7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
خُويَه لَا تِبْچِي لْمُصَابِي وْطِيحِتِي
مْصِيبِتَكْ أَصْعَبْ تَرَه مْنِ مْصِيبِتِي
يَا أَبُو الْيِمَّه لْأَشُوفَه بْدِنْيِتِي
گْبَالْ يُومَكْ هَيِّنِ شْگَدْ مَا جَرَى
-----------------------
خُويَه چَبْدِي يِنْمُرِدْ وِيْصَوْبَه سَمْ
مُو مِثِلْ چَبْدَكْ يِطَيْحُونَه بْسَهَمْ
مِنْ الْمُثَلَّثْ گَلْبَكِ يْذَوْبَه الْأَلَمْ
وْمِنْ ظَهَرْ مُهْرَكْ تِطِيحِ عْلَه الثَّرَى
-----------------------
رُوحِي تِطْلَعْ وِانْتَه يَمِّي بْعَبْرِتَكْ
لَاچِنِ انْتَه مِنْ يِجِيكِ بْمُوتِتَكْ
مِنْ گُفَه يْگِطْعُوهَه خُويَه رُگْبِتَكْ
مَاكُو مِثْلِ مْصِيبِتَكْ بِينِ الْوَرَى
-----------------------
جْنَازِتِي يِرْمُوهَه عِدْوَانِي بْنَبْلِ
وِانْتَه بِسْهَامِ الْأَعَادِي تِنْچِتِلْ
وِالسَّهَمْ هَمْ يِذْبَحِ گْبَالَكْ طِفِلْ
وِالدِّمَه تِطْفَحْ نَهَرْ مِنْ مَنْحَرَه
-----------------------
بَاچِرِ يْمِنْعُونِي يَمْ جَدِّي أَطُبْ
لَاچِنِ تْدِفْنُونِي يَا نَبْضِ الْگَلُبْ
وِانْتَه عَارِي بْلَا دَفِنْ فُوگِ التُّرُبْ
تُبْگَه يَا وَسْفَه ثَلَاثَاً بِالْعَرَى
-----------------------
بِيدَكِ تْخَلِّينِي خُويَه بِالْگَبُرْ
وِعْلَه كِيفَكْ تِبْچِي مَا تِسْمَعْ زَجُرْ
لَاچِنِ عْيَالَكْ يِعِتْ بٍيهَه الشِّمُرْ
بْسُوطَه يِضْرُبْهَه لَوَنْ نَاحَتْ تَرَه
-----------------------
#الحسن_المجتبى
#صفر_١٤٤٦هج
الشاعر حسن خنافرالعاملي
الامام الحسن عليه السلام
فگد الحسن محتاره خلاهه
هذا الوداع هوايه بچاهه
زينب تصب دمعتها
تودع چبير إخوتها
**
واگفه زينب حزينه.......اليله يفجعها الزمن
اليله محنتها چبيره...محنت اوداع الحسن
سابع صفر بيه شافت اهموم
تعاين چبير البيت مسموم
تبچي وگلبها اعله الاخو يحوم
من البچي ما بطلت ساعه
هوه العزيز ايموت اوداعه
دنياهه مارحمتها...تودع چبير إخوتها
***
يلفظ أنفاسه الأخيرة........وكلها يمه گاعده
حسين فوگ الخد دمعته..والعقيله تشاهده
كسر الاخو يترك علامه
يخليك ليلك ما تنامه
يشبه كسر جنح الحمامه
اليله الكريم يروح من يمها
من هسه طاحت اول اخيمها
قصت حزن قصتها....تودع چبير إخوتها
**
عاينت تشيع أخوها....هذا موقف موسهل
يابشر ميت سمعتو.....نعشه يرمونه بنبل
ماشايفه يوم من الايام
وسط النعش يرمونه بسهام
معذوره لو لطمت على الهام
هاي الجنازه الي يحملوها
من كل كتر بسهام يرموها
سهام الغدر صابتها... تودع چبير اخوتها
**
كسرت الخاطر عليها...بت محمد واضحه
راح اخوها الي توده... كل صباح اتصابحه
باالبيت ضلت زينب تلوب
وعلى المشو شيصبر الگلوب
تلتم صورهم وكت الغروب
والذكريات هواي تاذيها
تعاين الداره وهوه مو بيها
ما تنحمل وحشتها....تودع چبير إخوتها
**
دارت الدنيا عليها.... وچم مصاب الشافته
هاالسنه عا الناگه هيه.....راح تحي ذكرته
عدها بعد ماضلت احباب
ذيچ الصور غطاهه التراب
صارت غريبه بديرة اغراب
فوگ العواسل روس ولياهه
تالي الدهر للشام وداهه
رحلت الم رحلتها....تودع چبير إخوتها
سعد العبودي
واحسناه~ وامسموماه
الجفيري♪
نعش الحسن مرمي بسهم
هذا الإمام الّي انظلم
واچفانه منِّ اجروحه دم
واويلي عا مصاب الحسن
ابيا ذنب نعشه ينرمه
ولاجله تنوحن فاطمه
والصيحة توصل للسمه
واويلي بالغربه اندفن
مات الحسن ابن البتول
ودفنه انمنع جنب الرسول
واتشيّع بمدمع همول
وزينب على مصابه تون
خادمة آل محمد✍🏻
بين الحسن بين حسين
زينب تهل دمع العين
ليلة مصاب المسموم ... من الشام اجت هذا اليوم
ـــــــــــ
بسابع صفر عافت كَبرهه الحرّه
واتعنّت الكَبر الحسن بالعبره
عين التصد مهدوم كلّش كَبره
ولحسين عين اشتاكَت وللحضره
ضمّت متنهه الدامي
عن الحسن والضامي
الكل منهم اصبح مظلوم ... من الشام اجت هذا اليوم
ـــــــــــ
جابت رقيه وياهه واتهل دمعه
يم الحسن مهظومه تشعل شمعه
عالقاسم ابنه ام الخدر ضل تنعه
رادت تروح الكربله وتودعه
اخذت ترب من كَبره
ومرّت ابمهه الزهره
وذكرت ضلع ضل مهشوم ... من الشام اجت هذا اليوم
ـــــــــــ
تمشي وتون والعين تربي المسموم
وضلّت على كَبره المهج ويلي تحوم
رادت تروح اتزور كَبر المظلوم
حسين الي من ماي العذب ضل محروم
اخذت رقيه اوياهه
تدري الابو راداهه
جي ما اجت ذرك اليوم ... من الشام اجت هذا اليوم
ـــــــــــ
طول الدرب محنتهه ما تنساهه
تسولف رقيه اعله السبي ويّاهه
نوكَ الهزل منّا شفت ممشاهه
بالكوفه حيدر عيلته اتلكَاهه
لو ما علي الحارس جان
ام الخدر جا تنهان
صح شفنه بالكوفه هموم ... من الشام اجت هذا اليوم
ـــــــــــ
ليش اعتنينه الكربله يا عمه
وعمّي الحسن هاليوم اصبح سمّه
عمّه لبوج الخلك تمشي بهمه
وبأربعينه تنادي يا بو اليمّه
خل نمشي وي الزوار
رد الضعن ضل تذكار
عليه المحب ضل مفطوم ... من الشام اجت هذا اليوم
ـــــــــــ
الشاعر محمد حسن ضيغم
المجلس (( 15 ))
بمناسبة الإمام الحسن المجتبى عليه السلام
من وزن الموشح ( المربع)
ـــــــــــــــــــــــ
عالحسن زينب ركَد كل حيلهه
كَعدت اكَباله الدموع اتسيلهه
ــــــــــــــــــ
تشوفه يتألم اخوهه بمحنته
يلوج والسم حيل مرّد جبدته
تجري دمعه وهوه يهمل دمعته
الهل سبب ماغفت لحضه بليلهه
ـــــــــــــــــــ
دخلت وشافت احسين ابصف اخوه
ودمعه لجل الحسن جن دمعه علبوه
علي بالمحراب طايح من لكَوه
روحه اخوي حسين كَوّه ايشيلهه
عيونه صدّن لخته ويهملن دمع
مو عيون اتكَول من ذابن شمع
ياغصن كَلبي مريدك تنكَطع
حسين مو عنّي عليك احجيلهه
ــــــــــــــــــــ
مصيبتي سهله وتهون بهل امر
صعبه طف النايبه من ينذكر
بعينج تشوفي اخيّج منّحر
وآل اميه بصدره تسحكَ خيلهه
ــــــــــــــــ
وانتي عالناكَه تروحي ميسّره
وعالنهر مطروح سبع الكَنطره
تحمل مصابج يزينب يا مره
مصيبتج حتى العرش يبجيلهه
ــــــــــــــــــ
الشاعر محمد حسن ضيغم
/channel/kasaedalatharDaygham
بـاجـر يـرد بـيـنـه الـزمـن
ونـزوه كـبـرك يـالـحـسـن
»»»»»»»»»»»»»»»»»»»»»»»»»»»»»»»
1️⃣
تـره اشـواك الـكلب كلش جبـيره
لحسن كبرك اشوفه بعيني حيره
شوكت مـشايه نطلـع ديره ديـره
واجي لحد الـكبر وأشـتم عبـيره
~~~
مـن تـطـفى نيـران الفتن
ونـزوه كـبـرك يـالـحـسـن
»»»»»»»»»»»»»»»»»»»»»»»»
2️⃣
اجيك ابدمعه ما تطفى وحـراره
واشــوف الـكـبه ويـاهـا الـمـناره
ضريحك ملـجى الناس الحـياره
الكلب بمصابك يـعيش انكـساره
~~~
وبمصيبتك كلبي امـتحن
ونـزوه كـبـرك يـالـحـسـن
»»»»»»»»»»»»»»»»»»»»»»»»
3️⃣
اخذني الشوك لأحضان المـدينه
وأريـد اقراله بدمـوعي الحـزينه
الحـسن مـن الـكبر نسمع ونينـه
شـوكت مـشايه نكـصد بأربعينه
~~~
وننصب عزائك بالصـحن
ونـزوه كـبـرك يـالـحـسـن
»»»»»»»»»»»»»»»»»»»»»»»»
4️⃣
مصيبه وعالجـفن عافت علامه
الحسن كضه العمر كله بظلامه
الجبد مسمـوم ما عرفوا مقامه
قرينا جروح من نعشه وسهامه
~~~
والغـربـه صـارتـلك وطـن
ونـزوه كـبـرك يـالـحـسـن
»»»»»»»»»»»»»»»»»»»»»»»»
5️⃣
اذا جـف الظـلام يطـفي شمـعه
اذا صلح الحسن سـويته بـدعه
تره رايـك نرفضـه وما نسـمـعه
حقن دم الشريعه وحامه ربعـه
~~~
ما مـات وبـروحي ندفـن
ونـزوه كـبـرك يـالـحـسـن
»»»»»»»»»»»»»»»»»»»»»»»»
5️⃣
يجينا المهدي شايل سيف بيده
تـره كبـرك ذهـب بـاجـر يـعيده
بضريحك تنقري لقصه لجديده
تـره الـمـا راد دربـك مـا يـريـده
~~~
لـو ردنــا جــنـات الـعـدن
ونـزوه كـبـرك يـالـحـسـن
»»»»»»»»»»»»»»»»»»»»»»»»»»»»»»»
الشاعر محمد خشان ✍️.
»»»»»»»»»»»»»»»»»»»»»»»»»»»»»»»
چفوها ادلاله(شهادة الحسن)
عباس مالك العفريت
آه حسين خويه حسين
دليني أعله كبرك وين
أجيتك والدمــع بالعين
آه يحسين يا خويه
........................................
أمن الشام يحسين يبن أمي أجيتك
أتمنيت لــــــــو جان واكف لكيتك
أشلونك وشصار من فاركيتك
أجيتك خويه من الشام أمشي أهلال محنيه
يمكن لـــــــو شفتني تكول زينب هاي موهيه
خويه الشام آه الشام لــــــــو تدري شعمل بيه
من غرب ضعنه وشال
بلا والــــــي ولا جمًال
مجتوفه وتجرهـا أحبال
آه يحسين يا خويه
.............................................
بيا حال ضليت من روعونــــــي
بـــــــــلا راس عفتك لمن سبوني
شالوك دفنوك من يسرونــــــــــي
عفتك من رحت يحسين ذاري وعالرمل جسمك
لا بيه وأشيلك كون لا بيه وأجـــــــــــــــي يمك
ولا سالم وأدفنك جان ولا واحد يجـــــــي أيلمك
راسك من مشيت أوياي
جبته ومــــا جبتلك ماي
طول الدرب جان أفياي
آه يحسين يا خويه
........................................................
من وين أبدي قصة يسرنـــــــــــه
حفاي للشام يبن أمــــــــــي رحنه
الما جان عالبال بالخربه نمنـــــــه
أبنياتك يماي العيــــــــــــــن نامن عالترب كلهن
ألا البيها روحك جان تغرب كـــــــــل مسه منهن
أدورها بثناية الليـــــــــــــل وأرد الغبشه أحسبهن
شما ضاعت أحشم الناس
وأعكد رايــــــــة العباس
أجي وألكاها فوك الراس
آه يحسين يا خويه
....................................................
أمن السوك للسوك يبن أمي يحسين
بحجار للناس صرنـــــــــــه نياشين
ميته مـــن كــــــون ولاطب دِواوين
طبينه ويخويه الناس تشتمنه وتسب بينــــــه
وتتكاطف علينه أحجارمن كل صوب رامينه
صابوا جبهتك يحسين ومـــــا واحد فزع لينه
وأباب الساعه تاليهــا
دف وأطبول أهاليهــا
شجاها الناس وأشبيها
آه يحسين يا خويه
......................................................
ونيت ناديت وأصفك بديـــــــه
عالراح بالراح كوم الحك عليه
أمن أيدي يحسين ضاعت رقيه
دخلنه للقصر خويه وراسك بالطشت جابه
وكله عالجسد وينه كله أمسلبه أثيابـــــــــه
ونيت وصحت يحسين آه يحسين وأمصابه
ورقيه ركضت أتشمك
وكعدت تمسح أبدمـــك
لحد كطع النفس يمـــك
آه يحسين يا خويه
................................................
خادم خدمة الحسين
الشاعر
محمد الموالي
يادمعة العين ماظن يعودون
محمد النوري
▪️في استشهاد الإمام المجتبى عليه السلام
إِنْ جفَّ دمعي للزَّكيِّ المجتبى
لا عِشْتُ بَعْدَ اليَوْمِ يوماً طيّبا
غُصْنٌ تفرّعَ منْ أَرومةِ أحمدٍ
كأَبيهِ كانَ لفَرْقدِ العليا أبــا
أللهُ فصَّلَ منْ لدُنْهُ ثوْبَهُ
وكساهُ أنوارَ القداسةِ والعَبا
ما بَيْنَ جنبيْهِ السّـــــــماءُ تنزّلتْ
وبه الجلالُ إلى الجليلِ تقرّبا
لَمْ يمشِ فَوْقَ الأَرْضِ إلا رحمةً
بالأرضِ..سارَ على التُرابِ فأعْشبَا
شلَّتْ يدا حَرْبٍ سقَتْهُ جحودَها
فَقَضَى كأَحْمدَ بالسُّمومِ مُعذَّبا
سُمٌّ إذا لفحَ الجمادَ هواؤُهُ
لأسالَ أحشاءَ الجمادِ وذوّبا
لمّا سرَى في جسمِ سبطِ مُحمَّدٍ
منْ ذلكَ الغيْبِ العظيمِ تعجّبا!!
لولا القضاءُ لصارَ بَيْنَ عروقِهِ
زَبَداً وما أدمى حشاهُ وألْهبا
أفديهِ يَقْذفُ يا بنفْسِيَ كبْدَهُ
والطشتُ يرمقُ منْ بعيدٍ زينبا
ناحتْ ففطَّرتِ القلوبَ بِشجْوِها
ترنــوه فــي آلامهِ مُتــقلِّبا
لأظُنُّه كأبيهِ نادى سائلاً
أينَ الكفيلُ؟ فجاءَهُ مُتوثِّبا
أُوصيكَ بالحوراءِ خيراً يا أخي
ذي دُرَّةُ الأشرافِ سيِّدةُ الخِبا
حُجِبتْ بِنَا عنْ أَنْ يُشَاهَدَ ظِلُّها
فإذا رحلْنا كلُّنا لَنْ تُحْجَبا
سيسوقُها شمرٌ، ويضربُ متْنَها
زَجْرٌ، ويشتمها ابْنُ سعدٍ في السِّبا
كوفانُ تُهديها إلى شاماتِهِمْ
حتَّى تَرى فيها المصابَ الأصعبا
هندٌ تنامُ على الحريرِ بعِزَّةٍ
ولِزَينبٍ خدٌّ ينامُ مُترَّبا
في خرْبةٍ تُمسي ورأْسُ حسيْنِها
أمَرَ اللعينُ ببابِهِ أَنْ يُصْلَبا
الشاعر علي عسيلي العاملي
#الإمام_المجتبى
#اللهم_عجل_لوليك_الفرج
{ يالحسن باب المضيف وعتبته}
أداء : احمد عزيز
كلمات : ياسر العارضي
محرم الحرام 1446 هـ
للامام الحسن عليه السلام
لبو محمد هظمنه مدامعنه او ألمنه
________
عجيد اشرف عشيره واليحل العسيره
ابن حامي حماها اله ننصب مواكب
نهل دم هل ليالي انفگد من عدنه والي
اهو اعگال الهواشم واهو اچبير الغوالب
مصايه ابروحي يسعر يويلي الله او اكبر
تفسر چبده بالسم بعد المن نعاتب
ابجمر ضلت مهجنه ولا ينفع دمعنه
مثل ماي او تبده الوجه من عنده شاحب
لهب تلهب مهجنه مدامعنه او ألمنه
________
رزيتنه اشرزيه غصن من الزچيه
التوه عوده او تكسر بدين اهل الضلاله
اله اتنوح المدينه والايات المبينه
السماوات او اهلها دمع منها ايتلاله
عليه يتلوه موسى او بچه ويه امه عيسي
ابن بضعة محمد هل امگدر جراله
او سليمان او جنوده وگف يلطم خدوده
نصب لجله عزيه او اجه نوح او قراله
اولَطم يشبه لطمنه مدامعنه او ألمنه
________
عليه جده ايتحسر يون وايعزي حيدر
مثل غيمه المدامع على الشيبه الكريمه
نياحه او ضجه الهم واجت الزهره يمهم
ابنعاويها الحزينه غدت تنعه ابهظيمه
ييمه اگليبي ذايب بعد ما بي مصايب
الدهر يبني ولاني اوعلي شيبني ضيمه
بعدهو اصوابي ما جف ومصابك جاني اكلف
ييمه السم دليلك ترك روحي سقيمه
فرد لچمه انلچمنه مدامعنه او ألمنه
________
الوجود اعليه تكدر الحسن چبده تفسر
واهو ابهاي المراره لچن گلبه اعله زينب
الطشت عنها يضمه الگلبها لا يألمه
يگل لحسين اخيه اذا تشوفه تشيب
ابعده او غطه عنها تره ايموتني ونها
اشد من هل المواجع دمع زينب يعذب
اذن لو انت حاظر يبو امحمد تناظر
لمن ركضت وحيده او عبايتها اتلهّب
اوتناديك انسلبنه مدامعنه او ألمنه
________
الطشت عنها تشيله !! تخاف اعله العقيله!!
تمنيت انت حاظر عله التله او تراها
يبو امحمد شخبرك اخاف اتطره گبرك
اذا گتلك ابن جوشن اخذ سوط او اجاها
ضربها . او ينزف الدم متنها او چفها ورم
واذا صاحت يجداه يسب جدها واباها
الطشت والچبده اشوه الحوافر ذني بلوه
ابگلب زينب اثرهن يضل يسعر لضاها
لمنّ ايبعثرنه مدامعنه او ألمنه
________
لبو محمد حزنه يضل لآخر عمرنه
الابو لبنه يورثه لحد يوم القيامه
حزن بينه ايتجدد عقيده اوباقي سرمد
ولا ايهمنه حچي الحاقد ولا تهمنه الملامه
الحسن ديني او عقيده عفت كلشي واريده
واذا عفت الدمع لجله اعيشن بالندامه
عدل ميت اندبه على اكفاني اكتبه
اويلاه يل تسمم او ترِس نعشه سهامه
اضل ونه اعله ونه مدامعنه او ألمنه
________
ابو فاطمة الطائي
وداع مولاي ابوالفضل العباس مع مولاي المظلوم الامام الحسن المجتبئ عليهم السلام
جرحك جِرَحْ دلالي فكدك صعب يالغالي
فكدك منيه. اصعب رزيه. هاي الليالي
==========
يالحسن فكدك ضهدني وحيلي هَدّه
شلون اداوي جرحك وبيش انه أشده
تدري فكد الاخ يخويه شلون شِدّهْ
والسكن خويه اللحد منهو اليرده
فكدك يحز ابروحي. يلجم يخويه إجروحي
كلش اذيه. اصعب رزية. هاي الليالي
==========
روحتك طيحت علم يم الشريعه
يالحسن ضاكت عليّ خويه الوسيعه
امنين اجتنه بهل مسه هاي الفجيعه
شلون اشوفن تجري دمعتها الوديعه
زينب تون ابوني. كل مااون تسمعني
بونه شجية. اصعب رزية. هاي الليالي
==========
عمد من بيتك وكع ساعة رحيلك
وگلبي طاح بروحتك خويه دخيلك
اني ابوفاظل يخويه واشتكيلك
بشكوتي خافن يخيَّ افطر دليلك
وبطيحتك صابوني. عميه عساها عيوني
هاي المسيه. اصعب رزية. هاي الليالي
=========
موسهل فگد الاخو يكسر اخوته
شكد صعب لمن تفگده وماهو صوته
گلبك بساعتها يعلن عن سكوته
بداخلك كلشي يموت بهذا موته
إوداعك ثكيل وحيره. طيحة سلف عشيره
يبن الزجيه. اصعب رزيه هاي الليالي
==========
بلا اخو خويه الحمل منهو اليشيله
جبال همك عالمتن تصبح ثكيله
اني اخوك وگلبي مني طاح حيله
ودمعي عالخد من رحت حسرة اسيله
دم الدمع بفراگك. مااحمل انه اغيابك
اصفگ بديه. اصعب رزيه. هاي الليالي
==========
الشاعر علي النائلي
هوسات ندبة للسيدة رقية عليها السلام
اذا حملك ثجيل وخانتك دنياك
ضنك لاتگطعه ولاتفل رجواك
بس حشم رقيه تگول عد عيناك
(( وتشيل العازه وتگضيهه ))
تشيل العوز كله وتشفي الوجعان
بت حسين هاي وموش ياهي الچان
صارت باب رحمه وعون للحيران
(( واتبرد گلبه الينخاها ))
تبرد كل دليل وكل گلب مهضوم
خل نمشي ونگلهه بداعت المظلوم
انريد امراد يم بابچ وگفنه اليوم
(( تطيچ امراد وتطيني ))
فرد وگفه وگفنه اليوم يم بابچ
نگلهه مو غرب شيعتچ واحبابچ
نعازي حسين والزهره عله امصابچ
(( يابت حسين المظلومه ))
مظلومه گضيتي والعده ظلموچ
جابوا نحر ابوچ وبالنحر فجعوچ
عهد من شيعتچ للموت ماينسوچ
(( وانعاهد زينب وسكينه ))
نعاهد عمتچ واختچ فلا ننساچ
الله يساعد الوجعان من دفناچ
مكسور الضهر ويصيح الله اوياچ
(( كلساع البين يبز عينه ))
✍شاعرة اهل البيت
ام هجران العمارچيه
غير مبري الذمه من يمسح اسم الشاعرة او ينسب الرثاء لشخص اخر
🔥نعي مع الابوذيه للسيده رقيه عليها السلام من ديوان زينب والطفوف 👈التاسع🔥
ابوذيه
مجروح الكلب جم داي.... بيه داي
غسلت العزيزه اليوم... بيه داي
حكي لو سكنت الخلي... وبيه داي
فكدت اعزاز كلبي وهاي هيه
➖➖➖➖➖➖
يحسين ولله حيرتني
شلت احوالي ودولبتني
ومصيبة رقيه الخمدتني
➖➖➖➖➖➖
ولله تحيرت يحسين بيهه
وشلون اصد يبن امي ليهه
كل الاه والويلي عليهه
➖➖➖➖➖➖
صحت بصوت شنهاي المصيبه
وانه الوحدي بديره غريبه
والكله حميه امنين اجيبه
➖➖➖➖➖➖
يوم الزغيره الهدم حيلي
على امصابهه تكطع دليلي
سهرانه وون مانمت ليلي
➖➖➖➖➖➖
بعدج ازغيره شلون شلتي
ثلثين من حيلي هدمتي
والحيل عمه اوياج اخذتي
➖➖➖➖➖➖
ازغيره وعلى الغبره تنامين
ازغيره وعليج النوم مو زين
وتراب الثره ماظن تحملين
➖➖➖➖➖➖➖
نار الفركتج بالكلب تسعر
واحس كلبي على غيابج تفطر
صعبه فركتج ياعمه مكدر
➖➖➖➖➖➖➖
اصد المكانج خالي شلون
اريد ابجي عليج اعميهه العيون
وجه العزيزه شلون مدفون
➖➖➖➖➖➖➖
متي يعمه بدار غربه
هضمني الزمان شلون هضمه
ريت الشام يامن ضاع دربه
➖➖➖➖➖➖
وينج يم حسن ماجيتي ليه
تعاي اليوم خل ننصب عزيه
وعينيني على امصيبت رقيه
➖➖➖➖➖➖
تعاي اليوم عينيني يزهره
بين حسين حيرانه وبزره
لعياله اون لو كطع نحره
دولبني زماني هنا ييمه
تم ✍️ الشاعره والمله ام حسين العامري
غير مبري الذمه من يحذف اويغير اويتلاعب بالكلمات او يحذف اسم الشاعره وينسب الكلام له
يا لحسن منعوفك الليلة أحنه ضيوفك
***
يبو محمـــد أحنه شيعـــــــــة وعالعهد وفّايه
بهل مسه كلنه أعـتـنـيـنه وأنت صرت الغايه
مــجــلـــــس الـلـيـــلة نصبنه وللأجر شرّايه
ولجلك أحنه مــــن حضرنه يـــــا دليل وآيه
يا لكريمة جفوفك الليلة أحنه ضيوفك
**
أنت ربّـــــان الــســفــيــنــــة وأنت أول قائد
مـــــن بعـــــد حامي ألحميه المؤتمن والخالد
نـلـتـزم دربــــك وسرنــــه وأبــد لا منباعد
وكلكم أنتوا روح وحــــده وكل علمكم واحد
بنور كل حروفك الليلة أحنه ضيوفك
*
أرواحنه نفديها لجلك يـــــــــــا لحسن منبالي
ونفدي كـــــل اللي نملكه وكـــل ثمين وغالي
نحيي ذكـــــراك الأليمة رغم كـــــــل عذالي
ورغـــــم أنف الناصبية تـبـقـــــه أنت الوالي
ونـنـتـمي لصفوفك الليلة أحنه ضيوفك
***
مــثـــل مـخــدمــنـــــه أخيّك أحنه هم خدّامك
والشــعـيـــرة تــبــقـــــه وحده بيومه وبأيامك
والمصيبة مصيبه وحـــــده وصوّبتنه سهامك
وكل مـوالي الليلة أمسه سيدي مــــــن أيتامك
وسفه هاي ظروفك الليلة أحنه ضيوفك
****
شلون نــنــســـاكم وننسه كل مصيبه عليكم
والجليل بكتبه كلهـــا نصّـــــــــه نازل بيكم
والمودة راد جـــدّك أجره مـــــــــن باريكم
نوالي إلكــــــم أحنه صرنه نعادي ليعاديكم
رسينه يم جروفك الليلة أحنه ضيوفك
**
انجمعت الشيعة بألمها اليوم تحيي مصابك
وتلعن بجعـــــــده ألخبيثة والأمر بصوابك
تواسي أمك هــــل مسيه بالجره وبالصابك
تنوح مالومـــــــه وحزينة والفجعها غيابك
اليوم عدها طفوفك الليلة أحنه ضيوفك
**
نسألــــــه بجاهــــك الليلة للوحيـــــد الدايم
يعجّـــــــــــل لشبل ألزجيه المنتظر والقائم
يزلزل عــروش المعــــاند والظلم والظالم
وديــــــن جــــــدّه يــعــيــده ســـــالم غانم
بجاهك ومعروفك الليلة أحنه ضيوفك
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء
*ثارات الامام صاحب الزمان (عج)* لحن اسمع عتابي~
كم راية عندك ~ ثأرك لجدك
ونار المخيم ~ وطفلة الْتنشدك
*اي طفلة يا مولاي لعلها رقية بنت الحسين ع؟*
تناشد رقية ~ من الغاضريه
فوق الهزيله ~ ٱخْذوني سبيه
يَمَهدي انسبينه ~ وذبحوا ولينه. بحبال خشنه ~ شدوا ايدينه
سبيِ وخرابه ~ حبال وترابه. وطفلة سبيه ~ تصرخ يا يابه
راية گمرنا ~ بطيحتها صرنا. كلنا سبايا ~ الحادي شمرنا
تنتظرك جروح ~ وجدك الي مذبوح. ثلاثة ليالي ~ عالغبره مطروح
ثار الوديعه~ وثار الشريعه
وجدك الي مذبوح ~ وطفله ورضيعه
بكم محنة مفجوع ~ وثاراتك ضلوع
لضلع امك تنوح ~ ودم تجري الدموع
خادمة آل محمد ✍🏻
#في_الخدمة_المقدسة
#شهادة_الإمام_الحسن_المجتبى ع
يعلو الأنينُ وتُحجبُ الأنوارُ
باتَ الأسى للخافقينِ دثارُ
حزنًا على سبطِ النذيرِ المصطفى
فلرزئهِ تتعجّبُ الأقدارُ
ظلماً يعاني من شرارِ زمانهِ
وهو الصّبورُ وحِلمُهُ مدرارُ
طعنوا الإمامَ بخنجرٍ من حقدهم
تبّت أيادٍ للضّلالِ تدارُ
نشروا الدّسائسَ والوشايةَ حولَهُ
ذي قلّةٌ في عهدهِ أنصارُ
قد أنكروا حقَّ الولايةِ نقمةً
لن ينفعَ النّكرانُ والإنكارُ
ذا ابنُ البشيرِ محمدٍ والمرتضى
وابنُ البتولةِ، نسلُها الاطهارُ
لا لم يُراعوا للرّسالةِ حرمةً
إذ سمّمتهُ عصبةٌ فجّارُ
لهفي عليه تفتّتت أحشاؤهُ
رحل الوصيُّ وحولهُ الأبرارُ
رشقوا الجنازةَ بالسّهامِ فبغضُهم
أعمى القلوبَ، فأُعمِيتْ أبصارُ
ومضى الحسينُ بنعشهِ متألماً
نحوَ البقيعِ وقلبهُ محتارُ
#منال_بجيجي
للامام الحسن المجتبى
قصيده ثانيه
.
ذكروني ... ذكروني ... ياشيعتي ذكروني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
مثل الحسين ... هملوا العين ... آنه امام الشيعه يااهل الحميه
جبدي مسموم ... وكَلبي مهظوم ... آنه لجلي ناحت الزهره الزجيه
آنه الي عذبني الزمن وبالسم تكَطع جبدي
كل اخوتي مو يمي أنه ومدفون صرت الوحدي
دفنوني .. دفنوني ... برض البقيع دفنوني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
نوحوا عالصار ... وعزا بكل دار ... الي سووا يامن الحيدرنه شيعه
واسوا جدي ... بألم جبدي ... واذكروا بهل محنة دمعات الوديعه
من شيّعوا نعشي الاهل بسهام صابوا نعشي
وبس اخوتي خلف النعش مهظومه لمّن تمشي
منعوني ... منعوني ... هناك اندفن منعوني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
هنا يزوار ... ابو الاحرار ... يم اخوي حسين زوروني بدمعكم
وابجي بدموم ... وآيمسوم .. صيحوا حيل والطموا اعليه ضلعكم
السنه اتمر وماشفت مجلس الي تنصبونه
بس بصفر مجلس الي ومصابي اتذكرونه
تدروني ... تدروني ... ابن الوصي تدروني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
يالموالين ... يالمعزين ... هدموا كَبري الاعادي بلايه ذمه
يمته تلفون ... الكَبري تبنون ...يصير كَبري مثل حضرة ابو اليمه
رايات يمي ترتفع وانظر مواكب يمي
ومشايه تتعنه الي وتنادي حيل بأسمي
تحضروني ... تحضروني ... بمصيبتي تحضروني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
منهو مثلي ... دمعي يهلي .... رغم حزني وللحسين ادموعي تجري
حسين مذبوح ... وزينب تنوح .... ريت مو صدره انسحك بالخيل صدري
داست الخيل بجثته وضلوع صدره اتطشرت
وعياله عالنوكَ انسبت بيد الاعادي اتيسرت
عينوني ... عينوني ... يصيح الضعن عينوني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
الشاعر محمد حسن ضيغم
المجلس (( 16 ))
بمناسبة الإمام الحسن المجتبى عليه السلام
من وزن التجليبه ( المربع)
ــــــــــــــــــــــــــــــ
يبو محمد ابنوحي ودمعي عاتبتك
يبعد اختك تريد اتروح عن اختك
ـــــــــــــــــــ
اختك وانت تدري بأختك شبيهه
متعلمه عليك وانت تدريهه
شلون بلا اخو انت تخلّيهه
تخلّيني اونن لا على بختك
ــــــــــــــــــ
يلتصبّح عليّه شما يطري فجري
يخويه وأعز من روحي وبعد عمري
خلافك بيّه اموتن انت مو تدري
هنا يل اسمي ابد لا ماترك شفتك
ياخويه الاخت تنظرهه اخوهه اتحب
وبليّاه نار بنص دليلي اتشب
شكّد صعبه الاخو عن اختهه ايغرّب
حنضل يومي خويه البيه ما شفتك
ــــــــــــــــ
يبو محمد انه زينب صعب حالي
تروح شلون وانت من الزينبك غالي
لا لتروح ها يا نبض دلالي
بهذا الحال تتلوّع فلا ردّتك
ـــــــــــــــــــــــ
يكَلهه دمعتج خلّيهه للعاشر
سهله اليوم والاصعب صدكَ باجر
لو شفتي علخيّج يسحكَ الحافر
وتنادي حسين خويه الحكَ البنتك
ــــــــــــــ
الشاعر محمد حسن ضيغم
/channel/kasaedalatharDaygham
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
شهادة كريم اهل البيت الحسن ع
الـيـــــوم ابن حــيـدر چِـفــوهـا ادلاله
عــــيـن فـاطـــــــم بالدمـــع هـمّـالـــه
==========================
عظم الله اجــــرچ يفاطـــم بالحـسن
بالمــضـيــف ادلاله لمـصـابـــه انچفن
امـصـــايب اخــوتهـا العقيله هلــبدن
اتشـوف مــــن ضيــم الزمان اشكاله
==========================
اليوم ابن حـــــيـدر يفارگها الـــديـار
ونّـت اعلـــه مصـــابـه لزغـار وكــبار
يانهــــار الاظـلــــم بــــذاك الـــنـهــار
شــيــعــتــه ادمـــوع الحزن تجرالـه
==========================
تموت بالسم بالطشت ترمي الـچـبـد
الزمره نفس الزمره متروسه بحـقــد
حــاربت جـــدّك وابــــوك ومــاتِــــرد
وباچر أحـــسـيـن الـدهــــر ضمّـالـــه
==========================
فـــوگ بغله اتعنت وترمـــي السهام
بت اراذل موش بت ناس الكــــرام
يانسل انجـــــس عــبـيـد وبـت لئام
بيك ماسـمـعــت نـبـيـنـه ألگـالــــه؟
==========================
يالحــســن مسـمـوم بس يمك هلك
هـــذا يقــره اعلــيـك هــذا ايچفنك
هـــذا بهداي الگــــبـر مــــن نـــزّلـك
لو تشوف احــسيــن شنهـو احـواله
==========================
يالحسن وحسين بالحومه وحــيـد
يالحسن من داست بصدره العـبيـد
يالحسن نار وعصي احجار وحديد
وكسرت اضلوع الـصــدر خــيّـالـــه
==========================
ماكفاهم بالصدر مـــــن كــــسّـــروا
نزلو اعلــه اهدومه بالـطــف سلّبوا
حتى خنصر چــفـه مولاي أكطعـوا
سلبوا اخــــيامــه وسبــوها اعيالـه
==========================
يالحسن مــولاي اخــبـرك كــربلـه
حرگـــو اخيامه وسبـوها العايلــه
لاهواشـــــم لا عـمــامــه ولاهلــه
حسين ظل فوگ التراب الحـالــه
==========================
✍️عباس مالك العفريت
#محرم_الحرام١٤٤٦هـ
نسألكم الدعاء
اللحن👇
ها ياشريكي بالهوه ... مغذّيني حب من المهد
روح احنه وحده تفصّلت ....ونص استقر في كل جسد
ابراهيم شاف بنومته ... يذبح اوليده واستعد
ياريت وحي الله يجي ... يالحسن واذبحلك ولد
لوبيدي ...مو الاكبر آنه ارخّص روحي
لوبيدي ...يالحسن بعدك جبيره جروحي
لوبيدي ..بلحدك ادخل كَبلكَ يخلّوني
لوبيدي ... ها يالمذوّبني خويه بنوحي
ـــــــــــــــ
اسمحلي ابوسن جبهتك ...هاي اخر اوداعك تره
يلّي بعيونك يالحسن ...اشكَد سوالف تنقره
يابعد اخوك وعيلته ...كَلبي اليون شيصبّره
تجبر خواطر اعرفك ...وتكسر حسينك خاطره
معقوله ....عشرتي تتبدّه هاي الليله
معقوله ... خويه غيرك ياحبيب اشكيله
معقوله ...شما تطب زينب تنادي بصوتك
معقوله ... الطشت عن زينب اخيتك شيله
ـــــــــــــــــ
ثنين احنه من سر فاطمه ...ونور الّي بينه من علي
سر ارد اوضحنه الك ... ياهيبتي وهيبة هلي
اعرف اشد اعمامتي ... بس عندي غايه اتشهدهه الي
تتعطّر بعطرك ردت ... ها ياحبيبي الاولي
تبچيني ... شما اشوفنّه مكانك خالي
تبچيني ... كلشي يرخص وانت وحدك غالي
تبچيني ... عملمتي حين الاشدهه بروحي
تبچيني ... شمعه ذاب ابمحنتك دلالي
ــــــــــــــــــ
يل ماشي لمّي فاطمه ... انطيني من صبرك صبر
اشلون بيّه يضل نفس ... حين الاشيعك للكَبر
نعشك احضنه بدمعتي ...وياكسرت الجام انكسر
وبيدي انزلك باللحد ...ارد ادفن وياك العمر
حاچيني ...ليش وحدي اتعوفني حاچيني
حاچيني ... بعازتك يالحسن وتخلّيني
حاچيني ...شفع جنّه وتر اصير اخلافك
حاچيني ...مااصدكَ تقبل اتبچيني
ـــــــــــــــــــــ
طَلعت شمس عين الحسن ... انفتحت وبالهم حچه
لحسين كَلّه اتدنّه الي ...وكَوه على متنه انتچه
يمّي انت بس بكربله ... محّد الك خويه وبچه
وعن الخيم عن السبي ...واحد للآخر ما شچه
ياخويه .... باجر ابطف كربله يذبحونك
ياخويه ... عاري وبلا خنصر يعوفونك
ياخويه ...والخيم اعله الحرم تسعر نار
ياخويه ... بلاهوادج شمر يسبي ضعونك
ــــــــــــــــــــ
الشاعر محم حسن ضيغم
/channel/kasaedalatharDaygham
يادمعة العين. ماظن يعودون
يادمعة العين. صبي اعلى الجفون
بعيده المسافات والرجعه هيهات
ماظن يعودون
*------------*-----------*------------*
مشو بسكوت وحزنهم عاشرانا
الجانو ويانه ومحبتهم دوانا
حيرانا فراكهم فجأه وسبانا
تحت التراب اندفن مصدر هوانا
شو راحو بعيد. وماظن يردون
شو راحو بعيد. ياضي العيون
بعيده المسافات والرجعه هيهات
ماظن يعودون
*-------------*-----------*-------------*
ليش خلوني ومشو ومعاشره النوح
وأنتظر جيتهم بلوعات الجروح
ياجفن مهما جريت بدمع مسفوح
التنطره بساع صوب النايبه يروح
وبسجة البين احبابي يمشون
وبسجة البين متوجهه الضعون
بعيده المسافات والرجعه هيهات
ماظن يعودون
*-----------*------------*-------------*
غفله راحو من ادينا شمعة الدار
سكف جانو نغفى تحته زغار وكبار
هسه يادار شجرالج شنهي الصار
صرتي ظلمه وراح كل شي والزمن دار
حاجيني يادار نلكاهم اشلون
حاجيني يادار وين اليحنون
بعيده المسافات والرجعه هيهات
ماظن يعودون
*------------*-----------*------------*
كون وياهم نموت ونلكه الأحباب
للأسف ماحان وكته يطمنا التراب
بسكته راحو من ادينا وسدو الباب
وبدت لحظات الألم واحساب الغياب
شيصبر الروح ويغمض الجفون
شيصبر الروح عل ما يرجعون
بعيده المسافات والرجعه هيهات
ماظن يعودون
*-------------*-----------*------------*
بكل مكان نشوف منهم بسمه وإحساس
فاركونا الجانو أعلى الروح حراس
ندور اعليهم صفينا بزحمة الناس
مالكينا بس عطرهم يشبه الياس
بسمات الورود ذبلت بالظنون
والراح ميعود لا لا تنطرون
بعيده المسافات والرجعه هيهات
ماظن يعودون
*-----------*-----------*-------------*
محمد دعبل النوري
اه يمحمد اه..حسين امگطع عفناه
…
عريان وفوگ الغبره
والخيل اتروك ابصدره
ذبحوه وگطعوا نحره
شوف الناضر شفناه
اه يمحمد اه
…..
جواب اخيها محمد
اه يا زينب اه...شسوه العباس اهنا
وين العباس وروحه
حاضر لو ذابح روحه
لحگ بحسين ونوحه
لو ماحاضر وياه
اه يازينب اه
… ..
جواب زينب
اه يمحمد اه.. طاح البشده انخاه
تنشدني الكافل وينه
للنبله امقدم عينه
جاد ابراسه وچفينه
ذب اليسره ويمناه
اه يمحمد اه
… ..
جواب اخيها محمد
اه يازينب اه.. ياگلبي وطگ بلواه
بيچ اشسوت دنيانه
چادر حزنچ بحشانه
شلون العايف خوانه
ياوحشه اتكظ دنياه
اه يازينب اه
… .
جواب زينب
اه يمحمد اه.. شضلالي وتمناه
ماتدري ابدهري شسوه
ضلت بالطف الخوه
مشوني عنهم گوه
عني راحوا ويلاه
اه يمحمد اه
… .
جواب اخيها محمد
اه يا زينب اه.. الرايح چاوين الگاه
وين اخوانچ والعيله
بيچ اشسوت هالميله
مصبوغه ابلون الشيله
وجهچ ضايع معناه
اه يازينب اه
…… ..
علي الحاج الصبييحاوي
موشح نجفي للامام الحسن المجتبى ع
يالحسن باب المضيف وعتبته
ماكو خطار انتظرهه فتحته
.............................
عادت اليكَصد لبيت اهل الكرم
يطرق الباب وسمع جلمة نَعَم
وانت بابك ماتسده ولا خَدم
عندك وانت اليخدمه صحبته
.............................
كعدتك بالباب تنتظره اليمر
والجفوف من الكرم صارن سمر
خلص عمرك بالمضيف وتنتظر
فرحة الخطار ساعة جيته
.............................
لا تدور صيت لا مال وذهب
بالكرم وجه الله رايد هالسبب
كبل ما سائل يسولف بالطلب
اتكرمه واكثر ما يريد ابطلبته
.............................
يبو محمد وانت تدري بهالامر
بس جفن واعمال تمشي للقبر
والكريم العاش ماراد العمر
هذا دنيه واخره انحب عشرته
.............................
ياحسافه ايحاربوك اهل الرجس
بدل ميوافوك لعمالك أمس
سمموك الجانو اضعاف النفِس
وانت زادك بالبطون الخانته
.............................
جبدك اتفتت يمسموم بألم
عمرك ابسِم ياحسافات انختم
ولاكو واحد منهم ايحس بالندم
كلهم السموك ذكرك ضدته
.............................
بروحك الفاضت لوجه الله ومشت
جم ألم واحزان عالفقره البقت
واليتامه بعدك انت اتيتمت
جا ابوهم انت من دم طيبته
.............................
حسين ينظر فكَدك ابلوعه وجرِح
يبجي لفراكَك يبو ملكَه السمِح
شال نعشك والتوه الطوله رمح
وتوكع اعله الكَاع من دم دمعته
.............................
مارضو بارض المدينه تندفن
وبسهام ارموك نحجيهه ابحزن
كل سهم بالنعش واصل للمتن
وانت ميت والاعادي جرحته
.............................
وانت الموصيهم ابحقن الدمه
ماكَدر عباس يجدح صارمه
جان يكَطعهه الرؤوس المجرمه
وبالمدينه اتصير غصبن دفنته
الشاعر ياسر العارضي
وانته اعله الرمح ما ينحمل بعدك
واشتاگيت ابوسك والدي ابخدك
واشتاگيت لحظات . روحي ابحضنك اتبات
بينك او بيني مسافه يالهجرت ابنيتك
والرمح عالي يبويه او گمت احن البوستك
ارقيه آنه او يمي رتك تنزل اشتم ريحتك
حتى احضنك حتى اخلي ابراسك انته اعمامتك
حتى اتذكرك واتذكر ايامي
چنت اتگلي بويه ابهالحضن نامي
نامي ابحضني ساعات . روحي ابحضنك اتبات
_
عالي رمحك وآنه مگدر اوصل الخدك واحب
يمتى تنزل حتى احضنك بويه شيخلصه الدرب
گمت احن العطرك اشتم بويه وايحن الگلب
والله مشتاگه إمن ادينك اشرب الماي العذب
ما مشتاگ تشبگ بنتك الحلوه
او من اضحك تگلي فدوه الچ فدوه
يمك احله ضحكات . روحي ابحضنك اتبات
_
من يجيني الليل گلي وين انام ابيا حضن
الورده من تعطش يبويه تشتكي الهم للغصن
وانته بس راس ابجواري او روحي الحضنك تحن
وين احط راسي ابحضن من او من اونن وين اون
مشتاگ النفس يا بويه لانفاسك
مشتاگه اخلي راسي يم راسك
واشبع بويه نظرات . روحي ابحضنك اتبات
_
خوفي لو شبگنه راسك بويه تگرب موتتي
واعله راسك نفس بويه مايظل ابريتي
ويه راسك آنه اريدن ياحبيبي دفنتي
وابحفرتك كون بويه اتصير لازم حفرتي
آنه اوياك اريد اتلمنه بس حفره
راسك يمتى اشبگه بويه منتظره
مو بس مره مرات . روحي ابحضنك اتبات
____
واشحلاة الموته يمك بويه يم راسك اريد
ادري صح بس راسك انته يمي او جسمك بعيد
بس اذا ما موت گربك ما اظن روحي تهيد
هالعمر من غبر وجهك يا ابو اليمه اشيفيد
يم راسك اموتن آنه مقتنعه
الجفن العين لازم ترجع الدمعه
روحي كلها دمعات . روحي ابحضنك اتبات
____
قبل ما موتن يبويه ارد اشوفك بالحلم
انته وي راسك اشوفك لاتجيني ابلا جسم
اتشيلني بالحلم ردتك بويه والجسمك تظم
بنتك ارقيه يغالي او عظم يطبگ عالعظم
قبل الموت جسمك ارد اشبگنه
او عطر اثيابك آنه ارد اشمنه
مر بحلامي لحظات . روحي ابحضنك اتبات
حيدر الحلفي
#نعي السيدة رقية روحي فداها
****
فزت من حلمها تريد ابوها
وجابو راس ابوها وسكتوها
التراجي اتكله عكبك سلبوها
وامتوني يبويه ورموها
شمسويه وديه جتفوها
وضلوعك شفتهم رضرضوها
ردتك يالحنين تشوف حالي
عيني الراسك ودمعي يلالي
غربه الشام كلها وعرف مالي
وانه ميسره وما عندي والي
ما ضلت معزه ولا مهابه
وكعدنه اخلاف عينك عالترابه
عكبك ما لفاني النوم بابا
وابد ما تنحمل ذيج الخرابه
امسح دمك وامسح بالتراب
وشكيلك عذابي ودمعي سجاب
وكلك وين عني كل هالغياب
ما طاب الجرح بجفاك ما طاب
علي السجاد صاح بهل المسيه
عمه اعله الطشت ماتت رقيه
وزينب عمتي شبكت عليه
ومن ذاك الحبل دم تجري اديه
الشاعر
تحسين الخفاجي
#اللهم_عجل_لوليك_الفرج
#رقيه ع
#رقية ع
استشهاد الطفلة رقية بنت الحسين عليهما السلام
بعد مااعتب عليك..... شفت شمسوين بيك
راسك اتگطر لحيته...... لازم انا انوب اجيك
..........................
انته وينك كل دقيقة اعليك انادي
انته گايل انا احبچن وانا احبنهم اولادي
ليش چا صار الفراگ اويانه عادي
اشگد دعيت اترد علينه ومانطاني الله مرادي
شلت ادياتي الزغار... واندعي ليل ونهار
ومحد ايوصلني ليك.... بعد مااعتب عليك
...........................
بويه هيّن حال بتك من شفت يابويه حالك
بس نحر ظليت تالي نِقص ظلك وي خيالك
ابتسملي ابداعت امك خلي اتباها ابجمالك
دنگت الثم شفاهك ماكو سن بويه بقالك
هاك بويه اسنوني......واخذ نور عيوني
وايدي اركبها بديك..... بعد مااعتب عليك
...........................
بعد مااطلب محنة والله هاي آخر انوبه
ومااگللك سبوني التوبه بويه حسين توبه
ولااسولف عالعذاب ولا اگلك عالعقوبة
ولا على التعنيف والدگ بلكي بيه حسين حوبه
وي نحر تاليتي..... اشصاير ابنفسيتي
بس نحر وامعذبيك... بعد مااعتب عليك
...........................
لون تنشدي يغالي بالخرابه اشلون اذكرك
بس بچيت وگلت اريدك جابو ابهالطشت نحرك
ورى زينب لابده انا وعمتي گعدت ابكترك
چان راسك بالقماش امغطه والظالم يسطرك
گال ياهي اتريده.... وعليّ اشّرّ بيده
وجرني اوذبني عليك..... بعد مااعتب عليك
...................................
من كشفت اغطاك كزبر جسمي والروح اطلعت
وعمِتي زينب يبوية حچت بسكوت وبچت
وانا غمضت العيون وفجأة دلالي سكت
وباوعت عالبالخرابه كلمن اعليه اصرخت
وشفت بعيوني العليل
ينكت ابجسمي النحيل
هسه شو اسمع حچيك.... بعد مااعتب عليك
ام علي رضا الشريفي الحسيني
القصيدة مهداة لعزيزة الحسين رقية ع
رحم الله من يهدي سورة الفاتحة لروح والدي خادم الامام الحسين ع خضير بن زوينه
عن لسان حال رقية بنت الحسين عندما استيقظت من نومها تريد والدها تكلم عمتها زينب
عمـة زيــنب عن علــية الغالــي
شــفتـه بالنــوم واجـه حسـبالي
صورته بجفوني. ومن فتحت عيوني
بس طشت حطوه عمة كبالي
❥ــــــــــــ🕊️ـ❁❁🕊️ــــــــــــــ❥
ارد اسولفلج يعمة شكد حلو من جاني
حيل شميته وشبكته وهو هتم شماني
اه ياعطـره شـحلاتـه مـايشـبهة ثـانـي
كتـله يابويـة شجالك ماجنت تـنساني
كال غصبن من غبت
مــوعـليـج اتــغيـرت
كتلة جا بالضيم خلص حالي
❥ــــــــــــ🕊️ـ❁❁🕊️ــــــــــــــ❥
شگد حلو وياي عمة كاعد واحجيله
وهسة فزيت واريدة عمتي صيحيله
عمـة ماخلصـت منه سالفتنه طويـله
خذو من عندي التراجي بكربلا كليله
خل يشوف اذاني
الشمر حيل اذاني
كون ميته وياه اهناك اشوالي
❥ــــــــــــ🕊️ـ❁❁🕊️ــــــــــــــ❥
كلـبي فرفـر مـن غيـابه لاتسـكتوني بـعد
صار جم يوم اعلى فكده ليش بعده مايرد
لوـصـدك سفرة ويـعاود ليش دلالي انـمرد
وليــش من عـنه بعدنه لهـسة كلبـي مابـرد
اليوم يرجع لو اموت
وارتفع منها الصوت
بس بجة وصريخ سمعو عالي
❥ــــــــــــ🕊️ـ❁❁🕊️ــــــــــــــ❥
وصلت الصيحة ليزيد وكال ودوه الطشت
مغطـى من بعيد كالت عمة كـلشي ماردت
بس ابوي اليوم اريده حيل صاحتهاوبجت
رفعت المنديل عنه شلون منظر شاهدت
بس وجـه ناكع دمـة
صاحت منين احضنه
شلون شوفة شفت ابوية تالي
❥ــــــــــــ🕊️ـ❁❁🕊️ــــــــــــــ❥
شلون موقف يصعب يحمله الصخر
اعليـها مغــمي سـاعة ضلت عالنحر
والعليل يصيح عمة ماتت اختي من القهر
شيلو عنها راس ابونه كلبي مابي يصطبر
عنها شيلو منحرة
ماتت الطفلة ترى
وبس،قهرها وضيمها يبقالي
❥ــــــــــــ🕊️ـ❁❁🕊️ــــــــــــــ❥
تمت
خادمه أهل البيت العلويه فضيله هاشم الموسوي
ماذكرناه في عشره أيام. رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫