅┉┈
هجموا عليها ومارعـوا حق الأمانـة
ونكروا مقام المرتضى رادوا مكانـه
هبت على بـاب الوصي نــار الخيانــة
وعصروا ضلوع امُ أبيها عالحياطيــن
┈┉┅━●❀ـ●●❀●●ـ❀●━┅┉┈
هاي الضلوع اللي حِمَت سيد الجنــة
وريحانــه شــالن للنبــي وحاوطنّــه
ام زينب وام الحســـن ام المحنــة
الله يلعــن ظالمــــچ يا أم الحسيــــن
┈┉┅━●❀ـ●●❀●●ـ❀●━┅┉┈
إظهر يبو صالح ترا اعيالك يتامــه
مالوم كــل شيعــي على غيبة إمامــه
يمته نشـاهــد طلعتـك رِد ابسلامـة
ثار امك الزهراء جيبه من الشياطين
┈┉┅━●❀ـ●●❀●●ـ❀●━┅┉┈
📝 #الشاعرة_زينب_الخفاجي
🌿 #اللهم_صل_على_محمد_وآله
قصيدة ( مر بينه ) ندبه إلى الامام الحجه عجل الله فرجه الشريف
مــر بينــه . مــر بينــه
صحره احنه وانته الماي
تــروينــه چلــمــة جــاي
يالغايـــب شنــهي الـراي
مـــر بينــه مــر بينــه
*
تتاني الــروح ويـن الجيتـك مطـره
صفت بعدك يغايــب بالبعد صحـره
يتامى احنـه ونتاني منــك النظـره
نحلفـك بيش بحسين وگطع نحـره
تـدرينــه تـدرينــه
ننتظـــرك يـالـمــوعــد
يالمهـدي يمـتـه أتعــود
وتـــرد الفــرحه اردود
ملــينــه . مــر بينــه
*
مــر بينـــا الحـــزن نشــف مـدامعنه
وحچي الشمات لجلك هد مسامعنه
بـلا نـــورك يغـــايب سيـدي ضعنــه
وبس انتــه التطـــيب كل مواجعنه
تــاذينــــه تـــاذينــــه
نسمعها واحنــه ازغــار
چــا وين الغايب صــار
يالمهــدي لجــل الثـــار
نـادينــه مــر بينــه
*
ظلمه الدنيه مرنه واشعل الشمعــه
وامسح من جفنّه سيــدي الدمـعـه
بغايبك كل وكـت يبن الحسن ننعه
نحلفك بالبقن بچفوفه بـس تسعـه
تـروينـــه تـروينــــه
يبست بينـه الامـــال
ملينه القيـــل وقــال
يالمهدي بهذا الحال
نــادينــه مــر بينــه
*
ضاگــت بالنــِفس يالغـايب الريـه
يا نســمة صبــح يل كلـــها حنيـه
الفرحه أويه العقيله چنها مسبيه
وبس انته التردهه مـن بني مــيه
ملينـــه ملينــــه
من الدمعــه ومــن الاه
يــا جــرح المـا ننســاه
كل يــوم نعيـش ويـاه
يــاذينه . مــر بينــه
*
مثــل حــال العليله لجيتــك انتاني
البعد يبن الحسن غيرهــن الــواني
هااا هســه يجي مــا مــره تنساني
يزيح اهمومي كلها ويجلي احزاني
نــادينـــه نــادينـــه
عجـــل عجــل مــولاي
يا عمري الراح وجــاي
يــــا قبلـــة كــل وفاي
حنّيــنّه مــر بينــه
*
الشاعر
موسى البديري
دنيا الطلعت زينب سبيه
دنيا اليتمت بالطف رقيه
دنيا حسين نايم علوطيه
هاي شلون دنيا
***
المن ظاله روحي شتريدين
هم عندچ امل باچر تظلين
دنيا الطشرت بالطف الحسين
هاي شلون بيهه ؟
ازاعل ناس واركض واجمع المال
وانسى واختلف كل ساعه انه بحال
واظل فلاح ناثر تعبه برمال
آخيرآ للگبر بس چفن وحبال
سكته وبس تراب تروح ناسي
دفنو ضحكتي وذبحو انفاسي
اظلن باللحد شيشيل راسي ؟
هاي شلون دنيا
***
يا خير اليجي من الدنيا يا ناس
دنيا الفارگت زينب وعباس
دنيا چفوف كافل بيها تنداس
وسهام ابعيونه
بيها حسين نايم فوگ التراب
المن نركض الهه ونحسب احساب
على الاكبر تطشر علرمل ذاب
كلشي بهالحياة يروح چذاب
ما يبقى الفرح دايم بچيهه
ما تسوى العتب نعتب عليهه
آخيرا باللحد ما نبقى بيهه
هاي شلون دنيا
*
لا يا دنيا سويتي الچبيره
زينب بت علي تمشي اسيره
تظل بلا محامي ولا عشيره
بدروب البعيده
ليش ايزيد يضرب راس الحسين
زينب يا وكت تدخل دواوين
دنيا أم الخساره شلون الچ عين
بعدچ عايشه وريتچ تموتين
يصلفه وشايفه السوط بيمينه
وكل ساع وتصد لام عون عينه
رقيه اتيتمت بيهه وسكينه
هاي شلون دنيا
****
يا اكبر حلم لا مو حقيقه
ونتوقع يزول بأي دقيقه
البشر بالازمنه الميته السحيقه
وينه اوين داره ؟
وين العاشو اويانه ونحبهم
جوه اتراب هسه بنص گبرهم
غير تصير عبره ومن نمرهم
باچر هم نموت ونرجع الهم
عليمن هالحسد والكره كافي
نرجع للحسين بگلب صافي
باچر كل بشر مدفون طافي
هاي شلون دنيا
****
راحه منين لا ما بيهه راحه
أذا المهدي يون ليله وصباحه
الدنيا السببت همه وجراحه
لا خير بعمرهه
هذا الما يريدك هذا مغتاض
كبر سوء التفاهم والزعل فاض
سنين اتطول بس بالهم والامراض
ومسيرك للگبر وهواي الاعراض
تعوف المال والاولاد وانته
تروح بنص گبر وشلون سكته
عمرك وين راح شلون عفته ؟
هاي شلون دنيا
****
كلمات الخادم / رعد الفريجي
يحسين الحرم بحماك خويه اتطول النومه ؟
يبن أمي العلى التربان جسمك تارس الحومه
*****
جينه ونار بالخيمات
ما ندري العدل والمات
هذا السلبوه وطاح
ركضت ونه علونات
نركض خويه مدري الوين
كلهه تصيح وين حسين
وين الوالي دربه منين ؟
عين وظل تناشد عين
يحسين ،، الطفل سحگوه
يحسين ،، العلم حرگوه
يحسين ،، الوجه مسطور
يحسين ،، الگلب منحور
جيناك ونريد انشوف طولك خويه ورسومه
يبن أمي العلى التربان جسمك تارس الحومه
****
بعدك خويه ضيم هواي
من فدوه العطش والماي
كلشي الطولك المهيوب
غير انته الاخو الحماي
يحسين وصدگ مذبوح ؟
وسفه اعله الترب مطروح
خويه جروح فوگ جروح
يمك ردنه ما مسموح
يحسين ،، العطش چتال
يحسين ،، وبلايا رجال
يحسين ،، ونروح الوين ؟
يحسين ،، وبعيد حسين
محد من اهلنه أيگوم وين الوالي وعلومه
يبن أمي العلى التربان جسمك تارس الحومه
**
هونك يا رمح خليه
نزله وخل اشمن بيه
هذا الغالي اخذني وياه
مني بعيد لتوديه ؟
رافع راسمن تدري ؟
هذا اعبايتي وخدري
يم نحره وخلص عمري
اجيته ومختنگ صدري
يحسين ،، وعماني الصار
يحسين ،، الشتم والنار
يحسين ،، الحبل جابوه
يحسين ،، وبدي شدوه
گوم افزع يبو النوماس جيتك والله مهضومه
يبن أمي العلى التربان جسمك تارس الحومه
**
وين انروح من الشام
وانتم روسكم گدام
نركب هزله خويه حسين
ما دام الاخو ما دام
يا ليل البعد يا ليل
خلصنه الدمع والحيل
فوگ الناگه گمنه نميل
شامت بينه گام يعيل
يحسين ،، وركبنه النوگ
يحسين ،، ودخلنه السوگ
يحسين ،، وشمر حداي
يحسين ،، تعبنه هواي
زينب ياهو يمشي وياي من اخواني محرومه
يبن أمي العلى التربان جسمك تارس الحومه
****
خلصت وانتهت يلحيد
منك رحنه خويه بعيد
تدري الحادي مو عباس
نمشي وبس دمعنه يزيد
نمشي ونلتفت يخوان
تعبان بظهر تعبان
اه يا وحشة الوليان
هسه الحادي ياهو الچان ؟
يحسين ،، الاخو مذبوح
يحسين ،، الكمر مطروح
يحسين ،، ولفانه الموت
يحسين ،، وگطعنه الصوت
مالومه ومشت للشام ها يحسين مالومه
يبن أمي العلى التربان جسمك تارس الحومه
كلمات الخادم / رعد الفريجي
في ذكرى استشهاد الا مام جعفر الصادق عليه السلام. (مجرشه )
يابدر نورك غاب
ياثامن الاطياب
يابدر نورك غاب
★★★★★
انهّد الضريح وگبته ماتنوصف هلحاله
معروفه غايات العدو وشنهي اليدور إباله
تاريخ يمحيه ونسب هذا القصد بافعاله
ماندري عيد ومن گضه يمطر حزن شوّاله
غيابك جمر لهّاب
ياثامن الاطياب
يابدر نورك غاب
★★★★★
وينه التحداك ولفه. يلدوم علمك سابق
منك يطلبون العلم بلنفس دومك واثق
المنك رجع گال ابفخر علمني أمامي الصادق
ومصدر حديثك للنبي. وجبريل عن الخالق
تشهدلك الاصحاب
ياثامن الاطياب
يابدر نورك غاب
★★★★★
هذا ابن تغلب صدح علناس نور افكاره
وهذا هشام بن الحكم منك اخذ اسراره
ومؤمن الطاق بحجتك. متسلح باسفاره
ويروي زراره شماگلت عنك جميع أخباره
منبع علم واداب
ياثامن الاطياب
يابدر نورك غاب
★★★★★
الطاولوك بياعلم والناظرك چا وينه
من غيرك ادره بالعلم من حكمته وتكوينه
يمك طريق اليهتدي والراد يحفظ دينه
ساحر وجودك كل گلب. حبك يعطر اسنينه
بحب الله گلبك ذاب
ياثامن الاطياب
يابدر نورك غاب
★★★★★
بكل شكل رادوا سيدي عدوانك يزيحونك
اصحاب المصالح والحكم لوضدهم يشوفونك
وانته التسامح مبدئك لو رادوا ايعادونك
ياحيف بالسم تنسكي بالسم تغير لونك
جرحك ابد ماطاب
ياثامن الاطياب
يابدر نورك غاب
الشاعر حسن لعيبي الحريشاوي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
#لطمية_بلسان_الحال.
#البقيع💔
رحت يـــــم المگبــرة
شفت حرمــة امحيــرة
بيدها تمســح دمعهــا
واكفـة وتمسك ضلعهــا
وتهمــل العيــن ... وتهمــل العيــن
┈┉┅━❀ـ❀ـ❀ـ❀ـ❀━┅┉┈
يــم گبــــور الآل رحنــــا بفــد مسيــة
چنـــي شفْت اخيــــال يمكن للزجيــة
قلبي صـار اوصـال والعبــرة شجية
مـن شفت هالحال والزهــرة حنيــة
جنها ماذيهــا المصــاب
و القلب منعدهـا ذاب
ماشفت وحدة بوضعها
واكفـة وتمسك ضلعهــا
وتهمــل العيــن ... وتهمــل العيــن
┈┉┅━❀ـ❀ـ❀ـ❀ـ❀━┅┉┈
تحجي وي الحسن جنها ابدمعة العين
تگــــله يامظلوم كُبْتــك والقبــر ويــن
فــوك سم كبدك عزيزي ودورة البين
هدّمــوا گبـــرك ييمــــه هالملاعيـــن
قلب والدتــك حزيـــن
لجلك ولجـل الحسيــن
عالولــد يكثــر جزعهــا
واكفـة وتمسك ضلعهــا
وتهمــل العيــن ... وتهمــل العيــن
┈┉┅━❀ـ❀ـ❀ـ❀ـ❀━┅┉┈
توجّهت گبر الذي سحبـوه بالاجمال
ساجــد العترة وتســأله بدمـع همـال
بعده يمهــ بركبتــك آثــــار الاحبـــال؟
بعد بجدامك حرق مـن حــر الرمـال؟
يمـــه يا زيـــن العبـاد
سيرتك تدمــي الفـؤاد
ينتحب كلمن سمعهــا
واكفـة وتمسك ضلعهــا
وتهمــل العيــن ... وتهمــل العيــن
┈┉┅━❀ـ❀ـ❀ـ❀ـ❀━┅┉┈
دارت لگبــر العزيــز البــاقــــر اتحــوم
ياللي مـن زغــرك شفت آلام وهمــوم
عمرك اربـع شاهــدت انحــور ودمــوم
ثــم قتلوك العصابــة ورحت مسمــوم
يمــــه يالباقــر أنـــــه
ماشفت يـــــوم الهنــــا
بثّت لقبـــــره وجعهــــا
واكفـة وتمسك ضلعهــا
وتهمــل العيــن ... وتهمــل العيــن
┈┉┅━❀ـ❀ـ❀ـ❀ـ❀━┅┉┈
ثـم راحت خطوة تمشي وخطوة تعثر
صـارت اتشيل التــراب وبــي تُعَفّــر
شهــكت وصــاحت اويـــلاه آ يجعفــر
آ يصادقنــــا الحبيب ابنـي المظفّــر
يادوا اجروحي صرت
ابگبـرك آنـــه تعفــرت
كل ابن منهم صدعها
واكفـة وتمسك ضلعهــا
وتهمــل العيــن ... وتهمــل العيــن
┈┉┅━❀ـ❀ـ❀ـ❀ـ❀━┅┉┈
📝 #الشاعرة_زينب_الخفاجي
🌿 #اللهم_صل_على_محمد_وآله
گعدية بصوت. مسلم المطيري
تشفي العليل وانت ملچوم
كلمات الشاعر
حسن لعيبي الحريشاوي
السيده سكينه تخاطب جسد المولى ابا عبد الله الحسين عليه السلام
*
فوگ التراب ابو الروح العزيزه
****
يحسين انعمت عيني شلگيتك
يبعد سكينه تربان بلحيتك
اجيت من الخيم واركض لفيتك
حرگو خيمتي وطبو ثنيتك
علويه وتركض بالهيمه
يحسين اگعد يابو الشيمه
شلون استر روحي بلا خيمه
بظهري السياط واگلهم وين ابونه
**
گوم الله واكبر فتح العيون
الشمر شفته اعله صدرك گاعد شلون
يخايب عوف ابونه وهاك المتون
تعب كلش رگد حيله شتسوون ؟
خلي احجار يطم اعضامي
وما شوف المنظر گدامي
يلوج ابروحه حسين ودامي
خله يرتاح تعب من الحوافر
***
يريد يروح يوصل يم الخيام
بعد ما شال روحه اعله الترب نام
نظر للتله شاف أم عون واحتام
ثلث مرات طاح وبعد ما گام
من زينب صاحت يخواني
بت حيدر ماتو ولياني
شو چن الكافل عافاني
وينه الحسين غريبه ايشوف زينب
***
خلص وكت المحنه وغمض العين
فوگ رماح صاير راس الحسين
المن ظاله روحي اشتريدين
ويخيل الله ولحد لا تسحگين
بسك يلحافر أذيته
هونك شمسوي ورضيته
علگاع اموزع تاليته
هوسو بيه يبويه شلون راسك
****
اخذني وياك بويه الدنيا شوغات
تره اليفگد عزيزه بلا چتل مات
اليروح حسين منه يعيش ونات
ينايم علترب رد للغريبات
حرگوهن يحسين خيامك
يمك هالوصلت ايتامك
سطرونه ونركض گدامك
مو وكت نوم يبويه الحگ رقيه
كلمات الخادم / رعد الفريجي
بسچن من الحسين أگلچن مات
**
بسچن يا حوافر خلصن اعضامه
عوفن صدر اخوي اخذني گدامه
ردن گلبه اليه وذيچ العمامه
اجيت اركض عليه وتركض ايتامه
خل يرتاح اتركنه
مات وما بعد منه
عوفن صدره يا خيل خلص طعنات
بسچن من الحسين أگلچن مات
****
كافي الله واكبر من عمت عيني
أي مذبوح بس چنه يحاچيني
ها يم عون زينب خويه لحگيني
من جوه الحوافر ما تلميني
خويه شلون وياهه
حسين ايصير جواهه
تارس گاع الطفوف أبو الكلفات
بسچن من الحسين أگلچن مات
***
عوفنه تعب يا خيل عوفنه
توزع علترب ما بيه ألمنه
بعد ضيم السيوف انتن سحگتنه
ليش بعيد من زينب اخذتنه
حسين التارس الحومه
من يومي گبل يومه
الماخذ صدرك وياه على اختك فات
بسچن من الحسين أگلچن مات
****
يا شدة اخوي حسين بالحومه
تچوي الگاع ليش امطول النومه
حافر جاب ضلعه امخرب ارسومه
گاع الطف تحنت كلهه بدمومه
وسفه الجابني اتوزع
ما ينلم ولا يرجع
خلص حيلي ويلاه لطم ونٌات
بسچن من الحسين أگلچن مات
**
اجيتك وشلگيت ؟ الجثه خلصانه
ها يبن أمي تسمع محد ويانه
وصلت المنحرك بس حيل تعبانه
راس اعله الرمح يحسين هايه آنه
شنهي الراي يلهيبه
اروحن فدوه للشيبه
ما ظن ننجمع بيك ؟ بعد هيهات
بسچن من الحسين أگلچن مات
كلمات الخادم / رعد الفريجي
*فزاعيه للامام علي ع يوم الاربعين*
ــــــــــــــ😭ـــــــــــــــ
باب الگبر يالمرتضى مسدود جينه نشوفه
ــــــــــــــــــــــــــــــــــــ
اليوم اربعين نصابحه
نقره عله گبره الفاتحه
نسوي العزه والنايحه
ما تمر ذيج طيــــــوفه
ام وليــ✍️ــــد الموسوي
ــــــــــــــ😭ــــــــــــــــ
باب الگـبر ماينفـــــتح
ونشوف ابونه وننشرح
وجه مثل وجه الصبح
يصعب عليــــــــنه نعوفه
ام عـ✍🏻ــــــلي البابلي
ــــــــــــــــ😭ـــــــــــــــــ
يصعب افراگك ياعلي
مـوحش يبويه منزلي
ناديت يمته ايرد الي
دمعتي اعلي مذروفه
زيـ✍🏻ــنـب الـواســطي
ـــــــــــــــــــــــــــــــ
اليوم اربعينه وبالنجف
دمعي يكت ومايجف
والكلب مشتاك ورجف
كون الجرح ونروفه
✍️ام زهراءالفاطميه
ـــــــــــــــــــــــــــــــ
شيروفه مجروح الگلب
وعيوني عالوالي تصب
فراگك يحـيدرنا صعب
وروحـي تحـن ملهوفه
أم عــ✍🏻ــلــي الـحـلـفـي
ـــــــــــــــــــــــــــــــ
هنياله اتراب الكبر
شابك الهام المنطبر
يالوالي علمنه الصبر
يالبل الكتاب احروفه
مي✍🏻ـــساء ام حسين
ـــــــــــــــــــــــــــــــ
((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /1/ ذو القعده / 1443هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
لاربعين الامام علي ع
ـــــــــــــــــــــــــــــــــــــــــــ
ـصار اربعين اصباح مامرنــــي الولي
عيني تصد للدار ودموعي تــــــــهلي
ــــــــــــــــــــــــــــــــــــــــــــــــــــــــــــــ
كلما هوى اعله الباب گلبي ينـــشرح
متعوده بويه عليك ياضــــي الصبح
ثاري الهوى جذاب ويهــــــيج الجرح
نام وغمض عيـــــناه شيعوده الي
ـــــــــــــــــــــــــــــــــــــــــــــــ
صار اربعين اصباح عيني اعله الدرب
كلساعه اگول يعود واعلــــــــيه يطب
واسمع ونين واه ودموعــــــــي تصب
گلبي يون عالكال بـــــــــويه ادللي
ـــــــــــــــــــــــــــــــــــــــــ
شمعه وطفه من البيت عافالي الحزن
شال الفــرح ويــــــــــــاه وايامه جزن
يوميه دهري يعيل يوميه امتــــــحن
يوم بسهام.الباب يوم افــــگد علي
ــــــــــــــــــــــــــــــــــــــــ
يادهري بسك عاد يوميـــــــــــه وجع
خزن اجــــــروح الباب وي كسر الضلع
تالي اجه المحــــــراب والجرح انبطع
ياحالي باللچمات صــــــــبح مبتلي
ـــــــــــــــــــــــــــــــــــــــــ
شهر وعشر تيام شــــــــو جنهن سنه
هنياله گبرك بيــــــــــــك ياريته انه
تمنيته بس بي باب يايوم المنــــــــى
وارجع واشوفك يــــــوم ياتالي هلي
ـــــــــــــــــــــــــــــــ
تمت وبعون الله تعالى بقلمي
ام علي البابلي لااجيز شرعا حذف الاسم،،، اسالكم الدعاء
قصيده لاربعين الامام علي ع
وزن فائزي
مستفعلن مستفعلن مستفعلاتن
وزن الفائزي
-------------
يحسين خويه والدي صار أربعينه
ماضن يعود النه بعد وتفارگينه
••<<<{{⚜️{⭐}⚜️}}>>>•••
صار أربعين صباح فارگتك يوالي
موحشه الدار ومظلمه ضايع دلالي
تمنيت يابويه ترد ذيج الليالي
يحسين خويه مايرد غايب ولينه
✍️
ام وليد الموسوي
•••<<<{{⚜️{⭐}⚜️}}>>>•••
شايل وعاف الدار والكلب جمره
عايفني وحدي بلنزل اجذب العبره
بويه البعد كتال كلبي شيجبره
صار اربعينه اليوم ومضيعينه
✍🏻✍🏻ام احمد العبودي
•••<<<{{⚜️{⭐}⚜️}}>>>•••
تمنيت بويه شوفتك وترد عليه
ضاكت يوالي من رحت من بين اديه
يحسين داره موحشه وظلمه وخليه
يكلها يبعد اهلي غفل راح من ادينه
ام علي البابلي
•••<<<{{⚜️{⭐}⚜️}}>>>•
راح من ادينه حيدره والكون اظلم
والحزن لفراگه عله دنيانه خيم
المكتوب مامنه مفر ما منه نسلم
شال الابو وفگده كسرني يالحنينه
✍🏻زمن حاتم الربيعي ✍🏻
٠٠٠٠٠•••<<<{{⚜️{⭐}⚜️}}>>>•
ابنيتك غريبه ياولي تبجي اوتنادي
بويه اربعينك صارياعزي اوعمادي
راحت اعيوني من بجي ذابت افادي
دارك يبويه ياعلي اوتبجي اوحزينه
زهره شريف الكناني
•••<<<{{⚜️{⭐}⚜️}}>>>•
مشتاكهروحي لشوفتك حامي الجار
كل ما اشوف اعمامتك دلالي بي نار
ما تدري بعدك يلولي بزينب اصار
مهضومه بويه والكلب زايد ونينه
ام علي الصالحي
•••<<<{{⚜️{⭐}⚜️}}>>>• *تمت بحمد الله وتوفيقه باقلام شاعرات الملتقى الحسيني لناعيات الطف المبدعات يحرم الحذف والتلاعب ونسالكم الدعاء*
نزل مغتاض واعلَن :ها أنا العباس
ملْك الموت يسبـﮒ ضربة ايميني
ماخذ جربتي وصوب النهر عنّاي
فـنّـه اليوﮔف ابدربي ويلاﮔيني
الهذا اليوم ذاخرني الوصي الكرار
وامي سنين بالعاشر توصّيني
الحرب تدريب عندي وساحته الملعب
اتشوفون العجب من زود ﭼفّيني
وسيف البيدي عطشان النحور السوء
واسمعه اينادي : ياعباس روّيني
دخّن غيض روحي ونار راسي الحار
غدت كبره اولهبهه اتلاله بجبيني
أغرف بالزلم واترس ابحلـﮒ البين
وملك الموت بيه ايصيح : تانيني
أريد احسب عدد .. شو هدّي ياعباس
جُمله الموت صار وغيّمت عيني
أنه العباس ياناس امن اﮔولن هاي
مايحتاج افصّل هيّه تكفيني
عِلت حد النجوم الساريه بيمناي
علمهه احجاب زينب قبلة سنيني
اعوف شلون ساريتي وارد فشلان
واهي ستر العَلى اختي وعزّتي ودِيني
وحـﮒ من بس ابو اليمه كفلهه
اكفلِت زينب ولا غيري كفلهه
وصبح يوم الشدد سيفي كف الهه
يـﮔص ارﮔاب ويجيب المنيه
لقمان البدران
وجهة وجهي وگلبي للخدمه وسلمت امري بيد ابو اليمه
صاحب الفضل الجبير الخادم مسويه امير
*
هل محرم وحمدت الله وشكرته
عايش مخليني لحسين برحمته
نعمة الله حسين ما تنعد نعمته
الله لا يحرمني منه ومن خدمته
اهواي اشكر الله ودمعتي بخدي غير الحسين وخدمته شعندي
بلا خدمته اصبح اسير الخادم مسويه امير
****
حان فرض الخدمه وآنه محزم احزام
كل حياتي الخدمه ومتانيها كل عام
الخدمه ما تتعوض وهاي اجمل ايام
وشرف هاي الناس لو سمتنه خدام
يوميه ادعي بخالص النيه توفقني للخدمه الحسينيه
الخدمه ما الها نظير الخادم مسوي امير
***
سنين عايش انه يحسين بنعمتك
وادعي الله يطول بعمري الخدمتك
رحمة الله وردت تشملني برحمتك
ومن ضمن هاي الخدم تحسبني ردتك
خادم الك اتوسل اقبلني وي الخدم يحسين سجلني
اقبل العبد الحقير الخادم مسويه امير
**
حسين لو ماخدمتك ما اسوه تدري
كبرتني بخدمتك ورفعت قدري
حسين انته نعمتي وبنفاسي تسري
ما اوافيلك ضلع لو انطي عمري
شمنطيك يالمنطيني دم نحرك ماوافي سحكت حافر بصدرك
حتى ما صحلك حصير الخادم مسويه امير
*
اذكر اهلي جانو ايگلولي كلمه
صير خادم وانطي عمرك لبو اليمه
وعله حب الخدمه ابني جاي اعلمه
يبني گتله حسين اريدنك تخدمه
بالك تقصر وي ابو الاكبر تكدر توافي الضحه الك منحر
لا تعوفه شما يصير الخادم مسويه امير
*
الخدمه نعمه وخدمتك رفعت مقامي
ونلته بين الناس بالخدمه احترامي
ضامي انته والخدمتك انه ضامي
جنت وين او وين خلاني امامي
بهاي المجالس انه تربيتي والخدمه صارت هي عافيتي
ياملاذي من احير الخادم مسويه امير
***
تمت
ميثم العمري
مرتاح خادم صرت ما سحگو عظامي
محد ذبحلي طفل لا شهگ گدامي
لا بنتي شافت سبي
لا مشت وي اجنبي
لا عندي مثل الگمر يم النهر ضامي
****
مولاي حيل اعتذر ،، آنه الذي قصرت
ما ميت لهسه
أذكر مصابك واون ،، واحترگ ساعه وتمر ،، والنوب ارد انسه
تلطم چفوفي ويظل سالم ضلع بيه
لو صدگ خادم الك چا جثتي مدميه
ما موت كلش صلف بالحومه علويه
كافلهه ظل علنهر ودوهه مسبيه
شماله النفس بالصدر مو حرگو الخيمه
ركضن بنات النبي من الهيمه للهيمه
راس الحسين برمح
منذبح يم منذبح
الخادم اذا من صدگ يستشهد بضيمه
شماله النفس بالصدر مو حرگو الخيمه
**
متعوب من الشمس ،، وسيوف تاكل نحر ،، وام عون علتله
والنار يم الخيم ،، لحظات يبدي السبي ،، وتبين الخله
كل هذا وانته نهر والرحمه بعيونك
خايف عليهم چنت ذوله اليذبحونك
الگطعو عليك الدرب دبچو على متونك
جمعو حجر كربله ورادو يدفنونك
من السيف حز النحر قد حان موعدهه
وانته التدگ علارض بيدك تثبتهه
اهتز العرش للخبر
والدم نزل بالمطر
طبگت سمى اعله الارض بس انته ساندهه
من السيف حز النحر قد حان موعدهه
**
وين انه من خدمتك ،، وانحسب من الخدم ،، شوما عمت عيني
مبتعد ناسي وضعت ،، بالدنيا دمعه بنهر
،، وارجع تخليني
حاسبني من عيلتك يل عيلتك بالبر
يل جمعتني بتعب بالحومه تتطشر
دليني درب العدل ليهسه آتعثر
ساعدني يابو علي والله ما أگدر
ناكر جميل وأظل كل چلمة ما عندي
وارجع وازورك دمع بالحضره متبدي
سامحني والله اعتذر
جيت بگلب منكسر
مو خادم وزايرك لا واگف مجدي
ناكر جميل واظل كل چلمه ما عندي
****
الله يا عالمك ،، يلعزبت بالطفل ،
وخيامك ونحرك
تشفعلي يا سيدي ،، والثمن حرگ العبي ،، والدوس البصدرك
شبعن بناتك عطش والرمل يچويهن
نسوان يا سيدي محد يباريهن
مو ماي رادن هوى يمك يوديهن
المفروض من حرگتي مستشهد اعليهن
لو عندي أم وأخت مسبيه وياهن
لو بنتي ماتت سحگ چا أگدر انساهن؟
معقول لو بالحلم
يا ااااخ ما تنفهم
للشام تالي الدهر يحسين وداهن
لو عندي أم واخت مسبيه وياهن
****
مطروح فوگ الرمل ،، ورماح ويه الحجر ،، ما رحمن ضلوعك
تنذبح من القفى ،، وتفكيرك بشيعتك ،،
فهمني موضوعك ؟؟
عطشان يابس چبد وسكينه عطشانه
بنتك رقيه انتهت مهمومه ذبلانه
يلودعت عيلتك بس باقي ويانه
بالدنيا هم باللحد حاشاك تنسانه
بيوم القيامه العطش ضامي بظهر ضامي
والشيعه تشرب عذب يالواهب الدامي
بالگبر يمي تظل
يمشون كل الاهل
هنيالي يابو علي والگاك گدامي
بيوم القيامه العطش ضامي بظهر ضامي
**
كلمات الخادم/ رعد الفريجي
يا حبيبي يا حبيبي يا حسين
**
أضم دموعي الك ما أهون ابچيهن
الطاحن مو الك ما معترف بيهن
احبسهن سنه ولمن يمر عاشور
اباب أول نعي اگعد وابديهن
***
حيل هواي انته ودمعتي شويه
يلمخليني خوش انسان يوميه
ترجعني الطريق الصح حنين هواي
احن من امي لو مر المرض بيه
**
شگلك يا حبيبي ويا بعد حيلي
اوديلك ذنب وانته شتوديلي ؟
وديت النحر وضلوع مسحوگات
حتى بگبري من اوگع تتچيلي
*
يذكرون اسمك وما تسكت عيوني
واطب الحضرتك ما اعرف شلوني ؟
خفيف من الذنب مشتاگ لا محتار
بضريحك واصرخ المولاي ودوني
*
الجنه بدون وجهك ما أظن جنه
يلمبعد عليك وانته تتدنى
انه الضايع بدونك انه اخذني الطيش
ردني الحظنك الما ينشبع منه
*
حسين اسمك اعرفه وانته ما اعرفك
احاول اقترب من جرحك ونزفك
اضيع بعالمك دمعه بمصاب حسين
أتاني المهدي هوه العالم بوصفك
كلمات الخادم / رعد الفريجي
والله وكفو ولد الشعائر يا هله
والله وكفو كل المجالس كربله
***
قد حان ،، وقت العزاء العالمي
قد حان ،، هذا الاذان الهاشمي
مجلس نعاوي ،، يشفي ويداوي
اللطف السماوي ،، مجلس لطم
اخذ التريده ،،، ابن الصميده
مداهه ايده ،،، شدو العزم
عدكم دموع العين والچف لاطمه
تدرون ما تدرون تحضر فاطمه
هيه التوزع ماي اذاهه الضمه
هي التون وتنوح هيه امحزمه
يهل العزى هذا الشرف ما ينوصف
يهل العزى راية مجالسكم ترف
والله وكفو نشفتو دمع العايله
والله وكفو كل المجالس كربله
**
الله ،، يحفظكم اهل التعزيه
الله ،، هاي النفوس الباكيه
حضرتو رايه ،،، من البدايه
لاجل السبايا ،،، لاجل النحر
مجلس ضمائر ،،، بسم المناحر
والمهدي حاضر ،،، ينعه الگمر
الدمعة للعباس مو مثل الدمع
دمعة شموخ وحزن عاشگ مرتفع
نبچي اعله زلمه بكل زلم ما مقتنع
سوى الشريعه افياي والمنحر نبع
كافل بعد ،، والزينب اربات الخدر
كافل بعد ،، من حيدر اصدار الامر
والله وكفو ،،، عباس راعي الاوله
والله وكفو ،،، كل المجالس كربله
*
مأجور ،،، كلمن يواسي أم الحسن
مأجور ،،، بالمنحر وذاك الضعن
سمعآ وطاعه ،، صوت الشفاعه
فرض إتباعه ،، يأمر أمر
هل من مناصر ،، ثارت ضمائر
لاجل الشعائر ،، ثورة نصر
تفزع شباب وشيب واطفال ونساء
صوت الحقيقه اليوم اهلآ كربلاء
هذا الولاء المثله ما يوجد ولاء
كل الوطن لحسين مجلس للعزاء
نرفع علم ،، يا ثارنا ابطول الدهر
نرفع علم ،، بأسم الامام المنتظر
والله وكفو ،،، يا باقي والكل زائله
والله وكفو ،،، كل المجالس كربله
***
بيبان ،، للجنه والله حاضره
بيبان ،، رحمه وهدايه ومغفره
غوث الحيارى ،، حب ودارى
عشق مزارا ،، هذا الدمع
معنى السلامه ،، نصر الامامه
كلمن وسامه ،، لطم الضلع
مو بس شهر شهرين لا كل السنه
مو مال حتى الروح لا حتى الضنه
تفدي الحسين ارواح فعلا مؤمنه
تدري بقيام الساعه تصبح آمنه
يوم الفزع ،، ما تفرع ارواح الخدم
يوم الفزع ،، بالجنه بس تسمع نعم
والله وكفو ،، هذا الفرض والنافله
والله وكفو ،، كل المجالس كربله
***
للموت ،، هذا الهتاف الزينبي
للموت ،، ثورة مناحر والعبي
تبقى الولايه ،، وثار الضحايا
وصوت السبايا ،، ما ينتهي
لوعة سبيه ،،، بالغاضرية
ونة رقيه ،،، صاحت علي
من كربله وللشام حد يوم النصر
ليوم الظهور المرتقب نور الفجر
هذا النداء الرافضي ايظل يستمر
يا ربي عجل بالفرج سهل أمر
يا سيدي ،، ثبت قلوب الرادته
يا سيدي ،، والشيعه هاي العشگته
والله وكفو ،، من نلتحق بالقافله
والله وكفو ،، كل المجالس كربله
كلمات الخادم / رعد الفريجي
قَصِيدَة وَعْظِيَّة (وزن الميمر)
بِدَنْيَا الْخَطَر . وين الْحَذَر
يلماخذت . مِنْهَا الْعِبَر
كَلْ نَفْس تَالِيهَا تَمُوت . يابشر لَا تَتَكَبَّر
بِالدَنْيَا گلي شأخرت شمْقدم
تَبْنِي عَلَيْهَا وهيَّه بيك اتهدَّم
علفات مِنْهَا حَايرٌ وَمتْندْم
أَعْلَيْهَا صِرْت . طُول الْوَكْت
اتنوح وتون . وتعذبت
وماتبچي عمرك لوراح . ماي مِن اديك اطشَّر
يايوم مِنْ دَنْيَاك تَأْخُذ عِبْرَة
المنك تبرت . مِنْهَا . ماتتبره
اتضيَّع الْعُمْر هُوَّة الْعُمْر چم مَرَّة
لاتشتبه . بيها انْتَبَه
مَيَّز الذهَب . مِنْ الشَبَهْ
باچر بِيَوْم الْمَشْهُود . ميفيد لوتتحسَّر
يَوم اليودع يَوْم هاي أَيَّامَك
ماخذت عِبْرَة مِن المشوا گدامك
لِلْمَوْت يامغرور شَدّ احزامك
عِشْت بِوضع . لوتقتنع
وَحدك بعد. ذاك الجمع
شظلولك مِن الْأَحْبَاب . بعد الْجَمْع وَالْمَعْشَر
هاي الْمِنْيَة الْيَوْم لَزِمَت بَابِك
ميردَّها لَومَك لايفيد اعتابك
ولااهل تَدْفَعَهَا وَجَمِيع أَصْحَابِك
ماكو أَهْل . غَيْرُ الْعَمَلِ
يَوْمِ الْحَشْرِ . هُو الْأَمَل
لِلَّهِ عَلَى سُودِ الْأَعْمَال . بياوجه مِن تَتَعَذَّر
اتبَع اكْتَأَب اللَّهَ وَكَلَامَ الْعِتْرَة
بِالْآخِرَة مِنْهُم أَتَحَصَّل نَظَرِه
الْفَوْز الْعَظِيم هَنَاك يَوْمَ الْحَسْرَةِ
لِكَسْر الظَّلْع . هَل الدَّمْع
وَأنحب على. راس الشرع
حُبّ النَّبِيّ وَأَهْلِ الْبَيْتِ . يفِيدَك بِيَوْم الْمَحْشَر
الشَّاعِر حَسَنٌ لعيبي الحريشاوي
اه اشكثر نوح وحزن هليلة
والفاگد اعزاز الگلب هد حيلة
@@@@@@@@@@@@@
مو بس بشر جن وانس حزنانة
حمرة السمة هالليلة تبچي ويانة
ارد اسألك بلكت ترد مولانة
دمعي اشكثر من الجفن هد سيلة
@@@@@@@@@@@@@@
يا مدرسة فقه الرسول ودينة
فگدك اشد غربة يل مخلينة
نبچي وننوح وشنهي اللي ينسينة
صدمة وعلي يفراگك بلا حيلة
@@@@@@@@@@@@@@
نقسم قسم بالجمعة والصلاها
ما عدنا غيرك يا صدر نتباها
كلمة حبيبي والله ما ننساها
هيهاتك الهسة وبقت ترتيلة
@@@@@@@@@@@@@
شگ الچفن واطلع تصيح انصارك
هليلة كل هذا الجمع خطارك
انتة الكريم وما ترد زوارك
خلينة نحضة بشوفتك هالليلة
@@@@@@@@@@@@@@
يمحمد الصادق هضمنة مصابة
يا جمرة افراگة اشكثر لهابة
ما يشفة كسرة الفاگد اغلة احبابة
يم الگبر امشونة خل نبچيلة
@@@@@@@@@@@@@@
كلمات حسن جابر السعيدي
ما كُتب للعزيز حسين خير الدّين في مجلسِ الإمام الصّادق في هيئة بنت الحسين :
#شور
يا بُنيَّ يا أبا الفضلِ المعظّم
قد نذرتُكَ فدائيَّ محرّم
أرخِصِ الرّوحَ فداءَ روحِ طهَ
فليُحدّث عنكَ النّهرُ والمخيّم
وامحُ خلفَ زينبٍ الأثر
نحِّ عن دربها الشّوكَ والحجر
لرضاها افعلْ كَّلّ مستحيلْ
لو تطلبُ الشّمسَ مع القمرْ
تقدّمْ .. وقاتِل
قتالَ .. البواسِلْ
وجُرَّ النّهرَ للخيامِ قهرا
وسُدَّ .. المعابر
بعزمِ حيدرٍ فاسحقِ الشّمرا
—
يا وفيًّا بالعهودِ الزّينبيّه
خلِّ في عينيكَ حُرمَ الزّكيّه
واجعلنَّ الصّوتَ يعلو في البرايا
قل هو العبّاسُ كافلُ رقيّه
أنتَ للأيتامِ هنا السّندْ
قلبُكَ الحنونُ دافعُ الشّدد
إنّما الأطفالُ ليست ترى
غيرَ كفّاكَ الحاميه مدد
وروِّ .. الخياما
فداءًا .. هياما
كُرم سكينه قبّلِ السّهاما
عليكَ .. السّلامُ
وفيٌّ يفدي مولاهُ الإماما
—
حسين مازح
#نعي_طور_ياليلة_الحادي_عشر
ياسيدي الصادق مدد...جينالك اندك بابك
يادمعة مانشفت ابد...بعيون كل احبابك
ننخاك بعيون الكمر...اللي طفت لجل الدين
وراسه الضربوه بعمد...وحق جربته والكفين
يالصادق ابحق دمعتك...لجل العقيلة ولحسين
إشفع لنا بيوم الحشر...بْداعة عظيم مصابك
#عاشوري
نخيتك...
يبو الكاظم تِشَّفّع لي نخيتك آه
يمولاي ابقلب مهموم جيتك
جنت تكرم من اتعنّى لبيتك آه
يجامع كل خصال الطالبية
زينب الخفاجي
لاستشهاد الإمام جعفر الصادق عليه السلام. (گعدية )
تشفي العليل وانته ملچوم.
مظلوم يابوالرحمه مظلوم
بوكت الصدگ حسره على الناس
صادق بقول وفعل وإحساس
مظلوم يابوالرحمه مظلوم
★★★★★★
قَدِّمَت لله حياتك. ماخفت من قدمتها
ولاخفت من لوم لايم. والمناهج ثبتتها
ماتجامل هذا طبعك. أشگد مواقف صادفتها
من الجهاله والخطر
أنقذت مولاي البشر
چن موسى من شگ البحر. الناس بيدك عَبْرَتَّهَا
حُكَّام عصرك گامت اتخاف
آلاف عندك درست آلاف
من مثلك ومن بيك ينقاس
صادق بقول وفعل وإحساس
مظلوم يابوالرحمه مظلوم
★★★★★
مرحله صعبه وخطيره صعبه ذيچ شلون فتره
بلاهدايه الناس تمشي . وحاير الإنسان بامره
جاهدت وبعزم ثابت. واسست بالعلم ثوره
شمختلف صاحب مدرسه
مانكر. ياهو الدرسه
كل الفضل محد نسه. الك ياصادق العتره
تصديت للشر مثل الحسين
ليفوگ رافع هامة الدين
معروف مثل البطل عباس
صادق بقول وفعل وإحساس
مظلوم يابوالرحمه مظلوم
★★★★★
ياامير العلم تدري. وتشهد بهذا المنابر
دون التاريخ علمك. خطت مداد المحابر
والنكَّر فضلك اتحَيَّر تظهر اگباله المصادر
محبوب مهيوب الذكر
فقه وتعاليم وفكر
ونطيت للناس شكثر. يلخذت كل المشاعر
يمعلم التوحيد معناه
ومعنى الاسلام وكل مزاياه
للدين تبقه دوم نبراس.
صادق بقول وفعل وإحساس
مظلوم يابوالرحمه مظلوم
★★★★★
تحت علمه نطوت كلها. وصار للكل مرجعيه
تشهد بفضله المذاهب. حنبليه وشافعيه
اسئلوني گال جعفر. مثل حماي الحميه
ماتظل شده ومعضله
جاوب على كل مسئله
كل العلوم تعود اله. من منابع احمديه
يفصل بشرحه حكم الآيات
وهذا الكتاب شبيه. غايات
معلوم يامن ثبت الساس
صادق بقول وفعل وإحساس
مظلوم يابوالرحمه مظلوم
الشاعر حسن لعيبي الحربشاوي