7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
🔻استشهاد الرسول الأعظم
محمد صل الله عليه وآل وسلم
الزهراء عليها السلام
ظلم 💔
ـــــــــــــــــ ❁ ❁ ❁ ــــــــــــــــــ
ظلم .. بعدك يبويه بكل حقد داري يحركون
ظلم .. ما تطفه ناري بغيبتك وتصب العيون
واطفيها ناري بدمعتي
واشكيلك انه بحسرتي
بعـدك شفت يا خيمتي
ظلم ..
ـــــــــــــــــ ❁ ❁ ❁ ــــــــــــــــــ
يابويه فگدك من رحت شمسوي بيه
مـن غمضت عيـنك تـره دارو عليه
بابي احترگ والنار اجت حرگة اديه
ما رف ابـد الهـم گلب وگالـو خطيه
حچي.. يابويه شحجيلك بعد بعيوني دمعي
حچي.. حرمه ويتيمه بلا ابو وما اكدر ادعي
ريتـك تشـاهـد حالـتي
واشكيلك انه بحسرتي
بعـدك شـفت يا خـمتي
ظلم ..
ـــــــــــــــــ ❁ ❁ ❁ ــــــــــــــــــ
لمـن وگع مـني الطفل وبخـدي سطره
ماعايـش ايامه وخـلص بالعتـبه عمره
كلما يجي ابالي اختنگ تخنگني عبره
ذبلنـي يـابويه الـوكت عايـفـني زهـره
متت.. ذبـلانه ابقـه بروحتك ظل عودي محني
متت..يابويه اجوني بكل حقد كسرولي غصني
بفگدك متـت ياشجرتي
واشكيلك انه بحسرتي
بعدك شفت يا خيمتي
ظلم ..
ـــــــــــــــــ ❁ ❁ ❁ ــــــــــــــــــ
يالكاسر جناح الگلب كسـره شيضمده
ذابحني يـا بويه البعد چـي ماكو رده
مجبـوره ظـميـت الدمـع عـالخـد تبده
مثل الحمامه بچف طفل ما منه شرده
خنگ.. بجفـوفه يكسرلي ضـلع لمن خنگني
خنگ.. خلاني اطيحن عالارض لمن سطرني
انه طحت مـن سطرتي
واشكيلك انه بحسرتي
بعدك شفـت يا خيمتي
ظلم ..
ـــــــــــــــــ ❁ ❁ ❁ ــــــــــــــــــ
هم شايف بنية نبـي وكسـرو ضلعها
وتنـادي يافـضه بقهـر مـحد سمـعها
معقوله ما كسرة كلب جف الصفعها
مقهوره ويظل عالوجن ينزل دمعها
تهل .. دمعاتي مـن بعـدك نهر مايهده يجري
تهل .. يابويه بس نوح ودمع خلصته عمري
ودموعي حفرت وجنتي
واشكيـلك انـه بحسرتي
بعـدك شفـت يا خيمتي
ظلم ..
ـــــــــــــــــ ❁ ❁ ❁ ــــــــــــــــــ
ابشع جريـمه تسجلت يوكع جنيني
كلـما امـر بالباب احس يكثر ونيني
ما اريد اشوفن عتبته اعميها عيني
يابويه ردتك بالحلم اغـفه وتجيني
حلم .. يالشوفتك صارت حلم اغفه واشوفك
حلم .. يا ريته ما يخلص ابد ما اريد اعوفـك
ما اريد افز مـن نومتي
واشكيلك انه بحسرتي
بعدك شفـت يا خيمتي
ظلم..
ـــــــــــــــــ ❁ ❁ ❁ ــــــــــــــــــ
خلينـي اشمك ياهـوه واترسها ريتي
يا نسمه مـن صوب الكبر لمن اجيتي
حملتي ريحة والـدي وبيـها اعتنيتي
يا نسمه بنفاسي اختنگ لمن مشيتي
هوه .. ما اريد اشم نسمة هوه ما بيها عطرك
هوه .. لمـن يجي ردته يمـر بويه اعلـه كـبرك
عطرك اريـده بشهگتي
واشكيلك انه بحسرتي
بعدك شـفت يا خيمتي
ظلم..
ـــــــــــــــــ ❁ ❁ ❁ ــــــــــــــــــ
🖊️كلمات
عباس فاضل الشمري
🔻أستشهاد الرسول الاعظم
محمد صلى الله عليه وآل وسلم
حقد الاصحاب 💔
ـــــــــــــــــ ❁ ❁ ❁ ــــــــــــــــــ
مــات النبي وشبگو علي وهجمو عليه
الدين انفجع كسرو ضلع بنته الزچيه
بويه الاصحاب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
من رحل سيــــد البريه البتول تنـــادي
هجمو اصحابه عليــه وارعبـــو اولادي
همه يدروني الزچيه ويعرفون امجادي
ريت اخذتني المنيه بعد ابوي الهــادي
صرخه اعتاب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
بعد گبرك يانبينه ما نشف تربانــــــه
الوصي حيدر علينه چتفو ذرعانــــه
بعدك بوليه نولينه ريتك انته ويانــه
وشاهد بعينك سبينه والظلم عنوانه
بحقد الاجناب ... كسرو الباب
يامحمد ..... يامحمد
ـــــــــــــــــ ❁ ❁ ❁ ــــــــــــــــــ
انته اكملت الرساله وبلغت امر القدير
اصبح الدين بكماله ونصبت حيدر امير
وربك انطاك الكفاله بكل يتيم وبالفقير
خالفو رب الجلاله ولا يحاسبهم ضمير
والعدل غاب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
فگدت الامـه نبيها فوگه ينذب التراب
هـو سيدها وتقيها قائـد بأسمه يهــــاب
مورجل هذاشبيها يهتك الحرمه حجاب
ولسطر خد ام ابيها ربك انطاه العقاب
وضلعي الانصاب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
بالحشر باچر نشوفه مدنگ الراس وذليل
غـدا والشاهد چـفوفه تذكر الفعل الرذيل
عندي حگ ومااعوفه يحكم الباري الجليل
الجرج باچر يروفه ويظهر الحق والدليل
وتظهر اسباب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
والجزاء يكون قاسي النار محتاجه حطب
اتحملت انـه المأسي شاهـدة سب وضرب
بالحشر باچـر يناسي يگـرب الاسمه محب
والعشگ عـنده قياسي ماتـرك هذا الدرب
يبچي لمصاب ... كسرو الباب
يامحمد ..... يامحمد
ـــــــــــــــــ ❁ ❁ ❁ ــــــــــــــــــ
🖊️كلمات
عباس فاضل الشمري
لا مواكب لا خدم ...لا عزيه بالحرم
ولا سمعنه الناعي ينعه..يا رسول الله يا رسول الله
ــــــــــــــــــــــــــــــــــــــــــــــــــــــــــــــــــــــــــ
ماكو مشايه اعله دربك..وانته حتى الباري حبك..گبرك اصبح بيته
الكون مالابس سواده..عليك ما اعلن حداده..ما عرف تاليته
وسفه لا ماكو مجالس..ماكو جون وماكو عابس..اهناك ضايع صيته
ماكو رادود القرالك..لا خطيب الينعى حالك..ريته يمنه ريته
ننصب بسامع سمه....والخدم متخدمه
واحمد الوائلي ينعى..يا رسول الله
ــــــــــــــــــــــــــــــــــــــــــــــــــــــــــــــــــــــــــ
كون يمنه الكعبه صارت..لا فلا يوم استجارت..من الصنم و افعاله
يمهه ما تكفي المآتم..بالعرش جبريل خادم..والعلي اوحاله
ما تلمنه الگاع كلهه..كربله اتخفف حملهه..و الخدم هنياله
والاذان ايگول حيدر..كل عمل من دونه منكر..و الولايه بجاله
والارض ترجع فدك....بيهه خدام الملك
و نستمع حمزه ينادي...يا رسول الله
ــــــــــــــــــــــــــــــــــــــــــــــــــــــــــــــــــــــــــ
نعلي رايات و مناير..واليوز نگله حاضرانحقق احنه احلامنه
نفرش الروح النبينه..و اليجي يسحك علينه..تراب تحت اجدامه
انسبل ادمانه لحضرته..و الگصد يا كبر بخته..رافعين الهامه
بالصلاه نذكره و اله..و نكسر خشوم الضلاله..هذا دين اسلامه
انلبس الكعبه ذهب....انشوف الدنيه العجب
و كاظم المنظور يكتب....يا رسول الله
ــــــــــــــــــــــــــــــــــــــــــــــــــــــــــــــــــــــــــ
نستمع صوت المنابر..تبچي دم ليهه المحاجر..كل محب يصغيله
هذا قرآن القداسه..بالارض ثابت اساسه..كل نغم ترتيله
يذكر المسموم و اهله..وناضر المهدي يكحله..و الدمع يوميله
و ستمع نبرة مناحه..ونه و اهات و نياحه..و بالفرج ندعيله
ونحمد الله اعله النعم....و العطايه و الكرم
وصوت باسم بيهه يصدح....يا رسول الله
الحمد لله والشكر
في ذكرى استشهاد الرسول (ص)
واويلي على الهادي
&&&&&
فاطم صارت اتنادي
دمعي اعله الأبو زادي
وَنِّ المرتضى بادي
جدكم راح يولادي
دفنَوا بالثرى افَّادي
يصرخ كل گلب صادي
راح اليوم أعز حادي
ضج اليوم كل وادي
&&&&&
إبراهيم الدريس
في ذكرى استشهاد النبي الأكرم (ص)
يالمختار يالمختار .. حاشه جرحك ننساه
&&&&&
عالوعد جينه إلك .. حاشه ننسه مقتلك
إنته جرحك بينه عايش .. او عالصدر نلطم إلك
تنحب الليله السمه .. و الأرض هم لاطمه
كِل شِي يبجي اعليك والله .. او واسه بنتك فاطمه
كل سنه انقيم العزاء .. او يرتفع صوت البكاء
إحنه ما ننساك حاشه .. يا ختام الأنبياء
ليل انهار ليل انهار .. هذا فكدك ننعاه
&&&&&
إنته يا أكرم نبي .. سابي هالوادم سبي
لو بدينه من نزورك .. جان نحبي لك حبي
الليله مفجوع الوحي .. و العدو خل يستِحي
هالبجي و اللطم لجلك .. إستحاله ينمحي
رحمةَ الله انته او هوه .. لحظه وحده ما غِوه
لوله شخصك كِل شِي ماكو .. او جان مَعْرَفْنه الضوه
او هالأقمار او هالأقمار .. ضيها جا ما شفناه
&&&&&
إحنه من دونك عَدَم .. نصحه و انَّام ابوَهَم
امن الحياه مَنْرِيد كل شِي .. بس تِعِدْنه امن الخَدَم
ايسلِّم اعليك العرِش .. إسمك ابساكه نَقِش
فدوه لا تنساني فدوه .. من يخلوني ابنَعِش
يمك اتدَنْكِـ الرِّسِل .. ياللي ما مثلك مِثِل
لوله إنته يا نبينه .. إلفَضِل شنهو الفَضِل ؟!
جالأنهار جالأنهار .. إلفضايل واللــــــــــه
&&&&&
عَلِّمانه اعله الهظُم .. امصابك الدكـ بالعظُم
ابلا لطمنه اعليك كلي .. شنهي قيمةْ هاللطُم
كلنه فدوه الـ بسمتك .. الشمس عدنه كبِّتك
خَضِّرَت لكلوب هيه .. ياللي خضره اعمامتك
إنته حاشه ما مِتِت .. جَوَّه كل نبضه عِشِت
كعبةِ العشاكـ ذاتك .. او بيك بس آنه طِفِت
بالأعبار بالأعبار .. كبرك احنه طِفْناه
&&&&&
عيسى بحروفك قَرَه .. يا فَخَر للمفخره
و أحيى لموات ابيمينه .. او لبرَص او لكمهْ بَرَه
عَلَّمِتْنه اعله العُلا .. و المجد و المرجله
إسمك اعله الساني يبكه .. سيدي ما أجمله
إنته لمحلِّي العُمُر .. بيك طه نفتخُر
اعليك دوم انصلي احنه .. من ذِكِر إسمك يمُر
نور او نار نور او نار .. حُبك انته اِعْرَفْناه
&&&&&
امنجِّي موسى امن البَحَر .. و ابن مَتَّه امن الخَطَر
تحضر ابكل شده انته .. ابحيره متعوف البَشَر
الكون كله بسِّ الك .. ابخدمتك كل المَلَك
لجلك او خاطر مَحَبْتك .. يسري بس هذا الفَلَك
هوه ربك طهَّرك .. بـ أحلى صوره صوَّرك
آنه من يعطش دِليلي .. فقط يروه ابكوثرك
بيك احتار بيك احتار .. إلوجود او معناه
&&&&&
خادم الرسول (ص) : إبراهيم الدريس
في ذكرى استشهاد النبي الأكرم (ص)
يالمختار .. كل جفن .. دمعه ايسيل
يالمختار .. نندبك .. وي جبريل
&&&&&
رحيلك .. كل قلم يا سيدي يعجز يِوَصْفه
رحيلك .. بَحَر من أحزان بس من دون مَرْفه
رحيلك .. هوه لو لحظه يصد شالسوَّه خلفه
رحيلك .. جان نصفه ينذهل و اينوح نصفه
يالمختار .. فركتك .. حسره او ويل
يالمختار .. نندبك .. وي جبريل
&&&&&
إجينه .. يا حبيب الباري إنته او يا نبيه
إجينه .. المجلسك و الدمعه عالوجنه جريه
إجينه .. (و امحمداه) هتفنه ابكل عزيه
إجينه .. بالدموع انواسي يا طه الزجيه
يالمختار .. يبجي لك .. ميكائيل
يالمختار .. نندبك .. وي جبريل
&&&&&
مُحمَّد .. من غبت تصرخ صفت بالعين عبره
مُحمَّد .. يا نبينه ابكل كلب مشبوبه جمره
مُحمَّد .. فركتك نبجيها صرنه حسره حسره
مُحمَّد .. إلحياةِ ابغير وجهك والله مُرَّه
يالمختار .. فَطَّرِت .. كلب الليل
يالمختار .. نندبك .. وي جبريل
&&&&&
يخيمه .. بعدك الزهره تصير اهيه يتيمه
يخيمه .. اخلاف عينك إلها لا ما تبكه خيمه
يخيمه .. ورده هيه او هذا بُعدك عدها هيمه
يخيمه .. إلفرح تنساه او تترقَّب جريمه
يالمختار .. فاطمه .. عنها اتشيل
يالمختار .. نندبك .. وي جبريل
&&&&&
مكانك .. بنتك الزهره تصيحن بويه خالي
مكانك .. حاشه ميسدَّه أحد بعدك يغالي
مكانك .. آنه كلما أنظره ادموعي تلالي
مكانك .. او ذكرياتك لوِّعت كل لحظه بالي
يالمختار .. ظل يونِّ .. التهليل
يالمختار .. نندبك .. وي جبريل
&&&&&
عَلِينه .. الليله لجروحك صبح دمعه يسيله
عَلِينه .. او كام ايواسي ابحسرته البضعه الجليله
عَلِينه .. اشلون ما أدري كِدَر يدفن خليله
عَلِينه .. بعد أبو الزهره صفه مهدوم حيله
يالمختار .. بالحزن .. صار ايميل
يالمختار .. نندبك .. وي جبريل
&&&&&
خادم الرسول (ص) : إبراهيم الدريس
في ذكرى استشهاد النبي الأكرم (ص)
غيابك يا رسول الله
يعني موتي و الطبره
او تره من تغمَض اعيونك
تُعصَر بنتك الزهره
ميِّت آنه أَنْعَد
ابغيبتك محمد
&&&&&
يعاشر دمعته الفارَكـ خَليله
و أنا امفارِكـ بشر ماكو مثيله
ابراحه أشعر جنِت كلما أجيله
او هسه العافيه خَذْها ابرحيله
بعد فركةْ أبو الزهراء
ظلت تنزف اجروحي
او كأن من جسمه يا هالناس
مو روحه اطلعت روحي
ناري حاشه تِخْمَد
ابغيبتك محمد
&&&&&
مثل فاطم بنيته بيتِ الأحزان
او بعد وجهك صرت كل عمري عطشان
أنا فاكد تره مو زلمه قُرآن
و أشد لوعه إذا تصبح له دَفَّان
إذا غاب الحبيب او راح
تحِسِّ ابكل نَفَس هَظْمه
او تموتن من تشوف العين
اثيابه امعلِّكه او هِدْمه
جرحي لا مَيِنْشَد
ابغيبتك محمد
&&&&&
ابنعش من صارت الشمس او ضُحاها
شفِت جَن كلبي بالحيره تَلاها
يريت آنه المشيت او يبقه طه
وَ لا ليل الهظُم فاطم غِشاها
يربِّي حيدر الكرار
تمنّيتك لون خَذْته
تره أتعذَّب آنه اهواي
حبيبك لو بِجَت بنته
حيلي والله ينهَد
ابغيبتك محمد
&&&&&
ما أُوْذِي نبي مثله ابأذيه
قبل ما يندفن تحت الوطيه
ربعه كسِّرَوا ضلع الزجيه
او جَرَّوا بالحبل حامي الحميه
قبل ما يندفن طه
ربعه وَجِّرَوا بيته
عصرَوا فاطمه الزهراء
او خانَوا كلهم اِوْصِيْته
انسطرت اهيه عالخَد
ابغيبتك محمد
&&&&&
يبو الزهره يمن ساكن بالكلوب
على امصابك يحِكْـ لي لو أشِكـ ثوب
أذكرك من يجي و ايلفيني الغروب
و أنادي وينك انته كلبي متعوب
أذكرك آنه كل مغرب
او تهل لغيابك أجفاني
ما أدري متت إنته
لو ميِّت بعد آني
حزني صعبه يبرَد
ابغيبتك محمد
&&&&&
من أذَّن بلال او بالسِّمه صاح
ركن عزم الزجيه او ركني هم طاح
كل شي ابروحتك يالمصطفى راح
او على الدنيه العَفَه بعدك يمصباح
ابرحيلك ينكسر ظهري
يطه او ينجرح الإحساس
و أحير ابروحي مثل احسين
يوم اليوكَع العباس
او هذي عيني تنسَد
ابغيبتك محمد
&&&&&
خادم الأمير (ع) : إبراهيم الدريس
في ضُحى اليومِ الحَزين
ماتَ خيرُ المرسَلين
في جوارِ اللهِ أمسَى
عندَ ذي العرشِ مَكين
**
نبرَة احزان وعَويل بكل مكان
وجَرح نازف يعجَز ابوَصفه اللسان
غطّت اغيوم الألم وَجه الدهور
بدِنيه فارَگها بغَفل طيف الأمان
قادمٌ عهدُ المِحَن
والمدَى يغدُو كفَن
والدُنى قبرٌ دَفين
ماتَ خيرُ المرسَلين
**
لا أثَر للرحمه من بَعد الرسول
وهايه خيل المصلَحه اتصُول وتِجول
الفتن عالناس اسفَرَت بَعد اختِفاء
وبدَت أمطار التفَـرّق بالنزول
أفَـهَل ماتَ وهَل
بالمَكيداتِ انقَتل
تاهَ أمرُ المُسلمين
ماتَ خيرُ المرسَلين
**
راحِل الهادي ونتائِج هالرَحيل
إنقِلاب وسَلِب حق امن الأصِيل
رَدَّة اصحاب ومُلِك ظالم عضُوض
والرعيّـه ابِّـين قـتَّال وقَـتيل
سادَ بغيٌ وانتَشـر
وابتَلى فيهِ البشَر
شابَ للهَولِ الجَنين
ماتَ خيرُ المرسَلين
**
يا أمُر فَگده أمُر مُفجِع خطير
واوّل الناس انفِجع گَلب الأمير
حِضَر سلمان وابو ذر وبلال
والبَقيه اجتِمعوا الأمْر الخطير
خانَ من يوماً وعَد
في غديرٍ وابتَعد
تاركاً دربَ اليقين
ماتَ خيرُ المرسَلين
**
جاوَر الباري النبي بمَنزِل عظيم
وجاوَر اخلَافه عَلي الجَمْع اللئيم
اشگد فرق ذاك الجِوار وهالجِوار
وياخسَارة مِن جِعَل حيدر خَصيم
ياتُرى يُفلُـحُ مَن
في المَلا إذ يُمتَحن
أبدَلَ الدُنيا بدِين
ماتَ خيرُ المرسَلين
=============
لقمان البدران
كتبت في طريق زيارة الاربعين ١٤٤٦هـ
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
قصيده ثكيله للرسول الكريم (صلى الله عليه وسلم))
وحشه المدينه ...وحشه المدينه
بعدك يبو ابراهيم وحشه المدينه
تبچي وحزينه ... تبچي وحزينه
ام الحسن وحسين تبچي وحزينه
➖➖➖➖➖
تبچي ام حسن ومكدره من شلت عنها
لاهودت لابطلت يالوالي ونها
بعدك يبو براهيم مافلت حزنها
يالهادي لوتعلم بحالتها ومحنها
الزمره العينه .. الزمره العينه
ضلمو الزهرة يالنبي الزمره العينه
✍🏻ام علي الموسوي
〰️〰️〰️〰️〰️〰️
زمره لعينه وحاقده ضلمت الزهره
صاحت يبويه ولاسمع والكلب جمره
ولفراكه ظلت تون ويلي ومكدره
شيصير كلبج يم حسن الله اليصبره
روحج حزينه روحج حزينه للموت تبقه ونتج روحج حزينه
✍️ام اكرم
〰️〰️〰️〰️〰️〰️
وحشه المدينه علنبي الهادي العدنان
فاطم اله تبجي وتون والدمع غدران
حانت مصايبها يويلي وبدت لحزان
من بعد ابوها ما هدت والگلب حیران
من بعد عینه
من بعد عینه
ابد ماشافت فرح
من بعد عینه
✍🏻 ام زينب الأسدي
〰️〰️〰️〰️〰️〰️
لاراحه شافت لافرح... بس دمعت العين
يوم الرحت تدري بدء... اوياها هالونين
بالام وهموم وحزن... كلب ام الحسين
ماهدت وناته الكلب. من بعد الحنين
يجذب ونينه. يجذب ونينه
كلب الزجيه ماهده يجذب ونينه
✍️ ام حسين العامري
〰️〰️〰️〰️〰️〰️
وين الفرح بعد الابو الزهره تشوفه
بس الدمع ترس الجفن صارت تحوفه
ماشافت اخلاف النبي بتك مروفه
والألم والهم والكدر بانت اطيوفه
فكدت حنينه.. فكدت حنينه
الزهرة من شال النبي فكدت حنينه
✍🏻خادمة اهل البيت ام ابراهيم الحلفي
〰️〰️〰️〰️〰️〰️
ونت عليك ام الحسن ونه خفيه
يالرايح وماتدري بحال الزجيه
بعدك يابو القاسم تره تحمل اذيه
الفركتك ظلت تون صبح ومسيه
الله يعينه ٠٠٠٠ الله يعينه
دلالها الفكده ام حسن ٠٠٠ الله يعينه
✍️خادمت الزهراء ام سلام
♾️♾️♾️♾️♾️♾️♾️♾️
تمت بأقلام شاعرات رابطة احزان العقيله
غير مبري الذمه من يحذف اويغير اويتلاعب بالكلمات او يحذف اسماء الشاعرات وينسب الكلام له
نزال
شوف عكبك يارسول الله اشجره
اول مصاب الضلوع امكسره
///////
بعده مطروح الجسد لفه الچفن
إولا تِغَسل لا تِشيّع واندفن
وكاعده اتلوع اعله ابوها ام الحسن
الفاكد الله ايساعده
نبي واب هم فاكده
بويه صاحت زمره هجمت كافره
///////////////
انت تعلم حالها ابطك الضلع
ادري بالملحود گلبك منفجع
عله ام حسين دم يجري الدمع
البضعه حركوا دارها
اعداك شبت نارها
ومهجتك ظلت يطه اموجره
////////////////
من بعد سمك يبو الزهره ابغدر
اضلوع من فاطمه اطك وتنكسر
ابحايط وباب اشثكلها تنعصر
تِوِن من بسمارها
نبت بين اكتارها
ومحسن ابدمه الزچيه تنظره
//////////////////
وكسر كلبك يالنبي ماينجبر
وبعد عينك علي ايصلي ويالفجر
يسجد ابمحرابه حيدر ينطبر
ودم يخضب الهامه
علي ابلايه اعمامه
وهامته ابغدره يويلي امطبره
/////////////////
ومثل ما چبدك يطه ينمرد
منظرك نفسه يبو الزهره يرد
والحسن ابنك يِسِموله الچبد
وچبدته مردوها
وسمتك ردوها
ومثل ماسموك صاير منظره
/////////////
وبدليلك يارسول الله جرح
اتشمه بالمنحر كبل لاينذبح
تدري راس حسين يبقه عالرمح
وزينب اخته اكباله
محاوطه ابخياله
وزينب الچانت اميره اميسره
/////////////////
أعز مخلوق اعله گلبگ ينسلب
عل ثره عريان وتچفنه الترب
حسين ضامي وعله وجهه ينكلب
منل كفه يذبحونه
لخته صد بعيونه
ايكلها نوك اليسر وسفه امحظره
/////////////
مثل يوم حسين ابد مامثله يوم
غربه وبطف كربله فيض الدموم
يِهد حيله الطفل مايكدر يكوم
ينذبح بحظانه
راوه طفله السانه
حته چبدي ومو اشفافي امفطره
//////////////////////
يالنبي ولدك ذبح لو سم كضوا
اتغربوا وبراحه ابدا ماحضوا
لجل دينك دمهم يوهبوه رضوا
حته يرضه الباري
ابنك ايضل عاري
وجسم ابو اليمه الخيول اتطشره
////////////////////
نسالكم الدعاء
احمد الطيب الحلي
جرح الفكَد غالي ... ما يشفه للتالي
يا حبيبي ... يا رسول الله محمد
...
من بعد عينك يبويه ... حاله صارت حالتي
كلشي بيه اعليك يبجي .... يا عزيزي وسلوتي
من رحت لليوم عني .... عايشه انه ابغربتي
وحشه دنياتي ابغيابك ... من يسدهه وحشتي
يا سلوة اسنيني .... يا شوفي البعيني
يا نصيبي ... يا رسول الله محمد
......
انه يابويه الزجية ... المارحم بيهه الدهر
ليلي وانهار اعله عيني ... جارية ادموع القهر
لو تجي وتشوفه حالي ... ما يظل عندك نظر
ذبَّلاني اهواي موتك .... والجفن بعدك سهر
بخدودي دمعاتي ... تشرح معاناتي
يا مجيبي ... يا رسول الله محمد
......
عيني عطشانه اعله شوفك.. روَّي عيني بشوفتك اعليه سيَّر حلم دافي ... يا عزيز ابنيتك
بوية اخذ العُمر كله .. ورد عليه ابضحكتك
دنيتي ابدونك تراهه .... مو جميله ابموتتك
يالفاركَت ودك ... وحشه العمر بعدك
شوفه شيبي ... يارسول الله محمد
.......
بس جسد بعدك تراني ... عايشه ابهذا الزمن
اوياك روحي ودعتهه ... انلفت ابنفس الجفن
من كثر ما ليك ابجي ... اعيوني احسنهه انعمن
ام الاحزان ابغيابك ... صرت مو أم الحسن
يابوية وعيونك .... ميته انه من دونك
من نحيبي .... يا رسول الله محمد
.......
كل جرح يا بويه يشفه .. بس جرح فكَدك صعب
انت عندي الدنيه كلهه .. يالنمت جوه الترب
لو يصح بيدي يبويه ... الكَبرك الطاهر أطب
روحي من بعدك يغالي .... عايشه عيشت غرب
يا أغله من روحي ... يا بلسم اجروحي
يا طبيبي ... يا رسول الله محمد
......
✍ كلمات : موسى الخادم
راية رفت بالحرم .... يا رسول الله
بسمك انباهي الامم .... يا رسول الله
....
راية رفت بل الاعالي تحمل اسمك
اتعزي بنتك فاطمة الوادعت رسمك
يارسول الله اعلى بابك باقي رسمك
الله يلعن كل شخص يالهادي سمك
السمموك بمعرفة .... يا رسول الله
نورك الطاهر خفة .... يارسول الله
...
يالحيت الدين بسمك والله نهواك
عايش بوسط الضماير ما نسيناك
اشما يعادينة الزمن باقين وياك
صرخة الاحرار ثورة تسمع اعداك
ثارك ابوسط الكلب .... يا رسول الله
عايش وما ينشطب .... يا رسول الله
.......
يا شمس رب الجلالة الضاوي نورك
للأبد ما يخفى عل الاسلام دورك
رحمة الله اجسدت كلهة بظهورك
الف هنيالة الوصل كبرك يزورك
لجلك الكون انخلق ... يا رسول الله
اي وحك رب الفلق ... يا رسول الله
........
يارسول الله لضريحك نوصل ازحوف
بلمدامع والبواجي كبرك نطوف
مايمنعونه النواصب عينك اشوف
احنه تربات الكفيل الرجف الخوف
نسحك ابصدر الرجس .... يارسول الله
لجلك انضحي النفس .... يارسول الله
........
مثل عاشر من محرم نحي ذكرك
والمواكب تنصب هيج على دربك
ابد ما خاب اليخدمك خدم ربك
دنيه فاز واخره كل شخص حبك
جنة الله جنتك .... يارسوك الله
يا شفيع الامتك ..... يا رسول الله
.......
الحمدلله رب العالمين
اللهم صل على محمد وال محمد
موسى الخادم
#أبوذيات مفجعة
البخت دار بهداوة.. دار عينه
وصدرة برمح باشط.. دارعينه
الشمر يذبح واخيي... دار عينه
علي وانكطع نفسه وحار بيه
بجينه وآنه لتضن.. دمعي ابينه
افه وماراح تلكه.. دمعه بينه
شبكنه حسين وتخر.. دم عبينه
لحد مانكعت أرض الغاضرية
وحك فراكك الطشر.. لمتنه
طاح حسين والوادم.. لمتنه
انسحك متنه وامد ايدي.. لمتنه
غفلة وجرته الخيل من ادية
تل ما شفنه بالطف.. بس تل ام عون
هلي والدم خذاكم. بس تلمعون
شني معقولة زينب. بس تلم عون
وتعوف حسين مرمي اعله الوطية
موش ادموع بالطف ماشكتله
دمه والروح شكوة ماشكتله
الشمر عطشان گلي ماشي اكتله
بحقد وذبح اخوج بذني اديه
اسماعيل السعيدي
اللهم عجل #لوليك الفرج
قصيده فزاعيه الى نبي الرحمه محمد صل الله عليه وسلم
الزهره دكول وين الي يواسيني
على بويه الحنين الراح من عيني
.........................
زهره دكول وين الي تكابلني
انه الفاكده ابوي وهو ابني
تره انه ام ابيها وكله تعرفني
تعازيه ونون وياها......
نعازيه ونون وياها هليوم
هاي ام الحسن التشيل الهموم
وياها الطم يحله عله المتون
...نواسيه بدموع العين...
زهره تنوح المصابه وتذب حسره
وين الي يواسيه ويجر عبره
وين اليطم وياها ويدك صدره
...نعازيه وندك وياها...
يستاهل ابو زهره تحزنون
وي الزهره اسود هم تلبسون
قد ونه البو القاسم تونون
نون عليه اليسوه الونه.
نون عليه ماطول النفس بينه
يازهراء ماننسه نبينه
دنيا واخره هو حمينه(يعني حامينه بلفض )
يحامينه وبيوم المحشر.....
بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف الاسم
🔻أستشهاد الرسول الاعظم
محمد صل الله عليه واله وسلم💔
راح ابويه 💔
ـــــــــــــــــ ❁ ❁ ❁ ــــــــــــــــــ
راح ابويـه ودمعـتي ظـلت جـريه
وشحال اليفارگ ابو وكت المسيه
مـن دم دمع بچاني
بُـعده شكثر اذاني
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
بالدنيه اليفارگ تـره يكـثر ونينه
يوميـه يگعد بالدرب ماتهده عينه
ويذّكر ايامه الگضت ذيچ الحنينه
محلاها چلماته الابو لـمن حچينه
گلي بـويه بروحـتي تكـثر جروحچ
والدنيه تخنگ بالهوه لتشمه روحچ
مختنگه من احزاني
بُـعده شكثـر اذانـي
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
خـل اغسـله بدمـعتي وبگـلبي گبـره
وارد اسولفـله شكـثر بعـيونـي ذكره
مايحله ابد چان العب الا اعله ظهره
شيردها الايام المضت متردها عبره
لو نبچي كل هذا العمر منرجع الراح
والعنده غالي ومندفن لتـظنه يرتاح
شلون ادفن الرباني
بُـعده شكـثـر اذاني
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
دورته بعيوني الضوه مـن شفته ظلمه
شيعتـه بشفافي الحچي والميته چلمه
مـاي وتطـشر بـالشـمس گـلـي شيـلـمه
يـابويـه بعـدك والـهوه مـا اريـد اشـمـه
ماكو نسمه بريتي تصعد بالانفاس
بعـدك تره ببــنيتك تتشمت الناس
جمر الهجر چواني
بُـعده شكثر اذاني
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
يـابويـه ظلمـوني تـره والـشاهـد الـباب
وبَيـّن طمعـهم ولحـقد الچـانـو اصحاب
بس الدمع ظل سلوتي من بعد الاحباب
ويـاك اريد انـه انـدفن ويطمنـي التراب
جيت اسولف غربتي واشكي الرزيه
واحچيله بفراگه الدمع شمسوي بيه
مات الحچي بالساني
بُـعـده شـكثـر اذانـي
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
متعوده بويه الجيتك وتمرني كل يوم
لمـن تـروح وتبتعـد ظـل گـلبي مهموم
ماعندي بس عطرك تره واشتم الهدوم
مايهـده گلبي بفرگـتك خليتـه محروم
ينشـدني يوميه الگلب ويگـلي ويـنه
ومشتاگه هاي رويحتي وشگد بچينه
بظيم وقهر خلاني
بُـعده شكـثر اذاني
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
بويه الامر كلش صعب وشلون اشرحه
ظل الگلب ينزف حزن شيظمده جرحه
ماظلي كلشي بروحتـك مـاعندي فرحه
بس فرحة الموت وبعد ما مرني صبحه
الفرحه بس بموتتي بعدك عشتها
والدنيه من دونك ابد لا ما ردتها
موتي شوكت يلفاني
بُـعـده شكـثر اذانـي
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
🖊️كلمات
عباس فاضل الشمري
نادو وداعـــــاً………
فجئه و رحل عنه الضوه
نادو وداعـــــاً………
والهوئ ما لاگي هوئ
نور النـبي مـنـها غاب
الدنيه ماعدها احباب
نادو وداعــــاً
نادو وداعـــــاً
**
سافر نبي الرحمه وصفت
مــخفيــه اســـراره
يـمه العــلي اختاره
ينعئ الوحي ابداره
انجـوم الارض يمه غفت
دمــع الهـجر جارح
نور الــشمـس رايح
وشيــنـفــع الصايح
دمــوع الــعين دمـهن سال وجره
نحس بالنار تچوي احشانه وجره
ننــاشــد وين شنــو الــصار وجره
صــدگ ميــعود ابو الزهره الزچيه
نوحو الــمصــابه………
ودعنه نور المصطفى
نوحو الــمصــابه………
من بعده عالدنيه العفئ
الــجـنه غـطاها اتراب
الدنيه ما عدها احباب
نادو وداعــــا
نادو وداعــــا
***
من يلفي طاري المگبره
الــروح چن هيمه
لامـــاي لا غــيمه
محترگة چن خيمه
الاملاك ضــلت حايره
وكت الدفن يمه
اتـبوسه واتشمه
تتــعطر اباسـمه
يـناعي اعليك دمع ابنيته ردنه
الثوب امــن البواچي هزل ردنه
تمــنيــنه يــرد هــالــيـــوم ردنه
عــگـب فــرگاه مـــانحمل اذيه
بـهــاي الـــرزيه……..
ماتم نصبنه ابكل گلب
بهاي الـــرزيه………
حقه العرش لو ينتحب
المن نجي اندگ ياباب
الـدنيه ماعدها احباب
نادو وداعـــــا
نادو وداعــــــا
***
الشارك ابدفنه او دعهَ
بجروحه ضل حاير
مــايـرتــجي باجــر
ضــل يكسر الخاطر
هالــيله جينه انشيـعه
ويــــانـــه علـويه
بــــدموع مسبيه
نـــقــراله لـطميه
التعنه الماتمه گاصدله والجاه
رسول الله هوه الهيبه والجاه
نــيــران ابــگــلبـــنه نار وجاه
تــضــل تسـعر لحد يوم المنيه
نقره ابعزائه……….
من يوم ودعنه النبي
نقره ابعزائه………
من مقتله الحد السبي
والمقتله ماكو اجواب
الدنيه ماعدها احباب
*
ريحة المهدي ابمجلسه
جن صوته ياجدي
دمعي تـرس خدي
انه ابنـــك المهدي
هيئه وخدم متاسسه
للخدمه شرايه
لي رفعت رايه
للـــقبله مشايه
دكافي يادهر تهنه بعد وين
رسول الله عنه ابعد بعد وين
نون ونوح بالمهجه بعد و…ن
على امصابه صباح وكل مسيه
انقيم المجالس…………
رحيم الوائلي .
.رسالةُ من كربلاء…… الى خاتم الانبياء
محمداُ خيرُ الورى
ُنهدي اليه منحرا
محمدا
محمدا
&&&&&&&&&
امنية عاشك محمد
والكتاب وعترتك
نبني يم الكعبه گبه
اتصير كلها حضرتك
يا ابو ابراهيم نضره
هناك نرفع رايتك
نكتب اعليه سلامــــاً
للي يبغظ شيعتك
الكعبه تتلگه الوصل
اتهــلي بينه وبالاهل
انصيح يامهدي العجل
محمدا
محمدا
**
الصفا والمروى خطوه
اتصير بين الحرمين
مثل زينب من مشتها
بين عباس وحسين
رگضة اطوريج يمك
شرط نرفعها الادين
نطبر الراس او نگلك
وين گبر الزهره وين
هــيــه لو انته الرحل
طحنه بيد اهل الجهل
انصيح يامهدي العجل
محمدا
محمدا
*
بالصحن نگعد سويه
والـــمشاعر هايّمه
حلم هذا لو حقيقه
نحضن انجوم السمه
نستمع صوت المواكب
والـمــدامع من دمه
اشهدو انك حسيناً
وعلـــي و فــــاطمه
اهناكه نقره مستهل
حيّ على خيرِ العمل
انصيح يامهدي العجل
محمدا
محمدا
*
نــقره لـطميه تندبك
والــيندبك مايضيع
يارسول الــّله اسمك
وحده للعالم شفيع
بجاهك و جاه المجالس
ندعي من الله السميع
نلتقي ابيوم الزياره
ب…….. اائمة البقيع
ينرسم بينه الامل
انهدم الات اوهبل
انصيح يامهدي العجل
محمدا
محمدا
****
امن المنابر راح نسمع
صوت يدعو للسلام
والماذن تنطي فتوه
گومو خل نّطفي الخيام
طلعو من راسه رمحهم
طلعو من جسمه السهام
طــلع الــفجــُر علينا
ياهــلــه ابجيت الامام
نعشگه منذُ الازل
ابو صالح نوره هل
انصيح يامهدي العجل
محمدا
محمدا
&&&&&&&&&
الحمد لله والشكر
رحيم الوائلي
2021
في ذكرى استشهاد النبي الأكرم (ص)
الإمام علي يخاطب السيدة الزهراء
راح اَبو المرحمه .. فاطمه فاطمه
هِلِّي دَمْعِج دِمَه .. فاطمه فاطمه
&&&&&
راح يـ ام الحسن .. ذاكه راعي الوِفه
او بعد ضَي كِصِّته .. عالوُجود العَفَه
كُل شِي نادى ابحزن : .. (ويلي عالمصطفى)
والعَرِش عالنبي .. دمعه شفته هِمَى
هِلِّي دَمْعِج دِمَه .. فاطمه فاطمه
&&&&&
هِلِّي يا فاطمه .. عالعزيز الدَّمِع
و اِنْصُبي فاتحه .. لاكن ابلا شَمِع
بعده هذا الزمن .. لِج يكسِّر ضِلِع
او جَفَّه فوكـ الوَجِهْ .. بالحقد لاطِمه
هِلِّي دَمْعِج دِمَه .. فاطمه فاطمه
&&&&&
ابعيني شفْت الوحي .. وَيْ وِنينِج يوِن
و الملايك صُفت .. (يا محمد) تِحِن
كلبِج أوَّل كلب .. إسمه (بيت الحزن)
لاكن امْن الضُوه .. خالي واِبْلا حِمَه
هِلِّي دَمْعِج دِمَه .. فاطمه فاطمه
&&&&&
من بعد والِدِج .. تنحب البسمله
او مصحف النايبه .. بالدموع انتِله
بيِّنت من رحل .. والِدِج كربله
او لاح بفْقِ الحزن .. خيل او سيف او ظِمه
هِلِّي دَمْعِج دِمَه .. فاطمه فاطمه
&&&&&
كلبي هذا اِدْفَنِت .. ما دِفَنْت النبي
او غَرَّكِت بالدمِع .. جالعقيله العِبي
اغيابه شَدْ لي النَّفَس .. هذا أوَّل سَبي
او بعده (أم الحزن) .. تنسِبي جالأَمَه
هِلِّي دَمْعِج دِمَه .. فاطمه فاطمه
&&&&&
ماكو بعد الأبو .. إلا كومَةْ شِدَد
عصره لطمه او حَرِكـ .. باب او طيحَةْ وَلَد
الماكو عنده أبو .. ما يرُحْمه أَحَد
او داره دايم تظل .. مُوحِشه او مُظلِمه
هِلِّي دَمْعِج دِمَه .. فاطمه فاطمه
&&&&&
خادم الأمير (ع) : إبراهيم الدريس
في ذكرى استشهاد النبي (ص)
على لسان الإمام المهدي (عج)
ماتَ الهُدى .. غابَ النَدى
والدنيه بعدك بس صوايح
يالساكن ابكِل الجَوارح
& & & & &
يا جدي كُل شِي ونِّ الك .. او هاي الكلوب انْكِسْرَت
او من كد عَظيمه امصيبتك .. حته الصخور اتْفَسْرَت
يوم اللي غمَّضْت الجِفِن .. جبْد السماءِ انفِطْرَت
و ابعين متروسه دمع .. شفْت النجوم انْكِدْرَت
يَبكي الهواءْ .. تنعى السماءْ
و ابكُل شِي صرْت أسمَع نوايح
يالساكن ابكِل الجَوارح
& & & & &
أبجي الغيابك سيدي .. والله مثِل رقيه
ذيج اللي ما شافت أبو .. شافت سياط اميه
إلليله بنتك فاطمه .. ابحبْل الحزن سبيه
تبجي الزجيه الغيبتك .. وآنه ابجي عالزجيه
دمعُ البتولْ .. يجري سُيولْ
دمْع الزجيه الـ حزني شارح
يالساكن ابكِل الجَوارح
& & & & &
يا شمِس وَ أرقى امن الشمِس .. موَّتْني حيل اغروبك
بعدك يجُرِّ ابونِّته .. او يلطُم صدر .. محبوبك
صرْت انته يا جد يوسفي .. وآنه صرِت يعكوبك
او حته النظر يا جد يِرِد .. إِبْعَثْ لي يا جد ثوبك
صِرْتُ كمَنْ .. بِلا وطنْ
هيجي صُفَه حال ابو صالح
يالساكن ابكِل الجَوارح
& & & & &
ابمجلس عزاءَك سيدي .. دمْع القهر ظل يجري
وابجَرِح فكدك يالأبو .. ظل سارح اشكد فكري
بِغْيابك الما ينحمل .. أحمل جنازَةْ صبري
او تختصر أحزان الكلب .. يا جدي لطمةْ صدري
مدى الحياةْ .. ألصبرُ ماتْ
و ابغيبتك ظل فكري سارح
يالساكن ابكِل الجَوارح
& & & & &
بعدك أذانَ الله انجِرح .. وانجِرح مني لِحْساس
او ضاكت الوَسْعه ابغيبتك .. او وَيَّاها ضاكت لنْفاس
مرَّه أدِكِّـ اعله الصدر .. مرَّه أدِكِّـ اعله الراس
او نبلةْ غيابك لو تِصِد .. بِعْيوني مثْل العباس
طالَ الفِراقْ .. متى التَلاقْ ؟!
بُعْد الحبايب سَهَم جارح
يالساكن ابكِل الجَوارح
& & & & &
جرحك فِتح باب الألم .. او خلّف جروح اهوايه
واحد وره الباب انرِسَم .. والثاني عَمْسَنّايه
و الأعظم ابطف كربله .. شيبه ابدِمَه امحنّايه
لاجن وحَكـ سبيِ الحرم .. كل ثار اَرِدَّه ابآيه
يومَ الظُهورْ .. ثأرُ النُحورْ
يا رايِح او موش انته رايِح
يالساكن ابكِل الجَوارح
& & & & &
خادم المهدي (عج) : إبراهيم الدريس
في ذكرى استشهاد النبي الأكرم (ص)
من شال النعِش حيدر
ضلع الفاتحه اتكسَّر
السكينه اتودِّع اليوم السكينه
علي ابفكد النبي ألله يعينه
ألله يعينه
&&&&&
هذا أبو الحسنين لمَّن شال بجفوفه النعِش
ضجَّت ابحسره المدينه او مال عالهادي العرِش
الفاتحه آهات صارت من بعد طه تِطِش
و ابدمِع عالهادي أحمر امبلَّل أنظُر كِل رِمِش
عالهادي بِجَه المصحف
او حسراته مَتِتْوَصَّف
بآياته تِصِد آيَةْ وِنينه
علي ابفكد النبي ألله يعينه
ألله يعينه
&&&&&
والله حكه الكون يبجي او يذبَل ابحزنه الوَرِد
هذا شمْس الله او أمانه الراح او لا يمكن يِرِد
اشلون عرش الرحمه هوه اتراب ايضُمَنَّه او لِحِد
و اللي وجهه امرايَةَ الله اغيابه ما واحد يِسِد
لِغْياب النبي الكعبه
اتونِّ او حسَّتِ ابغُربه
زمزم صاح هاليوم ابـ حَنينه
علي ابفكد النبي ألله يعينه
ألله يعينه
&&&&&
مدمع الزهره الجَليله عالأبو من ينسِجِب
آية أحزان الكواكب بالمدامع تنكِتِب
من بعَد عين أبو القاسم دار بنته يلتِهِب
او ينسطر خدها او مَتِنْها ابسوط ويلي ينضِرِب
بعْد المصطفى الزهره
يهديها الزمن عصره
حمامَةْ غاره هالليله حَزينه
علي ابفكد النبي ألله يعينه
ألله يعينه
&&&&&
من بعد طه نبينه صار أبو الحمله غريب
تجذب الوَنَّه الكنائس تجري دمعات الصليب
ابغيبةِ المختار حيدر اتيتَّم او خاوَه النحيب
ايكضِّي كل عمره ابصَفِنْته اليدفِن ابجفَّه حَبيب
ابروحــــهْ تاكل الوَنَّه
من غاب النبي عنَّه
وَطَن لِجْروح صارت هيه عينه
علي ابفكد النبي ألله يعينه
ألله يعينه
&&&&&
حيدر الكرار لمَّن طه فوكـ المُغتَسَل
إبتِدَه ابتغسيله لاجن ابسرعه وكَّف مَحْتِمَل
علي يسأل علي فِعلاً هل أبو الزهره رِحَل ؟!
هوه خير العَمَل هذا ايجَفِّن ابـ خير العَمَل
ساعات الغِسِل حيره
والله يا هَلِ الغيره
روحه اللي يغَسِّلْها علِينه
علي ابفكد النبي ألله يعينه
ألله يعينه
&&&&&
اغياب أبو الزهره الزجيه لوَّع ابجرحه القَلَم
او سطَّر ابكلب الليالي احروف تتنازَف ألم
اغياب طه يعني حيره او ضيعةَ أيتام او حَرَم
و ابظُهُر عاشور يعني ابصَدْر أبو اليمه سَهَم
اغيابــهْ يعني مسبيه
اتصير الكِلْها حِنِّيَّه
او تِعُود ابلا أَهَل لَرْضِ المدينه
علي ابفكد النبي ألله يعينه
ألله يعينه
&&&&&
خادم النبي (ص) : إبراهيم الدريس
في ذكرى استشهاد النبي الأكرم (ص)
بويه بويه .. دمعتي ابعيني
بويه بويه .. فدوه حاجيني
لُو رحت من بين إِدَيَّه
يحتركـ بيتي عليه
بويه بويه
&&&&&
فركتك يا بويه صعبه .. اموادعك أكبر جَرِح
اشلون ترحل عني بويه ؟! .. او هالزمن تدري وَكِح
بس تِغَمْضِ اعيونك انته .. ابعصره صدري ينجِرِح
اعيوني ما كفَّت دمعها .. او عالجرح ذبَّوا مِلِح
بويه بويه .. بعدك أتيتَّم
بويه بويه .. ضلعي يتهشَّم
من تخاويها المنيه
يحتركـ بيتي عليه
بويه بويه
&&&&&
إبتِدت قصةْ عذابي .. بويه من كلمةْ (هِجَر)
او هيه ما إلها نهايه .. حته لو ضلعي انكِسَر
احجايةِ اغيابك يبويه .. حفرت ابخدي نَهَر
او كرّبت ساعةْ أكلك .. خدي يا بويه انسِطَر
بويه بويه .. بنتك الزهره
بويه بويه .. تنتظر سطره
من بعد هاي الرزيه
يحتركـ بيتي عليه
بويه بويه
&&&&&
بعدك أكضيها الليالي .. بويه مجروحةْ كلُب
او دمعي بعيوني يكلك .. افراكك انته أصعب صعُب
من تغَمْضِ اعيونك أنظر .. حكِّي جهراً ينغصُب
و أنضرب بالسوط و آنه .. عاده ما عندي الضرُب
بويه بويه .. جالورد أذبَل
بويه بويه .. أنضرب تقبَل ؟!
و أجرَع ألوان الأذيه ؟!
يحتركـ بيتي عليه
بويه بويه
&&&&&
يوم شالَوا بويه نعشك .. روحي صارت مقبره
او ضاكت ابعيني الوسيعه .. او مدمع اعيوني جره
أرد أخبرك بس تروحن .. تنكلُب أُمْتك تره
يهجمون اعليه كلهم .. و آنه بس وحدي مره
بويه بويه .. حلميِ اتبدَّه
بويه بويه .. عصرَوا الورده
فوكـ لجروح اللي بيه
يحتركـ بيتي عليه
بويه بويه
&&&&&
بعد عينك يا حبيبي .. و اشكثر تهظُم (بعد)
عَمَد إنته و انته تدري .. الخيمه تهوي ابلا عَمَد
هسه صار اسمي اليتيمه .. او صار ما ليه سَنَد
اجروحي تتنازَف شفتها .. لنَّه ما يمها الضُّمَد
بويه بويه .. رايده أشتمَّك
بويه بويه .. و أندفن يمَّك
او كبرك ايضُمْنه سويه
يحتركـ بيتي عليه
بويه بويه
&&&&&
بعد عينك بويه حيدر .. اهوايه تجرح حالته
بالحبال ايجرَّه حاقد .. و اهوه يجري دمعته
جَرَّوا المصحف عجيبه .. شنهي بالله اجنايته ؟!
او من حبل أهل الظغينه .. دم تسيلن ركبته
بويه بويه .. يكسر الخاطر
بويه بويه .. ابفركتك حاير
جَرْجِرَوا حامي الحميه
يحتركـ بيتي عليه
بويه بويه
&&&&&
خادم الزهراء (ع) : إبراهيم الدريس
انته ياقوت السمه ومرجانها
والرساله ثبتت عنوانها
يا محمد يا محمد
****
يا رسول الدين يا نعم الرسول
براية الإسلام حيرت العقول
ذكرك ايضل خالد وكلشي يزول
الله بيك الأمه رافع شانها
*
انته قائد سيدي اعله القائده
اتلوذ بيك اهل البخت والساده
انته كملت الفضل وزياده
الكاع تجفل من تكض اعنانها
***
يا جبير الطايفه الملزومه
وال هاشم سولفت بعلومه
انته بعيونك صكرت الحومه
والملاحم عجت بتربانها
*
يا محمد ذكرك ايطهر اللسان
وسيدي لولاك جا ضاع الأمان
جم ملك يقره الحمد عالعتبه جان
وتستجار بهيبتك نيرانها
***
يا سراج الدين يا شمس البديع
يا محمد بالحشر انته الشفيع
احنه لو ما رحمتك والله نضيع
ونجرفنه سيدي بطوفانها
****
انته صادق بذن رب العالمين
والتعوف محبتك ما عدها دين
اعله منزلتك تره امن المرسلين
وفتحت الجنه الك ذرعانه
***
تمت
تحسين الخفاجي
وامحمداه ~هاي هي الزهراء المفجوعة بمصاب والدها حين تزور قبر والدها يغشى عليها من شدة البكاء والحزن واويلاه ومصيبتاه
*وامحمداه~*
*عظم الله لك الاجر يا زهراء بمصاب رسول الله ص كاني بالزهراء ع جلست عند قبر رسول الله ص تأن وتنوح وتنادي واويلاه وامحمداه ~لحن اسمع عتابي♪*
يالودعتني~ رحت وعفتني
منهو اليّه ~ لو فارگتني
بونّي ونوحي ~ إجيتك يا روحي
ضمني بلحدك~ وضمد جروحي
ظلمه المدينه ~ وبنتك حزينه
فدوا لك روحي ~وعمري وسنينه
دمعي وعتابه ~ وعمري وعذابه
فدوى يا نايم ~ تحت الترابه
بفقدك يا غالي ~ سودة الليالي
مهضومة بعدك ~ ومظلومة تالي
خادمة آل محمد ✍🏻
لحن جاوبني يا علي للملا محمد بو جبارة♪
يالنايم باللحد
ومفارق للأبد
عني صعبه تروح
وما ترجع لي بعد
فراگك ادري صعب
عالنايم بالترب
مفجوعة بفرگتك
ومني ذاب الگلب
بعدك انه انهضم
وضلعي مني انهشم
ويصبر حيدر علي
ومن بعدك ينظلم
وهذا الحسن غريب
والمنذبح تريب
سبطك ريحانتك
فوق الترب سليب
وحيدر خير العمل
يتقيد بالحبل
وانه بابي انعصر
والمحسن ينقتل
خادمة آل محمد✍
بعد شكوى فاطمة لابيها بما جري عليها من مصائب ومحن فلو انك حاضرا يا رسول الله وتنظر لامتك ماذا فعلتك ببضعتك الطاهرة
لحن يا ناقتي~
آيالنبي~ لو عينك تشوف الي صار
آيالنبي~ حرقوا علينا هالديار
آيالنبي~ البضعة عْصروها بالجدار
ها بضعتك~ طايح جنيني من العصر
ها بضعتك ~ اتصوّب يبويه هالصدر
ها بضعتك~ ومني الضلع ويلي انكسر
راح اشكي لك~ كل المصايب والمحن
راح اشكي لك~ والشكوى لله من الزمن
راح اشكي لك ~ گومي انظر لأم الحسن
واذا بجواب من داخل القبر~
يا بضعتي~ كفي النياحه ودمعتك
يا بضعتي~ راح اشكي لله محنتك
يا بضعتي ~ بيوم القيامة ظْلامتك
يا فاطمة ~ الك موقف بيوم الحشر
يا فاطمة ~ هناك اطلبي بضلع انكسر
يا فاطمة~ والمحنة واخفاء القبر
يا صاحبة القبر المهجور يا صاحبة الضلع المكسور عظم الله لك الاجر يا زهراء~
* خادمة آل محمد✍
#وامحمداه
*شكوى فاطمة الزهراء ع لأبيها رسول الله ص* / لحن والله حيرة حيرتي♪
بويه بعدك انظلم
وتدري ضلعي ينهشم
ما احتمل بعدك هضم
لو فارگتني يالرسول
آنه فاطم يبويه آنه فاطم~
〰️〰️〰️〰️
المن تعوف الغريبه وعنها بويه ترتحل
تنزل عليّه المصيبه وبويه من بيتي رحل
يهجموا كلهم عاداري ويضرب بنيتك نذل
يهشّم ضلوع الزچيه بعصره محسن ينقتل
تدري بعدك صابره
والضلوع مكسّره
بسطره صفعوا وجنتي
بعصره ذات مهجتي
من ورا الباب وأنادي آنا فاطم يبويه
〰️〰️〰️〰️〰️〰️
من الوذ ببابي تدري يعصروني
ومن انادي بويه وينك يلطموني
أنتخي وتسمع شكاتي يروّعوني
ومن جنيني تدري بويه يسگّطوني
تدري بعدك صابره
والضلوع مكسّره
تجري بعدك دمعتي
وابقى انه بحسرتي
من ورا الباب وأنادي آنا فاطم يبويه
〰️〰️〰️〰️〰️〰️
خادمة آل محمد ✍🏻
لأستشهاد الرسول محمد عليه وعلى آله الصلاة والسلام
------------------------------------------
مدفون ابوهه اليوم ونت فاطمه
---------------------------------------------
يا بويه ها يلحيد
من عندي رحت بعيد
كل الدمع ميفيد
يا چفي ليش تبيد
ارد ابچي والچفين علخد لاطمه
مدفون ابوهه اليوم ونت فاطمه
***
يمك ردت يلروح
وگليبي هل مذبوح
گبرك عطر ويفوح
بويه الدمع مسموح
حد ما تموت العين يلفيهه العمى
مدفون ابوهه اليوم ونت فاطمه
**
غرب عجيد الگوم
يوم الحزن هليوم
ها يلمتت مسموم
ظل الگلب ملچوم
وياك اريد وياك آنه إمعلمه
مدفون ابوهه اليوم ونت فاطمه
****
بويه الترب غطاك
من عمري هاك وهاك
ما عيش آنه بلياك
خليني اموت وياك
عطشانه الك بس گوم كاتلني الضمه
مدفون ابوهه اليوم ونت فاطمه
**
راح الحنين شلون
يا حيرة المدفون
اهل الوفى ايغربون
بس من وكت يمشون
تحت التراب الحيد يمضوي السمى
مدفون ابوهه اليوم ونت فاطمه
****
من عمري كون سنين
لاهل الوفى الطيبين
بين المنيه وبين
مكسوره أم حسين
وياهه ابو الحسنين حماي الحمى
مدفون ابوهه اليوم ونت فاطمه
*****
وشلون ارد للدار
بالبيت اظل خطار
شيطفي هاي النار
يا گلبي يلمحتار
راح ابقى بالدمعات دوم امحزمه
مدفون ابوهه اليوم ونت فاطمه
كلمات الخادم / رعد الفريجي
أبآخر ساعاته .... نزلت دمعاته
وعينه دار الفاطمه
.....
جان يعلم ... بعد موته ... ابنيته ياذوهه
والوصيه ... البيهه وصه ... ما يرحموهه
ولذلك عينه دار اعليهه
ودعاهه ابدمعته اليجريهه
جنه راد ابمحسن ايعزيهه
هاي قصته امن اول التاليهه
سولف بدمعه .... شيجري عل بضعه
من الصحّبه الظالمه
........
هوه يبجي .... وهيه تبجي ... ابساعة الفركَه
كلشي ساكت ... والمدامع ... تنزل ابحركَه
صوره ما ممكن ابد نسيانهه
بجَّت الدار وبعد حيطانهه
راس ابوهه الزهره بين احضانهه
قبل موته حضَّرت احزانهه
ابموتته خله .... بيهه جم عله
والشهد حامي الحمه
.......
ام ابوهه ... تنعى ابوهه ... ابكسرت الخاطر
ادكله بويه ... ياهو اليه ... لو رحت باجر
أُبقى يمي يا أعز من روحي
لا تخليني أظل وي نوحي
اوياك اخذني وانه احير ابروحي
ماكو غيرك بلسم اعله اجروحي
صاحت ابحركَه .... رايده الملكَه
يل عليك امعلمه
......
غمض عينه ... وعاف بنته .... بس علي وياهه
أشد موقف ... هذا مرهه ... وحيل اذاهه
أشد من كسر الظلع والعصره
ألماهه موت ابوهه الزهره
شيدت بيت الحزن بالعبره
وصارت اعليه تنتحب بالحسره
بالحزن عاشت ... لحد ما ماتت
الجفن نازف دمه
.......
جان عدهه ... الزهره ابوهه .... اغله ما عدهه
روحه فاضت ... بين اديهه ... وبقت وحدهه
بعده ما شافت فرح بعيونهه
ليل وانهار البجي ابماعونهه
ماكو واحد كال الله ابعونهه
انظلمت ابظلم الذي ايكرهونهه
بيهه ما رحمو .... جم ظلع كسرو
الخالفو حكم السمه
......
✍ كلمات : موسى الخادم
بين موتك والظلع ... ساعات
بين بابي وحركته ... لوعات
بين خدي وسطرته... دمعات
يا مصابي ... يا عذابي ... بوية بعدك
......
بعدك ما نزلت الحفرتك بوية
وبعدها امن البجي ما شابعه اعيوني
بديت انظر صور ما جانت ابالي
بين الباب والحايط يعصروني
ومحسن يوكع ابلا روح
مسلوب الجسد مذبوح
من ايدي عزيزي ايروح .... يابوية
كلش بعدك يختلف ... مأسات
بين بابي وحركته ... لوعات
بين خدي وسطرته ... دمعات
.....
هاي الصوره الاولى وشدهت أفكاري
اخاف افتح بعد صوره وتبجيني
اخاف انظر علي بحبال متكيد
وانه مكسرات اظلوعي تاذيني
بعدك بوية اعيش الآلام
عدوك يرمي كلبي اسهام
اخلص اشلون هالايام .... يابوية
عكب عينك تختفي ... الضحكات
بين بابي وحركته ... لوعات
بين خدي وسطرته ... دمعات
.........
اخذني اوياك بوية شلي بيامي
اذا مو انت بيهه فرحه ما بيهه
اخذني العالمك ما بيه اعيش اهواي
متعوده اعله شوفك عيني تدريهه
قبل ما تنسطر هالعين
ومن عندي يروح حسين
اخذني اوياك ماشي الوين ... يا بوية
نار بية تستعر ... جمرات
بين بابي وحركته ... لوعات
بين خدي وسطرته ... دمعات
......
بعدك صحبتك تحرك علي داري
واظل محتاره بين النار واطفالي
ميراعون حقي يا رسول الله
ينكرون الوصيه ابموتك اكبالي
بعد موتك وجه الاشرار
يبان وتنفضح لاسرار
شيطان اليشب النار ... يابوية
يرجع العابد صنم .... ما مات
بين بابي وحركته ... لوعات
بين خدي وسطرته ... دمعات
........
باجر بالسقيفه ينهدر دمنه
ويتنصب خليفه قاتل اوليدي
والسالب فدك من عندي بالباطل
ما ريدا حياتي اوياك اخذ بيدي
يابوية الامر محتوم
بعدك كل جرح مجلوم
ما يبقى ولا معصوم ... يابوية
بالمأتم تعتلي ... الصيحات
بين بابي وحركته ... لوعات
بين خدي وسطرته ... دمعات
....
كلمات
موسى الخادم
كلمن ايفارك حبيب .... ليلة يكظي بالنحيب
وانه فاركت الابو الجانالي خيمة
.....
الجانالي خيمة اتفي الي خلصت حياتة
عن عيني غاب وما بقت بس ذكرياته
راح وتركني للحزن ساعة وافاتة
يا وسفة ضماه الكبر حلوة صفاتة
ويلي من عظم المصاب ....وجه غطاه التراب
عني غاب وغابت ارسومة العظيمة
......
مو هين افراك الابو اعظم مصيبة
يترك جرح عاجز يظل يشفي طبيبة
ما بي يحس بس الفكد مثلي حبيبة
مالومة لو عمرة انكظة بونة ونحيبة
الفارك احبابة يجن ..... ليلة وانهارة يون
كل فرح ما يبقى عندة يا هضيمة
.......
ما ينشف بعيني الدمع ﻻخر حياتي
عالفاركاني ابقى انتحب حتى ابوفاتي
ثكل المصيبة والحزن غير صفاتي
ا يا عظمهة الفاجعة يشرحة ذاتي
عيشتني بالقهر ..... حنت من عندي الظهر
امصيبة مو هينة الصرت بيهة يتيمة
.....
انه البتول الطاهرة انه الزجية
نار بدليلي اموجرة العظم الرزية
وينة اليواسيني المسة بدمعة جرية
مات الحبيب المصطفى راعي الحمية
راح وتركني للهظم ...... والدمعت الخد واللطم
والبيت الاحزان البنيتة بوسط هيمة
.......
دنياتي بعد المصطفى يخنك هواهة
ظلمة اصبحت وابلا ضوة غايب ضواهة
غيمت حزن غيمت دمع مطرت سماهة
الفكد النبي روحي اصبحت وحشة تراهة
كل فرحة ما ظلت الي ..... بعد النبي يشهد علي
قصتي انه من بعد النبي صارت أليمة
.......
كلمات
موسى الخادم
فاطمة الزهراء تناشد و ترثي أباها رسول الله صلى الله عليه واله وسلم
لانرحل يا ابي لاترحل
لاترحل يا ابي لاترحل
ياشمس دنياي يمضوي حياتي
لو مشيت استعجلت بعدك مماتي
ادري بويه احلامي انت وامنياتي
اعلنت في روحتك ساعة وفاتي
لاتذبل وردتي لاتذبل
لانرحل يا ابي لاترحل
*--------------*------------*---------------*
كتبت الدنيا علينا الفركه كتبت
المصابب وحده وحده اعلينا حسبت
يامحمد فاطمه بفيك نربت
باجر انياب الخيانه بجفها تنبت
تتبدل حالتي تتبدل
لاترحل يا ابي لاترحل
*-------------*------------*---------------*
لانخليني وراك ويبدي الغياب
الدنيا ماتسوى يبويه بدون الأحباب
أنا ادري الدنيا وحشه وبيها طلاب
بس تغيب وراح يطلع يلزم الباب
يتمرجل عالنسا يتمرجل
لاترحل يا ابي لاترحل
*-------------*--------------*----------------*
انت تدري لو رحت يتغير الحال
تدري بنتك فاطمه يظلموها الانذال
لا وصيه ولا ارث نكروها الرجال
بالقرابه وصيتك لا اجر لامال
مايندل سنتك مايندل
لاترحل يا ابي لاترحل
*---------------*-------------*-------------*
تاملت ماترحل وابقى بدلالك
وابقى اعيشن بالمحنه وبجمالك
تالمت من الصحابي بناره جالك
فاطمه يروعها ويروع عيالك
اتامل غربتي اتامل
لاترحل يا ابي لاترحل
*---------------*---------------*--------------*
محمد دعبل النوري
نعي اوحديث الشهاده الرسول عليه الصلاة والسلام
جأت الزهراء عليه السلام الى ابيها قالت ياأبي اتريد أن تفارقني اتعلم مايحل بي بعدك يأبي قال نعم اعلم تصبري يابنيه سوف تمر عليك مصئاب كثيره فصبري قالت أصبر على الأذى الاكن الااصبر على فراقك فحضنها وجعل يبكي عليها
ايكله
ليش تبجين بويه يفاطم ليش تبجين
تجرحين كلبي من تنوحين
يبعد اهلي يبوبه ياضوه العين
.........................................
تكله بويه محله الابو محله غلاته
لوصاحلي بويه شحلاته
وانه العزيزه من بناته
................................
بويه الابو مريود بشدات
وخلافه اتذل البنيات
ردت ابونه بعد هيهات
..............................
بكى الرسول من كلام الزهراء عليه السلام ورفع يده ومسح على رأسها ومسح دموعها تكله بويه هسه تمسح دمعتي بس من ايهجمون عليه منو يمسح دمعتي
تكول الزهره
مسح دمعتي اويكلي اسكتي
تحركين كلبي لوعتبتي
نزلتي يابوي دمعتي
.............................
ثم اوصها بوصيا وقال لها انتي اول متلحقين بي لاتبكي ياحبيت قلبي ونور عيني فتسبله يديه ومد رجليه وفاضت روحه الطاهره فنادت فاطمه ومحمداه وابتاه لقد قطعت نياق قلبي
تكله
بويه انتفارك مضنيت انه وياك انتفارك
ونه ويلموت يابويه معارك
ضلمه وخليه اليوم دارك
...................................
راح الابو الينشد عليه
وحس اليتم والضيم بيه
وياك اموتن لوبديه
................................
الدار هجمو عليه بويه الدار
وجوبابي حطب بنار
شلون الوكت يابويه غدار
...................................
سمعها ابو الحسن علي عليه السلام قال يافاطمه لاتبكي والله الملائكه تبكي البكائكي ثم نضر الى الرسول وتذكر الايام الذي قضاها معه بكي
ايكله
انه وياك عشرتنه طويله
شلون نتفارك اليله
ياخويه الكلب فارك دليله
.. ..............................
اشلون بيدي اغسلنك
اوللكبر خويه اشيلنك
الدنيه ضلمه والله بعدك
................................
شيفاركك يلفاركتني
وشلون كلي اتروح عني
احس الكلب ايروح مني
................................
وداعا ودعا يامحمد يامحمد
تم بعون الله تأليف خادمه زينب عليه السلام ام حسين من العماره الايجوز حذف الاسم نسالكم الدعاء 🏴🏴🏴🏴🏴🏴🏴😭🏴🏴😭😭