7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
في ذكرى استشهاد الإمام الكاظم (ع)
غمَّض اعيونه و انطُفَت شموسه
موسى الكليم الليله ينعه موسى
كضَّه العُمُر ما بين لسجون
لمصابه واجب تبجي لعيون
&&&&&
غمَّض اعيونه ابنَ جعفر .. مات راعي الموزمه
بالسجن مسمومه غابت .. و انطُفَت شمس السِّمه
من سياط اعداه ويلي .. امتونه كلها اموسِّمه
او من ثكل ذيج السلاسل .. جيده يتنازف دِمَه
تبجي اعله حال الكاظم المطامير
فوكـ الجسر ذبَّوا بالأحقاد الخير
هذا الوجود ابحزنه مسجون
لمصابه واجب تبجي لعيون
&&&&&
راهب العتره الشريفه .. وسفه مات ابغربته
لا أَهَل يمه او عشيره .. بالمنيه حضرته
أربعه احماميل إمامي .. هيه بس الشالته
عالجسر مطروح ميِّت .. و الأغلال ابركبته
من شدَّة السَّم وجهه صاير أصفر
او ساكه امن لكيود العليْهِ اتكسَّر
بـ اغيابه عرش الباري محزون
لمصابه واجب تبجي لعيون
&&&&&
كضَّه كل عمره او حياته .. في سجون أهل الغدُر
يشتمون أمه الزجيه .. او عالوجه هم ينسطُر
بالمطامير الرهيبه .. عينه ما شافت فجُر
او عالدرج من ذبَّه خصمه .. اِنْهِشْمَت اضلوع الصدُر
يوم اللي حسِّ اتهشِّمت عِظامه
شاهد ضلع أم الحسن أمامه
ابجرح الزجيه كلبه مطعون
لمصابه واجب تبجي لعيون
&&&&&
بالسجون اهوايه يبجي .. او دمعته من دم تِهِل
من تِجِي هيه اعله باله .. الركّبوها اعله الهِزِل
او يلطمن حيل اعله صدره .. من يمر طاري حَبِل
لنه يذكر عمته زينب .. بالحبل جرها النذِل
كل لحظه يذكر بالسجن هَظُمها
بعد الكمر صار الضرُب يِلِمها
و ابلايه كافل تمشي لظعون
لمصابه واجب تبجي لعيون
&&&&&
الكاظم ابرَغُم المآسي .. للزمن لا ما خِضَع
ركَّع الأرجاس قيده .. او هوه واكف ما رِكَع
هذي زوَّاره إِجَتَّه .. او صوت من عدها ارتِفَع
وينه هارون او غروره .. عرشه متهدِّم وِكَع
كل شي يموت او ما تظل عواطف
او بس اللي يبكه صاحب المواقف
بس هوه يبكه أبيض اللون
لمصابه واجب تبجي لعيون
&&&&&
خادم الكاظم (ع) : إبراهيم الدريس
قناة وَجيهاً بِالْحُسَيْنِ:
https://youtu.be/uXG9jjD587Y
_*عمه شوفي*_ ⛓️😭
عمه تعبان وسهران .. ونزف امتوني يزيد
عمه شوفي جفوفي .. مغلوله بالحديد
السندي سبني وضربني .. وجرني مثل العبيد
ماحشمني ولطمني .. بخدي ومني شريد
بسجن اذا صرت أون
يعذبني يازينب ومن حقده
بالسجن ولا ظل متن
يجلدوني يوميه مية جلده
⛓️⛓️¤¤¤¤¤¤¤¤¤¤¤¤¤¤¤¤
سنيني راحت وناحت ... شيعتنه المخلصه
مارحموني هضموني ... بالسوط وبالعصا
او بظلامي منامي ... عالقبره وبالحصى
ومن اصلي بمحلي ... يدخلون الراقصه
هاشمي الشرف يرتمي
على بابي والراقصه شجيبها
هاشمي انا وفاطمي
بمنجاتي ودمعاتي دم اسجبها
⛓️⛓️¤¤¤¤¤¤¤¤¤¤¤¤¤¤¤¤
قلبي محروق ومخنوق ... ولمن اخذ نفس
ايجوني غفله وركله ... بيها جسمي انرفس
شنهو اشرب يزينب ... ضامي وثغري يبس
صوت مبحوح ومطروح ... وكل ساعه اتجي الحرس
شامتين ويجيني للعين
يسب طه والمرتضى والزهره
شامتين اوجيني الحسين
بظهر عاشر وقاتله حز نحره
⛓️⛓️¤¤¤¤¤¤¤¤¤¤¤¤¤¤¤¤
سيجلي همي ويمي ... انظر جسمي نحيل
راسج ابيض ومنرض ... متنج والدم يسيل
يالحبيبه الغريبه ... ضعت بلايا كفيل
خل اواسج بماسيج ... وخل يجمعنا العويل
كربلا وسبي العايله
بطواميري المشرعه مرسومه
كربلا وسهم حرمله
وطفل ظامي اتصوره بالحومه
⛓️⛓️¤¤¤¤¤¤¤¤¤¤¤¤¤¤¤¤
في خيالي الليالي ... ترسم حرق الخيام
واعوجيه وأميه ... تطحن صدر الإمام
جم يتيمه وحريمه ... ايركضن بين اللئام
شمس والشواك وسفاك ... وليل وخيل وظلام
والشمر ينادي زجر
سلبناهم وعالثرى بوالاكبر
والشمر بدرب السبي
يروعكم بالضرب يتبختر
⛓️⛓️¤¤¤¤¤¤¤¤¤¤¤¤¤¤¤¤
نسألكم الدعاء وبرائة الذمه ان وجدا اخطاء اثناء نقل القصيده
خادمه لخدمة الزهراء وابنائها عليهم السلام
_*خادمتكم أمينه تسألكم الدعاء*_ 🌹🍃
لا اجيز حذف اسمي
الرادود ... محمد بوجباره
كلمات ابو نجم الاحسائي
هوسات للأمام الكاظم عليه السلام
خل انروح للمسموم ياشيعه
من يشوفنه يخفن مواجيعه
نلطم حيل وانهوس بتشيعه
(( للكاظم نلطم عالهامه ))
يتساهل عراضه ولطم عالهامات
شيال الكلافه وقاضي الحاجات
صار الكون مظلم يوم گالو مات
(( والدنيه امغيمه وحزنانه ))
الدنيه غيمت هم وحزن واتراب
والزهره بچت وانهضم داحي الباب
كل ميت يشيعه ايريد يمه احباب
(( والكاظم چا وين احبابه ))
ماكو احباب يمه ومات وحده اليوم
امچتف بالحديد الكاظم ومسموم
يطارش روح خبر حيدر الجيدوم
(( خل يفزع حيدر شمتاني ))
خل يفزع علي ومريود ابو الفزعه
يشيل العالجسر مطروح ويشيعه
شو لافاتحه ولاناعيه التنعه
(( مايدرن خوله ومعصومه ))
معصومه بعيده ومادرت خوله
واحنه اليوم مهضومين شنگله
عدنه امراض يادكتور كل عله
(( وادواك ايشافي امجربينه ))
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
ابيات نعي للإمام موسى الكاظم عليه السلام
الكاظم مثل جده الحسن جبداه
بالسم ذاب وسط السجن ويلاه
الرجس نادت عليه بصوت هاذاه
أمام الرافضه الله اكبر
على جسر الرصافه بقى نعشه
الجنازه بدون أهلها تكون وحشه
لتلوم المحب لو دمه رمشه
على ايمام الهدى موسى بن جعفر
من سجن السجن خلص حياته
ومحد يمه من حانت وفاته
لاحضروله ولده ولا بناته
بس ابنه الرضا وحاله تمرمر
الرضا عالابو بيده هال التراب
وظل يبجي عليه بدمع سـجاب
الله وياك بويه يكله يبن الاطياب
وجمر مصابه نص الكلب يسعر
*'***
خادم اهل البيت ابومحمد العاشور
نعي في أستشهاد مولانا الإمام موسى ابن جعفر الكاظم ع...
سمو مولايه ياويلي الغريب
في سجن بغداد مات افضل طبيب
الكل بالويلات والحسره نحيب
مات ابن جعفر مُعذب في السجون
مات في زنزانه غامرها الظلام
تحتها الارض ابجراحه والآلام
مات سيدنا ابن خير الأنام
الإمام اللي على الشيعه حنون
يادموعي اعليه ياويلي غريب
لا عشيره عنده ولا أهل النجيب
مرمي فوق الجسر بگياد الحبيب
وين أهله جان ويلي يحضرون
✍️
علي الأحسائي
رجب ١٤٤٥هـ
مقطع صوتي من الشاعر ابومحمد العاشور
Читать полностью…
لطلب الحوائج
شدينه الحزم كلنه ومشينه
لعدالكاظم. الـــيوم اعتنينه
وكفنه يــــــــم بابه وبچينه
بجاها عد الله نـــدعـــيـــنه
قسمنه اعليه بالحره الحزينه
نريده ينطينه حوائجنه بدينه
كريم نعرفه مايبخل ولينه
بـــاباً للـــحوائج واصفينه
حشا يبخل بجوده علينه
فشلانيين نرجع مايخلينه
هذا ابن الوصي حيدر علينه
التصدق بالصلا بخاتم يمينه
المأييس طيبه مــــنه ويـــنه
وبجسمه المرض طالت سنينه
يحضر يمه خـله وتـصـب عينه
شرط بس يسمع الكاظم ونـينه
يشافيه مــــــــن عــلته بحينه
///////////
✍️أم زين العابدين اللامي
قصائد استشهاد الإمام الكاظم ع
#ميمر
موسى ابن جعفر موجود للشيعه اكبر نعمه
ـــــــــــــــــ ❁ ❁ ❁ ❁ ❁ ❁ ــــــــــــــــــ
نسل الوصي شيمة ابوهم حيدر
وجوده وجود الخير ضد اهل الشر
نعمه عظيمه وَيَجب ان تُشكر
اليتمسك بدربه اينول رفعه ويصل للقمه
ـــــــــــــــــ ❁ ❁ ❁ ❁ ❁ ❁ ــــــــــــــــــ
الوالى علي وعترة علي بالدنيا
فايز وَعِند ربه مرضيا
وكل حاجه عنده تُعتبر مقضيه
كلمن يدگ باب الله موسى ينول الرحمه
ـــــــــــــــــ ❁ ❁ ❁ ❁ ❁ ❁ ــــــــــــــــــ
ربك تجلت عالبشر قدراته
قارن رضا اهل البيت وي مرضاته
وموسى ابن جعفر آيه من آياته
موضع جميع الحاجات وكل شده تفرج يمه
ـــــــــــــــــ ❁ ❁ ❁ ❁ ❁ ❁ ــــــــــــــــــ
باب الله بابه وصحنه موضع سره
ما يرد واحد معتني للحضره
طايف ابيت الله اليطوف ابگبره
بشباجه مروه والصفا طافن وسمن بسمه
ـــــــــــــــــ ❁ ❁ ❁ ❁ ❁ ❁ ــــــــــــــــــ
اليتمسك بشباجه الله ايرفعه
خايب يرد لا مستحيل ايرجعه
ويوم الحشر لازم يحصل شفعه
الجاله يزوره ملهوف وقبّل ضريحه وشمه
ـــــــــــــــــ ❁ ❁ ❁ ❁ ❁ ❁ ــــــــــــــــــ
جيتك يموسى يا إمامي محتاج
حاير ابحر اهمومي بين الأمواج
جيت ارد اطوف ابگبرك ويالافواج
وانت الجواد المعروف ما يندم اللي ايحشمه
ـــــــــــــــــ ❁ ❁ ❁ ❁ ❁ ❁ ــــــــــــــــــ
يبن النبي الدينه الله انت اختارك
يسمع القاصي وداني طيب اخبارك
الطاموره ما حجبت شعاع انوارك
ما گدر يخفيه هارون رغم انتقامه وظلمه
ـــــــــــــــــ ❁ ❁ ❁ ❁ ❁ ❁ ــــــــــــــــــ
الخادم المقصر فراس موحان الساعدي
(حديث ونعي لأستشهاد الأمام الكاظم عليه السلام)
عانى الإمام موسى بن جعفر (عليه السلام) في حبس السندي أشد الآلام والأذى وكان إذا ضاق نفس الإمام لضيق الطامورة يأتي إلى بابها وكان فيها فتحة ليستنشق الهواء منها فإذا رآه السندي لطم الإمام على وجهه وأرجعه إلى داخل الطامورة:
أفي أيِّ كفٍّ يلطمُ الرجس وجهه ومـا هـي إلا فرع لطمة فاطم
صعبه امن اگولن هاي صعبه
السندي عالهامه يضربه
ظالم نذل ماخاف ربه
ظالم نذل من الله ماخاف
بذيچ السلاسل چتفه اچتاف
الكاظم مصايب بالسجن شاف
بالسجن ضل اثمنطعش عام
مابين وادم كلهه ظلام
لشوفت اعياله اشتاگ واحتام
وكتب الإمام من تلك الطامورة إلى علي بن سويد وكان ابن سويد قد سأل الإمام عن مسائل كثيرة فكتب إليه الإمام بعد ما أجابه عن مسائله: (إني أنعى إليك نفسي في ليالي هذه غير جازع ولا نادم ولا شاك فيما هو كائن من قضاء الله جل وعز وحتم فاستمسك بعروة الدين آل محمد فما مضت تلك الليالي حتى بعث الطاغية هارون إلى السندي رطبا مسموما لكي يقدمه للإمام موسى بن جعفر (ع) فامتثل أمر طاغيته وقدم الرطب إلى الإمام وأجبره على أكله فرفع باب الحوائج يده إلى السماء وقال: يا رب إنك تعلم إني لو أكلت قبل اليوم كنت قد أعنت على نفسي ثم تناول سبع رطبات فأكلها وقيل عشرا ثم امتنع فقال له السندي: زد على ذلك فرمقه الإمام بطرفه وقال: حسبك قد بلغت ما تحتاج إليه.
بعد ذلك أخذ السم يسري في بدنه والإمام يعاني أشد الآلام في تلك الطامورة وأحاط به الأسى والحزن حيث لا أحد من أولاده وأهله وأحبته عنده.
بقي الإمام على هذه الحالة ثلاثة أيام وبينما هو يسمع أخشن الكلام وأغلظه من السندي بن شاهك وهو في تلك الحالة إذ أدخل عليه السندي ثمانين رجلا من وجوه بغداد وأعيانها وقال لهم: انظروا إلى هذا الرجل هل حدث فيه حدث فقال الإمام لهم: اشهدوا أني صحيح في الظاهر ولكني مسموم وسأحمرُّ حمرة شديدة وأبيضُّ بعد غد وأمضي إلى رحمة الله ورضوانه.
ولما ثقل حال الإمام وأشرف على الموت استدعى المسيب بن زهرة وقال له: إني على ما عرفتك من الرحيل إلى الله عز وجل فإذا دعوت بشربة من ماء فشربتها ورأيتني قد انتفخت واصفر لوني واحمر واخضر وتلون ألوانا فأخبر الطاغية بوفاتي يا مسيب إن هذا الرجس (يعني السندي بن شاهك) سيزعم أنه يتولى غسلي ودفني وهيهات هيهات أن يكون ذلك أبدا فإذا حملت إلى المقبرة المعروفة بمقبرة قريش فالحدوني بها ولا ترفعوا قبري فوق أربع أصابع مفرجات ولا تأخذوا من تربتي شيئا لتتبركوا به فإن كل تربة لنا محرمة إلا تربة جدي الحسين بن علي (ع) فإن الله عز وجل جعلها شفاء لشيعتنا وأوليائنا.
قال المسيب: فلم أزل أراقب وعده حتى دعا بشربة فشربها ثم تغير وجه الإمام من لون إلى آخر وعرق جبينه وسكن أنينه وأسبل يديه ومدّ رجليه
وفارقت روحه الدنيا ، رحم الله من نادى: وا إماماه، رحم الله من نادى: وا سيداه، رحم الله من نادى: وامسموماه...
كون اليموت ايموت بالدار
تلتم اعياله اكبار وازغار
اليوم مايدرون الاطهار
عدهم سبع بالسجن محتار
عدهم سبع بالسجن مسموم
واينازع ومايگدر ايگوم
وحيد وغريب ومات مظلوم
ياهو اليشيل اجنازته اليوم
نعش السبع شالوه حماميل
ودم الجروح ايهيل وايسيل
عالجسر ضل بدون تغسيل
يومه ومصابه ايهدمن الحيل
امصاب السبع للروح گضاي
محد حضرله ونگط الماي
چا بعد ياهو اليعدل الراي
والزود رايح والهضم جاي
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
من ديوان عبرات وأنين ج ٧
*قصيدة للإمام الكاظم(سميته يهارون)*
❥━──➸➽❥❂❥━──➸➽❥❂
الكاظم ليش سميته يهارون
عليه بغداد حزنت واظلم الكون
❥━──➸➽❥❂❥━──➸➽❥❂
عليه بغداد لبست ثوب الاحزان
فك الباب للكاظم يسجان
يدير العين مات ابين حيطان
وين اهله وعمامه خل يثنون
❥━──➸➽❥❂❥━──➸➽❥❂
وين اهله وعمامه وين الاحيود
مسموم البطل والگلب ممرود
محد حاضره والباب مسدود
روحه امهدمه وذبلانه العيون
❥━──➸➽❥❂❥━──➸➽❥❂
روحه امهدمه والحيل مهدوم
سمو الكفر والگلب مالوم
واين اهله وعمامه عنه اليوم
ناده اعله الاهل بلكت يحضرون
❥━──➸➽❥❂❥━──➸➽❥❂
ناده اعله الاهل والدمع بالعين
سموني تره الگوم الملاعين
لا هابو علي ولا هابو حسين
من الله ورسوله مايخافون
❥━──➸➽❥❂❥━──➸➽❥❂
محد خاف من الله ورسوله
سموه بالرطب كفار ذوله
يشيعه اليوم مات ابن الحموله
الطمو حيل يستاهل تلطمون
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
*قصيدة للإمام الكاظم عليه السلام(بويه بويه)*
*من ديوان 📚عبرات وانين في رثاء الطاهرين الجزء 7*
❥━──➸➽❥❂❥━──➸➽❥❂
بويه… يمته لنزولك ترد
بويه… گلبك وگلبي انمرد
بويه… ايست منك بعد
بويه بويه
❥━──➸➽❥❂❥━──➸➽❥❂
يمته لنزولك ترد كلش بطيت
وانتضرتك بس تجيني ومااجيت
بالسجن سموك تاليها وگضيت
لاشفت حالي يبويه ولادريت
حالي … من عكب عينك صعب
حالي … شاب راسي والگلب
حالي … عيني تربي اعله الدرب
بويه بويه
❥━──➸➽❥❂❥━──➸➽❥❂
عيني تربي اعله الدرب ومساهره
بوسط گلبي النار ضلت مسعره
صحت يابويه ودمع عيني جره
ارجع اترجاك يبن الطاهره
ارجع ... عليك امي فاطمه
ارجع ... والعيون تصب دمه
ارجع ... عليك روحي مألمه
بويه بويه
❥━──➸➽❥❂❥━──➸➽❥❂
اعليك روحي امألمه وگلبي حزين
ليش يابويه غبت كل هالسنين
اصد لمچانك واناديك بونين
بيمن ايطلبوك گوم الضالمين
فگدك… لاتضن فگدك سهل
فگدك… خله دم گلبي يهل
فگدك… مدري ميت لو عدل
بويه بويه
❥━──➸➽❥❂❥━──➸➽❥❂
لا تضن فگدك عليه بويه سهل
ليش رحت بساع عني بالعجل
انظر مصلاك ودموعي تهل
من عگب عينك بگيت بلا اهل
بعدك ... ما بگه واحد الي
بعدك ... من يگلي ادللي
بعدك ... بويه دمعاتي تهلي
بويه بويه
❥━──➸➽❥❂❥━──➸➽❥❂
يهل دمعي ومانشف ساعه الدمع
احن واشتاگ ودليلي ينصدع
بويه يابويه بعد ماننجمع
يالحلو ملگاك واغيابك وجع
يومك… شيباني امن الزغر
يومك… بعد ماعندي صبر
يومك… وين وداك الدهر
بويه بويه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
☘لاستشهاد الامام الكاظم ع ☘
الوزن / فائزي
مستفعلن مستفعلن مستفعلاتن
علأبو نعازيه الرضا ننصب عزيه
مسموم گالو یاآسف هاي المسيه
🕊•✵✵•🕊•┈•❀
مسموم ومزنجل ايمامي بجسر بغداد
لا اهل يمه ولا محب عطاي المراد
ياوسفه كلها شيعته عن شخصه ابعاد
تتباچه اوتنحب عليه الرافضيه....
✍☘ام فراس الساعدي ☘
•🕊•✵✵•🕊•┈•❀
اليوم كلهه شيعته دكت حداده
شايل أمام الرافضه راعي العباده
الشال من عدكم سبع حزنوا يساده
خلص حياته بالسجن نسل الزچيه....
*✍️أم عبــــــد اللــــــه العــــابدي*
•🕊•✵✵•🕊•┈•❀
نسل الزجيه اعله الجسر لحگوا يشيعه
ميـــت امـام الجـــعفريــه ابــن الشفيعه
ننــصــب عــزيــه وفاتــحــــه ولامانبيعه
ونــعزي بيــت المصـــطــفى والفاطميه....
أم صــــ✍️ــادق المنصوري
•🕊•✵✵•🕊•┈•❀
للكاظم اندگ عالصدر ونهل الدموع
للخلصت اسنينه ابسجن خل نعلگ اشموع
كلنه لابن جعفر نون وارواحنه اتلوع
ونواسي أمه فاطمه ابهاي الرزيه
✍️ام محمد تقي الموسوي
•🕊•✵✵•🕊•┈•❀
كلنه ننوح ويه الرضا للمات مسجون
اندگ الصدر للكاظم ونعميها العيون
نمشي مشي للكاظميه أويه اليشيعون
ونجري الدمعه لموسى غريب الكاظميه
ام علي المالكي
•🕊•✵✵•🕊•┈•❀
نواسي كلنه الطاهره والنبي الهادي
عالمات مسموم بحقد من الاعادي
خل نلبس اسود هالمسى نصرخ ننادي
مشمور ليش اعله الجسر راعي الحميه
الخـ✍️ــادمه ام زيد الشمري
🕊•✵✵•🕊•┈•❀
تمت باقلام رابطة سيد الشهداء ع
قصيدة بحق الامام{الكاظم}{عليه السلام}
****
بالكاظميه ** ويلي شرزيه
الكون نصدع * بيها نفجع * ويلي شرزيه
****
هالمصيبه البجت عيون السماوات
وناح عرش الله عليها وكل الايات
صعب ماينسي همها ابد هيهات
موسى ابن جعفر الصادق بالسجن مات
بالغربه وحده ** لااهل عنده
يدمي الكلب * كلش صعب * يهل الحميه
****
كضى كل عمره غريب ودمعه يجري
وناره ظلت للمنيه بصدره تسري
على مصابه لو اكضي سنين عمري
انحب عليه واللطم يكسرلي صدري
وليلي ونهاري ** ماتطفه ناري
مايستجن * بيه الحزن* لاولزجيه
****
ضيمه مامر عالوجود وشافه انسان
ابو طلبه للحزن صار اسمه عنوان
مات مثل حسين وحده وعلى التربان
لا مناصر لامعين بين عدوان
هاي المصيبه ** كلفه ورهيبه
عاش بظلم * مات بهظم * شبل الحميه
****
اشسوه ببن المصطفى وشعمل هارون
بجى دم موسى ابن جعفر من العيون
ياذنب عنده ورماه بنص السجون
وعيشه بضيم اليشيب رمش الجفون
مارحم حاله ** ونسبه وخصاله
بدينه كفر* سم وغدر*ابن الدعيه
****
جيوش عنده اللي تحقق امنياته
وبالقصور العاليه خلص حياته
شعنده جان الكاظم ورايد مماته
وحيل جان يخاف من صومه وصلاته
سلاحه سبحته **والدرع عمته
غيرة علي * عنده الولي* وسيد البريه
****
جان بيه يشوف اوصاف الصميده
وسبحته جن ذو الفقار اتكول بيده
لله يدري لو دعاه ورفع ايده
خيبر ابغداد ابو طلبه يعيده
ميرد دعوته ** ربنه وطلبته
وراعي العلم*يمطر حمم*عالناصبيه
****
اجه امر الله واخذ مولانه للبين
ومات مسموم الولي ودموعه بالعين
دين يطلبنه الامام ونوفي هالدين
اله نبجي عليه مثل مانبجي لحسين
للمات مسموم**دم نبجي كل يوم
هذا العهد*دوم وابد*صبح ومسيه
****
خادم اهل البيت عليهم السلام
الشاعر السيد{هاشم قاسم الداودي البلداوي}
سيد الأمجاد يا أسد بغداد
بيا سجن مسموم يبن الطاهرين
بيا سجن مسموم يبن الطاهرين
......................................
هاي مو اول مصيبه والسبب نفس السبب
بغضاً ابنهج الرساله حاربوكم لا عجب
ألحسن سممو جبده وجسم الحسين انسلب
ومن علي السجاد بيكم حاربو هذا النسب
كل جبد معصوم هالصبح مسموم
والاماكن تختلف عالسائلين
بيا سجن مسموم يبن الطاهرين
......................................
بالسجن مولاي وجهك سيدي ابنوره اختلف
اظلم ومن نور خدك هذا سجنك وانعرف
تفرش الكَاع ابعباتك بالصلاه والدمعه طف
وحاكم الدوله ابقصوره عايش انواع الترف
وانت يالكاظم فرصه للظالم
ينتقم من نهجك الحق المبين
بيا سجن مسموم يبن الطاهرين
......................................
تجرع اهموم الرزايا وكَلبك اعله اهلك يحن
سكته وناتك عليهم من يسمعك من تون
عايش احزان ومأسي ومن حزن طحت ابحزن
ماشفت راحه ابحياتك لا سعاده ولا أمن
بالسجن عمرك يخلص ابصبرك
بين جور اهل الظلم والحاقدين
بيا سجن مسموم يبن الطاهرين
......................................
بالسجود ابكل صلاتك تدعي ربك بالفرج
بالحجج ترفع جفوفك وانت من نسل الحجج
وبنهج سجن وعباده انت سنيت النهج
نازعت انفاسك انت وكل نفس بيك اختلج
وخلصت انفاسك باعذب احساسك
وانت للأسلام خير العاملين
بيا سجن مسموم يبن الطاهرين
......................................
عالجسر مطروح نعشك هذا أمام الرافظه
صاحو وشيعة محمد ترست ارضين وفضه
كاظم اهل البيت هذا عمره بالسم انكَظه
بس حسافه الفزعه جانت بعد ماصارت قضه
بالسجن سموك بعد ما حرموك
صاحت الناس اعله نعشك يالامين
بيا سجن مسموم يبن الطاهرين
ياسر العارضي
يم ظلام السجن تضوي شمس احروفك
من على اهلك تون دمعتك متشوفك
ليلك ابعز النهار
وتشهك انفاس احتظار
يا إمامي يا إمامي
.....................................................
عاشت اطيوفك غريبه وبأمانيهه الجفن
ماتحس بانفاس بحرك عكس مجراهه للسفن
والهوه اليحتاج دمك خلص عمره من الحزن
لا نوافذ منهه يدخل كله حيطان السجن
مختنك تحت الأرض **** ابلا هواك اتعاني
من الفرض حد الفرض **** ساجد انت امتاني
للفرج تبني انتظار
وتشهك انفاس احتظار
يا إمامي يا إمامي
.....................................................
مركبة عمرك كَصيره والسجن جان الفلك
رغم هذا انت ابوجودك جن تعيش ابمنزلك
دنيه تارسهه ابعبيرك وانت مبعد عن هلك
صوتك احساس المؤذن باب الكَلوب امتلك
وي نسيم الهوه **** باقي صوت اجروفك
عايش ابلا ضوه **** والشمس موصوفك
رغم هذا ابكل وقار
وتشهك انفاس احتظار
يا إمامي يا إمامي
.....................................................
رهبتك بعيون خصمك جن علي وعمر بن ود
تنجلي الاحزاب كلهه ابنظره لو عينك تصد
همه لو ماسَم غدرهم ياهو منهم يستعد
يوكَف اكبالك ويبرز يعرف امكَطع يرد
إي وحك هل أتى **** لا فتى وسط السجن
جاءَ بامراً مُلفِتا **** إلا انت بكل زمن
بلونك وذايب سمار
وتشهك انفاس احتظار
يا إمامي يا إمامي
.....................................................
جم أمر من غيظ كاظم كل حياتك هالأمور
هوه لو دفتر يخلّص عمرك بأول سطور
صابر اكثر من ربيعك يالخريفك ضل يدور
جن ضلع للزهره غصنك مايطيب من الكسور
مره تنشاف الحسن **** مسموم بين الغربه
وجن حسين من المحن **** عطشان واشتد حربه
جبدك ابنار وشرار
وتشهك انفاس احتظار
يا إمامي يا إمامي
.....................................................
كل جسر بغداد نعشك واجه التشييعك نهر
واللي فزعو نهر ثاني من جَمِع شيعه الحظر
حسين وحده وطعنه طعنه اسيوف وارماح ونظر
هذا يضحك ذاك يفرح ذره ماعدهم قهر
وعينه صوب الخيم **** الزينب المشدوهه
مايهم باي سهم **** ابجيشهم حاطوهه
شافهه اتلم الزغار
وتشهك انفاس احتظار
يا إمامي يا إمامي
ياسر العارضي
في ذكرى استشهاد الإمام الكاظم (ع)
هالليله يموسى جيت
و اذنوبي اكسرت ظهري
غيِّر حالي يا مولاي
او طهِّر باللطم صدري
&&&&&
آنه العمري كله اذنوب
وأسود وجهي يا مولاي
جيتك ظامي يم بابك
و انته للعطاشى ماي
خلِّصني من اذنوبي
خلك دايم انته اوياي
يا موسى يبن جعفر
أصيح او دمعي يتحدَّر
دخيلك عالنفس مگدر
الـ عبدك سيدي إحضر
إحسبني (بِشِر حافي)
و انظر ليه يا ذخري
غيِّر حالي يا مولاي
او طهِّر باللطم صدري
&&&&&
أنا اللي سجنته نفسه
ابسجن اذنوبه و الآثام
گيْدت روحه هالدنيه
او خلَّص بالهوى الأيام
جيتك فدوه لتردني
عليك الغَرُّبتها الشام
بابك انته باب الله
گلبي بالله لتخِذْله
ابرضيع الظامي عبدالله
إسمي اويه الخدم سجله
سجِّلني عبد تايب
خاطر أشعر ابعمري
غيِّر حالي يا مولاي
او طهِّر باللطم صدري
&&&&&
يبن جعفر أنا عاصي
بس آنه صدگ أهواك
لا تتركني بذنوبي
يبو المعصومه أترجَّاك
الدنيه ابعيني مو حلوه
تحله من يمر طرواك
الدنيه عندي طاموره
الفرج گبرك إذا أزوره
بيك المهجة مأسوره
و ابعيني إلك صوره
اذنوبي تنمسح كلها
ابحبك يا عشگ دهري
غيِّر حالي يا مولاي
او طهِّر باللطم صدري
&&&&&
بيَّه چم (بِشِر) عايش
اذنوبه كسِّرت ظهره
حاير سيدي بـ أمره
او منك راد بس نظره
يموت ابحسرته مولاي
ساگك من يمر ذكره
عزيه عمري لك صاير
بجروحك أنا حاير
گلبي هذا لك (جابر)
بدموعه يجي زاير
عليك ابفاطمه أقسم
إرحمْ شِدَّةَ ضُرِّي
غيِّر حالي يا مولاي
او طهِّر باللطم صدري
&&&&&
خادم جيتك ابدمعي
او تطردني فلا أظِنك
أموت ابدنيتي مولاي
لو لحظه أبتعد عنك
او لو كل عمري أخِدمنَّك
حاشه ما أمل منك
إمامي خلني بالخدمه
بليَّاها العمر ظلمه
خِدِمْتك نعمةِ النعمه
النفَس عندي تره لطمه
يا موسى يبو طلبه
خِدِمْتك جنتي ابحشري
غيِّر حالي يا مولاي
او طهِّر باللطم صدري
&&&&&
إجيتك و الگلب مجروح
او صوتي يعتلي ابلونين
صحت والدمعه فوگ العين
هالله هالله موسى وين ؟!
گلُّولي ابجسر بغداد
ابسلاسل جِثِّته امگيدين
يبو السجدات الطويله
حَسرْةِ امصابك اثجيله
المسيح ايودِّع انجيله
الرضا متحيِّر الليله
الرضا ابفگد الأبو ناده
الآن انكِسر صبري
غيِّر حالي يا مولاي
او طهِّر باللطم صدري
&&&&&
إبراهيم الدريس
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
فزاعية للأمام الكاظم عليه السلام ( مشايه اجيتك يابه)
هاليوم وي زوارك
مشايه اجيتك يابه
مشايه اجيت الحضرتك
وبگلبي نار امصيبتك
وياي تلطم شيعتك
كل شيعي سود اثيابه
اثياب الحزن لبسوها
واجنازتك شالوها
عالجسر ماخلوها
وادموعهم سچابه
ادموعهم ضلت تصب
كله لطمهم عالگلب
صاحو ولاهمنه الدرب
والكاظم احنه احبابه
صاحو اجينه انشيعه
وي الزچيه انوادعه
نلطم لطمنه بفاجعه
ونصرخ ونبچي ابابه
نصرخ وصرختنه بعزه
والكون كله انهزهزه
ماننسه حلال الوزه
وعايش اويانه امصابه
عايش امصابه اويانه
ويلاه يامولانه
يكول الرضا ماجانه
وطول علينه اغيابه
طول اغيابه ومارجع
حلو المحاچي والطبع
گلب اليوده ينفجع
من يدخل المحرابه
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
أجيــت لمــرقدك يا سيــدي بلهـفه
وأدري كل عليل بحضرتـــك يشفه
أجيت لمــرقدك وهمـومي مــــا تنعـد
أجـيت ودمعــي لمصابك يهل عالخـد
أذا مـــا جيــك ألمن سيــدي المقصـد
أروحاً ويــن كثـره أجروحــي وكلفــه
كلفـــه أجــروحي بيهن معتـني لبابــك
وتطيب أجِروحي والله بشمت أعتابك
يديـــوان الكــرم يمعـــزب أحـبابـــك
وكـل محــتاج ألك لازم يمــــد چـفـــه
كـــل محتاج لـــو جــار الزمان آويــاه
يگصــد حضـرتك يشكيــلك مــن ألاه
ولبابــك يمـد يــا أبــو الرضــا يمنــاه
وي مـــدت يمينــه مدمعــه يــذرفـــه
يذرف مـــو دمــع لا يـذرف أبروحــه
وي دمــع اليسيل أجروحه مسفوحه
يــا أعظم طبيب وتنظـــر أجروحــه
طبيبه أنته وعلاجه ومرقدك وصفه
وصفه أنته وتطيب كل شخص معلول
وتطيب ألي يجيـك بعلتـــه والمشلـول
وأجيت أبلوعتي يا أبو الرضا شتكــول
عجـز كـــل طـــب علينه وطبك نعرفـه
طبك سيدي كــــل طــــب عجـز عنـــه
النبي عيسى أبن مريم والله أخذ منـه
أظل أنخــاك لا مـــــا أگطــــع الضنـــه
ظامــي وأطلبك يــــا سيدي أبرشفــه
رشفــــه أبسلسبيلك روحـــي تحييهه
ونظــــره لروحي مــا يبقه جـرح بيهه
علتي شما تطــــول أنتــــه التداويهـه
وجرح گلبي بحضرتك ينگطـع نزفــه
*
الشاعر
موسى البديري
جنـازة المسمـوم لا تخـلّـوها
گوموا يا شيعة علي شيعوها
...............................
١/
گوموا يا شيعة علي بدمع ونحيب
لا تخلّـون النعـش وحده و غريـب
حجة الله والحبيـب ابـن الحبيـب
چـبـدتـه ابـسـم الغـدر سـمّــوهــا
...............................
٢/
امگيّد بثگل السلاسل هالشهيد
و الرشيد بظلمه ما خالف يزيد
کيدوا السجاد والكاظم حديد
وعلى العتره الفاجعه ايعيدوها
...............................
٣/
الكاظميه اليـوم چنهـا كربلـه
والإمام بغربه ما حضروا هله
لچن ما مسبيـه ليـه العايلـه
ولا على النوگ الهزل يسبوها
...............................
٤/
تنزف الكاظم چفوفه من الدمـه
جدامه من گيـد الحديـد امورمـه
شيعوا نعشه وواسوا بنته فاطمه
سنيـن مـن الكاظـم ايحرموها
...............................
٥/
ع الجسـر صاحـوا إمـام الرافضـه
وظـل وحيـد ابّيـن گـوم المبغضـه
شيعوا نعشه وواسوا آهات الرضا
روحه باحزان و ألم فجعوها
...............................
٦/
عن هلـه واحبابه متغـرب سنيـن
بين قضبان وسلاسل ظل سجين
مـات و بدلّالـه ما مـات الحنيـن
و مهجتـه بنـار الفگـد شبّوهــا
...............................
٧/
صاحب الدمعه الغزيره بالسجود
كل وكت بچفوفه مشدوده القيود
وسجن ابن شاهك أشد من اللحود
و دمعــة الكاظــم فـلا رحموهـا
...............................
٨/
ومن يريد الكاظم ايشمّ الهوى
عالإمام الناصبي سوطه التوى
وما حصل لجروح چفّينه دوى
و فوگ جرحه بالحقد گيدوها
...............................
٩/
غسلتّه الشيعه و بيومه اندفن
بس عزيز الزهره ظل بلا چفن
وظلّت اعياله ونساءه بلا وطن
و اليزيــد الطاغـيــه يـودّوهــا
...............................
✍🏼 علي نوري الحلفي
اويلاه يابو الرضا اويلاه يابو الرضا
**
خلصت عمرك بالسجن اويلاه يابو الرضا
وشيعتك غطاها الحزن اويلاه يابو الرضا
حگها اذا ظلت تون اويلاه يابو الرضا
وينزل حمر دمع الجفن اويلاه يابو الرضا
اويلاه يابو الرضا اويلاه يابو الرضا
**
سموك يبن المصطفى اويلاه يابو الرضا
ونورك يمولاي انطفى اويلاه يابو الرضا
بعدك الكون اظلم صفى اويلاه يابو الرضا
اعليك الجفن لا ماغفه اويلاه يابو الرضا
اويلاه يابو الرضا اويلاه يابو الرضا
**
ياسابع انوار الهدى اويلاه يابو الرضا
من صبرك الصبر ارتوى اويلاه يابو الرضا
ياجبل ماهزه الهوى اويلاه يابو الرضا
جرحك صعب ماله دوى اويلاه يابو الرضا
**
الله يلعن قاتلك اويلاه يابو الرضا
وبسجن مظلم دخلك اويلاه يابو الرضا
وماخله ناسك توصلك اويلاه يابو الرضا
وعاشت بحيره كل هلك اويلاه يابو الرضا
اويلاه يابو الرضا اويلاه يابو الرضا
**
ياتاسع اصحاب التقى اويلاه يابو الرضا
جارت عليك اهل الشقا اويلاه يابو الرضا
حكم الله منكم سارقه اويلاه يابو الرضا
ياويلهم يوم اللقا اويلاه يابو الرضا
**
يالكاظم مصابك صعب اويلاه يابو الرضا
وافاك موتك بالغرب اويلاه يابو الرضا
اعليك الدمع يبقى يصب اويلاه يابو الرضا
شيطفي نيران الگلب اويلاه يابو الرضا
اويلاه يابو الرضا اويلاه يابو الرضا
**
مصابك يبن جعفر ترى اويلاه يابو الرضا
هين وحگ رب الورى اويلاه يابو الرضا
الجدك الگطعوا منحره اويلاه يابو الرضا
والگمر سبع الگنطره اويلاه يابو الرضا
اويلاه يابو الرضا اويلاه يابو الرضا
**
خادم اهل البيت / ابومحمد العاشور (07810010732)
نعي لسان معصومة ع {شكد عزيزات}
اعيونك عليه شكد عزيــزات
شلون تشيل يالعندك ابنيات
مايحملن بجفاك هـــــضمات
❥❥❥❥ـــــــــــــ❁❁ـــــــــــــ❥❥❥❥
محرومة من عــــندة حنانك
فارغ وكت وسفــــة مجانك
ااااااه يالزمن جا ليش خانك
❥❥❥❥ـــــــــــــ❁❁ـــــــــــــ❥❥❥❥
البنية تحـــــــن تحتاج ابـوها
تشــــــــــــگي اله لـو لوعـوها
بنيتك بدوووونك وجــــعوها
❥❥❥❥ـــــــــــــ❁❁ـــــــــــــ❥❥❥❥
بطامورة عشت ماعشت وياي
ردتك تضل احــــــــذاي تجاي
مشتاگه الك يالحضنك افياي
❥❥❥❥ـــــــــــــ❁❁ـــــــــــــ❥❥❥❥
وحگ اجروحك ملوعني فرگاك
ريت الترب طـــــــماني ويـــاك
اشتاگيتـــــله يا ذاك مـــلـكـــاك
❥❥❥❥ـــــــــــــ❁❁ـــــــــــــ❥❥❥❥
{جواب الامام الكاضم ع لابنته معصومة ع}
بووووووية ......
افراكـج عليه موش بالهون
فدوتج يبعـــد الابوو العيون
بتراب متوســــدات الــمتون
❥❥❥❥ـــــــــــــ❁❁ـــــــــــــ❥❥❥❥
مــــــــشتاگلج والشوگ حراگ
بعدج زغيره ادري اعله الفراگ
يابعد ابوج الگـــــــلب مشتاگ
❥❥❥❥ـــــــــــــ❁❁ـــــــــــــ❥❥❥❥
ارجـــــــــــــاج بويه لا تونين
سجيــــــــــن بدليلي تنبتين
بيه بونينج لاااا تجــــــرحين
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
هوسات
عله موسى ابن جعفر تبچي الاعيون
وليش ابن النبي بزنزانه مسجون
اذا ردنه نزوره مايقبلون
محد ايزوره..محد ايزوره
ممنوعه الزياره
ــــــــــــــــــــــــــــــــــــــ
موسى ابيا ذنب ماعنده تقصير
بني العباس ماخلوله تقدير
جوه الگاع نايم بالطوامير
ماعرف ليله. ماعرف ليله
الكاظم من نهاره
ــــــــــــــــــــــــــــــــــــــ
اذا صدره اختنگ وايريد الانفاس
يذكر صدر جده ابخيل ينداس
قد حانت منيته الليله ياناس
والسجن حاله..والسجن حاله
مثل ذيچ الخرابه
ــــــــــــــــــــــــــــــــــــــ
امن البصره يويلي السجن بغداد
جابوه ويجرونه بالاصفاد
الكاظم بالضبط يشبه السجّاد
وي عماته..وي عماته
مشه وبيده السلاسل
ــــــــــــــــــــــــــــــــــــــ
مصيبة موسى والله اتهدم الحيل
جابو للجسر اربع حماميل
بس ما گطعنه احوافر الخيل
عالرمح راسه..عالرمح راسه
عزيز الزهره خلو
ــــــــــــــــــــــــــــــــــــــ
الكاظم عالجسر والشيعه وياه
واجه اوليده الرضه وناده وويلاه
خل انصيح كلنه وآحسيناه
محد بحاله..محد بحاله
الثلث تيام عاري
محمد الجماسي
#اللهم_عجل_لوليك_الفرج
قصيدة للامام الكاظم (غريب الدار)
#حصرياً_من_ديوان_قربان_الطف_ج١٢
❥━──➸➽❥❂❥━──➸➽❥❂
ياغريب الدار يالمالك اهل
عالجسر مطروح بالسم منچتل
❥━──➸➽❥❂❥━──➸➽❥❂
يا غريب الدار صعبه غربتك
بالسجن مسموم صارت موتتك
والاعادي اعله الجسر هل خلتك
وشيعتك لأجلك دمعها ظل يهل
❥━──➸➽❥❂❥━──➸➽❥❂
شيعتك حزنانه والمدمع تصب
يا إمام الرافضه موتك صعب
بكيت مرمي لوحدك بديرة غرب
ومن هلك مولاي كاطع كل امل
❥━──➸➽❥❂❥━──➸➽❥❂
سلمت امرك لرب العالمين
وسمتك هالكوم تدري ظالمين
ولا الك ناصر ولا ظلك معين
بعاد عنك كل اخوتك والاهل
❥━──➸➽❥❂❥━──➸➽❥❂
ابعاد عنك كل هلك ما غسلوك
ولا خذوا نعشك بهيده وشيعوك
عالجسر مطروح اظنهم ما دروك
ناس غربه الودتك للمغتسل
❥━──➸➽❥❂❥━──➸➽❥❂
بكيت ثلث ايام مرمي اعله الجسر
يا امامي حالك يبجي الصخر
شيعتك تبجي وكلبها منفطر
سيدي مصابك صعب ما ينحمل
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
*هوسات للإمام الكاظم (عليه السلام)*
*(من ديوان 📚 عبرات وأنين في رثاء الطاهرين الجزء السابع)*
❥━──➸➽❥❂❥━──➸➽❥❂
خل انوح يا شيعة عليه ونسچب العبرة
ونعازي الزاچيه امه فاطمة الزهرة
ونطلب منه الحاجة ونگله سيدي نظرة
*((يسمونه / گضاي الحاجة))*
❥━──➸➽❥❂❥━──➸➽❥❂
گاضي الحاجة هوه وما يرد حيران
نگله نريد نظرة بداعة جدك العطشان
مهمومين اجينه اليوم من عدنه الگلب خلصان
*((انريد امراد العاجل/منك تنطينه))*
❥━──➸➽❥❂❥━──➸➽❥❂
*بقلم✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحة الى روح اختي ولإمواتكم:🍃*
*قصيدة للإمام الكاظم (عليه السلام)*
من ديوان📚عبرات وأنين ج ٧
❥━──➸➽❥❂❥━──➸➽❥❂
*يالكاظم اجيت ودمعتي بعيني*
*مهظومه وحزينه لا تخليني*
❥━──➸➽❥❂❥━──➸➽❥❂
اجيت المجلسك وايهلن عيوني
من كثر الهظم ماطبگن جفوني
دخيلك لاتخيب يالولي ظنوني
من چفك اريد امراد تنطيني
❥━──➸➽❥❂❥━──➸➽❥❂
اريد امراد يالمسجون من چفك
احلفك بالحسين وبالزچيه امك
يامسجون بالهم خلصت عمرك
دخيلك سيدي نشف دمع عيني
❥━──➸➽❥❂❥━──➸➽❥❂
يالكاظم يسمونك أسد بغداد
من عندك يابو طلبه اريد امراد
بكرم معروف حاشه ترجع الگصاد
وانه گصدتك وادري ما تجافيني
❥━──➸➽❥❂❥━──➸➽❥❂
اجيتك سيدي وبگلبي الف حسره
اريد أقسم عليك بداعت الزهرة
وبحسين الذبيح الهشمو صدره
اريدك سيدي انته التشافيني
❥━──➸➽❥❂❥━──➸➽❥❂
اگضي حاجتي يا سيدي هاليوم
اجيتك والگلب من الحزن مالوم
اذاني الوكت وعيوني تجري دموم
وبضلع الزچيه سيدي احميني
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
وزن موشح
قصيده الامام الكاظم عليه السلام
اليوم مسموم الغريب عله الجسر
بالحزن والنوح تلطم شيعته
᯽:: ᯽:: ᯽:: ᯽:: ᯽::
انشال بجتاف الغرب نعش الغريب
بالجبد مسموم گلبك يالحبيب
لا جرح ونگول يبره لو يطيب
بلا رحم هالگوم بالسم غدرته
᯽:: ᯽:: ᯽:: ᯽:: ᯽::
الكاظميه اليوم لبست هالسواد
للغريب تنوح بمصاب وحداد
هذا ابن المصطفى وخير العباد
ياهو يحضر خل نشيل اجنازته
᯽:: ᯽:: ᯽:: ᯽:: ᯽::
لااهل هاليوم حظرت لاعمام
عل الجسر مطروح ضل نعش الامام
وينه ليدك الصدر، يلطم الهام
نحي هاليوم بدموع امصيبته
᯽:: ᯽:: ᯽:: ᯽:: ᯽::
للحزن ميفيد لا وصف وشرح
هذا وجه الدين بالسم منطرح
مصيبته تجدد مصاب المنذبح
ايوسي المظلوم حته بغربته
᯽:: ᯽:: ᯽:: ᯽:: ᯽::
نرفع اعلام التعازي للرضا
ولحزن هاليوم خل يملى الفضى
مات مسموم امام الرافضه
بالغدر ياوسفه كوم لسمته
᯽:: ᯽:: ᯽:: ᯽:: ᯽::
تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم
بالسجن ما ظن يعـود
وايده مشدوده بقيود
وين والينه .. طالت سنينه
••••••••``•••••••••``••••••••
١/
طالت سنين بعذابه ومن سجن لاصعب سجن
و القيــود بدايــر ايـده مـن ونينـه هـم تـون
عن هله طوّل غيابه وساعه ساعه الهم يحن
بيـن طاموره ونواصـب حجـة اللـه مرتِهـن
طالت أيـام الإمام
وما يعودنه بسلام
غيابه ماذينه .. طالت سنينه
••••••••``•••••••••``••••••••
٢/
الجرح يصبر عالمواجع لَمَن يحصلّه التئام
والسمه بلايه گمرها تصبر اهيه ع الظلام
والحمام بكسر جنحه ينجبر كسر الحمام
لچن صعبه ع الموالي من يظل بلا إمام
بغربه مسجون وبعيد
بالسلاسـل و الحديـد
ودمعته بعينه .. طالت سنينه
••••••••``•••••••••``••••••••
٣/
عد بني العباس يبقى بهل ظُلامه بلا سند
سنين عشره مو كفايه شكثـر تردونه بعـد
من ثگل گيد السلاسل حيله يا ناس انضهد
والضبع يا حيف والله ايگيّد اچفوف الأسد
حتى أثنــاء الصـلاة
هم چفوفه مگيدات
الله ايعينه .. طالت سنينه
••••••••``•••••••••``••••••••
٤/
يا ضوه الأكوان أنت وعنك يشح الضوه
يا دوه المعلول أنت وجرحك بلايـه دوه
يا هوى الانفاس عطرك لچن منعوك الهوى
الراوي مو كل المصيبه بالكتب عنك روى
يلّي صبرك عالبلاء
فـاق كـل الأنبـيـاء
صعب تبيينه .. طالت سنينه
••••••••``•••••••••``••••••••
٥/
يا بني العباس رحموا هالإمام ابلا ذنب
خلّوا لو ساعه يشوفه ويلتقي وياه المحب
خلّوا لو ساعه بناته ادموعهن لا تنسچب
خلّوا لو ساعه اليحبسه للزچيه لا يسب
ابـن شاهـك هاللّعيـن
يسب بت طه الامين
وشتِم هادينه .. طالت سنينه
••••••••``•••••••••``••••••••
٦/
يگضي هارون الليالي بالمعازف والدفوف
وابقعر سجن المآسي حجة الباري الرؤوف
ساعه ياظلّام ساعه فكّوا گيده من الچفوف
ساعه ياظلّام ساعه للرضـا خـلّـوا يشـوف
طالـت اسنين العذاب
والفراگ أعظم مصاب
و ليه حنّينه .. طالت سنينه
••••••••``•••••••••``••••••••
٧/
لحظـه لحظـه بانتظاره شكثـر نبقـى ننتظر
الجمعه يم جسر الرصافه گال موعدنه الجسر
روحي گبل جدامي تسعى والگلب ليه منفطر
لچن جابوا بس جنازه وضاعت احلام العمر
وين هاشم عنّه وين
وتاخذ ابثار السجين
من اعادينه .. طالت سنينه
••••••••``•••••••••``••••••••
✍🏼علي نوري الحلفي
يمسموم جينه الحظرتك
يمسموم نبجي المهجتك
مشايه اعتنينه
بالدمعه الحنينه
هاك اسمع بجينه
يمسموم يمسموم
................................................
ويه ما تبدي الاخيره العشره من شهرك رجب
جن مؤذن بينه يهتف صوته عالي ومنحجب
كَومو ياشيعة محمد عوفو كلشي لأي سبب
واعتنو المرقد الكاظم سيدي ونفزع شعب
بالهموم والحسره والآه
بالهموم شخصك اجيناه
وانحس ما وفينه
ياحامي المدينه
هاك اسمع بجينه
يمسموم يمسموم
................................................
اربعينيه ابعزمنه وكَاصدينك يالأبي
بينه جن زينب وصرخت فوك تل الزينبي
مايرد ممشانه طاغي ولا حقود ولا غبي
وجن سكينه هالقضيه مارضينه تنسبي
ولا يوم ننسه الشعائر
ولا يوم نفني الضمائر
يالكاظم واجينه
نرفعلك ادينه
هاك اسمع بجينه
يمسموم يمسموم
................................................
راحه لا مو تعب دربك لجلك ايهون الصعب
اشما مشينه خطوه خطوه نشعر الجنه الدرب
شكَد مواكب للخدامه لجل يومك تنُصُب
هله بالزوار تهتف والمجالسهم نطب
يمظلوم هذا العزائك
يمظلوم ننصر دمائك
ونشعر بالسكينه
يالروحك أمينه
هاك اسمع بجينه
يمسموم يمسموم
................................................
بالسجن خلصو عمرك يالوفاتك بالسجن
سمموك اهل الخيانه باخر انفاسك تون
امصيبتك جداً عظيمه والهه نلطم عالوجن
ونبحر بأحزان يومك والبحر حزنك سفن
يمهضوم يومك فجعنه
يمهضوم أسبل دمعنه
من واحدنه عينه
تبجيلك سنينه
هاك اسمع بجينه
يمسموم يمسموم
................................................
من نصل يم كَبرك احنه انسلم انسمعك ترد
وتكتب اسم اللي يزورك انت واكف مستعد
اشما دمعنه ايطيح يمك سيدي انشم الورد
جا شباب انت ابضريحك نشتم اتراب الحشد
يمن دوم باقي بمهجنه
يمن دوم جيشك حشدنه
لجلك ياولينه
ارواحنه حزينه
هاك اسمع بجينه
يمسموم يمسموم
ياسر العارضي
قصیدة ..أسد بغداد
ــــــــــــــــــــــــــــــــــــــ
یمشّـاي..علي اویاک..وصل یوم المشي
مجانین..والأعلام..ترف شي اعلی شي
هالعشگ ینراد...یم أسد بغداد
ـــــــــــــــــــــــــــــــــــــــــــــــ
یالله بسمله ابمشینه درب المسامر حله
الکاظمیه الیوم صاحت هله بالزایر هله
ویه زوّار ابن جعفر اجت تمشي کربله
والنجف بچفوفه رایه من علي و صوته أعتله
مسافات..والعیون..غدت تزحف زحف
ینادیک .. هله بیک...علم حـیدر یرف
هالجمع یزداد..یم أسد بغداد
ـــــــــــــــــــــــــــــــــــــــــــــــ
البصره شالت علم عالي و یم ابوطلبه أجت
والعماره ابزود حیدر للمشي کلها أعتنت
اشلون مشایه و مواکب للخدامه أتحزّمت
هالمشي الموسی بن جعفر والحناجر رتّـلت
المشي صار..من البیت..نعم نوصل أله
یزوّار .. یخدّام ..هله بیکم هله
الیرید أمراد..یم أسد بغداد
ـــــــــــــــــــــــــــــــــــــــــــــــ
الناصریه الیوم شدّت للمشي أضهور ابحزم
والسماوه ابثوب الأسود شالت الرایه ابعزم
من قضاء الحد القضاء الرایه واجب تنلزم
موکب المشایه واگف ما هو ممکن ینهزم
عله الموت ..اجه ایصیح..گلبنه المارجف
نجي انزور ..وحگ ذاک..علي میر النجف
چفنه دگ أوتاد..یم أسد بغداد
ـــــــــــــــــــــــــــــــــــــــــــــــ
الحله صاحت لبوطلبه نتعب و یسوه التعب
الکوت صاح المشي واجب عدنا لو مو مستحب
من الدیوانیه موکب گلبه یعرف منهو حب
ربنه واحد حبنه واحد للأبد من فد شعب
التعب وین..نسیناه..تعبنه فدوه أله
موالین ..أجیـناه.... نزوره و نوصله
یعله هل أنشاد..یم أسد بغداد
ـــــــــــــــــــــــــــــــــــــــــــــــ
والله نتحدّه ابمشینه و ما نفکّر بالخطر
من الموصل زحف نوصل للحبیب ابهالسفر
مثل ما کربله شالت بالملایین البشر
موسی بن جعفر مضیفه واسع ابطول النظر
ملایین .. والنفوس..تروح الحضرته
العشگ هاذ..ماینقاس..ثمینه ازیارته
تجتمع لأمجاد..یم أسد بغداد
ـــــــــــــــــــــــــــــــــــــــــــــــ
کلمات خادم الحسین ع
#عبدالامیرالناصري...المحمره