7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
لاستشهاد الامام موسى بن جعفر
الكاظم عليه السلام
گالي فوگ الجسر شبه الگمر
اربعه منزلينه ماعندك خبر
گتله هذا النور من قبل الأزل
ساطع الانوار من نور الدرر
گال يم جنازته ماكو أهل
ليش من اهله ولاواحد حظر
گتله مطلوبين اهله بكل وكت
مالهم بالارض دار ومستقر
گال شنهي المشكله وشنهي الجره
وليش هذا الخوف منه والحذر
گتله هلأسباب دين ومعرفه
وعلمه مابين الخلگ علمه انتشر
گالي شكبر ذنوبه وحاربوه
والحقد هاگد عليه ليش استمر
گتله عابد ذاكر وصاحب علم
وتشهد بهذا البوادي والحظر
گال مامعقوله يمكن حاربوه
لان ضدهم طلع بسيوف الخطر
گتله اسلاحه العباده ودمعته
وبالعلم سلطان ولربه شكر
گالي اشكد علجرم هذا انحكم
دخلوه يامحكمه القاضي شئمر
گتله لامحكمه ولاقاضي الحكم
قررت ينحجب بالظلمه الزمر
ابسجن بن شاهك تجرح بلقيود
دَمَّن أچفوفه أنطبع بيهن اثر
ينشد السجان عن وكت الصلاه
مايميز الليل من وكت السحر
گال من اصدر حكم قاسي عليه
وبقرار الجائر ابحقه صدر
گتله من سن الظلاله والظلم
الحاقد الغدار من سابع ظهر
صاحب اقيان وملذات وطرب
وبمجالس لهو وسهرات وسمر
گال لاساعه رحم بيه وعفاه
گتله طبع الشوك لاعطر وثمر
گال ليش الوانه متغيره شجاه
گتله بالسم ختموا ايام الگمر
گال يامظلوم هذا ومبتلي
المات بالسم وصبر هاگد صبر
گتله المظلوم موسى على الجسر
هذا ابن جعفر وابن خير البشر
الشاعر حسن لعيبي الحريشاوي
يمسموم جينه الحظرتك
يمسموم نبجي المهجتك
مشايه اعتنينه
بالدمعه الحنينه
هاك اسمع بجينه
يمسموم يمسموم
................................................
ويه ما تبدي الاخيره العشره من شهرك رجب
جن مؤذن بينه يهتف صوته عالي ومنحجب
كَومو ياشيعة محمد عوفو كلشي لأي سبب
واعتنو المرقد الكاظم سيدي ونفزع شعب
بالهموم والحسره والآه
بالهموم شخصك اجيناه
وانحس ما وفينه
ياحامي المدينه
هاك اسمع بجينه
يمسموم يمسموم
................................................
اربعينيه ابعزمنه وكَاصدينك يالأبي
بينه جن زينب وصرخت فوك تل الزينبي
مايرد ممشانه طاغي ولا حقود ولا غبي
وجن سكينه هالقضيه مارضينه تنسبي
ولا يوم ننسه الشعائر
ولا يوم نفني الضمائر
يالكاظم واجينه
نرفعلك ادينه
هاك اسمع بجينه
يمسموم يمسموم
................................................
راحه لا مو تعب دربك لجلك ايهون الصعب
اشما مشينه خطوه خطوه نشعر الجنه الدرب
شكَد مواكب للخدامه لجل يومك تنُصُب
هله بالزوار تهتف والمجالسهم نطب
يمظلوم هذا العزائك
يمظلوم ننصر دمائك
ونشعر بالسكينه
يالروحك أمينه
هاك اسمع بجينه
يمسموم يمسموم
................................................
بالسجن خلصو عمرك يالوفاتك بالسجن
سمموك اهل الخيانه باخر انفاسك تون
امصيبتك جداً عظيمه والهه نلطم عالوجن
ونبحر بأحزان يومك والبحر حزنك سفن
يمهضوم يومك فجعنه
يمهضوم أسبل دمعنه
من واحدنه عينه
تبجيلك سنينه
هاك اسمع بجينه
يمسموم يمسموم
................................................
من نصل يم كَبرك احنه انسلم انسمعك ترد
وتكتب اسم اللي يزورك انت واكف مستعد
اشما دمعنه ايطيح يمك سيدي انشم الورد
جا شباب انت ابضريحك نشتم اتراب الحشد
يمن دوم باقي بمهجنه
يمن دوم جيشك حشدنه
لجلك ياولينه
ارواحنه حزينه
هاك اسمع بجينه
يمسموم يمسموم
ياسر العارضي
يا شيال...نعش الكاظم
°°°°°°°°°°°°°°°°°°°°°°°°°°
على هونك يمن شايل نعش موسى
مشاعر شيعته كسرات متروسه
يموت ابلا ضوه الچان الضوه يبوسه
الچان يبوسه حتى تراب اليدوسه
بهاذه الحال...ماضن سالم
ياشيال...نعش الكاظم
----------------------------------
يمن شايل نعش موسى ابن جعفر
الجسر والناس الك بكل لهفه تتنطر
لأن متريده يبقى مثل ابو الأكبر
يضل حر الشمس ابچثه يصهر
صار اوصال...بفعل الظالم
يا شيال...نعش الكاظم
----------------------------------
يشياله لون تشيعه هاذه الحين
ماتسمع حشه "هاذه الغريب امنين"
اهل بغداد توگف وگفت امعزبين
وچوادرهم ينسجوها برموش العين
وهاي امال...هاي الوادم
ياشيال...موسى الكاظم
----------------------------------
وتصير الدنيا خضره بكثرت الرايات
ونسوي دجله اخرى لكن ابدمعات
وعلى جسر الألم تتعاله هلصيحات
"يضل موسى بدليل الشيعة لا مامات"
الدمع السال...ضل متزاحم
ياشيال...نعش الكاظم
----------------------------------
نشيعه والحزن ضل تارس الواهس
نشيعه والأم كل الگلب تارس
عابس جننه البيه الفرس دايس
لجل موسى ابن جعفر گلي چم عابس
نذب البال...ونجزع لازم
ياشيال...موسى الكاظم
----------------------------------
ونريد بهلزمن بتشيعه من نبدي
نريد القائم بشيعة علي يحدي
يتقدم صدرها التعزية المهدي
وينادي"ما نستك شيعتك جدي"
طال وطال...هجر القائم
ياشيال...موسى الكاظم
#الخادم
حسن ميثاق الربيعي
⬛️🔳القصيدة-5-🔳⬛️
وعرجْ علىٰ بغدادَ والدمعُ يُسكَبُ
ففيها رهينُ الحبسِ موسىٰ المُغيّبُ
وما زالَ في الآفاقِ كالنجمِ مُزهِراً
بأنوارِه ِ إذ تستَنير ُ الكواكِب ُ
إمامُ الورىٰ ما عاشَ يوماً براحةٍ
وبينَ طوامير ِ الطُغاة ِ يُعَذَب ُ
فكم حارَ سجّانُوهُ من عُظمِ شأنِهِ
وكم ظهَرَت بينَ السجونِ العجآئِب ُ
لـهُ سجدةٌ حتىٰ الزوال ِ يُطيلُها
من الفجر ِ أما في المسآءِ فرآهب ُ
سنيناً قَضاها بين َ حبسٍ وظالم ٍ
بِـحِقد ٍعن الأهلين َوالناس ِ يُحجَب ُ
وهارونُ يسعىٰ جاهداً لاغتيالِه ِ
بأيدٍ من الإجرام ِ حيث ُ النواصب ُ
وقد أمَـرَ السنديًَ شُلّت يمينُهُ
بدَس ِ زُعاف ٍ مثل َ نار ٍ وتَلهَب ُ
قضىٰ منهُ وآويلآه ُصبراً بغُربة ٍ
عليه ِالرِِّضا في حُرقةٍ ظلَّ يندب ُ
أيا والدي نادآه ُوالوجد ُ طافح ٌ
ومِـن نَـوحـِه ِ كُل ٌ ينوحُ وينحب ُ
فأينَ نِزار ٌ بعد َ قتل ِ عميدِها
بثأر ِابنِها من عِند ِ هارون َ تطلب ُ
#سمير_الصالحي
#النجف_الأشرف
🏴نعي -مجردات
من بغداد طارش خل يودون
لارض المدينه لو يلحگون
لهاشم يبلغهم يگومون
لسيوفهم كلهم يسلون
باخبار ابنهم كون يدرون
موسى ابن جعفر علة الكون
مسموم ميت وسط السجون
———————
🏴نعي- مجردات
عن لسان السيدة الزهرآء ع
آانه الزچيه وحزني ماهاد
يا ناس ادور عن الاولاد
منهم الكاظم باب المراد
مسموم مات بسجن بغداد
#سمير_الصالحي
#النجف_الأشرف
*بين الخرابة والطامورة*
لسان حال مولاتنا الزهراء ع تحضر عند ولدها الكاظم ع تگله~
محتارة انا ما بين السجن والخربة بٱرض الشام ~
من انظر سلسلة واغلال اذكر بالسبي الأيتام~
الطامورة تذكرني برقية عالتراب تنام~
صعبه محنتك يبني تبكي عليك هالقضبان
〰️〰️〰️〰️
لكن زادت المحنة بالخربة الطشت جابوه~
ودارت حوله ايتامي وحسين انذبح شافوه~
مخضب ويلي بدمومه
وصاحت طفلته خلوه~
مشتاگه لابو اليمه وموعدنا بخرابة حان
خادمة آل محمد✍🏻
الشاعر الحسيني ظاهر حبيب الهليجي
ياعلي ابن سويد بلغ شيعتي
الجمعه موعدنه تشاهد حالتي
*
ياعلي بلغهم الشيعه السلام
والفرج بل جمعه گلهم للأمام
يعني ارحل من طوامير الظلام
سموم هارون التخذم جبدتي
*
من زمان أتريد تخلص هل طغات
مني وانه اعرف نواياهم قسات
وانه متحظر وارحب بل ممات
حته اخلص من مظالم دنيتي
سنين وانه اتعذب بقعر السجن
لا شمس شايفها والاهلي احن
الليل هذه يمرني للباري اون
ولشتكيله عل جرالي بدمعتي
*
الگيد ما فارگ جفوفي وظل اثر
وجسمي ناحل ومتلت عيني سهر
ومن مظالمهم احس كلبي انصهر
والخلاص الموت ينهي شدتي
*
غدآ اشكي الخالقي رب السمه
والرسول الله وعلي والفاطمه
من بني العباس هاي المجرمه
بلغ الناس التناطر طلعتي
نور الحجج
سيد المهج
بابه انعرف باب الفرج
ما خاب ابد من ينخاه .... تقضه الحوائج بأمره
.......
موسى ابن جعفر مايسد بيبانه
كل حاجه يمه تنقضي مولانه
يشهدله شرع الله وشهد قرانه
يمه العسر
يصبح يسر
هذا الامر حق ينذكر
موسى ابن جعفر للناس ... نعمة عظيمه انذكره
.......
كلمن يطيح ابشده خل يمشيله
ما خيب ابيوم الاجاه يشكيله
ياخذ قضيته وبالعجل يدعيله
كلمن كصد
بابه حصد
امراده ويزيده بعد
كل زاير ايكصده ايشوف ... حاله تغير وأمره
........
ترتيبه صار ابقدرة الله السابع
منه الكرم ياخذ كرم يا سامع
فاتح مضيفه الجايع اومو جايع
نحجي علن
يمه هِون
كل الصفات البلحسن
نفس الكرم والأيثار ..... موطن ملاذ الفقره
.....
جم واحد ابواحد اتشافت علته
وسلوفهه للناس ابدمع سالفته
رب السماوات العله واسطته
دعواه تصل
ربه ابعجل
يمشي اعله رجله البي شلل
لا موعجب هذا ايصير .... موسى الله رافع قدرة
......
والطالب الذرية يتعناله
مو بس ولد ينطيه ولد تبراله
كثره القصص مكتوبه عن أفعاله
جم منهضم
جم منحرم
من الضنه ابحُجت عقم
ما فشلاه موسى انطاه .... مو ولد واحد عشره
......
لو مطرت الدنيه عليك بشرهه
واتكاثرت فوكك غصصهه ومرهه
اندب الكاظم شدتك يحضرهه
اخذ النصح
يالمنجرح
كلبك وصدرك ينشرح
من تدخل الحضره اتشوف ... كل حاجه الك متيسره
.......
كلمات
موسى الخادم
غصص خلصت حياته وأشد كل نايباته
مصايب كربلاء مصايب كربلاء
****
الحزن بان بحياته بــــــــأول أيامه
وضل مرافگــــــه بسنينه وأعوامه
حتى بالسجن مادنّــــــــــــك الهامه
وعزيته بكل وگت عالحركَوْ خيامه
على جدّه بكائه وتراتيله بدعائه
مصايب كربلاء مصايب كربلاء
****
لوعه وآه ونّـــــــــه خلّصه العمره
بفعل وإجرام كــــل العادت الفكره
المنهجهم ضلال ورايــــــد أيغيره
شاف الويل منهم مـــــا نفذ صبره
دمعته تجري من دم على الصار بمحرّم
مصايب كربلاء مصايب كربلاء
***
مـــــــــن أرض المدينة جابه سجّانه
مجتوف بحبـــــــــل مشدوده ذرعانه
من شاف الحبــــــــل والسوط عدوانه
بچه الحــــــال العقيله وزادت أحزانه
حزنه على العقيله ومصايبها الثگيله
مصايب كربلاء مصايب كربلاء
*
ظلم شافه بحياته مــــــن دخل سجنه
من الظالم وعبــــــــــده اليعمل بأذنه
راوه الكاظم بأفعالـــــــــــه چم محنه
ومن جوره وقسوتـــــــه ردّت بذهنه
صور جتي بخياله وذكر جدّه وبچاله
مصايب كربلاء مصايب كربلاء
****
ضامي وحيله داوي مــــــن كثر سمّه
ودم عينه بچت مـــــــن أجل أبو اليمه
عِلَه صوته ونحيبه مـــــن ذكر جسمه
حتى بموته يعني مـــــــا بچه الهضمه
نحب هــــوّ وتألم على الصدره تهشّم
مصايب كربلاء مصايب كربلاء
***
حضر عنـــــــده الرضا وتكفّل بأمره
ومــــــــــا ضل بالعراء أوّسده بگبره
بس حسين جــــــــــــدّه باقي عالغبره
ثلث تيام محـــــــــــــــد واصل بكتره
بچت حتى سمائه على مصابه وعزائه
مصايب كربلاء مصايب كربلاء
****
بالسجده الطويله وصاحـــــب السجده
يا رب نندبـــــــــــــــــك للمنتظر ردّه
غيابه طال يــــــــــــارب طالت المدّه
وعشنه بغيبته شـــــــدّه بأثـــــــر شدّه
يرب عجّل طلعته ثاره يتاني جيته
مصايب كربلاء مصايب كربلاء
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
( الزهراء ع) تحضر نعش الكاظم ع)
مـن الـمـديـنـه إتـعـنـيـت
تـجـري الـدمـوع وحنيت
يم الغريب الليله ** يم الغريب الليله
. *------------------*-----------------*
إجـيـتـه ولگيته ثگل الحديد بـسـاگـه
نظرته ودموعي فوگ الجفن حــراگـه
گـلـتـلـه يـيـمـه روحـي إلك مـشـتاگـه
وداعــاً يموسى بـجـنـة عـدن نتلاگه
نـاديته يبني المسموم
دمعاتي لمصابه إدموم
. *------------------*-----------------*
دمـعـكـم لـطـمـكـم يـم النعش يـريته
هـظـيـمه يويلي مـوسى بغرب منيته
بدمـوعـي أكلمه شنهي الـذنب جنيته
لطـمـتـه بحنيني وكـسر الضلع نسيته
بساگه الحديد مخلين
ضـلـيـت اعاين بالعين
. *------------------*-----------------*
سلاسل ثگيله بموتـه وعـلـي شـفـتـهـه
جنازه وحـيـده واني الذي إحـضـرتـهـه
جفوني وعـيـوني من البچي إجرحتهه
مـدامـع عــزيــه فــوگ الـجـسـر ردتـهـه
لمصـابـه دلالـي إنـصـاب
إذكــرت جـــرح الــبــاب
. *------------------*-----------------*
بـحـسـرتـي أشوفـه محد يـجـي يشيله
غـريـبه الـجـنـازه نـادوا تـرى بـرحـيـلـه
شـسـولـف واگـولن عن قصته الطويـلـه
لـمـصـابـه وعـذابـه زاد الـگـلـب عويـلـه
نعشه بسلاسل مـطروح
تحله الـمـدامـع والـنـوح
. *------------------*-----------------*
أحـنّـن و اونّـن يـومـيـه گـلـبـي بلـوعـه
جرحته وحفرته خدي بمسيل ادمـوعـه
الزچيه تـرانـي يـم الجـسـر مـفـجـوعـه
يموسى خِبرته إشحال الكسر بضلوعه
شيفيده جفني الهـمـال
أمعلعله وباصعب حـال
. *------------------*-----------------*
نـظـرتـه بثـيابـه وخـف الـحـزن عـلـيــه
الـجـنـازه بـوحـدهـه أهــون ولا سـبـيـه
يـيـمــه أنـادي وعـلّـتـي بـقـت خـفــيــه
الـتـدوسـه الحـوافـر أعـظم واجل رِزيه
بـنـار الـگـلـب والاحزان
أنـصـب عـزه لـلـعـريـان
. *------------------*-----------------*
✍بقلم خادم موسى بن جعفر ع
الشاعر رعد الچريخي
أبيات ابوذيه الى مولاي الإمام الكاظم عليه السلام
السجن وسفه أعلى ناسك حيف حالك
بســــلاســل وبقيـــود اشــــلون حالك
ليــــل اظـلــم نهــــارك صــــار حالك
چن ليل اهــدعش بالغاضـــريه
*
الگلــب ون لمصابـــك هــاي ونتـــاه
وانشــد عـالفـرح. بجفـاك وين تاه
الرجس هارون فوگ العرش وانتـــه
بسجن اظلم يبن خيــر البريـــه
*
الحزن والنــوح لمصابــك بيّ اداك
يمّــن باچـــر تلـــوذ أمــه بـيّـــدك
حســافه أقيـود يالكاظم بيّـــداك
وجســم ناحــل يمّام الـــرافضيه
بي اداك .. يضرب أو يقصف
بيدك .. جدك
بيداك .. يديك
*
الشاعر
موسى البديري
الى سيدي ومولاي الامام
موسى بن جعفر عليه السلام
لاهمني برد لاحر
اجيتك موسى بن جعفر
اجيتك موسى بن جعفر
★★★★★
لجلك لوعتي بصدري
ازورك والدمع يجري
اجزع لويقل صبري
اقبل سيدي عذري
من تقصيري اتعذر
جيتك موسى بن جعفر
★★★★★
الرشيد الراهب العابد
سديد الراي والزاهد
الكريم الصابر الساجد
ماهزك ابد حاقد
بعبيرك گلبي يتعطر
اجيتك موسى بن جعفر
★★★★★
ينور الباري واسراره
حگها ادموعي تتجاره
يجنه ابظلمه غداره
شمبعد ناسه وادياره
كرم من جودك اتنطر
جيتك موسى بن جعفر
★★★★★
امر هلدنيا متوقعه
تمر وتخلص ابسرعه
برضا الباري العمر تسعه
حليف السجده والدمعه
الم بأشواگي وتعثر
جيتك موسى بن جعفر
★★★★★★
من طور النعي اسمع
المصابك گلبي يتگطع
وچبدي عليك يتصدع
جمرات النظر يدمع
وچانون الجرح يسعر
جيتك موسى بن جعفر
★★★★★
بجاهك سيدي اتوسل
شفيع بروحي تتكفل
يمك شدتي تنحل
وهموم الگلب ترحل
يبن المصطفى وحيدر
جيتك موسى بن جعفر
★★★★★
عنك كاظم العتره
ايمان ومجد اقره
يلصبرك صنع ثوره
هز الظالم بقصره
ياخير الدفع كل شر
جيتك موسى بن جعفر
الشاعر حسن لعيبي الحريشاوي
موسى بن جعفر عالجسر. گومو يشيعه انشيله
٠٠٠٠٠٠٠٠٠٠٠٠
مسموم بالله بياذنب وبياذنب ياذونه
بگيد السلاسل والسجن. تحت الارض يخفونه
يدرونه من بيت النبي وبالمصطفه يوصفونه
بالسم گضه ومات بسجن. ياويلي هدمو حيله
٠٠٠٠٠٠٠٠٠٠٠٠٠
فزّعو الروافض خل تجي. تشيل النعش لتعوفه
عالروس ينشال النعش. والشيعه كلها اطوفه
معروفه شيعة حيدره. وكت الشدد معروفه
تتحده ظلم الناصبي. ورواح هم تهديله
٠٠٠٠٠٠٠٠٠٠٠٠٠
شالتهم الغيره واجو. شالوا نعش واليهم
وتشيّع بهيبه وفخر. موسى وتفاخر بيهم
قَدمَو تعازي للرضا. قائدهم وحاديهم
عن والده گيد السجن. بيده الامام يزيله
٠٠٠٠٠٠٠٠٠٠٠٠٠٠٠٠
معصوم لاشك الرضا. يحفر گبر للكاظم
للحفره نزّل والده. بيده وتجهله الوادم
هذا الرضا الشال النعش. ما جاسه والله الظالم
تولّه الدفن هوه الرضا. بيده وأمر تغسيله
٠٠٠٠٠٠٠٠٠٠٠٠٠٠٠٠٠
بهذا الزمن وبكل زمن نحيي بدمع تشييعه
خدامه احنه وشيعته. أمر الامام انطيعه
مجلس عزاءه بحضرته. وللعالم احنه انذيعه
والمهدي حاضر بالعزَه يوم الفرج ندعيله
٠٠٠٠٠٠٠٠٠٠٠٠٠٠٠٠
باب الحوائج كل زمن والينه ما سد بابه
موسى بن جعفر مايرد. يكرم جميع أحبابه
يشفي المريض بحضرته. وعنده الرزق وسبابه
يربح اكيد وينسعد. كلمن يجي يشكيله
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
قصيدة لسيدي ومولاي موسى بن جعفر عليه السلام
اجيت وگلبي ملهوف عليك وعينك تشوف
ازورك يا امامي ازورك يا امامي
٠٠٠٠٠٠٠٠٠٠٠٠٠٠٠٠٠
اجيتك يا امام الجعفريه
دخلت بدمعي لرض الكاظميه
يموسى الغالي يا روح الزجيه
وگفت ابّابك وعينك عليه
ترحّب بية مولاي أحسك واگف وياي
ألك ودّي وسلامي ازورك يا امامي
٠٠٠٠٠٠٠٠٠٠٠٠٠٠٠٠٠
اجيتك ابچي يا موسى بن جعفر
على مصابك حزَن گلبي وتفسّر
بچيت هواي يم شباچك أكثر
ذكرت الصار بيك وبيّة اثّـر
السلاسل والسجن ذاك. يموسى هوايه اذّاك
اون وبچي بكلامي ازورك يا امامي
٠٠٠٠٠٠٠٠٠٠٠٠٠٠٠٠٠٠٠
السجن طاموره ظلمه وتخنگ الروح
گضيت ايام عمرك بيها مجروح
بسلاسل گيّدوك ودمك يفوح
بكلام الشامت السجان مذبوح
حقود السندي ملعون. يشتمك وانت مسجون
اظن سمّوك ضامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠
شفت نعشك يشيلونه اليشيّعون
لطم عالروس كلها وتبچي العيون
ذكرتك من جنت مولاي مسجون
ولعنّت الظالم الأذّاك هارون
طلع نعشك بدينه. عليك شگد بچينه
صحت بيك اعتصامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠
گعدنه بصحنك وحبك يلمنه
سمعنه المقتل وصحنه ولطمنه
يموسى الكاظم عليك انهضمنه
ونعرفك حاضر وموجود يمنه
على جروح السلاسل. بچينه وماكو فاصل
تعنّيت ابهيامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠٠٠
صحيح استشهدت مولاي مقتول
مصاب حسين أكثر وفجع انگول
علم عندك قتيل وداسته خيول
برمح راسه الشريف حسين مشيول
وبعد أعظم رزيه. خذوا زينب سبيه
بمصيبتهه ختتامي ازورك يا امامي
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لاستشهاد الامام موسى بن جعفر الكاظم عليه السلام (وزن عگيلي )
يلكاظم نظره الخدامك
يلكاظم نظره الخدامك
★★★★★
من زاير لوطالب حاجه
بدربك مثل السيل افواجه
فضلك مثل البحر امواجه
خير ونعمه علينه انسامك
يلكاظم نظره الخدامك
★★★★★
كل محتاج الگبرك ساعي
رادود وشاعر. لوناعي
بفضلك كلها اليوم أداعي
بكل لوعه المرت بأيامك
يلكاظم نظره الخدامك
★★★★★
جينالك يلباچر تحضر
للزاير لوصار. المحشر
كلها اتندبك يابن جعفر
نتشرف بتراب أجدامك
يلكاظم نظره الخدامك
★★★★★
زوار اليوم وخطارك
تشملهم ريت بانوارك
مايوم أَترَجَّع زوارك
تشافيهم يَنَّاسي آلامك
يلكاظم نظره الخدامك
★★★★★
ماخاب الزارك يلكاظم
انته النعمه وخير الدايم
ياراهب من صفوة هاشم
معصوم ومن الله إلهامك
يلكاظم نظره الخدامك
★★★★★
الخدامك يلكاظم نظره
اعليك حسين وأمه الزهره
يمدلي الحيران ابأمره
بعلمك وبدينك واحكامك
يلكاظم نظره الخدامك
الشاعر حسن لعيبي الحريشاوي
تابوتك... احزان
فارگت الاوطان
وبسجنك اتموت
بالسجده عنوان
●●●●●●●●●●●●●●●●●●●●●
يالكاظم اشلونه الهضم ماخذ حياتك
ترسمهه جدارن السجن بس ذكرياتك
كل ونه تجذب فاطمه من نايباتك
تسجد فرض حد الفجر چانت صلاتك
عشت العمر ......گيد وصبر
موسى اشكثر وناتك
اتنوح السمه ......ساگك دمه
السجن الهضم لوعاتك
يتهدم الحيل
وبسجنك الليل
بالظلمه مسجون
وتعد الاشجان
●●●●●●●●●●●●●●●●●●●●●●
مذبوحه احلام العمر واحسب بالاحزان
مطروح شفتك بالسجن ياوسفه قرآن
يتحول وياك السجن كل ساعه قضبان
ذليت هارون اشكثر كل سجده برهان
هذا السجن.....يحچي الحزن
تگضي العمر حسراتك
ماظل امل ....غربه الاهل
ثكل الحديد اهاتك
بگيودك اجروح
تتعذب الروح
بطاموره ظليت
بس ماكو خلان
●●●●●●●●●●●●●●●●●●●●●●
اشرح حياتك بالسجن حرگه وهضايم
اتواصل صلاتك بالدمع مالحظه نايم
خمسطعش عام الگضن بالسجن صايم
وتناجي ربك بالفرض كل ساعه دايم
تحني الظهر.......من السهر
عمرك خلص بالونه
يابو الرضا.......ضاك الفضا
الشيعه تناشد عنه
تبجي المجرات
باب السموات
والسندي بالگيض
بحقاده جرفان
●●●●●●●●●●●●●●●●●●●●●●
اه ابجروحك بالسجن عشت الجريره
تبچي الفصول الأربعه والدنيا حيره
يتبده صبرك بس حزن ماكو ابنظيره
كاظم الغيظ ابيا وكت فوك الحصيره
وين الشمس........كلشي همس
طاموره خلص عمرك
ضاع الضوه....خنگه الهوه
الله يساعد صبرك
كل هاي العوام
مذبوحه الاحلام
عن الاهل وين
معدومه الازمان
●●●●●●●●●●●●●●●●●●●●●●
كل أمنياتك بالفرض وتناجي لله
اول محطه من الحزن بيها المناداه
طامورة السندي اشبعد چانت اويلاه
وانت بسجن دمعك نزل اه ياحسيناه
دمعك همل.........عالخد نزل
عشت الطفوف اونينك
ياجد صحت.....شفته ومتت
كل نايبات اسنينك
بسجون السنين
كل ونه يحسين
تارك علامات
بالخيمه نيران
●●●●●●●●●●●●●●●●●●●●●●
مذبوحه آمال الفرج والجمعه موتك
بانت علامات الهجر لحظة قنوتك
اتقيم العزه بختم العمر وناعي صوتك
يعرگ جبينك والوجه لحظة سكوتك
ختم العمر........سجن الهجر
عمرك گضه وساعاتك
ليلك تون..........هز السجن
چوه الگلب جمراتك
ودعت الاحباب
عينك عالباب
ياوحشة الموت
من دون الاحنان
●●●●●●●●●●●●●●●●●●●●●●
تمت بعون الله تعالى
خادمكم●●● يوسف الفتلاوي
سيد الأمجاد يا أسد بغداد
بيا سجن مسموم يبن الطاهرين
بيا سجن مسموم يبن الطاهرين
......................................
هاي مو اول مصيبه والسبب نفس السبب
بغضاً ابنهج الرساله حاربوكم لا عجب
ألحسن سممو جبده وجسم الحسين انسلب
ومن علي السجاد بيكم حاربو هذا النسب
كل جبد معصوم هالصبح مسموم
والاماكن تختلف عالسائلين
بيا سجن مسموم يبن الطاهرين
......................................
بالسجن مولاي وجهك سيدي ابنوره اختلف
اظلم ومن نور خدك هذا سجنك وانعرف
تفرش الكَاع ابعباتك بالصلاه والدمعه طف
وحاكم الدوله ابقصوره عايش انواع الترف
وانت يالكاظم فرصه للظالم
ينتقم من نهجك الحق المبين
بيا سجن مسموم يبن الطاهرين
......................................
تجرع اهموم الرزايا وكَلبك اعله اهلك يحن
سكته وناتك عليهم من يسمعك من تون
عايش احزان ومأسي ومن حزن طحت ابحزن
ماشفت راحه ابحياتك لا سعاده ولا أمن
بالسجن عمرك يخلص ابصبرك
بين جور اهل الظلم والحاقدين
بيا سجن مسموم يبن الطاهرين
......................................
بالسجود ابكل صلاتك تدعي ربك بالفرج
بالحجج ترفع جفوفك وانت من نسل الحجج
وبنهج سجن وعباده انت سنيت النهج
نازعت انفاسك انت وكل نفس بيك اختلج
وخلصت انفاسك باعذب احساسك
وانت للأسلام خير العاملين
بيا سجن مسموم يبن الطاهرين
......................................
عالجسر مطروح نعشك هذا أمام الرافظه
صاحو وشيعة محمد ترست ارضين وفضه
كاظم اهل البيت هذا عمره بالسم انكَظه
بس حسافه الفزعه جانت بعد ماصارت قضه
بالسجن سموك بعد ما حرموك
صاحت الناس اعله نعشك يالامين
بيا سجن مسموم يبن الطاهرين
ياسر العارضي
يم ظلام السجن تضوي شمس احروفك
من على اهلك تون دمعتك متشوفك
ليلك ابعز النهار
وتشهك انفاس احتظار
يا إمامي يا إمامي
.....................................................
عاشت اطيوفك غريبه وبأمانيهه الجفن
ماتحس بانفاس بحرك عكس مجراهه للسفن
والهوه اليحتاج دمك خلص عمره من الحزن
لا نوافذ منهه يدخل كله حيطان السجن
مختنك تحت الأرض **** ابلا هواك اتعاني
من الفرض حد الفرض **** ساجد انت امتاني
للفرج تبني انتظار
وتشهك انفاس احتظار
يا إمامي يا إمامي
.....................................................
مركبة عمرك كَصيره والسجن جان الفلك
رغم هذا انت ابوجودك جن تعيش ابمنزلك
دنيه تارسهه ابعبيرك وانت مبعد عن هلك
صوتك احساس المؤذن باب الكَلوب امتلك
وي نسيم الهوه **** باقي صوت اجروفك
عايش ابلا ضوه **** والشمس موصوفك
رغم هذا ابكل وقار
وتشهك انفاس احتظار
يا إمامي يا إمامي
.....................................................
رهبتك بعيون خصمك جن علي وعمر بن ود
تنجلي الاحزاب كلهه ابنظره لو عينك تصد
همه لو ماسَم غدرهم ياهو منهم يستعد
يوكَف اكبالك ويبرز يعرف امكَطع يرد
إي وحك هل أتى **** لا فتى وسط السجن
جاءَ بامراً مُلفِتا **** إلا انت بكل زمن
بلونك وذايب سمار
وتشهك انفاس احتظار
يا إمامي يا إمامي
.....................................................
جم أمر من غيظ كاظم كل حياتك هالأمور
هوه لو دفتر يخلّص عمرك بأول سطور
صابر اكثر من ربيعك يالخريفك ضل يدور
جن ضلع للزهره غصنك مايطيب من الكسور
مره تنشاف الحسن **** مسموم بين الغربه
وجن حسين من المحن **** عطشان واشتد حربه
جبدك ابنار وشرار
وتشهك انفاس احتظار
يا إمامي يا إمامي
.....................................................
كل جسر بغداد نعشك واجه التشييعك نهر
واللي فزعو نهر ثاني من جَمِع شيعه الحظر
حسين وحده وطعنه طعنه اسيوف وارماح ونظر
هذا يضحك ذاك يفرح ذره ماعدهم قهر
وعينه صوب الخيم **** الزينب المشدوهه
مايهم باي سهم **** ابجيشهم حاطوهه
شافهه اتلم الزغار
وتشهك انفاس احتظار
يا إمامي يا إمامي
ياسر العارضي
صيحاتي بالشدة اعتلن
وضعي صعب يابا الحسن
......................................
على باب السجن يتلولح الموت
عدل واشعر اعيشن جوه تابوت
علي ضاگ النفس گوه الهوى يفوت
يجدي احسبني يونس والسجن حوت
واچتافي من همي انحنن
وضعي صعب يابا الحسن
.......................
يمر كل يوم ليل ابلايه مصباح
وتدري الظلمة تاكل حيل الأرواح
السجن طاموره شيدبرلها مفتاح
السكوت اغتال صبري الممتلي صياح
والظلمة تذبح بالزمن
وضعي صعب يابا الحسن
.......................
منك ياعلي تعلمنه شيصير
ماينشاف منه بيوم تقصير
لچن يا سيدي محتاج تفسير
ليش اسمع خيول وطگ مسامير
صوت الكسر بأذاني رن
وضعي صعب يابا الحسن
.......................
يأذي الگيد ايدي وانا رجال
واعيش ابسجن مو بالغربه رحال
على عماتي ردت توصيف ينگال
تحاوطهن شمات وحالهن حال
من السبي كلش جزن
وضعي صعب يابا الحسن
.......................
ابعثت مرسال الك من جوه لتراب
لبو تراب ارد دز مراسالي بتراب
يجدي الوحشه چنها بالگلب ناب
يأذي الروح حيل افراگ الاحباب
بالوطن وابعازت وطن
وضعي صعب يابا الحسن
....................
لمن سمهم اجه استشعر البين
واحس ياجدي ترجف هاي الايدين
قبل موتي اسلم هالاسلامين
واحد للنجف واخر للحسين
وغربت روحي من البدن
وضعي صعب يابا الحسن
#الخـــادم
حسن ميثاق الربيعي
*طامورة ظلمة يعني* 😭
طامورة ظلمة يعني~~~ حفرة بسجن من تراب
طامورة ظلمة يعني
قيود وسلاسل والعذاب
طامورة ظلمة يعني
قلبه امامي من السم ذاب
〰️〰️〰️〰️〰️
قيد وسلاسل يعني ~ تلك علامات الاسر
قيد وسلاسل يعني~ الكاظم تمرمر بالقهر
قيد وسلاسل يعني ~ ميّت ومرمي عالجسر
〰️〰️〰️〰️〰️
جنازة غريبه يعني~ جنازة رمية بلا دفن
جنازة غريبه يعني ~ عباته صارت له كفن
جنازة غريبه يعني ~ ميّت امامي بالسجن
خادمة آل محمد ✍🏻
مولاي مولاي موسه
ابن جعفر
٠٠٠٠ ٠٠ ٠٠٠٠
عليك العيون يمولاي صفت تجاره
المثلك اشلون عالنصار تضيع اخباره
بيك الفلاك والملاك بقت محتاره
انته يل عابر السبعه بصيتك
يا هضيمه بالسجن تاليتك
٠٠٠٠ ٠٠ ٠٠٠٠
ليش الكيود يمسجون كلت بعضامك
بالطوامير يمضلوم كضيت ايامك
ولا اخو وياك يمولاي يحس بالامك
بين غربه وعالمصايب صابر
اليله اتمر جنه الليل العاشر
٠٠٠٠ ٠٠ ٠٠٠٠
طعم الفرك يمسموم ابد ماينجرع
يكضي هاليل بالهموم مناجات ودمع
حالك يذوب يمضلوم مثل حال الشمع
ياهو مثلك ينعه روحه بروحه
ولاعرف يمه ويضمد اجروحه
٠٠٠٠ ٠٠ ٠٠٠٠
دايره عليك شماته وتموت بغربتك
حاير اشلون يمولاي اوصف حالتك
عالجسر ليش غربيه تضل اجنازتك
صاحو الشمات هذا ابو الرضه
عضامه من الكيد كلهه مرضرضه
٠٠٠٠ ٠٠ ٠٠٠٠
جينه هليوم بالحزان نجدد الك عهد
هل مواكب الك هاي تظل وللابد
ورث الاجيال مصابك نعيده شمابعد
يموت كلشي وحبك يخضر جديد
المات هارون وزمرته والرشيد
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
لطمية للأمام الكاظم عليه السلام (( سل السيف ))
سل السيف يبن العسكري وگوم
بالطامور جدك مات مسموم
الله يساعدك ياضيم تحمل
كل صبح ومسيه دموعك تهل
امصيبة جدك المسموم تكتل
وحيله امن السجن مايل ومهدوم
سل السيف يبن العسكري وگوم
حيله امن السجن مال وتهدم
مسموم الشفيه اشلون يسلم
مگلوب الفلك والكون غيم
چا حگهه السمه من تمطر ادموم
سل السيف يبن العسكري وگوم
چا حگهه السمه من تمطر اتراب
جدك ضل يدير العين للباب
ايريد احباب گلبه ابعاد الاحباب
ينازع بالمنيه وبات مالوم
سل السيف يبن العسكري وگوم
ينازع بالمنيه وفرهده الموت
ممرود الگلب والوجه مبهوت
ومحد جاب للمعصوم تابوت
ثلث تيام من الدفن محروم
سل السيف يبن العسكري وگوم
ضل اعله الجسر مشمور جدك
يبن العسكري ساكت شعندك
كلنه اوياك موش اتگول وحدك
اليطلب ثار عينه اتحارب النوم
سل السيف يبن العسكري وگوم
عينك ساهره وبگلبك النار
تطلب سيدي العدوان چم ثار
ضلع الطاهره وطبرت الكرار
چم مذبوح چم مقتول مظلوم
سل السيف يبن العسكري وگوم
چم مذبوح بالحومه توذر
حقك من تصيح الله واكبر
وعماتك سبايه وگطعن البر
للجلسات ودوهن يجيدوم
سل السيف يبن العسكري وگوم
لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر
ادعيلي .. بهاي المسيه
يالماشي .. للكاظميه
.......
احملكم امانه ابدمعت اعيوني
يم باب المراد اهناكه اذكروني
انه الموت اخذني وأهلي عافوني
ومتعود جنت بمصابه امشيله
اجدامي ... تشهد اليه
يالماشي ... للكاظميه
......
من خطواتكم اهدولي جم خطوه
جنت امشيله حافي اعله الجدم يسوه
هسه انه انحرمت ازيارته الحلوه
صار الكبر بيتي ياهو اشكيله
بعيوني .... ادموعي جريه
يالماشي ... للكاظميه
.....
البابه لو وصلتو فدوه تدعولي
وبشباجه وصلت علك شدولي
وركعتين الزياره بصحنه تهدولي
ما ظلت انفاس العندي واحجيله
من كبري ... هاي الوصيه
يالماشي ... للكاظميه
.....
من عايش جنت اكصدله بالدمعه
على امصابه أون وألطم وأنعه
روحي هواي جانت لجله متوجعه
اتمنه أردن يمه لو ليله
بعدتني ... عنة المنيه
يالماشي ... للكاظميه
.....
جانت امنياتي الخدمته اتوفق
واتحقق مرادي الخدمته اتحقق
كلشي البية بسم الكاظم اتعلق
ليل انهار اسولف بيهه وابجيله
لمصابه .... عشت الرزيه
يالماشي ... للكاظميه
.......
خلصت وانتهت وياه مراسيلي
موش ابزعل لا بالموت ياويلي
صرت انهاري ما عرفنه من ليلي
انتهت قصة مراسيلي ومراسيله
فاركته .... غصبن عليه
يالماشي ... للكاظميه
.....
كلمات
موسى الخادم
بصلاة اعله النبي لساني. ترطب
لمريض بحضرة الكاظم. ترى يطيب
بخشوع ولو دخل زاير. ترى يطب
بيت ال النبي ولزهره الزجيه
باقر جبار الشويلي
لاستشهاد الإمام موسى بن جعفر الكاظم عليه السلام (تجليبه )
لابواب الصحن يلزاير اتعنه
كل باب التگصده گاصد الجنه
★★★★★
عونك لو وصلت اهناك يم بابه
وصحت بصوت عالي بدمعه سچابه
واويلي على المظلوم ومصابه
وتدخل للصحن بالنوح والونه
كل باب التگصده گاصد الجنه
★★★★★
يم كاظم الغيظ مرادك تنوله
كل شده وقضيه اهناك محلوله
الذنب مغفور. وزيارتك مقبوله
بكل باب التگصده والتطب منه
كل باب التگصده گاصد الجنه
★★★★★
إلطم علامام السابع الكاظم
من سجن السجن بيه معتني الظالم
العلى طول الوكت جبريل إله خادم
البيبانه فرج للصابته المحنه
كل باب التگصده گاصد الجنه
★★★★★
واسي ابن الزچيه الطاهره الزهره
وزوره وانتحب لوتسچب العبره
البيبانه كرم بيبان إله. عشره
عن جود الامام اتسولف وعنه
كل باب التگصده گاصد الجنه
★★★★★
انحب علسجين الطاح. ابن جعفر
اجناب على الجسر بجنازته تفتر
لااحباب عنده. ولا أهل تحضر
بمدامع شيعته. بيبانه تتحنه
كل باب التگصده گاصد الجنه
الشاعر حسن لعيبي الحريشاوي
إذا وكتــك يســد أبوجــهــك البيبــان
چـــفك لا تمــده لكـــائنـــاً مـــن كــان
***
أنصحك يا ألزمانك دار وجهه ويـاك
بــالــك لا تمـــد لكائنـــــاً يمــنـــاك
كـون ألــي تگصده يگول عد عيناك
وينه بهل الوكت ما يحصل الإحسان
*
كــون ألي تگصـــده يگــلك أتفضــل
ما تبقى أعلــى بابك حتى مـــا تنـذل
أدليــك الــدرب خــاف انته مـا تندل
بس بــاب الحــوائج فـاتـــح البيبان
****
اذا عنـك زمانـــك وجهـــك يديـــره
اگصد مــوسى گله طايــح ابحــيره
بابــك سيدي مــا عنــدي ابد غيره
وليا صوب يگصد سيدي الحيران
***
يگصــد بابــك المحتــار مــن تشـتــد
يــا بــاب الحوائــج مــا تـــرد احــــد
يظــل مفتــوح بابــك غيـــرك الينسد
يباب الله الچبيــر الما يـــرد لهفـــان
****
يشري مـا وجهــك بــس ابن جعفــر
وغيــره يــريد وجهــك مايــه يطشر
أســد بغــداد هــذا المـــا يرد مضطر
إذا موجــك عــلا وخــذلنك الذرعان
****
شما هـاج الزمان وطفحت أمواجـه
يظل موسى ابن جعفر باب للحاجـه
ميـرد الچفـــوف الجتّــه محتــاجــه
قبله مــن الكرم معــروف للجوعان
****
الشاعر
موسى البديري
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
قصيده نزله للامام موسى بن جعفر عليه السلام
موسى بن جعفر. عشگ الموالين
٠٠٠٠٠٠
شيعته وأحبابه. ما نسينه مصابه
نحضر بتشييعه وجتمعنه ابّابه
نقره دوم أخباره ونهتدي بانواره
ما نفارگ موسى. كل وكت زواره
باب للحاجات باب الكاظم
تعتنيه من كل مدينه الوادم
كل موالي وكل محب بي هايم
بحب موسى خدام. صارو مجانين
موسى بن جعفر. عشگ الموالين
٠٠٠٠٠٠٠٠٠٠٠٠
وينه ذاك الظالم. چان حاكم آثم
لا أثر لا رايه. خل يشوف الكاظم
گبره يضوي وعالي. ما يطخ للتالي
صار مأوى الشيعه. هذا موسى الغالي
حضرته جنة وتلم عشاگه
ما نعوفه ومانطيق فراگه
بحضرته شيعة علي تتلاگه
وين القصر ذاك. وين السجن وين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠٠
نعتني مشايه. رايه تتبع رايه
للامام الكاظم. نحيي أمره الغايه
بالمواكب جينه. والعشگ يحدينه
نلطم عله مصابه. بالصحن ظلينه
نعش موسى اروحنه نهديله
عالجسر ما يبقه لحظه انشيله
حتى ذاك الگيد عنه انزيله
والي اليتامه. كهف المساكين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠٠٠
موسى يشبه طه. ورث علمه وجاها
سابع أهل العصمه. حگنه بي نتباها
الله عَظّم شانه. خالد بعنوانه
باقي موسى الكاظم. ونتهت عدوانه
رغم انف الظالم وأحكامه
نزور موسى ونفتخر خدامه
ونحيي بدموع ولطم أيامه
للكاظم دموم خل تنزف العين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠
اي وحق عيونه وغترته ومتونه
ما نعوف الكاظم خلهم يسمعونه
يمشي حبه بدمنه. والخطر ميّهمنه
من زيارة گبره. الله لا يحرمنه
لاشك الكاظم يسجل بيده
كلمن يزوره يحبه يريده
آخره ودنيا أمامه يفيده
وارث كرامات من جده لحسين
موسى بن جعفر. عشگ الموالين
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لاستشهاد الامام موسى بن جعفر الكاظم عليه السلام
أمودع ابالله يبن الاطهار
امودع اباالله يبن الاطهار
★★★★★
ياهو اليجيك ولجلك ينوح
فوگ الجسر مولاي مطروح
وعدوان يمك ترد وتروح
شحت الغيره ومالك أنصار
امودع اباالله يبن الاطهار
★★★★★
نيران ماتطفه بلدموع
صبن جمر جَوَّن بلظلوع
ارض وسمه والكون مفجوع
ومصدوع گلب الشيعه محتار
امودع اباالله يبن الاطهار
★★★★★
من شوفة الخلان محروم
ذاك الشمل ماينجمع يوم
ياجنة الله اتموت مسموم
الله يجازي اعداك بالنار
امودع اباالله يبن الاطهار
★★★★★
فرگه وعذاب ومدمع ايسيل
وحال السجن ليل ابوسط ليل
صابر رغم ماضل بعد حيل
شحال الرضا من توصل أخبار
امودع اباالله يبن الاطهار
★★★★★
حال الجنازة شلون تنشال
صوب الجسر بچفوف عمال
وين الهواشم وين الأبطال
تشهر اسيوف وتاخذ الثار
امودع اباالله يبن الاطهار
الشاعر حسن لعيبي الحريشاوي
بالسجن اكضي العمر وتسولف اسنيني
والفرض يسمع دعائي وعايش اونيني
ياغربتي........ياشدتي
*******
ظلمه السجن ياشيعتي وحچي الي بيه
لا الليل مرني ولا صبح مظلم عليه
زارتني امي لسجن شفت الزجيه
محنيه تمشي من الظلع أعظم رزيه
كالتلي .. يالكاظم
ليش الدمع ساجم
فوك الترب نايم
جرحك دمه تسيله
غطتني.... بالشيله
حضرتني ..هالليله
وانه من كثر الهضم الهج بسم فاطم
ربي انت الحاكم وشاهد عله الظالم
*******
بالسجن واني اتذكرت عماتي بالشام
ياوسفه تاليته الدهر خاين والايام
وتذكرت نار الخيم چوتهه اليتام
وبدمعتي كلشي شفت مزدحمه السهام
دنيا اشحصل بيها
شو ضدنه تاليها
دمعاتي ...اجريها
ما بطلت .. نوحي
ومعاتب اجروحي
حسين مذبوحي
انه من سجن السجن لاماشفت راحه
وانه بس ليل الهجر ذابحني مصباحه
*******
وناتي يسمعهه السجن لو اقره قران
والدمعه ما جفت ابد غارك باالاحزان
وياي حيطان السجن ونتهه قضبان
وتذكرت جدي وعلي ياويلي عطشان
شكد شهكة الريه
لو گطرة اميه
بشفافه لطميه
ياحسرة اوليده
فرفح على ايده
يلوي الحزن جيده
كلبك اشكبره يجدي وراجع اسم الله
گطع اكماطه ونشغ يا ويلي عبدالله
*******
أمبين ابروحي الهجر رحلة عذابي
والفركه تكبر بالهضم سجني ومصابي
والليل يعرف سجدتي جرحي وعتابي
صليت بالدمعه اختنك مغلوگه بابي
مشتاك... لحبابي
والديرة اصحابي
ماواصل اكتابي
بس غربتي وسعيي
بالنجوه كل طبعي
محد سأل ربعي
هايم بطول العمر وكت الغرب ادعي
للعباده اتفرغت...شاهد علي ودمعي
*******
آخر محطه من العمر احسب حياتي
طاموره خلصت السجن من ذكرياتي
والجرح متلهف وصل ذبح امنياتي
مسموم حسيت الغدر حانت وفاتي
عمري خلص حسره
بدموعي انتظره
سابع جرح زهره
فوك الترب حالي
بس ظلمه تبرالي
اشحال الفكد غالي
لو تصير اجنازتي من كربله تبدي
زوروها احسين جدي والعزه بلحدي
ياغربتي.........ياشدتي
*******
تمت بعون الله
خادمكم ......يوسف الفتلاوي
⬛️◼️القصيدة-3-◼️⬛️
القلبُ يهفو إلى مَغناكَ من صِغري
والروحُ تاقَت الى مثواكَ في كِبري
وكلما حطَّ رَحلي في فِناكَ أرىٰ
كلَّ الهُمومِ تلاشَت وانجلىٰ كدري
لكنّ سُرعانَ ما ينتابُني ألمٌ
والوجدُ يأسِرُني والدمعُ كالمطر ِ
كيفَ العبيدُ أباحُوا ظلمَ سيِّدِهِم
وصورةُ السجنِ كانت أفظع َالصورِ
لهفي على كاظمٍ للغيظِ ممتحن ٍ
يشكو القيودَ كنيرانٍ مع الشَرر ِ
كم صبَ هارونُ أحقاداً عليهِ وقد
ألقىٰ بهِ في سُجونِ القهرِ والضررِ
حبسٌ ببصرةِ والباقي يطوفُ بهِ
على المطاميرَ في بغدادَ كالحُفَرِ
بينَ السجونِ سنيناً كان أصعَبَها
سجنُ ابنِ شاهِكَ سِنديٍ ومحتَقَرِ
ويلي عليهِ رهينًاً وهوَ يهضِمُهُ
شتماً لفاطمةٍ بالصبحِ و السَحرِ
أبكي عليهِ أسيراً وهوَ يلطِمُه ُ
في وجهِهِ النور ُِ نورُ الله ِكالقمرِ
أبكي عليهِ غريباً سُمَ في رُطَبٍ
مُسَلٌِماً أمرَهُ للهِ ِ والقدرِ
أبكي الجنازةَ فوقَ الجسرِ إذ رُميَت
قد ناحَها الطيرُ محزوناً معَ الشجر ِ
#سمير_الصالحي
#النجف_الأشرف
🏴 نعي مجردات
بطاموره گضه والله اليعينه
وبجسمه حديد مگيّدينه
وعداه نعشه شايلينه
اعله الجسر عمداً حاطينه
وين الذي يصِل المدينه
وينوح ويـزَيــّد ونينه
ويصرخ يَــزهره يا حزينه
الكاظم وسافـه مسممينه
————————————-
🏴
هليله الرضا ذابت مهجته
محزون بس ايجر حسرته
على الكاظم السمو چبدته
ويلاه لمن شاهِدَته
فاطِـمه المعصومه أخته
مفجوع تتگاطر دمعته
گالت علي تدريني بته
ابونه ولا نحمل فركته
وخلصت يبو محمد عشرته
#سمير_الصالحي
#النجف_الأشرف