7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
هلي يهل المحنه وحشه أديار أهلنه
صوركم والهجر نارين من تسعر
........................................................
يالماشين بالله أوياكم أخذوني
أبنيتكم عليله لا تعيفونـــــــي
يهلي يخوتي هلبت تسمعوني
وياكم ردت أمشي تخلونــــي
ولوعفتوني وحدي ياهو اليبقــى عندي
بعدكم يالمشيتوا بيمن أتصبر
....................................................
من حمل ضعنكم ياهلـــــــــي وأسره
رحت أركض لابويه وبسته من نحره
كلتله أعليك أمشــــــي فاطمة الزهره
أخذني وما خذانـــــي وطاحت العبره
وحشمت الكمر عود كلتله عمي موجد
وشفته نزل دمعه وعالنهر أشر
.........................................................
مشيتوا وماي عيني بلل أثيابي
ليل أنهار أتاني وكاعده أبابــي
أسألمن عليكم يهلي يحبابـــــي
أعتب وأدري لا ماينفع أعتابـي
لا طارش خبركم ولا مرسال منكـــم
بقيت أحسب ليالي وكاعده أتحسر
......................................................
وحشه البيت وانه الوحشه تاذيني
ومن كثر البجي وشل دمـع عيني
طمنوني عليكم يلــــــــــي ناسيني
عبدالله كعد نايم يناغينـــــــــــــــي
مشتاكه الضحكته أبوسه من ركبته
وأهز مهده وأنومه بحضني وأتبختر
......................................................
شفت أم سلمه ركضتلـــي محتاره
تكلــي حسين يمه أنكشفت أسراره
القاروره دمه أنترست وهي الشاره
يعني أنكطع راسه وضاعت أخباره
طحت كلي عليها وأشرتلي بديها
وشفت دم النحر يجري وعلي يفتر
............................................
خادم خدمة الحسين
الشاعر
محمد الموالي
🏴 القريض المناسب لليلة الثاني من محرم
⬛️◾️القصيدة-1-◾️⬛️
وعندَ بقاعِ الغاضرياتِ شارفُوا
بتلكَ الظعونِ السآئراتِ توقَفوا
وقد كانَ فيها أنجم ٌ من أرومَةٍ
بأرقىٰ خصال ٍ للنبيينَ توُصَف ُ
أناخُوا بأرض ٍفي الجنانِ أُصولُها
ومن كلِّ أصقاعِ البسيطةِ أشرف ُ
فلمّا دنىٰ منها الحسينُ يَشَمُها
كأنَّ دمآءً من ثرىٰ الطفِّ ِتنزف ُ
فصاحَ ألا تدرونَ ياصحبُ مااسمُها ؟
فقيلَ تُسمىٰ نينوىٰ وهيَ مألف ُ
فردَّ عليهِم هل لها غيرُ إسمِها !
أجابُوهُ وادي الطفِ في الناسِ تُعرَف ُ
فخاطَبَهُم هلآّ تبوحُونَ باسمِها !
أجابُوهُ تُدعىٰ كربلا وهوَ عارف ُ
فراحَ ينادي هاهُنا فانزلوا بِنا
هنا الكربُ والبلوىٰ قريباً ستُكشَفُ
هنا مََصرعي حتىٰ رجالي وفِلذَتي
هنا جيشُ أبنآء ِالضلالِ سيزحف ُ
هنا سهمُ عبدِ اللهِ يأتي لنحرِهِ
وليسَ علىٰ الأيتامِ شمر ٌ سيعطِف ُ
هنا يُحرِقُ الأشرارُ بالنارِ رَحلَنا
ونوقُ سِبا هذي العيالاتِ عُجّف ُ
وإنَّ مصابي لا رزية َ مثلُه ُ
لهُ أعينُ الأشياعِ بالدمعِ تذرف ُ
وزينب ُتبقىٰ بينَ هضمٍ ولوعةٍ
وتؤسَرُ للباغيِ بحبلٍ وتُكتفُ
علىٰ مَقتلي تبكي السمواتُ قانياً
وشمسُ الضحىٰ حزناً عليها ستُكسف ُ
وعباسُ يُطفي السهمُ نوراً بعينهِ
ويهوي كبدر ٍ بالعمودِ ويُخسف ُ
عليه تنادي زينبٌ يابنَ والدي
لكَ الأرضُ رعباً من مصابِك ترجف ُ
وتُلقي عتابَ الوالهينَ بعبرةٍ
حسيناه ُ ياابنَ الزاكياتِ ستَهتف ُ
#سمير_الصالحي
#النجف_الأشرف
🏴 نعي نصاري
الليلة الثانية من محرم
نزل بارض الطفوف بثاني عاشور
شحلاته الظعن وتحف بيه البدور
وگلب زينب عله الخوان مفطور
بيهه تخاف فوگ الترب يمسون
وگف مهره ونشد شسم الأرض هاي
وهو عالم ويعرف زين بالراي
گصدهه من المدينه بعزم عناي
لاجل الدين ثار اعله اليظلمون
يگلوله إسمهه الغاضريات
واسمهه كربله وهذي العلامات
صاح بصوت هاي ارض البليات
خلي اهلي وخواتي هنا ينوخون
يحاچي اخته العقيله وعينه تسيل
أظل آنه وهلچ بالطف مچاتيل
وانتي بلا چفيل وياچ العليل
ويتامى والأرامل بس تونون
يزينب للسبي ترحون للشام
وترافگچن اعداي وكلهه ظلام
ووصيتي هلّـة ٍ هلّـه بالايتام
وأخبرنچ أشكال الضيم تلگون
تگله
عسه موتي إجاني ويومك بعيد
ولا اشوف الشمر يگطع بالوريد
شيفيد البچي يبن امي شيفيد
عگب چتلك يخيي لعمي العيون
صدگ مسبيه اروح وراسك وياي
ولا يمي الگمر يبره ليتاماي
يخويه المن اعاتب واشتچي بهاي
مچتوفه وأسيره شلون ترضون !
أبوذية
أرض جدي علي صارت بعيداي
وجسمك علترب مچفي بعيداي
يزيد وراسك يضربه بعيداي
هضمني وحرگ دلالي عليه
#سمير_الصالحي
#النجف_الأشرف
نزال //في شجاعة مسلم ابن عقيل/ع
اضرب مثل ضربات عمي
والما عرفني كتله باسمي
هذا آنه مسلم٠٠٠٠٠هذا آنه مسلم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
اهلي فرسان المعاره واسمي طالع من اسمهم
مايثنون ابضربهم لا خطوا مره ابسهمهم
ما احيد ابيوم عنهم وي حربهم وي سلمهم
إبسيفي اكطع راس كلمن راد يهجم لو يمسهم
دم حيدر الكرار دمي
والماعرفني كتله باسمي
هذا آنه مسلم٠٠٠٠٠هذا آنه مسلم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
آنه صكر الكوفه مسلم والطريده ابسيفي اكظهه
قضه مستعجل واجيكم والطلابه ابساعة افضهه
كلوبكم ترجف شفتهه ابصارمي يسكت نبضهه
والحشود الواجهتني ابطولهه ادخل وابعرضهه
هذا آنه زودي وهذا عزمي
والماعرفني كتله باسمي
هذا آنه مسلم٠٠٠٠٠هذا آنه مسلم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
بيا علي الكرار اهجم والاجل مرواح اطشه
ما اخلي الزلمة بيكم يطبك اعله جفونه رمشه
هالجمع بأذن الله اهزمه وفرشة الحصران افرشه
ايدي بيد الباري احطهه الظالم ايطيح اويه عرشه
ويازلمه بيكم يدنه يمي
والماعرفني كتله باسمي
هذا آنه مسلم٠٠٠٠٠هذا آنه مسلم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
الباتر ابجف ايدي سولف انتو يمه اصوات خرسه
والبقه ابصفين شاهد سيف عمي انعاد نفسه
والوكف جدامي اصفنه وجسمه بس اجروح اترسه
والبرزلي ابضربه وحده وعنه هذا الهوه احبسه
وايصير فوك الكاع مرمي
والماعرفني كتله باسمي
هذا آنه مسلم٠٠٠٠٠هذا آنه مسلم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
حسين ابن عمي وامامي البيعة اجيت آخذهه باسمه
وآنه مرسوله وسفيره وسيفه عالماعنده ذمه
دمي يرخص لو يطلبه والمهم محفوظ دمه
مايهمني اشما جرالي ونفذت بامره المهمه
دم نحري لجله انطيه وجسمي
والماعرفني كتله باسمي
هذا آنه مسلم٠٠٠٠٠هذا آنه مسلم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي
فرت اكبار الكوم طب ليها مسلم
.
.
صاح ابو الغيره وهجم
ابخدر زينب قسم
كفو تربات الزلم
بيها ضل يردم ردم
كل جيوش ال زياد لازم تسلم
فرت اكبار الكوم طب ليها مسلم
.
.
الله يستر من نزل
لمع بعيونه الزعل
وسطت الجيش ارتجل
الكوفه وكفت تك رجل
اليوم وينه مزوان جا وينه ملجم
فرت اكبار الكوم طب ليها مسلم
.
.
الكوفه توكف بالسره
الشبل قالع حيبره
جيش تطلب معذره
طوعه جانت تنضره
تصيح حي الله الزود بجفوفك ارجم
فرت اكبار الكوم طب ليها مسلم
.
.
وينهم اهل الكتب
صاح ابو الغيره وغضب
النار ذب ليها الحطب
شافو اليوم العجب
شنهي صاير يا ناس بس الله يعلم
فرت اكبار الكوم طب ليها مسلم
.
.
صاح وين اهل الغدر
اليوم ما منها مفر
راح يحجيها الدهر
و رفع رايات النصر
لوحه كضها فنان ضل بيها يرسم
فرت اكبار الكوم طب ليها مسلم
.
.
مثله ما صار ويصح
بلسم ايداوي الجرح
نصر من الله فتح
سيف ميهاب و رمح
سكتت بذاك اليوم محد تكلم
فرت اكبار الكوم طب ليها مسلم
.
.
حسن صالح العيساوي
گومي طوعه وندعيله بعمه حيدر شدي حيله
اسم حيدر من يسمعه يگلب السبعه عله سبعه
هذا مسلم هذا مسلم
****
لا فتى الا علي بالدنيه معلوم
ولا فتى بالكوفه الا مسلم اليوم
طوعه صاحتله الدرب بالخيل ملزوم
شد عليها وظل يذب الگوم عالگوم
غاصت الكوفه بأهلها والشدد مسلم يحلها
والقصر رايد يقلعه ويطبگ السبعه عله سبعه
**
لبس درعه الهاشمي وضيگ لثامه
وبعد ساعه واقره عالكوفه السلامه
هذا يوم الموت لو يوم القيامه
صاح حي عله الحسين وعالكرامه
ما رجف گلبه وتردد وظل ينادي يامحمد
ضاگت عليهم الوسعه ويطبگ السبعه عله سبعه
*****
هاي وادم خانت وباعت ذممها
ولا تثق بناس ما حفظت قيمها
عليها مسلم صال والرايه لزمها
ظلت من الخوف تتدافع زلمها
عن امامي وديني اقاتل خانته الودت الرسائل
خانته الگالت نتبعه ويطبگ السبعه عله سبعه
**
الليله مسلم وحده حاير گومي شجعيه
وبمراجل عمه ابو الحسنين ذكريه
شرايح بهاي الزلم شيسوي شوفيه
وعلي مسلم وحده هذا الجيش يفنيه
ما تهمه هالكتايب جنه جده ابو طالب
جيش كامل ما يرجعه ويطبگ السبعه عله سبعه
***
نزل ووجوه الزلم خلاها صفره
علي صاح وظل يذب عشره عله عشره
هذا مسلم بالحرب محد يگدره
لو زعل مو مرحب العسكر يشطره
كلها ترجف من خياله يشبه حسين بقتاله
والعهد بالدم يوقعه ويطبگ السبعه عله سبعه
***
اده مسلم دوره بالكوفه بجداره
ومن برز چنه علي بدرعه وفقاره
حسين گله مسلم انطيك البشاره
ايصير گبرك اعله من قصر الاماره
يرتفع باجر مقامك اهواي راضي عليك امامك
يدخل الجنه اليتبعه ويطبگ السبعه عله سبعه
**
تمت
ميثم العمري
قصيدة جديدة للخدمة
انـت تطيني الاريدة سيدي يبن الصميدة
ومن تعلمت القصيدة خدمتك صارت هدف
==========================
شحچي عن ياهي واسولف وانت اسخى من السحاب
بحاجتي من اگصد ضريحك َ كل طلب عندي مُجاب
الحاجة تُقضى بصافي نية وگلب صافي ومو ضباب
نازل من الباري رحـــمة وللحوائج انت باب
ربي وفقني لخدمتة عمري للخدمة نذرتة
دربك اول ما سلكتة خدمتك صارت هدف
==========================
اليـريد القـــربى لله بحب ابو اليمة يذوب
خادم ايصير وخدمتة بيـها تنشال الذنوب
حب ابو السجاد نعمة تهوى شخصة شگد قلوب
أحمد الله ودوم اشكرة حبة دلاني الدروب
اعمى لو مرة تركتك دربي اشوفنة ابخدمتك
انة اول ما عرفتك خدمتك صارت هدف
==========================
الخدمة عند الناس ذلة وانت الي يخدمك امير
يرتفع شانة ابخــدمتك مو ذليل ابعز يصــــير
العزة والجاه وكرامـــة تــــطي ما الهن نظير
ابخدمتك صافي النية هذا معروف المصير
خادمك بيدك مصيرة الجائزة العندك چبيرة
بالبشر ماكو نظيرة خدمتك صارت هدف
==========================
حسين لله اقرب وسيلة بابة ادكَة ابكل امر
شما تضكني الدنيا عندة كل عسر يصبح يسر
ابقى ثابت وابقى اخدمة لآخر ايام العمر
وما اوفي حســـين حقة ناذر سنيني نذر
عاهدت الله ورسولة كل حرف الكم اگولة
انت عشگي من الطفولة خدمتك صارت هدف
===========================
من وعيت الدنيا واسمع عن كرم طه وهلة
ابكل زيارة حسين اندبة لو رحت طف كربلة
ربي كون اتوفــق اخدم واسمي امة اتسجلة
اطاني ما اطلب واريدة اسمـى وارفع منزلة
من زغر چانت اماني واحمد الله وفقاني
حسين خادم توجاني خدمتك صارت هدف
===========================
أسألكم الدعاء رائد الاسدي
يـــــا يوسف يعكوبك شمعة أوكف بدروبك
وأتأمل ملكاك
يا مهدي
...............................................
يــــــــــــا أمان المآله بالدنيا أمان
ويــــــــن أدورك سيدي وبيا مكان
يا نهر مايك جــــــره وفيض حنان
آنه وأجروحي أنتضرتك من زمان
بكل عزه ومجلس دعيت
وبدمــــــــــع فاكد بجيت
يـــــا بو صالح وأرتجيت
طلعتك يبن الحسن
يـــا بسملة أجروحي وسلوة وني ونوحي
وأتأمل ملكاك
يا مهدي
................................................
عن يقين ومعرفة أهـــل العقول
رحمة فرض زيارتك بيها تكول
وكفتي شما بينــــي وبينك تطول
دمعة العاشك على أحبابه رسول
شما نزل دمعي عليك
أبثوبي الأســود أعتنيك
يــــــا ملك وأبين أديك
عبد بالسر والعلن
يالمالك أحساسي وعايش بين أنفاسي
وأتأمل ملكاك
يا مهدي
...................................................
يابو صالح مالــي بالدنيا سواك
عــدل ميت عايش أتنفس هواك
يمته يا جمعة تجي وشايل لواك
وكون أتوفق حلم وأمشي وراك
حتى لو شسعك أصير
حسين لمــــوه بحصير
بالحشر بيــــك أستجير
بيك يا محُيي السُنن
جمرة ثار حسينك سهيل البيني وبينك
وأتأمل ملكاك
يا مهدي
............................................
عايش أسنيني وأتاني الطلعتك
وثوبت عمري نذر لزيارتـــك
تارس البيبان حنـــــه الشوفتك
وبدعاء النُدبة أحيــــي جمعتك
وين مثلك ألكه وين
عاطفه ويمطر حنين
شمـا تمر بيه السنين
تبقى بوصلة الزمن
أتنطر كـــل جمعة والزم ياس وشمعة
وأتأمل ملكاك
يا مهدي
..................................................
يا حلم بعيوني عايش مــا يموت
ياحرز وأقراك واجب كل قنوت
تنقره أعيونه اليحب بلايه صوت
يا علي يونس قره ويسمعله حوت
ودمعي بحروفك وهج
يلي كـــــــل شدة فرج
خاتم أنـــــــــوار الجج
وحضرتك جنة عدن
ياحاضر كل شدة ماي أعيوني أتبده
وأتأمل ملكاك
يا مهدي
................................................
خادم خدمة الحسين
الشاعر
محمد الموالي
▪️ايطول عمره▪️
في استشهاد ابو الفضل العباس عليه السلام
گون يايمه الحنين ايطول عمره
هوّيدفني اولا اشوف ابعيني كبره
سالم العيني يظل
اوياه كل حزني رحل
غيبته شبت دليلي ودوه جمره
————
كون يايمه الحنين ابعمره ايطول
لا ولا يوصله هم وغمه ايزول
فدوه اروح إلطوله يمه وهذا إلزول
امدلله والله اعله حسه وخدري معدول
هوّ لعيوني الكحل
هذا اخوي ابو الفضل
غيبته شبت دليلي ودوّه جمره
————-
ياهي مثلي ابفي جفوفه راعي الزود
عمري بستان بوجوده زاهي إلورود
هاي عاداته زماني ايشح بلسعود
ياخذ الغالي ويخلي گلبي ممرود
غيبته هم وكدر
وهوّ لأيامي البدر
غيبته شبت دليلي ودوّه جمره
————
بيدي اوديه للمنيه واگطع ادروب
والله وانزلها الديار البيها الغروب
تاخذه مني المنايا واصبر النوب
مو قلب واحد اشيل ابضلعي اكلوب
چم گلب ينراد الي
اشلون باولادك علي
غيبته شبت دليلي ودوّه جمره
————
عينك التضوي الليالي عني تغفه
خويه بسهام الحرايب نوري يطفه
چم ألم رايد اعيشه حتى تشفه
والزمن بعدك طويله اعليّه چفه
گوم شوف اختك گضت
ويه عدوانك مشت
غيبته شبت دليلي ودوّه جمره
————-
عميه عين اختك يغالي ابلايه ازنود
يمك الرايه تنوح وخالي الجود
شفتك ابعيني جسد عالغبره ممدود
والله حزن الغالي بينه مااله حدود
من شلت شال الفرح
ابگلبي كل كتر انجرح
غيبته شبت دليلي ودوّه جمره
————
#بنت_الشمري
▪️تريد اهلها▪️
في حال العليله عليها السلام
وشكواها للزهراء عليها السلام
روحي يايمه الزجيه اتريد اهلها
حملوا وابليله ظلمه وخاب املها
شالواوخلوا الجروح
والله ماظلتلي روح
حملوا وابليله ظلمه وخاب املها
————-
زهره يمه الموت والفرگه سويه
شالوا اهلي وحملوا لارض المنيه
مايردون ويرد وگتي عليه
يمه من عافوني وادموعي جريه
روحي يمه اتنادي وتنده عليهم
وين يازهره بعد يمه التگيهم
شالوا وروحي تنوح
والله ماظلتلي روح
حملوا وابليله ظلمه وخاب املها
————-
شالوا وخلوا دليلي يمه مهضوم
وادري اوداع المنيه يمه مو يوم
روحي حنت يالزچيه لذيج إلرسوم
اشلون بيّه ومن بعدهم حيلي مهدوم
يمه ياحيل اليظلي وهذا إلوداع
راحوا وكلبي بعدهم يمه إرتاع
همي ابعيني يلوح
يمه ماظلتلي روح
حملوا وابليله ظلمه وخاب املها
—————-
ابكل هوا يمه اليمرني ابعث اعتاب
وابدمعتي الدار اعاتب ليش غياب
وينهم عني مريضه ورمشي هل شاب
دار دار افتر عليهن وانشد الباب
ليش عني اهل المحنه صاروا ابعاد
والله يادار ي شلعتي لب إلفاد
ابريحهم والله تفوح
يمه ماظلتلي روح
حملوا وابليله ظلمه وخاب املها
————
جويعده عالدرب وانشد وگلبي محتار
بلچي يايمه اذكروني وودوا اخبار
بلجي حادي ايمر علّيه ايبرد النار
والله ويّه الراح اودي بلچي تذكار
انشد اعليهم واسايل هليمرون
وينهم اهل المحنه ووين إلضعون
ودمعتي هلت سفوح
يمه ماظلتلي روح
حملوا وابليله ظلمه وخاب املها
————
هذا وعد الهادي خوفي وما يردون
خاليه امن اهل المحنه اترد إلضعون
ادري لديار المنيه اهلي يرحون
وبس جثث بالبر رميه جن يظلون
وعمتي وامي خواتي اشلون بيهن
ياهو من بعد الهواشم حن عليهن
للغرب اهلي تروح
والله ماظلتلي روح
حملوا وابليله ظلمه وخاب املها
——————-
#بنت_الشمري
▪️منزل امبارك▪️
في وصول قافلة الحسين عليه السلام الى كربلاء
الكربله الليله وصلنه
منزل امبارك نزلنه
بيها بنوها خيمنه
محله رفچتكم يااهلنه
—————-
محله رفجتكم ياروحي تجلي كل هم وتبعده
احنان يولاد الزجيه گلبي شوفتكم تسعده
بنواْ اخيمنه ودليلي صاح ياحزني تهده
هذا وعد الهادي گرب الكاتِبَه ربي اشيرده
ابكربله هذا وعدنه
نحيي امر الله قصدنه
بيها حطيتوا ضعنه
محله رفجتكم يهلنه
————
عن يميني وعن شمالي الكلهم احساس ومحنه
واحد وواحد علينه يشوفنه ابجنحه ايتحنه
خدورنه تزهي معاهم كل تعب يجلونه عنه
فدوه والله الروح إلهم اسنيني بيهم والله جنه
محله كل نسمه معاهم
نور لعيوني ضواهم
ابكربله حطوا ضعنه
محله رفجتكم يهلنه
————-
يبو اسكينه دوا روحي شوفتك خويه بسلامه
ومن نزلنه الغاضريه الفرگتك بانت علامه
شوعثر مهرك يخويه وكثرت روحي الملامه
چنه ينعاك ابأسيه وابألم ظني كلامه
هاي ارض الغاضريه
بيها ادماكم جريه
لاتحطون الضعينه
محله رفچتكم يهلنه
————-
روحي نادت ياابو فاضل گبل لا انده سمعني
ايده فوگ اجتافي حطت ولملم الروح وجمعني
فدوه عباس العيونج گالها وگلبي وجعني
گتله امر الله ورضيته لكن احساسي فجعني
خاليه هالدنيا منكم
ابعيني اشاهدها جثثكم
اخلافكم ضايع خدرنه
محله رفجتكم يهلنه
————-
ابهيده بالله اعليها روحي احسين لا يبگه وشبابه
إجماله اشوف ابعيني چتله واحتمل لوعة مصابه
ابعيني اشوف الشمر صاعد عالصدر يعلن غيابه
بيده إيحز بوريده ودمه اشوفنه خضابه
وانت لاعين وجفوفك
امگطعه وضامي اعوفك
لاخدر تبكى وضعينه
محله رفجتكم يهلنه
————
#بنت_الشمري
[ *~ حال الباكي والمحب لمولاه حسين ع ماذا يطلب من الزهراء ع؟* ] 😭
*سفينة نجاتي بالـ حسين وخدمة عزاءه ومأتمه*~
*عندي رجاء وهالطلب تقبلني أمه فاطمه*~
*توقّع صحيفة خدمتي واقرا المصيبه المؤلمه*~
*عن قلبي تكشف هالحجب وبعين اشاهد كربله* ~
(يا زهراء مولاتي امسحي على قلوبنا المثقلة بالذنوب فقد جئتك بقلبي. الأسود امسحي على غشاوة عيوننا حتى نرى كربلا~)
〰️〰️〰️〰️〰️〰️
عني اكشفي حجب السواد حتى اشوف الواقعه
حتى اموت بلوعتي وعيني تشوف الفاجعه
انظر خيم شبت بنار وايتامه كلها مروّعه
وزينب عا تل الزينبي تعاين اخوها بالفله
〰️〰️〰️〰️〰️〰️
هاك امسحي مني القلب خلّه يصيبه هالجزع
وانظر امامي عالترب وراس برمح بدر وطلع
واسمع حوافر تسحقه وكل حافر بصدره طبع
ترخص اله روح المحب وكل المدامع هامله
〰️〰️〰️〰️〰️〰️
عندي طلب يا فاطمة انظر بعيني للشهيد
المشهد تشوفينه بعد مرمي على حرّ الصعيد
نحره يسيل منه الدمه ومقطّع اوداج الوريد
اتخضبّ بدم منحره ويشفع لي ابن سيد المله
*اللهم ارزقني شفاعة الحسين يوم الورود*
رايد شفاعة بالحشر
يحضرني مقطوع النحر
ساعة وفاتي وبالقبر
ويشفع لي مولاي الحسين
〰️〰️〰️〰️〰️
والدمعة درة وجوهرة
تبكي الذبيح ومنحره
تنال الشفاعه بمحضره
وتجاور حسين الشهيد😭
*اللهم ثبت لنا قدم صدق عندك مع الحسين~*
خادمة آل محمد ✍🏻
لسان حال مولاتنا الزهراء ع ترفع تدعو بتعجيل الفرج لثأر ولدها المظلوم~ لحن جاوبني يا علي للملا محمد بو. جبارة~
عجل يالمنتظر
وبسيفك الثأر
هذا المحرم هلّ
خل نبكي عالنحر
عدنا بدر وشباب
وذبايح عالتراب
ونحر حسين انذبح
وغسل النحر خضاب
خل نبچي عالذبيح
في كربله طريح
وانصاره عالترب
جريح بصف جريح
مرمي على الصعيد
مذبوح من الوريد
بصدر حافر طبع
شهيد بصف شهيد
عنده طفل انفطم
يتلوّى بالألم
ظامي وبيا ذنب
صابه بنحره السهم
الگمر عالمشرعه
چفّينه مگطّعه
انطفت عينه بسهم
واوصاله موزّعه
عجل لـكربلاء
واطلب ثار الدماء
وارفعها رايتك
وباسمه ارفع نداء (يا لثارات الحسين)
خادمة آل محمد ✍🏻
#قصيدة للهلال(تبچي فاطمة)
#من_ديوان_قُربانُ_الطف_ج٥
❥━──➸➽❥❂❥━──➸➽❥❂
من يهل عاشور تبچي فاطمه
يبچي وياها العرش وارض وسمه
❥━──➸➽❥❂❥━──➸➽❥❂
تبجي وياها الارض واهل الارض
ام حسن هاي وعزاها ينفرض
ياجفنهه اليوم مانام وغمض
ضلت تنوح وتون مانايمه
❥━──➸➽❥❂❥━──➸➽❥❂
ظلت تنوح وتدك اعله الصدر
تنادي بحسره يمحزوز النحر
تصيح عازوني عله ابني المنغدر
تحظر المجلس عله الخد لاطمه
❥━──➸➽❥❂❥━──➸➽❥❂
تحضر المجلس تجينه بكل عزه
تصيح يوليدي الرگبته امحززه
والدهر شيريد وازاها وزه
خله دنياها حزينه ومظلمه
❥━──➸➽❥❂❥━──➸➽❥❂
محزنه ومالوم من عدهه الگلب
تحظر وياكم يشيعه وتنتحب
تنادي يوليدي انحرمت امن العذب
ال اميه الماي منك تحرمه
❥━──➸➽❥❂❥━──➸➽❥❂
ال اميه اشلون يبني حاربوك
كلهم يعرفون ياهو وياهو ابوك
بالخيول الحاقده رگضو واجوك
وخلو اضلوعك كسيره امهشمه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
فرت اكبار الكوم طب ليها مسلم
.
.
صاح ابو الغيره وهجم
ابخدر زينب قسم
كفو تربات الزلم
بيها ضل يردم ردم
كل جيوش ال زياد لازم تسلم
فرت اكبار الكوم طب ليها مسلم
.
.
الله يستر من نزل
لمع بعيونه الزعل
وسطت الجيش ارتجل
الكوفه وكفت تك رجل
اليوم وينه مزوان جا وينه ملجم
فرت اكبار الكوم طب ليها مسلم
.
.
الكوفه توكف بالسره
الشبل قالع حيبره
جيش تطلب معذره
طوعه جانت تنضره
تصيح حي الله الزود بجفوفك ارجم
فرت اكبار الكوم طب ليها مسلم
.
.
وينهم اهل الكتب
صاح ابو الغيره وغضب
النار ذب ليها الحطب
شافو اليوم العجب
شنهي صاير يا ناس بس الله يعلم
فرت اكبار الكوم طب ليها مسلم
.
.
صاح وين اهل الغدر
اليوم ما منها مفر
راح يحجيها الدهر
و رفع رايات النصر
لوحه كضها فنان ضل بيها يرسم
فرت اكبار الكوم طب ليها مسلم
.
.
مثله ما صار ويصح
بلسم ايداوي الجرح
نصر من الله فتح
سيف ميهاب و رمح
سكتت بذاك اليوم محد تكلم
فرت اكبار الكوم طب ليها مسلم
.
.
حسن صالح العيساوي
شافت الراس اوبجت شافته وأتألمت
على ابوهه دنكت رقيه رقيه
حضنته واتشاهدت والمنيه كربت
هسه بس ذكرى بقت رقيه رقيه~~~
صعب حيل اتشوف راس ابلا جسد
والمصيبه راس ابوهه اتشوفه
طفله هيه اشلون تبقه ابلا ابو
حضنت الراس اوبعد متعوفه
حب رقيه يختلف عن البشر
تموت وي حسين شو ملهوفه
من رقيه اخذوحب شنوتحمل من كلب
صارت ابموقف صعب رقيه رقيه~~~
راس ابوهه حسين مايشفه ابدمع
حتى لو تعمه عليه اعيونهه
والعمه اعيونه على الميت جنون
جارقيه هسه شتسمونهه
هيه مجنونه أبأبوهه او مستحيل
عن ابوهه لحضه ميبعدونهه
اتعدى مرحلة الجنون شوبه اذاتفدي العيون
لو تكن أو ماتكون رقيه رقيه~~~
عله الميت لا ابد محد يموت
يوم يومين وبعد ينسونه
بس رقيه السوته كلش عظيم
المثل هذا غيرت قانونه
سوت الماصار في كل السنين
ومستحيل السوته يقلدونه
السوته ميصير ابد اشما يمربينه الامد
العالم ابحبهه شهد رقيه رقيه~~~
حقها اذا ماتت رقيه اعله الحسين
حسين ابوها مو مثل كل والد
حسين واحد للابد ماله اربعين
يسوه كل الكون هذا الواحد
وبجمال حسين تحتار العيون
وباقي بالتاريخ ذكره الخالد
حسين ايه للجمال مايجي مثله محال
حسين دللها دلال رقيه رقيه~~~
راس ابوها حسين شافت بالطشت
حظنت الراس وبعد ما گامت
بدون ابوها حسين لحضه ماتعيش
بقت حاظنته رقيه وماتت
رادو يوصفون موقفها أبكلام
وبوصفها الدنيا كلها احتارت
ماتت وماعافته للمنيه لحگته
شي عجيب السوته رقيه رقيه~~~
لخادم اهل البيت عليهم السلام
حسن عامر الزيادي
⬛️◾️القصيدة_2_◾️⬛️
ومر َّعليها الانبياء ُ وطـٰه ٰ
وكل ٌ لُهُ سَبق ٌ بلَثم ِ ثرآها
وها هوَ جبريلٌ أتىٰ بتُرابِها
وسَلّمَهُ للمصطفىٰ فبَكاها
وقصَّ لهُ مما سيجري لسبطِه ِ
مع الصَحبِ فيها وانسفاكِ دماها
وعن كربلآ المختارُ حدّثَ فاطماً
وما سوفَ يلقآهُ الحسين ُ أراها
وكم هالَهُ ذاكَ الحديثُ وحينَها
لزوجتِهِ والمسلمينَ رواها
لتُودِعَها قارورةً عندَ بيتِها
وتبقىٰ لِـعآشورآءَ يومَ عزآها
وأما أميرُ المؤمنينَ فزارَها
ومن عينِه ِدمعَ الحنينِ سقاها
إلىٰ أن أتىٰ شهرُ المحرم ِ والعدا
أحاطَت حسيناً منذُ يومِ وَطاها
وفي ثانيّ ِالأيام ِينزِلُها وقد
تفَقَّدَ ما فيها بوسطِ رُباها
عليماً بها مُذ صاحَ أُقتَلُ هاهُنا
شهيداً كآيآتِ الكتاب تلاها
وأهلي وأنصاري سيُقتَلُ كُلُهُم
ومنحرُ طفلي منهُ بلَّ شفاه ا
وأما نسآئي حآئراتٌ حوآسرٌ
ويُحرِقُ جيشُ الظالمينَ خِباها
وزينب ُ إذ تدري بكلِّ ِ مصيبة ٍ
لواعِجُها هاجَت وزادَ شَجاها
لها كل ُشيءٍ ينحَني عندَ نَعيِّـِها
وتبكي عليها الأرض ُ ثمَّ سماها
#سمير_الصالحي
#كربلاء_القداسة
🏴 بحر طويل
🏴 علماً أنها تقرأ بالفائزي أو البحراني أو القطيفي ... أو النعي الإعتيادي
طب الظعن للطف وانه
مشدوهة البال
والحادي عباس النفل
يبره للعيال
بثاني محرم من
دخلنه الغاضريات
وحسين والينه
يسولف بالعلامات
هنا كل مصايبنه
تصير ويه الظلامات
وهنا يذبَحوني
ويذبَحون وياي الأطفال
زينب واخيچ يضربونه
بسهم بالعين
عباس ويگطعون
من جسمه الزندين
وعگبه وعگبي تنسبين
ويه النساوين
وچني أشوفچ چاتفينچ
فوك الجمال
وجسمي يظل مطروح
تسحگ فوگه الخيل
وبلچن تزوريني يزينب
لو يجي الليل
أوصيچ انه بالعايله
وكل المداليل
لمن سمعت اوصيته
مني الدمع سال
چنت بدلال مخدره
محشومه وأميره
بجال اخوتي الفرسان
أهلي والعشيره
واليوم انه وسط الغرب
ويلي وأسيره
راحت أيامي وعزوتي
وتبدل الحال
گبالي أشوف رماح
تحمل روس الحيود
من نبچي يولونه بشتم
وتضربنه الجنود
تمنيت وبهذا الوضع
عباس موجود
لاچن حسافه الكل گضه
وماظل لنا رجال
#سمير_الصالحي
#النجف_الأشرف
السلام على سفير الحسين/ع/وآمسلما
هاليله نتعنه٠٠للكوفه وابونه٠٠لمسلم نكصده
انقيم العزه ابصحنه٠٠واحنه الخدم احنه
لمسلم نكصده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
اجينه بلوعه وبونه شديده
نواسي فاطمة انعزي الصميده
مصاب الطيب انذكره ونعيده
وصرخنه امن الكلب يابوحميده
باقي العزه ودايم٠٠وانسمع الوادم٠٠العايل نرده
انتبعه ابفخر كلنه٠٠واحنه الخدم احنه
لمسلم نكصده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
سفير حسين معروف ابثباته
وصفات المرتضى الطيبه صفاته
ولا خالف امامه ابكل حياته
وحضه ابكل الشرف ساعة وفاته
قاتل قتال اشوس٠٠راية كفر نكس٠٠بالكوفه وحده
اشنحجي بعد عنه٠٠واحنه الخدم احنه
لمسلم نكصده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
لون بالكوفه موجودين يمه
نضحي ابدمنه حته انصون دمه
ابضمايرنة انكتب للموت اسمه
واجينه ابدمعه يمه وعدنه جلمه
انكله احنه خدامك٠٠ماننسه آلامك٠٠لا والنعبده
تقبلنه نتمنه٠٠واحنه الخدم احنه
لمسلم نكصده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
وصل ذاك الجمع وبعينة شافه
بشر همهة المصالح والخلافة
بدل طبع الوفه واصل الضيافه
انغدر بالكوفه مسلم يا وسافه
ناس اشكثر صلت٠٠خلفه ولجن ظلت٠٠متحشده ضده
منهم كطع ظنه٠٠واحنه الخدم احنه
لمسلم نكصده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
اميره حسين ما بدل اميره
وعرف باليحصل ويدري ابمصيره
وصلهه الكوفه ما بطل مسيره
رغم جانت مخاطرهه جبيره
فارس مشه ابزوده٠٠ما اخلف اوعوده٠٠وبصبره عده
خافت زلم منه٠٠واحنه الخدم احنه
لمسلم نكصده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي
يوميه افز والگه الدموع بعيني وين الولد يادنيه تعبتيني
وكت الغروب اشتاگ ما بيه حيل افراگ
*****
ها يدنيه وين صارو حيل مشتاگه الهم وتعبني الغياب
الفرگه صعبه والتحبه تظل كل عمرك الجيته لازم الباب
الغالي بسرعه ليش ايروح وهو الغالي شيعوضه
سنيني وذكرته من راح وراه ركضن فرد ركضه
وصحت من ضعنه صار ابعيد ريض بالضعن لحظه
طحت من ماوگفلي حسين وبعد مابيه كل نهضه
ارجع اصيح ودمعتي بعيوني وياكم ييمه ليش ماخذتوني
گلبي عليكم طاگ ما بيه حيل افراگ
*
ها يدنيه شلون بيه گرب موتي وماكو واحد من بنيني
فارگوني وما اجوني راح اموت وياهو اليغمض لي عيني
يدنيه الام حلمها ايصير عدها اولاد ترعاها
مثل ما ربة وتعبت وسهرت ليل عيناها
يباروها ويجازوها لحد الموت برباها
وهاي ام البنين اتموت محد ليش حضراها
ها يلولد عالدرب درت عيوني الموت اجاني وانتو ما جيتوني
من الفرگه صدري ضاگ ما بيه حيل افرگ
****
ها يولدي راح اموتن واليموت بطبعه تلتم يمه الاعزاز
الليله وحدي ويمه صعبه من اموتن ياهو يمشي بنعشي جناز
الجنازه تريد يمه اجتاف وتريد اولاد تحملها
والماعدها يمه اولاد من اتموت ياهو الها
وياهو ايغمض الها العين ويجفنها ويغسلها
الجنازه الما وراها اصياح وحشه وهاي شيحلها
ام البنين ورايده تحضروني يمه وبديكم رايده ادفنوني
دمع الحزن حراگ ما بيه حيل افراگ
**
يمه اجيتج وهسه حاير اشلون اشيل اجنازتج ماعندي جفين
راح اخبرج طاح جودي وطاحت الرايه وسهم صوبني بالعين
طحت متگطعه اجفوفي وحسين انكسر ظهره
بوجهي استقبليت الگاع ويمه اضلوعي متكسره
اجاني وما عرفته حسين عزيز الطاهره الزهره
من شافاني صاح بصوت اخوي وخنگته العبره
وبحجره حط راسي وبده يحاجيني عباس ليش الوحدي تخليني
جفينك عله الراگ وما بيه حيل افراگ
*
حسين يمج وحيل حاير شلون اشيعنج ييمه وراسي مگطوع
ضامي يمه انحز وريدي وراسي ظل اهواي فوگ الرمح مرفوع
صوبني السهم بحشاي وطلع يايمه من ظهري
طحت فوگ الترب عطشان وشمر ظل يگطع بنحري
اجتني الخيل آه يالخيل گامت تسحگ بصدري
الحوافر طحنت اضلوعي ودمي عله الثره يجري
خيل وزلم دارت ييمه عليه هذا اليسلب ذاك يطعن بيه
ومحبسي من ايدي انباگ ما بيه حيل افراگ
***
تمت
ميثم العمري
قصيده للامام الحسين ع بوزن الدارمي
من بحرالمجتث مستفعلن فعلان مستفعلاتن
شفت الولي مذبوح وبعيني شفته
وبااخر الانفاس واسمعها ونته
بسهم المثلث آه مصيوبه جبدي
شفت الجرح وغميج بالكلب يدي
جني سمعته يكول للخيمه ردي
ياخويه ردي ام عون كلي سمعته
يومه جبير حسين زودلي همي
ميته لون وياه ولاشفته مغمي
بترابه حرالكاع ظل جسمه مرمي
سحكت سحك الخيول داستهاجثته
ركضت عليه وتجول سحكنها عمده
فزعت عليه عداه تظربني بعده
كونه عدل هاليوم من عندي رده
ينهظ اليه حسين موش انه اخته
وعياله طشت هيج محد يحامي
والخيمه شبت نار كل جسمه دامي
ميت عطش لهفان ظل كلبه ظامي
مفطوره خوي حسين ذبلانه شفته
حمل ظعنه بالليل بالغربه تالي
ابجي واون عالنوك وبدمع هالي
بحر الظهيره رياح والهوه عالي
يرد العدو الفزاع من عندي ردته
خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الاثنين/2024/5/20
١١ذوالعقده سنة هجري ١٤٤٥ نسالكم
الدعاءلي ولوالدي🙏🙏 اللهم عجل
لوليك الفرج 🙏🙏
ننخاك يارب الســمه ياربي حُسن الخاتمه
عطفك نريدة بالــــقيامة علينا
تشـــــهد ادينة باچر ورجلينا
ياربي حُسن الخاتمة
------------------------------------------------
بالدنيا لازم نســــتعد هاي الحـــياة دار الممر
ونبنـيها دار الآخــرة الآخــرة دار المــــــــقر
نشيدها لازم بالعـمل ونجـنب اِلنار وســــــقر
انوالي النبي وعترته همه الامان من الخطر
(بالآخرة حيدر سنــــد فاز الذي بيه اعتقد)
يسألنا عنهم بالحشر بارينا
تشهد ادينة باچر ورجليــنا
------------------------------------------------
منصوبة باچر محكمة والقاضي رب المغــــفرة
زغيرة وچبيرة تنسأل ما تنــــــــفعك اي معــذرة
الشاهد ايدك بالحــشر تحچي عليك شـــما جرة
خلها تشــــارك بالعـزة تنـفع ابيــوم الآخــــرة
(مادام ايدك لاطــمة حسين يحظر خادمة)
هاي المجالس من شعائر دينا
تشـــــهد ادينا باچر ورجلـينا
------------------------------------------------
الشــــاهد الثاني شــــهد يحچيها كل نكَلة جــدم
هنيالة كل الي ســـــعه بالخير بالمحــشر ســــلم
رجليك تشهد بالصدكَ يم ربك وكل شــــي علم
تحظر مجالس تشترك محسوبة خلها ويالخدم
(علمها تمشي لكربلة تشهد شهادة فاضلة)
تخبر الباري بكل درب ماشينا
تشــــــهد ادينا باچــــــر ورجلــينا
------------------------------------------------
العين باچر تعـــــترف والباري كَاعد يستمع
كل نظرة منك تنــكتب ومســجله وبأي وضع
انچانت حرام مســترة لو نضره بيها تنــــــتفع
احسن شهادة تنفــــعك بالماتم اتصب الدمــع
(لحسين عينه النايحة ابيوم القيامة رابحة)
تكَلة الهي شكَد دمع صبينا
تشهد ادينا باچر ورجليــنا
------------------------------------------------
شكَد تسمع آذانك حچي غيبة ونميمة لو دجل
تشهد عليك ابمحنــــتك يم العــــلي عز وجل
اســــــمع كلام الينـفعك واحفظها جدمك لاتزل
احظر مجالس واسـتمع بآل النبي شنهي حصل
(اسمع مصاب ال النبي وكلها اسمعي اتهذبي)
اسمع مصيبة كربله وحسينا
تشــــهد ادينا باچر ورجلــــينا
------------------------------------------------
الدور للــــــــسانك اجه يحــــچي حياتك كاملة
كل چلمة منك تنــــذكر تلـكَاها غاد مســــجلة
ميفيد نكران الـــحچي وعليه شــــاهد من هلة
علمه يسولف منفعــــة وحب الحسين ايرتلة
(وياك دنيا واخــــــرة يحسين حبك مفخرة)
يوم القيامة ندري ما ناسينا
تشــــــهد ادينا باچر ورجــــلينا
------------------------------------------------
أسألكم الدعاء رائــــــــد الاسدي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
▪️ارتجت الحومه▪️
في شجاعة ابو الفضل العباس عليه السلام
طور القصيده:
https://youtube.com/watch?v=rhZ4PwP2bxg&feature=sharea
عباس طب ارتجت الحومه
علي الصميده وگام من نومه
نزل للحومه ابو فاضل راعي إلِفروسيه
من علي ماخذها والله شمرة الحربيه
يحصد الروس بيمينه والجثث مرميه
والله خلاها ابدماهم كربله مسگيه
عوّدها حيدر ابنه اعلومه
علي الصميده وگام من نومه
———-
شايل السيف ابيمينه ومهرته تتباها
والله ماتندل دربها هالزلم خلاها
هذا روّاي الطفوف وبالدما روّاها
اشلون عملات الصميده ابكربله سواها
عباس ندري سبع من يومه
علي الصميده وگام من نومه
—————
هذا فرّاس الحرايب كلها فن حملاته
صوّل اعليها العساكر واتعرف صولاته
غدت تتشارد زلمها اتطيح من خزراته
اتصيح يا ستار حيدر هاي بس ضرباته
خله العساكر كلها مندومه
علي الصميده وگام من نومه
—————
ثوّر اغبار الحريبه بسيفه غيّر لونه
گلب يمناها بيسار وكلها تطلب عونه
اتباهت ابزوده الهواشم سوى غير ابكونه
اجموعها التمت عليه اصفوف ميگدرونه
روس ابيمينه كلها مجسومه
علي الصميده وگام من نومه
—————
هوّسد وسور اخيّه والكشفله اكروبه
سيف بيْمينه ويساره والرمح بحروبه
صارت ابسيف ابوفاضل كربله مگلوبه
جنه ملك الموت مجبل شرْدت ومرعوبه
اگباله العساكر كلها مهزومه
علي الصميده وگام من نومه
————-
#بنت_الشمري
▪️عم الساده▪️
في شجاعة ابو الفضل عليه السلام
عم الساده طب ارتجت الحومه
عباس اتحجي هالليله اعلومه
————
صاح ابنج يبدويه تلگاهم
لعيون الزچيه كلهم افناهم
تتشارد زلم واخيول خلاهم
فراس الحرايب ندري من يومه
(يگلب سافلها بعاليها )
———-
ما تندل دربها الزلم خلاها
وقاعج يالطفوف ابدِمَا روّاها
عملات الصميده علي سواها
حيدر گام گالوا والله من نومه
(حملاتك حيدر سوّاها)
————
صوّل عالاعادي جنه ارعيده
مرعوبه تصيح ابشيلته ايده
يهجم وايتباهى ابزوده اعضيده
روّاي العطاشه وكاشف اهمومه
(اعضيده وكشاف اكروبه)
————
ثار اغبارها من صوّل اعليهم
يگطع روسهم وايثني بيديهم
عازم للعطاشه اليوم يرويهم
يكشفها الشريعه البيش ملزومه
(بالعين وچفه يشريها)
———-
#بنت_الشمري
#فزاعيه
في الوصول الى كربلاء
الكربله الليله وصلنه
ولاحت اعلوم المنيه
————
يمه زهره اشلون حالي
انشده من جينه بالي
يروح ياعزي ودلالي
وروحي راحت هلمسيه
————
عثر مهر احسين يمه
وسولف الدلاّل همه
قلبي بس الضيم سهمه
زهره يمه اشلون بيّه
———-
يرسم احسين المصارع
هنا نلاكيها الفواجع
زادت اعليه المواجع
والحزن اگبل عليّه
————
روحي من طبينه راحت
زهره يمه ومااستراحت
اشلون بيّه روحي ناحت
افگد اخواني سويه
———-
يمه ليله اشلون ليله
حزني شد اعليّه حيله
من نزلنه ودمعي اسيله
آه يا روحي الچويه
———
انظر اخواني عرايا
عالنهر ناموا ضمايا
آه ياعظم الرزايا
جثث مسلوبه ورميه
———
#بنت_الشمري
الدنيا تاخذني واردلك وامن ارد تبدي حياتي
اني من ادخل ضريحك احيا من سكرة مماتي
و آبوصالك امنياتي و آبوصالك امنياتي
.......
من جديد انفاسي ترجع ترجع ابروحي الحياة
والله من ادخل ضريحك يحيه واهس بيه مات
كلشي بيه اعليك هايم حبك امن المعجزات
لو فرضنه العشك قبله لازم انفرضك صلاة
اني لو لحظه نسيتك انسه واتذكرك دموعي
امن الأمام امشي لحظرتك ولحظرتك هم رجوعي
يا ملك اربع جهاتي و آبوصالك امنياتي
.....
عطشن اعيوني اعله شوفك وانه بيامي العجاف
لاكو جلمه اتجيني منك لا كو طيف اعليه طاف
لاشمس وجهك شفتها ومن ليالي الفركه اخاف
انه واحد كلبه يمك واعله حُبك كلشي عاف
انه البكلشي اشوفك وانت البكلشي شفتني
رغما ابّعد المسافه سولفتلك جاوبتني
انت حيني وذكرياتي و آبوصالك امنياتي
....
شاعريتي البيها اشوفك ما اشوفك بالعيون
يالمحبتك كل كياني وبيها يامحلى الجنون
انه فنان ابمحبتك مبدع ابكل الفنون
شاعر و زاير ضريحك واحلى لو خادم اكون
يالرضا بس عني ارضه وخل تزاعلني دنيتي
الهوه الما مر ضريحك مايمر نسمه اعله ريتي
صابر ويصرخ سُكاتي و آبوصالك امنياتي
...
عايش ابروحي حنينك ياكل ابروحي الهيام
عندي بس جلمة احبك هو شغله امن الغرام
واشكبر بخته الوصلك والله محسود الحمام
شما احبك حُبك اكبر سيدي اعليك السلام
عشكي الك موشي طبيعي كلشي بيه انت الاخذته
هذا ياحب بي اوصفك شلون اوَّصف شي جهلته
ياشرط صومي وصلاتي و آبوصالك امنياتي
......
انه مشتاك الدموعي التنزل اكبال الضريح
لمن انضر للمناره واسمع اذانك يصيح
يا ابو محمد دخيلك جلمه اكوم وجلمه اطيح
هذا شوكك هد كياني وانه بفراكك جريج
من يمر اعليه اسمك ابجيي من بُعدك دخيلك
امن المسافات اشتكيلك بس اعاندها واجيلك
ياعطش يبس لهاتي و آبوصالك امنياتي
.....
انتظر كل ليله منك تأذن ابجلمة تعال
حته احط جرحي اعله جرحي وابتدي بدرب الوصال
انه من ادخل ضريحك جن طفل شابع دلال
كلشي اريده اتكلي اخذه وتنطي كلشي ابلا سؤال
انت غير الحسن جدك يعني ايدك تشبه ايده
واليدك بابك تكله هاك اخذ كل التريده
هذي منك خيراتي و آبوصالك امنياتي
...زهير الابراهيمي
مذبوح شفت اوليدي وبالغربه راح من ايدي
ابجي الشبابه وعمره وتلجمني حيل الذكره
***
ضيعت بالغربه ابني وصارت ايامي عذاب
اذكر آخر مره اليه شفته نايم عالتراب
يمه اذكريني يگلي من تمر زفة شباب
من العرس محروم يمه وحنتي دم الخضاب
طفو اشموعي وعمري ويايمه گطعو نحري
ابگلبي ظلت حسره وتلجمني حيل الذكره
****
انتي مو مثلي يهاجر ماصبرتي عله الجرح
آنه ابني أكبال عيني شفته بالطف ينذبح
اتتي ردلج سالم ابنج وابني راسه عله الرمح
وجلمة اليمه افگدتها شحت وما ضن تصح
من الولد حرموني وما نشف دمع اعيوني
عفت الولد عالغبره وتلجمني حيل الذكره
**
مني احله سنين راحت والربه وذاك السهر
بعد ما يرجع اليه وعالولد ظهري انكسر
لاهو غايب حتى انطره وانتظر منه خبر
ابني بالطف راح مني وشفته مگطوع النحر
عرس ابني صار امصابه والحنه دم اخضابه
عالترب عيني اتنظره وتلجمني حيل الذكره
***
حلم كل ام ولد عدها ايصير عون الها وسند
ومثل ما تعبت وسهرت يتعب عليها الولد
آنه ابني عمد بيتي وطاح مذبوح العمد
صحت روحي عگب جاسم شني ظلتها بعد
غمضت اوليدي عيونه وماريد اعيش ابدونه
گمت اختنك بالعبره وتلجمني حيل الذكره
**
حسرتي عله ابني وشبابه الما تهنه بدنيته
وما تهنه بعرس جاسم ولا علگها شمعته
كلشي ماشاف بحياته ونحرم من زفته
زغير مات اوليدي ونظر سابح بدم رگبته
بعمر الورد راح ابني وفگده شكثر شيبني
الموت بعده انتظره وتلجمني حيل الذكره
****
يمه وينك تعب گلبي وحيل تعبني الهجر
ردتك الايام شيبي ويبني ردتك للكبر
يمه مابيه عله فگدك الياوكت گلي انتظر
ارجع وخليني اشوفك شباقي بي يمه العمر
ارحمني يبني الغالي افراگك شسوه بحالي
امنيتي اشوفك مره وتلجمني حيل الذكره
***
تمت
ميثم العمري
*قصيدة للعليله "عليلة وتيهوني"*
*((من ديوان مسير الفواطم لارض المظالم ج١))*
❥━──➸➽❥❂❥━──➸➽❥❂
*عليله وتيهوني وبس تهمل عيوني*
*خلوني نحيله ... ودمع العين اسيله*
*وما اضنهم يجوني عليله وتيهوني*
❥━──➸➽❥❂❥━──➸➽❥❂
عليله واتركوني ودمع العين سچاب
مهظومه وحزينه واناطر جية الاحباب
أتاني بعتبه الباب يردولي الغياب
أتاني عزاز گلبي ... رجعهم يربي
*ما اضنهم يردون ... الي ويفرحوني*
❥━──➸➽❥❂❥━──➸➽❥❂
ما اضنهم يردون عليه أهلي الغوالي
مريضه والهظم زاد وحال الضيم حالي
ما يدرون بيه وبالصار وجرالي
يهل دمعي اعله الاخدود ... صرت من الحزن عود
*كثرت علي الاحزان ... وما غمضت جفوني*
❥━──➸➽❥❂❥━──➸➽❥❂
ما غمضت جفوني ولا هودت عيني
ليلي انه ونهاري اگضيه بونيني
أودي بيد الاطيور مرسالي وحنيني
أودي بيده الأشواك ...نار الفرگه حراك
*ابچي بحرگه واهات ... الدمع جرح عيوني*
❥━──➸➽❥❂❥━──➸➽❥❂
الدمع جرحلي العيون وما هودت ساعه
صعب والله يهالناس الغالي وداعه
وأنه مودعه أحبابي الگلب زادت اوجاعه
زادت علي الاوجاع ... بيوم الصار الوداع
*يوم الودعتهم ... شالو فارگوني*
❥━──➸➽❥❂❥━──➸➽❥❂
يوسفه فارگوني وعني شالو بعيد
گلبي من بعدهم شنهو يصبره ويهيد
الدنيه وياي مره زماني مني شيريد
الدنيه عذبتني ... من اعزازي احرمتني
*حرمتني من الاعزاز ... بعد ما اضن يجوني*
❥━──➸➽❥❂❥━──➸➽❥❂
*بقلم ✍🏻 شاعرة اهل البيت*
*العلوية مريم النور*
*نسألكم الدعاء الفاتحه إلى روح اختي وﻷمواتكم:🍃*
شوفة وجهك يالوفاي٠٠٠وعيونك اغله امن الماي
ماقارن لا ماينقاس٠٠٠ الماي اشويه امن العباس
وعيونك اغله امن الماي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
عباس اذا اسمك حضر تطلع اكبالي اشكد صور
كلما ضميت لشوفتك الكاك يالكافل نهر
غصن الوفه ابجودك كبر يالغيرتك مزنة مطر
هذا الحجيته ابحضرتك يابالفضل كطره ابحر
عن عيوني اشلون تغيب٠٠بفراكك ياجرح ايطيب
ماتعلم بالمخفي الناس٠٠٠الماي اشويه امن العباس
وعيونك اغله امن الماي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
وينك يشيال اللوه من وجهك ارد آخذ ضوه
ويالجنك الماي العذب صديتلك كلبي ارتوه
انته الأمان ابنينوى وسر مخفي يم الله انطوه
يالما يصح مثلك اخو عباس اشمنك هوه
يامحله ايامي الوياك٠٠٠٠ زينب كل ساعة ابطرواك
واتصيح بلهفة الانفاس٠٠٠الماي اشويه امن العباس
وعيونك اغله امن الماي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
هالدنيا من غيرك عدم ماتسوه ياراعي الشيم
لو ما وجودك ما بقت تنعاش لا بيها قيم
دين الله حاميته وسلم امن اهل الضلاله والوهم
ابمجهودك الحك انتصر عالباطل وشفته انهزم
يالسيفك يتجادح نار٠٠٠٠٠٠صولاتك مثل الكرار
ابصوتك جفلت الارجاس٠٠٠الماي اشويه امن العباس
وعيونك اغله امن الماي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
يابالفضل لا تبتعد خافن تروح وما ترد
خليك ما بين الخيم حته اطمأن كلما اصد
آنه ادري يمي ومستعد لكن صعب من تنفكد
عطر الاخوه ابكل نفس اشتمه ياتل الورد
يالعايش خويه بهالعين٠٠٠٠لا تمشي ومتعني الوين
مني اسمع ياراعي الباس٠٠٠الماي اشويه امن العباس
وعيونك اغله امن الماي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
خويه ابرحيلك انفجع خنياب عيني ايصب دمع
شمات يمي وتنتظر لونين زينب ينسمع
ماي النهر خل ينكطع واعليه اقبل ينمنع
بس لو بطيت وما تجي بهاي اصفن وما اقتنع
من توكع فوك التربان ٠٠٠٠٠ تشمت بيه العدوان
ناديت ابكلبي الحساس٠٠ الماي اشويه امن العباس
وعيونك اغله امن الماي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي
سماحة العلامة المحقق الشيخ علي الكوراني العاملي رضوان الله عليه
- ولد في بلدة ياطر (جبل عامل) جنوب لبنان ، سنة : 1944 م ، و والده المرحوم الحاج محمد قاسم كوراني من وجهاء ياطر المحبين للعلماء .
- تعلم القراءة و الكتابة و القرآن في كتاتيب القرية ثم دخل المدرسة الرسمية في ياطر ثم بيروت .
- بدأ بالدراسة الحوزوية في جبل عامل في سن مبكرة بتشجيع آية الله السيد عبد الحسين شرف الدين قدّس سرّه ، ولم يكن في لبنان حوزة علمية فهيأ له أستاذاً خاصاً هو آية الله الشيخ ابراهيم سليمان ، فدرس عنده في قرية البياض نحو ثلاث سنوات النحو و الصرف و المنطق و المعاني و البيان و الفقه الى شرح اللمعة .
- هاجر لطلب العلم الى النجف الأشرف سنة : 1958م .
- حضر بحث الخارج مدة عند المرجع السيد الخوئي قدّس سرّه . ثم عند الشهيد السيد محمد باقر الصدر قدّس سرّه، و كان من طلبته المقربين .
- كانت له مشاركات في نشاطات المرجعية ومقاومة موجة الشيوعية ، و أرسله المرجع الراحل السيد محسن الحكيم قدّس سرّه من سنة 1963 ميلادية، مبعوثاً في أشهر التعطيل و المناسبات الدينية الى مدينة الخالص في محافظة ديالى، و كان له نشاط مؤثر في المنطقة .
- في سنة 1967م أوفده المرجع السيد محسن الحكيم قدّس سرّه الى الكويت بصفة وكيلاً عاماً للمرجعية، فقام بنشاط تبليغي واسع و ربى جيلاً متديناً من شباب الكويت ، و بعد وفاة السيد الحكيم سنة 1970 م ، اعتمده السيد الخوئي قدّس سرّه وكيلاً عاماً في الكويت بنفس الصفة .
- عاد الى لبنان سنة 1974، فعمل في التوعية و التبليغ و التأليف .
- أسس بعض المشاريع الاجتماعية في بيروت منها مسجد الرسول الأعظم ومستشفى الرسول الأعظم صلی الله عليه وآله .
- سكن بعد انتصار الثورة الاسلامية الايرانية في حوزة قم المشرفة، و عمل في التأليف و التدريس، و أسس برعاية المرجع السيد الكلبايكاني قدّس سرّه مركز المعجم الفقهي،الذي أصدر برنامج المعجم الفقهي في ثلاثة آلاف مجلد ، و قد تم تطويره أخيراً فبلغ 7000 مجلداً باسم ( مكتبة أهل البيت عليهم السلام ) .
- أسس برعاية المرجع السيد السيستاني مد ظلّه، مركز المصطفى للدراسات الاسلامية، فأصدر سلسلة العقائد الاسلامية المقارنة، خمس مجلدات، و بعض الكتب الأخرى، و أصدر برنامج المعجم العقائدي في 700 مجلد من مصادر العقائد و نحو ألفين من موضوعات العقائد.. و قد أدمج أخيراً في (مكتبة أهل البيت عليهم السلام).
- تخصص في الرد على الشبهات و الاجابة على الأسئلة العقائدية و المناظرات الدينية.
- واصل عمله في التأليف و التدريس في حوزة قم العلمية، و له مشاركات في مجلات البحوث ، و في إذاعة و تلفزيون الجمهورية الإسلامية العربي ، و غيره من القنوات الفضائية .
له مؤلفات عديدة منها :
- عصر الظهور.
- السيرة النبوية عند أهل البيت .
- معجم أحاديث الإمام المهديّ عليه السلام في خمس مجلدات .
- تدوين القرآن .
- آيات الغدير .
- الوهابية و التوحيد .
- الحق المبين في معرفة المعصومين.
- ومؤلفات أخرى.
موشح لمصرع الأمام الحسين عليه السلام (وين راس حسين)
وين راس حسين وين ضلوعه
الله واكبر صاحت المفجوعه
راس ابو السجاد ماهو وخنصره
جوه الخيول الضلوع امطشره
وين ابو الحسنين وامي الطاهره
خل يشوفون العده مجموعه
وين راس حسين وين اضلوعه
خل يشوفون الشماته امجمعه
خل يشوفون الفواطم ضايعه
خل يشوفون الجنازه امگطعه
والجروح امكشفه وموجوعه
وين راس حسين وين اضلوعه
ضلت اجروح الغريب امكشفه
النار شبت والفواطم خايفه
عيني مشبوحه عله ازنود الوفه
عالشريعه امطرحه ومگطوعه
وين راس حسين وين اضلوعه
عالشريعه اچفوف اخوي امطرحه
عيني ماينشف دمعهه وشابحه
وين اروحن وين اسوي الفاتحه
والمناحه واللطم ممنوعه
وين راس حسين وين اضلوعه
منعو اعليه المناحه واللطم
گلبي يحمل يامصيبه ياهضم
ضل علي السجاد بس جلد وعظم
من يباوعلي تهمل ادموعه
وين راس حسين وين اضلوعه
بس يباوعلي تخنگه عبرته
امچتف اوجعان صعبه حالته
من يتچيله وضحايه خوته
اگباله جابو روسهم مرفوعه
وين راس حسين وين اضلوعه
جابو العدوان روس اعله الرماح
مايعن گلبي ولاساعه استراح
ضل علي السجاد مكسور الجناح
والسلاسل عالضهر مطبوعه
وين راس حسين وين اضلوعه
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر