7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
على لحن ملا باسم الكربلائي
يتامه يا علي باجر 👇
زمانـــــي ما رحم بيـــه زمانـــي
أخذ كل غالي مني وما وما خذاني
قهر ليلي هدم حيلي على أحبابي
**
انولد وياي أول ما صرت حزني
بجروحي حمامـات القهر تبني
أسئل يابو فاضل كل بشــر عني
أتحـــداه اذا شــــايل مثل حزني
هنــــه أيام بس اسنين بچنـــي
عليــــك الله ابد لا تنقهر منـــي
أعاتب من هضم كَلبـــي أعاتب
يخوية تفتر ويــاي المصـــايب
جمر بيهن احـــس من البچي أهدابـــــي
**
أنــه شمســوية والدنيــا تبچيني
يا عباس ساعة ولا طفت عيني
الحزن كَام على كل لوعة يدليني
موبس كَلبي فكَدك شيب سنينـــي
يوميـــــة ألف لچمه يراوينــــي
اذا ترجـــع يخوية ميته تلكَينــي
علية جارت الدنيـــــــا عليه
مشت زينب يبو فاضل سبية
منو بحزني انضرب متني يغيـــــابي
**
اعيش شلون اذا چـــان العمر خنكَة
ألف مرة يخويــــة تمَوت الفركَــــة
عكَب ذيـــچ الكرامـــة زينب مدنكَة
عباس اشكثر متنـي الشمــــر طكَــة
الهوى شكثرة وأحس بروحي مختنكَه
مدري شبيها عيني جفني ما اطبكَة
يويلي من قهر باچر يويلي
أخافن من قدر ثاني يجيلي
يكافل حتى روحي تبچي لمصــــــــابي
**
حزن تدري اليفاركَ ينترس عمرة
يجيب منين يا خوية الكَلب صبرة
المحن عباس لا وحده ولا عشرة
اللهم بروحي ما تتصــــور شكبرة
كلسا غالــــي عندي ينكَطــع نحرة
شفت عمري الحوافر تسحكَ بصدرة
شجاني ما متت يمكم شجاني
متت يم رايتك بالطف عساني
المصـــايب كَامن ينوحن على مصابي
**
من دون البشر عينــي جمر تدمـع
اتاني يمته روحي من الجسد تطلع
النوايب تاكــل بروحي ولا تشبــع
لذيچ أيامنـه الحلو صدكَ نرجــع
شتايم بالسبي بأذني شكثر أسمع
مچتوفات ادية وكَلبــــي يتكَطــــع
بسبينه تسولف الناس بسبينه
وحكَك ما نجـــــازيهن عّبينـــه
اروحن للسبي ما حاسبــه احســــــابي
**
احجي بيا مصيبـــه بيا جرح أبـــدي
الضعن كله يتامه وبالضعن وحدي
كَطعــو زندك وآنـــه بحبـــــل زندي
يضربونــــي ولا چـــن النبـــي جدي
يا عباس كَلـــي شچم كَلب عنــــدي
يريته ويــــاك بالطف انحفر لحـدي
غريبـــه يا كَمر هاشم غريبـــة
يموت أحسله الي يفاركَ حبيبة
شكو لوعه اجت وألتمن أبــــابـــــي
**
حيدر حسين الكَرعاوي
لحن الملا باسم الكربلائي
جرح المدينة 👇
بالغاضـــرية زينب سبيــة
*****
آنه الچنت وي أخوتي ما اطلــع من البــاب
مثلــي أبد يابالـــفضل ماكــو مــرة تنهــاب
بعد الخدر فوكَ الهزل راح أمشي وي اجناب
چم لوعة باچر بالسبي وبكَلبي چم اصواب
تنزل عليـــة زينب سبيـــة
*****
يبدي مصابي وحيرتي بس ما يهل عاشور
بعيني أشوفن چم نحــر وشچــم ظلع مكسور
شمالة الحزن من الزغــر كلسا عليــة يدور
يوميــة مـوت وفاجعة صارت حياتي كَبــور
هم تدري بيــة زينب سبيـــة
*****
ضيمي يشّيَب چم نبي ويعميــلة چم يعكَوب
حتى الصبح لمن يهل بي وحشه مال غروب
باچـر يخوتي بالسبي شكَد راح أطب دروب
شيصبرة كَلبي والصبـر رايدلة عشر كَلوب
وآنه شبديـــة زينب سبيــــة
*****
بعيوني ما شفت الشمس عندي الخدر قُرآن
باچــر اديــة مچتفـــه لا خيمـــة لا خــــوان
والچنها سورة (هل أتى) يشتمها ياهو الچان
كل دكَه من كَلبي ألم وأنفاسـي كلها أحـزان
شفت المنيـــة زينب سبيــــة
*****
يعادل قهر چـم كربلة ياخوية سبـــي الشام
بروحي يبات شكَد حزن وبعيني نار خيـام
كل ليلة باچر بالسبي تعادل يخوتي اعوام
لو وحدي يمكن ينحمل بس ضعني كله أيتام
شلون برقيـــة زينب سبيــــة
*****
كون بوسط روحي السهم موش ابدليل حسين
لــو ميته يم المشرعة وبكَلبي سهم العيــن
لــو عمري واكَـــع عالنهر ويظلــن الچفــين
باچـر بنات المصطفى تدري يروحن ويــن
وية آل أميــــة زينب سبيــــة
*****
باچــــر أكَلّلمــن أذا شتمونـــي يا عبـــاس
الحركَو خيم زينب أمــس يابالفضل حراس
لريتــي اجيبن يا هوى من توكَف الأنفــاس
بكــل الشوارع تنتظر ضعن العقيلة النـاس
الچنها الزجيــــة زينب سبيـــــة
حيدر حسين الكرعاوي
وين نسـوان الهواشم وينها
تگصد الزينب تغمّض عينها
ـــــــــــــــــــــــــــــــــــــــــــ
گبــل لتموت العقيله الطاهـــره
ريت نسوان الهـــواشم حاضّرِه
والمره امن تموت تحضرها مره
اتمــدها عالقبله وتسبل ايديها
ـــــــــــــــــــــــــــــــــــــــــــ
بالغرب محّد حضــــر يمها وسف
وهي بت حيدر علي سيد النجف
ابعدو عنها الاهـــــل وي السلف
وتفرك اعله افـــــــراگهم چفينها
ـــــــــــــــــــــــــــــــــــــــــــ
امن المدينه مامره الزينب اجت
من گـــــرايبها ولا وحده اعتنت
شنهـــي مايدرن اميرتهن مشت
للگبر وحــــــــــــدها الله يعينها
ـــــــــــــــــــــــــــــــــــــــــــ
بالمدينه الهـــــاشميات اصرخن
وين حمــاي الحمه وكت المحن
يعتني الزينب يودي اله الچفن
جنازة الحــــره تره امعطلينها
ـــــــــــــــــــــــــــــــــــــــــــ
شعجب ماحضرت دفنها ام البنين
وهي للحـــــــره گلبها شگد حنين
وللعقيله يصير محــــــلاته الونين
ويمها تبچي للگمـــــــر وحسينها
ـــــــــــــــــــــــــــــــــــــــــــ
تدور هالدنيا مثل دور الرحه
زينب الچانت اميره البارِحه
تموت بالغربه وتنوح النايحه
اعليها ويهدم الجبال اونينها
ـــــــــــــــــــــــــــــــــــــــــــ
حيدر بشار الدراجي
قصيدة للسيدة خديجة ع {ساعة تنشد اعليه}
كون امي تمر هاليوم
ساعه تنشد اعليه
❥❥❥❥ـــــــــــــ❁❁ـــــــــــــ❥❥❥
كون تمر عليه اليوم
حيلي بالفكد مهدوم
ودلالي شكثر مهظوم
تعبت من المهظميه
❥❥❥❥ـــــــــــــ❁❁ـــــــــــــ❥❥❥
الهظم موتني بالفركه
اريدن ساعة للملكه
دنياتي صفت خنگه
شلها امي بالمنيه
❥❥❥❥ـــــــــــــ❁❁ـــــــــــــ❥❥❥
اريدنها تمر تنشد
درب المكبره يبعد
وشوكي عليها بس يمرد
بكلبي وهيه ماهيه
❥❥❥❥ـــــــــــــ❁❁ـــــــــــــ❥❥❥
كون اليوم تلفيني
وتبردني من احنيني
الوكت بجفاها ماذيني
صرت بجفاها محنيه
❥❥❥❥ـــــــــــــ❁❁ـــــــــــــ❥❥❥
محنيه واجر ونه
اريدن ام المحنه
الوكت ياوسفه فاركنه
خلها ترجع اعليه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
قصيدة للسيدة خديجة ع {ابفاطمة ماضل صبر}
گومي يمه من الكبر
ابفاطمة ما ضل صبر
آه ييمه *** آه ييمه
❥❥❥❥ـــــــــــــ❁❁ـــــــــــــ❥❥❥
ابفاطمة ماضل صبر گومي من التراب
من بدونچ خانگ ابريتي الهوئ الهاب
وآه يگلبي بفرگتچ يا يمه عطاب
گومي خل نكعد سوه ** حيلي يحبيبه خوه
آه ييمه *** آه ييمه
❥❥❥❥ـــــــــــــ❁❁ـــــــــــــ❥❥❥
گومي خل نكعد سويه ارجاج يمي
رايده اشوي اشتكي يحبيبه همي
من فرگتچ لسه بس النوح سهمي
كافي من نوم اللحد ** احذاي ردي يالسند
آه ييمه *** آه ييمه
❥❥❥❥ـــــــــــــ❁❁ـــــــــــــ❥❥❥
كافي من نوم المكابر ردي لو يوم
رايده اسمع صوتچ وانساها الهموم
لا تگليلي فركتچ تبقه للدوم
احس مليت العمر ** من دفنتچ بالكبر
آه ييمه *** آه ييمه
❥❥❥❥ـــــــــــــ❁❁ـــــــــــــ❥❥❥
بعد ماضل حيل بيه خلص حيلي
لو يمر الليل اون ما نام ليلي
والله مشتاگه انه وذايب دليلي
الچ مشتاگ الگلب ** انسه ايامچ صعب
آه ييمه *** آه ييمه
❥❥❥❥ـــــــــــــ❁❁ـــــــــــــ❥❥❥
صعب انسه ايامچ الحلوات وياي
امسامرچ اه يالحنينه لضهري تچاي
من فركتج ما سكت لو لحضه مبجاي
ردي يحبيبه الي ** يابعد ناسي وهلي
آه ييمه *** آه ييمه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
قصيدة للسيدة زينب ع{اريد من البواچي}
((( #لحن_تخطت_جم_جسد)))
اريد من الـــبواچي تعمه العيـون
عله اعزازي الجفوني وما يردون
بالجنازه هظيمه اغراب يــمشون
ولا خوان يـــــم الكـــــبر ينــعون
ما اجو ليه ** اعزازي الفارگوني
❥❥❥❥ـــــــــــــ❁❁ـــــــــــــ❥❥❥
اون للفارگوني واحـــن كلساع
خلوني وحيده والــــعـمر ضاع
ليـــــــــش الدللاني نام عالگاع
متعوبه تــرانــي مــــــن الوداع
تعبت من دونه ** خل يحضر كفيلي
❥❥❥❥ـــــــــــــ❁❁ـــــــــــــ❥❥❥
خل يحضر كفيلي ابساعه الموت
دلالي بجـــــــــــــفاه دلال مفتوت
صحت عباس رد ما جابه الصوت
تعال وجيب لختك خـويه تابوت
خلصت ايامي ** يا عباس وينك
❥❥❥❥ـــــــــــــ❁❁ـــــــــــــ❥❥❥
اجه وكت المنيه وانته ما جيت
لأيامك يكافــــــــل والله حـنيت
تمر اليوم اليــــــه اشكــثر تانيت
وجع بأختك يبو النخوات خليت
يا بعد زينب ** لا تبطي عليه
❥❥❥❥ـــــــــــــ❁❁ـــــــــــــ❥❥❥
لا تبطي عليه طـــــــلعت الروح
من بعدك يكافل حملي مطروح
وياه دلالي مـــــن النهر مجروح
گلبي ابفرگتك صدگـني مذبوح
ذابح ابگلبي ** افراگك يالعفتني
❥❥❥❥ـــــــــــــ❁❁ـــــــــــــ❥❥❥
عفتني اشتاگلك ودموعي بالعين
لا انته الاجيت ولا اجــه احسين
واكل لروحي كــــــافي لا تونين
بلكي بموتتچ چم هظمة تنسين
راحو اعزازي ** بقيت اصفگ بديه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
اسالكم الدعاء وقرأءه سورة الفاتحة الئ خادم الحسين ع محمد ابن شيخة
نعي للسيده زينب عليها السلام
وين اهل المحنه والجاويد
زينب كضت. ومشيع تريد
لبو. فاضل. ياطارش اليكصيد
بعجل يحضر يشيع الهاشميه
✨✨✨✨
يحضر. وعون. اوياه يجيبه
وعزه بالشام. ينصب للغريبه
وهذي شيمة الطيب حليبه
يون عالغاليه وينصب عزيه
✨✨✨✨
يزينب وين. وداج الزمان
بحالج مانصف الزمن خوان
ماخله. كبرج . بين. الحنان
غريبة. وطن يابت. الزجيه
✨✨✨✨
على الخوان . مابطلتي ونج
المصايب والحزن زينب كضنج
يزينب . يامره. تحملت . مثلج
حزنها اونها. وسدنها. المنيه
✨✨✨✨
الحزن. هدمه لحيلج وشاله
بعونج دمع. ماخله. وشاله
ياهو. الشيعه. النعشج وشاله
محد. نصب. بمصابج عزيه
✨✨✨👆بقلم العلويه ام رائد زوين
في وفاة السيدة زينب (ع)
يا علي .. خَلّي دمعك دم يِصُب
يا علي .. زينبك شِبْعَت ضَرُب
يا علي .. او ماتت ابديرةْ غُرُب
&&&&&
يا علي لو تنظر الها .. اهواي متغيِّر شِكِلْها
امن اليسر و اجروح طفها .. إنتي مَن يمكن تكِلْها
شافت امصايب عظيمه .. الهذا شَيَّب حتى ظِلْها
عاشت او ماتت غريبه .. او عالنهر ذبحَوا أمَلْها
يا علي .. بنتك ابحضن الأجل
يا علي .. لا أهلها او لا أمل
يا علي .. او ماتت ابديرةْ غُرُب
&&&&&
يا علي باوع مَتِنْها .. امن الضرب يتفايض ابدم
او لو تِشِم زينب جِلِدْها .. بيْه تِشِم حَرْكـ المخيم
كعبه للأحزان صارت .. او كل ركن منها تهدَّم
لآخر الأنفاس تصرخ .. آه يا شهر الـ (محرم)
يا علي .. ابجفها آثار الحَبِل
يا علي .. اتكلك اشسوَّى النذِل
يا علي .. او ماتت ابديرةْ غُرُب
&&&&&
يا بو زينب خل اخبرك .. من غبت ظلت تنوحك
بس تموت او مَنْتَه يمها .. اشلون كلي او هيه روحك
من تشاهدها ابجِفَنْها .. اجروحْها تحضن جروحك
او من تِقَبِّلْها ابمَتِنْها .. سوط يا حيدر يلوحك
يا علي .. بنتك امضَيْعه ضُوه
يا علي .. والحزن إلها هَوَه
يا علي .. او ماتت ابديرةْ غُرُب
&&&&&
زينبك شبعت مصايب .. او شبعت امن الدنيه حيره
الجانت ابجالك أميره .. امجَتِّفه صارت و اسيره
شافت ابن امها اعله رمحه .. او عينْها اتمنَّت ضريره
او طايح ابلا اجفوف شافت .. عالنهر بدر العشيره
يا علي .. من بعد ذاكه الخِدُر
يا علي .. تمشي بدروب اليِسُر
يا علي .. او ماتت ابديرةْ غُرُب
&&&&&
ماتت اوياها المدامع .. والعتب والهم سويه
بالنعش زينب نحيله .. نَحِّلَتْها الغاضريه
جيش اميه من ينادي .. اعليها يصرخ يا سبيه
اهنانه كومي اهنانه كعدي .. إليزيد انتي هديه
يا علي .. صار ايشَتِّمْها زَجِر
يا علي .. طكها بالسوط الشِّمِر
يا علي .. او ماتت ابديرةْ غُرُب
&&&&&
خادم زينب (ع) : إبراهيم الدريس
في وفاة السيدة زينب (ع)
زينب آنه اوباخِر انفاس
كلي وينك خويه عباس ؟!
إذا ما تِعْتِنِيني .. تره اتزَاعِلْها عيني
خويه عباس
& & & & &
يا كفيلي أرْد اسِألك وين لِوْعود ؟!
إنته ما دكّيت صدرك يا أبو الزود ؟!
عوف موضوع العَمَد هم عوفِ لِزْنود
آنه اريدك يَمِّي باخِر لحظه موجود
ما أريدَن لا هَوَا اوماي
يَمِّي بس تحضَر يوفّاي
كُرَب يا خويه حِيني .. تره اتزَاعِلْها عيني
خويه عباس
& & & & &
كَبُل متموت الإخِت لِخْوان يلفون
اوهاي لمَّتْهُم تِكَحْل اَجفانِ لِعْيون
آنه من دون الخَوَات اللي يموتون
يَمِّي ماكو اخوان واعليَّه ينوحون
وحدي اَعَالِج خويه بالموت
او(وين عباس ؟!) اعتِله الصوت
يأجْمَل شِي ابسِنيني .. تره اتزَاعِلْها عيني
خويه عباس
& & & & &
إنته تدري اشكد يخويه اكليبي مهظوم
اومن طُفوفِ الغاضريه اشكد حِوى اهموم
اعليك صدر احسين ذاكَ الشِفْتَه مهشوم
لَيَّه يا بدْرِ الهِواشم تحضَر اليوم
فرِّح اكليبي ابحُضورك
زورْنِي حته آنه ازورك
يخويه ارحَم حَنيني .. تره اتزَاعِلْها عيني
خويه عباس
& & & & &
نارِ لِبْكلبي أشد من نار لِخْيام
اومن غِبِت عني اعله صدري غافْيه اسهام
الْكلبي كتله انته تِجِي اومن كتله ما نام
حِلِم هالجَيه عليْه لا تحكُم اعدام
كافي لا لَتْعذّب الروح
يكفي بيها امن الطفِ اجروح
رِدِت تسمع وِنيني .. تره اتزَاعِلْها عيني
خويه عباس
& & & & &
خويه اريدك من يوافيها اختك البين
تِسْبِلِ اجفوفي اوتغمّض مني هالعين
وابلِحِد كبري انته نَزِّل جِثْتي بِوْنين
رَغُم ما يَسراك مكطوعه وِلِيمين
واعله كبري هِيلِ لِتْراب
اترابي هاي المَرّه لِي احْجاب
تِوافي اختك يَقيني .. تره اتزَاعِلْها عيني
خويه عباس
& & & & &
يا بو فاضل هاي آخر كلمه وَيَّاك
اشلون لِخْولّه عِفِتْني اوآنه بِحْماك ؟!
لِعْبَت اعله امتوني خويه اسياطْ لِعْداك
اوركِّبوني اعله الهِزِل يا خويه بعداك
وكِّفوني ابنِص دُواوين
وينك انته او وينِ لِحْسين ؟!
سِأل دلالي ويني ؟! .. تره اتزَاعِلْها عيني
خويه عباس
& & & & &
خادم زينب (ع) : إبراهيم الدريس
في وفاة السيدة زينب (ع)
ما مِثِل زينب مَرَه
عالشَّرَف مِتْصَدِّره
&&&&&
توكف الدنيه اِحتِراماً لو يمُر طاريها
والحياه لو ما العقيله كلي شمحلِّيها ؟!
إلشمِس تطلُب إِذِنْها تطلَع اتخلِّيها
و الزمن ما كِدر سوطه زينب ايلاويها
تبكه بس بت حيدره
عالشَّرَف مِتْصَدِّره
&&&&&
لُو قِرينه اكتاب عُمرِج نلكه كل صفحاته
بالمجد تِزهي او نِشِمَّن عِطرِج ابطَيَّاته
إنتي قُرآن العَفاف او خدرِج أغله آياته
او صوتِج انتي خَلَّه خَصْمِج بس يجُر خيباته
يبكه صوتِج جوهره
عالشَّرَف مِتْصَدِّره
&&&&&
يالعقيله ما تهمني ناس اِلِي ايشتموني
آنه مجنونِج وَ أباهي كل بَشَر بِجْنوني
كلمه عندي الليله زينب ويه اِلِي اِيْعِذْلوني
جيبُوا مثْل الحُرَّه تالي يا خَلَكـ لُوموني
حُبِّج أعظَم مفخره
عالشَّرَف مِتْصَدِّره
&&&&&
امن البدايه احروف زينب نوِّرت أيامي
آنه أظل خادم خَدَمْها هذي أغله أحلامي
حته أصيحَن مَدَد زينب صرْت أحبَّ آلامي
او لُو ما إخت احسين جا ظل هذا كلبي ظامي
هيه نَهْرَ الله او جِره
عالشَّرَف مِتْصَدِّره
&&&&&
المجلسِج زينب إجينه بالدمِع وَفَّايه
ياللي جفِّج رَحْمَةَ الله او بالكرم عَطَّايه
بسمِج ايصيحَن أَسِمْعه هالفُرات او مايه
(رايتِج بيدَيَّه تبكه او ماتِكَع هالرايه)
وَحَكـ سَبْعِ الكنطره
عالشَّرَف مِتْصَدِّره
&&&&&
ابمجلسِج كلنه يزينب شِلْنه إحنه ايدينه
عالوَجِه نهمِل دَمِعْنه او نندعي الـ بارينه
عَجِّلِ اللهُمَّ عَجِّلْ في فَرَج مهدينه
تدري يا رب إنته تدري الـ شوفِته حَنّينه
هذا أمَل كلِّ الوَرَه
عالشَّرَف مِتْصَدِّره
&&&&&
خادم زينب (ع) : إبراهيم الدريس
كعديه
ريتك يبويه حاضر ويانه
بعينك تشوف أسوت أعدانه
ب آل النبي يسبون وماظلت ألنه أمتون
بعينك تشوف أسوت أعدانه
..............................
ريتك بهاليوم حاضر ياعلي تشوف المصيبه
بنتك الحره العقيله تنسبي و تصبح غريبه
حسين بيه الخيل تسحك عاري والجثه سليبه
مذبوح مرمي على الثره .. وبرمح رفعو منحره
عالجمر من أمشي تره .. تطلع بكل خطوه شيبه
شفت الحسين يصبن أدموعه
و برمح عالي راسه مرفوعه
أيتام وحرم يبجون وماظلت ألنه أمتون
بعينك تشوف أسوت أعدانه
.................................
بويه بالطف المواقف واضحه من البدايه
وبينت كل المعادن يوم عاشر بالنهايه
شكد زلم طاحت يبويه وأبد ماطاحت الرايه
الينطي جفين ونحر .. والشكك هدومه وعبر
والكطعو جسمه وذر .. الجنه عدهم أحله غايه
و شكد صور يا بويه مرسومه
على أهل البطوله تشهد الحومه
ويشهد عليها الكون وماظلت ألنه أمتون
بعينك تشوف أسوت أعدانه
........................................
حركو خيامي يبويه وشمر يجرحني بكلامه
بلا كمر هالليله وحشه لو لفه الليل وظلامه
والحرس هالليله غايب بعد ميرد بسلامه
بعينه سهم راعي اللوه .. بجمر العطش كلبه أنجوه
والدنيه ظلمه بلا ضوه .. عالنهر راعي الشهامه
الأيتام تبجي عليه وتريده
العباس يرجع والعذب بيده
من أيد الكمر يروون وماظلت ألنه أمتون
بعينك تشوف أسوت أعدانه
........................................
أمهات الخدر أحنه بويه ونبات بخرابه
لازلم لاخيمه عدنه وخد رقيه على الترابه
مره تبجي ومره تغفه بالحلم وتصيح بابا
من تغفه يلجمهه الحلم .. باليقظه بس روس الزلم
يسب الشمر كام ويذم .. بعترة الهادي النجابه
يابويه سوطه زورك أجتافي
بحر الظهر أمشي بجدم حافي
لحسين كلشي يهون .. وماظلت ألنه أمتون
بعينك تشوف أسوت أعدانه
.........................................
ما ألوح الرمح بيدي بويه والحسره جبيره
حسين كلش عالي راسه وتدمع عيون ابو الغيره
حالي هسه أختلف وضعه عكب ما جنت الأميره
يابويه وسفه وللأسف .. هسه الوضع حيل أختلف
العاشت أميره بالنجف .. للغرب تمشي أسيره
الجانت أميره هناك بالكوفه
يابويه هسه بحبل مجتوفه
تأدي الصلاة أشلون .. وماظلت ألنه أمتون
بعينك تشوف أسوت أعدانه
...........................................
بويه أطب ديوان تالي الموزلم كلهم شماته
بطشت جابوه الرقيه حسين واعيونه الخواته
وماتت بنيته العزيزه راح والدهه وغلاته
بس راد يشبكهه شبك
دخان بيهه من الحرك
ومتونهه صارن زرك
شابكه على الراس تبجي ..من الحزن ماتت رقيه
...................................
حيدر مطر العبادي
هوسات للسيده زينب عليها السلام
اذا كثرن همومك لاتضل حيران
واذا عندك الم لا تشتكي لأنسان
ادليك بطبيبه تشافي الوجعان
((اخت العباس يسموها))
طبيبه موصفه وتعرفها كل الناس
زينب والگصدها يشيل بيها الراس
عيادتها الكرامه وبيتها النوماس
بس گلها عليج بداعت العباس
((عباس الحر غالي عليها))
غالي اعله العقيله هواي كافلهه
هذا البلعمر مايوم زعلهه
كلنه اليوم اجينه بداعته انكلهه
تحضر كل كلافه ومشكله تحلهه
((والدمعه لزينب جبناها))
جبنه ادموعه وجينه لمجالسهه
نحيله اگلوبنه والوكت يبسهه
بينه جروح توجعنه نهيسهه
حته اطفالنه مكسور واهسهه
((من ضيم الدنيه وبلواها))
حته اطفالنه ما عاشو الفرحه
يجرحنه الزمان وبالگلب جرحه
لخت حسين نشچي الحال ونشرحه
وانريد الدمع بجفوفهه تمسحه
((وانريد ام عون تشافينه))
تـــمت والـــــفضـــ🤲ـــل لله تعالى
لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر
الشاعر ظاهر حبيب الهليجي
ياقاري أكتابي --- أتمعن اسبابي
كل حزني ومصابي --- َمن فركة احبابي
---
حزني العلي ما مر بشر
من زغري مهظومه ----- عشت انه مالومه
وبكبري مظلومه
زينب خلص عمري بعسر
لوعه ابأثر لوعه ----- والونه مسموعه
بحبابي مفجوعه
عشت ابمرار بكل وكت
شرد اوصف الحاله ----- وادموعي هماله
من دهري واهواله
ما فاركن روحـي --- اهاتـي وجروحي
يدي تره اصوابي --- من فرگة احبابي
اذكر خيم من تحترك
واطفال مرعوبه ----- واجساد مسلوبه
بدماهه مخضوبه
والدنيه ظلمه أوحدي
وبديرة الغربه ---- وثيابي ملتهبه
آه اشكثر صعبه
حرمه وغريبه بلا ولي
وبناري اتجوه ----- ومفاركه الاخوه
وبعازت النخوه
واسمع يشتموني --- والدمعه بعيوني
والعبــره بخطابي --- من فرگة احبابي
شفت الحسين اعله الثره
امخضب ابدمه ----- وظلوعه متهشمه
يصعب علي لمه
مفصول راسه من الجسد
وشفافه متفطره ----- ما ظاكت الكطره
ريحانه الزهره
من جفه كطعوا خنصره
ومسلبه اثيابه ----- ووسادته اترابه
والدنيه لهابه
لو شافته الزهره --- نايــم عالغبره
يا لوعت اعتابي --- من فرگة احبابي
مذهوله روحي بهالوضع
جم جثه مسفوحه ----- بخيامي مطروحه
اقمار مذبوحه
وحدي واصارع بالهظم
بين اجمع ايتامي ----- لوطفي بخيامي
لوعن طفل ظامي
واصرخ وصيحن يا علي
احظرني يل الوالي ----- شوف اشجره الحالي
بس انه لعيالي
يا ساقي الكوثـر --- ريتك علي تحظر
والرايد اجوابي --- من فرگة احبابي
عالتل وصد للمشرعه
اتنطر الكافل ----- وانه بدمع سايل
يفزع على العايل
اصعب مواقف كربله
وجفوفي تتكيد ----- فوك الهزل اصعد
والشامت اتوعد
فوك الرمح راس الكمر
نظراته ملهوفه ----- وعيوني اتشوفه
من كطعوا اجفوفه
وبعبره ظل صوتي --- ادري بغـرب موتي
كــل هايـه اتعابـــي --- من فرگة احبابي
تمت والحمد للـه
جديد
الشاعر الحسيني ظاهرحبيب الهليجي
نقسم أعليج بدموع ايتامج
نظره يازينب لعد خدامج
*
نظره منج وانت عندج منزله
يم الاهج وانتي بت خير المله
علي ذاك البشدد نكصد اله
المرن أعلينه مثل ايامج
*
الدنيه يا مولاتي ما الها امان
وحنه جبناها نصارع بل زمان
بيج نترجه الصعب وانتي الظمان
نشعر بألالام مثل الامج
*
وكت اظلم والهموم أمكدره
نظره منج يل العقيله الطاهره
ابد لا تنسينه دنيا واخره
نقسم أعليج بدماء ازلامج
*
عدنه حاجات ونريدج ليها
ياوجيها وانتي الي تحليها
عاجلن مو اجلن تگضيها
گلوبنه تلهب شبيه اخيامج
*
بعالم الاصلاب عدنه المعتقد
غيركم ماعدنه يازينب سند
اي وحگ معبودنه الواحد احد
تسهل الشده لون گدامج
قصيدة ( استشهاد السيدة زينب عليها السلام )
جديد . ( مشتاكه ) 1445.هج.
مشتاكه _ وين العباس
مشتاكه _ ضاكت انفاس
الشام يِخبرك
زينب وانتظرك
مشتاكه
-----------------------
بهاي الغُربه ردتك ياضوه اعيوني
لسه امن الألم تنزف دِمَه امتوني
بعد ساعات خدامك يشيعوني
وحقك يابوفاضل منخطف لوني
ياخويه _ صاحت عيناي
ياخويه _ ياسيد الماي
لو طَول هجرك
زينب وانتظرك
مشتاكه
-------------------------
من أذكر جفوفك أذكر الاحساس
نسمه ومن تمرني ريحة العباس
عطشانه اعله شوفك والله الانفاس
لقاء الروح أودعنك يبو النوماس
ياروحي _ يابعد العين
ياروحي _ عوف الجفين
ترجعلي بعطرك
زينب وانتظرك
مشتاكه
-------------------------
ادري ياكمر سهم الضِمه بعينك
يازمزم خيمنه وماي جفينك
ضوه دنياي انت والضوه سنينك
تحضر هالجنازه بدمعتك وينك
يالكافل _ والله اشتاكيت
يالكافل _ وشكد حنيت
مكتوبه بنحرك
زينب وانتظرك
مشتاكه
-------------------------
من ماي النهر بيدك تِغَسلني
من تل الحزن بترابه تدفني
من طف الدمع هالذكره تاخذني
وينك ياكفيلي ومن يوسدني
ياعباس _ من اخيامي
ياعباس _ ذكره احلامي
تمنيت بكَبرك
زينب وانتظرك
مشتاكه
------------------------
هذا الشام وحده يِكسر الخاطر
ديرة بس خرابه والضوه مسافر
عيون الناس مثل أسهام بالعاشر
ماكو خيل بس اكلوبهم حافر
لو ميته _ بس الأيام
لو ميته _ آه امن الشام
مسبيه بدهرك
زينب وانتظرك
مشتاكه
-------------------------
الخادم _ ابو فدك الشامي ✍
على لحن ملا باسم الكربلائي
بعينك لون ضاك الفضه..
بالدنيا ماكو بمحنتي عافوني بالطف اخوتي
ما أكَدر انساك لو ميتـــــه وياك
**
يوم الطحت يا بالفضل بالغاضرية
كل المصايب والحزن دارن علية
الچانت حياتك يا كَمر راحت سبية
يا خوية وأحبــال اليسر كَصت أدية
الچانت وياك مدلله كلسا يسبها حرملة
كل عمري بحماك لو ميتـــــه وياك
**
كَمت أمشي محنية ظهر چن وحده ميته
ليش اليحبـــك للقهر عبـــــــاس عفتــه
وياك عمري من رحت چـــاما أخذتـــه
راسك يشيب بالكَبــر لو حالي شفتـــه
أنفاسي تطلع ما ترد يكتل يعبـــاس البُعد
ما بيـه فركَــــاك لو ميتـــــه وياك
**
فـــوكَ النهر يم العلم عفت الكرامـــة
ما مرت بطـول العمر بيه أبتســــامة
يبَچي الصخر يا بالفضل حال اليتامة
الليــــل عدمن ما كَلت زينب تنــــامة
مهظومة من يوم الصرت بالطف عجيبة ما متت
چا ونَـــي ما جـــــاك لو ميتـــــه وياك
**
سامع نبي لو أي بشر يحمل مصابي
يوَكَع جبل يا بالفضل همــي وعذابي
لا زغري لا من شيبت لانــي بشبابي
ما شفت عبــــاس الفرح حكَي بعتابي
مجبورة أعاتب كافلي شمسويه عباس أبتلي
تنســـاني حاشــــــاك لو ميتـــــه وياك
**
چانت وجودك هيبتي والراية صبري
خلصته بس نوح وحزن عباس عمري
بحجم أنكساري والهظم بس الله يدري
بس آني كَلبـــي يختلف شيب بزغري
ما اعرف شعنده الزمن لا خيمة لا هل لا وطن
عمـــري بقـــه هنـــاك لو ميتـــــه وياك
**
مو كَتلي ما اعوف الخدريا زينب أمني
مــا زال عباســـچ عدل خويــة أطمئني
الهـــوى ما يوصـــل ألچ ألــــه بأذنــي
كَوم أنشد اسيــاط اليسر عبـاس عني
عدله آني بس چني بكَبر ماتت رقيــــة باليسر
چــي ما أجــه لواك لو ميتـــــه ويـاك
**
حيدر حسين الكَرعاوي
حاله وحده • اشما افكر بيها تجرح بالي
حاله وحده • يمها يتسارع نبض دلالي
زينب وهيمه الارض •• وينها اوين الركض
آ يزيب . آ يزينب
……………………………………………………………
احنا في حضرة مره
من مهدها امخدّره
ورث هذا الخدر من امها الزجيه
حيدر الأسس إله
وابو فاضل كافله
الگمر لو صد ابمسه ايذبحون ضيّه
مره ابهيج اوصاف تركض . هاي والله اكبر عجيبه
منظر ويعتبر مقتل . وحده هو اكبر مصيبه
حسين عنده الذبح اهون . ولا يصد حال الحبيبه
فكري حاير • والهواجس تشهگ ومخنوگه
فكري حاير • ابمره تركض والخيم محروگه
نارها طول ابعرض •• وينها اوين الركض
آيزينب . آيزينب
……………………………………………………………
ابالي اذكر وانعصر
شلون خمسين العمر
ركضت وادري الركض يراد همه
وهي تعّبّها العطش
وسوط بمتون انقش
و موّتت رجليها جلمة عمه عمه
حيل زينب ماي چنه . و غاد عالتله و تبده
نحر اخوها وسيف فوكه . وغاط وسط الرمل خده
هظمه جتّاله اعل كيفه . يذبح ومحد يردّه
امنين إلج حيل • وراس اخوج اعله الرمح صديتي
امنين إلج حيل • يعني من لا چاره من ركضيتي
اعليج محكوم وفرض ••وينها اوين الركض
آ يزينب . آ يزينب
……………………………………………………………
مو على الورد الركض
ولا حرير اعله الارض
شوج متروسه الطفوف وجِدم حافي
طبگن الشوج و جمر
وجدم بي حفرن حفر
جِدم كل جمر المخيم بيه طافي
والرمل وكت الظهيره . يصير چن چانون بدوي
يعني وي كل خطوه لسعه . هم ركض هم نار تجوي
ركض حيره ابلايه مگصد . مدري وين ام عون تنوي
كاع عثره • رمل ويغطي الجِدم تربانه
كاع عثره • اشكثر بيها ام الخدر عثرانه
تلزم اصفاح و تكظ •• وينها اوين الركض
آ يزينب . آ يزينب
……………………………………………………………
وبگفاها ام الحزن
سوط يبحث عن متن
خطوه خطوه اوياها ابد ما تيّهاها
منظر و كلش صعب
الطيحه معناها الضرب
يعني هم امتون زينب موّتاها
جدم مچوي ومتن مايل . يعني مدري شلون ركضت
ومدّوا احبال ابدربها . مدري عثرت مدري عبرت
والشتم بالزهره يوجع . زينب اشچم شتمه سمعت
اشكثر صعبه • منظر ايشيّب رموش الناظر
اشكثر صعبه • تشرد امن السوط تلكه الحافر
وخاف تسحگها وترض •• وينها اوين الركض
آ يزينب . آ يزينب
……………………………………………………………
تركض ودمع إيهدر
ابهظم وتحاچي الخدر
اتگله خدري اليوم انا وياك ضعنه
متنه غاد اعله النهر
طحنه وي چف الگمر
انموت احسن يا خدر عگب الكفلنه
يا خدر لو شافني اركض . يهتز العلكمي ومايه
من يشوف امترّبه اخته . وسوط طابع عالعبايه
حتى لو ميت يجيني . جسد يتوچّه اعل رايه
لا تخبره • كافي جفّينه وعمد نص راسه
لا تخبره • كافي جوده العذباله احساسه
تره ايكوم او ينتفض •• وينها اوين الركض
آ يزينب . آ يزينب
……………………………………………………………
✍️ ( سيد خضر الزاملي )
نعي للسيدة خديجة ع {ابدون امي}
اسمي اليتيمه ابدون امي
المن بعد اشتكي همي
بس الحزن والنوح سهمي
❥❥❥❥ـــــــــــــ❁❁ـــــــــــــ❥❥❥
مشتاگ گلبي اليوم ليها
ينشدني كل لحضه عليها
وعيني ولا بطلت بجيها
❥❥❥❥ـــــــــــــ❁❁ـــــــــــــ❥❥❥
البنيه لو عافتها امها
يطر الگلب يوجع هظمها
وماتشتكي لواحد المها
❥❥❥❥ـــــــــــــ❁❁ـــــــــــــ❥❥❥
بس الها اشگي اهموم گلبي
المن اسولف بعد تعبي
عافتني اون جا شنهو ذنبي
❥❥❥❥ـــــــــــــ❁❁ـــــــــــــ❥❥❥
متعود اعليها دليلي
بجفاها والله خذت حيلي
يأذي الگلب لو جاني ليلي
❥❥❥❥ـــــــــــــ❁❁ـــــــــــــ❥❥❥
الليل جتالي بعدها
نامت بعد امي بالحدها
ومادرت بتها الوكت ضدها
❥❥❥❥ـــــــــــــ❁❁ـــــــــــــ❥❥❥
كون الدموع تردها ليه
وتكلي يمه الي جيه
جا دمعتي لموتي جريه
❥❥❥❥ـــــــــــــ❁❁ـــــــــــــ❥❥❥
كاني بمحمد ص يصبر علئ قلب الزهراء عندما سمع انينها
يابويه بعد الله اليصبرچ
مكتوب ويلي اعليچ قدرچ
تتيتمين ازغير عمرچ
❥❥❥❥ـــــــــــــ❁❁ـــــــــــــ❥❥❥
امر الله هذا وشبدينه
الراحت ولا ترجع علينه
وياها نمشي لو بدينه
❥❥❥❥ـــــــــــــ❁❁ـــــــــــــ❥❥❥
راحت بعد للموت منه
وشالت اوياها يالمحنه
ماتدري امج زهره عنه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
قصيدة للسيدة خديجة ع {يبو ابراهيم}
وين امي يبو ابراهيم
ارد اتسامر اوياها
❥❥❥❥ـــــــــــــ❁❁ـــــــــــــ❥❥❥
يبو ابراهيم جاوبني
سكوتك احس صوبني
الوكت يابويه تعبني
من بتراب غطاها
❥❥❥❥ـــــــــــــ❁❁ـــــــــــــ❥❥❥
خل ترجع عليه اردود
صوت الغاليه مفگود
مو مالت رمل ولحود
يخرب الرمل عيناها
❥❥❥❥ـــــــــــــ❁❁ـــــــــــــ❥❥❥
تخرب كل معانيها
وانه اشتاگ لمحاجيها
طگ دلالي اعليها
واه بعيوني بجاها
❥❥❥❥ـــــــــــــ❁❁ـــــــــــــ❥❥❥
الشوگ اعليها بچاني
اون لوحدي خلاني
الحزن يابويه سلاني
قبل بحذاي محلاها
❥❥❥❥ـــــــــــــ❁❁ـــــــــــــ❥❥❥
اريدنها ترد ليه
وتنشد امي اعليه
لفركتها ولا بيه
يذبح بيه فرگاها
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
قصيدة للسيدة خديجة ع {خلي انساعد}
خلي انساعد الزهره الزجيه
عله افراگ امها دمعتها جريه
زغيره وفارگتها ** تون بالدار بتها
اتصيح امي بعد مترد عليه
❥❥❥❥ـــــــــــــ❁❁ـــــــــــــ❥❥❥
اتصيح امي الحنينه مشت لا وين
فرگاها ثجيل ايريد حيلين
عله افراگ امي اريد اعميها هالعين
امي الدللتني ** بالفرگه عمتني
زغيره اعليه ماكالت خطيه
❥❥❥❥ـــــــــــــ❁❁ـــــــــــــ❥❥❥
تدري اشتاگ ليها ودمعي همال
ليش تعوف همي بثكل الاجبال
يفراگ الحنينه لكلبي جتال
راحت مني للموت ** حزني اعليها تابوت
شسوت بيه يا ناس المنيه
❥❥❥❥ـــــــــــــ❁❁ـــــــــــــ❥❥❥
خذت مني الحنينه وانه ضليت
لايام المسامر حيل حنيت
ترد للدار امي شكثر تانيت
بس غطاها التراب ** راح ايطول الغياب
احن الها وونن كل مسيه
❥❥❥❥ـــــــــــــ❁❁ـــــــــــــ❥❥❥
اون اخلافها كلساعه واشتاگ
زغيره ومالي طاقه اتحمل افراگ
يجمر افراكها چواني حراگ
بعد عافتني بالدار ** اون ودمعي مدرار
هظيمه اتعوف دمعاتي جريه
❥❥❥❥ـــــــــــــ❁❁ـــــــــــــ❥❥❥
هظيمه اتعوفني محتاجه ليها
طگ گلبي اريد اسمع حجيها
ينشدني الگلب كلساه عليها
وين الفاركتنه ** اخافنها نستنه
راحت للترب ما بعد جيه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
نعي للسيده زينب عليها السلام
وين اهل المحنه والجاويد
زينب كضت. ومشيع تريد
لبو. فاضل. ياطارش اليكصيد
بعجل يحضر يشيع الهاشميه
✨✨✨✨
يحضر. وعون. اوياه يجيبه
وعزه بالشام. ينصب للغريبه
وهذي شيمة الطيب حليبه
يون عالغاليه وينصب عزيه
✨✨✨✨
يزينب وين. وداج الزمان
بحالج مانصف الزمن خوان
ماخله. كبرج . بين. الحنان
غريبة. وطن يابت. الزجيه
✨✨✨✨
على الخوان . مابطلتي ونج
المصايب والحزن زينب كضنج
يزينب . يامره. تحملت . مثلج
حزنها اونها. وسدنها. المنيه
✨✨✨✨
الحزن. هدمه لحيلج وشاله
بعونج دمع. ماخله. وشاله
ياهو. الشيعه. النعشج وشاله
محد. نصب. بمصابج عزيه
✨✨✨👆بقلم العلويه ام رائد زوين
في وفاة السيدة زينب (ع)
ويلي اعله .. زينب
ويلي اعله .. زينب
& & & & &
الفاتِحَه الليله تنوح الفاتِحَه .. ويلي اعله زينب
واعله كبر الحُرَّه عيني شابِحَه .. ويلي اعله زينب
دمعةِ الكون اعله زينب سافِحَه .. ويلي اعله زينب
شَيْعُوها .. زينب
دِفنُوها .. زينب
& & & & &
كُل شِي بالدنيه على زينب ينوح .. ويلي اعله زينب
اوبالسِّمه ريحةْ حَرِكـ صارت تفوح .. ويلي اعله زينب
زينب الجنسيه للهم والجُروح .. ويلي اعله زينب
مجروحه .. زينب
مذبوحه .. زينب
& & & & &
بالمدامع غَمُّضَت عين الصبُر .. ويلي اعله زينب
وابكلوب اهل الشِيَم وَجِّ الجمُر .. ويلي اعله زينب
ابعدد دمع العين صار الها عُمُر .. ويلي اعله زينب
مهظومه .. زينب
ملجومه .. زينب
& & & & &
نعِش زينب بيْه ريحةْ فاطمه .. ويلي اعله زينب
اوهيبه من هيبةْ علي حامي الحِمه .. ويلي اعله زينب
يمها زينب لا تِذِكْرون الظمه .. ويلي اعله زينب
اتْذَكْروها .. زينب
اتعِصْروها .. زينب
& & & & &
الزمان اعلينه صاير حرمله .. ويلي اعله زينب
صابْنه ابفكْد الإِسِمْها امدللّـه .. ويلي اعله زينب
اوبالحزن خلاها تنحب كربله : .. ويلي اعله زينب
(ويلاه يَـ .. زينب
أحّاه يَـ .. زينب)
& & & & &
العلكمي يا شيعه عالحُرَّه يِوِن .. ويلي اعله زينب
اوعلّكـ العباس رايات الحزن .. ويلي اعله زينب
ماتت اوأسود بُقَه ذاكَ المَتِن .. ويلي اعله زينب
ضِربوها .. زينب
سَبّوها .. زينب
& & & & &
زينب الـ آخر نِفَس صاحت : (حسين) .. ويلي اعله زينب
ما نِسَت صدره ولا كطْع الوَتين .. ويلي اعله زينب
وابنَظَرْها صوره ظلّت للجَبين .. ويلي اعله زينب
مجتوفه .. زينب
بِطْفوفه .. زينب
& & & & &
آل اميه ما رِعَوا بنْتِ النبي .. ويلي اعله زينب
لعِد أرْض الشام أخذوها سَبي .. ويلي اعله زينب
اوبعد عِزْها اجفوفْها صارَت عِبي .. ويلي اعله زينب
مقهوره .. زينب
مجروره .. زينب
& & & & &
خادم زينب (ع) : إبراهيم الدريس
في ذكرى وفاة السيدة زينب (ع)
يا زينب يا زينب يا زينب
&&&&&
هالليله يا ناس
غمُّضت عين الشاهدت إخوتها عالگاع
لفظت الأنفاس
ذيچ اللي شافت بالخيول امهشَّمه أضلاع
ينعاها الاحساس
او تبچي عليها من دمه هالليله الأوجاع
مهظومه .. إخت الحسن و احسين
مهظومه .. هالليله غمضت عين
يا زينب يا زينب يا زينب
&&&&&
عاشگةِ الحسين
وگَّف گلبها يا وسافه الحارگ اخيام
وين الأهل وين ؟!
محَّد حضر للي بقت تتنفَّس آلام
مرسومه بالعين
صورةْ نحر ينزف دمه و امترَّس اسهام
مرسومه .. ابعين العقيله اضلوع
مرسومه .. صورةْ نحر مگطوع
يا زينب يا زينب يا زينب
&&&&&
مجروحه الخيام
عاللي مشت ويَّه الغرب حسره او سبيه
مكسوره الأيام
كسرةْ أبو اليمه على فرگةْ أخيَّه
عـ الهيه بالشام
ماتت غريبه امدوهنه او تصرخ يدَيَّه
وحَّدها .. ماتت بلا أخوان
وحَّدها .. وينه گمر عدنان ؟!
يا زينب يا زينب يا زينب
&&&&&
إجروحها اهواي
هذا الدهر يا ناس أبد لا ما رحمها
من تذكر الماي
تذكرهِنِ اشفافِ الأخو او يكبر ألمها
أم الحزن هاي
إلطشَّر الخيل ابتراب الطف حلمها
عالغبره .. مطشِّره الأحلام
عالغبره .. شافت غصص و آلام
يا زينب يا زينب يا زينب
&&&&&
بالك يدفَّان
لا تلچم امتون العقيله الهاشميه
امتون أم الأحزان
شبعت ضرب يا ويلي منِّ اسياط أُميه
ما يمها وليان
ولياها سحگتها سحگ خيل أعوجيه
يا دفَّان .. بالك تأذِّيها
يا دفَّان .. متورمه ايديها
يا زينب يا زينب يا زينب
&&&&&
ماتت يهالناس
ذيچ اللي شتموا بالسبي أمها و أبوها
دلالها انداس
يوم الذي وسط المجالس وگِّفوها
بـ اطبول .. الأرجاس
من دخلت الشام العقيله استقبلوها
بت حيدر .. جرحتها أرض الشام
بت حيدر .. ضربوها هالظلام
يا زينب يا زينب يا زينب
&&&&&
ابنص مجلس ايزيد
شافت يزيد الحره ينكت ثغر الحسين
مچتوفةِ الإيد
صاحت يبن سُفيان شُلَّت منك ايمين
ابحسره او تناهيد
سوَّت عزه ابمجلس يزيد اعله المُطاعين
مجروحه .. من سافروا العزاز
مجروحه .. و الها الدمع جنَّاز
يا زينب يا زينب يا زينب
&&&&&
إبراهيم الدريس
١٤٤٤هـ - ٢٠٢٣م
في وفاة السيدة زينب (ع)
آنه يا ناس .. إلعقيله
نعشي هاليوم .. مِن يشيله ؟!
ليش اِخوتي ما يِحِضْرون ؟!
زحمه غربه اللي يشيعون
نعشي هاليوم .. مِن يشيله ؟!
&&&&&
بالغربه أنه او شَب بالحزن صدري
هالليله انحُفَر برض الهظُم كبري
نعشي يا عَجَب بين الغُرُب يسري
معقوله إخوتي ابموتي ما تدري !
إيدي عباس .. ما سِبَلْها
اجنازِتي احسين .. ما حِمَلْها
حسرتي ظلت بِلِعْيون
زحمه غربه اللي يشيعون
نعشي هاليوم .. مِن يشيله ؟!
&&&&&
آخر صفحه بالهم تنطوي الليله
أموت او نعشي مَحَّد مِن هَلِي ايشيله
تُرابي اعليه صارت غربه لِتْهِيْله
ما جَن عندي لا خُوَّان او لا عيله
يا حرامات .. عمري يذبَل
او لا حِظَه الشوف .. بالتِّكفَّل
اعزازي جسمي ردْتِ ايدِفنون
زحمه غربه اللي يشيعون
نعشي هاليوم .. مِن يشيله ؟!
&&&&&
اليشاهدني يكولن هايه مو زينب
غياب أحبابي عني امن الأجل أصعب
مو شَعري أحس حته النَّفَس شَيَّب
أظلِّ اليا وكت ناكةْ ألم أركب ؟!
منِّ لدموع .. عيني مَلَّت
بسِّ لضلوع .. جمره هَلَّت
حته ظِلِّي ناده محزون
زحمه غربه اللي يشيعون
نعشي هاليوم .. مِن يشيله ؟!
&&&&&
متت يا ناس مرات آنه مو مَرَّه
أول موت إجاني ابعصرةِ الزهره
ثاني موت من جَرَّوا عَلِي الزُّمره
و الثالث مِنِ احسين اِسْحِكَوا صدره
او هم إجه الموت .. خَبْرُوا عباس
من غِده الطُّول .. فُرجه للناس
خدري راح البيْه يِحِلْفون
زحمه غربه اللي يشيعون
نعشي هاليوم .. مِن يشيله ؟!
&&&&&
مثل طير آنه تايِه و انذِبح جَنِّي
او تِبْيَض عين أَلِف يعكوب من حزني
جم مره على اعيوني الشمر طكني ؟!
او منَّ أركُض صُبَح بالسوط يِتْبَعْني
مني لِيْدين .. والله وِرْمَن
او همِّ لِعْيُون .. اِبْطَكَّه عِمْيَن
السوط زركه خَلَّه لمتون
زحمه غربه اللي يشيعون
نعشي هاليوم .. مِن يشيله ؟!
&&&&&
أنه حُرمه او دِليلي منترِس طعنات
او بعد عزها صُفَت وسط الخرابه اتبات
تمنّيت الكلب يم النَّهَر لُو مات
وَ لا بالشام آنه وحدي أجُر حسرات
ابكربله اهناك .. ردْته موتي
تِحله لجروح .. يمِّ اِخُوْتي
الفارِكَوا ضَيْ دوم اينوحون
زحمه غربه اللي يشيعون
نعشي هاليوم .. مِن يشيله ؟!
&&&&&
خادم زينب (ع) : إبراهيم الدريس
في وفاة السيدة زينب (ع)
يرفعة راسي .. سِكَنْتِي احساسي
تصيح أنفاسي .. مدد يا زينب
&&&&&
يمن نوَّرتي دربي .. او سِكَنْتي هذا كلبي
وَقِفْ خليته حبي .. إلِج يا بت محمد
يزينب بعتقادي .. تلزمي لي الأيادي
الشلتها وآنه اَنادي .. الحوايج كلها باليد
يبنت الهادي .. أريد امرادي
ينادي افادي .. مدد يا زينب
&&&&&
أدوِّر عن شفائي .. منِ اجروحي او بَلائي
البشر وِصْفوا دوائي .. أو دلّوني اعله كبرِج
أعرفِج إنتي رحمه .. او حروفِج أحلى نسمه
امن أجيب الظامي إسمه .. إلي يفزع لي خِدْرِج
ابوجوه اَحبابِج .. مَيِنْسَد بابِج
أبد واترابِج .. مدد يا زينب
&&&&&
إذا ضاكت عليه .. يبت حامي الحميه
دموعي اتظل جِريه .. وَكِلّج ها يحُرَّه
بعد ما عندي غيرِج .. أنا عبدِج واَسيرِج
واذا يشملني خيرِج .. فلا اتمُر بيَّه حسره
لطُمها اضلوعي .. يسكّن روعي
أخِط بدموعي .. مدد يا زينب
&&&&&
خدِمْتِج عندي غايه .. يمن إسمِج هدايه
أضحِّي لِج دِمايه .. وِ لِج أهدي مناحر
بدونِج شنهي دنيه .. إلي حزنِج هويه
او مصاب الغاضريه .. رِسَم خط الشعائر
أظل يا زينب .. أوِن لِج و اَنحَب
محبتِج مذهب .. مدد يا زينب
&&&&&
حشا ما لحظه ناسي .. اللي شفتي امن المآسي
نِعالِج فوكـ راسي .. يَلِمْشَرْفه العوالم
إذا عندك عداله .. او تدوِّر عن بَسَاله
المجد حِطّ ابِّداله .. عقيلة آل هاشم
أبد ما اَعوفِج .. دليلي ايطوفِج
وَرَتْلِ احروفِج .. مدد يا زينب
&&&&&
خادم زينب (ع) : إبراهيم الدريس
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
علي راح00 يدفن العقيله
علي راح 00 والدمع يسيله
الليله ابلاد الغربه
ماتت حبيبة گلبه
ــــــــــــــــــــــــــــــــــــــ
يزوار العذر منكم يزوار
علي موبالنجف عنده أمر صار
علي للشام راح الليله خطار
يدفنله مره ضربوهه بحجار
بالاحجار 00 ضربو السبيه
والآثار 00 ظلّت هيه هيه
وحته العبايه امشيبه
ماتت حبيبة گلبه
ــــــــــــــــــــــــــــــــــــــ
بالاعمامه علي شد طبرة الراس
من گبره طلع متأذي ياناس
يدري الليله زينب بآخر انفاس
مصيبتهه ابمصيبة امهه تنقاس
بالاتراب 00 مادفن مثلهه
امن الاغياب 00 ماعرف شكلهه
شافاهه حيل امحدبّه
ماتت حبيبة گلبه
ــــــــــــــــــــــــــــــــــــــ
مثل ماراح يدفن بيده سلمان
راح الليله يدفن ام الاحزان
سلام اعله البقت من غير خوان
والسوط ابمتنهه امسوي نيشان
عله النوگ 00 بس نبي كأنهه
وسط سوگ 00 ورمّو متنهه
والضربه فوگ الضربه
ماتت حبيبة گلبه
ــــــــــــــــــــــــــــــــــــــ
أخذ وياه علي كل اليحنون
الزهره والحسن وادموع الاعيون
واحسين العله امصابه تنوحون
وأخذ بدر الهواشم كافل ام عون
الاچفوف 00 منه گطعوهه
بقه ايطوف 00 عالنعش اخوهه
وادموعه تترس جربه
ماتت حبيبة گلبه
ــــــــــــــــــــــــــــــــــــــ
لگو يم النعش إنسان متعوب
يوسف ضاع منه وچنه يعگوب
طلع زين الاعباد الحيله مصيوب
صبر گلبه يعادل كل الاگلوب
سبي وخيل 00 كثرتله ناره
المرض حيل 00 مارهمله چاره
ودمعه العليل ايصبه
ماتت حبيبة گلبه
ــــــــــــــــــــــــــــــــــــــ
صلو عالنعش فرض المواسات
ودعاهم چان يلچم بالسموات
اللهم كثرلنه العزائات
وكثرنله البواچي عالسبيات
يمعبود 00 اخلقلنه شيعه
بالادموع 00 تحيي هالفجيعه
والمهدي سهل دربه
ماتت حبيبة گلبه
محمد الجماسي
#اللهم_عجل_لوليك_الفرج
الشاعر ظاهرحبيب الهليجي
يا زينب نادينه يزينب نادينه
صوتنه بعبره أو الم يلهج الج
ليش مدفونه بغرب مو يم هلـــج
كلوبنه تلهب صفت وي محملـج
جمره فوك الخد الج هلينـــــــــــه
يا زينب نادينه يا زينب نادينه
منهو غمض عينج وسبل ادييج
ناس غربه مو اهل تبجي عليـج
كافلج معذور لمن يعتنيــــــــج
واتني شفتي اعالنهر جفينـــــــه
يا زينب نادينه يا زينب نادينه
ياجفوف الهالت عليج التــــــراب
يا بشر يحمل لون شاف المصاب
وشاف فوك متونج اثار العــــذاب
منهو يحمل لو يشوف ابعينــــــــه
يا زينب نادينه يا زينب. نادينه
يلي ثوبج صارعنوان الصبــر
ياكلب عندج عجب ماينصهر
همج اليبرالــــج لحـد القبــــــر
يل عقيله همـج يأذينــــــــــــه
يا زينب ناديه يا زينب نادينه
بينه جمره من الحزن ماتنطفي
والدمع اثاره لاما تنخفـــــــــي
لو بجينه العمر ﻻ ما نكتفـــــي
لجلج بدمع الحزن خطينــــــــه
يا زينب نادينه. يا زينب نادينه
الشاعر الحسيني ظاهر حبيب الهليجي
تعمه العيون لجلج ام عون
نعشج انشال فوگ المتون
*
ماتت امنل الحزن زينب موعليله
المرن أعليها مصايب مو قليله
من زغرها والدمع من دم تسيله
شنهو طعم الدنيه للفارگ خليله
شافت احباب بدم الخظاب
صبرج بهاي زينب شلون
*
آه جم آه أعله زينب بنت الاطياب
الذايبه مثل الشمع لفراگ الاحباب
الهاشميه المحد الها ايهيل التراب
فارگتهم وانسبت لديار الاجناب
عافت بدور تدمي النحور
وياهه شمات تحدي الظعون
*
يل دفعتي الدم لجل دينج ضريبه
زينب تموتين وبديره غريبه
وشيعوج اجناب مولاتي عجيبه
وانتي بت حيدر علي هاي المصيبه
عشتي بجروح سنينج بنوح
حسرتج نار بيها يدرون
*
الحملت الماينحمل بل غاضريه
راحت الرب السمه بدمعه جريه
عله العافتهَم وذر فوگ الوطيه
لو عله دروب السبي وموتت رقيه
لحرگ الخيام وصوت الايتام
وهيه بحبال تشگف شلون
*
الماتت بغربه وأبد ماكف بجيها
وهيه ميته والحزن باين عليها
وباقي أثار السبي الظلن بديها
والزراگ البل متن لي هسه بـيها
عاشت سنين حسره وونين
الها يا ناس ينحب الكون
حلمي يكـــبر واقترب موعده
يمته اســــمع زاير الســـــيده
زينب يعالـــــــم نوحي
اخذيــــهه يمچ روحي
كتبيني مـــــــن الزارو
واتقبلــــيهه اجروحي
يازينب وبابچ حــــــلم وعيوني ليل ابلا ضوه
خنگه الحـياة ابلا نفس يالشوفتچ مــثل الهوه
والعالم اشــــــگد ماكبر گدامي والمـــاكو سوه
مادام ازورچ مــــن بعد معناها گلــــبي ماروى
مو عجــــيبه عنــــــچ ولا صعب
الگه روحــي ابمرقدچ عن قرب
خل تبـــعد اهلي وناسي
زينـــب مليكه احساسي
مادامچ انتـــــي اقربهم
واقرب الي امن انفاسي
اخذيني من دنيــا العدم واحيــيني من بين البشر
من ذاتي مارايد اجـــــي رايد اجــي وحالي انكسر
بزيارتچ گلبــــــي انشغل واستوطن ابراسي السهر
ليليه روحـــــي امسافره ماكو احله من هذا السفر
الله يــــدري بالنوايـــــا الصدگ
كلشي عــابر واسمچ الينشـــهگ
اقدس اسم مـــــن يومه
طول العمر مخــــــدومه
زينب خدمتـــــــچ لوحه
بچف الگمر مرســـــومه
بين امنــــــــياتي القاصره ياســــيدة روحي وهلي
لو خيرونـــــي باحله اسم اتســــــمه زاير بت علي
الوادم اتعــــــيش ابوطن ياوطن عشتي ابداخلي
گالولي انته مـــــــن تكن؟ ماكنتُ لـــــــو لكي الي
شامچ اســـود وانتي اطهر اخت
الغربه غــــربه وضلت ابكل وكت
شام الدفـــــــــــن علويه
يدمي الگـــــــلب طاريه
كون ابســـــوالف زينب
ماتنحچي المســــــــبيه
يتغرب الشــــــافچ جرح وبغربتچ يگــــــضي العمر
لاطــــــــابت ايامي التي يازيـــــــــنب اخلافچ تمر
ليهسه غربه ابحضـــرتچ من ساعة الرحتي ابيسر
رزقيني اشــــارك غربتچ ومن اليجـــــــولچ انذكر
جازي خيـــرچ والفضــل ماله حد
نضره مــــــنچ تنطي للضايع مدد
دنيا وتمـــــــــــيل اعلينه
وتعدلهه زينــــــــب بينه
ماعدنه غيــــــــر الدمعه
للشام الچ تحــــــــــدينه
نضراتچ اتطفـــــــي الجمر واتبرد الگــــــــلبه ضمه
اصعب شــــــــعور الينتظر صحره وتـراقب بالسمه
اتصــــــــــحِرت يابت علي نضــريني نضرة فاطمه
ماسلمت امـــــــــري البشر بس عندچ امري امسلمه
خادم القصيدة
شاكر الصيمري