7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصائد مقدمة المجلس
#رقم_46
شهادة #الإمام_الحسن_العسكري عليه السلام
الشيخ محمد سعيد المنصوري (١٤٢٨ هـ)
1_ قَدْ شَفَّنِي الوَجْدُ مِنْ قَرْنٍ إِلَى قَدَمِ
فَبِتُّ والطَّرْفُ لَمْ يَهْجَعْ وَلَمْ يَنَمِ
2_ أُصَارِعُ الهَمَّ في السَّلْوَى فَيَصْرَعُنِي
هَمِّي فَأَرْجِعُ مَغْلُوباً عَلَى هِمَمِي
3_ فَالعَيْنُ تَأْبَى بِأَنْ تَرْقَى مَدَامِعُهَا
وَالقَلْبُ يَأْبَى بِأَنْ يَشْفَى مِنَ السَّقَمِ
4_ حَتَّى أَرَى الطَّلْعَةَ الغَرَّاءَ قَدْ بَزَغَتْ
لِلَغائِبِ المُرْتَجَى مِنْ جَانِبِ الحَرَمِ
5_ لِيَأْخُذَ الثَّأْرَ حَتَّى ثَأْرَ والِدِهِ
مِنْ عُصْبَةٍ ما رَعَتْ حَقّاً لِذِي رَحِمِ
6_ يَا سَيِّدِي، لِأَبِيكَ "العَسْكَرِيِّ" لَقَدْ
أَسَاءَتِ القَوْمُ في فِعْلٍ وفي كَلِمِ
7_ أَنْتَ المُعَزَّى وما إِلَّاكَ مُنْتَظَرٌ
يُحِيلُ أَعْداءَ دِينِ اللهِ لِلْعَدَمِ
8_ فَيَوْمُهُ كَانَ يَوْماً حَزَّ في كَبِدِ
الإِسْلامِ جُرْحاً مِنَ الأَحْزانِ وَالأَلَمِ
9_ فَمَا غِيَابُكَ إِلَّا مِحْنَةٌ عَظُمَتْ
عَلَى مُحِبِّيكَ مِنْ عُرْبٍ ومِنْ عَجَمِ
10_ أللهُ أَكْبَرُ كَمْ قاسَيْتَ مِنْ مِحَنٍ!
ومِنْ كُرُوبٍ عَصَتْ عَدًّا عَلَى القَلَمِ؟
**
يبو صالح جزاك العِتَب واللّوم
تظل صابر على أخذ الثّار لليوم
يا هو المِن هَلَك ما راح مظلوم
لو مذبوح لو مجتول بالسم
العجب كل العجب منك يمحجوب
ما تظهر تجيم إعليها الحروب
نسيت إلى سبوها وگطعت دروب
لو ناسي الضلع لمن تهشم
راعي الثار ما يظهر علامه
وينشر لليتانونه علامه
نسه بمتون عماته علامه
بأثر اسياط زجر وجور اميه
مراثي الأطهار عليهم السلام
إن ضقت ذرعاً والبلاءُ دهاكا
بصوت الخطيب الشيخ عقيل الخاقاني
وَرَدَت بفضلِكَ أعظمُ الآثارِ
بصوت الشيخ سالم التوبي
*الزهراء ع ومصيبة ولدها العسكري ع*
لحن الخضيب♪
الزهره الزچيه نايحه اتعنت لسامره
تنصب عزيه وفاتحه مدمعها هلّ عبره
تنادي يا مسموم الچبد
وگعْدت على گبره
يالعسكري گلبي انفطر لمصيبتك هاليوم
آيمسموم~آه³
〰〰〰〰
صوت الونين من الگبره يازهره كفي النوح
جسمي توسّد باللحد سالم ما بيه جروح
ابكي الغريب بكربله
يلي اندفن مذبوح
نوحي لحسين وذبحته
وضلع الصدر مهشوم
〰〰〰〰
آنه بنعشي اتشيّعت وجدي على الغبره
تابوته خطيّ القنا وراسه برمح يبره
نوحي الذبيح بكربله يمه انگطع نحره
لا تبكي يمه مصيبتي وانا الچبد مسموم
〰〰〰〰
خادمة آل محمد✍🏻
المدمع صفه عنوان الي والغربه صارت مصدري
وبوجنتي يخط الدمع قصة حزن لوتنقري
اتصدع الجبال من القهر وانصحها روحي اتصبري
معتني المحاي العلل. هو اليطيب خاطري
اشكيله من جور الزمن من دمع شيب ناظري
من دنيا مابيها رحم اتبيع بأهلها وتشتري
لوعسكر بگلبي الحزن ينزاح يم العسكري
الشاعر حسن لعيبي الحريشاوي
وَ کانَتْ فاطِمةُ سِلامُ اللّهْ عَلِیهْا قاعِدةً خَلفَ البابِ،
قَدْ عَصَبَتْ رأسَها، وَنَحَلَ جسمُها فْي وفاةِ رسولِ اللّهْ،
صلّي اللّهْ علیهْ وَآلهِْ وَسلْم،(۱) فَلَمّا رَأتهُمْ أَغْلقَتِ البابُ في وُجُوهِهِم،(۲)
المصیبه:
الجسم منها نحل من الأذیه
لیل انهار دمعتها جریه
تصیح ابصوت یاسیدالبریه
تعال و شوف بویه اشصار بیه
انه بنتك انه الزهره الزچیه
عگب عینك تمنیت المنیه....
فَأدْخَلَ قُنفُذُْ یَدْهُ یَرْوْمُ فتْحَ البابِ(۳)
فَأخَذَتْ، فاطِمَةُ سَلامُ اللّهْ علیها بِعُضادَتَي البابِ،
تَمنَعُهُم مِنْ فَتْحِهْ،(۴)وْ قالَت ناشَدْتُکمُ اللّه و بإبي،
رَسولِ اللّه أن تَکفّوْ عَنّا وتَنصَرِفوْا(۵)
المجارید:
یبویه الگوم عگبك لوعوني
ابحطب والنار تدري روعوني
حته من البچي اعليك امنعوني
و اعله الوجه یالهادي اسطروني
یبوابراهیم بالباب اعصروني
و اعله الگاع یاویلي اسگطوني
الأبوذیه:
لعد دار الزچیه العده یارت
من الألم گوه النفس یارت
عله الصاحت یبویه عدل یارت
تشاهد کسرو اظلوع الزچیه
لخادم الحسين علي فلاح الواسطي
١ربيع الأول
١٤٤٦
۱:کتاب سلیم بن قیس الهلالي ص۸۲۶
۲:تفسیر العیاشي ج۲ص۶۷
بحار الأنوار ج ۲۸ص۲۲۷
۳:الهدایة الکبري ص ۱۷۹؛بحار الأنوار ج۵۳ص۱۹
۴:بحار الأنوار ج۳۰ص۲۱۹
۵:بحار الأنوار ج۳۰ص۳۴۹
الهجوم علی دار الزهراء عليها السلام
🏴🏴
ابوها فاگدَتّه وحيل منكوبه
وفاتحته بعدها ابيته منصوبه
🏴
بعده اسبوع ماصار لفگد ( طه )
والزهره الهضم والظيم غطّاها
العتبه الچان بس النبي ياطاها
اليوم عليها نار الحقد منشوبه
🏴
التفگد ابوها الناس يعازوها
وفاطمة النبي بالسوط جازوها
وازوها اعله بيت الحزن وازوها
مكسورة الخاطر فدك مسلوبه
🏴
اليرضا لرضاها الباري مسطوره
خدها انصفع والاضلاع مكسوره
بفجيعه اعلنبي ومظلمه المعموره
بعدها . وفاطمة تشم بعطر ثوبه
🏴
بعده اسبوع ما دار اعلفاتحته
اماسيته الحزن فاطمه امصابحته
وعرش الباري ناصب بعده نايحته
والزهره انولت والعين مضروبه
🏴
عله الهادي بعدها تنوح نسوانه
وگعدن بالسقيفه فلانه وفلانه
وبرز روحه اللئيم وصاح هاذ آنه
الخلافه نجيبها بالگوه هنّوبه
🏴
مادامه علي مشغول بالدفنه
خنفزع البيعه نجيبهه منّه
مو برضاه بالگوه ورغم عنّه
لخلّي الامه كلها اعليه مگلوبه
🏴
بنات فلان وفلان السعن بيهه
لكل منهن ابو ماكر امربّيهه
جريمتهم عله فاطمه مرتبيهه
قبل موت النبي هالخطه محسوبه
🏴🏴
عجم الله لنا ولكم الاجر
واحسَنَ العزاء
ام محمد الحجاج
جديد ربيع الأول١٤٤٦هـ
رجوع السبايا للمدينة
العليلة وأمّ البنين وبشر بن حذلم
تـــنـــشـــد فاطمه ويّا أمّ لبنين
ياناعي الأهل باقي الأهل وين
يالنَعْيَك فجعنا بالحسره اجتمعنا
ياناعي الأهل باقي الأهل وين
ـــــــــــــــــــــــــــــــــ
فاطمه الخلاّني بـويه ابعلّتي ونــوح وقهر
من رحل مانمت ليلي وعاشرت همّ اوسهر
صـــوتـــك بـهـاليوم دوّى بالمدينه شالخبر
بالله بشّرني بقدومه وقــلّــي جاني يابِشِر
متحيّر بقى شيقلها شيصيح
ردّو للوطن لـــو هـم مذابيح
متغيّر وضعنا بالحسره اجتمعنا
ياناعي الأهل باقي الأهل وين
ـــــــــــــــــــــــــــــــــ
قلها سمعي يـالـحزينه والدمع عالخد جرى
بكربلا خـلّـوه ضـامـي والشمر حـــز منحره
لـــچ رجع ضعن المهابه بـــس تغيّر منظره
اميسّره أصبح إسمها القبل چان امخدّره
عـن زيــنـب جوابي يالتنشدين
بغير حسين ردّت إخت لحسين
متشتّت جمعنا بالحسره اجتمعنا
ياناعي الأهل باقي الأهل وين
ـــــــــــــــــــــــــــــــــ
تلطم اعــلــى الراس يمها إجت أمّ الأربعه
قلها عباسچ چفوفه اعــلـى النهر متقطّعه
مــو لـجــل ذبحة بنيها خــر طفلها من نعه
تدري معناها بواليمّه راسه الطاغي ارفعه
صاحوله نريد انروح يمهم
قلهم بالحزن نصبو خيمهم
لـلــونّــه تبعنا بالحسره اجتمعنا
ياناعي الأهل باقي الأهل وين
ـــــــــــــــــــــــــــــــــ
فاطمه الزينب تعنّت يــمــهـا بالآه اصرخت
عــمّـــه ياريحة أبويه وللصدر إلها احضنت
چنّه مـــو كامل عــددكم منهو اللّي ماإجت
بالخرابه إختچ رقيّه اهناك عفناها وقضت
وعبدالله الرضيع الـقــوم ذبحوه
وصوت المنسمع يا بنتي سمعوه
بس نسوه رجعنا بالحسره اجتمعنا
ياناعي الأهل باقي الأهل وين
ـــــــــــــــــــــــــــــــــ
عندي يــم لبنين حضري زينب اتصيح بنحيب
يُـمَّــــه ضمّيني أريـــدن أبچي لمصاب السليب
الماتم الأوّل أقيمه بـلا ضرب لـــجـــل الغريب
عظّمت ليها أجرها بصاحب الشيب الخضيب
بحسينچ يازينب آنـه أعزيچ
وبالعباس واسيني وواسيچ
مانقطع جزعنا بالحسره اجتمعنا
ياناعي الأهل باقي الأهل وين
ـــــــــــــــــــــــــــــــــ
تمت بحمد الله ومنّه ٣٠ربيع الأول ١٤٤٦هـ
نظم خادم السيدة الزهراء عليها السلام
ياسين جواد العبد الرضا
▪️في مصيبة مولاتنا الزهراء (عليها السلام)
وروي أيضا إنها صلى الله عليها ما زالت بعد أبيها معصبة الرأس، ناحلة الجسم، منهدة الركن، باكية العين، محترقة القلب، يغشى عليها ساعة بعد ساعة.
بيت الأحزان - الشيخ عباس القمي ص ١٦٦
١/(ما زالتِ الزهراءُ) منْ بعدِ النَّبيْ
محزونةً تُبْكِيْ الوجودَ اليثْرِبِيْ
أيَّامُها اظْلَمَّتْ بفقدِ الكوكبِ
تدعوهْ قمْ وانظرْ مآسي فاطمَهْ..
٢/للهِ رزْءٌ فادحٌ ما أعجَبَهْ !
ففاطمٌ قدْ أصبحتْ (مُعصَّبَهْ)
مقْروعةَ الرَّأسِ تنادي : يا أبَهْ
ملطومةَ الخدِّ بكفٍّ آثِمَهْ
٣/واسطةُ الألطافِ ، مشكاةُ الرِّضا
(ناحلةَ الجِسمِ) يراها المرتضى
لكنَّها تكتمُ ضِلْعاً رُضْرِضا
منْ عصْرةٍ بالبابِ كانتْ ناقِمَهْ
٤/أمُّ الهنا ، آهٍ غدَتْ أمَّ العَنا
( مُنْهَدَّةَ الرُّكنِ ) ، لها الظهرُ انحنى
إنْ قصدتْ ليلاً تزورُ المُحْسِنا
لمْ تستطِعْ بأنْ تسيرَ قائمهْ
٥/ما زالتِ الزهرا بِوَجْدٍ "منْهُما"
(باكيةَ العينِ) على حامي الحِمى
لمْ تنسَ حبلَ الذِّئبِ جرَّ الضَّيْغَما
وفوقَها تهوي السياطُ الظالِمَهْ
٦/تبَّاً لهُمْ ! بِحالِها ما رفِقوا
فقلْبُها كبابِها ( محترقُ)
هلْ مُصْحفاً أمْ رئةً قدْ مزَقُوا
إذْ باغتَ المسمارُ صدْرَ العالِمَهْ
٧/ذي عِلَّةُ الإيجادِ أمُّ العترةِ
آهٍ هوتْ طريحةً في علَّةِ
(يُغْشى عليها) منْ عظيمِ المحنةِ
حتَّى قضتْ ، وما رأَوْها باسِمَهْ..
تمَّتْ بعناية الحجة (عجل الله تعالى فرجه الشريف)
الشاعر علي عسيلي العاملي
#الهجوم_على_الدار
#اللهم_عجل_لوليك_الفرج
ابوذيات استشهاد السيدة سكينة عليها السلام
يظامي لسَكْنِتَك إنهض و دارِك
نوايح بالملا صارت و دارَك
على بنتك الأجَل حَوَّمْ و دارِك
بُگت بِسْمَك تنوح اِبْهَالمنِيّه
===================
غُمَض جَفْن الحَتِف منها و غريبه
و دَمِعْها بكربلَه هاطِل و غَري به
ينادي حسينه و الحيدر و غريبه
يصب ينَخّي برجال الحَمِيّه
===================
تذوب المُهْجَه ع الحُرَّه و نُوَبْها
الأجَل ليها يمد إيده و نُوَه اِبْها
اشكثر عانت من الدنيا و نُوَبْها
عقب ذبح الولي بالغاضريّه
===================
الشاعر : أبو شهيد الأحسائي
الأربعاء ١٤٤٦/٢/٣٠هـ
════════════
*لا يجوز و محاسب شرعاً حذف او تغيير التوقيع*
عودة الحوراء
محمد باقر أحمد جابر
السيدة زينب تشكو لأمها ما جرى على الحسين في كربلاء
(لحن الجفيري)
عادتْ.. وقد طالَ السَّفر
عادتْ.. بها القلبُ انكسر
عادتْ متى انْشَقَّ القمر
عادتْ بلا رأسِ الغريبْ
*
عادتْ بلا زوجِ الربابْ
تشكو لفاطمةَ العذابْ
جسمُ الحسينِ على الترابْ
والرأسُ مقطوعٌ تريبْ
*
رأسٌ على رُمحٍ علا
آياتِ نَصرٍ قد تلا
أمّاهُ في كربِ البلا
مولاي مذبوحٌ خضيبْ
*
أمّاهُ ما أقسى الحياةْ
قدْ مِتُّ حينَ حسينُ ماتْ
ويلاهُ قد منعوا الفراتْ
عن سيِّدِ الخلقِ المهيبْ
*
أمّاهُ قومي وانْدُبي
قد رضرضوا صدرَ النبي
سبطُ الهُدى لم يَشرَبِ
في الطفِّ مقتولٌ سليبْ
***
...................
الشاعر محمد باقر أحمد جابر (العاملي)
سكينه .. يقصة نحر دامي وجود وچفوف
سكينه .. يجرح ومابره من يوم لطفوف
وعد عباس انتي
وتنادي لين متي .. يعباس يعباس
@@@
يشيعه اسكينه بالدمعه اندبوها
حنينه ابنيه واتذوب بأبوها
ومثل ورده ابمحرم عذبوها
وبعد عمها ابدماءه خضبوها
…
ابمحرم .. مشى عمها بوعد لي صوب لنصول
ابمحرم .. وبعد چتله انطحن بجدام لخيول
يروح اعليه همتي
وتنادي لين متي .. يعباس يعباس
@@@
عزيزة بوالفضل هذي سكينه
ولجل وعده رمى ايساره ويمينه
ولفت عمها انفضخ هامه وجبينه
ونحر مرفوع والسهم اعله عينه
…
يوفاي .. تگله ردتك و ما ريد للماي
يوفاي .. لان بعدك فلا يبقلنه حماي
أمر گلها لطلبتي
وتنادي لين متي .. يعباس يعباس
@@@
گضيتي هالعمر تبچين عباس
على شاطي نهر مفضوخ بالراس
لچفوفه الگطعتهن غدر لرجاس
وبعدهن عالهزل داروچ بالناس
…
بلهزول .. سبيه امگيده وحاديچ ظلام
بلهزول .. وتجر ابرگبتچ احبال ليتام
تطيح وانتي طحتي
وتنادي لين متي .. يعباس يعباس
@@@
اميره وصرتي ياسكنه اسيره
بعيونچ صوره لشيوخ العشيره
ذبايح والعظم منها كسيره
وخذاكم للدعي البايع ضميره
…
بلمتون .. سياط الوان سوت من ضربها
بلمتون .. رماح اوعلمت بيها كعبها
العزيزه شلون هنتي
وتنادي لين متي .. يعباس يعباس
@@@
صغيره والغصص جات اشكبرها
ويهدم كل جبل راسي صبرها
الابوها جثته ذبحوا نحرها
وشفاهه بالطشت طگوا ثغرها
…
ابخرابه .. گظت تالي اسيره ولوعتها
ابخرابه .. ومع فگد الابو فگدت اختها
وتوح الماتت اختي
وتنادي لين متي .. يعباس يعباس
@@@
علي أحمد الحمود
٤-٩-٢٠٢٤
وفاة سكينة ع
قصيده للنبي محمد صلى الله عليه وآله وسلم
وزن هجري
😭😭😭
اليوم دمع الزهره صب من عينها
وينحب وياها الحسن وحسينها
شال والدها ورحل
سند ماعدها وامل
واه نبياه.... واه نبياه
😭😭😭
اليوم مهضومه الزجيه تصرخ بحرگه وتون
مفارگه عزها وسندها والگلب مملي حزن
حگها خل تنصب عزيه وتنعه والدها بشجن
الدنيه من عگبه مظلمه
ويصرخ حسين وحسن
شال شمعة دارها
وانطفت انوارها
واه نبياه... واه نبياه
*الشاعره ام روكــ✍ـــان الشمري*
😭😭😭
اليوم وحشه دار ابوها ومظلمه عليها اصبحت
جانت منوره وزهيه والقناديل انطفت
غاب نور الهادي بيها والملايك غربت
حايره الزهره الزجيه الفرگة الوالي بچت
فگد ابوها مهظمه
ياسندها والحمه
واه نبياه.... واه نبياه
*ام محـ✍️ـمد الساري*
😭😭😭
من هظمها الزهره ناحت
بويه يالهادي تصيح
ضاگت الدنيه عليه
واظلم الكون الفسيح
من بعد عينك يوالي
شيجبر اگليبي الجريح
ياسعد روحي وملاذي
بحضنك الدافي استريح
گوضت ذيج السنين
وياك اخذني يالحنين
واه نبياه... واه نبياه
*ام منـ✍️ـذر الحجار*
😭😭😭
صاحت الزهره أهظموني
أوزايد أعليه الونين
وأنگشع ظلي العليه
يوم ودعني الحنين
بويه گومك مارعوني
أوسگطوا مني الجنين
وأدفعوا بابي عليه
وقيدوا هيبة الدين
أشلون عينك غمضت
ماگلت بتي بقت
واه نبياه... واه نبياه
*أم طاهـــــ✍️ــر نجف*
😭😭😭
قيدوا حيدر يبويه
وعذبونه ابغيبتك
والسقيفة بلايا رحمة
تدري ظلموا عيلتك
وحرگوا العدوان بابي
وانكروها اوصيتك
الجان اسمهم هالصحابة
شلون تالي جازتك
عذبوني انه البتول
نكروا اوصيت الرسول
واه نبياه... واه نبياه
*ام زهــ✍️ـــراء الزيداويه البصراويه*
😭😭😭
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
✍️✍️✍️✍️✍️
▪️إرتج الكون▪️
ارتج الكون لمصاب ام الحسين
مكسور الضلع والسطره عالعبن
———-
مكسور الضلع واتجرها ونات
شبعت ياعلي هضم اويه لوعات
يوم اويه محمد من غفا ومات
لانصبت عزيه ولا گضه اونين
———-
ماظل لا دمع لاظلت اعيون
منها ام الحسن گلي اشيريدون
اشبيهم هالصحابه الها يلوعون
المن يالزجيه الدمع تجرين
———-
ماتدري ياحيدر بالجره وصار
شبوها جمر اعليكم ونار
ودخلوا عالزجيه ابوسطة الدار
عصروها ياويلي وطاح الجنين
——
عصروها ياحيدر من ورا الباب
وهذا المصطفى توه غفا وغاب
ذاب امن الرزايا هالقلب ذاب
مشلوع القلب من فرگه إلحنين
———
مشلوع القلب عاللي مشى وراح
لا راعوا عزا ولاردهم اصياح
مجروح الدليل وزادوا اجراح
لانصبوا عزا ولا هم معزين
——-
✍️ #بنت_الشمري
٢٠٢٤
🏴بمناسبة رجوع ظعن السبايا من كربلآء إلى المدينة ...
⚫ هذه قصيدة من وزن :
(البحر الطويل)
كتبتها إستناداً على (سماعي) لقصتها من كبار الخطباء ، وهي تتحدث عن إعرابي كان يقصد الإمام الحسين ع في داره المباركة فيعطيه الإمام ع ويكرمه ، وبعد مقتله واستشهاده لم يكن يعلم به ، جآء على عادته ،
وكانت السيدة زينب (ع) تبكي أخاها في تلك الساعة فطرق الباب فقالت له الجارية ما تريد يا أخا العرب؟ قال أنا صاحب عادة جئت لقبض عادتي من سيدي الحسين فعادت الجارية إلى العقيلة زينب ع فأخبرتها بمجيء الإعرابي فأقبلت إليه زينب وقفت وراء الباب قالت: أخا العرب ما تريد؟ قال: ما عهدي بهذه الباب تغلق أنا صاحب عادة وقد جئت الآن لقبض عادتي منه فبكت مولاتنا زينب (ع) وقالت: يا أخا العرب إن الحسين ع في سفر .. فقال ومتى يعود ؟ قالت في سفر طويل .. فقال إن الحسين ع كبير قومه ولا يترك داره دون راع ٍ او نائب عنه
فأين أخوه العباس ع وأين ولده الأكبر ع واين ، وأين .. فبكت العقيلة ع وقالت ياأخا العرب لا تسأل عن أحد أعظم الله لك الأجر بالحسين فلقد خلفناه بأرض كربلاء جثة بلا رأس ومعه وِلدُه وإخوته وأما انا فأخته زينب ... (بتصرف)
⚫وافد گصد دور اهلي
يسأل عن ابو سكينه
⚫على العاده يجي بكل عام
نشدني حسين چا وينه
@@@@@@
⚫چاوين الكريم آنه
متعود أجي بكل عام
من چفه عليّه ايجود
حتى لو گصت لايام
على المسكين والمعتاز
عطوف ويحن عل الايتام
طبعه من النبي جده
ماكو سايل يرده
وبابه منهو اليسده !
مبخوت وسخي الحسين
ينطي وربه ليعينه
@@@@@@
⚫گلتله حسين ما موجود
سافر وبطريج بعيد
يهلگاصد على ابن امي
لا تنشد بعد وتعيد
لون تسأل ردود تشوغ
روحي وقهر گلبي يزيد
حالك چنه مايدري
بيه وشعمل دهري
وناري تحرگ بصدري
يابن العرب الله وياك
روح اسا وخلينه
@@@@@@
⚫رد گال النفل لو راح
يعّين واحد مچانه
مثل الاكبر وعباس
خلاف الوالي يرعانه
أهل الكرم أهل الطيب
أولاده و خُوّانه
مااظن ينسى عاداته
البلشدات وگفاته
الله اعله چلماته
تطَيّب الخاطر ونرتاح
وكل همنه تنسينه
@@@@@@
⚫أسولفلك يهالوافد
حسين انذبح واتوذر
وجسمه سلبوا ثيابه
وظل فوگ الثره مطشر
وراسه اعله الرمح شالوه
واهله تايها بالبر
عاري بلا دفن عافوه
جسد وبخيلهم سحگوه
گطرة ماي مارووه
ظامي وخنصره مبتور
وچفه احا مگطعينه
@@@@@@
⚫بعد شأحچيلك وعباس
ويلي گطعوا چفوفه
عينه بسهم صابوها
ومنه منطفي شوفه
وراسه بالعمد مفضوخ
ويمه الرايه ملفوفه
ظل علنهر چفالي
أخيي والأخو غالي
منهو خلافه يبرالي
ياوسفه اعله بوفاضل
واعله يساره ويمينه
@@@@@@
⚫عل الأكبر لون تنشد
شهيد انذبح ويه حسين
أطفال وشباب وياه
وسط الحومه مچتولين
وآنه زينب الحره
ولا واحد بگالي معين
تدري حيرتي حيره
وهضمتي وعلتي چبيره
عگب عباس ابوالغيره
تمنيت المنية وكون
عمري تخلص سنينه
@@@@@@
⚫شسولفلك وأيامي
بين النوح والآلآم
فوگ الهزِل ركبونه
ومشيت بولية الظلام
عگب الخدر مسبيه
واموتن لو ذكرت الشام
بحبل مچتوفه ضربوني
بشتم وصياح هانوني
وابچي ما يخلوني
يالوعتي شلون تهيد
وگلبي زايد ونينه
#سمير_الصالحي
#النجف_الأشرف
إن ضقت ذرعاً والبلاءُ دهاكا
بصوت الشيخ سالم التوبي
قصائد مقدمة المجلس
#رقم_143
رثاء #الإمام_الحسن_العسكري (عليه السلام)
الشيخ سمير الصالحي
1_ إن ضِقتَ ذرعاً والبلاءُ دَهاكا
والدهرُ في نصلِ الهمومِ رَماكا
2_ أُقصُد لسامِرا وعَجّل نحوَها
كيما يزولَ الكربُ مِن بَلواكا
3_ فيها الزكيُ العسكريُ ووالدُ الـ
مهديِِّ فاطلُب آنذاكَ قِراكا
4_ وهوَ الوصيُ خليفةُ الهادي بهِ
وبفضلهِ الباري الجليلُ هَداكا
5_ ومعاجزٌ ظهرَت لهُ قد أذهلَت
كلَّ العقُولِ وفاقَتِ الإدراكا
6_ لكنَّ حِقدَّ الظالمينَ أضَرَهُ
لعنَ الالهُ الباغيَ الأفاكا
7_ كم مرةٍ ذاقَ السجونَ وشايةً
لِدماهُ رامُوا حينَذاكَ سِفاكا
8_ ويلٌ لِمعتَمدِ الخيانةِ غالَهُ
وسَقاهُ سِراً سُمَّهُ الفَتاكا
9_ إذ فَتَّ أحشاءَ الإمامِ وهكذا
يَقضي غَريباً نائِياً مِن ذاكا
10_ وعليهِ بالأحزانِ ناحَ ملائِكٌ
وكذا السماءُ فأظهرَت إرباكا
11_ والحجةُ المهديُ نادى يا أبي
نفسي وكلُ العالمينَ فِداكا
12_ يا والدي أفجعتَني وبِوَحدَتي
سأظَّلُ طولَ العُمرِ في ذِكراكا
**
بچه المهدي وصرخ ياوالدي تروح
اوتعوف ابنك يتيم وگلبه مجروح
عله فراگك يبويه شاغت الروح
ومن بعدك لظل بحزن وبهم
يبويه العلم والغيره صفاتك
يركن الدين وانته الطيبه ذاتك
يبويه الما شفت راحه بحياتك
من عگب السجن دسولك السم
عليك اليوم سامره حزينه
ولأجلك كل موالي تسيل عينه
وعليك من القهر زايد ونينه
وعرش الله عله مصابك تولم
تفاركني وانه بالغربه وحدي
واهلي بعاد لا خوان عندي
وين اليوصل الطيبه ويودي
خبر جتلك لهاشم كون تعلم
حزينه هتفت الأملاك باسماه
ومآتم سوه رب الكون باسماه
اعله ابو محمد المات اليوم بِسُماه
غريب وجرع كاسات المنيه
مراثي الأطهار عليهم السلام
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
لاستشهاد الامام الحسن العسكري عليه السلام
ساكن گلوب الوفيه هوه الروضه العسكريه
★★★★★
نرثي اركان الامامه والمعارف والشهامه
نسچب الدمعه بمقامه بهلمصاب وهلرزيه
★★★★★
الباري سامره حفظها وجنه علدنيا فرضها
مسچ والياقوت ارضها أي وحگ سيد البريه
★★★★★
يبو الحجه شنهي ذنبك حيف بالسم يگضي نحبك
شكثر منهم عانى گلبك من المهد حد المنيه
★★★★★
جينه باحزان ومدامع بينه لوعات ومواجع
ندري يوم الحشر شافع وحگ من راحت سبيه
★★★★★
مقصد افكار الضلاله ينمحي وجه العداله
قدمت لكن رساله تزيح ليل الجاهليه
★★★★★
العسكري مولاي أجينه الگلب يمطر حنينه
زاد بمصابك ونينه ونت العاشک خفيه
★★★★★
مهديت ابكل اراده المن اتصير القياده
باچر اتكون السياده الصاحب الطلعه البهيه
الشاعر حسن لعيبي الحريشاوي
⬛️◾️القصيدة-1-◾️⬛️
أنادي ياحسينُ ولاجواب ُ
بقتلِكَ يا أبي ابتدأ الخراب ُ
وصِرنا بينَ ألوان ِالرزايا
وبعدَكَ قد دهانا الإغتراب ُ
بظلِكَ ياأبي عشتُ الأماني
وبعدَكَ قد تعاهدَنا السُباب ُ
سُبينا ياأبي للشام ِقسراً
وصُودِرَت العبآءةُ و النِقاب ُ
أنا بنتُ الخُدور ِفكيفَ أسبىٰ !
وحقاً إنهُ أمر ٌ عِجاب ُ
فكم ياوالدي قد قلتَ قولاً
بحقي تنحني منهُ الرقاب ُ
{لعَمرُكَ إنني لأُحِبُ داراً
تحّلُ بها سَكينةُ والرباب ُ
أُحبُهُما وأبذلُ جُلّ مالي
وليسَ لعاتب ٍعندي عتاب ُ}
#سمير_الصالحي
#كربلآء_القدآسة
قصيدة ( للموت انصارك ) إلى الامام الحسن العسكري عليه السلام
للموت أنصارك. يبن الإمام الهـادي
للمــوت زوارك. يبن الإمام الهـادي
من عدنه اخذ هذا العهد
منعــوف حبـــك للأبــد
***
يا نــور اليشع عالعـــــالم أبأســره
نــورك يبتدي مــن نور أبوالزهـره
مــو گبه ومنــاره گبــرك وحضـره
قـــرآن الجليـل وعلتــه وأمــــره
معروفه آياتــك. يبن الإمام الهادي
مرفوعه راياتك. يبن الإمام الهادي
والكــون لأنــوارك شهد منعــوف حبـــك للأبــد
***
يـا ســـر الوجـــود وعلـة التكــوين
ويالحبكم تمـــام لقـــدرته وللـدين
الحبكم فاز يا ابوالمهدي بالدارين
حبك ربنه خـــلاه ابأسـاس الطين
بتكوين طينتنه يبن الامـام الهادي
ياســـر محبتنه يبن الإمـام الهادي
بأصلابنــه أنطينــه العهد
منعــوف حبــــك لـلأبــد
***
يـــا ســـر الإلــه فــــاز الــــذي حبــــك
حــــرب الله أصبـــح سيـــدي حـــربك
مشــــروع العدالــــه شايلـــه أبصلبـك
الإمام المهدي بيه هل خصصك ربــك
نور الله بصلابك يبن الإمام الهادي
تنتظـره أحبابك. يبن الإمام الهادي
من الله ثابــت هالــوعد
منعــوف حبـــك للأبــد
***
صبـرك يالحسن حَيّــر جميع النـاس
صَبرك زلزل أعروش وهزم أرجـاس
انتـــه القارعـــه الهّزت بني العبـاس
ذلــوا سيدي بس أنته عالي الـراس
ظل راسك العالي. يبن الإمام الهادي
بالأول وتـــالــي. يبن الإمام الهـادي
ياديني أنتـــه ومعتقــد منعــوف حبـــك للأبــد
***
مفطوم أعلــــى حبــك عايش أبنورك
ســــــور الله انتـــه ولايــذ أبســـورك
يشوف الجنه كل مؤمن يجي يـزورك
ضامـي آنــه وأجيتـــك وارد أبحـورك
مــن جودك أتروه. يبن الإمام الهادي
خير وأبه ونخوه. يبن الإمام الهادي
وكل مـــؤمن لجود ورد
منعــوف حبـك للأبــد
***
گبتك بيت رَبنـه من هـّـوت عنـدي
ما طاب الجـرح ينزف يبو المهدي
لظهور القائم أجروح المحـب تدي
ونيــــران انتظاره تسعـــر بچبـدي
شيطفي هل الجمره. يبن الإمام الهادي بالحســره ننتظــره. يبن الإمام الهادي
ننتظــره لو طال الأمـــد
منعــوف حبـــك للأبــد
**
الشاعر
موسى البديري
جريمة الهجوم علی دار الزهراء عليها السلام
🏴🏴
تگله الزهره آنه ويدفع الباب
والبسمار طگني بضلعي ونعاب
🏴🏴
يدريها وره الباب وعصرها
والبسمار صوبها بصدرها
يسمع طگت الضلوع وكسرها
ونيران وحطب وجهن بالاعتاب
🏴🏴
وج فلان نار بعتبة الدار
وجاب وياه اثلثميه من الاشرار
ام حسين مافزعولها انصار
ظالم يضرب بسوطه ام الاطياب
🏴🏴
فلان بسوط يضرب اعلديهه
شثگل الباب ونطبگت عليهه
تندب وين ناصرها او وليهه
ابوها ياحسافه جوه لتراب
🏴🏴
وگعت وانكسر ضلعين منهه
بالعصره وسگط وياها ابنهه
گلب فلان مالان اعله ونهه
وابوها صارله يومين من غاب
🏴🏴
الباب المشتعل فوگاها ذبوه
وجمر الباب كله عليهه جابوه
بيت المايحقهم طبته طبوه
اشعنده النذل بيت ام حسن طاب
🏴🏴
دمها الطاهر من ضلوعها يسيل
تريد تگوم ماعدها بعد حيل
عليها استرجلو المو رياجيل
ال امخانيث والما عدهم انساب
🏴🏴
اللهم العن من قيل له ان في الدار فاطمة فقال ( وإن )
ام محمد الحجاج
#نعي_للديار
عندما وصلت مولاتي زينب سلام الله عليها للديار وقفت بالباب تعبانه نحيله متغيره اوصافها مكسور ضهرها على اخوتها تخاطب الدار وتخاطب اخواتها
تكوووول زينب
يادارهم تعبانه اجيتج
ماكو زلم وحدي اعتنيتج
والمن اطب وحشه ثنينج
•───✧◐◐✧───•
الدار خويه اشلون اطبها
وروحي على العتبه اذبها
ويادارهم يوجع عتبها
•───✧◐◐✧───•
اليوم الدار تنعاكم يهلها
تريد الحيادة ترجع الها
وتعود يالمة شملها
•───✧◐◐✧───•
صعبة عليه طبت الدار
نسوان جينه صغار وكبار
يعور الكلب يفراااك الأخيار
•───✧◐◐✧───•
وانضر مجان البي كعدنه
وهنا حجينه وتسامرنه
وخلافكم مظلم نزلنه
•───✧◐◐✧───•
منين مااباوع اشوفك
يحسين يالحلوه طيوفك
وكبالي اشوفنهن ارسومك
احووووي يابن امي ياخويه
•───✧◐◐✧───•
عفيه اعله روحي شلون صبرت
على مصابكم ياخوي نحلت
ميته ام عون وياكم تمنت
•───✧◐◐✧───•
منك يخويه حسين شنسه
واتخيل الكعدات لســه
وانا بحاجتك يحسين هسه
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
▪️في مصائب الزهراء عليها السلام بعد استشهاد أبيها المصطفى (صلى الله عليه وآله)
كأنّي بالنبيِّ في آخر ساعاتِ حياتِه يتوجه إلى ابنتهِ الصديقة فاطمةَ الزهراء (ع) مُخاطباً:
صبراً على مُرِّ البـلا يا فَاطِمهْ
سُرعانَ ما ألْقاكِ بعدِيَ قادمهْ
سُرعانَ ما ينعى السلامةَ فيكمُ
فقْدي فلا تبقَى حياتُكِ سالِمَهْ
يا من لها يرضى الإلهُ وعندَها
تهوي الملائكُ منْ عُلاها خادِمَهْ
إني أراكِ وبابُ دارِكِ مُضْرَمٌ
وعليْكِ تدْفعُهُ عُتاةٌ غاشمهْ
تدْعِينَ "وااأبتي" فتجْري عَبْرتي
أسَفِي فمَا من راحِم أو راحِمَهْ
آهٍ لآهِكَ حينَ يُسْقَطُ "مُحسنٌ"
غضباً لَهُ تغلي الجحيمُ الحاطمهْ
مِنْ رفْسَةِ الطاغوتِ يُخْسَفُ بدْرُهُ
فَيَؤولُ صُبْحُكِ كالليالي القاتِمَهْ
خداكِ: خدٌّ قدْ تأثَّرَ من لظى
نارٍ، وخدٌّ من أيادٍ لاطِمَهْ
جنباكِ :جنبٌ لا تقرُّ ضلوعهُ
ألماً، وجنبٌ من سياطٍ ظالمهْ
ولفرطِ ما يدميكِ قنفذُ يا بنتي
تبقى دموعُكِ للمنيَّةِ ساجِمهْ
زهراءُ صبراً إِنْ رأيتِ المُرتضى
بالحبلِ تسْحبهُ الكفوفُ الآثمهْ
أمضي إلى ربّي وأنتِ وصيِّتي:
يا شيعتي فابكوا الشهيدَةَ فَاطِمهْ
إبْنُوا بيوتَ الحُزْنِ واقْضُوا عُمْرَكُمْ
دمعًا فهذا الدمعُ حُسْنُ الخاتِمهْ
#الهجوم_على_الدار
#اللهم_عجل_لوليك_الفرج
الشاعر علي عسيلي العاملي
قصيدة عنوان الرضا
محمد باقر أحمد جابر
إنَّ للضَّامــنِ داراً في صُـــدور العاشقينْ
وقـلوبــــــاً نـابِضـــاتٍ بوفــــاءٍ وحــنينْ
إسْمُهُ عــزفٌ جــميلٌ ،ونشيــدُ المؤمنينْ
إسمُهُ وهْوَ "الرضا" غَوثٌ لمكروبٍ حزينْ
****
إسْمُهُ هَمْسُ الحنايـا حينَ يعروهــا الرجاءْ
هُوَ بابٌ للعطــايــا، وَهْوَ مـِحْــرابُ الدُّعـاءُ
وهْــوَ فَــرْعٌ هاشِميٌّ، و" عَلِيٌّ " في الإبــاءْ
حينَ داسَ الأرْضَ هامتْ، صارتِ الأرضُ سماءْ
*
أنْتَ يا مولايَ فينا، لستَ في طوسٍ غريبْ
لم نَعُدْ نــأْلَفُ حُبّــاً مُــذْ تَخِذْنـاكَ الحبيبْ
أنْتَ شَرْطُ الحُبِّ والتَّوْحيدِ، والحبْلُ القريبْ
أنْتَ بـــابٌ للمُـــوالي ســاعَةَ الحَشْرِ المَهيبْ
**
إنَّ يومـــاً جئتَ فيهِ، حجَّ أهـلُ الخافقينْ
والغيــارى فيكَ هامـــوا، إنَّ للمحبوبِ دَيْنْ
مَشْهَــدٌ تَشْهَـدُ زَحفـــاً يــا مــزارَ القِبْلَـــتَيْـنْ
وأراكَ اليومَ تُجري الدَّمعَ في أرضِ الحُسَينْ
*
يا عَلِيّــاً قدْ حباكَ اللهُ شأناً وارتَضَى
صرتَ للناسِ إماماً والولِيَّ المرتضى
خابَ يا مولايَ مَنْ جافاكُمُ أو أبْغَضا
أنْتَ كَهْفٌ وأمانٌ ، أنْتَ عنوانُ الرضا
*
....................
الشاعر محمد باقر أحمد جابر (العاملي)
(( نخوه في حق السيدة سكينه بنت الإمام الحسين عليها السلام))
نخوه يا بنت التُقىٰ بنت الحسين
❊❊❊❊❊❊❊❊❊❊❊❊❊❊❊
يا عظيمه و يا عزيزه ع الشهيد
إنْمِد مُهَجْنا بالحَوايج وَيَّه إيد
لصوبَچ اِبْروح العقيده وما نحيد
نخوه جينا يا سُكَيْنَه هاتفين
❊❊❊❊❊❊❊❊❊❊❊❊❊❊❊
يإللي بابچ من إجاله ما يخيب
و يقسم اِبْجاه الأبو حسين الغريب
يإللي جاهچ الله يقبل يستجيب
وما يرد منهو قصد شانچ حزين
❊❊❊❊❊❊❊❊❊❊❊❊❊❊❊
للفضيله إسمچ الغالي قَرين
ما نحار إنتي أمل للحائرين
ع الموالي قلبچ يفيض الحَنين
و كلنا وفّادچ إجينَه لائذين
❊❊❊❊❊❊❊❊❊❊❊❊❊❊❊
يإللي اُمّچ فاطمه الزهره البتول
و جَدّچ الطاهر محمد و الرسول
و حيدره باب المدينه و العقول
نخوه جينا و نرتجي بالطاهرين
❊❊❊❊❊❊❊❊❊❊❊❊❊❊❊
و حق ذبيح إللي گِضَه برض الطفوف
ظامي ع الغبره بُگَه و عينچ تشوف
و حق گمر ع العلقمي و بلا چفوف
اِمْطَشَّر الهامه و سهم أعْماها عين
❊❊❊❊❊❊❊❊❊❊❊❊❊❊❊
و حق دمع على فگد العضيد
و إنتي ويّاها وسط هم الشديد
و الخِيَم محروگه و العادي عنيد
يسلب أطفال و حراير كل لعين
❊❊❊❊❊❊❊❊❊❊❊❊❊❊❊
يا حزينه بالسبي و درب الطويل
تبچي عينچ ع الثرى حسين الجديل
لكوفه وي شام الشماته هالرحيل
تشوفي راس الوالي في طشته رهين
❊❊❊❊❊❊❊❊❊❊❊❊❊❊❊
و حق رُقَيّه و الفجيعه و المُصاب
يا سُكَيْنَه و كل أسِيّه وي عذاب
و حق رضيع انصاب و آهات الرباب
كلنا عندچ و بألَمْنا نايحين
❊❊❊❊❊❊❊❊❊❊❊❊❊❊❊
يل مُصابَج به تِصَوَّب كل مُريد
و الدمع بالمُقْلَه مَجْمَر ما يهيد
نظره يا بنت الغوالي بس نريد
تگضي بيها كل مراد بكل حين
❊❊❊❊❊❊❊❊❊❊❊❊❊❊❊
الشاعر : أبو شهيد الأحسائي
الثلاثاء ١٤٤٦/٢/٢٩هـ
════════════
*لا يجوز و محاسب شرعاً حذف او تغيير التوقيع*
مواساة الامام الحجة عج باستشهاد الامام الحسن العسكري..
يعظم الله اجرك يمهدي بـهل رزيه
مـات ابـوك العـكسري بـَسم المنـيه
الليلة گـلبك منكسر
الله ينـطـيك الصبر
.. يابو صالح ..
……………………………
مـرت اعلـيك بحـزن لـيلـه عـصيبه
يساعد الله گـلـبـك بـهـاي المـصيبه
عودك ادفنـته وبـقت روحك غريبه
وما گـطع گـلبك ابـد نوحه ونحيبه
عالابو من دم بقت تجري دموعك
فرگـة الوالـد حـنت منـك ضلوعك
يصعب عليك الهجر
الله ينـطـيك الصبر
.. يابو صالح ..
……………………………
چــبـد ابـوك العـسكـري شفـتـه تـگـطع
بجـسمـه كـلـه الـسـم يمـهـدينـه تـوزع
يلـوج شفـتـه من الألـم والـونـه تسمـع
وشفت روحه الطاهره من جسمه تطلع
بـيـن اديك او والـدك سلمـهـا روحه
وللحشر گـلبك يضل يبچي وينـوحه
تعيش بالنوح العمر
الله ينـطـيك الصبر
.. يابو صالح ..
……………………………
شيعـتك يبن الحسن جينـه نواسيك
نريـد مولاي الحـزن انـخـفـفـه اعليك
ندري مو هـين فگـد يالمـهـدي والـيك
يعـينـك الله چـم جـرح خله اثـر بيك
جروح گـلـبك سيدي نـدريـهـن اهـواي
واصعب اجروح الگلب عالماشرب ماي
جرحه ينزف للحشر
الله ينـطـيك الصبر
.. يابو صالح ..
……………………………
انـتـه زيـن او والـدك بـيدك دفـنـتـه
سالـم وما بـي جـرح لمـن حـضرتـه
بـس اويـلي عالذي حـضرتـله اخـته
بلايه راس وعالترب مرميه جـثـتـه
انته بيدك راسه شـلته وفاض عمره
وبـيـن اديها شالـته بـلا راس نحـره
وهلـكـسر ما ينـجبر
الله ينـطـيك الصبر
.. يابو صالح ..
……………………………
سيدي ولمـن دنـت ساعـة منـيـتـه
غسلـت بـيـدك ابــوك وچـفـنـيـتـه
وتـعـزيـه سويت الـه وي اهل بيته
وحضرت الشيعه تواسيك ابعـزيته
وبالبچـي والنوح اله صارت عزيه
وبالحـزن تـنـعـاه كـل الـهـاشمـيـه
ويجرن ادموعك حمر
الله ينـطـيك الصـبر
.. يابو صالح ..
……………………………
لكن احسينك بقـه عالغـبره عاري
ضل ثـلث تيـام مرمي بالصحاري
ماحضرله واحـد وجـسمـه يواري
عـيالـه مسبيات يمـشـن بالبـراري
محد ايدفـنه وبقـه عالغبره مطروح
والفـواطم عالهـزل يـنـعـنـه بالنوح
ينوحن عليه باليسر
الله ينـطـيك الصبر
.. يابو صالح ..
الشاعر عقيل الحسناوي..
.
لسان حال رسول الله صل الله عليه وآله إلى ابنته الزهراء عليه السلام...
بذهني اذكر مصابج بويه بعدي
يأذيج ابرحيلي اشكثر بُعدي
صبري وقاومي بالظلمَ بعدي
لحوقاً أوّل اهلي أنتي بيّه
إلى الجنه اللي منها جيتي راحل
من الدنيا يازهره الكل راحل
إلهي من نفوس اعداي رأى حل
أهاجر بعد مااديت العليه
على اجدار الوصي بصمات رجله
بعد مابابها الزهراء رجله
وضع كتفه وحط بجدار رجله
وأخذ يعصر ويعصر بالزجيه
علي الأحسائي
صفر ١٤٤٦هـ
عكيلي الامام الرضا
هالليله انوح الوالينه
١
ابن الكاظم هذا احساسه
مادنك ظل رافع راسه
عاش بغربه مو وي ناسه
كلبه اعليهم جان وعينه
٢
ابن الكاظم جاها العالي
راح بطوس وصار الوالي
مو بالأول شوف التالي
حاير بالغربه امخلينه
٣
ماقصر حاشه ماقصر
ابن الزهره ابن الكوثر
خلي انادي ويسمع حيدر
وانادي ويسمع مهدينه
٤
ابن الكاظم طاح بسمه
بس بالغربه ومحد يمه
خلي انصيح وتسمع أمه
يالزهره بأسمج نادينه
٥
يالزهره ابن سمو جبده
بغربه بطوس ومحد عنده
واحنه انموت اعليه و انوده
خدام حسين ويدرينه
٦
ابن الكاظم راح الليله
نتوجه المن ندعيله
للباري بدمعه ونشكيله
يعرف هوه ويدري اشبينه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
جديد صفر ١٤٤٥هـ
إستقبال الإمام الحسن عليه السلام
ضعن السيدة زينب عليها السلام
بعد الرجوع للمدينة
ابقبره الحسن صاح ياخويه ياحسين
أسـمـعها صـيـحـات من نــاعـي البين
رجــع ضعن الأسيره لرض طيبه ابكسيره
ياخويه ياحسين
---------
يـــابــو الـيـمّه الخلّه دلالي جمر
والــجـعـلنـي أنفض اتراب القبر
امن إرجعـت زينب يامحزوز النحر
وبــالمحامل شـايله ضيم اوقهر
وصلت يامظلوم ابحسرة سفرها
بــس مـن سماها طــايـــح قمرها
العشيره ابلا عشيره لرض طيبه ابكسيره
ياخويه ياحسين
---------
إلــي تـركـض بـالـدموع الساچبه
اتنادي زينب ياعضيدي المجتبى
جــاتــك او بـتـراب طفها امترّبه
وابـعـبـايـه امـحرّقه او متصوبه
إنهظ يامسموم إختك وحيده
وصلت للاوطان ابحاله شديده
اوعيوني مستديره لرض طيبه ابكسيره
ياخويه ياحسين
---------
حــــال إختنه خــويـه يفجع منظره
رحت أناشدها اعلى حالتها اشجرى
قـــالــت الــچــانــت عزيزه امخدّره
الــعــــدا قــــوّه خــــذوهــا اميسّره
مــتغـيّره اهواي يابنت الاطياب
شالصاير اعليچ يا أمّ لـحـجـاب
صدق إنتي الأميره ! لرض طيبه ابكسيره
ياخويه ياحسين
---------
بعد إحچي ياختي ياضنوة علي
قــالـــت إتمنّيت حـاضــر كافلي
يــالــحـسـن بيده ينـزّل محملي
لاچـن الهاليوم مـاحـد ظـل إلي
أتــلقّه ضـعـنـچ آنه او أواسي
وبصدري أضمچ يــا أعز ناسي
يمن جيتي ابحيره لرض طيبه ابكسيره
ياخويه ياحسين
---------
ابلهفه يـاخويه اوعليك امروّعه
وماتهيد او يمّي تبچي ابفاجعه
الـدارك اتروح ابحنين اوجازعه
اوخاليه اتشاهدها والناعي نعه
تنظرها يـاريـت يابن أمي اتصيح
بالحسره ظلّيت وأهـلـي مـذابـيح
اوقَعَتْ خيمه الأخيره لرض طيبه ابكسيره
ياخويه ياحسين
---------
تمت بحمدالله ومنّه
نظم خادم السيدة الزهراء عليها السلام
ياسين جواد العبد الرضا
صفر ١٤٤٥هـ