7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
نحمد الله على النعمه العظيمه
حب الحسين يريت الله يديمه
*******
نشكر الله على محبة وليه
ابن الاطهار وبن سيد البريه
اقصد حسين غريب الغاضريه
اهوته الگلوب على الفطره السليمه
حب الحسين يريت الله يديمه
*******
حب الحسين نجاة الكل موالي
نوره بالكون مثل بدر و يلالي
غالي الحسين وحگ الله غالي
ليوم الحساب يظل اعلينه خيمه
حب الحسين يريت الله يديمه
*******
نحمد الله جعلنه من الموالين
نوالي الحسين واهل بيته الميامين
صرنه ياناس ترى بحبه مجانين
الضحه للدين ابو النفس الكريمه
حب الحسين يريت الله يديمه
*******
مااعوفه وحگ الطاهره اخته
ايه الحسين بن ايه عرفته
الله انعم على الناس بمحبته
يهب كرامات على الوادم نسيمه
حب الحسين يريت الله يديمه
*******
نوره مخلوق گبل كل البرايا
حب الحسين وحگ امه هدايه
الكل الوجود خصوص اهل الولايه
نعمه الحسين علينه مستديمه
حب الحسين يريت الله يديمه
*******
فدوه لحسين ياعالم هالعمر
مصابه بالروح احر من الجمر
حاشه ينسه اليحبه بالحشر
شيعته هناك تحصل عالغنيمه
حب الحسين يريت الله يديمه
*******
خادم اهل البيت / ابومحمد العاشور (07810010732)
گرب مـحـرم مابـقت بس ايام
اتحزموا بحزام الحزن ياخدام
علْگوا السواد بكل بيوت الثايه للخدمه مشتاگين صار هوايه
اتحزموا بحزام الحزن ياخدام
*******
شهر الحزن گرب يشيعة حيدر
كل واحد البيكم مجلسه ايحضر
كلمن حسب ماعنده وشما يگدر
وبس لايگول السنه انه اتعذر
كلمن يقدم عله گد مقدرته الخادم هناك ترتفع منزلته
اقسم قسم بالگمر راعي الرايه للخدمه مشتاگين صار هوايه
*******
علگوا الاعلام السود داير دوار
وقيموا مجالسكم لبن حامي الجار
احرار ادريكم وتبقون احرار
بدرب الحسين نشوف كل واحد سار
مانمتوا عالذل وحگ داحي البيبان بالشدد معروفين كلكم شجعان
ورغم الطغاه انصبتوا انتو قرايه للخدمه مشتاگين صار هوايه
*******
الله نطاكم هايه احسن نعمه
تخدمون ال البيت اعظم رحمه
اتمسكوا بيهه يللي كلكم همه
يعليه ربنه المايعوف الخدمه
وخالصه ل الله هالخدامه خلهه كل الخدم خدمتهه محفوظه الهه
من ربنه تبقه لليريه ايه للخدمه مشتاگين صار هوايه
*******
باݘر يـجي محـرم يبـين اعلـيـنه
خل نلبس اسود والحزن غاطينه
بهـذا الشـهر مذبوح بـن والـينه
وعالارض دامي والعده مسلبينه
نبجي ونون والدمع ينزل احمر ايمام الهدى مگطوع منه المنحر
واعظم مصيبه اعلينه صبحت هايه للخدمه مشتاگين صار هوايه
*******
يالله تحضروا للشهر وايامه
واذّكروا حسين السبط وآلامه
كطعوا وريده وحرگوها خيامه
وليل اهدعش ياشيعي ابد لتنامه
واسي العيال الباقيه سهرانه لاخيمه عدهه ولا اهل حيرانه
وياها اسهروا انتو يالوفايه للخدمه مشتاگين صار هوايه
*******
بعاشور مهدينه ابد ما مرتاح
يخلصهه بس بطلم وبون ونياح
ودمعه عالخدين من دم سفاح
يتذكر المظلوم جده من طاح
وكل مجلس قرايه يجي ويحضره وياكم ينوح ويبݘي لبن الزهره
ويوم الحشر شاهدكم هو بهايه للخدمه مشتاگين صار هوايه
*******
خادم اهل البيت / ابومحمد العاشور
متت يحسين بس مامات ذكرك
درب الحق رسمته بدمه نحرك
*******
درب الحق رسمته بفيض دماك
يظل عالي يرفرف دوم علماك
وثورتك قائمه يالطاهره اماك
للمحشر وحگ حزام ظهرك
متت يحسين بس مامات ذكرك
*******
كل اهل البصيره عدها معلوم
السيوف الماتت وحيات الدموم
حي نشوفك وما متت هاليوم
عز يجري وكرامه باقي نهرك
متت يحسين بس مامات ذكرك
*******
باقي منهجك واضح بيانه
عد كل الخلگ انسه اوجانه
العافك سيدي ايتيه امانه
وميشوف النجاة العايف امرك
متت يحسين بس مامات ذكرك
*******
ميشوف النجاة بيوم الحساب
العاف محبتك يابن ابو تراب
يحير ابامره بين الناس مرتاب
ومايلگاك لو رايد يدورك
متت يحسين بس مامات ذكرك
*******
كلمن تيهك بالدنيه يحسين
مايلگاك وين يدورك وين
يظل يمنه ويسار يدورها العين
بلكي يشوفك هناك ويمرك
متت يحسين بس مامات ذكرك
*******
كلمن اسمه عندك ماتكتبه
شلون يشوفك اعماله تحجبه
النكركم سيدي ماظن تحسبه
مواليكم ولا يدخل بسورك
متت يحسين بس مامات ذكرك
*******
خادم اهل البيت / ابومحمد العاشور (07810010732)
هل عاشور وهلاله يبجيني
خويه الكربله لا لاتوديني
*******
خويه كربله ماريد امر بيها
روحي تلوج لمن يمر طاريها
وادري لليسر يحسين تاليها
عليك المصطفى بداري تخليني
هل عاشور وهلاله يبجيني
*******
اظل بالدار خلني يابعد روحي
طاري كربله ايهيج الي جروحي
بعدكم ما ابطل ونتي ونوحي
واشاهد شبو النار بصواويني
هل عاشور وهلاله يبجيني
*******
تدري بكربله ياشهم تجرحني
وبعدك والكفيل العده تشتمني
ودمعاتي حمر اجريها من جفني
ونار فراكم بالگلب تݘويني
هل عاشور وهلاله يبجيني
*******
منى اسمع عزيزي هاي الحجايه
اخافن لورحت شاطئ المسنايه
اشوفن طايح هناك ابو الرايه
يمها ومن اندهه ما يحاجيني
هل عاشور وهلاله يبجيني
*******
يبن امي الزجيه تدري يالوالي
من اوصل كربله تتغير احوالي
جم غالي اعوفن بيها جم غالي
مگطع بالسيوف وتنظره عيني
هل عاشور وهلاله يبجيني
*******
اذا ربك مقدر للطفوف امشي
امر ربي اطيعه واقبل بلكشي
وانه عفه وخدر يبن النبي عرشي
وكمل ثورتك يابطل تدريني
هل عاشور وهلاله يبجيني
*******
خادم اهل البيت / ابومحمد العاشور (07810010732)
▪️راية حداده▪️
نعي
حدي
او الجفيري
نشرت قميصه فاطمه
احمر وراوي بالدمه
صدر وضلعها لاطمه
راية حداده ناشره
———
تعلن عزيه للحسين
ولاخوانه وإلباقي البنين
بالدمعه والهم والونين
راية حداده ناشره
———
ياشيعه من هل الشهر
دموع الزچيه كالنهر
صاحت يمحزوز النحر
رايه حداده ناشره
——-
تعلن عزيه بالسمه
واعليه صدرها لاطمه
ادموع الملايك ساچمه
راية حداده ناشره
———-
وين اليساعدني تقول
بالونه والدمعه الهمول
اشفعله وامراده ينول
راية حداده ناشره
———
لا فاتحه ولا شيعوه
ولا چفنوه اولا ادفنوه
ابحر الشمس عاري اطرحوه
راية حداده ناشره
———
وين اليرويله ضماه
وايون على وني معاه
ناصب عزيه والنعاه
راية حداده ناشره
———-
بنت الشمري
٢٠٢٤
تمنيت المنيه گبل الوداع
..................................... ََ........
أريد اشبع وداع وشوف منهم
واحط راسي اعله صدر الفركتهم
أريد أغفى العمر كله بحضنهم
السفينة أشلون تمشي بلاية الشراع
.................................. َ.............
السارو بالضعن وابعدوا عني
وأنه غير المصايب ما لفني
بعدهم صار والله النوح فني
على البيبان أعاين كل عمر ضاع
.........................................
اعاين عالدرب مشدوهة البال
ودمع العين فوك أخدودي همال
بنيران الهجر مني الحمل مال
مثل شمعة أحترك واتجوه عالكاع
...........................................
شاغت روحي ويلي من الفراك
أحن ليليه ليكم يهلي وأشتاك
من عندي العمر ليليه ينباك
أمن أكلب بالصور ياخوتي كلساع
..............................................
أعاين عالدرب وادموعي بالعين
لا طارش يمرني ولا نساوين
أصيح بصوت بويه الحكني يحسين
عليلتكم بقت من غير فزاع
...............................................
خادم خدمة الحسين
الشاعر
محمد الموالي
قصيدة بكل حروف الهجاء من الالف للياء (هجائية الاحزان) كل نص يختص بشهيد من شهداء الطف
تبكي لكَ السماء بأحرفِ الهجاء
حسرة ودموع بكل حرف من الألف للياء
------------------------------------------------
الالف اهات والم اعــله الوجوه اتنظرة
البــاء بين بالــكَلب وبعيني بانت عبرة
التاء تبقى وتنذكر وتاذينا تبقى العشرة
الثاء ثائر ثورتــك ثبـتت ثكَل العترة
يا ذابِــــلَ الشـِـــــــفاه وزينبً تراه
كل چلمة دمعة تنذرف من الالف للياء
------------------------------------------------
الجيم جربة والجرف جفـفن جاري عيونة
الــحاء حدب وانحنة حكَة لحامي ظعونة
الخاء خليــتة وخيم خي خلفك ايتانونة
الــدال دارت دنيتة ودار العدو من دونة
عــباسُ انتَ ايـن استوحدوا الحُسين
نايم يوسفة اعله الجرف من الالف للياء
------------------------------------------------
الــذال ذبحة بيا ذنب بالذبح ذابل واصفر
الـراء روحة ما روت راد الــشرب مايكَدر
الزاي زحمة اتزاحمت وزادت ازلام العسكر
السين سار وما سلم وسفة بسيوف اطبر
للحتفِ قد مـضى الاكبرُ قضى
امطبر وابــد مايــنعرف من الالف للياء
------------------------------------------------
الشين شاب وشمعتة شبت وشاب الشافة
الصاد صـابر ياصبر صارن صحاري شفافة
الضاد ضاعت ضحكتة الضّمةَ مضيع اوصافة
الطاء طايح منـطبر طب للطف وماخافة
لم تُثنهِ الحشود بنفــــسهِ يجود
حتى العدو بي يعـترف مــن الالف للـياء
------------------------------------------------
الظاء ظل ابلا ظنة ابظربتة اتظعظع حَيلة
العين عاين عالطفل عينة بعتب تشكيلة
الغين غافي وانغدر غفلة وغـدة يناغيلة
الفــاء فرفرح مافرح فز ابفـزع يبچيلة
سهمُ القضى رماه مُحتَضناً اباه
چـتالة كَلبة ما يرف من الالف للـياء
------------------------------------------------
القاف قاتل وانقـتل قربان قربى اتقــدم
الكاف كلها اتكاتـفت كربلة انكتبت بالدم
الــــلام لــلَّه وللنــبي وللدين لازم نلتم
الميم موقف مُنتصر موقفهم وما ينضم
انصــــــارُك الآبــــــاة بِموتِنا الحياة
لجلك فلا يغمض طرف مــــن الالف للياء
------------------------------------------------
النون نيران ونـسه ونوح اوّنيـن ومدمع
الهـاء هودج عالهزل هاي الهضيمة التفجع
الواو وين الواعدچ وحدچ ولاهو اليسمع
الــياء ياهو ايركبچ يــم اليـتامة ويفـزع
نّادِيْ على النيِاقْ يا أخوَتيِ الفِرَاق
اعذركم وادري الظرف مـن الالف للياء
*
أسالكم الدعاء رائد الاسدي
في ذكرى استشهاد الامام محمد الجواد عليه السلام
ثوب السواد ،، راية حداد
وصوت العباد ،، آه يالجواد
***
صام وعلى السم من فطر بالله استغاث
بجسمه انتشر وانفاسه للنار انبعاث
گطّع حشاشت جوفه بايّامه الثلاث
محبوس وصوت اونينه مو لاگي اكتراث
گلب الرشاد ،، بونينه زاد
وصوت العباد ،، آه يالجواد
***
مات الإمام ومقتله هزّ البقاع
وصوت النحيب لشيعته دون انقطاع
يم راسه ظلّ الهادي قدرِ المُستطاع
بس جهّزه وشاله ، انحنى وصاح الوداع
صار احتشاد ،، بذيچ البلاد
وصوت العباد ،، آه يالجواد
***
امن المشرق وللمغرب احتلّ الظلام
لمّن على اچتوف ارتفع نعش الإمام
امصابه جعل ونّ الگلب كلّ الكلام
وغير البچى ما تعرف اعيون الأنام
حزن الفؤاد ،، هالليله ساد
وصوت العباد ،، آه يالجواد
***
بالكاظميه ارتفعت اصوات الرثاء
وبانت على اخدود المله دمعة بُكاء
وصار اعلى گبر ابن الرضا موكب عزاء
ونزلت تواسي الهادي سكّان السماء
وحتى الجماد ،، لحزنه امتداد
وصوت العباد ،، آه يالجواد
***
مات الإمام التاسع بعمر الشباب
ولمصابه گلب ابنه الإمام الهادي ذاب
ظل اعلى روحه يقرا آيات الكتاب
واجر الصبر ظل يحتسب خير احتساب
وگت الشِداد ،، عالهادي عاد
وصوت العباد ،، آه يالجواد
***
سيرة الامام امن الولاده وللمماة
من تنذكر تتعجب بقُصرِ الحياة
بس اعلى حضرة مرقده صار التفات
من تگصده تنحل جميع المعضلات
صار انشداد ،، لباب المُراد
وصوت العباد ،، آه يالجواد
***
خادم العترة الطاهرة
قاسم المطوع
1443
قصيدة في استشهاد الامام الجواد ع
يبن الرضا جرحك ايهيّج اجروح
حزة نحر چنه وايحز على الروح
كاسر ظهري نصّين
آنا ام حسن وحسين
*
أمك يبعد امك أنا ..
حاچيني يصبي عيني
اسم الله اعلى طولك هوّنت ..
اعليّه كسر ضلعيني
يالفرگتك حنيَة ظهر ..
يالشوفتك تحييني
ابدالك يريته السم إلي ..
ولا بيك ايزيد اونيني
مثل الحسن جرحك اتكرر اليوم
متگطعه چبدك اتنگط اسموم
جيتك يا ضوى العين
آنا ام حسن وحسين
*
اللهُ أكبر يالولد ..
جيت اعلى حرْگة خوفي
وروّع امصابك هالگلب ..
وگطّع حشاشة جوفي
شفتك ومصرع بو علي ..
اتجسد كأنه بشوفي
واگف على جمر الهضم ..
ويمك حرت بوْگوفي
صح ذوّب السم يبو الهادي چبدك
بس مـ احرتگ بالشمس مثله جلدك
صرت اصفج بالايدين
آنا ام حسن وحسين
*
بالسم تلوج وبالعطش ..
مُقعَد ثلاثه وحاير
ودارك خلي وام الفضل ..
اتصد عنّك النواظر
ياهي عظيمه امصيبتك ..
تشبه ذبيح العاشر
صح ضاميّ وصدرك جمر ..
بس مـ انطحن بالحافر
بو اليمه خيل اعوجيه فوگ صدره
وشفت الشمر من يحز گوّه نحره
تچوي بصدري نارين
آنا ام حسن وحسين
*
يبني الجواد وهالگلب ..
ضم جرحك اويا اجراحه
راحه يعگلي ما شفت ..
بعدك يكل الراحه
خيّم علي ليل الحزن ..
وهجرك عصف برْياحه
يالمرمي من فوگ السطح ..
دمعاتي لك لوّاحه
حيل ابچي مو لايگه اعليّه فرحه
واجروحي گد السمه اهوايه ذبحه
لايگ بيّه لونين
آنا ام حسن وحسين
***
خادم العترة الطاهرة
قاسم المطوع
١١ / ١٤٣٩ هـ
يا باب الحاجه اتلگانه
جبنه هموم الدنيا ويانه
****
جيناك يمعدل الحچي يا مدت الايد
ها يلجواد بحضرتك تدرينه شنريد
بداعت الكاظم سيدي يبن الاجاويد
كلمن يگلك حاجته تگضيهه وتزيد
ما يبقى بالحضره الخوف
تحل المشاكل معروف
شفنه الضريح وشنشوف
غير انتم رحمة دنيانه
جبنه هموم الدنيا ويانه
***
معروف يا ابن الرضا يا باب الاجواد
لوما عطركم سيدي ما تسوى بغداد
انتم مصابيح السمى وبالگاع الاوتاد
انتم سكنكم بالگلب ما صرتو ابعاد
ها يا ملاذ وبيبان
يا نعمه من الرحمن
كلمن گصدكم تعبان
تتلگونه ابشر خلصانه
جبنه هموم الدنيا ويانه
****
يم بابكم تگضي الشدد وتهود العين
ديوانكم مثل الحسن حيا المجبلين
ما تبطي يم باب الصحن لا شنهي بعدين
كل الحوائج تنگضي يم الجوادين
يهل الكرم للزوار
ما يبقى واحد محتار
ها يلتبردون النار
صرتو لكل عاجز عوانه
جبنه هموم الدنيا ويانه
***
لومرض تصعب علّته وميفيده دكتور
بس أگصد بدمعه وتطب للكاظم تزور
هو الجواد ايعالجك بالرحمه والنور
يلرايح بهمك وعد من ترد مجبور
كشفيته دمعه اعله حسين
مثل الزكاه دمع العين
بالمجلس اتوفي الدين
ندري حسين ولا ينسانه
جبنه هموم الدنيا ويانه
****
هلدنيا تولينه ونجي يم اطهر الناس
يگضون كل شده التمر يا رفعة الراس
اليگصد عليهم لو رجع متروس نوماس
بس حلف العتره بنظر وچفوف عباس
ما تبطي تاخذهه وياك
والحاجه بچفوفك هاك
وياك يلشيعي وياك
رايح للما سد بيبانه
جبنه هموم الدنيا ويانه
كلمات الخادم / رعد الفريجي
وحده مات ابن الرضا وحل الظلام
صايم وبلسم فطر تاسع أمام
*
يا مصيبة چبدك وچبد الحسن
ويلي يلمسموم شمسوي الزمن
العاشت بخيرك وچنت الها الوطن
سَمًتك بس هيه من اصل اللئام
صايم وبلسم فطر تاسع أمام
**
فوگ سطح الدار يا نوم العليل
والشمس توصله چن طبت دخيل
يا جواد الدنيا وياكم تميل
وفتحت الذرعان لاولاد الحرام
صايم وبلسم فطر تاسع أمام
*
هم ثلث تيام محد غسلاه
مثل جده حسين لكن ويلي آه
تحت حافر خيل ما طحنو گفاه
ولا رماح الكسرن حتى العظام
صايم وبلسم فطر تاسع أمام
****
يا مصايبكم عظيمه وراتبه
بين مسموم وذبيح النايبه
يا صريع دموع تلهب ساكبه
يا عزاء ارواحنه لذيچ الخيام
صايم وبلسم فطر تاسع أمام
****
آه من هلدنيا من ضيم الدهر
تظلم الاشراف والعدهم أثر
فتنه قلة زادهه وطول السفر
شما حچينه يضيع وياهه الكلام
صايم وبلسم فطر تاسع أمام
****
ويلي دليني الظلام بعيني صار
من خبر موت الجواد بگلبي نار
ها يمن گبرك صبح قبله ومزار
قاضي حاجات البشر يبن الكرام
صايم وبلسم فطر تاسع أمام
كلمات الخادم / رعد الفريجي
نعي عن الام ،،،
الدنيا من بعدچ ولا بيها امان
يمه ادور بالبشر مات الحنان
يمه چا وينچ سكنتي بيا مكان
الحظنچ اشتاگيت ولچلماتچ
حتى بيتچ ماله روح بدونچ
أه يا يمه الامان عيونچ
وين ما مش وادم يشبهونچ
يلمشيتي وعفتي عله
والله موتچ مو محله
خله فرگة امي خله
ياهو يتلگاني يمه
وينه چفچ خل اشمه
ندمه موتچ والله ندمه
يلعشتي متعوبه وحزينه
وينچ على فراگچ بچينه
صار المسى وطبينه للدار
وما شفنه طولچ يلحنينه
كون التموت أمه يتوفه
شله بحياته وبيش يدفه
الجاسه المرض ويريد يشفه
يغفه بحظنهه بلحظه يرتاح
يطيب العليل بلمسه منهه
التعبت وربت دنيا چنهه
امي انحنت من كثرة الضيم
مطرت محنه بشحة الغيم
تالي التراب يغطي اديهه
ها يلگبر شمسوي بيهه
الربتني ماتت لا يدفان
بهيده الرمل هيله عليهه
خليني ارش بدموعي التراب
خليني هذا الجرح ما طاب
بالدنيا كل العشگ چذاب
بس امي عشگتنه وهوتنه
امي وبعدهه الدنيا متفيد
هسه انه باقي بدنيتي وحيد
ما اريد اعيشن والله ما اريد
اه يا الحنينه اليتمتنه
كلمات / رعد الفريجي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
إلى السيدي ومولاي الامام الجواد وقصيدة ( اثر حافر )
بصدرك أحــس عـــاشر
وبي باقـــي اثـــر حافـر
ونـــار العطش تسعر لظى
يـــا سيـــدي يبن الرضــا
بـــي باقـــي اثــــر حافـر
۩ ۩ ۩ ۩ ۩
يــاهــو المــات منكـم لـو دنــه حتفـه
على أفــراش المنيه عــن رغــم انفـه
لــو سم لـــو قتـــل وأعــداءه تتشفه
ودمكم بعده يجري وما گطــع نــزفه
نــفس الحقــد بعـده
هـــذا الـــزمــــن رده
چــي احنــه الكــم رافضه
يــا سيــدي يبن الــرضـــا
۩ ۩ ۩ ۩ ۩
يتاسع نــور بيــن بـالسمــه أهـــلالــه
وحقـــد المعتصــم بــالســـم تعنـالــه
الحقد موروث ضــد المصطفى والــه
متت مسموم غريب امفارگ أعيالــه
وحدك عشــت غربــه
يـــا سيـــدي صعبــه
هذا الحكــم بيـه القضـا
يــا سيــدي يبن الــرضا
۩ ۩ ۩ ۩
عشت عاشـر محــرم سيــدي بصـبرك
ســم المعتصم خيـل وسحگ صــدرك
يمن لحسين نــوح ودمعـه كــل عمرك
ومثله مـن العطش هم استعر جمـرك
وأتحمــلت وحــــدك
سم وعطـــش چبدك
وفوگ السطح بس الفضا
يـــا سيـــدي يبن الرضــا
۩ ۩ ۩ ۩ ۩
مثــل حسيــن بالحـــر منصهر خــدك
وعشت اشلون ظل أعلى الترب جدك
لچن فــوگ الرمح كل راس ما عندك
مثـــل حســـين چـــان أمنيتـك أودك
تتمنـــه يالــــوالـــي
مثله برمـــح عالــي
وجسمك خيول ترضرضه
يـــا سيدي يبـــن الـــرضا
۩ ۩ ۩ ۩ ۩
يمن واسيت ابو اليمـه وعشـت الآم
وظل أبــلا دفــن جسمـك ثلث تيـام
لچن مــولاي مـــا مسبيه الك أيتــام
سبي عمتــك أحســه بالدليل أسهـام
ادري سبـــي الحــره
بلگبــك اثـــر جمــره
صواب السبي بگلبك مضى
يـــا سيـــدي يبن الرضــا
۩ ۩ ۩ ۩ ۩
تظـل جمــرة مصابـك تستعــر بينــه
لحد مـــا يظهـــر المــوعــود مهدينه
نحيـي أمصابك ابـدمعتنـه تــدرينــه
وسفينة نـــوح گبــرك يبقـى يحمينه
گبـــرك يظــل كعبــه
بيّه تخلــص الكربـــه
واليطلب انته تعوضه
يـا سيدي يبن الرضا
۩ ۩ ۩ ۩ ۩
الشاعر
موسى البديري
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
بالحياة وبالمماة انت مولاي النجاة
ياحسيناه ياحسيناه
*******
محبتك يابوعلي بيها نجاتي
بدنيتي سوري تظل انت ومماتي
ديني بيك اعرفته يالغالي وصلاتي
سيدي يبن الاباة بالحياة وبالمماة
ياحسيناه ياحسيناه
*******
نقسم بخالقنه الله الصمد
بغيرك الدنيه فلا تسوى ابد
صرت يابو اليمه للدين العمد
يااسير الكربات بالحياة وبالمماة
ياحسيناه ياحسيناه
*******
انت آيه للفداء بكربله
تشهد بهايه الك كل المله
يمن ضحه بروحه وانصاره وهله
والنساء ميسرات بالحياة وبالمماة
ياحسيناه ياحسيناه
*******
مانعوفك لا وحگ الذاريات
گلوبنه بحبك تراها هايمات
مثل عابس صرنه يبن الطاهرات
نمشي عالموت بثبات بالحياة وبالمماة
ياحسيناه ياحسيناه
*******
رحمة الله الواسعه يابوعلي
بحبك الوالاك عالي يعتلي
للحشر وياك نبقى يالولي
ياطريقا للهداة بالحياة وبالمماة
ياحسيناه ياحسيناه
*******
نعرف بدربك هو الحق المبين
نهتف باسمك نظل طول السنين
تبقى صرختنه تدوي ياحسين
يا امير التضحيات بالحياة وبالمماة
ياحسيناه ياحسيناه
*******
خادم اهل البيت / ابومحمد العاشور (07810010732)
انا مهديكم ينور عيوني
ياجموع المؤمنه عينوني
والدي راح بعجل وحدي خلاني ورحل
ياجموع المؤمنه عينوني
*******
انا مهديكم وابن خير الورى
الوالد الليله مشى عني ترى
بعده روحي اعلي تبقه محيره
مصابه مثل الجمر وبگلبي سرى
روحي لجله معلعله ودم دمعتي هامله
وهمي صاير كالجبل والدي راح بعجل
*******
الوالدي هالروح كل لحظه تحن
الليله ياعالم اخلصها اون
ودمعي ينزل كالدمه من الجفن
وعيني ماتغمض اذا ليلي يجن
مساهر ابقى للفجر اگضي بالآه العمر
اقسم بجدي الفحل والدي راح بعجل
*******
صعب هالموقف ترى كلش صعب
البيده نزل والده حدر الترب
تبقى حد الموت دمعاته تصب
هاذي حاله ينمرد منها الگلب
وانا هاذي حالتي بيدي دافن مهجتي
حگه لو دمعي همل والدي راح بعجل
*******
والدي هالليله انصبوله عزاء
وبمجالسكم اجي يهل الولاء
احضر قرايه وشارك بالبكاء
والامان الكم اجيبه من السماء
من حضر للتعزيه امن من الهاويه
الجنه تصبحله محل والدي راح بعجل
*******
الجنه تصبحله محل بذن الخلقنه
هناك تشفعله الطهر فاطمه امنه
بيضه تصبح صفحته الذنبه مسحنه
ايحصل اعلل غانمه ساعه حشرنه
هناك شانه يرتفع المانكر ام الضلع
بحبها ينقاس العمل والدي راح بعجل
*******
انا ابن العسكري وابن الحجج
بكل فرض ادعولي انتو بالفرج
بجاه جدي الذي للسبعه عرج
حتى ارجع واقضي عالناس الهمج
ومايظل طاغي وظلم ارجع الاهله الحكم
احققلكم كل امل والدي راح بعجل
*******
خادم اهل البيت / ابومحمد العاشور (07810010732)
ام عون لوشافت هلال الاحزان
تبـݘـي دمه وتصرخ يخويه العطشان
هد حيلي خويه مصابك من ادماك صار خضابك
تبـݘـي دمه وتصرخ يخويه العطشان
*******
ام عون لوشافت هلالك عاشور
تغلي الاحزان بروحها تبقى تفور
مصايب الطف اگبالها تظل ادور
وتلطم صدرها وراسها بليه شعور
حگها ام الاحزان تنوح موجرح بالروح جروح
تبـݘـي دمه وتصرخ يخويه العطشان
*******
ايا محرم تدري بيك الحره
لمن تهل تجري العقيله العبره
تذكر اخوتها الطاحوا اعله الغبره
وخيمها ظلن بالطفوف مؤجره
وين الوجه تنطي وين وعباس راحوا وحسين
تبـݘـي دمه وتصرخ يخويه العطشان
*******
روح العقيله من تهل اعليها
ياشهر يبقى الحزن ينهش بيها
ودمعاتها فوگ الوجن تجريها
عالشافته بطف كربله بعينيها
بالطف مصايب شافت اخت الاقمار وناحت
تبـݘـي دمه وتصرخ يخويه العطشان
*******
وعاشور بيك ام المصايب تنعه
ويلي على حسين واخوته وربعه
الظلوا على التربان كلهم صرعى
واسوها يحباب الصميده بدمعه
انصبوا مجالس لحسين واصحابه وراعي الݘـفين
تبـݘـي دمه وتصرخ يخويه العطشان
*******
وياشهر تذكر بيك يوم العاشر
دور الرحى الجيش اعله اخيها داير
باقي وحيد بلا معين وناصر
وكالجمر دلال العقيله صاير
شيطفي نار الدلال وحسين اخوها بهل الحال
تبـݘـي دمه وتصرخ يخويه العطشان
*******
شحالك يقائم ال بيت المختار
وانت تشاهد يالوعد كل الصار
انهض يبو الثارات سل البتار
وبطيبه نادي سيدي الثار الثار
وعالعده اعلن صولاتك ونشف دمع عماتك
تبـݘـي دمه وتصرخ يخويه العطشان
*******
خادم اهل البيت / ابومحمد العاشور
حسين هل عاشوره وحزنت المعموره
*******
هل محرم يالاحباب هالليله بالسمه
وكل الاكوان والاملاك حزينه مألمه
تبݘي وتنوح تنادي عزيزݘ فاطمه
گطعته سيوف بالطفوف تخضب بالدمه
وهامته مطبوره حسين هل عاشوره
*******
گطعته سيوف تؤذر براضي كربله
وداسته خيول يويلاه بن خير المله
وظلت تنوح على الصار بت عقد الوله
تصرخ بصوت يمظلوم اوياها العايله
وروحها مجموره حسين هل عاشوره
*******
تصرخ بصوت يلحسين بقيت محيره
بعدك الگوم يريدون اروح ميسره
ومرمي اعوفك بالطفوف وسبع الگنطره
تقبل بهاي يصنديد يبن خير الورى
من الجرى مقهوره حسين هل عاشوره
*******
تقبل بهاي اطبن دواوين الكفر
وتدري انت علي هاي احر من الجمر
وبالدواوين يسبون ابونه والطهر
وانه زينب عليه يصعب هالامر
بعفتي مشهوره حسين هل عاشوره
*******
هلال الاحزان اذا هل يعالم عالمحب
يخلي الاهات علامات ودمعاته تصب
ونار المصاب على الصار بمحرم تشب
وتبقى للدوم تݘويه بروحه والگلب
للاجل مسعوره حسين هل عاشوره
*******
ابن الاطهار ابو الثار ݘايمته يجي
يرفع السيف بالݘفوف على كل معتدي
وبيده الحقوق يردها كلها بن النبي
ويملي الكون عداله حجة الله القوي
ورايته منصوره حسين هل عاشوره
*******
خادم اهل البيت / ابومحمد العاشور (07810010732)
كوريز
لليوم الاول من محرم
قال العلاّمة الشيخ محمد السماوي رحمه الله تعالى : أخبرني الشيخ الفاضل التقيّ الشيخ محمد رضا النجفي الغراوي ، قال : اتّفق لي سنة 1353 أني نظمت موشّحة في نصف شعبان في تهنئة بولادة الحسين(عليه السلام) في أول شعبان من تلك السنة لنذر كان عليَّ
وابتدأت بذكر الولادة المباركة ، فرأيت في المنام السيّدة الزهراء صلوات الله عليها ، وأمامها طفل صغير عليه ثياب سود ، فقالت لي : لا تمدح ابني في تهنئة الميلاد ولكن ارثه وقل :
بأبي المقتولَ غمّاً بالظما ماله ريٌّ سوى فيض الدِّما
منعوا قُرَّةَ عيني وِرْدَه عجباً مَهْرِي عليه حُرِّما
———
الزهراء عليها السلام في يوم مولده ترثيه فكيف حالها حين يقبل محرم وترى بعينيها مصائب ولدها عليه السلام
راوي ييمه ابفيض إلدموم
مهري الفرات ومنّه محروم
اعليك الدمع من دمي مسچوم
وقلبي بمصابك يمه ملچوم
لادمع الأهله وبيه اروّيك
يشلع دليلي يمه طاريك
ريت المصايب بيّه مو بيك
ليّه الذبح والعطش مو ليك
محروم يمه لذة الماي
اشرب يغالي ادموع عيناي
ريت الدمع يحسين روّاي
لاجريه كل عمري ولا امل
—————
بنت الشمري
٢٠٢٤/٥/٢٨
يا أمي يا زهراء // أرغمني هذا البلاء
مودعا دنياي مودعا دنياي
يا أمي يا زهراء
/////////////////////////
أودع الدنيا بالحسرات على ديني
جرح ينزف جرح يكطع شرايني
وانة بكلبي رمح شامت يلاويني
اشوف اهلي تزف دمها لجل عيني
تنادي بصوت الأيمان // مذبوح بغبرة القرأن
مقطع الجسم اشلاء // أرغمني هذا البلاء
يا أمي يا زهراء
/////////////////////////
ما همني الذبح يا يمة واناديهم
على تراب العشك نايم واحاجيهم
إنه ابن المصطفى الهادي واراويهم
غدا بالمحشر منوالحادي اليجازيهم
بأجر موقعكم بالنار // الحاكم جدي المختار
صبرا على الأرزاء // أرغمني هذا البلاء
يا أمي يا زهراء
/////////////////////////
صفت حومة طفوفي اليوم مهمومة
وكع حامل لوائي أو أمتي مظلومة
طفل يتلكا السهم ودمومة بهدومة
شبيه المصطفى الاكبر ودع الحومة
يزئر كالليث الغضبان // يهدي دمه للمنان
رافعا صوتا للسماء // أرغمني هذا البلاء
يا أمي يا زهراء
////////////////////////
رسمنة الشوك بجفون الصبر وجدان
عزمنا أعلا المضي بهذا الدرب احسان
لجل حب المرتضى ودرب العلي الحنان
وتطيح اركاب فوك اركاب للقرأن
أمت أمت يامنصور // يبقى شعار الدهور
هذا شعار الوفاء // ارغمني هذا البلاء
يا أمي يا زهراء
/////////////////////////
رست بينة النوايب تحمل الأهات
او عبد الله ييمة امغسل ابدمعات
رسم سهم النحر منه حمل لوعات
العطش ذبل جبدتة وفرفح ومات
وقلوب الكفر تنادي // قتلا يا اولاد الهادي
شعارهم هذا الجفاء // أرغمني هذا البلاء
يا أمي يا زهراء
/////////////////////////
الخادم ابو علاء العزاوي
استشهاد الامام الجواد عليه السلام
🏴🏴
مسموم مولاي الجواد
مسموم مولاي الجواد
🏴🏴
من بني العباس شفنه اشچم مصاب .
والاشد هالفاجعه مصاب الشباب .
الجواد الحمل اشكال العذاب .
ويلاه ياباب المراد
مسموم مولاي الجواد
🏴🏴
طفّوا سراجك يمشكات العلوم
بالغدر ساجوك چاسات السموم
العين لجلك ريت مدمعها دموم
ننشرلك اعلام السواد
مسموم مولاي الجواد
🏴🏴
ياشمس مايخفی ضيك للعيان
ذكرك الخالد منار بكل زمان
ياملاذ وحصن للخايف وامان
والهدايه والرّشاد
مسموم مولاي الجواد
🏴🏴
البغي يتصور يدنّس العفاف
دوم طبع الباطل امن الحق يخاف
كعبه گبرك للفضيله اعليه يُطاف
تلوذ بحماك العباد
مسموم مولاي الجواد
🏴🏴
يامناراً للعلم والتضحيات
باب رحمه وبحر جود ومكرمات
من ضريحك ينبلج فجر الحياة
وتزهر السبعه الشداد
مسموم مولاي الجواد
🏴🏴
عظم الله اجورنا واجوركم
ام محمد الحجاج
الى فراق للاحبة
خلتني محتار
ياوحشة الدار
وليل الصبح صار ياوحشة الدار
★★★★★
كل يوم ماخذلي محب
وياي بسك يادرب
يلماخذ احبابي غصب
وارماد سويت الگلب
اليادار اتعنه واطب
اذكرهم ودمعي يصب
بنص الگلب نار ياوحشة الدار
★★★★★
أشدلَّاك ياموت وصرت
يم داري واگف تلتفت
أحبابي بيهم غربت
لوغيرهم محد شفت
اعزاز عندي ماگلت
من جيتني وبيهم رحت
من كل الاكتار ياوحشة الدار
★★★★★
كل يوم هادملي ركن
ياموت مابيه حزن
يصير العمر كله اون
بالغربه گلبي ممتحن
كاسرني كسرات الغصن
يكتلني شوگي من أحن
مامنهم أخبار ياوحشة الدار
★★★★★
ياوكت دلالي انكسر
فارگ گمر بعد الگمر
شخلت ابدلالي الصور
جرح بجرح ميت اثر
الشجره اشنفعها ابلاثمر
وبلاضوه شنفع النظر
بس ذكره واثار ياوحشة الدار
الشاعر حسن لعيبي الحريشاوي
( شباب اليمه) استشهاد الامام الجواد ع
……………………………………………………………
اهل الظلم . شدوا عزم
ابموت الولي . صدرو حكم
من شمع فاطم يطفون • سمّوا شباب اليمه
……………………………………………………………
مـثل السـقيفه المعتصم سواها
وي بت اخوه ام الفضل عقداها
ابيت الـولي نار الحـقد شعلاها
عاده و سِمه •• شُرب الدمه
لضنوة علي •• و لفاطمه
بين السبي و المذبوح • والشرب منهم سمّه
……………………………………………………….……
مثل الحسن وبيومه يشبه جده
و ام الفضل بالغدر تـشبه جعده
بالسم نحل حيله و تگطّع چبده
سمهم قوي •• جمر وچوي
من الألم •• ظل ملتوي
و الدنيا من كثر الاه • بعيونه صارت ظلمه
……………………………………………………………
صعب اليموت بغربه مـو يم ناسه
مو حضن اخو فوگ الترايب راسه
هاللحظه سـيف و تذبح بأحساسه
وكت الاجل •• دمعه انهمل
يربي النظر •• مامش اهل
يريد اليشيعونه اخوان • ويهوّس ابنيّ عمه
……………………………………………………………
عشـرين و شويه الجـواد اسنينه
من زغزه ضيم وقهر شافت عينه
لا ليله نشفت دمعته اعل حسينه
يذكر خدر •• ناگة يسر
سوط ومتن •• خيمه وجمر
و يگلها كـون الـبسوط • متني ابدالج عمه
……………………………………………………………
يكول الخبر ايام ظل عل غبره
لاچفن لا مـاي الغسل لا سدره
مـثل التوزّع بالـحوافر صـدره
بس مو ذبح •• راس ابرمح
الف وتسع •• مية جرح
وماله رضيع وعطشان • بچفوفه ناثر دمه
……………………………………………………………
اسـمه الجـواد و يـكرم بـوفاده
معزّب و ماخذ شمره من اجداد
كلمن يطب للحضره جاب مراده
ميرد ابد •• كلمن گصد
ينطي شكثر •• وبلا عدد
ويشفه المريض من الاه • لمن ضريحه يلزمه
………………………………………………………….
✍️ ( سيد خضر الزاملي )
نعي لأستشهاد الامام الجواد عليه السلام
*
فوگ سطح الدار حيره
چانت انفاسه الاخيره
السم وصل چبد الجواد
وغدرو العايش ضميره
اه من غدر القريب شينحمل
يا فضل رديتي مو أم الفضل
يا حليلة زاهد شسويتي
بيدچ شلون الولي سميتي
ظل ثلث تيام محد غسلاه
لا بچه يمه ولا واحد لفاه
هاي تاخذنه لجرج اي والله آه
حسين يا أكبر حزن نكبر وراه
يلجواد حسين عاري اعلى التراب
يلجواد بكربله چان العذاب
هناك حرب نحور وچفوف وحجاب
هناك ما ظل لا طفل لا حتى شاب
باقي خنصر من جسد كامل تطشر
باقي لا ما باقي صار تراب الاكبر
باقي دم يجري اعله خد طفله اتعثر
باقي وشباقي الشمر ليهسه ينحر
فوگ تله الدين يبچي الله و أكبر
سلبو سكنه ورقيه
وينهم اهل الحميه
ربي ما نحمل ألمهه
ربي موت الغاضريه
حرگو اچفوف اليتامى
خلو بزينب علامه
من الضرب صارت قيامه
داسو اضلوع وعمامه
زينب المحد نظرهه
هذا يشتم ذاكه جرهه
ذاك يا عالم سطرهه
أيد بيد وبالحبل صارن آسارى
الطلعن من ديارهن چنهن مناره
العاشن وي حسين والكافل حماهن
تالي يا وسفه أدخلن قصر الاماره
كلمات الخادم / رعد الفريجي
مشتاگ ييمه ،، ييمه ،،، ييمه
،،،،،،،،،،،،،،،،،،،،،،،،،،،
حيل مشتاگ واجيت المگبره
يمه گلبي بفرگتچ شيصبره ؟
البيت من دونچ خنگني بمنظره
يمه بعدچ جنه ؟ لو متغيره ؟
ذاگه وجهچ وينه يمه احچيلي
من شفت گبرچ تهدم حيلي
گعدي احاچيچ
رويحتي شبيچ
مخنوگ ييمه ،، ييمه ،،، ييمه
مشتاگ ييمه ،،، ييمه ،،، ييمه
،،،،،،،،،،،،،،،،،،،،،،،،
يمه اخبرچ وحشه صارت دارچ
يم هلا ومية هلا شخبارچ
زحمه كف رجله وگطع خطارچ
رجعي لتقنعيني موت اعذارچ
هلجبتلچ شيلتچ يمه وعباتچ
گومي ردي وياي من فدوه لحياتچ
مو وكت نوم
گلبي مهضوم
شنساچ ييمه ،،، ييمه ،، ييمه
مشتاگ ييمه ،،، ييمه ،، ييمه
،،،،،،،،،،،،،،،،،،،،،
ما وفيت وعايش انه بدونچ
كون ميت واندفن بعيونج
يمه يم كلب الحنين شلونج
عمت عيني شگد هدلت متونج
چنتي متعوبه وعلى چتافچ انام
مو جتف لا والله بيت الله الحرام
واغفى ساعات
بحظنچ ايات
محروم ييمه ،، ييمه ،، ييمه
مشتاك ييمه ،، ييمه ،، ييمه
،،،،،،،،،،،،،،،،،،،،،
يمه شحچيلچ عذابي وحالي
الشافني يگلي انفجعت بغالي ؟
هيچ واضح موتچ بدلالي
مو هدم لا صعبه اجر خيالي
هالوصلتچ بس نفس ما بيه حيل
ابنچ أويم گبرچ يصيح دخيل
بنفس التراب
هالعمر غاب
ما اعيش ييمه ،، ييمه ،، ييمه
مشتاگ ييمه ،، ييمه ،، ييمه
،،،،،،،،،،،،،،،،،،،،،
گمت اشم بترابچ واشگيلچ
والله حيره بيا دمع أبچيلچ
محد يحس بيه يمه دخيلچ
كلمن بروحه التهى وشحچيلچ
هسه لو مرني المرض واذاني
محد يباريني وابقى متاني
لحظنچ اشتاگ
موت الفراگ
دمعات ييمه ،، ييمه ،، ييمه
مشتاگ ييمه ،، ييمه ،، يمه
،،،،،،،،،،،،،،،،،،،،،،،،،
ردت انام بگبرچ ومنعوني
وانه اصيحن يمهه بس خلوني
الدنيه بعدچ مگبره يعيوني
دفنوني يم بخت السلف دفنوني
محتاج اردن للزغر بس ليله
وارتاح باحضانج واشم الشيله
بس ردت صوت
ما رضى الموت
هيهات ييمه ،،، ييمه ،، ييمه
مشتاگ ييمه ،،، ييمه ،، ييمه
كلمات / رعد الفريجي
تذكر الروايات ان الامام الجواد عليه السلام استشهد اواخر شهر ذو القعدة
وانه واسی جده الامام الحسين عليه السلام . بقيَ ثلاثا علی سطح الدار بلادفن تصهر جسده الشريف حرارة الشمس .
ابو ذيه ونعي
🏴🏴
وين اهل الشيّم عنّه والاجواد
لا ابل التعنتله ولا جواد
علي امنلنجف مايفزع وله جواد
جثته اعلسطح بالكاظميه
🏴🏴
نصاري
ثلثتيام فوگ السطح بالحر
بشمس الگيض جثته الله واكبر
ولا هاشم جريبه وليه تحضر
يشيلون الجواد المات بسّم
محد من هله حاضر ونينه
تمدد للمنيه وغمض عينه
وين اللي يصل لهل المدينه
هاشم بالسده خليهه تعلم
🏴🏴
هضيمه تريد فزعه ترج الحگوگ
فزعة ليل والخيال لاحوگ
فزعة زلم خشنه اتشگ الحلوگ
تجي عنوه لعدوها ومه اتّلثم
🏴🏴
هالولاد ها يسباع يحيود
ابنكم بعده فوگ الدار ممدود
مامنكم فزع للثار هادود
ولا غيض بسمه بغداد غيّم
🏴🏴
لاحول ولا قوة الا بالله العلي العظيم
✍ ام محمد الحجاج
وحگ الصــار لــه اتــرابــه وساده
احب شعر الّــي مـن فطره وساده
بــنت اشــراف معــصومـه وساده
القلــم نــوخ ذلــوله الــها ابـتحـيه
هادي الامغيطي البوغبيش
عیشه ابلایه أهل البیت ملحه
وعلیها مـن تلح ما فــاد ملحه
طعم الـزاد يرجع صوب ملحه
وملح هالدنيه حب آل الزچیه
هادي الامغيطي البوغبيش
وحـگ النبدي كـل موضوع بسمه
جزات الــدمـعه بالــجــنات بسمه
ارضه ابصحرااعيش اوياي بسمه
لچــن کــون ابــ مسیره الحیدریه
هادي الامغيطي البوغبيش
#لهلال_شهر_محرم_الحرام
محرم // هَــل اهـــلال الفجيعة
محرم // لبسوا الأســود يشيعة
و صيحوا ابدمعة سچابه
آ يحسيـــــــن و مصـــابه
محرم محرم
ـــــــــــــــــــــــــــــــــــــــــ
بشهگة و حيـل متعوب
نشرت فــــاطمة الثوب
ثوبه النـــاگع ابدمه
و ابـــدلال موجـــــــوع
لـــطمت فوگ الاضلوع
و حنّت ويلي يا يُمّه
هـذا شهـــر المـــــــا تِغّسَل
هذا شهــــــر المنذبح
فوگه ظلـــت خيـل تركض
يــوم كامــــــل لصُبَح
و أخذت اضلوعه الحوافر
و انوخذ راسه ابرمح
أمامي // ضايع بيهن سهامه
أمامي // باگـوا منّه العمامه
و ما خلـــوهن اثيابه
آ يحسيــن و مصـابه
محرم. محرم
ـــــــــــــــــــــــــــــــــــــــــ
هل و هَلّت اجـــــروح
لأَول لچـــــمة بالروح
دم صَبّـــت عَليلَــتهم
من عافتــــها الاضعون
صاحـــــت يالتسمعون
ما چنّي صــدگ بتهم
مثـــــــل جَدَّتها الزچية
بالكـــــــسر متألمة
شابهتـــــــها بالمُصــيبة
و هم اسمها فاطمة
نامت اعله الباب وگفة
أل عالحضن متعلمة
عليلة // و ادواها أنحــز وريده
عليلة // و اصبع نقصــــت إيده
طگ دلالها اصــــوابه
آ يحسيــن و مصـابه
محرم. محرم
ـــــــــــــــــــــــــــــــــــــــــ
ابرابع ليل مجــــمور
لأُم الأربــــع انــــذور
ما ننـــسه مصيــــبـتها
من رد ضعـــنه بالآه
صرخت وآ حسيناه
و عاشت بينه صرختها
لاگت اجــــروح السبــــاية
بالمدينة ابيـــــــا گلب
گابلــــــت زينـــــــب أظنها
و لطمت ابنص الدرب
و من درت بحسين ضامي
كرهته مـــــاي الشُرب
اصيلة // خــــدّام اختـه وِلِـدْها
اصيلة // و ماتت حسرة بَعَدْها
تنحب ظَلّـــت ابابه
آ يحسين و مصابه
محرم محرم
ـــــــــــــــــــــــــــــــــــــــــ
ابخامس جرح الاحسين
تعـمة لمـســــلم العــــين
فرجة سوَّته الكوفة
و سادســــهن للأنصار
و بالسابع لطـــــم حار
عالعبـاس و چفوفة
ليلة السـابع چبيـــــــرة
منها ابو اليمة أنهدَم
هَوِّسوا شاف ابجــربته
و تَيّه امنيـــن الخيَم
أيده باصفاحه و يعاين
شگوا اگبــــاله العَلَم
شريعة // سال الدم مـــن عبرته
شريعة // عافه ايفـوج ابحسرته
و يم اسكينة ما جابه
آ يحسيـــن و مصـابه
محرم. محرم
ــــــــــــــــــــــــــــــــــــــــــــــــــــــــ
جاســــم عرسه موضوع
حنّة جِبْـــنه و شمـــــوع
و چگليت لصـــوانيه
ساعة زفته چـــــــا ليــش
ابراسه استعرض الجيش
و أخذوا أُمه مسبيه
و يا علي الاكبر شبابه
يحني چم ضلع و ضلع
بالمُخيم عطــره بعده
و بعده صــــوته ينسمع
و اعله عبدلله و نبلته
يبچي كــــــاروك الدمع
بناته // بعاشــــــوراء إلمصيبة
بناته // شافــــــن جثته سليبة
و لطمن حيل لاخضابه
آ يحسيـن و مصــــــابه
محرم. محرم
ـــــــــــــــــــــــــــــــــــــــــ
الحمدلله
#علي_حسين_الكناني
تايهة بين المخيم والـيگلي ياهي هاي
ظالة أبالي چلمتك من تگلي بوية جاي
شما بچيت بالي بالهم ينوجع
لوحچيت حافر وكسرة ضلع
***
يتيمة وردت واحد يرحم بحالي
جثث ظلوا هلي وبعازة الوالي
الوجه يا صوب اديره السوط يبرالي
البقن عن حلفة الله دمعي وأخيالي
حايرة ياصوب أروحن والخيم مشتعلة نار
بعازة أمشابگ محنة من تگلي بوية صار
مالگيت الشوف يفرق عالسمع
لو حچيت حافر وكسرة ضلع
***
احساس اليتم بوية ماتشوفه العين
عشت حيرة أفراگ أبين وين و وين
أرد لعمتي زينب لو اجي لحسين
دخان وشتم والدرب مدري منين
محد يگلي خطية والشتم يآذي الوحيد
نظرة امعاتب بعيني بس احسنك بعيد
صوتي مات الحرة زحمة تندفع
لوحچيت حافر وكسرة ضلع
***
وحگ بيت الدلال وعمتي واهمومي
من اهد مافارگيتك فارگت نومي
لهفتي والعطش باگن من أرسومي
شيخلصه بغيابك بالهضم يومي
صوتي من گلبي طلعته ومحد يدليني بيك
انشد الوادم بحسرة بوية مشتاگة ارد اجيك
من بطيت احترگ مثل الشمع
لوحچيت حافر وكسرة ضلع
***
اليظل وحده عليمن ينتچي و أيگوم
الدلال يموت عطره من يرد مهضوم
شرايك بالگضت ليل ونهار أهموم
فوگ الصار بينا والشماتة أتلوم
الدنيا سودة بعيني صارت والأمل مثل السراب
ضحكة الشامت مصيبة والنحبهم عالتراب
شما بچيت ذاني يلچمها الدمع
لوحچيت حافر وكسرة ضلع
***
اليتيمة التايهة بالغربة وين أتروح
بعد ما اريد أسولف خاف أهيج أجروح
ردت واگف أشوفك ماردت مطروح
الچف البي حبل بالشبگ صعبة أيلوح
أندفنت بدمعي امنياتي من شفت سحگ الخيول
طفلة و أيسحگون أبوها بالوصف مدري شتگول
من أنوليت ضاگت بعيني السبع
لوحچيت حافر وكسرة ضلع
****
خادم خدام الحسين
صدام آل جريو