7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
يا مظلوم يبن الزهره...... يامسموم يبن الزهره
.............................
ياحزن سابع محرم ياألم سابع صفر
يردف النه بنايباته شعنده ويانه الدهر
بالحزن خلص عمرنه شو شهر يتبع شهر
بالأحزان خلص عمره..... يامظلوم يبن الزهره
.........................
تنذكر كل عام مره شلون تقبل شيعتك
واجب بكل يوم ذكرك بيه نقره مصيبتك
شلون شالوها الجنازه والسهام الصابتك
مثل حسين صابوا صدره..... يامظلوم يبن الزهره
................................
بالحرب كنت إنت أول ما تأخرت بحرب
وراية الكرار بيدك تكلب الحومه كلب
شما نعدد من صفاتك تمتلي والله الكتب
جبدك صار أول ثوره..... يامظلوم يبن الزهره
..........................
تنظرب بسهام طاغي وتنمنع من الدفن
مادروا جدك محمد هوه لمصابك يون
مثل ما ظلموا الزهره وكالو اعليها وإن
رد وعاد هاي الغدره.... يامظلوم يبن الزهره
..............................
والهظيمه البيها احنه مانزورك كل سنه
ولا مواكب غاد نبني شيعتك متمحنه
لا كبر مبني ونزوره ولا ضريح اللي انبنه
ولا رادود يمك يقره .... يامظلوم يبن الزهره
..........................
يا ابو صالح نندبك كل صباح وكل مسه
ليش ماكو كبر الها سيدة كل النسه
الفاطمه هي وابنها هل ضريح تأسسه
انريد اليوم منك نظره ...... يامظلوم يبن الزهره
خادم الحسين
عبدالكاظم الجابري
ابوذيه للحسن عليه السلام
ــــــــــــــــــــــــــــــــــــــــــ ـــــــــــ
روحي اليوم تفارك حسنها
حياتي نرسمت بشخصك حسنها
الدنيه اليوم حزنانه لحسنها
راح يروح وتزيد الرزيه
, ــــــــــــــــــــــــــــــــــــــــــ ـــــــــــ
معـــي طور مجاريد للحسن عليه السلام
لسان حال مولاتي زينب وهي تتمنى حظور امها الزهراء عليها السلام بوفاة الحسن
كأني بها تقول
👇👇👇👇
يمه يم حسن مري علينه
الليله سممو ابنج يالحنينه
والسم ظاهده ويدير عينه
ــــــــــــــــــــــــــــــــــــــــــ
بلارحم سمو الهيبه
وذا راح منعدنه شيجيبه
لحگي وليدج يالحبيبه
ــــــــــــــــــــــــــــــــــــــــــ
يمه تعبانه ومهدوم حيلي
اونن يالزجيه ومانمت ليلي
خال الولد كاسر دليلي
ــــــــــــــــــــــــــــــــــــــــــ
رغم سمه الحسن مشغول بيه
يگول زينب لاتبجي عليه
هاي العزيـــزه الهاشميه
ــــــــــــــــــــــــــــــــــــــــــ
خايف عليه وناسي روحه
وناتي لمزيده جروحه
خال الولد ياليسوه كلشي
ــــــــــــــــــــــــــــــــــــــــــ
يمه شستعد ليامصيبه
والراح منعندي شيجيبه
صعبه ليفارك حبيبه
ــــــــــــــــــــــــــــــــــــــــــ
اون للحسن ونات ونات
يروح الحيل ويا اذا مات
گلبي استعد لهواي طعنات
ــــــــــــــــــــــــــــــــــــــــــ
راح يروح أجبير اخوتي
گبل هاليوم انه تمنيت موتي
زادت عليه بفراگه بلوتي
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان عج
قصيده مربعه
لمولاي كريم اهل البيت الحسن المجتبى عليه السلام
ــــــــــــــــــــــــــــــــــــــــــ ـــــــــــ
المستهل 👇👇👇
سدووها المظايف كثرو الونين
شال معدل الميله وحجي الزين
ــــــــــــــــــــــــــــــــــــــــــ ـــــــــــ
سدوها المظايف شيلو الدله
هل ديوان بعد الزين مايحله
والمايل حجيهم هوا ليعدله
ابو محمد كفو منك ونعمين
ــــــــــــــــــــــــــــــــــــــــــ ـــــــــــ
كريم وبالكرم معروف عنوانه
وبجفه السخيه فتح ديوانه
كلمن گاصده والروح وجعانه
يسمع طلبتك ويقرلك العين
ــــــــــــــــــــــــــــــــــــــــــ ـــــــــــ
بيته اليوم خالي وموحش خلافه
حزنانه الطوايف والسلف عافه
وكل الساده تبجي فگدت أوصافه
بـفگد المجتبى متــگدر الديــــن
ــــــــــــــــــــــــــــــــــــــــــ ـــــــــــ
يبو جف الكريــــمه والسخـــيه
يـــبن الطاهره الزهره الزجيــه
يــــالكلك حميـــــه هاشميــــــه
نسل المصطفى وابن المــيامين
ــــــــــــــــــــــــــــــــــــــــــ ـــــــــــ
يبو محمد وين الماعرف شانك
ونته من الزغر معروف عنوانك
وي حيدر علي مشهود ميدانك
تشهدلك ساحات وميــــاديـــــن
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان عج
#الحسن ع
على لحن ضلع واحد ياعلي وهد حيلك
چا اضلوع احسين شتسويلك
اليوم هم تبچين يامهضومه
تگول بوليدي الحسن ملچومه
..................................
اليوم هم تبچين گولي اشصاير
وين ذوله الكاسريلچ خاطر
اليوم گلبچ عالمدلل طاير
اتگول چبد المجتبى مسمومة
............................
اتگول بوليدي الرجس بچاني
وبيش يطلبني النذل عاداني
ياصبي العين مالك ثاني
اليوم روح امك ردم مردومه
..........................
گوم لمك يالولد حاچيها
عالوجع يمه الحسن دليها
هاي شفجه وياهو اليلاگيها
اليوم عد راسك تون مهمومه
...............................
گلها حطي ايدچ ييمه اعله الولم
وخاف عوز امك قهر لو عوز هم
شيل يحسين الطشت متروس دم
شلون بالزهره وتشوف ادمومه
..........................
صيح زينب خل تگعدك بيدها
راح حيلك اه يخال اوليدها
فرگتك يبن امي لا ماريدها
ليش من اهلي صرت محرومة
........................
ام علي رضا الشريفي الحسيني
رحم الله من يقرأ الفاتحة لروح والدي
خضير بن زوينه
هذا الحسن ـ شيخ الكرم
بس دلتــه ـ تضاهي الهرم
هذا الحسن هذا الحسن
ـ
هذا الحسن من ينذكر طاريه
اجــلالاً ادنـكـلـه الـعـزوبـيـه
ودلاله حاشه بيوم ما مجـفـيه
ولو تنجفي تميل الكره الارضيه
يــا هـاونــه ـ كل ما يدگ
اهل الشرك ـ بي تنسحگ
هذا الحسن هذا الحسن
ـ
يل للكرم سويت صـيـت وسـمـعـه
ونلكه البخت بمِضِيفِك امن نضيعه
تتلكه ضيفك ركض مـثـل الـفـزعـه
وقــانــون العزوبيه انــتــا مـشـرعـه
عـنـدك كـرم ـ ما ينوصف
وعندك بخت ـ بي ينغرف
هذا الحسن هذا الحسن
ـ
ضيفك وحي امن الزغر بيه تهلي
يبن الذي يعـزب وهـوه يـصـلـي
غيره منو محبسه مـنـطـي كـلـي
كد ما كريم وياي شايل حـمـلـي
وهذا الشبل ـ مــن الاسـد
بكلبي نصب ـ خيمه و وتد
هذا الحسن هذا الحسن
ـ
يل علمت عباس من عـنـادك
وانطيت كل الناس من مرادك
محشي بدراهم يل تقدم زادك
ولجل ابو اليمه عزبت بـاولادك
يل قاسمك ـ وجه الشمس
عـزبـتـه بهدوم ـ الـعــرس
هذا الحسن هذا الحسن
ـ
ما فرغ بيتك يـوم مـن الـخـطـار
خيرك الواصل دوم حد لسابع جار
ويعزب بـحـيـلـه ابو الراس الحار
حاتم الطائي كبال صيتك محتار
من موگدگ ـ غارت صَقر
نــارك تــره ـ تـسـر النضر
هذا الحسن هذا الحسن
ـ
عندك كرم وهواي بي جم عبِره
ما ترضه الك مولاي نرفع حضره
وتكول زحمه شلون من الزهره
ولهسه كلبك بي صواب العصره
يا لوعتي ـ ويا لوعتك
اللهَ يساعد ـ حالتك
هذا الحسن هذا الحسن
محمود محمد العطواني
خُويَه لَا تِبْچِي لْمُصَابِي وْطِيحِتِي
مْصِيبِتَكْ أَصْعَبْ تَرَه مْنِ مْصِيبِتِي
يَا أَبُو الْيِمَّه لْأَشُوفَه بْدِنْيِتِي
گْبَالْ يُومَكْ هَيِّنِ شْگَدْ مَا جَرَى
-----------------------
خُويَه چَبْدِي يِنْمُرِدْ وِيْصَوْبَه سَمْ
مُو مِثِلْ چَبْدَكْ يِطَيْحُونَه بْسَهَمْ
مِنْ الْمُثَلَّثْ گَلْبَكِ يْذَوْبَه الْأَلَمْ
وْمِنْ ظَهَرْ مُهْرَكْ تِطِيحِ عْلَه الثَّرَى
-----------------------
رُوحِي تِطْلَعْ وِانْتَه يَمِّي بْعَبْرِتَكْ
لَاچِنِ انْتَه مِنْ يِجِيكِ بْمُوتِتَكْ
مِنْ گُفَه يْگِطْعُوهَه خُويَه رُگْبِتَكْ
مَاكُو مِثْلِ مْصِيبِتَكْ بِينِ الْوَرَى
-----------------------
جْنَازِتِي يِرْمُوهَه عِدْوَانِي بْنَبْلِ
وِانْتَه بِسْهَامِ الْأَعَادِي تِنْچِتِلْ
وِالسَّهَمْ هَمْ يِذْبَحِ گْبَالَكْ طِفِلْ
وِالدِّمَه تِطْفَحْ نَهَرْ مِنْ مَنْحَرَه
-----------------------
بَاچِرِ يْمِنْعُونِي يَمْ جَدِّي أَطُبْ
لَاچِنِ تْدِفْنُونِي يَا نَبْضِ الْگَلُبْ
وِانْتَه عَارِي بْلَا دَفِنْ فُوگِ التُّرُبْ
تُبْگَه يَا وَسْفَه ثَلَاثَاً بِالْعَرَى
-----------------------
بِيدَكِ تْخَلِّينِي خُويَه بِالْگَبُرْ
وِعْلَه كِيفَكْ تِبْچِي مَا تِسْمَعْ زَجُرْ
لَاچِنِ عْيَالَكْ يِعِتْ بٍيهَه الشِّمُرْ
بْسُوطَه يِضْرُبْهَه لَوَنْ نَاحَتْ تَرَه
-----------------------
#الحسن_المجتبى
#صفر_١٤٤٦هج
الشاعر حسن خنافرالعاملي
الامام الحسن عليه السلام
فگد الحسن محتاره خلاهه
هذا الوداع هوايه بچاهه
زينب تصب دمعتها
تودع چبير إخوتها
**
واگفه زينب حزينه.......اليله يفجعها الزمن
اليله محنتها چبيره...محنت اوداع الحسن
سابع صفر بيه شافت اهموم
تعاين چبير البيت مسموم
تبچي وگلبها اعله الاخو يحوم
من البچي ما بطلت ساعه
هوه العزيز ايموت اوداعه
دنياهه مارحمتها...تودع چبير إخوتها
***
يلفظ أنفاسه الأخيرة........وكلها يمه گاعده
حسين فوگ الخد دمعته..والعقيله تشاهده
كسر الاخو يترك علامه
يخليك ليلك ما تنامه
يشبه كسر جنح الحمامه
اليله الكريم يروح من يمها
من هسه طاحت اول اخيمها
قصت حزن قصتها....تودع چبير إخوتها
**
عاينت تشيع أخوها....هذا موقف موسهل
يابشر ميت سمعتو.....نعشه يرمونه بنبل
ماشايفه يوم من الايام
وسط النعش يرمونه بسهام
معذوره لو لطمت على الهام
هاي الجنازه الي يحملوها
من كل كتر بسهام يرموها
سهام الغدر صابتها... تودع چبير اخوتها
**
كسرت الخاطر عليها...بت محمد واضحه
راح اخوها الي توده... كل صباح اتصابحه
باالبيت ضلت زينب تلوب
وعلى المشو شيصبر الگلوب
تلتم صورهم وكت الغروب
والذكريات هواي تاذيها
تعاين الداره وهوه مو بيها
ما تنحمل وحشتها....تودع چبير إخوتها
**
دارت الدنيا عليها.... وچم مصاب الشافته
هاالسنه عا الناگه هيه.....راح تحي ذكرته
عدها بعد ماضلت احباب
ذيچ الصور غطاهه التراب
صارت غريبه بديرة اغراب
فوگ العواسل روس ولياهه
تالي الدهر للشام وداهه
رحلت الم رحلتها....تودع چبير إخوتها
سعد العبودي
واحسناه~ وامسموماه
الجفيري♪
نعش الحسن مرمي بسهم
هذا الإمام الّي انظلم
واچفانه منِّ اجروحه دم
واويلي عا مصاب الحسن
ابيا ذنب نعشه ينرمه
ولاجله تنوحن فاطمه
والصيحة توصل للسمه
واويلي بالغربه اندفن
مات الحسن ابن البتول
ودفنه انمنع جنب الرسول
واتشيّع بمدمع همول
وزينب على مصابه تون
خادمة آل محمد✍🏻
بين الحسن بين حسين
زينب تهل دمع العين
ليلة مصاب المسموم ... من الشام اجت هذا اليوم
ـــــــــــ
بسابع صفر عافت كَبرهه الحرّه
واتعنّت الكَبر الحسن بالعبره
عين التصد مهدوم كلّش كَبره
ولحسين عين اشتاكَت وللحضره
ضمّت متنهه الدامي
عن الحسن والضامي
الكل منهم اصبح مظلوم ... من الشام اجت هذا اليوم
ـــــــــــ
جابت رقيه وياهه واتهل دمعه
يم الحسن مهظومه تشعل شمعه
عالقاسم ابنه ام الخدر ضل تنعه
رادت تروح الكربله وتودعه
اخذت ترب من كَبره
ومرّت ابمهه الزهره
وذكرت ضلع ضل مهشوم ... من الشام اجت هذا اليوم
ـــــــــــ
تمشي وتون والعين تربي المسموم
وضلّت على كَبره المهج ويلي تحوم
رادت تروح اتزور كَبر المظلوم
حسين الي من ماي العذب ضل محروم
اخذت رقيه اوياهه
تدري الابو راداهه
جي ما اجت ذرك اليوم ... من الشام اجت هذا اليوم
ـــــــــــ
طول الدرب محنتهه ما تنساهه
تسولف رقيه اعله السبي ويّاهه
نوكَ الهزل منّا شفت ممشاهه
بالكوفه حيدر عيلته اتلكَاهه
لو ما علي الحارس جان
ام الخدر جا تنهان
صح شفنه بالكوفه هموم ... من الشام اجت هذا اليوم
ـــــــــــ
ليش اعتنينه الكربله يا عمه
وعمّي الحسن هاليوم اصبح سمّه
عمّه لبوج الخلك تمشي بهمه
وبأربعينه تنادي يا بو اليمّه
خل نمشي وي الزوار
رد الضعن ضل تذكار
عليه المحب ضل مفطوم ... من الشام اجت هذا اليوم
ـــــــــــ
الشاعر محمد حسن ضيغم
المجلس (( 15 ))
بمناسبة الإمام الحسن المجتبى عليه السلام
من وزن الموشح ( المربع)
ـــــــــــــــــــــــ
عالحسن زينب ركَد كل حيلهه
كَعدت اكَباله الدموع اتسيلهه
ــــــــــــــــــ
تشوفه يتألم اخوهه بمحنته
يلوج والسم حيل مرّد جبدته
تجري دمعه وهوه يهمل دمعته
الهل سبب ماغفت لحضه بليلهه
ـــــــــــــــــــ
دخلت وشافت احسين ابصف اخوه
ودمعه لجل الحسن جن دمعه علبوه
علي بالمحراب طايح من لكَوه
روحه اخوي حسين كَوّه ايشيلهه
عيونه صدّن لخته ويهملن دمع
مو عيون اتكَول من ذابن شمع
ياغصن كَلبي مريدك تنكَطع
حسين مو عنّي عليك احجيلهه
ــــــــــــــــــــ
مصيبتي سهله وتهون بهل امر
صعبه طف النايبه من ينذكر
بعينج تشوفي اخيّج منّحر
وآل اميه بصدره تسحكَ خيلهه
ــــــــــــــــ
وانتي عالناكَه تروحي ميسّره
وعالنهر مطروح سبع الكَنطره
تحمل مصابج يزينب يا مره
مصيبتج حتى العرش يبجيلهه
ــــــــــــــــــ
الشاعر محمد حسن ضيغم
/channel/kasaedalatharDaygham
بـاجـر يـرد بـيـنـه الـزمـن
ونـزوه كـبـرك يـالـحـسـن
»»»»»»»»»»»»»»»»»»»»»»»»»»»»»»»
1️⃣
تـره اشـواك الـكلب كلش جبـيره
لحسن كبرك اشوفه بعيني حيره
شوكت مـشايه نطلـع ديره ديـره
واجي لحد الـكبر وأشـتم عبـيره
~~~
مـن تـطـفى نيـران الفتن
ونـزوه كـبـرك يـالـحـسـن
»»»»»»»»»»»»»»»»»»»»»»»»
2️⃣
اجيك ابدمعه ما تطفى وحـراره
واشــوف الـكـبه ويـاهـا الـمـناره
ضريحك ملـجى الناس الحـياره
الكلب بمصابك يـعيش انكـساره
~~~
وبمصيبتك كلبي امـتحن
ونـزوه كـبـرك يـالـحـسـن
»»»»»»»»»»»»»»»»»»»»»»»»
3️⃣
اخذني الشوك لأحضان المـدينه
وأريـد اقراله بدمـوعي الحـزينه
الحـسن مـن الـكبر نسمع ونينـه
شـوكت مـشايه نكـصد بأربعينه
~~~
وننصب عزائك بالصـحن
ونـزوه كـبـرك يـالـحـسـن
»»»»»»»»»»»»»»»»»»»»»»»»
4️⃣
مصيبه وعالجـفن عافت علامه
الحسن كضه العمر كله بظلامه
الجبد مسمـوم ما عرفوا مقامه
قرينا جروح من نعشه وسهامه
~~~
والغـربـه صـارتـلك وطـن
ونـزوه كـبـرك يـالـحـسـن
»»»»»»»»»»»»»»»»»»»»»»»»
5️⃣
اذا جـف الظـلام يطـفي شمـعه
اذا صلح الحسن سـويته بـدعه
تره رايـك نرفضـه وما نسـمـعه
حقن دم الشريعه وحامه ربعـه
~~~
ما مـات وبـروحي ندفـن
ونـزوه كـبـرك يـالـحـسـن
»»»»»»»»»»»»»»»»»»»»»»»»
5️⃣
يجينا المهدي شايل سيف بيده
تـره كبـرك ذهـب بـاجـر يـعيده
بضريحك تنقري لقصه لجديده
تـره الـمـا راد دربـك مـا يـريـده
~~~
لـو ردنــا جــنـات الـعـدن
ونـزوه كـبـرك يـالـحـسـن
»»»»»»»»»»»»»»»»»»»»»»»»»»»»»»»
الشاعر محمد خشان ✍️.
»»»»»»»»»»»»»»»»»»»»»»»»»»»»»»»
چفوها ادلاله(شهادة الحسن)
عباس مالك العفريت
آه حسين خويه حسين
دليني أعله كبرك وين
أجيتك والدمــع بالعين
آه يحسين يا خويه
........................................
أمن الشام يحسين يبن أمي أجيتك
أتمنيت لــــــــو جان واكف لكيتك
أشلونك وشصار من فاركيتك
أجيتك خويه من الشام أمشي أهلال محنيه
يمكن لـــــــو شفتني تكول زينب هاي موهيه
خويه الشام آه الشام لــــــــو تدري شعمل بيه
من غرب ضعنه وشال
بلا والــــــي ولا جمًال
مجتوفه وتجرهـا أحبال
آه يحسين يا خويه
.............................................
بيا حال ضليت من روعونــــــي
بـــــــــلا راس عفتك لمن سبوني
شالوك دفنوك من يسرونــــــــــي
عفتك من رحت يحسين ذاري وعالرمل جسمك
لا بيه وأشيلك كون لا بيه وأجـــــــــــــــي يمك
ولا سالم وأدفنك جان ولا واحد يجـــــــي أيلمك
راسك من مشيت أوياي
جبته ومــــا جبتلك ماي
طول الدرب جان أفياي
آه يحسين يا خويه
........................................................
من وين أبدي قصة يسرنـــــــــــه
حفاي للشام يبن أمــــــــــي رحنه
الما جان عالبال بالخربه نمنـــــــه
أبنياتك يماي العيــــــــــــــن نامن عالترب كلهن
ألا البيها روحك جان تغرب كـــــــــل مسه منهن
أدورها بثناية الليـــــــــــــل وأرد الغبشه أحسبهن
شما ضاعت أحشم الناس
وأعكد رايــــــــة العباس
أجي وألكاها فوك الراس
آه يحسين يا خويه
....................................................
أمن السوك للسوك يبن أمي يحسين
بحجار للناس صرنـــــــــــه نياشين
ميته مـــن كــــــون ولاطب دِواوين
طبينه ويخويه الناس تشتمنه وتسب بينــــــه
وتتكاطف علينه أحجارمن كل صوب رامينه
صابوا جبهتك يحسين ومـــــا واحد فزع لينه
وأباب الساعه تاليهــا
دف وأطبول أهاليهــا
شجاها الناس وأشبيها
آه يحسين يا خويه
......................................................
ونيت ناديت وأصفك بديـــــــه
عالراح بالراح كوم الحك عليه
أمن أيدي يحسين ضاعت رقيه
دخلنه للقصر خويه وراسك بالطشت جابه
وكله عالجسد وينه كله أمسلبه أثيابـــــــــه
ونيت وصحت يحسين آه يحسين وأمصابه
ورقيه ركضت أتشمك
وكعدت تمسح أبدمـــك
لحد كطع النفس يمـــك
آه يحسين يا خويه
................................................
خادم خدمة الحسين
الشاعر
محمد الموالي
يادمعة العين ماظن يعودون
محمد النوري
▪️في استشهاد الإمام المجتبى عليه السلام
إِنْ جفَّ دمعي للزَّكيِّ المجتبى
لا عِشْتُ بَعْدَ اليَوْمِ يوماً طيّبا
غُصْنٌ تفرّعَ منْ أَرومةِ أحمدٍ
كأَبيهِ كانَ لفَرْقدِ العليا أبــا
أللهُ فصَّلَ منْ لدُنْهُ ثوْبَهُ
وكساهُ أنوارَ القداسةِ والعَبا
ما بَيْنَ جنبيْهِ السّـــــــماءُ تنزّلتْ
وبه الجلالُ إلى الجليلِ تقرّبا
لَمْ يمشِ فَوْقَ الأَرْضِ إلا رحمةً
بالأرضِ..سارَ على التُرابِ فأعْشبَا
شلَّتْ يدا حَرْبٍ سقَتْهُ جحودَها
فَقَضَى كأَحْمدَ بالسُّمومِ مُعذَّبا
سُمٌّ إذا لفحَ الجمادَ هواؤُهُ
لأسالَ أحشاءَ الجمادِ وذوّبا
لمّا سرَى في جسمِ سبطِ مُحمَّدٍ
منْ ذلكَ الغيْبِ العظيمِ تعجّبا!!
لولا القضاءُ لصارَ بَيْنَ عروقِهِ
زَبَداً وما أدمى حشاهُ وألْهبا
أفديهِ يَقْذفُ يا بنفْسِيَ كبْدَهُ
والطشتُ يرمقُ منْ بعيدٍ زينبا
ناحتْ ففطَّرتِ القلوبَ بِشجْوِها
ترنــوه فــي آلامهِ مُتــقلِّبا
لأظُنُّه كأبيهِ نادى سائلاً
أينَ الكفيلُ؟ فجاءَهُ مُتوثِّبا
أُوصيكَ بالحوراءِ خيراً يا أخي
ذي دُرَّةُ الأشرافِ سيِّدةُ الخِبا
حُجِبتْ بِنَا عنْ أَنْ يُشَاهَدَ ظِلُّها
فإذا رحلْنا كلُّنا لَنْ تُحْجَبا
سيسوقُها شمرٌ، ويضربُ متْنَها
زَجْرٌ، ويشتمها ابْنُ سعدٍ في السِّبا
كوفانُ تُهديها إلى شاماتِهِمْ
حتَّى تَرى فيها المصابَ الأصعبا
هندٌ تنامُ على الحريرِ بعِزَّةٍ
ولِزَينبٍ خدٌّ ينامُ مُترَّبا
في خرْبةٍ تُمسي ورأْسُ حسيْنِها
أمَرَ اللعينُ ببابِهِ أَنْ يُصْلَبا
الشاعر علي عسيلي العاملي
#الإمام_المجتبى
#اللهم_عجل_لوليك_الفرج
المجلس (( 16 ))
بمناسبة الإمام الحسن المجتبى عليه السلام
من وزن التجليبه ( المربع)
ــــــــــــــــــــــــــــــ
يبو محمد ابنوحي ودمعي عاتبتك
يبعد اختك تريد اتروح عن اختك
ـــــــــــــــــــ
اختك وانت تدري بأختك شبيهه
متعلمه عليك وانت تدريهه
شلون بلا اخو انت تخلّيهه
تخلّيني اونن لا على بختك
ــــــــــــــــــ
يلتصبّح عليّه شما يطري فجري
يخويه وأعز من روحي وبعد عمري
خلافك بيّه اموتن انت مو تدري
هنا يل اسمي ابد لا ماترك شفتك
ياخويه الاخت تنظرهه اخوهه اتحب
وبليّاه نار بنص دليلي اتشب
شكّد صعبه الاخو عن اختهه ايغرّب
حنضل يومي خويه البيه ما شفتك
ــــــــــــــــ
يبو محمد انه زينب صعب حالي
تروح شلون وانت من الزينبك غالي
لا لتروح ها يا نبض دلالي
بهذا الحال تتلوّع فلا ردّتك
ـــــــــــــــــــــــ
يكَلهه دمعتج خلّيهه للعاشر
سهله اليوم والاصعب صدكَ باجر
لو شفتي علخيّج يسحكَ الحافر
وتنادي حسين خويه الحكَ البنتك
ــــــــــــــ
الشاعر محمد حسن ضيغم
قصيده فزاعيه رباط هوسه للحسن عليه السلام
ــــــــــــــــــــــــــــــــــــــــــ ـــــــــــ
المستهل 👇👇👇
وهاي اعمامتك/ ضلت يوالينه
يبو محمد بعد ماترجع علينه
ــــــــــــــــــــــــــــــــــــــــــ ـــــــــــ
وسفه شلـون شايل يانظر عيني
يـــبو جف السخيه لا تخليني
صعبه اخلاف عينك تخلص سنيني
(اختك ياخوها /ابقى وياها)
ــــــــــــــــــــــــــــــــــــــــــ ـــــــــــ
احنه اليوم مكسورين ياخونه
يمجانك عوض من راح ابـونه
خطارك اجو خـويه يــشدونه
(نشدونه /عنك خطارك)
ــــــــــــــــــــــــــــــــــــــــــ ـــــــــــ
هذه حسين محني ظهره عليك
والسم ماخذك يبن امي ماذيك
كـــون بروحي اظمنك وخليك
(ترد روحي/ من تبقي وياي)
ــــــــــــــــــــــــــــــــــــــــــ ـــــــــــ
السم ظاهدك ومتعبك حيـــل
انظر حالتك والمدمع يســـيل
على مصابك يخونه نصيح ياويل
(لو راح عضيدي /ياويلي)
ــــــــــــــــــــــــــــــــــــــــــ ـــــــــــ
رايح هاي هيه ها يبو محمد
ها يجبير اخوتي فدوه لاتبعد
بعد لجروح اخيتك ياهو ليضمد
(من تروح راح /تزيد الجروح)
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان عج
قصيدة فزاعيه مع هوسه للحسن ع
-------------------------------------------------------
لبو محمد حزنانه الدواوين
يا باب الكرم يبن الميامين
يا باب الكرم يبن اليضيفون
عليك اليوم محزن صبح الكون
و خطارك عليك اتهل الاعيون
وعليك اينوح هذا ويبجي الحسين
( ينعالك .. حسين ابن امك )
يبجي حسين متخوصر لخيه
و اجت زينب تون و اتصيح هيه
شايل يا ضمدنه ابدون جيه
ما نرهم بدونك يا ضوه العين
( فلاها .. العشره اويانه )
فلت عشرتك يا خال الاولاد
يوم هدم حيلي و فت الافاد
احا يايوم اخونه لا مينراد
مثلك ما يصح يالگلبك احنين
( ويانه .. و انريدك هيبه )
يا هيبة اخوتك يابو الزود
عليك النوح يحله يبن الاحيود
ميعود الزمان اوياك ميعود
بعد شيعودها ايامك و الاسنين
( شيعوده .. ياوكتك خويه )
-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
نعي للحسن المجتبى مع حديث
من ديوان #مواجع_الطف_الجزء_الثاني
المصيبة:
خرج الحسن عليه السلام إلى المدينة، ولم يزل معاوية يعمل الحيلة في قتله، حتّى دسّ السّمّ إلى جعدة بنت الأشعث زوجة الحسن، وقال لها: اسقيه، فإذا مات زوّجتك ابني يزيد، فلمّا سقته السّمّ جاءت الملعونة إلى معاوية، فقالت: زوّجني يزيد. فقال: اذهبي فإنّ امرأة لا تصلح للحسن بن عليّ، لا تصلح لابني يزيد
وعن ابن بابويه، بإسناده عن جنادة بن أبي أميّة، قال: دخلت على الحسن بن عليّ بن أبي طالب عليه السلام في مرضه الّذي توفّي فيه، فالتفت إليّ، فقال: والله، إنّه لعهدٌ عهده
إليّ رسول الله صلى الله عليه وآله وسلم، إنّ هذا الأمر يملكه اثنا عشر إماماً من ولد عليّ عليه السلام وفاطمة، ما منّا إلّا مسموم أو مقتول, ثمّ رُفعت الطّشت واتّكىء، قال: ثمّ انقطع نفسه, واصفرّ لونه, حتّى خشيت عليه، ودخل الحسين عليه السلام والأسود بن أبي الأسود، فانكبّ عليه حتّى قبّل رأسه وبين عينيه، فقال له الحسين عليه السلام: ما لي أرى لونك مائلاً إلى الخضرة؟ فبكى الحسن عليه السلام، وقال: يا أخي لقد صحّ حديث جدّي فيَّ وفيك: "أمّا خضرة قصر الحسن، فإنّه يموت بالسّمّ، ويخضرّ لونه عند موته، وأمّا حمرة قصر الحسين، فإنّه يقتل ويحمرّ وجهه بالدّم". فعند ذلك بكيا، وضجّ الحاضرون بالبكاء والنّحيب
وبينما هو يكلّمه، إذ تنخّع الدّم، فدعا بطشت, فحمل من بين يديه مملوّاً ممّا خرج من جوفه من الدّم، فقال عليه السلام: أجل دسَّ إليّ هذا الطّاغية من سقاني سمّاً، فقد وقع على كبدي8 فهو يخرج قطعاً كما ترى. قيل له: أفلا تتداوى؟
وهكذا أخذ السّمّ في بدن الحسن عليه السلام مأخذاً كبيراً، وكان رأسه في حجر الحسين عليه السلام، وهو يقذف بين الحين والآخر أحشاءه في الطّشت قطعة قطعة. بينما هما كذلك، وإذا بالحنين والأنين خلف الباب، وإذا بالعقيلة زينب، وباقي الهاشميّات، جئن لعيادة الحسن عليه السلام، فالتفت إمامنا الحسن إلى أخيه الحسين، وقال: "أخي، أبا عبد الله، نحِّ هذا الطّشت عنّي، لئلّا تراه أختنا زينب".
•───✧◐◐✧───•
يحسين شيل الطشت عني
خواتك يخويه يشوفني
شكلهن بعد لو ناشدني
•───✧◐◐✧───•
شحچي وشكول لحالتي هاي
مسموم والسم كطع حشاي
وياهن شلون يصير ملكاي
•───✧◐◐✧───•
يحسين وانت اعلم بحالي
انا مودع الدنيا والغوالي
المكتوب ومقدر جرالي
•───✧◐◐✧───•
يجاوبه الحسين….
يبو محمد يخويه مودع الله
رايح بعد خلصت العشره
والفاكد اخيي انكسر ظهره
•───✧◐◐✧───•
ظهري بروحتك خويه كسرته
وچبدك بالطشت من يوم شفته
ذاك الموادع ماحملته
•───✧◐◐✧───•
ففتح عليه السلام الباب، بعدما أخفى الطّشت، فدخلت زينب عليها السلام صارخة: "وا أخاه، واحسناه".
أنا لا أدري أيّ الطّشتين أعظم على قلب زينب عليها السلام؟! هذا الطّشت الّذي رأت فيه أحشاء أخيها الحسن عليه السلام أم ذلك الطّشت الّذي رأت فيه رأس أخيها الحسين!
لا شكّ أنّ الطّشت الثّاني أشدّ أثراً، لأنّها عندما رأت الطّشت الأوّل، كان أهل بيتها إلى جانبها، بينما عندما
رأت الطّشت الثّاني، لم يكن معها من حماتها حميّ، ولا من ولاتها وليّ، بل كان الأطفال حولها، اليتامى، الأرامل، والأفجع من هذا، أنّ يزيد (لعنه الله)، كان بيده عود خيزران، يضرب به شفتي أبي عبد الله الحسين! لمّا رأت عليها السلام هذا المنظر، صاحت: "وا أخاه وا حسيناه، يا بن مكّة ومنى، ويا بن زمزم والصّفا! أخي، أهكذا يصنع برأسك بعد القتل، يا حبيب رسول الله؟!"، فبكى الحاضرون لندبتها.
•───✧◐◐✧───•
ماكو مثل كسرت الخوان
عليهم اون والكلب حزنان
والحيل عكب اخواني ركدان
•───✧◐◐✧───•
يكتل يومهم مابيه حيله
عزيزين والغيبه طويله
يخوان روحي امست نحيله
•───✧◐◐✧───•
عجزان من الظيم كلبي
من يومهم ماشوف دربي
هم العليه اشكي لربي
•───✧◐◐✧───•
اون للحسن لو اون للحسين
من اذكر اسمهم تدمع العين
صبحو بالمكبره منومين
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
ياسبط طه الامين .. وا معز المؤمنين
يابن لطهار .. يابن لطهار
@@@
آية الله وروح طه وگلب امه فاطمه
وباب الله والوسيله وضنه حماي الحمه
ليش جعده بنت لشعث ليه چبده اتسممه
وابأمر طاغي زمانه گلب طه اتألمه
…
وبالسمه نوح اونين .. وا معز المؤمنين
يابن لطهار .. يابن لطهار
@@@
هاللي چفه كلها جود وغطت ابخير البشر
واللي علمه وحي لله ومنزل لسيد البشر
واللي من وجهه الخليقه نوجدت ابر وبحر
وشعجب صايم فطوره منه دلاله انفطر
…
وهو حبل الله المتين .. وا معز المؤمنين
يابن لطهار .. يابن لطهار
@@@
ضاگ بالدنيه مراره وعاش غصه اعله الغصص
و بالهضيمه گضه عمره التعجز اتوصفه القصص
الزاد عز اهل الهدايه وبيه عزهم ما نقص
لسمه كل طاغوت رايد يغتم بيه الفرص
…
وعالهضم تمشي السنين .. وا معز المؤمنين
يابن لطهار .. يابن لطهار
@@@
واجه ابعمره المآسي وضاگها ابضيم ومحن
والى حد اليوم شبر ملتضي ابنار الفتن
شاف جده يلوج بالسم تالي ضلع ام الحسن
وطبرة الكرار جرح ابمهجته طول الزمن
…
هامه وضلوع وجنين .. وا معز المؤمنين
يابن لطهار .. يابن لطهار
@@@
ومن تولى ابناس صعبه خالفة حكم الامام
واجبروه ابصلح حتى تالي طعنوه ابحسام
وسلبوا فسطاطه وادم شانت اعليه الكلام
ومكتفوا حتى ابمماته نعشه طگوه ابسهام
…
آه عالفخذ الطعين .. وا معز المؤمنين
يابن لطهار .. يابن لطهار
@@@
عاش بالدنيه مراره اتخلي گلبه ينفتت
والامر مو بيده حتى انگول منه منفلت
السم قاسي كالاسيد الجوف منه ينسحت
و گطع چبده من سُعاله تارس بالدم بالطشت
…
بالطشت چبده تبين .. وا معز المؤمنين
يابن لطهار .. يابن لطهار
@@@
الى هذا اليوم باقي منظلم سيد الشباب
وابد ماچنه امام ابحالته وعدل الكتاب
هذا گبره ابلا ضريح ولا مقام ولا قباب
واليزوره من بعيد ابلا شواهد عالتراب
…
والضريح امهدمين .. وا معز المؤمنين
يابن لطهار .. يابن لطهار
@@@
علي أحمد الحمود
١١-٨-٢٠٢٤
شهادة المجتبى ع
يا لحسن منعوفك الليلة أحنه ضيوفك
***
يبو محمـــد أحنه شيعـــــــــة وعالعهد وفّايه
بهل مسه كلنه أعـتـنـيـنه وأنت صرت الغايه
مــجــلـــــس الـلـيـــلة نصبنه وللأجر شرّايه
ولجلك أحنه مــــن حضرنه يـــــا دليل وآيه
يا لكريمة جفوفك الليلة أحنه ضيوفك
**
أنت ربّـــــان الــســفــيــنــــة وأنت أول قائد
مـــــن بعـــــد حامي ألحميه المؤتمن والخالد
نـلـتـزم دربــــك وسرنــــه وأبــد لا منباعد
وكلكم أنتوا روح وحــــده وكل علمكم واحد
بنور كل حروفك الليلة أحنه ضيوفك
*
أرواحنه نفديها لجلك يـــــــــــا لحسن منبالي
ونفدي كـــــل اللي نملكه وكـــل ثمين وغالي
نحيي ذكـــــراك الأليمة رغم كـــــــل عذالي
ورغـــــم أنف الناصبية تـبـقـــــه أنت الوالي
ونـنـتـمي لصفوفك الليلة أحنه ضيوفك
***
مــثـــل مـخــدمــنـــــه أخيّك أحنه هم خدّامك
والشــعـيـــرة تــبــقـــــه وحده بيومه وبأيامك
والمصيبة مصيبه وحـــــده وصوّبتنه سهامك
وكل مـوالي الليلة أمسه سيدي مــــــن أيتامك
وسفه هاي ظروفك الليلة أحنه ضيوفك
****
شلون نــنــســـاكم وننسه كل مصيبه عليكم
والجليل بكتبه كلهـــا نصّـــــــــه نازل بيكم
والمودة راد جـــدّك أجره مـــــــــن باريكم
نوالي إلكــــــم أحنه صرنه نعادي ليعاديكم
رسينه يم جروفك الليلة أحنه ضيوفك
**
انجمعت الشيعة بألمها اليوم تحيي مصابك
وتلعن بجعـــــــده ألخبيثة والأمر بصوابك
تواسي أمك هــــل مسيه بالجره وبالصابك
تنوح مالومـــــــه وحزينة والفجعها غيابك
اليوم عدها طفوفك الليلة أحنه ضيوفك
**
نسألــــــه بجاهــــك الليلة للوحيـــــد الدايم
يعجّـــــــــــل لشبل ألزجيه المنتظر والقائم
يزلزل عــروش المعــــاند والظلم والظالم
وديــــــن جــــــدّه يــعــيــده ســـــالم غانم
بجاهك ومعروفك الليلة أحنه ضيوفك
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء
*ثارات الامام صاحب الزمان (عج)* لحن اسمع عتابي~
كم راية عندك ~ ثأرك لجدك
ونار المخيم ~ وطفلة الْتنشدك
*اي طفلة يا مولاي لعلها رقية بنت الحسين ع؟*
تناشد رقية ~ من الغاضريه
فوق الهزيله ~ ٱخْذوني سبيه
يَمَهدي انسبينه ~ وذبحوا ولينه. بحبال خشنه ~ شدوا ايدينه
سبيِ وخرابه ~ حبال وترابه. وطفلة سبيه ~ تصرخ يا يابه
راية گمرنا ~ بطيحتها صرنا. كلنا سبايا ~ الحادي شمرنا
تنتظرك جروح ~ وجدك الي مذبوح. ثلاثة ليالي ~ عالغبره مطروح
ثار الوديعه~ وثار الشريعه
وجدك الي مذبوح ~ وطفله ورضيعه
بكم محنة مفجوع ~ وثاراتك ضلوع
لضلع امك تنوح ~ ودم تجري الدموع
خادمة آل محمد ✍🏻
#في_الخدمة_المقدسة
#شهادة_الإمام_الحسن_المجتبى ع
يعلو الأنينُ وتُحجبُ الأنوارُ
باتَ الأسى للخافقينِ دثارُ
حزنًا على سبطِ النذيرِ المصطفى
فلرزئهِ تتعجّبُ الأقدارُ
ظلماً يعاني من شرارِ زمانهِ
وهو الصّبورُ وحِلمُهُ مدرارُ
طعنوا الإمامَ بخنجرٍ من حقدهم
تبّت أيادٍ للضّلالِ تدارُ
نشروا الدّسائسَ والوشايةَ حولَهُ
ذي قلّةٌ في عهدهِ أنصارُ
قد أنكروا حقَّ الولايةِ نقمةً
لن ينفعَ النّكرانُ والإنكارُ
ذا ابنُ البشيرِ محمدٍ والمرتضى
وابنُ البتولةِ، نسلُها الاطهارُ
لا لم يُراعوا للرّسالةِ حرمةً
إذ سمّمتهُ عصبةٌ فجّارُ
لهفي عليه تفتّتت أحشاؤهُ
رحل الوصيُّ وحولهُ الأبرارُ
رشقوا الجنازةَ بالسّهامِ فبغضُهم
أعمى القلوبَ، فأُعمِيتْ أبصارُ
ومضى الحسينُ بنعشهِ متألماً
نحوَ البقيعِ وقلبهُ محتارُ
#منال_بجيجي
للامام الحسن المجتبى
قصيده ثانيه
.
ذكروني ... ذكروني ... ياشيعتي ذكروني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
مثل الحسين ... هملوا العين ... آنه امام الشيعه يااهل الحميه
جبدي مسموم ... وكَلبي مهظوم ... آنه لجلي ناحت الزهره الزجيه
آنه الي عذبني الزمن وبالسم تكَطع جبدي
كل اخوتي مو يمي أنه ومدفون صرت الوحدي
دفنوني .. دفنوني ... برض البقيع دفنوني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
نوحوا عالصار ... وعزا بكل دار ... الي سووا يامن الحيدرنه شيعه
واسوا جدي ... بألم جبدي ... واذكروا بهل محنة دمعات الوديعه
من شيّعوا نعشي الاهل بسهام صابوا نعشي
وبس اخوتي خلف النعش مهظومه لمّن تمشي
منعوني ... منعوني ... هناك اندفن منعوني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
هنا يزوار ... ابو الاحرار ... يم اخوي حسين زوروني بدمعكم
وابجي بدموم ... وآيمسوم .. صيحوا حيل والطموا اعليه ضلعكم
السنه اتمر وماشفت مجلس الي تنصبونه
بس بصفر مجلس الي ومصابي اتذكرونه
تدروني ... تدروني ... ابن الوصي تدروني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
يالموالين ... يالمعزين ... هدموا كَبري الاعادي بلايه ذمه
يمته تلفون ... الكَبري تبنون ...يصير كَبري مثل حضرة ابو اليمه
رايات يمي ترتفع وانظر مواكب يمي
ومشايه تتعنه الي وتنادي حيل بأسمي
تحضروني ... تحضروني ... بمصيبتي تحضروني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
منهو مثلي ... دمعي يهلي .... رغم حزني وللحسين ادموعي تجري
حسين مذبوح ... وزينب تنوح .... ريت مو صدره انسحك بالخيل صدري
داست الخيل بجثته وضلوع صدره اتطشرت
وعياله عالنوكَ انسبت بيد الاعادي اتيسرت
عينوني ... عينوني ... يصيح الضعن عينوني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
الشاعر محمد حسن ضيغم
المجلس (( 16 ))
بمناسبة الإمام الحسن المجتبى عليه السلام
من وزن التجليبه ( المربع)
ــــــــــــــــــــــــــــــ
يبو محمد ابنوحي ودمعي عاتبتك
يبعد اختك تريد اتروح عن اختك
ـــــــــــــــــــ
اختك وانت تدري بأختك شبيهه
متعلمه عليك وانت تدريهه
شلون بلا اخو انت تخلّيهه
تخلّيني اونن لا على بختك
ــــــــــــــــــ
يلتصبّح عليّه شما يطري فجري
يخويه وأعز من روحي وبعد عمري
خلافك بيّه اموتن انت مو تدري
هنا يل اسمي ابد لا ماترك شفتك
ياخويه الاخت تنظرهه اخوهه اتحب
وبليّاه نار بنص دليلي اتشب
شكّد صعبه الاخو عن اختهه ايغرّب
حنضل يومي خويه البيه ما شفتك
ــــــــــــــــ
يبو محمد انه زينب صعب حالي
تروح شلون وانت من الزينبك غالي
لا لتروح ها يا نبض دلالي
بهذا الحال تتلوّع فلا ردّتك
ـــــــــــــــــــــــ
يكَلهه دمعتج خلّيهه للعاشر
سهله اليوم والاصعب صدكَ باجر
لو شفتي علخيّج يسحكَ الحافر
وتنادي حسين خويه الحكَ البنتك
ــــــــــــــ
الشاعر محمد حسن ضيغم
/channel/kasaedalatharDaygham
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
شهادة كريم اهل البيت الحسن ع
الـيـــــوم ابن حــيـدر چِـفــوهـا ادلاله
عــــيـن فـاطـــــــم بالدمـــع هـمّـالـــه
==========================
عظم الله اجــــرچ يفاطـــم بالحـسن
بالمــضـيــف ادلاله لمـصـابـــه انچفن
امـصـــايب اخــوتهـا العقيله هلــبدن
اتشـوف مــــن ضيــم الزمان اشكاله
==========================
اليوم ابن حـــــيـدر يفارگها الـــديـار
ونّـت اعلـــه مصـــابـه لزغـار وكــبار
يانهــــار الاظـلــــم بــــذاك الـــنـهــار
شــيــعــتــه ادمـــوع الحزن تجرالـه
==========================
تموت بالسم بالطشت ترمي الـچـبـد
الزمره نفس الزمره متروسه بحـقــد
حــاربت جـــدّك وابــــوك ومــاتِــــرد
وباچر أحـــسـيـن الـدهــــر ضمّـالـــه
==========================
فـــوگ بغله اتعنت وترمـــي السهام
بت اراذل موش بت ناس الكــــرام
يانسل انجـــــس عــبـيـد وبـت لئام
بيك ماسـمـعــت نـبـيـنـه ألگـالــــه؟
==========================
يالحــســن مسـمـوم بس يمك هلك
هـــذا يقــره اعلــيـك هــذا ايچفنك
هـــذا بهداي الگــــبـر مــــن نـــزّلـك
لو تشوف احــسيــن شنهـو احـواله
==========================
يالحسن وحسين بالحومه وحــيـد
يالحسن من داست بصدره العـبيـد
يالحسن نار وعصي احجار وحديد
وكسرت اضلوع الـصــدر خــيّـالـــه
==========================
ماكفاهم بالصدر مـــــن كــــسّـــروا
نزلو اعلــه اهدومه بالـطــف سلّبوا
حتى خنصر چــفـه مولاي أكطعـوا
سلبوا اخــــيامــه وسبــوها اعيالـه
==========================
يالحسن مــولاي اخــبـرك كــربلـه
حرگـــو اخيامه وسبـوها العايلــه
لاهواشـــــم لا عـمــامــه ولاهلــه
حسين ظل فوگ التراب الحـالــه
==========================
✍️عباس مالك العفريت
#محرم_الحرام١٤٤٦هـ
نسألكم الدعاء
اللحن👇
ها ياشريكي بالهوه ... مغذّيني حب من المهد
روح احنه وحده تفصّلت ....ونص استقر في كل جسد
ابراهيم شاف بنومته ... يذبح اوليده واستعد
ياريت وحي الله يجي ... يالحسن واذبحلك ولد
لوبيدي ...مو الاكبر آنه ارخّص روحي
لوبيدي ...يالحسن بعدك جبيره جروحي
لوبيدي ..بلحدك ادخل كَبلكَ يخلّوني
لوبيدي ... ها يالمذوّبني خويه بنوحي
ـــــــــــــــ
اسمحلي ابوسن جبهتك ...هاي اخر اوداعك تره
يلّي بعيونك يالحسن ...اشكَد سوالف تنقره
يابعد اخوك وعيلته ...كَلبي اليون شيصبّره
تجبر خواطر اعرفك ...وتكسر حسينك خاطره
معقوله ....عشرتي تتبدّه هاي الليله
معقوله ... خويه غيرك ياحبيب اشكيله
معقوله ...شما تطب زينب تنادي بصوتك
معقوله ... الطشت عن زينب اخيتك شيله
ـــــــــــــــــ
ثنين احنه من سر فاطمه ...ونور الّي بينه من علي
سر ارد اوضحنه الك ... ياهيبتي وهيبة هلي
اعرف اشد اعمامتي ... بس عندي غايه اتشهدهه الي
تتعطّر بعطرك ردت ... ها ياحبيبي الاولي
تبچيني ... شما اشوفنّه مكانك خالي
تبچيني ... كلشي يرخص وانت وحدك غالي
تبچيني ... عملمتي حين الاشدهه بروحي
تبچيني ... شمعه ذاب ابمحنتك دلالي
ــــــــــــــــــ
يل ماشي لمّي فاطمه ... انطيني من صبرك صبر
اشلون بيّه يضل نفس ... حين الاشيعك للكَبر
نعشك احضنه بدمعتي ...وياكسرت الجام انكسر
وبيدي انزلك باللحد ...ارد ادفن وياك العمر
حاچيني ...ليش وحدي اتعوفني حاچيني
حاچيني ... بعازتك يالحسن وتخلّيني
حاچيني ...شفع جنّه وتر اصير اخلافك
حاچيني ...مااصدكَ تقبل اتبچيني
ـــــــــــــــــــــ
طَلعت شمس عين الحسن ... انفتحت وبالهم حچه
لحسين كَلّه اتدنّه الي ...وكَوه على متنه انتچه
يمّي انت بس بكربله ... محّد الك خويه وبچه
وعن الخيم عن السبي ...واحد للآخر ما شچه
ياخويه .... باجر ابطف كربله يذبحونك
ياخويه ... عاري وبلا خنصر يعوفونك
ياخويه ...والخيم اعله الحرم تسعر نار
ياخويه ... بلاهوادج شمر يسبي ضعونك
ــــــــــــــــــــ
الشاعر محم حسن ضيغم
/channel/kasaedalatharDaygham
يادمعة العين. ماظن يعودون
يادمعة العين. صبي اعلى الجفون
بعيده المسافات والرجعه هيهات
ماظن يعودون
*------------*-----------*------------*
مشو بسكوت وحزنهم عاشرانا
الجانو ويانه ومحبتهم دوانا
حيرانا فراكهم فجأه وسبانا
تحت التراب اندفن مصدر هوانا
شو راحو بعيد. وماظن يردون
شو راحو بعيد. ياضي العيون
بعيده المسافات والرجعه هيهات
ماظن يعودون
*-------------*-----------*-------------*
ليش خلوني ومشو ومعاشره النوح
وأنتظر جيتهم بلوعات الجروح
ياجفن مهما جريت بدمع مسفوح
التنطره بساع صوب النايبه يروح
وبسجة البين احبابي يمشون
وبسجة البين متوجهه الضعون
بعيده المسافات والرجعه هيهات
ماظن يعودون
*-----------*------------*-------------*
غفله راحو من ادينا شمعة الدار
سكف جانو نغفى تحته زغار وكبار
هسه يادار شجرالج شنهي الصار
صرتي ظلمه وراح كل شي والزمن دار
حاجيني يادار نلكاهم اشلون
حاجيني يادار وين اليحنون
بعيده المسافات والرجعه هيهات
ماظن يعودون
*------------*-----------*------------*
كون وياهم نموت ونلكه الأحباب
للأسف ماحان وكته يطمنا التراب
بسكته راحو من ادينا وسدو الباب
وبدت لحظات الألم واحساب الغياب
شيصبر الروح ويغمض الجفون
شيصبر الروح عل ما يرجعون
بعيده المسافات والرجعه هيهات
ماظن يعودون
*-------------*-----------*------------*
بكل مكان نشوف منهم بسمه وإحساس
فاركونا الجانو أعلى الروح حراس
ندور اعليهم صفينا بزحمة الناس
مالكينا بس عطرهم يشبه الياس
بسمات الورود ذبلت بالظنون
والراح ميعود لا لا تنطرون
بعيده المسافات والرجعه هيهات
ماظن يعودون
*-----------*-----------*-------------*
محمد دعبل النوري
اه يمحمد اه..حسين امگطع عفناه
…
عريان وفوگ الغبره
والخيل اتروك ابصدره
ذبحوه وگطعوا نحره
شوف الناضر شفناه
اه يمحمد اه
…..
جواب اخيها محمد
اه يا زينب اه...شسوه العباس اهنا
وين العباس وروحه
حاضر لو ذابح روحه
لحگ بحسين ونوحه
لو ماحاضر وياه
اه يازينب اه
… ..
جواب زينب
اه يمحمد اه.. طاح البشده انخاه
تنشدني الكافل وينه
للنبله امقدم عينه
جاد ابراسه وچفينه
ذب اليسره ويمناه
اه يمحمد اه
… ..
جواب اخيها محمد
اه يازينب اه.. ياگلبي وطگ بلواه
بيچ اشسوت دنيانه
چادر حزنچ بحشانه
شلون العايف خوانه
ياوحشه اتكظ دنياه
اه يازينب اه
… .
جواب زينب
اه يمحمد اه.. شضلالي وتمناه
ماتدري ابدهري شسوه
ضلت بالطف الخوه
مشوني عنهم گوه
عني راحوا ويلاه
اه يمحمد اه
… .
جواب اخيها محمد
اه يا زينب اه.. الرايح چاوين الگاه
وين اخوانچ والعيله
بيچ اشسوت هالميله
مصبوغه ابلون الشيله
وجهچ ضايع معناه
اه يازينب اه
…… ..
علي الحاج الصبييحاوي