7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
صحتيني فضة والجرح گاعد يأذيچ
اسم الله يا ام الحسن بيه ولابيچ
خانچ الحيل اويه البدن
اسم الله يا ام الحسن
بيه ولابيچ
...
بالباب .. من صحتي يفضة گلبي ناده
بالباب .. صار اليغضب الباري وعباده
بالباب .. شفت الحزن يذبح بالسعادة
بالباب .. چن المصطفى اعلن حداده
من اوصلت شفت الجمر واصل للثياب
ياويلي وعيونچ حمر وابنچ عالتراب
عيونچ حسافة اتورمن
اسم الله يا ام الحسن
بيه ولا بيج
....
صديت .. شفتچ طايحة وگاعد تونين
صديت .. ابكسرچ والصفع حرتي شتداوين
صديت .. شفت دمچ كتب فوگ الحياطين
صديت .. " علي الأول رغم انف الشياطين
لخاطر عيون المرتضى ضحيتي لظلوع
ولدين ابوچ ابهالرفض قدمتي مشروع
من خطة ارباب الفتن
اسم الله يا ام الحسن
بيه ولا بيچ
....
لكرار .. اجالچ يركض وايده على ظهره
لكرار .. صفن وعيونه من الغيض حمره
لكرار .. بچفوف الهجر تخنگه العبره
لكرار .. يگلچ كلها الا انتي يزهره
واختتگ من مات الحچي وظل تالي يومي
ويأشر لشخصچ بما معناه گومي
ولمن حچه صاح بشجن
اسم الله يا ام الحسن
بيه ولا بيچ
....
وحسين .. اجه يگلي يفضة وينها امنه
وحسين .. ينادي خل تجي نشمها وتشمنه
وحسين .. العزيز العايش ابحب ومحنه
وحسين .. يصيح شلون يتطشر شملنه
وهو على المثل ام حسن لو مات حقه
وناته صارلها صده ابـ كل الأزقة
وادموعه بعيونه حچن
اسم الله يا ام الحسن
بيه ولابيچ
...
كل ما .. تسكتين اركض وانظر احوالچ
كل ما .. اطب الگ النبي گاعد اگبالچ
كل ما .. اشوف الحسن وسط الليل اجالچ
كل ما .. يشوفچ صاح ريت انا البدالچ
واكبر اولادچ ظل يحس هاي النهاية
يگعد على فراشچ يشم عطر العباية
حچاياته بافكارچ بقن
اسم الله يا ام الحسن
بيه ولابيچ
...
زينب .. من تسألني عنچ شرد اگلها
زينب .. صعب كلش عليه من اشرحلها
زينب .. اروح وياها للطف وانظرلها
زينب .. تصد بالغربه مذبوحين اهلها
من يلتم اعليها الفزع واهيه وحيده
ميت علي بذاك الوكت وانتي بعيده
ياغربته الفاگد وطن
اسم الله يا ام الحسن
بيه ولابيچ
..
حسن ميثاق الربيعي
أنكسر ظهري يدنيا بعد شيعوض أمنه
ألعزيزة الغالية الطيبة الوفيــــة
ألصدوقة فاطمة الزهرة الزجية
بعد شيعوض أمنه
.........................................................
يا دنيا ألمكابر من تشوفيـــــــها
شجم غالي وعزيز المندفن بيها
وحشة أديارها وأتريد أهاليــــها
منو يسمعها يا دنيا ويواسيـــــها
وحشتها وحشتــــي عشتها أنه ودمعتي
مثل شمعة أحترك صبح ومسية
ألصدوقة فاطمة الزهرة الزجيـة
بعد شيعوض أمنه
.........................................................
من أشتاك لأمــي فاطمة الزهرة
أركض عالصور واتذكر العشرة
أهنا جانت تلمنــه وتفرش السفرة
وكبـــل لا نبدي ناكل تطعم الفقرة
الحمام أيمر عليها ياكــــل من أديها
ويـــــــــم الباب يغفى ألمغربية
ألصدوقة فاطمة الزهرة الزجية
بعد شيعوض أمنه
........................................................
طاحت أمي طيحة دمعة الفركة
والفاكد ظـــــلام المغرب أيخنكة
مثل أمـــــــــي حنينة ما بعد ألكه
الهوه لــو مر عليها أيعزب الملكه
العاشت كل عمرها تغطينــــــه بعطرها
وبين أجفوفها نغفــــــــى سوية
ألصدوقة فاطمة الزهرة الزجية
بعد شيعوض أمنه
.................................................
خلف الباب لاذت من تولوهــــــا
وحركوا بابها وعالعين سطروها
صاحت بويه بويه لَمن عصروها
لحد ما طك ضلعها النوب جووها
أوي طيحتها شافت المحسن يمه صاحت
وينك يا علــــــــــي ألحك علية
ألصدوقة فاطمة ألزهرة الزجية
بعد شيعوض أمنه
......................................................
حيدر والدمع يسبك خطـــى جدمه
فوك الكاع شاف أمطشرة النعمـــة
أنحنى ودمعه تبده وظاع كل رسمه
فاطم علــــــي بعدج باقي بس أسمه
اليشيع روحه بيده شله بعمره ويريده
سوه عشنه ونموت ألا سويــــة
ألصدوقة فاطمة الزهرة الزجية
بعد شيعوض أمنه
.......................................................
ترفه أمي وحسافة أتراب غطاها
كون وياها ميته ودفنتــــي اوياها
نص الليل أمــــي الزهرة شلناها
ومدري أشلـــــــون يا دنيا دفناها
حفر حيدر كبرها ودفن روحه وكسرها
وداع الطالبـــــــــــي والطالبية
الصدوقة فاطمة الزهرة الزجية
بعد شيعوض أمنه
......................................................
خادم خدمة الحسين
الشاعر
محمد الموالي
صاح ابأحزان .. عم ياسلمان
حيدر نوحه .. الموت البضعه
فگد الزهره .. الكاسر ضلعه
ـــــــــــــــــــــــــــــــــــــــــــ
نــاده يسلمان ابحزن حيدر علي وابحــسره
حيلي انهدم لمن شفت بعيوني حال الزهره
نــار الغَضَه بِيِّه أحس وابروحي هالمتوجره
گسر الضلع لو ينــجبر كسر الگـلب شيجبره
داحي البيبان...ينحب باشجان
واعله ام بيته...ايهل الدمعه
فگد الزهره ...الكاسر ضلعه
ـــــــــــــــــــــــــــــــــــــــــــ
ايگله يــسلمان الجــرح ماتنـگضي سالفته
من غـمّـضت عين النــبي وغسلته وچفنته
ومن وسدت ام الحسن موت النبي اتذكرته
اليدفن احبابه بالگبر يحسبهه روحه الميته
ويتمنى الموت.. ويصيح بصوت
لامااريدن .. هاي الوسعه
فگد الزهره.. الكاسر ضلعه
ـــــــــــــــــــــــــــــــــــــــــــ
الفاگد خـليله ومـهجـته ليله يـخـلّص وحــشه
ويگضيها حسرات او ألم ومايل يضل بالممشه
وتـصير شده نـومتـه ويـتـــــاني وكت الغبشه
الفاگد مـثل ام الحــــــــسن يتمنى نومة نعشه
چانت وياه.. كلشي ابدنياه
الفرگة فاطم .. حيدر ينعه
فگد الزهره.. الكاسر ضلعه
ـــــــــــــــــــــــــــــــــــــــــــ
المالان گـلبه امن الشدد عـالـزهره منهد حيله
مكسور خـاطر ياخـلگ بــيـــده التراب ايهيله
والحالته اتــــــــحن السمه ودم و دمع تبچيله
ام بيته منه هاجرت وهالفرگه يدري اطويله
هاي الزهراء.. ام الارزاء
هذا الموت.. المابي رجعه
فگد الزهره.. الكاسر ضلعه
ـــــــــــــــــــــــــــــــــــــــــــ
اليفگد أعز واحد تـــره اتضيگ الوسيعه ابعينه
وبوجهه ينشاف الحزن وبـالغربه يگضي اسنينه
واليكتم ابـگـلبه الجـرح ايـــــظل يفرك ابچفينه
وحـيدر فـگـد جـنة عدن ساعتــــــها الله ايعينه
ام زينـــب هاي.. يهواها اهواي
وراحت من چف.. حيدر شمعه
فگد الزهره.. الكاسر ضلعه
ـــــــــــــــــــــــــــــــــــــــــــ
حيدر بشار الدراجي
:
قصيدة : انتِ فينا عالمة
الشاعر : سيد رفعت الصافي
أنْتِ فِينَا عَالِمَةْ
أدرِكِينَا فَاطِمَةْ
▪️▪️▪️▪️▪️
احنه شيعه وأبد ميهمنه الخصوم
بسمج بكل معركة نبدي الهجوم
رفرفت رايتنه اعلى من الغيوم
تشهد لصولاتنه ارض وسمه
▪️▪️▪️▪️▪️
ما يخوفنه أبد قرع الطبول
احنه تربية علي فحل الفحول
عينج اعله الشيعة يا بنت الرسول
نظرة منج تحسم النه الملحمة
▪️▪️▪️▪️▪️
هذا زرع ابنج كبر خضّر شباب
كل خصم گابلهم ايصيح انسحاب
بالمواكب والمعارك والصعاب
لجل أبو الأكبر يرخصون الدمه
▪️▪️▪️▪️▪️
آني اشعر بالفخر والانتصار
من اشوف الشيعة عالحگ دمها حار
ابجاه دعوات الأرامل والزغار
ننتصر لو ننتصر عـالظالمة
▪️▪️▪️▪️▪️
انتي علمتينه معنى الاحتجاج
من رفضتي ابخطبتج حكم النعاج
فاطمة ثورة عدل ضد العواج
الما يحبج نال سوء الخاتمة
▪️▪️▪️▪️▪️
اليفرح ويتشمت ابدم الشريف
هذا أصله من الطفولة مو نظيف
يموت ابو الغيره ويظل وين الخفيف
الما يشوف الحق عسه ابعينه العمه
▪️▪️▪️▪️▪️
يالثارات الضلع باچر نصيح
ونلعن الطاغوت بالأسم الصريح
المهدي جاي وما يصح الا الصحيح
والدفع بابچ يزهره يحاكمه
▪️▪️▪️▪️▪️
#اللهم_عجل_لوليك_الفرج
◇◈
أهوازيه . ( #حشمت_فضه )
……………………………………………………………
موقف خله ابو الحسنين . واگف ما يدگ نبضه
موش بأسمه صاحت صوت . فاطم حشّمت فضه
……………………………………………………………
مو باذانه طب الصوت . ابگلبه الولي ظل يسمع
لو ما لزمته الاضلاع . چان امن القفص يطلع
حگه وهو شيخ الزود . اعله عرش الغيره يتربع
مرته اتفزع النسوان . وهو اعليها ما يفزع
اقسم حتى فقاره
شب وسط الغمد ناره
اقسم درعه طگ بركان . منه النار تتشظه
……………………………………………………………
من سمعاها چن غركان . ضاع الهوه اعل انفاسه
سوده ودخنت بالغيض . اعمامه الخضره البراسه
من گد الحراره البيه . يتچوّه الذي جاسه
من دجله اغمگ ابمرات . هيج الجرح بأحساسه
حيدر من جذب حسره
كل يثرب صفت حمره
ظل كل الحجاز ايموج . تهتز من علي ارضه
……………………………………………………………
من طب الرجس داره . زين وظل عدل حيدر
واضح كلش وسمعاه . صوت الضلع يتكسر
ويدري الباب بيه بسمار . كلش حاد چن خنجر
بحشاها اخترق و النوب . بالمحسن غده ينحر
شيّب حتى شعر ايده
ذبحوا مرته و اوليده
خرم الابره صار الكون . ضاگ اعل الولي عرضه
……………………………………………………………
لا من نبي ولا ايمام . مر هالموقف ابعمره
حاضر هو وام البيت . فوگ الوجه منصطره
مثل الشمس وكت اغروب . عين ام الحسن حمره
مثل الغيمه تخفي اللون . صارت شيلة الزهره
دمع العين يلچمها
مثل الملح يحرگها
وحيدر عود نص چانون . بيه النار تتلظّه
……………………………………………………………
سمع صوت الكسر بذنه . وجاساه بالغسل چفه
يبچي ولچن موش دموع . من عيونه طگ نزفه
الشاف الولي بذاك اليوم . لا ابدن فلا ايعرفه
لمن يجف ماي الراگ . يتغير وجه جرفه
عيونه امن البجي حمره
اهلال انرسم في ظهره
ليله ايخلصه دمعه وآه . النوم ولا يمر لحظه
……………………………………………………………
فاطم حشّمت فضه . و ركظت ليها شالتها
وزينب فزّعت بس حيف . لا واحد امن اخوتها
فاطم نامت اعل افراش . وسدت باب غرفتها
بس زينب ابليل و چول . والسد بس عبايتها
من الركض متعوبه
وأچم سوط مصيوبه
بحيث وصارت من اجلوس . صلت ليلها وفرضه
……………………………………………………………
✍️ ( سيد خضر الزاملي )
صاحتلي وكالتلي _ عن الما يخطر عالبال
من اتكبرين بالخمسين _ تنشد بيدج راح احبال
كالت زينب مااوصيج *** تكبرين الطف متانيج
///////////////////////////
انه وياهه _ نكعد نسولف _ تهل دمعهه
تسولف وتسكت _ كوه تتنفس _ من ظلعهه
ارفع جفوفك _ خويه خل ندعي _ عالصفعهه
متأذيه من ظلعي هواي _ لو بيدي ابد مااعوفج
كالتلي بس تكبرين _ ينشد حبل بجفوفج
يذبج زمانج بالشام _ بحسرة عزيز يشوفج
فاطمتي محيرتني _ بقمصانك تشتم يحسين
اسألهه وتكلي _ بعدين اهناك اتعرفين
راح الدنيه ادور اعليج *** تكبرين الطف متانيج
///////////////////////////
يمهه صاحتني _ تلمست متني _ وكلبي حاير
السوط والسطره _ هم يلوحني_ بيوم عاشر
تدري حته اسمي _ راح يتبدل _ خويه باجر
انطتني عبايتهه تكول _ بس بالسبي تلبسيهه
التصابح ابوجه حسين _ راح الرمح يعميهه
الما طلعت الباب البيت _ تنطي الجمر رجليهه
اتجوه واتحمل _ وامشي بدرب الما مسحوك
بس بهاي كلي شلون _ صعبه اعليه طبت السوك
تجيبج حسبه وتوديج*** تكبرين الطف متانيج
///////////////////////////
نطتني سبحتهه _ البيهه ريحتهه _ تكلي ذكره
وبيك وصتني _ من تودعينه _ بوسي نحره
حسين من يكبر _ يسحك الحافر _ ظلوع صدره
مفجوعه وادري تفهمين _ شنهو حجي المفجوعه
من اطشر الغالي الخيل _ تلمين اريد اظلوعه
ومسحي التراب يأذيه _ من ركبته المكطوعه
باالاامك واسهامك _ لو حاجيتك احجي وياي
تذبحني لو كتلي _ يازينب ما عندج ماي
جم موقف راح يبجيج*** تكبرين الطف متانيج
///////////////////////////
كون مااكبر _ حتى ماافكدك _ ياابو الاكبر
وكون مااشوفه _ بدمك ملطخ _ شيبك احمر
ركضتي صعبه _ اكبال شماتي _ خويه واعثر
امنيتي اظل انه وياك _ بهذا العمر يحسيني
انته يتانيك السيف _ وانه السبي متانيني
يضيعك عليه الدخان _ بس جيب اليدليني
اتمنه واتمنه _ عمرك كله تضل مرتاح
صدكني شما تكبر _ يكبر وياك الذباح
دمعج كالتلي يواسيج*** تكبرين الطف متانيج
///////////////////////////
حظرت روحي _ وحزمت صبري _ للمصايب
غربتي غربه _ ودهري ما يسوه _ بيه اعاتب
ثلث من عمري _ يخلص بلحظه _ بالخرايب
القهرتني طبت الديوان _ مامره اجتي ابالي
معقوله بت اهل البيت _ تبات بخرايب تالي
جتالك حسين الماي _ وانه الحزن جتالي
يتعبوني يعذبوني _ لا ام عندي ولا خوان
كالتلي هم يصير _ زينب عندج بيت احزان
شيب الحركه يبين بيج*** تكبرين الطف متانيج
///////////////////////////
تمت ____ علاء الزيدي
قصيدة بحق الزهراء
من الباب اندفع
ضلع انكسر
لمن محسن وكع
خد انسطر
ماكفاهم ضلعها
فوك العصره ودمعها
خد انسطر
١
جريمه الصارت اعله الزهره وسط الدار
من جابو حطب ماراعو الاشرار
بيت المرتضى وطه النبي المختار
بيت الوحي هذا اليحمل الاسرار
ماراعو حرمته
والياسبب
والناس الدخلته
جابو حطب
نادت محد سمعها
فوك العصره ودمعها
خد انسطر
٢
دخلو بيت وحي الله ونبي الامه
ناس اشرار لا ذمه ولا رحمه
ضربو فاطمه وعرش الله من يمه
صاح الله واكبر يا نبي العصمه
لو حاضر شاهدت
باب وضلع
چا المن عاتبت
بفيض الدمع
واتغير كل وضعها
فوك العصره ودمعها
خد انسطر
٣
خل الدنيه تعرف تسمع الوادم
وخل يعرف العاقل لايظل واهم
السقيفه صدرت ظالم بعد ظالم
داسو بيتك وكسرو ضلع فاطم
يابو الزهره الصبر
مات الصبر
وللأشرار الأمر
صار الامر
نادت محد سمعها
فوك العصره ودمعها
خد انسطر
٤
طاحت فاطمه والدنيه سمعتها
صعدت للسمه ياوسفه ونتها
بأمر رب الجلاله بهاي طيحتها
نزل جبريل غطاها بعبايتها
طاحت فاطم تون
تنزف دمه
وبطيحتها يون
حتى السمه
طاحت محد رفعها
فوك العصره ودمعها
خد انسطر
٥
مكسوره ومشت دمعه بأثر دمعه
من حقد الصحابه ومن اثر دفعه
من عرفت المحسن ما اله رجعه
بنص الدار گعدت تنحب وتنعه
مستحيه وشافته
الليله الزهره
والحيدر ودعته
بدمعه وحسره
ماكفا من دفعها
فوك العصره ودمعها
خد انسطر
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
خادم الزهره وأظل أتباهه ..
وأبقه دوم على العهد وياهه ..
يالزجيه .. يالزجيه
.....................................
انه خادم وابقه رافع راسي ..
فاطمه انتي الهوه البنفاسي ..
أغلى من اخواني وهلي وناسي ..
ونبض كلبي حيدري وعباسي ..
دوم مأساتج تعيش ويانه ..
ياأساس المذهب وعنوانه ..
يالزجيه .. يالزجيه
......................................
هالهويه بحب علي مختومه ..
وبصمة العباس سبع الحومه ..
وبيهه دمعه عالوجه مرسومه ..
عالذبيح السلبوله هدومه ..
للزجيه خادم وتدروني ..
دوم ماينشف دمعهه اعيوني ..
يالزجيه .. يالزجيه
....................................
انه مابطل ابد وناتي ..
عالوجن حفرن نهر دمعاتي ..
عالزجيه الطاهره مولاتي ..
ادري بيهه تقضي كل حاجاتي ..
خيرج مغطيني حد الهامه ..
نظره يامولاتي لللطامه ..
يالزجيه .. يالزجيه
..............................
الليله عالزهره لطم وقرايه ..
وكلنه نحضر مجلسج وفايه..
كوثر انتي والشرب من مايه..
غرف منج مكرمات هوايه ..
مكرماتج فاطمه مشهوده ..
اي وحك الكطعوله ازنوده ..
يالزجيه .. يالزجيه
.................................
الحضر مجلس فاطمه هنياله ..
لابس اسود واللطم يحلاله ..
الليله تجري دموعنه هماله ..
جن شهر عاشور هل اهلاله ..
هالليالي الفاطمه نحييهه..
أبوصالح ندري حاضر بيهه ..
يالزجيه .. يالزجيه
.................................
الليله حتى المنبر يهل الدمع ..
عالزجيه الطاهره وكسر الضلع ..
كل موالي الليله خل يعلك شمع ..
من قره الرادوود نبجي ونستمع ..
الخدمه كلمه والعرف معناهه ..
هامته بعلو النجم علاهه ..
يالزجيه .. يالزجيه
.....................................
الزجيه عاشت بوجداني ..
ابد مافارك اسمهه الساني ..
ابقه للموت أبغض المرواني ..
ألعن الاول وأسب الثاني ..
الظلم بضعة طاهه والوج ناره ..
بصدر كل شيعي غرز بسماره ..
يالزجيه .. يالزجيه
......................................
حيدر مطر العبادي
(﷽
قصيدة : فاطمه مولاتي
للشاعر : علاء الجعفري
▪️▪️▪️▪️▪️
فاطمة مولاتي تكضي كل حاجاتي
▪️▪️▪️▪️▪️
فاطمة مولاتي آية و بالعرش مكتوبة والله من دون البرية فاطمة محبوبة
كلمن يسبح بسمها ما تظل ذنوبه راية الحق الزجية بكل زمن منصوبة
اغلى كل راياتي تكضي كل حاجاتي
▪️▪️▪️▪️▪️
فاطمة باب الحوائج بالشدد انخاهه انسى روحي وانسه كلشي هيه ما انساها
والله موميته الزجية عدله واحجي وياها من اشيل جفوفي وادعي ويايه تدعي القاها
▪️▪️▪️▪️▪️
فاطمة متردني حاشا من ادك بيبانهه باب للرحمة اسمها والكرم عنوانهه
باجر بيوم القيامة تحترك عدوانهه الخان بالباري ورسوله خان بالله الخانهه
تعلم بحسراتي تكضي كل حاجاتي
▪️▪️▪️▪️▪️
فاطمة شمس البرية والله احسها بقربي مستحيل انخاها مرة وما تبرد قلبي
فاطمة اكبر وسيلة وبيها ادعي لربي عاشت بروحي عزيزة وتبقى شمعة دربي
ما تفارق ذاتي تكضي كل حاجاتي
▪️▪️▪️▪️▪️
فاطمة من الله حجة وصه بيها الهادي اغله من امي وابوي واغلى من اولادي
باجر بيوم القيامة بيها احصل مرادي آه ذابحني جرحها جرحي لا موعادي
ترتفع اصواتي تكضي كل حاجاتي
▪️▪️▪️▪️▪️
#اللهم_عجل_لوليك_الفرج
دارمي ٣دگات كربلائي:
دم مو دمع يا عين صُبّي المسيه
دارت الدنيه وطاح باب الزچيــه
—————————————-
دارت الدنيه وطاح باب ام الاحـسـيـن
حارت تلوذ اشلون تنطي الـوجه ويـن
بنت النبي يا ناس مـحـترگه الايــديـن
نار الحقد والموت صارت سريه
—————————————-
هاي الي رب الكــون جـاهاً رفعــهه
چف اجنبي وملعون عالخد صفـعهه
ام الحـــسن يا حـيف كافر دفــعهه
وغايب علي الكرار حامي الحميه
—————————————-
صاحت ابعالي الصوت يا فظه اسمعي
ويــنچ تره الكفّــار كســرولي ظلـــعي
دم عيني هاي اشلون سال اويه دمعـي
و الونه كالمعتاد ونه شجيه
—————————————-
وصّت علي الكرار يخفي گبرهـه
لمن اجه البسمار حار الصدرهه
حرمه بلا وليان آخ اشكبــرهـــه
مارعو حرمة بيت الله ونبيّه
—————————————-
رادت علي الكرار يبقه الــخلـيفه
بس اشيقنع انوب اهل السقيفـه
زمرة كـفر و شرار لا مو نضــيفـه
والمرتظه مگيود بس ابوصيه
—————————————-
🖊️:حسين حيدر اللامي
▪︎▪︎▪︎
جروح عاشوراء
یوسف الزهراء 💔
تعبت روحي مصايب هالحياة
انه يومية عزيز الكلبي مات
آه يفاطمة ا لبتول
حايرة ومدري شكول
##########################
امي يا امي شخلق بيج الجليل
صرتي ام الوالدج شي مستحيل
فاطمة بلاية حجج و بلا دليل
بت اصيلة و زوجج ربج اصيل
منين ماجبلج يفاطمة البتول
انتي بيج تحيرت كل العقول
من شفت روحج تروح
بيش اداويها الجروح
##########################
امي يانسمة هوى وطيبة وحنان
امي يارحمة اجت و بكل اوان
كبالي ضلت صورتج وبكل مكان
رحتي و بحيرة بقيت بهل زمان
امي ماكو بطيبها كلها وفاء
اثمنطعش وتسيدت كل النساء
بيج كلشي يختلف
والله محتار الوصف
##########################
في نعرف الام تشبع من نجوع
جلمة اليمة ملح وي الدموع
شلون لو نفكدها بس نبقة نلوع
الا نطفي عيونة طفي الشموع
موش بس عيونة نطفيها
تطفة دنيانة اول وتاليها
تطفة ويغيب النهار
الدمع عالوجنة حار
##########################
انتي ريحانة رسول الله الامين
نعمة الله اعلة الارض يم الحسين
شلون صابو ضلعج وطاح الجنين
يانبض كلبي فلا تستاهلين
صعبة يتخيل الموقف كل شريف
فاطمة يعصرونها شلون وياحيف
على الباب وتنعصر
كلبي مايحمل صبر
##########################
انتي يا ا م المحنة و ياوطن
اتشرف التاريخ بيج بكل زمن
خلصت عكبج ليالينا بمحن
مضن بس هنه بعدهن مامضن
امي يازهرة بزمنها مدللة
من بعدها الظيم شفتة بكربلة
شفت اشكال العذاب
من مصاب انه المصاب
##########################
كسرت ضلوع السما بهذا المصاب
الماتهنة وي علي بعمر ا لشباب
بعصرة الباب شكثر شافت عذاب
يوكفون كبالها بيوم الحساب
تنتقي الشيعة وتطلع زين زين
تصيح ويلادي اليخدمون الحسين
ولدي وبيوم الحشر
ما تمر بيهم سقر
##########################
والله يادرة علي فراكج صعب
كوة من بعدج بقة يدك الكلب
صرنة مثل العايش بديرة غرب
وحشة صاير دارنة لمن نطب
يمة اريد الكبرج اتعنة واجيج
هواي منا للطف وياالله التقيج
مو بكلشي اكدر ابوح
اكعد كبالج و انوح
##########################
الشاعر
مصطفى الشطري
قصيدة موشح حوار بين فضة وامير المؤمنين ع بعدما وجدته محني ويبكي أثناء تغسيل الزهراء ع
ليش دمعك يجري يا طود الصبر
هاي اول مره اشوفك منكسر
_____
بين فضة وعلي حماي الدخيل
هالحوار الدار والمدمع يسيل
يالچنت توصينا بالصبر الجميل
محني كاعد تبچي ودموعك حمر
___
گلها يا فضة وسبگ حچيه الدمع
مرت جفوفي على كسر الضلع
شلون اصبر والزجية بهالوضع
ريت ضمني گبل ميضمها الگبر
____
انا فارس بدر واحنين و أحد
انا اليسموني ابو الگلب الجلد
ينهدم حيلي على الزهره من اصد
بت محمد تالي خدها ينسطر ؟!
_____
عيني معذوره لون صبت دمه
كبالي خلف الباب لاذت فاطمة
شلون ما ابچي وبچت حتى السمه
ومثل عصرتها دليلي ينعصر
____
بهالمصيبة يا صبر ينفع بعد
والله يا فضة احس گلبي انمرد
جروحي ما يحصيها عالزهرة عدد
وكسر فگد ام الحسن ما ينجبر
_____
شلون ما تجري دمعتي وانهضم
والحسن وحسين هسه بلايا ام
وبنتي زينب وينها وين اليتم
والمصايب الها بالطف تنتظر
___
ورثت من أمها المصايب والحزن
هالعمر تكضيه بس تنعى وتون
لهالظلامة أسست كلمة ( وإنْ)
لعترة الهادي ولا خلو قدر
___
خادم اهل البيت عليهم السلام
عبد العظيم احمد الابراهيمي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
يا نَـار .. كُونِـي بَـردَاً ثُـمَّ سَلامـاً بالزَّهرَاء
يا نَـار .. فَلَقَد سَالَتْ مِن ضِلعَيها أيُّ دِمَاء
روحُ العَقِيدَة 🩸🩸 ماتَتْ شَهِيدَة
..................................
١/ #فصيح 👇🏼
يـا نـارُ أيُّ مُصِيبـةٍ نَـزَلَـت بِـهـا
تُمسِي وتُصبِحُ تَلتَوي وتَلُوعُ
ماذا جَنَت حتَّىٰ يُلازِمُها الأسَىٰ
ولَـهَـا عيونٌ أُدمِيَت وضُلُوعُ
#شعبي 👇🏼
يا نار و عجب طاوعتي هالظالم
يشب دار الذي بيها الوحي خادم
بسـمـار انـغــرز بضلـوع سـرّ اللّٰــه
صعبة تگوم لن ماظل ضلع سالم
يا نَـار .. أقدَسُ دمٍ صارَ يسيـلُ بالأرجَاء
يا نَـار .. فَلَقَد سَالَتْ مِن ضِلعَيها أيُّ دِمَاء
روحُ العَقِيدَة 🩸🩸 ماتَتْ شَهِيدَة
..................................
٢/ #فصيح 👇🏼
رَبَّاهُ أيُّ عَظِيـمـةٍ حَلَّت بِـهَـا
شابَ لهَا رأسُ الحَوارِي العِينُ
يا نارُ كيفَ لكوثرٍ أن يَلتضي
و بـعَـذبِــهِ للعاطِشِـيـنَ مَعِينُ
#شعبي 👇🏼
ينار اشلون للكوثـر لهـب يمـتـد
وعلى الباب الملايك تنزل وتصعد
قريش وكل حقدهم ما برد لحظه
و لليوم الحرايب ضد بني احمد
يا نَـار .. ها قَد حَلَّ عصرُ الفتَنِ و الأرزَاء
يا نَـار .. فَلَقَد سَالَتْ مِن ضِلعَيها أيُّ دِمَاء
روحُ العَقِيدَة 🩸🩸 ماتَتْ شَهِيدَة
..................................
٣/ #فصيح 👇🏼
لاذَت وراءَ البابِ زَهرَاءُ السَّمَا
لـٰكنَّما طاغِـي الزمانِ لَئِـيـمُ
هِيَ رَحمَـةُ اللّٰـهِ و نُـورُ جِنانِـهِ
كيفَ الجِنانُ يَمَسُّهُنَّ جَحِيمُ ؟
#شعبي 👇🏼
جنان الباري يم بابچ صفت تنحب
و بسيـاط العبيــد الزهــره تتعذّب
منهم ماسلم حتى الحسن وحسين
وعن أمها يرد السوط چف زينب
يا نَـار .. كيـفَ عـلـيٌ جُـرَّ بحَبـلٍ للأعـدَاء
يا نَـار .. فَلَقَد سَالَتْ مِن ضِلعَيها أيُّ دِمَاء
روحُ العَقِيدَة 🩸🩸 ماتَتْ شَهِيدَة
..................................
٤/ #فصيح 👇🏼
يا مُحسِناً ها قَد أتاكَ مُسِيئُهُم
مُتحامِلاً بالنَّـارِ والأحقادِ
هِيَ فاطِمٌ فِي الدارِ قَد قالُوا لهُ
قالَ وإن فِيها النَّبيُ الهادِي
#شعبي 👇🏼
لا هـمّـه نبـي ولا ديـن لا محشر
عصرها و منها ضلع الملّه يتكسر
سوره ومن عصرها طاحت الآيات
و مات الخير كلّـه بموتت الكوثر
يا نَـار .. كلُّ مسـاءٍ سِـرُّ دِمـاهـا بالأجوَاء
يا نَـار .. فَلَقَد سَالَتْ مِن ضِلعَيها أيُّ دِمَاء
روحُ العَقِيدَة 🩸🩸 ماتَتْ شَهِيدَة
..................................
٥/ #فصيح 👇🏼
يا نـارُ لَـمَّـا ألقِـيَ فيكِ الخَلِيلْ
بَـردَاً تَصِيـرِيـنَ لـهُ وسَلامُ
لِمَ صِرتِ للزهراءِ جَمراً مُحرِقاً
فَحَرَقتِ داراً للهُدىٰ وخِيامُ
#شعبي 👇🏼
دارچ من حرگها الطاغيه ابجوره
الشمـر بالطف يعود يكرّر الصوره
تلوذين انتي خلف الباب يا زهراء
و تلـوذ ابنيّيتچ بخيـام مجمـوره
يا نَـار .. منكِ خِيَامٌ ظَلَّت تَسعَرُ بالرَّمضَاء
يا نَـار .. فَلَقَد سَالَتْ مِن ضِلعَيها أيُّ دِمَاء
روحُ العَقِيدَة 🩸🩸 ماتَتْ شَهِيدَة
..................................
✍🏼علي نوري الحلفي
قصیدة:الوداع
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
هیده یا أمي الحنینه
فرگتچ صعبه علینه
لوتموتین آنه أموتن
ظلمه تصفالي المدینه
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
لاتروحین ابعذابچ
صدرچ أحمر من خضابچ
ینلچم کل خوفي صدرچ
من تنامین ابترابچ
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
آنه شفت ابعیني منظر
والگلب شاط و تحسّر
یمّه بسمار الي صابچ
یاضلع منّه تکسّر
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
انتی بالباب اندفعتي
وابسبب هالدفعه طحتي
من سقط محسن ییمّه
شفتی حاله و انجرحتي
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
خدچ أحمر یا مصیبه
بت رسول الله الحبیبه
یمّه حیدر ظهره حدّب
گلبه ما یحمل نحیبه
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
راح اشوف الجمره تکبر
والحزن یلفیني اکثر
یمّه نار العتبه باچر
ابسواد الخیمه تسعر
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
باچر النار ابخیامي
وچم جسد عالغبره دامي
باچر احسینچ ضحیه
ینذبح من نحره ضامي
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
باچر ابروس العوالي
احسین اشوفه راسه عالي
وابوفاضل عالشریعه
دمه ینزف عالجرالي
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
باچر ابدرب السبایه
امشي وایتامي ورایه
متني من ضرب الأعادي
أسود أبلون العبایه
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
باچر آنه ابلا عشیره
انسبي و اصبح اسیره
چنّي مو زینب ییمّه
تنسبي الچانت امیره
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
[بالشُّهَداء لبّيك يا حسين]
١/ليست كأعوامٍ مضت هذي اللّيالي
كم من حبيبٍ غائبٍ كم من موالِ
كم لاطمٍ كم صادقٍ من الرِّجالِ
بأيٍّ حالٍ قد غدا بأيِّ حالِ!
شبابُنا بوعيِهم كنّا حيارى
قبلَ الصُّدورِ ترجموا لنا الشِّعارا
إلى الحُسَينِ وَضَّحوا ذاكَ المَسارا
مضوا على الحق الذي عليهِ سارا
٢/البعضُ أشلاءً أتى إذ قطّعوهُ
واسى الّذي فوقَ الحصير جمّعوهُ
والبعضُ دون رأسهِ مذ أحضروهُ
واسى ذبيحًا شيبُهُ قد خضّبوهُ
بعضٌ أتى وبعضُهم أمسى فقيدا
مجهولةٌ آثارُهُ قضى بعيدا
أمٌّ لهُ تجرَّعَت فقدًا شديدا
تنعى حبيبَها الذي أضحى شهيدا
٣/بنتٌ رأيناها هنا تنعى أباها
بكفه كم أمسكت هنا يداها!
اليومَ تبكي وحدها لمن جفاها!
وهو الذي في قبرهِ حتمًا بكاها!
يا فاطمٌ قومي إلى أبهى شبابِ
وَلْتَجمَعي أوصالَهُم عنِ التُّرابِ
كما جَمَعتِ جسمَ مسلوبِ الثِّيابِ!
فإنهم واسَوا حسينا بالمُصابِ
٤/كم من مضيفٍ قد خلا من اليدينِ
تلك التي أعطَت على حُبِّ الحُسينِ
كم من شهيدٍ صبَّ دمعَ المُقلَتَيْنِ
والماءُ في كفوفِهِ مثلَ اللُّجَيْنِ
لنا شبابٌ خلّفوا الأشواقَ فينا
لن يحضروا في العامِ هذا الأربعينَ
لكِنْ ستَلْقاهُم قلوبُ المؤمنينَ
في كربلا يستقبلونَ الزّائرينَ
الشاعرة فاطمة رزق
https://youtu.be/lMrdD_q9YhY?si=OLOvx4UMSJLdor1M
الباب لــو هـــم الجنين
الضلع لو صدر الحسين
لياهي منهن تجري دمعة عيني
*
يا مصابي
المن اجري أدموع عيني ليـا مصيبه
يا مصابي
شحــال گلبــي الـــودع الليله الحبيبه
يا مصابي
عمري خمس اسنين سموني الغريبه
يا مصابي
ضلــع والسطـره وطفل أمي النجيبه
شفت أنـــواع المحن
من ضلـــع ام الحسن
بس مصايب وانه خمسه أسنيني
لياهي منهن تجـــري دمعة عيني
*
تطفه ناره
گلبي مــا أظن يمه بعــدچ يالزچيه
تطفه ناره
يمه باب الــدار ادري تظل ســريه
تطفه ناره
مــا أظــن حقــد السقيفه وال أميــه
تطفه ناره
گلبي لــو ظل مستعـــر بالغاضــريه
نار بابچ من يشب
بالخيم يسعر لهب
وماكــو كافـــل يستمـــع لــونيني
لياهي منهن تجــري دمعة عيني
*
بصدري عبره
للجنين وللضلــع لجــل الـــرزيــه
بصدري عبره
لان طفله وأمــي راحــت من أديـه
بصدري عبره
عبـــره ما تخلص ابد حــدْ المنيـه
بصدري عبره
عبره تذبحها الخيول الاعــوجيــه
مدري أنوح ليا صدر
بالدمــع راح العمـــر
والضلوع بكـــل وكــت تاذيــني
لياهي منهن تجري دمعة عيني
*
ابچي يا طف
وانـــه طـــف البــاب شاهدته بعُيوني
ابچي يا طف
وي كســـر ضلـــع الزچيـــه گيـدوني
ابچي يا طف
من رحل نعش أمي أحسنهم سبوني
ابچي يا طف
وي وداع أمـــي إِخـــوتي ودعــوني
بيه چم عاشر يمر
يمه مــا يطفـه الجمر
جمـــر بابـــچ والخيــم يچـــويني
لياهي منهن تجري دمعــة عيني
*
يمه اصبري
يمه باچـــر لـــو يطـــر الليل فجــره
يمه اصبري
حسين لو فوگ الترب گطعوله نحره
يمه اصبري
باچـــر أتشوفين خيل أدوس صدره
يمه اصبري
والكفيــل أبلا يمين ابـــلايا يســره
وراسه مهشوم أبعمد
يمه ويمر الأشد
بالخرابــه أهنــــاك وتذِكِــــرينــي
لياهي منهن تجري دمعــة عيني
*
الشاعر
موسى البديري
الباب لــو هـــم الجنين
الضلع لو صدر الحسين
لياهي منهن تجري دمعة عيني
*
يا مصابي
المن اجري أدموع عيني ليـا مصيبه
يا مصابي
شحــال گلبــي الـــودع الليله الحبيبه
يا مصابي
عمري خمس اسنين سموني الغريبه
يا مصابي
ضلــع والسطـره وطفل أمي النجيبه
شفت أنـــواع المحن
من ضلـــع ام الحسن
بس مصايب وانه خمسه أسنيني
لياهي منهن تجـــري دمعة عيني
*
تطفه ناره
گلبي مــا أظن يمه بعــدچ يالزچيه
تطفه ناره
يمه باب الــدار ادري تظل ســريه
تطفه ناره
مــا أظــن حقــد السقيفه وال أميــه
تطفه ناره
گلبي لــو ظل مستعـــر بالغاضــريه
نار بابچ من يشب
بالخيم يسعر لهب
وماكــو كافـــل يستمـــع لــونيني
لياهي منهن تجــري دمعة عيني
*
بصدري عبره
للجنين وللضلــع لجــل الـــرزيــه
بصدري عبره
لان طفله وأمــي راحــت من أديـه
بصدري عبره
عبـــره ما تخلص ابد حــدْ المنيـه
بصدري عبره
عبره تذبحها الخيول الاعــوجيــه
مدري أنوح ليا صدر
بالدمــع راح العمـــر
والضلوع بكـــل وكــت تاذيــني
لياهي منهن تجري دمعة عيني
*
ابچي يا طف
وانـــه طـــف البــاب شاهدته بعُيوني
ابچي يا طف
وي كســـر ضلـــع الزچيـــه گيـدوني
ابچي يا طف
من رحل نعش أمي أحسنهم سبوني
ابچي يا طف
وي وداع أمـــي إِخـــوتي ودعــوني
بيه چم عاشر يمر
يمه مــا يطفـه الجمر
جمـــر بابـــچ والخيــم يچـــويني
لياهي منهن تجري دمعــة عيني
*
يمه اصبري
يمه باچـــر لـــو يطـــر الليل فجــره
يمه اصبري
حسين لو فوگ الترب گطعوله نحره
يمه اصبري
باچـــر أتشوفين خيل أدوس صدره
يمه اصبري
والكفيــل أبلا يمين ابـــلايا يســره
وراسه مهشوم أبعمد
يمه ويمر الأشد
بالخرابــه أهنــــاك وتذِكِــــرينــي
لياهي منهن تجري دمعــة عيني
*
الشاعر
موسى البديري
لسان حال امير المؤمنين ع بفقد الزهراء ع
…………………………………………… ...............
اليدفن بالگبر روحه • عليه تتزاحم اجروحه
من گد ما كثر نوحه • بعـيونه الصـبح ظلمه
……………………………………………………………
شله ابعمره السكن بالمگبره احبابه
يرش الگـبر مــن أعيـون سـچايه
مثل شهگت غريج ويشم بترابه
رفـقن يالتراب الزهـره منصـابه
خـطـارك غصـن بـعده • عمره اثمنطعش ورده
مكـسور الضـلع عـنده • خـاف ابلحدك اتلچـمه
……………………………………………………………
كـثر غيـمج يدنيه و ضيم صبيتي
اخذتي التنثر الفرحه ابوسط بيتي
اخلاف النسمه ماريد الهوه ابريتي
يريت العمـر طـيف و ليّه مـريتي
حلم لو طوله بس نظره •اشوف ارويحتي الزهره
اخذيني لدارج الخضره •گـمـر و تلاگـه بالنـجـمه
……………………………………………………………
علي وماهزني كلشي بدنيتي وعمري
و اجـبـال الارض تتـثبت ابـصـبري
لچن عل زهره نصين انجسم ظهري
مـوش شويه فاطم بالنبـض تسري
يناس وحگي من انعه •اعيوني امفاركه البضعه
ماتوفي ام حسن دمعه • نعـمه و شـالت النعـمه
……………………………………………………………
وگف عندي النفس من وگفت الرحه
بدين الزهره جـانت تفتر الفرحه
بدونج طير باگو بهجته و صبحه
ابمحرابج يتيمه وتنحب السبحه
و بيـتج ورده ذبـلانه •• عليج امحدّبه اركانه
حداد اعلنت حيطانه •• على العين واثر لطمه
……………………………………………………………
عـل البـاب اليتـامه اطـيل بالـنظـره
يشوفونه و بچـيهم مـو دمع جـمره
الحسن بعيونه شاف ابعينج السطره
يخلص اللـيل بين الدمـعه و العـبره
انكسر گلبي على حسينج • يريد اتنومه چفينج
أبد ما شـبع مـن عيـنج • و لا من چلمة اليمه
……………………………………………………………
الج ظلت يتيمه اشعظم حالتها
يصير المغرب و غرفتج طبتها
لبست شيلتج و بحسره شمتها
و بمجانج تهـد الحـيل گعـدتها
مـنـچ ورثـت الـونّـه • من محنه و لعد محنه
اعليها الحزن حد سنه • صفت عالدمعه متعلمه
……………………………………………………………
✍️ ( سيد خضر الزاملي )
نزله للسيده الزهراء
مولاتي مولاتي
يافاطمه
١
طاعت الزهره امر واجب عليه
وبصمت من المهد عبد الزجيه
عبد مولاتي صرت صبح ومسيه
واشعر بهذا الشرف لايگ عليه
بعيوني وضنوني
شايلها عشگ
وگليبي بس الها
كل لحظه يدگ
بكل مجلس وياها
لا ما افترگ
يشهدلي يشهدلي
رب السمه
مولاتي مولاتي
يافاطمه
٢
صرت عبد الفاطمه ويشهد بكائي
بالمجالس عابس بهذا انتمائي
أشعر مقصر رغم هذا وفائي
ردت منها بالحشر اخذ جزائي
بالدمعه من انعه
ترسمني صور
علتني وخلتني
أشعر بالفخر
خادمها اتشرف
وبطول الدهر
أنسيه حوريه
ياعالمه
مولاتي مولاتي
يافاطمه
٣
شما أقدم خدمتي أشعر قليله
وابد ما اسمع حچي الناس الدخيله
عشرتي وياها والسفره طويله
باچر بيوم بالحشر هيه الكفيله
وياها والگاها
تشفع بس الي
من احجي واتباها
يسمع عاذلي
هالليله الخاطرها
احضر يا علي
يحضرني يحضرني
حامي الحمه
مولاتي مولاتي
يافاطمه
٤
الها متحزم لحد يوم المنيه
للمجالس احضر بيوم العزيه
اشگد قليله بالسنه لجل الزجيه
اتلث روايات الليالي الفاطميه
ما اشبع من اسمع
نجمات السمه
من تطلع بالمدمع
تنعه فاطمه
ما ملها
تبقه الها
روحي هايمه
رويني رويني
شابع ضمه
مولاتي مولاتي
يافاطمه
٥
بالليالي الفاطميه اكتبت عهدي
ابقه احييها وعلي يشهد المهدي
هالليالي ما املها وهيه عندي
مثل امي ومثل ابويه ومثل ولدي
احزاني ودمعاتي
تبقه للابد
للزهره من زغري
منطيها عهد
حضريني ناديتچ
يالزهره مدد
وعيوني وعيوني
تبچي دمه
مولاتي مولاتي
يافاطمه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
(( #قصة_جرح ))
……………………………………………………………
بين الكسر والذبح • قصة دموع و جرح
الجذع حافر صفه • البسمار اصبح رمح
……………………………………………………………
قصة ظلامه ابلايه حد
ام و ورث منها الولد . امن الزهره لحسين
قصة ( و أن ) وتستمر
من الرجس لبنه الشمر . كلمة شياطين
الام وحيده ابلا حمه . مكسوره وادير النظر
والابن لا ناصر اله . مكسور خاطر والظهر
مطرت دماء السمه • لحسين و لفاطمه
والشمس حمره اصبحت •وانخطف وجه الصبح
……………………………………………………………
قصة حرگ وباب وخيم
واثنين ناتجهن حرم . نار ابأثر نار
ام و وبنت شبعن جمر
بس الفرق ركض الظهر . تجمع بالازغار
ما طولت نار ام حسن . والدار ظلت سالمه
لزينب ولا خيمه بكت . بالبر غريبه و هايمه
لفاطم فراش انفرش• مو مثل ليل اهدعش
عالرمل بنت الولي •مكسورة گلب وجنح
……………………………………………………………
قصة ضلوع اتكسرت
بجذوع و اخيول اهجمت . قصه بألف اه
ضلعين بس لم الحسن
وضلوع الحسين اطبگن . وصلن لمگفاه
الجذوع صح كلهن ثگل . بس مره وحده ومن هون
تروح و ترد خيل ابركض . بالسحگ بيه ايطشرن
داسن مكان النحر • طبگن صدر عالظهر
وتساوه وي الارض • جوه الشمس منطرح
……………………………………………………………
قصة جراحات المهد
طفلين ما نامو رغد . نامو عل تراب
واحد على الباب انصلب
والثاني مات وماشرب . بالنبله منصاب
محسن الماشاف الضوه . وي امه بالعصره انخنگ
وعبدالله ما شابع حضن .اعله حسين دار ايده وشبگ
محسن بدين الظلم • من الهوه منحرم
ولعبد سهم وعطش • جرح و تذرّه ابملح
……………………………………………………………
قصة اميرات و خدر
ما بين صهاك و شمر . ضرب و شتيمه
عين ام حسن حمرة اصبحت
ومتون زينب ورّمت . شهود الجريمه
زادت عل امها اخت الكمر . بالسبي وشدات الحبل
جم ديره جم سوگ ودرب . ابلا هودج ابنوگ الهزل
ذبلن بنات النبي • بين العصر والسبي
بس الخرابه الاشد • لا حايط ولا سطح
……………………………………………………………
قصة امام و دمعته
لمّه الزجيه و عمته . ما نشفت بيوم
اهوايه وعليه اتجعن
وغيوم ابد ما بطلّن . تمطر بالهموم
البسمار حيل امعذبه . والرمح كاسرله الكلب
لرّقيه وسكينه الدمع . نهران بعيونه وتصب
بالمهدي يسعر جمر • لجف قنفذ وجف شمر
والكال كلمة و ( إن ) • ينتظر يوم الفتح
…………………………………………………………….
✍️ ( سيد خضر الزاملي )
التاريخ: 08/11/2024
القصيده نزله سريعه
____
نبت بسمار في صدر العرش ليش
سؤال ايجاوب اعلي قائد الجيش
&&&&&&&&&&&&&&&&&&&
الجمع بيده الحطب عالباب معلوم
يدري بالزجيه خلفه ويلوم
ربعه الرمو نار بحقد واليوم
يكول افلان يلا صوبه بالريش
سؤال ايجاوب اعلي قائد الجيش
_
يجوز ايگول مو كسر الضلع رض
هذاك الباع بخته وعرضه والحض
كلاب وشبعو اباب النبي عض
أبو بكر وعمر باعو علي ابيش
سؤال ايجاوب اعلي قائد الجيش
____
وإن كلمه وحچاها القائد العام
يگول العصر فاطم حكمه لعدام
يصوم يصلي بس مو من الاسلام
الفلش باب فاطم والله تفليش
سؤال ايجاوب اعلي قائد الجيش
____
من ضمن الثلث ميه حطب شال
عله بيت الزهره شغله چان حمال
وي اهل السقيفه گال ما گال
من تموت فاطم علي ميعيش
سؤال ايجاوب اعلي قائد الجيش
__
بصدر الزهره لمن نبت بسمار
يگول انه اشعليه صاحب الغار
گتله مات محسن علي الكرار
گلي اتهون يلا اتهون معليش
سؤال ايجاوب اعلي قائد الجيش
____
گتله الزهره ماتت والوحي صاح
گلي خاف ماتت من الانياح
لهنا گتله وسكت أنت سفاح
كتلة أم وطفل ميفيد تغشيش
سؤال ايجاوب اعلي قائد الجيش
_
لخادم خدام الزهراء عليها السلام والحسين ع
عمار المنصوري
مقطع صوتي من الرادود علاء الدفاعي
Читать полностью…
ياالم شفته..بحادثة مؤته. يجعفر
...
يبن ابوطالب سلام الله عليك
وبت اسد والدتك ومفتخره بيك
يالرحت للموت كبلن مايجيك
جعفر الطيار يالكطعو اديك
يالجنت ثوره..شانك اشكبره..يجعفر
...
ذو الجناحين انته يانسل الاباة
عوضك ربك بدال التضحيات
مثلك العباس هم اعله الفرات
الجربه بدوهه وجفوفه امبترات
خيركم باقي..انته والساقي..يجعفر
...
يافخر يكفيك يالحيدر اخوك
والكفل طه محمد ذاكه ابوك
انتم بيوم الحشر چنكم ملوك
بالسره اعلينه توزعون الصكوك
والشفاعتنه..انته جنتنه..يجعفر
...
جعفر الطيار ربك لقباك
ابجنتك طاير چبير مستواك
انته ليكدام والباقي وراك
خيمتك من نور والشيعه بحماك
ايحبك الهادي..بسمك ينادي..يجعفر
...
جاهدت وي النبي وماقصريت
امكطعات اجفوفك وواكف بقيت
بالشهاده ارضيت بالذل مارضيت
انته مثل النخله ميت ماهويت
گلبك الابيض..للأذه اتعرض..يجعفر
...
6/جمادي ذكرى استشهاد جعفر الطيار ع
الشاعر محمد الجماسي
اللهم عجل لوليك الفرج
جلست فضه مع زينب ع في ليله من ليالي عزاء الزهراء ع فأقامت فضه مجلس العزاء بقراءة مقتل الزهراء ع التي كانت شاهد عيان فيه.. فكان دخوليت العزاء….
فضه تـقـره بالمصيبه .. لـزينب وتبچـي الغريبه
بالبـاب والحـايط شـفت عـصرها
وبيده النذل فوگ الوجن سطرها .. وتبچي الغريبه
………………………………
فضه تحچي بالجـره .. وجـمره بيـها موجـره
لزينب وعالخد تصب بحرگـه الدموع
تگـلها بعيوني شفت .. فاطمه وبذني اسمعت
من عـصرها ابـابـهـا طـگـات الظـلـوع
التمـو عله امـچ زلـم بالـثلث مـيه
هـذا يعـصر هـذا يسطـر بالزچـيه
وانـي محـتاره يزيـنـب وشـبـديه
امـچ الـتمـو علـيها .. كـلهم يضربون بـيها
وتـصـرخ يزيـنـب من ألـم كسرها
وبيده النذل فوگ الوجن سطرها ..
………………………………
كلشي يازينب شفت .. وريت ساعـتها متت
اركـضـت عـنـهـا اوخـرهـم لـچــني
زلـم والطاحـت مــره .. وياهـو عـنـها وخـره
حيل يدفعـني وعلى عيني يطگـني
زيـنـب ارد احـمـيـهـا لكن يمنـعـوني
ومن هذيچ اسياطهم راحت امتوني
وگـمـت افـزع الوادم ومـايسمـعوني
الوادم اتشوفه يطگـها ..وام حسن محـد لحگـها
ومحـد فزع لامـچ واجـه وحضرها
وبـيده النذل فوگ الوجن سطرها ..
………………………………
من الدفع ذاك انشلع .. الباب فوگـاها وگـع
جـذوع وثـگيل وطبگ امـچ على الگـاع
مشتعل نـار وجـمر .. وفوگ فاطم يستـعر
من الدخان اختنگت وشم الهوى وضاع
احمر البسمار حامي وطـب بالظلـوع
وفاطمه ظلت تـون من عـنده وتلوع
تبچي والسوط بمتنها تحسه مطبوع
دمها يجري من متنـها .. ودمها يجري من جفنـها
ومن الحلگ تجري الدمه وصدرها
وبـيده النذل فوگ الوجـن سطرها ..
………………………………
اجو چـتاله العلي .. وفضه صاحت لحگي الي
بدال حيدر طاح محسن مـني مذبـوح
برمحه طگـاني النذل .. ومات الحگيني الطفل
ويه محسن گمت احسها طلعت الروح
ورحت اركض ليها بس گوه اوصلتها
وبالدمـه غرگـانــه يازيـنـب شـفـتـها
وگـوه شلت امـچ بحـظني وسندتـها
وخايفه الچم ظلعـها .. وامسح بأيدي دمعـها
تـتـعـثـر امــچ وانـعـمــه نـظــرها
وبيده النذل فوگ الوجن سطرها ..
………………………………
التهـظم وتـكسر ظـهر .. مات حيدر بالقـهر
الضيغم الضرغام وسفـه مچـتفـينه
مدخن بوجهه الزعل .. وعمداً اگبال الفحل
الثاني راد ايطگـها ثاني اگبال عينه
وصاح حيدر تدري مچتوف بوصيه
انچـانك زلمـه صدگ بـس فـل اديـه
وارد اشـوف اشلـون تگـرب للزچـيه
استرجلت من اعرفـتني .. الوصيه امـچـتفـتـني
ولولـه الوصـيه مـا تـمـس ظـفـرها
وبيـده النذل فـوگ الوجن سطرها ..
الشاعر عقيل الحسناوي..
استشهاد السيدة فاطمة الزهراء عليها السلام
نعي
نسمة هوى من البيت راحت
ناحت عليها الدار ناحت
دمعة عزيز وكوه طاحت
يامن يرد دمعات العيون
بلا ام يصير البيت ظلمه
والماله ام عيونه تعمه
زينب بصوت تنادي يمه
رحتي وتركتيني للظنون
فجه جبيره ومن يسدها
الام من اتفارك ولدها
بالبيت منهو يضل بعدها
على اولادها الوادم يحنون
شافت هظم روح الزجيه
من الصحابه الراشديه
لا راشده ولا من حميه
للزهره ماجانو يودون
نور الجنان وسر الاسرار
بنت النبي الاحمد المختار
وليه ولوها وحاطو الدار
على بابها غفله يهجمون
محمد دعبل النوري
علي حيدر يكرار علي حيدر
@@@
آية الله العظمى علي وخو طه او وصيه
منهو مثلا او ولا فتى بس علي بكل قضيه
الماعرف حيدر ماعرف الله منهو ونبيه
ابولحسين ويالحسن وهو كفو الزچيه
…
بطل مثله فلا صار علي حيدر
علي حيدر يكرار علي حيدر
@@@
للطير مشوي من اكل ويه طه ابكرامه
ومنو اللذي مع النبي الله يبعث سلامه
ومنو الذي وگت الشدد سيفه يوم القيامه
ومنو الذي گد كلمته وفعله يوزن كلامه
…
وذكر ازهر بلايات علي حيدر
علي حيدر يكرار علي حيدر
@@@
هالنام بفراش النبي ورث طه بخصاله
وهو باب علم المصطفى ويه هيبة جلاله
هارون من موسى النجا شرط الله ابوصاله
وامبلغ التوبه علي ابنص جموع الجهاله
…
فده للهادي من بات علي حيدر
علي حيدر يكرار علي حيدر
@@@
قتّال مرحب وابن ود والنضر وابن ابي العاص
سيفه يفتر بالموزمه ودمه بحره اذا غاص
صب عليهم صب الحمم ذوباهم كلرصاص
حتى سيفه يوزن عدّل گطعاهم بلنصاص
…
موت لحمر اذا فات علي حيدر
علي حيدر يكرار علي حيدر
@@@
ابليله حيدر دعوة هدى في صلاته اذا گام
صح اسد لاچن يمنته فرش ناعم لليتام
علي للباري شرعته اذا صلى واذا صام
وما احد يدخل جنته ومن علي بس لختام
…
قاسم الجنه والنار علي حيدر
علي حيدر يكرار علي حيدر
@@@
علي أحمد الحمود
٦-١١-٢٠٢٤
الأمير ع
ابوذيه لسان حال السيده زينب (ع)
مشيتي وصار مثل السجن -- هل بيت
ماگـلـتـي بـغيـابي اتـمـوت -- هل بت
مــجــبــوره انـــام الـلــيــل -- هلبت
بـحـلـم يـم الـحسـن نـگـعـد سـويـه
*-----------------------*-----------------*
✍خـادم الـزهـراء ع
الشاعر رعد الجريخي
ابوذيات
على لسان السيده زينب ع
تـراهـي الـوالـده ايـشّـيـب .. بُعدهه
واحـس الـدنيـه مـا تـسـوه .. بعدهه
لـلـعــشـريــن مـا وصـلــت .. بعدهه
انسطر خدهـه وأجـت لـيـهـه المنيـه
*-----------------------*------------------*
بـالـدمــعــه اسـلـي الـعـيـن .. وَلـهـه
وعـلـه امي الـعـزيـزه الروح .. وَلـهـه
اقـيـمـن مـأتــم بـكــل يـوم .. وَلـهـه
تـضـل لـلـمـوت دمـعـاتـي جـريــه
*-------------------------*----------------------*
✍خادم الزهراء ع
الشاعر رعد الجريخي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde