7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
١١٧٢- في خربة الشام
يلاويني الحـزن واصبر وعتبي
وبعد شچـــواي ماينفع وعتبي
بليل الشام الي طفله وعت بي
لبوهــــا اشتاگـت وحنت رقيه
✍ فراس المحمداوي
استشهاد المام الحسن ع
عذابي ومماتي اعله جرحچ يهون
وغربتچ يزينب ابهذيچ الضعون
مثل هيچي ليله
اعله ظهر الهزيله
بهذيچ الضعون
++++++++
تودعين الحسن وانتي بوداعچ هسه مستوره
چبير اخوانچ واعرف عليه بكلشي معذوره
عزيزه انتي تصد عيني عليچ وتنرسم صوره
ماتبجيها يم حسين دمعتج هايه مجبوره
بحرگهن خيامچ يشغلچ يتيم
يلوذ بعباتچ وصياح الحريم
حسرتچ طويله
اعله ظهر الهزيله
بهذيچ الضعون
+++++++++
مو آخر طشت هذا يخيتي اتشاهده اعيونچ
ولا آخر چبد مفتوت تخطف شوفته لونچ
هسه اگبالي من تبچين واخوانچ يسكتونچ
تجيلچ فتره من تبچين سوط ايدگ عله امتونچ
اموت ابدياري وعيالي ابأمان
يزيتب غربتچ تحير الزمان
العظيمه العقيله
اعله ظهر الهزيله
بهذيچ الضعون
++++++++
قبل موتي اريد العين عليچ دموعي تهملها
يزينب دخلتچ للشام شده وياهو ليحلها
تذكريني وعليچ اتصيح هاي اخت الحسن كلها
ادموعچ لو اجه طرواي لثيابچ تبلـلها
زمن مايرجعه اليدفنه التراب
يريت انه يمچ بهذاك المصاب
عذابچ اشيله
اعله ظهر الهزيله
بهذيچ الضعون
++++++++
يصادفكم سنة وانتي وفاتي بناگه تحييها
اعله رمله تنظر اعيونچ بالنظره تعزيها
اشلون الحرمه تلطم عاد اذا مچتوفه ايديها
بين احسينچ وجسّام نظراتچ تديريها
يعين الله گلبچ چثيره الجروح
عله اخوتها زينب تخلصيها نوح
ولا تبقى حيله
اعله ظهر الهزيله
بهذيچ الضعون
++++++++
يشيعوني الاهل باچر اخوتي الي يشيعوني
على طولي جسد والراس ملتحمه يدفنوني
اعليه ماتم ايعزون وادمهم ينوحوني
وتجيني انتي بظلام الليل اويه اخوانچ تزوروني
لچن يالعقيله اضل تالي وين
بعيده دفنتي اعله اخوي الحسين
طويله الرحيله
اعله ظهر الهزيله
بهذيچ الضعون
ثائر الربيعي
▪️نشر جديد
للسيدة رقية (صلوات الله عليها)
مَنِ الذي أيتمني ؟ أبتاه يا حُسينْ
مَنِ الذي ألَّمَني ؟ أبتاه يا حُسينْ
١/طَوَيتُ الطَّريقْ…بِهَمٍّ وضيقْ
مِلْءُ قاموسي ظلامٌ ، خانَ صَفْحاتِيْ النَّهارْ
فمنذُ الطفوفْ…بِلاداً أطوفْ
ها أنا حافيةٌ تحْتِيَ شوْكٌ وحجارْ
وبابِيْ القَريبْ…"بِأمَّنْ يُجيبْ"
أنتَ مَنْ علَّمْتَنِيها فهيَ حرزُ الإضطرارْ
فعجِّلْ ، تعالْ…إمامَ الدَّلالْ
قُلتَ لي حتماً ستأتي ، لمْ أزلْ بالإنتظارْ
مَنِ الذي عذَّبني ؟ …أبتاه يا حُسينْ
مَنِ الذي أتعبني؟…أبتاه يا حُسينْ
٢/فرُزئي ثقيلْ…وجسمِيْ نحيلْ
أوْجَبُوا في الناسِ قهري فأنا اسْمي"فاطمهْ"
ورثتُ المصابْ…وآلامَ بابْ
عَصَروني بينَ طفٍّ وَشَآمٍ آثِمَهْ
بخدِّي حروقْ…بكفِّي شُقوقْ
أيها اللاثمُ خدِّي وكفوفي الناعِمهْ
جَرَعْتُ الكثيرْ…بعمري الصغيرْ
أيقظوني بسياطٍ إنْ رأوْني نائمهْ !
مَنِ الذي روَّعَني ؟…أبتاه يا حُسينْ
بالسَّوطِ كمْ قنَّعَني…أبتاه يا حُسينْ
٣/بحِجْرِ الجِنَانْ…وكهفِ الأمانْ
يا أبي طَمْأَنْتَني مِنْ بعدِ خوفٍ واهتضامْ
مَسَحتَ العيونْ…وسُوْدَ المُتوْنْ
ثُمَّ غادرْتَ سريعاً ، كانَ ذا طيفَ منامْ
فقُمتُ أنوحْ…أمامي تَلُوحْ
فاتحاً باعكَ نحوي ناظراً لِيْ بابْتِسامْ
فقلتُ حسينْ…أُريدُ الحسينْ
ويلَهُمْ لمْ يرحموني وأَتَوْني بالطَّعامْ
مَنِ الذي لوَّعني ؟…أبتاه يا حُسينْ
للهمِّ قدْ جرَّعني…أبتاه يا حُسينْ
٤/دعتْ عمّتي…ألا يا بْنتي
إرفعي المنديلَ عنهُ فهْوَ ذو العطفِ العجيبْ
تَرَيْ شمسَهُ…تَرَيْ رأْسَهُ
جاءَ للجُرحِ يداوي إنَّهُ نِعْمَ الطبيبْ
جرتْ عبرتي…علتْ صرْختي
أتُرَى أنتَ حبيبي ، آهِ يا حالَ الحبيبْ !
أأنتَ أبي؟…أأنتَ أبي ؟
لمْ أصدِّقْ جئتَ رأساً، داميَ الشَّيبِ خضيبْ
منِ الذي أذهلني…أبتاه يا حُسينْ
يتيمةً حوَّلني…أبتاه يا حُسينْ
٥/بهذي العيونْ…عهِدتُ السكونْ
ليتَ شِعْري لِمْ أراها غائراتٍ يا أبي ؟
وأمَّا العجيبْ…فشَعْرُ المشيبْ
فيهِ رملٌ ورمادٌ ودماءٌ يا أبي
فخذني إليكْ…وَدَعْني لديكْ
هكذا أرتاحُ منْ ظُلْمِ زماني يا أبي
لَأنتَ الحياةْ…وأنتَ المماتْ
ليسَ في عيشيَ طعمٌ دون قولي : يا أبي
أنتَ الذي تَرحَمُني…أبتاه يا حُسينْ
وأنتَ مَنْ يضمُّني…أبتاه يا حُسينْ
تمت بعناية الحجة (عجل الله تعالى فرجه)
الشاعر علي عسيلي العاملي
#السيدة_رقية
#اللهم_عجل_لولیك_الفرج
قصيدة للمشاية (عگيلي) 1446 هـ
مشاية لگبرك والينة
ونجدد حزنك تدرينة
=============
زينب هاليوم انواسيها
ونشاركها احزان البيها
ونتذكر ما صار اعليها
ومصاب الطف ما ناسينة
================
نمشيلك ونجد ممشانة
ويمشي المهدي انحس ويانة
عينة اعله امصابك حزنانة
يا جدي ايندبك مهدينة
================
من يمشي المهدي بيا حالة
مصاب الطف يصير گبالة
كل آه التطلع چتالة
ينوح اعليك وعالي ونينة
================
انواسي اعيالك من سلبوها
من بعدك هزل ركبوها
ومن ديرة لديرة ايطبوها
يحسين الصار امأذينة
===============
نمشي ابهم وحزن ولوعة
من نذكر جسمك وضلوعة
آثار بجسمك مطبوعة
ويا حيف بسيف موذرينة
===============
علويات الهادي ابهيمة
وثمانين ايتيم ايتيمة
وبحر الصيف ابلا خيمة
وسفة السجاد امگيدينة
===============
كل عام انجدد ذكراكم
ليوم المحشر ما ننساكم
نعيش انموت انضل وياكم
حبكم مولاي اينجينة
==============
تلگاها الشيعة اتعنتك
وباحزان الطف گصدتك
يحسين اباهلك واستك
ترضى انريدك يا ابو سكينة
===============
اسالكم الدعاء رائد الاسدي
قصيدة للامام الحسن ع
خليتني ابلايه اخو واصفك باليدين
والله عمر عشنا سوه ياكرة العين
ضهري انكسر من فركتك يحزام الحسين
..........................
يخويه امن اذكر العشره. وذيج ايامنه الحلوه
وكلبك ذاكه الحنين. التارس گلبي بالخوه
تعال وشوف يبن امي. عليك الكلب يتلوه
بأمان الله رحت وحسين. ضل ابدنيا ماتسوه
يالحسن لو ساعه غبت. لعيونك اشتاك
ضل يلجم ابنبض الگلب. ياخويه الفراك
مو وكته موتك يالاخو عني رحت وين
..........................
جنت ياخويه من اشتاك لبوي ولمي الزهره
اجي الديوانك اشبع شوف وتفتح كلبي هل نضره
وادعي الله بصلاتي هواي. من عمري عله عمره
يعينه الله البلايه اخوان يحير بروحه وبامره
يالماخذ اوياك الفرح. عايفلي الاحزان
وخليت گلبي لشوفتك. كل ساعه لهفان
وديار اهلنه من رحت. تارسهه الونين
........................
گلبي هوايه شاف اجروح. و اصعب جرح بسنينه
اخوك ابحضنك امن ايموت. وبجفوفك تسد عينه
امناغه الخوه انته اويا. انكطع مابينك وبينه
يبعد العافيه الراحت. وضلت بس بواجينه
بجبدك يخويه السم مضه.وياريته بحشاي
واحتار اشبكك يالاخو. لو نگِط الماي
يالحسن وبهايه متت. ياخويه مرتين
.........................
اخوي الفاتح الديوان. وابد ماينطبك بابه
باب الحاجه للمحتاج. وتبوس الوادم اعتابه
من جدي النبي حرموه. وجم سهم النعش صابه
ولاكن من دره العباس.. سيفه اغتاض بكرابه
كل العجايب والمحن. راوتني الايام
يا نعش ميت عالمتن. يرمونه بسهام
عباس صبرك والصبر. وكت الحزن زين
..........................
آخر ساعة يبن امي. وعيني تفارك اعيونك
صرت اتمايل اويه الريح. من كامو يدفنونك
گلبي اندفن خويه اوياك. وكلمة خويه وشلونك
يمن دين الله والفقره. هليله يخسرونك
باجر اصيح بعازتك. مابين السيوف
واتلفت ومحد الي. وحاير بالطفوف
وتفزع عليي خيل وزلم. ياخويه صوبين
……….
نسألكم الدعاء
حسين صادق العقابي
نزله. (ومتوسطه))
عمه كومي من الطشت
.حـــيره بيــج اتحـيرت
__
زينب تنادي ل رقيه عمه كومي من الطشت
مثلج انه بالـــطفولة بكــسر ضـــلع اتـلوعت
مثل ماشفتي المصايب بالصغر انه شفت
عمه فدوه كومي كومي والله حيـره تحيرت
كومي يل جنتي بدالال
ونــــــج يـهـــدم الجبال
الونج يذوب الصخر. والله دالالي نفــــــطر
ماتــحاجيني شكلت
حيــره بيج اتحـيرت
___
نادت الـسجاد زينـب عمـه شــنهو إلي جره
طفله احاجيها بدمــعـتي ماتـحاجيني تــره
بعد مااحــمل مصـايب والله حـيل امــرمره
والهدم حيلي ودهاني عـفته أخوي ع الثره
عمــة كــلها وخــل تكوم
ع الطشت مو هذا نــوم
وخل تجـي لدالاالي. وهايه بنــت الغالي
ويلي ياعـمه أشفت
حيــره بيج اتحـيرت
___
ناده يازيــــنب يعـمه الطفله ميته ولا نـــفس
صبت الدمعه ع أخته حـظنه من دمعه نترس
يبجي وبحصرت داليلة والهــوى بيـه نحــبس
هوايه لوعات الشـــفتهن اه مــن ذاك الرجـس
الورده ميته ولا حجت
تبجي زيـنب والطــمت
رمله تنحب والربـاب وسكنه تلطم بالتراب
يالعلــيل انته اشكلت
حيــره بيـج اتحـيرت
___
لـمغــــــتسل جابـــو رقيــــه ورادو يغـــسلـوها
وشـــافو آثار بــــمتنه بكـــل رعــب عــافـــوها
وضــلـت تنــادي العقــــيلة بالســــبي طكـــوها
مــــو مـــريضه ولاعـــــلية.مـــن السياط اذوها
والله من سوط النذل
والله من ذاك الحــبـل
مومريضه بهل درب. هـــايه آثار الظـــــرب
وأنه عـبـاس أندبت
حيــره بيج اتحـيرت
___
خويه الحـــك انتـــه.وينــك أنه بديار الـغـرب
أمــشي من ديره الديــره خـويه ماعـرف درب
والضهدني والهظمني خويه والكـــلش صـعب
من اطـب ديوان اميه بيا وكت زينــــب تطب
طولي ماشافه الخيال
ويــنك انتـه بس تعال
هســـه بديار العـــدو. ويــنك انـــته ياالــــخو
والله حـــيل تمــرمرت
حيــره بــيج اتحـيرت
___
الخادم أهل البيت. ( ع)
وخادم رقيه بنت الامام الحسين
(( الشاعر مرتضى مكطوف))
قصيدة للسيدة رقيه ع{عمه جاوبيني}
مولاتي رقيه في كل ليلة بخرابه الشام تجلس بأحضان العقيله وهي تبكي وتسئل عمتها عن ابيها الحسين كاني بالسان حالها
❥❥❥❥ـــــــــــــ❁❁ـــــــــــــ❥❥❥❥
كافي مــن الــــــــسكته عمه جاوبيني
روحي جاي تموت احسها من حنيني
عمه فدوه احجيلي
وينه بـــــس كليلي
كافي مــن الــــــــسكته عمه جاوبيني
❥❥❥❥ـــــــــــــ❁❁ـــــــــــــ❥❥❥❥
احس روحي ** تموت تاليها يعمه من الاشواگ
ليش بالليل ** تسكتين ادموعي وتهونين الفراگ
الغالي وينه ** فدوه بس كولي الهوئ من دونه خناگ
شوفي كلمن عدها ابوها عمه بالشام
ليش بس انـــه بقيت ادليلي محتام
ذاب والله ادليلي
وينه بس كليلي
كافي من السكته عمه جاوبيني
❥❥❥❥ـــــــــــــ❁❁ـــــــــــــ❥❥❥❥
بالخرايب ** ليش جاي انام وين ابيوت اهلنه
كولي ليه ** شعجب خلانه بهظم راعي المحنه
من الطفوف ** بيوم صارت فاجعه حسيت ضعنه
والله يوم احتركت الخيمه انولينه
ومن بعد ذاك الدلال احنه انسبينه
ماسكت يعويلي
وينه بس كليلي
كافي من السكته عمه جاوبيني
❥❥❥❥ـــــــــــــ❁❁ـــــــــــــ❥❥❥❥
ليش تبجين ** ادموع عينج غسلني وحگ الحنين
مسحي الدموع ** شويه بعد ويمكن يمرلنه الحسين
يشوفج اشلون ** ينقهر گلبه يعمه عوفي الونين
ينقهر عمه الجفاني حنين گلبه
يشوف دمعاتج وحگج عنده صعبه
يردلي اعرفه اخليلي
وينه بس كليلي
كافي من السكته عمه جاوبيني
❥❥❥❥ـــــــــــــ❁❁ـــــــــــــ❥❥❥❥
ابالي فكره ** خل نروح انفاجئه للغاضريه
خاف ابويه ** ينتضر جيتنه اله قبل المنيه
احتارت الروح ** خاف هسه اشتاگلي يابو رقيه
ماضن ينساني انه اعزيزه عنده
كون تطوي هالمسافه واحب خده
يادمعتي سيلي
وينه بس كليلي
كافي من السكته عمه جاوبيني
❥❥❥❥ـــــــــــــ❁❁ـــــــــــــ❥❥❥❥
انمرد گلبي ** انتي بس تبجين عمه خافت الروح
الغالي بي شي ** لا تگليلي بارض الطفوف مذبوح
وينه هوه ** خاف ظل اعله الثرئ يالغالي مطروح
هسه حسيت برعب احجيلي ارجاج
لو تطول السكته عمه ازعل وياج
من همومي زيلي
وينه بس كليلي
كافي من السكته عمه جاوبيني
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
قصيدة عتاب رقية لوالدها الحسين ع💔
بابه مليت البواچي اعليك وينك
كافي نايم گوم افــتح ليه عينك
گوم يا بعد الهوه
نروح للخيمه سوه
لو تظل نايم تضل ذكره سنينك
بابه مليت البواچي اعليك وينك
❥❥❥❥ـــــــــــــ❁❁ـــــــــــــ❥❥❥❥
كافي لتنام ...تدري بيه اشتاكلك كل مغربيه
بروح وحده ... عشنه كل ايامنه يابو رقيه
ذيچ الايام ....شلون انساها يبويه رد عليه
بويه والعله الجبيره متت مذبوح
دوه ما ينفع وداوي بيك الجروح
والله دلالي انلوه
گوم يا بعد الهوه
بابه مليت البواچي اعليك وينك
❥❥❥❥ـــــــــــــ❁❁ـــــــــــــ❥❥❥❥
امي ماتت ....وآنه حسبتك ابو وام ليه تدري
هسه اشلون ...صرت لا ام لا ابو موتني قهري
بابه احجي ...بعد ما بيه اجر انفاس صدري
النفس لا ما بيه اجره من بدونك
يابعد هالريه بس افتح اعيونك
الكون مضلم ياضوه
كوم يابـــــعد الهوه
بابه مليت البواچي اعليك وينك
❥❥❥❥ـــــــــــــ❁❁ـــــــــــــ❥❥❥❥
الدنيه ظلمة ** والضلام يخوف الطفله الزغيره
بداعتي ارجاك ** كوم لتخليني احيرن بيك حيره
بابه مليت ** من البواچي ومن جراحاتي الجثيره
يالجروح البيه ما تنعد واعدها
روحي ماتت من جفاها يا سندها
گلبي بجفاك انچوه
كوم يا بعد الهوه
بابه مليت البواچي اعليك وينك
❥❥❥❥ـــــــــــــ❁❁ـــــــــــــ❥❥❥❥
رقيه بعدك ** من مصايبها تعذبت اه يبوها
امدلله اشلون ** بسوط يعداك بمماتك يضربوها
عزيزه انه ** شلون ترضه اعزيزتك لو يهظموها
ما اريد انهظم كافي يابو حيلي
كوم اكعد ذاب احس بعدك دليلي
حيلي من بعدك خوه
كوم يابعد الهوه
بابه مليت البواچي اعليك وينك
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
السلام على زينب ام المصائب
مشت زينب غريبه ومحد وياها
فقط بس العليل بروحه واساها
زينب والسجاد اوياها
*-------------*-----------*-------------*
بدرب الموت والخوف ومئاسيها
مشت واخوانها ماصاحو اعليها
واويلي أعله زينب والحزن بيها
محتاره بظعنها وظلم حاديها
بحباله الظالم مشاها
*------------*-------------*------------*
مشت وعيونها أعلى اخوانها اربيه
ومن هول المصاب تكول مو هيه
على العباس صاحت عاين اعليه
وعلى حسين الكظى وماضاك الميه
ضلت تنحب وي بلواها
*-------------*-------------*--------------*
مشت زينب غريبه والعدى شمات
ياحيف الزجيه بالبراري تبات
ماكو حسين يمها اليحظر الشدات
والكافل طريح وضل عالمسنات
والكافل مايتعناها
*--------------*-------------*--------------*
تون زينب لاهلها وسكته ونتها
وحبال العدى لو ناحت اتعتها
زينب بالمداين صعبه قصتها
وياها الظعن زود مصيبتها
أطفال تنوح وتنحاها
*------------*-------------*-------------*
تصيح بصوت يمه الزهره الحكيني
غريبه ومحد من أهلي يباريني
يمه من الهظم ضلت تصب عيني
بدال اخواني صار الشمر يوليني
زينب تنحب وين اعضاها
*-----------*-------------*-----------*
محمد دعبل النوري
ليش الروس كلها ربع الحسين
وليش البلظعن بس النساوين
…
طفله تنشد ابعمتها بهداي
ليش حسين مات وماشرب ماي
احچيلي يعمه شصاير اوياي
احنه بالصدگ ميتين عدلين
……
وين الله يعمه وتطلع احلام
ويرجع والدي ومحاظن انام
مشتاگه اله وگليبي محتام
بلكت واحد ايگلي تحلمين
…… .
ليش الوادم الويانه اجناب
وبعالي الرمح مشيوله الاحباب
ياعمه دليلي من القهر ذاب
محد گال تعبانه وتگعدين
….
ليش ابروسهم نص المحاميل
والوادم علينه گامت اتعيل
ياعمه شكبرها وحشة الليل
الماعنده خلگ يداين امنين
… .
ليش ابلاغطه مكشوفه الجمال
وتميل النسه ويه الهوه المال
ياعمه شجانه وصرنه هالحال
ماعدنه حمه صرنه وحيدين
……
ليش اتعمدوا مانفتح اشباگ
والساگ انشبگ ياعمه بالساگ
ملينه وعلي مانحمل فراگ
نمشي وروسهم عالرمح عالين
…..
علي الحاج الصبييحاوي
رقـية رقـية نامت بالخربه
سبية سبية بالشام وعذابه
توها بطلت نوح ..تعبت من الجروح
رقـية .. سبية
………………………………………
تعبت من نـزيـف الـدم من اجروحـها البيها
وفرشت تربــة الخربـة وذبـت روحـها اعليها
من ذاك التـعب والضيم غمضن گـوه جفنيها
بلكت من تـنام اتشوف بحلمها ايمرها غاليها
لـبـوها لـبـوها رقية هوايه تشتاگ
سبوها سبوها وذبـحـوهـا بالفراگ
دمعها الطفلة مسفوح .. تعبت من الجروح
رقـية .. سبية
………………………………………
وفوگ املوحة التربان نامت والجروح اوساع
نامت والطفـل لـو نـام اذا خايف يفز كل ساع
نامت والمـتـن للسـوط رخيص هواي من انباع
بـلـكـت بالحـلـم تـلگـاه البـيـن الحـوافـر ضاع
حلمـها حلمـها تـشوف الولد حسين
يضمها يضمها ومتنها يطيبه والعين
ويمها يبقـه ميروح .. تعبت من الجروح
رقـية .. سبية
………………………………………
نامت والجفن مطبوگ ومن تحته الدموع اتسيل
وتفـز كلساعه من النوم تصرخ عمه عمه الخيل
وترد تغفـه وترد اتصيح يعمه السوط يوجع حيل
وترد تغفـه وترد اتصيح اطفال الشام بـيه اتـعيل
خطية خطية بيها اشعـامل الخوف
رقـيـة رقـيـة كلشي بنومها اتشوف
وتفز من نومها اتنوح .. تعبت من الجروح
رقـية .. سبية
………………………………………
واخـيـراً بالحـلـم جـاهـا ابـوها حسين الاتـريده
وشبگت حظنه كلش حيل وتشم وتبـَوس ابأيده
يبويه احظنـي اريد ارتاح فرگـتك چـانت ابعيده
بس امتـوني كـلها اجروح اذا تحـظـنـي أبـهـيده
جروحي جروحي غميجة من الاسياط
يروحـي يروحـي فـراگ گـطع انـياط
گـلبي وطلعت الروح .. تعبت من الجروح
رقـية .. سبية
………………………………………
ولا عـبـها وحچـه وياها وحست بالأمان ويـاه
حسين ولا عـب ابنيـته رقـية ولعـبـه يا محلاه
نست كل التعب والضيم واجروح السبـي والاه
لحظـة ومن صدگ فـزت تدور حسين ما تـلگـاه
يبابـه يبابـه من ثاني رحت وين
غيابه غيابه حيـل اذاهـا مرتـيـن
بجفنها المدمع ايفوح .. تعبت من الجروح
رقـية .. سبية
………………………………………
وجـابـو راس ابـوها الـها وچانت قـمـة الصدمة
شافت وجه ابوها حسين كـلـه اجـروح ومـدمه
هوت عالراس تبچي اعليه وتقبل اجرحه وتشمه
ومن كـثر الجـروح البـيـه باست بالوجـن عـظمه
مصيبة مصيبة جروح ابوجهه اهواي
عجيبة عجيبة هـذا المـا شـرب مـاي
جابو راسه مذبـوح .. تعبت من الجروح
رقـية .. سبية
………………………………………
عقيل الحسناوي..
.
نعي للسيده رقيه عليها السلام
حزنانه والحسره چبيره
يابويه من بعدك اسيره
طفله آنه ظلموني زغيره
مشونه من ديره لحد ديره
يا حيرتي الما منهه حيره
من غبت ياشيخ العشيره
.................................
فرگاك يالغالي هضمني
هالزمن من عندك حرمني
والشمر من بعدك يطگني
بنتك رقيه وشوف متني
ما چان هذا الصار ظني
عگب الدلال الدللتني
...............................
ظليت من بعدك يتيمه
من الطفوف وذاك ضيمه
يالما جرت مثله جريمه
ويسبون للهادي حريمه
يمشون بينه وسط هيمه
يضربونه ونسمع شتيمه
....................... ...........
خادمكم مالك السعيدي
يحسين ابوي(السيده رقيه)
عباس مالك العفريت
#الفزاعيه_بديوان_منابر_النور_الجزء_٩_.
فزاعيه للأمام زيد الشهيد عليه السلام
احاه يا زيد الشهيد
والله هزني امصابه
❥━──➸➽❥💔❥━──➸➽❥💔
يوم عزلو جثته
اشكد عضيمه امصيبته
والعده مارحمته
طلعته العدوان من اترابه
❥━──➸➽❥💔❥━──➸➽❥💔
راسه عن جسمه اعزلوه
فوك نخله واصلبوه
والجسد ويلي احركوه
امصابه خله دمعتي سجابه
❥━──➸➽❥💔❥━──➸➽❥💔
انذبح مثل الحسين
ثورته ابرفعت الدين
دم تهل منه العين
حيل ونت صحبته لغيابه
❥━──➸➽❥💔❥━──➸➽❥💔
طلعوه امنلترب
شلون ابو الغيره انصلب
بي لعب ريح اليهب
كطع راسه الملعون ماهابه
❥━──➸➽❥💔❥━──➸➽❥💔
زيد محد لحده
يوم ذبحوه العده
اصلبو جثته الوحده
وين عنه صحبته واحبابه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
#الحديث_بديوان_بحر_الولاء_الجزء_٦_.
حديث شهادة زيد الشهيد عليه السلام
هوه زيد بن علي بن الحسين بن علي بن ابي طالب عليه السلام ويكني ابا الحسين ولد سنه ٧٨ هجري وقيل سنه ٧٥ في مدينه الرسول(ص) نشأ زيد في بيت النبوة والامامة وتغذى بلباب الحكمة وكان ابوه الامام السجاد عليه السلام باب المدينة العلم بتعهده بالادب ويرسم له طريق الهداية والخير واصبح عليه السلام فقيها واسع العلم والمعرفة يأخذ بكتاب الله وسنة رسوله وقد تحدث الامام زيد عليه السلام عن سعة علومه ومعارفه حين عد نفسه لقيادة الأمة والثورة على الحكم الأموي حيث قال: ( والله ما خرجت ولا قمت مقامي هذا قرأت القرآن واتقنت الفرائض واحكمت السنة والأدب وعرفت التنزيل كما عرفت التأويل وفهمت الناسخ والمنسوخ والمحكم وما تحتاج اليه الأمه في دينها مما لا بد منه ولا غنى عنه واني لعلى بينة من ربي )
لقد ثار الامام زيد عليه السلام على الحكم الأموي وقد اعلن شارة الثورة بكلمتة الخالدة التي اصبحت اشعاراً للجهاد ضد الظلم والجور في معركة الحق وقد فجر ثورتة المباركة التي كانت امتداد لثورة الامام الحسين عليه السلام ضد الحكم الأموي ليرفع لواء الحق ومن اهداف ثورتة الثار لدم جده سيد الشهداء الامام الحسين عليه السلام في معركة الحق الذي نشده الامام زيد عليه السلام ضد الباطل الاموي وتحت جنح الليل رمي زيد عليه السلام بسهم غادر اصاب جبهته ووصل الى دماغة الشريف فحلت الكارثة في اصحابه فهاموا في تيارات مذهلة من الاسى والحزن طلب له طبيب فانتزع منه السهم فتوفي من فوره وذلك يوم الجمعه الثالث من صفر سنه ١٢٢ هجري وقام اصحابه بمواراته بنهر هناك قطعوا ماء وحفروا فيه قبر وواروا الجسد الطاهر فيه قم اجروا الماء وكان مع اصحاب زيد عليه السلام احد عيون السلطة يراقب تحركاتهم فبادر مسرعا الى الكوفة واخبر حكامها بموضع الدفن فامر بنبش القبر واخراجه منه وحمل الى القصر في الكوفة وامر بصلبه منكوسا في سوق الكناسة بعد حز رأسه الشريف وقد رفع رأسه كما رفع رأس جده الحسين عليه السلام على رمح يطاف به في الاقطار حيث ارسل الرأس هدية الى الشام بن عبد الملك (لع) ففرح به كما فرح يزيد (لع) برأس الحسين عليه السلام فأمر بنصب الراس الشريف على باب دمشق أما الجسد الطاهر فقد صلب على جذع شجرة واحاط به حرس مكثف مخافة ان يسرق ويدفن وبقى مصلوباً على هذا الحال طيلة اربع سنوات ولما مات هاشم وولي من بعده الوليد بن يزيد كتب كتاب الى الحاكم في الكوفة يوسف بن عمر كتاباً يأمر بأن ينزل الجثمان الطاهر ويحرقه بالنار وقام والي الكوفه باحراق الجسد الطاهر وذره في الفرات إنا لله وأنا اليه راجعون .
زيد الشهيد المات مظلوم
دارت عليه بسيوفهه الكوم
بلتار حركو جثته اليوم
❥━──➸➽❥💔❥━──➸➽❥💔
يشبه مصاب الجده الاحسين
الراس كطعوه الملاعين
لمصيبته دم تهمل العين
❥━──➸➽❥💔❥━──➸➽❥💔
مصابه مثل جده الشفيه
المذبوح بارض الغاضريه
الراس ابرمح ودوه هديه
❥━──➸➽❥💔❥━──➸➽❥💔
زيد الشهيد امصابه ما صار
يشبه الجده ابو الاطهار
راسه ابرمح بلبلد يندار
❥━──➸➽❥💔❥━──➸➽❥💔
امصيبته مثل ابو اليمه
اكطعوا راسه او فاض دمه
حسين ضل علكاع جسمه
❥━──➸➽❥💔❥━──➸➽❥💔
او زيد احركوا ياويلي ابنار
ماكو رحم بكلوب الأشرار
يوم القيامه اشعدهم اعذار
❥━──➸➽❥💔❥━──➸➽❥💔
مصلوب زيد امعلك اسنين
شعملوا بي كوم الملاعين
عليه من دم تهمل العين
❥━──➸➽❥💔❥━──➸➽❥💔
مثل الحسين الراس مرفوع
فوك الرمح وايهل الادموع
وعليه اعداه امجمعه اجموع
❥━──➸➽❥💔❥━──➸➽❥💔
تشبه الجده امصيبته اليوم
حسين الشهيد المات مظلوم
راسه ابرمح يتسايل دموم
❥━──➸➽❥💔❥━──➸➽❥💔
راسه ابرمح يا ويلي يهدوه
من واحد الواحد يرسلوه
او جسمه ابجذع نخله يصلبوه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
زوارك ...
نخليهم بوسط الكلب .. زوارك
نتبرك ونشفه بترب .. زوارك
ياسيدي شمحله درب .. زوارك
______
ترد روحي سيدي .. بالمشي من تبتدي .. المشايه
لو شفت رايه أنتشع .. آنه راسي يرتفع .. بالرايـه
كلت أمنيتي البقت .. هالشفتها أتحققت .. والغايه
ياهلا ومية هلا .. بلّي كصدوا كربلـه .. عنايــه
المشايه
قيمه وشرف ينطوني .. المشايه
يابو علي يشرفونــي .. المشايه
ياسيدي شمحله درب .. زوارك
______
ترى الزاير لو مشه .. الكلب لوبيدي أفرشه .. لجدامه
والله وبروحي أخدمه .. وكلشي عندي أقدمه .. كدامه
لمّن أوكف بالدرب .. والله أحس ينسه الكلب .. آلآمـه
وهاي الايام أعتبر .. أبد ماهي أمن العمر .. وأيامه
لعيوني
كحله تراب الزاير .. لعيوني
مثله كحل ماصاير .. لعيوني
ياسيدي شمحله درب .. زوارك
______
الزاير أتلكاه وأصيح .. بموكبي شويه أستريح .. لتعبره
أشبكه أمن أستقبله .. سنه وآنه أنظر إله .. أنتظره
ومن يطب الموكبي .. أشكر الله والنبي .. والزهره
وهو عني لو قبل .. هذا أهو خير العمل .. أعتبـره
خدامه
يدلل ويأمر أمــر .. خدامه
ولمن نخدمه نفتخر .. خدامه
ياسيدي شمحله درب .. زوارك
______
تاج راسي زايرك .. وروحي يالغالي أخبرك .. افديله
بجيته أتشرف أريد .. من أشوفه من بعيد .. أوميله
أبيتي لو زاير دخل .. نور من نوره يظل .. وأدعيله
حسين روحي ومهجتي .. ينال كل محبتي .. اليمشيله
يالغالي
فدوه التراب أجدامك .. يالغالي
سجلنــي وي خدامك .. يالغالي
ياسيدي شمحله درب .. زوارك
______
أبقى أنادي المؤمنين .. يزوار الأربعين .. أهواكـم
يزوار أبوعلي .. يابعد روحي وهلي .. حياكــم
يالكصدتوا كربلاء .. عين رب الانبيـــاء .. ترعاكم
فدوه أله هذا التعب .. أللي ميرد الطلب .. مولاكم
أدعولي
بحضرة حبيب المصطفى .. أدعولي
يم كبـــة أبن المرتضى .. أدعولي
ياسيدي شمحلـــه درب .. زوارك
______
نسل ناس الذبحتك .. هاليكفر شيعتك .. لوزاروا
لن دروا بالشيعه زين ..وياسبب حب الحسين ..أختاروا
حب أبد ماله شبه .. أكباله حتى الناصبه .. أنهاروا
شني هالحب العجيب ..شني سر هذا الحبيب ..أحتاروا
أحبابك
منها العده مقهوره .. احبابك
يابو علي منصـوره .. أحبابك
ياسيدي شمحله درب .. زوارك
______
حسين يالحبك شرف .. والله غيرك ماعرف .. دلاّلي
يا أعـز من النفس .. آنه أمقصــر أحس .. يالغالي
ياحبيبي أتوسلك .. أقبلني بس خادم ألك .. يالوالي
يابحر جود ولطف .. تنتظــر منك عطف .. آمالــي
ما أوفي
مهما آنه بالخدمه ذبت .. ما أوفي
للزايـــر أشما عزبت .. ما أوفي
ياسيدي شمحله درب .. زوارك
______
سلام المشعل
▪️تبجي شتريد ▪️
في مصاب صغيرة الحسين عليهما السلام
تبجي شتريد رقيه تبجي شتريد
اشبيها مااتهيد ياعمه اشبيها ماتهيد
امن الحبال الحززتها
لو السياط اللوعتها
اشبيها ماتهيد ياعمه اشبيها ماتهيد
——-
بالخرابه ابنيه تبچي اتصيح كاتلها ألمها
شافت الغالي ابوها الليله ياناس ابحلمها
اتعاتبه ابوّنه طويله وتشتكي عنده هضمها
بويه وينك شوف روحي منهو بغيابك يلمها
حالي مَتْشوف ياغالي حالي مَتْشوف(٢)
بويه وينك ماتجيني
اشلون شوف املوعيني
اشبيها ماتهيد ياعمه اشبيها مااتهيد
———-
وابحلم شافت وليها تگله ماتدري اشجرالي
امتوني جمره ونار بيها شوف بعيونك ياغالي
والله مايطفى لهيها عذبت يابويه حالي
ابياجنب اغفى وانامن ولاجنب بمتوني خالي
خذني ويّاك يابويه خذني وياك(٢)
روحي ملت من صبرها
گلي بعد اشينتظرها
اشبيها مااتهيد ياعمه اشبيها ماتهيد
———-
خل اسولفلك يبويه عالتراجي السلبوها
ذكرى من اختي العليله بويه من اذني اشلعوها
شوف يابويه ابعيونك اذني وشلون اقطعوها
دم اذاني ويه اديّه حتى اجدامي احرقوها
بالخرايب سكنّه بالخرايب
امتوني حيل ايوّجعني
شوف اذاني لوعنّي
اشبيها مااتهيد ياعمه اشبيها ماتهيد
——-
فزت ابيا حاله ويلي اتصيح لن ذايب قلبها
وابطشت جابوه راسه سكّتوا صاحوا نحبها
اتقله من خضّب وريدك تنفض الشيبه وتربها
تحضن الطشت وعيونه اتشمها كل ساعه وتحبها
واذن الموت رقيه اذن الموت (٢)
صاح شيليها ياعمه
ماتت وموتها همه
اشبيها ماتهيد ياعمه اشبيها ماتهيد
———-
#بنت_الشمري
تذبح يا بويه الفركه..طفلة وحنت للملكه..يابو الأحساس
بحالك ياويلي شصاير..جسمك وأيدوسه الحافر..جا وين الراس
..................................
طفلة ورادت والدها
وغيرك يابويه شعدها
يا جف اليمسح خدها
وأيكحل العين
أبين أنفاسي دورتك
بويه حسين وما شفتك
وسط أعيوني راسمتك
بويه يحسين
أمن الخيمة الحــد التلة
تركض مو سهلة الطفلة
يا هــــــو اليندل وأتسأله
وأيكلي أمنين
وزينب شافتني وطاحت..يا عمه وين وصاحت..شتكول الناس
بحالك يا ويلي شصاير..جسمك وأيدوسه الحافر..جا وين الراس
.........................................................
كلتلها آنـــــه أرقيه
كالت عمــه العلويه
تركض كلتلها البيه
جوتني النار
من هد يا عمه العسكر
بعيونــي شفت المنضر
جف فارس شايل منحر
يلفت لانضار
جن راس حسين الشفته
يا عمــــه شكد حاضنته
دنك مــــــــن عاين بنته
يا عمه شصار
عمه جا وين حسيني..عمه فدوه دليني..بجاه العباس
بحالك يا ويلي شصاير..جسمك وأيدوسه الحافر..جا وين الراس
.........................................................
يابويه ونركض كمنه
آنه وعمتي أتفرهدنه
بالبر عسكر ركضنه
ويلي وحفاي
شفناك وطحنه نشمك
ويلي ومتطشر جسمك
سابح يا بويــــــه بدمك
وتيهنه الراي
بالسب والسوط أعدانه
كومنه ومــــــــا خلانه
نكعد منـــــــــك جرانه
وأشلون بهاي
وشد أحباله أبأيدينه..وضل يشتم وأيسب بينه..وضاكت لانفاس
بحالك ياويلي أشصاير..جسمك وأيدوسه الحافر..جا وين الراس
................................................
مدري الوين وبالكوه
مشانه الما بيه نخــوه
بزينب يا بويه شسـوه
أمن أتكوم أتطيح
تعاين بس روس ويانه
مرفوعه بـــــلا عوانه
وأطفال أتون عطشانه
يا عمه أتصيح
أتفت ألحجر ونتهــــا
وكلنه أنطيح بطيحتها
حرمه وبلايا أخوتهــا
يلجمها الريح
بلل شيلتها المدمع..شما صدت راسك تسمع..صوتك لا باس
بحالك يا ويلي شصاير..جسمك وأيدوسه الحافر..جاوين الراس
..................................................
بالهيمه وبر كعدونه
يم راسك مــا خلونه
ولو نبجيك أيشتمونه
وحرمونه النوم
صار الليل ويا ويله
راسك شفته أيضويله
بين أحلامي وأشكيله
يا شيخ الكوم
أتعنيت بهيده الراسك
من ناموا كل حراسك
نفخت أنفاسي بانفاسك
وحاجيتك كوم
شفتك عالرمح غافي..بدمك حنيت أشفافي..جي ماتنباس
بحالك يا ويلي شصاير..جسمك وأيدوسه الحافر..جا وين الراس
.........................................................
طبينه السوك وشفنه
وادم غربـه وتردفنه
بحجار وسب رامتنه
يا ويلي الشام
أباب الساعه وكفونـه
بدف وأطبول أتلكونه
لحد قصر أبن الملعونه
التتسمه أسلام
وجابوك بطشت يمه
وركضت الراسك أشتمه
نعمة وحضنت النعمة
وبهيده أتنام
وجان آخر نفس بيه..أشمه وكله حنيه..وجان المقياس
بحالك يا ويلي شصاير..جسمك وأيدوسه الحافر..جا وين الراس
...................................................
خادم خدمة الحسين
الشاعر
محمد الموالي
استشهاد المام الحسن ع
عذابي ومماتي اعله جرحچ يهون
وغربتچ يزينب ابهذيچ الضعون
مثل هيچي ليله
اعله ظهر الهزيله
بهذيچ الضعون
++++++++
تودعين الحسن وانتي بوداعچ هسه مستوره
چبير اخوانچ واعرف عليه بكلشي معذوره
عزيزه انتي تصد عيني عليچ وتنرسم صوره
ماتبجيها يم حسين دمعتج هايه مجبوره
بحرگهن خيامچ يشغلچ يتيم
يلوذ بعباتچ وصياح الحريم
حسرتچ طويله
اعله ظهر الهزيله
بهذيچ الضعون
+++++++++
مو آخر طشت هذا يخيتي اتشاهده اعيونچ
ولا آخر چبد مفتوت تخطف شوفته لونچ
هسه اگبالي من تبچين واخوانچ يسكتونچ
تجيلچ فتره من تبچين سوط ايدگ عله امتونچ
اموت ابدياري وعيالي ابأمان
يزيتب غربتچ تحير الزمان
العظيمه العقيله
اعله ظهر الهزيله
بهذيچ الضعون
++++++++
قبل موتي اريد العين عليچ دموعي تهملها
يزينب دخلتچ للشام شده وياهو ليحلها
تذكريني وعليچ اتصيح هاي اخت الحسن كلها
ادموعچ لو اجه طرواي لثيابچ تبلـلها
زمن مايرجعه اليدفنه التراب
يريت انه يمچ بهذاك المصاب
عذابچ اشيله
اعله ظهر الهزيله
بهذيچ الضعون
++++++++
يصادفكم سنة وانتي وفاتي بناگه تحييها
اعله رمله تنظر اعيونچ بالنظره تعزيها
اشلون الحرمه تلطم عاد اذا مچتوفه ايديها
بين احسينچ وجسّام نظراتچ تديريها
يعين الله گلبچ چثيره الجروح
عله اخوتها زينب تخلصيها نوح
ولا تبقى حيله
اعله ظهر الهزيله
بهذيچ الضعون
++++++++
يشيعوني الاهل باچر اخوتي الي يشيعوني
على طولي جسد والراس ملتحمه يدفنوني
اعليه ماتم ايعزون وادمهم ينوحوني
وتجيني انتي بظلام الليل اويه اخوانچ تزوروني
لچن يالعقيله اضل تالي وين
بعيده دفنتي اعله اخوي الحسين
طويله الرحيله
اعله ظهر الهزيله
بهذيچ الضعون
الشاعر ثائر الربيعي
يمته ننصب بالبقيع قرايه
ونعتني لكبر الحسن مشايه
****
شوكت ننصب بالبقيع احنه العزاء
تمشي رايات النصر من كربلاء
تصير ارض الحسن بالعز والأباء
وتكصد الشيعه مشي عنايه
****
والمسيره الكبرئ من ارض النجف
يالثار الحسن زلزلال وهتف
جن مدار الارض يهتز ورجف
ثار ابو محمد يصير الغايه
****
انسوي حنه جاسم إبكبر الحسن
والمناحه تصير بدموع وشجن
والنوارس مشن ويانه وسعن
تعتبر هاي المسيره إبدايه
****
نروح يم كبر الوفه كبر الونين
بينه ريحه تشمها من كبر الحسين
هذه هذه الطاهره ام البنين
ام ابو فاظل تظل وفايه
*
انأذن بارض البقيع المايلي
لافتئ إلا ابو الحمله علي
صوت من عند الروافض يعتلي
وصوت فاطم بالعزه بجايه
رايه نرفع للحسن بين النجوم
بيها مكتوب الظلم لا مايدوم
عالكبر نبقه بحزن والله نحوم
الطاغي باجر منهو يمش برايه ؟
**
تمت ولله الحمد / المقصر مع الحسين
الشاعر علي النائلي
للاربعين.( نزله)
(من كل مكان وكل صوب. نتعنه يابواليَّمَه)
★★★★★
نتعنه. للجنه. من شرق وغرب
السلوانه. ورجوانه. ونبضات الگلب
عَنَايَّة. ومشايَّه شماطال الدرب
لصوابك. ومصابك. دمعات التصب
(اعلينه اربعينك يحسين من ربنا خير ونعمه )
★★★★★
الحبك. وبدربك نمشي ومانمل
والينه. اتجازينه. يلكلك فضل
شوغتنه. ولوعتنه. ودموع التهل
كاتبها. وحاسبها. ومكتوبه ابسجل
(شگد اليزورك مأجور. وعندك تسجل أسمه )
★★★★★
المهمومه. المهظومه. ورباة الستر
المحنيَّه المسبيه. ويلي ام الخدر
بواليها. انواسيها. وأندگ علصدر
اللَّوعَتها. وغربتها. وأيام الأسر
(سَجَّلَهَا يابوالاحرار. ايام المشي والخدمه )
★★★★★
نبچيلك. نمشيلك. . مافل العزم
اسرارك. وانوارك. تاخذنه بحزم
ساحرنه وشاغلنه. نعشگ هلأسم
لوعتنه. ودمعتنه. عن فطره وعلم
(يلمثل طه المختار. نورك يزيح الظلمه)
★★★★★
لهفتنه. وغايتنه. ميفلها الزمن
لونمشي لونحبي. نوصل للصحن
لمصابك. احبابك. . ياجنة عدن
أنعزيها. انواسيها الزهره ام الحسن
(ماننسه أبد يازهراء. ابنچ الضحَّة ابدمَّه )
الشاعر حسن لعيبي الحريشاوي
قصيده للسيدة رقية ع{گمت اكتب رسايل}
اعله حيطان الخرابه ** گمت اكتب رسايل
رقيه هنانه يحسين ** اخـط ودمعي سايل
لو مـــــــــريت منا
عزيزت كلبك اهنا
اعله حيطان الخرابه ** گمت اكتب رسايل
❥❥❥❥ـــــــــــــ❁❁ـــــــــــــ❥❥❥❥
گمت اكتب رسـايل وذرف ادموع
من شــــوگ اليدگ ابيــن الضلوع
رد اعـــــليـــــه مو دلالي مـوجوع
چا يمته تمرني
يالما داري عني
اعله حيطان الخرابه ** گمت اكتب رسايل
❥❥❥❥ـــــــــــــ❁❁ـــــــــــــ❥❥❥❥
صار اهواي لا تــــــــلفي ولا اتگول
اسم الله خاف آه يالرحت مجتول
اخاف بكــــــربله سحگـتك اخيول
گــلش خاف گلبي
سلم حسين ربي
اعله حيطان الخرابه ** گمت اكتب رسايل
❥❥❥❥ـــــــــــــ❁❁ـــــــــــــ❥❥❥❥
الهي شگد دعيتك ردلي الحسين
ماترهم العيــــشه اخلاف الحنين
من يوم الجــفاني تـــذرف العين
الدمع لوعني ردلي
رقية احــذاج گلي
اعله حيطان الخرابه ** گمت اكتب رسايل
❥❥❥❥ـــــــــــــ❁❁ـــــــــــــ❥❥❥❥
رقيه احذاج ابوج حسين ما راح
ولا فــــــوگ النحر واكف الذباح
ولا شالت براسي ذيــج الرماح
جذب افكاري هايه
يالبيك الكفايه
اعله حيطان الخرابه ** گمت اكتب رسايل
❥❥❥❥ـــــــــــــ❁❁ـــــــــــــ❥❥❥❥
يالبيك الكفايه مرلي لو يوم
حيلي من فركتك بويه مهدوم
وآه يالگلب من اجفاك مهظوم
انهظم گلبي بفركتك
يريدك گلب بنتك
اعله حيطان الخرابه ** گمت اكتب رسايل
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
مشت زينب غريبه ومحد وياها
فقط بس العليل بروحه واساها
محمد النوري
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
جابو بالطشت راس. والفظ اخر انفاس
راس حسين هذا او وجه الحسين
بس حسين وينه وجسمه لاوين
جابو بالطشت راس
===========
ليه جابوا. راس ابويه. دمه يگطر
اتغير هواي. وجهه ذبلان لگلبي يفطر
فطر گلبي يعمه وجهه ذبلان
مذبوح واحسه لهسه عطشان
يعمه شوفي ابويه شلون تعبان
متغير يعمه اوين من جان
يعمه مغمض العيون. دشوفي حالته شلون
يعمه من اكلمه مغمض العين
بس حسين وينه وجسمه لاوين
جابوا بالطشت راس
==========
لحد لهاته. الرمح واصل. عابر هواي
نحره يابس ضامي مذبوح. ماشرب ماي
الرمح عابر لهاته وبي يفرون
وصل عمه الرمح يم رمش العيون
إرحموا حسين اصيح ومايبطلون
راسه اعل الرمح بس بي يضربون
يعذبونه اعل الارماح. ابويه شلون يرتاح
الرمح عالي عليه گصيره الايدين
بس حسين وينه وجسمه لاوين
جابوا بالطشت راس
==========
غمضت العين. بحلمي شفته. جن لزمني
كتله بويه. وين عني. من شبگني
يبويه حسين گلي شهل مصيبه
شفت جثه تشبهك بس سليبه
شفت راس بطشت بويه عجيبه
لحيتك جن شفتها بس خضيبه
اعيش بدونك شلون. اموت وداعة ام عون
شفت بويه بغيابك موتي مرتين
بس حسين وينه وجسمه لاوين
جابو بالطشت راس
==========
بحضني جبته رأس الحسين. وشفت الاثار
وبجبهته. لسه باقي. اثر الحجار
اثر ضربه بجبهته شلون الزمه
اخافن لاابوي بأيدي ألجمه
بنظرتي من شبگته سال دمه
احس عمري خلص عالطشت يمه
حضنته وفاضت الروح. يعمه حسيني مذبوح
متت من فكد ابويه ومن الإونين
==========
ياخذ الثار. ثار ابويه. صاحب الثار
گلبي يبرد. حين يطلع تخمد النار
ياخذ ثار ابويه وثاري باجر
ابوصالح يعمه لجيته اناطر
يصلبه اللي رعبني بيوم عاشر
يذبحه اللي سلبني وكسر خاطر
يرجع ثاري ويعود. يعمه وعدنا موعود
يرد إشما تطَوّلْ عمه الاسنين
==========
الشاعر علي النائلي
قصيدة للسيدة رقيه بحر طويل
من ديوان
#مواجع_الطف_الجزء_الثاني
[ رقيه لراس ابوها تريد]
رقيه لراس ابوها اتريد والونه تعليها
مارادت اكل لاماي رقيه تريد واليها
•───✧◐◐✧───•
رقيه فزت من النوم صاحت صوت ياعمه
اجاني والدي هسه شفته مخضب بدمه
اشتاكيت الحجاياته يعمه وكعدتي يمه
ولن عمتها سمعتها اجت ليها تهديها
•───✧◐◐✧───•
رقيه تلطم اعله الراس صاحت والدي وينه
اجاني بنومي ويگلي حضَّنـي واهملت عينه
اجيتج يالعزيزه هنا رقيه آ يالحنينه
يگلي سكتي لا تبجين دمعتج بويه نشفيها
•───✧◐◐✧───•
ولن ايزيد سمعاها وصلّ صوتها ابأذنه
كالوله رقيه تريد ابوها وعلت الونه
كاللهم دشيلو الراس ومنه تكطع الضنه
لمن آمر الملعون جابو راس واليها
•───✧◐◐✧───•
ومن جابو الراس الها بطشت ومغطه بالمنديل
صاحت ما اريد الزاد تبچي والدموع تسيل
اريداً والدي هاليوم اشوفه ويرد بيه الحيل
ولمن شالت المنديل شافت راس واليها
•───✧◐◐✧───•
شافت بالطشت راسه مخظب شيبته بدمه
هوت عالراس وتشمه وصعدت روحه يمه
زين العابدين يصيح نحي الطفله ياعمه
رقيه ماتت عالراس بچه ودموعه يجريها
•───✧◐◐✧───•
زينب صاحت السجاد بالله وياي ساعدني
خلي انغسل الطفله حال الطفله يوجعني
ولمن جابو مغسله شافتها وبقت تبچي
كالت ما اغسلها اظن بيهها مرض معدي
جسمه من المرض موروم ازرك والدمه عليها
•───✧◐◐✧───•
تجاوبها العقيله تصيح مابيها مرض معدي
هذه اسياط ال يزيد يظربوها وتضل تبجي
وطول الدرب جابونه وضرب اصياطهم تحدي
ودخلنه للخرابه وصار وشوفي شصار تاليها
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🏴 إستشهاد سبط رسول الله الأكبر مولانا وإمامنا الحسن بن علي المجتبىٰ ع في مدينة جده ص مسموماً باللبن على يد زوجته اللعينة جعدة بنت الأشعث بن قيس الكندي لع في ساعة إفطاره حيث كان صائماً … في السابع 7 من صفرالخير 50هـ وبتخطيط أموي من معاوية الملعون ومروان اللعين ..
الآ لعنة الله على الظالمين
السلام على كريم آل محمد …
⬛️◾️القصيدة-1-◾️⬛️
للحسنِ المسمومِ دمعي جرىٰ
بِـحقدِه الباغي عليه ِ اجترا
رأىٰ الرزايا إذ ألَـمّت به ِ
وغدرُ أصحاب ٍ به ِ أثّـرا
كريمُ أهلِ البيت ِفي مِحنةٍ
مـَن سيُواسي أمَهُ يا تُرىٰ !
فجُعدَةٌ من يَدِها قَدّمَت
سُماً لَـهُ مُذ هَمَّ أن يفطُرا
في لَبنٍ زُعافُها غالَهُ
والكبدَ للمظلومِ حالاً فرىٰ
وظلَّ يشكُو مِنـهُ حتىٰ قضىٰ
والعرشُ ضجَ والملا كبّـرا
وزينبٌ جاءَتهُ في لَوعة ٍ
أخي تصيحُ يابنَ خيرِ الورىٰ
روحي فداكَ لاتَغِـبْ عاجلاً
عليكَ عيني نَـثرَت أحمَرا
أمّا حسينٌ مُذ رآهُ بكىٰ
وشجوَهُ بـحُرقَة ٍ أظهرا
وللبقيعِ نعشَهُ حاملاً
إذ صارَ من لؤمِ العِدا مُجبرا
ينعىٰ أخاه ُ السبطَ لهفي لهُ
ودمعُـهُ القـاني َخطَّ الثرىٰ
#سمير_الصالحي
#تمت_في_البصرة_الفيحاء
#29_محرم_الحرام_1446هـ
#الإثنين_5_8_2024هـ
🏴نعي نصاري
گعد يم گبره ودموعه تهل دم
يبو محمد يخويه يصيح وبهم
عگب عينك اعداك علينه تلتم
وبموتك يخويه تهدم الحيل
يريحانة الهادي لا عدمناك
يريت الموت جاني ورحت وياك
گلي شلون صبري خلاف عيناك
ودمع زينب اختنه لجلك يسيل
🏴أبوذية
تره بذكر الحسن راحه وبلسم
شريف وبالكرم شايع وبلسم
وسافه اعدااا يغدرونه وبلسم
يموت وتفرح بچتله أميه
#سمير_الصالحي
#تمت_في_البصرة_الفيحاء
#29_محرم_الحرام_1446هـ
#الإثنين_5_8_2024هـ
السيده رقيه ع
يـحــسيــن ابوي الــراح شوف اخـيـاله
أنـه الزغــيــره الچنت اعـيـش ابـجـالـه
============================
بويه الـهــجــر يكـتــل يــضـي اعــيوني
تــرضــاهــا يـحـــسيــن العــده يسبوني
لا انــتــه يـمــي يــبـقــه لاعــمــي اهنــا
أنـــه الزغـــيــره بـــويـــــه وتـعــوفوني
بنتك رقــيّــه انــه وعـــزيـــــزت گـلبـك
مايحله عــيــشـــي يلـتـسـافــر بــعــدك
تبقه الــعــــيــون ابروحـــتـك هـمّــالـــه
يـحــسيــن ابوي الــراح شوف اخـيـاله
============================
گلبي انشلع والـــروح مهضومه الــروح
تـتـــركه بنتك هــــيــــچ يابويـه اتروح
ترجــعـلــي يـمـتـه حتى اكــول مسافر
لو اگــطــع الضـنـــــه واظل بس للنوح
بويه الأمــــــل يــــراد لــيــه ابـــشــاره
حـتـــى انه اگولن هـاي اجتني اخباره
تمنيتك ويـاي وتــشـــــوف الحــــالـــه
يـحـسيــن ابوي الــراح شوف اخـيـاله
============================
وبـيــــوم عاشــــر مِــــن بعد روحتكم
راح الــــــدلال وگـــــادوا ابـنـيــتــكـم
بويــــــــه العـساكر علـمـخـيـم تـفــتـر
لـيــش اتركــتـنـه وننـتـــظــر جيـتكم
شــعـلــو الـنـار ودوت نـار الــخـيـمــه
نـســـــوانكم يابـــويــه طــرّن هـيمــه
السافر ايــــــرد ما يــعـــوف اعــيـالـه
يـحـسيـن ابوي الــراح شوف اخـيـاله
============================
آه الـهِــزل والـحــبـل آه آشــأحـــچـي
كـــــل السوالف بـيّــه هـــاي اتـبـچـي
طفله وزغيره وچفي مــو مال احبال
ياريــت يـمّــي وخــل اشــوفك چفي
هان الشتم هان الضرب ممشه النوگ
بس الي تكتل بويه طرينه الــســوگ
وتـفـــتر علــيـنـه العـسـكــر وخيّــالـه
يـحـسين ابوي الــراح شوف اخـيـاله
============================
بس عــمـتـي زينب يمنه واسال عنك
اسألها تــــــرجع بويــــه واشـبـع منك
كالتلي ابــــــوچ احسين راح امسافر
امـطـوّل ســفــرتك لـيـش ماشوفنّك
والتارك احــــبابه شــهـر لو شــهـرين
يحچي بسفرته يگول چا گاصد وين
ويطمن أهلـــــــه ابســفـرتــه واحواله
يحــسيـن ابوي الــراح شوف اخـياله
============================
شِــفـت بحـلـم يابـــويه گــاصـد لـيّــه
تِـفـگــد ضـعـنـكـم تارك انــتـه ابـنـيـه
فزيت اصيحن ليه جيبولي حـــسيـن
گالولي هس انجيبه صبري اشـــويّـه
جابولي راسك بالطشت شو مگطوع
وگالو ببوچ احسين كسرنه اضلـــوع
فاضت الـــروح ومــا حِـمـلـت الگـالـه
يـحـسيـن ابوي الراح شوف اخـيـاله
============================
✍️عباس مالك العفريت
#محرم_الحرام١٤٤٦هـ
نسألكم الدعاء
اللحن 👇
شكرا مولاتي رقيه
#الطميه_بديوان_بحر_الولاء_الجزء_٦_.
لطميه للأمام زيد الشهيد عليه السلام
زيد الشهيد اليوم حركوا جثته
تشبه لبو السجاد صارت قصته
❥━──➸➽❥💔❥━──➸➽❥💔
بالرمح راسه امعلكينه اهل الرده
يشبه الجده زيد بلصار اوسده
الراس بلبلدان فروه العده
واتفطر الدلال ويلي امصيبته
❥━──➸➽❥💔❥━──➸➽❥💔
اعزلوا راسه امنلجسد عدوانه
واسنين ظل مصلوب يا جثمانه
مثل ابو اليمه من هوه امنحصانه
والشمر بيده السيف حزهه ركبته
❥━──➸➽❥💔❥━──➸➽❥💔
شنهي المصيبه هل عده السووهه
ايطلعون جثت زيد وايصلبوهه
واسنين تبكه ليش ميدفنوهه
وايخلد التاريخ هايه ثورته
❥━──➸➽❥💔❥━──➸➽❥💔
ابدم الشهيد حسين يطلب ثاره
من اهل كوفه اهل الرده الغداره
يشهدله من ذاك الزمن بتاره
يتذكر حسين او مصابه او غربته
❥━──➸➽❥💔❥━──➸➽❥💔
مثل الشهيد حسين خاضاهه الحرب
متروس جسمه اسهام طاح اعلترب
من دم وريده اليوم ويلي مختضب
وين الهواشم خل تشيع اجنازته
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
قصيده فزاعيه سريعه
لمولاي الحسن المجتبى
ــــــــــــــــــــــــــــــــــــــــــ ـــــــــــ
المستهل 👇👇👇
شايل وين يالمجتبى /هالليله
ــــــــــــــــــــــــــــــــــــــــــ
عايف دياره وكل هله
والموت مستعجل اله
والدنيه بعده مايله
شايل وين يالمجتبى هالليله
ــــــــــــــــــــــــــــــــــــــــــ ـــــــــــ
والسم مرد دلاله
والليله يفجع حاله
وين المحب وناله
شايل وين يالمجتبى هالليله
ــــــــــــــــــــــــــــــــــــــــــ ـــــــــــ
الدنيه صارت مضلمه
شال اليحل الموزمه
وخوانه كلها محزمه
شايل وين يالمجتبى هالليله
ــــــــــــــــــــــــــــــــــــــــــ ـــــــــــ
والنعش شالوه اخوته
وزينب تون وحاجته
ارجع يضيــــي نادته
شايل وين يالمجتبى هالليله
ــــــــــــــــــــــــــــــــــــــــــ ـــــــــــ
وحسين مكسور الضهر
نفس انكساره عل نهر
من بعده ياراحه التمر
شايل وين يالمجتبى هالليله
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان عج