7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
أجينــه نـــزورك أجينــــــــــه
ﮔصـــدنـــه احنــه اعله بابـــك نواسيـــك أبمصابــــك
يالعسكري .. يالعسكري
شيعتـك كلحنـــه يمك صافيــــه النيـــــــه ﮔصـــدنــــــه
لازم انـــزورك حلفنــــه خل يجي وينــــــه اليضدنـــــه
أحلى من كلشي وكلاشي المنيـــــــــــه والله عدنــــــــه
ولو نمــــوت ابحبــــك أحنــــه يعني من هسه انولدنــه
حزينــــــه الروافض حزينــــــــــــــه
فــده كلنــــــه الترابــــــــك نواسيـــك أبمصابــــك
جرحــك أشـﮔـــد ماضي صايــر لاﭼــن أخضر بينه لسـه
يالحســــن أحبابــــك أحنـــــــه والجــــرح لازم نحســــه
كل زمــــن نبقـــى نِكبـــــره والشَعائــــر أحلى ونســـــــه
جرحــــك انعــــــاد ابزمنـــــه بالروافض يجـري نفســـــه
أبتلينــــــــه ابعـــــدونـــــــه أبتلينــــــــه
يضل بينـه عذابــك نواسيـــك أبمصابــــك
تبقــى سامره ابضريحـــك وي أبوك الهــادي حلــــــوه
والله لو ما أنتـــوا بيهــــــه ﭼــــــان سامــــره متســـوه
اشـﮔــد نضحي ونبقى ننطـــي يالحســن كلحنــه فــــدوه
هدّدوك وصرنه حوَّلك هــــدّه وحّـــــده عـــدنه نخـــــوه
سعينــــــه أبخـــــدمتـــــك سعينــــــه
زلم جــت وشبابـــــــــك نواسيـــك أبمصابــــك
يالحســــن ندري ابمصابــــك حاضر المهدي ابجمعنـــــه
وابضريحــك ندعـــو ربنـــه ايعجل أبطلعـــت أملنــــــــــه
ونشكي للمهــــدي حـﭼينــــــه أحفظنـــــه كل وطنـــــــــه
شيعتـــك رغم المــآسي عـــــن دربكــــــم لا مزلنــــــــــه
حـﭼــينــــه ابـﮔلبنــــــــــــه حـﭼينــــــه
صعــب جــداً غيابـــك __ نواسيـــك أبمصابــــك
لخادم أهل البيت: كرار الحسينات
كربلاء المقدسة
#طور الجفيري
يجرح يا مهدي ونينك
مولاي ربي يعينك
جمرة نشوف بعينك
نادب ابوك ومنكسر•
جينا نواسي نحِيبك
بطور المصيبة انعِينك
غالي يا مهدي ادخيلك
نادب ابوك ومنكسر•
نبكي لمصابك ننفجع
نتمنى نمسح هالدمع
حالك يّبَكي بهالوضع
نادب ابوك ومنكسر•
#اسمعوا الجواب من مولانا المهدي ع:
گلبي جريح ومنكسر
حالي يِتيم من الصغر
دمعي اعلى خدي منهمر
الخاطر حزين ومنفطر•
عايش حزين اميتم
ليلي ونهاري امألم
كل ساعه عندي مأتم
حامل علومي ومنتظر•
🖊خادمة ابي الفضل
🖊خادمة الزهراء
مقطع صوتي من حيدر بشار الدراجي
Читать полностью…
مقطع صوتي من حيدر بشار الدراجي
Читать полностью…
لسان حال سيدي ومولاي الامام المهدي المنتظر مع والده الامام العسكري صلوات الله عليهما
بويه تدري .. آنه عايش بس جرح
هاذه عمري .. ابكل مغربيه انذبح
يل حسن گوم شوف الهموم
__
يل حنين بس أنين
عمري گّضّيته مصيبه ابسد مصيبه
ارد اجيك اشكي ليك
بويه روحي ابهل خلگ امست غريبه
أنه اليبچي صباح او ليل أنه الدمعاته تهمل دم
أنا المن دفنتك لليوم عايش وحدي اتألم
من عفتني .. ما نامت ساعه ابرغد
مرمرتني .. دنيتي او گلبي انمرد
حيلي مهدوم شوف الهموم
__
لالي دار لا قرار
عايش الغربه او سلوتي بس مدامع
وين اروح بس جروح
روحي خلصت من حزنها والمواجع
علي مرن هموم اثگال غربه . او غيبه عن ربعي
انا المحد يون وياه گاعد وحّدي او انعي
ابچي وحدي .. لا گرابه او لا وطن
كلها ضدي .. صرت دنيا امن المحن
گلبي مالوم شوف الهموم
__
ليك اجيت واعتنيت
هل مسيه واعله گبرك اشكي همي
امن التّراب فكلي باب
بويه ارد اگعدلي ساعه وانت يمي
اسولفلك عله الشوغات واراويك الجفن الاحمر
مصاب اتلطعش معصوم ضلت بالگلب تسعر
چم رزيه ... بويه بعيوني شفت
امن الزچيه .. لحد ما انت طحت
انعه كل يوم شوف الهموم
__
چم عذاب چم مصاب
شلن احوالي او همت بين البراري
اعله القبور بس ادور
او دمعي كل ساعه ابكتر يابويه جاري
نوب اگصد عليك او نوب للطف امشي واتعثر
آنه او أمي الزهراء نتگابل عله المنحر
جمعه جمعه .. اهناك موعدنه نجي
يَمه ننعه .. لحد ما نشبع بچي
ابسود الهدوم شوف الهموم
__
او للكفيل بل عويل
انروح يمه كلمن ابونّه او نحيبه
عمنه ضاع ابلا وداع
راح والحره اصبحت عگبه غريبه
دمع الي جراه يعگوب طول اسنين هجرانه
منه ازيد بچت زينب من راووها ذرعانه
يا ألمها .. يوم فارگها الگمر
يا هظمها .. والله يكسر للظهر
ضلت اتحوم شوف الهموم
__
هل سنين ابهل حنين
مره ابچي امصابك او مره اعله زينب
ما غفيت او لا هديت
بويه من عاشور گلبي او راسي شيب
الشايف ابو مسموم واحسين انسحگ صدره
هم يرتاح؟ هم اينام؟ هم ايفارگ العبره ؟
مالي راحه .. ولا تهنيت ابعذب
بس مناحه .. عله الخدر المنسلب
اهنا يمسموم شوف الهموم
__
ابو فاطمة الطائي
شهادة الامام الحسن العسكري (صلوات الله عليه)
جابتها المحنة لارض سامره
وغدت هالليلة يم اوليدها الزهره
.
حنت والگلب من النعاوي ذاب
ابن عدها قتيل بديرة الاغراب
وحنيتها جابتها لابنها الشاب
الكبل ليتم ثلاثينه خلص عمره
.
………………….
ابنها الكلشي اله بالدنيا يتحسر
البيام الطفولة لغربته اتأسر
خذوه من ديره اهله لديرة العسكر
ديرة النسمة بيها من تهب مره
…………..،……….
ديرةْ ناس ما ترغب بني هاشم
تتبع حاكم ويكره علي الحاكم
ما ترحم البي ريحة علي وفاطم
ديرة معلمه كل هاشمي اتكسره
………………..
هاي المره الإخرى الزهره تتعنه
لسامره بفرد دمعة وفرد ونه
اجت للحسن تحضر ساعة الدفنه
تنعي لغربته فاطمة متحسرة
………………….
ياهو المن ولدها ليه تتعنه
تشوف ابنه يجفنه گبل ليدفنه
الا حسين ما صح الجفن لابنه
حسين ابنه بحصيره نزله لگبره
عضم الله اجرك بويه ياصاحب زماني
گبال عينـــــــــه ويحتظر
يســــــــاعد اللـه المنتظر
أصعــب اوداع...يمهدي.. أصعب اوداع
ــــــــــــــــــــــــــــــــــــــــــــــــــــــــــ
گبال عينه العسكري بالســــــم گضـــــه
وسهم يچوي المهدي وبگلـــبه مضـــــه
متربــــه وتصـــــرخ اجتلـــــه الرافضـه
كــــــــل أرض سامره حزنت والفضــــه
ورق ميّوصف اوحبر
ياگلـب يحـــمل صبر
أصعب اوداع يمهدي... أصعب اوداع
ـــــــــــــــــــــــــــــــــــــــــــــــــــــــــــــ
وداع موت المهدي ودع والـــــــده
اوعله اخدود الورد سالت مو نــده
بعده شاب وغدت عينه مجعـــــده
حيل صعبه المهدي ضل ألـــــوحده
والــــــده ابسم انغـــــدر
حيل دگــــو اعله الصـدر
أصعب اوداع يمهدي.... أصعب اوداع
ـــــــــــــــــــــــــــــــــــــــــــــــــــــــــ
نزلت املاك السمه تواسي الــــــولي
الزهره تنعى وياهم وينحـــــب علي
ثگلت اهمومه وبعد مـــــــــا تنجلي
ينعى كل عمره بگى ودمعه يهلــــي
گلب مهدينه انفطـــــر
دمعه عالخد كالمطـــر
أصعب اوداع يمهدي....أصعب اوداع
ــــــــــــــــــــــــــــــــــــــــــــــــــــــــــــ
چم جرح بگليبه شايل چم قهــــــر
باب محسن والضلع طبره ونحـــــر
بذنه يدوي صوت خد من انســــطر
والجنين النار حرگتلــــه الظهــــــــر
عمـه محسن من وگع
عالوجـــه حـيل نرگع
أصعب اوداع يمهدي...اصعب اوداع
ـــــــــــــــــــــــــــــــــــــــــــــــــــــــــــــ
ايگطـــع ابچبـده يطاري كربلــــــه
من تمر ابـــــــدمعه ثــوبه يبللـــــه
والاشد شوغات عنده عمّته لمدللـه
تعثر برجليهه لمَن ركظـــوها بلفلـه
أخ يا ذاك الظهـــــــر
عالرمح راس الطهــر
أصعب اوداع يمهدي... اصعب اوداع
ــــــــــــــــــــــــــــــــــــــــــــــــــــــــــــــ
تمت بفضلهم ساداتي ص
خادم الزهراء ع
✍️ياسر الزيادي
⬛️◼️القصيدة-2-◼️⬛️
ياوالِدَ المَهديِّ ِ ذاكَ المُنتَظَر ْ
يانسلَ أحمَدَ أيُها الحاديِ عَشَر ْ
صُنتَّ الشريعةَ بَعدَما كادُوا لَها
وحَفِظتَ دِينَ اللهِ في أبهَى الصِوَر ْ
أسَفي عليكَ وقَد دَهَتكَ شُرورُهُم
حَتى رَمَوكَ ببِركَةٍ فِيها الخَطَر ْ
لم يَستَطيعُوا النَيلَ مِنكَ بِحَبسِهِم
لَجئوا إليكَ وحالُهُم حينَ انكَسَر ْ
أبطَلتَ بِدعَةَ جاثَليق ٍ حاقِد ٍ
والحقُ والإسلامُ فيكَ إذ انتَصَر ْ
إيه ً بني العباسِ ماأَطغاكُم ُ
وأصابَ جَورُكمُ الجبالَ معَ الحَجَر ْ
آل ُ النبيّ ِ مُرَوعُونَ بِحُكمِكُم
والظلم ُ للحَسَنِ الزكيِّ ِ قد انهَمَر ْ
وإليهِ مُعتَمَدُ الخِيانَةِ خِفيَة ً
دَسَ الزُعافَ السُمَ كَي يَمحُو الأَثَر ْ
فَسَرَى لِجِسمِ إمامِنا وبِمِحنة ٍ
مِن شِدة ِ الآلام ِ حالَفَه ُ السَهَر ْ
وبِلادُ سامِرآءَ واجمةٌ له ُ
لمَّا دَنَت مِنهُ المنيةُ لَم تُسَر ْ
وبِليلَةٍ ظَلماءَ وَدَّعَ أهلَه ُ
وعَليهِ يا لَ اللهِ ينخَسِفُ القَمَر ْ
والحُجَةُ المَهديُ يَنحَبُ باكياً
أبتاهُ قلبي للرَحيلِ قَد انفَطَر ْ
أهوَى وعانَقَهُ وزُلزِلَت السَما
والحزنُ بانَ ودَمعُ عَينَّيه ِ انتَثَر ْ
#سمير_الصالحي
#النجف_الأشرف
⬛️◼️القصيدة-3-◼️⬛️
وأنشَدَت الأملاكُ فيهِ المَراثيا
بِشَجوٍ وسامِرآءُ تنحبُ عاليا
وإذ دُكَّتِ الأرَضونَ والسبعُ فوقَها
وزَلزَلَ موتُ العسكريِِّ الرواسِيا
ومِن قَبلُ في ظُلَمِ الغياهِبِ مُودَعٌ
وذاقَ مَراراتِ السجونِ مُعانِيا
ومُعتَمدُ الشرِِّ ارتَضى كشفَ دارهِ
وما زالَ للآلِ الهداةِ مُعادِيا
بِحقدٍ لهُ أفضى لسَمِ إمامِنا
ولا ريبَ أنَّ السُّمَ قد كانَ قاسِيا
فما ذَنبهُ يَقضي بغَيرِ جَريرةٍ
سِوى أَنَهُ بالحقِ للناسِ هادِيا
فَضَجَت لهُ الأشياعُ تَنعى مُصابَهُ
وللحُجةِ المهديِِّ تُلقي التعازِيا
وبعدَ صلاةٍ حيثُ لمَّا أقامَها
على والدٍ إذ صارَ للأبِ ناعِيا
وأهوَى على نَعشِ الزكيِِّ مُوَدِعاً
يُقَبِِّلُهُ والدَمعُ في الخَّدِ بادِيا
وَراحَ يُنادي إنَّما اليُتمُ نَكبةٌ
وفَقدُكَ يا لَ اللهِ أدمَى فُؤادِيا
وإنّي وَحِيدٌ وسطَ دارٍ بغُربةٍ
بَكاكَ ويَبكي كلُّ خَلقٍ لما بِيا
#سمير_الصالحي
#النجف_الأشرف
⚫ نعي-نصاري
بچه المهدي وصرخ ياوالدي تروح
اوتعوف ابنك يتيم وگلبه مجروح
عله فراگك يبويه شاغت الروح
ومن بعدك لظل بحزن وبهم
يبويه العلم والغيره صفاتك
يركن الدين وانته الطيبه ذاتك
يبويه الما شفت راحه بحياتك
من عگب السجن دسولك السم
عليك اليوم سامره حزينه
ولجلك كل موالي تسيل عينه
وعليك من القهر زايد ونينه
وعرش الله عله مصابك تولم
تفارگني وانه بالغربه وحدي
واهلي بعاد لا خوان عندي
وين اليوصل الطيبه ويودي
خبر جتلك لهاشم كون تعلم
⚫ أبوذية
حزينه هتفت الأملاك ب اسماه
و مآتم سوه رب الكون باسماه
اعله ابو محمد المات اليوم بِسُماه
غريب و جرع كاسات المنيه
#سمير_الصالحي
#النجف_الأشرف
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
▪️في مواساة الامام صاحب الزمان (عجل الله فرجه) باستشهاد والده الإمام العسكري (صلوات الله عليه)
أعلامُكُمْ يا آلَ طٰهَ واضحهْ
ولكلِّ طُلاَّبِ الهدايةِ لائحهْ
لكنَّ نُشَّابِ الجحودِ رماكُمُ
فجرعتُمُ مَرَّ الزمانِ فوادِحَهْ
أتبيتُ يا بنَ الطيِّبينَ مشرَّداً
وشؤونُ خدِّكَ بالمدامعِ طافحهْ ؟
قتلوا أباكَ العسكريَّ فيا لها
في الدهرِ فادحةً وأيَّةَ فادِحهْ !
أبكيهِ مسموماً وجئتُ معزِّياً
لكنْ فقدتُكَ واقفاً في "الفاتِحهْ"
أفديهِ يُنقلُ في السجونِ مكابداً
أغلالَ غِلٍّ من نفوسٍ طالحهْ
من "صالحٍ" يُهدى إلى "النحريرِ" "فابنِ_
جُرَيْنِهِمْ" قاسى الليالي الكالحهْ
قدْ عظَّمَ اللهُ الثوابَ برُزئهِ
وعليهِ يا مهديُّ تعلو الصائحهْ
أرْداهُ "معتمدُ" الشقاءِ بسمِّهِ
لِتُدَكَّ أعمدةُ العوالمِ نائحهْ
بعد القضا هجموا عليهِ بيتَهُ
فذكرتُ مثلَ اليومِ فعلَ البارحَهْ
لمَّا على فسطاطِ سبطِ محمَّدٍ
منْ بعدِهِ دارتْ خيولٌ ضابحهْ
لكنَّ والدَكَ المكرَّمَ ما ثوى
كالجدِّ لمْ تسلَمْ بهِ من جارِحهْ
كلاَّ ولَمْ تنظُرْ إليهِ نساؤهُ
والخيلُ جائيةٌ عليهِ ورائحهْ
وإذا صبرتَ لهُ ألا انهضْ للَّتي
في السبيِ قدْ أُسرَتْ تُرافِقُ ذابحَهْ…
تمت بعناية الحجة (عجل الله فرجه)
الشاعر علي عسيلي العاملي
#الامام_العسكري
#اللهم_عجل_لوليك_الفرج
يوسفنه مارد وين
نسأل ادموع العين
......... ..........غايبنه ما جانه
طور النعي يقره
عالعسكري بحسره
..................والدمعه عنوانه
*******
جروح الدنيا تاخذ مصدر الايه
علامه اشبعد نحسب صارن اهوايه
نحلفك بالكفيل وصاحب الرايه
تجينه ابرايتك ثق احنه شرايه
نحسبهه جيته امنين
كون ابضريح حسين
......................نتلاكه بحزانه
كل مأتم ايحضره
عالعسكري بحسره
...................والدمعه عنوانه
*******
حزنه وياك عايش لوعة امصابك
على المسموم ننعه ابحسرة اعتابك
تون سامره هايه ابلوعة اغيابك
يبو صالح دخيلك طمن احبابك
والكلب حار اشلون
من زمرة الملعون
....................يا لوعة اشجانه
نار اشبعد تبره
عالعسكري بحسره
..................والدمعه عنوانه
*******
عجيبه الليل ياخذ دمعة اعيونك
اعله جدك والمصايب سيدي اشلونك
اشوف الزهره بيك ومنخطف لونك
تون عمرك گضيته ذبلت اجفونك
جرحك يظل حساس
اتخونك بني العباس
................والحسره بوطانه
والحزن بيك اسره
عالعسكري بحسره
.................والدمعه عنوانه
*******
حكيمه ابدمعتك ترسم حزن بيها
اظنهه الزهره يمهه اتشد نواعيها
اجت يم نرجس اتنوح البواچيها
اتشوف المهدي حسره بعينه تاليها
دمعك صبح ملچوم
يا ويلي عالمسموم
................مجروحه صحبانه
ذاب الگلب صبره
عالعسكري بحسره
.............. ...والدمعه عنوانه
*******
مراسيم المصايب تحسب اصروحك
حكيمه وياك تسمع بالبچي نوحك
متت چم مره وادري بعالم اجروحك
مصاب حسين ماخذ حيلك وروحك
چم خيمه محروگه
وانفاسه مخنوكه
...................والمهجه تعبانه
لا طر صبح فجره
عالعسكري بحسره
....................والدمعه عنوانه
*******
كل هذا الجره يمكن سهل امره
عجيبه اشلون گلي المنسحك صدره
انهشم حتى الگلب من حافر المهره
طلع حتى السهم ياويلي من ظهره
ياويلي طاح احسين
سهم الچبد ثلثين ....
...................ظل يابس السانه
والكلب ظل جمره
عالعسكري بحسره
.................... والدمعه عنوانه
*******
تمت بعون الله
#خادمكم......... يوسف الفتلاوي
( النور الحادي عشر )
شهاده الامام الحسن العسكري ع
……………………………………………………………
غاب الضوه الحادي عشر
واصبح وحيد المنتظر
وبزغره محروم •• خلصوا هله اليوم
……………………………………………………………
أهدعش نور وهل طفوا . خلصو شموس الرحمه
ياغربة الثاني عشر . من عمره اكبر همه
فزعة مناجل للزرع . بيه المحن ملتمه
جلمة ابو ابعمر الورد . فاركها هاي الجلمه
و اتيتم وعمره بخمس
حال السمه ابلايه شمس
والظهر مجسوم •• خلصوا هله اليوم
……………………………………………………………
لو صد لبوه العسكري . ايشوف الرسول ابعينه
وبصوته نبرة حيدره . اجفوف ام حسن جفينه
من يگعد احذاه جن گعد . وسط الحسن و حسينه
كلهم فگدهم من نظر . للعسكري امجفنينه
فارگ هله وماله احد
يا هو اليكف دمعه بعد
تتشمت الگوم •• خلصوا هله اليوم
……………………………………………………………
ثامن ربيع المنتظر . عالخد تسيل دموعه
ذاك الابو و طوله الحلو . اجنازة وصفت مرفوعه
ثلاثين ما جازي العمر . شاب و طفوها شموعه
شگد ترفه روح العسكري . بالسم بگت موجوعه
عينه اشبحت للمنتظر
امن اوليده ما شابع نظر
لفراگه مهموم •• خلصوا هله اليوم
……………………………………………………………
سامره ظلمه و موحشه . شال اليضوي اعليها
جانت مضيف الكل نبي . جبربيل ساكن بيها
تارسها رحمه العسكري . ابخاجيته و محليها
عطشانه دجله لشوفته . واعليه خبط صافيها
حتى النوارس لاطمه
عالحسن وارث فاطمه
عل جبده مسموم •• خلصوا هله اليوم
……………………………………………………………
وجه الامام العسكري . اخر وجوه العتره
خلص ضوه الله اعالبشر . مامش امام اتنظره
اخر شمس هل غرّبت . غيبتها صغره وكبره
عالشيعه ليل ابلا كمر . كلش يطوّل فجره
تصرخ على مر الزمن
ادركنا يا ابن الحسن
ولشيعتك گوم •• خلصوا هله اليوم
……………………………………………………………
غاب وحزن ما غاب اله . حزنه اعل يوم العاشر
يصّابح ابذكر النَحَر . بالمسه ايعذبه الحافر
بالليل يذكر عمته . موجرها سوط الكافر
تركض و تعثر بالجدم . مدوا حبلهم عاثر
كل يومه ابو صالح يون
ترجيه يذكر و الاذن
اعل ارقيه ملجوم •• خلصوا هله اليوم
……………………………………………………………
✍️ ( سيد خضر الزاملي )
( ميمر ) . الاعلام عندما يريد الرمز لسامراء يرمز لها بـ ( الملويه) متجاهل الامامين . فكتبت هذه القصيده.
……………………………………………………………
شمس وكمر • جن وبشر
انخلقت لجل • اربع عشر
بيهم علت سامراء . موش ابعلو الملويه
……………………………………………………………
مو للبنايه العلو علو الهامه
رگبتمن اطول أسد لو نعامه
هو الامير وهي حدر اجدامه
سامره مرفوعه اعل شكل اعمامه
اعمامة علي • الهادي الولي
وابنه الحسن • ظل معتلي
واعمامه بسم الموعود . بيها الارض مطويه
……………………………………………………………
اعلام الوطن يتجاهل بأخباره
لسامره و الملويه هي الشاره
يتجاهل الهادي و مضيفه وداره
مثل اليضم الشمس حدر اكتاره
گبه ولوه • اتوزّع ضوه
منها الهوه • يشتم هوه
منها الگمر ياخذ نور . منها الشمس مضويه
……………………………………………………………
الملويه شاهد عل الرجس واحقاده
عالشيعه مبنيه و رگاب الساده
جواها جم سيد الصاح و ناده
صاغوها روس الشيعه الها گلاده
تشبه هند • تنگط حقد
امن الرافضه • تاكل كبد
ملويه للاعدامات . جم سيد و علويه
……………………………………………………………
سامره عاشت كالبقيع ابفتره
مرقد اليمه وبيد ذيج الزمره
مامش علي بصوت الاذان اليقره
ومحد يصلي اعل النبي و عالزهره
راح الحكم • واهل الظلم
رده العزه • و رد اللطم
ردينه نصرخ يحسين . يا زينب المسبيه
……………………………………………………………
سر من رأى وتعرف شنو معناها
بالگبه يفرح كلمن الشافاها
والحضرة جن جنة عدن طبّاها
جن بالمدينه ام الحسن زاراها
اتحس الصحن • بيه الحسن
لحيدر علي • الزاير حضن
حسين و مجانه السرداب . للمهدي عينه أربيه
……………………………………………………………
يالفجّرت نعرف شنو الناويها
حضرة الهادي اوي الارض تسحيها
الملويتك ويصفه الامر تاليها
احسابك غلط يبن التعرين بيها
الگبلك منع • ايد وگطع
مية ذهب • زاير دفع
هد الفرات اعل حسين . بس ظل يطوف ابميه
……………………………………………………………
✍️ ( سيد خضر الزاملي )
تبقه انت للضايع وطن... وفقني اخدمك ياالحسن
يــــرخصلك الغالي … ورف بيرغك عالي
وياالسماوات
★★★★★★★★★
ياالشغال اعقول البَشَر ومـســودا الوادم
گبْتك عْلَت وياالشمس بس انمحه الظالم
هَــدوا ظريحك بالأمس وتشمت الغاشم
لِيلهَ ابضُحاهــا ياالحسن رَد گبتك القائم
خل تفتهم هاي البَشَر… بــيده بناها المُنتَظر
عالگبْـــه ياالوالي … رف بيرغك عالي…
ويالسماوات
★★★★★★★★★
مــن هَدمـــوا گبرك گـبل رادوا يظيعونك
وزوارك انمنــعــــوا لَچـــن ردوا يزورونك
لو ينمحي نور الگبر باالســمه ايشوفونك
تنطي الگمر منك ضوه ومن نظرة اعيونك
منك سماوت السَبع…لهل الأرض تشعل شَمع
ظل نورك ايلالي…. ورف بيرغك عالي
وياالسماوات
★★★★★★★★★
سجدت سماوات السبع صَلآ على اعتابــك
وحته النَــهَــر ياالعسكري يـتوظــه بتـرابــك
يَملَبس ايتام الوطن مــن خيــرَت اثـيابــك
وللمهدي مو كْثرَة تحن واتحن على احـبابــك
مشايه نگصد حضرتك…وشرفنا بس ابنضرتك
ياهيـــبة ادلالي …..ورف بيرغك عالي…
وياالسماوات
★★★★★★★★★
مو كلمن ايحب وعشَگ يتباهـــا بجـنـونــــه
بس شيعتك ياالعسكري بالعشگ مـفتـونــــه
زرعــــوا قــنابــل باالــدرب رادوا يمنعونــــه
ونادينا نمشي ياالحـــسن خَلــهم يفجرونــــه
لو ننطش ابهذا الهوه … نتجمع اونوصَل سوه
السامرة لتبالي … ورف بيرغك عالي
وياالسماوات
★★★★★★★★★
مثل اربعين احسين الــــك بـــاچــر نسويها
وهاي المواكـــب كل شبر سامــــره نبنيــها
ياهَــــلا بالزايـــر نظل كل ســـاعـــة نحچيها
ودمعة مصابك ياالحسن كل خطوه نبچـيها
ونْــادينه يالزاير هـله…. ابسامــرة صارت كربـله
والخدمه تحلالي … ورف بيرغك عالي
وياالسماوات
★★★★★★★★★
يالگاصد اوبيدك عَـــلـــم ضيف ابمواكبنه
ياالزاير احنه ابخدمتك كون الله يحسبنه
نْغسلَك اجدامك شرف والله انته عاجبنه
باالموكب الليله يـــجــــي ويانـــا غايــبنه
يوزع سبيل ابجربته … الخاطر احسين اوعَمته
صاح ابدمع هالي ….. ورف بيرغك عالي
وياالسماوت
★★★★★★★★★
اخـــر كـــلام ابحضرتــك ياالعسكري انگوله
باجــر المهـــدي لو طلـــع ينـــسانـــا معقوله؟
انريدك توَصي المنتظر گــله انته بـس ذوله
طشــو دماهــم بــس الي عاالساتر ابطــوله
كلمن صبغ بابه ابدمة… يقسم عليك ابفاطمة
وَصله مرسالي ….. ورف بيرغك عالي
وياالسماوت
ــــــــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء
▪️واويلاه يابويه▪️
طور واويلاه يبن امي
ملا مسلم الوائلي
رابط الطور
https://youtu.be/A-HXE95h0wk?si=fALCJU55XxNzGrlm
واويلاه يابويه
واويلاه يابويه
واويلاه يابويه
واويلاه يابويه
ضجه بديار الهواشم وهذا مهدينه ينوح
والده ابسمّه يودعه وهيج آلام وجروح
———-
اشبيه ابوي الليله اشوفه ليش متغير الوصوف
حيله مهدوم اوياويلي ليش مايگوى الوقوف
ظني ايامه قريبه والنه امگرب يعوف
هذا الوداع واعرفه ناوي والينه يروح
واويلاه يابويه
واويلاه يابويه
——-
آه يا ونة رحيله جمره تدوي بالقلب
شال ياعود الهواشم والدمع خلاه يصب
نار بفراگه اتوّجر وتلهب ابروحي لهب
خيم الحزن اعله بيتي وريحة الفرگه تفوح
واويلاه يابويه
وا ويلاه يابويه
———
توه وابأول شبابه ماكِمَل ثالث عقد
لاكبر شفنه وسنينه توها بسنين الورد
شال خلاني بمصابه احسبه همي وأعد
غيبتي تبدي بمغيبه والمن ابوح
واويلاه يابويه
واويلاه يابويه
——-
والابو غالي وغلاته صعبه والله تنوصف
خيمه والله ابفيه كلنه ايلمنه بچفوف العطف
والدي عود الهواشم ويومه تدرونه كلف
رجن الكون بمصابه والدمع بعده سفوح
واويلاه يابويه
واويلا يابويه
———
بعده لاحضن اليلمني وشرّع ابوابه الحزن
كل زوايا الدار تبجي والهوا اويانه يون
انفگد ركن الرساله اعليه دليلي منطعن
آه يا يوم ابو اليمه جمر نيرانه لحوح
واويلاه يابويه
واويلاه يابويه
———-
✍️ #بنت_الشمري
راح ابو المهــدي هاليـوم
هذا الأيمــــام المظلــــوم
◄◄◄◄◄
عابــد فقيــه العسكـــــــري .. من الله عقلــــه جــوهــــــري
ما ضـــده بس البربـــــري .. ديــن الله بسمــــه مرســــــوم
◄◄◄◄◄
ديــن الجلالــــه وضّحـــــه .. بأفكــــاره للأمــــه وحـــــــــه
خطواتـــه كلهـــه ناجحـــه .. آيــه يضل بينـــه اتحــــــــــوم
◄◄◄◄◄
اسلاحــه مو سيــف ورمـح .. ابـﭼلماتــه كل باغـــي انذبـــح
اسمــه عله الكـون انسـرح .. وجهه السمـه وعينـه اغيـــوم
◄◄◄◄◄
مو طائفــي ابن النبــــــــــــي .. خــل يستمــع كل ناصبــــــــي
حـﮔــي انتميلــه ابمذهبـــــــي .. بـــــــــــي افتخـــر ابقــى دوم
◄◄◄◄◄
غـــذانـــــه ببحــــــور الفكـــر .. ومنـــه تعلمنـــــــه الصبــــــــر
واليَّ رفض نهجــــه خســـــر .. انختـــمـــت حياتـــه مسمـــــوم
◄◄◄◄◄
عُمـــره انتهـــى وابــلا ذنـــــب .. جــده علـــــي هــذا الســـــبب
ترتيبـــــه من الله انــــــرتـــــب .. الحــــادي عشـــر هالمعصوم
◄◄◄◄◄
لخادم اهل البيت : كرار الحسينات
7/5/2016/ السبت / كربلاء المقدسة
مقطع صوتي من حيدر بشار الدراجي
Читать полностью…
(للامام العسكري)
عظم الله...اجرنا واجركم
يامهدي
ــــــــــــــــــــــــــــــــــــــــ
يابو العزه ويابو الجرح.. يبن الحسن نادينه
بمصاب ابوك العسكري.. مـاجـور يـامـهدينه
جـبـت العمر كله تون...يــاگلبك الله ايـعينه
وانـخـــفف اعليك الحمل...للتعزيه اتــعنينه
عظم الله...اجرنا واجركم
يامهدي
ــــــــــــــــــــــــــــــــــــــــ
صبرك جبل يبن الحسن.. فــاق الزمن واتعده
بس أبمصيبة والـــــــدك.. مـــاي الصبر واتبده
تنظـــــــر ابوك بلا ذنب.. بالسم تصوب چبده
عمره وشبابه ياوسف ٠٠ كله انسلب من عنده
عظم الله...اجرنا واجركم
يامهدي
ــــــــــــــــــــــــــــــــــــــــ
عالي ابخــلودك والعِدهَ.. هيهات لن اتـــلوحك
الله اليصبرك سيدي.. وتطيب ريت اجروحك
تشتاگ چنت الوالدك.. وتنــعاه نبرة نــوحـــك
لمن سمعت امصيبته.. چا شنهي صار بروحك
عظم الله...اجرنا واجركم
يامهدي
ــــــــــــــــــــــــــــــــــــــــ
الله اليهون امصيبتك.. ابفگد الحسن هاليله
مثلك منو بهذا الحزن.. ناح وتهــــــدم حيله
لمن حظرت اجـنازته.. صليت لوتـبــــچـــيله
بالغربه خلُصت العمر.. ولا واحـد التـــشكيله
عظم الله...اجرنا واجركم
يامهدي
ــــــــــــــــــــــــــــــــــــــــ
كل المصايب هونت.. ومصيبتك بحسينك
يالدمعك اتغير دمه.. وراسم طفوف ابعينك
تنعى الغريب ابكل وكت.. ومايهده ساعه اونينك
والمغربيه من تجي.. مولانا الله ايعينك
عظم الله...اجرنا واجركم
يامهدي
ــــــــــــــــــــــــــــــــــــــــ
مابين مسموم وقتل.. اهلك گضو يالحجه
ونيران گلبك سيدي.. طول العمر متوهجه
والطلعتك يبن الحسن.. نتوسل ونترجه
يبن الذراري الطيبه.. مهرك يساعه اتسرجه
عظم الله...اجرنا واجركم
يامهدي
ــــــــــــــــــــــــــــــــــــــــ
حيدر بشار الدراجي
امنيه اتدور ابخاطري
خـادم اظل للعسكري
ــــــــــــــــــــــــــــــــ
مــــزروعه بيه الامنــــيه.. من الولاده و الزغـر
اخدم ذراري المصطفى.. آنه وهلي طول العمر
وادعوك ربي ابكل فرض.. ريت ايتحقق هالأمر
ابغير الخدامه هالبشر.. اعمارها تصير ابـخُــسر
صبيت دمعــة ناظري
خـادم اظل للعسكري
ــــــــــــــــــــــــــــــــ
احـظر مجــــــالس للعزه.. ابسامره عندي امنيه
ابصحن الامام العسكري.. يختلف طعم التعزيه
من تذرف اعيوني الدمع.. هالنفس تصبح راضيه
هاي المجالس للمرض.. صارت دواء وشافيـــــه
مرضاتك بهاي اشتري
خـادم اظل للعسكري
ــــــــــــــــــــــــــــــــ
يــــــاربي هذه نعمتك.. اعلينه تفيض ابهل رزق
ادعوك اظل وتوسلك.. اتثبتلي اجدامي ابصدق
لحسين كون ومجلسه.. ايهيم الگلب كون ويرق
كون اول الناس اعتني.. وبدمعة اعيوني التحق
خليني ربحان و ثري
خـادم اظل للعسكري
ــــــــــــــــــــــــــــــــ
اهل المواكب والخدم.. وگفو على طول الدرب
من كربله الارض الغري.. السامره راحت تنصب
متحزّمين ابحب علي.. ويسهل عليهم كل صعب
ينـــادون للزاير هلا.. يالبــــــيـــــــك ينسر الگلب
وانته العليم بجوهري
خـادم اظل للعسكري
ــــــــــــــــــــــــــــــــ
امنيتي يارب رب السمه.. ورب الملائك والبشر
هلبت يمر راعي الامر.. وبشوفته ايكحل النظر
هالحسره ظلت بالگلب.. خدمة امامي المنتظر
بغيابه ماراحه شفت.. والدنيا بس ضيم وقــهر
حبه يدور بضـــامري
خـادم اظل للعسكري
ــــــــــــــــــــــــــــــــ
حيدر بشار الدراجي
الـيـوم يــــوم الــعــبــره وصوت الوحي من يقره
سامـره ياسامـره
)()()()()()()()()()(
المهدي يـفتـر بالـحـزن
يم أهله دمعات أيـذب
مـن البـقـيـع الـكـربـلـه
كل يوم ناصب مـوكب
واليوم أجـه يم والـده
بسامـره موقف يكتب
تـعبـان حـيل وعـبرتـه
ويـه الهوه چنها أتـهب
شـايـل حـزن بالـحـضـره وصوت الوحي من يقره
سامـره ياسامـره
)()()()()()()()()()(
هلي الدمـع عل عسكري
يافـاطـمــه الـمـضلـومـه
چبد النبي وچبد الحسن
لـو چـبـدتـه المسمـومـه
مسمـوم أبـو محمد تـره
ومـتـغــيـرات أرسـومـه
چـنـه الحـسيــن بكربلـه
مـن گـطـعـوا بالـحـومـه
مــن كــربــلـه يـالـزهــره وصوت الوحي من يقره
سامـره ياسامـره
)()()()()()()()()()(
زيـنب تعالي اوي الگمر
ويـاچ جـيـبـي الــرايـه
وخلينه يم گبر الحسن
نلـطـم ونـقـره أقـرايـه
خـدام أخيچ هل أجوا
وهـم أعـتـنـوا مـشايـه
جابـوا محرم والخيـم
نصبوهـا بسأمچ هايـه
حـزن الـخـيـم هـل مـره وصوت الوحي من يقره
سامـره ياسامـره
)()()()()()()()()()(
عالضلم ذولـه أتعودوا
وجــدادهــم ورثــوهـا
غدر وكفر وبكل وكت
أحـقـادهـم عــلـنـوهـا
سمموا چبـد العسكري
والگبـه هـم فـجـروها
وغصباً عليهم شيعتـه
ردوا أمــس بــنــوهــا
خـدامـه تـوفي العـشـره وصوت الوحي من يقره
سامـره ياسامـره
)()()()()()()()()()(
من كل مكان وكل كتر
رايـات سـود أتـشـاهـد
أسرع يـزايـر بالـمـشي
واحـد يـوصي بواحـد
وخـدام وگفت بالدرب
والتعـب مـنـهـم شـارد
وسامره صارت كربلـه
للـــزايــر وللــگــاصــد
زواره تــمـشـي الـگـبــره وصوت الوحي من يقره
سامـره ياسامـره
)()()()()()()()()()(
للشاعر الحسيني علي القريشي
شهادة مولاي الحسن العسكري
يامـــــــولاي... يارجــــواي....يالــــوالي
يامـــــــولاي... يارجــــواي....يالــــوالي
ــــــــــــــــــــــــــــــــــــــــــــــــــــــــــــــ
مصيبتكم ملتنه اجروح.ننزف مو جرح واحد
تبدي من بني العـــباس.ويبقى هالجرح خالد
سمهم بالچبــد صـاباك.وگبلك سمو الوالـــــد
تبقى الـشيعه تتعـناك.نهح للموت وتعاهـــــد
بوّجــه الموت... صحنه بصوت.. منبالـي
يامـــــــولاي... يارجــــواي....يالـــــوالي
ـــــــــــــــــــــــــــــــــــــــــــــــــــــــــــــــ
مضلوم انته يامـــــولاي. باقي ضلمك ويمــتـد
اليمرلك مـــر عله اجدادك. لا محصي ولاينعــــــــد
الذبح والسم شعار الكم. الحُسن العاقبه تنــعد
قانون وصــــدر باللطف.حسينك موقفه يشهد
ضحه حسين...لجل الدين....بالغــــــالي
يامـــــــولاي... يارجــــواي....يالــــوالي
ـــــــــــــــــــــــــــــــــــــــــــــــــــــــــــــــ
درّو من صلبـك المـوعود.منقذ هالخلگ يسطع
صبحو بالفعل فرعـــون.لمــــــن ذبح الرضـــع
موسى من اله الكـــــون.ضمه لحــين مايطلع
ونته حاضر تعايــــــــن.ضلمهم والأذن تسـمع
جّرعت المرّ...قصتك شلت...احوالــــــي
يامـــــــولاي... يارجــــواي....يالــــوالي
ـــــــــــــــــــــــــــــــــــــــــــــــــــــــــــــــ
شاهدنه عطف وحسان.. ولمّسنه هالامان البـيك
علُم ومعرفـه وغيـــره.تسولف كلهه عن ماضيك
شنهو الصار وشسويت.سمهم بالغـــــــدر ياذيك
بيك انفجعت الأكـوان.وجــدك طاها ليجازيك
اريدن صوت...يگلي مـــلا...انعالــــــــي
يامـــــــولاي... يارجــــواي....يالــــوالي
ـــــــــــــــــــــــــــــــــــــــــــــــــــــــــــــــ
ردو عالضريح انــــوب.رادو للتراب يصــير
حقداً بالنبي وأهلــــــه.قرو حكم بالتدمــير
جيش الناصبي خطط.سوه بمرقدك تفجير
بغض لكل فتاويـــكم.يمشي بفتوت التكفير
لاأرهــــــــاب..لاأذنــــاب...منـــــوالي
يامـــــــولاي... يارجــــواي....يالــــوالي
ـــــــــــــــــــــــــــــــــــــــــــــــــــــــــــــــ
ننصبلك عزيه اليوم.وخليهه الخلگ تعلم
ندري تحظر الاملاك.كـــل اجدادك ونلتم
فايز كلمن اتعـــناك.هناك بالحشر يسـلم
حبكم هذا ماننسا.. الله بحالنه الـــيعلم
فــــــاز الي...عينه بصورتك....مالـــــــي
يامـــــــولاي... يارجــــواي....يالــــوالي
ـــــــــــــــــــــــــــــــــــــــــــــــــــــــــــــــ
يدرونه زلم وسباع..لــــــــو عالموت مانندم
بفتوه من أبو محمد..خليــــــــنه العده تردم
فزعت عالمنايه صفوف.خيرهم بقى يـلعثم
ضحو لجل ابو المهدي.سامره ارتوت بالـــدم
أضل انطر... لحدما.. يضهر الغالي
يامـــــــولاي... يارجــــواي....يالــــــوالي
ـــــــــــــــــــــــــــــــــــــــــــــــــــــــــــــــ
تمت بفضلهم ع
خادم الزهراء ع
✍️ياسر الزيادي
#تعزية_للإمام_الغآئب_في_ذكرى_شهادة_والده_العسكري_ع
علىٰ الحسنِ الزكيِِّ تنوحُ فاطمْ
بدمع ٍ والفؤاد ُ عليه ِ هآئم ْ
تنادي يا أبا المهديِِّ تقضي
شباباً آه ِ من تلك َ المظالم ْ
#شهادة_والد_المهدي_مولانا_العسكري_ع
#سمير_الصالحي
#النجف_الأشرف
#ياولي_الأمر_نواسيك_بأبيك_وننتظر_ظهورك
بفقدِ أبيكَ صرتَ لنا إماما
وإنَّ اللهَ أهداكَ الوساما
فعجّلْ يابنَ فاطمَ لاتؤجل ْ
لكي تجلو بطلعَتِكَ الظلاما
وإنا كم صبَرنا وانتظرنا
فقُم وانشرْ بدنيانا السلاما
#تتويج_إمام_الزمان💔
#سمير_الصالحي
#النجف_الأشرف
#شهادة_الإمام_الزكي_العسكري_ع
🏴نعي-مجردات
محزون هاي الليله محزون
والمهدي منه تسيل العيون
وحمره السمه وتزلزل الكون
واعله الأعادي موتك يهون
ولا واحد يخبر هلك يدرون
السامره من طيبه يلحگون
بلچن يعرفون ويحضرون
🏴 أبوذية
دليلي اعليك بويه اليوم وجار
وتصب شيعتك حسره بدمع وجار
الهضمني اشماتة اهل الغدر والجور
بمماتك وآنه وحدي بلا عزيه
#سمير_الصالحي
#النجف_الأشرف
*#شهادة_الإمام_الحسن_العسكري(ع)*
لا تعجَبوا إن لم أفُكَّ حِدادي
أدمى مُصابُ العسكرِيِّ فُؤادي
والَهفتي بالسُّمِّ يقضي نَحبَهُ
حَسَنُ الأئمّةِ..، فِلذَةٌ للهادي
صلّى علَيهِ اللّٰهُ في عرشِ السّما
ألقى فضائِلَهُ على الأشهادِ
ناحَت عليهِ ملائِكٌ في مأتمٍ
تتلو رَزايا الآلِ والأجدادِ
تُهدي لسامُرّاءَ فاتِحةَ الجَوى
وتَحيكُ للمهديِّ ثَوبَ سَوادِ
تَروي ثَراها عَبرةٌ من فاطِمٍ
وَيحٌ لمَن غلّاهُ بالأصفادِ
صبرًا أيا مولايَ آتٍ ثأرُكُم ْ
سنُقيمُ دولةَ عدلِكُم ونُنادي:
لن يسلمَ الأشرارُ من سقَرٍ ولن
يَفنى عزاءٌ حتّى يومِ مَعادِ
لغريبِ سامُرّاءَ حُزني سَرمَدٌ
ولكَ العزا يا خاتمَ الأسيادِ
*زينب الموسوي*
*#بنت_الزهراء*
الأمام المهدي عج
يخاطب الامام الحسن العسكري ع
في اللحظات الاخيرة من حياته المقدسة
عگبك.. تبدي الحرب وي الصبر عگبك
ولو رايد اتخليني
بالغربه اگضي اسنيني
عگبك.. تبدي الحرب وي الصبر عگبك
.....
نفاق وناس متخبطه
عشت جوه ضغط سلطة
تحت احداث مرتبطة
اويه لوعاتك
وعدونه يحّبك الخطة
الى ان نوصل لنقطة
اشوف اچفوفه متورطة
ابمعاناتك
ويله.. يابويه كلمن سممك ويله
يالشوفتك ترويني
بالغربه اگضي اسنيني
عگبك.. تبدي الحرب وي الصبر عگبك
.....
بدت انفاسك انته تقل
وبديت اشعر كأن ينزل
عليك الموت وانا احمل
جرح قاسي
الثواني بلكت تطوّل
واشوفك وانسه وجه الكل
يبويه فرگتك تكتل
ترى احساسي
تذبح.. نظرة ابو يودع ابن تذبح
وناتك اتچويني
بالغربه اگضي اسنيني
عگبك.. تبدي الحرب وي الصبر عگبك
....
جرح كل ما خلص يبدي
يچوي اوليدك المهدي
انا غيرك منو العندي
يضي عيني
اذا ترحل اظل وحدي
غريب ابدمعتي احدي
ابجفن دم مو دمع يديّ
على حسيني
الغربه.. اكبر الم بآل النبي الغربه
وما ادري شينسيني
بالغربه اگضي اسنيني
عگبك.. تبدي الحرب وي الصبر عگبك
....
تخلص غيبتي الصغرى
وتبدي غيبتي الكبرى
واهو الغايب معا عذره
وصعب عذري
محرم يخلص ابعبره
ويوج ابداخلي الجمره
وراها امصيبة الزهره
اختنگ صدري
ثاري.. ياكل يظل بويه الگلب ثاري
الجمعة التمر تاذيني
بالغربه اگضي اسنيني
عگبك.. تبدي الحرب وي الصبر عگبك
....
ويظل جرح السبط بيه
واذا چل مغرب اعليه
اشوف بليلي علوية
ابدمع هامل
من اشوفن عمتي مسبية
احس بروحي مچوية
على زينب اقره مرثية
ولبو فاضل
كلفه.. كسرة الخوه على النهر كلفه
عاشت الدمعة بعيني
بالغربه اگضي اسنيني
عگبك.. تبدي الحرب وي الصبر عگبك
حسن ميثاق الربيعي
في أستشهاد الإمام حسن العسكري عليه السلام ...
أنا المهدي حبيبك بويه انا نجلك
يابويه العسكري بالبيت داخلك
لفه لهفان لك رجواك
ظناك المنتظر وياك
🏴🏴
ابعقيد الخادم اوليدك لأخداشك
لفه الداعيه يدخلك لأنعاشك
من السرداب يابويه الى افراشك
أناظر من أثر سمهم لأرعاشك
سألته خادمك ياوالدي عنّي
وجيت الحالتك مسرع مع ونّي
أجيت ابدمعتي الملگاك
ظناك المنتظر وياك
🏴🏴
فداك اوليدك الحاظر لك اِمامي
أعوفك بالمرض ماتسمح اقدامي
أجيب الماي لك ياوالدي ضامي
هزيل وترتعش ياويلي گدامي
تضرب بالأناء المعدن اسنانك
وأيدك ترتعد و يابس السانك
أنا بجوارك المفداك
ظناك المنتظر وياك
🏴🏴
بجوف اليل خافيني من الجاير
عليك اتعودت كل يوم الي زاير
تجي السرداب لي بويه كنت ساير
وعليّه عينك الحلوه تظل داير
غبت أيام عنّي مدري شالصاير
وأخذني اعليك خوفي يالولي حاير
أجيت اطمّن وأرعاك
ظناك المنتظر وياك
🏴🏴
من سجن السجن جابوك في معزل
عن اصحابك وناسك حتى ماتوصل
أرادو اببركة الأسباع في محفل
جنابك ينتهي وهذا الها مايحصل
تواصلها مع نوابك الشيعه
خطر عن لاتضايع بعدنا ضيعه
شيعتنا اشكثر تهواك
ظناك المنتظر وياك
🏴🏴
بني العباس كم آذوك في عمرك
وكم ياوالدي هذا الحقد ضرّك
أراد المعتز ابأمره غدر نحرك
وبعده المهتدي ابوعده فتك أمرك
الين المعتمد بسم تلف كبدك
وتلف كبدي مع وهدني مع هدّك
معادي الله الذي عاداك
ظناك المنتظر وياك
🏴🏴
ثلاث ايام منعو يشرب الضامي
ابوالأحرار جدي حسين برحامي
الضما فتت دليله والفلا حامي
وسهمه حرملا بالقوس لن رامي
لذيذ الماي بويه اشرب لاحشائك
بني اميه بني العباس بجزائك
وعلي السجاد انا ابرأياك
ظناك المنتظر ويّاك
✍️
علي الأحسائي
ربيع اول ١٤٤٦هـ
قصيده عكيلي بمناسبة استشهاد الامام {الحسن العسكري}{عليه السلام}
****
يامهدينه يامهدينه الله يعينك يامهدينه
****
يالمهدي ظليت لوحدك
ودمعة عينك تحرك خدك
حتى الغربه تنوح الوعدك
يابو صالح ياوالينه
****
مات الجان الحلمك خيمه
راعي الزود وراعي الشيمه
ورثلك أحزانه وضيمه
جانت يامكصرها سنينه
****
الله بهالشده يشد حيلك
راح يطول كلش ليلك
هاي اللوعه شتخليلك
تاذيك هوايه وتاذينه
****
مايتعوض فكد الوالد
يامهدينه والله الشاهد
صبر العين شكد ميجاهد
تِكسره الفركه ياغالينه
****
بالعسكري نعزيك احنه
يبن الهادي بفكده وحزنه
مصابه اللي هد حيلك هدنه
ومثلك هم دم يبجينه
****
جينه وياك نقيم المأتم
بكلب من الحسرات تهشم
ولفراكه انون ونتألم
ونيران اسمومه تجوينه
****
نتمنه يالغالي نشوفك
يالمهدي ونبوس اجفوفك
ونصير بهاليله ضيوفك
نعزيك احنه وتعزينه
****
خادم اهل البيت عليهم السلام
الشاعر السيد{هاشم قاسم سعود البلداوي}
( جرح المهدي )
أستشهاد الامام الحسن العسكري
……………… .............................،…………
المهدي شنهو اليوم حاله
هـم سـرح للطـف خـياله
من بده ايصلي اعل ابوه •• ذكر جده السلبوه
……………………………………………………………
او يلمهدي مولود الحزن • توم و تربّه ابمهده
معصور گلبه امن انولد • اهوايه الجروح العنده
فارگ ابوه امـن الزغـر • ما شبع حضن و كعده
عيـن اتهمل للعـسكري • و عين المصيبة جده
من گعد يم والده و غمضله عينه
ذكر جـده اعل لتراب امگطعينه
اندار وادموعه اتجاره
الكـربلـه ايأدي الزياره
السلامُ اعل الولوه •• ذكر جده السلبوه
……………………………………………………………
و الوالـده حـضّر چـفن • و للـغسل مـايه ايديره
بعيـونه مـوج امن الدمع • و اباله ميـت حيره
مـن كربله انعرضت اله • صـورة مآسـي اچبيره
صورة جسد عاري الهدم • ملموم فوگ احصيره
غسّـلنه اسـيوفهم مـن فـيض دمـه
والتچفنه اسهام منثوره اعل جسمه
اه يا جدي و رضيعه
يا ورد فـارگ ربيـعه
حلم ماي وما سگوه •• ذكر جده السلبوه
……………………………………………………………
مـن سـمع صـوت العايله • يبچن بنات الزهـره
ببيوت مامونه وحرس • اهل الچفافي الخضره
للتل سـرح يـم عمته • عل راس تشـبچ عشره
لو بالحـبل يعـثر جدم • لـو يلّسـع بالجـمره
المهدي زينب عمته اتعيش ابكيانه
ايگله كـون اسـياطهم بمـتوني آنه
وحگ عباسچ و چفه
الثارج وهيهات اغفه
ثار ضعن الي سبوه •• ذكر جده السلبوه
……………………………………………………………
مهدينا يشعر باليتم • مـن شال ابوه ايشيعه
مهيوب وآلاف البشر • اتسلّم عليه مـجتمعه
اتراواله ايتام وركض • عدهم غزيره الدمعه
لا خيل ترحم لا بشر • سوط وشتيمه وصفعه
ازغار و انثرت نثر فـوگ البريه
ذكر جده الباقر او جوية رقيه
ليل وحشه ودمع طفله
ذكر جـوع و ناگه هـزله
وعد عمهم ما نسوه •• ذكر جده السلبوه
……………………………………………………………
سامره راجت بالحزن • على العسكري مفجوعه
و جنازته ابعلـو النجـم • بيد الخلـگ مرفـوعه
بفكاره لن منظر جسد • عاري و فتات اضلوعه
طاحنته خـيل ابلا رحـم • اثار بيـه مـطبوعه
الشمس تصهر والرمل حباته جمره
ابلا دفـن ايـام مـحـد حـفـر گبره
المهـدي فاتحتين عنـده
والده وحسين جده
وبدمعكم شاركوه •• ذكر جده السلبوه
……………………………………………………………
المهدي لا مانسي ابد . عاشور كل ايامه
معرض صور للفاجعه . يبدي العرض جدامه
صورة رمح شايل ضوه . عينه اعله نار اخيامه
صورة مره امضيعه الخدر . تركض تلم بيتامه
وصورتين اكباله ينعرضن سويه
الخرابه واذن مجروحه الرقيه
صوره الها النوح كله
طفل وسط الرگبه نبله
اه عبدالله اذبحوه •• ذكر جده السلبوه
……………………………………………………………
✍️ ( سيد خضر الزاملي )
بالهموم •••• خلص عمر العسكري
……………………………………………………………
يا شـباب اليـمّه يلّـي • فـي ربيـع اسنـينه
كلشي ماشاف بحياته •ابعجل غمضت عينه
داير ابحيـطان بيـته • العـسكر امحوطيـنه
دوم عن شيعته و ربعه • بالسـجن خافيـنه
يمنعون •••• يمر بي كـل جعفري
بالهموم •••• خلص عمر العسكري
……………………………………………………………
المعتمد فوگ ابو محمد • صب جميع احقاده
صدر امره اليوم يخلص • مـن عجـيد الساده
مثل ما صفوفها گبله • اهدعـش من اجداده
شُـرب دم عترة محمد • الهم اصبـح عـاده
على الصار ••• يشهد الطف و الغري
بالهـمـوم •••• خلص عمر العسكري
………………………………………………………..
اه يا چبد ابو المهدي • ذاب بالسم وانفطر
وضاكت انفاسه الشريفه • يدير لوليده النظر
مات و اتيتم المهدي • بزغره مكسور الظهر
بالسمه جبريل ناده • استشهد الحادي عشر
يلجنان •••• للامام اتحـضّـري
بالهموم •••• خلص عمر العسكري
…………………………………………………………..
اليوم سامراء ظلمه • شال مـن عدها الضوه
اليوم شالت نسمة الله • وصار مجروح الهوه
اليوم كل شيعي ابمصابه • گلبه بالنار انجوه
والهموم اعل ابو صالح • هدن و كلهـن سوه
و الاهات •••• اتبيع بيه و تشتري
بالهموم •••• خلص عمر العسكري
……………………………………………………………
الما يقدر نعمـة الله • اتزول ما تبقه النِعم
الحسن اخر وجـه لله • و النظر منه انحـرم
غيبة الموعود تبدي • يظل خافي اعل الامم
الغيبه غربيـل العقيـده • ويا هنـياله السِـلم
و إمامي •••• اعليه يعرض دفتري
بالهموم •••• خلص عمر العسكري
………………………………………………………………
ابعمر خمسه المهدي ناده • يا لثارات الضلع
ثار بسـمار الزجيه • و ثار باب المنـدفع
وثار منحور اعل وجهه •وراس جده المنگطع
وثار حره ومتن ازرگ • خـدر طاح اوي الدمع
تعيشين •••• عمّـه دوم ابناظـري
بالهموم •••• خلص عمر العسكري
…………………………………………………………
✍️ ( سيد خضر الزاملي )
#قصيدة_للعسكري
#المستهل
بااسم العسكري هاليوم مجلسنه
نواسي المنتظر ونهل مدامعنـه
•───✧◐◐✧───•
نهل ادموعنه ونلطم عله الهامه
ابو المهدي اليله خلصت ايامه
عله التابوت هل شالوها العمامه
الف وسفه نصيح عليك سيدنه
•───✧◐◐✧───•
رفعنه اعلامنه ونصيح مولانه
مأجور اعله ابوك اليومه اذانه
تصب ادموعنه عالوجن جريانه
نواسي المهدي بمصابه تألمنه
•───✧◐◐✧───•
حكها الشيعه لو ناحت عله امصابه
ابو الحجه رحل يوجعنه يصوابه
جوادر لبو المهدي نصبت احبابه
وكل عام اليمر ننصب مواكبنه
•───✧◐◐✧───•
نكثر باللطم والدمعه نجريها
ويه ام الحسن جينه نعازيها
عالمسموم واليومه مأذيها
بسامره العزه والخوف ماهمنه
•───✧◐◐✧───•
لو دربه جمر نتعنه ونزوره
نطوف بحضرته ونشمهن عطوره
نواسي ام الحسن ونكلها مشكوره
بكل أزياره مولاتي تسجلنه
•───✧◐◐✧───•
#2022
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
اهدي ثواب القصيده الى المرحوم ابو رائد الأماره
لشهادة الامام الحسن العسكري عليه السلام على طور ملا باسم (يابو فاضل طيحت ايدك مو وكتهه )
ياحبيبي .. سوده هالليله عليّه
ياحبيبي .. باللطم لكسِر ايديه
ياحبيبي .. أرد اواسيهه الزجيه
............
ينعقد هالليله مجلس بي دمعهه
تنعى بس المهدي مولاي السمعهه
تمشي محنيه الك دامي ضلعهه
عيون حمره من سطرته الي طُبَعهه
شلون حاله .. إيد عالضلع وتلزمه
شلون حاله .. ذاك أثر بالايد دَمّه
شلون حاله .. ردت اردود المنيه
.............
لو أكَّسر اضلوع صدري اي قليله
ما أحس بلطمه توجعني وثكيله
ريت اظل ابلا صبح ليله طويله
والفُكَد كَلبه يوادم مايجيله
المن اشكي .. والفُكَدته اهواي غالي
المن اشكي .. دومه ميفارك خيالي
المن اشكي .. اظلمت الدنيه الضويه
.............
المات من شوكه حبيبي اي تعذره
كل نِفَس مولاي صار بصدره جمره
والدمع غَرّك وجنته وعينه حمره
جروح عنده تندفن وياه بكبره
وآنه عبدك .. عينك الماتنسه أحّد
وآنه عبدك .. خادمك للموت إشهد
وآنه عبدك .. دموعي لو تنزل دميه
..............
اليوم سامره دموع كلوب يَمّك
واليحبك يِشعُر وبحساسه هَمّك
شكد سوالف لو جروح ايشيل دمك
وآنه أحس يم الكبر موجوده أُمك
اي بيديهه .. اتسجل ادموع التِنِدبَك
اي بيديهه .. إتأشِر اعيون التحبك
اي بيديهه .. وتعرف اكلوب الهِمِيه
..............
وليخدمك جاب ريحه من طفوفه
عطر جدك من يزوره لو يطوفه
بكربله وبالنجف يمك اي جفوفه
اضيوفك بيوم الزياره هم ضيوفه
لا ميتعب .. والعمر يكضيه خدامه
لا ميتعب .. نياله لليخدم امامه
لا ميتعب .. يِفَّرِح اجداده ونبيه
..............
ابو مريم الاسدي ..
9/ايلول/2024 ..