7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
لطمية مربعة لسيدة زينب عليها السلام
=================
ولج يا دار اهلنه اشبيج حزنانه
خلونه بهضم والروح خلصانه
===
غفله حملو والدار سدوها
عافونه نون والخوه فلوها
وروحي حايره وبضيم خلوها
ومن فراكهم اليوم عدمانه
===
على الذبو حمولي أهواي مهضومه
والفكدت وليها تعيش مالومه
تضل طول العمر ب الاه ملجومه
عمت عين الزمان الخان ويانه
===
نمر من بابهم وتزيد حسرتنه
غداره الدنيه بحزن بجتنه
للوليان تبقى تسيل دمعتنا
تودي اعتابنه والحزن بجانه
===
عتبنه اهواي للشالو وعافونه
ماردو علينه ب أه خلونه
ونينه بهضم يحباب انشدونه
اصد الدارهم وانتحب حزنانه
===
الدار اخلافهم ضلمه محاريها
وروحي مرمره وشلون اهديها
على الخوان ونتها وبواجيها
ثكيل افراكهم وهواي بجانه
===
اذانه الفراك وما اجو لينه
عافونه نون والشوك جاوينه
احا يا نارهم توجع يهالينه
خلونه ومشو من يكعد ويانه
===
تمت بحمد الله تعالى بقلمي شاعرة وخادمة اهل البيت عليهم السلام ملة زينب الطويرجاوي
محاورة بين مولاتي الزهراء عليها السلام
ومولاتي زينب عليها السلام
****
انا بالخيمة وجوتني النار وانصب الدمع
انتي باب البيت يمة حارگ وكاسر ضلع
طفكم شكبرة
طف دمة وعبرة
لا علي يمج ييمة وانا مثلج صرعة اخوتي اعلئ النهر
انا اهون من وضعكم يمة زينب ما ضگت ذل السفر
انا ما شفت الذبح بس انتي يمة شفتي الحسين انحر
انا ما ناغيت محسن وانتي زينب شفتي عبدالله انشطر
انا محسن شفتة حدري طايح ودمة جرة
وانتي ولدج وي اخوتج گبال عينج علثرة
طف واليحضرة
طف دمة وعبرة
****
بدت الحرة بحجيهة وأمهة تسمع وسيد الموقف دمع
تشابگن والحرة زينب وامهة تدمع مشابگ خيام وضلع
انا عمري ١٨ يا يمة واسمع صرخة ابني وانوجع
والعطش عدكم جبر عبدالله يطلع والنهر عدكم جرع
احنة صح عطشنة ماي وانتي عطشانة لابن
يمة نعمة ومات محسن ما مشة بذاك الضعن
وكلبي شيصبرة
طف دمة وعبرة
*
منين اسولفلج ييمة والله حيرة منين ابدي بلحجي
طول الحسين شحلاتة وبلحصيرة ينجمع هم تنحجي
جان ابوي يگلي أميرة هسة أسيرة الگايد الهزلة اجنبي
والهضمني ما اجت يمة عشيرة وگالو نخص بت علي
يمة انا جفون عيني تزاعلن ما يلتقن
عين تندار اعلئ اخوتي وعين تربى اعلئ الضعن
وسلمت إمرة
طف دمة وعبرة
**
يمة رديت بدمعتي وبغربتي ومن وصلت لكربلة
تذكرت ذاك الدلال البين اخوتي ولمتي اوية العايلة
هنا ذكرت انذبحو اخواني وتجوتي وراح اسم المدللة
يا مرة التصبر علئ الصار اوية زينب تشوف أهلهة مجتلة
يمة من رديت للطف تذكرت كلشي جرة
يمة شفت حسين طايح وشمر يگطع منحرة
وضهرة وي صدرة
طف دمة وعبرة
*
كلمات : حسن جاسب الفريجي
آحضّر حاجتي ومتقصر الزهره
اصيح ام الحسن مولاتي بس نظره
--------------------------------------------
وين يروح خادمكم يمولاتي
ضاگت وانتي متقبلين وناتي
ثگيله هموم گلبي وهايه دمعاتي
اجيت المجلسچ سمعيهه چلماتي
اجيت وحيل ما بيه
اريد الحاچه مگضيه
انه الخادم واحبكم والله علفطره
اصيح ام الحسن مولاتي بس نظره
----------------------------------------
بچيت وما يصح عوان لاحزاني
البشر بالشده ما ظن ايتلگاني
يباب الله الگصدته وساد بيباني
ها يم الحسن مديت ذرعاني
بجاه الضلع والمنحر
برضيع حسين والاكبر
بعباية زينب الردت گبل حمره
اصيح ام الحسن مولاتي بس نظره
--------------------------------------------
يروحي الناس هيه تريد متفيدچ
اسلم لله كل أمري وبعد بيدچ
يزهره ابمجلس ودمعاتي لوليدچ
اليضيع بدنيته يتعنى ويريدچ
تدلين الغريب الضاع
بسمچ هلسمى والگاع
الصحاري الذكرتچ تنبت عشب خضره
اصيح ام الحسن مولاتي بس نظره
--------------------------------------------
ثگل هم الدليل وهلمرض حيره
تعب دكتوري مني وملت الديره
اروحن وين وانتم موطن الغيره
دخيل وجاي والدمعات تأشيره
اسافر الكم وبيكم
على الونات احاچيكم
بس انتم ظهر للوادم الفقره
اصيح ام الحسن مولاتي بس نظره
-----------------------------------------
سلام من الوحيد الخلصت سنينه
الباچر باللحد كل اهله ناسينه
اليظل بالگبر خايف ياهو اليعينه
السكت صوته وبقت مشدوده چفينه
تجون بساعة الوحشه
ظلام وينگلب غبشه
امان الگبر بيكم سادتي العتره
اصيح ام الحسن مولاتي بس نظره
كلمات الخادم / رعد الفريجي
ربيع الاول / 1446
ثوابها الى روح والدتي
قصيده لشفاعة الحسين(ع)
اللهم ارزقنا زيارت الحسين
اللهم ارزقنا شفاعة الحسين
حسين ياروحي وحياتي والنجات
حسين حققلي جميع الأمنيات
حسين اندبه لو وصل وكت الممات
ياحبيب الله ياحبل المتين
""""""""""""""
شنهي عمره العاف حبك يا امام
الدنيا لو مابيهه انت اظل ظلام
وعلى آخرته خل يقره السلام
ولله خسران اليعوفه وماله دين
"""""""""""""
حسين لو ما انته حالي بالعدم
حسين مو يسوه لطم ابچيله دم
حسين خلاني اصير امن الخدم
والله يستاهل عزه بطول السنين
""""""""""""""
شگد حنين او مانساني ابوعلي
سجل اسمي للزياره انه وهلي
ماكو غيرك ياولي واحسن ولي
ياطبيب الكل قلوب العاشقين
""""""""""""""
حسين احلفك بطفل وبذبحته
وبچفوف الطاحن وطر جبهته
وبالمعاتب الي زينب ودته
تشفع النه وتقبله هاذ الونين
الخادمه ام محمودالصليحاوي
ذمه لا تحذف الأسم ❌
حصریا
قصیده للام {{مره اخلافچ العیشه}}
مره اخلافچ العیشه ــــ یمه وما هوناها
افراگچ ثلم اضلوعي ـــ وبنیرانه چواها
ــــــــــــــــــــ🏴🏴🏴ــــــــــــــــــــ
اسولف من یجیني الیل...
وتخلب روحي الونه
وترجه یمر بالعین......
طیفچ بلکي اشوفنه
اتجالب صفحة الصفحه....
لیلي ابوني اخلصنه
یم گبرچ یبعد الروح ــ هاي الروح عفناها
مره اخلافچ العیشه ــــ یمه وما هوناها
ــــــــــــــــــــ🏴🏴🏴ــــــــــــــــــــ
ضلت روحي یم گبرچ.....
اتجالب بالحزن والنوح
من هلوا علیچ اتراب.....
حطوا بالدلیل اجروح
یمه یا بعد عیني......
دمعي اعلیچ ضل مسفوح
یالرحتي وترکتینه ـــ الونه ما حملناها
مره اخلافچ العیشه ــــ یمه وما هوناها
ــــــــــــــــــــ🏴🏴🏴ــــــــــــــــــــ
انطر گلبي وخلص حیلي.....
یالرحتي وجفیتیني
ماني امعوده اعله افراگ....
حنانچ دومه غاطیني
تفز چانت توالي الیل.....
تحضني وتدفیني
خیمتنه التفیینه ـــ وسفه ما حویناها
مره اخلافچ العیشه ــــ یمه وما هوناها
ــــــــــــــــــــ🏴🏴🏴ــــــــــــــــــــ
آیا عیشت الگشره.....
الما بیها سوالفهه
امنه الغربت یا حیف
بعد یاهو الي یردهه
شالت والحزن چودر
بضلوع الیفارگهه
عسه ویا ریت لا طبنه ـــ ولا امنه دفناها
مره اخلافچ العیشه ــــ یمه وما هوناها
ــــــــــــــــــــ🏴🏴🏴ــــــــــــــــــــ
عسه ما شافت الراحه......
ولا شافت اعیوني النوم
حزنانه العمر کله......
عساهه وحیلها مهدوم
تشبع ذله یمه الروح
اخلافچ والگلب مهضوم
تعبني وعلي لفراگ ــــ عساني میته ویاها
مره اخلافچ العیشه ــــ یمه وما هوناها
ــــــــــــــــــــ🏴🏴🏴ــــــــــــــــــــ
تمت بعون الله تعالی
کلمات یاسمین الشموسي
ثكيل مولاتي فاطمه الزهراء عليها السلام
.....................................
جان لو مر النبي يقر عل هل الدار
يذهب الله الرجس لجن تشب نار
وتهل دمعاته دمه
وجان يبجي لفاطمه
يقره عل هل الدار
يقره عل هل الدار
..............................................
بنيته وينعه جان عليج حك الوالد وينعه
بس دمعت نبي تفرق بي وشلت صبر دمعه
عل ضلع الينكسر بالباب جم ادم لزم ضلع
هنانه تماده جم قابيل لباب الزهره ويدفعه
جان باطنهم صنم والضهر الدين
خوف لمن اسلمو ذولي الملحدين
باجر اصحاب الفتن يكشفها بسمار
جان لو مر النبي يقره عل هل الدار
.......................................
مو بس بنتي انتي امي عصرو امي وام حسين
بگبري وجيتج ليه بحنان الوالده تجبلين
جنت ما احس يتيم وياج بمحنة امنه تبارين
تعز اعليه دمعاتج تبجي السبعه من تبجين
ذابله الزهره وعليها يبان الفراك
وادري اليفارك محب للموت يشتاك
نبي ويحجي لفاطمه بدموعج احتار
جان لو مر النبي يقره عل هل الدار
........................................
وحجت فاطم لبوها هموم وتعنت لعد گبره
صب ليه الحزن بعدك مصايب تعتم الكمره
ومنعو حتى بجي عليك وباقي بعمري بس فتره
وكالو تعبانه الصوت بجيج مأذي يالزهره
شبيدي وانا بغيبتك تهمل عيوني
بويه حتى بدمعتي هم حاربوني
شحال التيتم ولدها وكلهم ازغار
جان لو مر النبي يقره عل هل الدار
...........................................
خلص وكت الصبر والاخ للملجوم ما تنفع
التطلع روحه مره ارتاح وروحي بكل نفس تطلع
وتوجع صيحت المتعوب وبس البي وجع يسمع
شيرجع الحياة وياك بعد هيهات نجمع
والله من تشوف ضلعي تكوم ليه
صحت بسمك واندفع بابي عليه
محسن الشاهد عليهم شاهد الصار
جان لو مر النبي يقره عل هل الدار
...............
ل احمد سعدي
مولاتي زينب عليها السلام
تتمنی ترجع الايام الراحت وتعود الليالي ويّه امها .كأني بها بلسان الحال ..
ابو ذيات
لنغم صوتچ ييمه حيييل حنّيت
وعليچ ضلوع گدما اون حنّيت
عليّه نذر باب الدار حنّيت
يامن كون الچ للدار جيّه
اخلص الحيل بغيابچ وحنّي
ضلوعي من كثر ونّي وحنّي
يحگلي ابچي دمع من دم وحنّي
من سيل الدموع ثنين اديّه
محنه الوكت بفراگچ محنّه
الليالي الفرح عن گلبي محنّه
جفيتيني يمن كلچ محنّه
بعدني بعازتچ واگطتي بيّه
يازهراء
ام محمد الحجاج
نعي لفقد الام
يمه يمه يمه
جمر الدليل اليوم هايج
ويلهب بوسط احشاي حارج
والخلگ صبّح حيل ضايج
واشتهت روحي ليچ اوايج
عاينت باب البيت طابج
ام محمد الحجاج
لاستشهاد الزهراء عليها السلام ( ميمر )
البضعة محمد لوعتي للمحشر
حالي بحزن للدوم مايتغير
الرب السمه من كل ذنب عاصمها
وجنة عدن فوگ الارض راسمها
ريت العمر طول العمر خادمها
وياخدي كون من الدمع يتحفر
اسباب الهدايه فاطمة ومحورها
عنصرها نور الباري من صورها
ويله الكسر گبل الظلع خاطرها
ينصان كون الظلع مويتكسر
ربي الاكوان بقبضته مطويه
ماخلق نور ولاسمه مبنيه
ولاشمس تضوي ولاارض مدحيه
الا لجل بيت الزهر بالكوثر
العابد صنم يا ايه اليفسرها
ويعرف خفايا الدين ويقدرها
ياسر إلهي وين يعرف سرها
ام الحسن كل فكر بيها أتحيَّر
فخر الكمال المقتدر أيَّدها
حجة الخالق والحجج من عدها
فوك العقل من يگدر يحددها
اسرار الزچيه يخوضهن من يگدر
قبل الخليقه اتكونت قبل آدم
يافاطمة فخر النسة بهلعالم
خير أنرفع منصوب لجله مأتم
ياخير مامثله بعد يتكرر
الشاعر حسن لعيبي الحريشاوي
يحسين الله يصبرك
رديت لازم ضهرك
امك فاطمه وين
تبدي اجروحك امنين
يحسين الله يصبرك
*
شفتك تنوح ودمعتك تجريها
وكل ساعه حجرة فاطمه اطب ليها
لازم عباة الزهره وتشم بيها
جروحك جبيره ومحد ايداويها
كل ساع تشبك زينب
ووياك تبجي وتنحب
غربة الدنيه يحسين
تبدي جروحك امنين
يحسين الله يصبرك
*
ليل الحزن يبن الزجيه ايبجيك
وباجر تجور بكربله الدنيه عليك
اكبال اختك اشلون الشمر يذبح بيك
ومن الذبح ترفس يخويه برجليك
عالسيف ينزف دمك
امن الكاع ياهو ليلمك
شيال العلم وين
تبدي جروحك امنين
يحسين الله يصبرك
*
بضلع الزجيه خويه شفتك حاير
ويحسين بيك اشلون يوم العاشر
يروح ويرد اعليك راح الحافر
وللخيل ملعب انته بالطف صاير
ايسحكون راح ضلوعك
وتسيل خويه دموعك
بزينب تدوي نارين
تبدي جروحك امنين
يحسين الله يصبرك
**
نار الدوت بالباب يبن الكرار
اهون يخويه ومو مثل ذيج النار
بحرك الخيم تتراكض ازغار اكبار
وانه يخويه بعايله راح احتار
الأيتام كلها بكتري
والصوط طبعها ضهري
اشمسح دمعة العين
تبدي جروحك امنين
يحسين الله يصبرك
****
كسر الخواطر كلي ياهو يجبره
ماتت احلامك خويه ويه الزهره
كلش حنين وكلبك انته اشكبره
كبل الهله للخيل فاتح صدره
هالناس بيش اطلبك
اويالخيل يطلع كلبك
ويبسون النساوين
تبدي جروحك امنين
يحسين الله يصبرك
****
تمت
تحسين الخفاجي
(شافــي أمـي)
.......................
أمـي مجـروحـه وتـون ـــــــ وأنـا ماخذنـي الحزن
شافـي أمـي وألنه كومهـا بسلامه
واللـه لو راحت يربي انظل يتامه
شافي أمي
.......................
أنـــا زينـب. ياألاهـــي.اتوجهــت ليــك ودعيــت
صوب لطفك.درته وجهي. وغير وجهك مالكيت
يلرحمـتـــك.ماكـو منـهــا. وبأمــــل يمــك أجيـت
شافي أمي. من جرحها. وسالمه اترجعهـا ريت
أدعي يارب من كلب ـــــ حال أمي اشكد صعب
اتلـوج هالليـــل اليمرها وماتنامــه
واللـه لو راحت يربي انظــل يتامه
.........................
أمي يارب. بنعمه جانت. عايشــه بحـب وسلام
ويمها ابونه. وأحنــه يمهــا. نفرش بصفها ننام
الزهره جانـت. تضوي ألنــه. نور لوحـل الظلام
بيهــا حيــــدر. حيل مهتــم. بكلبــه حطلهــا مقام
بأمنـه يارب حيــدره ــــــ حيـــل متعلـــق تــره
مانوصـف حبــه لمنــه وأحترامــه
واللـه لو راحت يربـي انظل يتامه
.......................
الدنيه ظلمه. اعليه صارت. وكمت ماأندل وأشوف
ضربت أمي. زمرة الشـر. وحطمـت كلبـي العطوف
طفلـه أجيـتــك. كلي حســره. ياألهــي وكلـــي خوف
خافــن أمي. اتروح منـي. وتصعـب اعليه الظروف
أمـي ياأدفــئ حظـــن ــــــ اتحبنـه وعلينــه تحـــن
نبقــه يارب مـن تفاركنـه بملامــه
واللـه لو راحت يربي انظـل يتامه
.........................
ريــت بيه. وموش بيهـــا. ربي كل هـذا اليصيــر
ياألاهـــي. كون ظلعـــي. مو ظلــع فاطــم كسيــر
أشتـكيــلــك. من فكدهـــا. بيـك ألـوذن وأستجيــر
هالمصيبــه. شكد عظيمــه. والجـرح كلش جبيـر
أمي مكسورة ظلــع ـــــ وألها كل كلب أنفجــع
كلب أخوتي وكلبي وكلب الامامه
واللـه لو راحت يربي انظل يتامه
.........................
أدعي يارب. لمي وأبجي. خلهــا تشافــه وتكوم
هالفجيـعـــه.غيرتهـــا. يوم اشوفنهـا اعله يـوم
الزهـره ذبلــت. أنظـرلهــا. اتغيرت كل الرسوم
وأنا طفله. وعيني تجري. وأفتر اعليها واحوم
من كسرها ماصحـت ــــــ تعبت وحيل أنتهـت
راحـت اتـروح أم أبوهــا ياندامـــه
واللـه لو راحت يربي انظل يتامـه
...............................
خادم أهل البيت(ع)
الشاعر: حيدر كامل العبودي
ابوذيه للزهراء عليها السلام
( الزهراء 'ع' تخاطب أمير المؤمنين علي 'ع' )
الـگـلـب مـسـجـد ودهـري.. بي تله احزان
لـحـد مـا صـفـه ٱمـن الهم.. بـي تل احزان
بـثـلـث چـلـمــات عـشـتـه.. بيت الاحـزان
الـضـلـع والـمــحــســن وســيــد الـبــريــه
*---------------*---------------*
✍️خادم الحسين ع
الشاعر سعد هادي الشمري
بالحسره رديت . الگيت اظلم البيت
بالگبر نام الضوة ودنياي ظلمه.
مني راحت فاطمة گلبي شيسلمه.
ـــــــــــــــــــــــــــــــــــــــــــــــــــــــ١
ظلوا اولادي يتامه راحت امهم
من يسئلوني عليهه بعبره أگلهم
بليله ظلمه ادفنت أمكم وابچي يمهم
شلون اصبرهم اذا راح اليلمهم
لسه علباب. اثار الدمه
لسه علباب. قصت فاطمه
لسه علباب. ظلوع مهشمه
من ام الحسين. منكسر ظلعين
وظهري مكسور وبعد محد يحزمه.
مني راحت فاطمة گلبي شيسلمه.
ــــــــــــــــــــــــــــــــــــــــــــــــ٢
بيمن ابچي وبالگبر طميت العيون
من بعد أم الحسن ماعندي كل عون
من بعدهه راح اظل ابداري مسجون
الناس عافتني ومشت تسجد لفرعون.
وانه هارون. وصفني الوحي
وانه هارون. منزلتي الوصي
وانه هارون. من بعد النبي
داري محروگ. حگي مبيوگ.
انقلاب اعلينه صار واقسه هجمه
مني راحت فاطمة گلبي شيسلمه.
ــــــــــــــــــــــــــــــــــــــــــــــــــــــ٣
ربنه بالقرآن وصه الناس بينه
ليش من مات النبي هجموا علينه
احنه ما أذينه واحد واعتدينه
ليش كتلوا فاطمه وماتت حزينه.
ماتت ومات. حلم اهل الارض
ماتت ومات. گلبي وينقبض.
ماتت ومات. محسن والنبض
محسن يروح. وزينب تنوح
.
المحسن استشهد كتب اعلباب دمه.
مني راحت فاطمة گلبي شيسلمه.
ـــــــــــــــــــــــــــــــــــــــــــــــــــــــــ٤
شفت بسمار بصدرهه والنفس راح
صرت كلساع انذبح من غير ذباح
انگطت اوتار الگلب ماضلي سباح
ابوصط لحد الزهره گلبي يابشر طاح.
وياهه ياناس . چم موته متت
وياهه ياناس . حيل اتالمت
وياهه ياناس . انه اتصوبت.
جرحي ماطاب. يشهد الباب
هاي صدمة الما وراهه بعد صدمه.
مني راحت فاطمة گلبي شيسلمه.
ــــــــــــــــــــــــــــــــــــــــــــــــ٥
غسلتهه وشفت بعيوني ظلعهه
كاسره الباب واحس بيه وجعهه
الظالم بخدهه أثر چفه طبعهه
فاطمة المظلومة من حگهه منعهه
صوط الانذال. اثاره بقت.
صوط الانذال. منه اتلوعت
صوط الانذال. منه ماغفت.
بگد الاكوان. شافت احزان
.
بيت اهل بيت النبي محد يرحمه.
مني راحت فاطمة گلبي شيسلمه.
ــــــــــــــــــــــــــــــــــــــــــــــــــــــــــــ
حيدر موسى الرميثي.
جروح الزهره للوالي ...... تراون
أوونين الثكلى ون حيدر ... ترى ون
دفنت البضعه بعيونك؟.... تُرى وين؟
ودفنت وياها ضحكاتك سويه💔
قصيدة (سيدة الجنة) استشهاد فاطمة الزهراء عليها السلام
المن تشتكي همومك
ماتت سيدة يومك
ماظل بعد بالدار
غير الحطب والنار
المن تشتكي همومك
ه___
خلصت ياعلي وماتت
ودمعك ذبل عيونك
قالع خيبره و بيدك
هسه انته يگومونك
اول مره اشوفنك
اصفر وجهك ولونك
حقك شيعت بيتك
تطلع مايعرفونك
اخر لحظه چانت كسر الاضلوع
وي شيل الجنازه تشيل الادموع
غيبة فاطمة طالت
ودمعة حيدره سالت٠
عگبج علي محتار
غير الحطب والنار
المن تشتكي همومك
ه_
ظلمه وموحشه داره
فارگ خيمت عياله
چانت شمعته وبيته
تگعد يمه تبراله
يحجي بَهمه وياهه
تعرف كلشي بحواله
الباقي من النبي بروحه
ماتت تركت اطفاله
اول مره اشوفن حيدره يطيح
ذاك البلحرب لمن يهب ريح
بسمار ودخل گلبه
من تشيّعت حبه
يابويه شنهي الصار
غير الحطب والنار
المن تشتكي اهمومك
ه__
ماتت نسمة الهادي
العاشت يمه بس كمره
شوفتها العلي تسبيح
چنهه عمامته الخضره
يصلي ويقره بالكوثر
بيده سبحت الزهره
يعني بكلشي هي وياه
موضع مقدسه وأمره
الله يعينه فارگ لبت العين
شاف الزهره تبچي بدمع الحسين
داره موحشه الليله
حيدر منكسر حيله
يابويه عل الكرار
غير الحطب والنار
المن تشتكي همومك
ه_
انزع ياعلي الحلقه
والبس حزنك بروحك
جرحك بالحرب مضموم
وهسه مطشره جروحك
منهو اليعرف شياذيك
ومنهو الزيدت نوحك
راسم فاطمة ومكسور
بكلبك مووسط لوحك
اني اعرف تشمها بيت الاحزان
قران اندفن واليبجي قران
اتخيل وحدك اتخيل
حيدر شايف المقتل
طاح الدمع مدرار
غير الحطب والنار
المن تشتكي همومك
ه__
چانت فاطمة ولايه
هيه اعله الخلك ايه
حيدر چانت انياطه
تمشي بكلمته ورايه
موسهله يموت بسيف
بس اتكتله الحجايه
من ادگله عصره الباب
فاطم صارت ادمايه
يوگع ياابوذر وگوم تچي
حيدر منتهي مايگوه يمشي
الله يعظم امصابك
مرتك ماتت ابابك
كون الوجع يندار
غير الحطب والنار
المن تشتكي همومك
ه____
ينصب فاتحه بچادر
بس بگلبه موشارع
خاف يشوف ابن خطاب
شامت يطلع يباوع
دافنها بسواد الليل
محد شافه من راجع
جفونه مفطره بدموع
عليهه من البچي شابع
الله يساعده لمن دفنهه
گبل بساعه يشتمهه وحظنهه
ماينظم جرح غالي
طاحت دمعته تلالي
ويلي الجروح أكبار
غير الحطب والنار
المن تشتكي همومك
خادم رقية عليها السلام
الشاعر مهند الدريساوي
١٤/١١/٢٠٢٣
على طور (سدوا الماي ) للرادود حمزة الزغير
لاستشهاد فاطمة الزهراء عليها السلام
گصدوا الدار الدار ليش حرگوها
الدار بيها أم الحسن حقد منهم لوثار
ليش حرگوها
★★★★★
جمعوا الوادم حطب الوادم اشيردون
شنهي غايتهم
لكل امر لازم سبب لمن أيطبون
بيوت سادتهم
ياسبب هذا الوجب بلحطب يلفون
الزهره شافتهم
ام حسن ليش الگوم برهبه خلوها
الدفع باب وضرب والجمع بيده الحطب
بدارها شبت نار ليش حرگوها
★★★★★
والحقد هذا الحقد بهلشكل موجود
شنهي اسبابه
ظالم يروح ويرد ايهدد ابكل زود
كشر أنيابه
يحرگ الدار القصد بالنوايا السود
حشم اصحابه
رحمة الباري شلون ليش أذوها
حاربوا ليش الستر ودار وجت كل كتر
بيها كل هذا الصار ليش حرگوها
★★★★★
ظالم وطبعه الجفه الرحمه موطبعه
بالغدر خبره
يرهب الزهره لفه ما إله رجعه
من حزم أمره
نكر بنت المصطفى عذب البضعه
الطاهره الزهره
يازمرة الاحقاد تنوح عافوها
علضلع باب أنطبگ وكل كتر بيها أحترگ
دار التشع انوار ليش حرگوها
★★★★★
بگلبه مايملك أسف المعدنه الخذلان
شلون بيه رحمه
الخافي اصبح منكشف هجمت الغربان
تنشر الظلمه
ينهدم بيت الشرف تقصد العدوان
وينجلي رسمه
ام الرحم گصد الگوم مايرحموها
ابفدك حقها انحجب وحق ابوحسين انسلب
دار بنت المختار ليش حرگوها
★★★★★
ليل چن صار الصبح من يمر بيها
هاذي حالتها
بعد ماطاب الجرح عگب واليها
تشكي غربتها
بگوم ابد ماتنصلح صفوا تاليها
اسباب لوعتها
النكروا الهادي شلون ماينكروها
ليش ظالم مارحم بزمرته لمن هجم
ودار الوصي الكرار ليش حرگوها
الشاعر حسن لعيبي الحريشاوي
لطمية مربعة لسيدة زينب عليها السلام
==================
خلص كلبي واريد الي يعاوني
اون ونتي كلها لخوال ابني
===
خلصت العمر لا ماشفت راحه
اون ونتي من الوجع ذباحه
يحن كلبي وابد مابطل نياحه
على ابن امي الحنين الدهر دولبني
===
بعد ونات كلبي بيش ادويها
وروحي على المشو زاد الوجع بيها
خلاف الحملو ياهو اليسليها
اصيح بصوت خويه لاتعاتبني
===
مفتاح الصبر من رحت ضيعته
وخال ابني حنين اشلون فاركته
بقت حسره بدليلي على الثرى عفته
صوبني الفراك وناره تحركني
===
جوتني النار من عافوني خواني
ذليله اخلافهم ومرافكه احزاني
امر بديارهم محد تلكاني
اصد الدار هم ضلمه وتصوبني
===
تشب نيران بيه من اشوفنها
على احباب الكلب بهداي انشدنها
يمكن جاوبتني وما اسمعنها
كالتلي بعد بالج تمريني
===
بعد يادار اخوتي ما امر ليها
ضلمه وخاليه وتوحش ذواريها
عكب حسين والعباس واليها
شالو والزمان اشلون دولبني
===
تمت بحمد الله تعالى بقلمي شاعرة وخادمة اهل البيت عليهم السلام ملة زينب الطويرجاوي
#زينب ع
قصيدة لحال مولاتي زينب الكبرى العقيلة ع
ليالي اهلچ يزينب ما يردن
انسيهن مثل ماي وتبدن
دلالچ والخدر
تبدل بالصبر
وبعد عمرچ ايامه مايكدن
ليالي اهلچ يزينب مايردن
..............................
انسي ايامهم والعتب بطليه
وشوفچ يالحنينه اشوي ارحميه
اليموت ايموت گولي اشبيدچ اعليه
لو تبچين عمرچ ماترجعيه
دمعچ من يصب
بس شلعة گلب
وليالي افراگهم چم حيل يردن
ليالي اهلچ يزينب مايردن
.............................
بالله اشلون رايچ هيچ تبقين
ليل انهار عالشالو تنوحين
وبضلع المشت كل فجر تبدين
وبله احسين هذا الروح الحسين
بنعاوي كربله
الهسه امحمله
ونعاوييچ اهواي و مايخلصن
ليالي اهلچ يزينب مايردن
.......................
بعد لاتلتفت عينچ على الباب
ولتگولين انا اهواي الي احباب
لان اعزاز روحچ حدر الاتراب
سدي الباب كافي وبطلي الاعتاب
اليحب مايبتعد
يومين اويرد
وايام الحنّان اوياچ گفضن
ليالي اهلچ يزينب مايردن
...........................
گفضت وي هلچ ذيچ المحنه
والگعده اللذيذة ابغير منه
كل طيّب ليالي الهم خذنه
وعمرچ يالحنينه غربلنه
ابحسرتهم شهگتي
منهم ماشبعتي
ومرن بيچ هضمات وتعدن
ليالي اهلچ يزينب مايردن
..............................
اگول اشچم هضيمه وچم ملامه
حفرن بالگلب مية علامه
محد گال اجيتچ ياندامه
وبرّد نار دلالي ابكلاممه
اشب من القهر
ولاواحد حظر
وانا اهواي الليالي اوياي شدن
ليالي اهلچ يزينب مايردن
........................
القصيدة مهداة لسيدتي زينب عليها السلام
ام علي رضا الشريفي الحسيني
رحم الله من يقرا سورة الفاتحة لروح والدي خضير بن زوينه واحمد بن زهرة وحضية بت زهرة وعباس بن جميلة وتحرير بت حضية
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
قصیده للام{{یوحش اعلیه }}
اهداء الی فاطمة الزهراء ع
حنینه امي ونزلهه یوحش اعلیه
ابواهسهه مشت ما حسبت بیه
ـــــــــــــ🏴🏴🏴ـــــــــــــ
فیتي علیه وتلوهتیني
یمه وداعتچ بضیم عفتیني
لیش اویاچ یمه ما خذیتیني
اظلوعي من النوایب حیل محنیه
ـــــــــــــ🏴🏴🏴ـــــــــــــ
اشلون افراگ وجهچ یمه احملنه
وبیتچ یالحنینه اشلون اطبنه
اسیر عدمن وضیمي افلنه
علیمن نبدي یمه ونمشي لیليه
ـــــــــــــ🏴🏴🏴ـــــــــــــ
بعد عدمـن نروح ونمشي بدّايه
انفل اگلوبنه ونسولف اهوایه
اشگد طیبه ولذیذه منها الحچايه
ما تحلی بعد گعدت العصريه
ـــــــــــــ🏴🏴🏴ـــــــــــــ
بعد ما تحله گعدتنه بلیاها
امنه الدللتنه اشلون ننساها
شفجه ویاملذتنه ابملگاها
منا ونتهت هاي الفراگیه
ـــــــــــــ🏴🏴🏴ـــــــــــــ
شیالت هضمنه شالت الیله
نامت بتراب و روحي انحیله
ثگیل الموت یمه ومالنه حیله
لیش اتروح منه ابلا وداعیه
ـــــــــــــ🏴🏴🏴ـــــــــــــ
تمت بعون الله تعالی
کلمات یاسمین الشموسي
حصریا
قصیده للام {{خذتي الحیل}}
خذتي الحیل یا شیالت الهم
عگبچ عالگلب همي تلملم
ـــــــــــــــ🏴🏴🏴ـــــــــــــــ
اهنا یالوالده یل روحي تهواچ
کونچ حملتي انحمل ویاچ
مره العیشه یا یمه بلیاچ
{{فرگاها /// نار وتچویني}}
ـــــــــــــــ🏴🏴🏴ـــــــــــــــ
یا یمه المصایب گلبي ذلنه
افراگچ یالحنینه اشلون احملنه
مالي عین بیتچ یمه اصدنه
{{ شلچ بي // النوم ابهیمه}}
ـــــــــــــــ🏴🏴🏴ـــــــــــــــ
شلچ بالتراب ایخرب ارسومچ
عسه یومي ییمه ولا شفت یومچ
یشتاگ الگلب واشتمهن اهدومچ
{{یوحش یفراگ الحبابه}}
ـــــــــــــــ🏴🏴🏴ـــــــــــــــ
شالت والمنازل تنعي اعلیها
امنه ام المحنه اتراب غاطیها
لو ینعاد وکتي وهم یرد بیها
{{بادلتچ یا یمه ابروحي}}
ـــــــــــــــ🏴🏴🏴ـــــــــــــــ
لو ینسام عمري اشرتچ ابعمري
اخلافچ یالحنینه ضیعت امري
وعبراتي ییمه تخنگ ابصدري
{{وازانه الضیم اخلافچ}}
ـــــــــــــــ🏴🏴🏴ـــــــــــــــ
تمت بعون الله تعالی
کلمات یاسمین الشموسي
اهداء القصیده الی مولاتي ام الحسن ع والی جمیع امهات المؤمنین والمومنات والی روح جداتي ام صاحب وام رمضان والی روح والدة الشاعره نورس الحلفي
نسالکم الدعاء
لاستشهاد الزهراء عليها السلام ( ميمر )
البضعة محمد لوعتي للمحشر
حالي بحزن للدوم مايتغير
الرب السمه من كل ذنب عاصمها
وجنة عدن فوگ الارض راسمها
ريت العمر طول العمر خادمها
وياخدي كون من الدمع يتحفر
اسباب الهدايه فاطمة ومحورها
عنصرها نور الباري من صورها
ويله الكسر گبل الظلع خاطرها
ينصان كون الظلع مويتكسر
ربي الاكوان بقبضته مطويه
ماخلق نور ولاسمه مبنيه
ولاشمس تضوي ولاارض مدحيه
الا لجل بيت الزهر بالكوثر
العابد صنم يا ايه اليفسرها
ويعرف خفايا الدين ويقدرها
ياسر إلهي وين يعرف سرها
ام الحسن كل فكر بيها أتحيَّر
فخر الكمال المقتدر أيَّدها
حجة الخالق والحجج من عدها
فوك العقل من يگدر يحددها
اسرار الزچيه يخوضهن من يگدر
قبل الخليقه اتكونت قبل آدم
يافاطمة فخر النسة بهلعالم
خير أنرفع منصوب لجله مأتم
ياخير مامثله بعد يتكرر
الشاعر حسن لعيبي الحريشاوي
(زهيري)في مظلومية الزهراء عليها السلام
ناكر الحگ اعترض ظن قسمته عادله
بميزان باطل وزن بيش الورث عادله
عاف التطبع هجر طبع الصنم عادله
نادتهم الطاهره بدمعة هظم نازله
ادعي على اهل الظلم تنزل أشد نازله
أبحق الأمام الذي ماسلم من نازله
والحاربه كل وكت ظالم صلف عادله
الشاعر حسن لعيبي الحريشاوي
راحت امنه وبقت بس ذكراها
وانطفه بيت الجمعنه وياها
النار بينه اموجره
البيت اصبح مگبره
العزيزه الموت ماخلاها
**
العزيزه الغاليه ام ايد السخيه
الحنينه الدافيه الطيبه النقيه
العظيمه الطاهره الحره الوفيه
هيه بس امي يسموها الزچيه
امي يانبع الحنان
امي ياحضن الامان
لعنة الله عالضلمها
والكسر ضلع الجنان
طاحت امي وطاح ابنها وياها
اسقوط مُحسنها الكسر مگفاها
تشوفه مرمي اعله الثره
ودمّه عالعتبه جره
العزيزه الموت ماخلاها
****
الاميره العايشه عيشة فقيره
امي چان افراشها جزه وحصيره
ثمنطعش عام وغفت عيني المُنيره
امي من ماتت بعدها مو چبيره
انحرمنه منها ليش
حرمه ويحاربها جيش
تنقتل امي وطفلها
وانذل وسفه يعيش
صاحت آنه وصاح اهجمو اعليها
(وإن) فاطم هيه هم ناذيها
وصاح نكسر حيدره
من نمووت كوثره
العزيزه الموت ماخلاها
**
جيش كامل امي من هجمو عليها
دفعو الباب وبقت تدفع بديها
وگعت وباب الخشب خانگ حچيها
الباب من اجذوع چا شمخلي بيها
ضلت ادگوم وتطيح
اتصيح ماتگدر تصيح
اختنگت وضايگ نفسها
والدمه منها يسيح
صاحت الفضه يفضه سَنْديني
وشيلي من الگاع يافضه جنيني
وعين امي امجمره
اعظام منها امكسره
العزيزه الموت ماخلاها
***
استعجل الموت واخذ امنه الحنينه
ازغار احنه واليتم كضنه من ادينه
اختي طفله وچانت اتصبر علينه
من زغرها واصبحت زينب حزينه
تگعد وتبقى تنوح
طفله بس كلها جروح
تخفي دمعتها علينه
ومانشاهدها بوضوح
نامت ودمعتها تجري بهيده
حضن امي الدافي ياهو يعيده
ماكو احن منها تره
جنه امي مو مره
العزيزه الموت ماخلاها
**
يمشي مكسور الضهر خلو علينه
ومانخلي حيدره يشاهد بچينه
اليفگد اعزازه تره الله اليعينه
ينكسر ضهره ويضل سوده سنينه
يمشي ومحدب گفاه
والحزن يمشي وراه
الدافن بئيده فرحته
الفرح حتماً نساه
من دفنها چن دفن عافيته
الهوى امي اليعيش بريته
علي كسرو خاطره
من دفنها الطاهره
العزيزه الموت ماخلاها
**
لعنة الله عالبنه بيثرب سقيفه
اجمّعت بيها نماذج مو شريفه
مات جدي ونصبوا باطل خليفه
وهجمو اعله حرمه ولحرمه ضعيفه
الشارد بكل الحروب
الخسيس المايتوب
الابوه جده وخاله
صار زلمه ويدحي بوب
چان يدري بحيدره ووصيته
مايقاتل لو يهدّم بيته
من فُلانه هو دره
النبي وصى حيدره
العزيزه الموت ماخلاها
**
عمار حسن الدراجي
يا زهراء
يـذوّب الـحـجــر يـا بـويـه .. تراني
ويَـم الـبـاب طـگ ضـلـعـي .. تراني
خـفـت لا حـيـدر اعـيـونــه .. تراني
ويـضـل مـهـظـوم حـمـاي الـحـمـيـه
*----------------------*--------------------*
✍خادم الزهراء ع
الشاعر رعد الجريخي
.
. بِـنـتُ الـنـبـي العالِمـه
أُمُ أبــيــهــا فــاطِـمـه
فَمن طَـغَـوا وهـاجموا البتول
قبلَ حُسين ٍ أيـتـمـوا الرسول
*---------------*---------------*
يـا ابـتـسـامـة مُـرسـل ويـا دمـعـة ايـمـام
فـاطـمــه يمنة حيدره الحطّمتي الاصنام
معنى اسمچ ايات الذكر والمحسن احكام
والـغـار ضـلـع المنحني وبـداخـلـه اسـلام
يـا قـلـبَ طـه .. قلبُكِ ألأمين
أمـسـى حـزيـنٌ نبضهُ الأنـيـن
يشكو جـراحـاً مؤلمه
*---------------*---------------*
بـلا حـد وصل حد الشبه انـتـي والـقـرآن
اشگد يشبه ايامچ وصـف سـورة الانسان
والـعُـمُـر مكّي ومـدنـي والـهـجـره برهـان
واثـنـيـنـكـم يا فـاطـمـه مقياس الايـمـان
مَعناكِ من في العلمِ راسخون
يـعـرِفــهُ بــل والـمُــطَــهّـرون
فأنتِ بابُ الـمَـرحـمـه
*---------------*---------------*
آيـة اكـمـال الــديــن رتـلـتـيـهـه بـالـنـوح
وقـبـل الـولاده للشـهـاده مـحـسـن يروح
بـلّـغ مـحـمـد وانتي صوتـچ كـلّـفـچ روح
هارون مـن مـوسـى علي گلتيهه بجروح
وســامــريُ الأمــةُ الـحــقــود
نــصّــبَ عِـجـلآ لـلـمـلا يـقـود
لِمن جفاكِ الحـاطـمـه
*---------------*---------------*
يا بـاب مـسـجـد طه لـيـش ابّـابـچ الـنـار
مـعـركـة تـأويـل الـذكـر خضتيهه باصرار
ضـلـعـچ ابميمنت الحـرب يشهدله بسمار
ومحسن تلّگه العصره من عالميسره صار
كُــلُ عُــتــلٌ حـــاقــدٍ زَنــيــم
كـان أســى لـجُـرحـكِ الألـيـم
أَنــتــي بـهـذا عـالِـمـه
*---------------*---------------*
اتحير دليل الحايـرين ايـشـيـلـچ امـنـيـن
بـتـغـسـيـلـچ ودفـنـچ عـلـي محتار بثنين
مـحـراب طه امـحـبـتـچ يا أُم الـحـسـيـن
واسـتـقـبَـلـچ ليلة دفـنـتـچ داميه الـعـيـن
مُـمـتَـحَـنـه وقَـلـبُـكِ الصـبـور
مُـسـتـودَعٌ صــارَ لِـسـرِ الـنـور
بـالأمـرِ كُنتِ حــازمـه
*---------------*---------------*
✍️خادم الحسين ع
الشاعر سعد هادي الشمري
❇️ قصائد استشهاد مولاتنا الزهراء عليها السلام
يا موقف صار هالليله
بدار المختار هالليله
لوعه واكدار ** هالليله
حان الوداع
---------
اذا گلبك لهب جرحه * واذا خيّم عليك الهم
تِذَكّر ساعة البيهه * ضلع بنت النبي اتهشم
تعال اويايه نتعنّه * ويحملنه بساط الهم
ننشد من ارض يثرب * جوهه ليا سبب أظلم
نِشاهد عترة الهادي * مدامعهه تصب من دم
اويجاوبنه صده المِحنه * نِصَبنه للحزن مأتم
انشوف الكرار * هالليله
بموج الأفكار * هالليله
واگف محتار * هالليله
حان الـوداع
------------
عگب ما غسّل بدمعه * جسد بنت النبي الطاهر
وگبل ما بل چفن يخفي * ملامح نورهه الزاهر
ابو الحمله بگلب دامي * اودمع بهمومه متناثر
جِمَع ولده لوداع امهـم * اودليله بالحزن شاجر
تعال اويايه وتصوّر * المصاب الوجّر الضامر
يتامه ايودعون امهم * ويا گلب اليظل صابر
كل حيل انهار * هالليله
وسيل الاعبار * هالليله
ينزف انهار * هالليله
حان الـوداع
-----------
الحسن ريحانة الهادي * لهيب الهم سره بدمّه
اذا شفته بظهـر محني * اوطايح عـن يمين امه
انشده عن ضلع امّه * الكسير وشارِكه بهمه
وگله ليا سبب كسروا * ضلع بضعة نبي الرحمه
تسمع صوت آهاته * يجاوب من جمر هضمه
عگب غيبة رسول الله * علينه انقلبت الأمه
گوم الاشرار * هالليله
حصدت اثمار * هالليله
منّ البسمار * هالليله
حان الـوداع
-----------
وابو اليمه ابجمُر همّه * شبگ امّه وجِذَب حسره
اذا شفته ثِگل ونّه * اوحِنينه ويسچِب العَبره
انشده عن مصاب امّه * اوجنين الطاح عل غبره
انشده ليا سبب مِنعـوا * بچاهـا او گطعـوا السدره
انشده ليا سبب ماتت * حزينه فاطمه الزهره
يگلك إسأل الباب * الغدت بالنار مستعره
يم باب الدار * هالليله
تشاهد آثار * هالليله
من ذيچ النار * هالليله
حان الوداع
-----------
هـذا اليشهگ هـمومه * وذاك اليوِن والينحب
وتسمع بين هذا وذاك * صوت ام الحِزن زينب
عين تهل نهر من دم * عين تهل جمر يلهب
لوعـه لفرگة الزهره * او هضم للضلع المصوّب
تعال انشدهه ودموعك * مثل صب المطر تنصَب
اشسبب زهرة رسول الله * ضـواها الزاهر اتغيّب
عيون الازهار * هالليله
هلّت مِدرار * هالليله
لام الاطهار * هالليله
حان الـوداع
-----------
وابو الحمله اعلى هل حاله * صفه بگلبه جمر يسعر
وكل ذرّات هذا الكون * غِدَت ويّاه تتحسّر
الوصيه گيّدت عزمه * اوغَضَب بركانه يتفجّر
يشاهد لوعة ايتامه * اولهيب جروحه يتوجّر
اويِصِد للمشرق بعينه * اوينادي وگلبه يتفطّر
وكل احنه نصيح اوياه * يل غـايب متى تظهر
يبن الانوار * هالليله
إشهر بتّـــار * هاليله
واظهر للثار * هالليله
حـان الـوداع
-----------
#عقيل_الكاظمي / الشارقة
لمولاتي الزهراء عليها السلام
امي وين
صدك ماتت هل مسيه
امي وين
انا زينب يالزحيه
خلافج شلون استريح
عيني تتلفت واصيح
امي وين. امي وين
من ظلعج انصاب الكلب والباب صار احجابج
ولليوم بي ونة حزن لو مر ذكر لمصايج
يالزهره مامر الفرح ولايوصل اليم بابج
من رحتي لاكانه الحزن حط ابكلب احبابج
يالمصاب
تارس الدنيه بكبرهه
يالمصاب
امنه مانندل كبرهه
يالمصاب
خلافج شلون استريح
عيني تتلفت واصيح
امي وين. امي وين
من غبتي لفلفنه الحزن وغطتنه يمه همومه
والوالد بكلبه الكسر يوميه يومج يومه
وبخواني مخنوك الحجي يايمه انه المصدومه
وحشت افراكج بالكلب بينت بينه ارسومه
يمه هاي
جروح فركاج ابدليلي
يمه هاي
ضنون تسهر وي ليلي
خلافج شلون استريح
عيني تتلفت واصيح
امي وين. امي وين
يايمه من رحتي انهدم حيلي انقصت عافيتي
ضليت اون ليل وصبح يل مثلي هم ونيتي
يل متي مكسورة كلب هم انه مثلج صيتي
يايمه بغيابج تره حزن انترس كل بيتي
وياج اريد
شلي يايمه بحياتي
وياج اريد
كبلج اتمنى مماتي
وياج اريد
خلافج شلون استريح
عيني تتلفت واصيح
امي وين. امي وين
يايمه بالبيت الحزن يفتر على ليليه
وبعيونه يبات الدمع وتنشدني عيني شبيه
يتمني وكتي من الزغر تاليتي انا المسبيه
يمه انا شحجيلك بعد تدرينه انتي البيه
وين اروح
يمه بغيابج حزينه
وين اروح
ويلي يايمه شبدينه
وين اروح
خلافج شلون استريح
عيني تتلفت واصيح
امي وين. امي وين
من ضلعج الباب انعرف شاع انتشر كل صيته
بيد النذل يركض مشه غم اليخون ابيته
لو تسوه العتاب وصدك جلمة عتب حاجيته
لوما حقدهم والحسد يصبح حطب تاليته
كلي ليش
امي تنصاب بضلعه
كلي ليش
والألم يسبك دمعهه
كلي ليش
خلافج شلون استريح
عيني تتلفت واصيح
امي وين. امي وين
✍️حسين محمد الزهيري
أسألكم الدعاء
الوزن مجرشه
٢٠٢٣
لاستشهاد فاطمة الزهراء عليها السلام
(وزن الحدي )
يامحنه أشد من هلزمن
بلدنيا شافتها ام حسن
يامحنه أشد من هلزمن
★★★★★
يوم الرزية ابلاحذر
عن النبي گالوا هجر
مو أول ايام الخطر
ولا آخر ايام المحن
يامحنه أشد من هلزمن
★★★★★
ياگلب طاهر ضيعوا
للهادي كل حق مارعوا
يوم السقيفه اتجمعوا
وتآمروا اهل الفتن
يامحنه أشد من هلزمن
★★★★★
وياهي أشد كل موزمه
من جفوا حماي الحمه
وسلبوا فدك من فاطمة
يمشون گالوا علسنن
يامحنه أشد من هلزمن
★★★★★
وياهو أشد كسر الضلع
لوجيش علشر منجمع
لوگلب ذايب منفجع
وأيام بالونه گضن
يامحنه أشد من هلزمن
★★★★★
ياصعب مامثله صعب
طاح الجنين من الضرب
وللدار طاغيهم يطب
ظالم صلف عابد وثن
يامحنه أشد من هلزمن
★★★★★
ياعلة اشد كل العلل
لمن لفه لأمها الأجل
لو يوم والدها رحل
الچانوا سند إلها او وطن
يامحنه أشد من هلزمن
★★★★★
اصعب وأشد وأكثر عسر
طلبت گبرها يندثر
ولاتحضر وجوه الغدر
النعش لوليل اندفن
يامحنه أشد من هلزمن
الشاعر حسن لعيبي الحريشاوي
چلمتها ابخجل تحچها وتردها
وين امي ادفنتها وجيت من عدها
+++++++++++
ليش امي ادفنتها وبسواد الليل
راجع منحني بالممشه بويه اتميل
لو فگد الزچيه اخذ ذاك الحيل
اجروحك چانت الزهره التضمدها
+++++++++++
شلون وللـگبر مـن نزلـتها هناك
اشحچيت اويه الزچيه وشحچت وياك
ابخد امي جرح احچيلي بويه ارجاك
شلون اعله الترب من وسدت خدها
+++++++++++
احچيلچ يزينب كونچ اتگدرين
ريتچ يمنه وكت الدفن وتسمعين
اشلون اعله امه صاح بصوت يُمه حسين
لازم بالچفن مايقبل ايهدها
++++++++++
مو ونه اسمعت من عدها صوت النوح
گلت يمكن الزهره ردت الها الروح
مدت ايدها ولحسين بيها اتلوح
ارجع زينبك ضلت الوحدها
+++++++++++
اصعبهن يزينب بيها گلبي انصاب
من شافوني فوگ امهم اهيل اتراب
اثنعش يايمه صاح حسين بويه حساب
اخذ من ثوبه وصله وعالچفن شدها
++++++++++
وي الحسن گعدو عالگبر يبچون
ماضلت الواحدهم ابوجها اعيون
نرد الدارنه يالحسن خويه شلون
زينب لو درت الله يساعدها
++++++++++
امي ماتردلي او لا گبر ينزار
لو دافنها بويه بوسط هاي الدار
نغفه اعله الگبر انه واخوتي زغار
الدار ابلايه ام شلون اشاهدها
ثائر الربيعي
وصية الزهراء لزينب عليها السلام
.............هجري..........
هـــاي ...يالحره هــــاي أوصيتي
هـــاي...تكتـــــبها جمرة دمعــتي
هـــاي...ليلة وفـــــاتي ودفنــتي
.
يزينب........يزينب
.
.
هـــذا آخـــر يـــوم الـيهَ
وعمري كله اثمن طعش
بعـــد يمـــچ مــا أنامـن
راح أنــامن بالنـــــعـــش
يمـــه اوصــيچ أبـوصيه
مـن يمر يــوم العـــطش
من يظل احسـيني وحده
وبالـدمه دربــه انفــــرش
.
حـيل....ظمـي أعله ضلعچ عبرته
حــيل....شميلي صدره بغــــربته
حـيل...مـــن نحره قبـلي ذبحته
.
يزينب........يزينب
.
.
.
يمه تنــتظرچ مصــايب
ينكـــسر منـــها الظـــهر
شـــدي حيـــلچ يالعـقيله
يا جــــبل مــن الصبر
على صدر أحسين أخيچ
يـُمه يگــــــعد الشــــمر
واثنــعش طـــبره يطبره
من يحــــز بيـــده النـحر
.
نـار....تلهــب ييمه ابخيــمــتچ
نـار....تچـــويها جمـرة دمعـتچ
نــار....ترسم مـــــلامح غربتچ
.
يزينب........يزينب
.
.
.
شفتي فوگ الوجنـه لطمه
تطـــــفح بجـــمر الدمه
صعـــبه بعيـــونـچ يحره
ينســـطر خــــد السـمه
خلــف بـــاب الغاضريه
الف سطــــره ابـفاطمه
والعطش بسـماره يلهب
يهــــشم ابچبد الظــمى
.
آه ....من نحـر أخوچ الـدم يدر
آه ....طبــعت حـــوافر عالصدر
آه ....تهظمني ضحكات الشـــمر
.
يزينب........يزينب
.
.
.
يــاهــظــيـمه الـما مثـــلها
لو مشيــتي ويه الغــــرب
يُمه احمـلي هالـمصـــيبه.
وهــالدرب كـلش صــعب
غربه وجـروح ويـــتامه
عبره واحــــزان وضرب
اورقـــــيه دم أذنــــــــــها
تــرك دمعه اعله الـدرب
.
ليش ...تنـــشــد يعــمه انصــفع
ليش ...شو راح ابـوي وما رجع
ليش ..الصوتي شــو محد سمع
.
يزينب........يزينب
.
.
.
آنه يــوم الطـف أحـظره
بس أظل عالـمشــــرعه
يم أخـــوچ الــرابع احضر
بيــدي جســـمه أجمــعه
كُنيـته بـــــدر الهـــواشم
نشــــمي طــــاهر منبعه
أمه تهــــدي يُمه لبــــــني
البــــنـــــين الاربــــــعه
.
نـور ...نور وتشـع ابحــضرتچ
نور ...أم البنـــين ابخـــدمتچ
نــــور ...حره وتنشف دمعتچ
.
يزينب........يزينب
.
.
.
هــذا فجــر وداعي اســفر
لابــس اثيـــاب الظــــلام
شــــدي حيــلچ يالحبيــبه
يُمـــه يـــابنــــت الكـــرام
خـــل اشم عطـــرچ ييُمه
وأغفه بحضـــــانچ وانام
منچ اشـــــتم بالقــيامه
يُمه عطـــــاب الخــــــيام
.
راح ....راح العـــــمر لامــا يرد
راح ....ليـــوم الــمنيه اســتعد
راح ....جرح الـمصــيبه ينولد
.
يزينب........يزينب
.
.
.
انتهت ولله الحمد ...لاتنسوني ووالدي من فضل دعائكم المبارك
تمت في 1/جمادي الاول/1437
10/2/2016
.
حسن الموالي الفاطمي