7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
بيدك تشيع والدك يالغالي يحسين
منهو اليشيعك لوطحت ياكرة العين
يالغالي يحسين. يالغالي يحسين
=========
بيدك يبو اليمه تنزلني لحفرتي
وانت منهو اليدفنك اه ياحسرتي
ميت ولمصيبتك تجري دمعتي
اثر نيشان الدمع حافر وجنتي
يوليدي بيدك بالگبر تدفني وارتاح
يمك يحوم بلا أهل عالراس ذباح
يالغالي يحسين
يالغالي يحسين
==========
صح اني راسي منطبر يابويه مجروح
بس انت عالغبره تظل يحسين مذبوح
حافر يرد اعل الصدر والحافر إيروح
كل رفسه يابويه احسن تطلع الروح
حافر ثكيل وعالصدر شيخلي العظام
وظهرك اصده منترس يالغالي بسهام
يالغالي يحسين
==========
بيدك تغسلني وتنزلني الحفيره
ووليدك ايلمك وسف يبني بحصيره
بثنينهن زينب بقت محتاره حيره
لكن تشوفك منذبح حيره چبيره
عالغبره وبفيض الدمه متغسل شلون
الله يساعدها العزيزه الغاليه ام عون
يالغالي يحسين
==========
يوليدي راسي بالجسد لاموعالرماح
راسي بنعش ذرة ترب يوليدي مالاح
ويلادي شالوا هالنعش من كل الاصفاح
لكن بقه گلبي بألم لتضني ارتاح
نعشك حصيره بلا غُسل وبلايا توديع
بس ابنك لوحده ويون من غير تشيع
يالغالي يحسين
==========
إبنيتي زينب من رحت شيب گلبها
وإبنيتك انت من طحت سوط الضربها
بالهيمه باجر يالولد شامت يسبها
وزينب وحيده بالضعن تمشي بغربها
دلالي يتفطر الم من كثر الهموم
وانت يبويه لعيلتك ماتگدر تگوم
يالغالي يحسين
==========
يوليدي گلبي شيحتمل ضيم واذيه
وعيالك بطف كربله باجر سبيه
سوط الشمر ظل يضرب بنيتك رقيه
وانت ذبيح ومنسلب فوگ الوطيه
بحر الشمس فوگ الرمل يوليدي عطشان
اتفت الگلب ماتنحمل ياعظم الاحزان
يالغالي يحسين
==========
✍ علي النائلي
حيدر بويه افتحلي عيونك
سولف فدوه وگلي شلونك
عيونك غمضتها ... ابنيتك يتمتها
حيدر بويه
،،،،،،،،،،،،،،،،،،،،،،،،،،،،
فكلي عينك . يابو روحي . لا تغمض ياعلي
ابنيتك انه . الراح بعدك . بالمصايب تبتلي
زينب انه يابوحسين لضلت عايشه بحسره
افتح ياعلي اعيونك وحجي ابداعت الزهره
شسوت نومتك بيه وبيك اشسوت الطبره
دمعي بصفحه الفراگك وبصفحه بجي الفقره
رحت تصلي ابدمك راجع
لا تتركني ابعمري الضايع
روحي حيرتها ... ابنيتك يتمتها
حيدر بويه
،،،،،،،،،،،،،،،،،،،،،،،،،،،،،،،،،،،،،،
الصبح ضلمه . بلايه وجهك . ياعلي انته الصبح
ليش ذابل . هيج اشوفك . بيك شمسوي الجرح
خلينه سويه انموت وبنفس الگبر كلنه
صارت ياعلي ابلياك هاي الدنيه مو النه
ابروحك انته يابويه موش البيت شايلنه
زغار وهل جرح بويه منعرفه ولا ابحلنه
فراگ الغالي لجمه وحيره
بويه ابموتك اتيتم ديره
عيوني ذوبلتها ... ابنيتك يتمتها
حيدر بويه
،،،،،،،،،،،،،،،،،،،،،،،،،،،،
والله بويه . الهجر ياخذ . كل دلالي بروحتك
ياحناني . وشوف عيني . والله تذبح فرگتك
نايم يابعد شوفي وانته ابجرحك تنازع
ذبحوها بصباح الله ضحكتي والعمر ضايع
امساك اسمع يگولون قبل لا حيدر ايوادع
ساجد ياعلي طبروگ ودمك غرگ الجامع
راجع وسفه ابدم الهامه
حيدر خلصت كل ايامه
جروحك صاحبتها ... ابنيتك يتمتها
حيدر بويه
،،،،،،،،،،،،،،،،،،،،،،،،،،،،
بويه خذني . وياك فدوه . بعد ماريد العمر
شلون بعدك .راح اعيشن .والصبر رايد صبر
ماتت جلمت البويه الجانت حلوه بلسانك
من اشتاگ الك اركض ادور ابقه بمجانك
ثگيل وفرگتك اثگل يساعد الله دفانك
جاغير انته حامي الجار ليش مخلي جيرانك
ارجع فدوه وطيب اجروحي
فراگك بويه شخله ابروحي
سنيني طشرتها ... ابنيتك يتمتها
حيدر بويه
،،،،،،،،،،،،،،،،،،،،،،،،،،،،
زينب انه . التبقه بعدك . تايها بهاذ الزمن
صح احسها. الماله والد. ضايع بهاذ الوطن
يشالع گلبي بفراگك علي يامسكن احلامي
رايح ياعزيز الله وتارك روحي بالامي
بحالي ياعلي تدري من الگه الغربه گدامي
انضر عالتراب حسين طايح والنحر دامي
باجر غربه الشام وضيمه
باجر فوگي اطيح الخيمه
والحيره ابوكتها ... ابنيتك يتمتها
حيدر بويه
العبد ... ابوفايز الرافضي
.......
الفاتحه على روح والدي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
#شهادة_مولانا_امير_المؤمنين
اشــهدُ ان علــياً .. حجة الله علي
نــور الله علي
اسم الله علي
__
علي مستقبل حــياتي وحــاظر وماضيها
دنــيتي ابـــلـياه اصــلاً دنيـــه ماســـميها
احچايتي ومابيها هوه مستحيل احچيها
السالفه مملوحه حـيل العلي حــاظر بيها
وما ابــالغ من اگــولن .. رحمة الله علي
نــور الله علي
اسم الله علي
___
علي بسـمات اليـتامه وكلـشـي اليمــلكونه
علي مـن گــد ماعــزيز العــافيه ايســمونه
علي شايل رحمة الله وكون تحچي متونه
تشبـع الوادم الفــقره بـس تشـوف اعيونه
الهالسبب روحي تحبه .. غيرة الله علي
نــور الله علي
اسم الله علي
___
الفقره بس حــيدر ابوهــم واني واحد منهم
وبس علي بالدنــيه كلــها هــوه يســال عنهم
گبـــل ميونون همـــه عـــلي ايـــون الـــونهم
ابچاله احس الفقره والله ملوك صارو چنهم
يهـوه باب الفقره هــوه .. باب الله علي
نــور الله علي
اسم الله علي
___
علــي بعد الله ونبـــيه علـــي هـــوه الاعــلم
علي من بطن امه مسلم موش شايب واسلم
اعليه احسـن بـي رحيم وعلي من امي ارحم
مــا اوافــي علــي انـــه شكـــثـــر ما اتــكــلم
انه شــموصلني واحـــچي .. سر الله علي
نــور الله علي
اسم الله علي
___
علي مدري ياهــو سمــاه البطين الانزع
كلــشي سامــع عنـه لكن ماسمعته يشبع
علي ماكو اقوه منه علي هــوه الاشــجع
لچن من ينظر يــتيم ابساع عــينه تدمع
ولهــذا انــه اهــوه .. لطف الله علي
نــور الله علي
اسم الله علي
___
ابلا علي مسكين اشعر واكسـر انـه الخاطر
بدنيــتي مــالي مـعـين ولا الــي كــل ناصر
خاطري مكسور اجيت وعلي وحده ايجابر
المثلي ينطي وجـها وين اوين يگصد باچر
تايه الماعنده حيدر .. وجهة الله علي
نــور الله علي
اسم الله علي
___
حيدر تركي الكربلائي
#شهادة_مولانا_امير_المؤمنين
اليوم بالجنه سـمه تشبگ سمه
اليوم روح المرتضى يم فاطمه
يــــاعلي
يافاطمه ...
"""""""""""""""""""""""""""""""""""''''''''''
ملگه العزيز ويه الجـرح
گعـــده ومدامع للصـبح
الزهره تصــــرخ والهزل
والمرتضى يصيح الرمح
حــار الرمح
عالي الرمح .. يعني الحجر من الصطح
يـــــافاطمه
ضعني دمه .. ويحـــــرگ گلـبهم ياضمه
اليوم راح بدمعته يسولف ضمه
اليوم روح المرتـضى يم فاطمه
يــــاعلي
يافاطمه ...
"""""""""""""""""""""""""""""""""""''''''''''
عالطبره حيدر مـــــاحچه
يسولف على ضعونه وبچه
مخنوگه بعــــيون الــغرب
والسوط بمتــــون انتـــچه
حيره وضرب
دم وتــــــرب .. وشطوله بالممشه الدرب
اكــــــبر ألـم
ماكو خــــيم .. وتــــبات بالصحره الشيم
شنهو احچيلچ بـعد ماكو حمه
اليوم روح المرتضى يم فاطمه
طيــــاعلي
يافاطمه ...
"""""""""""""""""""""""""""""""""""''''''''''
دم عـــالجبين وتمّسحه
گلـــها يفــاطم رايــــحه
زينب على ضهور الهزل
وآه الشـــــماته الجارحه
محـــــد يلم
صرعه الزلم .. وغطاهم بضيمه اليتم
هاي الهــزل
تشمر طــفل .. ويطيح بچفوفه الحبل
روحي من هذا الألم مو سالمه
اليوم روح المرتضى يم فاطمه
يــــاعلي
يافاطمه ...
"""""""""""""""""""""""""""""""""""''''''''''
تمسح دموعه السايله
بـــالبر يگــلها العـايله
الشــام مايــرحم خدر
بنيتــنه زينــــب مايله
عين الحـزن
كلـــــها تـون .. ماكو أعله حالتهم يحن
قصر الغـرب
ضعني يطب .. يـافاطمه المدمع يصب
ريت كل الشام مصـيوب بعمه
اليوم روح المرتضى يم فاطمه
يــــاعلي
يافاطمه ...
للشاعر
محمد الابراهيمي
ابوذيات استشهاد الامام علي ع
------------------
يگلبي الراح من عندك علي وين
مشه مسرع وراه اصرخ علي وين
صدگ تمشي وتخليني علي وين
بطبرتك رد كسر ضلع الزچيه
****
يعمري البايگه اغيابك مراده
وسحن ضل يسحن بگلبي مراده
اليگصدك يا علي ياخذ مراده
وانه امرادي صبح فرگاك اليه
***
هشام الشيباني
تطيبر استشهاد أمير المؤمنين
القامه بيدي وابد ماتنزل تره
واطبر الهام ويهامت حيدره
اليوم بالتطبير مو بس البشر
حته املاگ السماء امطبره
اليوم نخليها القامه .. تنحد بجرح الهامه
حيدر حيدر ياحيدر
،،،،،،،،،،،،،،،،،،،،،،،،،،،،،،،،،،،
اليوم بالدم لازم نغرگ الأرض
عالجريح الطايح ابأخر فرض
تنوح زينب والمدامع ماكضت
الملگه ابوها المنجرح ركضت ركض
زينب ضلت معلوله .. عالرد ودمه ابطوله
حيدر حيدر ياحيدر
،،،،،،،،،،،،،،،،،،،،،،،،،،،،،،،،،،،
تنزل ابهل الليله املاك السمه
وللعرش من الأرض تاخذ دمه
اليطبر الهامه ودمعته اموزره
صيته يعله اتگله شكرا فاطمه
اليطبر هنياله الليله .. ويشد بالمدمع حيله
حيدر حيدر ياحيدر
،،،،،،،،،،،،،،،،،،،،،،،،،،،،،،،،،،،
اليوم زينب تهمل ادموع الحزن
رجع حيدر والدمه مغطي الوجن
تيتمت من شافته بهاذ الوضع
ضيعتني ابضيعتك يابالحسن
خل نواسي المهضمه .. بت الزهره المضلومه
حيدر حيدر ياحيدر
ابوفايز الرافضي
لاستشهاد أمير المؤمنين علي
بن ابي طالب عليه السلام
تنزف دمه ردَّيت. وياهم أسويت
آه ياعلي الكرار
★★★★★
ركن العلم مهدوم. يابوالحسن هليوم
ياحاكم ومظلوم. إلمن نوجه. اللوم
الياغادر ومأثوم. بطبعه صلف. للدوم
مايهوه اهل البيت وياهم أسويت
آه يا علي الكرار
★★★★★
محد نصف وياك. آخ اشعظم بلواك.
حتى الصبر. مَلَّاكْ اليَّدْعُون وياك.
طلعوا أشد. اعداك يلخلصت دنياك.
ماخذت بس انطيت. وياهم أسويت
آه ياعلي الكرار
★★★★★
اصعب أمر مكتوب. بسيف الغدر مصيوب
ياغالي يامهيوب . ابياذنب. مطلوب
من هلخلگ متعوب صابر صبر أيوب
تعاني الالم ضليت. وياهم أسويت
آه ياعلي الكرار
★★★★★
دَورَّوَا أي أسباب. الچتلك يداحي الباب
ماكو ذريعه وباب. لاچن حقد وارهاب
لنك أسد وَثَّاب. الهم لَوَيْت. ارگاب
وبالموعظه ناديت. وياهم أسويت
آه ياعلي الكرار
★★★★★
شلون الضلال ايشوف. ويميز المعروف
ردَّوا على المألوف. غيض وحقد معروف
كلشي صفه مكشوف. صَفّوا عليك اصفوف
وكل حجه ماخليت. وياهم أسويت
آه ياعلي الكرار
الشاعر حسن لعيبي الحريشاوي
لاستشهاد امير المؤمنين علي عليه السلام وزن الدارمي ٣ دگات
يابو الحسن مظلوم شمسوي للناس
جرح بجرح ملچوم من طبرة الراس
★★★★★
من كل ذنب معصوم ياتاچ بالاسلام
مذنب بعين اعداك يمكسر الاصنام
يشهدلك التاريخ عام بأثر عام
والحاربك خسران وأمدنگ الهام
كل ذنب ماسويت ياطيب الانفاس
جرح بجرح ملچوم من طبرة الراس
★★★★★
رحمة اوفه للناس خلصت حياتك
طيب وكرم يدرون علخلگ ذاتك
الرايدله كل الخير يطلب وفاتك
يلمعتني بكل شوگ گاصد صلاتك
الماثمنك مولاي معدوم الاحساس
جرح بجرح ملچوم من طبرة الراس
★★★★★
يَمفَصَّل على الخير گلبك يمولاي
ياخادم وسلطان ياثابت الراي
بيدك توزع الزاد وتقدم الماي
ماكو يتيم ايگول ذلتني دنياي
أمامن الدرب تمشية ماردت حرّاس
جرح بجرح ملجوم من طبرة الراس
★★★★★
يامنصف المظلوم والماله أحد
ولاينهظم محتاج لاچفه تنرد
بابك فرج للناس مالحظه ينسد
شلون العدو من هاي نيرانه تبرد
ياهو المثلك وين وبياهو تنقاس
جرح بجرح ملجوم من طبرة الراس
★★★★★
مثلك يبو الحسنين وين اليحكمون
برايك وطبع البيك لا مايصيرون
گبل النصح للناس منطيها العيون
حاكم تظل سهران لاجل الينامون
حرمونه نورك ليش ضربوك الارجاس
جرح بجرح ملجوم من طبرة الراس
الشاعر حسن لعيبي الحريشاوي
لاستشهاد امير المؤمنين علي بن ابي طالب عليه السلام
من شر الناس مطبور الراس
راسك ياحيف اطبّر بيش ايطلبونك حيدر
مطبور الراس
★★★★★
يچفك دوم تنطي وما گلت اني
ولاچلمة شكر من واحد اتاني
فضل طبعك نبوه ولطف ربّاني
يطيب وعاطفه وياجانب انساني
ينهجك من محمد نهج قراني
بعد طه ولامثلك يصح ثاني
تنطّي المحروم حاكم مظلوم
علنايم عينك تسهر بيش يطلبونك حيدر
مطبور الراس
★★★★★
تود جمع البشر بالدنيا خّوانك
مضمونك وفه والخير عنوانك
ياماقابلت كل جور باحسانك
صاروا ها كثر چاليش عدوانك
اليشتمك بالظهر وإلي مشه وخانك
ولامّر الشتم لحظه على السانك
بس ذم ولوم شفت من الگوم
شگد جازوا طيبك بالشر بيش يطلبونك حيدر
مطبور الراس
★★★★★
صرت ذّباح عن دم الخلگ مسئول
وصار الغير سيف الخالق المسلول
وقوايم للچذب منهم شرحها ايطول
بسلاسل نار ابوطالب الناس اتگول
والمقصود انته اتصير مامقبول
بغربيل الشمس ماتنحجب وتزول
اطبّاع الشمّات عدهم غايات
الحق باطل يتغيّر بيش يطلبونك حيدر
مطبور الراس
★★★★★
قليل بانبياء الباري من قاسك
الحديد اتليّن الداود بانفاسك
وحديد السيف وسفه ماخطه راسك
يمهيوب الوجه ماهاب من جاسك
ولايدري الورد يخجل من احساسك
مثل الموت دنياهم صفت ناسك
بوسط المحراب راسك ينصاب
بمصابك شامت يفخر بيش يطلبونك حيدر
مطبور الراس
★★★★★
المجد والدين يابوالحسن والاملاك
كلها اليوم مفجوعه اجت تنعاك
ليش اطباعها الوادم غدر وياك
طبر راسك الايّذ ياعلي بحماك
والخافي الظغينه وبالوجه يهواك
لان دنياه ابد ماوالمت دنياك
شنهي الاسباب ياداحي الباب
هلحقد المايتفسر بيش يطلبونك حيدر
مطبور الراس
الشاعر حسن لعيبي الحريشاوي
نعي لاستشهاد أمير المؤمنين علي عليه السلام
مصابك ياعلي هَوِّنْ علينه
كل أمصاب حل وحصل بينه
ما جاب البچي الراح من ادينه
نريدك ياعلي الفاگد تعينه
★★★★★
يمك ياعلي خلينه الأحباب
چم شاب الدفناه من بعد شاب
أخذ منه شكثر حلوين التراب
وخلانه ابونين ودمع سَچاب
★★★★★
فدوه انروح يابوالحسن لسمك
يمنور النجف ياحيد رسمك
صدگ من الله هاي وفيض عزمك
كل ضغطة گبر تنشال يمك
الشاعر حسن لعيبي الحريشاوي
اليوم ياداحي الباب دنيانه
مضلمه كلها اعليك حزنانه
شيخ عام الدنيه كلها علي سن بيده سننها
علي قالع خيبره
اشلون ابن ملجم دناله علي عرش الله بجاله
علي اسمه مفخره
انطبر قانون السياسه علي يوم انطبر راسه
اعليك كلها حايره
اعليك يا دين الله وقرأنه
*
علي تستور العداله مكمل من الله كماله
اشلون راسك ينطبر
كون ياحيدر تجينه شوف شنهي الصار بينه
دنيا صارت جن كبر
بسمك الحاكم حكمنه لو تشوف اشكد ضلمنه
والله ملينه العمر
عين ناس الحبوك عميانه
**
علي محرابك ينادي عمر كله اعلن حدادي
. بحزن كلها ديرتي
اسد صفين ويه خيبر للجنان اباسمك اعبر
علي انته رجوتي
راح نلبس ثوب الاسود والحزن بينه تجسد
اضلمت كل دنيتي
وحشه مولاي البيت وركانه
**
اليوم يا حيدر طبرتك والايتام بلوعه اجتك
باتو بحسره ودمع
بدمع يبجون المصابك وكفو بحرگه اعله بابك
صوتهم ما ينسمع
وگالو شلون انتعشه اليله حيره اليله وحشه
وحيل تعبنه الوضع
انته ياداحي الباب رجوانه
**
انته رجوانه الجبيره الروح من دونك اسيره
اضلم اعلينا الوكت
كون مطبور اعله هامي يا شفيعي ويا امامي
متنه يوم الي متت
حيدر الاكوان صاحت دمعه بس اعليك طاحت
ليلي وي حزني اسهرت
خلاف عينك هاليوم مولانه
**
مايجي مثلك سياسي مكعدت فوك الكراسي
بين افراد الشعب
اليوم باسمك فرهدونه البلد راح وما رعونه
الخيير البيهم جذب
كون تطلع وي فقارك تاخذ امنل باك ثارك
الباكو السله وعنب
منهم انصار حسين خجلانه
**
ردنه بس السله كافي يا علي ماكو اليوافي
كلهم اتباع الشمر
وباعو الكاع الربعهم ابد ما تعرك كصصهم
يخجل البيهم يمر
حيل كلش خجلونه اكبال خصمك فشلونه
اي وحك ام الخدر
كون تحضر هاليوم ويانه
**
الشاعر حسن صالح العيساوي
نعي للامام علي عليه السلام
بياحاله كلبج ياحزينه
من صوبو هامة ولينه
العرش شيب من ونينه
وسفه ابوالحمله شايلينه
وصلوه الداره حامي الدين
اولاده لجله تهمل العين
وزينب كلبهه انجسم نصين
يابوالصبر الكه الصبر وين
بوجه الوصي بانت علامه
نصين مجسومه الهامه
تتصارخ كباله اليتامه
الليل هل بين ظلامه
ننتظر جنه بالليالي
الحنيتك وعطفك يغالي
لو رحت نبقى بغير والي
مجانك يظل بالكون خالي
الحياة بدون حامي الجار مره
وطعم مابيهه صارت ولا مره
لون تتعنه اله مكتوب مره
بهظم كله العسر مارحم بيه
الخادم عبدالمعين الشمري
نعي
للامام علي عليه السلام
كلب الدين دامي وراس الاسلام
ودستور الشريعه انمرد جبده
اصوابك ياعلي هد حيل جبريل
وماي الفرح من عدنه تبده
جرح بكبر دنيه شلون يلتام
غميج بغمج صبرك وشيشده
واهس كل يتيم اطشر ابساع
بصميم الروح سهمك من تعده
يم الباب وكفو والحلم ظاع
علي سمعو بحالك من ترده
الطبيب من الوجه مابشر بخير
اتضح فوك الوجه حجي الي عنده
وزينب حايره كل حيلهه نهار
شلون تنام تغفى عله المخده
بعجل كامت ابوجه من اجه حسين
يبو اليمه ابونه زين بعده
شبكها بألم ويكلهه الصبر زين
اختنك والدمعه مرسومه علخده
ابونه اصوابه حير حتى جبريل
السفر كرب يخيتي كرب وعده
بنورك علي جان الفجر ينطر
وسيفك وكف للاسلام ينطر
حك عليك ساك العرش ينطر
الوحي بالسمه ناصبلك عزيه
@@@@@@@@@@@
الخادم عبدالمعين الشمري
قصيده كعديه بحق يعسوب الدين أميرالمؤمنين
الامام علي عليه السلام
هد حيل الاسلام جرحك ياعلي
أهتز العرش دمك بقى يسيل
وظل ينعى جبريل
$$$$$$$$$$$$$$$$$
الكون كله اظلم يحيدر
ابشهر رب العباده
ياضخرنه الدنيه ظلمه
ونطبر راس السياده
حكه كلب الدين ينطر
واختفه حلم السعاده
بألاسه ماتم ينصب
مفطور وي ايون الكلب
ودمع الهجر من ظل يصب
بانت ارسوم الشهاده
بس لوعه والالام سهمك ياعلي
ياشمس بعدك أسدل الليل
وضل ينعى جبريل
$$$$$$$$$$$$$$$$$
ابطبرتك يابو الحميه
الملائك كلهه ونت
الانبياء حافي اتعنت
وعله الروس بحركه لطمت
اتعنه حافي النبي عيسى
ودمعه جن جمره نزلت
بأسم الرزيه من نزل
وكلب من الالام اشتعل
اينادي ياخير العمل
الدنيه لوعه وحزن مطرت
وتنوح الايتام بعدك ياعلي
لالون عدهه ولابكه حيل
وظل ينعى جبريل
$$$$$$$$$$$$$$$$$
وزينب تغير وضعهه
يوم شافت شايلينك
راسك انشد بعصابه
وسال دمك عله عينك
خايفه من الموت بيه
من البعد بيني وبينك
روحي اخلصت يابوالحمه
يالوالي من شفت الدمه
اذكرت لوعة فاطمه
اسنينهه تشبه سنينك
من سيف الاقزام صابك ياعلي
بالحمل بويه بين الميل
وظل ينعى جبريل
$$$$$$$$$$$$$$$$$
الوصي من فتح عينه
ونظر عباس الشفيه
لزم أيده وكله اسمع
ياكبر هاي الوصيه
اوديعتي ذمه بركبتك
عفة الزهره الزجيه
كله يبويه اوديعتك
مصيونه مثل اوصيتك
ان شاء الله ارفع هامتك
بالحشر يابو الحميه
بس الهجر سام تعرف ياعلي ليل المناحه اخلافك طويل
وظل ينعى جبريل
$$$$$$$$$$$$$$$$$
ومن نظر زينب الحره
نزل دمعه وماتحمل
كلهه صبري جن اشوفج
من تركبين عله هزل
والاشد واصعب يبويه
متونج من الضرب تنحل
من تدخلين ابمجلسه
من الغوالي أميسه
راس السبط ظل يرفسه
ريت كل البيه تنشل
لا خوه لخيام اتندبي ياعلي
والحمل غير اهله فلا اتشيل
وظل ينعى جبريل
$$$$$$$$$$$$$$$$$
الخادم عبدالمعين الشمري
ياوالدي لمن رحت ماغمضت إچفوني
حسبتك إتأدي الفرض ترجعلي يعيوني
حيدر ساكن گلبي
حيدر عيوني تربي
حيدر مته إتمر بيه
حيدر مته إتمر بيه
،،،،،،،،،،،،،،،،،،،،،
بويه كل لحضه اشوفك أنظر إبعينك سفر
وشكثر أغفه إبحنينك وإنته باقي إعل سهر
لورحت إشلون بيه عندي كل يوم بشهر
هايمه وتريد عيني لشوفتك تشبع نظر
بويه رايح بويه رايح بويه رايح بويه رايح
يل رايح إسنيني طفت ياشمعة أيامي
كل ماغفت عيني شفت لن إنته بحلامي
حيدر أدعي ربي
حيدر عيوني تربي
حيدر مته إتمر بيه
حيدر مته إتمر بيه
،،،،،،،،،،،،،،،،،،،،،،،،،،،،،،
صارت الدنيه بغيابك ظلمه ومتيها الدروب
تعثرت جدمي بعباتي نوبه أطيح وأمشي نوب
نازله من عيوني دمعه تحرك إخدودي وتذوب
وحشه أطب لدار بعدك من يجي وكت الغروب
بويه غايب بويه غايب بويه غايب بويه غايب
مشتاگه روحي الشوفتك يل هجرك أذاني
كل ماأحس إبغربتي تتهيج أحزاني
حيدر دموعي تجري
حيدر عيوني تربي
حيدر مته إتمر بيه
حيدر مته إتمر بيه
،،،،،،،،،،،،،،،،،،،،،،،،،،،،،،،
والدي شأخرك عني بويه مو طر الفجر
گاعده وعيوني تربي خايفه من الهجر
حسبه تاخذني وتردني منين أجيبك ياصبر
چنت عل موعد تجيني هسه ضليت انتضر
بويه وينك بويه وينك بويه وينك بويه وينك
ياوالدي لمن رحت ونگطعت إظنوني
دمعاتي تجري عل وجن مانشفت إعيوني
حيدر وينه دربي
حيدر عيوني تربي
حيدر مته إتمر بيه
حيدر مته إتمر بيه
،،،،،،،،،،،،،،،،،،،،،،،،،،،،،،،،،
ناطره عل باب جيتك وإنته مامنك خبر
بويه وينك وين إخوتي ماشفت إلكم أثر
عگب فجر الله وصباحه مارجع منكم نفر
گمت أشوف الدنيه ظلمه گلت لا صاير قدر
بويه عيوني بويه عيوني بويه عيوني بويه عيوني
مثل الگمر أربع طعش ويضوي جدامه
نور أونزل من السمه من يفتح إلثامه
حيدر شمعي بدربي
حيدر عيوني تربي
حيدر مته إتمر بيه
حيدر مته إتمر بيه
،،،،،،،،،،،،،،،،،،،،،،،،،،،،،،
نضره من شوگي وحنيني شفت مأسات وعبر
شفت أبوي إمسندينه ويلي محني الظهر
عن يمينه وعن يساره وراسه بل سيف إنطبر
إتذكرت أمي وظلعها بعصرت الباب إنكسر
بويه روحي بويه روحي بويه روحي بويه روحي
شفت الحسن عن يمنته وحسين عن إيساره
سيف الغدر شك هامته ودموعه تتجاره
حيدر ناري بگلبي
حيدر عيوني تربي
حيدر مته إتمر بيه
حيدر مته إتمر بيه
( كلمات احمد الفتلاوي )
ناده جبريل ابحـزن ويـــانه
اليوم دين الله انطـبر قرئانه
اليـــوم نعلنهه حــداد
ونلبس اهدوم السواد
ياعلي اينادي الموالي وتلبس اسود شيعته
ويرتفـع صــــوت المنابر بـالطم لمصـــيبته
كل محب ينصب عزيه ابحزن يهمل دمعته
وينحب المحراب لجله والصــلات اوركعته
امن الحزن يبجي بقه فقـاره
وصاح راح ألي جنت خطاره
ينحـــمل بجفوفه راد
ونلبس اهدوم السواد
بسيف مسموم اعله راسه ويلي صارت ضربته
ساجد الربه ابصـــــــلاته وسيفهـم طر هـامته
الله يلعــن ابـن ملجـــــــم والعصابه الــــودته
عذبو كَلب الرســــول ابيـــــوم ذبحو مهجته
هدمو بــاب العلـــم ياويلهم
بيش ينفعهم هبل وي دينهم
بالحشــــر كلهم رمـاد
ونلبس اهدوم السواد
اليـــوم اركان الهدايه اصبحت مهدومه
اضلم الكـون وتكـــــدر والمــلا ملجومه
حزنت املاك السـماء وتبجي دم ابيومه
ويلي عل فركَ حياته وبعده ماتم صومه
العيد كَــرب والحزن قطانه
اشلون نفرح ونته مو ويانه
ولألم بجروحـــي زاد
ونلبس اهدوم السواد
تلطم اعله الراس ركضت ركضه وحده ايتامه
اتصــــــيح ودونه الولينه وخل نشـــم ألثامـه
ياهـو مـن بعـــــــده يمرنه لوكضـــت أيـــامه
اكلوبنه انصـــابت ابشــــــده يوم صابو هامه
كَاعده ايتــــامه تون يم بابه
يمته حيدر يرجع امن اغيابه
ذاب مــن اجله الفؤاد
ونلبس اهدوم السواد
**
الخادم
كامل السعيدي✍️🏴أنت المعزى سيدي يا صاحب الزمان ... عظم الله اجوركم💔
✍️..الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👤🧿....................🥺😭💔...خدمتكم شرف لنا
الشاعر محمد رسول الحميري
استشهاد أمير المؤمنين
بويه ما داسو صدري
بويه ما سلبو خدري
يوليدي باجر الثكيله
من تسمع شوغة العليله
تنشف يحسين
تنشف يحسين
ءءءءءءءءءءءءء
توكف عطشان ومتغير مكسور الخاطر متحير
فكرك يحسين
بالك ضل يم التنتضرك يوليدية الله اليدري بأمرك
عايفهم وين
فكرك شاغلته طفله عطشت واحتاجت ماي
لو بالك باقي يم الاكبر ما عنده فياي
أنبيا تبجي لوضعك
أنبيا تدعي لضلعك
وجروحك كلفه مو قليله
من تسمع شوغة العليله
تنشف يحسين
تنشف يحسين
ءءءءءءءءءءءءء
نعمه من الله بنصكم موتي وهواي جتاف لتابوتي
سالفتي تهون
بس لو ردنه نشيعك باجر نجمع صدرك من يا حافر فهمني شلون
من داوت جرحي زينب أذكر هضمتني هواي
جا ياهو يداوي متن اخيتك محتار بهاي
من دما متن الحره
من دما تعمه الزهره
حرمه ويا والي تشتكيله
من تسمع شوغة العليله
تنشف يحسين
تنشف يحسين
ءءءءءءءءءءءءء
لا تنداس بحركه ضلوعي لا موضوعك يم موضوعي
لا غربة ونار
لا كطعو نحر ابني اكبالي لا شح الماي على عيالي
هالشي ما صار
كبل الطف ماكو حرمه تنطك واتطب للسوك
كبل الطف ماكو طفله توكع من ضهر النوك
لسما سلم أمرك
لسما إنذر عمرك
واتوجه يبني للعقيله
من تسمع شوغة العليله
تنشف يحسين
تنشف يحسين
ءءءءءءءءءءءءء
من تلكه بنيتك ذبلانه والاكبر متغيره الوانه
عاري ومسلوب
وتخلي لسانك بلسانه بويه تموت الزهره هنانه
توكف مرعوب
تتلفت بلكي كطره ضلت تروي العطشان
وأطفالك تلتفت عليهم ينطون ألوان
تدعي لا يخلص صبرك
تدعي لا يبرد جمرك
شيصبره الينسلب خليله
من تسمع شوغة العليله
تنشف يحسين
تنشف يحسين
ءءءءءءءءءءءءء
ضم ادموعك الهن عازه من تلكه العباس جنازه
وابنك مذبوح
من تسمع من زينب وينك من تضيك الدنيا بعينك هالحضه تنوح
تتئمل ربعك التعزهم باقين انحور
بهالموقف دمعك على خدك ينزل مجبور
تبقه ما عندك ناصر
تبقه ما تحزر باجر
ما عندك والي لا قبيله
من تسمع شوغة العليله
تنشف يحسين
تنشف يحسين
✍️🏴أنت المعزى سيدي يا صاحب الزمان ... عظم الله اجوركم💔
✍️.. .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👤🧿....................🥺😭💔...خدمتكم شرف لنا
https://youtu.be/eQgWiPc1u1Y?si=-zDOS3DLnwQB_4CE
Читать полностью…
علي علي نـادو يتـاماك
علي علي شيّبنه فرگاك
الدنيا گامت تبچي دم
كلشـــي بالكون انعدم
ركن الاســـــلام انهدم
ــ علي علي ــ
«»«»«»«»«»
الفرگه صعبه ـ انتـه أملــهم والامـل لو ضيــــعوه
شلون بيهم ـ حالهم يفطــر صخــر لو ســــولفوه
بحر جودك ـ بيه عاشـــــو يا علي وهمـهم نســـوه
ونته تدري ـ الضاگ حضنك ينسه حتى احضان ابوه
علي علي يافخر الاسـلام
علي علي لتعوف الايتـام
بعــدك اذاهه السهــر
حالهه ايبچّي الصخر
نادو ابحسـره وقهــر
ـ علي علي ـ
«»«»«»«»«»
الكوفه صارت ـ وحشه كلهه وحيل قاطيهه الظلام
والجـّـــــوامع ـ كبَّرت اللــه يــا جــرح الامـــــــــام
واللـــه صعبه ـ اشلون عنهه اتغيب ياعالــي المقام
واليتـــــــامه ـ كلهه متعــــــوده على ازنودك تنام
علي علي يا منــــــبع الجود
علي علي ضعنك متى يعود
طوحت ضعن الســفر
وگلب الحسين انفطر
فرگتـــك تعمي النظر
ـ علي علي ـ
«»«»«»«»«»
بس مصايب ـ دنيــــا مابيهه فرح طول المدار
والنـــــوايب ـ والله ابد مارحمت اگلوب الزّغار
ياشمســــنه ـ العنّه غابت ونترَس ضلمه النهار
مـن وداعك ـ ضلت اگلوب الخلگ مشتعله نار
علي علي بينه اسعرت نار
علي علي ياحامي كل جار
نار المــــــــوادع دوت
لحظه بعـدك ما طفت
گلوبنه احنه اتصدّعت
ـ علي علي ـ
«»«»«»«»«»
ياحســافه ـ فارگتنه وعنــه شـــــدّيت الرحيل
وبصـلاتك ـ هامتك تنصاب يا حامــي الدخيل
كلهه بعدك ـ عاشت ابدمعه ومعـــانات و عويل
وبغيــابك ـ كل محب مجروح من عنده الدليل
علي علي صــوّبت الگلوب
علي علي يا اغلى محبوب
عذبتـــنه ابغيـــــبتك
تاذي حيل امصيبتك
وســفه طبرو هامتك
ـ علي علي ـ
«»«««»«»«»
ياعــــــذابه ـ اليفگد احبــابه ويعيش ابلا حبيب
ليله يخلص ـ دمعة ابخـــده وفلا بطل نحيــب
جرحه خزن ـ لا دوه اينفعـه ولا ينفــــع طبيب
يا وطنه ـ اخلافك العاشگ يضل عايش غريب
علي علي كل شيعي مجروح
علي علي بفراگك اينـــــــوح
دمعه بمصابك صفه
يا حبيـب المصطفى
نورك الليــله انطــفه
ـ علي علي ـ
«»«»«»«»
الخادم
كامل السعيدي
علي مو بس راسه مطبور
إتلمسوا هم ضلعه مكسور
بيوم عصرت فاطمه
مات حمّاي الحمه
تلمسوا هم ضلعه مكسور
___
1
موت البشر مو من تخلص أنفاسه
الميت صدگ بس الفارگوا ناسه
حيدر عادي عنده ينطبر راسه
لأن ويه الزجيه ذبحوا احساسه
روحه ماتت والجسد ضال
وياها ودع راحة البال
دمعته بگد السمه
مات حماي الحمه
تلمسوا هم ضلعه مكسور
_
2
شلون يگوم ما يكَدر علي الهيبه
بشهر الرحمه بالدم خضّبوا شيبه
بشرط واحد نحصل للجرح طِيبه
چف الزهره كون ايضمّده نجيبه
لو نظرها تطيب الجروح
ولبو الحمله ترجع الروح
عيونه ليها معلمله
مات حماي الحمه
تلمسوا هم ضلعه مكسور
_
3
ابو الحسنين خلص عمره بالونه
وأحب عنده المساجد من ألف جنه
أبيت الله الشهادة چان يتمنه
بس الموت خايف يقترب منه
القلع خيبر راسه مصيوب
صار يمشي ويوگع انوب
ضجة أملاك السمه
مات حماي الحمه
تلمسوا هم ضلعه مكسور
_
4
يسندونه الحسن وحسين من طالع
دناهم وظل من طبّرته اينازع
يگلهم ما اريدن زينب اتباوع
عليه واني بالدم للجدم ناكَع
ما اريدن زينب تشوف
عليها كافي بس الطفوف
تشوف روس مهشمه
مات حماي الحمه
تلمسوا هم ضلعه مكسور
_
5
گاعد بين ولده ويجري دم الراس
صاح الزينب وأمّنها عد عباس
يگله ابكربله عليكم تدور الناس
وبخيل اعوجيه حسينه ينداس
ولا متسلم حتى الأطفال
چف رقيه تشده الاحبال
من السياط المجرمه
مات حماي الحمه
تلمسوا هم ضلعه مكسور
_
مصطفى الشافعي
لطم امير المؤمنين
وجه السمه ينزف سور لو طبروا القرآن
التوحيد تنعة الفاتحة والسجدة والرحمن
مـتـيـتـمـه الآيــــات
المصحف الناطق مات
لو طبروا القرآن
_
1
حيدر إيحاچي الكواكب والكواكب حاچته
رادت تطيح ولزمها ابو حسين ابيمنته
راح حيدر والعجيبة تبقه دنيا ابروحته
عليه كل الكون ينزف لمن صابوا هامته
كل نبي ومرسل منفجع متيتمه الاديان
إِنَّ الَّذِينَ آمَنُوا حيدر أبوهم چان
نصبوا إله عزيات
المصحف الناطق مات
طبروا القرآن
__
2
صوّبوا راس الكتاب وتجري عالشيبه السور
لچن عقلي ما يصدگ راس ابو حسين انطبر
ليه كل الناس تگصد من يمر بيها الخطر
يونس بحوت ويندبه يطلعه من ذاك البحر
لو علي نادب يا علي بالشدة ندري شصار
حامي الجار يشد عزم ويحامي حامي الجار
المعروف بالشدات
المصحف الناطق مات
طبروا القرآن
__
4
اختلفت هواي الحياة وصار بالدنيا المحال
الليلة يتوجه اعلى ولدة اليحمل بجفه الجبال
ساجد الرب الجلاله ودمه بالمحراب سال
من انطبر بالهامه فزتُ اي ورب الكعبه قال
جبريل من سابع سمه بنبرة حزن ينعاه
وينادي أركان الهدى تهدمت والله
بث للأرض آهات
المصحف الناطق مات
طبروا القرآن
__
5
لچن هاي الطبره كلها حيدره ما همته
أصعب اللحظات عنده لون زينب شافته
شلون تنظرله العقيله الجرح واصل جبهته
عليها فاطمة الزجيه وهيه ميته وصته
گلتله ارجع يا علي زينب صحت بالدار
شيصير بيها لو درت ما يسلم الكرار
تبچيله يا دمعات
المصحف الناطق مات
طبروا القرآن
__
ساعد الله العقيله الليلة مساهره بهذا الوضع
طبرة الكرار اجتها من بعد كسر الضلع
واليتامه شلون بيها بدار حيدر تجتمع
طلعَ الفجرُ عليها من ثنيات الدمع
من عگب ما چف حيدره عليهم مسح بالهام
تمسح براس المرتضى وتتحسر الأيتام
الهم يرد هيهات
المصحف الناطق مات
طبروا القرآن
__
مصطفى الشافعي
لاستشهاد أمير المؤمنين
علي عليه السلام
انقدم اليوم عبارات العزاء
الصاحب الشان معز الاولياء
★★★★★
انقدم اليوم عبارات الحزن
الصاحب الشان على جده يحن
بألم وبنوح مثل حاله نوِّن
براسه مصيوب امام الاتقياء
★★★★★
لادوه اليوم على جرحه يصح
سيف چتال نزف منه الجرح
ريت ماصار ولايطلع صبح
علي بالسيف تخضب بالدماء
★★★★★
صاحب الشان يهل دمعه دمه
وگلبه ملچوم على حامي الحمه
ليله علمهدي حزينه ومظلمه
صواب چتال مثل طف كربلاء
★★★★★
الحجة مهظوم حزين و منفجع
انصاب علراس يحماي الشرع
اليوم لوعات يّگضَّيْه ودمع
اصوابه چتال نزل حكم القضاء
★★★★★
بجرح المصاب نعزي المنتظر
فرگه الاحباب تره كسرت ظهر
أشد كل حال ابوحسين انطبر
علي الكرار خلاصة انبياء
★★★★★
اعلن اليوم ابوصالح حداد
بهلمصيبه نرتدي وياه السواد
مظلم الليل يمر على العباد
جرحه مخطور ولابعده شفاء
الشاعر حسن لعيبي الحريشاوي
لاستشهاد أمير المؤمنين علي عليه السلام
(وزن تجليبه )
مفجوعين لحد المحشر
من يوم مصابك ياحيدر
★★★★
حكم ربنا عظيم وانته ناموسه
يروح المصطفى وعزم النبي موسى
من آدم علوم ومن نهج عيسى
ولاعالم وصل علمه ومقاييسه
بينه اجروح الماتتفسر
من يوم مصابك ياحيدر
★★★★★
الك تبچي المحاجر ياعلي وتهل
يتامه گلوبنه بعدك عصرها الذل
يلماكو مثل گلبك گلب يحمل
رايد راية الإسلام ماتنزل
دموع وغربه ونار التسعر
من يوم مصابك ياحيدر
★★★★★
حزين الدين بعدك والنبي ونهجه
ومحروم اليتيم اتزوره يترجه
وسط الكون لملاك السمه ضجه
نزلت علجره هليوم محتجه
الكون الواسع كله اتكَدَّر
من يوم مصابك ياحيدر
★★★★★
نَوَرَّت الارض يانور يملي الكون
إلك عدوان لايام الجهل يَردُوُن
من سابع ظهر عدهم حقد مدفون
مثلهم ماصرت لامثلك ايصيرون
اتسلط اهل الباطل والشر
من يوم مصابك ياحيدر
★★★★★
الدهر يوم الغبت مايوم يتبسم
ياكهف اليتامه وللجرح بلسم
من يوم الجبين الخضبوه بلدم
ضلت شيعت طول الوكت بلهم
وهذا الحال المايتغيير
من يوم مصابك ياحيدر
الشاعر حسن لعيبي الحريشاوي
بالسمه نادى المنادي صوت وي طرت الفجر
هشمو هاَمت عليآ بي فعال اهل الغدر
╌────═❁═────╌
بيا مصيبه نفجع گلبي وانجسم وكت الصلاه
من اسمعت جبريل ناده اتخضب الشيب بدماه
ياعلي ومن شفت هامك جف ابن ملجم شجاه
اصفكت راحات اديه وگلبي ضل يلهب جمر
╌────═❁═────╌
من شفت قالع الباب يشيل بالگوه الجدم
ويه ركن الله التهدم ياعلي حيلي انهدم
بآيدي من شديت جرحك بيها شديت العزم
للنوايب والهموم اعليه من بعدك تمر
╌────═❁═────╌
انت يا سر الوجود علي لدين الله عمد
جم نبي ومرسل تنخه باسمك بوكت الشدد
صعب والمثلك يحيدر على زينب ينفگد
بويه وتمنيت بعدك بيه ميطول العمر
╌────═❁═────╌
علي للخايف ملاذ وبيك كلها تستجير
بطيحتك كهف اليتامى انهدم يسراج المنير
لو يتيم اعليك ينشد لو يدگ بابك فقير
صعبه ياحيدر اگولن شخصه ضماه الگبر
╌────═❁═────╌
يا صراط المستقيم وانت باء البسمله
بلغدر ياسيف ياجف صاب راعي المرجله
ومنه مايلتام جرحك لأ علاج يصح اله
او سفه يا كرار ترحل او يطفى نورك يا بدر
╌────═❁═────╌
✍نور الولايه الفاطميه
زينب تون وتنوح هليله مصيبه
مهظومه. مالومه
هليله مصيبه
$$$$$$$$$$$$$$$$
بشهر الله الوصي ودع أحبابه. الليله شلون ليله
كلشي مختنگ ماصح جوابه
وماصح عنده حيله
علي لوعه وقهر وأكثر غيابه
ياحامي دخيله
وام الخدر تنخاك. والدمعه سچيبه
مهظومه. مالومه
هليله مصيبه
############
اظلم كلشي لجله موش بيته. والكون ونظامه
يا فرحة الشمات بمنيته
وظل تبجي اليتامه
علي گبل الخلگ معروف صيته
عله الدنيا السلامه
علي ملجأ للأيتام. وللاسلام هيبه
مهظومه. مالومه
هليله مصيبه
##############
مابي خصله مجهوله ابوحسين. ياروح الرساله
حگهه تسيل دم وتهمل العين
من گوم الظلاله
وزينب حايره تجيب الابو منين
وتتمنه ابداله
حكه كلبهه ايلوع. لن فارگ حبيبه
مهظومه. مالومه
هليله مصيبه
#############
انذبح حلم العمر من الوصي انصاب
والحگ لجله ينحب
جرح حيدر علي مفتوح ماطاب
ومن الشوف حدب
شلون ابن المرادي الوصي ماهاب
وگلبه ماتعذب
راس الشجاعه نصاب. ومخضبين شيبه
مهظوم. معلومه
هليله مصيبه
##############
الملائك نزلت تعزيهم الساده.
هاالحاله أليمه
الوحي لجل انهظم باللوعه من ناده
مصيبتكم عظيمه
وكلهه مكدره وظل تبجي أولاده
والحرة الكريمه
يابالحسن مولاي. دنيانه عجيبه
مهظومه. معلومه
هليله مصيبه
#############
الخادم عبدالمعين الشمري
وآويلاه يابالحسن
حكهه الشيعه من تلطم تنوح عليك
كل الكون يالكرار ظل ينعيك
$$$$$$$$$$$$$$$$$
موقف ألمانه من الهظم ماهاد
بعد النبي بيك اشعملو الاحقاد
ماصدكنه حيدر بالحبل ينكاد
ياوسفه الثعالب سيدي تاذيك
$$$$$$$$$$$$$$$$$
شكد شايل صبر ياغانمه ودستور
من الزهره من شفت الضلع مكسور
المتن ازرك وخدهه بالحقد مسطور
تحس ارماح مو نظرات صارن بيك
$$$$$$$$$$$$$$$$$
والاعظم مصابك جبل حسره وهم
اركان الهدايا حكهه تتهدم
وعيون الوحي ظلن يسيلن دم
جبرائيل يهتف بالسمه ناعيك
$$$$$$$$$$$$$$$$$
لون الحزن اسود مثل لون الليل
بيته اصبح كلبنه والدموع اسيل
مصابك ياعلي مولاي هد الحيل
شما نلطم يغالي عليك مانوفيك
$$$$$$$$$$$$$$$$$
اليتامه تصيح جرحك بالكلب ماطاب
وكفت ياعلي تنعاك يم الباب
وي طوس اللبن جابت دمع سجاب
وكل ايتيم يجذب حسرته متانيك
$$$$$$$$$$$$$$$$$
من حان ألاجل جبريل لمن صاح
بعد ماظل رجه راعي الحميه راح
كلشي ايهل دمه لجله وبده بنياح
كاس الموت ياوسفه علي يرويك
$$$$$$$$$$$$$$$$$
ولجلكم من لبسناها ثياب السود
لان نعرف رضاكم من رضا المعبود
علي ملينه لمته يضهر الموعود
يرضينه بظهوره بعد مايرضيك
$$$$$$$$$$$$$$$$$
الخادم عبدالمعين الشمري
نعي
لسان حال السيده زينب عليها السلام تنعى ابيها الكرار عليه السلام تقول
حيدر يبويه الهجر جتال
وحمل الرساله بغيبتك مال
ايتام تتصارخ والعيال
كلت الأمل ظاع امنديه
@@@@@@@@@@@
اطحن بروحي وزاد همي
وبس الحزن والنوح يمي
ياريت كبلك نزف دمي
ولا صدلك بذيج الرزيه
@@@@@@@@@@@
ذوب دليلي جمر الغياب
وجري الدمع وعيوني عالباب
من حسرتي راس الكلب شاب
مهظومه ماظل حيل بيه
@@@@@@@@@@@
ومن زغري انوحن ياهظيمه
ومكسورة الخاطر يتيمه
اليتم يكتل يبو الشيمه
جرحي كبر ماله شفيه
@@@@@@@@@@@
الدنيه من بعد عيناك جارت
بسناسلهه احس بالروح جارت
من حكهن عيوني عليك جارت
يتيمه وكمت بس افرك بديه
@@@@@@@@@@@
الخادم عبدالمعين الشمري
نعي
هليله زينب تبجي وتنوح
راس الصميده بسيف مجروح
متهدله الافلاك واللوح
وشدت انكاب اوياها الاكوان
#################
فكد الابو كلش حناها
ومابطلت لجله بجاها
وايتام تتصارخ وياها
وتصيح حيدر جرحه ماهان
#################
نصاب العرش بمصاب ابوحسين
والي اليتامه والمساكين
حكه الصخر ظل يبدي بونين
وينزف دمه وياه القران
#################
مكسور ضهر الدين مولاي
واهل العقل ماعدهه كل راي
وكل اليتامه اجت حفاي
يم باب بيتك عالي الشان
#################
طوس اللبن والدمع سالي
وننطي العمر لجلك يغالي
ظلينه بعدك غير والي
تشبعنه جنت وتبكه جوعان
#################
الحلم بعدك خفه بلحظه ولاتام
وجرحك ابد مايشفه ولاتام
تون من حكهه احبابك ولاتام
جنت خميه الهم وعون وتجيه
#################
الخادم عبدالمعين الشمري
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde