🌴تجمّع الزهراء ع العاشورائي🌴

31 августа 2024 10:09

لطمية عند دخول الزهراء على والدها وقت الاحتضار

❥ــــــــــــ🕊️ـ❁❁🕊️ــــــــــــــ❥

شعنده المصطفى بحضنك يحيدر
متغير ابوي ووجهه اخضر
بس لاعازم يشيل
ونته اتهدم الحيل
متغير ابوي ووجهه اخضر

❥ــــــــــــ🕊️ـ❁❁🕊️ــــــــــــــ❥

كلها يالزجية ابساع ودعيه
هذا اخر مسة المصطفى تشوفيه
وصوته عالمنابر ماتسمعيه
جيبي الحسن وحسين
عنده اعزاز تدرين
كلبه عالولد ذاب وتفطر

❥ــــــــــــ🕊️ـ❁❁🕊️ــــــــــــــ❥

راح يروح مني ومنج اليوم
هذا الجان شايل عني الهموم
ابوج امغيره من عنده الرسوم
بيدي ركبته تميل
جنة يتاني جبريل
ينزل والملائك يمه تحضر

❥ــــــــــــ🕊️ـ❁❁🕊️ــــــــــــــ❥

انا وياج يافاطم بلياه
دنيانه مضلمة بدون عيناه
يغدرنه الزمن لو فاركيناه
يافاطمة وتدرين
هذا الشيد الدين
وهو دنيتي بلياه مكدر

❥ــــــــــــ🕊️ـ❁❁🕊️ــــــــــــــ❥

تيتم بدونه الدنيا كلها
وزينب راح جدج من نكلها
من هسة بدت تفكد املها
وضلو ولدج ايتام
يتركهم بالالام
لحسين وحسن كام ايتحسر

❥ــــــــــــ🕊️ـ❁❁🕊️ــــــــــــــ❥
تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

🌴تجمّع الزهراء ع العاشورائي🌴

31 августа 2024 10:06

لطمية مربعة لسيدة الزهراء عليها السلام وهي تنعى ابيها محمد عليه السلام
=================
مسموم النبي ومغيره الوانه
والزهره الزجيه اليوم حزنانه
===
ألف لعنه على كلمن امر بجتله
هليوم النبي الوانه متبدله
تون الزاجيه والمدمع تهله
وتكله يبويه صعب فركانه
===
فركانه ثجيل والك حنينه
اشلون اتشيل يابويه وتخلينه
يتباجون ويلادي يوالينه
وآني من الونين اعليك خلصانه
===
سموك العده والزهرة اذواها
وبساع السقيفه بحقد عقدوها
وام حسين غصبو حقها واذوها
وعليك الحزن مشروعه بيبانه
===
ياسور وسندنه اخلافك انذليت
وتدري أنت الابو هيبه وذخر بلبيت
حكي من اون اعليك وتحنيت
شايل ياسندنه وين ملفانه
===
بس وناتنه بويه التصبرنه
وعكبك يلحنين اهواي اذانه
صعب يوم الفراك وما احملنه
اليوم الدين لجلك ينعى قرانه
===
تمت بحمد الله تعالى بقلمي شاعرة وخادمة اهل البيت عليهم السلام ملة زينب الطويرجاوي ٢٩ ٨ ٢٤ ٠ ٢

🌴تجمّع الزهراء ع العاشورائي🌴

31 августа 2024 10:05

قصيدة لاستشهاد الرسول ص

صوت بعبره وآه
ماتَ رسول الله

منبره.. الوحشه هدت حيله
والوحي..ينزل اخر ليله

وامحمداه
........................

ماشفته صح بدنيتي. بس سامع اخباره
حب عن روايه والكلب. شافه وصبح داره
اهل العقول تحيرت. ماتعرف اسراره
منقذ الناس من الجهل. بقرآنه وافكاره

رحمه لكل الناس
منبع للاحساس

الموت اجه.. للسفر يوميله
والوحي.. ينزل اخر ليله

وامحمداه

.........................

بسيرة حياته ماشفت. بس الانسانيه
متعوب من الدنيا بس. تارسهه روحيه
هوه الامان من السمه. عالكره الارضيه
احرار صرنه برحمته. وعفنه العبوديه

من فكر المختار
نعيش نموت احرار

بمصحفه.. المحكم وتأويله
والوحي.. ينزل اخر ليله
وامحمداه

.......................

محد تأذه من الرسل. مثله وخلص عمره
كالو الابتر والله كال انطيتك الزهره
وانطاه حيدر والفقار بيمنته السمره
وتستاهل اكثر گله هاك حسين والعتره

سبحانه السواه
طاريه شمحلاه

يانبي. الكون صاح دخيله
والوحي.. ينزل اخر ليله
وامحمداه

.........................

هالليله حيدر چم گلب. ينراد لحزانه
ويشوف روح المصطفى. من المرض خلصانه
والزهره خاطرهه انكسر. وهوايه تعبانه
كلشي اختلف حتى الهوه. متغيره ألوانه

بس دمعه بلا صوت
دك الباب الموت

فاطمه.. امن اليتم تشكيله
والوحي.. ينزل اخر ليله
وامحمداه
.......................

قرآن مشيول بنعش. آيه بأثر أيه
وبفراگه صار المرتضى. يتمايل هوايه
دعوه يمهدينه تجي. وتحضر بالقرايه
خدام نبقه اعله العهد. منطينك حچايه

ياصوت الآذان
ياروح القرآن

نودّعه. بدمع دم نبچيله
والوحي. ينزل اخر ليله

……….

نسألكم الدعاء
حسين صادق العقابي

🌴تجمّع الزهراء ع العاشورائي🌴

31 августа 2024 10:05

الشاعر الحسيني ظاهر حبيب الهليجي(أستشهاد رسول الله صلى الله عليه وآله )

يعينك الله ياعلي بهاي الرزيه
الليله دافن بل گبر سيد البريه
جرحك الماله شفه يل دفنت المصطفى
*
عظم أجرك سيدي بهذ المصاب
الليله أبو الزهره النبي حدر التراب
بهل المصاب ادموعك توزع ثواب
ويا دمع تبجي اظن دمعك خظاب
روحك وروحه اظن صعدن سويه
يعينك الله ياعلي بهاي الرزيه
ودعت نبع الوفه يل دفنت المصطفى
*
شكان حالك ليه من جفنه غفه
لو بحر دمعك عليه ماظن كفه
الكون بعيونك عليه اسود صفه
ياعلي من بعده عل الدنيا العفه
بهل الكلام السانك ترتل عزيه
يعينك الله ياعلي بهاي الرزيه
موتك ابموته صفه يل دفنت المصطفى

شحالك وطه النبي ميت بديك
ياعلي وعينه بقت تدمع عليك
يعرف بظيم السقيفه يصير بيك
أبنار دارك والزجيه تنتخيك
خبرك بيها وترك بيها بوصيه
يعينك الله ياعلي بهاي الرزيه
وانت دمعك تذرفه يل دفنت المصطفى
*
ياعلي حگك لون تهمل دمه
للمصاب ألي فجع گاع وسمه
يعينك الله من تنشدك فاطمه
بيا عذر تقنعها يا حامي الحمه
من تعزيها بأبوها هل المسيه
يعينك الله ياعلي بهاي الرزيه
ياحزن بيك اكتفه يل دفنت المصطف
*
شلون لو نشدوا عليه سبطينه
بويه جدنه الليله مامر بينه
شيقنع الليله الحسن وحسبنه
وهوه جان يحطهم بنص عينه
راح هل الليله ملاذ الهاشميه
يعينك الله ياعلي بهاي الرزيه
گلت عل الدنيه العفه من دفنت المصطفى

🌴تجمّع الزهراء ع العاشورائي🌴

31 августа 2024 09:18

https://vm.tiktok.com/ZS2SSRaQu/ تتم مشاركة هذا المنشور عبر TikTok Lite. نزّل TikTok Lite للاستمتاع بمزيد من المنشورات: https://www.tiktok.com/tiktoklite



انشرها حبا بالامام علي عليه السلام

🌴تجمّع الزهراء ع العاشورائي🌴

31 августа 2024 09:10

يا أمة السوء
بئس ما خلفتمو محمدا


محمد النوري

🌴تجمّع الزهراء ع العاشورائي🌴

31 августа 2024 09:09

شهادة الرسول
.
.
.

الفـارگ اعــزاز .. تشوفه مكسور
ونسته اتصــير .. بــين الــگــبور
علي يابو الزهره ذاك
منحـنـي ظهـره وراك
يارسول الله

----------

ياشمس روحي صحت .. غوربت بس من وكت
عميه عيـني مــن وراك .. يبو الــزهره من رحت

هجرك ادري مو ســهل .. وعلــي مابــيه يحتمل
بگلبي تدريبه اشيـصير .. عنـك انـه امـن انسئل

عايش ابعالم صفنتي وسالفة هجرك حلم
روحــي تتبــده ولكـن فاطمـــه بيــه تــلم

الوادم اتصيح .. واسمع الصوت
امن البچي اليوم .. حيدر ايموت
الباقي بس دمعه بجفاك
مـنحــــني ظهـــره وراك
يارسول الله

----------

الچانو ايســموه جــبل .. علي من عگبك ذبل
امصابك اشگد ماثگيل .. متـني ياخويه هدل

يـارســـول الله الهجـر .. عاليحب كلش خطر
دمعة الــفارگ حـبيـب .. تنـــزل بخـــده جمر

ياديلي الدنيه ظلمه وچنـت بس انته الضوه
علي عگبــك يبــو الزهـــره گـوه يشتم الهوه

من الاحــياء .. مــايـــعـــدوه
على الاموت .. الكل يحسبوه
مبين الضيع سماك
منحني ظهره وراك
يارسول الله

---------

چــنه روحين ابجسد .. وســــفه مانلــتم بعد
گلبي من فگدك يخوي .. وداعـة الزهره انمرد

حالي من عگبك صعب .. عايـش ابديرة غرب
المثلي دافنته الحـــياة .. حالي حال البالتـرب

الدنيا ماسميها دنيا ابــلا وجــودك يالوفه
گلب حيدر عگب عينك يالاخو وج وطفه

حيلي مـهدوم .. ياضــوه العين
يمشي ويطح .. گام ابو حسين
الوادم اتصيح شجاك
منحـني ظــهري وراك
يارسول الله

--------

يامــلاذي وهيـــبــتي .. ياكبــرتي وكشختي
عگب عينك يالرسول .. وسف شافو دمعتي

الاسـمه صــگار الزلـم .. حيله عـگبك منهدم
علــي اليهــز الجــبال .. علي باقي بس اسم

حزنك ابلايه نهايه ابگلبي حزنك سرمدي
ياصديقي ويـبن عمـي ويا اخـوي اوالدي

روحتك هـاي .. مــو زغـيره
مـني راحــت .. چن عشيره
حقه حيدر لو نعاك
منحني ظهره وراك
----------

اشما انوح اشـما اون .. يكــبر ابــروحي الحزن
وداعة العشره هذيچ .. امن البچي طاح الجفن

ابچي ليل اويه الصبح .. وانجـرح فوگ الجرح
الماله اخو ابهاي الحياة .. يبـقه مكسور الجنح

عمري سالوفه وبــدونك والله لامـــاتنسمع
يالچنت كلشي اليه ابگيت عگبك بس دمع

عمر الدمــوع .. بسرعه ينزال
ومدمعي اعليك .. للابد ضال
يعمه الــبلايه ضواك
ومنحني ظهره وراك
يارسول الله
-----------
حيدر تركي الكربلائي

🌴تجمّع الزهراء ع العاشورائي🌴

31 августа 2024 01:26

استشهاد النبي صلى الله عليه واله وسلم


الهادي روحه من تدنى اغيابها
ارتدت الامه على اعقابها

*---------------------*-------------------*
ما خلص جرح الأمس وآثاره
والصنم طاح وجرح أنصاره
واليعبده رد يدور ثاره
رجعت اللات بحقد أصحابها
*----------------------*-------------------*
لبسو الإسلام مسلمة الفتح
ثوب حيه تنزعه وي طرت الصبح
صوبو قلب النبي بأعظم جرح
فتن جابو للنبوه ابابها
*----------------------*--------------------*
الوصيه راد يكتب بالقلم
وكفو بساعة وفاته كالخصم
يهجر يكولون أشباه الزلم
لعنة الله على الفتن والجابها
*----------------------*-------------------*
اتفقت الأضداد تغدر بالنبي
اليهودي والصنم والناصبي
بالخميس اتوقعت فتوى السبي
وفتوى قتل الزهره من أسبابها
*---------------------*-------------------*
بلا غسل لادفن عأفوه الرسول
وعائشه ماندري بدفنه تكول
للسقيفه أصحابه ركضو للوصول
للحكم ركضو بيوم امصابها
*----------------------*--------------------*

محمد دعبل النوري


      

🌴تجمّع الزهراء ع العاشورائي🌴

30 августа 2024 16:33

عكيلي للرسول (ص)



اتنوح الزهره الليله وتنعه
١

اخر لحظات من العشره
بين الدنيه وبين الزهره
والوالد من ودع عمره
يعني الزهره بدمعه اتودعه
٢

هالليله اتودع والدها
ظلت حزنانه الوحدها
غير الاحزان اشظل عدها
گام اتحس اتموج السبعه
٣

ظلت محتاره بحسرتها
واتنوح بحيرة لوعتها
عالوالد وتصب دمعتها
والوالد يستاهل دمعه
٤

بين الدمعه وبين الحسره
راح اتموت الليله الزهره
والوالد من صار بكبره
اتمنت لو  بس يمها اتسمعه
٥

ياوسفه وحست مهضومه
ومن بعد الوالد مالومه
بيها الوالد اثر  يومه
وظلت حزنانه ومنفجعه
٦

بتوديع المختار  الليله
نتوجه المن نشكيله
للباري بدمعه وندعيله
يقبلنه بهل دنيه الوسعه





لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

🌴تجمّع الزهراء ع العاشورائي🌴

30 августа 2024 16:25

ماذا علی من شمَّ تربةَ احمدٍ
ان لا يشمَّ مدی الزمانِ غواليا

صُبت عليَّ مصائبٌ لو انها صُبت
علی الايام صرنَ لياليا


مولاتي الزهراء عليها السلام
تنعی ابيها صلوات الله عليه

ابو ذيه

تظل عيني علی مچانك  ترابه
ودليلي جروح بغيابك ترابه
انه لگبرك اجي واشتم ترابه
واجيم النوح كل صبح ومسيّه


😭😭

عظم الله لكِ الاجر مولاتي يافاطمة

ام محمد الحجاج

🌴تجمّع الزهراء ع العاشورائي🌴

30 августа 2024 16:24

لطمية للنبي محمد صلى الله عليه واله وسلم (ابن عمك يحيدر)


ابن عمك يحيدر ... شال عن داره
لايرجع بعد لاتسمع اخباره


مايرجع بعد حمل الجيدومه
نام اعله التراب وطول النومه
خله ام الحسن تلطم ومهضومه
تگول افراگ ابوي ولاطفت ناره
ابن عمك يحيدر ... شال عن داره


تگول افراگ ابوي المارحم حالي
خله النار تتفاور بدلالي
للمحراب اصد امكدر وخالي
ومفگود الحنين وغايبه انواره
ابن عمك يحيدر ...  شال عن داره


غايب نور ابوي الچان يتلاله
وادموع الحسن وحسين هماله
والديوان ضل فال الحزن فاله
وعن المصطفى ينشدون خطاره
ابن عمك يحيدر ...  شال عن داره


تنشد عالنبي ياحيدر اضيوفه
وين الچان ينطي الزاد بچفوفه
مايرجع بعد واشلون ماشوفه
احن الشوفته وضليت محتاره
ابن عمك يحيدر ... شال عن داره


احن الشوفته الحلوه ومحاچيه
مايرجع بعد لاينشد اعليه
سور الدين مات وشيعو فيه
راح اليگعد المسكين بكتاره
ابن عمك يحيدر ... شال عن داره


كلهه بعازته المسكين والسايل
ياوسفه الحنين امحمل وشايل
باچر يهجم اعله الدار چم عايل
والحگ ينوخذ بچفوف غداره
ابن عمك يحيدر ... شال عن داره


الحگ ينوخذ بچفوف سلابه
ادري اهل السقيفه تعيل بغيابه
اصيح بصوت وينك ماتجي يابه
الكسر البالضلع ماترهم اجباره
ابن عمك يحيدر ... شال عن داره



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

🌴تجمّع الزهراء ع العاشورائي🌴

30 августа 2024 16:23

مفجوعــه وتــوّن بحــزانها الــزهــره
اعلى فگد المصطفى مخنوگه بالعبره

*
مفجـوعه وتوّن ام الحسـن وحسين
لفگد الهادي تهمل مــن دموم العيـن
الگبر كونه يبويه يضمله ريت اثنين
ويـــاك انــدفــن يـــا والـــد العتـــره

*

ويــاك اندفـــن يـا ريــت يالغــالــي
اعـــرف ألامه مــا ترحم ابـد حالـي
علــى بابي اعـــرف الراح يجرالــي
واعرف ابخدي بويه تنطبع سطـره

*

يبويــه الشالو اعــزاز الگلـــب عنـها
مــن دنيــاها تعـــرف ينگطع ظنــها
تظــل للـــدوم مـــا يبطل ابــد ونها
ونار الفرگه يلهب كل وكــت جمـره

*

بيت إحــزان لجلك بــويه شيدتــه
أنـــوح وأمتــك كل نوحي ما نعته
مـــا يـــدرون گلبي انـــه فــارگتــه
وبس النوح بــويه گلبــي اليصبـره

*

من أنوح أعليك آنه وعطرك اشتمه
على دمعاتي بويه اعترضت ألامــه
حگــه گلبــي لــو ظــل حــاير بهمه
وظل بويــه دليلي يچذب الحسـره

*
يبويـه بــابي وجــتّ بيهـا تــدري النـار
واصيح وصدري بي ظل نابت البسمار
ولا چــني الـــزچيـه  اوالــدي المخــتار
وصّــه ألامـــه لكــن مـــا رعــو گــــدره

*
الشاعر
موسى البديري

🌴تجمّع الزهراء ع العاشورائي🌴

30 августа 2024 16:23

[[💔قصيدة  للنبي الأكرم لحن (يخيمات) أو
(ختام - أو شور معقول) يناسب حرمة ومصيبة محمد وآل محمد💔]]

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆


يمختار.....٣👇

ظلام الدنيه من بعدك  يمختار
أنادي    وماترد  و بگلبي  النار
بغيابك من يردلي وحشة الدار

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

يابويه تبدي   قصتي  من  غمضت  عيونك
مثل الغريبه   بلا وطن حالي صبح ‌‌‌  بدونك
طبرو علي سمو حسن بس سلهمت جفونك
وحضرو  جيوش  لكربله   چنهم يطالبونك


يحضرون.......٣👇

گعدو في سقيفتهم‌  يحضرون
قسم منهم على بيتي يهجمون
وقسم بأوراق مقتلنا  يوقعون

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

يابويه صارت دنيتي شگد قاسيه وعنيده
تاخذ فقط مني   بعجل   بس اليظل اريده
مارحمت خلافك‌   ابد في  بنتك  الوحيده
صوتك  بقى  عالمأذنه بس شوفتك بعيده

بالاحلام.....٣👇

يبويه شوفتك صارت بالحلام
على فراگك اظن   ماكمل ايام
رحيلك صوب بگلبي سهم سام

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

لاام  ولا والد بقى يعني اصبحت يتيمه
بس اليتم مو مشكله   المشكله الجريمه
غدرو  علي وجنازتك بالمغتسل هظيمه
تعبك يبويه بهالبشر ثاري طلع حريمه

بالافراح....٣👇

اشوف    عيونهم‌‌   تلمع     بالافراح
ولا      واحد    يواسيني على الراح
يضحكون على جرحي لو الك صاح

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

هجمو علي هجمة   كمن هاجم على سبايه
ماچني   آنه   ام النبي   وبيه  حديث وآيه
مااگدر احچي الي حصل بس فدوه للولايه
منا رجس   رجله   رفس والحايط   بورايه

بالضلوع.....٣👇

احس    بسمار ضل     يفج بالظلوع
بعد ميفيد     لا صوتي    و لا دموع
يبويه أعلى الترب ظل محسن يلوع

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

لمن يبو القاسم خفه    نورك  عن المدينه
اصبح عدوهم بس علي  وبنيتك الحزينه
خالد اجه     وياه    عمر   والزمرة اللعينه
بالسوط وبزجر ورعب طك بنتك الحنينه

يظلام.......٣👇

يضربوني و اناديهم     يظلام
نفسها سياطكم ادريها بالشام
على متنين زينب ويه الايتام

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

يلا يشيعه     بالنبي     خنعزي   الوديعه
وبالاربعينيه  الگضت لبن  النبي ورضيعه
ادريها تصرخ من يمر طاري  اسم ‌ شريعه
وريحة علم  وأيدي  گمر يم العلم گطيعه

بالونين.....٣👇

أشاركها      مجالسكم    بالونين
عله العباس ابني وابني الحسين
شفيعتكم   انه    ويه  ام البنين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆



خادم   النبي  وآله
جهاد البصيراوي

🌴تجمّع الزهراء ع العاشورائي🌴

30 августа 2024 15:10

https://vm.tiktok.com/ZS2B7fsvm/ تتم مشاركة هذا المنشور عبر TikTok Lite. نزّل TikTok Lite للاستمتاع بمزيد من المنشورات: https://www.tiktok.com/tiktoklite



لاتفوتكم متابعه هذا الفلم القصير
وأرجو الاشتراك بحسابي التكتك

🌴تجمّع الزهراء ع العاشورائي🌴

30 августа 2024 13:30

قصيدة لاستشهاد النبي عليه الصلاة والسلام



وبنوح ولطم ودعت واليها
مالومه الزجيه كومي عينيها
🖤🖤🖤
مالومه الزجيه تبجي بعبره
محنيه عله ابوها والكلب جمره
مكسوره كلب والكسر شيجبره
بعدك يالابو من ينشد عليها
🖤🖤🖤🖤
تكله دخيل بويه ارحم بحالي
نحلانه عليك نمرد دلالي
مصابك بالكلب مايبره للتالي
روحي معلعله والهجر ياذيها
🖤🖤🖤
يبو ابراهيم مااحمل هظم تدري
سهرانه ونوحن نفذ كل صبري
دخيلك فكلي عينك يابعد عمري
روحي بالحزن لا لا تخليها
🖤🖤🖤
بويه بالحزن راح اكضي ايامي
ضاعت كل حياتي وزادت الآمي
كلبي لشوفتك متلهف وضامي
حجاياتك يبويه الروح تشفيها
🖤🖤🖤
صدك بويه تغيب وعني ماتسال
بأحزاني اتيه الدرب مااندل
اخذني وياك بويه كبل لاترحل
روحي كون وي روحك تخليها
🖤🖤🖤🖤
تمت بعون الله تعالى
✍ خادمة الزهراء إم حسين الاسدي

🌴تجمّع الزهراء ع العاشورائي🌴

31 августа 2024 10:08

لطميه مربعة خفيفة لسيدة السيدة الزهراء عليها السلام تنعى ابيها محمد عليه السلام
على طور على محمد واويلاه
===================
اليوم الزجية ذايبه الروح
تنعى على ابوها بكلب مجروح
===
وتصيح وناتك ثجيله
فراكك يبويه مالي حيله
خلصت عشرتنا الطويلة
من فركتك دلالي مذبوح
===
بويه الونين عليك محلاه
والحزن طر كلبي وجواه
احا اصيح بويه احا
وجهك اكبالي وين ما اروح
===
مسموم والوانك مجدرات
ويبجي علي ويصيح هيهيات
ياردتك للدار حسرات
ضلت بكلبي وبسمك ينوح
===
نوحي ونيني اعليك مافاد
تخليني اون ياريع الفاد
كلبي تفطر والحزن ساد
للموت بويه فراكك يلوح
===
يلوح الحزن هليوم بدار
وحيدر علي بفركاك محتار
ويصيح كلبي مشتعل نار
ودمعي يبو ابراهيم مسفوح
===
بدار حسك ضيعيناه
وجبريل ينعى وصاح ويلاه
يومك يبو ابراهيم بجاه
حزنك بروحي وين ما اروح
===
تمت بحمد الله تعالى بقلمي شاعرة وخادمة اهل البيت عليهم السلام ملة زينب الطويرجاوي ٢٩ ٨ ٢٤ ٠ ٢

🌴تجمّع الزهراء ع العاشورائي🌴

31 августа 2024 10:05

#أستشهاد_رسول_الله

مولاي امير المؤمنين يخاطب رسول الله
﴿ صلوات الله عليهم ﴾

حترگت خيمه الدلال
و صار النوح .. غربة حال

يا بن عمي يا مسوم
لا لتروح .. يا جيدوم

خليت الهظم بلبيت خليت
عله بنص دليل الدنيا سويت
أعذرني أجيتك بلدمع جيت
يا معذور

آنه حيدر الكاسرها الجبال
يا بن عمي شوف شصار بلحال
چتال البعُد يا ذخري چتال
ما مگدور

ويلي = يا عذر الگلب
ويلي = للزهرة من أطب
ويلي = من يمته الجفه
ويلي = شمات الغرب

رسول الله      واويلاه واويلاه
===================

رسول الله يبعد العين
صار جفاك  .. هَم عمرين

كل عمري عليك مصاب
مو مَحبوب .. أنته أحباب

حگي من أنهظم و أجريها لدموع
أبن عمي و أخوي انته يمفجوع
ضل يلوع گلبي بدونك يلوع
يا مسموم

حَمل الأول من شيوخ عدنان
راح ويا هظيمه يخله لمچان
حيدر آنه بس بجفاك تعبان
من اليوم

ويلي = من السم للـ لحد
ويلي = ممرود الچبد
ويلي = صارت غربتي
ويلي = من صار البعُد

رسول الله      واويلاه واويلاه
===================

يا بو القاسم من تروح
دمع العين .. دم مسفوح

نتمنه علينه تعود
تعوف الموت .. يا مفگود

ونين الزهرة حيل يفتت گلوب
من هسة اعله وجهة حسين مگلوب
مطلوب أبن عم لبيتي مطلوب
يا بن عم

ريت سموم گلبك تلفي بحشاي
مال صياح أنوحك موش بهداي
هاي دموع عيني دموم مو ماي
طاح الدم

ويلي = من أيدي رحت
ويلي = و من بعدك طحت
ويلي = دلالي نفطر
ويلي = عني تأخرت

رسول الله      واويلاه واويلاه
===================

باجر بنتك من أجفاك
تبقه تنوح .. من فرگاك

و ياهو يصبر الي يروح
عنه أنسان .. روح بروح

تبچي من الهظم لو مر الغروب
و بليل الگلب بجفاك متعوب
و لو طر الفجر تفتحهن البوب
من الشوگ

بلكي ترد عليها بلهف مشتاگ
مو زين الدهر وياها لو ضاگ
هاذا فراگ بس عذبها الفراگ
و لا ميلوگ

ويلي = شينشف الجفن
ويلي = و شيهود الحزن
ويلي = بنتك فاطمه
ويلي = تنعاك و تون

رسول الله      واويلاه واويلاه
===================

جوة الشجره بس تنعاك
و تجري دموع .. من تقراك

و يا دار الحزن يا دار
صبح و ليل .. تبچي الصار

الحيطان توگع وكت متنوح
ليش تعوف بنتك هيج و تروح
يا جرح الگلب يا لب الجروح
انته مصاب

غربه نعيش بعدك كل الايام
لا يغفه جفن لا يقبل ينام
يلوموني اعله بنتك ليش أنلام
تبچي أحباب

ويلي = يلومون الدمع
ويلي = بدونك تنفجع
ويلي = بأجر كسرتي
ويلي = يكسرون الضلع

رسول الله     واويلاه واويلاه




اللهم عجل لوليك الفرج
علي حسين الخفاجي

🌴تجمّع الزهراء ع العاشورائي🌴

31 августа 2024 10:05

لاستشهاد النَّبِيِّ مُحَمَّدٍ صَلَّى اللَّهُ عَلَيْهِ وَآلِهِ وَسَلّمَ . (وزن الحدي)

ياصعبه أَشَد مِنْ الدَهَر . مَرَّت على سَيِّد الْبَشَر
ياصعبه أَشَد مِنْ الدَّهْرِ
★★★★★
الْحُجرات سُورَة فَصْلَّت . أَصواتهُم يَوم اِعْتَلَت
رُوحَ النَّبِيِّ ياما ابْتَلَت . ومن هلخلگ شافت قَهَر
ياصعبه أَشَد مِنْ الدَّهْرِ
★★★★★
مَجْنُون گالوا علنبي . وَساحر يصدگه الطالبي
چم حاقِد وچم ناصبي . عَنْ النَّبِيِّ گالوا هجَر
ياصعبه أَشَد مِنْ الدَّهْرِ
★★★★★
يَوْم الْغَدِير اتأسفوا . موعن ظمير اتعاطفوا
گالوا نَعَم بس خالفَوا . چم وَاحِد ابواحد غِدَر
ياصعبه أَشَد مِنْ الدَّهْرِ
★★★★★
أَتحَمَّل أشگد الْمُصْطَفَى غَدَر وخيانات وجِفَه
ظَاهِرُهُم إحْسَان اووفه . وباطنهم أيدور الْخَطَر
ياصعبه أَشَد مِنْ الدَّهْرِ
★★★★★
الربَّه النَّبِيّ لَمَن مضه . بالسم ترَه نَحبَه گضه
مهظوم گلب المُرتَضَى . ودلَّالها الزَهرَة انفطَر
ياصعبه أَشَد مِنْ الدَّهْرِ
★★★★★
علمصطفى خَلِّهَا تون . وبهلنوايب تمتحن
اتقيم الْمَآتِم . والحزن . سادات عَدنان وَمُضَر
ياصعبه أَشَد مِنْ الدَّهْرِ

الشاعر حسن لعيبي الحريشاوي

🌴تجمّع الزهراء ع العاشورائي🌴

31 августа 2024 10:05

لاستشهاد النبي محمد صلى الله عليه واله وسلم

يارسول الله يانور الجلي
مايعرفك غيربس الله وعلي
★★★★★
يلي شخصك معجزه بطول الزمان
معرفه انته ونور واحكام وبيان
والمدارك عاجز وياها اللسان
يلعلى ادراج المعارف معتلي
★★★★★
افتخر بيك المرتضى بين العرب
وگال ياأشرف نبي واطهر نسب
بالعرش محفور اسمك وانكتب
انته اعز مخلوق بالدنيا إلي
★★★★★
گال ابوالحسنين كلنه نقترب
انلوذ بالمختار لوتحمه الحرب
منهو مثلك مبدء وقول وگلب
انت أفضل قائد وافضل ولي
★★★★★
گال لوما. الباري وصه بالصبر
بالدمع والنوح لاگضيه العمر
شلون ايامي عگب عينك تمر
علي دون الناس اظلم منزلي
★★★★★
كاسفه الدنيا بجمالك اشرقت
والعصور المظلمه كلها انتهت
بس حزين الكون واركانه صفت
وحشه واحزان ومدامع تنملي
★★★★★
حاربت كل ليل اصبح مندحر
كل وضع مهزوز باسمك مستقر
عاطفه ورحمه وموازين وفكر
غَيَّرت ذاك الزمان الجاهلي

الشاعر حسن لعيبي الحريشاوي

🌴تجمّع الزهراء ع العاشورائي🌴

31 августа 2024 09:11

قصيدة أستشهاد سيد الكون سيدي ومولاي أبا الزهراء محمد صلى الله عليه وعلى آله


دفنوني وياه شلون أحمل الآه
خلوني يمه وخل أشمه وأبچي سكته
هايـل تشيعـون لا لا تسرعـون
بعيوني حسره وأرد أخبره بحال بنته

<> ➖ <> ➖ <> ➖ <>

أنـه صغـيـره والـهـجـر مـابـيـه حيله
والـدللانـي اليـوم رايـد يـگضـي ليله
وين آنه أشوفه ومن زماني أشتكيله

يضل گلبي يشتاگ ياذيني الفراگ
متعوده أشبگه وجفني أطبگه لو شبگته
هايـل تشيعـون لا لا تسرعـون
بعيوني حسره وأرد أخبره بحال بنته

<> ➖ <> ➖ <> ➖ <>

گولولـه فاطمة الزچيه أحچايـه عدها
ذيـج الليالي الحلـوه گـلولـه أشيـردها
يرضه بمكان البوسه دمعات أعلخدها

كل عمري أوياه مو سهله وأنساه
كل ذكرى منه بصدري ونه من خسرته
هايـل تشيعـون لا لا تسرعـون
بعيوني حسره وأرد أخبره بحال بنته

<> ➖ <> ➖ <> ➖ <>

راح أدفن الفرحه ودلالي أبيت الأحزان
ومن أرجع بآه ودليلي يرد خسران
ثوب أسود مطرز خساره ويبقى نيشان

مو سهله عالروح من والدي يروح
وأصبح يتيمه والهضيمه يموت شفته
هايـل تشيعـون لا لا تسرعـون
بعيوني حسره وأرد أخبره بحال بنته

<> ➖ <> ➖ <> ➖ <>

مـو غالي عمري چان أبويه هوه غالي
عود آنه أودعه ماخطر يـوم أعله بالي
أبچي أعله حاله لو بعد أبچي اعله حالي

يابويه مسموم ومتغيره الرسوم
ويـوصي بيـه والمـنيـه بسرعه أجـتـه
هايـل تشيعـون لا لا تسرعـون
بعيوني حسره وأرد أخبره بحال بنته

<> ➖ <> ➖ <> ➖ <>

ويلي أعله گلبي لو طفح شوگي وحنيني
وسنيني من تخلص عذاب ومايجيني
لو حرگوا الباب وأجت صطره أعله عيني

من يخلص اليوم من باچر الگوم
ينكشف سرها وكل غدرها إلي علمته
هايـل تشيعـون لا لا تسرعـون
بعيوني حسره وأرد أخبره بحال بنته

<> ➖ <> ➖ <> ➖ <>

للشاعر الحسيني علي القريشي

🌴تجمّع الزهراء ع العاشورائي🌴

31 августа 2024 09:10

القصيدة الى استشهاد ومظلومية النبي محمد  صلى الله عليه واله وسلم

يا أمة السوء
بئس ما خلفتمو محمدا
يا أمة السوء
بئس ما خلفتمو محمدا



في محمد الله كرمكم والإسلام
اجا بالحق وأنتم تعبدون الأصنام
الخوف جان مخيم عليكم والأوهام
بالرساله صرتو بين الناس أكرام

انكرتم الدين
اتراه ماعدا مما بدى
يا أمة السوء
بئس ما خلفتمو محمدا
*------------*------------*-----------*

الباري بالقرآن أكد عالموده
بذوي القربى والنبي ينحفظ عهده
أجه الظالم بيده ناره ومن يرده
اجه البيت الزهره شايل بيده حقده

ياحامل النار
إن هذا البيت للناس هدى
يا أمة السوء
بئس ما خلفتمو محمدا
*----------*---------*-----------*

طلعت الزهره بحزنها بلمة عيال
تطلب الحق الخذوه من عدها الانذال
ناس ماعدهم كرامه وغيرة ارجال
خلو الزهره بهظمها تواجه اهوال

الحق مغصوب
بيد الأصحاب لا يد العدى
يا أمة السوء
بئس ما خلفتمو محمدا

*------------*-----------*-----------*

حمدت الله وصلت وذكرت نبيه
وصلت اعله الهادي والدها الزجيه 
صاحت انه ينمنع ورثي عليه...؟؟؟
وبجت كل المسلمين بهالرزيه

قد كان مقصود
نبذكم  كتابه تعمدا
يا أمة السوء
بئس ما خلفتمو محمدا
*------------*------------*------------*

خاطبتهم اني فاطم بت محمد
ليش عن نهج النبي اكثركم ارتد
اختلفتو  والنبي  يم  علي  امدد
أمته اتفرقت والمنهج تعدد

واختلف الناس
كلهم يبغون ملكا يرتدى
يا أمة السوء
بئس ما خلفتمو محمدا
*---------*----------*-------------*

فاطمه يالهادي بنتك ضيعوها
وبينهم وكفت وحيده وحاربوها
بالغدر والحيله صحبك عاملوها
وانكرو قربتها والحق مانطوها

الوحي فينا
نحن آل البيت فينا يقتدى
يا أمة السوء
بئس ما خلفتمو محمدا
*------------*----------*------------*

محمد دعبل النوري

🌴تجمّع الزهراء ع العاشورائي🌴

31 августа 2024 01:26

اليوم نودعة اليوم نودعة
بنعشة الهادي اليوم نودعة
تبجي الزهرة*** بدمعة وعبرة
بنعشة الهادي اليوم نودعة
*
(1)
هاي اكبر ثلمة المالومة
صابت دين الله المصيون
الشالت حمل الامة امتونة
اليوم تشيلة شلون امتون
بصدر الدين خلافك ناشب
رمح الويلات المسنون
لجرحك هذا لجرحك هذا
مرهم مامو لجرحك هذا
وانتة *** بدمعة وعبرة
بنعشة الهادي اليوم نودعة
*
(2)
من هاليوم وتبدي الازمة
تقارع اهل البيت تدوم
وهذا اليوم المر يتجدد
ع العترة بكل ساعة ويوم
جم ذيب البيهم يتربص
ومحضر نابة المسموم
انتة اول مظلوم الامة
بعدك تدري اجم مظلوم
بعد غيابك بعد غيابك
ويل القادم بعد غيابك
تبدي العسرة*** بدمعة وعبرة
بنعشة الهادي اليوم نودعة
*
(3)
انتة بنعشك صوب المدفن
انحاكت خطتها الاعداء
تتامر وتكيد اولادك
وتتعاون بس ع البغضاء
لو جمتعم نصرة لدينك
جا عم الدين الارجاء
بس التمو بغض باهلك
وسفكو منهم سيل ادماد
هاي الثغرة هاي الثغرة
رمح ابدينك هاي الثغرة
منها وتجرة *** بدمعة وعبرة
بنعشة الهادي اليوم نودعةة
*
(4)
ضاع اتبعثر شمل الامة
بسبة محدود التفكير
الطامح يتسلط ع هالعالم
مدة وجم يوم من يصير
نشوتها الغرت انصافة
وطبعت باذهانة التغيير
سكرة وفايق منها لموتة
وليا منوة خلافة اتدير
الصاب الامة الصاب الامة
هذا السم الصاب الامة
وزيف الشورة *** بدمعة وعبرة
بنعشة الهادي اليوم نودعة
*
(5)
يوم الفرغت دارك منك
هجمت للباب النيران
هم تتوقع حقد وغلة
من الجانولك صحبان
كشر عن نالة ومضمورة
وصرح بعدك بالعدوان
ارتد الناس خلاف الاربع
وخلعت اثواب الإيمان
تبين حقدة اتبين حقدة
واضح زيفة اتبين حقدة
بيوم العصرة *** بدمعة وعبرة
بنعشة الهادي اليوم نودعة
*
((تمت))
محسن علي العتابي
29/8/2024

🌴تجمّع الزهراء ع العاشورائي🌴

30 августа 2024 16:47

إذا يرجع رسول الله  تطيب ابرجعته جروحي
مو بالخاتم اتصدق  إله اتصدق ابروحي
يا إلهي إشهد
فارگت محمد
___
1
الفارگ بشر ميبطل عويله
ونه دافن محمد مو قليله
كون ابگد رحمته دمعي اسيله
اوزع اضلوع مكسوره ابسبيله

اعلموده أصّبر عله الصار  يربي اتقبل السطره
بثوابه المحسن انقدمه اني وفاطمة الزهره
تنسطر على الخد
فارگت محمد
_
2
لمن عزريل اجه وروحه خذاها
شجاني وما بتت بفراش طه
وتقادير السمه اتبدِل قضاها
ابمكانه روحي تصعد للبراها

ميميزنه عزرائيل واحد يشبه الثاني
إذا ميت رسول الله معناها اموت اني
بعده ميت أنعد
فارگت محمد
_
3
شلون الدنيا تبقه بلا نبيها
السماء اشعجب ما طاحت عليها
روحي اتصيح وأنه اسمع حجيها
حياتي بلا محمد شلي بيها

برحيله ينكسر ضهري تره ويستضعفوني الناس
مثل كسرت وليدي حسين لمّن يوگع العباس
صعبه ناري تُخمد
فارگت محمد
_
4
كانَ المصطفى يهوى لقاكا
إذ قال لكَ حين دعاكا
تركت الخلق طراً في هواكا
وايتمتُ البتولَ لكي اراكا

حبيبك هذا يا الله ما آذوا نبي ابگده
وهوه عايش ايضلموه بموته تنذبح ولده
وآنه حيلي ينهد
فارگت محمد
___
5
بعد ما يرجع الخل الخليله
وإذا ردنا يحاجي ام العقيله
غير حسين ما عدنه وسيلة
يفك الجفن اقسم لو يجيله

طه لو يجيله حسين يطلع من الجفن ايده
يحن المصطفى المختار الصدره يشبكَ اوليده
والجرح ميبرد
فارگت محمد
_
6
إمندفنه راح اخلي بگبره ذكره
تحت خده احط سبحة الزهره
على فرگتها ما يحتمل صبره
ويّاها گضه المختار عمره

أمه جانت الزهراء بيوم فراگهم شحجي
 هيه بالأرض تنعاه وهوه بالسمه يبجي
محد الها محد
فارگت محمد
_

#الشاعر_مصطفى_الشافعي

🌴تجمّع الزهراء ع العاشورائي🌴

30 августа 2024 16:33

ويمنعون الزهراء عليها السلام من البكاء علی رسولِ الله صلوات الله عليه وعليها


😭😭


اليهجر گال . چنت اعلم بنيته
مايحشم عگب طاها  بنيته
بيت احزان بالهيمه بنيته
اعله ابوي ابچي وحرگ بيتي عليّه


لعن الله القائل
انه ليهجر

ام محمد الحجاج

🌴تجمّع الزهراء ع العاشورائي🌴

30 августа 2024 16:25

فعلى مثل النبي   فلتبكي السماء
ــــــــــــــــــ
مات الجان كل ليلة الوحي بداره
نور الله وحبيبة وموضع أسراره
الحب مو هيل جان بدلته وناره
ومن حصة اعيونه يكتر لجارة

كافل الايتام في    حباً ذا وفاء
ــــــــــــــــــ 
گال حسين مني واني هم منه
ويم شيبة لحيته سجدت الجنة
ماقيمو شخصة ومنهو اليثمنه
كل مرسل محمد هوه يتمنى

في مقاماً عالياً    فوق الأنبياء
ــــــــــــــــــ
مية وأربعة وعشرين ألف مرسل
بيهم جم رسول بيهم الكمل
واعظمهم محمد والله بالمجمل
ما ينطق هوه وينسئل ما يسأل

قاب قوسِينِ دنا    خط الانتهاء
ــــــــــــــــــ 
بوجهه اربعطعش معصوم وبنوره
وقرآن الملامح سورة يم سورة
حزر الدنيا كلها وباسمه معمورة
وملك الموت قابض امهلة يزوره

قابضاً ها قد أتى    والعفو الرجاء
 ـــــــــــــــــ
لو تبجي السمه دم ما وفت أجره
ولا اوذي نبي مثل الجرة لعمره
ومن بعده تأذت فاطمة الزهرة
وحيدر والحسن وحسين والعترة

ان اجر المصطفى    حب الأقرباء
ــــــــــــــــــ
في لحظة مماته ضجت السبعة
ولفقدة الملائك تنحب وتنعه
والمحراب يبجي والليلة الجمعة
شمعة هالحياة وماتت الشمعه

مات نور العترةِ    واهل الكساء
ــــــــــــــــــ

الشاعر زين العابدين الشمري 

🌴تجمّع الزهراء ع العاشورائي🌴

30 августа 2024 16:24

قصيدة لرسول ص {انه الفاگده}

انه الفاگده الوالي وضحكته
خل گلبي تطول الليله ونته

اون ونه اعله ونه ...عله الينگط محنه

خل گلبي تطول الليله ونته
❥❥❥❥ـــــــــــــ❁❁ـــــــــــــ❥❥❥
خل گلبي تطول ونته عالشال
الخله الدمع چي فارگني همال
نام اعله التراب وإنه بيا حال
عليه اهموم بعده بثگل الاجبال

العافاني اونن .. اله كلساعه احنن

حريمه المكبره مني خذته
❥❥❥❥ـــــــــــــ❁❁ـــــــــــــ❥❥❥
خذته المكبره من عندي اشلون
وعيالي اعله جدهم بس ينشدون
شجاوبهم حرت وبچت العيون
عله افراگه اعرفهم مايصبرون

يردونه يجيهم .. هد حيلي بچيهم

اموت من البواچي الليله سكته
❥❥❥❥ـــــــــــــ❁❁ـــــــــــــ❥❥❥
اموت من البواچي واشم عطره
واضل ادعي لدليلي الله يصبره
افراگه الخله بالدلال جمره
عافاني الحنين وسكن گبره

نام اعله الترايب ..وانه دلالي ذايب

هظيمه المكبره الوالي حوته
❥❥❥❥ـــــــــــــ❁❁ـــــــــــــ❥❥❥
صعب يومه صعب شيحمله اليه
بعد شال الولي الينشد عليه
الچان اعليه چن خيمه وتچيه
خذته اشلون مني هالمنيه

اريدنه يمرلي .. ماعوفچ يگلي

صعب يومه تره گوه حملته
❥❥❥❥ـــــــــــــ❁❁ـــــــــــــ❥❥❥
شتحمل بعد والحيل خلصان
عزيز الروح وسفه سكن تربان
هالليله الگلب بالفرگه وجعان
ازغيره ومن وكت يتمني الزمان

ما احمل الفركه ..العودني اعله ملكه

تاخذ حيل من حيلي فركته
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني

🌴تجمّع الزهراء ع العاشورائي🌴

30 августа 2024 16:23

عظــــم الله  لــك  الاجـــر  علـــــي

*
يا مصابك يا عـلي شعظم المصاب
منـه گلبــك سيــدي بالحــسره ذاب
يــوم وجـه الهادي عن عيناك غـاب
احــس روحــك غابــت  بأحـــزانها

*

اليوم غضمت عين طــه المصطفى
اليـوم روح الكــون بحضانــك غفه
الشامت اليوم بعلـي وطـه اشتــفه
وبالسقيـــفه  گعــدو  وشيــطانهــا 

****
روحه فاضت سيدي وعينك تشوف
الامــه سلت ضـدك اقــلام وسيـوف
عافت الهادي وعلى الكرسي تطوف
وقسمّــت حكـم  وبغـــي بطغـــاينها

****

عافــت الامــه نبي الرحمــه الأمين
لا غســل خلـوه بعــد هــاي السنين
ركضت أعلى الحكم لنها إبلايا دين
شكــل ديــن أهــل البغـي و إيمانها

*

حيدر امصـابه بـده بجرح الرسول
جرحـوا الهــادي بكسر ظل  البتول
اولده سـم وذبح وتجـول الخيـول
لآل أميــه  وسفــه  وي مــروانهــا

*

وصه بالعتره النبي بنـص الكـتاب
بالســيوف الامـه ردتلـه الجــواب
حرگــو  بأحقـادهم للــزهره بــاب
الامــه مــا حفظت نهــج قـــرآنها

*
الشاعر
موسى البديري

🌴تجمّع الزهراء ع العاشورائي🌴

30 августа 2024 16:23

#نعي

لمصاب رسول الله محمد صلى الله عليه وآله

غالي الأبو ويكتل رحيله
ولو غاب مايحصل مثيله
يجرح گلب بنته وخليله
راح اللذي همي يزيله
ضليت من بعده عليله

راح المصطفه سيد البريه
راح الكل وكت ينشد عليه
انه ام الحسن بنته الزچيه
يريت بداله تاخذني المنيه
ولاشوف من بعده الاذيه

ودعني ابوي وراح منّي
تراب الگبر اخفاه عنّي
ابچي عله گبره وطال ونّي
ظني انگطع ياناس ظنّي
بعده المصايب هالأجنّي

ابويه المصطفه توسّد.     ترابه
راح الچانت عيوني.       ترابه
يون گلبي وصحت حگه.  ترابه
جرح ما يشفه ينزف للمنيه

#سيد_زيد_الفحام

#اللهم_عجل_لوليك_الفرج

🌴تجمّع الزهراء ع العاشورائي🌴

30 августа 2024 14:49

دعم قنوات دينيه فارس الحجاز


☘☘☘☘☘☘☘☘☘☘☘

ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ

الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN


🏴🏴🏴🏴🏴🏴🏴🏴🏴🏴🏴

⚠️#شروط_الدعم

1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله

🔺للاشتراك بدعم عبر معرف مثبت↙️
@ansar_313_m

@satobmnbot

🚩🚩🚩🚩🚩🚩🚩🚩🚩🚩

/channel/satob_mn_ajl_al_mahde

🌴تجمّع الزهراء ع العاشورائي🌴

30 августа 2024 13:29

قصيده لاستشهاد النبي صلى الله عليه واله وسلم

بحركه صاحت يارسول الله
مودع بالله يبويه مودع بالله
مودع الله يالحنين
عفت كلبي للونين
مودع بالله يبويه مودع بالله
〰〰〰〰〰
هاي ليله صعبه هوايه عله الزهره
بالدمع تودع ابوهه بالصدر عبره
تكله صد ليه يبويه حتى لو نظره
خلي اشبع من حنانك والكلب يبره
صدك رايح ماتجي
كلبي بالهم مبتلي
مودع بالله يبويه مودع بالله
〰〰〰〰〰〰
مودع بالله يبويه تروح يالغالي
وانه تتركني وحيده الضيم ياحالي
تدري بويه بعدك انه شنهي يجرالي
ينغصب حقي يبويه يذوب دلالي
ينكسر مني الضلع
كلبي بويه ينشلع
مودع بالله يبويه مودع بالله
〰〰〰〰〰
روحي يابويه عليله تريد وياك
والله مالومه وتنوح خلاف عيناك
عيني رافكها السهر من يوم فركاك
ريت ميته ولا اصد نعشك ومثواك
روحي راحت يالحبيب
خلص كلبي من النحيب
مودع بالله يبويه مودع بالله
〰〰〰〰〰
صدك تتركني وحيده وعني تغيب
فراكك بكلبي يبويه سهامه تصيب
ترضى يابويه انهظم وابقه للنحيب
روحي مجروحه وجرحها ما يطيب
بعدك انه انولي
وني بويه يعتلي
مودع بالله يبويه مودع بالله
〰〰〰〰〰〰
بويه يابويه تراني محمل جروح
شلون تترك بضعتك وعني تروح
تدري رافكني خيالك وين ماروح
صار لي بيت الحزن للدمع والنوح
شلون عني تبتعد
وانت لجروحي ضمد
مودع بالله يبويه مودع بالله
〰〰〰〰〰〰〰〰〰〰〰

تمت بعون الله تعالى
✍خادمة الزهراء ام حسين الأسدي