7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
نعي دخول السيده زينب((ع)) على قصر يزيد
***
عليّه طبت الديوان كلفه
والاصعب شامتي بيه ايتشفه
ينشدني على الخوان اعرفه
شگولن والگمر مگطوع چفه
*
عساني بكربله ضليت ميته
ولا شمّات يجرحني بكلمته
لل ديوان اطبن ما حسبته
وشوف يْزيد يتشفه بضحكته
****
خلاني الدهر بدموع عَبره
وتمنيت الگمر سالم و اخبره
وبزينب علي اشوصاه أذكره
و اكلله زماني جار غدره
**
✍ خادم زينب
الشاعر رعد الچريخي
نعي مفجع
مولاتي زينب والعلّويات
بـاچــر يـعـمــه شــدن احـزام
سفره بـعـيـده سـفـرت الـشـام
بـعـده الهضـم والضيـم جـدام
نـشـبـع مناحـه ابـطـول الأيـام
تــدرن يــعــمــه راح عـمـچــن
يــم النـهــر ضـل الـكـفـلـچــن
هـاي الـهـزل هالجـابـوا الـچـن
كـلـچـن تروحن سبي كـلـچـن
ســوگ الــغــرب لـمــن نــطـبـه
وتـفـزع عـلـيـنــه نـاس غـربــه
اتسمعن حچي وشتـام صـعـبـه
وسيـل الـدمـع غـصـبن نـصـبـه
*---------------*---------------*
✍خادم السيده زينب (ع)
الشاعر رعد الجريخي
للامام الهادي ع
…………………………………………………………
نعمة الله و راحت امن ايديها
اليوم سامره افگدت هاديها
وا اماماه .. وا اماماه
……………………………………………………………
مثل ام ارتحل من عدها الولد
مثله لا هيهات ما تنجب بعد
جانت اتنام اعله جف ايده ابرغد
اليوم منها النور يم الرب صعد
والظلام امخيّم ابواديها
اليوم سامره افگدت هاديها
وا اماماه … وا اماماه
…………………………………………………………..
عاشر اقمار الزجيه الطاهره
انخسف بغيوم العصابه الجائره
وجهه اليضوّي الشمس حدر الثره
مات اليوزّع امان اعل لوره
الله وبنوره الخلگ باديها
اليوم سامره افگدت هاديها
وا اماماه … وا اماماه
……………………………………………………………
العسكري ايهيل التراب و منفجع
يلطم اعالراس و يهل الدمع
شال ابوه الجان للهندس شمع
ظل وحيد ابأيد سلطان القمع
دوم لولاد النبي يعاديها
اليوم سامره افگدت هاديها
وا اماماه ... وا اماماه
……………………………………………………………
نعشك اعل لروس ظل يابو الحسن
وسط بيتك جسمك الطُهر اندفن
جسم جدك تحت الخيول انطحن
لا امغسل غسله ولا صح چفن
والحرم ظل الشمر يحديها
اليوم سامره افگدت هاديها
وا اماماه … وا اماماه
……………………………………………………………
بيها طعم ازيارتك ما ينوصف
للتحدي انسوي مقطوعه عزف
ركضة طويريج جن جتف ابجتف
شيعتك يالهادي نهر الما يجف
و لك ارواح بشرف نفديها
اليوم سامره افگدت هاديها
وا اماماه … وا اماماه
……………………………………………………………
الفجّروا لازم يفجرون الگلب
لان بي شباج الك ظل منّصب
الشيعي وايمامه جرف نام ابعذب
اثنعش گبه امذهبه ابگلب المحب
وعينه بيت المنتظر مهديها
اليوم سامره افگدت هاديها
وا اماماه … وا اماماه
……………………………………………………………
✍️ ( سيد خضر الزاملي )
( شور )
جـرح وعـيـونـي عـشـگـنّـه
يـلـچـم روحــي مـــا چـنّــه
رغـم عـيّـشـنـي بـالـدمـعــه
أحـبـنـه وأحــــب طــبــعــه
الـيـلـوم بــحــالــتــي خـلــه
مــــــاعـاشـر بـشـر مــثــلــه
تـــرف ويــشــابــه الــــورده
يـهـنـيـالـه الــعــبــد عــنــده
مــو يــمــي واحــس يــمــي
بـعـيـد وعـــــايــش بــدمــي
مـلـك ســـوانــي بـالـخـدمــه
چـبـيـره اعـلـيّــه هـالـكـلـمــه
يــــردد بــســمــه وجــدانــي
أحـبــه ومــــا أحــب ثــانــي
مـــالـك گــلــبــي بـحـسـاسـه
خـيــمـه وجـــامـع لـنــاســــه
كـــريـــم ويــكــرم بــخــيــره
مــــــــاحــبـن بــشــر غــيــره
الــوادم بـــي يــحــســدونــي
خــــادم بــســمــه ســمــونــي
أســــولـــف وألــهــج بــذكــره
أشــكــره وفـضـلـه مــانــكــره
مـــن الله الــعــشـــگ بــيـــــه
وأهــيــم بــعــشــگـه يــومـيـه
شــگـولـن عــاجــز بــوصــفــه
بــــس الـعـاشــك ايــعــرفــــه
حـنــيـن وصـحـبـتـه صـحـبــه
ويـحـب الــخـــــدم گـــلـــبـــه
أحـضــر مــجـلـســه اتــشــرف
چــبــيــر وأكــبــر إمـن الـطــف
أروحــــن فــــدوه لــعــيـــونــه
أخــــدمــه وآنــــه مــمــنــونــه
*---------------*---------------*
✍خادم الحسين ع
الشاعر رعد الجريخي
قصيدة . فتحة عزاء ( لمولاي صاحب الزمان عج )
جديد ... 1445.. هج..
متى - متى - ياصاحب الزمان
-------------------------
خَلصو أهلك جتل يبن الإطايب
يمته تظهر تاخذ بثار الحبايب
متى - متى - ياصاحب الزمان
-------------------------
سيدي شايل حلم أهدعش معصوم
بين مقتول وبعد مابين مسموم
متى - متى - ياصاحب الزمان
--------------------------
صوت من الزهره تسمع كل مسيه
يُمَه يالمهدي الضلع شمسوي بيه
متى - متى - ياصاحب الزمان
------------------------
سيدي من كربله شكد تبجي عينك
وانت يوميه تون مقتل حسينك
متى - متى - ياصاحب الزمان
-----------------------
سيدي بالطف بقت عَمتك غريبه
بين خيل ونار تنعه جم مصيبه
متى - متى - ياصاحب الزمان
------------------------
يعينك الله عالدمع وتعيش الاحلام
يامصايبها تجرحك طبت الشام
متى - متى - ياصاحب الزمان
------------------------
الخادم _ ابو فدك الشامي ✍
اللهم صلِّ على محمد وآل محمد الطيبين الطاهرين
نعي للامام الحسين عليه السلام 😭
يالفاكد عزيزك. لاتنوح اهواي
اتذكر مصاب الماشرب ماي
واسي السبيه. الفاجده الراي
مامش مصيبه. تشابه لهاي
⚡️⚡️⚡️
الفاكد عزيز. مصيبته تهون
مصاب الغريب نهونه شلون
لحسين خلها. تعمه. العيون
عاري وبلا. تغسيل. مدفون
⚡️⚡️⚡️⚡️
سمعت ميت ينشال . بحصيره
وبلايه . راس. ينزل. للحفيره
وجادر. لجله. مانصبت عشيره
مصيبة ابو اليمه. جبيره
⚡️⚡️⚡️⚡️
مثل. مصيبتك. ماصار. وجره
عليك الدمع صب دموم وجره
بدلال . الك . نيران . وجره
ماتطفه. لحد. يوم. المنيه
⚡️⚡️⚡️⚡️
بقلم العلويه ام رائد زوين
((روحي تسولف))
روحي تسولف وياي
لاتــذكر أســـــم ماي
اخجل مو عطاشه عيال الحسين
ويمشي البــــال بيه وتهمل العين
"""""""""""""""""""""""""""""""""""''''''''''
يعثر جـدم بالـــي أگبـــال الخّيــــام
واشــوفن چــــن مخيم والگلب هام
وأكض بيـــدي دمعتي وامشي جدام
اعــــرفتهم بالاسامي وشـــفت الايتام
اساميهم ترى اكبار
حسن مخــتار كرار
ابوكم وين اخوكم والگمر وين
ويمشي البال بيه وتهمل العين ...
"""""""""""""""""""""""""""""""""""''''''''''
ويگلولي استــريح اگعد نحاچيك
ماضلت خيام اعله الشــمس بيك
الجــمـر بالگــاع دربالك يچويــك
العـذر لا مــاي عدنه وزاد ننطيك
يخجلون المقــابل
كرمهم حيل فاضل
مثل عمهم شجاعه ونابغه ودين
ويمشي البال بيه وتهــمل العين ...
"""""""""""""""""""""""""""""""""""''''''''''
لفت شي بنتباهي وآنه موجــود
حچيـهم بـــالسهام البدن الـجود
ودموع السوالف صــــارن شـهود
روح انصب عزه وابچــي يـرادود
وياحيره بدمعتي
نار ومن حـسرتي
وأسولف وي صفنتي اوين تردين
ويمشي الـــــبال بيه وتهمل العين
"""""""""""""""""""""""""""""""""""''''''''''
گتلهم اجيت وكــــلي چلـــمات
اشوفن طــبع اصابع عاليتيمات
ليش ابلا خيام وروحي دمعـات
بالهيمه الشــــمر رايدنه وانبات
نبات بــــــلايه خيمه
وتشوف الدنيا هـيمه
ولچ يا عيني غمضي وكون تعمين
ويمشي البال بيه وتهــمل الــــعين ...
"""""""""""""""""""""""""""""""""""''''''''''
كتلهم ســـــؤال ومستحي هواي
منو ذيــچ العليها مـدوهن الراي
زينب ذيچ گـــالو صارت فيـــاي
اذا عطشان روح تشـربك الماي
وأنه الشوفتها عطشان
مـــو للمـــــاي ولهـــان
ويـــروحي أگبال زينب لاتضلين
ويمشي البــال بيه وتهمل العين ...
عبد زينب
محمدالابراهيمي
((مجنونها))
اضل مجنونها
عبد لـضعونها
امـوت بدونها .. زينب
عــبد طـــاريــها
وأســولف بــيها
ودمعتي اجريها .. زينب
هـــذا حــده ومـــا بعــد خط القلم
من وصل يمّ زينب اختاض وعتـب
بــكل حــرف لازم يــضـل شابع ألم
ومـادره بــروحه هِــزلّ گــام وكتب
الــجرح مـــايعرف اللون
الجرح بچفوف أم عـون
الــــزمن مـــايدري بهاي
وأهل الـجـمـره يــدرون
يازينب ... يمولاتي الغريبه
"""""""""""""""""""""""""""""""""""''''''''''
هلي حاچوني
أضن مــلـوني
بدمع شافوني .. زينب
يــوادم حــيـره
العزيزه إيسيره
حـــبل وچبيره .. زينب
يـــاقلم أســم العزيزه رسمه ألــي
والــقلم مفـجــوع طـگ المحبره
هـــاي زينب بــالمواقف بت علي
خاف ارسمه شلون سبع الگنـطره
الگمر لو يدري احبال
الگـــمر بالغيره أنشال
وحـــشم يمنته أهناك
ركض ويــلم الـــعـيال
يازينب ... يمولاتي الغريبه
"""""""""""""""""""""""""""""""""""''''''''''
الــدمع عـــباره
النفس محتاره
أريــــد ازيــاره .. زبنب
يَ أم الــعــيـــله
الدمع شد حيله
الــجرح يوميـله .. زينب
رايد اشـــكي والجرح مابي لسان
ويـــا سوالف گــلبي لعيون الخدر
كافي ويه الصوره احــچي ياحنان
مــــو تعــبنه وداعةّ ايـــام الــيـسر
لطم مخنوگه انفاس
لطم ونصـيح عـباس
نزورچ يمـه ونـــــريد
نريد نـــزور يـــانـاس
يازينب ... يمولاتي الغريبه
"""""""""""""""""""""""""""""""""""''''''''''
الــدمعته بعينه
هجـــر تكــوينه
الضريح سكيـنه .. زينب
اليــحن ليــليه
الضريح ارقـيه
غـفه بــلطـميه .. زينب
اليغفه ودمــوعه اعله خده نومه شوگ
كـــلهن احـــــلامه ضريح بصف ضريح
ويسمع من احلامه هوسه وچـنه سوگ
لــــو يـفز مـرعـوب لـــو يـصـرخ ذبيـح
حــلم مــايرضا ويهيد
ســـياط ودرب البعيد
ضــعن نسـوان وزغـار
وعليل بدمعته وحــيد
يازينب ... يمولاتي الغريبه
"""""""""""""""""""""""""""""""""""''''''''''
جــمر چــواني
بگلب وجداني
وأظـل أمتـاني .. زينب
تـــمـــر ايـــامي
ومشـــو گدامي
شجاها احلامي .. زينب
يمته يم الباب اطش روحي دموع
بـــكـــل ســنه التتعده أموتلچ قهر
اجو يمچ وآنـــه حــــالي يــا وحيد
الحسره كبرت صارت ايـامي سـهر
أعــله بــابچ وين لاوين
غـــريبه يختّ الحسين
اليسد الوحشه مطروح
غده من غيــر چــفــين
يازينب ... يمولاتي الغريبه
عبد زينب
محمد الابراهيمي
جينه ابعزائه ننحب
اومنا الگلب ظل يلهب
سبع الدجيل اتغرب..
واويلاه..واويلاه
---
عم المهدي مات الليله
اوظهر الهادي منهد حيله
ومنا المدمع دوم انسيله
وللمهدي جينه انعزيله..
بسمه نظل نتعنه
ابلطم الصدر والونه
وللخدمه مايحرمنه..
واويلاه..واويلاه
---
ياللي اتوده منا اسمع
مسموم ابن الهادي اتشيع
اوچبده من اعداه اتگطع
اوعرش الباري لجله اتصدع
ناعي المصيبه اينادي
اول ولد للهادي
لجله الگلب ظل صادي..
واويلاه..واويلاه
---
مثل اجداده راح ابغربه
اوگوم الظالم كلها اتطلبه
اونار احزانه اتظل ملتهبه
العيشه يم الظالم صعبه
اشذنبه العدا ايعادونه
ابجده ترى ايشتمونه
ابحكم الهوى ايكفرونه..
واويلاه..واويلاه
---
سر امصابه باب الزهره
اولمن جارت ذيچ الزمره
صوب احسين اوصعدت صدره
صارت عاده چتل العتره
نفس الجنايه تنعاد
كلها كره كلها اعناد
تلحگ اطايب وامجاد..
واويلاه..واويلاه
---
باب الحاجه عم الغايب
يگضي الطلبه ابليا حاجب
يقبل بالناعي والنادب
ايفرج عن الوجه الشاحب
ابحرفه نظل نتوسل
كل صعبه عنده تنحل
بسمه الكرم يتأصل..
واويلاه..واويلاه
---
عادل العبد الله
31/1/2022
الفاتحة لروح من علموني الخدمة الوالدة *آمنه العبدالله*
والشاعر *حسين العبدالله*
...
قصيدة .. مقدمة ( استشهاد الامام علي الهادي عليه السلام )
جديد ... 1445. هج.
السلامُ عليك أيُها المسموم
----------------------
ياعلي الهادي الك ابعث سلام
اتوضت جروح الدمع قبل الكلام
السلامُ عليك أيُها المسموم
------------------------
مجلسك ياسيدي هاليله ننعاه
ويلي عالمسموم نقره وا اويلاه
السلامُ عليك أيُها المسموم
-----------------------
أنت ياعاشر أمام الرافضيه
نظره يامولاي بداعة رقيه
السلامُ عليك أيُها المسموم
------------------------
يلي دمعك كربله مانشفت العين
تبجي ليل انهار انت نَحر الِحسين
السلامُ عليك أيُها المسموم
---------------------------
يلي كضيت الحياة احزان وهموم
تالي عمرك ينتهي مولاي مسموم
السلامُ عليك أيُها المسموم
-------------------------
مستمر هذا عزائك هذا كل عام
الف شكرآ سيدي من صرنه خدام
السلامُ عليك أيُها المسموم
-------------------------
الخادم _ ابو فدك الشامي ✍
#قصيده_حصريه_لاستشهاد_ السيده_ زينب_ "ع"((عتبيني))
عتبيني واخيج يحمل أعتاب
نعشج ظال زينب فوگ التراب
ـــــــــــــــــــــــــــــــــــــــــــــــــ
نعشج ظال زينب محد ايشيله
خليه الفاتحه من اخوانها الليله
ماعنده جتف نعشج يتجيله
ماعندي متن بمتوني منصاب
عتبيني واخيج يحمل أعتاب
ـــــــــــــــــــــــــــــــــــــــــــــــــ
افيدج بيش خويه جفوف ماعندي
بعتابج عليه بالگلب مردي
لتونين زينب يابعد جبدي
ونينج صعب أحمله يم الحجاب
عتبيني واخيج يحمل أعتاب
ـــــــــــــــــــــــــــــــــــــــــــــــــ
تمنيت احضر انه الفاتحه منگب
وانعه اعليج واصرخ اه يازينب
خمس اخوه ويشيعوها الغرب تصعب
حسره بگلبي من شالوها الاغراب
عتبيني واخيج يحمل أعتاب
ـــــــــــــــــــــــــــــــــــــــــــــــــ
موبس اختي ماتت ماتت الطيبه
يبجي اعليج خدرج صار يمصيبه
عگال الراس زينب جانت الهيبه
تموت شلون ويغطيها التراب
عتبيني واخيج يحمل أعتاب
ـــــــــــــــــــــــــــــــــــــــــــــــــ
الله يصبر الساده يعلويه
عله فراگ العقليه ام المحنيه
ازلام امنگبه يلطمون ليليه
مصاب حسين جنه انعاد المصاب
عتبيني واخيج يحمل أعتاب
#الشاعره رسل الإبراهيمي
ياحفار كبر الطاهره ام عون
وسع باللحد توجعهه الامتون
......
هاي اخت الذبيح الما شرب ماي
وسعلهه اللحد يا سامع ابجاي
لا تلجم متنهه اعليهه بهداي
انه امهه واجيتك فاكده الراي
من كبري اجيت ابدمع الاعيون
......
بهون اوياهه احلفنك يدفان
بيهه امن الاسياط الهسه نيشان
ماتت بالغرب ما يمهه خوان
الجابت كل عمرهه احزان بحزان
ما شافت فرح مثل اليفرحون
.......
زينب من محرم فكدت الروح
من شافت اخوهه حسين مذبوح
ما ضل حيل بيهه وشبعت اجروح
وليل انهار دمع العين مسفوح
عالراحو وعافوهه اويه الاضعون
......
جيت وجايبه امن الكافل أعذار
ما يكدر يجي ابلا يمنه ويسار
انه اوياك ندفنهه ابدمع حار
العاشت بالغرب ما يمهه كل جار
يا زين العباد الناس يحجون
.....
زينب ماتت امن الشام والشام
موش امن المرض ل أهل الإسلام
طبت السوك باكت منهه الاحلام
وضحكات الشماته بوجه الايتام
غير أحبالهم بيهه اليجرون
......
زينب وينهه اوين الدواوين
هاي الهاضمتني يبن الاحسين
من سئلو على اخوتهه الميامين
اشكالت روحهه ابين الملاعين
اشلون اهناك زينب صبرت اشلون
.....
كلمات
موسى الخادم
نعي
لسيد محمد سبع الدجيل
..
يالهادي يانسل النبوه
بألالم هذا ابنك تلوه
للعسكري يبعث الشكوه
مهظوم والينه بمصابه
.....
ويلاه يا سيد محمد
يحگلي عليك البس الاسود
وعليك دلالي تمرد
يصعب على الغالي غيابه
......
سبع الدجيل وتعرف الناس
لمصاب وضعك شيّب الراس
يبن الهداة وطيب الاحساس
عليك الگلب زايد عذابه
....
ياما بچيت الفگد جدك
لحسين حيل الطمت خدك
تبجي اذا واحد ينشدك
عن الغريب وعن خضابه
....
تبجي اذا ذكروا سبايه
هاي المصيبه الاشد هايه
تتذكّر العلگمي ومايه
وعبدالله بي فجعوا ربابه
......
الشاعر محمد حسن ضيغم
سلام الله على جبل الصبر
ابوذيّات مشتركة
🏴🏴
يدهري بس قهر مامش ونسلاي
علـی نازل سهم ظیمک ونسلاي
تــوارثت الحـزن بصلي ونسلاي
وگضـن ايامي كلـهن غاظـريه
✍🏻ام عباس الحسیني
🏴🏴
ابوذيه
اریداحچي قهر وهـموم يماي
يسـيره ولا بگواخوان يماي
عفتهم ضامیه الاکبــاد یماي
وگضو كلهــم عطاشه بالمنيه
✍🏻ام عباس الحسيني
🏴🏴
ابوذيه لسان حال العقيله عليها السلام
ابوذيه
زماني بالــــــــرزايا دوم هدني
علی الراحو نحيله وعيب هدني
بلا رحمـــه وچثيـراهموم هدني
ومثل صاير دليلي ابكل رزيه
✍🏻ام عباس الحسيني
🏴🏴
مولاتي العقيلة عليها السلام ولحظات الاحتضار . تمنت ان يحضرها اخوها وكفيلها وعزيزها قمر العشيرة .. كاني بها
يبو فاضل گضاني الشوگ ودّاي
تحضرني قبل لا اموت ودّاي
للمرسال اجيب منين ودّاي
الليله وياخذه للغاضريه
✍ ام محمد الحجاج
🏴🏴
كاني بمولاتي العقيلة زينب عليها السلام
باللحظات الاخيرة ..
ل اهلي اويه الهوی وديت عتباي
چف الاجل بين الغرب عتباي
اون للموت محد وصل عتباي
لا بو الفضل لا حامي الحمية
✍ ام محمد الحجاج
🏴🏴
اون وردت يحضرني كفيلاي
بمماتي عيوني اتسدهن كفيلاي
يدنيه العمر ماريده كفيلاي
الموت اهون للمفارگ اخيّه
✍ ام محمد الحجاج
🏴🏴
قصيدة ( استشهاد الامام علي الهادي عليه السلام ) 1445.هج.
جديد....
( سامراء )
سامراء _ صاحت هلا بهاي الزياره
-------------------------
بيها قَبر الهادي والعسكري أبنه
جنة الله اعله الأرض ياناس جنة
نياله كلمن زارها - ياهلا بخطارها
ياعظيم اسرارها _ حضرة أمامين
سامراء _ عالباب مكتوبه العباره
سامراء _ صاحت هلا بهاي الزياره
------------------------
بيها قَبر السيدة نرجس الخاتون
ويمها مدفونه ( حَكيمَة ) يالتنشدون
أم أمام البيها - بنت أمام البيها
ياعطر مهديها - شَمتَه الروح
سامراء _ تسبيحة المهدي أنتظاره
سامراء _ صاحت هلا بهاي الزياره
--------------------------
عدها دمعه من جروح الغاضريه
عدها غربه من خيام الزينبيه
كل وكت سامره - بنارها المستعره
لكربله هالجمره - يا حُسيناه
سامراء _ هذا العهد يبقه شعاره
سامراء _ صاحت هلا بهاي الزياره
---------------------------
قبلة الخدام انفاس الشعائر
من بعيد وعينك اتشوف المناير
الله رافع شانها - بالسمه عنوانها
والدمع احزانها - صوت المعزين
سامراء _ اهل المواكب ياغياره
سامراء _ صاحت هلا بهاي الزياره
---------------------------
ياعلي الهادي بمصابك تبجي العيون
سيدي عينك علينه عاليخدمون
ياحلو طاريكم - يخسر العاديكم
احنه انواليكم - نبقه للموت
سامراء _ يانجمه بعيون المناره
سامراء _ صاحت هلا بهاي الزياره
--------------------------
الخادم _ ابو فدك الشامي ✍
نعي مفجع وفاة السيدة زينب (ع)
امنين اجيبه حامي الشريعه امنين اجيبه
لخته الغريبه ايشـيل النعش لخته الغريبه
يــرفــع نحيبه يــم الگــبــر يــرفــع نحيبه
دفنتهه هيبه اليحضرهه اخو دفنتهه هيبه
*--------------*--------------*
وايشيّع اخته ويــن الگمر وايشيع اخته
تنزل دمعته مـحـلـه الأُخــو تنزل دمعته
ويجر حسرته ايهل الترب ويجر حسرته
يذكر عشرته وْلَــمّ الخدر يــذكــر عشرته
*--------------*--------------*
حتى بدفنهه زينب غُـــــرُب حتى بدفنهه
چــاوينه عنهه راعـي العلم چــاوينه عنهه
اليبره الضعنهه غايب تـرى اليبره الضعنهه
وازرگ متنهه الْحَــد الـدفـن وازرگ متنهه
*--------------*--------------*
ويـــرش گبرهه كون الگمر ويرش گبرهه
خلص عمرهه وسفه بجرح خلص عمرهه
يبچي بكترهه محد بقــه ويبچي بكترهه
جهلوا قدرهه عگب الأهل جهلوا قــدرهه
*--------------*--------------*
✍ خادم زينب ع
الشاعر رعد الجريخي
أگصد كافل الوَّفاد يمه الحاجه ماترَّد
من ذاك الزمن لليوم تاريخ الكرم يشهد
كرامات وبشاير خير افضاله اهواي ماتنعد
دومه للحوايج باب باب الكرم ماينسد
لووكتك تلملم غيظ وراواك الهظم وأرعد
وغصبن لولفاك البين وبكل نايبه أتحَشَّد
وتلچم جرحك الشمات وعنك كل صديچ ابعد
خايب ماترد من كون تگصد ( سيد محمد )
الشاعر حسن لعيبي الحريشاوي
قصيده للأمام الحسين عليه السلام وزن بحر طويل
كل يوم العزه اعله حسين نبجي ونلطم ونقره
اجينه بروح مالومه نعازي فاطمه الزهره
****
نعازيهه بكلب موجوع والونه بأثر ونه
للطايح على التربان وخيل اعداه سحكنه
نريد ابهالعزه لحسين من مولاتي تقبلنه
وكل صبح ومسيه انصيح آاااا. يالمنكطع نحره
ام ✍🏻رافد العسكري
+++++++++++++++++++++
اه يمصاب مولانه سمه ماحملته ولا كاع
انذبح عطشان ابو السجاد وكلبه من الضمه ملتاع
نكول احاه اله كل يوم وللراحت سبي واضياع
وختكم وي غرب تمشي
عليكم كسر منكسره
ام✍🏻 زين العابدين لمحمداويه
+++++++++++++++++++++
منكسره وتدك علهام
حداي الشمر بيها
عافت واحد وسبعين ضحايا كل اهاليها
كلها اموسده التربان
وبس راس.اليماشيها
فوك الرمح راس حسين
دمه من النحر يجره
ام✍🏻 رحمه الگاظميه
+++++++++++++++++++++
ومثل دمه تسيل هموم بگلب أختك المنفجعه
محتاره بحرم وايتام
تَعثر حيل متوجعه
لا والي البگه ونغار
ومامش بالعرب فزعه
وگيد امجرح السجاد
وثيابه غدت حمره
✍🏻العلوية أم منتظر جمال الدين
+++++++++++++++++++++
عمت عيني عله الراحن مسبيات لبن ازياد
من ديره لعد ديره ومامش من حِمه الورّاد
نعاهد نرفع ايدينه وماننسى ابوالسجاد
وعله سيف العده ظلت دماء حسين منتصره
زمــ✍🏻ـــــن حــــاتــم الربيـــعي واســــــــــــــــــــــط
+++++++++++++++++++++
تــمــــ بـحمـــدالله وتـوفيـقـــه ـــــــــت بـــأقــــ✍🏻ـــ✍🏻ـلام شـاعــــرات الملتــقى الحسيـــــني لـناعــــــيات الطـــــــف بتـاریــــخ📜 جمادالآخر / ١٤٤٥هـ🌙 بـإشــــــراف الشــاعــــــــرة والحاجـه أم حســـــــين العسكـــــري ناصــــريـه يحـــــرم الحــــذف والتــــــلاعب ونسألكـم الدعـــاء والفاتحـة لأمواتــنـا.
يَا أَبُو الْيِمَّه تَعَالِ لْدَفْنِتِي
بَآخِرَ انْفَاسِي وَحِيدَه بْغُرْبِتِي
مَا تِجِينِي وْتِعْتِنِي لِجْنَازِتِي
آنَه زِينَبْ خُويَه بِدْيَارِ الْغُرُبْ
-----------------------
آنَه زِينَبْ يَا شِبِلْ عَقْدِ الْوِلَه
عِينِي مَشْبُوحَه يَغَالِي لْكَرْبَلَه
رِدْتَكِ تْغَمُّضْ عُيُونِي الْهَامِلَه
وْچَفَّكِ يْوَسِّدْنِي خُويَه بِالتُّرُبْ
-----------------------
مِنْهُو يِحْضَرْنِي لَمَنْ يِلْفِي الْأَجَلْ
لَا عَشِيرَه عِنْدِي ظَلَّتْ لَا أَهَلْ
وَآنَه بِنْتِ الْمُرْتَضَى خِيرِ الْعَمَلْ
بْحِيرِتِي يَبْنُ امِّي تِتْرِكْنِي صَعُبْ
-----------------------
مِثِلْ مَا يَمَّكْ چِنِتْ لَمَّنْ طِحِتْ
وِعْلَه جِسْمَكْ يَا بَعَدْ رُوحِي نِحِتْ
رِدْتَكِ تْوَافِينِي وِبْإِسْمَكْ صِحِتْ
دَمْعِتِي الْمِشْتَاگَه لِفْرَاگَكْ تِصُبْ
-----------------------
خُويَه مُو بِيدِي تِرَكْتَكْ عَالثَّرَى
وِطْلَعِتْ بِينِ الأَعَادِي مْيَسَّرَه
وَگِّفُونَه لِلسَّبِي عُگْبَكْ سَرَه
وْچَتِّفُونَه عَالْهِزِلْ طُولِ الدَّرُبْ
-----------------------
هَسَّه يَا صْبَيْ عِينِي وَافَانِي الرَّدَى
بِالشَّمِسْ فُوگِ التُّرَابِ مْمَدَّدَه
لْمِثْلِي كَلْفَه لُو يِمُوتِ لْوَحَّدَه
لِلْگَبُرْ يَا وَسْفَه هَاللِّيلَه أَطُبْ
-----------------------
#الليالي_الزينبية
الشاعر حسن خنافر العاملي
قصيدة للفاطميات علهن السلام
حيل اوجرة ويانه. المصاييييييب
بعد. الخدر. نكعد. بالخرايييييب
مايدرون. اهلنه✨ بعدهم. انهضمنه
يسمونه. الغرايييييب
حيل اوجرة ويانه المصاييييييب
✨✨✨✨✨
شمر . وحرمله اليحدي بينه
من. صياطهم . جردة. عبينه
عشيره . ماكو . التنغر . علينه
ياهو اليرضه علويات✨
بين. اجناب مسبيات✨
مافزعة عليهن ال طالييييييب
حيل اوجرة ويانه المصاييييييب
✨✨✨✨
بياحال الفواطم لمن. طلعن
ماعدهن. حمه بسده. يلوذن
يويلي. بطولهن. كامن . يلمن
زحمه يال هاشيييييم✨
متروعه. الفواطييييم✨
وين الاهل وين الكرايييييب
حيل اوجرة ويانه المصاييييييب
✨✨✨✨✨
الفواطم. مادريتوا اصار. بيهن
سبايه . الناس. تتفرج . عليهن
هضيمه. بحبل. مجتوفات اديهن
باب القصر . ساعات✨
وكفوهن. المحجوبات✨
وعليهن شابحه عيون النواصييييم
حيل اوجرة ويانه المصاييييييب
✨✨✨✨✨
ادركهن يقالع . باب . خيبر
انت ياعلي. بالشدد. تحضر
املاك السمه. فاجعها هالمنظر
زينب. حشمت وينك✨
شاهد حالها. بعينك✨
حك زينب ياحيدر. تعاتييييب
حيل اوجرة ويانه المصاييييييب
✨✨✨✨
غريبه محيريها. بحرم ويتام
بحال الغريبه. شخلت. الشام
مدللت حيدر. وسفه . تنظام
بتك . ياعلي . نهضمت✨
بمجلس طاغي كعدت✨
صعب هذا الامر ومايناسييييب
حيل اوجرة ويانه المصاييييييب
✨✨✨✨
تمت بعون اللهُ بقلم العلويه ام رائد زوين
✨✨✨✨✨
اللهم صلِّ على محمد وآل محمد الطيبين الطاهرين
لحن (روحي تسولف)
حيدر الصالحي
بصره
زواره زواره x مرحومه زواره
عم اﻷمام المنتظر x مرحومه زواره
................................ ...
يالطايح أبشده وتون ﻻ تحتار
وأسمع كلامي
من روضة الهادي غصن شع أنوار
رحمه ويلالي
سبع الدجيل وحضرته بيها أسرار
تشفي الموالي
أنواره أنواره x تهدينه أنواره
أتنجينه من جمرة سقر x مرحومه زواره
زواره زواره x مرحومه زواره
عم اﻷمام المنتظر x مرحومه زواره
...................................
هنياله كلمن يگصده وي الزوار
ويگعد يناجيه
مرقده غصبٱ عالنواصب اﻷشرار
ربك يعليه
اﻷيمان والتقوى أوورع طبع أبرار
وتجمعت بيه
آثاره آثاره x معروفه آثاره
أعجاز كلها وبيها سر x مرحومه زواره
زواره زواره x مرحومه زواره
عم اﻷمام المنتظر x مرحومه زواره
...................................
صابر گضاها وماجزع بالشدات
عمره وحياته
سبع الدجيل وعنده تگضي الحاجات
من معجزاته
قبلة الداعي الگلبه يشكي أبحسرات
يطلب نجاته
أسراره أسراره x مكتومه أسراره
يجبر الگلب المنكسر x مرحومه زواره
زواره زواره x مرحومه زواره
عم اﻷمام المنتظر x مرحومه زواره
.....................................
يالعايش الدنيه أبقهر هم وأحزان
دهرك يأذيك
ﻻ حيله عندك وأنت مهدود أركان
منهو اليداويك
السيد أمحمد گوم وأگصد ولهان
زوره ويشافيك
أسفاره أسفاره x ممدوده أسفاره
والزاير يرد مبتشر x مرحومه زواره
زواره زواره x مرحومه زواره
عم اﻷمام المنتظر x مرحومه زواره
....................................
من توصل أهمل دمعتك وأنت تزور
وأبدي التحيه
ﻻ تشكي يعلم بيك گلبك مكسور
هم وأذيه
بعد الزياره أبمعجزه أترد مسرور
وهاي الهديه
البشاره البشاره x ياعظم البشاره
ينزاح كل هم وقهر x مرحومه زواره
زواره زواره x مرحومه زواره
عم اﻷمام المنتظر x مرحومه زواره
...................................
ﻻ تظن زاير يگصده ويتعناه
ويخيب ظنه
مريود يگضي حاجته وكل رجواه
وشراد منه
مرقده الكل محتاح ربك سواه
روضة الجنه
خطاره خطاره x ربحان خطاره
بالدنيه وبيوم الحشرx مرحومه زواره
زواره زواره x مرحومه زواره
عم اﻷمام المنتظر x مرحومه زواره
...................................
هاي الكرامه وحطها رب اﻷكوان
خالقنه اﻷوحد
أبعم أﻷمام الغاب بأمر الرحمن
سيد أمحمد
عنده معاجز حيرة أنس وجان
والحظره تشهد
محتاره محتاره x اﻷلباب محتاره
باأسراره يحتار البشر x مرحومه زواره
زواره زواره x مرحومه زواره
عم اﻷمام المنتظر xمرحومه زواره
....................................
الشاعر عبد الكريم سيد سعد
ليلة ٢٩/جمادي الآخره /١٤٤٥هج
الجمعه 12\1\2024 استشهاد
سيد محمد سبع الدجيل عليه
السلام
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
◼️القصيدة-2-◼️⬛️
ب{صَِريا} حيثُ مولِدهُ المنيرُ
لِيُبصرَ نورَهُ الأعمى الضريرُ
هوَ السبعُ الغَضنفرُ في{دُجيلٍ}
بمَرقدهِ لَيستغَني الفقيرُ
كراماتٌ لهُ اشتَهرت وشاعتْ
ونحو عُلاهُ يأوي المستجيرُ
كوالِدهِ {النقيِِ} رأى البَلايا
الى {بلدٍ} لــِيَحدوهُ المصير ُ
يعاني من بني العباسِ جَوراً
وظلمُهمُ العبادُ بهِ تحيرُ
وظلَّ بمحنةٍ من دونِ أهل ٍ
مآس ٍ ينقضي العُمرُ القصيرُ
فآه ٍ من رزيات ٍ أحاطت
بآل اللهِ إذ شّحَّ النّصير ُ
بقتلٍ ثم سُم ٍ واغتيال ٍ
وبعضهُمُ المشرَّدُ و الأسير ُ
ويُفجَعُ جَّدهُم في كلِّ يومٍ
لعِترته ِ حزينٌ بل حَسير ُ
وتبكي فاطمُ الزهرآ عليهم
شجىً ينعاهُمُ القلبُ الكَسير ُ
#سمير_الصالحي
#النجف_الأشرف
🌑 يحتاج الخطيب والناعي لقصيدة يقرأها في مناسبات عامة بعد القريض تتضمن لوعة السيد الزهرآء ع وبكآئها على أبنآئها المقتولين المسمومين المشردين ومنهم :
-زيد الشهيد - القاسم الغريب - سيد محمد سبع الدجيل وهكذا ...
ولذلك نظمت هذه القصيدة ...
🏴 بكآء الزهرآء ع على أولادها وأحفادها ..
🌑بالسم والذبح خلصوا
زغار كبار و الرضعان
🌑آنه الزهره وگليبي
على اولادي يظل لهفان
----------------
مفجوعه خلص عمري
أنوحن كل شهر كل يوم
ولد مذبوح أگصدنه
اواحد تسري بيه سموم
الدنيا عذبتني هواي
راوتني چتل ودموم
وآنه محيره وأنعى
ويصب دمعي بكل مچان
----------------
شنهو الذنب اريد اسأل
من يوم السگط بالباب
محسن ويلي من عصروه
وبالبسمار صدري انعاب
ووليدي الحسن سموه
بنجيع وچبده منه ذاب
دهري المارحم بيه
شسويله الدهر خوان
----------------
ثالثهم أبو السجاد
بالطف نايم معفر
مگطع جسمه عل التربان
بالبر بالشمس والحر
واخوه الگمر عالشاطي
بلا زندين وموذر
وراس حسين وآويلاه
مرفوع برمح وسنان
----------------
شعدد لو ردت أحچي
عن سامره لو بغداد
لو عن البقيع وطوس
گبور الضمت الاولاد
وزيد الراح بالكوفه
ولا واحد عليه نشاد
بچيته دموم وبروحي
مصابه عليه ابد ماهان
----------------
وما أنسه الدجيل البيه
سيد محمد الغالي
شباب يروح آه و آه
فجعني وغيّر احوالي
مثل القاسم الي مات
غريب هناك بالتالي
عبراتي تسيل عليه
ولا حضرت دفنته اخوان
----------------
يشيعه انتو التواسوني
بمصابي وآنه اجازيكم
يهود گليبي من اسمع
نواعيكم بواچيكم
ويبقى النوح للمظلوم
حسين الي يوافيكم
ما مثله جره بكل حين
مصاب وينذبح عطشان
#سمير_الصالحي
#البصرة_الموالية
هاي الايام ***يخنگ الشام
ايعين الايتام**ودعنه زينب
***
نورس طلع كله دمه يحجي شنو بزينب صار
مر المدينه وبي دمع شايل مصيبه وتذكار
شايل مراسيل شكثر المن يسولف محتار
لوحة خجل يرسم دمع وهمومة ابد موش صغار
شايل حجي هواي*ماضايك الماي
كل همه مرسال**ودعنه زينب
**
موقف لمحته بكربله وجناحي كله شيب
حرمه اديها اعله الضلع مترب ضهرها حدب
من تعثر بين الجثث تصرخ اسم الله زينب
شماانطي ابقه مقصره للكلشي لله هيب
اعماد الخيام**** طاحن للاسلام
يادمعي كف نام**ودعنه زينب
***
تصبريتامه عله العطش هي بكسر خاطرها
زينب تصبر جم گلب بس محد..... يصبرها
الرابيه بجف الحسن غير الاخو شيسرها؟
ماتت تراها بكربلا صوت الضلوع... الضرها
من رجبت النوگ** من طبت السوگ
ماضل حجي يلوگ****ودعنه زينب
***
المؤنسات الغاليات بين الجمر...... يتحفن
لبكدهن اينامن رغد حته المسه..... يتمنن
لبگدهن يحلمن عمر هنه بل ماي ايحلمن
بنيت علي بين الغرب يمها السياط ايصلن
هيمه وعجيبه ** زينب غريبه
بس المصيبه ***ودعنه زينب
***
المهدي واگف بالعزه من دمعه يطلع ونه
گال القتل عاده صبح بس السبي مو النه
هذا الوجع نايم اثر لبجفها ابد مو.... حنه
حسينه احنه اعله الهزل كلنه انسبينه كلنه
زيدتو الاسهام **بجروح الحسين
من حدرن النوگ**ودعنه زينب
حسين فريق الجبوري
اللحن في القناة
#گعديه شور
خواطر شعريه حال مولاتي زينب عند خروجها من المخيم
اه خويه حسين اه
طلعوني وجيتك أركض خويه حرگوهه الخيام
خايفه من الخيل أجيتك كوم وياي بسلام
سمعوني وروحي طلعت خويه بنواع الكلام
ياهو يحمي خدر أخيتك تركض أكبال الزلام
حسين خويه فدوه گوم ... هل شمر يمي يحوم
اه خويه حسين اه
----------------
جدامي ما ضلت سليمه وأسحك عليهه الجراح
صوتي صار خفات خويه من بعد ذاك الصياح
ثاري ما تسمعني أصيحن من كثر ذيج الرماح
خويه تعبني المراكض گلبي چن چدامي طاح
خويه ما ضل بيه حيل ... لاحكتني هوايه خيل
اه خويه حسين اه
-----------------
حايره وين أطي وجهي والغرب تركض وراي
وي ألوذ بيا نويه خويه دليني عله راي
خويه بشفافك أهمن من شفت گدامي ماي
انه لاجمني وداعك من گلت ما ضني جاي
خويه بوداعك هذاك ... طاش ضعنك من وراك
اه خويه حسين اه
------------------
هذه چن دمك أحسه خويه شفته بكل مچان
لو صدك ياخويه ميت يعني لختك ما ك امان
خويه احسنك جريب عليه من فاح الحنان
يمكن انته تودي عطرك حته اجيك بهل زمان
عطرك الدلاني بيك ... حافيه اركض خويه اجيك
اه خويه حسين اه
----------------
من صعدت التل عرفتك خويه ذاك انت البعيد
جيتك وكوه عله حيلي أركض وشفتك وحيد
ثاري متغير ابن امي وذبحه بادي من الوريد
شلعت بيك الحوافر والحوافر من حديد
ليش مبيوك الثياب ... والجسم فوك التراب
اه خويه حسين اه
-----------------
طشروك وجيت ألمك طابع الحافر بديك
مو سحك بس بحوافر بل حجر دارو عليك
بصدرك مغير مجانه والگلب ما هوه بيك
خويه شون امشي وعوفك يرجع الحافر يجيك
الحافر ألمن بعد جاي ... هم يسحگك من واري
اه خويه حسين اه
العبد الذليل:_سيف وسام الحسيني
يلتشكي دنْيَا الْحزْن . فوگ الْعِلَل زادتك
تريدك الدَّنْيَا ابهظُم تتنومس بذلَّتك
ومحتار بَيْن الخلگ . ذَايبٌ گلب خلَّتك
وَآهِمْ أَبَد يلتظن دَرَب الْحَذَر دلَّتك
وشيمتها غَدَر وجفه أَدَّور عَلَى زلَّتك
مهظوم طُول الْوَكْت . اِتهد الصَّخْر ونَّتك
مَعْلُولٌ رَايد دوه هَنَاك أَشْتَكِي حَالَتِك
السَبْع الدِجَيْل أَعْتنِي تلگه الدوه العلَّتك
الشاعر حسن لعيبي الحريشاوي
اليكبر يدارونه
ومن يغمض اعيونه
اهله لي يشيعونه
انه زينب ...
........................................
عشت مثل الهوه ...
من يشموني سوه ....
ورده الهم
يمر فيّ الشمس .....
الگمر بيه يحس ....
واشكرهم
الثواني البيها امر .....
بوسطهم جن عمر ...
شمحلاها
يعشرتنه الگبل .....
التصفن كل عگل ....
شبداها
چم رساله بروحي
انقرت من اجروحي
راح اموت بنوحي
انه زينب.......
.....................................................
نشف ريج الجفن .....
من ادموع الحزن ...
والهم شاخ
بده بطيفي البچي .....
انتهى وصار الحجي ...
يطلع اخ
عگب فرگت وطن .....
يدلاوب الزمن ....
وين اندار
صفيت بلا اخو ......
علي ينگط دفو .....
وغربة دار
نار يهلي الفرگه
والتموته الشهگه
الغربه اخذت حگه
انه زينب
............................................................
اجه الطف من وكت ....
وشفت كلشي وعفت...
فوگ الگاع
الحرگ سولف خيم .....
اوصل لا خر علم ..
وكلشي ضاع
الهوه مر كل جرح .....
وعليهن ذر ملح ...
والدم فاض
اوراها اعله الهزل .....
وحبل يحچي الحبل ....
وگلبي اختاض
عگب راعي اضعوني
اوگع وصعدوني
علهزل شافوني
انه زينب
..........................................................
التفت گلبي بعشگ .....
اودع مختنگ ...
فوگ النوگ
بعد ضيم وهجر .....
ودواوين وقصر ....
وطبت سوگ
سوالف للقهر ....
انه انطگ حجر !! ....
تاه الراي
واطب شام الندم .....
وجروحي تدي دم ....
وناس هواي
هنا محط مئساتي
وشوغتي ولوعاتي
وتنسمع جلماتي
انه زينب ..................
........................................................
مشاوير الدمع ...
الي صارت طبع.......
والاحلام
چوت گلبي چوي .....
مره بخلگ بدوي ......
وضعت بشام
اسلم عن بعد ......
وازورن چم فرد ....
وابچي بشوگ
وگرب وحي الاجل .....
واضم چفي بخجل....
الضل محروگ
ردت اخوتي وامي
لمن يبرد دمي
كلها تحظر يمي
انه زينب ..............
.......................................................
غمضت اخر جفن .....
وبدت روحي تحن
للعباس
ولا يمي گرُب .....
وبقيت انطر درب ....
اوغربه الناس
تشمتوا مابچوا .....
وسمعت الي حچو.....
وين حسين
النعش معتاز اهل .....
وگمر حيدر افل ...
ولا جفين
واخر الماعندي
متت وانه الوحدي
ودمعي جارح خدي
انه زينب...........
.......................................................
الاقل شرفاً
كرار اللامي
#مو غريبه بزود خدامها
قصيده حصريه للأم ((حنينه انتي واحب حنيتج))
حنينه انتي واحب حنيتج اعليه
ادعي الله يطول بعمرج شويه
ـــــــــــــــــــــــــــــــــــــــــــــــــ
حنينه انتي ييمه ودوم تدعيلي
وإذا امرض تخلصينه بسهر ليلي
بس انتي الطبيبه إلى تعرفيلي
گبل مااحجي امي تعرف شبيه
حنينه انتي واحب حنيتج اعليه
ـــــــــــــــــــــــــــــــــــــــــــــــــ
أمان الله ورحمته امي الحبيبه
ومثلها بالبشر متصح ابد طيبه
بحضنها انسه همومي هاي المرتبه
تنسيني الهظم دنياي يوميه
حنينه انتي واحب حنيتج اعليه
ـــــــــــــــــــــــــــــــــــــــــــــــــ
بوجه امي من أصبح محله مصباحي
بلسم ليه ضحكتها عله جراحي
الله مخلي بيها حزني وافراحي
يفرحة عمري يمه دمتي بالدنيه
حنينه انتي واحب حنيتج اعليه
ـــــــــــــــــــــــــــــــــــــــــــــــــ
ابوس ايدج ييمه ظلي ويايه
اموت بفرگتج مااحمل بهايه
مداسج جنة الله وماضن هوايه
الله امكرم امي الكلها حنيه
حنينه انتي واحب حنيتج اعليه
ـــــــــــــــــــــــــــــــــــــــــــــــــ
خلصتي العمر يايمه متعوبه
ولبستي ثوب المرگع بهل نوبه
ودولب بيج دهري هواي بدروبه
تعبتج هوايه وارد مابيه
حنينه انتي واحب حنيتج اعليه
#الشاعره رسل الإبراهيمي