7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
لزلوها المعاره زلزلوها 2
مثل ريح وطك سعف
محد بطوله وكف
زلزلوها المعاره زلزلوها
.
.
نزل بيها الموت الاحمر حارت منين المفر
قائد العام انطه فتوه الشهم كض بيده الامر
لمهم بجف الشجاعه و ذبهم بوادي سقر
سرب مثل الكطته فرت لو طرك جنحه الصكر
اليوم يوم المرجله
قرو طف البسمله
حاوشوها العساكر حاوشوها
.
.
رسمو الخطه سويه تقسموها اعله الحرف
يبدي بيها ابو فاضل يبدي راح امن الالف
البا بوابت عضيده النصر وياهم حلف
الجيم معناه جماعه من يطبهم جن عصف
الحا لحسين النصر
الخا خالد كل دهر
قسموها سويه تقسموها
.
.
الله يستر عينه عمره من زعل هزاها هز
شاف اخيه حسين واكف شد عليها ورتجز
الما يمل منها الطلابه اخو زينب ما عجز
ضلت الروس اتطافر وهك بيها بسيفه حز
نار وكباله حطب
يوم ابو فاضل غضب
حاوطوها الوسيعه حاوطوها
.
.
كسرو اضهور الاصايل من بالملاعب هوسو
شمر الخاجي اعله متنه صاح الاكبر و عتنو
الصعيبه تريد الاهلها وكفو لا ما قصرو
اثنين بنص جاسموها حصه حصه امن اعتنو
ذبو الشرجي شمال
لحضة الصار القتال
سابكوها المنيه سابكوها
.
.
من نزل ليث الهواشم خيل صعدت عالزلم
شبه وي الذهب صارو فرغ من دمه الجسم
عبست اوجوه الاعادي اخو زينب مبتسم
شد عليها لزم سيفه و شال بالطف العلم
حسين بس عاين اله
بجفه داخت كربله
فرحوها الحزينه فرحوها
.
.
حسن صالح العيساوي
يعبدالله ابدمع نصبح بهنبات
وبچلاي السهم نايم بهنبات
واحد ونگطع تدري بهنبات
احشاي ولابگت كل روح بيه
،،،،،،،،،،،،،،،
اليالي اشكثر بجفاك يارت
عليّ وبالبدمه الاجفون يارت
يعبدالله السهم لچلاي يارت
اندار ولا خبر موتك عليه
،،،،،،،،،،،،،،،
عليه اظلم نهار الطف بيندار
وحيده والعگل عگبك بيندار
الضماك اليوم ما يحصل بيندار
العذب وسگوك بسهام المنيه
،،،،،،،،،،،،،،
تاره اعله الدرب عيني وتاره
المهدك بس سهم تنظر وتاره
يعبد الله الگلب تدري وتاره
انگطعت وي گطع نحرك سويه
،،،،،،،،،،،،،،
روحي اعله رضيع شكثر لابت
وگلبي ما بگتله انياط لابت
لا عمر الاريده ايطول لابيت
بعد اهلي الگضوا بل غاضريه
،،،،،،،،،،،،،،
نشف ماي الفرات اسگوك بسهام
يشمامه وعفت بل روح بسهام
على الناگه الدليل اعليك بسهام
شمر بالسوط صار اجوابه أليه
،،،،،،،،،،،،،،،،
لخادم خدمة الحسين ع
ابو عمار الدراجي
درس الخدم ....نهج وعلم
وأرسم الك .... لوحه وقيم
حسين اليسجل الخدام
يبصم اله عباسه
*******
كون اليخدمك سيدي من يقره
يعيش التواضع ما يدور شهره
اخلاق عنده من يجي عالفطره
هنياله من الزهره حصل نظره
بالك تزل ......عنه وتمل
عن جنته.....گطع الوصل
اترك مذمتك يفلان
بالغيبه گاطع راسه
*******
تكثر اجروحك سيدي بالغيبه
حاير فلان اليوم منهو انجيبه
عوف التفاخر والحچي والريبه
سهمك مثلث بالگلب وتصيبه
عوف الفتن .....درب العلن
خلي الأدب ....طول الزمن
مالك علاقه بالناس
الخادم جرحت احساسه
*******
معروف خادم للحسين يريده
كاتب عليه وفه العهد بوريده
هذا الحچي يوميه صار انعيده
بس المذمه والحقد تأكيده
عوف الوهم ...عايش عدم
تالي الأمر .......تصبح ندم
ليش التكبر مغرور
تتحسر عله أنفاسه
*******
عوف الرياء بخدمتك وتحله
باب التواضع لا تسده وخله
بالك تطيح بهالزلل والذله
بس الحسين ايوفقك وتتعله
خلي الدرس....مثل الشمس
عن معرفه ...... زكي النفس
واصل خدمتك بخلاص
تاج المحبه بساسه
*******
مالك علاقه منهو يصعد منبر
خلي يقينك بالعزه من يحضر
يجوز كاعد بالركن بو الأكبر
صفيهه نيتك لا تعاند اكثر
صفي الكلب ... شايل ذنب
عيش العمر ....بجمل درب
بخلاقك اتعيش انسان
يحله بحلات الياسه
*******
خلي تواضع جانبك بالمقياس
عوف الجوارح لاتلوم الاحساس
بالك تزعل ام الحسن والعباس
بالمنبر وتنزل تره باول ساس
خلي الوفه.....اجمل صفه
غذي النفس... ...بالمعرفه
ليش الفتن والتسقيط
فرق الذهب والماسه
*******
ايام مرت والزمن نفسه يدور
تطلع شواذ القاعده من الدستور
مغرور ابالك توصل الخط النور
باچر يجينه وتنفي همك عاشور
شلون اقتنع......تنفي الظلع
منه ابتده.......مجره الدمع
تدري بجرحنه مكشوف
تتعمد عله امساسه
*********
تمت بعون الله وبركاته
خادمكم..يوسف الفتلاوي
ياحسين ياحبيبي الازلي
ياحسين ياحسين ابن علي
… ………………….…………………………
فتشت عيني اعلى حبك
وصار الك گلبي انقياده
ورضعت من امي حزنك
شاهد الطيب الولاده
بالمهد طفك حفظته
وياهو بسمك يمي ناده
من كثر يحسين دمعي
گماطي ينگع والوساده
ياحسين يابعد روحي وهلي
ياحسين ياحسين ابن علي
…………………………………………
بگلبي يحسين انته تدري
مااريد بحزني سمعه
حبي مو يم المصالح
حته اريد بحبي رفعه
انه مو بسنين كابر
انه اعد اسنيني دمعه
عمري يعبر نوح يمكن
لو سمعت الناعي ينعه
ياحسين انه بس حزنك الي
ياحسين ياحسين ابن علي
… ………………….………………………….
الگلي مكان الولاده
مذبحك يحسين اخبره
ولسئل عل مهنه شنهي
مقتلك ياروحي اقره
وليناشد يمتى صاير
من رجع محبوبي مهره
سرجه مگلوب اعلى زينب
وبالدمه ملطخ تنظره
ياحسين يامهر صاحت خلي
ياحسين ياحسين ابن علي
……………………………………………
كل شي لو سويت لاجلك
گلبي ماوفاك احسبه
وكلمن يحب يمتنه
يجري بيه مثل ليحبه
بس انه شفتي طريه
يلي شفتك جنهه خشبه
سلبو ثوبك حبيبي
وثوبي ياهو ليسلبه
ياحسين ريت مثلك مقتلي
ياحسين ياحسين ابن علي
… ………………….………………………….
شرد اجازي من جروحك
حزني مايوفيلك اشعر
بس دمع وشگد ملامه
عذرن بحبك مقصر
حته بالچف الطملك
وسفه مامگطوع خنصر
عالرمح راسك حبيبي
شرد اوفي من اطبر
ياحسين انه بجروحك شلي
ياحسين ياحسين ابن علي
… ………………….………………………….
وينه عاشورك عليه
ماچوت بيه الظهيره
لمثلي جسمه شلون صاحي
ونته جسمك بالحصيره
حرم ماعندي سبوهه
ولا اخت عندي يسيره
وختك اعلى الهزله وسفه
بسبي من ديره اعلى ديره
ياحسين مابگه لزينب ولي
ياحسين ياحسين ابن علي
… ………………….………………………….
خادمكم قاسم المالكي
السيدة الزهراء عليها الصلاة والسلام في مجالس العزاء
----------------------------------------------
يمكم تراني وحيلي تعبان
بهاي المجالس گلبي نيران
أم الحسن ها يلتواسوني
هوه آنه يمكم دمعه تلگوني
****
ياهو اليواسيني اعله ابني
ياهو اليطيب اضلوعي ذني
ضلوع الحسين الموتني
تحت التراب وعذبني
اباب المجالس يمكم انعه
ياهو اليهل لوليدي دمعه
مو مهم ضلعي المهم ضلعه
من صاح بس انه الاسمعه
يهل العزاء النوح مريود
والدمعه حگهه الجنه وتزود
باحساسكم لمن تشوفوني
هوه آنه يمكم دمعه تلگوني
***
وينه اليساعدني اعله هايه
شبعت حرگ ذيچ العبايه
ضيم الكفل ضيم السبايه
ودعنه يم الماي رايه
الطم يشيعي اليوم علراس
زينب بقت من دون عباس
رايه وچفوف شلون تنداس
المفروض چف النعمه ينباس
شافوهه زينب وسفه وشلون
هاي الگبل متشوفهه عيون
يا حال زينب طيح امتوني
هوه آنه يمكم دمعه تلگوني
***
مشتعل مثل الموگد بليل
ميت يگلبي وضيمك يعيل
تمرني الهلا مرت مچاتيل
تاخذ مناحه وآه وتشيل
كلما ينوح الناعي باسمه
تاخذني روحي وحيل اشمه
واذكر مصابه وفيض دمه
واركض واريد الگاه والمه
حسين الغريب الفوگه الحجار
مو داري وجت روحي بالنار
والموت بين بيه بعيوني
هوه آنه يمكم دمعه تلگوني
***
شوغة مصاب الطف چبيره
من النحر حد الاسيره
تبدي وصعب نلگى الاخيره
زلمتنه ملموم بحصيره
ذاك الگمر متوسد تراب
مو بالغيوم من الطعن غاب
ويلاه يصدره الصار محراب
خيل ورماح وعالرمل ذاب
وجفوف منه بعيد بالگاع
طاحن يوسفه وصار الوداع
سموني ام عباس سموني
هوه آنه يمكم دمعه تلگوني
**
بالدنيا هم بالاخره وياي
انتم واهلكم فزتو بهاي
تدرون دمعه بمجلس دواي
وزعو بثواب وليدي الماي
انتم بچيتو بگلب محروگ
علدخلوهه الشام والسوگ
علصعدت لوحدهه علنوگ
علعبره ذيچ بصدر مخنوگ
واسيتو گلبي بحرگ الخيام
كل الاجر الكم يخدام
الف انعم الله يلتعزوني
هو آنه يمكم دمعه تلگوني
***
كلمات الخادم / رعد الفريجي
ثوابها الى روح والدتي
#جديد
#الهلا ودخول محرم
.
.
مجاريد :
الليله الإمام المهدي محزون
ومن دم يويلي ايهل الإعيون
وگلبه من الأحزان مطعون
وهاي المسيه ابحالته اشلون
لابس سَواده وگلبه حاير
وابباله تمر أهوال عاشر
جده الغريب ابلايه ناصر
واتدوسه يا ويلي الحوافر
اهلال الحزن والدمعه والنوح
اعليه المسيه ايجدد اجروح
بمصاب جده المات مذبوح
ولليسر عگبه زينب اتروح
شهر الحزن شهر العزيه
بفـاده تـارك چـم أذيـه
اجروح الگضوا بالغاضريه
وعمْته اللي ودوها سبيه
أبوذية :
بگلبك چم عزا ناصب وماتم
يَمن كل عمرك امحرم وماتم
عسى لهلال لا يِكمل وماتم
ولا تسمع خذوا زينب سبيه
_
تمت ببركات المولى صاحب الزمان
#فاطمة_كريم
٢٠٢٤ م
خويه .. بيّه اشعمل شاطي النهر
خويه .. وصوبه انوسد خد الگمر
خويه .. وظهري على كتره انكسر
خويه .. خويه
@@@
الخوه رابط بالموده .. تربط الروح والخلايا
عالاخوه
ولو فگد أخ لاخيه .. يحني لضلوع بالرزايه
عالاخوه
وانته ياكافل خيامي .. وياعضيدي للنهايه
عالاخوه
…
وافي .. من اطلعت للمشرعه
وافي .. وچبدك عطش متگطعه
وافي .. ومايه فلا ريجك حدر .. خويه
@@@
اسمعك تنخه وتنادي .. امن الشريعه يا اخويه
گطعوني
شحالي تدري من سمعتك .. يابوفاضل بالرزيه
گطعوني
تيهت دربي ابدموعي .. شصار بيه بهذي جيه
گطعوني
…
اركض .. رايد اجي يمك عجل
اركض .. يمكن بگه لروحي امل
اركض .. واصرخ يابن خير العمل .. خويه
@@@
الشاطي بمواجه بوفاضل .. من دماءك لونه احمر مايه يبچي
ابصفحه رايه بيها چفك .. ويّه جودك بس تفطر مايه يبچي
سهم هالجربه ألمني .. وسهم جفنك بيّه اثر مايه يبچي
…
سهمك .. اظلم علي شرق وغرب
سهمك .. مو بالجفن صاب الگلب
سهمك .. احنالي ظهري بالحرب .. خويه
@@@
ألثم اچفوفك ونادي .. ياحبيبي يابوفاضل
بالشريعه
حرت اداوي جرح راسك .. لوچفوفك ياللي كافل بالشريعه
سهم عينك شاليشلعه .. وابعيونك حده مايل
بالشريعه
…
احچي .. لا تسكت ابهذا الوضع
احچي .. وخلي النفس لا ينگطع
احچي .. ماترحم اعيون الفزع .. خويه
@@@
اسمع العدوان ضحكت .. وانا ابچي وهيه فرحه بالشماته
گالوا العباس ميت .. بلا رايه دامي جرحه
بالشماته
والحسين ابوحده محني .. للمخيم اتوچه رمحه بالشماته
…
راجع .. للحوره بس محني ويحن
راجع .. مكسور ظهره امن الحزن
راجع .. بمصيبته لمن يون .. خويه
@@@
علي أحمد الحمود
٢٤-٥-٢٠٢٤
مصرع العباس ع
محرم ١٤٤٦
#جديد
#الهلال ودخول محرم
فزاعية + أطوار نصف البحر الطويل
.
.
اهلال الفاجعه والنوح .. بيه تبدي عزيتنه
اهلال الفاجعه والهم
اهلال الواقعه والدم
بيه كل الحزن خيّم
وبيه تبدي مصيبتنه
بيه أعظم جرح وامصاب
وچم شاب اليروح او شاب
وگلب أم الحزن بيه ذاب
وبيه انعلّي صيحتنه
شهر اليخنگ الأنفاس
بيه يتصوب العباس
وبيه الينگطع چم راس
اعليهم آيا فجعتنه
بيه يبدي العزا والنوح
بيه نلطم على المذبوح
بيه اجروح فوگ اجروح
ما تِكفيها دمعتنه
بيه نلبس ثِياب السود
وبيه انعزي الموعود
باليِگضي ابغُرب مَيعود
اعليه اتزيد ونتنه
ما مثله مُصاب الصار
راسه اعله الرمح يندار
اعليه لو نبچي ليل انهار
ما توفيه عبرتنه
شهر الونه والأحزان
بيه راس الولي بسنان
وزينب تدخل الديوان
اعليها آيا حرگتنه
_
#فاطمة_كريم
٢٠٢٤ م
▪️راوي بالدما▪️
في استهلال محرم الحرام ونشر الزهره
لقميص الحسين عليه السلام
▪️وزن المجرشه▪️
نشرت قميصه فاطمه
اأحمر وراوي بالدمه
————
هاي الزجيه ناشره ثوب الحسين ابكربله
بيديها يتگاطر دمه وتصيح وينه الون اله
وين اليواسي ابدمعته وهمه على همي اعتله
مكسور قلبي والضلع واعله بنيني ناحله
واتصيح لعيوني العمه
احمر وراوي بالدمه
————
هالليله مولاتي تون وتنشر قميص الفاجعه
شوفوه بالله ياخلگ يرويها هاي الواقعه
قميصه رويان ابدما وروحي ابحزنها ناگعه
يمصابه هز كون ووصل حتى السماء السابعه
نشرت قميصه بالسمه
احمر وراوي بالدمه
———-
شوفوه بالله ظل كتر سالم ولا صابه جرح
يحجي القميص الفاجعه واضح ولا حاجة شرح
اجروح من فوگ الجرح اموذر ياروحي منطرح
رويان ناگع بالدما اعيوني عليه من دم تسح
امسلب على الحر انرمه
احمر وراوي بالدمه
——-
وين اليواسي ابونته واعليه لطم راس وصدر
اموذر ياشيعه بالفلا وابنينه حوله ابكل كتر
اجابل الينعى عليه وروحي تون اعله النحر
ولو قال خيل الداسته قلبي يفطرنه القهر
راسي وضلعي الطمه
احمر وراوي بالدمه
———
ام وتراني فاگده وامصابه مامثله جره
ماخلوا ابروحه ابد روح وعظام امكسره
يم النهر ظامي يموت اشفاته ودليله امفطره
خلوني الطم له واون والطم على اخته اميسره
تبقه دمعتي ساجمه
احمر وراوي بالدمه
—————-
بنت الشمري
٢٠٢٤
ماريد زفه ولا عرس اليوم ارد بيدي الشمس
طبيتها طبيتها
***
رايح بهمه وعزم انه صكار الزلم
الحومه صاحت والنعم هذا جسام الشهم
عليه مايصعب صعب اخسف الحومه من اطب
ماخذ اول بالحرب راح ادخلهم رعب
وين من عندي المفر
وين لسكيهم صقر
وين محظوظ الطفر راح ادخلهم رعب
عالموت جدامي ركض وما ريد واحد يعترض
لا ويتها لا ويتها
***
انه وي سيفي حلف شاطر وكلش ترف
الكلفه تنذب عالكلف وبالكلايف ينعرف
صحت ماريدن عرس راخص العمي النفس
وحك من رد الشمس اليوم القنهم درس
راح اكضيها الزلم
راح اطش بيها ولم
راح ويله الينهزم اليوم القنهم درس
طبيت والجيش انكلب جدي انه قتال العرب
فظيتها فظيتها
*
بصولتي كلشي اختلف ذاك شافاني ورجف
وهذا اشوفنه زحف وذاك يركض عالنجف
هذا ذب سيفه وشرد وذاك باوعلي وكعد
كلي يالقاسم عهد ما اعيدنها بعد
ذاك كلي امروتك
ذاك كلي بشيمتك
ذاك رايد رحمتك ما اعيدنها بعد
خليت كل عشره بكتر ويا ويله من عندي اليفر
خليتها خليتها
**
الحومه ماخذها الخجل فارس عليها ارتجل
لاح بعيوني الزعل يعني ماتو بالعجل
يستر الله من انتفض بيها اطب طول بعرض
الموت افرضنه فرض وبيهم اترسها الارض
صوت ما ريد استمع
صوت من اوصل ينكطع
صوت رايح يرتفع وبيهم اترسها الارض
دكيت صدري وزامطت وماكو زلم بالطف شفت
لا كيتها لا كيتها
*
بصولتي صارو شتات وضيعت درب النجات
شي شفت تركض حفات وهذا سوه روحه مات
صحت صيحت حيدره سره اريدنكم تره
واليخربط بالسره اله اكطع منحره
صاح رد الكم علي
صاح يله اخضعو الي
صاح يمه هلهلي اله اكطع منحره
سويت عمله بكربله والكاع صاحت ياهله
سويتها سويتها
****
صحت جدامي اصطفاف هذا حته اهدومه عاف
وذاك ملك الموت شاف شورطاه كلي اليخاف
هذا شايل سيفه جاي وذاك جايب بيده ماي
وهذا ظل يركض وراي والله بس هالمره هاي
شوف بالطف شجره
شوف صارت مجزره
شوف كلها محيره والله بس هالمره هاي
ناديت ممنوع النفس ومن عدهم الطف انترس
ناديتها ناديتها
**
تمت
ميثم العمري
#مجالس_محرم_الحرام_١٤٤٦هـ
💫💫💫💫
مدد مدد .. ياابالفضل
🛑🛑🛑
الله اكبر .. من صوته كبر
جن زلزله وطاح فوك المعسكر
تتسائل الناس .. معقوله عباس
هذا الاجانه لو هذا حيدر
دك رجله بالحومه وخسف كاع الطف
والجيش خلاهم جثث تتگاطف
يم النهر آلاف صفاهم صف
مامات كلمن مثله واحد خلّف
مدد مدد .. ياابا الفظل
🛑🛑🛑
يم خيمة اخته .. زمزم جربته
وماصارت اثنين وحده كلمته
زينب اميره .. وبدر العشيره
يم باب الخيام خادم وكفته
للزهره خادم والبنات الزهره
انطي الجفوف وعيني لآخر نظره
بالخيمه لو مرهن عطش لو حسره
شمرت عصا ومااخلي بالشط گطره
مدد مدد .. ياابا الفظل
🛑🛑
سيف الهواشم .. بالحومه راسم
من دمهم السال اروع ملاحم
الاكبر بالاحساس .. بالحمزه ينقاس
وابن الحسن صاح هذا انه جاسم
فتيان حيدر جن علي والحمزه
من الياء دارو عالحرب للهمزه
الراس الجبير العدهم ايتم فرزه
وبيد الكمر منخل الطف ايهزه
مدد مدد .. ياابا الفظل
🛑🛑🛑
خزراته والسيف .. بظهرية الصيف
ويذبح حلمهم لو عبرو بطيف
كلماته قرآن .. نبراس الايمان
وفتوة جهاده من الله تكليف
ياايها هالعباس اخذ الرايه
انتَ الرسول اعله الفرات ومايه
بوسط الخيم عندك اورود اضمايه
جيب النهر يامرجع الوفايه
مدد مدد .. ياابا الفظل
🛑🛑🛑
طب للميادين .. وبجفه سيفين
بگلبه رقيه وبظهره سبعين
من اخياله الرجال .. مايبقى خيّال
غير اهوه عباس واستاذه الحسين
الحومه بيده تصير مثل السبحه
ليل اظلم على الكوم سواه صبحه
فلاح تشتاگ اليمينه المسحه
حنطه وطبگهم بين رحه و رحه
مدد مدد .. ياابا الفظل
🛑🛑🛑
علي حسين المنصوري
قصيدة لمصرع الحسين
#جديد
جم حافر بصدر حسين
داســه وكسـر ظلوعــه
•───✧◐◐✧───•
داسن صدر ابو اليمه
هيچ مطشره النعمه
والسجاد اجه ولمـه
من دم تنزل دموعـه
•───✧◐◐✧───•
جالن جسمه طحننه
خيل اعداه داسنــه
رمل وتراب سونــه
يمه الخيل مجموعه
•───✧◐◐✧───•
ماينعرف من الدوس
مـاخلو عليه ملبوس
اضن حسينه منفوس
الركبـه منه مكطوعه
•───✧◐◐✧───•
راسه اعله الرمح خلو
والسجاد بي فجعـو
كبال عيونه ويدوسو
مــايتحمل اللوعــه
•───✧◐◐✧───•
من داسته الخياله
وليده لملمه وشاله
لكاه مكطعه اوصاله
وعمته عليه مفجوعه
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
*حضور الامام الحسين ع عند قبر الموالي* لحن الجفيري♪
يا صاحب النور المبين
إحضر بگبري يا حسين
نوّر حفرتي يالحنين
لو نزّلوني بالگبر
〰️〰️〰️〰️〰️
لو نزّلوني بالتراب
ولو جاني منكر للحساب
يزجرني ويريد الجواب
احضرني في ساعة عسر
〰️〰️〰️〰️〰️
گالولي تحضر باللحد
وتهوّن عليّ الشدد
انت كفيلي والسند
تحضر يا مگطوع النحر
😭
〰️〰️〰️〰️〰️〰️
بيا حالة تحضر يا حسين~ يقولون يحضر الحسين نورا بلا راس~ مقطوع الوتين صح ونادي ياحسين
تحضر إليّ بغربتي
وعلي تهوّن وحشتي
تنوّر بنورك حفرتي
وتشفعلي من نار وسقر
خادمة آل محمد ✍🏻
.
[٧] ▪️في جواب مولاتنا الزهراء (عليها السلام) لشاعر الإمام الرضا (عليه السلام) دعبل بن علي الخزاعي :
(أَدِعبِلُ شاهدتُ الحسينَ مجدَّلاً)
وكانتْ دموعُ العينِ ماءَ فُراتي
أتيتُ إليهِ رَغْمَ كَسْرٍ بأضلُعي
أجرُّ ذُيُولَ الحُزْنِ بالعثراتِ
هَوَيْتُ بِلَطْمِ الرأسِ لا الخدِّ عنْدَهُ
ولطَّختُ من قَانِيْ الدِّمَا وجَنَاتي ١*
أراهُ على الرمضاءِ تكويهِ شَمْسُها
قَضَتْ روحُهُ منْ كَثْرةِ الطعناتِ
تريباً ، سليباً ، عارياً ، عافراً على
رمالٍ كحرِّ الجمرِ متَّقِداتِ
عليهِ النِّصَالُ الحاقداتُ تحزَّبتْ
لترجعَ بالأوصالِ مفترقاتِ
فللهِ فردٌ يستضيفُ بصدرهِ
مئاتٍ منَ النُّشَّابِ تلوَ مئاتِ !
وفي خَصْرهِ رمحٌ ، وفي القلبِ نبلةٌ
وأَعْضَاهُ لَمْ تُعْرَفْ مِنَ الضرباتِ
جمعتُ لهُ الأضلاعَ من بعدِ رضِّها
ليدفنها السجَّادُ ذو الثفناتِ
وما زلتُ عند الجسمِ ألثم نحرهُ
وأنظرُ منه الرأسَ فوقَ قناةِ
يُنيرُ كبدرٍ أحمديٍ قضَوْا بهِ
لبدرٍ ديوناً من أبيْ الحملاتِ
أَدِعْبلُ قُمْ وادعُ المحبِّينَ للبكا
فمِنْ بعدِ أبنائي سَرَوْا بِبناتي ٢*
يتامى، أَيَامى، صارخاتٍ ،نوائحاً
أُسَارى بقيدِ الشمرِ في الفلواتِ
حواسرَ ذابَ القيدُ تحتَ رِقَابِها
بأنفاسِها الحرَّى مِنَ الحسراتِ
عليْهِنَّ أرخى الرَّأسُ نوراً ومَنْعةً
فَكُنَّ عنِ الأنظارِ مُحتجباتِ
وفيهنَّ بالعسّالِ تُقرَعُ زينبٌ
وتُسحبُ منْ عاتٍ لآخَرَ عاتي
فما أهونَ الأيَّامَ منْ بعدِ سبْيِها
ليومٍ بهِ للثأْرِ ينهَضُ آتي...
___
١* جواباً على : إذاً للطمتِ الخدَّ فاطمُ عندهُ
٢*جواباً على : أفاطمُ قومي يا بنةَ الخير واندبي
#محرم_١٤٤٦
#جواب_الزهراءع_لدعبل
#اللهم_عجل_لوليك_الفرج
الشاعر علي عسيلي العاملي
فَاطِمَه بْهَالِّليلَه مَحْنِيَّةْ ظَهَرْ
تِعْتِبِ وْأَذَّاهَه يَا وَسْفَه الْقَهَرْ
يَا شَهَرْ عَاشُورْ مَا مِثْلَكْ شَهَرْ
هْلَالَكِ يْهَيِّجْ مُصَابِي وْلُوعِتِي
-----------------------
يَا شَهَرْ أَحْزَانِي وَآلَامِ الْگَلُبْ
بِيكَ ابُو الْيِمَّه يِطِيحِ عْلَه التُّرُبْ
يِنْذِبِحْ ظَامِي وْدِمَه نَحْرَه تِصُبْ
وَآنَه لِمْصَابَه أَهِلَّنْ دَمْعِتِي
-----------------------
رَاحَ اشُوفِ حْسِينِي جِثَّه مْخَضَّبَه
وِالْخُيُولِ الْأَعْوَجِيَّه تْگَلُّبَه
مِنْ بَعَدْ مُوتَه الْأَعَادِي تْسَلِّبَه
عَارِي يُبْگَه عَالتَّرَايِبْ مُهْجِتِي
-----------------------
يَا شَهَرْ بِيكِ الْگُمَرْ رَاعِي الْعَلَمْ
يُوگَعِ وْعِينَه يِطَفِّيهَه السَّهَمْ
خْلَافَ ابُو فَاضِلْ يِسَلْبُونِ الْحَرَمْ
وْتِنْسِبِي بِينِ الْأَجَانِبْ عِيلِتِي
-----------------------
يَا شَهَرْ لَا تُبْگَه خِيمَه وْلَا سِتِرْ
لَا دَلَالِ وْلَا عَفَافِ وْلَا خِدِرْ
بِتْ عَلِي بَاچِرْ يِعَايِنْهَه الشِّمِرْ
بْلَا أَهَلْ مَحَّدْ يِحَامِي بْنَيِّتِي
-----------------------
يَا شَهَرْ طَارِي السَّبِي يْشَيْبِ الطِّفِلْ
شْلُونْ زِينَبْ تِمْشِي وِبْوِلْيَةْ نَذِلْ
عَالْهِزِيلَه يْچَتِّفُوهَه بِالْحَبِلْ
عَالْغَرِيبَه رَاحَ امُوتِ بْحَسْرِتِي
-----------------------
#الليلة_الأولى
#محرم_١٤٤٦هج
الشاعر حسن خنافر العاملي
#محرم_1446
#قصيدة_رباعية
#الليلة_الأولى
كتبت بفضل تراب كربلاء ورعاية صاحب الأمر عجل الله فرجه
يرجى بعد إذن حضرتكم في حال الاستفادة إفادتنا بالتسجيل لتمام الفائدة
١/ جدِّد عزاءَ الفجرِ وانحب بالدمِ
واندُب جزوعًا كالإمامِ القائمِ
فالشمسُ ما طَلعت لصبحِ محرَّم
في كربلا سكنت وحولَها أنجمُ
٢/ هٰذي الليالي العشرِ جاءت بالأسى
والشفعُ والوترُ افتجاعًا تُكتسا
فالليلُ مهمومًا شكى وتنفسا
والصبحُ في ثوبِ المراثي يُحرِمُ
٣/ مِن أينَ أبدأُ بالمراثي بل لأين
أنعى غريبَ الطفِّ مولايَ الحسين؟
أيَرى أخاهُ مجدَّلًا دونَ اليدين؟
ويرى سكينةَ بالسياطِ تُورَّمُ؟
٤/ نادى "ألا من ناصرٍ" ولَكَم يرى
أوفى الصحابِ مخضبين على الثرى
كلُّ الهواشمِ يلحقونَ الأكبرا
حتى الرضيعُ بسهمِ حرملةْ يُفطَمُ
٥/ أيرى اليتامى تحتمي بالعمَّةِ؟
أم زينبٌ تُطفي لهيبَ الخيمةِ؟
قد سيّرت وإذا شكت: "واغوثتي"
شُتمَ الحسين كذا وتُشتم فاطمُ
٦/ آهٍ لها كل الرزايا تنظرُ
جسمُ الإمامِ على الثرى يتوذَّرُ
وعظامُه بالخيلِ سحقًا تُكسرُ
ودماؤه سالت أهَل ذي زمزمُ؟
٧/ سل عينَها بالدمِّ لاذت دامعةْ
إذ شاهدَت عنُقَ الإمامةِ لامعةْ
فيها بغلٍ تُستشدُّ الجامعةْ
هل هكذا السجادُ ظُلمًا يُسجَمُ؟
#في_خدمة_الخطباء
✍️ قمر حسين
نسألكم الدعاء
آنه الوالده والگلب مجروح
واضل ابچي عله ابني المات مذبوح
آنه الوالده الما خاف وَنهه
مصيبة كربله اتهيِّج حِزنهه
تون وَيَّه اليونُّون اعله ابنهه
تحب البالمجالس يبچي واينوح
وَنَّي امن النوايب أبد ماهاد
واصيح ابصوت آه يافگد الاولاد
نوحي اعله الغريب حسين يزداد
عريان وعلى التربان مطروح
من اسمع الناعي ايگول ويلاه
ونه ابگبري واصيحن واحسيناه
واسرِع للعزه بالحسره والآه
ونظر عيني يضل عالعزه مشبوح
يجبر خاطري اليجري دمعته
ويواسيني عله حسين وغربته
وما تبرد عله زينب حرگته
ودمعه اعله الغريبه دوم مسفوح
تهد الحيل آه يا نار الاخيام
واعظم كل مصيبه مصيبة الشام
أول تالي زينب بين ضلام
ويتفرج عليهه اليجي ويروح
سيد علي الموسوي
#اللهم_عجل_لوليك_الفرج
#جديد
#قميص_الحسين
وزن : #الفائزي
.
.
الليله القميص البِدِّمه تنشره الزهره
ويبدي العزا والنوح لمصيبة العشره
يبدي العزا من تنشره ويتگاطر ابدم
وكل ناحيـه يمليـها بأحزانـه محـرم
هذا قميـص الصـدره بالحافر تهشم
والخيل ردت تالي يا ويلي اعله ظهره
هـذا قـميـص الصـوّبـوا بالسـهـم گلبـه
وذبحوا رضيعه وكل هله وخوته وصحبه
عطشان مات وما سگوه لو حتى شربه
عطشان او ظل الماي يجري والله كتره
هذا قميص البي دِمه من جسم الأكبر
حين اللي شاله وجسمه عالغبره تنثّر
وبيه دم نحر جسام ويّه دم الأصغر
مذبوح ظامي ما شرب لو حتى گطره
هذا القميص البيه دِمه چفين عباس
ودم عينه المصيوبه ويّه طبره الراس
ودم صدره تالي هالذي بالخيل ينداس
مثل أمه تالي مو ضلع ينهشم صدره
هذا قميص البيه كل اجروح الإحسين
ابعين البصيره ننظره مو شوفة العين
وأعظم مصيبه اللي عليها انزيد الإونين
ابعين الگلب لو شفنه بيه ادموم نحره
__
تمت ببركات مولاتي الزهراء عليها السلام
#فاطمة_كريم
٢٠٢٤ م
ويلي يمه ويلي ويلي
ويلي يمه ويلي ويلي
**
يبن روحي ،، ويغالي
يعافيتي ،،، ودلالي
يا يمه العطش إذاك مو وكته
بيد حسين شفتك والوجه درته
صوب خيام بيهن تكتل السكته
بيهن انته بس يوليدي وين انته
يعبد الله ،، ست دموع وجروح
يعبد الله ،، عمرك نسمه ويروح
يعبد الله ،، ونك ياخذ الروح
رحت عطشااااان ،، ترد تعباااااااان
ونينك هاااااااد ،، صرت ذبلااااان
ويلي يمه ويلي ويلي
ويلي يمه ويلي ويلي
**
عمت عيني ،، غريبه
الگلب رايح ،، حبيبه
وراك عيوني راحن وانه بخيامي
ها بعدك عدل عبد الله يلضامي
بده الموت بچفوفي ومر على اعضامي
يماخذ روح أمك لا ترد دامي
يعبد الله ،، خَلّص شوف العيون
يعبد الله ،، تخنگ چلمة (شلون)
يعبد الله ،، يعايش فوگ المتون
اصيح اعليييك ،، نفس ما بييييك
اروح وياااااااك ،، العطش ماذيييك
ويلي يمه ويلي ويلي
**
ترد يبني ،، واشوفك
واقبلهن ،، چفوفك
رجعت وگلبي مات بساعة الشفتك
نبله ابمنحرك يوليدي ذابحتك
وگعت اعله الوطيه وبالدمع شلتك
ردتك بس تباوع ليه بس ردتك
يعبد الله ،، سهمك حيل أذاك
يعبد الله ،، ما تاخذني وياك
يعبد الله ،، أگعد وفّي لرباك
حظن تابووووت ،،، تخلص الصوووت
بعد المن ،، نظل ببيوووووت
ويلي يمه ويلي ويلي
ويلي يمه ويلي ويلي
**
متت يمه ،، حياتي
وصل بعدك ،، مماتي
الوليلك بچي وما اريد اودعنك
تعال بحظني يلما ينشبع منك
ميت بس عدل يوليدي اشوفنك
عيونك غمضتهن ها متت چنك ؟
يعبد الله ،، افتح عينك وشوف
يعبد الله ،، حيلي ولوني مخطوف
يعبد الله ،، ياهو ايشيل الچفوف
متت وياااااك ،، يبعد اربااااااك
احلف الموت ،، اريد ويااااااك
ويلي يمه ويلي ويلي
ويلي يمه ويلي ويلي
***
مهد خالي ،، بدونك
أيا وحشة ،، عيونك
ياهو العرف قدرك يلحفظتك سر
على فراگ الولد يا والده التصبر
أم المنذبح بله شبعد تنطر ؟
هي النبله بله شجابهه اعله الدر ؟
يعبد الله ،، وسفه وبالثرى تنام
يعبد الله ،، ما تجمعنه الايام
يعبد الله ،، ورانه طلابة الشام
نروح بعيييد ،، يو جه العييييد
بلا ولياااااان ،، بدينه الگيييد
ويلي يمه ويلي ويلي
ويلي يمه ويلي ويلي
خادم أهل البيت عليهم السلام
الشاعر رعد الفريجي
.
اللهم عَجَّل لوليك الفرج وأبلغه عنا السلام
لمناسبة قرب حلول شهر محرم الحرام قصيدة الاشتياق لصاحب الزمان عجل الله فرجه
**
شيصير لو ويانه تگعد
الغيبه الطويله تريد موعد
حتى اليسافر مده ويرد
مهدي يمهدي مولاي مهدي
***
صفنة مگابر وحشة بيوت
رجفت وداع بظهر تابوت
بها يا علي نتنفس نعيش
نتعب سنه ونطٌلع الصوت
عاشور اجانه ونسأل شلون
مهدينه وينه الظهره مطعون
بيا مجلس بيا دمعه يا آه
كثر البواچي ايخرب العيون
هم ينتچي ولحضات يهده
ضيم الطفوف دموع خده
كل ذكرياته هموم شده
مهدي يمهدي مولاي مهدي
***
يلشايل الطف عينك متاع
عايش غريب ومحني الاضلاع
نشتاگ الك ونريدك اتعود
مامش مطر ومتانيه الگاع
بساعة المغرب حيرة احساس
تلتم سوية وتگعد الناس
كلمن يرد لهله وهلك وين
ندري الجواب ايشل الانفاس
يم الحسين أتصير لچمه
عبد الله لو رايد تشمه
اگطع نزيفه وفيض دمه
مهدي يمهدي مولاي مهدي
*
خانگ هواك هناك دخان
وركضة سبايا بجدم تعبان
لهسه بخيمكم تلهب بنار
لا ماي يفزع كلشي عطشان
تشوف الصبح و الليل المصاب
والصار يوم العصره والباب
طيحت كفيل بدون الچفوف
وحسين صار ابكربله تراب
نفس الوجع كل يوم نفسه
من ياهي يا مولانه تنسى
كل الضماير موت خرسه
مهدي يمهدي مولاي مهدي
****
اهلا وسهلا نكتب بشوگ
والفرح من العين مبيوگ
ننتظرك بكل جمعه مولاي
يلفي السبت والعمر مخنوگ
دمع انتظارك ينزل أمطار
يمتى الفرج يا صاحب الدار
مسجد السهله ايحظنك يريد
صاحب ثنيه وكلنه خطار
بالكوفه منبر فوگه تخطب
بثار الحسين هناك تطلب
صب الدمع علمحسن اتصب
مهدي يمهدي مولاي مهدي
***
بس مر علينه الدنيا صحره
واتصدق اعله الكون نظره
انت الدوى الموصوف للناس
حبك عجيب (احساس) (فطره)
الدنيا بغيابك دنية دموع
بس انتظارك عدنه موضوع
بس الله يدري بحاله كل يوم
لل بذنه يسمع كسر الضلوع
نبقى اعله موعد ترجعلنه
واقعنه يا حبنه وحلمنه
نعرفهه بس انته التلمنه
مهدي يمهدي مولاي مهدي
كلمات الخادم/ رعد الفريجي
ثوابها الى روح والدتي
#جديد
#الهلال ودخول محرم
وزن : البحر الطويل
تقرأ القصيدة بجميع أطوار البحر الطويل + تقرأ في النعي بطور : لفى عاشور + التغريد الحزين
.
.
سلام الله على اجروحك .. يمهدي وجفنك المقروح
سلام الله على گلبك .. اشكثر يا سيدي مجروح
آه يا مولاي .. آه يا مولاي .. آه يا مولاي .. آه
____
إجه امحرم يبو صالح .. ويعين الباري دلالك
عليك ايجدد اجروحك .. ويغيّر بالحزن حالك
يمهدي وچم صور تفجع .. يرجّعها على بالك
صورة چم طفل عطشان .. وصورة چم طفل مذبوح
____
وبعد صورة گمر طايح .. گمر مگطوعه چفينه
مصيوب ابعَمَد راسه .. وسهم نابت وَسَط عينه
وأظنّك بالخيم تسمع .. يمهدي ونّة اسكينه
تبچي مره عالعباس .. ومره اعله الرضيع اتنوح
____
اببالك چم شباب الراح .. يمهدي وراحت اسنينه
هذا الوذّروا جسمه .. والله لوالده ايعينه
وذاك امن العرس محروم .. بدِمه حنوها چفينه
ابدال الزفه والحنه .. دمّه اعله الثرى مسفوح
____
وبعد أعظم مصيبه اعليك .. تشاهد جدك وصبره
گبل ما ينذبح بالسيف .. تدوسه ويلي العشره
وتالي اعله الثرى مگلوب .. يمهدي ينگطع نحره
وعلى راس الرمح راسه .. اگبال الهاشميه ايلوح
____
تمت ببركات مولاي صاحب الزمان عجل الله تعالى فرجه الشريف
#فاطمة_كريم
الجمعة ٢٤ / ٥ / ٢٠٢٤ م
گالها المولى الرضا يابن شبيب
ابيوم لول من هلال امحرمه
انكنت باكي فابكي عالشيب الخضيب
يوم عاشر والدمه ترس السمه
لحزنك ابمطروح عالغبره سليب
خلي جاري العين عالوجنه همه
اجره الجنات والرحمه نصيب
كلمن ايواسي الوديعه فاطمه
ترى مذبوح انگتل جدي الغريب
منسحن گلبه انفطر من الضمه
حاطته بسيوفها مثل الكثيب
بوادي رمضه وخيلها متزاحمه
الا من ناصر ولا واحد مجيب
وحوله انصاره جثث متلملمه
احتار مابين الذبح فوگ اللهيب
وبين خدر ايظل عيال اميتمه
بالله يا ريان كثر بالنحيب
على منحور وعظامه امهشمه
ما على من يبكي للهادي الحبيب
لو عمى لعيون لوم اللايمه
گول ليتي جنبه بالعاشر گريب
تنال اجره وابمناك الغانمه
عادي من عادانه يا ابن شبيب
وسالم اللي بالمحبه انسالمه
@@@
علي أحمد الحمود
١٩-٥-٢٠٢٤
نبطي
١ محرم
الهلال
#جديد
#الهلال ودخول محرم
وزن : التجليبه ( مربوعه )
.
.
حطّينه السواد ابكل مجالسنه
واعله احسين ننصبها فواتحنه
حطينه السواد وبانت الكسره
ومن هالليله كل لحظه إله نقره
وبالدمعات ننطر فاطمه الزهره
تحضر للعزا وتسمع صوايحنه
نستقبل محرم بالعزا والنوح
عدنه اكبر عزيه للگضه مذبوح
ولو تطلع عليه امن الحزن هالروح
ما يكفي حزننه امصابه جارحنه
ما يكفـــي حزننه للگضـــه مظلــوم
ومن شرب العذب ياويلي ظل محروم
وابخيل اعوجيـــه صدره ظل مهشوم
كون انمـــوت لجله من نوايــحنه
ليل انهار نقره ونلطم الهامه
شهر احسين هذا وبانت أيامه
آيــمصيبته ويا لوعة أيتـــامه
نظل نبچي عليه ابكل جوارحنه
___
#فاطمة_كريم
٢٠٢٤ م
عالغبره نايم ويون اخوي من الألم
عالغبره نايم ويكلي شيطلع السهم
شكد سحكت عليه الخيل ومن صدره اسمعه ايون حيل
****
مرمي اخوي عله الترب والتمت الخيل عليه
ياناس جابنه سحك وما ظل ضلع سالم بيه
عطشان وبحر الشمس وميه محد ينطيه
هذا اليطعنه بالرمح وذاك اليرفسه برجليه
بالحر ينازع وضايع عليه حته الهوه
بالحر ينازع وبخده جم مره انجوه
دمه يصب شبه السيل ومن صدره اسمعه ايون حيل
*
نايم لكيته عله الوجه وشكد يون من صدره
كلبته ولكَيت السهم ياناس وكاسر ظهره
وباوعت لن حافر فرس بضلوعه تارك حفره
وحته الأصابع ياخلك بيديه شفت مو عشره
تسعه الأصابع وكوه الهوه يتنفسه
تسعه الأصابع ومن أيده باكَو محبسه
منهم شفت خويه الويل ومن صدره اسمعه ايون حيل
***
اهواي مطعون برمح من كل كتر ينزف جان
مايكدر ايكوم وشفت حط خده فوك التربان
بحر السمومه شو نمت خويه شكثر جا تعبان
باوع لي ودموعه جرن وكلي يزينب عطشان
اميه رايد من العطش ريجي يبس
اميه رايد اجروح دلالي انترس
بعيني السمه صارت ليل ومن صدره اسمعه ايون حيل
***
خويه عليه تأخرت وحيل انشغل بالي عليك
ألكيتك تون عله الثره وما تكدر تمد رجليك
لا عندي شربت ماي إلك ولا عندي وصله تغطيك
كون الله لا ينطي السهم عالهوه اتدور مخليك
من الحوافر ارسومك الحلوه اتغيرن
من الحوافر اضلوعك ادري تكسرن
ايجر النفس مابيه حيل ومن صدره اسمعه ايون حيل
****
اشمالها الخيل بقصد كامن عليه ايسحكَن
ما ظل صدر عنده شفت اضلوعه عله ظهره انطبكَن
ويكلي راسي والجسد ساعه وبعد يفتركَن
وبعدي يخويه تحضري عليج الخيم يحتركَن
ياخويه كومي ساعه ويجي ليه الشمر
ياخويه كومي رايح يعذبني شكثر
عنه كَمت دمعي ايسيل ومن صدره اسمعه ايون حيل
***
من بعيد اباوع والشمر بسيفه اعتناله ورمحه
تربع على صدره وصحت لا يا شمر لتذبحه
خايب درحمه وبالرمح لتخلي راسه تجرحه
ولترفعه بيدك يم طفل ابنيته خاف تلمحه
عنده يتامه من تذبحه تذبح جم طفل
عنده يتامه مو مال تصعد عالهزل
توكع اذا ناكَه تميل ومن صدره اسمعه ايون حيل
*
تمت
ميثم العمري
نعي للهلال ( لبداية محرم )
-------------------------------------------------------
هليت
عسه لا بينت يهلال هليت
اگول اخواني ترجع يوم هليت
اليوم انعاد جرحي لمن هليت
و بيك انعادت احزاني المسيه
عسه لا بينت يهلال الاحزان
بيك انذبح والينه عطشان
و ضلت ضحايا كل الاخوان
لا ضلت اخوه و ضلت اشباب
و الحرم ضلت بين الاجناب
و بعده جرحهم لسه ما طاب
ما طاب جرح اخواني لسه
و امصابهم كل يوم احسه
ينعاد بيه و مگدر انسه
ما ينسي يا يوم عاشور
و لا تنسي لوعات الابدور
ضلو ضحايا مالها اگبور
ضلو على التربان كلهم
و انحورهم مگطوعه منهم
محد رحم اهلي و دفنهم
محد دفنها الساده الامجاد
و اني مشيت ابين الاوغاد
و ذباحاهم فرفرني الابلاد
فروني من ديره لديره
وحيرتي عگب اهلي حيره
و الهضمه بگليبي جبيره
يا طبتي ابذيج الدواوين
جمره بدليلي و تدمع العين
عگب الاهل ماضلي امعين
ياضيم اخوتي وضيم الايتام
و ما هوديت و عيني اتنام
اداوي اجروحهم و بيه الالام
من السياط امتوني هدلت
و محد اجت وياي ونت
و الروح لهل الروح حنت
حنيت لخواني المسيه
ما ضل بعدهم حيل بيه
و زماني شبعني اذيه
-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
#مجالس_محرم_الحرام_١٤٤٦هـ
💫💫💫💫
هذا آنه الاكبر .. صوره من حيدر
انه الكرار الثاني .. وجيش الحزب السفياني
مني يتحذر
✳✳✳
من انزل نيزك خاطف .. هيج اخطف روس الجيش
سيفي يدور وين القائد .. و ايفتشهم تفتيش
القاده والفرسان اعيشها برعب
جيش ابن سفيان احط الهم گلب
خلهم يكولون حيدر بالحرب
خيشوف العسكر .. صوره من حيدر
بالطف حيدر عنواني .. وجيش الحزب السفياني
مني يتحذر
✳✳✳✳✳
كل قائد فرقه وآمرهم .. خل يأذن بالناس
خل يگلهم فتية هاشم .. كلهم مثل العباس
شيخنا وازغيرنه من ننتفض
نكدر بخنصرنا نطويها الارض
ساده واحجايتنه عالكل تنفرض
الضدنه يتذكر .. صوره من حيدر
وكاتب اسمه بذرعاني .. وجيش الحزب السفياني
مني يتحذر
✳✳✳✳
الشال اسم حسين بصدره .. يرزقه الله بكل الحيل
والعباس اللازم ظهره .. يذب الخيل على الخيل
وكربله بكد الجثث ماتنوزن
الخيل فوك ارجالهم هم تندفن
الصحره اخلها بعينهم تصبح سجن
وكل محيط البر .. صوره من حيدر
وانه الأحكم ميداني .. وجيش الحزب السفياني
مني يتحذر
✳✳✳
انه ابن شيوخ الديره .. ورابي ابيت الزهراء
بدرس الطف راضع غيره .. واجمل كل الاسماء
يفتخر بيه ابوي ويبتسم
من اسم جدي الي شق الاسم
و وگفتي بميداني مثله انرسم
اگبال جيش الشر .. صوره من حيدر
وبحب حيدر ايماني .. وجيش الحزب السفياني
مني يتحذر
✳✳✳
من افزع رايتهم تنزل .. واكسر وياها اظهور
متن الطف الحد مايهدل .. ويتخيل نفخ الصور
بكر ابن غانم والاشجع من بكر
راسه اجيبه للخيم صوغة نصر
قبضتي على انفاسهم قبضة صگر
الحومه شما تكبر .. صوره من حيدر
اعليهم ينطگ بركاني .. وجيش الحزب السفياني
مني يتحذر
✳✳✳
علي حسين المنصوري
#العليلة /لحن قلب امك. يبني مفتت للشيخ الجفيري
تودّع ابوها الغالي~
راح الصنديد راح الوالي~
راح الكان بگلبي غالي
سافر عني وغاب بنوره
وداري بعده اصبح خالي
بويه بويه بويه بويه~²
〰〰〰〰〰
سافر عني وما ٱدري اخباره
خالي وموحش بعده داره
صوته بسمعي وصورة بعيني
محلى بويه ومحلى ٱنواره
بويه بويه بويه بويه بويه²
خادمة آل محمد ✍🏻
[٨] ▪️نشر جديد
رباعية ليلة العاشر
أعضاء الامام الحسين تودِّعُ بعضها ليلة العاشر :
ما أصعبها من ليلة، فيها رأسُ الإمام الحسين (عليه السلام) يودِّعُ جسدَهُ الشريف ، وضلوعُه تعانقُ بعضها قبل التشتُّت تحت سنابك الخيل، وخنصرُه الذي تدور به رحى الكائنات يتهيأُ للابتعاد عن كفِّ الندى…
فيا لله من ليلة دهياء! إنَّها ليلةُ عاشوراء !
١/إنَّهُ ليلُ وداعٍ ، والضحى يومُ فِراقْ
بينَ "أعضاءِ" حسينٍ قدْ جرى هذا العِناقْ !
وأحاديثُ بلاءٍ ، واصطبارٍ ، واشتياقْ
فغداً شِلْواً سيُمسي كلُّ عُضْوٍ مِنْ حُسينْ
٢/ذا وداعٌ قالَ فيهِ "الرَّأْسُ" آهٍ يا "جَسَدْ" !
كيفَ صبري إذ أرى الشِّمرَ على الصَّدْرِ صَعَدْ ؟!
يهبرُ الأوداجَ هبْراً بحسامٍ ما ارتعَدْ
هكذا يَفْصِلُنا ذبحاً ، وأعلو في الرُّدينْ..
٣/وحوارٌ دارَ ما بينَ "ضلوعٍ "باكياتْ
فالأعادي في غدٍ تسحقُها بالعادِياتْ
قالَ ضلعٌ أبشروا فُزْنا بحُسنى الخاتماتْ
كلُّنا سوفَ نواسي ضِلْعَ أُمِّ الحسنينْ
٤/وخطابٌ قدْ رمى منْ كلِّ حيٍّ مقْتَلَهْ
"كَبِدُ" المولى دعَتْ فيهِ "حشاهُ" مُعْوِلَهْ
إستعدِيْ كيْ تَرَيْ سهْماً أتى مِنْ حَرْمَلَهْ
ذا ثلاثٍ مُخْرِجاً بالقهرِ منِّي ثُلثينْ
٥/ووداعٌ قالَ فيهِ "خنصرُ" المولى حزينْ
إخوتي تبقوْنَ تسعاً ، وأنا أهوي دفينْ
يسلبُ الخاتمَ منِّي "بجدلُ" الرجسُ اللعينْ
يا لهُ منْ فادِحٍ يُدْمي عيونَ الثقلينْ
٦/وجرى ما بينَ "كفَّيهِ وزنديهِ" وداعْ
فغداً يفصِلُها الجمَّالُ مِنْ دونِ ارتداعْ
يأخذُ التِّكَةَ عنْ جسمِ حسينٍ بانتزاعْ
قاطعاً منهُ يديهِ بعدَ مقطوعِ اليدينْ…
تمت بعناية الحجة (عجل الله فرجه)
الشاعر علي عسيلي العاملي
#رباعية_ليلة_العاشر
#محرم_١٤٤٦
#اللهم_عجل_لوليك_الفرج
قصيدة للاخت {ماعندي اخيه}
ماعندي اخيه اتسامر اوياها
نامت بالكبر محرومه ملگاها
❥❥❥❥ـــــــــــــ❁❁ـــــــــــــ❥❥❥
نامت بالكبر وانگطعت الجيه
اخيتي ام المحنه اليوم ماهيه
وجهه بالترب خربت معانيه
حرامات الترب من وكت غطاها
❥❥❥❥ـــــــــــــ❁❁ـــــــــــــ❥❥
غطاها الترب من وكت المعدله
فرگتها عليه والله مو سهله
عمر من دون اخت بعيوني مايحله
شفت بس الهظم انه بلياها
❥❥❥❥ـــــــــــــ❁❁ـــــــــــــ❥❥❥
شفت بس الهظم من دون الحبيبه
انه الجرحي غميچ وياهو اليطيبه
احاه يالگلب ما يبطل انحيبه
ينحب سكته سكته وعيني بچاها
❥❥❥❥ـــــــــــــ❁❁ـــــــــــــ❥❥❥
بچه العين اه يفراگ بت امي
المن دونها اشكي انه همي
چتالي بلاها انحيبي وهظمي
هظيمه يالوكت بالكبر خلاها
❥❥❥❥ـــــــــــــ❁❁ـــــــــــــ❥❥❥
خلاها بكبر واتراب غاطيها
وانه مشتاگه اسمع بس محاجيها
اريد اليوم اريد ابكلبي اخليها
بعدني ماشبعت امسامر اوياها
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
نعي للاخت
اليوم اريد انعه نعاوي
احس الگلب عالموت ناوي
والحيل من الفرگه خاوي
❥❥❥❥ـــــــــــــ❁❁ـــــــــــــ❥❥❥
ماتت اخت روحي الحنينه
هيهات ماترجع علينه
يرواحنه اعليها حزينه
❥❥❥❥ـــــــــــــ❁❁ـــــــــــــ❥❥❥
اثاري الاخت فرگاها چتال
يخلي الدمع كل يوم همال
والهم بلاها ابثگل الاجبال
❥❥❥❥ـــــــــــــ❁❁ـــــــــــــ❥❥❥
نتفگد سوالفها وحجيها
والگلب طگ اشتاگ ليها
يالمكبره شمسويه بيها
❥❥❥❥ـــــــــــــ❁❁ـــــــــــــ❥❥❥
خربت معانيها الترايب
گلولها تبچي الحبايب
يالگلب من الشوگ ذايب
❥❥❥❥ـــــــــــــ❁❁ـــــــــــــ❥❥❥
بلگي تچي لو سمعت اعتاب
بس ويلي نامت جوة التراب
محرومه ويلي يالهوئ الهاب
❥❥❥❥ـــــــــــــ❁❁ـــــــــــــ❥❥❥
للمكبره رحنه واجينه
ماجت اويانه اختي الحنينه
اعله الكبر عاتبنه وبجينه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
هوسات للاخت
اريد اختي تجيني وتنشد اعليه
بس هيه تعرفني اشبيه مابيه
بلياها الهوئ خناگ للريه
{فرگاها // چتال الضلت}
❥❥❥❥ـــــــــــــ❁❁ـــــــــــــ❥❥❥
الي چتال يا فرگاها اخت روحي
بعد هيهات شيطيب الي اجروحي
اعله البيهه محنه من امي انه نوحي
{رديلي // ناديت وماجت}
❥❥❥❥ـــــــــــــ❁❁ـــــــــــــ❥❥❥
ماجتني بعد نامت وعافتني
بت امي انه بالموت هظمتني
اونن ليل ويه انهار خلتني
{يونيني // هاظم دلالي}
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني