7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
مــن سفرة الكوفه مارد ابوها
ما حملت الفركه وميته لكوها
ميته بدمعها ،، مسلم فجعها
١
حميده تكول كافـي الفركه اذتني
بغيابك ليش اضـــل عدله تموتني
يمـر دونك فـراغ الـلـيـل ويعتني
انه الميته بدمعها الناس شافتني
دمعـي جـرح خـدي وبلل جفوني
بويه انته كل اهلي وهلي نسوني
محد سمعها ،، ميته بدمعها
٢-
منو يعوضني ابوي الراح من عيني
انـه الميته بدمعها وبـاكـو اسنيني
مـــن ابــــرد بـعــد مـحـد يغطيني
تـرد لـو مـا تـرد لحضاني حاجيني
كــوه انــه لازمته بـضلوعي كلبي
ماعندي حب ثاني بس انته حبي
بنيتك وضعها ،، ميته بدمعها
٣
رسايل شوك الك وديت بس سكته
اذا مـــات الـعـزيـز تـعـيش سالفته
ويموت مــن القهر والهم كلب بنته
بـسـك مـــــن غيابك كلـبـي تعبته
هجرك هدم روحـي وهتز كياني
وبدموعـي غركانه ومحد اجاني
طفت شمعها ،، ميته بدمعها
٤-
التموت وهيه عدله شلون موتتها
مثل كسرت ظـهـر مـا تهده علتها
حميده بـطـول ذاك الليل دمعتها
عــدله والمصيبه مــيـتـه سوتها
بس بالحجي عدله ماتت حميده
ما ريده كــل عمري مسلم اريده
افهم وجعها ،، ميته بدمعها
٥-
تكول الناس اصبري وحسبي لجيته
ومـثـل جـيـت هـلال الـعـيـد تانيته
شوكت يـرجـع ابوي ويرحم ابنيته
الموت انـه بغيابك شــوف شافيته
شكد حاولت بويه ماصحلي ملكه
والدنيا بغيابك مـــا تـسـوه خنكه
محني ضلعها ،، ميته بدمعها
حسين عبد الجليل المالكي
احنه من وادي الغياره.........ياحسين
وداعتك رهن الاشاره..........ياحسين
لوحة السماء
خطت الدماء
*******
عالعهد نبصم اجينه بكطعت الراس
احنه من عالم الذر وهذا مقياس
ارواح ننطيهه ومهجنه ثابت الساس
ابدمنه عاهدنه العقيله يدري عباس
تشهد علينه الزجيه..........يا حسين
وياك نحجز عالمنيه..........ياحسين
صحبة الوفاء
خطت الدماء
*******
مثل أصحاب الكهف والدنيا بسكوت
نامو بحضن المنايا وعرفو الموت
ظلوا الالاف السنين ومانفع صوت
هذي أنصار ابواليمه چنهه ياقوت
كامل وعندك عددنه .........ياحسين
وياك مانخلف وعدنه............ياحسين
رايته الولاء
خطت الدماء
*******
من حبيب اخذ العلم وفهم دروسه
راح يم باب المخيم يلقي هوسه
راسه مسقط كربله صارت نفوسه
صار ابن ظاهر فخر شعت شموسه
كاتب بحزت وريده ..........ياحسين
طاعتك فرض العقيده..........ياحسين
لوحة الفداء
خطت الدماء
*******
عابس انعد ابحياته من المجانين
شكك اهدومه وينادي بهل الملايين
صار كل دكة نبض مكتوبه يحسين
صار مضرب للمثل بجنونه للبين
عابس انجن بحياته ..........ياحسين
وياك حقق امنياته ...........ياحسين
يرتوي الآباء
خطت الدماء
*******
من برير اخذ الشجاعه وعيش مهيوب
اسمه موجود ابضياء الجنه مكتوب
يكول بس حسين غالي وعندي محبوب
مهجته ابحب الامامه صارت اتذوب
يا ملك وانت اميره .........ياحسين
وياك ماخاين ضميره .........ياحسين
مصدر البقاء
خطت الدماء
*******
من زهير اخذ الوفه شوف المراجل
بسيفه يستعرض قتاله بكل وسائل
الشمر من شافه لبد بساحه نازل
اشتبه حسباله وصلهم ابو فاضل
ياملك واصل مكانه ..........ياحسين
چان مهيوب ببزمانه..............ياحسين
عشقي كربلاء
خطت الدماء
*******
عوسجه شيخ المراجل يبدي يومه
يكلب الطف لو نزل تعرف خصومه
يرتجز چفك غضب راسمله حومه
صار مفتاحه الطفوف وبي نجومه
انت واحد ماكو ثاني...........ياحسين
زارع بدمك اماني ........ياحسين
يعتلي النداء
خطت الدماء
*******
تمت بعون الله
خادمكم ....يوسف الفتلاوي
الانصار احمد العكيلي
لهنا بعد يصحابي وفيتو
رحله طويله وبيها عانيتو
والليله ارجعو منين ماجيتو ..
………………………
إِتّخْذوً الليلَ جمل إِستقبلوهه بصدمه
گالو اعذرنه سيدي انعوفك بوحدك زحمه
الما ينطي دمه فدوه الك المن ايرخص دمه
خدامك ومنك فضل تقبلها هاي الخدمه
شنهي العمر لو يگظي من دونك
شنهي الشمس .. تضويلنه عيونك
والعاهدك ما يگدر ايخونك ..
……………………
جربنه باجر بالحرب واحد يسابگ واحد
بسيف برمح حتى بحجر بيمن نحارب رايد
عابس يهد بلا درع مجنون طبعه يعاند
مشتري الموت وغايته لخاطر حبيبه يجاهد
لو جن جنونه عابس ايذلهم
يشمر قميصه من يقاتلهم
وگبالي فنه اليوگف ايگلهم
……………………
جون الگظه ايام العمر عايش بخير جفوفك
نعمه ويسر يمك بقه و بالعسر صعبه يعوفك
باجر سعيد بكل فرض لمّن تصلي يشوفك
يتلگه السْهام بصدر انفاسه بس حروفك
فرصه احنه منتظرينها بلهفه
وشگد بخيت الباجر اتكلفه
وبهيجي شده الصاحب اتعرفه
……………………
ويّاك حد گطع النفس صاحو زهير ومسلم
امنيته الانصاري وهب ينذبح دون المسلم
يقسم حبيب بشيبته حيلي صدگ متهدم
بس اعله مودك بالحرب تلگاني بالمتقدم
اصحابك احنه و گد الحجايه
كل مصلحه ما عدنه لو غايه
تلگانه باجر كلنه وفايه
…………………
عباس گله سيدي كلمن يعوفك يخسر
انه و اخوتي فدوه الك للغالي نفدي المنحر
لو كلنه نتگطع وصل واعله الرمل نتطشر
احنه يبو الاكبر تره مو اعز من الاكبر
باجر اذا تنگطع جفيني
والسهم شفته نابت بعيني
بلكت اوافي لزينب بديني
…………………
من فاطمه شنهو العذر لمن نعوفك يحسين
صحبتنه مو عبرة وكت وانت اتعرف ربعك زين
طمّنها زينب بت علي وما تعله عالحاجب عين
سور احنه نوگف عالخيم والشمر يوصلها منين
بايعها روحه اليوصل اخيامك
راكع ذليل انجيبه گدامك
انت الامير و كلنه خدامك
منهاج محرم الحرام ١٤٤٦ هـ
#مسلم_ابن_عقيل
مسلم ها يا بعد ايدي . دير زنودك لوليدي
………………………………….
علم ابني دروس طگت صارمك
لا تلاوي ذراع كلمن علمك
للهواشم عرگه لا تدخلهه دوم
ولا تمد جفك سلم للسالمك
الحاچب ينطگ تهمل عين
تعلم من تربات حسين
مسلم ها يا بعد ايدي . دير زنودك لوليدي
………………………………….
هلا بمسلم هلا بصايود الزلم
هلا بطگتك فوت بيهم ياشهم
طوعه وتحييلك اباب المضيف
فوت ولوي اذراعهه ودوس الخشم
ياراس الطف ارفع راس
شد حيلك بسم العباس
مسلم ها يا بعد ايدي . دير زنودك لوليدي
………………………………….
فدوه لذراعك تشيم طگتك
حار من امك يمسلم طلگتك
علم ابني شلون يدخل للحروب
وخل يلاوي سيوفهم لو لاحتك
جـفـــك نـــار وكلك نــــار
السيف من ايدك گام يغار
مسلم ها يا بعد ايدي . دير زنودك لوليدي
…………………………….
مرهدن يطب للمعارك مافحط
والـيگابل خـزرتك معناها نــط
مخوف الكوفه اتراجف من بعيد
حته شط الكوفه من الخوفه غط
جدامه تسابگ بالمهره
والروس نسحگت حدره
مسلم ها يا بعد ايدي . دير زنودك لوليدي
……………………………..
عباس سلمان القلعاوي
القصيدة تتكلم عن فضل الشهاده ضد الظلم ونصرةٌ للدين
#للانصار ع
القصيدة : رزق هاي الشهاده
محرم الحرام
▫️▪️▫️▪️▫️▪️
رزق هـــاي الشهــاده رحمه من الله وسعاده
عقلي لبه وكلبي ناده ياحسين
ــــــــــــــــــــــــــــــــــــــــــــــــــــــــــــــــ
من رسول الله وحديثه واضح ونص الكلام
مَن يسأل اللهِ الشهاده ينولها بدرب الامــام
أول القطـره الدمائه اتصبح اذنوبه ابحطام
منزلـــه كلمن وصلهــا يطمئن امـــره ابسلام
اليصدق الله بكل اموره لاتسئله عن شعوره
واضـــح التم بيده دوره ياحسين
ــــــــــــــــــــــــــــــــــــــــــــــــــــــــــــــــ
الكل درب يبدي نهايه وعلي حدد كل مصير
كلمن ايحــب الشهاده مثل مـا حبهـا الامير
الله خص الهم مراتب وضحت وضوح الحرير
قطــرة الدم في سبيله احـــب للرب القدير
حمد يسعـــد بي كلماً يلتزم ويصيح نصراً
للشهاده ايكول حصراً ياحسين
ــــــــــــــــــــــــــــــــــــــــــــــــــــــــــــــــ
في طريق الحق نجاهد وخط الاول ياحسين
الما بصرله او يشوفه اعمه ماجن عنده عين
ايتيه كلمن ناسي روحه بدنيته ايصبح سجين
ايعيش عمره انسان ضايع اجه منين وراح وين
كلمن يهم على ساسه يؤطي لو يرفعله راسه
وهايه مارادت دراسه ياحسين
ــــــــــــــــــــــــــــــــــــــــــــــــــــــــــــــــ
بساس ثابت ما اجامل ونصرة الدين الوفاء
استند بالطـــف واكولن اشهدُ اني في الولاء
واجب الحـــق اوادافع وجذري ممتد كربلاء
حسين وانصاره الاشاوس بصمة وضعو بالدماء
ابكربله اهل الشهامه وفوا وخلو علامه
الشهاده اهيه الكرامه ياحسين
ــــــــــــــــــــــــــــــــــــــــــــــــــــــــــــــــ
عن جهاد الطف اسولف انصار جانو بالطفوف
يدرون بالموت وعزمهم فاق كل هاي الالوف
كلهُم النيه الشهاده ودمهم ارعـــب هالسيوف
رمـــز والتاريخ يشهد اشلون لاكوها الحتوف
على الدرع حطوا كلبهم ورسمو بغيره دربهم
وللنصـــر صبح عزمهم ياحسين
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
شيخة الخدام
ام البنين وشيخة الخدّام والوفايه
گالتله گدام الظعن يوليدي علّي الرايه
العباس يبني .. عالراس يبني
حب احسين
ــــــــــــــــــــــــــــــــــــــ
حان .. الوعد گوم .. يالاسد
وين .. يالولد ارباي .. بالمهد
تذكر من صرت والناس .. متعجبه بتفاصيلك
لاانته گمر واتغيب .. لا جاهل والوليلك
اول ماصرت زلمه .. تكسر ظهر الايشيلك
رضّعتك وفه وغيره .. واحسين اليناغيلك
ومن طبت النسوان الي گاللني شسّمونه
گتلهن اوليدي گمر فدوه ودخيل اعيونه
الكفال اسمه .. خيّال اسمه
هذا الزين
ــــــــــــــــــــــــــــــــــــــ
وين .. خوّتك احسين .. كشختك
دَين .. برگبتك شيل .. رايتك
تفرح زينب الحوراء .. من اترفرف الرايه
واريدك حارس اعله النوگ .. يامن بيك الاكفايه
وصليلي صلاة الحب .. وباسمي رتل الآيه
محرابك نهر عطشان .. واچفوفك امصلايه
واهناكه يبني بكربله دوس اعله اكبر شارب
وتترادم الخيل وزلم لمن تشوفك غاضب
صگّار انته .. اشگد حار انته
عالسبعين
ــــــــــــــــــــــــــــــــــــــ
روح .. ياگمر شيخ .. عالنهر
صيت .. إوفخر احزام .. للظهر
خليهه تگول الناس .. ياهيبه الامربيته
زلمه لوجبل عباس .. شو ماينكسر صيته
ريشات الشجاعه اثنين .. وامحزّم ابچفيته
حته الهوه ايصيح الله .. لـمّن يدخل ابريته
الله يرسمة حاجبك والعين چنهه امرايه
والمايصلي اعله النبي ابعينه تطب سلايه
مخلوق للحب .. للذوق والحب
مو من طين
ــــــــــــــــــــــــــــــــــــــ
هاك .. معصبي انطيه .. الزينبي
هاي .. بت نبي خاف .. تنسبي
واخذ اعبايتي وياك .. خاف اتعوز النسوان
وراسك عالرمح جامع .. ونظرة عينك الاذان
طب گدامهه وهوس .. لمن تدخل الميدان
گللهم خدر زينب .. هذا ابمنزلة قران
والفكر ايمس الخدر أگطع عرج تفكيره
آنه اللي ماراضع لبن راضع شجاعه وغيره
زلزال بيه .. والعال بيه
يشرد وين
ــــــــــــــــــــــــــــــــــــــ
نور .. بالظعن سور .. بالمحن
بيك .. يلتقن الماي .. والوطن
يوليدي اعتمادي اعليك .. واعرف انته متقصر
ابتلاثتهن اتحارب .. بسيفك بالخزر تسطر
ظهرك بي بشر هادود .. وجهك بي علي ايشور
وزينب لو تريد الماي .. اريدك عالخيم تمطر
موش الخوالك طلعتك طالع لبوك الهيبه
چنك مضيف المجتبه ومافشل امعازبيه
الدلات بيدك .. حلوات بيدك
مثلك وين
ــــــــــــــــــــــــــــــــــــــ
صاح .. الوفي احسين .. مصحفي
الكون .. ينچفي بنار .. مرهفي
يايمه وأنه العباس .. ماعوفن ابد ثاري
زينب اگلبلهه الطف .. لوجابوهه بالطاري
ولعيون الحبيب احسين .. اضحي ايميني وايساري
افرحيلي وارفعي الراس .. لو توصلچ اخباري
يايمه باچر عالنهر لمن تظل الرايه
اجروحي امواكب تنبني وتتكاثر المشايه
حياك صاحت .. محلاك صاحت
نور العين
محمد الجماسي
#اللهم_عجل_لوليك_الفرج
#من_ديوان_قربان_الطف_ج٧
قصيدة للنزول(بالحومه نزلنه)
❥━──➸➽❥❂❥━──➸➽❥❂
نزلنه اليوم بالحومه نزلنه
كلنه امدللات بجال اهلنه
باجر مايظلون/عالغبره يطيحون
يوگع عالنهر كافل حملنه
نزلنه اليوم بالحومه نزلنه
❥━──➸➽❥❂❥━──➸➽❥❂
گعدنه بكربله وحطينه الضعون
نبچي بحرگه والدلال محزون
باچر كل زلمنه هنا يطيحون
وعالغبره جثثهم من يموتون
يظلون اعله التراب/واحنه بولية اجناب
نناشدهم ومحد يگعد النه
نزلنه اليوم بالحومه نزلنه
❥━──➸➽❥❂❥━──➸➽❥❂
بهاي الأرض ذبحتكم يالحنان
ضحايه امددين وعله التربان
وگلب ام الخدر مهضوم حزنان
تفگدهم سويه آل عدنان
وتظل محتار بينه/وما يبطل بچينه
عالوليان كل همنه وحزنه
نزلنه اليوم بالحومه نزلنه
❥━──➸➽❥❂❥━──➸➽❥❂
احنه مدللات بزودهم دوم
يرحون ويظل الگلب ملچوم
كل وحده اعله ابنهه تبچي دموم
واتدور عليه والحيل مهدوم
احا يا فگد الأحباب/منه الگلب ينصاب
بموتتهم تره تموت المحنه
نزلنه اليوم بالحومه نزلنه
❥━──➸➽❥❂❥━──➸➽❥❂
يموتون الذي نحبهم سويه
عباس الگمر ينطفي ضيه
چفوفه تطيح مدري بيا نويه
وراسه يعاين لسكنه ورقيه
يگلهن ردتن الماي/وانه انطفت عيناي
وطايح عالارض وسفه علمنه
نزلنه اليوم بالحومه نزلنه
❥━──➸➽❥❂❥━──➸➽❥❂
وزينب تنتحب وتنادي يحباب
ردوني لوطنه آيالاطياب
صعب اعليه ما احمله هالامصاب
ما اگدر اشوفن گص الارگاب
وروس معلگه بأرماح/ومرافگه الذباح
نكضيه الدرب ونه اعله ونه
نزلنه اليوم بالحومه نزلنه
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
لفاطمة العليله (وزن عگيلي)
ايعين الله الطفله المهظومه
حسين الغابت عنها اعلومه
هلمعلوله يخاف عليها
حسين البلدار امخليها
يدعي الرحمان يشافيها
الظلت. متعذبه. ومالومه
مشتاگه الشوفت والدها
من حط بديره اشمبعدها
امناطر ليل. ودمعه بخدها
وصبر الواجب بيه ملزومه
ماتدري الفرگه اشتاليها
نيران المدمع تچويها
جروح الفرگه تعذب بيها
شيداوي جروح الملچومه
ابعمر الزهره سنين الذبلت
ابفرگه وكسر الخاطر مرت
بعد الراحوا تنحب ضلت
تكتل حسرتها المكتومه
معلوله وبالدار اتاني
تنادي ومن لوعتها تعاني
بويه دخيلك. لاتنساني
وجهك دوم گبالي ارسومه
والله اتخوف هاي السفره
گالت يمسافر. . بالعتره
خوفي ابطالك فوگ الغبره
وانته الوحدك وسط الحومه
الشاعر حسن لعيبي الحريشاوي
#محرم1446هـ
متانيتهم ما اجوني احبابي
گلبي انه ينبض لون دگو بابي
انه العليله انه العليله
****
اثر ما الهم هلي فوگ الصحاري
ردت اروح وياهم ومو بختياري
كلشي واگف خلو وبس دمعي جاري
بعد من دون الاهل ظل خالي داري
بفراگهم زايد عليه مصابي
****
همه عافوني ومشو وانه بغربتي
يعني ما راح انه اشوف ارقيه اختي
اذكر هنانه گعدتي هنا لعبتي
بعدچ صغيره رقيه لو كبرتي
اسال عليكم ردو بله اجوابي
****
شوفني اركض ركض لا مو عليله
حتى لو دربك مشي هم بيه حيله
انه ادري بروحتك كلش طويله
خادمه لعبدالله اخذني وانه اشيله
خاف انه اجرحك لون زاد اعتابي
****
انه اول وحده متحضره لسفركم
وحدي ظليت وبقيت انه انتظركم
ليش هدهد ما اجه يوصل خبركم
والله لو تدرون هسه بحال بتكم
تانيتهم بس ما اجوني احبابي
****
فارشه السجاده الك منتظره ترجع
عيني عالباب وبقت كل عيني تدمع
الوقت ليش وياك يگضي هواي اسرع
يعني روحي بلا وجودك شني تنفع
وياي ظل الدمع اصبح رابي
****
#علي_جبار_الكعبي
#قصائد_محرم_
#محرم_الليلة_الثالثة_
مولاتي فاطمة العليلة تنضر علة اعيون ابوها الحسين ص بعد اخر لحضات الفراق وتحاچي بدموعها وتگلة....
يااحسين
دموعي رادتك وطن
بس ونين
من رحل عني الضعن
وين اروحن وانة بس دمعي نصيبي
وين اروحن وانتة راايح ياحبيبي
________
بية الحسره خلاف عيونك
رايح بوية وما تاااااخذني
الليلة بدونك صعبة اكضيهة
يعني بفگدك يكثر حزني
بعد اعيوني شتسوه ابدونك
دموعي الضلت بس تلچمني
يوم العفتك خلص عمري
بويه ايامي بس تهضمني
بويه ليش...
رايح انتة وما ترد
ما يعيش...
العنة محبوبة ابتعد
جروحي رادتك تجيهة تكلهة طيبي
وين اروحن وانته رااايح ياحبيبي
١______
ياكل گلبي ذكرك بوية
صوره بعيني وصوره ابالي
راحت ذيچة حلوه ايامي
انتة البيهة بوية الغالي
چلمه بروحي دوم احچيهه
خلاف اعيونك يهضم حالي
ارجع لية فدوه لعينك
صارت صحره كل أمالي
يل حنين...
گلبي خايف؟ ماتجي
گلي وين....
راح اموت منل البچي
ألحزن خضر مصايب ياا طبيبي
وين اروحن وانته رااايح ياحبيبي
٢______
حلمي اوياكم يخلص عمري
چا عفتوني ودمعي بعيني
يم عبدلله انه مچاني
هسه غيابه ضل ياذيني
اذكر مهده ويشتد نوحي
تمرني الحيره تضل تحنيني
كسرتّ خاطر أذت گلبي
انة الوحدي تالي سنيني
وين اروح....
چبيرة كلش غربتي
بس جروح....
بگلبي زادت محنتي
عمري تالي بس بواچي يا مجيبي
وين اروحن وانته رااايح ياحبيبي
٣______
جتنيّ أرسالة ردت اطّمن
بس مكتوبه ذبحو حلمچ
خلص كلشي وحتى رقيه
ماضن ترجع تگعد يمچ
حسين لوحده ضل ابهيمه
ضلي بروحچ زيدي بونچ
راح الماضي وهسه تغير
كلشي تغير عيش ابحزنچ
وسفه راح....
العمر ذاكه سوة
بس نياح
وأبچي وي جيت الهوة
شبيدي بس تالي حياتي بس نحيبي
وين اروحن وانته رااايح ياحبيبي
٤______
اعطش واذكر انتة بهيمة
وياخذ روحي سهم اعيونك
فوك اترابة باقي مسلب
وتمشي بهيمة ليش اضعونك
خنصر ماكو چفك ناقص
والهضمتني بس دم لونك
المن ابقى الموت احسلي
صبري أترحل بوية بدونك
كلشي مات…
رقية ما ردت بعد
الماضي فات…
گلبي بلفرگة نمرد
زغيرة بس بعدك صفه براسي مشيبي
وين اروحن وانتة رايح ياحبيبي
٥______
#محرم_1446هـ_
خادم الزهراء ص
✍️محسن الباوي
______
على لحن الملا باسم الكربلائي
عينك ما دربتها بيوم عن عيني✍️✍️
ما تآخذ يعمــة الثــار شمتاني
يالمهدي بظهورك تخلص احزاني
****
زينب آنه يــا عمة السبـو ضعني
مليت الحزن والحــزن مَــل مني
كل الزار كَبــري يستمـــع ونـــي
يا عمــه وكَع من السـبي متنـــي
ذبحو بالطفوف بسـاعة خوانــي
*
يا عمـــه على العترة الظلم لســه
هاي الأمــة بس المُجرم تقدســـه
حركَو باب أمــك ذولة مو تنــسه
كَطع الروس عدهم تسلية اونسه
ما يطهر يعمــه الفكرة شيطــاني
*
يعمــه راح أسولفلك على العاشر
يدوس بصدر أخوي حسين چم حافر
صرخ عبدالله من شـــافه بلا نــاصر
حركَــو خيمتي وراح انسبي باچــر
واعوف علـى الثـــرة مذبوح قرآنــي
*
آنــه من السبي عمه انهدم حيلي
عيونك يابو صالــح لسه تبچــيلي
من عاشــر محرم ألف يا ويلــــي
عمه شلــون صابر كَلـبك احچيلي
غيرك أي شخص عالـــثار ميتاني
*
أتنطر ظهورك عمــه كل جُمـــعة
واكَولــن بلكي هالليلة يلـــم ربعة
يعمــه بعيني ما ظــلت بعد دمـعة
يمــته من آل أميــة حكَــك ترجعة
يردونــي ســبيه لســـه عدوانــي
*
يعمــة سنين هجرك صارن هواية
عــد عباس يم المشـــرعة الراية
هواية أنصــار عندك عمــة وفاية
حشــد عدنه يعمه وعدنــه مشاية
وكل وآحد يكَــلك هــاك شريـــاني
****
أمــك فاطمــة لليـــوم مظلـــومة
مو عنـــدك مراقد لســـه مهدومة
ثارك يابو صالح ما كَرب يومـة
هاي الشيعة منك ليش محرومة
آني من المصايب صرت مو آني
*
من أهـل السقيفة لــو اجيت اِبدي
ذولــة تشمتو؟ماكـــــو أبــد مهدي
لسه جروحي من طف كربلة تدي
فرح اجدادك وشيعة علـي اولدي
أحــر من الجمـــر يا عمه تلكَاني
*
يالله أمــلأ الدنيــا قســطاً وعدلاً
عدوانك ملـــوها ظُـــلماً وجَـــوراً
شكَد ليلك يمهدي صارله من جن
تندلهن يعمـــه حكَوكَنــــه عدمن
باچر خاف يهدم كَبـــري سفياني
*
حيدر حسين الكَرعاوي
[[موشح للحسين ع ]]
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
الصار حب حسين وي أحساسه
تلگه دخان الخيم بأنفاسه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
لا تلوم الي ابتله بداء الونين
هذا داء واسمه داء العاشقيــــن
بالوعي واللاوعي يردد حُسين
الفگد مثلك فلا يتواســــــــــــه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
لا تلوم الي فگد عقله بهــــــــــواه
صعبه يستوعب جزء من محتواه
حسين لجله الباري سوه ارضه وسماه
يعني لحسين الخلق من ساســـه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
الي بس يسمع حسين يهل دمـع
هذا في گلبه الم كسر الضـــــلع
لصوت عبد الزهرة؛ لمن يستمع
يعيش يوم العاشر باحساســـــه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
حسين ياكسر الذي ما ينجبــر
عاش بيه من الطفوله وللكبــر
حسين ياقران اسمعك كل فجر
فطرة حبك مو علم ودراسة
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
حسين ياسرِّ الذي ما نفهمـــــه
كل سنه نعزي بمصابك فاطمه
عين ما تبچي الك طبها العمـــه
الله ينسى الي الك يتناســــــــه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
لا تضن (لبيك)بس كلمة شعار
هذا مبدئ هو للثائر منار
يبدل اعلى الظالم الليل بنهار
يعني وكت الثوره دگ اجراسه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
خادم الحسين
جهاد البصيراوي
الله نزّل جبرئيله
يسمع آهات العليله
آه... يا ألم گلبي و جمرة دموعي المسيله
꧁꧁꧁꧂꧂꧂
فاطمه اتون بالمدينه
والدي ياربي وينه
والله مشتاقه الحنينه
ايضمني و اغفه ابّين أيدينه
آه... يمسح ادموعي و همي من گلبي يشيله
يا ألم گلبي و جمرة دموعي المسيله
꧁꧁꧁꧂꧂꧂
طفله انعي و گلبي ذايب
گلبي كانون النوايب
ويني و وين المصايب
هاجروا عني الحبايب
آه.... ذوبلت حين الاختفى ظعن القبيله
يا ألم گلبي و جمرة دموعي المسيله
꧁꧁꧁꧂꧂꧂
وحدي ملچومه ابعتبكم
عيني مشبوحه الدربكم
يمته اتروّه ابنظركم
و استمع نبضة گلبڪم
آه.... و اجلس ابحضنه والدي و همي اشتڪيله
يا ألم گلبي و جمرة دموعي المسيله
꧁꧁꧁꧂꧂꧂
اليفگده اهله حل مماته
ابلا اهل ظلمه حياته
والدي عينه اشحلاته
روحي مشتاقه الصلاته
آه.... يا وڪت يرجع و انظر العينه الجميله
يا ألم گلبي و جمرة دموعي المسيله
꧁꧁꧁꧂꧂꧂
يمته يخلص هذا همّي
ربّي حقّق ليّه حلمي
ريت اصد احبابي يمّي
و ارتوي من جوده عمي
آه.... يمته اشم شيلة عمّتي الحره العقيله
يا ألم گلبي و جمرة ادموعي المسيله
꧁꧁꧁꧂꧂꧂
خادم خدمة الحسين عليه السلام
ناصر آلبوعبيد
ثكيله للعليله ع
ـــــــــــــــــــــــــــــــــــــــــ
عافوني/أهلي وجفو بضعونهـــم
عافوني/صعبه اعيش ابدونـهـــم
عافوني/ماادري هسه شلونهـــــم
عافونــــــــي.... عافونـــــــــــــــي
ـــــــــــــــــــــــــــــــــــــــــــــــــــــــــ
الســــــاكن وصط گلبـي ارتحــــل
كـل جسمـي بـفــراگــــه نحـــــــل
والمـــــــوت أهــــــــون ليــــــــــه
لمــــــن بعّــــْد عنــــــي الـضعــن
هنـــــا أصبحــــت بيت المحــــن
وســــديت بابـــــــــي عليـــــــــه
بالــــــديــره مــــا واحـد عــــرف
بـــــس شمعــــــه صـارتلي ولــف
مــــــــسابگ دمــــــع ليــــلــــــيه
شمـــــــا حــــرك البــــاب الهـــوه
وي روحـــــي أتسابگ ســـــــــوه
والشــــــــوگ يـــــــحرگ بيــــــه
ترضوها/عفتوني وحدي بحيــــره
ترضوها/لـــُوحِيدي اضل بالديــره
ترضوها/عطشت اعيوني لشوفهم
عــافــــونـــــــي..عافونـــــــــي
ـــــــــــــــــــــــــــــــــــــــــــــــــــــــ
ضلـــــمه واشوفنــك شمـــــــــس
انتضـــرك ابلهفـــــة نفــــــــــــس
دوهنـــــــي بويه اوداعـــــــــــك
غربـــــــــه وأشــوفنك وطـــــــن
وياشوفتـــــك تجـلي المحــــــن
بچــــــاني حيــــــــل غيـــــــابك
عذبنــــــي يالغـــــالي السهـــــر
من الــدمـع خـــــــدي انحفـــــر
مشتـــــــاگه أشــــم أثيــــابـــك
أذكــــر گعــدنه أهنـــــا ســــــوه
مثـــل الگمـــــر چنــــك ضـــوه
كمت أشــــــــم عطــر أتــرابـــك
حنيتلك/ذيـــــــچ المحنه الدافيــــــه
حنيتلك/غيابك خذاها العـــــــافيــــه
حنيتلك/طابـــــــع ابعيني ارسومــهم
عافونـــــــــي.......عافونـــــــــي
ـــــــــــــــــــــــــــــــــــــــــــــــــــــــــ
مـدري بحلـــــــــــم مــــدري بعلــــم
منكـــــــم هلي محــــــــــد سلـــــــم
وبالهيمـــــــــه شفــــــت الـعيلـــــــه
چــــن خيــــل دارت كـــالـــــرحـــــه
واضلم علــــــه أم عـــــون الضحـــى
ياربــــــــي شنهــــــي اليلــــــــــــــه
حســـــين السبــــــط راح أبعجــــــل
وبأيــــــده شايــــل چـــــن طفـــــــل
ألـعطــــش فـــــــــــت أدليلــــــــــــه
أمنيــــــــن مـاعايـــــــن جـــــــــــرح
عبـــــداللــــه بيـــــده ومنــــــــــذبح
بالحســــــــــره گمــــت أنعيلـــــــــــه
أذانــي/يابـــــويه حلــم البارحـــــــه
أذانــي/كل ليلــــــــي مـــا مـرتاحـــه
أذانــي/من شفت هيــــچ ارسومهـــم
عافونـــــــــي..... عافونـــــــــي
ـــــــــــــــــــــــــــــــــــــــــــــــــــــــــــــ
مــــــــاردلي من عدهم خبــــــــــــــر
عالخــــــد دمــــع سيل نحـــــــــــدر
لاچمنــــــــي كلبـــــــــي عليــــــــكم
أســـــأل الــراحــــــو والأجــــــــــــو
يــردولـــــــي ما ضنــــــهم نســـــــو
ليـــــــل ونهــــــــــار ابجيلكــــــــــم
عــــافونـي بالغــــــــربه الاهــــــــــل
وجسمــــي مثــــل ورده ذبــــــــــــل
عنـــــــي منـــــو يحجيــلكــــــــــــم
چفنــــــي فــــــلا نــــام وغفـــــــــى
كـل فكـــري ضـــــل ابنينــــــــــــــوى
رجعـــــولـي فـــــــدوه دخيلــــــــكم
يابويه/بس لاتخيب اضنـــــــــونـــي
يابويه/وصيتمــــــن يلـــــــــفونــــي
يابويه/مگطــــوعه عني أخبارهــــهم
عافونـــــــــي..... عافونـــــــــي
ــــــــــــــــــــــــــــــــــــــــــــــــــــــــــ
دمعــــــــــــــات المغــــــــــارگ دوه
بنفـــــاسي مخنـــــوك الهــــــــــــوه
يّتيمـــــــه صـــــــرت ياويــــــــــلي
مـــــــن الهضِيمــــه حـــودبــــــــت
احـــــــلامي منـــــــي تفرهـــــــدت
والـــــــونه هــــــدمت حيـــــــــــلي
چــــــــم خــــــاطر البيـــــه نكـــسر
خنجـــــــــر يكطــــــع بالنحــــــــــر
نجــــــــوم السمـــــــه تبچيـــــــــلي
اعيـــــــــوني نشفــــــــهه الســـــهر
والشهــــــر ضـــل يتبــــــع شــــــهر
أرحــــــم يبــــــويه أعويــــــــــــلي
بوداعهم/الشيـــب برموشي نبــــت
بوداعهم/الــــــأه منـي تمكنــــــــت
بوداعهم/عشت الحزن وهمومــهـم
عافونـــــــــي..... عافونـــــــــي
ــــــــــــــــــــــــــــــــــــــــــــــــــــــــــــ
خادم الزهراء واولادها. ع.
المــلا /ياســــــر الــزيادي
موعد الاحرار.. باجر ايصير اللقاء اويه المنايه
موعد الاحرار.. بكربله تبدي الحياة امن النهايه
يخيمتنه ونطوفك
نموت ومانعوفك
...................
الاهل عفناهم احنه.. يئغله من اهلنه
عمرنه بنصرتك نقطف ثماره
تجاره الدنيه بيهه.. بعد مانشتريهه
ينبضات الگلب حبك تجاره
نتنفسك يحسين.. ياهوه الريه العذب
وبصمنه بالجفين.. والله غيرك مانحب
المايعرف الحب الصدك.. غريب ايعيش
ياامان الناس.. ماكو بالدنيه امان بلاوجودك
ياامان الناس.. الله خالق كاعه والبيهه اعله مودك
اجيناك الطفوفك
نموت وما نعوفك
......................
عليك الباري صله.. وجودك رحمة الله
انخلقنه انصار الك يابو الشفاعه
حلمنه وكل املنه.. نشوفك راضي عنه
نصيح بمحضرك سمعاً وطاعه
يحسين الك انصار.. اعلينه تشهد نينوى
ماعدنه كل اعذار.. مايمر بيك الهوه
سبعينك بوكت الشدد.. غضب بركان
تمشي هل ايام.. والوحيد الخاسر الماشافه گلبك
تمشي هل ايام.. والله هنياله اليضل دوم اعله دربك
تنفسنه بحروفك
نموت وما نعوفك
...................
المنايه نعتنيهه.. ركض نركض عليهه
ولايرمش جفن عين اليحبك
الخدمتك كلش نكدر.. انتوذر ونتطشر
ايتضمد كل جرح لمن نندبك
واحدنه ثكل اجبال.. ماتهزه العاصفه
يامصنع الابطال.. علمتنه اعله الوفه
مانخلف وياك الوعد.. ينور العين
اليموت ايعيش.. انته غيرت الطبيعه وكلهه تشهد
اليموت ايعيش.. من تسد عينه بجفوفك ذكره يخلد
يمن سالم نشوفك
نموت وما نعوفك
......................
اجينه ايرف علمنه .. شنريد وانته يمنه
صرت وسط الگلب تسري بدمانه
قسم بالله وخيامك.. تطيح اركاب امامك
ولاينزل شبر واحد لوانه
جيش العده سبعين.. هل الوف محيره
أحياء بس ميتين.. دنيه خسرو وآخره
اصحابك احنه وبس الك.. يرفعة راس
ياحسين وياك.. كلشي واضح والأمل كله بطفوفك
ياحسين وياك.. احله ساعات العمر لمن نشوفك
نقبلهه جفوفك
نموت وما نعوفك
.......................
خبر جانه وسمعنه.. وبله عمايم طلعنه
حزينه ام الخدر كالو عليهه
للخيام اعتنينه.. نطمنهه بحجينه
وعرضناهه المواقف بين اديهه
هوسنه بالحك دوم.. مانطيح وننكسر
يا زلمه هذا اليوم.. يوصل احدود الخدر
من دمنه تربت كربله.. تصير اخضاب
لآخر الانفاس.. احنه انصار وخدم ونته ابونه
لآخر الانفاس.. مانزل عن هل درب لو كطعونه
علينه انته خوفك
نموت وما نعوفك
محمد هادي العقابي
العشگ عباده
حيّ عالشهاده يالانصار
ــــــــــــــــــــــــــــــــــــــ
اصطفو من اجل الصلاة احسين قد قام العزم
وكربله اطلابه چبيره والعرك بس للزلم
بالبيارغ هوسوله وللحرب شدّو حزم
مومهمه الدنيه كلهه احسين بس هوه المهم
ماخلص مداده
حيّ عالشهاده يالانصار
ــــــــــــــــــــــــــــــــــــــ
البشر مهما يعمّر يجي يوم الموتته
بس دجيب اليفهملهه ومايثگل خطوته
اكو ماوفقهم الله للحسين ونصرته
وانتم الصنتو الامانه والتحقتو ابثورته
والمنادي ناده
حيّ عالشهاده يالانصار
ــــــــــــــــــــــــــــــــــــــ
واحد وسبعين شيبه خضبوهه امن الدمه
الناس فوگ الگاع تمشي والشهيد اعله السمه
هايه جنه امن الكرامه وهايه حّسن الخاتمه
علي الايروي عطشكم والشفيعه فاطمه
والقتل سعاده
حيّ عالشهاده يالانصار
ــــــــــــــــــــــــــــــــــــــ
بالحشر لامام ينفع لا ولا تنفع بنين
اله حب حامي الحميه الينفع وحب الحسين
الما نصر هاي العقيده يعتبر ماعنده دين
ياحبيب ابن مظاهر انته شيخ العاشگين
وانته ابو الاراده
حيّ عالشهاده يالانصار
ــــــــــــــــــــــــــــــــــــــ
يالله ياعابس اجتك فرصه هاي امن الذهب
گوم شگلهه قميصك والذبح كلش وجب
وينه جون الكله غيره واسلم التركي اووهب
احسين لو باوع عليكم ينمسح منه التعب
گومو للقياده
حيّ عالشهاده يالانصار
ــــــــــــــــــــــــــــــــــــــ
هدو السبعين كلكم عاصفه ابنص البحر
الله باعلهم رحمته واشتروهه بالنحر
صفّو الرايه اعله رايه شدو الظهر بظهر
الزاد حبهم للحسين وراحو بأجمل سفر
حققو مراده
حيّ عالشهاده يالانصار
محمد الجماسي
#اللهم_عجل_لوليك_الفرج
العشگ عباده
حيّ عالشهاده يالانصار
ــــــــــــــــــــــــــــــــــــــ
اصطفو من اجل الصلاة احسين قد قام العزم
وكربله اطلابه چبيره والعرك بس للزلم
بالبيارغ هوسوله وللحرب شدّو حزم
مومهمه الدنيه كلهه احسين بس هوه المهم
ماخلص مداده
حيّ عالشهاده يالانصار
ــــــــــــــــــــــــــــــــــــــ
البشر مهما يعمّر يجي يوم الموتته
بس دجيب اليفهملهه ومايثگل خطوته
اكو ماوفقهم الله للحسين ونصرته
وانتم الصنتو الامانه والتحقتو ابثورته
والمنادي ناده
حيّ عالشهاده يالانصار
ــــــــــــــــــــــــــــــــــــــ
واحد وسبعين شيبه خضبوهه امن الدمه
الناس فوگ الگاع تمشي والشهيد اعله السمه
هايه جنه امن الكرامه وهايه حّسن الخاتمه
علي الايروي عطشكم والشفيعه فاطمه
والقتل سعاده
حيّ عالشهاده يالانصار
ــــــــــــــــــــــــــــــــــــــ
بالحشر لامام ينفع لا ولا تنفع بنين
اله حب حامي الحميه الينفع وحب الحسين
الما نصر هاي العقيده يعتبر ماعنده دين
ياحبيب ابن مظاهر انته شيخ العاشگين
وانته ابو الاراده
حيّ عالشهاده يالانصار
ــــــــــــــــــــــــــــــــــــــ
يالله ياعابس اجتك فرصه هاي امن الذهب
گوم شگلهه قميصك والذبح كلش وجب
وينه جون الكله غيره واسلم التركي اووهب
احسين لو باوع عليكم ينمسح منه التعب
گومو للقياده
حيّ عالشهاده يالانصار
ــــــــــــــــــــــــــــــــــــــ
هدو السبعين كلكم عاصفه ابنص البحر
الله باعلهم رحمته واشتروهه بالنحر
صفّو الرايه اعله رايه شدو الظهر بظهر
الزاد حبهم للحسين وراحو بأجمل سفر
حققو مراده
حيّ عالشهاده يالانصار
محمد الجماسي
#اللهم_عجل_لوليك_الفرج
الانصار ع
القصيدة : يامحلاها الشيبه
محرم الحرام
انصار اويـــاي .. بالغيره اهـــواي .. يامحلاها الشيبه
ــــــــــــــــــــــــــــــــــــــــــــــــــــــــــــــــ
اجونـــي وطلكو الدنيا .. اجو ويمانهم شمسي
مـــارادو ملك لا مــال .. وكالوا للحيـــاة انسي
حبيب وشيبته الحلوه .. يكلي ما اعــز نفسـي
واجـــو ويايــه متمنين .. سفينه وللنجاء نرسي
كلهم بالراي .. للموت احذاي .. كلهم راي وهيبه
ــــــــــــــــــــــــــــــــــــــــــــــــــــــــــــــــ
رادوها الشهاده اليوم .. وطلبوا اخـــره وجنـــه
يكلولي العمـــر فدوه .. اذا طـــف بيك يجمعنه
اجازيهم جـــزاة الخير .. انصـــــار اوغـــدوا النه
النصرني ابمنزله وياي .. يمـــوت ومـا اعوفنـــه
عذوبة ماي .. صارولي افياي .. ذوله زلم النبيه
ــــــــــــــــــــــــــــــــــــــــــــــــــــــــــــــــ
صحبتهم بدت بالروح .. واحد يسبك الثانـــي
ماعافوني وحدي بليل .. وشاركهم انه احزاني
فزعولي مثل هالريـح .. ورجفت كلها عدواني
تمنوها الشهاده اوياي .. بيهم تقـــره عنوانــي
انجوم اسماي .. واحد بالراي .. الشارد منها اجيبه
ــــــــــــــــــــــــــــــــــــــــــــــــــــــــــــــــ
انصاري والنعم منهم .. وَفولـــي العهـــد للموت
وقبلوها التحديــــات .. وسويــــــه للمينه نفوت
ماهمهم عدد لاجيش .. وصاحو بالعساكر صوت
اذا يونس نصير وياك .. فنـــه يبتلعنه الحــــــوت
بالحومه ادواي .. اصحابي الواي .. اعجوبتهم طيبه
ــــــــــــــــــــــــــــــــــــــــــــــــــــــــــــــــ
جون ونافع . ابن القين .. حبيب ومسلم وياهم
بريـــر وجابــــــر وجبله .. وجناده وكون تنخاهم
زلم رسمو طريـــق الحق .. وبالحق صـــار مأواهم
والحر الرياحـــي الحـــر .. بفرحــــــه من تعناهم
وكلي ادماي .. واقبل مولاي .. الطف ماجنه مصيبه
ــــــــــــــــــــــــــــــــــــــــــــــــــــــــــــــــ
الشاعر : فيصل عاشور المنصوري
الانصار
القصيدة : حزام الهواشم
محرم الحرام 1446 هــ
▫️▪️▫️▪️▫️▪️
حــــــزام الهواشـــم حــــــزام الهواشـــم
ــــــــــــــــــــــــــــــــــــــــــــــــــــــــــــــــ
العاشك حضر حضر يفدي الدم والنحر لابن الزجيه
عابس بالحب وصل ايريد يتكطع وصل ونحره هديه
بعشكه وجنون البيه ذب الدرع
فات على ذاك الجيش يصرع صرع
نبضه وحياته حسين بي منزرع
ماخلـــــــه ســــــالم حــــــزام الهواشـــم
ــــــــــــــــــــــــــــــــــــــــــــــــــــــــــــــــ
امن الحره هل خبر انصار قله والخطر وليله طويله
لابن ضاهر طك عرك الحومه يحركها حرك لاجل العقيله
ولم الغياره وركض صوب الخيم
كض شاربــه بزوده ورف العلم
كللها حره ابشري من نحري دم
وسلو صــــــــــــوارم حــــــزام الهواشـــم
ــــــــــــــــــــــــــــــــــــــــــــــــــــــــــــــــ
أسلم برز برز سل سيفه وارتجز اكبال الجحافل
وجون الرعب رعب بسيفه مطاير ركب وينه الينازل
جناده ويه جابر وأنس مسلم برير
شوذب حبيب وبشر اوياهم زهير
َوالحر يضحي الدمه العين الامير
وذبــــــو عمايـــم حــــــزام الهواشـــم
ــــــــــــــــــــــــــــــــــــــــــــــــــــــــــــــــ
القائد رف رايته وكلها اتحب نصرته بغيره وشجاعه
الامره الكل انتظر وصاح صوت على الخطر سمعاً وطاعه
عرفوا منايا وخطر ركضو ركض
بس الهم هذا العشك وطوي الارض
البي حب ابو السجاد خل ينتفض
وبحبه هايــــــــــــم حــــــزام الهواشـــم
ــــــــــــــــــــــــــــــــــــــــــــــــــــــــــــــــ
حسين الحبه ارتوه حسين المي والهوه ومالحظه تهوه
الضحى ابنحره كبر اله بالطف هل خبر بمنزلته هوه
بمنزلته كلمن طاح بارض الطفوف
الكافل يجيله بفرح يمدله الجفوف
من اهله صارو بعد ماهم ضيوف
حــــــرز العوالــــــم حــــــزام الهواشـــم
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
ها يولاد الحميــــــة حل يـوم الغاضرية
بيعوا النفس لاخوكم ومنه اشتروا المنية
====================
حكَي اعليكم آنه وهذا الطلب أمانة
من يرتفع لوانــه خل يرتفع بديكم
للطف أنه انذرتكم لابن النبي اذخرتكم
رفعة راسي ردتكم خل شاني يعله بيكم
ها يولادي الاماجد بيكم علي اشاهد
اتباهى عالخلايق وارفعتو راسي الية
====================
كلما صد عالضعينه بطلعتها من المدينة
كلبي يكثر ونينه وخوفي يشتد وراها
بس عباس من اشوفه وشايل راية بجفوفه
ماتبقه عندي خوفه وبيد الكمر لواها
وانظر على الفواطم تمشي ابظل الهواشم
والراية ابجف كمرنه من يدنه الفاطمية
====================
بس ما سدر ضعنكم بيد الله ودعتكم
بيد الكمــــر علمكم ضعن العز والمهابة
ذاك السهـــــر اريده خلوني اظل وحيده
و اليفتدي العضيده يم فاطمة احتسابه
اتحمل كل عذابي و ما سَمعنكم عتابي
وارضى اعليكم انه لو راضية الزجية
===================
جعفر ييمه اريدك ترخص دمه وريدك
شر لويوصل عضيدك عليك امحرم دلالي
عثمان وليدي انته يامن للطف ذخرته
حسينك لو وحده شفته ارخص دمك يغالي
عبدالله وهذا يومك شتسوي ما الومك
هذا الطف يالنذرتك يالغيرة الحيدرية
===================
ياهيبة الهواشم ياكافل الفواطم
لمن عالحومه عازم يبني وجبير اخوتك
من تملك الشريعة عندي الك وديعه
جفوفك تظل كطيعه واهناك اريده موتك
تبقه اعله الشاطي دامي ولايبقه حسيني ضامي
عيونك طفيها لو ما تشرب عذب رقية
======================
لو عشرة والله عندي لعيونه فدوه ولدي
للزهره اوفي عهدي شما قدمت قليلة
آنه الكسرلي خاطر ماعندي بنية باجر
من تنسبي الحراير يسبوها ويه العقيلة
.
واللي كسر دليلي زينب سبية ويلي
اتمنى وياهن آنه امشي غصب سبية
====================
حسن بشير السوداني
في امان الله
في امان الله ياظعن الامامه .. ترجعون بسلامه
ابمطر عفتوني وبريح .. وأنه مثل الحمامه
ــــــــــــــــــــــــــــــــــــــ
اتمنالكم كل خير .. واتمنالكم سفره سعيده
ردت وي ابوي احسين .. سبحة طين كون ايحطني بيده
اذا كل الظعن متروس .. ابو فاضل يخليني بوريده
وانه ضعفانه من علتي .. بين ارقيه گعدوني وحميده
قربةً لله لتكسرولي خاطر .. بس خلوني اسافر
الغرف صارن البالبيت .. مثل وحشة مگابر
ــــــــــــــــــــــــــــــــــــــ
مريضه والمريض ايريد .. عياده وناس تهتم بالقضيه
يالمستشفى شوفتكم .. وحضن احسين چان الصيدليه
صباح الخير من زينب .. تسوه الدنيه لو گالتهه اليه
مو چنه سوه بهالدار .. مدري امنين اجتني الغاضريه
قسماً بالله أنه ماجاي أعاتب .. بس انتم حبايب
بس صعدوني عالنوگ .. واتروح المتاعب
ــــــــــــــــــــــــــــــــــــــ
انتم ساده واهل البيت .. أهل الياهله واهل الضيافه
عليه اقرو سور وآيات .. وجسمي أمن الوجع بلكي ايتشافه
باچر من تجيكم خيل .. يم عبدالله توصلّه مسافه
الحوافر تگلب الكاروك .. واتدوس الطفوله والترافه
كون اموت اوياه ونشتابگ سويه .. وتاخذنه المنيه
لو بالطشت يحسين .. اموتن وي رقيه
ــــــــــــــــــــــــــــــــــــــ
اذا گلتلولي نار اهناك .. چا والفرگه الاهنانه الچبيره
وشمحلاهه فوگ النوگ .. اروحن وي عماتي اسيره
مو واحد مشو واثنين .. كلهه سافرت عني العشيره
يالمالك نعش يحسين .. باچر جسمك ايروح بحصيره
وآنه اظل للآه والونه الثجيله .. وتعرفوني عليله
وصرت من گد الافراگ .. رمشي مااشيله
ــــــــــــــــــــــــــــــــــــــ
اذا ناوين عالترحال .. والساعه دنت وانشق قمرهه
اسمحولي أطوف النوگ .. مخنوگه واريــد اشتم عطرهه
اريدن زينب الحوراء .. بس شويه تفتحلي حجرهه
تودعني واودعهه .. وأترس بير گلبي من صبرهه
بچلمة الويلاه واخر ذكرياتي .. أودع كل خواتي
هذن كلهن عزيزات .. واغله من حياتي
ــــــــــــــــــــــــــــــــــــــ
من حادي الظعاين صاح .. بسم الله سيرن يالـمهازل
وانه صحت بدمع عيناي .. محروسين يشيوخ القبايل
عين بعين وي احسين .. خلت والدمع يكتب رسايل
تركض عالظعن واتطيح .. مثل حب المطر فوگ السنابل
يادعاء اقراه گالتله يغالي .. واترد الليالي
اذا ناوي اعله الاغياب .. اخذ مني خيالي
محمد الجماسي
#اللهم_عجل_لوليك_الفرج
*"هوسات للنزول إلى كربلاء"*
*من ديوان 📚 عبرات وأنين في رثاء الطاهرين الجزء ٢*
❥━──➸➽❥❂❥━──➸➽❥❂
وصلت كربله زينب تهل دموع سچابه
ساعه اصيح يايمه ساعه اصيح يايابه
لحگو حسين وعياله حط بكربله اطنابه
((يذبحونه//والينه هنانه))
❥━──➸➽❥❂❥━──➸➽❥❂
وصلها كربله هاليوم ابو سكينه
مهموم الگلب ويهل دمع عينه
ينظر لخوته ويصد عله بنينه
*((يذبحوها//باچر گدامه))*
❥━──➸➽❥❂❥━──➸➽❥❂
نزلت كربله الحوراء تهل دموع مذروفه
بيها ينذبح عطشان وليها اعيونها اتشوفه
وعالشاطي يظل عباس منه مگطعه چفوفه
((يسبوها//عدوانه اخلافه))
❥━──➸➽❥❂❥━──➸➽❥❂
صاحت زينب بدمعات مجريه
يمه يالزچيه لحگي عليه
حسين اليوم طب الغاضريه
((تريد تذبحه//التمت يمه الگوم عليه))
❥━──➸➽❥❂❥━──➸➽❥❂
تگله ام الحزن خويه الظعن رده
تفجعني كربله ولحيلي اتهده
نزلها الوالي ودمعته بخده
*((حسين يگلها لزينب//خويه هنانه يذبحوني))*
❥━──➸➽❥❂❥━──➸➽❥❂
*بقلم ✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحة الى روح اختي ولأمواتكم:🍃*
#محرم1446هـ
اشعر بيك تريد تسافر وما رايد تكسر لي الخاطر ايطول اغيابك اعرف باچر
اشعر بيك
............................................................................
تعابير الوجه صارت تحچي البيه ما بيه
على اشفافي الكلام ايموت وهواي امفارگ الريه
اذا چان البُعد چتال يبويه موتتي اشويه
واذا چان الضعن محسوب اگلك ناگص ابنيه
خذني وياك شلون احچيها بيا موضوع منين ابديها نظراتك والدمعه البيها
اشعر بيك
...................................................................................
بعيني اتوشل الناكوط چن وشلت نگاط الحِب
وتفاصيل العمر چنها مثل لون السمه المغرب
من هسه العمر خلصان بعد للباقي ما احسب
ولا گل للشمال ايعود شرچي الدنيه خلها تهب
الفارگ غالي اشيرجه بعمره والمكسور شيجبر كسره هذا وداع واخر نظره
اشعر بيك
..........................................................................................
السوالف تنعرف بالعين شرط مودمعة تلگيها
يبويه الصفنه مثل البير توضح كل مخافيها
اگلوب التعبها الشوگ تشوف البيها ما بيها
اعيون اويه الرچاب تروح مودمعات اخليها
بدگت گلبي چنك تسمع وعينك صدت عيني التدمع اعرف رايح لا ما ترجع
اشعر بيك
.........................................................................................
سباني الشوگ يابويه گبل لـَتحمّل اضعونك
احس صارت اسيرة الروح سبتني دمعة اعيونك
حياطيني بچت كلها خِلي الدار من دونك
وخليني بحلم مذبوح ارفرف بويه بعيونك
نظراتك والدمعه الگاها چنها كتاب وصرت اقراها امخلي ابنيه وما تنساها
اشعر بيك
......................................................................................
سدهن لا تفك الباب جروحي هواي ياذني
ثكل هدمي العلي يا بوي ولا رجليه عانني
الحمام اتعلم بمبچاي اخذ نوحي وشجن وني
اطّشَر نجم بالليل وبنات انعوش لمني
حته الطيف ايريد ايهاجر ......وكل احلامي وياك تسافر خايف لا يسحگني الحافر
اشعر بيك
.................................
#الخادم_علي_صادق_المجراوي
1/7/2024
#قصائد_محرم_
#محرم_الليلة_الثالثه_
#ثگيل_
بعد رحيل والدها الحسين(ص) بدأت غربة مولاتي فاطمه العليله(ص) تكبر يوماً بعد يوم وبات الدمع مراسلها الوحيد لتكون على قيد اللقاء اهنا مولاتي تگعد ودموعها تسولف وتگول...
وينك،،بويه،،دمعي بدية
اعيوني،،تريدك،،هاي المسية
ردلي،،وبيدك ،،الزم رقيه،،ها يبوية ها يبوية
________
اخذت احلام__مني الايام
راح ابوي لكربله
وعيني ضلت هامله…ودمعي سؤالي
ذبلت العين__بويه يحسين
انتة عيني ومهجتي
رحت وانة بغربتي…عشت الليالي
بلحضه وحده كلها راحت انة عني
شگد صحت انة ولاكن خاب ضني
ندري الي يفارگله واحد يكضي صبره
وانة كل اهلي جفوني شكبره حزني
وين،،اعيونك،،ذيچة الحنينة
كون،،وياكم،،وية الضعينة
صرت،،ابفگدك،،ماهية زينة...ها يبويه ها يبويه
_________
تعبت الروح__بس للجروح
هيچي صارت حالتي
اهواي كبرت محنتي…بلباب اتاني
انضر الباب__وعيني تنصاب
يهلي ردولي اتعبت
طاحت دموعي ومتت…ذابل حناني
تعب گلبي وگرّبت لروحي المنية
حيل مشتاگه اشوف اختي رقية
ودعتها لچن گلبي رااااد يطلع
ابچي ودموع لهضم طاحن بدية
يختي،،وداعچ،،تعبلي حالي
يبقة،،اخلافچ،،دمعي يلالي
ابچي،،وأرسم..اهلي بخيالي..ها يبويه..ها يبويه
_________
ودو مرسال__يشرح الحال
ارد اشوف اخباركم
ماكو رجعه لداركم…لحيره خذتني
انه بتكم___شگد ردتكم
ليش عفتو احساسي
كوه اجر انفاسي…وگليبي هدني
بعد ما اصبر اريدن بويه عينك
كمت كل ساعه اردد بويه وينك
الفارگ اهله يعيش غربه وموتة غربه
ارد احضنك بويه ردلي انطيني ادينك
بويه،،فراكك…موتني سكته
ارجع،،هجرك…سواني ميته
ابچي،،وأسمك…حسره كتبته…ها يبويه..هايبويه
_________
جتني الاخبار__بلخيم نار
دخنه صارت كربله
وعمتي زينب بلفله…صارت غريبه
وانته مذبوح__طلعت الروح
نايم بگلبك عطش
اسمعت ماشالك نعش…هاي المصيبه
نايم بحر الضهاري وحدك شلون
وتنضر گبالك غريبه صارت ام عون
مو ذبح؟ انته مماتك نار الاخيام
تنضر لحيرة بناتك غارت اعيون
ماتت،،كلها،،هاي النهايه
بلطف،،گالو،،كلكم ضمايه
وجسمك،،بلحر،،فاكد فيايه…ها يبويه..ها يبويه
_________
(اهنا بعد ما رجع الضعن مولاتي العليله تحاچي مولاتي زينب ودگلها...
رقيه چاوين__اشتاگت العين
عمتي زينب گالت
رقيه خلصت ماتت…شافت حسين
شافت الراس__وماتت احساس
وانة بية الحيره
بديره امشي لديره…لشام موزين
الشام يكتل وانه حرمه ما رحمني
علهزيله دهري تالي هيچي ذبني
نكسر خاطر گلبي كلش عذبوني
وكافلي فگده هضمني وحيل هدني
صرت،،لوحدي،،بحزني غريبه
فوگ،،الناكه…شفت المصيبه
هاي،،الغربه..كلش عجيبه…ها يبويه ها يبويه
________
#محرم_1445هـ_
خادم الزهراء ص
✍️محسن الباوي
________
https://youtu.be/MKp7YSOj9J0?si=2f9SZLp-pnx1H9pb
نعمت عيني عليك مولاي 😭💔
نرفع تعازينه الــى المهـدي
بكَطع النحر لو بالخيم نبدي
****
بكل العوالم ماكو من صبرك
يالباالقهر كَضيت كــل عمرك
اكَلوبنـــه المذبوحه متعــذرك
لشوكت هاي الدنيــا تنتظرك
يالغيرك احچي وياه ما عندي
****
ريتــك يمهدي بليــلة العــاشر
ويــة الدمــوع وزينب مساهر
محد يجيها لــــو طلــــع باچــر
على حسين اخوها يدوس چم حافر
ذبحو اخوتــي تصيح يـا جـــدي
****
شيكَــول كَلبك لو چنت يمها
كلســـا يجــي واحد يشتمها
يلهب يبـــو صالح مُخيــمها
شافت مصايب ازيد من أمها
للشـــام بيها قاتلك يحـــــدي
****
يالمهدي كون تشوف غربتها
بكل الأرض ماكــو بمصيبتها
يشتموها ويحركَون خيمـــتها
تعمـــي ألف يعقـــوب حالتها
لسـه كَلبها من اليســـر يــديِ
****
بيهه سمَعنه ومتنـــه عالحــرة
ما شفنه يعني من انكَطع نحرة
فوكَ المثلث هشـــمو صدرة
كَلبك عجيبه ما خلص صبـرة
يالفدوة اروحله وهلي اولدي
****
شسوت يمهدي بكَلبك اللوعة
عمك لهســه چفوفه مكَطوعة
القرآن يمتــه تنشـــف دموعة
أمك الزهــرة لســــه مفجوعة
عوف الدموع التـــاكل بخَـــدي
****
عاشـــر محرم باكَ كل نومك
تآخذ الثـــار وتخلص همومك
متــىَ ترانــا ونرىَ يومـــــك
يالحتـى سيفك سيدي يلومـك
بيــك الهموم تجيب وتــودي
****
يمتــه تجــي يالطَول اغيابك
يومية منهم ينــزف اصوابك
عَلَكَنـــه كــل كَلوبنه ابـابـــك
راحت تموت من البچي احبابك
أعتــذر خـــاف يألمــــك ردي
****
نتنَطَرك يالمهدي كـل جمــعة
البيرغ تشـيله وجيشك اطلعة
بعيون زينب مـــا بقت دمعة
چا يمـــته حقك منهــم ترجعة
هيچ واصير بعسكرك جنــدي
****
حيدر حسين الكرعاوي
هوسات للنزله
گضت روح العقيله وجرت دمعتهه
ولديار الذبح وصلت ضعينتهه
ونزلو هوسو گدامهه اخوتهه
(( عد عينچ رباط الهوسه ))
عد عينچ يزينب كلهم ينادون
مو بس روس نفديلچ عليهه امتون
چا فن العده لحدودچ يگربون
(( واليوصل حدچ ياويله ))
صدگ ماراد روحه اليوصل الحدچ
نگص ايده ونگص راسه وحگ جدچ
وانتي اسباع بالشده ضخر عندچ
(( والعايل بيچ يذبحونه ))
يذبحونه اليعيل اعليچ فنه ايعيل
خوش اسباع عندچ ماتنام الليل
الف ياحيف وكتچ بالطفوف ايميل
(( والبين يخليچ اوحيده ))
وحيده بكربله ايخليچ ناوي البين
عشيره امن الزلم يازينب اتضيعين
تصدين اعله چف البطل وتنوحين
(( مايسلم چفه تعرفينه ))
مايسلم يزينب ينگطع چفه
بعد ياهو اليشيل العلم والكلفه
راسه الينطبر تدرين مايشفه
(( وبعينه وراسه ايصوبونه ))
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
ياهيبة_أكبر ؟
. انـشـافـت غِيره عالعين دمـعـة المـنـبـر
اسـمـي خـادم حـسـيـن يا هيـبـه اكـبـر
گـلـبـي شاف العشِگ بـابـك
دربـــي مـتـوضـي بـتـرابـك
*---------------*---------------*
يَـسِر كل لـهـفـه بروحي
يگلك صوت اجـروحـي الـك مـخـلـوقـه الـعـيـن
أنه العـرفـوني بـحـزنـك
عـشـگ ويـن يصح منك جـمال الـكـون حـسـيـن
يا مـحـبـوبـي ومو من عـمـري ايامك تنعد
مـن عـام لعام امـتـانـيـهـه بـثـوبـي الاسود
مـتـوارثـهـه الـخـدمـه من اهلي أباً عن جَد
نــاذر دمـعـي إلك مــاي يالباقي ظامـي
من الحر ونّـتـي افـيـاي لجسمك إمامي
عيـنـي منـذوره لِـمـصـابـك
*---------------*---------------*
تـجـي أيــــام الـخـدمـه
وأشِــد احــــزام الـهـمّـه وخـدمـتـك مـا تـنـعـاف
سنـه لـهـالأيـام أحـسـب
وأنه اليشعر بـالـمـوكـب ملك وبـعـرشـه انـشـاف
دمعه انه وكل مـا مر حـزنـك بـهـداي اوگع
ولـو مـا اخدملك بـالـمـوكـب مـشـاي اطلع
وي رجـعـت ظعنك لخيامك يحسين ارجع
آنــه الـمـا طـفـت يــوم مـتـوجـره نـاره
و أوصـلّـك بـالـهــمــوم وكـت الــزيــارة
تطـفـه نـاري على اعـتـابـك
*---------------*---------------*
هوى امصـابـك متنفِّس
أحِب ونّـات الـمـجـلـس من اونـهـه اتـلـث ونات
أظَـل خـــادم هـنـيـالـي
حبيبي وعشگـك غـالـي اعــوفــك لا هــيــهــات
يا أول حُب عـشـتـه بـعـمـري وغازل گلبي
اتـعـبـلـك يـحـسـيـن ورايـد تـقـبـل تـعـبـي
آنــه الـذاك الــ بٱحـضـان الـمـنـبـر مـتـربـي
لــغــيــرك مـــا گـلـت لا كلمة حـبـيـبـي
وأسـمـك عندي مـعـنـاه يا دنـيـه غيبي
حـاضر مـا يـخـطـر اغيابك
*---------------*---------------*
بـشـر قــــرآن بـطـبـعـه
وگلب عبـاس يـجـمـعـه ودمــــع زيــنــب تـقـراه
الملك تـحـچـيـه بـ الونّه
ونـهـر عَـسَـل مـن الجنه لـحـلاتــه يـصـيـح "الله"
هـيـچ اتـشـوفـك يابو الاكبر هـاي اعيوني
چـاهـل بس اشـتـاگ لأسمك ويـعـرفـونـي
من الكاروك، من ابچي بطرواك ايسكتوني
مِـن كـاروكـي لـلـشـيـب بالدمعـه دارس
حافظ درسه عـالـغـيـب حـزن المجالس
مـوتـي مـتـسـلّـبـه اثـيـابك
*---------------*---------------*
يـكـاسـر گـلـب الـزهـره
طبيعي لگلبي اتـكـسـره العجب ، لامتني الـنـاس
الك مـا ينشف جـفـنـي
عـلامة حـبـي بـحـزنـي الـكـسـر كـسر الاحساس
اتـبـاوعـلـي الناس ومتـگـول العاشـر يمته
من وجـهـي ايبيّن بعد اشگد واتطيح انته
راسك عُـجبـه ويـقـرة الـقـرآن بـفـاتـحـتـه
راسـك عـالـرمـح چــان للـكـهـف يـقـره
يـا دســتــور الاحـــزان وسـيـد العَـبـره
روحـي تـنـشـاف مـحـرابك
*---------------*---------------*
. محرم¹⁴⁴⁶
✍️خادم الحسين ع
الشاعر سعد هادي الشمري
((خروج ضعن المهابه))
ابتدة ساعة جروحچ
شور... للعليله ص
حينما هم الضعن بالرحيل والابتعاد عن ناضر العليله ص... القصيده تتحدث😔💔
راحو اوعافوها روحچ
وابتدة ساعـة جروحچ
حمل اعزازچ ضعنهم...مايفيدچ صدگي نوحچ
شوفي البي ورده ورده
گبال عينچ هــــل تعده
اقره بوجوه الأحبهم.. هالضعـــن لا مـــاله رده
شمتاني يا. گلبي ضعنهم. هالمـشه
تدري عليله. اومن يبعد. أستوحشه
بس وجه ابوي. وشوفته. هيه الشفه
طفله وعليـــــله والسـده
ما ضل أبو لا والــــــــــده
صعب اليـــعيش ابلا أهــل
يضل يبچي مثل الـــفـاگده
آآآه... آآآه...... يافاطمه......آآآه آآآه... يافاطمه
ـــــــــــــــــــــــــــــــــــــــــــــــــ
راحو اوكسرولي خاطر
والركض رايـدله شاطر
شبعت طيحات ابدربهم... صعبه للمثلي يكابر
يا دمعتي صبــي صبي
شبگي اتراب المشو بي
ولي معلوله اونحيلـــه.... عالترابه تحبي تحبي
مو دمعه طاحت. چن سهم. خــد جـرّحته
چانالي روح. صعبه الـيعـوف. ارويـــــحته
ويدري الهجر. يفتح جــــــــــروح. أبنــيته
غرگت عيوني ابدمعتي
هيج رحيلــــــه عــلتي
طشر زماني احله شمل
عگبه منو يسد وحشتي
آآآه... آآآه...... يافاطمه......آآآه آآآه... يافاطمه
ـــــــــــــــــــــــــــــــــــــــــــــــــ
ها يروحي شبعي دمعه
عالجفو لا ماكو رجــعه
مثل ما طلعو أريـــــدچ....أطلعي وطفيني شمعه
من أسمــــــــها الغاضريه
كربله كــــــــرب وبلــــيه
گاع عطشانه عله دمهم.... تروى بـــولاد الزچيه
ادري اليطب. گاعچ يمُر... باصعب مصير
يبقى غريب.. اوينكسر... وحـــده ويحير
گباله تطّيح.. كل صحّبته.حتــــــه الزغير
ما مثل ضيمـــج كربله
ما تضل بيچ امدللـــــه
تنذبح بيچ اطهـــر زلم
تموّت عطـاشه العايله
آآآه... آآآه...... يافاطمه......آآآه آآآه... يافاطمه
ـــــــــــــــــــــــــــــــــــــــــــــــــ
حزني ليهم والله سرمد
موقف أتذكـــــره وانهد
يساعد الله گلب زينب... فوگ اخوها الخيل تصعد
عشره خياله اجتله
ما كفاهم وسفه چتله
وصلت اعضامه لخيمها... من لخيم ركظه اعتنتله
يعين الله گلب. الحره بهل. وضع المهول
ابن أمها... يتگلب صفى.. حــــدر الخيول
رادت يگوم. من العطش..صابه النـــحول
نادت اخوها ابلا وعي
وصاح النذل بيها ارجعي
ساعه ويجي راسه ابرمح
ومن الأخـو شوف اشبعي
آآآه... آآآه...... يافاطمه......آآآه آآآه... يافاطمه
ـــــــــــــــــــــــــــــــــــــــــــــــــ
تمت بفضلهم صلوات ربي عليهم
شكرا يافاطمه العليله. ص
✍️خادم الزهراء ياسر الزيادي