7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ياصحبتك حياهم
بالطف حله ممشاهم
درع ورمح تلكاهم
اصحابك اصحابك
@@@@@@@@@@@@@
نسمة هوه طبوها
نجوم الظهر شوفوها
بسيف الركب جوها بل حومه بل حومه
رب العرش وياهم
يرعد رعد ملكاهم
وانت الصحت حياهم. بل حومه بل حومه
تأمرهم امر
يفدوك بعمر. اصحابك اصحابك
@@@@@@@@@@@@
صاحو تحزم بينه
للحومه من طبينه
لجل الحسين ودينه نكلبهه نكلبهه
شايبنه بعده بحيله
واليدنه الك ياويله
واحنه النرد العيله. تامرنه تامرنه
رحنالك فدى
يل جنك نده. اصحابك اصحابك
@@@@@@@@@@@@@@
دركه ورمح تلكانه
عزمك يهد ويانه
الناس الاجت خسرانه. بذن الله بذن الله
حسين الله يهوه انفاسه
شيخ وعگيد الناسه
نفدي الركاب الراسه. بذن الله بذن الله
صاحو بل حرب
يهواك الكلب. اصحابك اصحابك
محمود رحيل
🏴انهدم شرع الله ونحب قرآنه
🏴لفگد جعفر والأرض حزنانه
🏴يوم مظلم من گضه راعي العِلم
أصبح الاسلام لاجله منثِلم
والهضيمه اعداا بموته تبتسم
بني العباس الغدت فرحانه
🏴شنهو ذنب الصادق بسم ٍرحل
بالعنب خلااه الطاغي ولاخجل
گصده يخلص منه خفيه وبالعجل
ظل يلوج وچبدته خلصانه
🏴جعفر الصادق إمام المسلمين
بالهداية والعلم يطوي السنين
وسفه ظل يعاني وحده بلامعين
واهله تنظر حالته وحيرانه
🏴 ويلي عل الكاظم ينوح لوالده
گله بويه اگرب وهوه ايناشده
جسمي مو غيرك بگبري توسده
من عگب غسله تحضر اچفانه
🏴 گام يوصيهم وضجت عيلته
باللطم ويه المدامع ودعته
وموسى بن جعفر يشاهد حالته
ايحضنه بيدينه و يغمض أجفانه
🏴والله ياشيعه المصايب مو سوه
مافگد جعفر أخو يحمل لوه
مات صح مسموم بس ماي ارتوه
وكل بنينه حضرت ونسوانه
🏴لچن هذا الصار ماصادف حسين
بكربله مسلوب مگطوع الوتين
انحرم من الماي واهله مسلبين
وصدره داسوه بأمر عدوانه
🏴يامصاب اليوصل امصاب الشهيد
اشما يطول الزمن لوعاته تزيد
بفگد كل اليمه نقراه ونعيد
واظن أمه الزهره تنعى ويانه
🏴تگول آنه الوالده المفجوعه بيك
أبچيي كل دهري وحسراتي عليك
بماتمك كل يوم أگصد واعتنيك
حزني ما يبطل واظل لهفانه
#سمير_الصالحي
#النجف_الأشرف
ياجميل وبالســـخاء مالك مثـــيل
ياجميل منك اهـــــواي القلـــــيل
واهوايـــــك امغطيني
ساتــــرني واملـــفيني
انته العطوف ولاغـــــير وانته السخي ورب الخير
وانته الحسين وماصـير لولا نضــــرتك خادم
انته الچـــبير ابكل عين حبك زرع مـــــــو تلقين
مانلگه غـــيرك يحسين واليلگه غيرك واهم
حبيناك واول وحــــب بالدنيـــــا انشوفه
ماشفنه الحبـــيناه بــس شفناها اچفوفه
ياخذ بيد الغرگــــان وينطــــيه من حيله
هذا حسين وياشاعر يوصـــف معــروفه
ياكتاب وياقلم يكتب عليك
ياكتاب ويا رثاء ايلوگ بيك
اكبر شفت من عيني
ساترني واملفــــيني
كل المـــصاعب تنـــشال بس يمك اتصـــير اقوال
للشده بابك حـــــــــــلاّل وماغيــــرك اليلحگنه
ميتين الك واحنه احياء ونتغذه مــــــن عاشوراء
تتعدد اعلينه اســـــــماء واسمك يضل ملهمنه
يالعينك دايـــــرها اعلينه وكلـــش كافي
مرات احنه انجافيك وماترضى اتجافي
عباس انطه اچفوفه وعينه وماگـال انه
چابيش المثلي وياك حســــــين ايوافي
مالگيت اليعوضــــــلك خيام
مالگيت قصرت لك والسلام
كل هذا وامعلـــيني
ساترني واملفــيني
حبك مشه بالجـــــــــينات واستوطنــــــــــت بالعبرات
مختلفه بيـــــــك الدمعات وبيك البچي سالفتي
متلازم اويـــــــــــاي النوح مو روحي هاي انته الروح
وماعيشن اله اعله اجروح طفك لحــد خاتمتي
اتنفسك دخان اخيامـــــك واترس ريتي
وبتراب ابنياتك كــــــون امسح ناصيتي
ياداء الحب مرّض گلبي وهــد اضلوعي
كل عاشر ميت بحســــين واهله امنيتي
روحي هاي بين جفينك ثواب
روحي هاي لا حياةُ تسـتطاب
من غير حب حسيني
ساترني واملفيــــــني
ماسولف اعلـــــيك اهواي وين انه عــــــــنك مولاي
مذنب بعدني ومــــــاجاي اعرف مناقب حبـك
بالشارع انعبي اذنــــــوب وبالمجلس انرد انتــــوب
ونلگاك ماتغـــــــــلق بوب يارحمه شايل گلبك
نرجعلك مثل الضايع مــــن اهله وراجع
وانته الماعندك شيمه اترد ياهو الضايع
يالضميت الحافر ذاك ابيـــــن اضلوعك
مامعقوله اترد المثــــلي وصدرك واسع
يارضاك احله شي بالدنيا هاي
يارضاك كلشي خليــــته وراي
انته المهم تعنــــيني
ساترني واملفيـــني
ماخالق الله الانــــــــسان حاشاه عبـــــــث لا بطران
انطاه عقل كلـــــــــميزان والدنيا گـــــله اوزنهه
بين الضياع ومـــــــــابين تندل طريـــــق الله منين
تلگه مسار الله حســـــين والخدمه تدخل منهه
كهف حسين ايريد اليعشگ من الداخل
صير انته المقتول ابحبه وموش القاتل
باچر يم ربك ماعنـــــــــدك واحد غيره
والماعنده حسين ابگـــلبه ابيش ايقابل
من يموت كل بشر حــــــصة الگاع
من يموت وبس خدمته اوياه متاع
وادري اللطم ينجيني
ساترني واملفيــــــني
خادم القصيده
شاكر الصيمري
على جسر القيامه شيعتك تعبَر
تتعنى الجنانك سيدي جعفر
---
تتعنى الجنانك شيعتك مولاي
اوبچفوفك يجعفر يشربون الماي
اوتشكرهم تگلهم يل بچيتو اهواي
اوتگربهم امامي ابجانب المنبر
---
جانب منبرك إلشيعه ملتمه
تنظْرَك والعطر من عندك اتشمه
يهل وجهك غياث اوينزل ابرحمه
اليشوفك سيدي چن شايف الجوهر
---
يهل الاغلى من الجوهر من الألماس
تفيض ابچفك القدسيه كل احساس
ماتنسى النِدب بواليمه والعباس
تِحَيي اللي الطمت واللي اصرخت حيدر
---
تِحَيي اللي اصرخت حيدر وكت عاشور
اونادت (واشهيداً قَدْ قضى منحور)
عاري والجسد فوگ الترب معفور
بلا غسل اوكفن وسفه ابوالأكبر
---
ابوالأكبر تذكره اوتنصب الأعلام
والموكب تنصْبَه اوتنعى بالآلام
وابالك عدوه اللي حرگ لخيام
اوخلاها العقيله اويه الحرم تفتر
---
تفتر بالبراري عجبه أم الصون
وانته ابجنتك تصرخ اويلي اشلون
اوعلى ونك تون الشيعه هَم يبچون
اوتعقدها المجالس بالجنان أكثر
---
عادل العبد الله
3/5/2024
الفاتحة لروح الوالدة *آمنه العبدالله*
والشاعر *حسين العبدالله*
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
قصيده منبريه لفاطمة العليله ع السلام
خادمكم عبدالهادي كريم العريفاوي
ويياي اجن يتواعدن راحن خواتي ويه الظعن
وانه العليله ومابيدي حيله راحن خواتي ويه الظعن
---------------------------
حكي من اسأل يبويه وانتم اصحاب الحميه
لو حده الحادي بظعنكم والصبح دارك خليه
من يوسدني بغيابك لو لفت ليه المنيه
بجدي حيدر ارد احلفك وبضلع أمنه الزجيه
يابويه حلها المسأله وياكم اروح لكربله
السفره طويله ومابيدي حيله راحن خواتي ويه الظعن
-------------------------------
بويه لو باجر مشيتوا يمته ترجع بالسلامه
كلبي يسألني بسؤاله وتدري مايحمل ملامه
شفت ابوي دموعه سالت والدمع اصبح كلامه
ودمعة الوالد جوابه للحزن صارت علامه
بالسفره جدامك خطر ياويلي من هذا السفر
شنهي الوسيله ومابيدي حيله راحن خواتي ويه الظعن
----------------------------------
حلوه لمتكم يبويه لو اجيتوا كبالي كلكم
تشفا الالامي من شوفن عمي بو فاظل كمركم
تصعب الفركه عليه لو رحل عني ظعنكم
ومنهو يرجعلي ويجيني يوصل ويشرح خبركم
منهو الذي يرجع الي اقسم عليك بحق علي
ياهو اشتكيله ومابيدي حيله راحن خواتي ويه الظعن
----------------------------------
من يسليني يبويه والنظر المن اديره
بويه ياذيني سفركم وحشه من عكب العشيره
ويامن اكعد واشكي حالي وياهو منكم استشيره
التمت اعليه النوايب عالكلب صارت جبيره
ياحيرتي بهذا الجره والمادره بحالي دره
ماكو مثيله ومابيدي حيله راحن خواتي ويه الظعن
------------------------------
لو حده الحادي بظعنكم ضاكت الوسعه عليه
لا اخوتي ولاعمامي ولاسكينه ولارقيه
الفركه شلعت باب كلبي بالهظم ناري سريه
الموت اريده بغيبتك لا تطوول سفرتك
خل وخليله مابيدي حيله راحن خواتي ويه الظعن
-----------------------------------
رؤيه صعبه البيه مررت ضاكت بعيني الوسيعه
وين ابو فاظل أدور كالوا بصوب الشريعه
بعالم الرؤيا واصيحن واركض بركضه سريعه عالنهر عمي اشوفه لاجن جفوفه كطيعه
والجود اشوفه اعله النهر زينب يبو الغيره بخطر
من كل قبيله وماعندي حيله راحن خواتي ويه الظعن
چم ليل مَر بلا كَمر غايب المهدي المنتظر
نحسب بالأيـــــــام
**
سلام الله على كُل نَسمه تشتمهه
يالبيك العوالــــــــم الله لازمهه
انصارك يمته يبن العسكري تلمهه
يمتــــــه الكعبه للشيعة تسلمهه
ونزور أمك فاطمة لسَه البقيع مهدمه
وعيونك تنــــــــام
*
حبك لو كُبرنــــه يكبر ويانــــه
عليك العمر وحشه وظلمة دنيانه
تدري ليا سبب قَلقين مولانـــه
تظهر سيدي وميتين تلكَانــه؟
تتراكض أيام العمر يا جمعة سيفك ينتظر
كســــا يمر عــام
*
يبو صالح صحيح ذنوبنه هواية
وما نستحق منك نظرتك هــاية
نصَفكَ للذبحنه ونمشي مشاية؟
مَرجع عدنه بس ما ناخذ براية
يالمهدي كل واحد حزب منهم شبعنه من الجذب
جوعانــه الأيتــام
*
تعال بغيبتك تدري تفَرقنه
ويوميه يمهدي ينوكل حقنه
حضنك الدافي يصادقنه يمته
نبوس ايدك يمهدينه وتعانقنه
مننشوفك أطب النجف وأنال يالمهدي الشرف
حقق هالأحــــــلام
*
تدري شچم كَلب من غيبتك شيب
يالحتى الصبر من صبرك تعجب
اليفاركَ غالي لو يومين يتعذب
يالمهدي شكثر مشتاكَه ألك زينب
أخذلها وياك العلم ما تنسه نيران الخيم
مسبيـــة للشـــــام
*
كل جمعة نتاني وتبتعد أزيد
يمته بطلعتك مولاي نتوحد
يضعف كَام دينك والظُلم يشتد
مو عُجبه اذا شفت الصنم يُعبد؟
رادو يحركَون الوطن وما يبقه ألكم كل صحن
شرتكبت أجـــــرام
*
يالمهدي دخيلك لا تضيعنـــه
يمته بمسجد الكوفــه تجَمعنه
هاي الدعوة عدنه مروتك اسمعنه
أبو اليمه عليك أحفظ مراجعنــه
يالمهدي لوما حوزتك چا ذبحو كل شيعتك
ويموت الأســـــلام
*
حيدرحسين الكَرعاوي
صحت اه… وويلاه… من رحت يالصادق
★★★★★★★★★
رايح والسمه اتنوح…. وبينه تنزف اجروح…
يالماكوا ابغلاتك
يالصادق يمظلوم….. روحك ظلت اتحوم
ابسجادت صلاتك
ابرمشك يسهر اليل…... وتشبه والدك حيل
يالماكوا ابحلاتك
صادق كل العلوم…. . خلي العاذل ايلوم
مايعرف صفاتك
يغارون… يخافون…. وانت بيهم ناطق
★★★★★★★★★
شوگك بين الانفاس…… وفگدك شيب الراس
يالبعدك ذبحن
ابچي وادري مَيفيد…… دمعي وانته ابعيد
والمدمع فظحني
يالساكن بالعيون ….. ياالبيك انـــــه مجنون
وفراگك جرحني
جرحي ينزف احساس….. لجلك مو على الناس
يالچفك ملَحني
بالعيون والجفون… اتضل صوره العاشق
★★★★★★★★★
الشامت گلي احاچيك … عاشگ ميت اشبيك
أي گتله انــه مجنون
كلالي العشگ عيب….. گتله انــــه ابقه للشيب
لو بيه يگودون
گلي زحمه والناس….. گتله عــــمــــه عــــباس
وظميته بالعيون
گلي ملتقي اويـــــاه….. لا مــــــا شفته والله
وبيه من زغري مفتون
اليعشگون… يگولون…. واليحبك واثق
★★★★★★★★★
ياهو المثلي يشتاگ….. ومنه گلبه ينباگ
ويروح الخليله
يسولف قصْته بدموع… ويشعل يمـــــه الشموع
ومايبطل مسيله
الظيع بالسلف شاب…. يترس لحيته اتراب
لا والله قليله
حگي من ابچي اليوم. رايـــح منـــــي معصوم
وتبچيله العقيله
والحسين… بلا عين… يبچي الك ويناشق
★★★★★★★★★
عندك سيدي ادخيل…. صارت دنيا خربيل
خليني ابخدمكم
رايد ابقه وياك….. وهم بالمحشر انعاك
وعالشايل علمكم
انصب مجلس الحين…واقرة بس عالحسين
وتبچي فاطمه امكم
فورٱ يلفي جبريل…… شال ابجنحه زنجيل
يلطم وي لطمكم
يعزون…. يلطمون…. المهدي يحضر واثق
★★★★★★★★★
باچر نمشي ونزور…. اونبنــــــي كل الگبور
ونعلي المنارات
نبني اگبور الاطياب… وكلمن للصحن باب 🚪
وطوفه الحمامات
حظرت فاطمه اتصير…. كعبه والحسن خــير
والباقر مُناجات
الصادق وي علي اصروح… وام الأربعـــــه اتنوح
الغالي ابكربله مات
بالانفاس…. يعباس…. ظل لخوك امعانق
ـــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء
جعفــر الصــادق أمامــي ودينــي
ومذهبــه لــدرب العــدل يهـديني
****
يــا التنـاشد عنـي تعـرف مذهبي
واعــرف بنهجك حقـود وناصـبي
أمــي غــذتنــي عشـگ ال النـبـي
أوالــدي بحـب جعـفــر مــربينـي
****
مــا أزل عنهــم ولا عنهـم أحيـد
يمشي بالشريان حبهم والــوريد
بهل الكلام بكل وكت ابقى أعيد
شيعــي والكــرار گــرتْ عينـــي
****
انــه اتبــع ناس يروون الكــلام
من امام وعن امـام وعن إمــام
عن رسول الله عـن رب الأنــام
مثـــل هــاي السلسلـه دنطينـي
****
جعفــري يسموني تاج وبي فخر
افتخر عالناس اهوى اثنـي عشر
ابــدي بالكــرار حـــد المنتـظــر
هيـچ طاها المصطفى اموصيني
****
جعـفر الصــادق اتبعه ومـا أحيـر
مذهبــك طالب گبل عنـده يصير
راح اگلك كلمه اخذها من الأخير
مـــا اعوفـــه بحبه عجنو طينـي
****
ما اعوفه أمنصب بأمــر السمـاء
وما ابطل كل وكت انصب عزاء
دمعـــة الصــادق تهــل لكــربلاء
شلــون ابطـل دمعتـي وونيـني
****
الشاعر
موسى البديري
سادس الأنوار ودع دنيته
والنعش بدموع صارت شيلته
سادس الانوارعن داره ارتحل
الوداع الأصعب اوداع الاهل
بلايه موعد من يجي وكت الأجل
ومايدگ اي باب غفله جيته
**
اليوم دور العلم كلها مكدره
والمدينه لاطمه لطم المره
موحش وحزنان اصبح منبره
كلشي باالدنيا يحن الفرگته
**
جعفر الصادق سليل المعرفه
الرحمه دينه والنبل والعاطفه
تراب گبره بيه دوه وبيه الشفه
وسأل الناس المشتله وزارته
**
تارس الدنيا صفه بكل العلم
والمذاهب كلها تعرف هاالاسم
رحل لكن من رحل بس الجسم
فكره باقي والعده مادثرته
**
الحاير ابمسألته يمه مايحير
وچان عون وسند هوه للفقير
كلشي عنده وسفرته خبزت شعير
مثل سيرت جده حيدر سيرته
**
نعه الناعي وباالحزن طش الخبر
ودعينه الصادق بهذا الشهر
گبره بگلوب اليحبونه نحفر
وباالعيون اليوم صارت دفنته
**
سعد العبودي
وَنِّتَه وْدَمْعِتَه...جَعْفَرِ وْصَرْخِتَه...غَاضِرِيَّه
ذَبِّحَتْ كِلْ هَلَه....كَرْبَلَه كَرْبَلَه.....شْهَالرِّزِيَّه
-----------------------
عَلَى حْسِينْ...گِضَه سْنِينْ...يِنُوحِ لْمُصَابَه
يَعَطْشَانْ..........يَعُرْيَانْ...........تِهَيِّجْ عَذَابَه
بِالَانْفَاسْ.....وِالِاحْسَاسْ.....خُدُورِ النِّجَابَه
غَرِيبَاتْ.........سَلِيبَاتْ..........نِسَاءَه بْغِيَابَه
مِنْ مُصَابِ السَّبِي...يِبْچِي شِبْلِ النِّبِي...كِلْ مِسِيَّه
طَاحَتِ الْعَايِلَه...........كَرْبَلَه كَرْبَلَه...........شْهَالرِّزِيَّه
-----------------------
ظُلَامَاتْ.....جِرَاحَاتْ......تِعِيشِ بْدِلِيلَه
يِوِنْ حِيلْ...مِنِ الْخِيلْ...حَوَافِرْ ثِجِيلَه
عَالِتْرِابْ...جَسَدْ ذَابْ....وَلَا مِنْ يِشِيلَه
مِشَتْ لِيهْ....تِلِمْ بِيهْ.....وِسَافَه الْعَقِيلَه
عَايِنَتْ عَالثَّرَى...ضْلُوعَه مِتْكَسِّرَه...عَالْوِطِيَّه
عَالْجِسِمْ مُعْوِلَه......كَرْبَلَه كَرْبَلَه......شْهَالرِّزِيَّه
-----------------------
لِلِعْيَالْ....وِالَاطْفَالْ.....دُمُوعَه رَهِينَه
بِالَاحْلَامْ....بَلَا خْيَامْ....يِعَايِنْ سَكِينَه
وْيَه سَلَّابْ...وِالِحْجَابْ...تِعَالَه وِنِينَه
شِمِرْ آهْ.....أَوِيلَاهْ......سِطَرْهَه بْيِمِينَه
صَاحَتِ وْدَمْ تِهِلْ...عَمِّي يَا بَا الْفَضِلْ...حِنْ عَلَيَّه
هَالْوَضِعْ تِقْبَلَه؟.........كَرْبَلَه كَرْبَلَه.........شْهَالرِّزِيَّه
-----------------------
النَّعِي دُومْ.....وَلَا يُومْ......يِعُوفَنْ عَزَاءَه
عَلَى الْمَايْ....بِچَه هْوَايْ.....شَرَابَه بُكَاءَه
يَمَظْلُومْ.........يَمَحْرُومْ........وِلِينَه نِدَاءَه
لِلَاحْبَابْ...وِالَاصْحَابْ...بْسُجُودَه دُعَاءَه
الْيِعْتِنِي كَرْبَلَه...رَبِّي إِغْفِرْ إِلَه...بِالزِّچِيَّه
فَايِزِ الْيُوصَلَه...كَرْبَلَه كَرْبَلَه....شْهَالرِّزِيَّه
-----------------------
وِسَفْ مَاتْ...وِالَاصْوَاتْ...وِدَاعِ وْنِيَاحَه
الْعِلِمْ صَاحْ...لَمَنْ طَاحْ....تِحِگْلَه الْمَنَاحَه
وِالَافْلَاكْ......وِالَامْلَاكْ......دِهَتْهَه جِرَاحَه
شِنُو الصَّارْ....بَالَاقْدَارْ....عَدُوَّه اسْتَبَاحَه
سَمِّمَوْ چَبْدِتَه.........عَذِّبَوْ شِيعِتَه.........بِالْمِنِيَّه
بْلِحْدَه صُوتِ اعْتِلَه...كَرْبَلَه كَرْبَلَه...شْهَالرِّزِيَّه
-----------------------
#شهادة_الصادق_ع
الشاعر حسن خنافر العاملي
مدرسة جعفر ..من نهج حيدر
مدرسة عز اواجلال..ماتنمحي للأجيال
مدرسة جعفر
---
مشهوره هاي المدرسه بين الناس
مو بس علم بيها ترى كل احساس
اوبين المدارس للابد ماتنقاس
هيّه الأصل تاج اوتظل فوگ الراس
بيها الحضاره.. اومنبع طهاره
بيها صلاح الاحوال..ماتنمحي للأجيال
مدرسة جعفر
---
كسبت قداسه المدرسه ابوالينه
لولا جهوده باللهو انغرينه
الهاذا نشكره ابمنهجه اندلينه
عرّفنا الله اوكل قواعد دينه
ابجوده غمرنا..يبگه ذخرنا
مدرسْتَه ساس الآمال..ماتنمحي للأجيال
مدرسة جعفر
---
من مدرسة جعفر تفيض الرحمه
إلملتحق بيها يعيش ابنعمه
والمخلص ابدرسه ينول الحكمه
ابوكت الحشر بيده الامام ايلزمه
والصافي گلبه..جعفر يگرّبه
كل سيرته والافعال..ماتنمحي للأجيال
مدرسة جعفر
---
هالمدرسه ابين الامم عزتنه
اوبسم الولي منها احصلت غايتنه
امشينه ابقواعدها اوحلت عيشتنه
اوصارت ضوا تجلي عتم دنيتنه
تضوي دربنا..تجلي كربنا
جامعة خير اوافضال..ماتنمحي للأجيال
مدرسة جعفر
---
ايفوز التبع منهج ولينه جعفر
ايعيش ابكرامه عالمذاهب يفخر
اومنه الوجه يوم القيامه يزهر
اوبالجنه يشرب من نمير الكوثر
اينول المراتب… ايشوف المكاسب
والنعمه لازم تنگال..ماتنمحي للأجيال
مدرسة جعفر
---
عادل العبد الله
5/2/2024
الفاتحة لروح الوالدة *آمنه العبدالله*
والشاعر *حسين العبدالله*
دخيلك سيدي
يأمي اوالدي
حسين وخدمتك
حياتي اومولدي
**
آنه دونك ما اصيرن مالي قيمه ولا أسم
انته نور عيوني أنته والاهم من المهم
شما أضيع الگاك يمي حتى باوقات الحلم
اقسم اعليك برقيه ايدي بيدك يا شهم
حظن دافي
گلب صافي
احس أيدك
على اچتافي
يبعد عيوني ذن
العلى مصابك بچن
يغالي وحضرتك
الي ديره أوطن
--------------------------------------
حسين يا بخت الطوايف يا ملوحة كل حچي
انته يا راحة گلبنه حتى باوقات البچي
العنده مثلك گلبه بارد ولو مثلك ما يجي
نخلي بيدك كل عمرنه وعلى دموعك ننتچي
حزن ينحب
يل إمجرب
يهل حاضر
عطايا الرب
اعز من الضنى
الربيع وموطنه
تفرقنه الشهور
وتلمنه بكل سنه
---------------------------------
راسي مرفوع بخدمتك گلبي لحروفك يدگ
كربلائي بكل وجودي وحضرة حسين العشگ
مولدي بشوفة ضريحك يم الجروح الصدگ
ياهوى الله المالي غيرك بس اعوفك اختنگ
وطن غالي
يدلالي
انه بدونك
بشر بالي
شگلك وانته ضي
ذبيح ولسه حي
يعطاي المراد
الك رافع أدي
-------------------------------
تنتهي الناس بحزنهه وانه من حزنك بديت
دوريتك وانته بيه وعن غرامك ما حچيت
حسين واسمك سر اللهي باول حروفك بچيت
وبالختام النون نعمه كل مرض منه شفيت
دوى جروحي
الك نوحي
ولا اعوفك
يسر روحي
بعيد ومقترب
هوى الجنه وتهب
احبك يا حسين
يلفراگك صعب
-------------------------------------
مالي غير الله ورحمته شما تمر بيه الشدد
وبعد عندي حسين حامي بساعة الماكو أحد
گبل لا ادخل ضريحك آسمع ( شعندك بعد )
تخلص ابابك حبيبي يلي تنطي بلايا حد
صدگ جنه
شوصفنه ؟؟
ابو الكلفه
ونعم منه
حبيبي وكافلي
ابن حيدر علي
يعنوان العراق
ولي من الولي
كلمات الخادم / رعد الفريجي
في مدح الإمام جعفر الصادق عليه السلام
اتعلمت من الامام الصادق.
اتبع العتره وكتاب الخالق
علماني دوم اوفي بالعهد
ومنهجه تقويم للروح وسند
والتزم درب الفضيله للابد
ولا انانيه ابحياتي ولاحسد
لساني بالحق والمعارف ناطق
تعلمت من الإمام الصادق
اتعلمت منه نصايح من ذهب
لافخر بالروح ابدي ولاعجب
راحة الانسان تبدي من التعب
لوعرف بين الوجب والماوجب
ودوم ما امشي وره كل ناعق
اتعلمت من الإمام الصادق
علماني اتوكل بيوم الصعاب
بخالقي لوصارت الدنيا عذاب
صارت أيامه مثل لون السراب
الماتمسك بالامامه وبالكتاب
عزمي ثابت وبكلامي واثق
اتعلمت من الامام الصادق
علماني بسيرته ونهجه الصحيح
انهض شمارادت الدنيا اطيح
مااجامل ظالم و قولي صريح
وبوجه مذموم ماعندي مديح
ارفض الشر وعليه ماوافق
اتعلمت من الامام الصادق
أعبد الخالق. واسلمله الامر
وبرضا الخالق اگضيه العمر
من أمامي تعلمت أنا اشكثر
فدوه إله ايامي والعمر اليمر
الدوم فضله بالمعارف سابق
اتعلمت من الامام الصادق
هو من نهج الحبيب المصطفى
الشرح أحكامه بدرايه ومعرفه
رجع بالخسران كلمن خالفه
دوم مايهتز حكيم ابموقفه
الرَّجْع الباطل ذليل وزاهق
اتعلمت من الامام الصادق
الشاعر حسن لعيبي الحريشاوي
غالي الخواتة يالاخو يذكرونة
عباس اخونة الهيبة ميوصفونة
@@@@@@@@@@@@@
زينب إنة ابنيت علي اموصاية
من كافل اخدور الحرم هالراية
ياهو اليشبهة امن البشر حچاية
افعالة تشهد بالحرب يدرونة
@@@@@@@@@@@
غالي الخواتة وتدري بيه الديرة
بس ابو فاضل عندة هيچ الغيرة
ما ينطي بينة وما شفت تقصيرة
ماي وهوى وبغيبتة موتونة
@@@@@@@@@@@@
فدوة الكلامة ويا هلة بفعالة
العندة گمر يضويلة يا هنيالة
ما دامة اخوي وراسي عالي وبجالة
بيوم الرحل والهسة ضلمة بدونة
@@@@@@@@@@@@@
كل ساعة يكبر بيه حزن افراگة
ما اگدر انسة وناري الحراگة
مشتاگ يا روح الاخت مشتاگة
زلمة وكلف بالشدة ويندبونة
@@@@@@@@@@@@@@
ما يعرف افراگ الآخو واحزانة
الما عندة عباس الگمر واخوانة
حيد وكلف محلاتة چان ويانة
مدلل خواتة واحنة بي حسدونة
@@@@@@@@@@@@@@@@
راكب فرس لو يمشي تهتز گاعة
وارثها من حيدر علي اطباعة
جمر الگلب ما يطفة ساعة وساعة
حگي امن انوح وفارگتها اعيونة
@@@@@@@@@@@@@@@
كلمات حسن جابر السعيدي
شفت الموت كل مسيه
عامذبوح والسبيه
بكل رواياتي الرويها عالضامي
انظر العاشر وضيمه گدامي
الصادق اني
_ ١ _
بــالسلام اعله النحر يبتدي موضوعي
كل روايه لكربله تنكتب بدموعي
اذكر ضلوع السبط والطم اعله ضلوعي
اسوه بليالي السبي انطفت نار شموعي
والضوه بي عاطفه
من سمع حزنك طفه
مصرعك شيوصفه
دم عليك كل نحيبي
وبطاريك يا حبيبي
لمن ابچيلك بلوعة آلامي
انظر العاشر وضيمه گدامي
الصادق اني
_ ٢ _
خلصت ليلي سهر نوم مامر عيني
انه الـ سابيلي حرم وذابحين حسيني
اذكر أيتام السبي لو نظرت ابنيني
واذكر جفوف الگمر من انظر لچفيني
اشرب الماي العذب
وابد مايروي الكلب
جدي ضامي اعله الترب
ذكرك بيه من اجاني
هذا الماي ما رواني
باقي باليقضه وبساعة أحلامي
انظر العاشر وضيمه گدامي
الصادق اني
٣ _
بيه ما يبقه نفس واحتظر كل ليله
لون بيدي لكربله كل خميس امشيله
واوگف اباب الصحن بسكته ما احچيله
الدمع ما يكفي تره كون دم ابچيله
وتعرض اكبالي الصور
ضلوع مطحونه ونحر
وجسد متگطع وذر
بجدي حسين كلشي صاير
صدره انداس بالحوافر
كون مو صدره تتهشم عضامي
انظر العاشر وضيمه گدامي
الصادق اني
_ ٤ _
بسطح داري بكل مسه الزياره اقراله
أقره عاشوراء إله ودمعتي هماله
السلام اعله الذي مگطعين اوصاله
السلام اعله الذي مسلبين أطفاله
عن بعد من سلمت
منه رد انه سمعت
ضامي ياجدي متت
جنه يگول يالتجوني
بشرب الماي اذكروني
بكل لياليّ اذكرنه وأيامي
انظر العاشر وضيمه گدامي
الصادق اني
_ ٥ _
حرگو الباب وصحت بابي هينه أحزانه
حسين حرگو خيمته وروعوا نسوانه
نار بيتي تنطفي وما طفت نيرانه
بيها زينبنا بقت تنظر وحيرانه
نار داري وحالتي
تهون هاي امصيبتي
يم مصايب عمتي
علويات بيه لاذن
مسبيات هنه راحن
من شفت بيتي ذكرني بخيامي
انظر العاشر وضيمه گدامي
الصادق اني
_ ٦ _
سمي ما همني أبد وما تهمني جروحي
بيه من يگضي العمر يعني يخلص نوحي
هنه جم لحظه بقن والتقي بمذبوحي
بجدي ما دام التقي خلي تطلع روحي
حنضل اجرعت الصبر
بعد مابيه انتظر
لشوفته فدوه العمر
جدي حسين راح اجيله
ليه مشتاگ كـ العليله
بذكر أبو اليمه گاضيهن اعوامي
انظر العاشر وضيمه گدامي
الصادق اني
مصطفى الشافعي
وطن غيره اعيونه واســــم ماينعد
يالمزكي الغيره يعــــــــــباس اشهد
نطقتك من زغري ورويت ابجودك
قذفت ابكل خادم عشــــگ مايبرد
حبك جناحي واطلق سراحي من سجن
حريتي بابك شمة تـــــــرابك دوم احن
شايل قريحه ابحبك صريحه حگي اجن
ياسفينة عـــشگ والشـــــــراع الدائم
يكسر اعله النجم نورك اشــــگد عائم
مو جميل الگـــمر وي جــــمال عيونك
انته تنطيه ضـوه وهوه ينطي الوادم
دخيل ام الكافل دخــــــــيل ارباها
شني امسويه الربهه وكفيل انطاها
حرام انساويهه اويه نسـوان حلهه
كرامه اندنگ لو يــــــــــمر طرواها
ام الرجــوله مرضع بطوله وطاهــره
بين الــقبائل ام ابو فاضــل مفخـــــره
بيّن لبـــــنهه من طب ابنهه عالگنطره
ياصنيعة عــــــلي والكمـــال ابعينه
ساقي اهل الخيم هلا ابعم اسكينه
شايل ايـــــثار ابد ماشفــت بيثارك
ياهو مثلك عطش والنــــهر بيمينه
على ارموشك گمره وجمالك ثاقب
غزيت الملزومه برفـــــيف الشارب
كليم الماي انته ونضــــرتك تفرض
ابو فاضل هوه الامـــــــــر والغالب
لوحه ورسمهه الباري وختمهه ابكربله
كافل عــــفافه ماتحله شـــافه بس اله
زينب ثمــــينه وبس ابيمـــينه امـدلله
وكت قل الـوفه وانته كلك شــيمه
سرك ابنص نهـر اندفن لو خيــــمه
امتلكت الشمس والگـــمر والساعه
اتريست عالبشر ابكربله والهيـــمه
بدايات العاشگ تمــــــــر بيه فتره
يمل من الحبه ويقـــــل بيه صبره
لچن بس عباس اليحـــــبه ايطول
ابو فاضل بينه زرعـــــــهه الفطره
ياهو اليشبـهك بس انته وجهك ينعشگ
حبك هـــــوايه بس عالــــروايه ينشهگ
يا احله صحبه بيك التـــــرغبه يحترگ
مغرم ابكل حـرف ياجمال احـــروفك
اتسيد اعله الگلب ياكثر معــــــروفك
تنعجن بالخــــدم غيرتك مــــو طينه
انته امير العــــقل والضـمـير ايطوفك
اسم يسحر ذكــــره واذا مر صعبه
عديم المالامـــــــــس مشاعر گلبه
عرفناها الهــــــيبه فقط من عنده
مراجل يشـــــــتمهه اليصد بالگبه
باب المـــراجل باب ابو فاضل والـــنعم
اول محـــارب فوگ المــراتب والزلـــم
حبك شـجاعه نعشگ سمـاعه هالاسم
لايوازيك ابـــــــــــد الّه ظهر الشــــــالك
غايص الطــــف عدد وانته چنت الحالك
چانت اشگد بــــــشر بس زلم مـــاتوجد
اتراخت الخيل امس من دنت لخـــيالك
خادم القصيده
شاكر الصيمري
حين احرگو دار الامام الصادق الگوم
اتذكر مصيبة فاطمه اوجده المظلوم
---
اول مصيبه اللي ذكرها حرگة الدار
دار الزچيه فاطمه شبوها لشرار
لا ما اكتفو حتى نبت بالصدر مسمار
هالحادثه خلت گلب مولانه مهموم
---
مولانه مهموم اويون.. هين مصابي
باب الوديعه فاطمه..مو مثل بابي
انعصرت ابثجل الوزن ..زادت عذابي
والصادق ابهاي المصيبه دمعه مسجوم
---
دمعه انتثر ياللأسف والحزن مِشتد
يذكرها بنت المصطفى.. ملطومه عالخد
ذاك الشقي من فعلته..امن الدين مرتد
سبب مصايب وشكثر..من حرب وادموم
---
ادموم سبب ياوسف..بالغاضريه
اومنها انذبح شبل النبي..اوشبل الزچيه
اوظل عاري جسمه اوداسته الاعوجيه
امصاب الجراله ما مثيله يجري باليوم
---
حين الذكر طف كربله.. من حرم وايتام
اونار العدا اللي اشعلت..كل ذيچ لخيام
وافرار زينب والنسا..المتْصوْبه بسهام
خر وانحنى وابونته ..في داره ايحوم
---
اصحابه جَاته والجفن متروس عبره
اتواسي مصابه والگلب من عدها جمره
اتگله من اسنين البلا..اعليكم تِجَرّه
اوندري مثل جدك علي ..بالصبر معلوم
---
گلهم يا أصحابي يهل ..شفتوني انحب
امصاب الجرى اتحمله ..بس ماهو أصعب
الأصعب اللي ابكربله..والجرى ابزينب
امصابي هيّن وارتحل.. تاليها مسموم
---
عادل العبد الله
3/5/2024
الفاتحة لروح الوالدة *آمنه العبدالله*
والشاعر *حسين العبدالله*
استشهاد الامام جعفر الصادق عليه السلام .. كاني بمولاتي فاطمة الزهراء عليها السلام حضرت اللحظات الاخيرة وودعت ولدها المسموم . بلسان حال الشاعر
تجليبة
🏴🏴
اجت ل اوداع ابنهه فاطمه الزهره
اتنادي يلولد يمه اويه كل عثره
🏴🏴
لگتّه امسبلينه ايون عله القبله
وملتمّه بناته واخوته واهله
اسم الله لا تون يالصادق ادگلّه
تولاني الدهر كسره باثر كسره
✍ # ام محمد الحجاج
🏴🏴
ييمه بالگلب هامت هظايمكم
أجيت محزمه بحزاني وندبنكم
غربه بهالوطن ولمصطفى جدكم
شهر شوال زييد لمكم للحسره
✍ # رماد الخيام
🏴🏴
ييمـه ادگله ونك ذوب ادليلي
مصابك يصعب عليه وهدم حيلي
عزيــتنه جـرت من كربـــله ويلي
وجــروح الگلب خلّتهه ماتبــره
✍🏻 # ام عباس الحسیني
🏴🏴
مصايبكم تِهد حيلي واصيح الآه
إجيت أسال عن احوالك بعد يماه
كم غالي بعد غالي و أظل انعاه
لكن كربله بروحي أشد جمره
✍ # خادمة ابي الفضل
🏴🏴
حِضرتك بلممات وعاينت حالك
بونّات الاخيره تودعك عيالك
حدر كترك يجعفر لاذت اطفالك
مو مثل الغريب السحگته العَشرَه
✍ # ام محمد الحجاج
🏴🏴
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
نعي للامام الصادق ع
ميت الصادق ياحسافه
متغيره من السم اوصافه
مفطوره ويابسات شفافه
ماينحمل ياناس موته
ماينسمع وضيف صوته
مسمم وجبدته مفتوته
خالي منبره الليله وحزنان
مفكود الحنين وابن الاحنان
الحيل راكد وحيل خلصان
سلهم عيونه ودع اليوم
شايل عزيز امام معصوم
بيد عدوانه بغدر مسموم
لاجل مصابه الحيل مرهون
تبجي حوزته وتهل العيون
احبابه على الراس ويطلمون
ابو الكاظم اليوم هالمات
وين الي يهل ويجري دمعات
ويجذب لمصيبته ونات ونات
خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الخميس/2024/5/2
٢٣شوال سنة هجري ١٤٤٥ نسالكم
الدعاءلي ولوالدي🙏🙏 اللهم عجل
لوليك الفرج 🙏🙏
باب العشك سدينا وغيرك ما حبينه
شجره بجرف كون انصير وانت الماي يروينه
حب الكلب لو لثنين .. هم يعشك حسين حسين
***
انت اول واخر عشك عاش بنبض دلالي
ياغالي واغله من الهوه وماعندي غيرك غالي
طبع اليحب يهوه السهر ودموعه دوم اتلالي
من اسمع بأسمك افز ومدري اشيصير بحالي
يحسين اهيم ابطرواك وانسه اليل واحزانه
عيون التحبك مولاي من الشوك ذبلانه
طيفك يكحل الجفنين .. هم يعشك حسين حسين
**
تدري العشك مابي طعم كون اليحب بالحيله
بس اليحبك من صدك آه اشيخلص ليله
المتعوده عينه عله السهر شيضل يناس بحيله
كلبي مثل دلة بدو فوحت غرامه بهيله
تعرف حبيبك بالشوك كلبه يذوب بالحسره
ماشفتك وكلبي عليك يخفك كام عالفطره
الماشافتك عميه العين .. هم يعشك حسين حسين
***
حسين العمر فدوه الك يالمنطي كلشي العمري
شنهو انه واحملك اسم وبجالك ارفع قدري
لاضهري بالطف منكسر لا دمعي بالطف يجري
الكاتلني لجلك سيدي مايكفي اقدم نحري
كون العمر ميت روح فدوه تروح لعيونك
الحلوه من اصيرن مجنون ويكولن مجنونك
بيك الخلك مجنونين .. هم يعشك حسين حسين
***
يحسين اخذني العالمك وهنيالي اصيراً عبدك
عليك الزجيه الطاهره احسبني خادم عندك
يالمنطي كلشي بكربله وياغربه ذيج الوحدك
خدك برد لاح الرمل بس هوه يجوي بخدك
وبيدك تشيل العطشان رايد ماي يرونه
بدمه يفرفح جالطير بسهم الموت يرمونه
وانطر دليلك نصين .. هم يعشك حسين حسين
***
نايم على صدرك طفل تلوليله يبني اسم الله
توليله وايدك علجرح خايف يفز عبد الله
يالثغرك بذاك العطش محد كدر يوصله
المحنه العليل بدفنتك شلون عله جسمك صله
يمكطع اوصال اوصال ابنك حار باوصالك
شلون بحصيره يلموك وانت الكون يبرالك
ياسيد عله الكونين .. هم يعشك حسين حسين
***
تمت
احمد الخفاجي
على الصادق يادمع العين
هــل چنك تهـــل لحسين
نفس الغربه واللوعـة
وامه الزهرة مفجوعه
هل چنك تهل لحسين
ـــــــــــــــــــــــــــــــــــ
شنو معنى الحياة تعيشها بغربة
وصعبة ابلا اهل وسط الغرب صعبة
القرو قرٱن احمد غدرو القربة
وشنو ذنب الامام وسمو الگلبه
لاذل لاخضع هيهات
وابد ماهمته الصعبات
بس الونه مسموعة
وامه الزهرة مفجوعة
هل چنك تهل لحسين
ـــــــــــــــــــــــــــــــــ
خصومه ابلا شرف لادين ليش اوياه
ومابيهم زلم بس بالاسم اشباه
شلون ابن الامامه ابن النذل سماه
ومحد من هله وسط الگبر دفناه
وينك ياعظيم الشان
ياحاضر دفن سلمان
اسند بيدك اظلوعه
وامه الزهرة مفجوعة
هل چنك تهل لحسين
ــــــــــــــــــــــــــــــــــ
بتشيعه ولا واحد حضر ياناس
لابو اليمه حاضر لاحضر عباس
وماكو اعمامته ومكشفين الراس
غريب بغربته حد اخر الانفاس
بگبرة بالـبقيع الـيوم
حد هذا الوقت مظلوم
محد يشعل اشموعه
وامه الزهره مفجوعه
هل چنك تهل لحسين
ـــــــــــــــــــــــــــــــــ
گبر بس التراب وماله اي مرقد
وكل يوم اليمر بالحزن يتجدد
على الصادق اون وگلبي يتمرد
ثارك مانسيته وجمرة ماتبرد
وعلى صادق علوم الدين
لاتبرد يادمــع الــعين
حزن ودمعه مشروعه
وامه الزهرة مفجوعه
هل چنك تهل لحسين
ــــــــــــــــــــــــــــــــــ
من شاعر قصيدة وملا يقرالك
مفجوع الگلب والكل دره بحالك
مايبطل ونيني ودوم انعالك
مصيبه فاطمة والظلع تبرالك
قانون الحزن والاه
فوگ اگلوبنه اكتبناه
وانت الدين وفروعه
وامه الزهرة مفجوعه
هل چنك تهل لحسين
الشاعر فاروق الغنامي
ياليتني كنت معكم
ياليتني كنت معكم
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بعيوني شكد محن _ جار عليه الزمن _ ماضل عندي أمل
ماشفت من ألامان _ ذابل بيه الحنان _ أنطر جيته الاجل
بيه من الغربه ضيم _عطشان وماكو غيم _عطشان بلا أهل
محد فهم هم كلبي وضيمه _وني وعذابي لذيج الهيمه
وتذكرت من حركو داري _ فرار عماتي من الخيمه
صح حركو البيت علينه _ بس ماتجون رجلينه
محد ركض من أطفالي _ ركضت رقيه ويه سكينه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
هين بلسم متت _ بس حافر ماشفت _ ولاشفت من الضمه
آه وماتكفي آه _ للذبلانه شفاه _ وعياله بلا حمه
ماضكت من ألالم _وبني بنحره سهم _ يرجع شابع دمه
تمنيته دمعي دم مو مدمع _ وأتمنه روحي عليهم تطلع
ماضايك من أحساس الوالد _ من ينذبح بجفوفه اليرضع
أيا مصاب الطف عضمه_ ماكو مثل ذيج الهضمه
ماشارب الماي اليرضع _ شارب سهم يرجع ل أمه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يمي هواي أخوتي _مابانت وحشتي _ محد بيه شمت
بيه المدمع حده _ للضل لوحده _ وأحلامه تطشرت
بلغربه أستوحدوه _ ذبحو يمه أخوه _ والخوه أنتهت
ياجمعة الخوه الماتمت _ والشيبه بلدم تالي تحنت
ماحدبت ضهري عله أخواني _ ولا بيه عسكر كامل تشمت
من كربله ردت شويه _ المر بيهم يمر عليه
ولا وحده من بنياتي _ مسلوبه منهه الترجيه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بنسواني ولا عطش _ ووحشة ليل هدعش _ مسلوبات الخدر
ماهضموهن وأجن _ يم جسمي ومالكن _ما سالملي كتر
مامحتركه العبي _ ولا راحن للسبي _ ولا راحن لليسر
ماباوعلهن قاصي وداني _ فايض حزنهن فوك أحزاني ماطبن عله قصور وخرايب _ ولا فرو السوك بنسواني
مالوعو كلبي بناسي _ مازاودوني عله أنفاسي
راسي عله وساده بموتي _ مو بلطشت خلو راسي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي
هوسة مع فزاعية ختامية مجلس للأمام الصادق عليه السلام ( واهله اسباع ميدان )
سطرت المحاچي للذي يسوون
عالصادق شگول ولو گلت ممنون
شيال الكلافه وبالشدايد عون
اهله اسباع والهم صيت هز الكون
( نزلة الفزاعية )
هذا الحيد ... واهله اسباع ميدان
مو بس باب فك اهواي بيبان
للعز والكرامه وصار عنوان
ابو الكاظم شفيه وخوش ريسان
يحل المسئله وفسر القران
الف احساب تحسبله العدوان
انگله امصيبتك شاعت بالاكوان
(( انته ابن الثنوا عالحگ ماطخو هامه ))
من ديوان الفزاعية الحسينية الجزء الثالث خاص بالأئمه المعصومين
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
جعفر الصادق. انه من شيعته
جعفر الصادق .واحچي عن سيرته
نور الله على أرضه أمام اواجب الطاعه
يشبه حيدر بحلمه. واطباع النبي اطباعه
ربان الفقه هوه. ومركب علمه وشراعه
أمامي وبيه اتفاخر. واعيش بذكره كل ساعه
روحي مشتاگه. والله لزيارته
جعفر الصادق. واحچي عن سيرته
**
علوم الدنيا والاكوان. نقطه ابحر وي علمه
نفخر احنه مذهبنه. يتسمى على اسمه
من عنده تعلمنه. العلم والدين والحكمه
ايه من ثغر قرآن. منه تطلع الكلمه
نورالدنيا. بعلمه وبحكمته
جعفر الصادق. واحچي عن سيرته
**
.الامام الفاضل الطاهر،الصادق هاذي القابه
اگباله ينحني التاريخ. وعلى اسمه يسجل إعجابه
الرايد يكتب بحقه. يعجز من الكتابه
هوه الكوكب السادس.واهل الباطل اتهابه
يشبه اجداده. بشكله وبهيبته
جعفر الصادق. واحچي عن سيرته
**
عميان البصائر دوم. تكره طلعت الگمره
اختالو جعفر الصادق. لئن بيه ريحة الزهره
الإمام الكاظم بهليوم. ينوح ومنكسر ضهره
شيع روحه بچفوفه. لمن شيعه الگبره
الوالده ينعه. عاالوجن دمعته
جعفر الصادق. واحچي عن سيرته
**
أمامي ومرجعي هوه. ومصابه بروحي اعيشنه
شيعي وقمت احلامي. الگبره اوصل واشمنه
وسافه وقبره من ابعيد. صرت من بيتي ازورنه
لون اگدر يصح بيدي. البقيع بگلبي انقلنه
والبقيع اصبح. وحشه ياوحشته
جعفر الصادق. واحچي عن سيرته
**
الهدم گبره ابن ذاكه. الگطع باالسم افاده
عبد الله ابن البليهد؟ والمنصور وولاده
سلاله توارثو همه. كره واحقاد عاالساده
الفته فتوه بهدم قبره. طبق رغبت اسياده
تنگطع باچر. الچف الهدمته
جعفر الصادق.واحچي عن سيرته
سعد العبودي
استشهاد الامام جعفر الصادق عليه السلام
🏴🏴
نار الحشا مضرومه
للچبدته مسمومه
🏴🏴
نار المصيبه تسعر
والگلب خل يتفطّر
مسموم ايمامي جعفر
گووضت شمس اعلومه
للچبدته مسمومه
🏴🏴
گووضت شمس الحكمه
للسادس امن اليمه
مفجوعه تنعه الامّه
علنت حداد ال يومه
للچبدته مسمومه
🏴🏴
كنز العلم وابحوره
ياوسفه طفّوا نوره
حامي لسلام او سوره
وظاهر خفايه اعلومه
للچبدته مسمومه
🏴🏴
بنايبه اليوم الحوزه
لشيخ العلوم ورمزه
نور الاِباء والعزّه
كاشف الشك وغيومه
للچبدته مسمومه
🏴🏴
كل جعفري بحزن اليوم
ناصب عزيت المسموم
للصادق ايون مالوم
بدمعته وسود هدومه
للجبدته مسمومه
🏴🏴
كاظم الغيظ الليله
دمع المصيبه يسيله
اتولّه ابئديه تغسيله
وتعينه اهله وگومه
للچبدته مسمومه
🏴🏴
ماظل ثلاثن مطروح
وابناته ميسوره تروح
بس الغريب المذبوح
اتغسّل ابجاري دمومه
للچبدته مسمومه
وا مسموماه
وا جعفراه
وا صادقاه
وا إِماماه
🏴🏴
ام محمد الحجاج
حسين حسين حسين يا حسين
----------------------
حياتي بلا خدمتك خير ما بيـــــــــهه
دمعتي بلا ضريحك وين اوديـــــــهه
مذنب والخجل يمنعني حتى انخاك
بعدها بگلبي وانته الحاجه تگضيهه
---------------------------
اريد اشبع عطر من چف ابو الغيـــره
يم راعي الحميه الما خلص خيــــــره
يم باب الحوائج روحي كون اليـــــوم
لا هم اليظل بگلبي لا حيــــــــــــــــره
-----------------------
انا بدونك اعيش بــــــــــــدون المروه
لا خير اليجيني وبلوتـــــــــــــــي بلوه
أنا بلا خدمتك يحسين اروحن ويــــن
لا قيمة لحياتي وكلشي مــــــــــا أسوه
------------------------
اذا بيه مرض اوگف على اعتابـــــــك
واحلفك بالعقيله وداعت مصـــــــابك
انا ادري الحلفك بالزهره تبقى ويــــاه
عجز دكتوري مني وگاصد لبابــــــــك
،،،،،،،،،،،،،،،،،،،،،،،،،،،،،،
اريد احظن هواك من ادخل الحضره
يريحانة محمد وامك الزهـــــــــــــره
اوصل يم ضريحك والزم الشبـــــــاج
واسولفلك همومي وعيشتي المـــــره
،،،،،،،،،،،،،،،،،،،،،،،،،،،،،،،،،
اذا خلصت حياتي ولو گرب مــوتي
اريدك بالمنازع لو سكت صـــــــوتي
اخاف من الذنوب ولو حضرت هناك
يصير الگبر جنه وزفه تابـــــــــــوتي
لخادم الحسين / رعـــد الفريــــــجي
لاستشهاد الامام الصادق عليه السلام
الصادق المحّد يِعَرف اسراره
مثل فاطم نار شبّوا داره
ـــــــــــــــــــــــــ
صادق القول الذي سرّه انحجب
الفاطم وحيدر علي ايرد النسب
رغم هذا وشفنه يا ناس العجب
دار وحي الله تعالت ناره
ـــــــــــــــ
الچان مفروض الخلگ طوعأ تصير
اله وعالعالم يضل اعظم امير
لچن شفنه مبغضه ميت الضمير
وبالجمر تارك صبح آثاره
ـــــــــــــــــ
مثل امه فاطمه وذاك الجره
شلون باب الزهره ناره مسعره
باب داره بنارهم متوجّره
والفرق بس محسن ومسماره
ـــــــــــــــــ
رغم هذا الصار سموه العده
وچبدته بالسم يويلي امرّده
لچن مو مثل الحسين الوحّده
بقه الوحده وعالتراب انصاره
ـــــــــــــــ
جده داست صدره ياوسفه الخيول
وعلارض مطروح ابن بنت الرسول
عليكم الله يساعد الزهره البتول
الوحي مصابك حين شع اخباره
ـــــــــــــــــــــــ
سبوا زينب والحسين اعله الترب
خنصر ايده انگطع وخيامه تشب
الصادق ابوحده صفه ابين الغرب
وشاهد اعله مصابه ذيچ ادياره
ــــــــــــــــ
الشاعر محمد حسن ضيغم
/channel/kasaedalatharDaygham
استشهاد الإمام جعفر الصادق عليه السلام وذكرى حرق داره من قبل حكام عصره على طور (لوطير ونيت معذور لباسم الكربلائي)
يخفون - يازيف - مكشوف
مولاي – هلحال - معروف
دخان - والنار - بالبيت
مهموم - مولاي - ضليت
راووك - عاشور - واطفوف
مولاي - هلحال - معروف
★★★★★
عدوان -هلبيت - وجوه - بالنار
خلوك – مهظوم - للدوم _ اشرار
ووجوه - صبيان - ياصوب - تندار
رضعان - نسوان - يبچون - بالدار
طفيت هلنار يانور
هديت كل حال مذعور
واطفال يبقون بالخوف
مولاي هلحال معروف
★★★★★
ياحيف - اذناب - وتصير - اسياد
علخير - والطيب - يخفون - احقاد
جَلَّاد - ملعون -مذموم -من راد
لطفوف - بالبيت - هليوم - تنعاد
لطفوف تنعاد هليوم
وحسين من ماي محروم
وعباس لاعين واچفوف
مولاي هلحال معروف
★★★★★
من جيت – بلخير- للناس- معلوم
بدروس - للدين - يدرون - معصوم
يردون - اوثان – واصنام - للدوم
والدين – مكسور – مخذول - مهظوم
تشريع انطيت واحكام
وبنيت تاريخ واسلام
وانطوك طعنات وسيوف
مولاي هلحال معروف
★★★★★
يانور – ياخير - للناس - موجود
محفوف- باخطار- حراس - وجنود
للناس - تعليم - واحكام - مقصود
يردون – تنهار- وبحيل - مهدود
اشرار يردون مولاي
هلناس لادين لا راي
شافوك للدين موصوف
مولاي هلحال معروف
★★★★★
ابشوال - وبأيد - انذال - مسموم
اغتالوك- مولاي- وبيوم - معلوم
تنفيذ – اقوال - سلطان —- مأثوم
رادووك – للموت - وابقيت- للدوم
وبقيت للدوم نبراس وبنيت احكام للناس
يانور باخطار محفوف
مولاي هلحال معروف
الشاعر حسن لعيبي الحريشاوي
شيعه احنه لطه واله جعفريه
حبهم ابدمنه .. حبهم ابدمنه
@@@
احنه بايعنه وثبتنه بهذي بيعه
حب اهالي البيت بينه مانبيعه
من نبينه وي وصيه والوديعه
نفتخر صرنه بولاهم احنه شيعه
…
اكبرنه واربينه .. حبهم ابدمنه
@@@
جعفريه وهذا اصلاً نهجنه
وباثنعش آل الهدايه حججنه
ارخيص الهم نفدي نابض مهجنه
حتى يظهر للبريه فرجنه
…
والعهد بينه .. حبهم ابدمنه
@@@
جعفريه وهذا منهج نبينه
واحنه بالمنهج يوادم وفينه
جعفر الصادق اليه انتمينه
ونفتخر گالوا روافض علينه
…
متنه وحيينه .. حبهم ابدمنه
@@@
ياللي تسأل عندي شنهي الاماني
ترى بالعتره كتبت المعاني
ومن كثر حبهم نقشت ابجناني
جعفر الصادق وجودي و كياني
…
ديني من دينه .. حبهم ابدمنه
@@@
انا گلبي بالبقيع الجريحه
من ازوره بالمدينه ابصبيحه
وشتماني اللي ميعرف نصيحه
يگول نشرك لو بنينه ضريحه
…
مادره بينه .. حبهم ابدمنه
@@@
علي أحمد الحمود
٢-٥-٢٠٢٤
شهادة الصادق ع