7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
رد ظهره منكسر ... من حفرت الكبر
ودع علي ... بنت النبي ... بين اللحد وترابه
.......
كوه يمشي اعله الجدم ... رد علي منهه
اعليهه يسجب دمعته ... من مشه عنهه
حار بامره المرتضى ... من سمع ونهه
رد عليهه للكبر .... راد يحضنهه
اتذكر بيده دافنهه ... بالترابه
مدد عالكبر طوله ... يا عاذبه
وزع دمعة اعيونه ... في ثوابه
قصة فاطمه اخذت ... كل شبابه
شيب علي قهر .... رد منحني الظهر
لم الحسن ... شيد وطن .... دمعت حزن سجابه
.......
تخوصر اكبال الكبر ... منكسر ظهره
مثل المضيع وطن ... حاير أبامره
صاح بدموعه التصب ... كومي يازهره
علي بعدج مو علي .... سنينه مطشره
كومي وعايني الحالي ... يالحبيبه
جرحي ابفركتج نازف ... يا طبيبه
هاذي صيحته الجانت ... بالمصيبه
حيدر ذبلت ارسومه ... من نحيبه
كالساعه يلتفت .... يحجي منو ادفنت
وسط الكبر ... دافن عمر ... اغله واعز احبابه
.......
جرحه اكبر كل جرح .... سولفت ناسه
من دفن ام الحسن ... شيب اكل راسه
كُبر ما جنه علي .... حزنه هد ساسه
كَوه صار امن البجي ... ياخذ انفاسه
ما جنه القلع خيبر .... يمشي كَوه
واحد يسأل الثاني .... اعليه منوه
كلشي اتغير بحيدر ... حتى هوه
غابت ضحكته الجانت ... عنده حلوه
متعوبه مشيته .... مذبوحه ضحكته
دافن ورد ... وسط اللحد ... مكتوبه اله بكتابه
......
البيده دافن ضحكته ... تخلص اسنينه
الفرحه متمر خاطره ... ولا تمر عينه
هيج كظاهه علي ... بحزنه واونينه
ناره تسعر بالكلب ... شاهد أحسينه
من يوم المشت عنه ... ام جهاله
ولون السهر ظل ياخذ ....من خياله
ويه ام الحسن ودع ... ما حلاله
ما واحد علي يلومه ... ايبجي حاله
كلشي ابعلي ذبل .... ومتاني للّاجل
الفارك شمس ... بيته يحس .. ما واحد ايدك بابه
......
سلوته بالمكبره ... اليفكد ام بيته
تخلص ايامه قهر ... وتروح عافيته
الزهره جانت عد علي ... هيه غاليته
حقه حيدر يختنك ... كل هوه بريته
اغله امن النفس عنده ... هي جانت
بموتت فاطمه الزهره .... روحه ماتت
ظلمت دنيته بعينه ... وحشه صارت
كل أحلامه وافراحه ... اوياهه راحت
من فارك ام حسن ... بالمكبره سكن
ليل وصبح ... نازف جرح ... حيدر غميج اصوابه
..........
كلمات
موسى الخادم
يا نَـار .. كُونِـي بَـردَاً ثُـمَّ سَلامـاً بالزَّهرَاء
يا نَـار .. فَلَقَد سَالَتْ مِن ضِلعَيها أيُّ دِمَاء
روحُ العَقِيدَة 🩸🩸 ماتَتْ شَهِيدَة
..................................
١/ #فصيح 👇🏼
يـا نـارُ أيُّ مُصِيبـةٍ نَـزَلَـت بِـهـا
تُمسِي وتُصبِحُ تَلتَوي وتَلُوعُ
ماذا جَنَت حتَّىٰ يُلازِمُها الأسَىٰ
ولَـهَـا عيونٌ أُدمِيَت وضُلُوعُ
#شعبي 👇🏼
يا نار و عجب طاوعتي هالظالم
يشب دار الذي بيها الوحي خادم
بسـمـار انـغــرز بضلـوع سـرّ اللّٰــه
صعبة تگوم لن ماظل ضلع سالم
يا نَـار .. أطهـرُ دمٍ صـارَ يسيـلُ بالأرجَاء
يا نَـار .. فَلَقَد سَالَتْ مِن ضِلعَيها أيُّ دِمَاء
روحُ العَقِيدَة 🩸🩸 ماتَتْ شَهِيدَة
..................................
٢/ #فصيح 👇🏼
اللّٰــهُ أيُّ عَظِيـمـةٍ حَلَّت بِـهَـا
شابَ لهَا رأسُ الحَوارِي العِينُ
يا نارُ كيفَ لكوثرٍ أن يَلتضي
و بـعَـذبِـهِ للعاطِشِـيـنَ مَعِينُ
#شعبي 👇🏼
ينار اشلون للكوثـر لهـب يمـتـد
وعلى الباب الملايك تنزل وتصعد
قريش وكل حقدهم ما برد لحظه
و لليوم الحرايب ضد بني احمد
يا نَـار .. ها قَد حَلَّ عصرُ الفتَنِ و الأرزَاء
يا نَـار .. فَلَقَد سَالَتْ مِن ضِلعَيها أيُّ دِمَاء
روحُ العَقِيدَة 🩸🩸 ماتَتْ شَهِيدَة
..................................
٣/ #فصيح 👇🏼
لاذَت وراءَ البابِ زَهرَاءُ السَّمَا
لـٰكـنَّـما طاغِي الزمانِ لَئِـيـمُ
هِيَ رَحمَـةُ اللّٰـهِ و نُـورُ جِنانِـهِ
كيفَ الجِنانُ يَلُوحُهُنَّ جَحِيمُ ؟
#شعبي 👇🏼
جنان الباري يم بابچ صفت تنحب
و بسيـاط العبيــد الزهــره تتعذّب
منهم ماسلم حتى الحسن وحسين
وعن أمها يرد السوط چف زينب
يا نَـار .. كيـفَ عـلـيٌ جُـرَّ بحَبـلٍ للأعـدَاء
يا نَـار .. فَلَقَد سَالَتْ مِن ضِلعَيها أيُّ دِمَاء
روحُ العَقِيدَة 🩸🩸 ماتَتْ شَهِيدَة
..................................
٤/ #فصيح 👇🏼
يا مُحسِناً ها قَد أتاكَ مُسِيئُهُم
مُتحامِلاً بالنَّـارِ والأحقادِ
هِيَ فاطِمٌ فِي الدارِ قَد قالُوا لهُ
قالَ وإن فِيها النَّبيُ الهادِي
#شعبي 👇🏼
لا هـمّـه نبـي ولا ديـن لا محشر
عصرها و منها ضلع الملّه يتكسر
سوره ومن عصرها طاحت الآيات
و مات الخير كلّـه بموتت الكوثر
يا نَـار .. كلُّ مسـاءٍ سِـرُّ دِمـاهـا بالأجوَاء
يا نَـار .. فَلَقَد سَالَتْ مِن ضِلعَيها أيُّ دِمَاء
روحُ العَقِيدَة 🩸🩸 ماتَتْ شَهِيدَة
..................................
٥/ #فصيح 👇🏼
يا نـارُ لَـمَّـا ألقِـيَ فيكِ الخَلِيلْ
بَـردَاً تَصِيرِينَ لهُ وسَلامُ
لِمَ صِرتِ للزهراءِ جَمراً حارِقاً
فَحَرَقتِ داراً للهُدىٰ وخِيامُ
#شعبي 👇🏼
دارچ من حرگها الطاغيه ابجوره
الشمـر بالطف يعود يكرّر الصوره
تلوذين انتي خلف الباب يا زهراء
و تلوذ ابنيّيتچ بخيام مجموره
يا نَـار .. منكِ خِيَمٌ ظَلَّت تَسعَرُ بالرَّمضَاء
يا نَـار .. فَلَقَد سَالَتْ مِن ضِلعَيها أيُّ دِمَاء
روحُ العَقِيدَة 🩸🩸 ماتَتْ شَهِيدَة
..................................
✍🏼علي نوري الحلفي
نعي للزهراء عليها السلام
ساعد الله قلب زينب عليها السلام
لماتنظر لوالدتها يوم بعد يوم يتعب حالها انفاسها تنقطع من ألم اضلاعها
طول الليل تسمع انينها
وزن مجرد
😭😭😭😭
اااه يمه ماهدئتي الليل كله ماهدئتي
اشلون صرتي اشلونج اليوم اشلون صرتي
گلبي مردتي من ونتج گلبي مردتي
😭😭😭😭
شتگلها مولاتي الزهراء
ماهودت وني تنشديني ماهودت وني
اضلوعي يزينب يوجعني
لله اشكي عالحرمني
😭😭😭😭
الله يحرمه الي سبب صار
ابضلعج وعينج خله آثار
بعد النفس واضلوعي الاگصار
*ام ستـــ✍ـار الكعبي*
😭😭😭😭
ترحين يمه وتخليني
گلبج انطاج تفارگيني
بعدج ولا يبطل ونيني
*خادمه الزهراء ع عـ✍ــذراء ام منتظر*
😭😭😭😭
اشلون البنيه اتفارگ امها
ياهو اليساعدها اعله همها
الماعدهه ام ينهد عزمها
*ام رافـــ✍ـــد العسكري*
😭😭😭😭
بعدج ييمه الحيل مهدوم
وعيني ترا ماشايفة النوم
يمه تعالي وشيلي الهموم
*الشاعرة نــ✍ــبأ*
😭😭😭😭
شلتي وعفتينه بهضمنه
من ارباج يمه ماشبعنه
ردي وخل يضوي نزلنه
*ام منــ✍ـذر الحجار*
😭😭😭😭
البيت عگبچ ماهويناه
والفراگ مر وماجرعناه
حضنج يزهرة وين نلگاه
هلا بيچ بعد اليوجعني
*العلويةام كـ✍ـرار الغالبي*
😭😭😭😭
ماابطله الوني يزهره
گلبي انكسر وين اليجبره
وبيتج خرب محد يعمره
*ام رافــ✍ــد العسكري*
😭😭😭😭
فراگج ييمه حيل حراك
وگلبي لعد شوفج مشتاك
تدريني محمل. يمي فراك
*الشاعرة نــ✍ــبأ*
😭😭😭😭
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
⬛️◼️القصيدة-6-◼️⬛️
لقد هاجَتِ الأحزانُ يومَ رحيلِ
وسالَت دموعُ العينِ أيَّ مسيلِ
وباتَ عليٌ ناعياً فقدَ فاطم ٍ
ينوحُ ويبكي شاكياً بعويلِ
ينادي أيا زهرآءُ إنَّ فراقَك ِ
دهاني بِرُزءٍ في الحياةِ جليلِ
وللموتِ في جُنحِ الظلامِ معاتبٌ
بعَتب ٍمن القلبِ الكسيرِ طويلِ
{ألآ أيها الموتُ الذي ليسَ تاركي
أرِحن ِ فقد أفنّيتَ كلَّّ خليلِ}
{أرآك َبصيراً بالذينَ أُحِبُهُم
كأنكَ تَسعى خلفَهُم بِدليلِ}
#سمير_الصالحي
#النجف_الأشرف
#حرم_أمير_المؤمنين_ع
🏴تخميس بعض الأبيات الشهيرة
🏴تخميس البيتين الشهيرين
-1-
فقدُ الأحبة ِ لوعةٌ ورزية ٌ
وفراقُ فاطمة ٍ علي َّ مصيبةٌ
والروحُ من فرط ِالأسىٰ مفجوعةٌ
(نفسي على زفراتِها محبوسةٌ
ياليتَها خرجَت مع الزفرآت )ِ
-2-
ذا ثانيَ الأركان ِ فيكِ تهدّما
والحزنُ عمَّ الأرضَ مِن بعدِ السما
وعلىٰ فراقِكِ دمعُ عينيَ كم همىٰ
(لاخيرَ بعدَكِ في الحياةِ وإنما
أبكي مخافةَ أن تطولَ حياتي)
------------
🏴 تخميس البيتين الشهيرين
-1-
ولقد رماني الدهرُ سهماً مؤلماً
وبدا نهاري كلَّ عمري مُظلماً
والحزنُ حالَفني لفقدي فاطماً
(مالِي وَقَفتُ عَلى القُبورِ مُسَلِّماً
قَبرَ الحَبيبِ فَلَم يَرُدَّ جَوابي)
-2-
أينَ النوىٰ ناديتُ يا أحبابَنا
هل تسمعونَ حنيننَا وعتابَنا
فالوجدُ من بعد ِالفراق ِأصابَنا
(أَحَبيبُ مالَكَ لا تَرُدُّ جَوابَنا
اَنَسيتَ بَعدي خلَّةَ الأَحبابِ)
-------------
🏴 تخميس البيت الشهير
وظلّت تعاني لوعةً بعدَ لوعةٍ
ففقدُ أبيها نكبةٌ أيُ نكبة ٍ
عليهِ فكم أجرت دموعاً بحرقةٍ
(وما برِحَت مهضومةً ذاتَ علةٍ
تُؤَرِقُها البلوىٰ وظالمُها مُغفي )
#سمير_الصالحي
#النجف_الأشرف
يلي تسألنه اشمصاب الحوره
ترى ماتت فاطمه منقهوره
@@@
هالرضاها من رضا رب العباد
ولو ماچانت ماخلگ حي وجماد
ماتت وخدها باثر كدمة سواد
وعينها الحمره ابسطر مظروره
@@@
عينها النزفت دمه من اللطم
واضح اعليها اشبعت ضيم وظلم
شلون مسمار الوصل لين العظم
خله ضلعين العلا مكسوره
@@@
هذي مو ضلعين عادي بالصدر
بيها سر الله وشريعه تحتضر
حين خلف الباب لمن تنعصر
مثل شمعه باللهب محشوره
@@@
چان يعصرها وسند ظهر ويشد
ولو تصيح ابآه چفينه يمد
وعلى الزهره الباب مسماره يسد
ولين طاحت والعتب مسعوره
@@@
ومن سگط محسن صفه اول شهيد
وانگطع گبل النبض حبل الوريد
وحيدره الكرار جروه العبيد
ويلي لرگبت الهدى المجروره
@@@
تالي عاشت فاطمه ابجرح وعلل
ولا يطيب الصار وعليها نزل
وحيف من حگها حرمها الماخجل
ولا تركها تبچي بالمعموره
@@@
لگصها للشجره ابعمد فعله گصد
وهو نفسه لچبد ام شبر مرد
الله لا يرضه عليهم للابد
خلوا الزهره گظت مسطوره
@@@
اليتموا عترة نبينه بهالحياة
ابسرعه ودوا فاطمه صوب الممات
ثارهم للات والعزه ومنات
ونوخذ هالثار من الحوره
@@@
علي أحمد الحمود
٥-١١-٢٠٢٤
شهادة الزهراء ع
▪️رباعية في استشهاد السيدة الزهراء (عليها السلام)
١/أيُّها السائلُ ما الخطْبُ الفظيعْ؟
ما نحيبُ العرشِ ما الصَّوْتُ المُريعْ؟
أَسرعِ الخَطْوَ إلى الْبَيْتِ الرَّفيعْ
واسْألِ الأشهادَ عَنْ بنتِ الرَّسولْ
٢/سَلْ عليّاً عندما جارَ الصِّحابْ
كَيْفَ أهْوتْ فاطِمٌ فَوْقَ التُّرابْ؟
تشتكي ركْلاً ومسماراً وبابْ!
أيُّ صبرٍ ذاكَ يا فحْلَ الفحُولْ؟!
٣/مُجتباها..هل رأى نزْفَ الدِّماءْ؟
حينَ سالتْ من سياطِ الجُبناءْ
وبوكزِ السَّيْفِ أمستْ في انحناءْ
أَلْفُ واويلاهُ للطُّهْر البتول
٤/عن سَوَادِ المتْنِ عَنْ حُمْرِ اليدَيْنِ
عَنْ نِثارِ القُرطِ يُنْبيكَ الحُسَـيْن
أصْبحَتْ مُحْمرَّةً خدّاً وعَينْ
يا لذاكَ الرُزْءِ والخَطْبِ المَهولْ
٥/أحقيقٌ لَمْ تَذُقْ طَعْمَ الهجُوعْ؟
أرَّقَتْها خَسْفةٌ بَيْنَ الضُّلوعْ
كمْ رأتْها زينبٌ تُجري الدُّموعْ!
تطلبُ الموْتَ بآهاتٍ تطُولْ...
الشاعر علي عسيلي العاملي
#الليالي_الفاطمية
#اللهم_عجل_لوليك_الفرج
نعي مفجع للسيده الزهراء ع
اشـضـال عدنه عگبچ ييمُه اشـضـال عـدنـه
ونـضـل وَحَدنه بهذا العمر ونـضـل وَحَـدنـه
عـنـچ بعــدنـه ابـسـاع الدهـر عـنـچ بـعـدنـه
ومصاب جدنه امصابچ سوه ومصاب جدنه
ومظلـم علينـه موحش بيتنه ومظلم علينـه
ريـتـچ تجينـه مـره بـحـلـم ريـتـچ تـجـيـنـه
شمسوي بينه وشوفي الحزن شمسوي بينـه
يمنـه الـحـنيـنـه حَن الگلب يمنـه الحـنـيـنـه
صـوتـچ نسمـعـه ما ضن بـعـد صـوتـچ نسمعه
دمعه اعله دمعه يكضي العمر دمعه اعله دمعه
مـامـنـهـه فجعـه يافجّعتچ مـا مـنـهـه فـجـعـه
لـو لُـمـه يـنـعـهـه حـگـه الـوَلـد لـو لُـمـه يـنـعـه
*-------------------------*-------------------*
✍خادم الزهراء ع
الشاعر رعد الجريخي
نعي لسان حال السيدة زينب (ع) بعد فقد الزهراء (ع)
____
چانت شمعه وسط الدار …أمي الكلها حنيه
بسوالفها الترد الروح …نلتم چنه يوميه
أصعب شيء اذا غالي …يروح وما اله جيه
راحت مني اغلى الناس… وما ترجع بعد ليه
___
اذا امك بعدها وياك …خل گلبك على امك
اذا راحت بعد عنك …ياهو اليشرك بهمك
محنتها وگلبها اعليك …ويألمها الذي يألمك
من ترحل تحس وحدك… لون كل البشر يمك
____
واذا امك خذاها الموت … يعينك الله ويصبرك
تره من تروح ام البيت … يصير البيت الك گبرك
بغياب الوالدة الطيبه … ما ينفع بعد عمرك
ادعي الباري يرحمها … واجبر بالصبر كسرك
___
يناس الام اذا غابت … يغيب الفرح وياها
يعرف لوعتي الفاكد … وضايگ نار فرگاها
زاد بلا ملح صارت … الدار بدون ملگاها
شوفيها سنين العوز … لو دمعتها واربها
___
الشاعر عبد العظيم احمد الابراهيمي
عن لسان حال امير المؤمنين
يخاطب الزهراء عليهما السلام
والله زمن يم الحسن
صرتي على فراش الاجل
من الحزن غصنچ. ذبل
واسنينچ شموع انطفن
والله زمن يم الحسن
★★★★★
وجوه الظلاله من لفوا من سيفي ماواحد فزع
لموا حطب فوگ الحطب يلزهره والباب اندفع
ظنوا ضعف مني العزم لوسيفي للباطل خضع
ابحكم الوصيه ملتزم بهذا الخبر ظالم سمع
الماعدهم ايمان وشيم
ذاك الحرگ ذاك الهجم
حنوا على ايام الوثن
والله زمن. يم الحسن
★★★★★
شايل اعذار الهجمته و من حظر الظالم حجج
بالشورى يندار الحكم ضل يدعي وفكره انتهج
وانا إلي خالفت الأمر وأنا العلى المله خرج
عيني على الباري تصد منه انتظر يوم الفرج
لواسل سيفي علخصم
رايات ترجع للظلم
وترجع على الدين الفتن
والله زمن يم الحسن
★★★★★
يازهره موسهله عليّ هذا الحصل كله وجره
بعيوني اشوفن دمعتج وانظرظلوع امكسرّه
مااريد اوصف حالتي يازهره ارجو المعذره
خوفي أزيدن لوعتچ. گبلچ ردت تحت الثره
بعدچ يبنت المصطفى
والله على الدنيا العفا
أيامي گظن بعدچ محن
والله زمن. يم الحسن
★★★★★
يم الحسن ذاب الگلب. صبري أمر من الصبر
والشايف أحبابه ابهظم يتلوع ابنار. وجمر
ويفارگ افراگ الابد. كل ملگه ماكو بهلعمر
جنته ايفارگها وصدگ هلجنه تنحط ابگبر
البيه ابجبل چان انهدم
جرح بجرح گلبي انلچم
وسنين عمري اتغيرن
والله زمن. يم الحسن
★★★★★
يازهره مااحمل عتب من شفت گلبج منفجع
البسمار ريته ابريتي وضلعي نكسر دون الضلع
اسباب بيها اتقيدت صابر وگلبي منصدع
حتى يضل اسم النبي فوك المآذن ينرفع
رغم العده دينه ارتفع
واهل الخيانه والطمع
باچر يدفعون الثمن
والله زمن يم الحسن
الشاعر حسن لعيبي الحريشاوي
يا بـاب الـزچـيـه الـمـا طـفـت نـارك
لـيـش ام الحـسـن عـذبـهـه بسمارك
*------------*-------------*
من غـاب الرسول اشفعلوا الاصحـاب
سـولـفـلـي الـرئـيـتــه والجـره يا باب
الجِنَتْ شنهي الزچيه والضلع ينصاب
مــا أدري واريـــد اتـوضـح الاسـبـاب
سـولـفـلـي الصحابه اشسووا ابدارك
*------------*-------------*
اشجنت بضعة محمد تحمل العـصـره
أشذنب طفل الجنين المـا كمل عـمـره
الطهر صدت عليه ومخضب اتـنـظـره
ذبـلـهــه الـحـزن چــن ذبـلـت الـزهـره
اشـهـد عـالـعـصـرهـه أوضح اخـبـارك
*------------*-------------*
اكـشـف من يـسـمـوهه البـعـض صحبه
الـعـصـابـه المـجـرمـه الماراعوا القـربـه
يـاهـو عــالــزچـيــه هـالـحـقـد صـــبـــه
ويـاهـو ألـي أشـد اتــجــاســر بـحــربــه
ولاذت فـاطـمــة مـجـروحـه بـكــتــارك
*------------*-------------*
چـم ظـالـم اجـاهـه شـفـتـه وٱعـصـرهـه
البضعه الـطـاهـره الـجـهـلـوا قـدر سرهه
خـلـوهـه بــدمــع جـرحـت نــــواظـرهـه
مـكـســورة ضــلــع والـثـانـي خـاطـرهـه
ويـاهـــــه عــلــي بـالـفـاجـعـــه اتـشـارك
*------------*-------------*
يــأذي الـهـادي فـــاطـــم مــن يــأذيــهـــه
أمــه وبــضــعــتــه والــكــل درت بــيـهــه
يـبـاب أشـهـد غـداً عـالـهـجـمـوا اعـلـيـهـه
عـلى الـخـلـوا جـرح والـدمـعـه تـجـريـهـه
جـبـريـل بــشـرف بـالــعــتـبــه يــتــبــارك
*------------*-------------*
✍ خادم الزهراء ع
الشاعر رعد الجريخي
بجميع اعضاي كسر امي يعم مار
وچـــان الدار بـــــــس بيهه يعمار
الزهره راحـــــت امن ايـدي يعمار
ويتــــــيم آنه صرت عگب الزچيه
حيدر بشار الدراجي
لا بنيه ولا مزار . بالمصايب كلبي حار
راسي من الضيم شاب
حسين مرمي عل تراب
العيله يسره والزغار
:::::-----:::::
شيب امن الضيم راسي . والكلب ماهوه جاسي
اشلون بيه يا علي
المصايب دوهنني . ابطول عمري و رافكني
همي ماضن ينجلي
وينكم اهل المحنه . مضلم وموحش نزلنه
كلبي بالهم مبتلي
وين شو محد اجاني
اخ منك يـا زمـان
جمر فركاهم جواني . هاي مو دنيا انتحار
:::::-----:::::
طلعت بدلالي شيبه . الدمع ما كف نحيبه
بعد ماريد الحياة
جا بعد المن اتاني . افراكهم هوه العماني
عايشه بالامنيات
الغربه ياهل ناس تكتل . شكثر جا دلالي يحمل
مـا يروني الفرات
انه يا ناس البتول
ابني داسته الخيول
ضلت بصدره تجول . رسمه مدري اشلون صار
:::::-----:::::
بويه يا سيد الرساله . عذبوني اهل الضلاله
اشتكي من العذاب
ضلعي مكسور وجنيني . بغربه ما واحد يبيني
اخ يا بويه المصاب
انه وين الشام وينه . ما رعو حرمت نبينه
يا علي رد الجواب
حيل منهم ايسيت
مانمت ساعه وغفيت
اعله مناحه تعلميت . بعد ما بينه انتضار
:::::-----:::::
كبري بين اجناب كبري . بالالم بس الله يدري
اشتكي والله المجيب
بويه يا سيد البريه . كسرو اضلوع الزجيه
بويه طه يل حبيب
ويلي من الباب ويلي . عتبته هدتلي حيلي
الله شاهد والرقيب
طاح من ايدي الجنين
راح كل تعب السنين
و كطع كليبي الونين . بعد ما ضل اعتذار
:::::-----:::::
طال مهدينه انتضارك . كلي جاشنهي اعتذارك
تاخذ الثار و ترد
يله وينك يبو صالح . دنيا صارت بس مصالح
مختلف لون الورد
صارمك لا يبقى نايم . بالغمد وتعوفه صايم
شوكت بعداك يحصد
عجل اعله الثار عجل
و دير بالك لا تأجل
من قضيتك ما تبطل . غيير الوان الجدار
::::-----:::::
حسن صالح العيساوي
عندما رجع امير المؤمنين من دفن الزهراء وجدوه جاثم على يداه فأسرعوا اليه لكي يعينوه ويقف ...
فقالوا له قم ياعلي انته الذي قالع باب خيبر ..
فقاله لهم ..
دافن حيلي بلــــحد الزچيه
موحگي اذا امشي اعله اديه
بعد مابيه عـــــالباب
زهرتي وحدر التراب
ديــــــره ميتمه ينوحون بيه
"""""""""""""""""""""""""""""""""""''''''''''
اريد اشتم هوى يـــا ناس وأرتاح
الهوى مالي ودفنته والنفس راح
ساكت والجروح التبچي بصـياح
راحت زهــــــرتي والگلبي سباح
بستاني تفـــرهد يــناس الله ولحد
اللحد بارد هليام الزهره هواي تبرد
رديت بطرگ ثوب وعمــامه
صرت فعلاً علي يابو اليتامه
احس بضلوعي نشاب
زهرتي وحدر الـتراب
ديره ميتمه ينوحـــــــون بيه
"""""""""""""""""""""""""""""""""""''''''''''
گومني اعله كيفك خويه مــقداد
بگايه الروح صـــــارت نار ورمــاد
راح الحيل يا مقداد مـــــا عـــــاد
وأنه براسي المصايب صارن اکواد
تتـكسر صفــــــــنتي وعطاب بدمعتي
علي الحايط توچيت انه مضيع فرحتي
بهيده بخطوتك مقـــــداد وياي
أنه ماشوف دربي وظلمه عيناي
چبير بروحي المصاب
زهرتي وحدر التــراب
ديــــــره ميتـــــمه ينـوحون بيه
"""""""""""""""""""""""""""""""""""''''''''''
من هالصفحه ألزم جفي سلمان
حيله بيـــــــا نويه القـــــلع بيبان
ذب هدمك عليه هــــواي بردان
بيتي بعيد شيـــــوصلني تعـــبان
تــــــرى بيتي مسافه وانه وياي الحسافه
تگض اجدامي الهموم من أرمش كلافه
قَرحتّ الجفن ويســيل قرحي
من احچي الكلام يصير جرحي
حرگوا بيــه الأطناب
زهرتي وحدر التراب
ديـــــــره ميتمه ينـــــوحون بيه
"""""""""""""""""""""""""""""""""""''''''''''
يمالك مد اديك وألزم أگفاي
لاتمشون حيل وامشوا بهداي
خافني اطيح مّكسره اعضاي
البيتي وياي كلكم امشو وياي
امسحوها اعله خدي دمعتي هواي تدي
أنه خجـــــلان رديت ميت كــــون ودي
لو لاگتني زينب وآنــه رديت
وين امي تگلي وخالي البيت
مشو مــاضلو احباب
زهرتي وحدر التراب
ديــــره ميتمه يـــنوحون بيه
"""""""""""""""""""""""""""""""""""''''''''''
اذا اسمع مناشغ من يجي اللـيل
احس الروح حدر حوافر الـخيل
تچويني الوســاده وانترس ويـــل
بشوفةّ فاطمه چنت انترس هيل
أنـــــــــه لوني تغير الدمع وياي يسهر
يجيني الليل ويروح وبعدهي الروح تفتر
نسمات الهوى تمسح دمعتي
حرگ البيت مافارگ صفنتي
ياهو اليسوه الاعتاب
زهرتي حدر الـتراب
ديره ميتمه ينــــوحون بــــيه
عبد زينب
محمد الأبراهيمي
نعي
السيده زينب ع اتسولف للعباس ع
قصة حادثت الباب
گعد عباس يمي وسولفتله
ويبن والدي المهيوب گتله
امصاب الضلع گبلك حملته
وشفت الطهر دمعتهه سگته
*--------------*-------------*
دنگ ونهضم راعي المحنه
ودمعات الگمر بالخد چونه
اسولفله ويجر عباس ونه
وگالالي الدفعه احچيلي عنه
*----------------*-------------*
گلتله بحالت الزهره وخبرهه
اجه الملعون وبخدهه سطرهه
وبين الباب والحايط عصرهه
والضلوع من امي كسرهه
*--------------*--------------*
صاح الگمر وبصيحه شديده
تمنيت النذل وكتي يعيده
والطك الزچيه اگطع أيده
وخل الگوم يا زينب تفيده
*-----------------*------------*
✍ خادم الزهراء ع
الشاعر رعد الجريخي
شور
اه ييمه ...اه ييمه ... اه ييمه
.....
يمه لا تمشين عني ... ابقى مثل امضيعه ايه
باجر احتاجج ييمه ... بلمت أطفال وسبايه
لمن اظل ابلايه حماي
وبسياطهم تتورم اكفاي
وحدي اظلن محد اوياي
وياناظري لا وين اديره
يمه العين فتحي وعايني اعليه
وحشه ابدونج اكظي سنيني مسبيه
من هسه صرت انه احس غريبه
مو هينه كلش توجع المصيبه
افراكج ييمه يذبح امنياتي
وين انطي بعدج وجهي يالحبيبه
.....
يمه ما شبعانه منج .. شوف عيني يالحنينه
كلمة اليمه تلجمه ... الماتت امه الله يعينه
يايمه لتخليني للنوح
اوياج روحي رايده اتروح
صرت اشوف حسين مذبوح
من كبل عاشر من محرم
صرت انظر اخيام كبالي محتركه
وجثة ابو اليمه ابخيل منسحكه
ابكثره الحوافر ساحكه اعله صدره
ماينعرف صاير وذر يزهره
والرمح نابت بالكلب اشوفه
وسكنه ورقيه طاحن اعله نحره
..........
ازغيره مو مالت مكابر ... عمرج سنينه كصيره
وردة الله انتي مكانج .... جنة الله يالأميره
المنج حرمني ريته بالموت
ماخله عندي فرحه لا صوت
الأمه يمه هذا مبخوت
الله يساعد كل يتيمه
اودعج من زغر ما جانت ابالي
بعدج كل حزن كل نوح يحلالي
بعدج يزهره حالي يقهر حالي
حزني اعله طولي يمشي ويه اخيالي
كبل السبي مسبيه روحي اني
وجفوفي مشدوده بحبل جتالي
....
لا تموتين اعله بختج ... داخله ابدمعي الاسيله
من اطيح ابحيرة الطف .... ياهو اروحله اشتكيله
من اوكف اعله التل وحيده
حيلج اوياي اني اريده
حسين من ينحز وريده
ياهو اليصبرني ييمه
ما يبقالي حيل ابكطعت المنحر
اظل كلي اعله طولي ابمشيتي اتعثر
امن اركضله ياهو يكلي يمه تاني
خل امشي وياج العشك زماني
بذيج الفجيعه ياهو يعتنيني
وكل البقالي انحور من خواني
......
الهوه الما بيه عطرج ... خنكه ما اكدر اشمه
ظلي يمي سنيني وحشه ... وانه احب كلمة ييمه
فركاج يذبح منحري بسيف
مثل الرضيع العطشه الصيف
كربله باجر تذبح الضيف
وحبل السبي يموت رقيه
وبركبة عليل حسين انظرهه
ذيج الجامعه اليصعب اوخرهه
وكل الاحبهم عالترب أشاهد
مثل الذبايح واحد اعله واحد
وللشام اروح اميسره اويه غربه
ما واحد اليسال علي ويناشد
.......
كلمات
موسى الخادم
ذب لعمامه النبي امفرع طلع
لمن الناعي على جعفر سمع
وانته يالمهدي حزين
تبچي عمك والحسين
@@@
جعفر الطيار دمعه ابخد رسول
وناحت او ونّت على امصابه البتول
اشحالة الكرار والناعي يگول
وذر جعفر طايح ابين النصول
…
بهالمصيبه الغامضه اليوم العزاء
المهدي طالع حاسر وذب الرداء
وحيل تلطم عالجبين
تبچي عمك والحسين
@@@
مو سهل جعفر مشى بالدم خضيب
ويسوه يطلع حاسر ويبدي النحيب
لان بوالزهره صفه چنه غريب
وغير حيدر مابقه يمه حبيب
…
چنه طبگت عالارض هذي السمه
حافي من بيته طلع بوفاطمه
آه بو الگلبه الحنين
تبچي عمك والحسين
@@@
يبوصالح هالمسه اشحالك سده
وياجرح چبدك غميج اتضمده
راحوا اجدادك الى المنهج فده
او وسفه لاچن باگت الامر العده
…
اتنوح جعفر والمدامع تنهمر
وبالنياحه اضلوع امك تفتكر
قدمت ضلع وجنين
تبچي عمك والحسين
@@@
جدك المختار يالغايب فجيع
من سمع جعفر سفح دمه النجيع
وانته يالمهدي من الهول الفضيع
تذكر العباس عالشاطي گطيع
…
ابمأته چفين وبعد بالطف چفوف
واحد مجابل وعاديه ابألوف
ورايه بالدم خاضبين
تبچي عمك والحسين
@@@
امصاب جر امصاب وگليبك كبير
غايب ونوحك على اجدادك كثير
مات جعفر ما ترك خلفه اسير
ولا وگع بالمعركه ضامي نحير
…
چبده ما صابه مثلث حرمله
ولا من بعده سبوها العايله
ولا وگع وابلا معين
تبچي عمك والحسين
@@@
يابوصالح نعتذر منك قصور
وانته اجدادك دمه الهم تفور
ابكل كتر بصمة مذابح لو نحور
اترستوا الارض بمقامات وقبور
…
على آل المصطفى ضاگ الفسيح
ياچبد مفتوت يامنحر ذبيح
وشاهد الثار السنين
تبچي عمك والحسين
@@@
علي أحمد الحمود
٦-١١-٢٠٢٤
شهادة جعفر الطيار ع
لطميه للزهراء. عليها السلام
وزن. الوسيله المثلث
😭😭😭
ليش خافيته الضلع امي عليه
مستعده للوداع وللمنيه
حيرتني شلون حيره
عمره ما اعرف مصيره
لو بجيت اگبالها تلزم اديه
😭😭😭
لو بجيت اگبالها يثگل حزنها
امي تالي الليل يمي يزيد ونها
والضلوع اليوجعنها يالمنها
والليالي السود مني فرهدنها
ابجي وتگلي تعالي
حالها يشبه الحالي
خايفه من الدهر تالي يخون بيه
*ام مهــ✍ــدي المياحي*
😭😭😭
حيل متغيره امي من الاحزان
ماعرف شنهو وجعها وگلبي حيران
اولو سالت شبيج يمه الدمع غدران
انه وامي تعذبينه والدهر خان
امي اتضمني بحضنها
ضلوعها خاف الجمنها
اخاف من تنام تاخذها المنيه
*ام محـ✍ـمد الساري*
😭😭😭
ويلي من شدة المها تدير بالعين
نوب تنظر ليه نوب الحسن وحسين
شنهوا گولي اليوجعج يمه شتهيسين
عمري كله افديه الج يم گلب الحنين
ليه ديريه الالم
ادري ضلعج منهشم
شلون لو ودعتج بهاي المسيه
*ام منـ✍ــذر الحجار*
😭😭😭
مگطع اوتاد الگلب وتجر بالونين
منكسر منها الضلع ام السلاطين
حيل مابيها بعد وينك يبو حسين
نكسر ضلع الزچيه وسگط الجنين
من جمر ينزل دمعها
بالحقد صابوا ضلعها
عينها شبحت لعد حامي الحميه
*بنت العباس ع ام منتـ✍ـظر الجابري*
😭😭😭
من تون يمي ابهده واتجر بالانفاس
والله مهضومه وحزينه امعصبه الرأس
هجمو أصحاب السقيفه وبيتج انداس
كسّروا اضلوعج ييمه گوم الارجاس
الليل كله ماتنام
گوه تحجيه الكلام
اتوصي بحسين واديها بين ادي
*ام ستــ✍ـــار الكعبي*
😭😭😭
امي خافيته الضلع تجهر الونه
تون وتنوح بدمع ام المحنه
والعصرها ابباب مايربح عسنه
ليش اذاها النذل والهم كتلنه
نابت البسمار بيها
والالم زايد عليها
ابد ماترجع بعد امي شفيه
*أم صـ✍️ــادق المنصوري*
😭😭😭
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
((( #مـحكـمه )))
……………………………………………………………
محكمه • بالسمه • نادو الشاهـد حضر
عالضلع • والدفع • احجي ياباب القدر
أنقـل للـعـالـم صـوره
عن الطاغوت وجوره
محكمه •• محكمه
……………………………………………………………
انا باب الزهـره انا • و الله كرمّـني بـشرف
و النبي اجلال اليه • يامـه عل عتـبه وگـف
كل صباح وكل مسيه • انتظر من عنده چف
وابرهه عگبك يـ طه • ابفيله عل كعبه زحف
خانتك • صحبتك • ما نفع بيهم مـلح
بالنكر • و المكر • كسروا الحيدر جنح
كـلها ادافـع مـأجـوره
عن الطاغوت وجوره
محكمه •• محكمه
……………………………………………………………
مـن هـجم كالوله فاطم • جاوب ابكلـمة و إن
جايب اثلث ميه واكثر • والحطب فوگ المتن
شـحه عـدهم بالمراجـل • مـركز الذل والجُـبن
والرجس حضّر شعلته • وللحرگ سرفـن ردن
يالعرب • باللهب • نحرگ الرافض علي
و المره • الثائره • هسـه لازم تصـطلي
تحجي الوادم مبهـوره
عن الطاغوت و جوره
محكمه •• محكمه
……………………………………………………………
مـن سمـع فاطـم ورايـه • ليّـه وجـه رفسـته
اثنين اديه اعـليه حطـهن • يدفـع بكـل قـوته
چن لحـد وانشـل نفـسها • ياقسـاوت عصـرته
وصارت العصره ابضلعها • واسمعت طگ كسرته
للـصـدر • كالجمـر • عده بسـمار الخشب
من وصل • للطفل • محسن اعليه انصلب
لاذت فاطم مـجـبوره
عن الطاغوت وجوره
محكمه •• محكمه
……………………………………………………………
چنه وحشي وبيده رمحه • بين الضلوع استقر
محـسن يحامي اعله امه • وانكطع منه النحر
الشمـس شافاها تصـرخ • للارض طاح الگمـر
لا مهد لا قطعه بيضه • عل الترب صار القدر
ياجرح • منذبح • عينه ما شافت ضوه
يا فجر • منعصر • ما عرف نسمة هوه
يشهد محسن عاشوره
عن الطاغـوت وجوره
محكمه •• محكمه
……………………………………………………………
شاهـدت منظر يخـلي • تنگلب ارض و سمه
قنفذ المايسوه عانه • بسوطه يضرب فاطمه
والرجس خالد صفعها • و النظر عـدها انعمه
ما تهم بس همها كله • يم علي حامي الحمه
خل علي • يرد الي • لو افرّع للدعه
لا بشر • لا شجر • كلها تبقى مروعه
اشكي الرب المعموره
عن الطاغوت وجوره
محكمه •• محكمه
………………… .................................……
ماتت الزهره و عذابي • مستـمر ليل و صبح
ابعين الحسين واخيه • شوفتي مراية جرح
زينب ازغيره و جرحها • يدي و الچمها ابملح
امي و بداري حمامه • و انت كسريت الجنح
ما گلت • عدها بت • تفگد امها ابهل عمر
و انفجع • بالدمع • اگظي كل ليلي اليمر
ذكره و ظلت محفوره
عن الطاغوت و جوره
محكمه •• محكمه
……………………………………………………………
✍️ ( سيد خضر الزاملي )
🏴حَيرة أبناء الزهرآء ع
مابين أُمِهِم التي سقطت مغشياً عليها ، وأبيهِم الذي أخذه المجرمون مُلبباً بحمائل سيفه ِ كما في الرواية .. بلسان الحسين ع ..
ولمّا أن هوَت مكسورةَ الضلع ِ
وزينَبَ جنَبَها شاهَدتُها تَنعي
وقد أخذوا أبي الكرارَ مكتُوفاً
ونحنُ بحَيرةٍ في ذلكَ الوضع ِ
وأمي لم تزلْ مغشيةً أسفاً
ولم نملِك ْسوىٰ الآهاتِ والدمع ِ
فقامت بعدَها تمشي على وجَع ٍ
وقد هَمّت بأنْ تدعو على الجَمع ِ
دَعوُا ابنَ العمِِّ إذ لا صبرَ لي عنهُ
ولاتَطغَوا أعيدُوا الأصلَ للفَرع ِ
🏴نعي نصاري
ييمه مصيبتچ والله چبيره
وبگيت ويه اخوتي عگبچ بحيره
يا حيف وخذوا شيخ العشيره
أبونه الحيد وبولية الظلام
ييـمه زغار ننطي وجوهنه وين
زينب والحسن واني ابنچ حسين
نحاچيچ ونندهچ ما تسمعين
وعلي مچتوف وسفه سيف الاسلام
ما نعرف يزهره إلمن نروح
ونشوفچ طايحه وبوجهچ جروح
واخونه المحسن اعله الگاع مطروح
برعب وبخوف عشنه ودمع سجام
#سمير_الصالحي
#النجف_الأشرف
🔳 الفكرة والصورة بطلب من أحد الخطباء من زملاءنا حيث قال لي نحن نذكر حيرة أبناء الزهراء ع لكن لايوجد نعي كثير عن هذا الموقف المؤلم ..
▪️قصيدة لطم
في استشهاد مولاتنا الزهراء (عليها السلام)
حِرزُ الأمانِ مِنْ سعيرِ الحاطمهْ
بفاطمهْ ، بفاطمهْ ، بفاطمهْ
١/كفاطمٍ فلا مثيلْ
يرضى إذا ترضى الجليلْ
مهما نَقُلْ في فضْلِها
فقولُنا يبقى قليلْ..
سيدةٌ مِنْ سيِّدِ
جوهرةٌ في السُّؤددِ
مُحمَّديُّ قلبُها
ووجهُها مُحَمَّديْ
وصيَّةُ المختارِ كانتْ دائمهْ
بفاطمهْ ، بفاطمهْ ، بفاطمهْ
٢/"أمُّ أبيها" المؤتَمنْ
في سرِّها تاهَ الزَّمنْ
أمُّ الحسينِ إنَّها..
وقبلَ ذا أمُّ الحسنْ !
وحسبُها الشَّأنُ العليْ
زَوَّجَها اللهُ العليْ
فلا فتاةَ مثلُها
ولا فتى مثلُ عليْ..
عنْ حيدرٍ تُجْلَى الهمومُ القاتمَهْ
بفاطمهْ ، بفاطمهْ ، بفاطمهْ
٣/في بابِها الوحْيُ كتَبْ :
هنا السماءُ لا عجَبْ
لذاكَ إبليسُ الورى
بالنارِ جاءَ والحطَبْ
صدَّتْهُ قُربانُ الرِّضا
والضلعُ منها رُضْرِضا
قالتْ أنا ومُحسني
فدا الوصِيِّ المُرتضَى
فالرَّفضُ مِنَّا للعُتاةِ الظالِمَهْ
بفاطمهْ ، بفاطمهْ ، بفاطمهْ
٤/كوكَبُها دُرَّاً ظَهَرْ
في حشرِنا لا يُسْتَتَرْ
يأتي نداءُ ربِّنا
لفاطمٍ غضُّوا البصَرْ
بها ندورُ في الغدِ
مثلَ الفَراشِ نهتدي
كلُّ يقولُ راجياً :
شفيعتي خُذِيْ يَدِيْ
ندعو بها وهْيَ العطوفُ الراحِمَهْ :
بفاطمهْ ، بفاطمهْ ، بفاطمهْ
٥/مَفْزَعُنا يومَ الفزَعْ
يَنْجُوْ بِها أهلُ الجَزَعْ
ما خابَ باكٍ لاطمٌ
لبابِها العاليْ قَرَعْ
مَنْ عنْدَهُ "عِلْمُ الأنينْ"
يفرَحُ في اليومِ الحزينْ
لَطالَما أسْعَدَها
يبكي لمقطوعِ الوتينْ
في مجلسِ العزاءِ حُسْنُ الخاتِمَهْ :
بفاطمهْ ، بفاطمهْ ، بفاطمهْ
الشاعر علي عسيلي العاملي
#الليالي_الفاطمية
#اللهم_عجل_لوليك_الفرج
انه الناعي واسولف بالدمع وني
وأعيشن بس ظلع يادنيتي بحزني
شنو عنده اليضدنه ماتره يهمني
*******
اسولف من حقدهم وابدي بالأول
وابرهنهه الحقيقه لو ردت تسئل
عله اعناد الوصيه زعزع الأهبل
يشوف اشگد محمد وصه بالمجمل
حقدهه من السقيفه.. مارضت حيدر
نسو بضعة محمد....والحچي اتكتر
شرحت انه المصيبه وذبلت جفني
انه الناعي واسولف بالدمع وني
●●●●●●●●●●●●●●●●●●●●●●
بعدني ابهمي واحزاني تعت بيه
وفتح باب السقيفه دمعي يوميه
حچوها اشگد عليهم عن قصد نيه
الدفع باب الزجيه ندري ماضيه
دعاهم والنبي شاف... الزلم تختل
اظن صابه ارتجاج... الماقبل ينزل
اسولف والسوالف من حسن ظني
انه الناعي واسولف بالدمع وني
●●●●●●●●●●●●●●●●●●●●●●
حقد يوم السقيفه اتحولت عصبه
وبدت باب الرذيله ابكل كتر نكبه
بعد هاي العصابه موصدك صحبه
وعاشت فاطمه بين الهجر غربه
على طاري الظلع مايشفه ابد جرحي
وانه بصوت المصيبه بس يون صبحي
عشت هاي المصايب من زغر سني
انه الناعي واسولف بالدمع وني
●●●●●●●●●●●●●●●●●●●●●●
يظل كلب الغيور ابحسره يتألم
صبح عندي محرم ثاني يتخذم
انه ابهاي المصيبه دمعتي من دم
يظل جرحي الظلع ماينتهي المأتم
يرووحي من المصايب ماكلت هيدي
صبح عندي الشعيره وارث اوليدي
سلاسل دهري بالهم تالي شيبني
انه الناعي واسولف بالدمع وني
*******
انه المجلس هويتي وبي تون روحي
وعددهن مصايب دهري واجروحي
على امصاب الزجيه ما هدئ نوحي
ويظل جرح الطفوف ايهدم اصروحي
ليالينه الحزن والدمعه عنواني
واسولف بالمصيبه واشرح احزاني
يظل باب الجرح كل ساع يفززني
انه الناعي واسولف بالدمع وني
*******
تمت بعون الله تعالى الشاعر_يوسف_الفتلاوي
قد أفجعوا قَلبَ الوصِيِّ بفاطمٍ .
وغدا يئنُ مِنَ الفراقِ وما جرىٰ
فَأتىٰ إلى قبر النبيِّ مُناديــًا
هــذي صفيتُكَ التي بينَ الثرى
الآن قد أنزلتُها في لحدها
وأتيتُ عندكَ يا أباهــا حائرا
عالزهره شيفيد الصبر
أم بيته راحت للكبر
الماينكسر حيدر صبح
ماجنه حيدر منكسر
وين أمي عني راحت جم يتيمه النشدته
وما كدر يحجيله كلمه مختنك من عبرته
تخيّل الكرار يبجي إشكد عزيزه العافته
حدر التراب المحنه وتوه دافن وردته
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ما طابَ كسرُ الضلعِ في أحشائِها
والعينُ داميةُ البياضِ كما الدمِ
دارُ النبوةِ قد خلت من نورِها
إذ ليسَ فيها غيرُ صوتِ مُيّتمِ
صوتُ الحُسينِ بلوعةٍ نادى لها
أماهُ عُودي ، مَن لنا يا بلسمي ..
دورتج وكمت ألتفت
بالدار طولج ماشفت
ما أسمع إليمه بعد
يتمتي ولدج من وكت
العشره يمه وياج خلصت وانتهت والله زمن
من غفت عينج ييمه عيوني عكبج ماغفن
عفتي دمعة آخ بيني وبين زينب و الحسن
حسين بين جيوش فكدج كالأسير المرتهن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مَن ذا يطيقُ لظى الفراقِ ووجدِهِ
والأمُّ يقتلُ للسرورِ فراقُها
فلِزينبٌ آهٍ ، بفُرقةِ أمِها
رأت العذابَ بعينها قد حاقَها
آهٍ وكسرُ الضلعِ أحرمَ زينبا
من فاطمٍ عند الممات عِناقَها
فزّت ابتالي الليالي وعلى فاطم دورت
مادرت حيدر دفنها بموت أمها مادرت
وجني بالزهره تكله الحك الزينب بجت
دورتني وما لكتني عمت عيني اتيتمت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يا بابَ فاطمةٍ ، لظاكَ لزينبٍ
يومًَا من الايامِ تحرقُ سترَها
مِسمارُكَ القتّالُ يصبحُ نبلةً
ومن وردةٍ غرّاءَ تقطعُ نحرَها
والكسرُ في ضلعٍ يُخلِّفُ أضلعا
الخيلُ تطحنُها ، وعارٍ بدرُها
نار باب الزهره باجر تحرك الزينب خيّم
ومعدن البسمار ذاك بعين ابوفاضل سهم
يا كسرضلع الزجيه بعيني والطف إنرسم
تسحك حسين الحوافر والصدر كله أنهشم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بصوت. مسلم المطيري
نعي للزهراء عليها السلام
عبس وجه الزمان وماتبسم
على مبسم الزهره يمطر الهم
ضل يرعد نوايب غيظ غَيَّم
على گلب الوفه شوغات لملم
من يا نايبه ام حسين تسلم
من غدر السقيفه. الگلب ورم
جيش على الطمع. والغدر ملتم
انغصب منها الورث ماواحد اهتم
وضلع بالباب من دفعوه تهشم
وياحال الجنين الفاض بالدم
ولاواحد بعد بالحال يرحم
بسواد الليل صار الصبح واظلم
لفه الهم والحزن علدار خَيَّم
ابحال الطاهره بس الله. يعلم
الشاعر حسن لعيبي الحريشاوي
يازهراء
بـكـيـفــك يالـتـلـوم اتـريـد .. لمنه
علـه الحسرات تـالـي البيت .. لمنه
ننوح بـكـل مـسـه يـا نـاس .. لمنه
يـتـامـه ونـنـتـظـر طـيـف الـزچـيـه
*-----------------------*-------------------*
✍خادم الزهراء ع
الشاعر رعد الجريخي
قصيده للزهراء عليها السلام
وزن دارمي
😭😭😭😭
بسكوت اون بهداي ودموعي بالعين
زينب تفز بالليل واتگعد حسين
😭😭😭😭
تگلي ييمه شبيج ونج كتلني
تخفيها ليش العين يازهره مني
حالج يبعد الروح كلش هضمني
يابعد هاي وهاي ياألم تخفيــــــــــن
*الشاعره ام روكــ✍ـان الشمري*
😭😭😭😭
بهداي اون بالليل ونتي خفيه
كل خوفي عالمظلوم واخته واخيه
گلب الزغيره شلون يحمل اذيه
يازينب شگد ضيم باجر تشوفين
*أم محــ✍ـمد علي الشيباني*
😭😭😭😭
خاف من اونن حيل تسمعني زينب
ازغيره بعدها شلون ودموعا تصب
حسراتي اجر بسكوت من الالم تلهب
گلبي خلص ياناس من الملاعين
*ام منـ✍ـذر الحجار*
😭😭😭😭
يايمه بالله عليج زهرة حياتي
حاجيني اترجاج وانتي امنياتي
اتمنى اظل وياج والحد مماتي
اخذيني يمه اوياج لوردتي ترحين
*ام محـ✍️ـمد الساري*
😭😭😭😭
يايمه الله وياج يوم المشيتي
نتوادع انه وياج يابعد بيتي
افكستي ييمه العين من حمليتي
ماحسبيت ابساع عني تروحين
*ام اسـ✍ــامه الحلفي*
😭😭😭😭
تسمع ونيني اشلون زينب زغيره
حدر الضلوع النار علتي جبيره
مسطوره العينين حيرتي حيره
يازهره گضيته ليلج تونيين
*ام رافــ✍ـد العسكري*
😭😭😭😭
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
✍️✍️✍️✍️✍️
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
لحن ( زهرتي)
بصوت
ملا سيف اللامي
بغداد
قصيده ثكيله الى سيدتي ومولاتي فاطمه الزهراء عليه السلام
على طور باسم الكربلائي مشتاكلك يالغالي
.................................................
يمه الضلع يأذيني، ،،،،،،،مورم اشوفه بعيني
........................،،،،،،،،،،،،،،،،،،،،،،،،،،،،،
من شفت يايمه ضلع كلبي احسه تكطع
تونين من كثر الأم وتنضر عيوني وتدمع
ياعصرة الباب إلا شد من اذكره روحي تطلع
راحت ليالينا بعد ولكعده ماضن ترجع
شيرجعج عليه، ،،،،،واكعد وياج شويه
ولاكثر مأذيني، ،،،،،،،مورم اشوفه بعيني
....................................................
ريت الضلع مالي انكسر وانه اون بدالج
تصعب عليه ونتج ويصعب عليه حالج
كعدي يايمه من المرض تبجي عليج عيالج
خافن من الموت بعجل ويختفي منه خيالج
شلون انسه يمه ضلعج، ،،،،وبل باب باقي دمج
من انضره ياذيني، ،،،مورم اشوفه بعيني
....،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فراكج صعب مااحمله يايمه لاتعوفيني
بليل اكعد واذكرج معلمه تدريني
ادكليلي يمه تصبري شصبر ياضي البعيني
مااكدر انضر للنزل اخلافج تره يبجيني
زغيره عمر عفتيني، ،،،،،،مااحمل وتدريني
وضلعج تره يأذيني، ،،،مورم اشوفه بعيني
......................................................
دمج بقه بل الباب إثر من اشتاك يمه اشتمه
عليج كلبي منهدم مجروح ضل بهمه
شيرجعج لينه بعد هم ترد ذيج المه
هذا الوكت قاسي عليه وحرمني جلمه يمه
راحت الجلمه وياها، ،،،،شيرد بعد ملكاها
تونين وتاذيني، ،،،،،،مورم اشوفه بعيني
.................................................
ياناس فركه آلام صعب من تروح تعمه عيوني
اتمنى وياها اندفن ويمه بلحد خلوني
انه عليه معلمه يابويه هم تدروني
وبكربله محتاجه أم المن يطكو امتوني
بطف اريدج يمي، ،،،تشيلين يمه همي
يالفركتج تاذيني، ،،مورم اشوفه بعيني
................................................
تأليف خادمة زينب عليه السلام أم حسين المسعراوي من العماره لايجوز حذف الاسم نسالكم
الفاتحه الى روح الحجيه والدتي كريمه بنت خاتون
نعي للزهراء عليها السلام
========
ياعشرتچ يمه شحلاها
ريت العمر يگضي اوياها
ياشفجه مانرهم بلاها
..........
جينه وگفنه اعلى ثنيتچ
وصبت دمعتي اباب بيتچ
الروح حنت وشتهيتچ
..........
الروح شهگت الف شهگه
حنت الروح تريد ملگه
ياحيف شو طالت الفرگه
.........
ياعشرتچ يايمه فله
والگعده وكت العصر تحله
من رحتي راح الخير كله
...........
خلاف المشو روحي غريبه
وماحصلت لجروحي طيبه
يمه الصبر ومنين اجيبه
........
ابچن وياي هنا ينسوان
نتقاسم اللوعه والاحزان
ونذكر اهلنه الكلهم احنان
========
خادمة ال البيت الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع