7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
لطميه للأمام الحسن العسكري عليه السلام
الدنيه أمغبره ... والشمس مكسوفه
وياهو العسكري أيسبلهن أچفوفه
❥━──➸➽❥💔❥━──➸➽❥💔
مكسوفه الشمس علحسن حزنانه
أبسامره أنچتل شلطبه عدوانه
أو بفراش الأجل ممدوده جثمانه
وميت بالغرب والهامه مكشوفه
❥━──➸➽❥💔❥━──➸➽❥💔
اليوم العسكري أمودع أبنياته
وفگدن گعدته أو فگدن حچاياته
أو شيطفي بعد نيران لوعاته
وعينه غمضت والوانه مخطوفه
❥━──➸➽❥💔❥━──➸➽❥💔
الدنيه موحشه شايل يبو الحجه
وصارت ضغبره أبسامره أو ضجه
ومات العسكري وأنفگدت البهجه
وأحزان الگلب بلگلب مصفوفه
❥━──➸➽❥💔❥━──➸➽❥💔
الحجه للگبر شاله عله أچتافه
أو بالتربان بيده وسده أو عافه
أخلافه مضلمه يا داره أخلافه
وبيهه المنتظر للدوم ميشوفه
❥━──➸➽❥💔❥━──➸➽❥💔
الحوزه أمقفله شايل يراعيهه
واليوم الحسن ما طب گعد بيهه
أو جاريهه تهل العين جاريهه
( أيون أعليه المهدي الليله )
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٣ من شهر ربيع الأول
الموافق / ٢٠٢٣/٩/١٩
قصيده مواساة مولاتي الزهراء باالحسن العسكري عليه السلام
تقرأ فزاعيه ومربعه
ــــــــــــــــــــــــــــــــــــــــــــــ ــــــــــــــ
المستهل 👇👇👇
الله يعين گلبج يم الحسيـــن
بالسم والقتل راحولج بنيــن
ــــــــــــــــــــــــــــــــــــــــــــــ ــــــــــــــ
وليــــافاجعه تونيــــن يوميه
وجاج امصاب ابو المهدي يعلويه
الله يــــصبرج راحو النشميه
ونتي حايـره والدمعه بالعيـن
ــــــــــــــــــــــــــــــــــــــــــــــ ــــــــــــــ
وناتـج لبـو محمد ثجيـلات
مو هين عليج الليله من مات
يـــالشفتي لوعات ومصيبات
نحس بـــونتج لمـن تونيــن
ــــــــــــــــــــــــــــــــــــــــــــــ ــــــــــــــ
آيـــــالعسكري يـالمات مسموم
شكد عاش بظليمه وراح مهموم
الزهره ناحته والحيــــل مهدوم
تعبـــانه ولـــــولادج تـــنوحين
ــــــــــــــــــــــــــــــــــــــــــــــ ــــــــــــــ
يـــا زهراء كلـــنه نحظر ويـاج
لبو المهدي عزانه اليوم اجيناج
لتظنيــن احبابــــج نسيــــناج
ونتي الفاگده هوايـــه عزيزين
ــــــــــــــــــــــــــــــــــــــــــــــ ــــــــــــــ
نحظر بالعزاء والعين همـــــاله
عل مسموم نبجي لذاب دلالـه
السم كاتله ومغيــــره أحوالـــه
والصرخاتنه نريدج تسمعيــــــن
ــــــــــــــــــــــــــــــــــــــــــــــ ــــــــــــ
بالقلم المتواضع لخادمه الحبيب الملا أم سيف الدين غير مبري الذمه من يحذف الاسم وينسب الكلام له اهدي ثواب هذه العمل الى مولاي صاحب الزمان عج
لطمية مربعة لسيدة الزهراء عليها السلام
==================
توجع ضربت البسمار يمة اشلون شلتيها
وزبنب فرفحت وتصيح امي وين الاكيها
===
اضلوعج صابها البسمار واني انعاب دلالي
اه يلباب خلة اجروح منهن دمعتي اتلالي
بيتج يوحش اعلية من بعدج صبح خالي
وناتج يبعد الروح يمة ليش تخفيها
===
الج بليل اجر ونة وعليج الروح ممرودة
واتمنى يلحبيبة زماني شخصج يعودة
العصر بدار من مريت توحش حيل مسدودة
وزينب ونت بحسرات والروح شبعد بيها
===
يمة الضيم سلة الروح مابيهة على الفركة
وجت وانزل خلوان تنعة ونتحب بحركة
اه يا دار امي اشلون اطبنهة بعد شلكة
وروحي تريد يم امي مدري بيش اسيلها
===
عندي عتاب وي امي خلتني اون وحدي
ماكالت ازغيرونة ييمة ودمعتي بخدي
اطب للبيت ما الكاج ييمة الخاطري ردي
دارح يم حسن وحسين بعد اشلون اطب ليها
===
يا دار الوالدة ضلمة وكسر الضلع يوجعها
ومانتحمل الغيبة ومانكدر نفاركة
مهضومة ام حسن وحسين وينعنها حبايبها
وزينب صارخة وتكول محتامة المحاجيهة
===
تمت بحمد الله تعالى بقلمي شاعرة وخادمة اهل البيت عليهم السلام ملا زينب الطويرجاوي ١ ١٠ ٢٣ ٠ ٢
لطمية عزائية وتنقرة مربعة لسيدة الزهراء عليها السلام
==================
يازهراء يايمة يازهراء يايمة
ازغار يمة وفركتج تاذينة
من بعد عينج صدك ذلينة
البيت خالي يمة ردي علينة
اشلون كلبج طاوعج عفتينة
يازهراء يايمة يازهراء يايمة
===
بيج هضمنة اليالي وطشرن لمتنة
ردي لاتبطين يمة انريدج بلمتنة
ما اضن يرجع وكتنة وماترد كعدتنة
رحتي غفلة يلحنينة واليتم موتنة
يا زهراء يايمة يازهراء يايمة
===
اه من حرت مصابج عذبت دلالي
من شفت ضلعج ييمة الموت يتروالي
اني ادري الفارك امة تضل دمعتة اتلالي
نار تجويني بدليلي غالي يفكد غالي
يازهراء يايمة يازهراء يايمة
===
التمن علية المصايب منهن انهد حيلي
عبكج ازغيرة وشسوي يمة كعدي احجيلي
من بعد فيج ييمة ياهو الي يفيلي
ليش عفتيني ييمة دمعتي تلوليلي
يازهراء يايمة يازهراء يايمة
===
يمة دمعات اليتيم تجوي خدمة وعينة
واني واخواني واخيتي الفركتج ونينة
يمة صار العصر ردي عدرب تانينة
حيل مهضومين والحزن جاوينة
يازهراء يايمة يازهراء يايمة
===
من يمرنة اليل ننعة البيت يوحش خالي
ازغار عفتينة ومشيتي الموت يمة اشوالي
من اصد للباب الضلع يتراولي
ابد ماحسبت موتج يمة ماهو ابالي
يازهراء يايمة يازهراء يايمة
===
تمت بحمد الله تعالى بقلمي شاعرة وخادمة أهل البيت عليهم السلام ملة زينب الطويرجاوي ٢٩ ١١ ٢٣ ٠
#من_ديوان_سيدات_العفاف_ج١
قصيدة للزهراء(كون الچ حضره)
❥━──➸➽❥❂❥━──➸➽❥❂
كون الچ حضره ونجي مشايه
نسوي يم الحسن ليچ قرايه
كون الچ حضره وصحن ... وشيعتچ تگعد تون
نسوي يم الحسن ليچ قرايه
❥━──➸➽❥❂❥━──➸➽❥❂
كون الچ شباچ يالزهرة وضريح
نگعد بنصه يمولاتي ونصيح
آه واويلاه يا أم الذبيح
كون وي طيحتچ كل احنه نطيح
آه من كسر الضلع ... منه كل شيعي انفجع
نگصدچ بنت النبي عنايه
كون الچ حضره ونجي مشايه
❥━──➸➽❥❂❥━──➸➽❥❂
كل رواية تمر نظل نبچي بحزن
وبضريح حسين كل مره نون
بس نريد نشوف صحن ام الحسن
وندري بالفردوس الچ مبني صحن
وبيه تصيح ام البنين ... نور عيني يا حسين
وزينب وياها تجي نعايه
كون الچ حضره ونجي مشايه
❥━──➸➽❥❂❥━──➸➽❥❂
كل موالي يصيح آيا فاطمة
شيعيتچ يم الحسن متألمة
مخفي گبرچ من عيون الظالمة
وانتي بت خير الرسل يا عالمة
يمته يا مهدي العصر ... بيدك تشيد الگبر
وترفع اعله الگبه انته الرايه
كون الچ حضره ونجي مشايه
❥━──➸➽❥❂❥━──➸➽❥❂
عجل دخيلك آيا مهدي العصر
شيعتك والله لظهورك تنتظر
بيدك تدلينه انته اعله الگبر
گلب كل شيعي احر من الجمر
انتي للشيعه أمان ... فاطمة ام الحنان
يلتجي ليچ اليحير برايه
كون الچ حضره ونجي مشايه
❥━──➸➽❥❂❥━──➸➽❥❂
زيارتچ يا ريت مثل الأربعين
نرفع الرايات ونعلي الونين
ونتجه ليچ بگلب كله حنين
شما نون اعليچ احنه مقصرين
يالبتول اناشدچ ... وبالدموع انعاهدچ
خدمتچ هي الأمل والغايه
كون الچ حضره ونجي مشايه
*بقلمخادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي
على مصاب الحسن دمعتنه سچابه
نواسي فاطمه والمهدي بمصابه
والآه...يالعسكري
ويلاه...يالعسكري
ابآهات وحزن ننصب عزيتنه
نون وانزيد لبن الهادي وَنَّتنه
والعُظمِ المُصيبه اتسيل دمعتنه
ونار اگلوبنه الهاليوم لهَّابه
والآه...يالعسكري
ويلاه...يالعسكري
تجي مَولاتنه الزهره او تضل اتحوم
صوب التعزيه وتجري الدموع ادموم
تنادي ابحسره واويلي على المسموم
ضاهدهه الجرح واتنوح لغيابه
والآه...يالعسكري
ويلاه...يالعسكري
جينه للعزاء وبلوعه نادينه
وبالدمعات هالليله تعنِّينه
نعزّي فاطمه وانعزّي مهدينه
خدام الحسن كل احنه واحبابه
والآه...يالعسكري
ويلاه...يالعسكري
تبقه اگلوبنه الهاليوم منكسره
تهيج احزانَّه اشما مَرَّت الذكره
وعلى حب الحسن تجمعنه سامره
وكل عاشگ گصد هذا العشگ جابه
والآه...يالعسكري
ويلاه...يالعسكري
رغم أنف اللعين القَرَّر ايسِمّه
يبقى العسكري بَوَّابة الرحمه
شمس والمايشوف الشمس هذا اعمه
ويضل بيت الأمان ونگصد اعتابه
والآه...يالعسكري
ويلاه...يالعسكري
سيد علي الموسوي
يمه يمه ،، ردنه چلمه ،، ويلي يمه
ماكو صوتچ ،، هذا موتچ ،، ويلي يمه
---------------------------------------
يا بيتنه الطافي بغيابچ
ما ينحمل يكتل مصابچ
نشتاگ ونشم بثيابچ
متانين يايمه اعله بابچ
هلبت تردين ،، يلعاميه العين ،، وين الحظن وين ،، يا ضيم گلب الفاگدينچ
خلصت حرامات ،، هاي النهايات ،، يمه الهوى مات ،، من غمضت يا يمه عينچ
اجه التابوت شالچ واحنه خلانه
رحتي وهلبقت بس شيله ويانه
يم چف الگبل بالعوز كفانه
طشرنه الوكت بس ياهو لمانه ؟؟
يمه يمه ،،، يا غيابچ ،، ويلي يمه
يا بختنه ،، يا سترنه ،، ويلي يمه
-------------------------------------------
تسوين يا يمه البواچي
يلطيبه يلطاريچ زاچي
ها يلتعدلين المحاچي
فوگ الگبر طاحت خواچي
طيحتي الضلوع ،، موتي الاسبوع ،، ما عدنه موضوع،، بس المگابر والنعاوي
ملتنه الگبور ،، خلينه البخور ،،
نتعنه ونزور ،، جيناچ نحتاج اليداوي
محتاجين چلمة يمه گوليهه
علينه اهل المگابر مو نبچيهه
اجينه بحضرتچ هالنومه عوفيهه
الرادت شوفتچ لا لا ترديهه
يمه يمه ،، يلحنينه ،، ويلي يمه
لا كلامچ ،، لا سلامچ ،، ويلي يمه
------------------------------------------
ربيتي حد ما سلهم الليل
ونام اعله چتفچ هوه والحيل
ها يا نعي بدار المچاتيل
شيخ وبعد من ديرته يشيل
موتچ نهبنه ،، وين المحنه ،،
بالدار ونه ،، آحاه يضيم المغربيه
لحظات الغروب ،، تخنگ بالگلوب ،، چندوب چندوب ،، نتشاهد احنه بكل مسيه
مايل يا وكت يا دنيا ما بينه
يمفرقه الشمل چا وين اهالينه
فگد الوالده الخرب معانينه
بس رسوم نمشي ودمعه ظلينه
يمه يمه ،، وينه وجهچ ،، ويلي يمه
هذا گبرچ ،، ما يردچ ،، ويلي يمه
-----------------------------------------
يا كون نمشي بفرد تابوت
وي أمنه ما نهواهه البيوت
هو العمر منريده منعوت
خلو الغريب ايصير زاتوت
وياهه وِنّام ،، وي ابيض الخام ،، بس هاي الاحلام ،، راحت بعد ما ترجعلنه
مو شده وتهون ،، يمطيحه المتون ،، يا چلمة شلون ،، نگضي العمر ومغربه أمنه
نطب للدار تخنگ موحشه وظلمه
الله ايعين كلمن ما يشوف أمه
ما يغفى بحظنهه الچانت تشمه
يا كسرة ظهر للطفل والزلمه
يمه يمه ،، شنهي خلصت ،، ويلي يمه
ردي لينه ،، مو بچينه ،، ويلي يمه
------------------------------------------
ظل المكان البيه تگعدين
صارت صلاه چا ما تصلين ؟
التربه العليهه شكثر تبچين
تسألنه عنچ وين ما وين ؟
اذن فگدناچ ،، كبر بچيناچ ،،
دخذينه وياچ ،، نشهد فراگچ ما نحمله
يا گعدة الزاد ،، راحت متنعاد ،، من عندچ ابعاد ،، يا موت صحنه انطينه مهله
خل نسمع حچيهه ونگعد وياهه
خل نوفي السهر والضيم ورباهه
خلصت وانتهت وتراب غطاهه
سواهه الدهر ويلاه سواهه
يمه يمه ،، يا غلاتچ ،، ويلي يمه
يا چفوفچ ،، ما نشوفچ ،، ويلي يمه
كلمات الخادم / رعد الفريجي
10 / ربيع الاول / 1446
ثوابها الى روح والدتي
*فزاعية لرجوع زينب(ع) الى المدينة*
*من ديوان 📚 عبرات وانين الجزء5*
❥━──➸➽❥❂❥━──➸➽❥❂
*خنواسي زينب ياخلگ*
*محد بگة من اخوانها*
❥━──➸➽❥❂❥━──➸➽❥❂
مالومة واتهل الدمع
والگلب منها منفجع
لاوالي وياها رجع
ذبحوها كل وليانها
❥━──➸➽❥❂❥━──➸➽❥❂
لارض المدينة الطاهرة
ردت حزينة وحايرة
الحسين گطعو منحرة
وظل نايم بميدانها
❥━──➸➽❥❂❥━──➸➽❥❂
وعباس راعي المرجلة
نومة على الشاطي حلة
عاف الكفيل العايلة
مهظومة عد عدوانها
❥━──➸➽❥❂❥━──➸➽❥❂
وهاليوم بت حيدر علي
ردت ومدمعها هلي
واتصيح خوية بوعلي
اختك دهرها خانها
❥━──➸➽❥❂❥━──➸➽❥❂
خوان ياوسفة الدهر
اذه العقيلة ام الخدر
بالاهل فجعاها وغدر
ظل الحزن عنوانها
❥━──➸➽❥❂❥━──➸➽❥❂
حزنانة للديران اجت
وابحسرة اهلها اتذكرت
لطمت على الراس وبچت
وحشة صفت ديرانها
❥━──➸➽❥❂❥━──➸➽❥❂
الدار وحشة اعليها
وظلمة وكدر غاطيها
وين الذي يعازيها
واعلى الغوالي عانها
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
*قصيدة للسيدة زينب(آيهل المحنه)*
#من_ديوان_عبرات_و_أنين_ج٥
❥━──➸➽❥❂❥━──➸➽❥❂
لسان حال مولاتنا زينب عليها السلام عندما رجعت إلى المدينه:
آ يهل المحنة … وسفة ارحلتوا عنة
*منكم خالية الدار // والگلب اشتعل نار*
نجر ونة على ونة … آه يهل المحنة
❥━──➸➽❥❂❥━──➸➽❥❂
وسفة يالغوالي رحتو من ادينة
خليتونة باحزان مابطل بچينة
عليكم ظلت الدار توحشنة وحزينة
*لوصدينة الها // ننشد وين اهلها*
فرگاكم هظمنة … آه يهل المحنة
❥━──➸➽❥❂❥━──➸➽❥❂
ديار اهل الحمية من طبينة الها
فجعتنة وعمتنة وحشة ابدون اهلها
وين ارحلوا عنچ بالحسرة نگلها
*البيهم چنتي تضوين // عافوچ ومشوا وين*
بالحسرة نشدنة … آه يهل المحنة
❥━──➸➽❥❂❥━──➸➽❥❂
وين الچانوا هنا يامحلة سمرهم
راحو مايردون ماكو خبر منهم
ظل عليهم اينوح گلبي رايد الهم
*ما بطل ونيني // بلكي اهلي تجيني*
مشتاگة السمرنة … اه يهل المحنة
❥━──➸➽❥❂❥━──➸➽❥❂
آ يفراگ الاحباب هدم مني الحيل
وهظماني وعماني والله وصاب الدليل
مانمت الليالي اون امساهرة الليل
*ما غمضت عيوني // عاللي فارگوني*
والدمع اهملنة … آه يهل المحنة
❥━──➸➽❥❂❥━──➸➽❥❂
لاعباس ولحسين راحو كل الاحباب
منة الموت اخذهم ناموا حدر التراب
نعتب عالجفونة لاميفيد العتاب
*منة الموت اخذهم // گطعنة الظنة منهم*
وظلينة بحزنة … آه يهل المحنة
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
قصيدة للرسول(ص)لسان حال مولاتي فاطمة(ع)
❥━──➸➽❥❂❥━──➸➽❥❂
*وسفه ماترجع بعد … گلبي اعليك انمرد*
بويه بويه بويه بويه
❥━──➸➽❥❂❥━──➸➽❥❂
بگلبي جمرة تستعر واهملها عيني
رحت ياوسفة يغالي وماتجيني
ليك احنن يالابو وزايد حنيني
*بدارك اگعدت وصحت… ليش يالغالي رحت*
بويه بويه بويه بويه
❥━──➸➽❥❂❥━──➸➽❥❂
بدارك اگعد ليلي ونهاري اون
اذكر ايام المضت ذيچ واحن
بوية بغيابك اعيش انة بحزن
*فرگتك اكبر جرح … چني طير ومنذبح*
بويه بويه بويه بويه
❥━──➸➽❥❂❥━──➸➽❥❂
فرگتك صعبة علية وعذبتني
ليش يالغالي رحت عني وعفتني
بدنية وحشة ليش انة تيهتني
*ادري عگبك انولي…وضلعي يكسرونة الي*
بويه بويه بويه بويه
❥━──➸➽❥❂❥━──➸➽❥❂
ادري ميرحموني والله اخلاف عيناك
من رحت عني يريت اخذيتني وياك
شلي ابعمري اعيشة انة بلياك
*اگضي باحزان العمر … والگلب يلهب جمر*
بويه بويه بويه بويه
❥━──➸➽❥❂❥━──➸➽❥❂
بعد شيردك علية ياضوة العين
وين مثلك الگة يابو گلب الحنين
بيك فجعاني يوالي وصابني البين
*بيك دلالي انفجع…والله مابطل الدمع*
بويه بويه بويه بويه
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
امير المؤمنين ع قبل توديع الزهراء ع
اذا مو انتي ما ردن بعد للدار
شجاوب لون زينب ناشدت عنج
انه ما روحن وباقي بمكاني احذاج
لو نرجع سوة لو موت انه يمج
يم الحسن معقولة احجي متسمعين
هذا اني علي خليني اسمعنج
مدري شلون روحي اطتني اهيل تراب
انه تمنيت اموت ولا ادفننج
ارجع رايدة ...! وشلون الاكي حسين
شكله الما ينام اله بوسط حضنج
اصبر روحي رايد ياله ارد للدار
علي مو الاولي وانكسر من فكدج
انه الخلتني حاير يمج ومحتار
ما دفن كبل يا فاطمه بعمرج
احضن كبرج امن يمر برد بليل
وخااف امن الهوه يا فاطمه يلجمج
انه تمنيت خدي انسطر مو خدج
وتمنيت الكسر بضلوعي مو ضلعج
وخفت لا اموت يمج كمت بس مكسور
وعفت روحي وحيدة ولايذه بسدج .
#احمد_النوري
بين علي و الزهراء عليهما السلام
مكسور خاطر... من المكابر..آ يا جروحي أو روحي ......
منج رجعت ودمعي ينزل
عكبج يفاطم انه شحمل
مكسور خاطر...
________
مدري ليش الدنيا باكت أمنياتي
والله ما تسوه بعد عكبج حياتي
انه ما انساج انتي بذكرياتي
يبقه جرحج ها يزهره الحد مماتي
ما انسه بابج. ...... وبجي لمصابج... يا جرح المصاب والباب
والفركه يم الحسن تكتل
عكبج يفاطم انه شحمل
مكسور خاطر
________
انه للدار ارجعت وبكلبي نار
صارو اكبالي وبجو كل الزغار
ما عرفت اشراح اسولف يا قرار
والله من بعدج يفاطم عقلي حار
يا روحي انتي ... فرحي ودمعتي.. محتاره الضنون. والعيون
والدمعه من أطفالي تختل
عكبج يفاطم انه شحمل
مكسور خاطر
________
كلبي ما يحمل بعد فركه وغياب
عندي كلش يختلف هذا المصاب
من بعد ضلعج يفاطم كلبي شاب
ابجي من أذكر النار اعله باب
اتمنه يمي .... يا روحي ومي.. وشكيلج الصار.والدار
وتمنه جسمج يمي يعدل
عكبج يفاطم انه شحمل
مكسور خاطر
________
سالت ادموعي وصفيت بلا عيون
كاعد اعله الباب ومتاني اليجون
آ يالسياط شتركتي اعله المتون
جرحي عكبج فاطمه ما ضن يهون
يا ريته بيه .. سوط المنيه .. تبجي العيون .للمتون
ليليه كلبي يون ولا چل
عكبج يفاطم انه شحمل
مكسور خاطر
________
صرت عكبج فاطمه مثل الغصن
محني ضهري ونازل بروحي الحزن
عكب وجهج انه اخلص اليل اون
قصّتي عكبج فاطمه ضلع ومتن
يم الحسين .. هم تردين .. دنيه مره . يزهره
بس انتي أمي وروحي والخل
عكبج يفاطم انه شحمل
مكسور خاطر
________
#خادم_الغريب
#السيد_احمد_النوري
يافاطمه انه علي يافاطمه انه علي
ــــــــــــــــــــــــــــــــــــــــــــــــــــــــــــــــــــــ
حركو كلبي الحــــــــــركو بابج
بضلوعي اتشب نـــــار اصوابج
يابعد اليعمن مــــــــــن دونج
الموت أهــــــــــون من اغيابج
المتعود يــــــــــوميه يشوفج
مايكدر لــــــــــو لحضه يعوفج
حيدر ميت نبــــــــــضه بفكدج
ويحيه مـــــن يلمسنه اجفوفج
من بعدج ماتت ضحكتي
من بعدج كبرت حسرتي
من بعدج عاشت دمعتي
يافاطمه انه علي يافاطمه انه علي
ــــــــــــــــــــــــــــــــــــــــــــــــــــــــــــــــــــــ
انه المـــــــحد يكـــــــــدر حيلي
وهسه ابني حسين يتــــــجيلي
بــــــــاوع حـــالي حسين ودنك
ويصـــــــبر بيه ويبــــــــــجيلي
كبالته وكتــــــــله انــــــــه بعبره
كسرو ضـــــــلع امـــــك بالعصره
جنت مـــــــــن ادخل بيتي ادنك
وتخــــــفي عليه آثــــــار السطره
انهد حيلي مـــــن باوعتها
انهد حيلي تبـــجي شفتها
انهد حيلي السطره لمتها
يافاطمه انه علي يافاطمه انه علي
ــــــــــــــــــــــــــــــــــــــــــــــــــــــــــــــــــــــ
نعشج مــــــن شلته عله امتوني
ماسكــــــــــتن يالزهرة عيوني
مايـــــــدرون اشــــــــصاير بيه
مـــــــــن ابجي الناس يلوموني
من كبرج حــــــــــد عتبة بيتي
بين شــــــــــيبي بنص الحيتي
وثكـــــلت روحي وميت حيلي
ونكــــــــــعت بالمدمع جفيتي
يازهراء مـــــحد يعوضج
يازهراء موش انه نبضج
يازهراء مـــــوتني بعدج
يافاطمه انه علي يافاطمه انه علي
ــــــــــــــــــــــــــــــــــــــــــــــــــــــــــــــــــــــ
انه الماصح طـــــــــب الصوابه
انه الميــــــــضم حـــــــزنه انكابه
انه الســـــــطرو خـــــــد ام بيته
وياحيف انـــــــه الدفـــــــعو بابه
صارت غصه بصدري من احجي
وكاعد وحـــــــدي بيتي وابجي
ماتت زهــــــــــرت روحي اليله
ياهو اليسمعني مـــن رد اشجي
ياروحي عيشي المصيبه
ياروحي بعد الحـــــبيبه
ياروحي صــرتي غريبه
يافاطمه انه علي يافاطمه انه علي
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
((يافاطمه))
مو عن غايه تدمع لجلچ عيوني
احبنــچ ولـــــو بالنار خلونـــــي
يافاطمه ...
"""""""""""""""""""""""""""""""""""'''''''''''
عشگتج مو طمع بالجنه مولاتي
بس حبچ كـــــبر وترعرع بذاتي
العشگ جمره
وألــف حسره
أسمچ مستحل مـولاتي صفناتي
ألــــــچ حتى المـــدامع تنزل بهيده
وگلبــي يصيح بسمـــچ هذا ترديده
عمــري ابــــلا نضرتچ والله ماريده
عبد لم الحسن ياناس سموني
احبنــچ ولــــــو بـالنار خلـوني
يافاطمه ...
"""""""""""""""""""""""""""""""""""'''''''''''
ابچي عليج مثل الفاگد عيونه
مثل الطاح وخــــوانه يعوفونه
يمـــــــر ليلي
ويگص حيلي
قــــارورةّ حزن اسمچ يشمونه
واشم النسمه منچ من اشم تربه
وآنـــه ابيتنه بس عـايش الغـربه
المايفهم دمعتك بالعشگ صعبه
وصل بيه الحزن يايمه لمتوني
احبنــــچ ولــــــو بالنار خلوني
يافاطمه ...
"""""""""""""""""""""""""""""""""""'''''''''''
الحسره عليچ أهل البيت يدروها
مثـل حــــال اليتيم وامه طردوها
الصبر بيه
جزه النيه
اخرس ونچــوه والصيحه نكروها
انه أتلوه عليچ وروحي مذروفه
مثــــل المـاينام وتاهت طيـوفه
أنه واحـــد يحب وضَيع حروفه
سواد عيوني انزفه لو يلوموني
احبنچ ولـــو بـالنار خــــــلوني
يافاطمه ...
"""""""""""""""""""""""""""""""""""'''''''''''
يلوموني واگلهم مـــــاتعرفوها
جمرةّ فاطمه بس لو تلمسوها
مــــد ايدك
ترى تريدك
هيه ام الخيم يل مــا تدركوها
اشيطن بالوجع ومدوهنه افكاري
الماداري شگـــــله ويفهم اسراري
الماحاضر لطـــم شيفهما بالعاري
آنه ابن العزاء الشيب جفوني
احبنــچ ولـــو بــالنار خـلوني
يافاطمه ...
احبج ياوعـــاء الزينب الحره
ابّعد بس اردلچ اشبه الاسره
البعد قاتل
جمر شايل
شما تكثر دمعتي تنولد فكره
المايحضر مجالس دمعته زغيره
اذا مـــو فاطمه هذا العمر حيره
هــــــيه الخير كله وللعمر خيره
ويامحله جمرها كون يچوني
احبنچ ولــــو بالنــــار خلوني
يافاطمه ...
عبد زينب
محمد الابراهيمي
هدت زلم ... تكسر ظلعها الليله
هدت زلم... دفعو الباب بحيله
يافاطمه ...يافاطمه
....
منهو السمع بيكم قبل ... اعله الحرمه وادم هدت
هدو عليها فاطمه ... وباب النبوه اندفعت
ويدفع الباب بقوته ... والزهره خلفه نعصرت
لا ما رحمها فاطمه...منها الظلوع انكسرت
من العصر ...الباب بس شيردها
من العصر...طك الظلع من عدها
....
من العصر طاحت تره ... وصعبه المره لو طاحت
وطيحتها ما بين الزلم ... والناس تشتم كامت
ما صاحت الحك ياعلي ... يافظه فاطم صاحت
وبسمار نابت بالكلب ... بس جسد ناحل عاشت
يجوي الكلب ..بسمار نابت بيها
يجوي الكلب...هاي أمنه ويلي عليها
....
كلهن عليها تجمعن ... حزن والم هالليه
قنفذ بسوطه من اجه ... ورم متنها بحيله
وحدها جانت فاطمه...منهو البعد تشكيله
صار ازرك بكثر الظرب... والدمع دم تسيله
بس فاطمه...وحدها جانت وسفه
بس فاطمه... هدو عليها كلفه
يافاطمه
....
محسن وكع وي الدمه ... بالعتبه فايض دمه
العمره ما صاير ورد...الما كال بعده يمه
هدو عليها المو بشر .. الما عدهم اصلا رحمه
عالعين طكاها النذل ..وزيد جرحها لجمه
ماكو رحم...عالعين طكها الحاقد
ماكو رحم...مافازعلها واحد
....
منهو السمع منهو النظر ...تنولي منه مريه
بيت الله بالنار احترك .. وجفوفها مجويه
علويه هيه فاطمه...تمشي صفت محنيه
يلجمها من تمشي الظلع...مجروحه حته الريه
مو اي مره...علويه هيه فاطمه
مو اي مره...قنديل تظوي بالسمه
....
منتظر صالح الكعبي
نعي مجرد إلى الأمام الحسن العسكري عليه السلام
==================
اليوم الحسن سمة مجيدة
يعالج والينة يشمر ايدة
والمهدي ضل ينحب بهيدة
===
يصد البوهة ودمعة سايل
ويكلة بوية وين شايل
ودمعة على الوجنات سايل
===
ماهود ويبجي بعبرة
ويكلة كلبي اشلون اصبرة
ونار الفراك اشلون وجرة
===
اليوم ابو صالح يون لجلة
اخلاف الابو يشوف المذلة
شلة بحياتة الفارك اهلة
===
يوم الابو عور دليلي
ومن فركتة مانمت ليلي
وعينة غفت ونهدم حيلي
===
افركنة كوة وهضمنة
وشايل يخيمتنة التلمنة
عفتنة يبوية ونهضمنة
===
شباب الحسن مسموم ويلاة
والزهرة الزجية اليوم تنعاة
اويلاة على المسموم اويلاه
===
تمت بحمد الله تعالى بقلمي شاعرة وخادمة أهل البيت عليهم السلام ملة زينب الطويرجاوي ٣ ١٠ ٢٢ ٠ ٢
لطمية فزاعية لسيدة الزهراء عليها السلام
===================
ورة الباب ونيتي ورة الباب
===
مصيوب ضلعج يم حسن
منا الدماية اتسايلن
من صحتي يايمة بحزن
بكسر الضلع حسيتي
===
نار الحزن تجويني
وفراكج ياذيني
ترحين وتخليني
من الوجع ناديتي
===
ناديتي زينب ناحلة
كلتي ودمعتج هاملة
وزينب تون ومحملة
بهمومها تجويتي
===
عفتي البرز يم الحسن
وحسين دمعاتة جرن
يبجي وعلى افراكج يون
بعيالج شسويتي
===
شلتي يويلي للكبر
بهموم خلصتي العمر
كلبي ييمة منفطر
وعلى البزر حنيني
===
من الضلوع معورة
والعين حمرة ومغبرة
من الاعادي مرمرة
بنار وتجويتي
===
بنار بابج محترك
وشلون يمة نفترك
ودلالي بهمومة غرك
وعلى السفر نويتي
===
تمت بحمد الله تعالى بقلمي شاعرة وخادمة اهل البيت عليهم السلام ملا زينب الطويرجاوي ٢٥ ١٢ ٢٢ ٠ ٢
قصيده للزهراء مهداة للحبايب
عليج اتلوك يم البيت هوسات
وانشيل البيارغ والعراضات
..............
عليج اتلوك لطمتنه ابعداليه
هاي امعدله بت النوينيه
ربتلي الولد ربتلي البنيه
رديله// البيت امكدر
..............
هاي امعربه ومعروف طاريها
بت اصل وفصل واسباع اهاليها
والهوسات والله لايكه اعليها
هاي ام المحنه لوذكرتيها
للزينه// اتلوك الهوسه
.............
خل انهوس ابهوسات حربيه
هوسات الحبايب كون جمعيه
هاي الشايله كلها وقاريه
ترجينه// المجلس ليها
.............
يازات اللطم للغاليه الليله
فراكج يالحنينه جود شيشيله
مابينه الهدم يالوالده انشيله
ضيعناه //وطولج يمه
..............
وين الكه الحنينه ومن تلاكيني
اودر للبجي يالغاليه عيني
يكتلني الهظم بعدج تعرفيني
شيشيله// افراك الشفجه
............
على شوفج ييمه الروح مشتاكه
حطيلي الوعد واشوكت نتلاكه
عليج اظلوعي حنت حنت الناكه
شلتيها //طبكه امن ظلوعي
.................
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات وبالاخص المرحومه صبيحه عويش ووالديني و ابني الشاب محمد علاء
قصيده للأمنا الزهراء عليها السلام
تقرأ مربعه/ وفزاعيه/ وتقرأ ثگيله
ــــــــــــــــــــــــــــــــــــــــــ ـــــــــــ
المستهل 👇👇
هاي امي الحنينه وشمعت البيت
عافتني بهظم بجفاها ظليـــــت
ــــــــــــــــــــــــــــــــــــــــــ ـــــــــــ
يشمعة بيتنه ويـاماي العيـون
عفتي ايتام بعدج دوم يبجون
واليفگد عزيزه بحالتــه شلـــون
وحيده خلاف عينج يمه وبجيت
ــــــــــــــــــــــــــــــــــــــــــ ـــــــــــ
يـــمه انطاج گلبــــج يتميتيـــــنه
حسافه يم حسن وشلون عفتينه
شگد صعبه الليــالي الفارگيتيــنه
حيــل الشوفتج يــــايمه حنيت
ــــــــــــــــــــــــــــــــــــــــــ ـــــــــــ
الـج ونات توجــع وسمعتـــها
ونات الضلــــع والله أعرفتهــا
شفت العين حمره وخافيتهـا
من يــوم الظلع والباب ونيت
ــــــــــــــــــــــــــــــــــــــــــ ـــــــــــ
يم البيـت اولادج وحيديــــن
ونات الحسن يسمعها الحسين
رحتي وغربيتي وماترجعيــــن
بعدج باليـتم والضيـــم حسيت
ــــــــــــــــــــــــــــــــــــــــــ ـــــــــــ
شلون ارتاح ياروحي بليــــــاج
حنينه الوالده ويكتل يفركـــاج
تعبانين حيل اليــــوم ردنــــاج
اريد اسمع دلالج تره اشتاگيت
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان عج
قصيدة للدنيه
رايحين هاي دنيه وكلنه باچر رايحين
راديـن للمگــــــابــــر كلنه والله رادين
رايحيـــــــــــن رايحيــــــــــن
💔💔😭💔
الدنيه ليش تحبهه گلي
وانتـه تــدري بيهه زين
تضحك الـدنيـــه علينه
واحنه ضنه مسيطرين
چذبه هاي الدنيه والله
وبيهه ضيعنــه السنين
ليش هـا مــــا حسبينه
بيــــوم احنــه راحلين
غافلين الدنيه حلوه نگول واحنه غافلين
مهاجرين مـانبــالي وگلنه يــوم مهاجرين
رايحيـــــــــــن رايحيـــــــــــن
💔💔😭💔
غــافليـــن ويــا حسافه
الدنيــه مـاگلنــه سراب
أبــــد لا مـــــا فكــرينه
بــاچــر حسـاب وكتاب
يلـي تخطي گلي باچر
لــــربك شعندك جواب
شكثر ذنــوب ومعاصي
وانتــــه تــاليك التراب
ضالين بــوسط حفــره ظلمه آه وضـالين
نايمين بــالتــراب وديــرة غــربه نايمين
رايحيــــــــــن. رايحيـــــــــن
💔💔😭💔
أعمالك بس التفيدك
مــن تنــــــام بمگبره
لا مـــــال لا قصـــور
مـاكــو شي ينفع تره
قبل ليفـــوت الأوان
الله روح استغفـــره
گله دخيـــلك إلالهي
منك أرجــو المعذره
نادمين كــون نستغفـــر الباري ونادمين
ضايعين نگله من دونــك يربي ضايعين
رايحيــــــــــن رايحيـــــــــــن
💔💔😭💔
بنـدم كـون إتقي ربك
تعرف الله شگد كريم
بصــادق النيه إگصده
تـدري بـالخالق رحيم
نــذنب ونـــرد نجيله
ياعظمته شگد عظيم
كافي يبنادم معاصي
دنيه تخلص ما تديم
حايرين ليش يوم الحشر نوگف حايرين
مذنبين شلون نحچي ويه ربنه ومذنبين
رايحيـــــــــــن رايحيــــــــــــن
💔💔😭💔
تمت والحمد لله
بقلمي المتواضع
✍ للشاعرة وخادمة الحُسين
رقية العامري
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
*قصيدة للزهراء(ع) من ديوان 📚 عبرات وانين الجزء 1(خاص بالزهراء ع)*
❥━──➸➽❥❂❥━──➸➽❥❂
باب ام الحسن ياناس وسفه بنار حرگوها
عصرو فاطمه بالباب منها العين سطروها
❥━──➸➽❥❂❥━──➸➽❥❂
ريحانه رسول الله هاي وزوجة الكرار
گوم الظالمه وسفه تحرگ بابها بالنار
ماهابو ابوها ولا خافو ربهم الجبار
بين الباب والحايط حيل الگوم عصروها
❥━──➸➽❥❂❥━──➸➽❥❂
حيل الزهره عصروها وكسروه الضلع منها
والمحسن سگط عالگاع وبحسره اجذبت ونها
ولاكفاهم الظلام ماراحو بعد عنها
عالعين الزچيه حيل هالظلام لطموها
❥━──➸➽❥❂❥━──➸➽❥❂
ظلت تهمل العينين والعبره باثر عبره
ماتگدر تجر انفاس اذاها الضلع كسره
بياحال ام حسن وبسوط ضربوها العده الكفره
مارحمو ابد بيها هواي الزهره عذبوها
❥━──➸➽❥❂❥━──➸➽❥❂
فوگ العصره والسطره وضلع اللي انكسر ياناس
سطرو عينها وبالسوط ضربوها العده الارجاس
مصاب ام الحسن هيهات مامثله ولا ينقاس
ياهي انسطرت اعله العين ياهي هيچ اذوها
❥━──➸➽❥❂❥━──➸➽❥❂
اذوها الزچيه اهواي مارحمو ابد بيها
خلوها تجر ونات دم الدمعه تجريها
ياريته الرسول يشوف بته شسادي عليها
من بعد غدت بالظيم هاي الگوم ظلموها
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
*القصيدة من ديوان مسير الفواطم لارض المظالم الجزء الرابع*
*قصيدة لرجوع السيدة زينب للمدينه(ضالات المن يالعيون)*
❥━──➸➽❥❂❥━──➸➽❥❂
ضالات المن يالعيون
من بعدهم اصبر شلون
اشلون اصبر من بعدهم ... والله هد حيلي فگدهم
مشو عني وما يرجعون
ضالات المن يالعيون
❥━──➸➽❥❂❥━──➸➽❥❂
ضالات المن عيوني عگب الاحباب
راحو و خلوها تبچي و تربي عالباب
بعد مايرجع عليه السكن بتراب
وانه عمري اگضيته اون ودمعي سچاب
مرمراني والله الفراگ ... روحي الهم حيل تشتاگ
تحن روحي لليموتون
ضالات المن يالعيون
❥━──➸➽❥❂❥━──➸➽❥❂
شگد تحن الروح للي فارگوني
ابچي مابطل ونيني من جفوني
هواي تانيت وبعد ماظن يجوني
يمكن اعزاز الگلب يمكن نسوني
الفارگ اعزازه شيصبره … يعيش بس مكسور ظهره
والدمع يجرح بالجفون
ضالات المن يالعيون
❥━──➸➽❥❂❥━──➸➽❥❂
الدمع يجرح جفوني وعذباني
گمت اصيحن اه منك يا زماني
بگيت وحدي بغربتي ومنك اعاني
المات مايرجع عليه اشلون اتاني
مااضن يرجع عليه ... وصارت انزوله خليه
بعد ما اضنهم يرجعون
ضالات المن يالعيون
❥━──➸➽❥❂❥━──➸➽❥❂
النزول امكدره وظلمه بجفاهم
شالو وضليت بس انحب وراهم
ريت انه الموت اخذني وما خذاهم
گلبي المهضوم مالحضه نساهم
اشلون ينساهم دليلي ... همه روحي وهمه حيلي
اعز من الروح تدرون
ضالات المن يالعيون
❥━──➸➽❥❂❥━──➸➽❥❂
اعزاز اعز من روحي واغله من الأنفاس
حزام ضهري والدليل ورفعت الراس
صحت وين احسين اخوي اوينه عباس
واحد اعله المشرعه والثاني انداس
العاشروني ودللوني ... فارگوني وضيعوني
ضايعه وما ضل الي عون
ضالات المن يالعيون
❥━──➸➽❥❂❥━──➸➽❥❂
*بقلم✍🏻 خادمة اهل البيت ع*
*الشاعرة مريم النور نسألكم الدعاء الفاتحة الى روح اختي ولأمواتكم:🍃*
*حديث ونعي رجوع السيدة زينب(ع) الى المدينة*
*من ديوان 📚 عبرات وانين في رثاء الطاهرين الجزء5*
❥━──➸➽❥❂❥━──➸➽❥❂
انا لله وانا إليه راجعون وسيعلم الذين ظلموا آل بيت محمد اي منقلب ينقلبون والعاقبة للمتقين أعوذ بالله من قلب لا يخشع ومن عين لا تدمع على مصابكم ما خاب والله من تمسك بكم وأمن من لجاء اليكم يل ليتنا كنا معكم سادتي فنفوز وآلله فوزا عظيما .
روي ان ال الرسول قد اقاموا الماتم عند قبر الحسين ثلاثة ايام،فلما كان اليوم الرابع توجهوا نحو المدينة.
وقال غيره: ثم امر علي بن الحسين(ع) بشد رحاله فشدوها، فصاحت سكينة بالنساء لتوديع قبر ابيها،فدرن حول القبر فحضنت سكينة قبر ابيها وبكت بكاءا شديدا وحنت وانت وانشأت تقول:
الا ياكربلا نودعك جسما
بلاكفن ولاغسل دفينا
الا ياكربلا نودعك روحا
لاحمد والوصي مع الامينا
وقال احد الاكابر قيل لعلي بن الحسين(ع) دع النساء تتزود من اهلها؟ فقال: ياقوم انكم لاترون ماارى، اني اخشى على عمتي زينب ان تموت، انها تقوم من قبر وتجلس عند قبر.
ولماقيل لزينب قومي قالت: الى اين؟ قالوا: الى المدينة، قالت: ومن ذا بقي لي في المدينة.
قال السيد ابن طاووس في اللهوف: ثم انفصل الال من كربلاء طالبين المدينة.
قال بشر بن حذلم: فلماقربنا منها نزل علي بن الحسين (ع) وضرب رحله وقرب فسطاطه وانزل نسائه وقال: يابشر رحم الله اباك لقد كان شاعرا فهل تقدر على شيء منه ؟ فقلت: بلى يبن رسول الله اني لشاعر فقال (ع) :ادخل المدينة وانع ابا عبد الله، قال بشر : فركبت فرسي وركضت حتى دخلت المدينة، فلما بلغت مسجد النبي (ص) رفعت صوتي بالبكاء، فانشدت اقول:
يااهل يثرب لامقام لكم بها
قتل الحسين فادمعي مدرار
الجسم منه بكربلاء مضرج
والراس منه على القناة يدار
قال: ثم قلت هذا علي بن الحسين (ع) مع عماته واخواته ، قد حلوا بساحتكم، ونزلوا بفنائكم،وانا رسوله اليكم، واعرفكم مكانه، قال: فمابقيت في المدينة مخدرة ولامحجبة، الا برزن من خدورهن ضاربات خدودهن، يدعون بالويل والثبور، فلم ار باكيا اكثر من ذلك اليوم، ولايوما امر على المسلمين منه.
ومن جملة من خرج من المخدرات زوجة امير المؤمنين (ع) ام البنين، خرجت وعلى كتفها طفل العباس (ع) حتى دنت من بشر، فاخذت تسأله عن الحسين، وهو يجيبها عن اولادها الاربعة، وهو يقول لها: عظم الله لك الاجر بولدك جعفر، قالت: اخبرني عن ولدي الحسين، قال: عظم الله لك الاجر بولدك عبد الله، قالت: اخبرني عن ولدي الحسين ، قال: عظم الله لك الاجر بولدك عثمان، قالت: يابني اخبرني عن ولدي الحسين، قال: عظم الله لك الاجر بولدك ابي الفضل العباس، فلماسمعت بذكر ابي الفضل العباس وضعت يدها على قلبها ثم قالت: يبن حذلم لقد قطعت نياط قلبي اخبرتني بقتل اولادي الاربعة ولكن يا ابن حذلم اعلم ان اولادي وجميع من تحت السماء فداء لابي عبد الله الحسين، ياابن حذلم اخبرني عن الحسين. عند ذلك قال: ياام البنين عظم الله لك الاجر بالحسين فلقد خلفناه بارض كربلاء جثة بلا راس ،فصاحت واولداه واحسيناه، وسقطت الى الارض مغشيا عليها، فلما افاقت قالت: ياابن حذلم لقد قطعت نياط قلبي، اخبرني عن ولدي الحسين .
*نعي محاورة بين مولاتنا ام البنين(ع) وبشر بن حذلم*
❥━──➸➽❥❂❥━──➸➽❥❂
تراني مانشدتك عن بنيني
عن حسين گلي ونور عيني
وين الغالي طول مايجيني
❥━──➸➽❥❂❥━──➸➽❥❂
فدوة اتروحلة الويلاد الاربع
بس كون العزيز اعلية يرجع
بغيابة بقة گلبي امصدع
❥━──➸➽❥❂❥━──➸➽❥❂
اشتاگيت للغالي ارد اشوفة
طالت غيبتة شنهي ظروفة
وگلبي عليه ازداد خوفة
❥━──➸➽❥❂❥━──➸➽❥❂
ابنچ گطعو العدوان نحرة
والخيل اسحگت يالحرة صدرة
وظل دمة عالتربان يجرة
❥━──➸➽❥❂❥━──➸➽❥❂
ذبحوه العدة والراس شالوه
وياوسفه فوگ ارماح رفعوه
وزينب حالها الظلام عذبوه
❥━──➸➽❥❂❥━──➸➽❥❂
عالويلاد ماجورة وعلى حسين
ميردون الچ اخذاهم البين
عگبهم بالحزن وحدچ تظلين
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
قالوا لسلمان عليه السلام، أخبرنا عن حال امير المؤمنين بعد شهادة الزهراء عليهم السلام.
فقال لهم .....
من ذاك اليوم كلما جّيلة
مو وسط البيت ساهر ليلة
مرافگ للبير ويشكيلة
علي علي علي .... علي علي علي
》》》》》》》》》》》》》》》》
شحچي وشرد اسولف والحچي هواي
من حسراته ما ضل بير بي ماي
أسمع (بالصدى) ياهو البقةّ وياي
طحت مثل النسر مكسوره جنحاي
واسمع(يمةّ)ويا أم بيتي
يا گمرة ليلي وعافيتي
من ذاك البير ويحچيلة
علي علي علي .... علي علي علي
》》》》》》》》》》》》》》》》
عن الحچي مريم صامت بحين
رزقها الباري عيسى للحوارين
بفگد فاطمة حيدر صايم سنين
ليلية...دمع،، وشواگ،، وونيّنن
سالفتة الباب ونيرانة
شينومه الكثرة أحزانة
عايش لكن منهد حيلة
علي علي علي .... علي علي علي
》》》》》》》》》》》》》》》》》
مثل نگاط حبّ دمعاتة عالگاع
سفينة بنص بحر مكسورة الشراع
علي تغير تره من ذاك الوداع
امنهد ما حرگ بيته بالسلف ذاع
شنهي الينفع لو فزعتلة
الوادم والراح ما يرجعلة
أيضّل ملچوم ودمعة يسيلة
علي علي علي .... علي علي علي
》》》》》》》》》》》》》》》》
مشيتة تغيرت والهوه يخنگه
تنزل دمعته بس بيها حرگه
شني المحتاج گتلة وگال (ملگه)
مثلها وين يا سلمان الگه
يفرك چفه يحاچي بروحة
بس لا من راحت،،مجروحة
يمشي وجدّمة،، گوة يشيلة
علي علي علي .... علي علي علي
》》》》》》》》》》》》》》》》
چنت ما عرف شنهي اليفگد أنسان
شفتها أبيت حيدر بيت الآحزان
گمت ما طيقهن وكره البيبان
لمن لاح فاطم منّه نيران
من طاح الباب ،،فوگ أم زينب
من عصروها،،، وگامت تنحب
والباب (جذّوع) ويلي ثگيلة
علي علي علي .... علي علي علي
》》》》》》》》》》》》》》》》
#العبد_احمد_النوري
حينما كسرو ضلع الزهراء ع بكى الحسين ع على ضلعها المكسور وخدها المسطور !
ولكن الزهراء استذكرت الطف وقالت لهُ ،،،،،،،،،،،،،،
دمعي .. دمعي ألما ينزل نزلته
نوحي... نوحي الما يطلع طلعته
من شفتك تبجي اعليه
او باجر انت بلا ريه
دمعي ألما ينزل نزلته
______
هين يمه جرحي... جرحك انت أصعب
ناري بداري تسعر... نارك بيه تلهب
باجر يا سلوتي... هدمك يمه يسلب
باجر حته كطره... ما ضن يبني تشرب
حاير .... حاير بس الله يعينك
باجر .... باجر تنصاب بعينك
ينحز نحرك ضهريه
او باجر انت بلا ريه
_______
يا اغله الحبايب ... يا روحي البديه
لا تحزن ييمه .... لا تبجي عليه
انه جروحي سهله ... واتحملها بيه
بس انت المصيبه .... شهكاتك منيه
روحك ... روحك تتمنه الغيمه
نوحك.... نوحك يوصل للخميه
يوصل يم العلويه
او باجر انت بلا ريه
_______
باجر يمه صعبه .... وهواي المصايب
غربه او بالصحاري.... تمشيلك حبايب
ما تسلم خيمكم..... وتموت الكرايب
وعيالك ييمه.... مسكنهم خرايب
خيمه.... خيمه اتمنوا منزلهم
هيمه..... هيمه الصارت مسكنهم
يتمنونك ليليه
او باجر انت بلا ريه
_______
يا شمعه حياتي .... لا تحزن عله أمك
حيدر يمي لكن ..... باجر ياهو يمك
گرب يمه نحرك ...... خليني اشمك
باجر لو توذر...... ياهو يلمه جسمك
يمك ....... يمك ياهو يضل باجر
جسمك .... جسمك لو داسه الحافر
اتمنه اجروحك بيه
او باجر انت بلا ريه
_______
حيدر يمي يمه .... يدفني بجفوفه
باجر ياهو جسمك ....من ينزف يروفه
ربعك يمه بيهم .... واحد لا تعوفه
كافل زينب اسمه ... أهواهن حروفه
مايه.... مايه الباجر يوصله
رايه.... رايه التوكع ودكله
ياهو يحامي المسبيه
او باجر انت بلا ريه
_______
#_سيد_احمد_النوري
((ثآر الزهره))
ثآر الزهره بچفــــك لايگ يا أول يا تالي
يـــاعنوان الله وقـــانونه يالحـبك يبرالي
بسمك كل دستور أمشرع يامولاي الغالي
لو ماانته الدنيا حچايه يالمهدي ويالوالي
بحبك شدينه
حزام ونادينه
ها يـامـهدينه
متحضرين بحــــبك عالموعد تلگانه
منطين حچايه
نصعــد رمــايه
يا اجمل غـايه
اجمل غايه بجيشك مرسانه ومنوانه
ابد ابد .. مـــانتــرك الدرب
ابد ابد .. عالسهله والصعب
ابد ابد .. جوه الارض نطب
يامهدي ...
"""""""""""""""""""""""""""""""""""'''''''''''
باچر عمك يسند ضهرك اگطع نسل الزمره
عمك كافل كل صولاتك اطلب ثآر الزهره
اصلبهم يالمهدي بچفك علگهم عالشجره
والعباس بصفك واگف نضره وياك بنضره
عباس الكافل
يرجع ويقــاتل
ويــرد العــايل
عمك قائد جيشك والحومه بچفينه
البيرز للحومه
عابس وبيومه
ويطر هـدومه
كل واحد من ربعك مجنونك مهدينه
عشگ عشگ .. يــــالمهدي بالذبح
عشگ عشگ .. يـامحــــله عالرمح
عشگ عشگ .. شمس الله ياصبح
يامهدي ...
"""""""""""""""""""""""""""""""""""'''''''''''
يالمهدي ومن هاي اللحضه ابصملك يالقائد
ما اترك ساتر خيمتكم كل مجلس متواجد
ولو سدو باب أحسينيتك بالباب وهم گاعد
مو زاهد بس حبك يكتل صرت بحبك زاهد
نسيــــني ايــــامي
وتفكيـر اوهــــامي
وصير انته احلامي
وزود دمعي الزينب والخيمه المحروگه
خـــليني بحــيره
ومن ديره الديره
ومجــدي الغيره
وگلبي الــــرايد غيره من چفك لعروگه
دمع دمع .. ارزقــني دمعتي
دمع دمع .. من عيني هيبتي
دمع دمع .. يالمهدي حسرتي
يامهدي ...
"""""""""""""""""""""""""""""""""""'''''''''''
من گبةّ ذيچ ذيچ المحتاره للضامن مشيني
ما املك بس أملك حبك يالشاهد بسنيني
وكل ماضيع بهاي الدنيا هوه انته أدليني
خليني اسكن يم الكافل يالمهدي وخليني
مني وحررني
لا لا تهجــرني
بقربك سكني
كون اسكن يم جدك ياخدمةّ زواره
يــاعطر اليــمه
ويـــاروح العمه
عيشني بخدمه
لايذ وبسد عمك بســـــواره وانواره
عجل عجل .. يـاربي الطلعته
عجل عجل .. يـاربي الشيعته
عجل عجل .. وارزقنه شوفته
يامهدي ...
عبد زينب
محمد الابراهيمي
شيطان من شبّ الحطب على باب أم الحسن
شيطان من شبّ الحطب على باب أم الحسن
__
هجمت أباليس السقيفة العادية
وين الزنيم ابن الرجس والباغية
أهل الحقد ذوله الجبت والطاغية
ليش التقيه ويه الكفر ملاعين طول الزمن
شيطان من شبّ الحطب على باب أم الحسن
__
نلعنهم بلا توريه وبلا خَجَل
الزمره الخبيثة الغادره واهل الجهَل
الباگوا خلافة حيدره وصاحوا هُبَل
انقلبوا عالاعقاب اووضح يعبدون ذاك الوثَن
شيطان من شبّ الحطب على باب أم الحسن
__
گال النبي والكل تسمعه وتعلَمه
يغضب الباري اعله اللي يغضب فاطمة
بس ما رعوا حقها العصابة المجرمة
جمعو حطب كسرو ضلع شياطين أهل الفتن
شيطان من شبّ الحطب على باب أم الحسن
__
هذا الأمر واقع يجب أن نعلنه
نقسم بالاديان وأرض مكة ومِنه
ما يضرب الزهراء بس ابن الزِنه
شلّت يمينه وباللضى ولاعاش راحه عسَن
شيطان من شبّ الحطب على باب أم الحسن
__
عليه العزيز المقتدر الله غضَب
ومن دفتر الرحمة الألهية انشطَب
وتبّت يداه الجمّعت ذاك الحطَب
عليه لعنة الله وبسَقَر أو الويل حاجز وطَن
شيطان من شبّ الحطب على باب أم الحسن
__
جاب الحطب يم الزچية وجمّعه
يمكن ظلمنه ابليس ساويناه مَعه
لكنّه مو طاهر حليبه ومرضعة
ذاك الرخيص اللي اشترى النيران والجنّه ثمَن
شيطان من شبّ الحطب على باب أم الحسن
__
علي صابر السراي
نسألكم الدعاء
الليالي الفاطمية
شهادة فاطمة الزهراء (ع)
قصيدة (( ياضالم ))
لسان حال الحوراء زينب (ع)
ـــــــــــــــــــــــــــــــــــــــــــــــــــــــــــــــ
صاحت ليش تدفعني
خلف الباب تعصرني
البسـمــار صـوبنــي
يا ضالم
🕸🕸🕸🕸🕸🕸🕸🕸🕸🕸🕸🕸
چنت يمهه خلـف الباب اساعدهـه
من دفعوهه وانطبگت على خدهه
ردت احميهه عـن البـاب اباعـدهه
لچن چانـت ثگيلـه هواي شيردهه
ثگـل البـاب حيرني
وحرگ الدار شيبني
فعلك هـاذ يتمـنـي
يا ضالم
🕸🕸🕸🕸🕸🕸🕸🕸🕸🕸🕸🕸
شفت قنفذ رفع سوطه ويشتمهه
شفت بسمار احمر صار من دمهه
على الغبره هوه المحسن يكلمهه
علي وينه لچن ماچان علي يمهه
عشت الموت والحيره
بنـص النار چـن طيره
خمس سنين وصغيره
يا ضالم
🕸🕸🕸🕸🕸🕸🕸🕸🕸🕸🕸🕸
مثـل گلبـي ضلــع أمـي الـِتكسر
عشت آهات يـوم الباب والمنظر
شفتهه تريـد بـس اتگوم ماتگدر
صدرهه انعاب عالانفاس تتحسر
راح الصوت والبسمه
مــا ضـل دار لا لَمــه
ضل الصوت والكلمه
يا ضالم
🕸🕸🕸🕸🕸🕸🕸🕸🕸🕸🕸🕸
بُقــت ايـام نهـار وليـل تتـألـم
تريد اتگـوم تريد اتنـام تتلچم
صـار الماي مثل اجبـال تتهدم
بين اضلوع ام حسين المخذم
گـام المـاي يتكسـر
چن فَـخـار يتطشـر
من ترميه لون احمر
يا ضالم
🕸🕸🕸🕸🕸🕸🕸🕸🕸🕸🕸🕸
حتى الموت سمعته بيوم حاچاهه
اخذهه وراح و انه اتمنيت وياهـه
بگبرهه كـون اضلـن فـوگ يمناهـه
انــام ارتــاح ولا لچمـات فـرگاهـه
هـذا الصـار بـالزهـره
ام الكــون و العتـــره
خدهه انعاب بلسطره
يا ضالم
🕸🕸🕸🕸🕸🕸🕸🕸🕸🕸🕸🕸
حيـدر العمـار الخزعلـي
🕸🕸🕸🕸🕸🕸🕸🕸🕸🕸🕸🕸
❇️ قصائد استشهاد #سيدة_نساء_العالمين مولاتنا #فاطمة #الزهراء عليها السلام
يا كافل ثار الزهره
ضلع امك تدري بكسره
------------
يل صُبحك غابت شمسه
شما دهرك جار ويقسه
تتذكّرهه و ما تنسه
وما تخمد ذيچ الجمره
-------------
انت التدري بقصّتهه
ابگلبك عاشت لوعتهه
تصحه بصدرك حسرتهه
وبجفنك تُغفه الجمره
-------------
نيران الباب الشبت
ما بين حشاك التهبت
وكل دمعه امن امّك صبت
تعلن بجروحك ثوره
-----------
بجروحك ينهض سيفك
يل ما تسكت عن حيفك
المحسن ما فارگ طيفك
وبضلعك ذيچ العصره
------------
حزنك عاش بأفكارك
تسعر ما تخمد نارك
انهض واشهِر بتارك
وغيظَك عل باطل فَجره
------------
عل باطل فجّر غيظك
واروي الآمال بفيضك
ما تحتاج لتحريضك
انت بثاراتك أدره
------------
عقيل الكاظمي